കൊച്ചി: ​ഗോകുലം ​ഗോപാലനെ ആറുമണിക്കൂർ നീണ്ട ചോദ്യം ചെയ്യലിനൊടുവിൽ ഇഡി വിട്ടയച്ചു. കൊച്ചി ഇഡി ഓഫീസിൽ വച്ചായിരുന്നു ചോദ്യം ചെയ്യൽ. അവർക്ക് സംശയം തോന്നിയതിനാൽ അവർ ചോദ്യങ്ങൾ ചോദിച്ചു. അതിനുള്ള അധികാരം അവർക്കുണ്ട്. താൻ മറുപടിയും നൽകിയിട്ടുണ്ട്. അത് തന്റെ ഉത്തരവാദിത്വമാണെന്നും ഗോകുലം ​ഗോപാലൻ ചോദ്യം ചെയ്യലിന് ശേഷം മാധ്യമങ്ങളോട് പ്രതികരിച്ചു. അതേസമയം എന്ത് വിഷയത്തിന്മേലാണ് ചോദ്യംചെയ്യലെന്ന് അദ്ദേഹം വ്യക്തമാക്കിയില്ല.
കഴിഞ്ഞ ദിവസവും കോഴിക്കോട്ടെ ഗോകുലത്തിന്റെ കോർപറേറ്റ് ഓഫീസിൽ ഇ.ഡി. കൊച്ചി യൂണിറ്റ് ഗോകുലം ​ഗോപാലനെ ചോദ്യം ചെയ്തിരുന്നു. കൂടാതെ ചെന്നൈ കോടമ്പാക്കത്തെ ഗോകുലം ചിറ്റ്‌സ് ആന്റ് ഫിനാൻസിലും കോഴിക്കോട് അരയിടത്തുപാലത്തെ ഗോകുലം ഗ്രാന്റ് കോർപറേറ്റ് ഓഫീസിലും അധികൃതർ പരിശോധന നടത്തുകയും ചെയ്തിരുന്നു.

ആറുമണിക്കൂർ നീണ്ട ചോദ്യം ചെയ്യലിനൊടുവിൽ ഗോകുലം ​ഗോപാലനെ ഇഡി വിട്ടയച്ചു

Kerala

ആറുമണിക്കൂർ നീണ്ട ചോദ്യം ചെയ്യലിനൊടുവിൽ ഗോകുലം ​ഗോപാലനെ ഇ.ഡി വിട്ടയച്ചു

കൊച്ചി: പെരുമ്പാവൂർ സ്വദേശിയായ യുവതി മലപ്പുറത്തെ വാടകവീട്ടിൽ പ്രസവത്തിനിടെ മരിച്ച സംഭവത്തിൽ പോസ്റ്റ്‌മോർട്ടം റിപ്പോർട്ട് പുറത്ത്. അഞ്ചാം പ്രസവത്തിൽ 35കാരിയായ അസ്‌മ മരിച്ചത് രക്തം വാർന്നാണെന്ന് കണ്ടെത്തി. പ്രസവശേഷം മതിയായ പരിചരണം നൽകിയിരുന്നുവെങ്കിൽ മരണം സംഭവിക്കില്ലായിരുന്നുവെന്നും പോസ്റ്റ്‌മോർട്ടത്തിൽ കണ്ടെത്തി. പ്രസവശേഷം മതിയായ പരിചരണം നൽകിയിരുന്നുവെങ്കിൽ മരണം സംഭവിക്കില്ലായിരുന്നുവെന്നും റിപ്പോർട്ടിൽ പറയുന്നു. പോസ്റ്റ്‌മോർട്ടം റിപ്പോർട്ട് മലപ്പുറം പൊലീസിന് കൈമാറും. മൃതദേഹം ബന്ധുക്കൾക്ക് വിട്ടുകൊടുത്തു.
അസ്‌മയുടെ ആദ്യത്തെ രണ്ട് പ്രസവങ്ങൾ ആശുപത്രിയിലും മൂന്ന് പ്രസവങ്ങൾ വീട്ടിലുമായിരുന്നു നടന്നത്. അക്യുപംഗ്‌ച്ചർ ചികിത്സാരീതിയാണ് പ്രസവത്തിനായി അസ്‌മയും ഭർത്താവ് സിറാജുദ്ദീനും ഉപയോഗിച്ചതെന്നാണ് വിവരം. ശനിയാഴ്‌ച ആറുമണിയോടെയാണ് അസ്‌മ പ്രസവിച്ചത്. രാത്രി ഒൻപത് മണിയോടെയാണ് ഭാര്യ മരിച്ചതായി സിറാജുദ്ദീൻ മനസിലാക്കുന്നത്. പിന്നാലെ മൃതദേഹം സിറാജുദ്ദീൻ പെരുമ്പാവൂരിലെ വീട്ടിലേയ്ക്ക് കൊണ്ടുപോവുകയായിരുന്നു.&nbsp;

അസ്‌മ മരിച്ചത് രക്തം വാർന്ന് ;മതിയായ പരിചരണം കിട്ടിയെങ്കിൽ ജീവിച്ചേനെയെന്ന് പോസ്റ്റ്‌മോർട്ടം റിപ്പോർട്ട്

ന്യൂഡല്‍ഹി: ഗാര്‍ഹിക ഉപയോഗത്തിനുള്ള പാചകവാതകത്തിന്റെ വില വര്‍ധിപ്പിച്ചു. സിലിണ്ടറിന് 50 രൂപ വര്‍ധിപ്പിച്ചതായി കേന്ദ്ര പെട്രോളിയം മന്ത്രി ഹര്‍ദീപ് സിങ് പുരി തിങ്കളാഴ്ച അറിയിച്ചു. വര്‍ധന ചൊവ്വാഴ്ച മുതല്‍ പ്രാബല്യത്തില്‍ വരും. പ്രധാന്‍മന്ത്രി ഉജ്ജ്വല്‍ യോജനയുടെ കീഴിലുള്ള ഉപഭോക്താക്കള്‍ക്കും വില വര്‍ധന ബാധകമാണ്.
14.2 കിലോഗ്രാം പാചകവാതകമടങ്ങിയ സിലിണ്ടറിന്റെ വില 803 രൂപയില്‍ നിന്ന് 853 രൂപയായി. സാധാരണ ഉപഭോക്താക്കള്‍ ഈ വിലയാണ് ഇനി നല്‍കേണ്ടത്. ഉജ്ജ്വല പദ്ധതിയിലുള്‍പ്പെടുന്ന ഉപഭോക്താക്കള്‍ സിലിണ്ടറിന് 553 രൂപ നല്‍കണം. 500 രൂപയായിരുന്നു നിലവിലെ വില. രാജ്യത്തെ പാചകവാതകവില സര്‍ക്കാര്‍ രണ്ടാഴ്ച കൂടുമ്പോള്‍ അവലോകനം ചെയ്യുമെന്നും ഹര്‍ദീപ് സിങ് പുരി അറിയിച്ചു.

ഗാര്‍ഹിക ഉപയോഗത്തിനുള്ള പാചകവാതകത്തിന് വില കൂട്ടി,

ഗാര്‍ഹിക ഉപയോഗത്തിനുള്ള പാചകവാതകത്തിന് വില കൂട്ടി

കോഴിക്കോട്: മാങ്ങ പറിക്കുന്നതിനിടെ ഷോക്കേറ്റ് വ്യാപാരി മരിച്ചു. കൊടിയത്തൂർ പന്നിക്കോട് സ്വദേശി ലോഹിതാക്ഷനാണ് മരിച്ചത്.
ഇന്നു രാവിലെ 10 മണിയോടെയാണ് അപകടം. വീടിന്റെ ടെറസിൽ കയറി നിന്ന് മാങ്ങ പറിക്കുന്നതിനിടെ തോട്ടി വൈദ്യുതിലൈനിൽ തട്ടി ഷോക്കേൽക്കുകയായിരുന്നു. ‌

കോഴിക്കോട് മാങ്ങ പറിക്കുന്നതിനിടെ വ്യാപാരി ഷോക്കേറ്റ് മരിച്ചു

എല്ലാ വീട്ടിലും ദിവസവും കറികളിലും മറ്റും ഉപയോഗിക്കുന്ന ഒന്നാണ് സവാള. എന്നാൽ ഇത് അരിഞ്ഞെടുക്കുകയെന്നത് വലിയ പാട് നിറഞ്ഞ ഒന്നാണ്. അതിന് കാരണം അത് അരിയുമ്പോൾ കണ്ണിൽ നിന്ന് വെള്ളം വരുന്നതാണ്. സവാള എത്ര കഴുകിയിട്ട് അരിഞ്ഞാലും കണ്ണ് നിറയുന്നത് സ്വാഭാവികമാണ്. ഇതിന് പരിഹാരങ്ങൾ അന്വേഷിച്ച് നടക്കുന്നവരാണോ നിങ്ങൾ? എന്നാൽ ആ പ്രശ്നത്തിന് ചില പരിഹാരങ്ങൾ ഉണ്ട്. അവ എന്തൊക്കെയെന്ന് നോക്കിയാലോ?
<ul>
<li>സവാള അരിയുന്നതിന് മുൻപ് 10 മുതൽ 20 മിനിട്ട് വരെ ഫ്രിഡ്ജിൽ അത് തണുപ്പിക്കാൻ വയ്ക്കുക. ഇത് സവാളയിലെ കണ്ണിന് എരിച്ചിലുണ്ടാക്കുന്ന എൻസെെമിനെ പ്രവർത്തന രഹിതമാകുന്നു. എന്നിട്ട് സവാള അരിയുമ്പോൾ കണ്ണ് എരിയില്ല.</li>
<li>തൊലി കളഞ്ഞെടുത്ത സവാള രണ്ടായി മുറിച്ച് തണുത്ത വെള്ളത്തിൽ ഇടുക. ശേഷം ഒരു 10 മിനിട്ട് കഴിഞ്ഞ് എടുത്ത് അരിയാം. ഇത് കണ്ണിൽ നിന്ന് വെള്ളം വരുന്നത് തടയുന്നു.</li>
<li>അൽപം വെള്ളത്തിൽ വിനാഗിരി കലർത്തി കുറച്ച് ഉപ്പ് ചേർക്കുക. ശേഷം അതിലേക്ക് തൊലി കളഞ്ഞ സവാള ഇടാം. 10 മിനിട്ട് കഴിഞ്ഞ് അരിഞ്ഞാൽ കണ്ണ് എരിയില്ല.</li>
<li>കട്ടിംഗ് ബോർഡിൽ വച്ച് സവാള അരിയുന്നവർ അതിൽ അൽപം വിനാഗിരി പുരട്ടിയതിന് ശേഷം ഉപയോഗിക്കാം.</li>
<li>സവാള അരിയുമ്പോൾ വേരടങ്ങിയ ഭാഗം മുറിച്ചുമാറ്റിയാൽ കണ്ണ് പുകച്ചിലിൽ നിന്നും രക്ഷപ്പെടാം.</li>
</ul>

സവാള അരിയുമ്പോൾ കണ്ണിൽ നിന്ന് വെള്ളം വരുന്നുണ്ടോ?പരിഹാരമുണ്ട്

Health

കൈനാട്ടി: ഏപ്രിൽ ഏഴ് ലോകാരോഗ്യ ദിനത്തിൽ ചോറോട് ഫാമിലി ഹെൽത്ത് സെന്ററിൽ ബോധവത്കരണ ക്ലാസ്സ് സംഘടിപ്പിച്ചു. ഹെൽത്ത് ഇൻസ്പെക്ടർ ഷീബ.കെ.ടി.കെ സ്വാഗതം പറഞ്ഞു. ചോറോട് ഗ്രാമ പഞ്ചായത്ത് ആരോഗ്യ സ്റ്റാന്റിംഗ് കമ്മിറ്റി ചെയർമാൻ നാരായണന്റെ അദ്ധ്യക്ഷതയിൽ വൈസ് പ്രസിഡന്റ് രേവതി പെരുവാണ്ടി ഉത്ഘാടനം ചെയ്തു. ലോകാരോഗ്യ സന്ദേശത്തിന്റെ പ്രാധാന്യത്തെ സംബന്ധിച്ച് ഡോ ഇല്യാസ് സംസാരിച്ചു. 'കുഞ്ഞോമന ജനിക്കേണ്ടത് സുരക്ഷിത കരങ്ങളിൽ പ്രസവം സുരക്ഷിതമാകാൻ ആശുപത്രി തന്നെ തെരഞ്ഞടുക്കാം' എന്ന വിഷയത്തെ സംബന്ധിച്ച് ജെ പി.എച്ച് എൻ ഫാത്തിമ ജെ ക്ലാസ്സെടുത്തു. ജെ.എച്ച്, ഐ. രാമചന്ദ്രൻ സി.കെ നന്ദി പറഞ്ഞു.

ബോധവത്കരണ ക്ലാസ്സ് സംഘടിപ്പിച്ചു

Vadakara

അഴിയൂർ: അഞ്ചാം പീടിക മാപ്പിള എൽപി സ്കൂൾ നൂറാം വാർഷികം ഏപ്രിൽ 19 ന് വിവിധ പരിപാടികളോടെ ആഘോഷിക്കും. വൈകുന്നേരം 6 മണിക്ക് നടക്കുന്ന സാംസ്കാരിക സദസ്സ് രജിസ്ട്രേഷൻ പുരാവസ്തു മ്യൂസിയം വകുപ്പ് മന്ത്രി കടന്നപ്പള്ളി രാമചന്ദ്രൻ ഉദ്ഘാടനം ചെയ്യും. ജനപ്രതിനിധികൾ, സാംസ്കാരിക, സാമൂഹ്യ പ്രവർത്തകർ, രാഷ്ട്രീയ പാർട്ടി പ്രതിനിധികൾ, പൂർവ്വാദ്ധ്യാപകർ, പൂർവ്വ വിദ്ധ്യാർത്ഥികൾ തുടങ്ങിയവർ പങ്കെടുക്കും.&nbsp;
വിദ്യാർത്ഥികളുടെ കലാ പരിപാടികൾ അവതരിപ്പിക്കും. സംഘാടക സമിതി യോഗത്തിൽ ചെയർമാൻ ഇ ടി അയ്യൂബ് അദ്ധ്യക്ഷത വഹിച്ചു. എ വിജയരാഘവൻ, യൂസുഫ് കുന്നുമ്മൽ, മുബാസ് കല്ലേരി, ഇസ്മായിൽ പി പി, നിസാർ വി കെ, മഹ്ഫൂസ് പൂഴിത്തല തുടങ്ങിയവർ സംസാരിച്ചു. സാജിത സ്വാഗതവും ബാസിത്ത് നന്ദിയും പറഞ്ഞു.

അഞ്ചാം പീടിക മാപ്പിള എൽ പി സ്കൂൾ നൂറാം വാർഷികാഘോഷം ഏപ്രിൽ 19 ന്

തിരുവനന്തപുരം: കേരളത്തിൽ ഇന്നും നാളെയും ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഒറ്റപ്പെട്ട സ്ഥലങ്ങളിൽ ശക്തമായ മഴയ്ക്കുള്ള സാദ്ധ്യതയാണ് പ്രവചിച്ചിരിക്കുന്നത്. തെക്കൻ ബംഗാൾ ഉൾക്കടലിന് മുകളിൽ ന്യൂനമർദ്ദം രൂപപ്പെട്ടു. ഏപ്രിൽ എട്ടുവരെ വടക്കു പടിഞ്ഞാറ് ദിശയിൽ തെക്ക് പടിഞ്ഞാറൻ ബംഗാൾ ഉൾക്കടലിനു മുകളിലൂടെ സഞ്ചരിക്കുന്ന ന്യൂനമർദ്ദം തുടർന്നുള്ള 48 മണിക്കൂറിൽ വടക്കു ദിശയിൽ സഞ്ചരിക്കാൻ സാദ്ധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു
<ul>
<li>ഇടിമിന്നൽ അപകടകാരികളാണ്. അവ മനുഷ്യന്റെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകൾക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ നാശനഷ്ടം സൃഷ്ടിക്കുന്നുണ്ട്. ആയതിനാൽ പൊതുജനങ്ങൾ താഴെപ്പറയുന്ന മുൻകരുതൽ കാർമേഘം കണ്ട് തുടങ്ങുന്ന സമയം മുതൽ തന്നെ സ്വീകരിക്കേണ്ടതാണ്. ഇടിമിന്നൽ എപ്പോഴും ദൃശ്യമാകണമെന്നില്ലാത്തതിനാൽ ഇത്തരം മുൻകരുതൽ സ്വീകരിക്കുന്നതില്‍ നിന്നും വിട്ടുനിൽക്കരുത്.</li>
<li>ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക്‌ മാറുക. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാദ്ധ്യത വർധിപ്പിക്കും.</li>
<li>ശക്തമായ കാറ്റിനും ഇടിമിന്നലിനും സാദ്ധ്യതയുള്ള ഘട്ടത്തിൽ ജനലും വാതിലും അടച്ചിടുക. വാതിലിനും ജനലിനും അടുത്ത് നിൽക്കാതെയിരിക്കുക. കെട്ടിടത്തിനകത്ത് തന്നെ ഇരിക്കുകയും പരമാവധി ഭിത്തിയിലോ തറയിലോ സ്പർശിക്കാതിരിക്കാൻ ശ്രമിക്കുകയും ചെയ്യുക.</li>
<li>ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക. വൈദ്യുതോപകരണങ്ങളുമായുള്ള സാമീപ്യം ഇടിമിന്നലുള്ള സമയത്ത് ഒഴിവാക്കുക.</li>
<li>ഇടിമിന്നലുള്ള സമയത്ത് ടെലഫോൺ ഉപയോഗിക്കുന്നത് ഒഴിവാക്കണം. മൊബൈൽ ഫോൺ ഉപയോഗിക്കുന്നത് കൊണ്ട് കുഴപ്പമില്ല.</li>
<li>അന്തരീക്ഷം മേഘാവൃതമാണെങ്കിൽ തുറസായ സ്ഥലത്തും ടെറസിലും, കുട്ടികൾ ഉൾപ്പെടെ, കളിക്കുന്നത് ഒഴിവാക്കുക.</li>
<li>ഇടിമിന്നലുള്ള സമയത്ത് വൃക്ഷങ്ങളുടെ ചുവട്ടിൽ നിൽക്കരുത്‌. വാഹനങ്ങൾ മരച്ചുവട്ടിൽ പാർക്ക് ചെയ്യുകയുമരുത്.</li>
<li>ഇടിമിന്നലുള്ള സമയത്ത് വാഹനത്തിനകത്ത് തന്നെ തുടരുക. കൈകാലുകൾ പുറത്തിടാതിരിക്കുക. വാഹനത്തിനകത്ത് നിങ്ങൾ സുരക്ഷിതരായിരിക്കും. സൈക്കിൾ, ബൈക്ക്, ട്രാക്ടർ തുടങ്ങിയ വാഹനങ്ങളിലുള്ള യാത്ര ഇടിമിന്നൽ സമയത്ത് ഒഴിവാക്കുകയും ഇടിമിന്നൽ അവസാനിക്കുന്നത് വരെ സുരക്ഷിതമായ ഒരു കെട്ടിടത്തിൽ അഭയം തേടുകയും വേണം.</li>
<li>മഴക്കാറ് കാണുമ്പോൾ തുണികൾ എടുക്കാൻ ടെറസിലേക്കോ, മുറ്റത്തേക്കോ ഇടിമിന്നലുള്ള സമയത്ത് പോകരുത്.</li>
<li>കാറ്റിൽ മറിഞ്ഞു വീഴാൻ സാദ്ധ്യതയുള്ള വസ്തുക്കൾ കെട്ടി വെക്കുക.</li>
<li>ഇടിമിന്നലുള്ള സമയത്ത് കുളിക്കുന്നത്‌ ഒഴിവാക്കുക. ടാപ്പുകളിൽ നിന്ന് വെള്ളം ശേഖരിക്കുന്നതും ഒഴിവാക്കുക. പൈപ്പിലൂടെ മിന്നൽ മൂലമുള്ള വൈദ്യുതി സഞ്ചരിച്ചേക്കാം.</li>
<li>ഇടിമിന്നൽ ഉണ്ടാകുമ്പോൾ ജലാശയത്തിൽ മീൻ പിടിക്കാനോ കുളിക്കാനോ ഇറങ്ങാൻ പാടില്ല. കാർമേഘങ്ങൾ കണ്ട് തുടങ്ങുമ്പോൾ തന്നെ മത്സ്യബന്ധനം, ബോട്ടിങ് തുടങ്ങിയ പ്രവൃത്തികൾ നിർത്തി വച്ച് ഉടനെ അടുത്തുള്ള കരയിലേക്ക് എത്താൻ ശ്രമിക്കണം. ഇടിമിന്നലുള്ള സമയത്ത് ബോട്ടിന്റെ ഡെക്കിൽ നിൽക്കരുത്. ചൂണ്ടയിടുന്നതും വലയെറിയുന്നതും ഇടിമിന്നലുള്ള സമയത്ത് നിർത്തി വയ്ക്കണം.</li>
<li>പട്ടം പറത്തുന്നത് ഒഴിവാക്കുക.</li>
</ul>

തെക്കൻ ബംഗാൾ ഉൾക്കടലിന് മുകളിൽ ന്യൂനമർദ്ദം; കേരളത്തിൽ ഇടിമിന്നലോടു കൂടിയ മഴയ്ക്ക് സാധ്യത

കോഴിക്കോട്: ചക്ക തലയിൽ വീണ് ഗുരുതരമായി പരിക്കേറ്റ വീട്ടമ്മ മരിച്ചു. കോഴിക്കോട് തിരിച്ചിലങ്ങാടി ഉണ്ണിയാലിങ്ങൽ കോലഞ്ചേരി സ്വദേശിനി മിനി (53) ആണ് മരിച്ചത്. കഴിഞ്ഞ വ്യാഴാഴ്‌ച വീട്ടിൽ വസ്‌ത്രങ്ങൾ അലക്കുന്നതിനിടെ അപ്രതീക്ഷിതമായി പ്ലാവിൽ നിന്ന് ചക്ക ശരീരത്തിലേക്ക് വീഴുകയായിരുന്നു.
പരിക്കേറ്റ് അബോധാവസ്ഥയിലായ മിനിയെ ഉടൻതന്നെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. നട്ടെല്ലിന് ക്ഷതം പറ്റിയ മിനി തീവ്രപരിചരണ വിഭാഗത്തിൽ ചികിത്സയിലിരിക്കെയാണ് മരിച്ചത്. ഭർത്താവ് - പാലക്കോട്ട് ഉണ്ണികൃഷ്‌ണൻ. മക്കൾ - നികേഷ്, നിഷാന്ത്.

അലക്കുന്നതിനിടെ ചക്ക തലയിൽ വീണ് ഗുരുതരമായി പരിക്കേറ്റ വീട്ടമ്മ മരിച്ചു

Kozhikode

വടകര: മേപ്പയിൽ ഗണപതി ക്ഷേത്രത്തിന് സമീപം സ്വരൂപാലയത്തിൽ ടി. വി ദേവകി (91) നിര്യാതയായി. മേപ്പയിൽ ഈസ്റ്റ് എസ്.ബി സ്കൂൾ റിട്ട പ്രധാനധ്യാപികയാണ്. ഭർത്താവ് : പരേതനായ പൈതൽ (ബോംബെ ടെയ്ലറിങ്ങ് വടകര). മക്കൾ: സ്വരൂപ (റിട്ട. അദ്ധ്യാപിക നീലേശ്വരം എ.യു.പി. സ്കൂൾ), സുനിൽകുമാർ (കസവ് കട വടകര), സുധീർ കുമാർ (റിട്ട.വാട്ടർ അതോറിറ്റി, വടകര). മരുമക്കൾ: മുരളീധരൻ (നീലേശ്വരം), അനിത (പുതിയങ്ങാടി), പ്രീത (എൽ.ഐ.സി വടകര).

മേപ്പയിൽ സ്വരൂപാലയത്തിൽ ടി.വി. ദേവകി നിര്യാതയായി

Obituary

ചോറോട്ഈസ്റ്റ്: ലഹരി വിരുദ്ധ പ്രവർത്തനങ്ങളുടെ ഭാഗമായി ചോറോട് ഈസ്റ്റ് ജനകീയ സമിതി നേതൃത്വത്തിൽ ഏപ്രിൽ 9 ന് വൈകുന്നേരം 4.30 ന് "മാനിഷാദാ" പരിപാടി സംഘടിപ്പിക്കും. വടകര ഡി.വൈ എസ്പി ഹരിപ്രസാദ് ഉദ്ഘാടനം ചെയ്യും. എക്സൈസ് വടകര റേഞ്ച് ഇൻസ്പെക്ടർ ശൈലേഷ് പി.എം. മുഖ്യപ്രഭാഷണം നടത്തും. ജനപ്രതിനിധികൾ, രാഷ്ടിയ പാർട്ടി പ്രതിനിധികൾ, കുടുംബശ്രീ, റസിഡൻസ് അസോസിയേഷനുകൾ, ക്ലബ്ബുകൾ പങ്കെടുക്കും. 8 ന് രാത്രി 7 മണിക്ക് പന്തം കൊളുത്തി പ്രകടനം നടത്തും.&nbsp;
ഒഴിച്ചിട്ട വീടുകൾ, വിജനമായ സ്ഥലങ്ങൾ, അസമയങ്ങളിലെ കൂട്ടുകൂടൽ എന്നിവ നിരീക്ഷിക്കുവാൻ വിവിധ ഏരിയകളിൽ സത്രീകൾ ഉൾപ്പെടുത്തി സ്ക്വാഡ് രൂപീകരിച്ചു. യോഗത്തിൽ പ്രസാദ് വിലങ്ങിൽ അദ്ധ്യക്ഷത വഹിച്ചു. പഞ്ചായത്തംഗങ്ങളായ ഷിനിത ചെറുവത്ത്, ജംഷിദ കെ, കമ്മിറ്റി അംഗങ്ങളായ കെ.സുകുമാരൻ മാസ്റ്റർ, പി.സുരേഷ്, ഭാർഗ്ഗവൻ മഠത്തിൽ, സത്യൻ മമ്പറത്ത്, രാജൻ ടി.കെ. ചന്ദ്രി കെ.കെ. ശൈലജ പി.കെ, ജയശ്രീ കെ.എം., ശ്രീജീഷ് യു.എസ്. എന്നിവർ സംസാരിച്ചു.

ലഹരിക്കെതിരെ പോരാട്ടവുമായി ചോറോട് ഈസ്റ്റ് ജനകീയ സമിതി

ദുബായ്: വാർഷിക പരീക്ഷയും ഫലപ്രഖ്യാപനവും കഴിഞ്ഞ് മൂന്നാഴ്ചത്തെ അവധിയ്ക്കുശേഷം യുഎഇയിലെ ഇന്ത്യൻ സ്‌കൂളുകൾ തിങ്കളാഴ്‌ച പുതിയ അധ്യയന വർഷം ആരംഭിക്കും. ദുബായ്, ഷാർജ, അബുദാബി എന്നീ എമിറേറ്റുകളിലെ സ്‌കൂളുകളിൽ തിങ്കൾമുതൽ പുതിയ വർഷത്തെ ക്ലാസുകൾ തുടങ്ങും.
അജ്മാൻ, ഉമ്മുൽഖുവൈൻ, റാസൽഖൈമ, ഫുജൈറ എന്നീ എമിറേറ്റുകളിലും തിങ്കളാഴ്‌ച സ്കൂൾ തുറക്കുമെങ്കിലും ക്ലാസുകൾ 14 മുതലാണ് തുടങ്ങുക. സിബിഎസ്ഇ, ഐസിഎസ്ഇ, കേരള സിലബസ് പിന്തുടരുന്ന നൂറിലേറെ ഇന്ത്യൻ സ്കൂളുകളാണ്‌ പുതിയ അധ്യയനത്തിലേക്ക്‌ കടക്കുന്നത്.അതേസമയം, പ്രാദേശിക, വിദേശ സിലബസ് പിന്തുടരുന്ന സ്കൂളുകൾ ജൂണിൽ വാർഷിക പരീക്ഷ നടത്തി സെപ്തംബറിലായിരിക്കും പുതിയ അധ്യയനത്തിലേക്ക്‌ കടക്കുക.&nbsp;

യുഎഇ ഇന്ത്യൻ സ്‌കൂളുകളിൽ ഇന്ന്‌ അധ്യയന വർഷാരംഭം

Gulf

കൊച്ചി: മോഹൻലാൽ, ശോഭന എന്നിവരെ പ്രധാന കഥാപാത്രങ്ങളാക്കി തരുൺ മൂർത്തി സംവിധാനം ചെയ്യുന്ന 'തുടരും' സിനിമയുടെ റിലീസ് പ്രഖ്യാപിച്ചു.ഏപ്രിൽ 24നാണ് ചിത്രം തിയേറ്ററുകളിലെത്തുന്നത്. എമ്പുരാന് ശേഷം തിയേറ്ററുകളിലെത്തുന്ന മോഹൻലാൽ സിനിമയാണ് തുടരും.
അടുത്തിടെ ചിത്രത്തിന്റെ ട്രെയിലർ റിലീസ് ചെയ്തിരുന്നു. സസ്‌പെൻസുകൾ നിറഞ്ഞ ചിത്രമാകും 'തുടരും' എന്നത് ട്രെയിലറിൽ നിന്ന് വ്യക്തമാണ്. തന്റെ കറുത്ത അംബാസഡർ കാറും ഷണ്മുഖവും തമ്മിലുള്ള ആത്മബന്ധത്തിന്റെ കഥയാണ് ചിത്രം പറയുന്നതെന്നാണ് ട്രെയിലർ നൽകുന്ന സൂചന.മോഹൻലാലും ശോഭനയും 20 വർഷത്തിനുശേഷം ഒന്നിക്കുന്ന ചിത്രം കൂടിയാണ് തുടരും. 2009ൽ റിലീസ് ചെയ്ത സാഗർ ഏലിയാസ് ജാക്കി റീലോഡഡ് എന്ന ചിത്രമാണ് ഇരുവരും അവസാനം ഒരുമിച്ച് അഭിനയിച്ചത്. ഫാമിലി ഡ്രാമ ഗണത്തിൽപെടുന്ന തുടരും സിനിമയിൽ സാധാരണക്കാരനായ ടാക്സി ഡ്രൈവറുടെ വേഷമാണ് മോഹൻലാൽ അവതരിപ്പിക്കുന്നത്. മണിയൻപിള്ള രാജു, ബിനു പപ്പു, ഫർഹാൻ ഫാസിൽ, തോമസ് മാത്യു, ആർഷ ചാന്ദ്‌നി, ബൈജു, ഇർഷാദ് തുടങ്ങിയവരാണ് മറ്റു താരങ്ങൾ.

ഇനി പുതിയ അവതാരം ;'തുടരും' സിനിമയുടെ റിലീസ് പ്രഖ്യാപിച്ചു

പുറമേരി: കെ വി എൽ പി സ്കൂളിൽ പുതുതായി നിർമ്മിച്ച ഹൈടെക് നിലവാരത്തിലുള്ള കെട്ടിടത്തിൻ്റെ ഉദ്ഘാടനവും വാർഷികാഘോഷവും ഷാഫി പറമ്പിൽ എം പി നിർവഹിച്ചു. നൻമയുടേയും കൂട്ടായ്മയുടെയും മികവിൻ്റെയും ലഹരി നുരയുന്ന പൊതു ഇടങ്ങളായി വിദ്യാലയം മാറണമെന്ന് അദ്ദേഹം പറഞ്ഞു. പി.ടി.എ പ്രസിഡൻ്റ് ശ്രീ ഷാജു. കെ. പി. അധ്യക്ഷതവഹിച്ചു. സ്വാഗത സംഘം ചെയർമാൻ ബാബു മലോൽ സ്വാഗതം പറഞ്ഞു. ടി.കെ. പ്രഭാകരൻ, സി. രാജേഷ്, അജിത്ത് പി, മുഹമ്മദ് പുറമേരി, സി.പി.സുരേന്ദ്രൻ എന്നിവർ ആശംസകൾ നേർന്ന് സംസാരിച്ചു. സ്റ്റാഫ് സെക്രട്ടറി അജീഷ് നന്ദി പറഞ്ഞു. തുടർന്ന് കുട്ടികളുടെ കലാപരിപാടികൾ അരങ്ങേറി.

കെട്ടിട ഉദ്ഘാടനവും വാർഷികാഘോഷവും

Nadapuram

നാദാപുരം: വിൽപ്പനക്കായി സൂക്ഷിച്ച മയക്ക് മരുന്നുമായി ബംഗാൾ സ്വദേശി പോലീസ് പിടിയിലായി. വെസ്റ്റ് ബംഗാൾ 24 ഫർഗാന സ്വദേശി അമാനുള്ള ഖയാൽ (29 ) നെയാണ് നാദാപുരം എസ് ഐ എം.പി. വിഷ്ണു അറസ്റ്റ് ചെയ്തത്. പ്രതിയിൽ നിന്ന് O.17 ഗ്രാം നിരോധിത മയക്ക് മരുന്നായ ബ്രൗൺ ഷുഗർ പോലീസ് പിടികൂടി. കഴിഞ്ഞ ദിവസം രാത്രി നാദാപുരം - കല്ലാച്ചി സംസ്ഥാന പാതയിൽ രജിസ്ട്രർ ഓഫിസ് പരിസരത്ത് നിന്നാണ് പ്രതി പിടിയിലായത്.

നാദാപുരത്ത് ബ്രൗൺ ഷുഗറുമായി അറസ്റ്റിൽ

മൊകേരി : ലോകത്തിനുതന്നെ മാതൃകയായി കൊണ്ട് ജനക്ഷേമകരമായ വികസനിർമ്മാണ പ്രവർത്തനങ്ങളിലൂടെ മുന്നോട്ടു പോകുന്ന കേരള സർക്കാരിനെ അട്ടിമറിക്കാൻ വർഗ്ഗീയ പാർട്ടികളുടെയും ജാതി, മത ശക്തികളുടെയും പിന്തുണയോടെ ചാലശക്തികൾ ശ്രമിക്കുന്നതായും ഇതിനെതിരെ ജനകീയ പ്രതിരോധം ഉയർന്നുവരണമെന്നും ഇ.കെ വിജയൻ എം.എൽ .എ പറഞ്ഞു. മൊകേരിയിൽ പ്രമുഖ കമ്മ്യൂണിസ്റ്റ് നേതാവും മുൻ എം.എൽ.എയുമായിരുന്ന കെ.ടി. കണാരൻ്റെ ഇരുപതാം ചരമവാർഷികദിനത്തിൻ അനുസ്മരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.&nbsp;&nbsp;
ടി സുരേന്ദ്രൻ അദ്ധ്യക്ഷത വഹിച്ചു. സി.പി ഐ ജില്ലാ അസി: സെക്രട്ടറി അഡ്വ: പി.ഗവാസ് അനുസ്മരണ പ്രഭാഷണം നടത്തി. ജില്ല എക്സിക്യൂട്ടിവ് അംഗങ്ങളായ പി.സുരേഷ് ബാബു, രജീന്ദ്രൻ കപ്പള്ളി, കെ.കെ. മോഹൻദാസ് , കെ.പി. പവിത്രൻ, റീന സുരേഷ്, എം.പി. കുഞ്ഞിരാമൻ, വി.വി. പ്രഭാകരൻ, ഹരികൃഷ്ണ, കെ.എസ്സ് സ്മിതോഷ് എന്നിവർ സംസാരിച്ചു. ഭൂപേശ്മന്ദിരത്തിൽ വി.പി. നാണു പതാക ഉയത്തി.

കേരള സർക്കാരിനെയും ഇടതുപക്ഷത്തെയും ദുർബലപ്പെടുത്താനുള്ള ബോധപൂർവ്വമായ ശ്രമങ്ങളെ ചെറുത്ത് തോൽപ്പിക്കും; ഇ.കെ.വിജയൻ എം.എൽ.എ

Kuttiadi

മടപ്പള്ളി: അക്കരാൽ രാജൻ (76) നിര്യാതനായി. ഭാര്യ; രാജി. മക്കൾ; രാജേഷ്, രജിൽ രാജ്. മരുമക്കൾ; ശ്രീജ, വിജിഷ. സഹോദരങ്ങൾ; വിജയൻ, പരേതരായ പൊക്കൻ, കുമാരൻ, ജാനു. പരേതനായ അക്കരാൽ കുഞ്ഞിരാമന്റെയും മാതുവിന്റെയും മകനാണ്

മടപ്പള്ളി അക്കരാൽ രാജൻ നിര്യാതനായി

ചോറോട് : തദ്ദേശ സ്വയം ഭരണ സ്ഥാപനങ്ങളെ സാമ്പത്തികമായി ഞെരുക്കുന്ന പിണറായി വിജയൻ സർക്കാരിനെതിരെ വരുന്ന തദ്ദേശ സ്വയം ഭരണ തെരഞ്ഞെടുപ്പിൽ ജനം വിധിയെഴുതുമെന്ന് ആർ എം പി ഐ സംസ്ഥാന സെക്രട്ടറി എൻ. വേണു. കഴിഞ്ഞ 9 വർഷക്കാലം കൊണ്ട് കേരളത്തിലെ തദ്ദേശ സ്ഥാപനങ്ങളെ പിണറായി സർക്കാർ തകർത്തുവെന്നും അദ്ദേഹം പറഞ്ഞു. ജനകീയ മുന്നണി (യു ഡി എഫ് -ആർ എം പി ഐ) ചോറോട് പഞ്ചായത്ത് കമ്മിറ്റി കൈനാട്ടിയിൽ നടത്തിയ രാപ്പകൽ സമരം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.&nbsp;
ജനകീയ മുന്നണി ചെയർമാൻ അഡ്വ പി. ടി. കെ നജ്മൽ അധ്യക്ഷത വഹിച്ചു. യു. ഡി എഫ് വടകര നിയോജക മണ്ഡലം ചെയർമാൻ കോട്ടയിൽ രാധാകൃഷ്ണൻ മുഖ്യ പ്രഭാഷണം നടത്തി. ഒ. കെ കുഞ്ഞബ്ദുള്ള, സതീശൻ കുരിയാടി, എം. ടി സലാം, കെ. പി കരുണൻ, കെ. കെ സദാശിവൻ, വി. സി ഇക്ബാൽ, ഒ. എം അസീസ്, സി. നിജിൻ, മൊയ്‌തു താഴത്ത്, അബൂബക്കർ വരപ്പുറത്ത് തുടങ്ങിയവർ സംസാരിച്ചു. പി ഇസ്മായിൽ സ്വാഗതവും ശശി വള്ളിക്കാട് നന്ദിയും പറഞ്ഞു.

പിണറായി വിജയൻ സർക്കാരിനെതിരെ തദ്ദേശ തെരഞ്ഞെടുപ്പിൽ ജനം വിധിയെഴുതും; എൻ വേണു

ആലുവ: സ്വന്തം പോലീസ് കാന്റീന്‍ കാര്‍ഡ് എസ്ഡിപിഐ സംസ്ഥാന നേതാവിനു നല്‍കിയ ആലുവ സ്‌പെഷ്യല്‍ ബ്രാഞ്ച് എഎസ്ഐയെ അന്വേഷണ വിധേയമായി സസ്പെന്‍ഡ് ചെയ്തു. എഎസ്ഐ സലീമിനെയാണ് എറണാകുളം റൂറല്‍ എസ്പി ഡോ. വൈഭവ് സക്സേന സസ്പെന്‍ഡ് ചെയ്തത്.
സ്‌പെഷ്യല്‍ ബ്രാഞ്ച് ഉദ്യോഗസ്ഥനായിരിക്കേ ഗുരുതരമായ കൃത്യനിര്‍വഹണമാണ് സലീം നടത്തിയിരിക്കുന്നതെന്ന് കണ്ടെത്തിയതിനെ തുടര്‍ന്നാണ് സസ്പെന്‍ഷന്‍.കാര്‍ഡ് കൈവശപ്പെടുത്തിയ എസ്ഡിപിഐ നേതാവ് വി.കെ. ഷൗക്കത്തലി പെരുമ്പാവൂര്‍ പോലീസ് കാന്റീനില്‍നിന്ന് സാധനങ്ങള്‍ വാങ്ങിയിരുന്നു. സംശയം തോന്നിയ കാന്റീന്‍ ജീവനക്കാര്‍ റൂറല്‍ എസ്പിയെ വിവരം അറിയിച്ചു. തുടര്‍ന്ന് എസ്പിയുടെ സംഘം നടത്തിയ അന്വേഷണത്തിനൊടുവിലാണ് സലീമിനെ സസ്പെന്‍ഡ് ചെയ്തത്.

പോലീസ് കാന്റീന്‍ കാര്‍ഡ് എസ്ഡിപിഐ നേതാവിന് നല്‍കി; എഎസ്‌ഐക്ക് സസ്‌പെന്‍ഷന്‍

കൊച്ചി: നടിയെ ആക്രമിച്ച കേസില്‍ ദിലീപിന് തിരിച്ചടി. സിബിഐ അന്വേഷണം ആവശ്യപ്പെട്ടുള്ള ദിലീപിന്റെ ഹര്‍ജി ഹൈക്കോടതി ഡിവിഷന്‍ ബെഞ്ച് തള്ളി. വിചാരണ അവസാന ഘട്ടത്തിലെത്തിയെന്നത് വിലയിരുത്തിയാണ് ഹര്‍ജി തള്ളിയത്. നേരത്തെ ഹൈക്കോടതി സിംഗിള്‍ ബെഞ്ച് ഹര്‍ജി തള്ളിയതിനെതിനെ തുടര്‍ന്നാണ് ദിലീപ് ഡിവിഷന്‍ ബെഞ്ചിനെ സമീപിച്ചത്.
കേസില്‍ നിഷ്പക്ഷ അന്വേഷണത്തിന് കേന്ദ്ര ഏജന്‍സി വേണമെന്ന് ആവശ്യപ്പെട്ട് നാലുവര്‍ഷം മുമ്പാണ് ദിലീപ് ഹൈക്കോടതിയെ സമീപിച്ചത്. എന്നാല്‍, കേസിന്റെ വിചാരണക്കിടെ കോടതി ദിലീപിനെ രൂക്ഷമായി വിമര്‍ശിച്ചിരുന്നു. കേസിന്റെ നടപടിക്രമങ്ങള്‍ നീട്ടുന്നതിനായാണ് സിബിഐ അന്വേഷണം ആവശ്യപ്പെടുന്നതെന്ന് കോടതി നിരീക്ഷിച്ചു. കേസിന്റെ വിചാരണ ഏത് ഘട്ടത്തിലാണെന്നും കോടതി സര്‍ക്കാരിനോട് ചോദിച്ചിരുന്നു. കേസിന്റെ അന്തിമവാദം കേട്ടതിന് ശേഷമാണ് കോടതി ദിലീപിന്റെ ആവശ്യം തള്ളുകയും ഹര്‍ജി തീര്‍പ്പാക്കുകയും ചെയ്തത്.

നടിയെ ആക്രമിച്ച കേസില്‍ ദിലീപിന് തിരിച്ചടി ;സിബിഐ അന്വേഷണം ആവശ്യപ്പെട്ടുള്ള ഹര്‍ജി തള്ളി

കൊച്ചി: ആലപ്പുഴയിലെ ഹെെബ്രിഡ് കഞ്ചാവ് കേസുമായി ബന്ധപ്പെട്ട് ഹെെക്കോടതിയിൽ മുൻകൂർ ജാമ്യാപേക്ഷ നൽകി നടൻ ശ്രീനാഥ് ഭാസി. എക്സെെസ് അറസ്റ്റ് ചെയ്യാൻ സാധ്യതയുണ്ടെന്നാണ് ശ്രീനാഥ് ഭാസി ഹർജിയിൽ പറയുന്നത്. അറസ്റ്റ് തടയണമെന്നും ആവശ്യപ്പെട്ടിട്ടുണ്ട്. ഹർജി ഇന്ന് ഹെെക്കോടതി പരിഗണിക്കും.
ആലപ്പുഴയിലെ ഹെെബ്രിഡ് കഞ്ചാവുമായി യുവതി ഉൾപ്പെടെ രണ്ട് പേർ പിടിയിലായ കേസിൽ അന്വേഷണം എക്സെെസ് അസിസ്റ്റന്റ് കമ്മീഷണർക്ക് കെെമാറിയിരുന്നു. ഈ കേസിൽ പ്രതികളുടെ ഫോൺ പരിശോധിച്ചപ്പോഴാണ് ചില സിനിമ താരങ്ങളുമായി ബന്ധപ്പെട്ട സൂചന ലഭിക്കുന്നത്. ഈ താരങ്ങളെ വിളിച്ച് വരുത്തുമെന്നും നോട്ടീസ് കൊടുത്ത് ചോദ്യം ചെയ്യുമെന്നും എക്സെെസ് അറിയിച്ചിരുന്നു.പിന്നാലെയാണ് അറസ്റ്റ് ഭയമുണ്ടെന്നും തടയണമെന്നും കാണിച്ച് ശ്രീനാഥ് ഭാസി കോടതിയെ സമീപിച്ചിട്ടുള്ളത്. എക്സെെസ് അസിസ്റ്റന്റ് കമ്മീഷണർ ആർ അശോക് കുമാറിന്റെ നേതൃത്വത്തിലാണ് ഈ കേസിൽ അന്വേഷണം നടക്കുന്നത്. കോടികൾ വിലമതിക്കുന്ന ഹെെബ്രിഡ് കഞ്ചാവ് ആണ് ആലപ്പുഴയിൽ പിടിച്ചെടുത്തത്.&nbsp;

ഹെെബ്രിഡ് കഞ്ചാവ് കേസ്;മുൻകൂർ ജാമ്യാപേക്ഷ നൽകി നടൻ ശ്രീനാഥ് ഭാസി

കോട്ടയം: ഐടി സ്ഥാപനത്തിലെ ജോലിസമ്മർദ്ദം മൂലം യുവാവ് ആത്മഹത്യ ചെയ്തു. കോട്ടയം കഞ്ഞിക്കുഴിയിൽ താമസിക്കുന്ന ജേക്കബ് തോമസാണ് (23)ആത്മഹത്യ ചെയ്തത്. യുവാവ് താമസിക്കുന്ന ഫ്‌ളാറ്റിൽ നിന്നും ചാടുകയായിരുന്നു. ഞായറാഴ്ച പുലർച്ചെ അഞ്ചരയോടെയാണ് സംഭവം.
കാക്കനാട് പ്രവർത്തിക്കുന്ന ലിൻവേയ്സ് ടെക്നോളജീസ് എന്ന കമ്പനിയിലെ കമ്പ്യൂട്ടർ എൻജിനീയറാണ് ജേക്കബ് തോമസ്. ജോലിസമ്മർദ്ദം താങ്ങാനാവുന്നില്ലെന്ന് ജേക്കബ് മാതാപിതാക്കളോട് പലതവണ പറഞ്ഞിരുന്നു. ശനിയാഴ്ച പുലർച്ചെ രണ്ടുമണിക്ക് ഇതുമായി ബന്ധപ്പെട്ട വീഡിയോ സന്ദേശം ജേക്കബ് മാതാവിന് അയക്കുകയും ചെയ്തു. ജോലിസമ്മർദ്ദം താങ്ങാൻ ആകുന്നില്ലെന്നാണ് ഈ വീഡിയോ സന്ദേശത്തിൽ പറഞ്ഞിരുന്നത്. അതിന് പിന്നാലെയാണ് ആത്മഹത്യ.ഡിഗ്രി പഠനത്തിന് ശേഷം കഴിഞ്ഞ ഡിസംബറിലാണ് ജേക്കബ് സോഫ്റ്റ്‌വെയര്‍ എന്‍ജിനിയറായി ജോലിയില്‍ പ്രവേശിക്കുന്നത്. ജോലിയില്‍ പ്രവേശിച്ച് നാല് മാസം കഴിയുമ്പോഴാണ് ആത്മഹത്യ. ഉറങ്ങാൻ പോലും സാധിക്കാത്ത രീതിയിൽ ജോലിസമ്മർദ്ദം ജേക്കബ് നേരിട്ടിരുന്നതായാണ് കുടുംബം പറയുന്നത്.&nbsp;

ജോലിസമ്മർദ്ദം താങ്ങാനാകുന്നില്ലെന്ന് വീഡിയോ സന്ദേശം; യുവാവ് ആത്മഹത്യ ചെയ്തു

കോഴിക്കോട്: എഴുത്തുകാരനും സാംസ്‌കാരിക പ്രവര്‍ത്തകനുമായ ശിവന്‍ തെറ്റത്ത് അന്തരിച്ചു. പയ്യന്നൂരില്‍ ഒരു സാഹിത്യ പരിപാടിക്കിടെ ആയിരുന്നു വിയോഗം. മുചുകുന്ന് സ്വദേശിയായ ശിവന്‍ നിലവില്‍ പൂക്കാട് കാഞ്ഞിലശ്ശേരിയില്‍ ആയിരുന്നു താമസം. മാതൃഭൂമി കണ്ണൂര്‍ യൂണിറ്റ് (തളിപ്പറമ്പ്) സര്‍ക്കുലേഷന്‍ ഓഫീസറായി പ്രവര്‍ത്തിച്ചുവരികയായിരുന്നു.
അധ്യാപകന്‍, നാടകനടന്‍, കലാപ്രവര്‍ത്തകന്‍ എന്നീ നിലകളിലെല്ലാം വ്യക്തിപ്രഭാവം തെളിയിച്ച ആളായിരുന്നു ശിവന്‍. സ്‌നേഹം മൂളുന്ന മുളന്തണ്ട്, മധുരമിഠായി, കളിവഞ്ചി തുടങ്ങിയ കൃതികള്‍ പ്രസിദ്ധീകരിച്ചിട്ടുണ്ട്. മുചുകുന്ന് ഗ്രാമപ്പഞ്ചായത്തിന്റെ വൈസ് പ്രസിഡന്റായും സേവനമനുഷ്ഠിച്ചിട്ടുണ്ട്. ഭാര്യ: ബിനിത. മകള്‍: ജഹനാര.

എഴുത്തുകാരനും സാംസ്‌കാരിക പ്രവര്‍ത്തകനുമായ ശിവന്‍ തെറ്റത്ത് അന്തരിച്ചു

കാസർകോട്: കാസർകോട് നാലാം മൈലിൽ പ്രദേശവാസികളായ നാലുപേർക്ക് വെട്ടേറ്റു. പടക്കം പൊട്ടിച്ചതുമായി ബന്ധപ്പെട്ട വാക്കുതർക്കമാണ് ആക്രണത്തിന് കാരണമായത്. വെട്ടേറ്റവരെ ആശുപത്രിയിൽ പ്രവേശിപ്പിച്ചു. ഇന്നലെ രാത്രിയാണ് സംഭവം നടന്നത്.&nbsp;
രാത്രി വീട്ടിന്റെ മുന്നിലിട്ട് പടക്കം പൊട്ടിക്കുന്നത് പ്രദേശവാസികൾ ചോദ്യം ചെയ്തു. തുടർന്ന് മടങ്ങിയ പോയ യുവാക്കൾ തിരിച്ച് ആയുധവുമായി വന്ന് പ്രദേശവാസികളെ ആക്രമിക്കുകയായിരുന്നു. സംഭവത്തിൽ മൂന്നുപേരെ പൊലീസ് അറസ്റ്റ് ചെയ്തിട്ടുണ്ട്. ആക്രമണത്തിൽ കൂടുതൽ അന്വേഷണം നടത്തിവരികയാണെന്ന് പൊലീസ് അറിയിച്ചു.

പടക്കം പൊട്ടിച്ചതുമായി ബന്ധപ്പെട്ട വാക്കുതർക്കം; കാസർകോട് നാലുപേർക്ക്  വെട്ടേറ്റു

മലപ്പുറം: വീട്ടിലെ പ്രസവത്തെത്തുടർന്ന് യുവതി മരിച്ച സംഭവത്തിൽ അസ്വാഭാവിക മരണത്തിന് കേസെടുത്ത് പൊലീസ്. മലപ്പുറം ചട്ടിപ്പറമ്പ് സ്വദേശിനി അസ്മയാണ് (35) മരിച്ചത്. അഞ്ചാമത്തെ പ്രസവത്തിലാണ് അസ്മ മരിച്ചത്. ഇൻക്വസ്റ്റ് നടപടികൾ പൂർത്തിയായി. പോസ്റ്റുമോർട്ടം ഇന്ന് നടക്കും.
അക്യുപംഗ്‌ച്ചർ ചികിത്സാരീതിയാണ് പ്രസവത്തിനായി അസ്‌മയും ഭർത്താവ് സിറാജുദ്ദീനും ഉപയോഗിച്ചതെന്നാണ് വിവരം.ശനിയാഴ്ച രാത്രി ഒൻപത് മണിയോടെയാണ് ഭാര്യ മരിച്ചതായി സിറാജുദ്ദീൻ മനസിലാക്കുന്നത്. പിന്നാലെ മൃതദേഹം സിറാജുദ്ദീൻ പെരുമ്പാവൂരിലെ വീട്ടിലേയ്ക്ക് കൊണ്ടുപോവുകയായിരുന്നു. തുടർന്ന് പൊലീസെത്തിയാണ് മൃതദേഹം പെരുമ്പാവൂർ താലൂക്ക് ആശുപത്രിയിലേക്ക് മാറ്റിയത്. കുഞ്ഞ് പെരുമ്പാവൂരിലെ സ്വകാര്യ ആശുപത്രിയിൽ ചികിത്സയിലാണ്.പ്രസവവേദന ഉണ്ടായിട്ടും ആശുപത്രിയിൽ കൊണ്ടുപോയില്ലെന്ന് അസ്മയുടെ വീട്ടുകാർ പൊലീസിനോട് പറഞ്ഞിരുന്നു.&nbsp;
&nbsp;മന്ത്രവാദവും അന്ധവിശ്വാസവും കൊണ്ടുനടന്ന ഇയാൾ സിദ്ധവെെദ്യത്തിൽ ആണ് വിശ്വാസമർപ്പിച്ചിരുന്നത്.സിറാജുദ്ദീൻ ആലപ്പുഴ സ്വദേശിയാണ്. മലപ്പുറം ചട്ടിപ്പറമ്പിൽ വാടക വീട്ടിലാണ് കുടുംബം താമസിച്ചിരുന്നത്. കുട്ടികളെ സ്കൂൾ വണ്ടിയിൽ വിടാനായി മാത്രമാണ് സിറാജുദ്ദീന്റെ ഭാര്യ പുറത്തിറങ്ങുന്നതെന്ന് നാട്ടുകാർ പറയുന്നു.&nbsp;

വീട്ടിലെ പ്രസവത്തിൽ യുവതി മരിച്ച സംഭവത്തിൽ കേസെടുത്തു; പോസ്റ്റുമോർട്ടം ഇന്ന്

പാലക്കാട് : മുണ്ടൂരിൽ കാട്ടാന ആക്രമണത്തിൽ യുവാവിന് ദാരുണാന്ത്യം. ​ക​യ​ങ്കോ​ട് ​ക​ണ്ണാ​ടം​ ​അ​ത്താ​ണി​പ്പ​റ​മ്പ് ​കു​ള​ത്തി​ങ്ക​ൽ​ ​വി​നു​വി​ന്റെ​ ​മ​ക​ൻ​ ​അ​ല​നാ​ണ് ​(24​)​ ​മ​രി​ച്ച​ത്.​ ​ഒ​പ്പ​മു​ണ്ടാ​യി​രു​ന്ന​ ​അ​മ്മ​ ​വി​ജ​യ​യ്ക്ക് ​ ​ഗു​രു​ത​ര​ ​പ​രി​ക്കേറ്റു.​ ​രാ​ത്രി​ ​എ​ട്ടി​നാ​യി​രു​ന്നു​ ​സം​ഭ​വം.
അമ്മയ്ക്കൊപ്പം അലൻ വൈകിട്ട് വീട്ടിലേക്ക് പോകുന്നതിനിടെയാണ് കാട്ടാനയുടെ ആക്രമണം ഉണ്ടായത്. കണ്ണാടൻചോലയ്ക്ക് സമീപത്ത് വച്ചായിരുന്നു സംഭവം. വിജയയുടെ അമ്മയാണ് വിവരം ഫോണിൽ അയൽവാസികളെ അറിയിച്ചത്. നാട്ടുകാർ ഇരുവരെയും ആശുപത്രിയിലെത്തിച്ചെങ്കിലും അലൻ മരിച്ചു. പരിക്കേറ്റ അലന്റെ അമ്മയെ തൃശൂർ മെഡിക്കൽ കോളേജ് ആശുപത്രിയിലേക്ക് മാറ്റി. അലന്റെ മൃതദേഹം പാലക്കാട് ജില്ലാ ആശുപത്രിയിൽ സൂക്ഷിച്ചിരിക്കുകയാണ്.&nbsp;

പാലക്കാട് കാട്ടാന ആക്രമണത്തിൽ യുവാവിന് ദാരുണാന്ത്യം

തിരുവനന്തപുരം: ഓൺലൈൻ ചാനലായ കർമ ന്യൂസ് എംഡി വിൻസ് മാത്യുവിനെ പോലീസ് അറസ്റ്റ് ചെയ്തു. ഞായറാഴ്ച രാവിലെ വിദേശത്തുനിന്നു വന്നിറങ്ങിയപ്പോൾ തിരുവനന്തപുരം വിമാനത്താവളത്തിൽ വെച്ചായിരുന്നു അറസ്റ്റ്. കളമശ്ശേരി സ്‌ഫോടന സംഭവത്തെക്കുറിച്ച് തെറ്റായി വാർത്ത പ്രചരിപ്പിച്ച കേസിലായിരുന്നു നടപടി.
2023 ഒക്‌ടോബറിൽ കൊച്ചി കളമശ്ശേരിയിൽ ‘യഹോവസാക്ഷി’കളുടെ കൺവെൻഷൻ നടക്കുന്നതിനിടെയായിരുന്നു സ്‌ഫോടനമുണ്ടായത്. ഈ സംഭവത്തിനു പിന്നാലെ സ്പർധയുണ്ടാക്കുന്നതരം വാർത്ത കർമ ന്യൂസിൽ വന്നതിനാണ് കേസെടുത്തത്.വിദേശത്തായിരുന്ന വിൻസ് മാത്യുവിന്റെ പേരിൽ കേരള പോലീസ് ലുക്കൗട്ട് നോട്ടീസും പുറപ്പെടുവിച്ചിരുന്നു. ഓസ്‌ട്രേലിയയിൽനിന്ന് തിരുവനന്തപുരം വിമാനത്താവളത്തിലെത്തിയപ്പോൾ എമിഗ്രേഷൻ ഉദ്യോഗസ്ഥർ ഇദ്ദേഹത്തെ തടഞ്ഞുവെച്ചു. തുടർന്ന് തിരുവനന്തപുരം സിറ്റി സൈബർ പോലീസ് എത്തി അറസ്റ്റ് ചെയ്യുകയായിരുന്നു.&nbsp;

വിദ്വേഷവാർത്ത: കർമ ന്യൂസ് എംഡി അറസ്റ്റിൽ

കോഴിക്കോട്: സ്വർണവിലയിൽ ഇന്ന് വൻ ഇടിവ്. പവന് 800 രൂപ കുറഞ്ഞ് 46,280 രൂപയാണ് ഇന്നത്തെ വില. ഗ്രാമിന് 100 രൂപ കുറഞ്ഞ് 5785 രൂപയായി. ഇന്നലെ ഈ മാസത്ത ഏറ്റവുമുയർന്ന വിലയായ 47,080 രൂപയായിരുന്നു പവൻ വില. തുടർച്ചയായി വില കയറിയ ശേഷമാണ് ഇന്ന് പവന് 800 രൂപ കുറഞ്ഞത്.
രാജ്യാന്തര ഓഹരിവിപണികളിലുൾപ്പടെ വൻ നേട്ടമുണ്ടായ പശ്ചാത്തലത്തിലാണ് സ്വർണത്തിന് വില കുറഞ്ഞത്. നിക്ഷേപകർ ഓഹരികളിലേക്ക് തിരിയുന്നതായാണ് അനുമാനം. നവംബർ 13ന് 44,360 രൂപയായിരുന്നു സ്വർണവില. മൂന്നാഴ്ചകൊണ്ട് ഇത് 47,080 വരെ വർധിച്ചു. 2720 രൂപയുടെ വർധനവാണ് പവനുണ്ടായത്.

പവന് 800 രൂപ കുറഞ്ഞ് 46,280 രൂപയാണ് ഇന്നത്തെ വില

Search Results for: 23.05.2025