കൊച്ചി: ശബരിമലയിൽ നടൻ ദിലീപ് വിഐപി പരിഗണനയിൽ ദർശനം നടത്തിയ സംഭവത്തിൽ വിമർശനവുമായി ഹൈക്കോടതി. വിഷയം ചെറുതായി കാണാനാകില്ലെന്ന് പറഞ്ഞ കോടതി, ദേവസ്വം ബോർഡിനോട് വിശദീകരണം തേടി. സംഭവത്തിന്റെ സിസിടിവി ദൃശ്യങ്ങൾ ഹാജരാക്കാനും കോടതി നിർദേശിച്ചു. ഇന്ന് ഉച്ചയ്‌ക്ക് മറുപടി അറിയിക്കണമെന്നാണ് ദേവസ്വം ബോർഡിന് ഹൈക്കോടതി നിർദേശം നൽകിയിരിക്കുന്നത്.
ഇന്നലെയാണ് നടൻ ദിലീപ് ശബരിമലയിൽ ദർശനം നടത്തിയത്. രാത്രി നട അടയ്‌ക്കുന്നതിന് തൊട്ടുമുമ്പായിരുന്നു സംഭവം. ഹരിവരാസനം പൂർത്തിയായി നടയടച്ച ശേഷമാണ് ദിലീപ് മടങ്ങിയത്. കഴിഞ്ഞ വർഷങ്ങളിലും ദിലീപ് ശബരിമല ദർശനം നടത്തിയിരുന്നു. ദിലീപിന് വിഐപി പരിഗണന ലഭിച്ചോ എന്നാണ് ഹൈക്കോടതി ഇപ്പോൾ പരിശോധിക്കുന്നത്

ശബരിമലയിൽ വിഐപി പരിഗണനയിൽ ദർശനം നടത്തി ദിലീപ്;വിമർശനവുമായി ഹൈക്കോടതി

കൊച്ചി: നടിയെ ആക്രമിച്ച കേസില്‍ നടന്‍ ദിലീപ് ഉള്‍പ്പെടെയുള്ള പ്രതികള്‍ വിചാരണക്കോടതിയില്‍ ഹാജരായി. ഒന്നാംപ്രതിയായ എന്‍.എസ്. സുനിലെന്ന പള്‍സര്‍ സുനി, രണ്ടാം പ്രതി മാര്‍ട്ടിന്‍ ആന്റണി, മൂന്നാംപ്രതി ബി. മണികണ്ഠന്‍, നാലാം പ്രതി വി.പി. വിജീഷ്, ആറാംപ്രതി പ്രദീപ്, എട്ടാം പ്രതി പി. ഗോപാലകൃഷ്ണനെന്ന ദിലീപ്, ഒന്‍പതാം പ്രതി സനില്‍കുമാര്‍, പതിനഞ്ചാം പ്രതി ശരത് ജി. നായര്‍ എന്നിവരാണ് ഹാജരായത്. അഞ്ചും ഏഴും പ്രതികള്‍ ഹാജരായിരുന്നില്ല. കേസ് വെള്ളിയാഴ്ച വീണ്ടും പരിഗണിക്കും.
വിചാരണ നടപടികളുടെ ഭാഗമായാണ് പ്രതികള്‍ ഹാജരായത്. കേസില്‍ പ്രോസിക്യൂഷന്‍ സാക്ഷികളുടെ വിസ്താരം പൂര്‍ത്തിയായിരുന്നു. ഇനി പ്രതിഭാഗം സാക്ഷികളുടെ വിസ്താരവും വാദവുമെല്ലാമാണ് നടക്കേണ്ടത്

നടിയെ ആക്രമിച്ച കേസ് ; ദിലീപ് ഉള്‍പ്പെടെയുള്ള പ്രതികള്‍ കോടതിയില്‍ ഹാജരായി

Kerala

ഇന്‍സ്റ്റഗ്രാമില്‍ പരസ്പരം ഫോളോ ചെയ്ത് മഞ്ജു വാര്യരും മകള്‍ മീനാക്ഷിയും. മഞ്ജുവും ദിലീപും വേര്‍പിരിഞ്ഞതിന് ശേഷം മീനാക്ഷി ദിലീപിനൊപ്പമാണ് താമസിക്കുന്നത്.
ദിലീപിനൊപ്പം മീനാക്ഷി പൊതുചടങ്ങുകളില്‍ പങ്കെടുക്കാറുണ്ട്. എന്നാല്‍ മഞ്ജുവിനൊപ്പം മീനാക്ഷിയെ കണ്ടിട്ടില്ല. 1998 ലാണ് ദിലീപും മഞ്ജുവും വിവാഹിതരാകുന്നത്. 2014 ലാണ് വിവാഹമോചനം നേടിയത്.
ഏതാനും ദിവസങ്ങള്‍ക്ക് മുന്‍പാണ് മീനാക്ഷി എം.ബി.ബി.എസ് ബിരുദം നേടിയത്. അതിന്റെ സന്തോഷം ദിലീപ് പങ്കുവയ്ക്കുകയും ചെയ്തു. ''ദൈവത്തിന് നന്ദി. ഒരു സ്വപ്നം യാഥാര്‍ഥ്യമായിരിക്കുന്നു. എന്റെ മകള്‍ മീനാക്ഷി ഡോക്ടര്‍ ആയിരിക്കുന്നു. അവളോട് സ്‌നേഹവും ബഹുമാനവും'', ബിരുദദാനത്തിന് ശേഷം സര്‍ട്ടിഫിക്കറ്റുമായി നില്‍ക്കുന്ന മീനാക്ഷിയുടെ ചിത്രം പങ്കുവച്ചുകൊണ്ട് ദിലീപ് കുറിച്ചു.

ഇന്‍സ്റ്റഗ്രാമില്‍ പരസ്പരം ഫോളോ ചെയ്ത് മഞ്ജു വാര്യരും മീനാക്ഷിയും

കൊച്ചി: നടിയെ തട്ടിക്കൊണ്ടു പോയി ഉപദ്രവിച്ച് അശ്ലീല ദൃശ്യങ്ങള്‍ പകര്‍ത്തിയ കേസില്‍ പ്രതിയുടെ ജാമ്യം റദ്ദാക്കണമെന്ന് ആവശ്യപ്പെട്ട് സര്‍ക്കാര്‍ നല്‍കിയ ഹര്‍ജിയിലെ ആരോപണങ്ങള്‍ അടിസ്ഥാനരഹിതമെന്ന് നടന്‍ ദിലീപ് ഹൈക്കോടതിയില്‍. ജാമ്യം റദ്ദാക്കാന്‍ പറയുന്ന കാര്യങ്ങള്‍ മുന്‍പും പലതവണ കോടതി തള്ളിയതാണെന്ന് ദിലീപ് മറുപടി സത്യവാങ്മൂലത്തില്‍ പറയുന്നു. ഹര്‍ജി ജസ്റ്റിസ് പി ഗോപിനാഥ് 18 നു പരിഗണിക്കാന്‍ മാറ്റി. തെളിവുകള്‍ നശിപ്പിക്കാനും സാക്ഷികളെ സ്വാധീനിക്കാനും ദിലീപ് ശ്രമിച്ചുവെന്ന് ആരോപിച്ചാണു ജാമ്യം റദ്ദാക്കാന്‍ സര്‍ക്കാര്‍ ഹര്‍ജി നല്‍കിയത്. എന്നാല്‍ വിചാരണക്കോടതി 259 പ്രോസിക്യൂഷന്‍ സാക്ഷികളെ ഇതിനകം വിസ്തരിച്ചു കഴിഞ്ഞെന്നും ഇനി വിസ്തരിക്കാനുള്ള അന്വേഷണ ഉദ്യോഗസ്ഥന്‍, ഫൊറന്‍സിക് ലാബിലെ ജോയിന്റ് ഡയറക്ടര്‍ എന്നിവരെ താന്‍ സ്വാധീനിക്കുമെന്നു കരുതാന്‍ ന്യായമില്ലെന്നും ദിലീപ് വ്യക്തമാക്കി.&nbsp;
80 സാക്ഷികളുടെ തെളിവെടുപ്പ് പൂര്‍ത്തിയായ ഘട്ടത്തില്‍ തനിക്കും വിചാരണക്കോടതി ജഡ്ജിക്കും എതിരെ ആരോപണം ഉന്നയിച്ചും കോടതി മാറ്റം ആവശ്യപ്പെട്ടും നടിയും പ്രോസിക്യൂഷനും കോടതിയെ സമീപിച്ചെങ്കിലും ഹൈക്കോടതിയും സുപ്രീം കോടതിയും അനുവദിച്ചില്ല. സിനിമാ സംവിധായകന്‍ ബാലചന്ദ്രകുമാറിന്റെ വെളിപ്പെടുത്തലിനെ തുടര്‍ന്നു രജിസ്റ്റര്‍ ചെയ്ത കേസില്‍ മുന്‍കൂര്‍ ജാമ്യം തേടിയപ്പോഴും പ്രോസിക്യൂഷന്‍ സമാനമായ ആരോപണങ്ങള്‍ ഉന്നയിച്ചിരുന്നു. ഇവയൊക്കെ തള്ളിയാണ് കോടതി ജാമ്യം നല്‍കിയത്. താന്‍ സ്വാധീനിച്ചുവെന്നു പറയുന്ന വിപിന്‍ലാല്‍, ജിന്‍സണ്‍ എന്നീ സാക്ഷികള്‍ വിവിധ കേസുകളില്‍ പ്രതികളാണെന്നും ഏറെക്കാലമായി ജയിലിലാണെന്നും ദിലീപ് ആരോപിച്ചു.&nbsp;

ഹര്‍ജി ജസ്റ്റിസ് പി ഗോപിനാഥ് 18 നു പരിഗണിക്കാന്‍ മാറ്റി

ജാമ്യം റദ്ദാക്കാൻ സർക്കാർ ഉന്നയിക്കുന്ന ആരോപണങ്ങൾ അടിസ്ഥാനരഹിതം; ദിലീപ്

കൊച്ചി: നടിയെ ആക്രമിച്ച കേസുമായി ബന്ധപ്പെട്ട് മെമ്മറി കാര്‍ഡിലെ ഹാഷ് വാല്യൂ മാറിയ സംഭവത്തില്‍ അന്വേഷണത്തിന് ഉത്തരവിട്ട് ഹൈക്കോടതി. കോടതി മേല്‍നോട്ടത്തില്‍ അന്വേഷണം ആവശ്യപ്പെട്ടുള്ള അതിജീവിതയുടെ ഹര്‍ജിയില്‍ ജസ്റ്റിസ് കെ ബാബുവാണ് വിധി പ്രസ്താവിച്ചത്. കോടതിയുടെ പരിഗണനയില്‍ ഇരിക്കെ മെമ്മറി കാര്‍ഡ് പരിശോധിച്ചതിന് പിന്നില്‍ ആരാണ് എന്ന് കണ്ടെത്തുന്നതിന് വേണ്ടി കോടതിയുടെ മേല്‍നോട്ടത്തില്‍ അന്വേഷണം നടത്തണമെന്ന് ആവശ്യപ്പെട്ടായിരുന്നു ഹര്‍ജി. വിചാരണ കോടതിയുടെ കസ്റ്റഡിയില്‍ ഇരിക്കെ ദൃശ്യങ്ങള്‍ ഉള്‍പ്പെട്ട മെമ്മറി കാര്‍ഡിന്റെ ഹാഷ് വാല്യു മാറിയെന്നതിന് ഫോറന്‍സിക് റിപ്പോര്‍ട്ട് തെളിവായുണ്ടെന്നാണ് പ്രധാന വാദം.
ഹാഷ് വാല്യു മാറിയത് ആരെങ്കിലും ദൃശ്യം പരിശോധിച്ചത് കൊണ്ടാകാമെന്നും അപകീര്‍ത്തികരമായ ദൃശ്യങ്ങള്‍ പുറത്ത് പോകുന്നത് സ്വകാര്യതയെ ബാധിക്കുമെന്നും ഹര്‍ജിയില്‍ നടി ചൂണ്ടിക്കാട്ടിയിരുന്നു. 2018 ജനുവരി 9നും ഡിസംബര്‍ 13നുമാണ് ആദ്യം ഹാഷ് വാല്യു മാറിയതെന്നും പിന്നീട് 2021 ജൂലൈയിലും ഹാഷ് വാല്യു മാറിയതായും ഫോറന്‍സിക് പരിശോധന ഫലത്തില്‍ കണ്ടെത്തിയിരുന്നു.

മെമ്മറി കാര്‍ഡിന്റെ ഹാഷ് വാല്യു മാറിയെന്നതിന് ഫോറന്‍സിക് റിപ്പോര്‍ട്ട് തെളിവായുണ്ടെന്നാണ് പ്രധാന വാദം

നടിയെ ആക്രമിച്ച കേസ്; മെമ്മറി കാര്‍ഡിലെ ഹാഷ് വാല്യൂ മാറിയ സംഭവത്തില്‍ അന്വേഷണത്തിന് ഉത്തരവിട്ട് ഹൈക്കോടതി

വടകര: സി.പി.എം. ഏരിയാസമ്മേളനങ്ങൾക്ക് തുടക്കംകുറിച്ച് നടന്ന ആദ്യ ഏരിയാസമ്മേളനത്തിൽത്തന്നെ ഔദ്യോഗിക പാനലിനെതിരേ മത്സരം. ഞായറാഴ്ച നടന്ന വടകര ഏരിയാസമ്മേളനത്തിലാണ് നാലുപേർ ഔദ്യോഗിക പാനലിനെതിരേ മത്സരിച്ചത്. ആദ്യ ഏരിയാസമ്മേളനമായതിനാൽ മത്സരം പാടില്ലെന്ന് നേതൃത്വത്തിന്റെ മുന്നറിയിപ്പുണ്ടായിരുന്നു. ഇത് അവഗണിച്ചായിരുന്നു മത്സരം. മത്സരിച്ചവർ പരാജയപ്പെട്ടെങ്കിലും ഇവർ മത്സരിക്കാനിടയായ സാഹചര്യം പാർട്ടിക്കുള്ളിൽ ചർച്ചയായിട്ടുണ്ട്.
വടകര ഏരിയാ കമ്മിറ്റിയിലേക്ക് സമീപകാലത്തൊന്നും മത്സരം നടന്നിട്ടില്ല. മുൻ ഏരിയാ കമ്മിറ്റി അംഗവും മണിയൂർ പഞ്ചായത്ത് പ്രസിഡന്റുമായ ടി.കെ. അഷ്‌റഫ്, സി.ഐ.ടി.യു. നേതാവ് വേണു കക്കട്ടിൽ, സി.പി.എം. നടക്കുതാഴ നോർത്ത് ലോക്കൽ സെക്രട്ടറി വത്സൻ കുനിയിൽ, പൊന്മേരി ലോക്കലിലെ ടി.പി. ദാമോദരൻ എന്നിവരാണ് മത്സരിച്ചത്. ഏരിയാകമ്മിറ്റിയിലേക്ക് 21 പേരുടെ ഔദ്യോഗികപാനൽ അവതരിപ്പിച്ചതിന് പിന്നാലെയാണ് ഇവരുടെ പേരുകൾകൂടി നിർദേശിക്കപ്പെട്ടത്.
ഇതോടെ വോട്ടെടുപ്പ് നടന്നു. ആകെ 168 പ്രതിനിധികളാണ് സമ്മേളനത്തിൽ ഉണ്ടായിരുന്നത്. ഇതിൽ ഒരുവോട്ട് അസാധുവായി. ബാക്കിയുള്ള 167 വോട്ടുകളിൽ എല്ലാവോട്ടും കിട്ടിയത് ഔദ്യോഗിക പാനലിലെ ഒരാൾക്ക് മാത്രമാണ്.പാനലിനെതിരേ മത്സരിച്ചവരിൽ ഒരാൾക്ക് 77 വോട്ടുവരെ കിട്ടി. നിലവിലുള്ള സെക്രട്ടറി ഉൾപ്പെടെയുള്ള പ്രമുഖനേതാക്കൾക്ക് ഔദ്യോഗിക പാനലിലെ മറ്റുള്ളവരെക്കാൾ വോട്ടുകുറഞ്ഞതും നേതൃത്വത്തെ ഞെട്ടിച്ചിട്ടുണ്ട്.സംസ്ഥാനത്തെ ആദ്യ ഏരിയാസമ്മേളനമാണ് വടകരയിൽ നടന്നത്. ജില്ലാ സെക്രട്ടറി പി. മോഹനന്റെ സജീവസാന്നിധ്യം സമ്മേളനത്തിലുണ്ടായിരുന്നു.21 അംഗ ഏരിയാ കമ്മിറ്റിയിൽ മൂന്നുപേർ പുതുമുഖങ്ങളാണ്. വടകര നഗരസഭാ ചെയർപേഴ്‌സൺ കെ.പി. ബിന്ദു, ആയഞ്ചേരിയിൽനിന്നുള്ള മീത്തലെ കാട്ടിൽ നാണു, ചെമ്മരത്തൂർ ലോക്കൽ സെക്രട്ടറി പി.കെ. ശ്രീധരൻ എന്നിവരാണ് പുതുമുഖങ്ങൾ.

‌സി.പി.എം വടകര ഏരിയാസമ്മേളനം; മുന്നറിയിപ്പ് അവ​ഗണിച്ച് ഔദ്യോഗികപാനലിനെതിരെ മത്സരം

Vadakara

കണ്ണൂര്‍: എഡിഎം നവീന്‍ ബാബുവിന്റെ മരണം കൊലപാതകമാണെന്നു സംശയിക്കുന്നതായി ആര്‍.എം.പി നേതാവ് കെ.കെ.രമ എം.എല്‍.എ. നവീന്‍ ബാബുവിന്റെ ആത്മഹത്യത്തെയെത്തുടര്‍ന്ന് ഒളിവില്‍ പോയ മുന്‍ കണ്ണൂര്‍ ജില്ലാ പഞ്ചായത്ത് പ്രസിഡന്റ് പി.പി ദിവ്യയുടെ മുൻകൂർ ജാമ്യാപേക്ഷ കോടതി പരഗണിക്കുന്ന പശ്ചാത്തലത്തിലാണ്‌ കെ.കെ രമയുടെ ആരോപണം. വലിയ ഗൂഢാലോചന ഇതിനകത്ത് നടന്നിട്ടുണ്ടെന്നും കണ്ണൂരില്‍ നടക്കുന്ന ഒട്ടേറെ മരണങ്ങളുടെ തുടര്‍ച്ചയാണ് നവീന്‍ ബാബുവിന്റെ മരണത്തില്‍ എത്തി നില്‍ക്കുന്നതെന്നും കെ.കെ.രമ ആരോപിച്ചു.
'ഏറ്റവും നല്ല ഉദ്യോഗസ്ഥനാണെന്ന് ജില്ലാ സെക്രട്ടറി സാക്ഷ്യപ്പെടുത്തിയ ഒരാള്‍ക്കെതിരെയാണ് ഒരു ജില്ലാ പഞ്ചായത്ത് പ്രസിഡന്റ് അഴിമതി ആരോപണം ഉന്നയിക്കുന്നത്. അതു തന്നെ ദുരൂഹമാണ്. വളരെ കൃത്യമായ പ്ലാനിങ്ങാണ് ഇതിനുപിന്നിലുള്ളത്. വലിയ ആലോചന ഇതിനകത്ത് നടന്നിട്ടുണ്ട്. കണ്ണൂരില്‍ നടക്കുന്ന ഒട്ടേറെ മരണങ്ങളുടെ ഒരു തുടര്‍ച്ചയാണിത്. ദുരൂഹമാണ്. കൊലപാതകമാണ് എന്നു സംശയിക്കുന്ന എല്ലാ തെളിവുകളിലേക്കും നയിക്കുന്നുണ്ട്. നവീന്‍ ബാബുവിന്റെ മരണം അന്വേഷിച്ചു കണ്ടെത്തണം. അതിന് കേരളത്തിന് പുറത്തുള്ള ഒരു ഏജന്‍സിക്ക് മാത്രമേ ഇതു സാധിക്കുകയുള്ളൂ. ആ ഏജന്‍സിക്ക് അന്വേഷണം കൈമാറണം'-കെ.കെ രമ പറഞ്ഞു.

പുറത്തുള്ള ഏജന്‍സി അന്വേഷിക്കണം; നവീന്‍ ബാബുവിന്റെ മരണം കൊലപാതകമെന്ന് സംശയിക്കുന്നതായി കെ.കെ.രമ

തിരുവനന്തപുരം: നടനും എംൽഎയുമായ എം. മുകേഷ് സ്ഥാനമൊഴിയാൻ തയ്യാറാകണമെന്ന് കെ.കെ. രമ എം.എൽ.എ . വലിയ പ്രതിസന്ധിയിലൂടെയാണ് സി.പി.എം. കടന്നുപോകുന്നത്.ഗുരുതരമായ ആരോപണങ്ങളാണ് മുകേഷിനെതിരേ ഉയർന്നുവരുന്നത്. നേരത്തെ, ഈ വിഷയത്തിൽ കേസ് എടുക്കേണ്ടതായിരുന്നു. അദ്ദേഹത്തിന്റെ രാജി സി.പി.എം. ചോദിച്ചു വാങ്ങണം. ധാർമികമായി ഒരു നിമിഷം പോലും എം.എൽ.എ. സ്ഥാനത്ത് തുടരാൻ മുകേഷിന് അർഹതയില്ല. ആവശ്യമെങ്കിൽ, സ്പീക്കറുടെ അനുവാദത്തോടെ അറസ്റ്റ് ചെയ്ത് ചോദ്യം ചെയ്യുകയും വേണം.
സമഗ്ര സിനിമാനയത്തിന്റെ കരട് തയ്യാറാക്കാന്‍ സര്‍ക്കാര്‍ രൂപവത്കരിച്ച പത്തംഗസമിതിയിലെ അം​ഗമാണ് മുകേഷ്. ഇദ്ദേഹത്തെ വച്ചാണ് സർക്കാർ നയമുണ്ടാക്കുന്നത്. സ്വന്തം ഭാര്യയെ പോലും ശാരീരികവും മാനസികവുമായി തകർത്ത വ്യക്തി. ഈ സമിതിയിൽ നിന്നും മുകേഷിനെ പുറത്താക്കണം. സ്ത്രീകൾ തലപ്പത്തുള്ള നയരൂപീകരണ സമിതിയുണ്ടാക്കേണ്ടതുണ്ട്.
'സ്ത്രീപക്ഷ സർക്കാരായിരുന്നു കേരളത്തിലേതെങ്കിൽ ഇത്തരം ആരോപണങ്ങൾ ഉയർന്ന സാഹചര്യത്തിൽ തന്നെ പ്രതിഷേധത്തിന് കാത്ത് നിൽക്കാതെ ആരോപണവിധേയരെ സ്ഥാനത്ത് നിന്നും നീക്കേണ്ടതായിരുന്നു. ഈ വിഷയം സർക്കാരിന് മുന്നിലെത്തിയിട്ട് നാലര വർഷമായി. ഇത്രയും കാലം ഇത് പൂഴ്ത്തിവെച്ചവരാണ് ഇപ്പോൾ ഇരകളുടെ ഒപ്പമാണെന്ന് പറയുന്നത്. ഒരു പേജെങ്കിലും മറിച്ചു നോക്കിയിട്ടുണ്ടോയെന്ന്‌ എന്ന് നമുക്കറിയില്ല. ഇനി നോക്കിയെങ്കിൽ ഇത്രയും കാലം അവർ മിണ്ടിയില്ല', കെ.കെ. രമ പറഞ്ഞു.

സ്വന്തം ഭാര്യയെ പോലും ശാരീരികവും മാനസികവുമായി തകർത്ത വ്യക്തി ; മുകേഷിന് എം.എൽ.എ. സ്ഥാനത്ത് തുടരാൻ അർഹതയില്ലെന്ന് കെ.കെ. രമ

കൊച്ചി: കാഫിർ സ്‌ക്രീൻ ഷോട്ടുമായി ബന്ധപ്പെട്ട അന്വേഷണം ശരിയായ ദിശയിലാണെന്ന് സർക്കാർ ഹൈക്കോടതിയിൽ. സ്‌ക്രീൻ ഷോട്ടിന്റെ ഉറവിടം കണ്ടെത്താൻ ഒട്ടേറെപ്പേരെ ചോദ്യംചെയ്യുകയും ഫോണുകൾ ഫൊറൻസിക് പരിശോധനയ്ക്കായി അയക്കുകയും ചെയ്തു.
രണ്ടുകേസുകളാണ് രജിസ്റ്റർ ചെയ്തിരിക്കുന്നത്. രണ്ടിലെയും അന്വേഷണം ഒരാളിലായിരിക്കും എത്തുകയെന്ന സൂചനയാണ് ലഭിച്ചിരിക്കുന്നതെന്നും സർക്കാരിനായി ഹാജരായ അഡീഷണൽ പബ്ലിക് പ്രോസിക്യൂട്ടർ പി. നാരായണൻ അറിയിച്ചു.അന്വേഷണം ശരിയായ ദിശയിലാണല്ലോയെന്ന് വാക്കാൽ അഭിപ്രായപ്പെട്ട ജസ്റ്റിസ് ബെച്ചു കുര്യൻ തോമസ് ഹർജി വിശദമായ വാദം കേൾക്കുന്നതിനായി 29-ന് പരിഗണിക്കാനായി മാറ്റി.
റെഡ് ബെറ്റാലിയൻ, റെഡ് എൻകൗണ്ടേഴ്സ്, അമ്പാടിമുക്ക് സഖാക്കൾ എന്നീ വാട്സാപ്പ് ഗ്രൂപ്പുകളിൽ സ്‌ക്രീൻഷോട്ട് പ്രചരിച്ചതിന്റെ അന്വേഷണം നിലവിൽ റിബേഷിലാണ് എത്തിനിൽക്കുന്നത്. സ്‌ക്രീൻ ഷോട്ട് കിട്ടിയത് എവിടെനിന്നാണെന്ന് ഇയാൾ വ്യക്തമാക്കിയിട്ടില്ല. ഇയാളെ പ്രതിയാക്കാൻ നിലവിൽ തെളിവുകൾ ലഭിച്ചിട്ടില്ലെന്നും വിശദീകരിച്ചു.

കാഫിർ സ്‌ക്രീൻ ഷോട്ടുമായി ബന്ധപ്പെട്ട അന്വേഷണം ശരിയായ ദിശയിലെന്ന് സർക്കാർ;റിബേഷിനെ പ്രതിയാക്കാൻ തെളിവുകള്‍ ലഭിച്ചിട്ടില്ല

വടകര: കാഫിർ സന്ദേശ സ്‌ക്രീൻഷോട്ട് നിര്‍മിച്ചത്‌ ഡിവൈഎഫ്ഐ വടകര ബ്ലോക്ക് പ്രസിഡന്റ് ആർ.എസ് റിബേഷ് ആണെന്ന് തെളിയിക്കുന്നവർക്ക് 25 ലക്ഷം രൂപ ഇനാം പ്രഖ്യാപനവുമായി ഡിവൈഎഫ്ഐ. വടകര ബ്ലോക്ക് കമ്മിറ്റിയുടെ ഫെയ്സ്ബുക്ക് അക്കൗണ്ടിലൂടെയാണ് ഇനാം പ്രഖ്യാപിച്ചത്.
റെഡ് എൻകൗണ്ടർ എന്ന ഇടത് അനുകൂല വാട്‌സാപ്പ് ഗ്രൂപ്പിൽ റിബേഷ് ഷെയർ ചെയ്ത പോസ്റ്റാണ് പിന്നീട് സാമൂഹിക മാധ്യമങ്ങളിലൂടെ വ്യാപകമായി പ്രചരിക്കപ്പെട്ടതെന്ന അനുമാനത്തിൽ പോലീസ് കോടതിയിൽ റിപ്പോർട്ട് സമർപ്പിച്ചിരുന്നു. 'റിബേഷിന്റെ മൊഴിയെടുത്തെങ്കിലും പോസ്റ്റ് ലഭിച്ചത് എവിടെനിന്നാണെന്ന് പറയാൻ തയ്യാറായില്ല. പോസ്റ്റ് സൃഷ്ടിച്ചത് റിബേഷ് ആണോ അതോ ഡൗൺലോഡ് ചെയ്തതാണോ എന്നറിയാൻ ഫോൺ ഫോറൻസിക് പരിശോധനയ്ക്കയച്ചിരിക്കുകയാണെന്നും റിപ്പോർട്ടിൽ പറയുന്നു.
ഈ റിപ്പോര്‍ട്ടിന് പിന്നാലെ റിബേഷിനെതിരെയും ഡിവൈഎഫ്‌ഐക്കെതിരെയും വ്യാപക വിമര്‍ശനങ്ങളുയര്‍ന്ന സാഹചര്യത്തിലാണ് ഇനാം പ്രഖ്യാപനം. വടകരയില്‍ ഡിവൈഎഫ്‌ഐ വിശദീകരണ യോഗവും വിളിച്ചുചേര്‍ക്കുന്നുണ്ട്‌.

കാഫിർ സ്‌ക്രീൻഷോട്ട് നിര്‍മിച്ചത്‌ റിബേഷെന്ന് തെളിയിക്കുന്നവർക്ക് 25 ലക്ഷം ഇനാം പ്രഖ്യാപിച്ച് ഡി.വൈ.എഫ്.ഐ

വടകര: കാഫിർ സ്ക്രീൻ ഷോട്ട് വിവാദത്തിൽ തനിക്കെതിരായ പ്രചാരണങ്ങളിൽ നിയമ നടപടി സ്വീകരിക്കുമെന്ന് വടകരയിലെ ഡിവൈഎഫ്ഐ നേതാവ് റിബേഷ് രാമകൃഷ്ണൻ. മാധ്യമങ്ങൾ തോന്നിയത് പോലെയാണ് റിപ്പോർട്ട്‌ ചെയ്യുന്നത്. മാധ്യമങ്ങൾ ചെയ്യേണ്ട പണിയല്ല ചെയ്യുന്നത്. അതിൽ കൂടുതൽ വിശദീകരണം നൽകാനില്ലെന്നും റിബേഷ് രാമകൃഷ്ണൻ പറഞ്ഞു.&nbsp;
വ്യാജ സ്ക്രീൻഷോട്ട് വിവാദത്തില്‍ റിബേഷ് രാമകൃഷ്ണനെതിരെ പൊതു വിദ്യാഭ്യാസ ഡയറക്ടർക്ക് പരാതി നൽകിയിരുന്നു. അധ്യാപകനായ റിബേഷ് സർവീസ് ചട്ടം ലംഘിച്ചു എന്ന് ആരോപിച്ചാണ് പൊതു വിദ്യാഭ്യാസ ഡയറക്ടർക്ക് പരാതി ലഭിച്ചിരിക്കുന്നത്. വർഗീയ പ്രചരണം നടത്തിയ അധ്യാപകനെതിരെ നടപടിയെടുക്കണമെന്ന് ആവശ്യപ്പെട്ടാണ് യൂത്ത് കോൺഗ്രസ് സംസ്ഥാന ജനറൽ സെക്രട്ടറി വിപി ദുൽഖിഫിൽ പരാതി നൽകിയിരിക്കുന്നത്.
കാഫിര്‍ പരാമര്‍ശമടങ്ങിയ സ്ക്രീന്‍ ഷോട്ട് വാട്സ്ആപ്പ് ഗ്രൂപ്പില്‍ ആദ്യമായി പോസ്റ്റ് ചെയ്തത് ഡിവൈഎഫ് ഐ വടകര ബ്ലോക്ക് പ്രസിഡന്‍റ് റിബേഷാണെന്ന ആരോപണവുമായി കേസില്‍ പ്രതി ചേര്‍ക്കപ്പെട്ട എംഎസ്എഫ് നേതാവ് മുഹമ്മദ് കാസിം നേരത്തെ രംഗത്തെത്തിയിരുന്നു.&nbsp;

കാഫിർ സ്ക്രീൻ ഷോട്ട് വിവാദം ;തനിക്കെതിരായ പ്രചാരണങ്ങളിൽ നിയമ നടപടി സ്വീകരിക്കുമെന്ന് റിബേഷ് രാമകൃഷ്ണൻ

മാനന്തവാടി (വയനാട്): യൂത്ത് കോണ്‍ഗ്രസ് മാനന്തവാടി നിയോജകമണ്ഡലം 'യങ് ഇന്ത്യ' ബൂത്ത് ലെവല്‍ ലീഡേഴ്സ് മീറ്റില്‍ കൈയാങ്കളി. സംസ്ഥാന അധ്യക്ഷന്‍ രാഹുല്‍ മാങ്കൂട്ടത്തില്‍ ഉള്‍പ്പെടെയുള്ള നേതാക്കള്‍ പങ്കെടുത്ത യോഗത്തിലാണ് യൂത്ത് കോണ്‍ഗ്രസ് പ്രവര്‍ത്തകര്‍ പരസ്പരം പോരടിച്ചത്.
നാലാംമൈല്‍ സി.എ.എച്ച്. ഓഡിറ്റോറിയത്തിലാണ് പരിപാടി സംഘടിപ്പിച്ചത്. ബുധനാഴ്ച വൈകീട്ട് അഞ്ചരയോടെയാണ് യോഗം തുടങ്ങിയത്. ആറേമുക്കാലോടെ രാഹുല്‍ മാങ്കൂട്ടത്തില്‍ എത്തി. ഡി.സി.സി. മുന്‍ ജനറല്‍ സെക്രട്ടറിയും മാനന്തവാടി ബ്ലോക്ക് പഞ്ചായത്ത് മുന്‍ പ്രസിഡന്റുമായ സി. അബ്ദുള്‍ അഷ്റഫ് വേദിയിലിരുന്നതാണ് ഒരുവിഭാഗം പ്രവര്‍ത്തകരെ ചൊടിപ്പിച്ചത്. മാനന്തവാടി നിയോജകമണ്ഡലം സെക്രട്ടറി ഷിനു ജോണ്‍, എടവക മണ്ഡലം വൈസ് പ്രസിഡന്റ് അക്ഷയ് ജീസസ് തുടങ്ങിയവരുടെ നേതൃത്വത്തിലായിരുന്നു പ്രതിഷേധം. അബ്ദുല്‍ അഷ്‌റഫിനെ പിന്തുണയ്ക്കുന്ന യൂത്ത് കോണ്‍ഗ്രസ് പ്രവര്‍ത്തകര്‍ സംഘടിച്ചെത്തിയതോടെ പരസ്പരം ഏറ്റുമുട്ടി. വേദിയില്‍നിന്ന് രാഹുല്‍ മാങ്കൂട്ടത്തില്‍ ഉള്‍പ്പെടെയുള്ള നേതാക്കന്മാര്‍ ഇറങ്ങിവന്നാണ് പ്രശ്‌നം പരിഹരിച്ചത്. അബ്ദുള്‍ അഷ്റഫിനെ വേദിയിലിരുത്തിത്തന്നെ യോഗം തുടരുകയും ചെയ്തു.
സംസ്ഥാനത്തെ 140 നിയോജകമണ്ഡലം കമ്മിറ്റികളിലും സംസ്ഥാന അധ്യക്ഷനും മറ്റുഭാരവാഹികളും ബൂത്ത് പ്രസിഡന്റുമാരെ നേരില്‍ക്കണ്ട് സംവദിക്കുന്ന പരിപാടിയാണ് 'യങ് ഇന്ത്യ'.

മാനന്തവാടിയില്‍ 'യങ് ഇന്ത്യ' മീറ്റില്‍ യൂത്ത് കോണ്‍ഗ്രസ് പ്രവര്‍ത്തകര്‍ തമ്മില്‍ത്തല്ലി

കണ്ണൂർ: ടി.പി. വധക്കേസിലെ പ്രതികളുടെ ശിക്ഷായിളവിനുള്ള നീക്കത്തിൽ ജയിൽ ഉദ്യോഗസ്ഥർക്കെതിരായ നടപടിക്കു പിന്നാലെ കെ.കെ. രമ എം.എൽ.എയുടെ മൊഴിയെടുത്ത എ.എസ്.ഐയെ സ്ഥലം മാറ്റി. കൊളവല്ലൂർ എ.എസ്.ഐ. ശ്രീജിത്തിനെ വയനാട്ടിലേക്കാണ് സ്ഥലം മാറ്റിയത്. ടി.പി. വധക്കേസ് പ്രതി ട്രൗസർ മനോജിന് ഇളവ് നൽകാനുള്ള നീക്കത്തിന്റെ ഭാഗമായാണ് കെ.കെ. രമയുടെ മൊഴിയെടുത്തത്.
കെ.കെ രമ എംഎൽഎയുടെ മൊഴിയെടുത്ത കാര്യം പ്രതിപക്ഷം നിയമസഭയിൽ ഉന്നയിച്ചിരുന്നു. ഇത് വിവാദമായതോടെയാണ് പോലീസുകാരനെതിരേ നടപടി ഉണ്ടായിരിക്കുന്നത്.ടി.പി.വധക്കേസ് പ്രതികളെ ശിക്ഷായിളവിന് ശുപാർശചെയ്ത മൂന്ന് ഉദ്യോ​ഗസ്ഥരെ നേരത്തെ മുഖ്യമന്ത്രി ഇടപെട്ട് സസ്പെന്‍ഡ് ചെയ്തിരുന്നു.&nbsp;

കെ.കെ രമയുടെ മൊഴിയെടുത്ത എഎസ്ഐക്ക് വയനാട്ടിലേക്ക് സ്ഥലം മാറ്റം

Search Results for: dileep