സോഷ്യൽ മീഡിയ ഇൻഫ്ളുവൻസർ നിള നമ്പ്യാർ സംവിധാനം ചെയ്യുന്ന വെബ്സീരീസിൽ അലൻസിയറും മുഖ്യവേഷത്തിലെത്തുന്നു. 'ലോല കോട്ടേജ്' എന്നാണ് അഡൽട്ട് വെബ് സീരീസിന് നൽകിയ പേര്.
കുട്ടിക്കാനത്താണ് വെബ് സീരീസിന്റെ ചിത്രീകരണം നടക്കുന്നത്. നിള നമ്പ്യാർ തന്നെയാണ് നിർമാണം. മോഡലായ ബ്ലെസി സിൽവസ്റ്ററാണ് മറ്റൊരു കേന്ദ്ര കഥാപാത്രത്തെ അവതരിപ്പിക്കുന്നത്. നിള നമ്പ്യാരുടെ ഒഫിഷ്യൽ യൂട്യൂബ് ചാനലിലൂടെയായിരിക്കും വെബ് സീരീസ് പുറത്തിറക്കുക.

അഡൽട്ട് വെബ് സീരീസുമായി നിള നമ്പ്യാർ; അലൻസിയറും പ്രധാന വേഷത്തിൽ

സുരാജ് വെഞ്ഞാറമൂട് പ്രധാനകഥാപാത്രത്തെ അവതരിപ്പിക്കുന്ന വെബ് സീരീസ് നാഗേന്ദ്രന്‍സ് ഹണിമൂണ്‍സ് ശ്രദ്ധനേടുന്നു. ഡിസ്‌നി പ്ലസ് ഹോട്ട്‌സ്റ്റാറില്‍ പ്രദര്‍ശനത്തിനെത്തുന്ന നാലാമത്തെ വെബ് സീരീസാണിത്. ജൂലൈ 19 മുതലാണ് സ്ട്രീമിങ് ആരംഭിച്ചത്. തൊഴില്‍ രഹിതനും അലസനുമായ നാഗേന്ദ്രന്‍ എന്ന യുവാവാണ് സീരീസിലെ കേന്ദ്രകഥാപാത്രം. നാട്ടുകാരുടെ അംഗീകാരം പിടിച്ചു പറ്റാന്‍ വിദേശത്ത് ഒരു ജോലി ചെയ്യുക എന്നതാണ് അയാളുടെ സ്വപ്നം. അതിന് പണം കണ്ടെത്താന്‍ അയാള്‍ കണ്ടെത്തുന്ന മാര്‍ഗ്ഗം വിവാഹം കഴിക്കുക എന്നതാണ്. അതും ഒന്നിലേറെ വിവാഹങ്ങള്‍. അതില്‍ നിന്ന് ലഭിക്കുന്ന സ്ത്രീധനമാണ് നാഗേന്ദ്രന്റെ ലക്ഷ്യം. ഏറെ രസകരമായ മൂഹൂര്‍ത്തങ്ങളാണ് നാഗേന്ദ്രന്‍സ് ഹണിമൂണ്‍സ് പ്രേക്ഷകര്‍ക്ക് മുന്നിലെത്തിക്കുന്നത്.
'ഒരു ജീവിതം അഞ്ച് ഭാര്യമാര്‍' എന്നാണ് സീരീസിന്റെ ടാഗ് ലൈന്‍. സുരാജിനൊപ്പം, കനി കുസൃതി, ശ്വേതാ മേനോന്‍, ഗ്രേസ് ആന്റണി, രമേഷ് പിഷാരടി, കലാഭവന്‍ ഷാജോണ്‍, ജനാര്‍ദനന്‍, പ്രശാന്ത് അലക്സാണ്ടര്‍, നിരഞ്ജന അനൂപ്, ആല്‍ഫി പഞ്ഞിക്കാരന്‍, അമ്മു അഭിരാമി തുടങ്ങിയവരും സീരീസില്‍ വേഷമിടുന്നു. മലയാളം, തമിഴ്, തെലുങ്ക്, കന്നഡ, മറാത്തി, ഹിന്ദി, ബംഗാളി എന്നീ ഭാഷകളിലും സ്ട്രീം ചെയ്യുന്നു.
നിതിന്‍ രഞ്ജി പണിക്കര്‍ രചനയും, സംവിധാനവും നിര്‍മാണവും നിര്‍വഹിക്കുന്ന ഈ വെബ് സീരിസിന്റെ ചായാഗ്രഹണം നിഖില്‍ എസ് പ്രവീണ്‍ നിര്‍വഹിക്കുന്നു.&nbsp;

അഞ്ചു ഭാര്യമാരും ഒരേയൊരു ഭർത്താവും; 'നാഗേന്ദ്രന്‍സ് ഹണിമൂണ്‍സ്' വെബ് സീരീസ് ശ്രദ്ധേയമാവുന്നു

കൊച്ചി: വാഹനങ്ങൾ, ഡ്രൈവിംഗ്‌ ലൈസൻസ്‌, റോഡു സുരക്ഷ എന്നിവയിലുളള സംശയങ്ങൾ പരിഹരിക്കാൻ യുട്യൂബ് സീരീസുമായി മോട്ടോര്‍വാഹനവകുപ്പ്‌. 'ബുക്കും പേപ്പറും' എന്ന പരിപാടിയിലൂടെയാണ് മോട്ടർ വാഹനവകുപ്പ് ജനങ്ങളുടെ ചോദ്യങ്ങൾക്ക്‌ മറുപടിയുമായി എത്തുന്നത്.&nbsp;
മോട്ടോര്‍വാഹന ഇന്‍സ്‌പെക്ടര്‍മാര്‍ മുതല്‍ ഉന്നതോദ്യോഗസ്ഥര്‍വരെ വിവിധ സെഷനുകളില്‍ മറുപടി നല്‍കും. സിരീസ്‌ എല്ലാ വെള്ളിയാഴ്ചയും ഔദ്യോഗിക യുട്യൂബ് ചാനലിലൂടെ സംപ്രേഷണം ചെയ്യും.
ഗതാഗത നിയമങ്ങൾ, റോഡ് സുരക്ഷ എന്നിവയെ സംബന്ധിച്ച്‌ എംവിഡി ഇറക്കിയ വീഡിയോകൾക്ക്‌ വൻ സ്വീകാര്യത ലഭിച്ചിരുന്നു. ഓണ്‍ലൈന്‍ ചാനലുകള്‍ വഴി വാഹന ഉടമകളെ കബളിപ്പിക്കുന്നതായി പരാതികളും റിപ്പോർട്ടും ലഭിച്ച സാഹചര്യത്തിലാണ്‌ പുതിയ ഔദ്യോഗിക സംവിധാനം ആരംഭിക്കാൻ തീരുമാനിച്ചത്‌.&nbsp;
ഓണ്‍ലൈന്‍ സേവനങ്ങള്‍ക്കായി വകുപ്പ് ഉപയോഗിക്കുന്ന വാഹന്‍- സാരഥി സോഫ്റ്റ് വെയർ ഉപഭോക്തൃ സൗഹൃദമല്ലെന്നതും തട്ടിപ്പുകാര്‍ മുതലെടുത്തു. സംശയങ്ങള്‍ 9188961215 എന്ന വാട്സാപ്പ് നമ്പറില്‍ അയക്കാം. ചോദ്യങ്ങള്‍ ചിത്രീകരിച്ചും കൈമാറാം.&nbsp;

'ബുക്കും പേപ്പറും'; ഗതാഗത നിയമം പഠിപ്പിക്കാൻ യുട്യൂബ് സീരീസുമായി എംവിഡി

Kerala

പ​യ്യോ​ളി: ചെരണ്ടത്തൂർ എം.എച്ച്.ഇ.എസ് കോളജ് വാ​ട്സ്ആ​പ് ഗ്രൂ​പി​ൽ സെ​ൽ​ഫി​യെ​ടു​ത്ത് പോ​സ്റ്റ് ചെ​യ്ത​തി​ന് ഒന്നാം വർഷ ബിരുദ വിദ്യാർത്ഥിക്ക് അ​വ​സാ​ന​വ​ർ​ഷ ബി​രു​ദ വി​ദ്യാ​ർ​ഥി​ക​ളു​ടെ മ​ർ​ദ​നം. സം​ഭ​വ​ത്തി​ൽ പ്ര​തി​ക​ളാ​യ മൂ​ന്നു വി​ദ്യാ​ർ​ഥി​ക​ളെ പ​യ്യോ​ളി പൊ​ലീ​സ് പിടികൂടി. പ​യ്യോ​ളി കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്ത് കൊ​യി​ലാ​ണ്ടി സ​ബ് ജ​യി​ലി​ലേ​ക്ക​യ​ച്ചു.
ഒ​ന്നാം വ​ർ​ഷ ബി.​കോം വി​ദ്യാ​ർ​ഥി​യാ​യ ചോ​റോ​ട് പ​ണ്ടാ​ര​ക്കാ​ട്ടി​ൽ ജാ​ബി​റാ​ണ് (18) മ​ർ​ദ​ന​മേ​റ്റ് ചി​കി​ത്സ​യി​ലു​ള്ള​ത്. ര​ണ്ടു ദി​വ​സം മു​മ്പ് കോ​ള​ജി​ൽ ന​ട​ന്ന ആ​ഘോ​ഷ പ​രി​പാ​ടി​യി​ൽ കേ​ക്ക് മു​റി​ച്ച​തു​മാ​യി ബ​ന്ധ​പ്പെ​ട്ട് കോ​ള​ജ് വാ​ട്സ്ആ​പ് ഗ്രൂ​പ്പി​ൽ ജാ​ബി​ർ സെ​ൽ​ഫി​യെ​ടു​ത്ത് ഫോ​ട്ടോ പോ​സ്റ്റ് ചെ​യ്തി​രു​ന്നു. ഇ​തു ചോ​ദ്യം ചെ​യ്ത സീ​നി​യ​ർ വി​ദ്യാ​ർ​ഥി​ക​ൾ ത​ല​ക്കും മു​ഖ​ത്തും ലോ​ഹ​വ​സ്തു​കൊ​ണ്ട് മാ​ര​ക​മാ​യി മ​ർ​ദി​ച്ച് പ​രി​ക്കേ​ൽ​പ്പി​ക്കു​ക​യാ​യി​രു​ന്നു.
സം​ഭ​വ​ത്തി​ൽ അ​വ​സാ​ന വ​ര്‍ഷ ബി.​ബി.​എ വി​ദ്യാ​ര്‍ഥി​ക​ളാ​യ വി​ല്യാ​പ്പ​ള്ളി പു​ത്തൂ​ര്‍ മു​ഹ​മ്മ​ദ് അ​ന്‍സി​ഫ് (20), വ​ട​ക​ര മേ​പ്പ​യി​ല്‍ പു​തി​യെ​ടു​ത്ത്കു​നി മു​ഹ​മ്മ​ദ് റു​മൈ​സ് (21), പ​യ്യോ​ളി അ​ങ്ങാ​ടി തു​രു​ത്തി​യി​ല്‍ വീ​ട്ടി​ല്‍ ജ​സി​ന്‍ സൂ​പ്പി (21) എ​ന്നി​വ​രാ​ണ് റി​മാ​ൻ​ഡി​ലാ​യ​ത്. സം​ഭ​വ​ത്തി​ല്‍ റാ​ഗി​ങ് ഉ​ള്‍പ്പെ​ട്ടി​ടു​ണ്ടോ​യെ​ന്ന കാ​ര്യം അ​ന്വേ​ഷി​ച്ച് റി​പ്പോ​ര്‍ട്ട് ന​ൽ​കാ​ന്‍ കോ​ള​ജ് അ​ധി​കൃ​ത​രോ​ട് പൊ​ലീ​സ് ആ​വ​ശ്യ​പ്പെ​ട്ടി​ട്ടു​ണ്ട്.

സെൽഫി ഗ്രൂപ്പിൽ പോസ്റ്റ് ചെയ്തതിന് സീനിയർ വിദ്യാർഥികളുടെ മർദനം; മൂന്നുപേർ പയ്യോളി പോലീസ് പിടിയിൽ

മു​ഹ​മ്മ​ദ് അ​ന്‍സി​ഫ്, ജ​സി​ന്‍ സൂ​പ്പി, മു​ഹ​മ്മ​ദ് റു​മൈ​സ്

Koyilandy

വടകര: നഗരസഭ രണ്ടാം വാർഡിൽ പ്രവർത്തിക്കുന്ന സി എം ഹോസ്പിറ്റലിൽ നഗരസഭാ ആരോഗ്യ വിഭാഗം നടത്തിയ പരിശോധനയിൽ എസ് ടി പി പ്ലാന്റിൽ നിന്നും മലിന ജലം മതിയായ ശേഖരണ സംഭരണികൾ ഇല്ലാതെ ഹോസ് ഉപയോഗിച്ച് പുറത്തേക്ക് ഒഴുക്കിവിടുന്നതായി കണ്ടെത്തി. ഇതിന് സമീപമുള്ള വീടുകളിൽ മഞ്ഞപ്പിത്തം പടർന്ന് പിടിക്കാൻ ഇടയായ സാഹചര്യത്തിലാണ് പരിശോധന നടത്തിയത്. ഹോസ്പിറ്റലിന് പിറക് വശത്തുള്ള പഴയ കെട്ടിടത്തിന് സമീപം ഉപയോഗശൂന്യമായ ഫർണ്ണിച്ചറുകളും ക്ലോസറ്റുകളും അലക്ഷ്യമായി കൂട്ടിയിട്ടതായും കണ്ടെത്തി. ഹോസ്പിറ്റലിന് മുൻ വശത്തുള്ള ഫാർമസിയുടെ മുൻപിൽ സ്ലാബിട്ട് ടൈൽ പാകിയതിനുള്ളിൽ ഒരു കിണർ കണ്ടെത്തി.&nbsp;
കിണറിലെ വെള്ളം ഹോസ്പിറ്റൽ ആവശ്യങ്ങൾക്ക് ഉപയോഗിക്കുന്നതായും കാണാൻ സാധിച്ചു. 48 മണിക്കൂറിനുള്ളിൽ രോഗികളെ മാറ്റി മതിയായ മാലിന്യ സംസ്ക്കരണ സംവിധാനങ്ങളൊരുക്കാൻ നോട്ടീസ് നൽകി. സീനിയർ പബ്ലിക് ഹെൽത് ഇൻസ്പെക്ടർ സന്ധ്യ എസ് എസ്, പബ്ലിക് ഹെൽത് ഇൻസ്പെക്ടർമാരായ രൂപേഷ് ഇ, അജിന പി എന്നിവർ പങ്കെടുത്തു. നിയമ ലംഘനങ്ങൾ കണ്ടെത്തിയതിൽ പിഴ ഉൾപ്പെടെ കർശന നടപടികൾ സ്വീകരിച്ചു വരികയാണെന്ന് ക്ലീൻ സിറ്റി മാനേജർ രമേശൻ കെ പി അറിയിച്ചു.

ആരോഗ്യ വിഭാഗത്തിന്റെ പരിശോധന; വടകരയിൽ ആശുപത്രിക്കെതിരെ നടപടി

Vadakara

കുറ്റ്യാടി: ബൈക്കില്‍ അമ്മയോടൊപ്പം പോകവെ കാറിടിച്ച് വിദ്യാര്‍ഥി മരിച്ചു. മൊകേരിഗവ: കോളജ് ബിഎ ഇക്കണോമെട്രിക്‌സ് രണ്ടാം വര്‍ഷ ബിരുദ വിദ്യാര്‍ഥി നരിക്കൂട്ടുംചാല്‍ പുത്തന്‍പുരയില്‍ രോഹിന്‍ (മോനൂട്ടന്‍-19) ആണ് മരിച്ചത്. ഇന്നലെ രാത്രി പന്ത്രണ്ട് മണിയോടടുത്താണ് സംഭവം. ലുലു സാരീസില്‍ ജോലി ചെയ്യുന്ന അമ്മ ബിന്ദുവിനെയുംകൂട്ടി വീട്ടിലേക്ക് ബൈക്കില്‍ പോകവെ നരിക്കൂട്ടുംചാലിലെ റേഷന്‍ കടയ്ക്ക് സമീപം നിയന്ത്രണം വിട്ടെത്തിയ കാര്‍ ബൈക്കില്‍ ഇടിക്കുകയായിരുന്നു.&nbsp;
ഓടിയെത്തിയ ലുലു ജീവനക്കാര്‍ രോഹിനെ ഉടനെ കുറ്റ്യാടി ഗവ. ആശുപത്രിയിലും അവിടെ നിന്ന് മൊടക്കല്ലുര്‍ മലബാര്‍ മെഡിക്കല്‍ കോളജ് ആശുപത്രിയിലും എത്തിച്ചെങ്കിലും രക്ഷിക്കാനായില്ല. അമ്മയ്ക്കും പരിക്ക് പറ്റി. ഒഴിവു ദിവസങ്ങളില്‍ രോഹിനും ലുലുവില്‍ ജോലിക്ക് പോകാറുണ്ടായിരുന്നു. അച്ഛന്‍: ബാലന്‍. സഹോദരി: സ്വാതി.

കുറ്റ്യാടിയില്‍ ബൈക്കില്‍ കാറിടിച്ച് കോളജ് വിദ്യാര്‍ഥിക്ക് ദാരുണാന്ത്യം

Kuttiadi

കൊയിലാണ്ടി: കരിമരുന്ന് പ്രയോ​ഗത്തിനിടെയുണ്ടായ അപകടത്തിൽ രണ്ടുപേർക്ക് പരിക്ക്. അഭിനന്ദ്, സം​ഗീത് എന്നിവർക്കാണ് പരിക്കേറ്റത്. മുചുകുന്ന് കോട്ട കോവിലകം ക്ഷേത്രത്തിൽ വെള്ളിയാഴ്ച രാത്രിയോടെയായിരുന്നു അപകടം. പടക്കം പൊട്ടിച്ചപ്പോൾ സമീപത്ത് കൂടിനിന്ന ആളുകളുടെ ഇടയിലേക്ക് തീപ്പൊരി തെറിച്ചുവീഴുകയായിരുന്നു.

മുചുകുന്ന് കോട്ടയിൽ കരിമരുന്ന് പ്രയോ​ഗത്തിനിടെ അപകടം; രണ്ടുപേർക്ക് പരിക്ക്

വടകര: മാഹിയില്‍ നിന്ന് കടത്തിയ 48 കുപ്പി വിദേശമദ്യവുമായി മധ്യവയസ്‌കന്‍ വടകര എക്‌സൈസിന്റെ പിടിയിലായി. തലശ്ശേരി തിരുവങ്ങാട് സാഗരിക വീട്ടില്‍ അനില്‍കുമാറിനെയാണ് (55) അറസ്റ്റ് ചെയ്തത്. വടകര എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ഹരീഷ് കുമാര്‍ കെ.പിയും പാര്‍ട്ടിയും ചോറോട് മുട്ടുങ്ങലില്‍ നടത്തിയ വാഹന പരിശോധനയിലാണ് ഇയാള്‍ പിടിയിലായത്. മദ്യം കടത്തിയ KL.58.G.2032 നമ്പര്‍ സ്‌കൂട്ടറും കസ്റ്റഡിയിലെടുത്തു. വാഹന പരിശോധനയില്‍ പ്രിവന്റീവ് ഓഫീസര്‍ സോമസുന്ദരന്‍ കെ.എം, പ്രമോദ് പുളിക്കൂല്‍, പ്രിവന്റീവ് ഓഫീസര്‍ (ഗ്രേഡ്) സുരേഷ് കുമാര്‍ സി.എം, സിവില്‍ എക്‌സൈസ് ഓഫീസര്‍ ഷിരാജ് കെ എന്നിവരും ഉള്‍പ്പെട്ടു.

48 കുപ്പി വിദേശമദ്യവുമായി മധ്യവയസ്‌കന്‍ വടകര എക്‌സൈസ്‌ പിടിയിൽ

വടകര: വിവിധ ഇടങ്ങളിൽ പാർക്ക് ചെയ്യുന്ന ബൈക്കുകൾ മോഷണം പോവുന്ന സംഭവത്തിൽ വടകരയിൽ ഒരു പ്ളസ് ടു വിദ്യാർത്ഥി കൂടി പിടിയിൽ. ഉപേക്ഷിക്കപെട്ട നിലയിൽ ഒരു ബൈക്ക് കൂടി പൊലീസ് കസ്റ്റഡിയിലെടുത്തു. വടകര പഴങ്കാവിൽ വെച്ചാണ് ഉപേക്ഷിക്കപെട്ട നിലയിൽ ബൈക്ക് പൊലീസ് കസ്റ്റഡിയിലെടുത്തത്. ഇതോടെ മോഷണം പോയ ഏഴ് ബൈക്കുകൾ വടകര പൊലീസ് കസ്റ്റഡിയിലായി.
വടകരയിലെയും സമീപ പ്രദേശങ്ങളിലെയും പ്രമുഖ സ്കൂളുകളിലെ ആറ് വിദ്യാർത്ഥികളെയാണ് പൊലീസ് ഇതുവരെ കസ്റ്റഡിലെടുത്തിട്ടുള്ളത്. കഴിഞ്ഞ ദിവസം അഞ്ച്‌ വിദ്യാർത്ഥികളെ പൊലീസ് പിടികൂടിയിരുന്നു. ഒൻപത്, പത്ത് ക്ലാസ്സുകളിൽ പഠിക്കുന്ന വിദ്യാർത്ഥികളെയാണ് കഴിഞ്ഞ ദിവസം വടകര പൊലീസ് പിടികൂടിയത്. മോഷ്ടിച്ച ബൈക്കുകൾ രൂപമാറ്റം വരുത്തിയും വ്യാജ നമ്പർ പ്ലേറ്റുകൾ ഘടിപ്പിച്ചും ചേസിസ് നമ്പർ ചുരണ്ടിമാറ്റിയുമാണ് ഇവർ ഉപയോഗിച്ചിരുന്നത്.

കുട്ടികള്ളന്മാർ വിലസുന്നു; ബൈക്ക് മോഷണം; വടകരയിൽ ഒരു വിദ്യാർത്ഥി കൂടി പിടിയിൽ

കൊയിലാണ്ടി: നെല്യാടിക്കടവ് പാലത്തില്‍ നിന്നു പുഴയിലേക്ക് ചാടി മരിച്ച ആളുടെ മൃതദേഹം തിരിച്ചറിഞ്ഞു.മുചുകുന്ന് താവോടിച്ചി കണ്ടി വേണുവാണ് (55) മരിച്ചത്. അത്തോളി സ്വദേശിയായ വേണു മുചുകുന്നിലാണ് താമസം. ഓട്ടോഡ്രൈവറാണ്. ഭാര്യ: അനിത.
വ്യാഴാഴ്ച ഒരു മണിയോടെ പാലത്തിനു സമീപം ചെരുപ്പും കണ്ണടയും അഴിച്ച് വെച്ച് പുഴയിലേക്ക് ചാടുകയായിരുന്നു. നാട്ടുകാര്‍ കണ്ടതിനെ തുടര്‍ന്ന് അഗ്‌നി രക്ഷാ സേനയെ വിവരമറിയിച്ചു. കോഴിക്കോട് നിന്നെത്തിയ അഗ്‌നിരക്ഷ സേനയുടെ സ്‌കൂബ ടീമും നാട്ടുകാരും സംയുക്തമായി നടത്തിയ തിരച്ചിലിനൊടുവില്‍ നാലരയോടുകൂടി പാലത്തിനു സമീപത്തു നിന്നു മൃതദേഹം കണ്ടെത്തുകയായിരുന്നു.&nbsp;
കൊയിലാണ്ടി ഫയര്‍ സ്റ്റേഷന്‍ ഓഫീസര്‍ സി.കെ.മുരളീധരന്റെ നേതൃത്വത്തില്‍ എഎസ്ടിഒ പി.എം.അനില്‍കുമാര്‍, എഫ്ആര്‍ഒമാരായ എം. ജാഹിര്‍, കെ.സുകേഷ്, ഇ.എം.നിധിപ്രസാദ്, എന്‍.പി.അനൂപ്, അമല്‍ദാസ്, കെ.ഷാജു, എസ്.പി.സുജിത്ത്, മുഹമ്മദ് റയീസ്, നിഖില്‍ മല്ലിശേരി, അഭിലാഷ്, സിബി, മനു, ഹോം ഗാര്‍ഡുമാരായ ബാലന്‍ ടി പി, രാംദാസ് വിച്ചിച്ചേരി, ബാലന്‍, ഇ എം. ഷൈജു എന്നിവര്‍ ദൗത്യത്തില്‍ പങ്കു ചേർന്നു.

കൊയിലാണ്ടിയിൽ പുഴയിൽ ചാടി മരിച്ചത് അത്തോളി സ്വദേശിയായ ഓട്ടോഡ്രൈവർ

വടകര: സമൂഹ മാധ്യമങ്ങളിലൂടെ യുവതികളുടെ ഫോട്ടോകൾ ശേഖരിച്ച് അശ്ലീല ഇൻസ്റ്റഗ്രാം പേജുകളിൽ പ്രചരിപ്പിച്ച യുവാവിനെ സൈബർ ക്രൈം പൊലീസ് അറസ്റ്റ് ചെയ്തു. കൈതപ്പൊയിൽ സ്വദേശി ശരൺ രഘു (20) ആണ് അറസ്റ്റിലായത്. ഇൻസ്റ്റഗ്രാം, ഫേസ്ബുക്ക് തുടങ്ങിയ സോഷ്യൽ മീഡിയ പ്ലാറ്റ് ഫോമുകളിലെ സ്ത്രീകളുടെ പ്രൊഫൈലുകളിൽ നിന്നും ഫോട്ടോസ് ഡൗൺലോഡ് ചെയ്ത് അശ്ലീല ശബ്ദ ശകലങ്ങളോടുകൂടി എഡിറ്റ് ചെയ്ത് അശ്ലീല പേരോടുകൂടിയ ഇൻസ്റ്റഗ്രാം അക്കൗണ്ടിൽ പ്രചരിപ്പിക്കുകയായിരുന്നു. താമരശ്ശേരി സ്വദേശികളായ നിരവധി സ്ത്രീകൾ പരാതികളുമായി പൊലീസിനെ സമീപിച്ചതിനെ തുടർന്നു നടത്തിയ അന്വേഷണത്തിലാണ് യുവാവ് അറസ്റ്റിലായത്. വടകര കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

യുവതികളുടെ ഫോട്ടോകൾ ശേഖരിച്ച് അശ്ലീല ഇൻസ്റ്റഗ്രാം പേജുകളിൽ പ്രചരിപ്പിച്ച യുവാവ് അറസ്റ്റിൽ

തലശ്ശേരി: കുളം വൃത്തിയാക്കുന്നതിനിടെ വിരല്‍ത്തുമ്പില്‍ മീന്‍ കുത്തിയതുമൂലമുണ്ടായ അണുബാധയെത്തുടര്‍ന്ന് യുവാവിന്റെ വലത് കൈപ്പത്തി മുറിച്ചുമാറ്റി. മാടപ്പീടിക ഗുംട്ടിക്കടുത്ത് പൈക്കാട്ട് കുനിയില്‍ ടി.രജീഷിന്റെ (38) കൈപ്പത്തിയാണ് നീക്കിയത്. ഫെബ്രുവരി ഒന്‍പതിന് വീടിനോടുചേര്‍ന്ന വയലില്‍ ചെറുകുളം വൃത്തിയാക്കവെയാണ് കുത്തേറ്റത്. കടു എന്ന് വിളിക്കുന്ന, മുഷിയെപ്പോലെയുള്ള മീനിന്റെ മുന്‍ഭാഗത്തെ കൂര്‍ത്ത മുള്ളാണ് കൊണ്ടത്. ആദ്യം സാരമാക്കിയില്ല. വേദന കൂടിയപ്പോള്‍ കോടിയേരി പ്രാഥമികാരോഗ്യകേന്ദ്രത്തില്‍നിന്ന് പ്രതിരോധ കുത്തിവെപ്പെടുത്തു.
വേദന കുറയാഞ്ഞതിനാല്‍ പള്ളൂര്‍, മാഹി ഗവ. ആസ്പത്രികളില്‍ ചികിത്സ തേടി. ക്രമേണ കൈ മടങ്ങാതായി. കഠിനവേദനയ്‌ക്കൊപ്പം വിരലിലും കൈപ്പത്തിയിലും കുമിളകള്‍ രൂപപ്പെട്ടു. മാഹിയിലെ സര്‍ജന്‍ കുമിള കീറി പരിശോധിച്ചപ്പോള്‍ ഗൗരവമുള്ളതാണെന്ന് മനസ്സിലാക്കി കോഴിക്കോട് ബേബി മെമ്മോറിയില്‍ ആസ്പത്രിയിലേക്ക് അയച്ചു. അവിടത്തെ പരിശോധനയിലാണ് ഗ്യാസ്ഗാംഗ്രീന്‍ എന്ന അപൂര്‍വ രോഗാവസ്ഥയാണെന്ന് കണ്ടെത്തിയത്. ആദ്യം രണ്ടുവിരലുകള്‍ മുറിച്ചുമാറ്റി. ഫലമില്ലാഞ്ഞ് കൈപ്പത്തി നീക്കുകയായിരുന്നു. ക്ലോസ്ട്രിഡിയം, ക്ലബ്‌സിയല്ല എന്നീ ബാക്ടീരിയകളാണ് അണുബാധയുണ്ടാക്കിയത്. മണ്ണിലടക്കം കാണപ്പെടുന്ന ബാക്ടീരിയകളാണിത്. മുറിവിലൂടെ ഈ ബാക്ടീരിയകള്‍ അകത്ത് കടന്നിട്ടുണ്ടാകുമെന്ന് കരുതുന്നു.

വിരല്‍ത്തുമ്പില്‍ മീന്‍ കുത്തിയതിനെത്തുടര്‍ന്ന് അണുബാധ; തലശ്ശേരിയിൽ യുവാവിന്റെ കൈപ്പത്തി മുറിച്ചുമാറ്റി

Search Results for: nursing assistant