തിരുവനന്തപുരം: വി.എസ്. അച്യുതാനന്ദന്‍റെ നിര്യാണത്തിൽ അനുശോചിച്ച് സി.പി.എം സംസ്ഥാന സെക്രട്ടറി എം വി ഗോവിന്ദൻ. ഇടവേളകളില്ലാത്ത സമരമാണ് വി.എസെന്ന് അദ്ദേഹം സമൂഹമാധ്യമത്തിൽ കുറിച്ചു.&nbsp;
'ഇടവേളകളില്ലാത്ത സമരമാണ് വി.എസ്. അടിസ്ഥാന വർഗ്ഗത്തിന്റെ മുന്നേറ്റത്തിന് കരുത്തേകിയ പോരാളി. കേരളത്തിന്റെ എണ്ണമറ്റ സമര പോരാട്ടങ്ങളെ നിർണയിക്കുകയും മുന്നേ നയിക്കുകയും ചെയ്ത കമ്മ്യൂണിസ്റ്റ് നിശ്ചയദാർഢ്യമാണ് സഖാവ് വി.എസിന്റെത്. ഏതു സമൂഹത്തെയും ആവേശം കൊള്ളിക്കുവാൻ വി.എസിന് സാധിച്ചു. ഏതു പ്രതിസന്ധിയെയും നേരിടുവാനുള്ള ഊർജ്ജമാണ് സഖാവ്. തലമുറകൾക്ക് പിന്തുടരുവാനുള്ള മഹത്തായ പാദമുദ്രകൾ അടയാളപ്പെടുത്തിയാണ് വിപ്ലവ നായകൻ നിത്യനിദ്രയിലേക്ക് കടക്കുന്നത്' - എം. വി. ഗോവിന്ദൻ സമൂഹമാധ്യമ പോസ്റ്റിൽ പറഞ്ഞു.

തലമുറകൾക്ക് പിന്തുടരുവാനുള്ള മഹത്തായ പാദമുദ്രകൾ അടയാളപ്പെടുത്തിയാണ് വി.എസ് മടങ്ങുന്നത് -എം. വി. ഗോവിന്ദൻ

തിരുവനന്തപുരം: കോട്ടയം മെഡിക്കല്‍ കോളേജ് ആശുപത്രി കെട്ടിടം ഇടിഞ്ഞുവീണുണ്ടായ അപകടം വളരെ ദൗര്‍ഭാഗ്യകരമായ സംഭവമെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദന്‍. സംഭവത്തെ പ്രതിപക്ഷം രാഷ്ട്രീയമായി ഉപയോഗിക്കാന്‍ ശ്രമിക്കുകയാണെന്നും അതിന്റെ പേരില്‍ ആരോഗ്യമന്ത്രി രാജിവെക്കില്ലെന്നും അദ്ദേഹം വ്യക്തമാക്കി.
'മരിച്ച ബിന്ദുവിന്റെ കുടുംബത്തിന്റെ ദുഃഖം എല്ലാവരേയും വേദനിപ്പിക്കുന്നതാണ്. ആ കുടുംബത്തിന് ആവശ്യമായ സഹായങ്ങള്‍ അടിയന്തരമായി സര്‍ക്കാര്‍ ചെയ്യും എന്നാണ് വിശ്വാസം. ഈ സംഭവത്തെ രാഷ്ട്രീയമായി മുതലെടുക്കാനാണ് പലരും ശ്രമിക്കുന്നത്. പ്രതിപക്ഷ രാഷ്ട്രീയപാര്‍ട്ടികള്‍ സര്‍ക്കാരിനെതിരായി വലിയ രീതിയില്‍ പ്രചാരവേല നടത്തുന്നുണ്ട്,' എം.വി. ഗോവിന്ദന്‍ പറഞ്ഞു.
'ഇടതുസര്‍ക്കാര്‍ ഏറ്റവും മികച്ച പ്രകടനം കാഴ്ചവെച്ച രണ്ട് മേഖലകളാണ് ആരോഗ്യരംഗവും വിദ്യാഭ്യാസരംഗവും. അതിനെ രണ്ടിനെയും കരി തേച്ച് കാണിക്കാനുള്ള ശ്രമമാണ് പ്രതിപക്ഷം നടത്തുന്നത്. മാധ്യമങ്ങള്‍ അത്തരക്കാരുടെ വലയില്‍ വീഴരുത് എന്നാണ് പറയാനുള്ളത്. മാധ്യമങ്ങള്‍ വസ്തുതകള്‍ വസ്തുതകളായി പറയാന്‍ തയ്യാറാവണം,' അദ്ദേഹം പറഞ്ഞു.'ആരോഗ്യമന്ത്രിയുടെ ഭാഗത്തുനിന്നും ഉണ്ടാകേണ്ട എല്ലാ പ്രവര്‍ത്തനങ്ങളും ഉണ്ടായി. സാധ്യമായതെല്ലാം ചെയ്തു. പ്രതിപക്ഷം രാജി ആവശ്യപ്പെട്ടെന്നുകരുതി അത് പ്രാവര്‍ത്തികമാക്കേണ്ട കാര്യമില്ല. അവര്‍ക്ക് എപ്പോഴും ഇതുമാത്രമാണ് പറയാനുള്ളത്. കഴിഞ്ഞ നാലുകൊല്ലമായി അവര്‍ മുഖ്യമന്ത്രി രാജിവെക്കണം മറ്റ് മന്ത്രിമാര്‍ രാജിവെക്കണം എന്നെല്ലാമാണ് പറയുന്നത്. ഇവിടെ ആരോഗ്യമന്ത്രി രാജിവെക്കേണ്ട ഒരു സാഹചര്യവും നിലവിലില്ല,' സിപിഎം സംസ്ഥാന സെക്രട്ടറി പറഞ്ഞു.

പ്രതിപക്ഷം നടത്തുന്നത് കള്ളപ്രചാരവേല, മന്ത്രി വീണാ ജോര്‍ജിന് പിന്തുണയുമായി സി.പി.എം

തിരുവനന്തപുരം: സിപിഎം കേന്ദ്ര കമ്മിറ്റി അംഗം പി.കെ. ശ്രീമതിക്ക് സംസ്ഥാന സെക്രട്ടേറിയറ്റ് യോഗത്തില്‍ പങ്കെടുക്കുന്നതിന് മുഖ്യമന്ത്രി വിലക്കേര്‍പ്പെടുത്തിയെന്ന വാര്‍ത്തയോട് പ്രതികരിച്ച് പാര്‍ട്ടി സംസ്ഥാന സെക്രട്ടറി എം.വി.ഗോവിന്ദന്‍.
പാര്‍ട്ടി കമ്മിറ്റികളില്‍ പങ്കെടുക്കുന്നത് സംബന്ധിച്ച് തീരുമാനിക്കേണ്ടത് മുഖ്യമന്ത്രിയല്ല. പാര്‍ട്ടി സംഘടനാപരമായ തീരുമാനത്തിന്റെ ഭാഗമാണ് പി.കെ.ശ്രീമതി സംസ്ഥാന ഘടകത്തില്‍ പ്രവര്‍ത്തിക്കേണ്ടെന്ന നിലപാടിന് പിന്നിലെന്നും ഗോവിന്ദന്‍ പറഞ്ഞു.
'പി.കെ.ശ്രീമതി സിപിഎം സംസ്ഥാന സമിതി അംഗവും സംസ്ഥാന സെക്രട്ടേറിയറ്റ്അംഗവും ആയിരുന്നു. എന്നാല്‍ 75 വയസ്സ് പിന്നിട്ട സാഹചര്യത്തില്‍ സംസ്ഥാന സമിതിയില്‍നിന്നും സെക്രട്ടറിയേറ്റില്‍നിന്നും ഒഴിവായി. റിട്ടയര്‍ ചെയ്തു എന്ന് പറയാന്‍ പറ്റില്ല. മഹിളാ അസോസിയേഷന്‍ അഖിലേന്ത്യ പ്രസിഡന്റായി പ്രവര്‍ത്തിക്കുകയാണ്. അഖിലന്ത്യാ തലത്തില്‍ പ്രവര്‍ത്തിക്കുന്ന ഒരു വനിതാ എന്ന നിലയിലാണ് പ്രത്യേക പരിഗണന നല്‍കി കേന്ദ്ര കമ്മിറ്റിയില്‍ ഉള്‍പ്പെടുത്തിയത്. കേന്ദ്ര കമ്മിറ്റിയില്‍ എടുക്കുന്നത് കേരളത്തിലെ സംഘടനാ പ്രവര്‍ത്തനത്തില്‍ പങ്കെടുക്കാനല്ല. അഖിലേന്ത്യാ തലത്തില്‍ പ്രവര്‍ത്തിക്കാനാണ്' എം.വി.ഗോവിന്ദന്‍ വിശദീകരിച്ചു.

ശ്രീമതിയെ സെക്രട്ടേറിയറ്റ് യോഗത്തിൽനിന്ന് മാറ്റിയത് പാർട്ടി തീരുമാനമെന്ന് എം.വി.ഗോവിന്ദന്‍

കോഴിക്കോട്: ദിവ്യ എസ് അയ്യർക്ക് പിന്തുണയുമായി സിപിഎം സംസ്ഥാന സെക്രട്ടറി എംവി ഗോവിന്ദൻ. ദിവ്യയ്‌ക്കെതിരെ നടക്കുന്നത് വലിയ സൈബർ ആക്രമണമാണെന്നും പുരുഷമേധാവിത്വ സമൂഹത്തിന്റെ ഭാഗമായി ഉയർന്നുവരുന്നതാണ് അവർക്കെതിരായ നേതാക്കളുടെ പരാമർശമെന്നും എംവി ഗോവിന്ദൻ പറഞ്ഞു.
ആക്രമണം നടത്തുന്നതിൽ കോൺഗ്രസ് നേതാക്കളും ഉൾപ്പെട്ടിട്ടുണ്ട്. സ്‌ത്രീകൾ എത്ര ഉന്നത പദവിയിൽ ഇരുന്നാലും പൊതുവെ തികട്ടി വരുന്നത് പുരുഷ മേധാവിത്വമാണ്. പറഞ്ഞ കാര്യത്തിൽ നിന്ന് പിന്നോട്ടില്ല എന്ന് അവർതന്നെ പറഞ്ഞിട്ടുണ്ടെന്നും എംവി ഗോവിന്ദൻ പറഞ്ഞു.മുനമ്പം വിഷയത്തിൽ ഒരു ഭാഗത്ത് ക്രിസ്‌തീയ വിഭാഗം മറുഭാഗത്ത് മുസ്ലീം വിഭാഗം എന്ന് രണ്ടായി തിരിക്കാനാണ് ശ്രമം. സമാധാനപരമായി പ്രശ്‌നം പരിഹരിക്കാനുള്ള ശ്രമത്തെ തടസപ്പെടുത്താനുള്ള ഇടപെടൽ ആണ് ചിലർ നടത്തുന്നത്. രണ്ട് വിഭാഗത്തെയും ഒന്നിച്ച് കൊണ്ടുപോവുകയാണ് ചെയ്യേണ്ടത്. രണ്ട് വിഭാഗത്തെയും ഒഴിപ്പിക്കാതെ പരിഹാരം കാണുകയാണ് വേണ്ടതെന്നും അദ്ദേഹം അഭിപ്രായപ്പെട്ടു.

പുരുഷമേധാവിത്വ സമൂഹത്തിന്റെ സൈബർ ആക്രമണത്തിന്റെ ഇര;ദിവ്യ എസ് അയ്യർക്ക് പിന്തുണയുമായി എം.വി ഗോവിന്ദൻ

തിരുവനന്തപുരം: സിഎംആര്‍എല്‍ കേസില്‍ മുഖ്യമന്ത്രി പിണറായി വിജയന്റെ മകള്‍ ടി. വീണയുള്‍പ്പടെയുള്ളവരെ പ്രതിചേര്‍ത്ത് സീരിയസ് ഫ്രോഡ് ഇന്‍വെസ്റ്റിഗേഷന്‍ ഓഫീസിന്റെ (എസ്എഫ്‌ഐഒ) കുറ്റപത്രം സമര്‍പ്പിച്ച നടപടി സൂക്ഷ്മമായി പരിശോധിക്കേണ്ടതുണ്ടെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദന്‍.
എസ്എഫ്‌ഐഒ അന്വേഷണം തടയണം എന്നാവശ്യപ്പെട്ട് ഡല്‍ഹി ഹൈക്കോടതിയില്‍ നടക്കുന്ന കേസില്‍ ജൂലായില്‍ വാദം കേള്‍ക്കാനിരിക്കെ എസ്എഫ്‌ഐഒ ഇങ്ങനെ ഒരു നാടകം നടത്തിയതിന് പിന്നില്‍ കൃത്യമായ രാഷ്ട്രീയ അജണ്ടയാണെന്ന് പാര്‍ട്ടി സെക്രട്ടറി ആരോപിച്ചു.
മുഖ്യമന്ത്രിയോ സര്‍ക്കാരോ സിഎംആര്‍എല്‍-എക്‌സാലോജിക് കരാറുമായി ബന്ധപ്പെട്ട് ഒരു സഹായവും നല്‍കിയിട്ടില്ലെന്നും ഇതില്‍ സര്‍ക്കാര്‍ അനുകൂലമായ ഒരു നിലപാടും സ്വീകരിച്ചിട്ടില്ലെന്നും ഗോവിന്ദന്‍ പറഞ്ഞു.
അഴിമതി നിരോധന നിയമത്തിന്റെ അടിസ്ഥാനത്തില്‍ ഈ കേസില്‍ മുഖ്യമന്ത്രിയെ ബന്ധിപ്പിക്കുന്നതിന് ഒരു തെളിവുമില്ലെന്നാണ് മൂന്ന് വിജിലന്‍സ് കോടതികളും പറഞ്ഞിട്ടുള്ളത്. പിന്നീട് ഹൈക്കോടതിയും പറഞ്ഞതും മുഖ്യമന്ത്രിക്കെതിരെ തെളിവില്ലെന്ന് തന്നെയാണന്നും അദ്ദേഹം ചൂണ്ടിക്കാട്ടി.കഴിഞ്ഞ ദിവസമാണ് സിഎംആര്‍എല്‍ കേസില്‍ ടി.വീണ ഉള്‍പ്പടെയുള്ളവരെ പ്രതിചേര്‍ത്ത് എസ്എഫ്‌ഐഒ കുറ്റപത്രം സമര്‍പ്പിച്ചത്. വീണയും അവരുടെ ഉടമസ്ഥതയിലുള്ള എക്‌സാലോജിക് കമ്പനിയും 2.7 കോടിരൂപ കൈപ്പറ്റിയെന്നാണ് കുറ്റപത്രത്തിലുള്ളത്. വിചാരണയ്ക്ക് കേന്ദ്ര കമ്പനികാര്യമന്ത്രാലയം അനുമതിനല്‍കിയിട്ടുണ്ട്.

കേസിന് പിന്നില്‍ രാഷ്ട്രീയ അജണ്ട,മുഖ്യമന്ത്രിയോ സര്‍ക്കാരോ സഹായം നല്‍കിയിട്ടില്ലെന്നും എം.വി.ഗോവിന്ദന്‍

തിരുവനന്തപുരം : സി.പി.എം സംസ്ഥാന കമ്മിറ്റിയിൽ ഉൾപ്പെടുത്താതിനെ തുടർന്ന് പരസ്യ വിമർശനവുമായി രംഗത്തെത്തിയ മുതിർന്ന നേതാവ് എ. പദ്മകുമാറിനെതിരെ നടപടിയുണ്ടാകുമെന്ന് സംസ്ഥാന സെക്രട്ടറി എം.വി. ഗോവിന്ദൻ. പാർട്ടിക്കുള്ളിൽ പറയേണ്ട കാര്യം പരസ്യമായി പുറത്തുപറഞ്ഞത് സംഘടനാപരമായി തെറ്റാണ്. മെരിറ്റും മൂല്യവും വ്യക്തിപരമായി ഓരോരുത്തർക്കും ബോധ്യപ്പെടേണ്ടതാണെന്നും ഗോവിന്ദൻ വ്യക്തമാക്കി. പദ്മകുമാർ വിഷയം ഇപ്പോൾ ചർച്ച ചെയ്തിട്ടില്ല. വിഷയം പരിശോധിക്കും. പഴയ നേതാക്കളും പുതിയവരും ചേർന്ന കൂട്ടായ നേതൃത്വം ആണ് ഉദ്ദേശിക്കുന്നതെന്നും അദ്ദേഹം പറഞ്ഞു.

എ. പദ്മകുമാറിനെതിരെ നടപടിയുണ്ടാകുമെന്ന് എം.വി. ഗോവിന്ദൻ

കൊല്ലം: പാര്‍ട്ടി സംഘടനാ രംഗത്ത് നില്‍ക്കുന്ന അംഗങ്ങള്‍ മദ്യപിക്കരുതെന്ന് സി.പി.എം. സംസ്ഥാന സെക്രട്ടറി എം.വി. ഗോവിന്ദന്‍. ദുശീലമുള്ളവരെ സംരക്ഷിക്കുന്നവരും പാര്‍ട്ടിയിലുണ്ടാകില്ല. സംസ്ഥാന സമ്മേളനത്തിൽ പ്രായപരിധി ചർച്ച ചെയ്യില്ല. 75 വയസ്സ് കഴിഞ്ഞവരെ പാർട്ടി നേതൃസമിതിയിൽ നിന്ന് മാറ്റുമെന്നും എം.വി. ​ഗോവിന്ദൻ വ്യക്തമാക്കി.
പാര്‍ട്ടി സംഘടനാ രംഗത്ത് നില്‍ക്കുന്ന പ്രവർത്തകരായ സഖാക്കൾ മദ്യപിക്കരുത് എന്നാണ് പാർട്ടിയുടെ രാഷ്ട്രീയനിലപാട്. അത് വെറുതെ പറയുന്നതല്ല. തെറ്റ് തിരുത്തൽ പ്രക്രിയയുടെ ഭാ​ഗമായി 2013-ൽ ചേർന്ന കൽക്കത്ത പ്ലീനത്തിൽ പാർട്ടി മെമ്പർമാർ പാലിക്കേണ്ട മൂല്യങ്ങൾ വ്യക്തമാക്കിയതാണ്. മദ്യപിക്കാൻ പാടില്ല എന്ന നിലപാട് അന്ന് പറഞ്ഞതാണ്. മദ്യപാനശീലം ഒഴിവാക്കാനുള്ള ചർച്ചയും നിലപാടും സ്വീകരിച്ച് മുന്നോട്ട് പോകണം എന്ന് അന്നേ വ്യക്തമാക്കിയതാണ്. അങ്ങിനെയുള്ള ദുശീലമുള്ളവരെ സംരക്ഷിക്കുന്നവരും കുറ്റകരമായ നിലയാണ് സ്വീകരിക്കുന്നതെന്നും വിശദീകരിച്ചിട്ടുണ്ട്.

പാര്‍ട്ടി അംഗങ്ങള്‍ മദ്യപിക്കരുത് ;ദുശീലമുള്ളവരെ സംരക്ഷിക്കുന്നതും തെറ്റെന്ന്  എം.വി. ​ഗോവിന്ദൻ

ആലപ്പുഴ: സി.പി.എം സംസ്ഥാന സെക്രട്ടറി എം.വി ഗോവിന്ദന് മറുപടിയുമായി കാന്തപുരം എ.പി. അബൂബക്കര്‍ മുസ്ലിയാര്‍. പൊതുവിടങ്ങളിലേക്ക് സ്ത്രീകളിറങ്ങരുത് എന്നത് പിന്തിരിപ്പന്‍ നിലപാടാണെന്ന് പറയുന്ന സി.പി.എമ്മിന്റെ കണ്ണൂര്‍ ജില്ലയിലെ ഏരിയ സെക്രട്ടറിമാരില്‍ ഒരാള്‍ പോലും സ്ത്രീകള്‍ അല്ലാത്തത് എന്തുകൊണ്ടാണെന്നായിരുന്നു കാന്തപുരത്തിന്റെ ചോദ്യം.
"മത നിയമങ്ങള്‍ പറയുമ്പോള്‍ പണ്ഡിതന്മാരുടെ മേല്‍ കുതിര കയറാന്‍ വരേണ്ട. ഇസ്ലാമിന്റെ നിയമങ്ങള്‍ എന്താണ് വേണ്ടതെന്ന് പണ്ഡിതന്‍മാര്‍ പറയും. മറ്റുള്ള മതക്കാര്‍ ഇസ്ലാമിന്റെ കാര്യത്തില്‍ അഭിപ്രായം പറയണ്ട. ഇന്നലെ ഒരാള്‍ അഭിപ്രായം പറയുന്നത് കേട്ടു. ഞാന്‍ പത്രമെടുത്ത് നോക്കിയപ്പോള്‍ അയാള്‍ ജീവിക്കുന്ന ജില്ലയില്‍ അയാളുടെ പാര്‍ട്ടിയിലെ ഏരിയ സെക്രട്ടറിമാര്‍ പതിനെട്ടും പുരുഷന്‍മാരാണ്. ഒരു സ്ത്രീ പോലും ഇല്ല. എന്താണ് അവിടെ സ്ത്രീകളെ പരിഗണിക്കാതിരുന്നത്. ഞങ്ങള്‍ ഇസ്ലാമിന്റെ വിധി പറയുന്നത് മുസ്ലിമീങ്ങളോടാണ്"- കാന്തപുരം പറഞ്ഞു.&nbsp;

കണ്ണൂര്‍ ജില്ലയിലെ ഏരിയ സെക്രട്ടറിമാരില്‍ ഒരു സ്ത്രീപോലും ഇല്ല; എം.വി ഗോവിന്ദന് മറുപടിയുമായി കാന്തപുരം

Kerala

തിരുവനന്തപുരം: മലയാളഭാഷയെ ലോകത്തിന്റെ നെറുകയിലേക്ക്‌ കൈപിടിച്ചുയർത്തിയ കഥകളുടെ പെരുന്തച്ചനായിരുന്നു എം ടി വാസുദേവൻ നായരെന്ന് സിപിഐ എം സംസ്ഥാന സെക്രട്ടറി എം വി ​ഗോവിന്ദൻ. എഴുതിയാലും തീരാത്ത കഥയായി, വായിച്ചാലും തീരാത്ത പുസ്തകമായി എംടിയുടെ ജീവിതം മലയാളി മനസുകളിൽ ചിരകാലം ജ്വലിച്ചുനിൽക്കുമെന്ന് അദ്ദേഹം അനുശോചന സന്ദേശത്തിൽ പറഞ്ഞു.
മലയാളക്കരയുടെ നന്മയും ഉന്മേഷവും വിളിച്ചോതിയ എംടിയുടെ എഴുത്തുകൾ ഭാഷയും സാഹിത്യവുമുള്ളിടത്തോളം നിലനിൽക്കും. ഹൃദയത്തിൽ നിന്നൊഴുകിയ കവിതകളായിരുന്നു അദ്ദേഹത്തിന്റെ എഴുത്തും വാക്കും. ആനന്ദവും ദുഃഖവും പ്രണയവും വിരഹവും മോഹവും മോഹഭംഗവും തുടങ്ങി മനുഷ്യമനസിന്റെ വികാരങ്ങളെല്ലാം എംടി അക്ഷരങ്ങളിൽ ചാലിച്ചു. മലയാളിയുടെ മനസ്സറിഞ്ഞ മാന്ത്രികത്തൂലികയായിരുന്നു എംടിയെന്ന രണ്ടക്ഷരം.
പത്രപ്രവർത്തകൻ, കഥാകാരൻ, നോവലിസ്റ്റ്‌, തിരക്കഥാകൃത്ത്‌, ചലച്ചിത്ര സംവിധായകൻ, നാടകകൃത്ത്‌ തുടങ്ങി കൈവെച്ച മേഖലയിലൂടെയെല്ലാം മാനവികതയുടെ സന്ദേശമായിരുന്നു എം ടി കൈരളിക്ക്‌ പകർന്നുനൽകിയത്‌. വള്ളുവനാടൻ ഭാഷയെ സാഹിത്യത്തിൽ ഫലപ്രദമായി അവതരിപ്പിക്കാൻ എംടിയുടെ സൃഷ്ടികൾക്കായി. കൂടല്ലൂരും നിളയും കണ്ണാന്തളിപ്പൂക്കളും വള്ളുവനാട്ടിലെ മനുഷ്യരുമെല്ലാം എംടി മലയാളിയെ പരിചയപ്പെടുത്തി.

കേരളത്തിന്റെ പുരോഗമന രാഷ്ട്രീയത്തിനും വികസന പ്രവർത്തനങ്ങൾക്കും എക്കാലവും എംടിയുടെ ആശീർവാദമുണ്ടായിരുന്നു. മലയാളിയുടെയും മലയാളക്കരുടെയും മുന്നോട്ടുള്ള കുതിപ്പിൽ അദ്ദേഹത്തിന്റെ ഓർമകൾ എക്കാലവും മാർഗദീപമായി ജ്വലിക്കും.
പ്രിയപ്പെട്ട എംടിയുടെ ഓർമകൾക്ക്‌ മുന്നിൽ തലകുനിക്കുന്നു. അദ്ദേഹത്തിന്റെ വിയോഗത്തിൽ ദുഃഖിതരായ കുടുംബാംഗങ്ങളുടെയും എംടിയെ സ്നേഹിക്കുന്ന ഓരോ മലയാളിയുടെയും വേദനയിൽ ഒപ്പം ചേരുന്നെന്നും അദ്ദേഹം പറഞ്ഞു.

എഴുതിയാലും തീരാത്ത കഥയായി, വായിച്ചാലും തീരാത്ത പുസ്തകമായി അദ്ദേഹം ജ്വലിച്ചുനിൽക്കും;അനുശോചിച്ച് എം വി ​ഗോവിന്ദൻ

തിരുവല്ലം: സിപിഎം സംസ്ഥാന സെക്രട്ടറി എംവി ഗോവിന്ദന്റെ വാഹനം തിരുവല്ലം പാലത്തിൽ വച്ച് അപകടത്തിൽ പെട്ടു. നിയന്ത്രണം തെറ്റി എതിരെ വന്ന വാഹനം ഇടിക്കുകയായിരുന്നു. അപകടത്തിൽ ആർക്കും പരിക്കില്ല. കോവളത്ത് നടക്കുന്ന സിപിഎം തിരുവനന്തപുരം ജില്ലാ സമ്മേളനത്തിൽ പങ്കെടുക്കാൻ പോവുകയായിരുന്നു അദ്ദേഹം.&nbsp;
പെട്ടെന്ന് സഡൺ ബ്രേക്കിട്ട കാറിന് പിന്നിൽ ഓട്ടോ ഇടിച്ച് കാര്‍ മുന്നോട്ടു നീങ്ങി എംവി ഗോവിന്ദൻ സഞ്ചരിച്ച കാറിലേക്ക് ഇടിക്കുകയായിരുന്നു എന്ന് പൊലീസ് അറിയിച്ചു. കാറിന്റെ മുൻ ഭാഗത്തെ കേടുപാടുകളൊഴികെ മൂന്ന് വാഹനങ്ങളിലേയും യാത്രക്കാര്‍ക്ക് പരിക്കില്ല.

എംവി ഗോവിന്ദന്റെ വാഹനം അപകടത്തിൽ പെട്ടു.

എംവി ഗോവിന്ദന്റെ വാഹനം അപകടത്തിൽ പെട്ടു

തിരുവനന്തപുരം: പി. സരിന്‍ എ.കെ.ജി സെന്ററിലെത്തി സിപിഎം സംസ്ഥാന സെക്രട്ടറി എം.വി ഗോവിന്ദനെ കണ്ടു. ചുവപ്പ് ഷാള്‍ അണിയിച്ചാണ് എം.വി ഗോവിന്ദന്‍ സരിനെ സ്വീകരിച്ചത്. മന്ത്രി സജി ചെറിയാന്‍, എം.കെ ബാലന്‍ തുടങ്ങിയവരും സരിനെ സ്വീകരിക്കാന്‍ എം.കെ.ജി സെന്ററിലെത്തിയിരുന്നു.
'ഡോ.പി സരിന്‍ ആദ്യമായിട്ട് എ.കെ.ജി സെന്ററില്‍ എത്തിച്ചേരുകയാണ്. അദ്ദേഹത്തെ ഞങ്ങളെല്ലാം ആവേശത്തോടുകൂടി സ്വീകരിക്കുന്ന സമയമാണിത്. ഭാവിയിലെ രാഷ്ട്രീയ പ്രവര്‍ത്തനം സംബന്ധിച്ച് പാര്‍ട്ടിയും സരിനുമായിട്ടാലോചിച്ച് ആവശ്യമായ സംഘടനാപ്രവര്‍ത്തനങ്ങള്‍ ഉള്‍പ്പെടെയുള്ളവ തീരുമാനിക്കും. പാര്‍ട്ടിയുമായിട്ട് സഹകരിച്ച് പ്രവര്‍ത്തിക്കുക എന്നതാണ് സ്വഭിവികമായിട്ടും ആദ്യം സാധിക്കുക. പിന്നീടാണ് സംഘടനാ മെമ്പര്‍ഷിപ്പിലേക്കും പാര്‍ട്ടി മെമ്പര്‍ഷിപ്പിലേക്കുമൊക്കെ പൂര്‍ണമായും എത്താന്‍ സാധിക്കുക. മറ്റ് കാര്യങ്ങള്‍ സരിനുമായി ആലോചിച്ച് പാര്‍ട്ടി തീരുമാനിക്കും.' -എം.വി ഗോവിന്ദന്‍ പറഞ്ഞു.
പാര്‍ട്ടി സ്വതന്ത്രന്‍ പാര്‍ട്ടിയിലായില്ലേ എന്ന ചോദ്യത്തിന് പാര്‍ട്ടി സ്വതന്ത്രന്‍ പാര്‍ട്ടിയുമായി സഹകരിച്ചു മുന്നോട്ടുപോകും എന്നായിരുന്നു എം.വി ഗോവിന്ദന്റെ മറുപടി.

സരിന്‍ എ.കെ.ജി സെന്ററിൽ ;ചുവപ്പ് ഷാള്‍ അണിയിച്ച് സ്വീകരിച്ച് എം.വി ഗോവിന്ദന്‍

കണ്ണൂർ: ഇ.പി ജയരാജനുമായി ബന്ധപ്പെട്ടുണ്ടായ ആത്മകഥാ വിവാദത്തിൽ പ്രതികരിച്ച് സി.പി.എം സംസ്ഥാന സെക്രട്ടറി എം.വി ​ഗോവിന്ദൻ. ജയരാജന്‍ പറയുന്നത് വിശ്വസിക്കുക എന്നതാണ് പാര്‍ട്ടിക്ക് ചെയ്യാന്‍ കഴിയുന്നത്. ഈ വിവാദം ഉപതിരഞ്ഞെടുപ്പിനെ ബാധിക്കില്ലെന്നും അദ്ദേഹം മാധ്യമങ്ങളോട് പറഞ്ഞു.
"ജയരാജന്‍ പറഞ്ഞ കാര്യം ഞാന്‍ കണ്ടതാണ്. വളരെ പ്രകോപിതനായാണ് അദ്ദേഹം ഇക്കാര്യത്തോട് പ്രതികരിച്ചത്. തെറ്റായ പ്രചരണമാണ് നടക്കുന്നതെന്ന് അദ്ദേഹം വ്യക്തമാക്കിയതാണ്. രാഷ്ട്രീയ ഗൂഢാലോചനയുണ്ടെന്ന് ജയരാജന്‍ പറഞ്ഞെങ്കില്‍ അത് അദ്ദേഹം പരിശോധിച്ചോട്ടെ.
വിഷയത്തിൽ പാര്‍ട്ടിക്ക് കൃത്യമായ ധാരണയുണ്ട്. പുസ്തകം എഴുതിയിട്ടില്ലെന്ന് ജയരാജന്‍ പറഞ്ഞ് കഴിഞ്ഞാല്‍ പിന്നെ എന്ത് ചോദ്യമാണുള്ളത്. പാര്‍ട്ടി ഒറ്റക്കെട്ടായി മുന്നോട്ട് പോകുകയാണ്. ഇങ്ങനെയാരു വാര്‍ത്ത സൃഷ്ടിച്ച് പാര്‍ട്ടിക്കുമേല്‍ കെട്ടിവയ്ക്കാനുള്ള ശ്രമമാണ് മാധ്യമങ്ങള്‍ നടത്തിയത്", എം.വി ഗോവിന്ദൻ പറഞ്ഞു.

രാഷ്ട്രീയ ഗൂഢാലോചനയുണ്ടോ എന്ന് ഇപിക്ക് പരിശോധിക്കാം, വിവാദം ഉപതിരഞ്ഞെടുപ്പിനെ ബാധിക്കില്ല- ​ഗോവിന്ദൻ

പാലക്കാട്: ഉപതിരഞ്ഞെടുപ്പില്‍ കള്ളപ്പണമൊഴുകിയെന്നത് യാഥാര്‍ഥ്യമാണെന്ന് സി.പി.എം സംസ്ഥാന സെക്രട്ടറി എം.വി ഗോവിന്ദന്‍. താമസിക്കാത്ത സ്ഥലത്ത് എന്തിനാണ് വസ്ത്രവും കൊണ്ടുവന്നതെന്നും അദ്ദേഹം മാധ്യമങ്ങളോട് പ്രതികരിക്കവെ ചോദിച്ചു.
രാഹുല്‍പറയുന്നതൊക്കെ കള്ളമാണെന്ന് വ്യക്തമായിട്ടുണ്ട്. ഈ ബാഗ് കൊണ്ടുവന്നതുതന്നെ ഒരു കേസിലെ പ്രതിയാണ്. ഇതിലപ്പുറം എന്താണുള്ളതെന്നും ഗോവിന്ദന്‍ ചോദിച്ചു.ഒരു തരത്തിലും കള്ളപ്പണം പിടിക്കാന്‍ അനുവദിക്കില്ല എന്ന നിലപാടാണ് കോണ്‍ഗ്രസിന്. പോലീസിന്റെ സ്വതന്ത്രമായ ജോലി തടസ്സപ്പെടുത്തിയത് ഇതിന്റെ ഭാഗമായാണ്.വിവാദം ശുക്രദശയാണെന്ന് പറഞ്ഞ കെ.പി.സി.സി അധ്യക്ഷന്റെ വാക്കുകളില്‍നിന്ന് വ്യക്തമാകുന്നത് സംഭവം ലാഭമുണ്ടാക്കിത്തന്നു എന്നാണെന്നും ഗോവിന്ദന്‍ ചൂണ്ടിക്കാട്ടി.

താമസിക്കാത്ത സ്ഥലത്ത് എന്തിനാണ്  വസ്ത്രവുംകൊണ്ട് വന്നത്; രാഹുൽ പറയുന്നതെല്ലാം കള്ളമെന്ന് എം.വി ഗോവിന്ദന്‍

തിരുവനന്തപുരം: പാലക്കാട് കള്ളപ്പണമെത്തിയിട്ടുണ്ടെന്ന് ഉറപ്പാണെന്ന് സിപിഎം സംസ്ഥാന സെക്രട്ടറി എം.വി ഗോവിന്ദന്‍.എല്ലാ വിവരങ്ങളും പുറത്തുവരുമെന്നും അദ്ദേഹം
മാധ്യമങ്ങളോട് പറഞ്ഞു. വന്ന പണം എങ്ങനെയാണ് കൈമാറ്റം ചെയ്യപ്പെട്ടതെന്ന് പോലീസ് പരിശോധിക്കട്ടെ എന്നും കള്ളപ്പണം ഒഴുകുന്നത് തടയാന്‍ ഇ.ഡിയും തിരഞ്ഞെടുപ്പ് കമ്മീഷനും തയ്യാറാകുന്നില്ലെന്നും അദ്ദേഹം പറഞ്ഞു.
കൊടകര കുഴല്‍പ്പണക്കേസില്‍ മുഴുവന്‍ അന്വേഷണ വിവരങ്ങളും സമര്‍പ്പിച്ചിട്ടും ഇ.ഡിയും ആദായ നികുതി വിഭാഗവും ഇടപെട്ടിട്ടില്ല. ആളെക്കൂട്ടി ബലപ്രയോഗം നടത്തി കേരളം മുഴുവന്‍ പാലക്കാട്ട് എത്തിച്ചാലും വോട്ട് ചെയ്യേണ്ടത് പാലക്കാട്ടെ ജനങ്ങളാണ്. എല്ലാം തെളിവിന്റെ അടിസ്ഥാനത്തിലാണ് പറഞ്ഞതെന്നും എം.വി ഗോവിന്ദന്‍ പറഞ്ഞു.തന്‍ കുഞ്ഞ് പൊന്‍കുഞ്ഞ് എന്നു പറയുമ്പോലെ ബിജെപിയുടെ രാഷ്ട്രീയ നിലപാടിനനുസരിച്ചാണ് ഇഡിയും മറ്റുള്ളവരും ഇടപെടുന്നത്. ബി.ജെ.പിക്കും കോണ്‍ഗ്രസിനും കള്ളപ്പണം കേരളത്തില്‍ ഉപയോഗിച്ച് നല്ല ശീലമുണ്ട്. ആ ശീലംവെച്ചാണ് പാലക്കാടും ഈ പണം ഉപയോഗിക്കാന്‍ ശ്രമിക്കുന്നതെന്നും ഗോവിന്ദന്‍ ആരോപിച്ചു.

പാലക്കാട് കള്ളപ്പണം എത്തിയിട്ടുണ്ട്, ഉറപ്പാണ്; എല്ലാ വിവരങ്ങളും പുറത്തുവരുമെന്നും എം.വി ഗോവിന്ദന്‍

ന്യൂഡല്‍ഹി: ഇടതുപക്ഷ ജനാധിപത്യ മുന്നണിയുടെ രാഷ്ട്രീയകാര്യങ്ങള്‍ സംബന്ധിച്ച് കൃത്യമായ നിലപാട് സ്വീകരിക്കുന്ന എല്ലാവരെയും തങ്ങള്‍ സ്വാഗതം ചെയ്യുമെന്ന് സി.പി.എം. സംസ്ഥാന സെക്രട്ടറി എം.വി. ഗോവിന്ദന്‍. പാർട്ടിയുമായി ഇടഞ്ഞ ബിജെപി നേതാവ് സന്ദീപ് വാര്യരെ സി.പി.എമ്മിലേക്ക് സ്വാഗതം ചെയ്യുമോ എന്ന ചോദ്യത്തോട് പ്രതികരിക്കുകയായിരുന്നു അദ്ദേഹം.
ഞങ്ങള്‍ ആരെയാണ് സ്വാഗതം ചെയ്യാതിരിക്കുന്നത്. ഇടതുപക്ഷ ജനാധിപത്യ മുന്നണിയുമായി സഹകരിക്കുന്ന എല്ലാവരെയും സ്വാഗതം ചെയ്യുന്ന നിലപാടാണ് ഞങ്ങള്‍ സ്വീകരിക്കുന്നത്. നയമാണ് പ്രശ്‌നം. ഒരു ആൾ അല്ല. നിലപാടാണ് പ്രശ്‌നമെന്നും എം.വി. ഗോവിന്ദന്‍ പറഞ്ഞു. അതേസമയം, സന്ദീപ് വാര്യരുമായി ബന്ധപ്പെട്ട വിഷയത്തിൽ ചര്‍ച്ചയൊന്നും നടന്നിട്ടില്ലെന്നും അദ്ദേഹം കൂട്ടിച്ചേര്‍ത്തു.

കൃത്യമായ നിലപാട് സ്വീകരിക്കുന്ന എല്ലാവരെയും സംഘടനയിലേക്ക് സ്വാഗതം ചെയ്യുമെന്ന് എം.വി. ഗോവിന്ദന്‍

പാലക്കാട്: ഉപതിരഞ്ഞെടുപ്പിൽ തോറ്റാലും ജയിച്ചാലും പി സരിനെ കണ്ണിലെ കൃഷ്ണമണിപോലെ സിപിഎം കാക്കുമെന്ന് പാർട്ടി സംസ്ഥാനസെക്രട്ടറി എംവി ഗോവിന്ദൻ. സരിന് സിപിഎമ്മിൽ മികച്ച ഭാവിയുണ്ടെന്നും അദ്ദേഹം ഒരു സ്വകാര്യ ചാനലിനോട് പറഞ്ഞു.
'പാലക്കാട്ടെ തിരഞ്ഞെടുപ്പുഫലം എന്തായാലും പി സരിൻ ഇടതുപക്ഷത്തിന് മുതൽക്കൂട്ടായിരിക്കും. ഒരിക്കലും പിവി അൻവറിനെപ്പോലെയാകില്ല. ഒരു കമ്യൂണിസ്റ്റാവാൻ ഒരിക്കലും അൻവർ ശ്രമിച്ചിരുന്നില്ല. സരിന് മികച്ച രാഷ്ട്രീയ ഭാവിയുണ്ട്. പിപി ദിവ്യയുടെ അറസ്റ്റിൽ പൊലീസ് സ്വീകരിച്ചത് ശരിയായ നടപടിയാണ്. പ്രതിപക്ഷത്തിന്റെ ആരോപണം അസംബന്ധമാണ്. ദിവ്യയ്‌ക്കെതിരെയുള്ള നടപടി പാർട്ടി ആലോചിക്കും. അത് മാധ്യമങ്ങളാേട് പറയേണ്ടതില്ല. ദിവ്യയുടെ അറസ്റ്റ് സംബന്ധിച്ച വാർത്തകളിൽ ജനാധിപത്യ വിരുദ്ധമായ നിലപാടാണ് മാധ്യമങ്ങൾ സ്വീകരിച്ചത്'- അദ്ദേഹം പറഞ്ഞു.

സരിന് സിപിഎമ്മിലുള്ളത് മികച്ച ഭാവി, കണ്ണിലെ  കൃഷ്ണമണിപോലെ കാക്കുമെന്ന് എം.വി ഗോവിന്ദൻ

പാലക്കാട്: സി.പി.എം. നേതാവ് എൻ.എൻ.കൃഷ്ണദാസ് മാധ്യമങ്ങൾക്കെതിരെ അധിക്ഷേപ പരാമർശം നടത്തിയ സംഭവത്തിൽ പ്രതികരണവുമായി സി.പി.എം. സംസ്ഥാന സെക്രട്ടറി എം.വി.ഗോവിന്ദൻ. സുന്ദരമായ ഭാഷ ഉപയോഗിക്കുന്നതാണ് നല്ല വിമർശനത്തിന് അടിസ്ഥാനമെന്ന് എം.വി. ഗോവിന്ദൻ വ്യക്തമാക്കി. നല്ല വിമർശനങ്ങൾക്ക് നല്ല ഭാഷ ഉപയോഗിക്കുന്നതാണ് നല്ലതെന്നും അദ്ദേഹം കൂട്ടിച്ചേർത്തു.
എത്ര ശക്തമായ വിമർശനവും സുന്ദരമായ ഭാഷ ഉപയോഗിച്ച് നടത്താൻ സാധിക്കുമെന്നും എം.വി. ​ഗോവിന്ദൻ പറഞ്ഞു. മാധ്യമങ്ങൾ ഉപയോഗിക്കുന്ന ഭാഷയിൽ തന്നെയാണ് മാധ്യമങ്ങൾക്ക് വിമർശനമുണ്ടായത്. നിങ്ങൾ ചെയ്തുകൊണ്ടിരിക്കുന്ന പ്രവർത്തികൾക്ക് നിങ്ങൾക്ക് കിട്ടിക്കൊണ്ടിരിക്കുന്ന ഓരോ പദപ്രയോഗങ്ങളാണ് ഇതൊക്കെയെന്നും എം.വി. ഗോവിന്ദൻ മാധ്യമങ്ങളോട് പറഞ്ഞു.

വിമര്‍ശനത്തിന് സുന്ദരമായ ഭാഷവേണം ;  കൃഷ്ണദാസിന്റെ പരാമർശത്തിൽ പ്രതികരണവുമായി എം.വി.ഗോവിന്ദൻ

തൃശ്ശൂർ: എഡിഎം നവീൻ ബാബുവിന്റെ മരണവുമായി ബന്ധപ്പെട്ട് പി.പി ദിവ്യയ്ക്കെതിരായ അന്വേഷണത്തിൽ ഒരു വീഴ്ചയുമില്ലെന്ന് സി.പി.എം. സംസ്ഥാന സെക്രട്ടറി എം.വി ​ഗോവിന്ദൻ. ജാമ്യം സംബന്ധിച്ചുള്ള പ്രധാനപ്പെട്ട വാദം വ്യാഴാഴ്ച നടന്നു. വിഷയത്തിൽ വിധി വരട്ടെ. പോലീസിന്റെ അന്വേഷണം കൃത്യമായി മുന്നോട്ട് പോകും. പാർട്ടി കുടുംബത്തിനൊപ്പമാണെന്ന് നേരത്തെ വ്യക്തമാക്കിയതാണ്. ഇക്കാര്യത്തിൽ ഒരു വിട്ടുവീഴ്ചയ്ക്കും തയ്യാറാവില്ലെന്നും എം.വി ​ഗോവിന്ദൻ മാധ്യമങ്ങളോട് പറഞ്ഞു.
"പാലക്കാട് ഉപതിരഞ്ഞെടുപ്പുമായി ബന്ധപ്പെട്ട് കോൺഗ്രസിന്റെ അകത്തുതന്നെ വൈരുദ്ധ്യങ്ങളുണ്ട്. ഒരുപാട് പേർ കോൺഗ്രസ് വിട്ടു. അവരെല്ലാം പൂർണമായി എൽ.ഡി.എഫിന് വോട്ട് ചെയ്യുമെന്ന് കരുതുന്നില്ല. എന്നാൽ, അതിൽ ഒരുവിഭാഗം ഇടതുപക്ഷത്തോടൊപ്പം നിന്നാൽ കോൺഗ്രസിനേയും ബി.ജെ.പി.യേയും തോൽപ്പിക്കാനാകും.
സംസ്ഥാനത്ത് കോൺ​ഗ്രസ്-ബി.ജെ.പി ഡീലുണ്ടെന്ന് നേരത്തെ പറയുന്നതാണ്. പാലക്കാട് നിന്ന് ഷാഫിയെ വടകരയിലേക്ക് മാറ്റി. അവിടെ സിറ്റിങ് എം.പി.യായിരുന്ന മുരളീധരനെ തൃശ്ശൂരിലേക്ക് മാറ്റി. എന്നിട്ട്, തൃശ്ശൂരുണ്ടായിരുന്ന എം.പി.യെ ഒരു മൂലയ്ക്ക് ഇരുത്തി. ഇതെല്ലാം കൂടെ വെറുതെ വന്നതല്ല. ഇത് കോൺ​ഗ്രസിന്റേയും ബി.ജെ.പി.യുടേയും ഡീലാണെന്ന് പി. സരിനും പറഞ്ഞിട്ടുണ്ട്".
"പി.വി. അൻവറിന്റെ പ്രശ്‌നം പ്രധാനപ്പെട്ട ഒരു വിഷയമായിട്ട് കാണുന്നില്ല.ജമാഅത്തെ ഇസ്ലാമിക്കാരനും ലീഗുകാരനും കോൺഗ്രസുകാരനുമാണ് അദ്ദേഹത്തിന് പിന്തുണ നൽകുന്നത്. അവരൊന്നും പിന്തുണകൊണ്ട് നിൽക്കുന്നതല്ല. മറിച്ച് കമ്യൂണിസ്റ്റ് വിരുദ്ധത കൊണ്ട് ഇദ്ദേഹത്തെ എങ്ങിനെ ഉപയോഗിക്കാമെന്നതിന്റെ ഭാഗമായിട്ടാണ് ആളെ എത്തിച്ചുകൊടുക്കുന്നത്". ഇവിടെ തിരഞ്ഞെടുപ്പിന്റെ ഭാഗമായിട്ട് അവർ പോയതോടെ ആളെ കിട്ടാതെ വന്നതോടെ അവിടെയും ഇവിടെയും പോയിട്ട് ദിവസക്കൂലിക്ക് പോകുന്ന ആളെക്കൂട്ടിക്കൊണ്ടുവരുന്ന രീതിയാണ് സ്വീകരിക്കുന്നതെന്നും അദ്ദേഹം കൂട്ടിച്ചേർത്തു.

പി.പി ദിവ്യയ്ക്കെതിരായ അന്വേഷണത്തിൽ ഒരു വീഴ്ചയുമില്ലെന്ന് എം.വി ​ഗോവിന്ദൻ

ന്യൂഡല്‍ഹി: പാര്‍ട്ടി നേതൃത്വത്തിനും മുഖ്യമന്ത്രി പിണറായി വിജയനുംനേരെ ഇടത് എംഎല്‍എ പി.വി.അന്‍വര്‍ തൊടുത്ത വിമര്‍ശന ശരങ്ങള്‍ക്ക് സിപിഎം സംസ്ഥാന സെക്രട്ടറി എം.വി.ഗോവിന്ദന്‍ ഇന്ന് മറുപടി നല്‍കും. അന്‍വറിനുള്ള മറുപടിക്ക് പുറമെ അദ്ദേഹത്തിനെതിരെ പാര്‍ട്ടി നടപടിയും പ്രഖ്യാപിച്ചേക്കും.
ഇന്ന് ഉച്ചയ്ക്ക് മാധ്യമങ്ങളെ കാണുമെന്നാണ് എം.വി.ഗോവിന്ദന്‍ അറിയിച്ചിട്ടുള്ളത്. ഇതിനിടെ മുഖ്യമന്ത്രി പിണറായി വിജയന്‍ മാധ്യമങ്ങള്‍ക്ക് മുന്നിലെത്തി അന്‍വറിന്റെ ആരോപണങ്ങള്‍ തള്ളുകയാണെന്നും വിശദമായ മറുപടി പിന്നീട് നല്‍കുമെന്നും അറിയിച്ചിട്ടുണ്ട്. ഡല്‍ഹി കേരള ഹൗസില്‍വെച്ചാകും ഗോവിന്ദന്‍ മാധ്യമങ്ങളെ കാണുക.

അന്‍വറിനുള്ള മറുപടിയും നടപടിയും ;എം.വി.ഗോവിന്ദന്‍ ഉച്ചയ്ക്ക് മാധ്യമങ്ങളെ കാണും

സിഡ്‌നി (ഓസ്‌ട്രേലിയ): സി.പി.എം. സംസ്ഥാന സെക്രട്ടറി എം.വി. ഗോവിന്ദനും കുടുംബവും ഒരാഴ്ച നീളുന്ന വിദേശ സന്ദര്‍ശനത്തിനായി പുറപ്പെട്ടു. ഓസ്ട്രേലിയയില്‍ വിവിധ പരിപാടികളില്‍ പങ്കെടുക്കാനാണ് യാത്ര. സിഡ്നി, മെല്‍ബണ്‍, ബ്രിസ്ബെയ്ന്‍, പെര്‍ത്ത് എന്നീ നഗരങ്ങളില്‍ ഇടത് അനുകൂല സംഘടനയായ നവോദയ സംഘടിപ്പിക്കുന്ന വിവിധ പരിപാടികളില്‍ അദ്ദേഹം പങ്കെടുക്കും.
പാര്‍ട്ടി ജനറല്‍ സെക്രട്ടറി സീതാറാം യെച്ചൂരിയുടെ മരണത്തെ തുടര്‍ന്ന് എം.വി. ഗോവിന്ദന്‍ യാത്ര വൈകിപ്പിക്കുകയായിരുന്നു. ഓസ്‌ട്രേലിയന്‍ സന്ദര്‍ശനം പൂര്‍ത്തിയാക്കി സെപ്റ്റംബര്‍ 24-ന് അദ്ദേഹം തിരിച്ചെത്തുമെന്നാണ് വിവരം.

എം.വി ഗോവിന്ദനും കുടുംബവും ഓസ്‌ട്രേലിയയിൽ ;ഒരാഴ്ച നീളുന്ന സന്ദർശനം

വൈകുന്നേരങ്ങളില്‍ വാര്‍ത്താ ചാനലുകളില്‍ നടക്കുന്ന ചര്‍ച്ചകളിലേക്ക് പ്രതിനിധികളെ അയക്കേണ്ടതുണ്ടോ എന്ന കാര്യം പാര്‍ട്ടി ഗൗരവപൂര്‍വം ചര്‍ച്ച ചെയ്യുമെന്ന് സി.പി.എം. സംസ്ഥാന സെക്രട്ടറി എം.വി. ഗോവിന്ദന്‍. അന്‍വര്‍ വിഷയത്തില്‍ എന്തുകൊണ്ടാണ് ചാനല്‍ ചര്‍ച്ചകളിലേക്ക് സി.പി.എം. പ്രതിനിധികളെ അയക്കാത്തത് എന്ന മാധ്യമപ്രവര്‍ത്തകരുടെ ചോദ്യത്തിന് മറുപടി പറയുകയായിരുന്നു എം.വി. ഗോവിന്ദന്‍.
'എന്തിനാണ് ഈ വിഷയം ഇതിനുമാത്രം ചര്‍ച്ച ചെയ്യേണ്ട കാര്യം? കാര്യമില്ല. ഞങ്ങള്‍ക്ക് ഒരു പ്രതിസന്ധിയുമില്ല. ഞങ്ങള്‍ക്ക് പ്രതിസന്ധി ഇല്ലാത്തതുകൊണ്ടല്ലേ വരാത്തത്. നിങ്ങളെന്തും പറഞ്ഞോ. ഈ വിഷയം മാത്രമല്ല. പല വിഷയത്തെ സംബന്ധിച്ചും ആലോചിക്കേണ്ടതുണ്ട്. നിങ്ങള് ഇങ്ങനെ വൈകുന്നേരം വൈകുന്നേരമാകുമ്പൊ ഇരുന്ന് കമ്യൂണിസ്റ്റ് വിരുദ്ധത പ്രചരിപ്പിക്കാന്‍ വേണ്ടിയിട്ടുള്ള ഒരു ചര്‍ച്ചയും ആ ചര്‍ച്ചയുടെ ഭാഗമായിട്ട് ഞങ്ങളുടെ ഏതെങ്കിലുമൊരാളെ വിളിക്കും. പതിനഞ്ചാളെ വേറെയും വിളിക്കും. എന്നിട്ട് എല്ലാവരും കൂടി ചേര്‍ന്ന് സി.പി.എമ്മിന് വിരുദ്ധമായ ഒരു ആശയം ഉത്പാദിപ്പിക്കുന്ന ഈ വൈകുന്നേരത്തെ ചര്‍ച്ചയില്‍ സി.പി.എം. പങ്കെടുക്കേണ്ടതുണ്ടോ എന്ന കാര്യം ഞങ്ങള് ഗൗരവപൂര്‍വ്വം ചര്‍ച്ച ചെയ്യാന്‍ പോകുകയാണ്.' -എം.വി. ഗോവിന്ദന്‍ പറഞ്ഞു.

ചാനലുകളില്‍ നടക്കുന്ന ചര്‍ച്ചകളിലേക്ക് പ്രതിനിധികളെ അയക്കേണ്ടതുണ്ടോ എന്ന് ചര്‍ച്ചചെയ്യുമെന്ന് എം.വി. ഗോവിന്ദന്‍

തിരുവനന്തപുരം: സിപിഎമ്മിൽ പവർ ​ഗ്രൂപ്പുണ്ടെന്ന വി.ഡി സതീശന്റെ ആരോപണം സംബന്ധിച്ച്, എഐസിസി മുൻ അം​ഗം സിമി റോസ്ബെലിന്റെ ചാനൽ അഭിമുഖം കണ്ടിട്ട് പ്രതികരിക്കണമെന്ന് എം.വി ​ഗോവിന്ദൻ. എഐസിസി മുൻ അം​ഗം സിമി റോസ്ബെൽ ഉന്നയിച്ച ആരോപണങ്ങൾ നിരത്തിയായിരുന്നു അദ്ദേഹത്തിന്റെ പ്രതികരണം.
കോൺ​ഗ്രസിൽ അവസരം കിട്ടാൻ ചൂഷണത്തിന് നിന്നു കൊടുക്കണം. പ്രീതിപ്പെടുത്താൻ സാധിക്കാത്തതുകൊണ്ട് പ്രതിപക്ഷ നേതാവിന്റെ ​ഗുഡ് ബുക്കിൽ ഇടം കിട്ടിയില്ല. പ്രീതിപ്പെടുത്തിയാൽ കഴിവും പരിചയവുമില്ലാത്തവർക്ക് നേതാക്കളായി മാറാം. കോൺ​ഗ്രസിൽ വനിതകൾക്ക് വളരാൻ സ്പോൺസർമാരെ വേണം. നടക്കുന്നത് അഡ്ജസ്റ്റ്മെന്റ് രാഷ്ട്രീയമാണ്, ഗോവിന്ദൻ പറഞ്ഞു.
പ്രായമായ സ്ത്രീകളെ കോൺ​ഗ്രസിൽ പരിഹസിക്കുകയാണെന്നും പാർട്ടിയിൽ ലിം​ഗവിവേചനമുണ്ടെന്നും അദ്ദേഹം ആരോപിച്ചു. സിനിമയിലേ പോലെ കോൺ​ഗ്രസിലും പവർ​ഗ്രൂപ്പുണ്ട്. വിവേചനം നടപ്പിലാക്കുന്നത് പവർ​ഗ്രൂപ്പാണ്. പവർ​ഗ്രൂപ്പിൽ പ്രതിപക്ഷ നേതാവുമുണ്ട് എം.വി ​ഗോവിന്ദൻ പറഞ്ഞു.

കോൺ​ഗ്രസ് പവർ​ഗ്രൂപ്പിൽ പ്രതിപക്ഷ നേതാവും; എ.ഐ.സി.സി മുൻ അം​ഗത്തിന്റെ അഭിമുഖം പരാമർശിച്ച് എം.വി ​ഗോവിന്ദൻ

തിരുവനന്തപുരം: ഹേമ കമ്മിറ്റി റിപ്പോർട്ട് പുറത്തുവന്നതിനുപിന്നാലെ പ്രതികരിച്ച് സി.പി.എം സംസ്ഥാന സെക്രട്ടറി എം.വി.​ഗോവിന്ദൻ. എല്ലാ തൊഴിലിടങ്ങളിലും സ്ത്രീകൾക്ക് സുരക്ഷ ഉറപ്പാക്കേണ്ടത് സമൂഹത്തിന്റെ ഉത്തരവാദിത്വമാണെന്നും സർക്കാർ ഫലപ്രദമായ ഇടപെടലുകളിലേക്കാണ് നീങ്ങുന്നതെന്നും അദ്ദേഹം മാധ്യമങ്ങളോട് പറഞ്ഞു.
കോടതിയുടെ സാങ്കേതികമായ പ്രശ്നങ്ങളെല്ലാം പരിഹരിക്കപ്പെട്ടതോടുകൂടിയാണ് പൊതുജനങ്ങളുടെ മുന്നിലേക്ക് റിപ്പോർട്ട് എത്തിയിരിക്കുന്നതെന്ന് ​​ഗോവിന്ദൻ വ്യക്തമാക്കി. 'പുരുഷമേധാവിത്വമാണ് ഇന്ത്യൻ സമൂഹത്തിന്റെ ഏറ്റവും വലിയ സവിശേഷത. ഫ്യൂഡൽ ജീർണത അവസാനിക്കാത്ത, ജനാധിപത്യ സംവിധാനത്തിലേക്ക് പൂർണമായും എത്തിച്ചേരാത്ത ഒരു സമൂഹമാണിത്. ഈ ജീർണത മുഴുവൻ പ്രതിഫലിക്കുന്ന ഒന്നാണ് ഹേമ കമ്മിറ്റി റിപ്പോർട്ടിന്റെ ഭാ​ഗമായി കാണാൻ കഴിയുന്നത്. സ്ത്രീ സമൂഹത്തിന്റെ ഉന്നതിക്ക് വേണ്ടിയാണ് സർക്കാർ പ്രവർത്തിക്കുക', ​അദ്ദേഹം പറഞ്ഞു.
സ്ത്രീവിരുദ്ധതയാണ് ഇന്ത്യൻ സമൂഹത്തിന്റെ മുഖമുദ്രയെന്നും പടിപടിയായി ജനാധിപത്യവത്കരണത്തിലേക്കുള്ള നീക്കം ഉണ്ടാകുമെന്നും അദ്ദേഹം വ്യക്തമാക്കി

സ്ത്രീവിരുദ്ധത ഇന്ത്യൻസമൂഹത്തിന്റെ മുഖമുദ്ര ; ഹേമ കമ്മിറ്റി റിപ്പോർട്ടിൽ പ്രതികരിച്ച് എം.വി.​ഗോവിന്ദൻ

കോഴിക്കോട്: വയനാട്ടിൽ ഉരുൾപൊട്ടലുണ്ടായ സ്ഥലം സി പി ഐ എം സംസ്ഥാന സെക്രട്ടറി എം വി ഗോവിന്ദൻ സന്ദർശിക്കും. വലിയ മഴക്കെടുതിയെയാണ് കേരളം നേരിട്ടുകൊണ്ടിരിക്കുന്നത്. മുഴുവൻ പാർട്ടി പ്രവർത്തകരും രക്ഷാപ്രവർത്തനത്തിന് രംഗത്തിറങ്ങണമെന്ന് എം വി ഗോവിന്ദൻ മാസ്റ്റർ ആഹ്വാനം ചെയ്തു.
&nbsp;അർദ്ധരാത്രിയോടെ വയനാട്ടിലെ മുണ്ടക്കൈ, ചൂരൽമല, അട്ടമല എന്നിവിടങ്ങളിലാണ് വൻ ഉരുൾപൊട്ടൽ ഉണ്ടായത്.. മരണസംഖ്യ ഉയരുമെന്നാണ് ദുരന്തസ്ഥലത്തുനിന്നുള്ള റിപ്പോർട്ടുകൾ സൂചിപ്പിക്കുന്നത്.

എം വി ഗോവിന്ദൻ വയനാട്ടിലേക്ക്;പാർട്ടി പ്രവർത്തകർ രക്ഷാപ്രവർത്തനത്തിന് ഇറങ്ങാൻ ആഹ്വാനം

കോഴിക്കോട്: മലബാറിൽ ജമാഅത്തെ ഇസ്ലാമിയും എസ്.ഡി.പി.ഐയും യു.ഡി.എഫിന് വേണ്ടി പ്രവർത്തിച്ചുവെന്ന് സി.പി.എം സംസ്ഥാന സെക്രട്ടറി എം.വി. ​ഗോവിന്ദൻ. ജമാഅത്തെ ഇസ്ലാമിയുടെ വനിതാ പ്രവർത്തകർ ജനങ്ങളുമായി ചേർന്ന് പ്രവർത്തിച്ചു. ബി.ജെ.പിയെ ഒഴിവാക്കാൻ കോൺ​ഗ്രസിന് വോട്ട് ചെയ്യേണ്ടതാണെന്ന് അവർ വ്യക്തമാക്കിയതായും എം.വി ​ഗോവിന്ദൻ പറഞ്ഞു.
'എങ്ങിനെയാണ് കോഴിക്കോട്, കണ്ണൂര്‍, വടകര, കാസര്‍കോട് മണ്ഡലങ്ങളില്‍ ഒരു ലക്ഷത്തിലധികം വോട്ടിന്റെ ഭൂരിപക്ഷമായത്?. കഴിഞ്ഞ പ്രാവിശ്യം ലഭിച്ച വോട്ടുകളില്‍ 2.8 ശതമാനം ആളുകള്‍ ഇത്തവണ കോൺ​ഗ്രസിന് വോട്ട് ചെയ്തിട്ടില്ല. ഇടതുപക്ഷത്തിന്റെ കണക്ക് നോക്കുമ്പോള്‍ അത് 1.75 ശതമാനം കുറവാണ്. എന്നിട്ടെങ്ങനെയാണ് യു.ഡി.എഫിന് ഇത്ര ഭൂരിപക്ഷം ലഭിച്ചത്', എം.വി ​ഗോവിന്ദൻ ചോദിച്ചു.
'മലബാറില്‍ പ്രബലമായ രീതിയില്‍ പ്രവര്‍ത്തിക്കുന്ന ന്യൂനപക്ഷ വര്‍ഗീയ പ്രസ്ഥാനങ്ങളുണ്ട്. ജമാഅത്ത് ഇസ്ലാമിയും എസ്.ഡി.പി.ഐയും ഉള്‍പ്പെടെയുള്ളവർ. അതിൽ ജമാഅത്തെ ഇസ്ലാമിലെ ഒരു വിഭാ​ഗം, പ്രത്യേകിച്ച് സ്ത്രീകൾ ഉൾപ്പെടെ ഉള്ളവർ ജനങ്ങൾക്കിടയിൽ ചേർന്ന് പ്രവർത്തിക്കാൻ ശേഷിയുള്ളവരാണ്. അവർ എവിടേയും കമ്യൂണിസ്റ്റ് വിരുദ്ധത പ്രകടിപ്പിച്ചില്ല. അവർ ന്യൂനപക്ഷ വിഭാഗങ്ങൾക്കിടയിൽ കൃത്യമായ അവതരണം നടത്തി. എന്തെങ്കിലും സാധ്യത ബി.ജെ.പിയെ ഒഴിവാക്കാൻ കോൺ​ഗ്രസിന് വോട്ട് ചെയ്യുന്നതാണെന്ന് അവതരിപ്പിച്ചു.ഒരുഭാഗത്ത് ഭൂരിപക്ഷവര്‍ഗീയത, ഹിന്ദുത്വ അജണ്ട. മറുഭാഗത്ത് ന്യൂനപക്ഷ വര്‍ഗീയവാദികള്‍. ലോകം തന്നെ ഇസ്ലാമിക ലോകം വേണമെന്ന നിലപാടുള്ളവര്‍. അവര്‍ വളരെ ഫലപ്രദമായി മുസ്ലിം ഏകീകരണം സംഭവിക്കുന്ന വർ​ഗീയവത്ക്കരണത്തിന് വേണ്ടി കഴിയുന്ന രീതിയിൽ അവർ പ്രവർത്തിച്ചു. ലീ​ഗിനേയും കോൺ​ഗ്രസിനേയും ചേർത്ത് അവർ തിരഞ്ഞെടുപ്പ് പ്രക്രിയയിൽ ഇടപെട്ടു', അദ്ദേഹം പറഞ്ഞു.

മലബാറിൽ ജമാഅത്തെ ഇസ്ലാമിയും എസ്.ഡി.പി.ഐയും യു.ഡി.എഫിന് വേണ്ടി പ്രവർത്തിച്ചു ;എം.വി. ​ഗോവിന്ദൻ.

മലബാറിൽ ജമാഅത്തെ ഇസ്ലാമിയും എസ്.ഡി.പി.ഐയും യു.ഡി.എഫിന് വേണ്ടി പ്രവർത്തിച്ചു ;എം.വി. ​ഗോവിന്ദൻ

തിരുവനന്തപുരം : പാർട്ടിയിലെ അനഭിലഷണീയ പ്രവണതകൾക്കെതിരെ വിമർശനവുമായി സി.പി.എം സംസ്ഥാന സെക്രട്ടറി എം.വി. ഗോവിന്ദൻ. സഖാക്കൾക്ക് പണത്തോടുള്ള ആർത്തി കൂടുന്നുവെന്ന് ഗോവിന്ദൻ പറഞ്ഞു. എങ്ങനെ സാമ്പത്തിക നേട്ടം ഉണ്ടാക്കാം എന്ന ലക്ഷ്യത്തോടെയാണ് പലരും പാർട്ടിയിലേക്ക് വരുന്നത്. ലോക്‌സഭാ തിരഞ്ഞെടുപ്പിൽ താഴേത്തട്ടിൽ നിന്നും പാർട്ടിക്ക് തന്ന കണക്കുകൾ പിഴച്ചത് ഗുരുതര വീഴ്ചയാണെന്നും ഗോവിന്ദൻ ചൂണ്ടിക്കാട്ടി. തിരുവനന്തപുരത്ത് പാർട്ടി സെക്രട്ടറിമാർക്കുള്ള റിപ്പോർട്ടിൽ ആണ് വിമർശനം.
ക്ഷേത്രങ്ങളിൽ നിന്ന് വിട്ടു നിൽക്കരുതെന്നും എം.വി. ഗോവിന്ദൻ നിർദ്ദേശിച്ചു. പാർട്ടിയംഗങ്ങൾ പോയില്ലെങ്കിലും അനുഭാവികൾ ക്ഷേത്രകാര്യങ്ങളിൽ ഇടപെടണം. വിശ്വാസികളെ കൂടെനിർത്തണം. താഴെത്തട്ടിലെ നേതാക്കളുടെ പ്രവർത്തനങ്ങൾക്കെതിരേയും വിമർശനമുണ്ടായി.മരണവും വിവാഹവും ഉൾപ്പെടെ പ്രദേശത്തെ പ്രധാന വിഷയങ്ങളിൽ പാർട്ടി അംഗങ്ങൾ സജീവമായി നിൽക്കണമെന്നും എം.വി ഗോവിന്ദൻ ആവശ്യപ്പെട്ടു.

സാമ്പത്തികനേട്ടമെന്ന ലക്ഷ്യത്തോടെയാണ് പലരും പാർട്ടിയിലേക്ക് വരുന്നതെന്ന് എം.വി. ഗോവിന്ദൻ.

സാമ്പത്തികനേട്ടമെന്ന ലക്ഷ്യത്തോടെയാണ് പലരും പാർട്ടിയിലേക്ക് വരുന്നതെന്ന് എം.വി. ഗോവിന്ദൻ

തിരുവനന്തപുരം: തിരഞ്ഞെടപ്പിൽ ദയനീയ തോൽവി ഏറ്റുവാങ്ങിയതിന് പിന്നാലെ പ്രതികരണവുമായി സി.പി.എം സംസ്ഥാന സെക്രട്ടറി എം.വി ഗോവിന്ദന്‍. നേമം നിയമസഭാ തിരഞ്ഞെടുപ്പില്‍ ബി.ജെ.പിയുടെ വിജയത്തിനടയാക്കിയത് കോണ്‍ഗ്രസിനുണ്ടായ വോട്ടു കുറവാണ്. അതു പോലെ തൃശൂരിലും നടന്നിട്ടുണ്ടോയെന്ന് പരിശോധിക്കുമെന്ന് എം.വി ഗോവിന്ദൻ പ്രതികരിച്ചു.
തൃശൂരില്‍ കോണ്‍ഗ്രസിന് ഒരു ലക്ഷം വോട്ടിന്റെ കുറവുണ്ട്. കോൺഗ്രസിന് നഷ്ടപ്പെട്ട വോട്ടുകളാണ് ബി.ജെ.പിക്ക് കിട്ടിയത്. വോട്ട് കുറഞ്ഞതിന്റെ വിശദാംശങ്ങള്‍ പരിശോധിക്കുമെന്നും എം.വി ഗോവിന്ദൻ പറഞ്ഞു.തിരുത്തേണ്ടത് തിരുത്തി, ഉള്‍ക്കൊണ്ട് പാര്‍ട്ടി മുന്നോട്ട് പോകുമെന്നും അദ്ദേഹം വ്യക്തമാക്കി.

തിരുത്തേണ്ടത് തിരുത്തി, ഉള്‍ക്കൊണ്ട് പാര്‍ട്ടി മുന്നോട്ട് പോകുമെന്ന് എം.വി ഗോവിന്ദന്‍

തിരുവനന്തപുരം: എക്‌സിറ്റ് പോള്‍ ശനിയാഴ്ച വരാനാനിരിക്കെ അത് തങ്ങള്‍ക്ക് എതിരായിരിക്കുമെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദന്‍. എക്‌സിറ്റ് പോളൊക്കെ സിപിഎമ്മിനെതിരായിരിക്കും. കേരളത്തിലെ മാധ്യമ ശൃംഖലയും അതുമായി ബന്ധപ്പെട്ട് എക്‌സിറ്റ്‌പോളും അങ്ങനെ ആയിപ്പോയെന്നും എം.വി.ഗോവന്ദന്‍ പറഞ്ഞു. വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം.
ഇന്ത്യ മുന്നണി അധികാരത്തിലെത്തിയാല്‍ സിപിഎം സര്‍ക്കാരിന്റെ ഭാഗമാകുമോ എന്നത് ഇപ്പോള്‍ പറയാനാകില്ലെന്നും അദ്ദേഹം വ്യക്തമാക്കി. 'ഇന്ത്യ മുന്നണി വരട്ടെ. ഇല്ലാത്തൊരു കാര്യത്തിനെ കുറിച്ച് ഇപ്പോള്‍ ചര്‍ച്ച ചെയ്യേണ്ട കാര്യമില്ല. വന്നുകഴിഞ്ഞാല്‍ അപ്പോള്‍ ആലോചിക്കാം' സിപിഎം സംസ്ഥാന സെക്രട്ടറി പറഞ്ഞു.മന്ത്രി സ്ഥാനത്തിനായി ഇപ്പോഴേ കുപ്പായം തുന്നിവെക്കുന്നവരല്ല ഇടതുപക്ഷക്കാര്‍. ശക്തമായ രാഷ്ട്രീയ ദിശാബോധത്തോടെ പാര്‍ലമെന്റില്‍ പ്രവര്‍ത്തിക്കാന്‍ കഴിയുന്ന സ്ഥാനാര്‍ഥികളെയാണ് നിര്‍ത്തിയിട്ടുള്ളത്. അവരെ കേന്ദ്ര ആഭ്യന്ത്രര മന്ത്രിയും ധനകാര്യ മന്ത്രിയും വിദേശകാര്യ മന്ത്രിയും ആക്കാം. അതിനുള്ള ശേഷിയുള്ളവരാണ് കേരളത്തില്‍നിന്ന് പോകുന്ന ഇടത് നേതാക്കളെല്ലാമെന്നും അദ്ദേഹം കൂട്ടിച്ചേർത്തു.

മന്ത്രി സ്ഥാനത്തിനായി ഇപ്പോഴേ കുപ്പായം തുന്നിവെക്കുന്നവരല്ല ഇടതുപക്ഷക്കാരെന്ന് എം.വി.ഗോവിന്ദന്‍

തലശേരി:സഹകരണ പ്രസ്ഥാനത്തെ തകർക്കുവാനും, അതല്ലെങ്കിൽ കൈപ്പിടിയിലൊതുക്കുവാനുമാണ് കേന്ദ്ര സർക്കാർ ശ്രമിക്കുന്നതെന്നും, പരമോന്നത നീതിപീഠത്തിന്റെ അനുകൂലമായ ഇടപെടലുകൾ എത്ര കാലമുണ്ടാകുമെന്ന് തീർത്തു പറയാനാവില്ലെന്നും മുൻ സഹകരണമന്ത്രി എം.വി.ഗോവിന്ദൻ മാസ്റ്റർ അഭിപ്രായപ്പെട്ടു.
&nbsp;കേരളത്തിലാദ്യമായാണ് ഒരു സഹകരണ ബാങ്ക്16വർഷം മുമ്പ് സാഹിത്യ മേഖലയിലുള്ള പ്രതിഭകൾക്ക് അവാർഡ് ഏർപ്പെടുത്തിയതെന്ന്.ഗോവിന്ദൻ മാസ്റ്റർ അഭിപ്രായപ്പെട്ടു.
ജനങ്ങളുടെ വിശ്വാസമാർജ്ജിക്കാൻ കഴിഞ്ഞാൽ സഹകരണ മേഖലയെ ആർക്കും തകർക്കാനാവില്ല. വൈവിധ്യമാർന്ന ജനക്ഷേമ പദ്ധതികൾ ആവിഷ്ക്കരിച്ച് നടപ്പിലാക്കാൻ കഴിഞ്ഞ കതിരൂർ ബേങ്ക് രാജ്യത്തിന് തന്നെ മാതൃകയായി മാറിയിരിക്കുകയാണ്.
കതിരൂർ സർവ്വീസ് സഹകരണ ബാങ്ക് ഏർപ്പെടുത്തിയ വി.വി.കെ, ഐ.വി. ദാസ് പുരസ്കാരങ്ങൾ വെങ്കിടേഷ് രാമകൃഷ്ണൻ, ടി.എം. ഹർഷൻ, സി.പി.അബൂബക്കർ, എ.പി. ജ്യോതിർമയി എന്നിവർക്ക് സമ്മാനിച്ച് സംസാരിക്കുകയായിരുന്നു അദ്ദേഹം.
ബാങ്ക് പ്രസിഡണ്ട് ശ്രീജിത്ത് ചോയൻ ചടങ്ങിൽ അധ്യക്ഷതവഹിച്ചു.
&nbsp;നാരായണൻ കാവുമ്പായി പുരസ്കാര ജേതാക്കളെ പരിചയപ്പെടുത്തി. റബ്കോ ചെയർമാൻ കാരായി രാജൻ ഐ.വി. ദാസ്, വി.വി.കെ. ഓർമ്മകൾ പങ്കു വെച്ചു..
കവി വി.മധുസൂദനൻ നായർ മുഖ്യാതിഥിയായി.. 2020, 2021വർഷങ്ങളിലെ പുരസ്കാരങ്ങളാണ് വിതരണം ചെയ്തത്. പുരസ്കാര സമർപ്പണ ചടങ്ങിൽ കതിരൂർ ബാങ്ക് നാലാം മൈലിൽ പുതുതായി നിർമ്മിക്കുന്ന ഓഡിറ്റോറിയത്തിന്റെ ശിലാസ്ഥാപനവും എം.വി.ഗോവിന്ദൻ മാസ്റ്റർ നിർവ്വഹിച്ചു. പഞ്ചായത്ത് പ്രസിഡണ്ട് പി പി.സനിൽ, വി രാമകൃഷ്ണൻ , കെ.വി. പ്രജീഷ് സംസാരിച്ചു പൊന്ന്യം ചന്ദ്രൻ സ്വാഗതവും,പി.എം. ഹേമലത നന്ദിയും പറഞ്ഞു.

കേരളത്തിലാദ്യമായാണ് ഒരു സഹകരണ ബാങ്ക്16വർഷം മുമ്പ് സാഹിത്യ മേഖലയിലുള്ള പ്രതിഭകൾക്ക് അവാർഡ് ഏർപ്പെടുത്തിയതെന്ന്.ഗോവിന്ദൻ മാസ്റ്റർ അഭിപ്രായപ്പെട്ടു.

സഹകരണ പ്രസ്ഥാനത്തെ തകർക്കാൻ ആസൂത്രിതശ്രമം: എം.വി.ഗോവിന്ദൻ

നാദാപുരം: നരിപ്പറ്റ മലയോരത്ത് പെയ്ത കനത്ത മഴയിൽ മലവെള്ളപ്പാച്ചിൽ ശക്തമായി. കമ്മായി, തരിപ്പതോടുകളിൽ വെള്ളം കുത്തനെ ഉയർന്നു. പുതുക്കയം പുഴമൂലയിൽ പുഴയിലെ പാറയിൽ കുടുങ്ങിയ രണ്ടുപേർ അത്ഭുതകരമായി രക്ഷപ്പെട്ടു. ഭൂമി വാതുക്കൽ സ്വദേശി യൂസഫ് (39), വളയം സ്വദേശി ഇസ്മായിൽ (39) എന്നിവരാണ് രക്ഷപ്പെട്ടത്.&nbsp;
വെള്ളം പൊങ്ങിയ ഉടൻതന്നെ ഒരാൾ കരയിലേക്ക് നീന്തിക്കയറിയെങ്കിലും, രണ്ടാമത്തെയാൾ പുഴക്ക് നടുവിലെ പാറയിൽ കുടുങ്ങുകയായിരുന്നു. രക്ഷപ്പെട്ടയാൾ തൊട്ടടുത്ത ചായക്കടയിൽ വിവരം അറിയിച്ചതിനെ തുടർന്ന് ഓടിക്കൂടിയ നാട്ടുകാരും വിവരമറിഞ്ഞെത്തിയ അഗ്നിരക്ഷസേനയും ചേർന്ന് ഇയാളെ കരക്കെത്തിച്ചു.

മലവെള്ളപ്പാച്ചിലിനിടെ പുഴയുടെ നടുവിൽ കുടുങ്ങി; നരിപ്പറ്റയിൽ രണ്ട് യുവാക്കൾ രക്ഷ​പ്പെട്ടു

Nadapuram

വടകര: സാൻഡ് ബാങ്ക്സിൽ തോണി മറിഞ്ഞ് ഒരാളെ കാണാതായി. ഒപ്പമുണ്ടായിരുന്ന മകൻ നീന്തി രക്ഷപ്പെട്ടു.പുറങ്കരയിൽ നിന്ന് മത്സ്യബന്ധനത്തിന് പോയ സുബൈറും മകൻ സുനീറുമാണ് തോണി മറിഞ്ഞ് അപകടത്തിൽപെട്ടത്.
ചൊവ്വാഴ്ച രാത്രി പതിനൊന്നിനു ശേഷമാണ് സംഭവം. മിനിഗോവയുടെ സമീപം പുഴയും കടലും സംഗമിക്കുന്ന ഭാഗത്ത് മത്സ്യബന്ധനത്തിനിടയിൽ തോണി മറിയുകയായിരുന്നു.ശക്തമായ കാറ്റും ഒഴുക്കുമാണ് അപകടത്തിനിടയാക്കിയത്. തോണി മറിഞ്ഞതോടെ ഒഴുക്കിൽ സുനീർ നീന്തി കരപിടിച്ചെങ്കിലും പിതാവ് സുബൈർ ഒഴുക്കിൽപെടുകയായിരുന്നു. പയ്യോളി പോലീസും വടകര കോസ്റ്റൽ പോലീസും നാട്ടുകാരും തെരച്ചൽ നടത്തുകയാണ്. മറിഞ്ഞ തോണി കരയിലേക്ക് മാറ്റി.

വടകര പുറങ്കരയിൽ നിന്നും പോയ തോണി മറിഞ്ഞ് ഒരാളെ കാണാതായി; ഒപ്പമുണ്ടായിരുന്ന മകൻ നീന്തി രക്ഷപ്പെട്ടു

Vadakara

വടകര : ഇരിങ്ങലിൽ സ്വകാര്യ ബസിന് പിന്നിൽ മറ്റൊരു ബസിടിച്ച് 20 ഓളം പേർക്ക് പരിക്ക്. ബസ് സ്റ്റോപ്പിൽ നിർത്തുകയായിരുന്ന ബസിന് പിന്നിൽ പിറകെ വന്ന ബസ് ഇടിക്കുകയായിരുന്നു.
കൊയിലാണ്ടി ഭാഗത്ത് നിന്ന് വടകര ഭാഗത്തേക്ക് വരികയായിരുന്നു ബസുകൾ. സ്റ്റോപ്പിൽ നിന്നും സ്ത്രീ ബസിന് കൈ കാട്ടുകയും നിർത്തുന്നതിനിടെ പിന്നാലെ എത്തിയ ബസ് ഇടിക്കുകയായിരുന്നു. പരിക്കേറ്റവരെ വടകരയിലെ വിവിധ ആശുപത്രികളിൽ പ്രവേശിപ്പിച്ചു. ഗുരുതരമായി പരിക്കേറ്റേ വിദ്യാർത്ഥി നന്ദകിഷോറിനെ കോഴിക്കോട്ടെ സ്വകാര്യ ആശുപത്രിയിലേക്ക് മാറ്റി. രാവിലെ 9.40 ഓടെയായിരുന്നു അപകടം. ഹരെറാം, ശ്രീറാം എന്നീ ബസുകളാണ് അപകടത്തിൽപ്പെട്ടത്.

ഇരിങ്ങലിൽ ബസിന് പിറകിൽ മറ്റൊരു ബസിടിച്ച് അപകടം;ഇരുപതോളം പേർക്ക് പരിക്ക്

വടകര: പൂര്‍വ വിദ്യാര്‍ഥിനിയുടെ പീഡന പരാതിയില്‍ കോളജ് അധ്യാപകനെതിരെ കേസ്. മടപ്പള്ളി കോളജ് അധ്യാപകനായിരുന്ന ഡോ. പി.എസ്.ജിനീഷിനെതിരെയാണ് ജാമ്യമില്ലാ വകുപ്പുകള്‍ ചുമത്തി കേസെടുത്തിരിക്കുന്നത്.
നിലവില്‍ എറണാകുളം മഹാരാജാസ് കോളജിലെ ചരിത്ര വിഭാഗം അസോസിയേറ്റ് പ്രൊഫസറാണ് പ്രതി. ഇയാൾ മടപ്പള്ളി കോളജില്‍ പഠിപ്പിച്ചിരുന്ന കാലത്താണ് സംഭവം നടന്നത്. സോഷ്യല്‍ മീഡിയയിലൂടെ യുവതി ആദ്യം അധ്യാപകനെതിരെ ഗുരുതര ആരോപണങ്ങള്‍ ഉന്നയിച്ചിരുന്നു. മടപ്പള്ളി കോളജില്‍ പഠിച്ച കാലത്ത് ലൈംഗികാതിക്രമങ്ങള്‍ നേരിട്ടുവെന്നായിരുന്നു യുവതി പറഞ്ഞത്. കഴിഞ്ഞ ദിവസമാണ് യുവതി ചോമ്പാല പോലീസിനെ സമീപിച്ചത്. ജിനീഷിനെതിരെ പോലീസ് കേസെടുത്തെങ്കിലും ഇതുവരെ കസ്റ്റഡിയിലെടുത്തിട്ടില്ല. അന്വേഷണം നടത്തി വരികയാണെന്ന് പോലീസ് അറിയിച്ചു.

മടപ്പള്ളിയിലെ പൂര്‍വ വിദ്യാര്‍ഥിനിയുടെ പീഡന പരാതി; അധ്യാപകനെതിരെ പോലീസ് കേസ്

വടകര: ദേശീയപാതയിൽ ബൈക്ക് യാത്രികനെ ഇടിച്ച് തെറിപ്പിച്ച് സ്വകാര്യ ബസ് നിർത്താതെ പോയി. ഇന്ന് രാവിലെ 8.30 ഓടെ ചോറോട് പുഞ്ചിരി മില്ലിൽ വെച്ച് വടകര കരിമ്പനപാലം സ്വദേശി ആകാശിനെയാണ് കണ്ണൂർ കോഴിക്കോട് റൂട്ടിൽ സർവീസ് നടത്തുന്ന ടാലെന്റ്റ് ബസ് തട്ടി തെറിപ്പിച്ചത്. ഇടിയുടെ ആഘാതത്തിൽ ലോറിക്കടിയിലേക്ക് തെറിച്ച് വീണ് ഗുരുതരമായി പരിക്കേറ്റ ആകാശിനെ വടകരയിലെ സ്വകാര്യ ആശുപത്രിയിൽ പ്രവേശിച്ചു. ബസിന് പിന്നാലെയെത്തിയ വാഹന യാത്രികരാണ് പരിക്കേറ്റ ആ കാശിനെ ആശുപത്രിയിൽ പ്രവേശിപ്പിച്ചത്.&nbsp;
നിർത്താതെ പോയ ബസിൽ ഡിവൈഎഫ്ഐ പ്രവർത്തകർ പുതിയ സ്റ്റാൻ്റിലെത്തി ബസിന് മുകളിൽ കൊടി കെട്ടി തടയുകയുണ്ടായി. വടകര സി ഐ യുടെ നേതൃത്വത്തിലുള്ള പൊലീസ് സ്ഥലത്ത് എത്തി. ബസിൻ്റ ഫിറ്റ്നസ് ഉൾപെടെ പരിശോധിച്ച് ഉറപ്പ് വരുത്തി കേസെടുക്കണമെന്നും ഇന്നലെ പുതിയ സ്റ്റാൻ്റിൽ മിന്നൽ പണിമുടക്ക് നടത്തിയ സ്വകാര്യ ബസ് തടയാൻ നേതൃത്വം നൽകിയ ആളാണ് ആകാശ് എന്നും ബോധപൂർവ്വം ഇടിച്ച് തെറിപ്പിച്ചതായി സംശയമുണ്ടെന്നും ഡി വൈ എഫ് നേതാക്കൾ പറഞ്ഞു. വിവര മറിഞ്ഞ് സിപിഎം നേതാക്കളും സ്ഥലത്ത് എത്തിയിരുന്നു.

വടകരയിൽ ബൈക്ക് യാത്രികനെ ഇടിച്ചിട്ട് സ്വകാര്യ ബസ് നിർത്താതെ പോയി; പ്രതിഷേധവുമായി ഡി വൈ എഫ് ഐ

വടകര: പെരിങ്ങത്തൂരിൽ വച്ച് സ്വകാര്യ ബസ് കണ്ടക്ടർക്ക് മർദ്ധനമേറ്റ സംഭവത്തിൽ പ്രതികളെ പിടികൂടണമെന്ന് ആവശ്യപ്പെട്ട് സ്വകാര്യ ബസുകൾ നടത്തി വന്ന പണിമുടക്ക് അവസാനിച്ചു.തുടർന്ന് ഞായറാഴ്ച രാവിലെ സർവീസ് ആരംഭിച്ച സ്വകാര്യ ബസ്സുകൾ വടകര പുതിയ ബസ് സ്റ്റാൻ്റിൽ തടഞ്ഞ് ഡിവൈഎഫ് ഐ പ്രവർത്തകർ.
&nbsp;കണ്ണൂർ -കോഴിക്കോട് , വടകര - തലശ്ശേരി , വടകര - തൊട്ടിൽപ്പാലം റൂട്ടുകളിലേക്ക് സർവീസ് നടത്തിയ ബസ്സുകളാണ് തടഞ്ഞത്. ഇത് വലിയ പ്രതിഷേധത്തിന് ഇടയാക്കി. സർവീസ് നടത്താത്ത ബസ്സുകൾ തടയുമെന്ന് ഡിവൈ എഫ് ഐ ഇന്നലെ പ്രഖ്യാപിച്ചിരുന്നു. ബസ്സുകൾ തടഞ്ഞതോടെ&nbsp;
വിവിധ ഭാഗങ്ങളിലേക്കുള്ള സർവീസ് ഇന്നും മുടങ്ങി. സമരം കഴിഞ്ഞതറിഞ്ഞ് വിവിധ ഇടങ്ങളിലേക്ക് പോകാൻ എത്തിയ യാത്രക്കാർ ഇതോടെ പ്രയാസത്തിലായി. ബസുകളുടെ താക്കോൽ ഊരി കൊണ്ട് പോയതായും പരാതിയുണ്ട്

വടകരയിൽ സർവീസ് നടത്തിയ ബസുകൾ തടഞ്ഞ് ഡി വൈ എഫ് ഐ പ്രവർത്തകർ; യാത്രക്കാർ പ്രയാസത്തിൽ

വടകര: സ്വകാര്യ ബസ് പണിമുടക്ക് മൂന്നാം ദിവസത്തിലേക്ക് കടന്നതോടെ യാത്ര ക്ളേശം രൂക്ഷമായി. ബസ് കണ്ടക്ടർക്ക് നേരെ പെരിങ്ങത്തൂരിൽ വെച്ചുണ്ടായ അക്രമണത്തിലെ പ്രതികളെ മുഴുവൻ അറസ്റ്റ് ചെയ്യണമെന്നാവശ്യപ്പെട്ട് തലശേരി റൂട്ടിൽ നടത്തുന്ന പണിമുടക്കിന് ഐക്യദാർഢ്യം പ്രക്യാപിച്ചാണ് വടകര താലൂക്കിൽ പണിമുടക്ക് തുടരുന്നത്.
തലശേരിയിൽ നടന്ന ചർച്ചയിൽ പണിമുടക്ക് പിൻവലിച്ചെന്ന് റിപ്പോർട്ടുകൾ പുറത്ത് വന്നെങ്കിലും ബസുടമകളും പൊലീസും നടത്തിയ ചർച്ച അംഗീകരിക്കില്ലെന്ന് ചൂണ്ടിക്കാട്ടി സമൂഹ മാധ്യമങ്ങളിൽ പ്രചരണമുണ്ടായിരുന്നു. വടകരയിൽ കഴിഞ്ഞ ദിവസങ്ങളിലുണ്ടായ മിന്നൽ പണിമുടക്കിൽ തൊഴിലാളി സംഘടനകൾക്ക് പങ്കില്ലെന്ന് വ്യക്തമാക്കിയിരുന്നു. സമൂഹമാധ്യമങ്ങളിലൂടെയാണ് കഴിഞ്ഞ ദിവസം പണിമുടക്ക് പ്രക്യാപിച്ചത്. ഇന്നത്തെ പണി മുടക്കിന് ബിഎംഎസ് പിന്തുണ പ്രഖ്യാപിച്ചിട്ടുണ്ട്.

വടകരയിൽ സ്വകാര്യ ബസ് പണിമുടക്ക് മൂന്നാം ദിവസത്തിലേക്ക്

കുറ്റ്യാടി : പശുക്കടവ് കോങ്ങാട് മലയിൽ പശുവിനെ മേയ്‌ക്കാൻ പോയ വീട്ടമ്മയെ മരിച്ച നിലയിൽ കണ്ടെത്തി. ചൂള പറമ്പിൽ ഷിജുവിന്റെ ഭാര്യ ബോബിയെ (40) ആണ് വനത്തിനുള്ളിൽ മരിച്ച നിലയിൽ കണ്ടെത്തിയത്. പശുവിനെയും വനത്തിനുള്ളിൽ ചത്ത നിലയിൽ കണ്ടെത്തി.
രാത്രിയായിട്ടും ബോബി മടങ്ങിയെത്താത്തതോടെ വനംവകുപ്പും പൊലീസും ഫയർഫോഴ്സും നാട്ടുകാരും കുറ്റ്യാടി ജനകീയ ദുരന്തനിവാരണ സേന പ്രവർത്തകരും സംയുക്തമായി തെരച്ചിൽ നടത്തിയിരുന്നു. ഇതിനിടെയാണ് രാത്രി 12 മണിയോടെ ആളൊഴിഞ്ഞ പറമ്പിൽ മൃതദേഹം കണ്ടെത്തിയത്. ബോബിയുടെ ശരീരത്തിൽ പരിക്കേറ്റ പാടുകളൊന്നും ഇല്ല. പശുവിന്റെ ശരീരത്തിലും പരിക്കുകൾ ഇല്ല. ബോബിയുടെ മൃതദേഹം കുറ്റ്യാടി താലൂക്ക് ആശുപത്രിയിലേക്ക് മാറ്റി. രാവിലെ ഇൻക്വസ്റ്റ് നടപടികൾക്ക് ശേഷം പോസ്റ്റ്മോർട്ടത്തിനായി കോഴിക്കോട് മെഡിക്കൽ കോളേജിലേക്ക് മാറ്റും.

പശുക്കടവ് കോങ്ങാട് മലയിൽ പശുവിനെ മേയ്‌ക്കാൻ പോയ വീട്ടമ്മ മരിച്ച നിലയിൽ

Kuttiadi

മുയിപ്പോത്ത്: വടകരയിലുള്ള റൂറല്‍ ജില്ലാ സൈബര്‍ പോലീസ് സ്റ്റേഷനിലെ സീനിയര്‍ സിവില്‍ പോലീസ് ഓഫീസര്‍ ചെറുവണ്ണൂര്‍ പന്നിമുക്ക് എടക്കയില്‍ ആറങ്ങാട്ട് ദില്‍ജിത്ത് (40) ഹൃദയാഘാതം മൂലം അന്തരിച്ചു. പരേതനായ ദാമോദരന്റെയും ശാരദയുടെയും മകനാണ്.&nbsp;
ഭാര്യ: ഷിജിന. മക്കള്‍: വിനായക്, ശ്രിയ. സഹോദരങ്ങള്‍: ബിന്ദു, ബിനു, ബിനിജ, പരേതയായ ബീന. ഉച്ചയോടെ പേരാമ്പ്ര പോലീസ് സ്റ്റേഷനിൽ പൊതു ദർശനത്തിന് വെക്കും.

വടകര സൈബര്‍ പോലീസ് സ്റ്റേഷനിലെ എസ്‌സിപിഒ ദില്‍ജിത്ത് അന്തരിച്ചു

Search Results for: onam exam