തിരുവനന്തപുരം: നടി പ്രവീണയുടെ ചിത്രങ്ങൾ മോർഫ് ചെയ്‌ത് അശ്ലീല സൈറ്റുകളിൽ പ്രചരിപ്പിച്ചെന്ന പരാതിയിൽ കംപ്യൂട്ടർ സയൻസ് വിദ്യാ‍ർഥിയായിരുന്ന പ്രതി അറസ്റ്റിൽ. ഡൽഹിയിൽ സ്ഥിരതാമസക്കാരനായ തമിഴ്‌നാട് തിരുനെൽവേലി സ്വദേശി ഭാഗ്യരാജ് (24) ആണ് ഡൽഹിയിൽ പിടിയിലായത്.

ഇയാളുടെ ലാപ്‌ടോപ്പിൽനിന്ന് ഇത്തരത്തിലുള്ള ഒട്ടേറെ ചിത്രങ്ങൾ കണ്ടെടുത്തു. തിരുവനന്തപുരം സിറ്റി സൈബർ പൊലീസാണ് പിടികൂടിയത്. പ്രവീണയുടെ മോർഫ് ചെയ്‌ത ചിത്രങ്ങൾ പ്രചരിപ്പിച്ചതിന് ഭാഗ്യരാജിനെ 2021 നവംബറിലും അറസ്റ്റ് ചെയ്‌തിരുന്നു. പത്ത്‌ മാസംമുമ്പ് ജാമ്യത്തിലിറങ്ങിയ പ്രതി ചിത്രം പ്രചരിപ്പിക്കുന്നത് തുടരുകയായിരുന്നു. പ്രവീണ വീണ്ടും പരാതി നൽകിയതോടെയാണ് ഇപ്പോഴത്തെ അറസ്റ്റ്.
നിരന്തരം ശല്യംചെയ്‌ത ഭാഗ്യരാജിനെതിരെ 2021ലാണ് പ്രവീണ തിരുവനന്തപുരം സൈബർ പൊലീസിൽ പരാതി നൽകിയത്. സമൂഹമാധ്യമങ്ങളിലെ ചിത്രങ്ങൾ ഡൗൺലോഡ് ചെയ്‌ത് മോർഫിങ്ങിലൂടെ നഗ്നചിത്രങ്ങളാക്കി പരിചയക്കാർക്കും സുഹൃത്തുക്കൾക്കും അയച്ച്‌ നൽകുന്നുവെന്നായിരുന്നു പരാതി.

പ്രവീണയുടെ ചിത്രങ്ങൾ മോർഫ്‌ ചെയ്‌ത കേസിൽ കംപ്യൂട്ടർ സയൻസ് വിദ്യാ‍ർഥിയായിരുന്ന പ്രതി വീണ്ടും അറസ്റ്റിൽ

കൊച്ചി: മഹാരാജാസ് കോളേജ് പ്രിന്‍സിപ്പല്‍ ഡോ. വി.എസ്. ജോയിയെ സ്ഥലം മാറ്റി. പട്ടാമ്പി ശ്രീനീലകണ്ഠ ഗവ. സംസ്‌കൃത കോളേജിലേക്കാണ് സ്ഥലംമാറ്റിയത്. വിദ്യാര്‍ഥി സംഘര്‍ഷത്തെ തുടര്‍ന്ന് കഴിഞ്ഞ ദിവസം മഹാരാജാസ് കോളേജ് അനിശ്ചിതകാലത്തേക്ക് അടച്ചിരുന്നു. പിന്നാലെയാണ് പ്രിന്‍സിപ്പലിനെ സ്ഥലം മാറ്റിയത്. കോളേജ് വിദ്യാഭ്യാസ ഡയറക്ടറുടെ ശുപാര്‍ശയിന്മേലാണ് നടപടി.
ബുധനാഴ്ച രാത്രിയുണ്ടായ വിദ്യാര്‍ഥി സംഘര്‍ഷത്തില്‍ എസ്.എഫ്.ഐ. യൂണിറ്റ് സെക്രട്ടറിക്ക് വെട്ടേറ്റിരുന്നു. ബി.എ. ഹിസ്റ്ററി മൂന്നാം വര്‍ഷ വിദ്യാര്‍ഥി കാസര്‍കോട് മഞ്ചേശ്വരം അങ്ങാടിമുഗര്‍ പറളദം വീട്ടില്‍ പി.എ. അബ്ദുല്‍ നാസറി (21) നാണ് വെട്ടേറ്റത്. വയറിനും കൈകാലുകള്‍ക്കും സാരമായി പരിക്കേറ്റ അബ്ദുല്‍ നാസര്‍ എറണാകുളം മെഡിക്കല്‍ ട്രസ്റ്റ് ആശുപത്രിയില്‍ ചികിത്സയിലാണ്. അടിയന്തര ശസ്ത്രക്രിയയ്ക്ക് വിധേയനാക്കിയിരുന്നു.
അതിനിടെ, വിദ്യാര്‍ഥി സംഘര്‍ഷം നിലനില്‍ക്കുന്ന സാഹചര്യത്തില്‍ കോളേജും കോളേജ് ഹോസ്റ്റലുകളും അനിശ്ചിതകാലത്തേക്ക് അടച്ചിരുന്നു. ഒരാഴ്ചയായി സംഘര്‍ഷങ്ങളാല്‍ കലുഷിതമാണ് മഹാരാജാസ് കോളേജ്. തുടരെത്തുടരേയുള്ള അക്രമങ്ങളാണ് ഒടുവില്‍ വധശ്രമത്തില്‍ വരെയെത്തിയത്.

വിദ്യാര്‍ഥി സംഘര്‍ഷം, കത്തികുത്ത്: മഹാരാജാസ് കോളേജ് പ്രിന്‍സിപ്പലിനെ സ്ഥലംമാറ്റി

Kerala

മാഹി: ദേശീയ യുവജന വാരാഘോഷ സമാപനത്തിന്റെ ഭാഗമായി മാഹി നെഹ്റു യുവകേന്ദ്രയുടെയും പള്ളൂർ ആറ്റാകൂലോത്ത് അർച്ചന കലാസമിതിയുടെയും സംയുക്ത ആഭിമുഖ്യത്തിൽ ഈസ്റ്റ്‌ പള്ളൂർ അവറോത്ത് മിഡിൽ സ്കൂളിൽ സെമിനാർ സംഘടിപ്പിച്ചു. ദേശീയ അധ്യാപക അവാർഡ് ജേതാവ് സി വി രാജൻ പെരിങ്ങാടി ഉത്ഘാടനം ചെയ്തു. സ്കൂൾ അഡ്മിനിസ്ട്രേറ്റർ പി സീതാലക്ഷ്മി അധ്യക്ഷതവഹിച്ചു. എൻ മോഹനൻ, കെ പി മഹമൂദ് എന്നിവർ ആശംസ നേർന്നു. നെഹ്റു യുവ കേന്ദ്ര പ്രതിനിധി ടി സായന്ത് സ്വാഗതവും സ്കൂൾ വിദ്യാർത്ഥി കെ മുഹനന്ദ് നന്ദിയും പറഞ്ഞു.

സെമിനാർ സംഘടിപ്പിച്ചു

Mahe

വടകര: ചാലുപറമ്പത്ത് മീത്തൽ കൃഷ്ണന്റെ സ്മരണയ്ക്ക് അദ്ദേഹത്തിൻ്റെ കുടുംബം സുരക്ഷപെയിൻ &amp; പാലിയേറ്റീവ് കെയറിനു വീൽചെയർ കൈമാറി. സി പി എം ലോക്കൽ സെക്രട്ടറി എൻ നിധിൻ, സുരക്ഷ വൈക്കിലശ്ശേരി മേഖല, കുരിക്കിലാട് സൗത്ത് യൂണിറ്റ് ഭാരവാഹികൾ ചേർന്ന് വീൽ ചെയർ ഏറ്റുവാങ്ങി.

Inshort

വീൽ ചെയർ നൽകി

വടകര കളരിയുള്ളതില്‍ അമ്പലത്തിന് സമീപം പുതുക്കുടി ശ്രീധരന്‍ ഒ.വി. (84, മലബാര്‍ ട്രേഡേഴ്‌സ്, മാര്‍ക്കറ്റ് റോഡ്) നിര്യാതനായി. സംസ്‌കാരം ശനിയാഴ്ച രാവിലെ 10 ന്. ഭാര്യമാര്‍ പരേതയായ നളിനി (തലായ്), വസന്ത കുനിയില്‍, മക്കള്‍ - ശ്രീജിത്ത് (മുത്തു), ശ്രീജ, ശ്രീജേഷ് (ജിത്തു), ശ്രീജി. മരുമക്കള്‍ - ആശ പൂര്‍ണ്ണ, വിശ്വനാഥന്‍, രഞ്ചിത്ത്, രമ്യ. സഹോദരങ്ങള്‍ - രോഹിണി, കൗസു

വടകര മലബാര്‍ ട്രേഡേഴ്‌സ് ഉടമ ഒ.വി ശ്രീധരന്‍ അന്തരിച്ചു

Obitury

മാനന്തവാടി: വയനാട്ടിൽ പതിനാലുകാരിയെ പീഡിപ്പിച്ച് ഗർഭിണിയാക്കിയ സംഭവത്തിൽ കർണാടക സ്വദേശിയായ യുവാവ് അറസ്റ്റിൽ. കുട്ട, കെ ബേഡഗ, മത്തിക്കാടു എസ്റ്റേറ്റിൽ മണിവണ്ണനെയാണ് (21) മാനന്തവാടി പൊലീസ് അറസ്റ്റ് ചെയ്തത്. അമ്മയുടെ പ്രസവത്തിനു കൂട്ടിരിപ്പിനായി വയനാട് മെഡിക്കൽ കോളജിലെത്തിയതായിരുന്നു വിദ്യാർഥിയായ പെൺകുട്ടി. ഭാര്യയുടെ പ്രസവവുമായി ബന്ധപ്പെട്ടാണ് മണിവണ്ണൻ മെഡിക്കൽ കോളജിൽ എത്തിയത്. ആശുപത്രിയിൽ വച്ച് മണിവണ്ണൻ പെൺകുട്ടിയെ പ്രലോഭിപ്പിച്ച് പീഡിപ്പിച്ച് ഗർഭിണിയാക്കുകയായിരുന്നു.
2023 സെപ്റ്റംബറിലായിരുന്നു കേസിനാസ്‌പദമായ സംഭവം. പെൺകുട്ടി ഗർഭിണിയാണെന്ന വിവരം പുറത്തുവന്നതോടെയാണ് പൊലീസ് അന്വേഷണം നടത്തി പ്രതിയെ പിടികൂടിയത്. പോക്സോ ഉൾപ്പെടെയുള്ള കുറ്റങ്ങൾ ചുമത്തിയാണ് കേസെടുത്തത്.

അമ്മയുടെ പ്രസവത്തിന് കൂട്ടിരിക്കാനെത്തിയ 14കാരിയെ പീഡിപ്പിച്ച് ഗർഭിണിയാക്കി;  യുവാവ് അറസ്റ്റിൽ

ജിദ്ദ: ശ്വാസകോശ സംബന്ധമായ അണുബാധകള്‍ക്കെതിരായ മുന്‍കരുതലായി തിരക്കേറിയ സ്ഥലങ്ങള്‍ സന്ദര്‍ശിക്കുമ്പോള്‍ മാസ്‌ക് ധരിക്കാന്‍ സൗദി പബ്ലിക് ഹെല്‍ത്ത് അതോറിറ്റി (വെഖയ) പൗരന്മാരോടും പ്രവാസികളോടും നിര്‍ദ്ദേശിച്ചു. പകര്‍ച്ചവ്യാധികളുടെ വ്യാപനത്തില്‍ നിന്ന് പ്രതിരോധം തീര്‍ക്കുന്നതിന്റെ ഭാഗമാണ് ശുപാര്‍ശ. തിരക്കേറിയ സ്ഥലങ്ങളില്‍ ശൈത്യകാലത്ത് മാസ്‌ക് ധരിക്കാന്‍ ആളുകളെ പ്രോത്സാഹിപ്പിക്കുന്നതിന്റെ പ്രാഥമിക ലക്ഷ്യം ശ്വാസകോശ സംബന്ധമായ അസുഖങ്ങള്‍ തടയുകയാണെന്ന് അതോറിറ്റിയിലെ പകര്‍ച്ചവ്യാധി നിയന്ത്രണ അസിസ്റ്റന്റ് എക്സിക്യൂട്ടീവ് പ്രസിഡന്റ് ഡോ. ഇമാദ് അല്‍ മുഹമ്മദി പറഞ്ഞു.
മാസ്‌ക് ധരിക്കാനുള്ള ഉപദേശം കോവിഡ് -19 നും അതിന്റെ വകഭേദങ്ങള്‍ക്കും മാത്രമായി പരിമിതപ്പെടുത്തിയിട്ടില്ലെന്നും എല്ലാ പകര്‍ച്ചവ്യാധികള്‍ക്കും ബാധകമാണെന്നും ഡോ. ഇമാദ് അല്‍ മുഹമ്മദി പറഞ്ഞു. വിട്ടുമാറാത്ത രോഗങ്ങളുള്ളവര്‍, പ്രായമായവര്‍, ഗര്‍ഭിണികള്‍, പ്രതിരോധശേഷി കുറഞ്ഞവര്‍, ആശുപത്രി സന്ദര്‍ശകര്‍ എന്നിവര്‍ ശ്വാസകോശ സംബന്ധമായ രോഗങ്ങളില്‍ നിന്ന് സുരക്ഷനേടുന്നതിനായി മാസ്‌ക് ധരിക്കേണ്ടതിന്റെ പ്രാധാന്യവും ഡോ. അല്‍ മുഹമ്മദി വ്യക്തമാക്കി.

തിരക്കേറിയ സ്ഥലങ്ങളില്‍ മാസ്‌ക് ധരിക്കണം; നിർദേശവുമായി സൗദി പബ്ലിക് ഹെല്‍ത്ത് അതോറിറ്റി

Gulf

മാഹി: നഗരസഭയുടെ നിയന്ത്രണത്തിലുള്ള ടാഗോർ പാർക്കിനടുത്ത് എട്ട് ക്വാർട്ടേർസുകൾ അവകാശികൾക്ക് സർക്കാർ പുതുക്കി നിർമ്മിച്ചു നൽകി. ഗവർമെന്റ് ഹൗസിൽ നടന്ന ചടങ്ങിൽ രമേശ് പറമ്പത്ത് എംഎൽഎയുടെ അദ്ധ്യക്ഷതയിൽ മന്ത്രി തേനി ജയകുമാർ താക്കോൽദാനം നടത്തി. അഡ്മിനിസ്ട്രേറ്റർ ശിവരാജ് മീണ, നഗരസഭാ കമ്മീഷണർ ഭാസ്കരൻ എന്നിവർ സംസാരിച്ചു.

ക്വാട്ടേർസ് കൈമാറി

മാഹി: പളളൂർ നഴ്സസ് ക്വർട്ടേഴ്‌സ് കോമ്പൗണ്ടിൽ പുതുതായി ആരംഭിച്ച മൃഗാശുപത്രി മൃഗസംരക്ഷണ വകുപ്പ് മന്ത്രി തേനി ജയകുമാർ ഉദ്ഘാടനം ചെയ്തു. അഞ്ച് കോഴികളെ വീതം ഒരു കുടുംബത്തിന് സൗജന്യമായി നൽകുമെന്നും, മൃഗസംരക്ഷണത്തിന് സബ്സിഡികൾ ലഭ്യമാക്കുമെന്നും മന്ത്രി പറഞ്ഞു. രമേശ് പറമ്പത്ത് എംഎൽഎ അദ്ധ്യക്ഷത വഹിച്ചു. അഡ്മിനിസ്ട്രേറ്റർ ശിവ് രാജ് മീണ, ഡോ:ലതാ മങ്കേഷ്ക്കർ, ഡോ: ആർ.ഹരിഹരൻ, ഡോ: ആർ.രാജീവ് എന്നിവർ സംസാരിച്ചു.

മൃഗാശുപത്രി ഉദ്ഘാടനം ചെയ്തു

ന്യൂഡല്‍ഹി/വാഷിങ്ടണ്‍: ഏദന്‍ കടലിടുക്കില്‍ അമേരിക്കന്‍ ചരക്കുകപ്പലിനു നേരെ ഹൂതികളുടെ ആക്രമണം. മാര്‍ഷല്‍ ഐലന്‍ഡിന്റെ പതാകവഹിക്കുന്ന എം.വി. ജെന്‍കോ പികാര്‍ഡി എന്ന കപ്പലാണ് ആക്രമിക്കപ്പെട്ടത്. ആക്രമണ വിവരം ലഭിച്ച ഉടന്‍ ഇന്ത്യന്‍ നാവികസേന കപ്പലിന്റെ രക്ഷയ്‌ക്കെത്തി. ബുധനാഴ്ച രാത്രി 11.11-നാണ് യു.എസ്. കപ്പലിനുനേരെ ഇറാന്റെ പിന്തുണയുള്ള യെമനിലെ ഹൂതികള്‍ ഡ്രോണ്‍ ആക്രമണം നടത്തിയത്. ഇന്ത്യന്‍ നാവികസേനയുടെ മിസൈല്‍ വേധ കപ്പലായ ഐ.എന്‍.എസ്. വിശാഖപട്ടണത്തിലേക്കാണ് സഹായം ആവശ്യപ്പെട്ടുകൊണ്ടുള്ള സന്ദേശം ലഭിച്ചത്. ഉടന്‍ രക്ഷാദൗത്യത്തിനായി പുറപ്പെട്ട നാവികസേന 18-ന് 12:30-ഓടെ അമേരിക്കന്‍ കപ്പലിലെത്തി.
ഒമ്പത് ഇന്ത്യക്കാര്‍ ഉള്‍പ്പെടെ 22 ജീവനക്കാരാണ് ജെന്‍കോ പികാര്‍ഡിയില്‍ ഉണ്ടായിരുന്നത്. ആര്‍ക്കും പരിക്കില്ല. ആക്രമണത്തെ തുടര്‍ന്ന് കപ്പലിലുണ്ടായ അഗ്നിബാധ നിയന്ത്രണവിധേയമാണ്. യു.എസ്. കപ്പലില്‍ പ്രവേശിച്ച ഇന്ത്യന്‍ നാവികസേനാംഗങ്ങള്‍ വിശദമായ പരിശോധന നടത്തി കപ്പല്‍ സുരക്ഷിതമാണെന്ന് ഉറപ്പുവരുത്തി. തുടര്‍ന്ന് ഏറ്റവുമടുത്ത തുറമുഖത്തേക്ക് കപ്പല്‍ യാത്ര തിരിച്ചു.
ഏദന്‍ കടലിടുക്കില്‍ കടല്‍ക്കൊള്ളക്കാര്‍ക്കെതിരെ പട്രോളിങ് നടത്തുന്ന കപ്പലാണ് ഇന്ത്യന്‍ നാവികസേനയുടെ ഐ.എന്‍.എസ്. വിശാഖപട്ടണം. യു.എസ്. കപ്പല്‍ ആക്രമിക്കപ്പെട്ടതായും ഐ.എന്‍.എസ്. വിശാഖപട്ടണം രക്ഷയ്‌ക്കെത്തിയതായും ഇന്ത്യന്‍ നാവികസേനയുടെ വക്താവാണ് എക്‌സിലൂടെ അറിയിച്ചത്. ആക്രമിക്കപ്പെട്ട കപ്പലിന്റെ ചിത്രങ്ങളും നാവികസേന പുറത്തുവിട്ടിട്ടുണ്ട്. ഇന്ത്യന്‍ നാവികസേനയുടെ മിസൈല്‍ വേധ കപ്പൽ ഐ.എൻ.എസ്. വിശാഖപട്ടണം | Photo: PTI
നേരത്തേ അറബിക്കടലില്‍ കടല്‍ക്കൊള്ളക്കാര്‍ തട്ടിയെടുക്കാന്‍ ശ്രമിച്ച ലൈബീരിയന്‍ പതാക വഹിക്കുന്ന എം.വി. ലില നോര്‍ഫോക് എന്ന കപ്പലിന് രക്ഷയായതും ഇന്ത്യന്‍ നാവികസേനയാണ്. സേനയുടെ ഐ.എന്‍.എസ്. ചെന്നൈ എത്തിയാണ് കടല്‍ക്കൊള്ളക്കാരെ തുരത്തി കപ്പല്‍ മോചിപ്പിച്ചത്. ആറ് ആയുധധാരികളാണ് കപ്പലിനകത്ത് കയറി കപ്പല്‍ തട്ടിയെടുക്കാന്‍ ശ്രമിച്ചത്. നാവികസേനയുടെ മറൈന്‍ കമാന്‍ഡോ സംഘമായ മാര്‍കോസ് ആണ് രക്ഷാദൗത്യം നടത്തിയത്.

ഏദന്‍ കടലിടുക്കില്‍ അമേരിക്കന്‍ കപ്പലിനുനേരെ ഹൂതി ആക്രമണം; രക്ഷകരായത് ഇന്ത്യന്‍ നാവികസേന

വടകര: കെ എസ് എസ് പി യു കുന്നുമ്മക്കര യൂണിറ്റ് സമ്മേളനം നടത്തി. ഡി.എ പെൻഷൻ കുടിശ്ശിക ഉടൻ അനുവദിക്കണമെന്ന് സമ്മേളനം ആവശ്യപ്പെട്ടു. സംസ്ഥാന കമ്മിറ്റി അംഗം കെ.വി.രാഘവൻ ഉൽഘാടനം ചെയ്തു. എം.സി രാജഗോപാലൻ അദ്ധ്യഷനായി. കെ.കെ. കുഞ്ഞികണ്ണൻ, കെ.പി.ഭാസകരർ, എം. ദാമോദരൻ, വി.പി.കുഞ്ഞികണ്ണൻ, കെ.കെ.ശശിന്ദ്രൻ, രമണി.ടി, സതീശൻ പി.കെ, ഏ.കെ.ബാലകൃഷ്ണൻ , രാമകൃഷണൻ എം, പ്രസന്ന കെ.കെ, സുരേന്ദ്രൻ. ഇ.കെ, എൻ.പി ഭാസ്കരൻ, കമല പി എന്നിവർ സംസാരിച്ചു.

കെ എസ് എസ് പി യു യൂണിറ്റ് സമ്മേളനം

വടകര: ചോറോട്‌ഗ്രാമ പഞ്ചായത്ത് പതിനൊന്നാം വാർഡിലെ പാഞ്ചേരി പൊക്കൻ മെമ്മോറിയൽ ഹരിശ്രീ അങ്കണവാടിയുടെ വാർഷികവും കലോത്സവവും നടത്തി. പിഞ്ചുമക്കളുടെ കായിക മത്സരവും കലാപ്രകടനങ്ങളും ഉണ്ടായിരുന്നു. പൂർവ്വ വിദ്യാർത്ഥികൾ, അമ്മമാർ, കുടുംബശ്രീ ഗ്രൂപ്പുകൾ എന്നിങ്ങനെ വിവിധ പരിപാടികൾ അവതരിപ്പിച്ചു. പഞ്ചായത്ത് അംഗം പ്രസാദ് വിലങ്ങിൽ സമ്മാനങ്ങൾ വിതരണം ചെയ്തു. അങ്കണവാടി വർക്കർ പ്രഭാവതി സ്വാഗതം പറഞ്ഞു.

അങ്കണവാടി കലോത്സവം നടത്തി

നെല്ലിക്ക കഴിക്കുന്നത് കൊണ്ട് നിരവധി ആരോഗ്യഗുണങ്ങളുണ്ട്. ഇരുമ്പ്, വിറ്റാമിനുകള്‍, ധാതുക്കള്‍ എന്നിവയുടെ കലവറയാണ് നെല്ലിക്ക. ആന്റി ബാക്ടീരിയല്‍, ആന്റി വൈറല്‍, ഗുണങ്ങളും നെല്ലിക്കയിൽ അടങ്ങിയിട്ടുണ്ട്. നെല്ലിക്കയിലെ ക്രോമിയം രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കുന്നു. ഇത് പ്രമേഹമുള്ളവര്‍ക്ക് ഗുണകരമാണ്. നെല്ലിക്ക ആവിയില്‍ വേവിച്ചു കഴിക്കുന്നത് വളറെ നല്ലതാണ്. ഇത്തരത്തിൽ കഴിക്കുന്നതിന്റെ ഗുണങ്ങള്‍ അറിഞ്ഞിരിക്കാം.
നെല്ലിക്ക ആവിയിൽ വേവിച്ചു കഴിക്കുന്നതുകൊണ്ട് നിരവധി ഗുണങ്ങളുണ്ട്. ചര്‍മത്തിന്റെ ആരോഗ്യം മെച്ചപ്പെടുത്താന്‍ നെല്ലിക്കയില്‍ അടങ്ങിയിരിക്കുന്ന വിറ്റാമിന്‍ സിയ്ക്ക് കഴിയും. കൂടാതെ രോഗപ്രതിരോധസംവിധാനത്തെ ശക്തിപ്പെടുത്തുകയും അണുബാധകള്‍ക്കെതിരേ ശരീരത്തിന്റെ പ്രതിരോധം വര്‍ധിപ്പിക്കുന്നതിലും ഇത് പങ്കുവഹിക്കും.
ദഹനത്തെ സഹായിക്കുന്നതില്‍ നെല്ലിക്കയ്ക്ക് വലിയ പങ്കുണ്ട്. ആവിയില്‍ വേവിച്ച നെല്ലിക്ക ഭക്ഷണത്തില്‍ ഉള്‍പ്പെടുത്തുന്നത് ദഹനക്കേട് കുറയ്ക്കുകയും വയറുവേദന കുറയ്ക്കുകയും ചെയ്യും. ആരോഗ്യകരമായ ദഹനവ്യവസ്ഥയും നിലനിര്‍ത്താന്‍ സഹായിക്കും.
ആവിയില്‍ വേവിച്ച നെല്ലിക്ക പതിവായി കഴിക്കുന്നത് മുടിയുടെയും ചര്‍മത്തിന്റേയും ആരോഗ്യത്തെ മെച്ചപ്പെടുത്തും. നെല്ലിക്കയിലെ വിറ്റാമിനുകളും ധാതുക്കളും ചര്‍മത്തിനും ആരോഗ്യമുള്ള മുടിയ്ക്കും ഗുണം ചെയ്യും.
ആരോഗ്യകരമായ രക്തചംക്രമണത്തിനും ഹൃദയ സംബന്ധമായ പ്രശ്നങ്ങളുടെ സാധ്യത കുറയ്ക്കുന്നതിനും നെല്ലിക്ക ഫലപ്രദമാണ്. നെല്ലിക്കയിലെ ഫൈബര്‍ വിശപ്പ് കുറയ്ക്കുന്നതിനും വിവിധ ദഹന പ്രശ്‌നങ്ങള്‍ അകറ്റുന്നതിനും നല്ലതാണ്.

നെല്ലിക്ക ആവിയില്‍ വേവിച്ചു കഴിച്ചുനോക്കൂ; ഗുണങ്ങള്‍ ഇതൊക്കെയാണ്

Health

തിരുവനന്തപുരം: കേന്ദ്ര സർക്കാരിനെതിരായ ഡൽഹി സമരത്തിനില്ലെന്ന് പ്രതിപക്ഷം സർക്കാരിനെ രേഖാമൂലം അറിയിച്ചു. കേന്ദ്രത്തിന് എതിരെ മുഖ്യമന്ത്രി പറഞ്ഞ കാര്യങ്ങളിൽ ചിലതിനോട് യോജിപ്പുണ്ട്. നിരവധി കാരണങ്ങളിൽ ഒന്നു മാത്രമാണ് കേന്ദ്ര അവഗണനയെന്ന് പ്രതിപക്ഷ നേതാവ് മുഖ്യമന്ത്രിക്കയച്ച കത്തിൽ ചൂണ്ടിക്കാട്ടുന്നു. നികുതി പിരിക്കുന്നതിൽ സംസ്ഥാന സർക്കാരിന് കെടുകാര്യസ്ഥതയുണ്ട്. ഇക്കാര്യങ്ങൾ ചൂണ്ടിക്കാട്ടി പ്രതിപക്ഷം രണ്ട് ധവളപത്രങ്ങൾ ഇറക്കിയിരുന്നു. അന്നൊന്നും പ്രതിപക്ഷ വാദങ്ങൾ മുഖവിലയ്‌ക്കെടുക്കാത്ത സർക്കാർ ലോക്‌സഭാ തെരഞ്ഞെടുപ്പ് പടിവാതിൽക്കൽ നിൽക്കെ ചർച്ചയ്ക്ക് വിളിച്ചതിന് പിന്നിൽ സംസ്ഥാന താൽപര്യം മാത്രമല്ല, രാഷ്ട്രീയ താൽപര്യമുണ്ടെന്നും യുഡിഎഫ് സംശയിക്കുന്നതായി കത്തിൽ തുറന്നുപറയുന്നു.
ചരിത്രത്തിൽ ഇതുവരെയില്ലാത്ത ഗുരുതരമായ സാമ്പത്തിക പ്രതിസന്ധിയിലൂടെയാണ് സംസ്ഥാനം കടന്നുപോവുന്നത്. നികുതിപിരിവിലെ പരാജയവും കെടുകാര്യസ്ഥതയും ധൂർത്തുമുൾപ്പെടെയുള്ള കാര്യങ്ങളാണ് ഈ പ്രതിസന്ധിയിലേക്ക് എത്തിച്ചത് എന്നും പ്രതിപക്ഷനേതാവ് കുറ്റപ്പെടുത്തുന്നു. ഐ.ജി.എസ്.ടി പൂളിൽ നിന്നുള്ള വരുമാനം നഷ്ടപ്പെടുത്തുന്നതും സ്വർണം, ബാർ എന്നിവയിൽ നിന്നുള്ള നികുതി പിരിവ് പരാജയപ്പെട്ടതുമാണ് ധനപ്രതിസന്ധിയുടെ മുഖ്യകാരണങ്ങൾ.
വൻകിട പദ്ധതികളുടെ പേരിൽ നടക്കുന്ന അഴിമതിയും ധൂർത്തും ധനപ്രതിസന്ധിക്ക് ആക്കം കൂട്ടിയെന്നും കുറ്റപ്പെടുത്തലുണ്ട്. വിഭവ സമാഹരണത്തിന് ഒരു നടപടിയും സ്വീകരിക്കാതെ കടമെടുപ്പിനെ മാത്രം ആശ്രയിച്ച് മുന്നോട്ടുപോവുന്നതിലും പ്രതിപക്ഷം വിമർശനമുന്നയിക്കുന്നു. ഇത്തരത്തിൽ സംസ്ഥാന സർക്കാരിന്റെവീഴ്ചകൾ അക്കമിട്ടു നിരത്തി സുദീർഘമായ കത്ത് നൽകിയാണ് തങ്ങൾ ഇത്തരമൊരു സമരത്തിനില്ലെന്ന് പ്രതിപക്ഷം വ്യക്തമാക്കിയത്. ഇന്നലെ നടന്ന യു.ഡി.എഫ് ഏകോപന സമിതി യോഗത്തിലാണ് സർക്കാർ നടത്തുന്ന സമരവുമായി സഹകരിക്കേണ്ടതില്ലെന്ന് പ്രതിപക്ഷം തീരുമാനിച്ചത്. പ്രതിപക്ഷം തീരുമാനം അറിയിക്കുന്നതിന് മുമ്പേ എൽ.ഡി.എഫ് സമരം പ്രഖ്യാപിച്ചത് ശരിയായില്ല. സാമ്പത്തിക പ്രതിസന്ധിക്ക് സംസ്ഥാന സർക്കാരും ഉത്തരവാദികളെന്നും യുഡിഎഫ് വിലയിരുത്തി.

കേന്ദ്രത്തിനെതിരായ ഡൽഹി സമരത്തിന് പങ്കെടുക്കില്ല; സർക്കാരിനെ രേഖാമൂലം അറിയിച്ച് പ്രതിപക്ഷം

കോയമ്പത്തൂർ: കോയമ്പത്തൂർ ശ്രീനാരായണ മിഷൻ മെട്രിക്കുലേഷൻ സ്കൂൾ ഇംഗ്ലീഷ് അധ്യാപിക വിജിഷ (40) വാഹനാപകടത്തിൽ മരിച്ചു. തിക്കോടി സ്വദേശിയാണ്. വ്യാഴാഴ്ച വൈകിട്ട് സ്കൂളിൽ നിന്ന് മടങ്ങവേ കൗണ്ടംപാളയം തെമിയ സ്ട്രീറ്റിലെ വീടിനടുത്ത് വച്ചാണ് വാഹനമിടിച്ചത്. ഭർത്താവ് സ്വരൂപ് (എൻജിനിയർ, ബെംഗളൂരു ) മകൻ: ശ്രാവൺ(പോളി ടെക്നിക് വിദ്യാർഥി). അച്ഛൻ: പരേതനായ കെ.വി ചന്ദ്രൻ, അമ്മ: വത്സല, സഹോദരി സുജിഷ.

കോയമ്പത്തൂരിൽ വാഹനാപകടം; തിക്കോടി സ്വദേശി അധ്യാപിക മരിച്ചു

National

പാലക്കാട്: ഉപ്പുകുളം കരുവാരക്കുണ്ട് റോഡിൽ ഓട്ടോറിക്ഷ നിയന്ത്രണംവിട്ട് മറിഞ്ഞ് ഒരാൾ മരിച്ചു. മങ്കര മാങ്കുരശ്ശി സ്വദേശി കണ്ണത്തം പറമ്പിൽ വിജയകുമാർ (56) ആണ് മരിച്ചത്. വട്ടമല ഇറക്കത്തിൽ റോഡിന്റെ സംരക്ഷണ ഭിത്തി തകർന്ന ഭാഗത്തിലൂടെ 15 അടിയോളം താഴ്ചയിലേക്ക് ഓട്ടോ മറിയുകയായിരുന്നു. വിജയകുമാർ സംഭവ സ്ഥലത്തുതന്നെ മരിച്ചു.&nbsp;
വെള്ളിയാഴ്ച പുലർച്ചെ അഞ്ചരയോടെയാണ് അപകടം. ചികിത്സയുമായി ബന്ധപ്പെട്ട് കരുവാരക്കുണ്ടിലേക്ക് പോകുന്നതിനിടെയാണ് അപകടത്തിൽ പെട്ടത്. കൂടെ ഭാര്യ രാജലക്ഷ്മിയും മകൻ അമൃതാനന്ദനും ഉണ്ടായിരുന്നു. ഇവർ നിസാര പരുക്കുകളോടെ രക്ഷപെട്ടു. ടാപ്പിങ് തൊഴിലാളികളും നാട്ടുകാരുമാണ് ആശുപത്രിയിൽ എത്തിച്ചത്.&nbsp;

ഓട്ടോറിക്ഷ 15 അടി താഴ്ചയിലേക്ക് മറിഞ്ഞ് ഡ്രൈവർ മരിച്ചു

വടകര :കനാൽ കൈയ്യേറ്റം കണ്ടെത്താൻ ഇറിഗേഷനും,സർവ്വേ വകുപ്പും ചേർന്ന് അളന്ന് ചിട്ടപ്പെടുത്തിയ സ്ഥലത്ത് സ്ഥാപിച്ച അതിർത്തി കുറ്റികൾ പിഴുതെറിഞ്ഞതായി പരാതി. കുറ്റിയാടി ഇറിഗേഷന്റെ ഭാഗമായുള്ള ചോറോട് ഡിസ്ട്രിബ്യൂട്ടറി കനാൽ തീരം വ്യാപകമായി കൈയ്യേറിയതിനെ തുടർന്നാണ് നാട്ടുകാരിൽ നിന്നുണ്ടായ പരാതിയിൽ സർവ്വേ നടത്തിയത് .പരാതിക്ക് വർഷങ്ങളുടെ പഴക്കമുണ്ട് .2020 നവംബർ മാസം സ്ഥലം അളന്ന് തിട്ടപ്പെടുത്താൻ ഇറിഗേഷൻ 25,000 രൂപ സർവ്വേ ഡിപ്പാർട്ട്മെന്റിലേക്ക് ട്രഷറിയിൽ അടച്ചിരുന്നു. എന്നാൽ വർഷങ്ങൾക്ക് ശേഷമാണ് ഏതാനും ദിവസം മുൻപ് ഇറിഗേഷൻ -സർവ്വേ അധികൃതർ സംയുക്തമായി സർവ്വേ നടത്തി 300 മീറ്റർ ദൂരത്തിൽ കുന്നോത്ത് താഴ യിൽ അതിർത്തി നിർണ്ണയിച്ച് കുറ്റിയടിച്ചത് .ഈ കുറ്റിയാണ് സാമൂഹ്യ വിരുദ്ധർ പിഴുതെറിഞ്ഞത് .അനധികൃത കൈയ്യേറ്റത്തിനെതിരെ കഴിഞ്ഞ ദിവസം ഫിനിക്സ് കുരിക്കിലാട്ടിന്റെ നേതൃത്വത്തിൽ ജനകീയ കൂട്ടായ്മ സംഘടിപ്പിച്ചിരുന്നു .ഇതിനു ശേഷമാണ് സർവ്വേ നടന്നത് .അതിർത്തി കുറ്റികൾ പിഴുതെറിഞ്ഞവർക്കെതിരെ കർശന നടപടി സ്വീകരിക്കണമെന്നും കനാൽ ഭൂമി സംരക്ഷിക്കാനാവശ്യമായ നടപടി സ്വീകരിക്കണമെന്നും ഫിനിക്സ് ആർട്സ് ആൻഡ് സ്പോർട്സ് ക്ലബ്ബ് യോഗം അധികൃതരോട് ആവശ്യപ്പെട്ടു.

ചോറോട് അതിർത്തി കുറ്റികൾ പിഴുതെറിഞ്ഞതായി പരാതി

Vadakara

മലപ്പുറം: മലപ്പുറം പന്തല്ലൂരിൽ യുവതിയെ ഭർതൃവീട്ടിൽ തൂങ്ങി മരിച്ച നിലയിൽ കണ്ടെത്തി. വെള്ളില സ്വദേശി നിസാറിന്റെ ഭാര്യ തഹ്ദില (25)ആണ് മരിച്ചത്. മൃതദേഹം മഞ്ചേരി മെഡിക്കൽ കോളേജ് മോർച്ചറിയിലേക്ക് മാറ്റി. സംഭവത്തിൽ അസ്വാഭാവിക മരണത്തിന് പൊലീസ് കേസെടുത്തു.&nbsp;
ഗാർഹിക പീഡനം മൂലമാണ് യുവതി ജീവനൊടുക്കിയതെന്ന് ബന്ധുക്കൾ ആരോപിച്ചു. ഭർതൃപിതാവ് ശാരീരികമായും മാനസികമായും ഉപദ്രവിച്ചിരുന്നതായും തഹ്ദിലയുടെ ബന്ധുക്കൾ ആരോപിക്കുന്നു. അതേസമയം, സംഭവത്തെ കുറിച്ച് കൂടുതൽ കാര്യങ്ങൾ വ്യക്തമായിട്ടില്ല. അസ്വാഭാവിക മരണത്തിന് കേസെടുത്ത പൊലീസ് അന്വേഷണം തുടങ്ങി. യുവതിക്ക് രണ്ടു വയസുള്ള കുട്ടി ഉൾപ്പെടെ നാലു മക്കളാണുള്ളത്. ഭർത്താവ് നിസാർ വിദേശത്താണ്.&nbsp;

യുവതി ഭർതൃവീട്ടിൽ മരിച്ച നിലയിൽ

നീലേഷ് കൃഷ്ണ സംവിധാനം ചെയ്ത തമിഴ് ചിത്രം അന്നപൂരണിയിൽ ശ്രീരാമനെ അപഹസിക്കുന്ന പരാമർശമുണ്ടെന്ന വിവാദത്തിൽ സിനിമയിലെ നായിക നയൻതാര മാപ്പുപറഞ്ഞു. ഔദ്യോ​ഗിക സോഷ്യൽ മീഡിയാ അക്കൗണ്ടുകളിൽ ജയ്ശ്രീറാം എന്ന തലക്കെട്ടിൽ നൽകിയ പോസ്റ്റിലൂടെയാണ് നയൻതാര ഖേദം പ്രകടിപ്പിച്ചത്. വിശ്വാസിയായ തന്റെ പ്രവൃത്തി ബോധപൂർവമല്ലെന്നും ആരുടെയും വികാരങ്ങളെ വ്രണപ്പെടുത്താൻ ഉദ്ദേശിച്ചിട്ടില്ലെന്നും നയൻതാര പറഞ്ഞു.
അന്നപൂരണി' എന്ന എന്റെ സിനിമ കഴിഞ്ഞ കുറച്ച് ദിവസങ്ങളായി ചർച്ചാവിഷയമായതിനെക്കുറിച്ചാണ് താൻ ഈ പ്രസ്താവന നടത്തുന്നതെന്ന് നയൻതാര പറഞ്ഞു. ഹൃദയഭാരത്തോടെയും ആത്മാഭിമാനത്തോടെയുമാണ് ഈ കുറിപ്പെഴുതുന്നത്. 'അന്നപൂരണി' എന്ന സിനിമയെടുത്തത് വെറുമൊരു കച്ചവട ലക്ഷ്യത്തോടെയല്ല. അതിലുപരി ഒരു നല്ല ആശയം ജനങ്ങളിലേക്ക് എത്തിക്കാനുള്ള ശ്രമമായാണ്. നിശ്ചയദാർഢ്യത്തോടെ പോരാടിയാൽ എന്തും നേടാം എന്ന രീതിയിലാണ് അന്നപൂരണി സിനിമ ഒരുക്കിയതെന്നും അവർ വ്യക്തമാക്കി.
'അന്നപൂരണിയിലൂടെ ഒരു പോസിറ്റീവ് സന്ദേശം പകരാൻ ഞങ്ങൾ ആഗ്രഹിച്ചെങ്കിലും അത് ചിലരുടെ മനസ്സിനെ വേദനിപ്പിച്ചതായി ഞങ്ങൾക്ക് തോന്നി. മനപൂർവമായിരുന്നില്ല അത്. സെൻസർ ബോർഡ് സാക്ഷ്യപ്പെടുത്തുകയും തിയേറ്ററിൽ റിലീസ് ചെയ്യുകയും ചെയ്ത ഒരു സിനിമ OTT-യിൽ നിന്ന് നീക്കം ചെയ്‌തത് ഞങ്ങളെ അതിശയിപ്പിച്ചു. ആരുടേയും വികാരം വ്രണപ്പെടുത്താൻ എനിക്കും എന്റെ ടീമിനും ഉദ്ദേശമില്ല. കൂടാതെ ഈ വിഷയത്തിന്റെ ​ഗൗരവം എത്രമാത്രമുണ്ടെന്ന് ഞങ്ങൾക്കെല്ലാവർക്കും അറിയാം.
'എല്ലാ ആരാധനാലയങ്ങളും സന്ദർശിക്കുന്ന ദൈവവിശ്വാസിയായ ഞാൻ ഒരിക്കലും മനഃപൂർവ്വം ഇത് ചെയ്യുമായിരുന്നില്ല. അതിനപ്പുറം, ഏതെങ്കിലും തരത്തിൽ നിങ്ങളുടെ വികാരങ്ങളെ വ്രണപ്പെടുത്തിയിട്ടുണ്ടെങ്കിൽ ക്ഷമിക്കണം. മറ്റുള്ളവരെക്കൂടി പ്രോത്സാഹിപ്പിക്കുകയും പ്രചോദിപ്പിക്കുകയും ചെയ്യുക എന്നതാണ് അന്നപൂരണിയുടെ യഥാർത്ഥ ലക്ഷ്യം, അല്ലാതെ കുറ്റപ്പെടുത്തലല്ല. പോസിറ്റീവ് ചിന്തകൾ പ്രചരിപ്പിക്കാനും മറ്റുള്ളവരിൽ നിന്ന് നല്ല കാര്യങ്ങൾ പഠിക്കാനും മാത്രമാണ് ഈ 20 വർഷത്തെ സിനിമാ യാത്രയുടെ ഉദ്ദേശം എന്ന് ഒരിക്കൽ കൂടി ഇവിടെ സൂചിപ്പിക്കാൻ ആഗ്രഹിക്കുന്നു' എന്നുപറഞ്ഞുകൊണ്ടാണ് നയൻതാര കുറിപ്പ് അവസാനിപ്പിക്കുന്നത്.
സിനിമയിലൂടെ ശ്രീരാമനെ മോശമായി ചിത്രീകരിക്കുകയും ലവ് ജിഹാദ് പ്രോത്സാഹിപ്പിക്കുകയും ചെയ്തെന്നും ഹിന്ദുക്കളുടെ വികാരം വ്രണപ്പെടുത്തിയെന്നുമാണ് ചിത്രത്തിനെതിരെ ഉയർന്ന പരാതി. സംഭവം വിവാദമായതോടെ നെറ്റ്ഫ്ലിക്സ് ചിത്രം പിൻവലിച്ചിരുന്നു. മഹാരാഷ്ട്ര, മധ്യപ്രദേശ് സംസ്ഥാനങ്ങളിൽ നയൻതാര ഉൾപ്പെടെയുള്ളവർക്കെതിരെ കേസെടുത്തിരുന്നു. ഡിസംബർ ഒന്നിന് തിയേറ്ററിൽ പ്രദർശനത്തിനെത്തിയ ചിത്രം 29-നാണ് നെറ്റ്ഫ്ലിക്സിൽ റിലീസ് ചെയ്തത്.

'അന്നപൂരണി' വിവാദത്തിൽ മാപ്പുപറഞ്ഞ് നയൻതാര

കോട്ടയം: സ്റ്റേഷനിൽ ഇറങ്ങുന്നതിനിടയിൽ ട്രയിനിന് അടിയിലേക്ക് വീണ് യുവാവ് മരിച്ചു. കോട്ടയം പുതുപ്പള്ളി സ്വദേശി ദീപക് പുന്നൂസ് ജോര്‍ജ് (26) ആണ് മരിച്ചത്. കോട്ടയം റെയില്‍വേ സ്റ്റേഷനില്‍ വെള്ളിയാഴ്ച പുലര്‍ച്ചെ അഞ്ചരയ്ക്കായിരുന്നു അപകടമുണ്ടായത്. പൂനെ - കന്യാകുമാരി എക്‌സ്പ്രസ് ട്രെയിനില്‍ നിന്നിറങ്ങിയ യുവാവ് കണ്ണടയെടുക്കാനായി വീണ്ടും തിരികെ കയറിയതായിരുന്നു. ഇതിനിടെ ട്രെയിന്‍ മുന്നോട്ട് നീങ്ങിയപ്പോൾ ചാടിയിറങ്ങുകയും പ്ലാറ്റ്‌ഫോമിനും ട്രയിനിനും ഇടയിൽ വീഴുകയുമായിരുന്നു. പൂനെയില്‍ ഹോട്ടല്‍ മാനേജ്‌മെന്റ് വിദ്യാര്‍ഥിയായിരുന്നു ദീപക്ക്.&nbsp;&nbsp;

മറന്നു വച്ച കണ്ണട എടുത്ത് ഇറങ്ങുന്നതിനിടെ ട്രെയിനിന് അടിയിൽപ്പെട്ട് യുവാവ് മരിച്ചു

തിരുവനന്തപുരം: കാട്ടാക്കടയിൽ 13 കാരനെതിരെ ലൈംഗികാതിക്രമം നടത്തിയെന്ന പരാതിയിൽ പാസ്റ്റർ അറസ്റ്റിലായി. വട്ടിയൂർക്കാവ് കുലശേഖരത്ത് താമാസക്കാരനായ പൂവച്ചൽ കുറകോണം ആലയിൽ പൊന്തകോസ്ത് പള്ളി പാസറ്റർ രവീന്ദ്രനാഥ് (50) ആണ് അറസ്റ്റിലായത്. വഴിയിൽ വെച്ച് പരിചയപ്പെട്ട പാസ്റ്റർ ടാബിൽ അശ്ലീല ചിത്രങ്ങൾ കാണിച്ചാണ് ലൈംഗികാതിക്രമത്തിന് ശ്രമിച്ചതെന്നാണ് പരാതി.
സംഭവത്തെ കുറിച്ച് പൊലീസ് പറയുന്നത് ഇങ്ങനെ:
കഴിഞ്ഞ ദിവസം ആശുപത്രിയിൽ നിന്നും വീട്ടിലേക്ക് വരുന്ന വഴിയിൽ രാവീന്ദ്രനാഥ് 13 കാരനെ പരിചയപ്പെട്ടു. യാത്രക്കിടെ തന്റെ ടാബ് ശരിയാക്കി താരമോ എന്ന് കുട്ടിയോട് ചോദിച്ചു. ശ്രമിക്കാമെന്ന് പറഞ്ഞ് ടാബ് തുറന്ന കുട്ടിയോട് ഒരു ഫോൾഡർ തുറക്കാൻ ആവശ്യപ്പെട്ടു. അശ്ലീല ചിത്രങ്ങളായിരുന്നു അതിൽ.
ചിത്രം കണ്ട് പേടിച്ച് കുട്ടി പിന്മാറാൻ ശ്രമിച്ചതോടെ ഇയാൾ കുട്ടിയെ ഉപദ്രവിക്കുകയായിരുന്നു. പണവും ഭക്ഷണവും വാങ്ങിത്താരാമെന്ന് പറഞ്ഞ് കുട്ടിയെ പിടിച്ചു നിർത്താൻ ശ്രമിച്ചെങ്കിലും ഓടി പോയ കുട്ടി ബന്ധുക്കളെ വിവരമറിയിച്ചു. കാട്ടക്കട പൊലീസിൽ നൽകിയ പരാതിയെ തുടർന്ന് പാസ്റ്ററെ അറസ്റ്റുചെയ്യുകയായിരുന്നു.

&nbsp;

അശ്ലീല ദൃശ്യം കാണിച്ച് 13കാരന് നേരെ ലൈംഗികാതിക്രമത്തിന് ശ്രമം; പാസ്റ്റർ അറസ്റ്റിൽ

കു​റ​വി​ല​ങ്ങാ​ട്: മോ​ഷ്ടി​ച്ച ബൈ​ക്കു​മാ​യി യു​വാ​വി​നെ പൊ​ലീ​സ് അ​റ​സ്റ്റ് ചെ​യ്തു. ഉ​ഴ​വൂ​ർ ത​റ​ക്ക​നാ​ൽ ഭാ​ഗ​ത്ത് താ​മ​സി​ക്കു​ന്ന പി​റ​വം പാ​ഴൂ​ർ ഭാ​ഗ​ത്ത് ചെ​റു​വേ​ലി​ക്കു​ടി​യി​ൽ ജി​തീ​ഷ് (21)ആ​ണ് അ​റ​സ്റ്റി​ലാ​യ​ത്. ബു​ധ​നാ​ഴ്ച രാ​ത്രി വാ​ഹ​ന പ​രി​ശോ​ധ​ന ന​ട​ത്തു​ന്ന​തി​നി​ടെ ന​മ്പ​ർ പ്ലേ​റ്റ് പ്ര​ദ​ർ​ശി​പ്പി​ക്കാ​ത്ത ബൈ​ക്കു​മാ​യി എ​ത്തി​യ ഇ​യാ​ളെ കു​റ​വി​ല​ങ്ങാ​ട് പൊ​ലീ​സ് പി​ടി​കൂ​ടു​ക​യാ​യി​രു​ന്നു.
ബൈ​ക്ക് ജ​നു​വ​രി നാ​ലി​ന്​ താ​നും സു​ഹൃ​ത്തും ചേ​ർ​ന്ന് ഉ​ഴ​വൂ​ർ ടൗ​ൺ ഭാ​ഗ​ത്തു​ള്ള സൗ​ത്ത് ഇ​ന്ത്യ​ൻ ബാ​ങ്കി​ന്റെ സ​മീ​പ​ത്തു​നി​ന്നു മോ​ഷ്ടി​ച്ച​താ​ണെ​ന്ന് ഇ​യാ​ൾ ചോ​ദ്യം​ചെ​യ്യ​ലി​ൽ സ​മ്മ​തി​ച്ചു. എ​സ്.​എ​ച്ച്.​ഒ ടി. ​ശ്രീ​ജി​ത്ത്, എ​സ്.​ഐ വി. ​വി​ദ്യ, എ.​എ​സ്.​ഐ​മാ​രാ​യ അ​ജി, കെ.​വി. ബൈ​ജു, സി.​പി.​ഒ കെ.​സി. ഡി​ബി​ന്‍ എ​ന്നി​വ​ർ ചേ​ർ​ന്നാ​ണ് അ​റ​സ്റ്റ് ചെ​യ്ത​ത്. ജീ​തീ​ഷി​ന് പി​റ​വം, ഹി​ൽ​പാ​ല​സ്, കു​റ​വി​ല​ങ്ങാ​ട് സ്​​റ്റേ​ഷ​നു​ക​ളി​ൽ ക്രി​മി​ന​ൽ കേ​സു​ക​ൾ നി​ല​വി​ലു​ണ്ട്. ഇ​യാ​ളെ കോ​ട​തി​യി​ൽ ഹാ​ജ​രാ​ക്കി.

മോ​ഷ്ടി​ച്ച ബൈ​ക്കു​മാ​യി കറങ്ങുന്നതിനിടെ യു​വാ​വ് പി​ടി​യി​ൽ

വടകര: മടപ്പള്ളിയിൽ അടിപ്പാത അനുവദിക്കണമെന്ന് ആവശ്യപ്പെട്ടുകൊണ്ട് അടിപ്പാത കർമ്മസമിതിയുടെ ആഭിമുഖ്യത്തിൽ സംയുക്ത സമരസമിതിയുടെ നേതൃത്വത്തിൽ നിരാഹാര സമരം നടത്തി. വൈകുന്നേരം കെ കെ രമ എം എൽ എ നാരങ്ങാനീര് നൽകി സമരം അവസാനിപ്പിച്ചു. മടപ്പള്ളി ഗവ കോളേജ് സ്ഥിതിചെയ്യുന്ന മടപ്പള്ളിയിൽ അടിപ്പാത അനുവദിക്കുന്നതുവരെ ശക്തമായ സമരപരിപാടികൾ തുടരുമെന്നും എംഎൽഎ എന്ന നിലയിൽ ഏത് സമരത്തിനും മുൻനിരയിലുണ്ടാകുമെന്നും കെ കെ രമ പറഞ്ഞു. രണ്ടായിരത്തിൽ പരം വിദ്യാർത്ഥികൾ പഠിക്കുന്ന മടപ്പള്ളി കോളേജിലേക്ക് അടിപ്പാത അനുവദിച്ചില്ലെങ്കിൽ രണ്ട് കിലോമീറ്റർ അങ്ങോട്ടുമിങ്ങോട്ടും വിദ്യാർഥികൾ നടന്നുപോവുക എന്നത് വളരെയേറെ ദുഷ്കരമാണെന്ന് വിദ്യാർത്ഥി സംഘടന പ്രതിനിധികൾ പറഞ്ഞു.&nbsp;
അതുകൊണ്ടുതന്നെ മടപ്പള്ളിയിലെ ജനങ്ങൾ നടത്തുന്ന ഈ ധർമ്മ സമരത്തിൽ മുഴുവൻ വിദ്യാർത്ഥികളും ഉണ്ടാവുമെന്ന് ഓരോ സംഘടനകളുടെയും പ്രതിനിധികൾ പ്രഖ്യാപിച്ചു. അനിൽ കക്കാട്ട് സ്വാഗതം പറഞ്ഞ സമാപന ചടങ്ങിൽ അഡ്വക്കേറ്റ് അനിൽകുമാർ അധ്യക്ഷം വഹിച്ചു. ഒഞ്ചിയംപഞ്ചായത്ത് പ്രസിഡണ്ട് പി ശ്രീജിത്ത്,ടിപി ബിനീഷ്‌, കൊയിറ്റോടി ഗംഗാധരക്കുറപ്പ് , സുനിൽ മടപ്പള്ളി , നിവേദ് ആർ സുരേഷ് , പാർവണ , ഷഹബാസ്, സിബി, കലാജിത്ത്, അഷറഫ്, ദാമോദരൻ തുടങ്ങിയവർ ആശംസകൾ അർപ്പിച്ചു സംസാരിച്ചു. മനോജ് എം ഇ നന്ദി പറഞ്ഞു.

മടപ്പള്ളിയിൽ അടിപ്പാത അനുവദിക്കണം; നിരാഹാര സമരം നടത്തി

അഴിയൂർ: ചുങ്കം ചിറ പരിസരത്ത് മലയങ്കണ്ടിയിൽ പാലാഴി ദിജിൻദാസ് (33) അന്തരിച്ചു. അച്ഛൻ; പാലാഴി ദാസൻ. അമ്മ; റീജ. സഹോദരൻ അബിൻദാസ്.

അഴിയൂർ മലയങ്കണ്ടിയിൽ പാലാഴി ദിജിൻദാസ് അന്തരിച്ചു

നന്തി: ജനങ്ങളുടെ യാത്രാദുരിതത്തിന് അറുതി വരുത്തുവാൻ നന്തിയിൽ റെയിൽവേ അടിപ്പാത അനുവദിക്കണമെന്ന് ആവശ്യപ്പെട്ടുകൊണ്ട് കേരള വ്യാപാരി വ്യവസായി ഏകോപന സമിതി നന്തി യൂണിറ്റിന്റെ നേതൃത്വത്തിൽ ജനകീയ പ്രതിഷേധ സായാഹ്ന ധർണ നടത്തി. ധർണ സമരം ഗ്രാമപഞ്ചായത്ത് മുൻ പ്രസിഡൻറ് എം കെ മുഹമ്മദ് ഉദ്ഘാടനം ചെയ്തു. അടിപ്പാത സമരം വളരെ ശക്തമായി മുന്നോട്ടു കൊണ്ടുപോകണമെന്ന് ഉദ്ഘാടന പ്രസംഗത്തിൽ എംകെ ആവശ്യപ്പെട്ടു. സമരത്തിന് വ്യാപാരി വ്യവസായി ഏകോപനസമിതി സജീവമായി ഇടപെടണമെന്നും അദ്ദേഹം പറഞ്ഞു. ചടങ്ങിൽ രാഷ്ട്രീയ സാംസ്കാരിക രംഗത്തുള്ള 27 ഓളം പേർ ആശംസ അറിയിച്ചു സംസാരിച്ചു. യൂണിറ്റ് സെക്രട്ടറി സനീർ വില്ലങ്കണ്ടി സ്വാഗതം പറഞ്ഞു. യൂണിറ്റ് പ്രസിഡണ്ട് പവിത്രൻ ആതിര അധ്യക്ഷത വഹിച്ചു. യൂണിറ്റ് ട്രഷറർ ദിലീപ് കുമാർ നന്ദി പറഞ്ഞു.

നന്തിയിൽ റെയിൽവേ അടിപ്പാത അനുവദിക്കണമെന്നാവശ്യപ്പെട്ട് പ്രതിഷേധ ധർണ

Koyilandy

തിരുവനന്തപുരം: ഹയര്‍സെക്കന്‍ഡറി വാര്‍ഷിക മോഡല്‍ പരീക്ഷ കലണ്ടര്‍ പ്രസിദ്ധീകരിച്ചു. ദിവസേന രണ്ട് പരീക്ഷകള്‍ വെച്ചാണ് നടത്തുന്നത്. കഴിഞ്ഞ വര്‍ഷം ഇത്തരത്തില്‍ രണ്ട് പരീക്ഷകള്‍ നടത്തിയതിനെതിരേ എതിര്‍പ്പുകള്‍ ഉയര്‍ന്നിരുന്നു. അതിന് മുന്‍പുള്ള വര്‍ഷങ്ങളില്‍ ദിവസേന ഒരു പരീക്ഷ വെച്ചായിരുന്നു നടത്തിയിരുന്നത്
ഫെബ്രുവരി 15 മുതല്‍ 21 വരെയാണ് ഇത്തവണ മോഡല്‍ പരീക്ഷ. മാര്‍ച്ച് ഒന്ന് മുതലാണ് പൊതുപരീക്ഷ. ദിവസേന രണ്ട് പരീക്ഷയെഴുതുന്നത് ബുദ്ധിമുട്ടാവുമെന്ന് അധ്യാപകരും വിദ്യാര്‍ഥികളും ചൂണ്ടികാട്ടിയെങ്കിലും അധികൃതരുടെ ഭാഗത്ത് നിന്ന് അനുകൂല നടപടിയുണ്ടായില്ല. പ്രവൃത്തി ദിനങ്ങള്‍ നഷ്ടപ്പെടുത്താതിരിക്കാനാണ് രണ്ട് പരീക്ഷകള്‍ വീതം നടത്തുന്നത് എന്നാണ് അധികൃതരുടെ മറുപടി.

ഹയര്‍സെക്കന്‍ഡറി മോഡല്‍ പരീക്ഷ ഫെബ്രുവരി 15 മുതല്‍

മേപ്പയ്യൂർ: വ്യവസായ വാണിജ്യ വകുപ്പിന്റെയും മേപ്പയൂർ ഗ്രാമപഞ്ചായത്തിന്റെയും സംയുക്താഭിമുഖ്യത്തിൽ ലോൺ ലൈസൻസ് സബ്‌സിഡി മേള പഞ്ചായത്ത് ഹാളിൽ നടന്നു. ഗ്രാമപഞ്ചായത്ത് വൈസ് പ്രസിഡൻറ് എൻ പി ശോഭ അധ്യക്ഷത വഹിച്ചു. പഞ്ചായത്ത് പ്രസിഡന്റ് കെ ടി രാജൻ ചടങ്ങ് ഉദ്ഘാടനം ചെയ്തു. മേലടി ബ്ലോക്ക്‌ വ്യവസായ വികസന ഓഫീസർ സുധീഷ് കുമാർ സ്വാഗതം പറഞ്ഞു. മേലടി ബ്ലോക്ക് വ്യവസായ വികസന ഓഫീസർ സുധീഷ് കുമാർ ലോൺ, ലൈസൻസ്, സബ്‌സിഡി വിഷയങ്ങളിൽ ക്ലാസുകൾ നൽകി. മേപ്പയൂർ ഫെഡറൽ ബാങ്ക് ഓഫീസർ ജിബി മോൾ ജോർജ് സംരംഭകരുമായി സംവദിച്ചു. 34 പേർ പങ്കെടുത്ത മേളയിൽ ഉദ്യം രജിസ്ട്രേഷൻ 3, കെ സിഫ്റ്റ് ഡിക്ലറേഷൻ - 1, ലോൺ സാങ്ഷൻ ലെറ്റർ നൽകൽ 5, ലോൺ ആപ്ലിക്കേഷൻ 2 സ്വീകരിക്കൽ എന്നിവ നടന്നു. പഞ്ചായത്ത് അംഗങ്ങളായ ശ്രീജ, ലീല എന്നിവർ ചടങ്ങിൽ ആശംസയും പഞ്ചായത്ത് ഇ ഡി ഇ അഞ്ജലി കൃഷ്ണ നന്ദിയും പറഞ്ഞു.

ലോൺ ലൈസൻസ് സബ്‌സിഡി മേള നടത്തി

Perambra

വടകര: ദേശീയപാത വികസനപ്രവൃത്തികളുടെ ഭാഗമായി പൈപ് ലൈനുകൾ പൊട്ടിയതിനെ തുടർന്ന് തകർന്ന വടകര മേഖലയിലെ ജലവിതരണ സംവിധാനം ഉടൻ പുനഃസ്ഥാപിക്കണമെന്ന് കെ.കെ.രമ എം.എൽ.എ ആവശ്യപ്പെട്ടു. ഇതിന്റെ ഭാഗമായി പലഭാഗങ്ങളിൽ നിന്നായി ഉയർന്ന പരാതികൾക്ക് പരിഹാരം കാണാൻ വാട്ടർ അതോറിറ്റി ഉദോഗസ്ഥരും നാഷണൽ ഹൈവേ അതോറിറ്റി ഉദ്യോഗസ്ഥരുമായി പ്രശ്‌നങ്ങളുള്ള സ്ഥലങ്ങൾ എം.എൽ.എ സന്ദർശിച്ചു. പൊട്ടിയ പൈപ്പുകൾ ഉടൻ പുനഃസ്ഥാപിക്കാൻ ആവശ്യമായ നടപടികൾ സ്വീകരിക്കുമെന്ന് ഉദ്യോഗസ്ഥർ എം.എൽ.എക്ക് ഉറപ്പുനൽകി. ഇനിമേൽ നടക്കുന്ന പ്രവൃത്തികൾക്ക് മുൻപേ ജല വിതരണ പൈപ്പുകളുടെ സ്കെച്ച് നാഷണൽ ഹൈവേ അതോറിറ്റിക്ക് കൈമാറണമെന്നും അതിനനുസൃതമായി പൈപ്പുകൾക്ക് കേടുപാടുപറ്റാതെ പ്രവൃത്തിനടത്താനാവശ്യമായ മുൻകരുതലുകൾ കൈക്കൊള്ളാനും എം.എൽ.എ നിർദ്ദേശിച്ചു. വാട്ടർ അതോറിറ്റി വിഭാഗവും നാഷണൽ ഹൈവേ അതോറിറ്റിയും പ്രത്യേകം ഒരു ഉദ്യോഗസ്ഥനെ ഇത് മോണിറ്റർ ചെയ്യുന്നതിനായി ചുമതലപ്പെടുത്താനും നിർദേശിച്ചതായി എം.എൽ.എ അറിയിച്ചു. തുടർന്ന് നാദാപുരം റോഡ്, മടപ്പള്ളി, മുക്കാളി , കുഞ്ഞിപ്പള്ളി തുടങ്ങിയ സ്ഥലങ്ങളിലെ വിവിധ വിഷയങ്ങൾ നിലനിൽക്കുന്ന സ്ഥലങ്ങളും സംഘം സന്ദർശിച്ചു. നാദാപുരം റോഡിൽ അണ്ടർ പാസ് സ്ഥാപിക്കേണ്ടതിന്റെ ആവശ്യകത പ്രദേശത്തെ ജനങ്ങൾ ഉദ്യോഗസ്ഥരോട് വിശദീകരിച്ചു.&nbsp;
നിലവിൽ മടപ്പള്ളിക്കും നാദാപുരം റോഡിനുമിടയിലായി മടപ്പള്ളി സ്കൂൾ ജംങ്ഷനിൽ നിന്നും അര കിലോമീറ്റർ മാറിയാണ് അണ്ടർ പാസ് അനുവദിച്ചിരിക്കുന്നത്. ഇത് നാദാപുരം റോഡിലെ മടപ്പള്ളി സ്‌കൂൾ ജങ്ഷനിലേക്ക് മാറ്റി സ്ഥാപിക്കണം എന്നതാണ് പ്രദേശവാസികളുടെ ആവശ്യം. ആയിരക്കണക്കിന് കുട്ടികൾ പഠിക്കുന്ന മടപ്പള്ളി സ്‌കൂളിലെ കുട്ടികളുടെ യാത്രാപ്രശ്നം ഏറെ ഗൗരവമാണ്. ജില്ലയിലെ പ്രധാന സർക്കാർ കോളജ് ആയ മടപ്പള്ളി കോളജ് സ്ഥിതിചെയ്യുന്ന സ്ഥലത്തു അണ്ടർ പാസ് അനുവദിക്കാത്തതും വലിയ ജനകീയ പ്രതിഷേധത്തിന് ഇടയാക്കിയിരിക്കുകയാണ്. ഈ പ്രശ്നങ്ങൾ നേരത്തെ തന്നെ അധികൃതരുടെ ശ്രദ്ധയിൽപെടുത്തിയെങ്കിലും ആവശ്യമായ പരിഗണന ലഭിച്ചിരുന്നില്ല. കഴിഞ്ഞ ദിവസം തിരുവന്തപുരത്തുള്ള ദേശീയപാത ഡിവിഷണൽ ജനറൽ മാനേജരെ നേരിൽകണ്ട് ഈ ആവശ്യം വീണ്ടും ശ്രദ്ധയിൽ കൊണ്ടുവന്നിരുന്നതായും എം.എൽ.എ പറഞ്ഞു. കണ്ണൂക്കരയിൽ വലിയ തോതിൽ മണ്ണെടുത്ത സ്ഥലങ്ങളിലെ ഇരുവശത്തുമായി സ്ഥിതിചെയ്യുന്ന വീടുകളുടെ അപകടാവസ്ഥയും ഉദ്യോഗസ്ഥരെ നേരിൽ കാണിക്കുകയും വീടുകളുടെ സുരക്ഷ ഉറപ്പുവരുത്തുന്നതിനായുള്ള അടിയന്തര നടപടികൾ കൈക്കൊള്ളാൻ നിർദ്ദേശിച്ചതായും എം.എൽ.എ പറഞ്ഞു. കുഞ്ഞിപ്പള്ളിയിലും മുക്കാളിയിലും നിലനിൽക്കുന്ന ഡ്രൈനേജ് നിർമാണത്തിലെ അപകാതകളും, ബ്ലോക്ക് പഞ്ചായത്തു ഓഫീസിലേക്കുള്ള വഴി തടസപ്പെട്ടു കിടക്കുന്നതിന്റെ പ്രയാസവും ഉദ്യോഗസ്ഥരുടെ ശ്രദ്ധയിൽ കൊണ്ടുവന്നതായും എം.എൽ.എ പറഞ്ഞു. ബ്ലോക്ക് പഞ്ചായത്ത് പ്രസിഡന്റ കെ.പി.ഗിരിജ, ഒഞ്ചിയം പഞ്ചായത്ത് പ്രസിഡന്റ് പി.ശ്രീജിത്ത്, ബ്ലോക്ക് പഞ്ചായത്ത് അംഗങ്ങളായ കോട്ടയിൽ രാധാകൃഷ്ണൻ, കെ.എം സത്യൻ, ജനപ്രതിനിധികളായ ഷജിന കൊടക്കാട്ട്, ലീല, പ്രമോദ്, പ്രീത തുടങ്ങി വിവിധ രാഷ്ട്രീയ പാർട്ടി പ്രതിധികളും പ്രദേശവാസികളും ഒപ്പമുണ്ടായിരുന്നു.

ദേശീയപാത വികസനത്തിന്റെ ഭാഗമായി തടസ്സപ്പെട്ട ജലവിതരണ സംവിധാനം ഉടൻ പുനഃസ്ഥാപിക്കണം; കെ.കെ.രമ എം.എൽ.എ

വടകര : നഗരസഭ വാർഡ് 29 ൽ കായികക്ഷമത പരിശീലനത്തിന്റെ ഭാഗമായുള്ള വാർഡ് ഫിറ്റ്നസ് സെന്ററിന്റെ ഉദ്ഘാടനം ഡോ. തുളസിദാസ് നിർവഹിച്ചു. വാർഡ് കൗൺസിലർ പി.കെ സതീശൻ അധ്യക്ഷനായി. മാസ്റ്റർ തപക് ദേ ദിഗിൽ, യു സന്തോഷ് എന്നിവർ പരിശീലനത്തിന് നേതൃത്വം നൽകി. റിട്ട. ഡിവൈഎസ്പി. പി.കെ അശോകൻ, മംഗളം വിജയൻ എന്നിവർ ആശംസകൾ അർപ്പിച്ചു. വാർഡ് നിവാസികളുടെ കായിക ക്ഷമത വർദ്ധിപ്പിച്ച് ജീവിതശൈലി രോഗങ്ങളിൽ നിന്നും മുക്തരാക്കുക എന്നതാണ് ലക്ഷ്യം. തികച്ചും സൗജന്യമായി നടത്തുന്ന പരിശീലന പരിപാടി എല്ലാ ദിവസവും രാവിലെ 6. 30 മുതൽ 7. 30 വരെ ആയിരിക്കും. പ്രായ വ്യത്യാസം ഇല്ലാതെ എല്ലാവർക്കും ഈ പരിശീലന പരിപാടിയിൽ പങ്കെടുക്കാവുന്നതാണെന്ന് കൺൺസിലർ അറിയിച്ചു.

വാർഡ് ഫിറ്റ്നസ് സെൻറർ ആരംഭിച്ചു

ന്യൂഡൽഹി: ഡൽഹിയിൽ കെട്ടിടത്തിന് തീപിടിച്ച് ആറ് പേർ മരിച്ചു. ഒരാൾക്ക് പരിക്കേറ്റു. പീതംപുരയിലുള്ള കെട്ടിട സമുച്ചയത്തിന്റെ ഒന്നാം നിലയിലാണ് തീപിടിത്തമുണ്ടായത്. തീപിടിത്തത്തിന്റെ കാരണം വ്യക്തമല്ല. ഇന്നലെ രാത്രിയാണ് സംഭവം. രണ്ട് കുടുംബങ്ങളിൽ നിന്നുള്ള 6 പേരാണ് മരിച്ചത്. സംഭവത്തിൽ അന്വേഷണം നടക്കുകയാണെന്ന് പൊലീസ് പറഞ്ഞു.

ഡൽഹിയിൽ കെട്ടിടത്തിൽ തീപീടിത്തം; ആറ് മരണം

ആലപ്പുഴ: സ്വന്തം കല്യാണക്കുറി സ്വയം തയാറാക്കി വൈറലായ കല്യാണിയുടെ കല്യാണം ഞായറാഴ്‌ച. ജലാശയങ്ങൾക്ക്‌ വെല്ലുവിളിയായ കുളവാഴയോട് ഈ കുട്ടനാട്ടുകാരിയുടെ "മധുരപ്രതികാര’മായിരുന്നു സ്വന്തം കല്യാണക്കുറി കുളവാഴ പേപ്പറിൽ തയാറാക്കിയത്. കൈനകരി കുട്ടമംഗലം സ്വദേശി സി അനിൽ–- ബിന്ദു ദമ്പതികളുടെ മകളായ കല്യാണി എറണാകുളം കുഫോസിൽ (ഫിഷറീസ് സർവകലാശാല) എംഎസ്‌സി വിദ്യാർഥിനിയാണ്.&nbsp;&nbsp;
ആലപ്പുഴ എസ്‌ഡി കോളേജിൽ സുവോളജി ബിരുദ പഠനസമയത്ത് പ്രോജക്ട് ചെയ്തത്‌ വകുപ്പ് തലവനും ജലവിഭവ ഗവേഷണകേന്ദ്രം മുഖ്യഗവേഷകനുമായ പ്രൊഫ. ഡോ. ജി നാഗേന്ദ്രപ്രഭുവിന്റെ കീഴിലായിരുന്നു. കോളേജിലെ ആദ്യ വിദ്യാർഥി സ്‌റ്റാർട്ടപ്പായ "ഐക്കോടെക്ക്’ സിഇഒ വി അനൂപ് കുമാറിന്റെയും മേൽനോട്ടത്തിലാണ് കുളവാഴയിൽനിന്നുള്ള വിവിധ മൂല്യവർധിത ഉൽപ്പന്നങ്ങളുടെ നിർമാണത്തിൽ പരിശീലനം നേടിയത്. അന്നുലഭിച്ച ശിക്ഷണം ഇപ്പോൾ കല്യാണി സ്വന്തം വിവാഹക്ഷണക്കത്തിനും ഉപയോഗിച്ചു.&nbsp;&nbsp;&nbsp;
കല്യാണിയും കൂട്ടുകാരും കോളേജിലെ സാമൂഹ്യ പരിശീലനകേന്ദ്രത്തിൽ കുളവാഴപൾപ്പും ഉപയോഗിച്ച പേപ്പറും നിശ്ചിത അനുപാതത്തിൽ ചേർത്ത് നിർമിച്ച ഹസ്‌തനിർമിത കടലാസ് തയാറാക്കി. കുളവാഴപ്പൂവിന്റെ ചിത്രംകൂടി ചേർത്ത് കല്യാണക്കുറി മനോഹരമായി രൂപകൽപ്പന ചെയ്‌ത്‌ അനൂപ്‌കുമാർ രംഗത്തെത്തിയപ്പോൾ പിറന്നത് വൈറലായ കല്യാണക്കുറി.
ഇന്റർനെറ്റിൽ എട്ടുലക്ഷത്തിലധികം പേർ ഇതിനകം "കല്യാണിയുടെ കല്യാണക്കുറി’ പിറന്നകഥ കണ്ടു കഴിഞ്ഞു. ഈ മാതൃക കുട്ടനാട്ടിലെ കർഷകരും പൊതുജനങ്ങളും പ്രത്യേകിച്ച് യുവജനങ്ങൾ കുളവാഴയെ ഉപയോഗപ്പെടുത്താനുള്ള വിവിധങ്ങളായ ആശയങ്ങൾ വികസിപ്പിക്കണമെന്നാണ് കല്യാണിയുടെ ആഗ്രഹം.

'കുളവാഴയിലെ വൈറൽ കല്യാണക്കുറി'; കല്യാണിയുടെ കല്യാണം 21ന്‌

തിരുവനന്തപുരം: അർജന്റീന ഫുട്ബാൾ ടീം കേരളത്തിലെത്തുമെന്നും രണ്ടു സൗഹൃദ മത്സരങ്ങൾ കളിക്കുമെന്നും കായികമന്ത്രി വി.അബ്ദുറഹിമാൻ വ്യക്തമാക്കി. 2025 ഒക്ടോബറിലായിരിക്കും ടീം കേരളത്തിലെത്തുകയെന്നും മന്ത്രി ഫേസ്ബുക്ക് പോസ്റ്റിലൂടെ അറിയിച്ചു. അർജന്റീന ഫുട്ബാൾ അസോസിയേഷൻ പ്രതിനിധികളുമായി ഓൺലൈനായി ചർച്ച നടത്തിയതിന് ശേഷമാണ് മന്ത്രി ഇക്കാര്യം വ്യക്തമാക്കിയത്.
കേരത്തിൽ കളിക്കാൻ സന്നദ്ധത അറിയിച്ചുകൊണ്ടുള്ള അർജന്റീന ഫുട്ബാൾ അസോസിയേഷന്റെ ഇ മെയിൽ ലഭിച്ചതായി മന്ത്രി നേരത്തെ വ്യക്തമാക്കിയിരുന്നു. ഈ വർഷം ജൂണിൽ അർജന്റീന ഫുട്ബാൾ ടീം കേളത്തിലെത്തുമെന്നാണ് അറിയിച്ചിരുന്നത്. എന്നാൽ, മഴക്കാലമായതിനാൽ കേരളത്തിലെ കാലാവസ്ഥ പരിഗണിച്ച് മാറ്റുകയായിരുന്നു. തുടർന്നാണ് അടുത്ത വർഷം ഒക്ടോബറിൽ കളിക്കാമെന്ന് ടീം മാനേജ്മന്റെ് സമ്മതിച്ചത്.
ഇതിഹാസം താരം ലയണൽ മെസ്സി അടക്കമുള്ള അർജന്റീന ഫുട്ബാൾ ടീം ഇന്ത്യയിൽ കളിക്കാൻ ആഗ്രഹം പ്രകടിപ്പിച്ചിരുന്നെങ്കിലും ചിലവ് താങ്ങാനാവില്ലെന്ന് പറഞ്ഞ് ഇന്ത്യൻ ഫുട്ബാൾ അസോസിയേഷൻ കൈയൊഴിഞ്ഞിരുന്നു. തുടർന്നാണ് മന്ത്രി അബ്ദുറഹിമാൻ ഇടപ്പെട്ട് ടീമിനെ കേരളത്തിലേക്ക് സ്വാഗതം ചെയ്തത്.ഇതിഹാസം താരം ലയണൽ മെസ്സി അടക്കമുള്ള അർജന്റീന ഫുട്ബാൾ ടീം ഇന്ത്യയിൽ കളിക്കാൻ ആഗ്രഹം പ്രകടിപ്പിച്ചിരുന്നെങ്കിലും ചിലവ് താങ്ങാനാവില്ലെന്ന് പറഞ്ഞ് ഇന്ത്യൻ ഫുട്ബാൾ അസോസിയേഷൻ കൈയൊഴിഞ്ഞിരുന്നു. തുടർന്നാണ് മന്ത്രി അബ്ദുറഹിമാൻ ഇടപ്പെട്ട് ടീമിനെ കേരളത്തിലേക്ക് സ്വാഗതം ചെയ്തത്.
മന്ത്രി വി. അബ്ദുറഹിമാന്റെ ഫേസ്ബുക്ക് പോസ്റ്റ്
മന്ത്രി വി. അബ്ദുറഹിമാന്റെ ഫേസ്ബുക്ക് പോസ്റ്റ്മന്ത്രി വി. അബ്ദുറഹിമാന്റെ ഫേസ്ബുക്ക് പോസ്റ്റ്
"ലയണൽ മെസ്സി അടക്കമുള്ള അർജന്റീന ദേശീയ ടീം ഇന്ത്യയിൽ കളിക്കാൻ ആഗ്രഹം പ്രകടിപ്പിച്ചെങ്കിലും ഭീമമായ ചിലവ് താങ്ങാൻ കഴിയില്ലെന്ന കാരണത്താൽ ഇന്ത്യ ആ അവസരം നഷ്ടപ്പെടുത്തി എന്ന വാർത്ത കേരളത്തിലെ ഫുട്ബാൾ പ്രേമികളിൽ പ്രത്യേകിച്ചും നീലപ്പടയുടെ ആരാധകരിൽ സൃഷ്ടിച്ച നിരാശയാണ് അർജന്റീന ടീമിനെ കേരളത്തിലേക്ക് ക്ഷണിക്കാൻ പ്രേരകമായത്. ഖത്തർ ലോകകപ്പ് സമയത്ത്‌ കേരളത്തെ നീലക്കടലാക്കി മാറ്റിയ കേരളത്തോടുള്ള ഇഷ്ടം പ്രകടിപ്പിച്ചു കൊണ്ട് കേരളത്തിന്റെ ക്ഷണം അവർ സ്വീകരിച്ചു."ലയണൽ മെസ്സി അടക്കമുള്ള അർജന്റീന ദേശീയ ടീം ഇന്ത്യയിൽ കളിക്കാൻ ആഗ്രഹം പ്രകടിപ്പിച്ചെങ്കിലും ഭീമമായ ചിലവ് താങ്ങാൻ കഴിയില്ലെന്ന കാരണത്താൽ ഇന്ത്യ ആ അവസരം നഷ്ടപ്പെടുത്തി എന്ന വാർത്ത കേരളത്തിലെ ഫുട്ബാൾ പ്രേമികളിൽ പ്രത്യേകിച്ചും നീലപ്പടയുടെ ആരാധകരിൽ സൃഷ്ടിച്ച നിരാശയാണ് അർജന്റീന ടീമിനെ കേരളത്തിലേക്ക് ക്ഷണിക്കാൻ പ്രേരകമായത്. ഖത്തർ ലോകകപ്പ് സമയത്ത്‌ കേരളത്തെ നീലക്കടലാക്കി മാറ്റിയ കേരളത്തോടുള്ള ഇഷ്ടം പ്രകടിപ്പിച്ചു കൊണ്ട് കേരളത്തിന്റെ ക്ഷണം അവർ സ്വീകരിച്ചു.
നമ്മുടെ ടീമുമായുള്ള സൗഹൃദ മത്സരത്തിന്റെ സാധ്യതകളും കേരളത്തിന്റെ ഫുട്ബാൾ വികസനത്തിൽ അർജന്റീനയുമായി സഹകരിക്കാവുന്ന വിവിധ തലങ്ങളും അർജന്റീന ഫുട്ബോൾ അസോസിയേഷൻ പ്രതിനിധികളുമായി ഇന്ന് നടന്ന ഓൺലൈൻ മീറ്റിംഗിൽ വിശദമായി ചർച്ച ചെയ്യപ്പെട്ടു.നമ്മുടെ ടീമുമായുള്ള സൗഹൃദ മത്സരത്തിന്റെ സാധ്യതകളും കേരളത്തിന്റെ ഫുട്ബാൾ വികസനത്തിൽ അർജന്റീനയുമായി സഹകരിക്കാവുന്ന വിവിധ തലങ്ങളും അർജന്റീന ഫുട്ബോൾ അസോസിയേഷൻ പ്രതിനിധികളുമായി ഇന്ന് നടന്ന ഓൺലൈൻ മീറ്റിംഗിൽ വിശദമായി ചർച്ച ചെയ്യപ്പെട്ടു.
അർജൻ്റിന കേരളവുമായി ഫുട്ബോൾ രംഗത്ത് സജീവമായ സഹകരണത്തിന് സന്നദ്ധത അറിയിച്ചു. കേരള സർക്കാർ നടത്തുന്ന ഗോൾ പരിശീലന പദ്ധതിയുമായി സഹകരിക്കാനും 5000 കുട്ടികളെ പരിശീലിപ്പിക്കുവാനുമുള്ള താത്പര്യവും അവർ പ്രകടിപ്പിച്ചിട്ടുണ്ട്.അർജൻ്റിന കേരളവുമായി ഫുട്ബോൾ രംഗത്ത് സജീവമായ സഹകരണത്തിന് സന്നദ്ധത അറിയിച്ചു. കേരള സർക്കാർ നടത്തുന്ന ഗോൾ പരിശീലന പദ്ധതിയുമായി സഹകരിക്കാനും 5000 കുട്ടികളെ പരിശീലിപ്പിക്കുവാനുമുള്ള താത്പര്യവും അവർ പ്രകടിപ്പിച്ചിട്ടുണ്ട്.
അർജൻ്റീന ദേശീയ ടീം കേരളത്തിൽ രണ്ട് സൗഹൃദ മത്സരം കളിക്കും. നേരത്തേ 2024 ജൂണിൽ കളിക്കാൻ എത്തുമെന്നാണ് അറിയിച്ചത്. എന്നാൽ, ആ സമയം മൺസൂൺ സീസണായതിനാൽ പ്രയാസം അറിയിച്ചു. തുടർന്ന് 2025 ഒക്ടോബറിൽ കളിക്കാൻ സന്നദ്ധത അർജന്റീന അറിയിച്ചു.അർജൻ്റീന ദേശീയ ടീം കേരളത്തിൽ രണ്ട് സൗഹൃദ മത്സരം കളിക്കും. നേരത്തേ 2024 ജൂണിൽ കളിക്കാൻ എത്തുമെന്നാണ് അറിയിച്ചത്. എന്നാൽ, ആ സമയം മൺസൂൺ സീസണായതിനാൽ പ്രയാസം അറിയിച്ചു. തുടർന്ന് 2025 ഒക്ടോബറിൽ കളിക്കാൻ സന്നദ്ധത അർജന്റീന അറിയിച്ചു.
ഏറെ ശ്രമകരമായ ഒന്നാകും ഈ സൗഹൃദ മത്സരത്തിന്റെ സംഘാടനം എങ്കിലും കേരളത്തിലെ ഫുട്ബോൾ പ്രേമികൾക്ക് നൽകാവുന്ന വലിയ സമ്മാനവും ഒപ്പം നമ്മുടെ കായിക താരങ്ങൾക്ക് ഉള്ള വലിയ പ്രചോദനവും ആകും അർജന്റീന ദേശീയ ടീമിന്റെ കേരളത്തിലേക്കുള്ള വരവ് എന്ന വിശ്വാസവും തിരിച്ചറിവും ഈ വാർത്ത വന്നപ്പോൾ മുതൽ നമ്മുടെ ആളുകൾ പ്രകടിപ്പിക്കുന്ന ആവേശവും മുന്നോട്ട് പോകുവാൻ പ്രേരിപ്പിക്കുന്ന ഒന്നാണ്.ഏറെ ശ്രമകരമായ ഒന്നാകും ഈ സൗഹൃദ മത്സരത്തിന്റെ സംഘാടനം എങ്കിലും കേരളത്തിലെ ഫുട്ബോൾ പ്രേമികൾക്ക് നൽകാവുന്ന വലിയ സമ്മാനവും ഒപ്പം നമ്മുടെ കായിക താരങ്ങൾക്ക് ഉള്ള വലിയ പ്രചോദനവും ആകും അർജന്റീന ദേശീയ ടീമിന്റെ കേരളത്തിലേക്കുള്ള വരവ് എന്ന വിശ്വാസവും തിരിച്ചറിവും ഈ വാർത്ത വന്നപ്പോൾ മുതൽ നമ്മുടെ ആളുകൾ പ്രകടിപ്പിക്കുന്ന ആവേശവും മുന്നോട്ട് പോകുവാൻ പ്രേരിപ്പിക്കുന്ന ഒന്നാണ്.
അർജന്റീന ദേശീയ ടീമിന്റെ ഇന്റർനാഷണൽ റിലേഷൻസ് ഹെഡ് പാബ്ലോ ഡയസ് സംസ്ഥാന കായിക വകുപ്പ് സെക്രട്ടറി പ്രണബ് ജ്യോതിനാഥ് ഐ. എ.എസ്.കെ.എഫ്.എ സംസ്ഥാന പ്രസിഡന്റ്‌ നവാസ് മീരാൻ അടക്കമുള്ള പ്രതിനിധികൾ ചർച്ചയിൽ പങ്കെടുത്തു."അർജന്റീന ദേശീയ ടീമിന്റെ ഇന്റർനാഷണൽ റിലേഷൻസ് ഹെഡ് പാബ്ലോ ഡയസ് സംസ്ഥാന കായിക വകുപ്പ് സെക്രട്ടറി പ്രണബ് ജ്യോതിനാഥ് ഐ. എ.എസ്.കെ.എഫ്.എ സംസ്ഥാന പ്രസിഡന്റ്‌ നവാസ് മീരാൻ അടക്കമുള്ള പ്രതിനിധികൾ ചർച്ചയിൽ പങ്കെടുത്തു."

അർജന്റീന ഫുട്ബാൾ ടീം 2025 ഒക്ടോബറിൽ കേരളത്തിൽ കളിക്കാനാത്തുമെന്ന് മന്ത്രി

Football

കൊച്ചി: എറണാകുളം മഹാരാജാസ് കോളേജില്‍ എസ്.എഫ്.ഐ. യൂണിറ്റ് സെക്രട്ടറി പി.എ. അബ്ദുല്‍ നാസറിന് കുത്തേറ്റ സംഭവത്തില്‍ എട്ടാംപ്രതി എന്‍വയോണ്‍മെന്റല്‍ കെമിസ്ട്രി മൂന്നാംവര്‍ഷ വിദ്യാര്‍ഥിയും കെ.എസ്.യു പ്രവര്‍ത്തകനുമായ മുഹമ്മദ് ഇജ്ലാല്‍ അറസ്റ്റിലായി.
എം.ജി. സര്‍വകലാശാലാ നാടകോത്സവത്തിന്റെ ഭാഗമായി കാമ്പസിനകത്ത് നാടക പരിശീലനമുണ്ടായിരുന്നു. ഇതിന്റെ ചുമതലക്കാരനായ നാസര്‍ പരിശീലനത്തിനുശേഷം ഇറങ്ങുമ്പോഴാണ് ആക്രമണമുണ്ടായത്. ഒപ്പമുണ്ടായിരുന്ന യൂണിറ്റ് കമ്മിറ്റിയംഗം ബി.എ. ഫിലോസഫി രണ്ടാം വര്‍ഷ വിദ്യാര്‍ഥി ഇ.വി. അശ്വതിക്കും കൈക്ക് പരിക്കേറ്റു. പ്രതികള്‍ക്കെതിരേ വധശ്രമം, നിയമവിരുദ്ധ കൂട്ടംകൂടല്‍, കലാപശ്രമം, ഭീഷണിപ്പെടുത്തല്‍, ആയുധം ഉപയോഗിച്ച് പരിക്കേല്‍പ്പിക്കല്‍ തുടങ്ങി ഒന്‍പതു വകുപ്പുകള്‍ ചുമത്തിയാണ് പോലീസ് കേസെടുത്തത്. ബുധനാഴ്ച രാത്രി 11.20-ഓടെയാണ് സംഘര്‍ഷമെന്ന് പോലീസ് പറഞ്ഞു.

മഹാരാജാസില്‍ എസ്എഫ്‌ഐ നേതാവിന് കുത്തേറ്റ കേസ്: കെ.എസ്.യു പ്രവര്‍ത്തകന്‍ അറസ്റ്റില്‍

കൊച്ചി: പെരുമ്പാവൂർ സ്കൂൾ ബസ് അപകടത്തിൽ നടപടിയുമായി മോട്ടോർ വാഹന വകുപ്പ്. അലക്ഷ്യമായി ബസ് ഓടിച്ച ബസ് ‍ഡ്രൈവർ ഉമ്മറിന്റെ ലൈസൻസ് റദ്ദ് ചെയ്തു. പെരുമ്പാവൂരിലെ മെക്ക സ്കൂളിലെ നാലാംക്ലാസ് വിദ്യാർഥി സ്കൂൾ ബസ്സിനടിയിൽപ്പെട്ട സംഭവത്തിലാണ് നടപടി. ജനുവരി 12-നായിരുന്നു അപകടം.
സ്കൂൾ ബസ്സിൽ നിന്ന് ഇറങ്ങി സഹോദരിയോടൊപ്പം ബസിന്റെ മുന്നിലൂടെ പോകുമ്പോഴായിരുന്നു അപകടമുണ്ടായത്. സ്കൂൾ ബസ് ഡ്രൈവറായ ഉമ്മർ അലക്ഷ്യമായി വാഹനം മുന്നോട്ടെടുക്കുകയായിരുന്നു. ബസിന്റെ ഇരുചക്രങ്ങൾക്കും ഇടയിൽപ്പെട്ടതിനാൽ പെൺകുട്ടി പരിക്കേൽക്കാതെ രക്ഷപ്പെടുകയായിരുന്നു.
പ്രദേശത്തെ സിസിടിവി ദൃശ്യങ്ങളടക്കം പുറത്തുവരുകയും സ്കൂൾ ബസ് ഡ്രൈവർ അലക്ഷ്യമായി ബസ് ഓടിച്ചതിനെതിരേ പ്രതിഷേധമുയരുകയും ചെയ്തിരുന്നു. ഇതിന് പിന്നാലെയാണ് എം.വി.ഡി ബസ് ഡ്രൈവർക്കെതിരേ നടപടി സ്വീകരിച്ചത്.

വിദ്യാർഥി ബസിനടിയിൽപ്പെട്ട സംഭവം; ഡ്രൈവറുടെ ലൈസൻസ് റദ്ദ് ചെയ്തു

നാദാപുരം: വിൽപ്പനക്കായി കൊണ്ടുവന്ന കഞ്ചാവുമായി തൂണേരിയിൽ യുവാവ് പൊലീസിൻ്റെ പിടിയിലായി. ചെക്യാട് പാറക്കടവ് സ്വദേശിയായ പഴയങ്ങാടിയിൽ മുഹമ്മദ് (37) ആണ് നാദാപുരം പൊലീസിൻ്റെ പിടിയിലായത്. തൂണേരി പട്ടാണി പെട്രോൾ പമ്പ് പരിസരത്ത് നാദാപുരം പൊലീസും ഡി വൈ എസ് പി യുടെ സ്ക്വാഡ് അംഗങ്ങളും നടത്തിയ പരിശോധനക്കിടയിലാണ് പ്രതി പിടിയിലായത്.&nbsp;
സംശയാസ്പദമായ സാഹചര്യത്തിൽ കണ്ട ഇയാളെ കസ്റ്റഡിയിലെടുത്ത് ചോദ്യം ചെയ്യുകയായിരുന്നു. ചെറു പൊതികളിലാക്കി സൂക്ഷിച്ച 31 ഗ്രാം കഞ്ചാവ് ഇയാളിൽ നിന്ന് കണ്ടെടുത്തു. വളയം പോലീസ് സ്റ്റേഷൻ പരിധിയിൽ മോഷണം ഉൾപ്പെടെയുള്ള കേസുകളിൽ പ്രതിയായിരുന്നു മുഹമ്മദ് എന്ന് പോലീസ് പറഞ്ഞു. പ്രതി സഞ്ചരിച്ചിരുന്ന ബൈക്ക് പോലീസ് കസ്റ്റഡിയിൽ എടുത്തു.

വിൽപ്പനക്കായി കൊണ്ടുവന്ന കഞ്ചാവുമായി തൂണേരിയിൽ യുവാവ് പിടിയിൽ

Nadapuram

വടകര: ദേശീയപാതയുടെ പണിനടക്കുന്ന റോഡിലെ കുഴിയില്‍വീണ ബൈക്ക് യാത്രികന് പരിക്ക്. വടകര തോടന്നൂര്‍ സ്വദേശി കിഴക്കെ പയ്യട കെ.പി. ശ്രീജിത്ത് കുമാര്‍ (54)നാണ് പരിക്കേറ്റത്.
ഞായറാഴ്ച ഉച്ചയ്ക്ക് 12.30-ഓടെയാണ് സംഭവം. വടകര പുതിയ ബസ് സ്റ്റാന്‍ഡില്‍നിന്ന് വീട്ടിലേക്കുപോകുമ്പോള്‍ ദേശീയപാതയിലേക്ക് ഇറങ്ങുന്നിടത്തുവെച്ചാണ് ശ്രീജിത്തിന്റെ ബൈക്ക് കുഴിയില്‍വീണത്. വെള്ളക്കെട്ട് കാരണം കുഴി കാണാത്തതിനാല്‍ ബൈക്ക് കുഴിയില്‍ വീഴുകയായിരുന്നു.
ബൈക്ക് കുഴിയില്‍ വീണ് ഉയര്‍ന്നുപൊങ്ങി കാലില്‍വീഴുകയായിരുന്നെന്ന് ശ്രീജിത്ത് പറഞ്ഞു. വലതുകാലിന് രണ്ട് പൊട്ടലുണ്ട്. കാലിന് കമ്പിയിട്ട് ശ്രീജിത്ത് വീട്ടില്‍ വിശ്രമത്തിലാണ്. ഇടതുകാലിനും കൈക്കും മുറിവുമുണ്ട്. രണ്ടാഴ്ചകഴിഞ്ഞ വലതുകാലിന് ഓപ്പറേഷന്‍ വേണമെന്ന് ഡോക്ടര്‍മാര്‍ പറഞ്ഞതായി ശ്രീജിത്ത് പറഞ്ഞു.

വടകരയില്‍ ദേശീയപാതയിലെ കുഴിയില്‍വീണ് തോടന്നൂര്‍ സ്വദേശിയായ ബൈക്ക് യാത്രക്കാരന് പരിക്ക്

കുറ്റ്യാടി: കുട്ടികളെ മയക്കുമരുന്ന് നൽകി ലൈംഗികമായി പീഡിപ്പിച്ച യുവാവിനെതിരെ കേസെടുത്തു.കുറ്റ്യാടി അടുക്കത്ത് സ്വദേശി അജ്നാസിനെതിയാണ് പൊലീസ് കേസെടുത്തത്. ലഹരി നൽകിയ ശേഷം നിരവധി തവണ ഇയാൾ പീഡനത്തിരയാക്കിയെന്നും തന്റെ സുഹൃത്തുക്കൾ ഇരയാക്കപ്പെട്ടുവെന്നും കുട്ടി പറഞ്ഞു.
കുറ്റ്യാടി സ്വദേശിയായ പ്രായപൂർത്തിയാകാത്ത കുട്ടിയുടെ പരാതിയിലാണ് പൊലീസ് കേസെടുത്തത്. വീട്ടുകാർ ഉറങ്ങിയ ശേഷം തന്നെ ഫോണിൽ വിളിച്ച് വീട്ടിൽ നിന്നും പുറത്തിങ്ങാൻ ആവശ്യപ്പെടും. ശേഷം കാറുമായി അജ്നാസിൻറെ വീട്ടിലേക്ക് കൊണ്ടൂ പോകും. അവിടെ വെച്ചാണ് ലഹരി ഉപയോഗിക്കാൻ നിർബന്ധിക്കുന്നത്. ലഹരി നൽകിയ ശേഷമാണ് ലൈംഗികമായി പീഢിപ്പിക്കുന്നതെന്നും കുട്ടി പറയുന്നു.
ബെക്കാം എന്ന പേരിലുള്ള ബാർബർ ഷോപ്പ് നടത്തുന്ന അജ്നാസിൽ നിന്നും സമാന അനുഭവങ്ങൾ ഉണ്ടായതായി മറ്റൊരു പത്തൊമ്പതുകാരനും പറയുന്നു. പ്രതിയെ പിടികൂടാനുള്ള ശ്രമത്തിലാണെന്നും ചോദ്യം ചെയ്യലിന് ശേഷം കൂടുതൽ അന്വേഷണത്തിലേക്ക് കടക്കുമെന്നും പൊലീസ് പറഞ്ഞു.

കുറ്റ്യാടിയിൽ മയക്കുമരുന്ന് നൽകി കുട്ടികളെ പ്രകൃതിവിരുദ്ധ പീഡനത്തിന് ഇരയാക്കിയതായി പരാതി; യുവാവിനെതിരെ കേസ്

Kuttiadi

വെള്ളരിക്കുണ്ട് (കാസര്‍കോട്): നാലാം ക്ലാസിലുണ്ടായ ഒരു അടി, അതിന് പ്രതികാരം അറുപത്തിരണ്ടാം വയസ്സില്‍. മാലോം ടൗണിനടുത്ത് താമസിക്കുന്ന വെട്ടിക്കൊമ്പില്‍ വി.ജെ. ബാബുവാണ് പരാതിക്കാരന്‍. ബാലകൃഷ്ണന്‍, സുഹൃത്ത് മാത്യു വലിയപ്ലാക്കല്‍ എന്നിവരുടെപേരിലാണ് കേസ്. ബാലകൃഷ്ണന്‍ ഷര്‍ട്ടിന്റെ കോളറില്‍ പിടിച്ചുനിര്‍ത്തുകയും മാത്യു കല്ലുകൊണ്ട് കവിളിലും പുറത്തും ഇടിക്കുകയുമായിരുന്നെന്നാണ് റിപ്പോര്‍ട്ട്. നാലാംതരത്തില്‍ ബാബുവും ബാലകൃഷ്ണനും ഒരേ ക്ലാസിലായിരുന്നു. ഇടയ്ക്ക് വഴക്കിടുകയും അടിപിടി കൂടുകയും ചെയ്തിരുന്നതായി ബാലകൃഷ്ണന്‍ വെള്ളരിക്കുണ്ട് പോലീസിന് നല്‍കിയ മൊഴിയില്‍ പറയുന്നു.
അന്ന് ബാബു തന്നെ മര്‍ദിച്ചതിലുള്ള വിരോധമാണ് ഇപ്പോള്‍ അടിപിടിയിലേക്ക് നയിച്ചതെന്നും ബാലകൃഷ്ണന്റെ മൊഴിയിലുണ്ട്. ജൂണ്‍ രണ്ടിന് ഒരുമണിക്ക് മാലോത്ത് ടൗണില്‍ ഹോട്ടലിനുമുന്നിലായിരുന്നു സംഭവം. പഴയ പിണക്കത്തിന്റെപേരില്‍ ഇരുവരും തമ്മില്‍ മുന്‍പും വാക്കേറ്റമുണ്ടായതായി പറയുന്നു.

ഇത് അപൂർവ്വ പ്രതികാരം;നാലാംക്ലാസിൽ കിട്ടിയ തല്ലിന് 62-ാം വയസ്സിൽ തിരിച്ചടി,ഒടുവിൽ കേസ്‌

നാദാപുരം : സാധനം വാങ്ങാനെത്തിയ അമ്മയ്ക്കൊപ്പമുണ്ടായിരുന്ന കൈക്കുഞ്ഞിന്റെ സ്വർണ്ണമാല കവർന്നു. ഒരു പവൻ വരുന്ന മാലയാണ് കടയിലെത്തിയ യുവതി കവർന്നെടുത്തത്. സംഭവത്തിൽ പൊലീസ് കേസെടുത്ത് അന്വേഷണം തുടങ്ങി.
സാധനം വാങ്ങാൻ അമ്മയ്ക്കൊപ്പം എത്തിയ പെൺകുഞ്ഞിന്റെ കഴുത്തിലെ മാല മോഷ്ടിക്കുന്ന സിസിടിവി ദൃശ്യങ്ങൾ അടിസ്ഥാനമാക്കിയാണ് അന്വേഷണം. കുഞ്ഞിനെ എടുത്ത അമ്മയുടെ പിന്നാലെ നീല കളർ ചുരിദാറും വെള്ള ഷാളും ധരിച്ച യുവതി നടക്കുന്നതും ഇരുവശത്തേക്കും നോക്കിയ ശേഷം മാല മോഷ്ടിക്കുന്നതും സിസിടിവിയിൽ കാണാം. വൈകിട്ട് അഞ്ചു മണിയോടെ കടയിൽ തിരക്കേറിയ സമയത്താണ് മോഷണം നടന്നത്.

നാദാപുരത്ത്  അമ്മയ്ക്കൊപ്പമുണ്ടായിരുന്ന കൈക്കുഞ്ഞിന്റെ സ്വർണ്ണമാല കവർന്നതായി പരാതി;അന്വേഷണം തുടങ്ങി

നാദാപുരം : പുറമേരിയില്‍ വീട്ടില്‍നിന്ന് 18 പവന്റെ സ്വര്‍ണാഭരണങ്ങള്‍ കവർന്നതായി പരാതി . ടൗണ്‍ പരിസരത്തെ കുന്നുമ്മല്‍ അബ്ദുള്ളയുടെ വീട്ടിലാണ് മോഷണം നടന്നത്. വീട്ടമ്മയുടെ കാലില്‍ ധരിച്ചിരുന്ന സ്വര്‍ണാഭരണം ഉള്‍പ്പെടെ കവര്‍ന്നതായാണ് പരാതി.
മുന്‍വശത്തെ ജനവാതില്‍ കുത്തിത്തുറന്ന് താക്കോല്‍ കൈവശപ്പെടുത്തിയാണ് കള്ളന്‍ വീടിനകത്ത് കടന്നത്. വീട്ടിലെ സിസിടിവി ക്യാമറ തുണികൊണ്ട് മറച്ചിരുന്നു. ക്യാമറ മറയ്ക്കുന്ന ദൃശ്യങ്ങള്‍ സിസിടിവിയില്‍ പതിഞ്ഞിട്ടുണ്ട്.പുറത്തുപോയിരുന്ന അബ്ദുള്ളയുടെ മകന്‍ പുലര്‍ച്ചെ വീട്ടില്‍ തിരിച്ചെത്തിയപ്പോള്‍ വാതില്‍ തുറന്നുകിടക്കുന്നതാണ് കണ്ടത്. ഇതോടെയാണ് മോഷണം നടന്നത് തിരിച്ചറിഞ്ഞത്. നാദാപുരം ഇന്‍സ്‌പെക്ടര്‍ ശ്യാംരാജ് നായരുടെ നേതൃത്വത്തില്‍ പോലീസ് സ്ഥലത്തെത്തി പരിശോധന നടത്തി. സംഭവത്തില്‍ പോലീസ് അന്വേഷണം ആരംഭിച്ചു.

സിസിടിവി ക്യാമറ തുണികൊണ്ട് മൂടി; പുറമേരിയില്‍ വീട്ടില്‍നിന്ന് 18 പവന്റെ സ്വര്‍ണാഭരണങ്ങള്‍ കവർന്നതായി പരാതി

ചെന്നൈ: പ്രണയാഭ്യർത്ഥന നിരസിച്ച മലയാളി വിദ്യാർത്ഥിനിയെ തമിഴ്‌നാട് സ്വദേശിയായ യുവാവ് വീട്ടിൽക്കയറി കുത്തികൊലപ്പെടുത്തി. പൊള്ളാച്ചി വടുകപാളയത്ത് ഇന്നലെ രാവിലെ ആണ് സംഭവം. പൊൻമുത്തു നഗറിൽ താമസിക്കുന്ന കണ്ണന്റെ മകൾ അഷ്‌വിക (19) ആണ് കൊല്ലപ്പെട്ടത്. കൊലയ്ക്ക് പിന്നാലെ പ്രതി ഉദുമൽപേട്ട റോഡ് അണ്ണാ നഗർ സ്വദേശി പ്രവീൺ കുമാർ പൊലീസിൽ കീഴടങ്ങി. അണ്ണാ മലയാർ നഗറിലെ സ്വകാര്യ പണമിടപാട് സ്ഥാപനത്തിലെ ജീവനക്കാരനാണ് പ്രവീൺ.&nbsp;
കോയമ്പത്തൂരിലുള്ള സ്വകാര്യ കോളേജിലെ രണ്ടാംവർഷ ബിഎസ്‌‌സി കമ്പ്യൂട്ടർ സയൻസ് വിദ്യാർത്ഥിനിയായിരുന്നു അഷ്‌വിക. മാതാപിതാക്കൾ വീട്ടിലില്ലാതിരുന്ന സമയത്താണ് പ്രതി അതിക്രമിച്ച് കടന്ന് കൊല നടത്തിയത്. സഹോദരി സ്‌കൂളിലും പോയിരുന്നു. കഴുത്തിലും നെഞ്ചിലും ഗുരുതരമായി പരിക്കേറ്റ പെൺകുട്ടിയുടെ നിലവിളി കേട്ട് അയൽക്കാരെത്തി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പെൺകുട്ടിയുടെ വീടിന് സമീപത്ത് പ്രതിയും കുടുംബവും അഞ്ച് വർഷത്തോളം താമസിച്ചിരുന്നു. ഈ സമയത്ത് പ്രവീൺ കുട്ടിയുമായി പരിചയത്തിലായി. ഒരുവർഷം മുൻപ് ഇയാളും കുടുംബവും അണ്ണാ നഗറിലേയ്ക്ക് താമസം മാറിയിരുന്നു. പ്രവീൺ അഷ്‌വികയെ ഫോണിൽ വിളിച്ച് ശല്യപ്പെടുത്തുമായിരുന്നുവെന്ന് ബന്ധുക്കൾ പറയുന്നു.&nbsp;
ഇയാൾ പ്രണയാഭ്യർത്ഥന നടത്തിയിരുന്നുവെന്നും എന്നാൽ വിദ്യാർത്ഥിനി ഇത് നിരസിച്ചുവെന്നും പൊലീസ് പറഞ്ഞു.കൊലയ്ക്ക് തലേദിവസം പെൺകുട്ടി സുഹൃത്തുക്കളുമൊത്തുള്ള ചിത്രങ്ങൾ സമൂഹമാധ്യമങ്ങളിൽ പങ്കുവച്ചിരുന്നു. ഇതുകണ്ട പ്രതി പെൺകുട്ടിയുടെ വീട്ടിലെത്തുകയും വാക്കേറ്റമുണ്ടാവുകയും ചെയ്തു. പിന്നാലെ ഇയാൾ കയ്യിലുണ്ടായിരുന്ന പേനാക്കത്തികൊണ്ട് അഷ്‌വികയെ ആക്രമിക്കുകയും അടുക്കളയിൽ കടന്ന് കത്തിയെടുത്ത് കഴുത്തിലും നെഞ്ചിലുമായി കുത്തിപ്പരിക്കേൽപ്പിക്കുകയുമായിരുന്നു.

പ്രണയാഭ്യർത്ഥന നിരസിച്ചതിന് മലയാളി വിദ്യാർത്ഥിനിയെ തമിഴ്‌നാട്ടിൽ കുത്തിക്കൊന്നു

കൽപറ്റ: വയനാട്ടിൽ കനത്ത മഴയെ തുടർന്ന് അടച്ചിട്ട വിനോദ സഞ്ചാര കേന്ദ്രങ്ങൾ തുറന്നു. മേയ് 23ന് കേന്ദ്ര കലാവസ്ഥ വകുപ്പ് ജാഗ്രതാ നിർദേശം നൽകിയതിനെ തുടർന്നാണ് ടൂറിസം കേന്ദ്രങ്ങൾ അടച്ചത്. ക്വാറികളും തുറന്ന് പ്രവർത്തിക്കാൻ ജില്ല കലക്ടർ ഡി.ആർ. മേഘശ്രീ അനുമതി നൽകി.
ജില്ലയിൽ മഴക്ക് ശമനമുള്ളതിനാലും വരും ദിവസങ്ങളിൽ ഗ്രീൻ അലർട്ട് പ്രഖ്യാപിച്ച സാഹചര്യത്തിലാണ് ഉത്തരവ്. യന്ത്ര സഹായത്തോടെ മണ്ണ് നീക്കം ചെയ്യാമെന്നും ജില്ലാ ദുരന്ത നിവാരണ അതോറിറ്റി ചെയർപേഴ്സൺ അറിയിച്ചു.

വയനാട്ടിലെ വിനോദ സഞ്ചാര കേന്ദ്രങ്ങൾ തുറന്നു

ചവറ (കൊല്ലം): അപ്പൂപ്പന്റെ വീട്ടില്‍ അവധിക്കാലം ആഘോഷിക്കാന്‍ വന്ന വിദ്യാര്‍ഥി വീടിനു സമീപത്തെ ഓടയിലെ ഒഴുക്കില്‍പ്പെട്ട് മരിച്ചു. കൊട്ടാരക്കര പള്ളിക്കല്‍ പാലവിളയില്‍വീട്ടില്‍ അനീഷിന്റെയും രശ്മിയുടെയും നാലരവയസ്സുള്ള മകള്‍ അക്ഷിക(കല്യാണി)യാണ് മരിച്ചത്.
പള്ളിക്കല്‍ എന്‍എസ്എസ് എല്‍പിഎസില്‍ എല്‍കെജി പ്രവേശനം ലഭിച്ച അക്ഷിക, തിങ്കളാഴ്ച ആദ്യമായി സ്‌കൂളില്‍ പോകാനിരിക്കെയാണ് ദുരന്തം.ചവറ പന്മന വടുതല തളിയാഴ്ചവീട്ടില്‍ അപ്പൂപ്പന്റെയും അമ്മൂമ്മയുടെയും അടുത്ത് ഒന്നരമാസംമുന്‍പാണ് അക്ഷിക എത്തിയത്. ഞായറാഴ്ച വൈകീട്ട് വീടിനു സമീപത്തെ ഓടയുടെ സ്ലാബില്‍ക്കൂടി കൂട്ടുകാരുമൊത്ത് സൈക്കിള്‍ ഉരുട്ടിവരുന്നതിനിടെയാണ് അപകടം.സ്ലാബില്ലാത്ത ഭാഗത്തുവെച്ച് കാല്‍വഴുതി ഓടയില്‍വീണ് ഒഴുകിപ്പോകുകയായിരുന്നു. ഉടന്‍തന്നെ ഓടയിലിറങ്ങി തിരച്ചില്‍ നടത്തിയ നാട്ടുകാര്‍ മൂന്നൂറുമീറ്റര്‍ അകലെ കുട്ടിയെ അബോധാവസ്ഥയില്‍ കണ്ടെത്തി. ഉടന്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല.&nbsp;

ഒഴുക്കില്‍പ്പെട്ട് നാലരവയസ്സുകാരിക്ക് ദാരുണാന്ത്യം; ദുരന്തം ഇന്ന് ആദ്യമായി സ്‌കൂളില്‍ പോകാനിരിക്കെ

Search Results for: manjummal boys