കണ്ണൂർ: കണ്ണൂർ റെയിൽവേ സ്റ്റേഷനിൽ ട്രെയിനിനും പ്ലാറ്റ്‌ഫോമിനും ഇടയിൽപ്പെട്ട് യുവാവിന് ദാരുണാന്ത്യം. കണ്ണൂർ - എറണാകുളം ജംഗ‌്ഷൻ ഇന്റർസിറ്റി എക്‌സ്‌പ്രസിൽ കയറാൻ ശ്രമിക്കുന്നതിനിടെയാണ് അപകടം നടന്നത്. ഗുരുതരമായി പരിക്കേറ്റ യുവാവിനെ ഉടനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.
ട്രെയിൻ നീങ്ങി തുടങ്ങും മുൻപ് തന്നെ ഇദ്ദേഹം പ്ലാറ്റ്ഫോമിൽ നിന്ന് ട്രെയിനിൽ കയറാൻ ശ്രമിച്ചു. എന്നാൽ ഇതിനിടയിൽ കാൽ വഴുതി വീഴുകയായിരുന്നു. ഇദ്ദേഹത്തോടൊപ്പം മറ്റാരും ഉണ്ടായിരുന്നില്ല. ട്രെയിനിന്റെ വേഗത കൂടിയതോടെ ഇയാൾക്ക് രക്ഷപ്പെടാനായില്ല.മറ്റ് യാത്രക്കാരാണ് ഇദ്ദേഹത്തെ ട്രെയിനിനും പ്ലാറ്റ്‌ഫോമിനും ഇടയിൽ നിന്ന് വലിച്ച് പുറത്തെടുത്തത്. പിന്നാലെ ജില്ലാ ആശുപത്രിയിലേക്ക് മാറ്റി. മരിച്ച യുവാവിനെ ഇതുവരെ തിരിച്ചറിഞ്ഞില്ല. അപകടത്തിൽ ഫോൺ തകർന്നുപോവുക കൂടി ചെയ്തതോടെ മരിച്ചതാരാണെന്ന് സ്ഥിരീകരിക്കാൻ മറ്റ് വഴികൾ തേടുകയാണ്.

കണ്ണൂർ റെയിൽവേ സ്റ്റേഷനിൽ ട്രെയിനിനും പ്ലാറ്റ്‌ഫോമിനും ഇടയിൽപ്പെട്ട യുവാവിന് ദാരുണാന്ത്യം

Kerala

വടകര: സതേൺ മോട്ടോർ ആൻഡ് റോഡ് ട്രാൻസ്പോർട്ട് വർക്കേഴ്സ് യൂണിയൻ (ഐഎൻടിയുസി) നേതൃത്വത്തിൽ വടകര റെയിൽവേ സ്റ്റേഷനിൽ ഓട്ടോ പാർക്ക് ചെയ്യുന്നതിനുള്ള യൂസർ ഫീ 2400 രൂപയിൽ നിന്നും ഇളവ് വരുത്തണമെന്ന് ആവശ്യപ്പെട്ട് പാലക്കാട് സീനിയർ ഡിവിഷൻ കൊമേഴ്സൽ മാനേജർക്ക് നിവേദനം നൽകി. ഓട്ടോറിക്ഷകളെ സംബന്ധിച്ച് ഇന്ധന വില വർദ്ധനവും ഇൻഷുറൻസ് പ്രീമിയത്തിന്റെ വർദ്ധനവും തൊഴിൽ ലഭ്യതയുടെ കുറവും തൊഴിലാളികളുടെ ജീവിതത്തെ ഗുരുതരമായി ബാധിച്ചിരിക്കുകയാണ്.&nbsp;
നിലവിലെ സാഹചര്യം മാത്രമല്ല ഓട്ടോറിക്ഷയുടെ ഒരു വർഷത്തെ റോഡ് ടാക്സ് 650 രൂപ മാത്രമാണ് എന്നിരിക്കെ റെയിൽവേ സ്റ്റേഷനുകളിലെ പ്രധാന ട്രെയിൻ സമയങ്ങളിൽ ഏതാനും മണിക്കൂർ മാത്രം പാർക്ക് ചെയ്യുന്നതിന് 2400 രൂപ ഈടാക്കുക എന്നത് വലിയ ചൂഷണമാണ്. ദിവസം 200 രൂപ പോലും വടകരയിലെ ഗതാഗത കുരുക്ക് കാരണം ഓട്ടോറിക്ഷ തൊഴിലാളികൾക്ക് കിട്ടാത്ത സാഹചര്യമാണ്. അതിനാൽ നടപടി പുന പരിശോധിക്കണമെന്ന് സതേൺ മോട്ടോർ ആൻഡ് റോഡ് ട്രാൻസ്പോർട്ട് വർക്കേഴ്സ് യൂണിയൻ (Iഐ എൻ ടി യു സി) ജില്ലാ വൈസ് പ്രസിഡണ്ട് രഞ്ജിത്ത് കണ്ണോത്ത്, വടകര കോൺഗ്രസ് ബ്ലോക്ക് പ്രസിഡണ്ട് സതീശൻ കുരിയടി , നജീബ് കെ.പി എന്നിവർ ആവശ്യപ്പെട്ടു.

വടകര റെയിൽവേ സ്റ്റേഷനിലെ ഓട്ടോറിക്ഷകൾക്കുള്ള യൂസർ ഫീ ഇളവ് വരുത്തുക; ഐ എൻ ടി യു സി

Vadakara

വടകര: ട്രെയിൻ യാത്രാ ദുരിതം പരിഹരിക്കാൻ കേന്ദ്ര സർക്കാർ നടപടി സ്വീകരിക്കുക, വടകര റെയിൽവേ സ്റ്റേഷനിലെ പാർക്കിക്കിംഗ് ഫീസ് വർദ്ധനവ് പിൻവലിക്കുക എന്നീ മുദ്രവാക്യങ്ങൾ ഉയർത്തി ഡിവൈഎഫ്ഐ വടകര ബ്ലോക്ക്‌ കമ്മിറ്റി റെയിൽവേ സ്റ്റേഷൻ മാർച്ചും സായാഹ്ന ധർണയും നടത്തി. വാഹന പാർക്കിങിനായി സജ്ജീകരിച്ച പുതിയ പാർക്കിംഗ് ഏരിയയിൽ വാഹനങ്ങൾ പാർക്ക് ചെയ്യുന്നതിനുള്ള നിരക്ക് ഇരട്ടിയിലേറെയാണ് വർദ്ധിപ്പിച്ചത്. ഇരുചക്ര വാഹനങ്ങൾക്ക് ഉൾപ്പെടെ ഭീമമായ ചാർജ് ഏർപ്പെടുത്തി ജനങ്ങളെ കൊള്ളയടിക്കുകയാണ് റയിൽവെ.&nbsp;
വടകര റെയിൽവേ സ്റ്റേഷനിൽ നിന്നും വിവിധ ഭാഗങ്ങളിലേക്ക് യാത്ര ചെയ്യുന്ന തൊഴിലാളികൾ ഉൾപ്പെടെയുള്ള യാത്രക്കാർക്ക് ചാർജ് വർധന വൻ തിരിച്ചടിയായിട്ടുണ്ട്. എല്ലാ മാനദണ്ഡങ്ങളും ലംഘിച്ച് റെയിൽവേയും കരാറുകാരും ചേർന്ന് യാത്രക്കാരെ കൊള്ളയടിക്കുകയാണ് എന്ന് ഡി വൈ എഫ് ഐ കുറ്റപ്പെടുത്തി. ജില്ലാ സെക്രട്ടറി പി സി ഷൈജു ഉദ്ഘാടനം ചെയ്തു. ബ്ലോക്ക്‌ പ്രസിഡന്റ് ആർ എസ് റിബേഷ് അധ്യക്ഷനായി. ബ്ലോക്ക്‌ സെക്രട്ടറി എം കെ വികേഷ് സ്വാഗതം പറഞ്ഞു.

പാർക്കിംഗ് ഫീസ് വർധന; വടകര റെയിൽവേ സ്റ്റേഷനിലേക്ക് ഡി വൈ എഫ് ഐ മാർച്ച്

വടകര: റെയിൽവേ സ്റ്റേഷനിൽ പുതുതായി സജ്ജീകരിച്ച പാർക്കിംഗ് ഗ്രൗണ്ടിൽ പാർക്കിംഗ് ഫീസ് ഉയർത്തിയത് പ്രതിഷേധാർഹമാണെന്ന് യൂത്ത് കോൺഗ്രസ് വടകര നിയോജക മണ്ഡലം കമ്മിറ്റി ആരോപിച്ചു. ട്രെയിൻ ടിക്കറ്റ് ചാർജിനേക്കാൾ കൂടുതൽ പാർക്കിംഗ് ഫീസ് ആയി കൊടുക്കേണ്ട സാഹചര്യമാണ് നിലവിലുള്ളതെന്ന് യൂത്ത് കോൺഗ്രസ് നിയോജകമണ്ഡലം പ്രസിഡന്റ്‌ സി. നിജിൻ പറഞ്ഞു. കോഴിക്കോട്, തിരൂർ മേഖലകളിൽ ജോലിക്കായി പോകുന്ന ആളുകളാണ് കൂടുതലായും പാർക്കിംഗ് ഏരിയയിൽ വണ്ടികൾ പാർക്ക് ചെയ്യുന്നത്.&nbsp;
വിലങ്ങാട്, തൊട്ടിൽപാലം, മണിയൂർ മേഖലകളിലുള്ള ആളുകളും ആശ്രയിക്കുന്നത് വടകര റെയിൽവേ സ്റ്റേഷനെയാണ്. ഇത്തരത്തിലുള്ള സാധാരണക്കാർക്ക് വലിയ തരത്തിലുള്ള തിരിച്ചടിയാണ് പാർക്കിംഗ് ഫീസ് വർദ്ധനവിലൂടെ റെയിൽവേ നൽകിയിരിക്കുന്നത്. ഒരുമാസം ഭീമമായ തുക പാർക്കിംഗ് ഫീസ് ആയി ആളുകൾ നൽകേണ്ട സാഹചര്യം പിൻവലിച്ചില്ലെങ്കിൽ അതിശക്തമായ സമരവുമായി മുന്നോട്ടു പോകുമെന്ന് യൂത്ത് കോൺഗ്രസ് നിയോജകമണ്ഡലം കമ്മിറ്റി അറിയിച്ചു.

വടകര റെയിൽവേ സ്റ്റേഷനിലെ പാർക്കിംഗ് ഫീ വർദ്ധന പിൻവലിക്കണം: യൂത്ത് കോൺഗ്രസ്സ്

വടകര : വടകര റെയിൽവേ സ്റ്റേഷൻ പാർക്കിംഗ് ഫീസ് കുത്തനെ വർദ്ധിപ്പിച്ചത് പ്രതിഷേധാർഹമാണെന്ന് എസ്ഡിപിഐ വടകര മണ്ഡലം കമ്മിറ്റി. വിദ്യാർത്ഥികളും തൊഴിലാളികളും ഉൾപ്പെടെയുള്ളവരെ കൊള്ളയടിക്കാൻ കരാർ കമ്പനിക്ക് അവസരം ഒരുക്കുകയാണ് ഫീസ് നിരക്ക് വർദ്ധനവിലൂടെ അധികാരികൾ ചെയ്തിരിക്കുന്നത്. മിക്ക വാഹനങ്ങൾക്കും 100% ത്തോളം വർദ്ധനവ് ഇപ്പോൾ ഉണ്ടായിട്ടുണ്ട്. ജനങ്ങളുടെ ജീവിത ചെലവ് ദിനംപ്രതി വർദ്ധിച്ചുകൊണ്ടിരിക്കുന്ന സാഹചര്യത്തിൽ ജനപക്ഷത്തു നിൽക്കേണ്ട സർക്കാറുകൾ കോർപ്പറേറ്റ് പക്ഷത്തു നിൽക്കുന്നതിന്റെ ഉദാഹരണമാണ് വടകരയിൽ പാർക്കിംഗ് ഫീസ് നിരക്ക് വർദ്ധനവ്.&nbsp;
ഇതിനെതിരെ എസ്ഡിപിഐ വടകര മണ്ഡലം കമ്മിറ്റിയുടെ നേതൃത്വത്തിൽ ഇന്ന് (21 ന് ശനിയാഴ്ച) വൈകിട്ട് അഞ്ചുമണിക്ക് വടകര റെയിൽവേ സ്റ്റേഷന് മുമ്പിൽ പ്രതിഷേധ ധർണ സംഘടിപ്പിക്കും. എസ്ഡിപിഐ ജില്ലാ ജനറൽ സെക്രട്ടറി അബ്ദുൽ റഷീദ് ഉമരി സമരം ഉദ്ഘാടനം ചെയ്യും. വടകര മണ്ഡലം പ്രസിഡണ്ട് ഷംസീർ ചോമ്പാല അധ്യക്ഷത വഹിച്ച യോഗത്തിൽ ബഷീർ കെ കെ സജീർ വള്ളിക്കാട്, റൗഫ് ചോറോട്, സിദ്ദീഖ് പുത്തൂർ, ഫിയാസ് പുതുപ്പണം, അസീസ് വെള്ളോളി എന്നിവർ പങ്കെടുത്തു.

വടകര റെയിൽവേ സ്റ്റേഷനിലെ പാർക്കിംഗ് ഫീസ് വർധന; പ്രതിഷേധവുമായി എസ് ഡി പി ഐ

വടകര: കാർട്ട് ഫീ അടയ്ക്കാത്തതിന് റെയിൽവേ സ്റ്റേഷൻ കേന്ദ്രീകരിച്ച് സർവീസ് നടത്തുന്ന ഓട്ടോറിക്ഷകൾക്ക് പിഴ ചുമത്തിയതിൽ പ്രതിഷേധം. കഴിഞ്ഞ ദിവസമാണ് റെയിൽവേ ഉദ്യോഗസ്ഥരും ആർ പി എഫ് ഉം ചേർന്ന് ഓട്ടോറിക്ഷകൾക്ക് പിഴ ചുമത്തിയത്. ഇതിൽ പ്രതിഷേധിച്ച് തൊഴിലാളികൾ രാവിലെ പണിമുടക്ക് നടത്തി. തുടർന്ന് പോലീസ് ഇടപെട്ട് പണിമുടക്ക് അവസാനിപ്പിച്ച് സർവീസ് നടത്താൻ നിർദേശിക്കുകയായിരുന്നു. 300 രൂപയുണ്ടായിരുന്ന കാർട്ട് ഫീ കുത്തനെ ഉയർത്തി 600 രൂപ ആക്കിയത് അംഗീകരിക്കാൻ കഴിയില്ലെന്നും ഇതിനാലാണ് ഫീസ് അടയ്ക്കാത്തതെന്നും തൊഴിലാളികൾ പറയുന്നു. വിഷയവുമായി ബന്ധപ്പെട്ട് അടുത്ത ദിവസം രാവിലെ ചർച്ച നടത്താമെന്ന് വടകര സി ഐ ഉറപ്പ് നൽകിയെന്നും ചർച്ചയ്ക്ക് ശേഷം ബാക്കി കാര്യങ്ങൾ ആലോചിക്കുമെന്നും തൊഴിലാളികൾ പറഞ്ഞു

വടകര റെയിൽവേ സ്റ്റേഷനിലെ ഓട്ടോറിക്ഷകൾക്ക് പിഴ ചുമത്തി ഉദ്യോഗസ്ഥർ; പണിമുടക്കി പ്രതിഷേധിച്ച് തൊഴിലാളികൾ

കൊച്ചി: പെരിയ കേസ് പ്രതികളുടെ രക്ഷാധികാരി മുഖ്യമന്ത്രി പിണറായി വിജയനാണെന്ന് ഷാഫി പറമ്പിൽ എം.പി. പ്രതികളെ രക്ഷിക്കാൻ അന്നത്തെ അന്വേഷണം സംഘം ശ്രമിച്ചുവെന്നും ഷാഫി പറമ്പിൽ ആരോപിച്ചു. സർക്കാർ ഖജനാവിൽ നിന്നും പ്രതികൾക്ക് വേണ്ടി പണം ഒഴുകിയെന്നും അദ്ദേഹം കൂട്ടിച്ചേർത്തു.
പത്ത് പ്രതികളെ വെറുതെ വിട്ടതിനെതിരെ അപ്പീൽ പോകുമെന്ന് രാജ്മോഹൻ ഉണ്ണിത്താൻ എം.പിയും വ്യക്തമാക്കി. സി.പി.എം നേതൃത്വത്തിന്റെ അറിവോടെയുള്ള ഉന്നത ഗൂഢാലോചനയാണ് സംഭവമെന്ന് തെളിഞ്ഞെന്നും അദ്ദേഹം പറഞ്ഞു. കൊലപാതകികളെ സംരക്ഷിക്കുന്ന പിണറായി വിജയന്റെ രാഷ്ട്രീയത്തെ കൂടിയാണ് കോടതി വിധിയിലൂടെ ശിക്ഷിക്കുന്നതെന്ന് രാഹുൽ മാങ്കൂട്ടത്തിൽ എം.എൽ.എ പറഞ്ഞു. കോടതി വെറുതെവിട്ടവര്‍ക്കും ശിക്ഷ ലഭിക്കാനുള്ള നിയമപോരാട്ടവുമായി കോണ്‍ഗ്രസ് മുന്നോട്ട് പോകും.
കൊലപാതകത്തില്‍ പങ്കില്ലെന്നായിരുന്നു തുടക്കത്തിലേ സി.പി.എമ്മിന്റെ നിലപാട്. ഒരു മുന്‍ എം.എല്‍.എയും സി.പി.എമ്മിന്റെ ജില്ലാ സെക്രട്ടേറിയറ്റ് അംഗവും ഡി.ഐ.എഫ്.ഐ മുന്‍ ജില്ലാ പ്രസിഡന്റും ഉള്‍പ്പെടെ ശിക്ഷിക്കപ്പെടുമ്പോള്‍ ഇത് ഞങ്ങള്‍ ചെയ്തതാണെന്ന് സമ്മതിക്കാനുള്ള ബാധ്യത സി.പി.എമ്മിനുണ്ടെന്നും അദ്ദേഹം കൂട്ടിച്ചേർത്തു.
പെരിയ ഇരട്ടക്കൊല കേസിൽ 14 പ്രതികൾ കുറ്റക്കാരെന്ന് കോടതി. ഒന്നു മുതൽ എട്ടുവരെ പ്രതികൾക്കെതിരെ കൊലക്കുറ്റം തെളിഞ്ഞിരിക്കുന്നുവെന്ന് പറഞ്ഞ കോടതി, പത്ത് പ്രതികളെ വെറുതെവിടുകയും ചെയ്തു. എറണാകുളം സി.ബി.ഐ​ കോടതിയാണ് വിധി പ്രഖ്യാപിച്ചത്. ഉദുമ മുൻ എം.എൽ.എയും സി.​പി.​എം ജി​ല്ല സെ​ക്ര​ട്ടേ​റി​യ​റ്റം​ഗ​വുമായ കെ.വി. കുഞ്ഞിരാമൻ, സി.പി.എം മുൻ ലോക്കൽ സെക്രട്ടറി രാഘവൻ വെളുത്തോളിയടക്കം കുറ്റക്കാരാണെന്ന് കോടതി കണ്ടെത്തി. പ്രതികൾക്കുള്ള ശിക്ഷ ജനുവരി മൂന്നിന് പ്രഖ്യാപിക്കുമെന്നും കോടതി ഉത്തരവിട്ടു.

മുഖ്യമന്ത്രി രക്ഷാധികാരി; പ്രതികളെ രക്ഷിക്കാൻ അന്നത്തെ അന്വേഷണം സംഘം ശ്രമിച്ചുവെന്നും ഷാഫി പറമ്പിൽ

ശ്രീനഗര്‍: കടുത്ത മഞ്ഞു വീഴ്ചയെ തുടര്‍ന്ന് ശ്രീനഗര്‍ വിമാനത്താവളത്തില്‍ നിന്നുള്ള എല്ലാ വിമാന സര്‍വ്വീസുകളും റദ്ദാക്കി. ശ്രീനഗര്‍-ജമ്മു ദേശീയ പാതയും മുഗൾ റോഡും മഞ്ഞു വീഴ്ചയെ തുടര്‍ന്ന് അടച്ചിരുന്നു. ബാനിഹല്‍- ബാരാമുള്ള ഭാഗത്ത് ട്രെയിന്‍ സര്‍വ്വീസുകളും നിര്‍ത്തിവെച്ചു.
ഈ ശൈത്യകാലത്തെ ആദ്യ മഞ്ഞുവീഴ്ച വെള്ളിയാഴ്ചയാണുണ്ടായത്. കടുത്ത മഞ്ഞുവീഴ്ചയെ തുടര്‍ന്ന് ദേശീയ പാതയിലെ 2000 വാഹനങ്ങള്‍ ഗതാഗതക്കുരുക്കില്‍പെട്ടിരുന്നു. മഞ്ഞ് മാറ്റാനുള്ള ശ്രമങ്ങള്‍ തുടരുകയാണെന്നും മഞ്ഞില്‍ മൂടിയ വാഹനങ്ങള്‍ പുറത്തെത്തിക്കാന്‍ ശ്രമിക്കുകയാണെന്നും അധികൃതര്‍ അറിയിച്ചു.ശനിയാഴ്ച വൈകിട്ട് നാലുമണി മുതലുള്ള വിമാന സര്‍വ്വീസുകള്‍ റദ്ദാക്കിയതായി ഇന്‍ഡിഗോ എയര്‍ലൈന്‍സ് ഉള്‍പ്പടെയുളള വിമാന കമ്പനികള്‍ അറിയിച്ചു.

മഞ്ഞു വീഴ്ച ;ശ്രീനഗറിൽ നിന്നുള്ള വിമാനങ്ങൾ റദ്ദാക്കി

National

വടകര: കാസർകോട് പെരിയയിൽ യൂത്ത് കോൺഗ്രസ് പ്രവർത്തകരായ ശരത് ലാലും കൃപേഷും കൊല്ലപ്പെട്ട കേസിലെ കോടതി വിധിയിൽ പ്രതികരണവുമായി ആർ എം പി ഐ നേതാവ് കെ കെ രമ എം എൽ എ. സിപിഎമ്മിന്റെ എല്ലാ വാദങ്ങളും കള്ളമെന്ന് ഇതോടെ തെളിയിക്കപ്പെട്ടിരിക്കുകയാണെന്ന് അവർ പറഞ്ഞു.
എം എൽ എ യുടെ കുറിപ്പ് 
പെരിയ ഇരട്ടക്കൊലക്കേസ് കോടതിവിധി: സി.പി.എം മസ്‌തിഷ്കത്തിനു വീണ്ടുമേറ്റ കനത്ത പ്രഹരം. ഭരണകൂട ഭീകരതയ്ക്കെതിരായ ജനാധിപത്യത്തിന്റെ വിജയം. സർക്കാർ രാജിവെച്ച് ജനവിധി തേടണം. കാസർകോട് പെരിയയിൽ യൂത്ത് കോൺഗ്രസ് പ്രവർത്തകരായ ശരത് ലാലും കൃപേഷും കൊല്ലപ്പെട്ട കേസിൽ ഉദുമ മുൻ എം.എൽ.എ. കെ.വി. കുഞ്ഞിരാമനും മുൻ ലോക്കൽ സെക്രട്ടറി രാഘവൻ വെളുത്തോളിയുമടക്കമുള്ളവർ കുറ്റക്കാരാണെന്ന് കോടതി കണ്ടെത്തിയിരിക്കുകയാണ്. സിപിഎമ്മിന്റെ എല്ലാ വാദങ്ങളും കള്ളമെന്ന് ഇതോടെ തെളിയിക്കപ്പെട്ടിരിക്കുന്നു.
ഇതൊരു സാധാരണ കേസ് ആയിരുന്നില്ല. ഭരണം ഉണ്ടെന്ന ഹുങ്കുകൊണ്ട് ആസൂത്രണം ചെയ്തു നടപ്പാക്കിയ കൊലപാതകമാണ്. എല്ലാ കൊലക്കേസുകളിലും സർക്കാരാണ് വാദി. കൊല്ലപ്പെട്ടവരുടെ കുടുംബത്തിന് സമാശ്വാസവും കരുത്തും പകരേണ്ടതും അവർക്കുവേണ്ടി നിയമ യുദ്ധം നടത്താനുമുള്ള ബാധ്യത സർക്കാരിലുണ്ട്. എന്നാൽ എൽഡിഎഫ് സർക്കാർ അത് നിർവഹിച്ചില്ല എന്ന് മാത്രമല്ല, സിബിഐ അന്വേഷണം നടത്തണമെന്ന കുടുംബത്തിന്റെ ആവശ്യം സുപ്രീംകോടതി വരെ ചോദ്യം ചെയ്തതും അതിനുവേണ്ടി പൊതു ഖജനാവിൽ നിന്ന് കോടികൾ മുടക്കിയ നിയമ യുദ്ധത്തിലേക്ക് കുടുംബത്തെ തള്ളി വിട്ടതും സർക്കാരാണ്. അങ്ങനെ സർക്കാരിന് കൂടി പരോക്ഷ പങ്കാളിത്തമുള്ള കുറ്റകൃത്യമായി മാറി ഈ ദാരുണസംഭവം. അതുകൊണ്ടുതന്നെ ഈ കോടതി വിധി വാസ്തവത്തിൽ സർക്കാരിനെതിരായ കോടതി വിധി കൂടിയാണ്. സംരക്ഷണം നൽകേണ്ട പൗരന്മാരെ തന്നെ ഇല്ലായ്മ ചെയ്യുന്ന ഭരണകൂട ഭീകരതക്കെതിരായ ജനാധിപത്യത്തിന്റെ വിജയമാണ് ഈ കോടതിവിധി. ഭരണഘടന മൂല്യങ്ങളോട് എന്തെങ്കിലും ധാർമിക ബാധ്യതയുണ്ടെങ്കിൽ സർക്കാർ രാജിവച്ചൊഴിഞ്ഞു ജനവിധി തേടണം.&nbsp;
രാഷ്ട്രീയ വിയോജിപ്പുകളെ വെട്ടിയരിഞ്ഞും കൊലപ്പെടുത്തിയും ഇല്ലാതാക്കാമെന്ന വ്യാമോഹങ്ങൾക്കെതിരായ ജനാധിപത്യബോധത്തിലേക്ക് സംഘടിത പ്രസ്ഥാനങ്ങളെ നയിക്കാൻ ഈ കോടതി വിധി ഒരു പ്രേരണശക്തിയാവട്ടെ.&nbsp;
അകാലത്തിൽ പൊലിഞ്ഞ, ഇനിയുമേറെക്കാലം നാടിന് നന്മകൾ പകർന്നു ജീവിക്കേണ്ടിയിരുന്ന ശരത്ത് ലാലിനും കൃപേഷിനും ഒരിക്കൽക്കൂടി ഹൃദയാഞ്ജലികൾ..

പെരിയ ഇരട്ടക്കൊലക്കേസ്; കോടതിവിധി സി.പി.എം മസ്‌തിഷ്കത്തിന് വീണ്ടുമേറ്റ കനത്ത പ്രഹരമെന്ന് കെ കെ രമ എം എൽ എ

ന്യൂഡൽഹി: മുൻ പ്രധാനമന്ത്രി മൻമോഹൻ സിംഗിന് വിട നൽകി രാജ്യം. ഔദ്യോഗിക ബഹുമതിയോടെയാണ് മൃതദേഹം സംസ്‌കരിച്ചത്. 12.45ഓടെ നിഗംബോധ് ഘട്ടിലായിരുന്നു സംസ്‌കാരം. വിവിധ രാഷ്‌ട്രീയ നേതാക്കൾ ചടങ്ങിൽ പങ്കെടുത്തു.
പ്രസിഡന്റ് ദ്രൗപതി മുർമു, ഉപരാഷ്‌ട്രപതി ജഗ്‌ദീപ് ധൻകർ, പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തര മന്ത്രി അമിത് ഷാ, ബിജെപി അദ്ധ്യക്ഷൻ ജെപി നദ്ദ, പ്രതിരോധ മന്ത്രി രാജ്‌നാഥ് സിംഗ് എന്നിവരും. സോണിയാ ഗാന്ധി, മല്ലികാര്‍ജുന്‍ ഖാര്‍ഗെ, രാഹുല്‍ ഗാന്ധി, പ്രിയങ്ക ഗാന്ധി, കെസി വേണുഗോപാല്‍ എംപി അടക്കമുള്ള കോൺഗ്രസ് നേതാക്കളും സംസ്‌കാര ചടങ്ങിൽ പങ്കെടുത്തു. കൂടാതെ ഭൂട്ടാനിലെ രാജാവ് ജിഗ്മേ ഖേസർ നാംഗ്യേൽ വാങ്‌ചുക്കും മൗറീഷ്യസിലെ വിദേശകാര്യ മന്ത്രിയും വിദശത്ത് നിന്നും ചടങ്ങിൽ പങ്കെടുക്കാനെത്തിയിരുന്നു.

യമുനാതീരത്ത് മൻമോഹൻ സിംഗിന് അന്ത്യനിദ്ര; സംസ്‌കാര ചടങ്ങുകൾ ഔദ്യോഗിക ബഹുമതിയോടെ

സംസ്ഥാനത്ത് സ്വര്‍ണ വിലയില്‍ നേരിയ കുറവ്. പവന് 120 രൂപ കുറഞ്ഞ് 57,080 രൂപയായി. 57,200 രൂപയായിരുന്നു കഴിഞ്ഞ ദിവസം പവന്റെ വില. ഗ്രാമിനാകട്ടെ 15 രൂപ കുറഞ്ഞ് 7,135 രൂപയുമായി.
രാജ്യത്തെ കമ്മോഡിറ്റി എക്സ്ചേഞ്ച് ആയ എംസിഎക്‌സില്‍ 10 ഗ്രാം 24 കാരറ്റ് സ്വര്‍ണ വില 76,536 രൂപയാണ്. അന്താരാഷ്ട്ര വിപണിയില്‍ സ്പോട് ഗോള്‍ഡിന് ട്രോയ് ഔണ്‍സിനു 2,622.18 ഡോളര്‍ നിലവാരത്തിലുമാണ് വ്യാപാരം നടക്കുന്നത്.

സ്വര്‍ണത്തിന് 120 രൂപ കുറഞ്ഞ് പവന് 57,080 രൂപയായി

Search Results for: vandiperiyar