പത്തനംതിട്ട: അമ്മയെ കൊലപ്പെടുത്തിയ കേസിൽ ജയിൽ ശിക്ഷ അനുഭവിക്കുന്ന പ്രതി, പരോളിലിറങ്ങി സഹോദരനെ ഉലക്കയ്ക്ക് അടിച്ചുകൊന്നു. അടൂർ പന്നിവിഴ കോട്ടപ്പുറം മറ്റത്തിൽ പുത്തൻവീട്ടിൽ സതീഷ് കുമാറിനെ (61)യാണ് സഹോദരൻ മോഹനൻ ഉണ്ണിത്താൻ (68) കൊലപ്പെടുത്തിയത്. ശനിയാഴ്ച വൈകീട്ട് അഞ്ചരയോടെ കുടുംബവീട്ടിലായിരുന്നു സംഭവം.
മാതാവിനെ കൊലപ്പെടുത്തിയ കേസിൽ ശിക്ഷിക്കപ്പെട്ട് 17 വർഷമായി ജയിലിൽ കഴിയുകയായിരുന്നു ഇയാൾ.ജൂൺ 13-നാണ് മോഹനൻ ഉണ്ണിത്താൻ പരോളിൽ ഇറങ്ങിയത്.

അമ്മയെ കൊന്നയാൾ പരോളിലിറങ്ങി സഹോദരനെ ഉലക്കയ്ക്ക് അടിച്ചുകൊന്നു

Kerala

അമ്മയെ കൊന്നയാൾ പരോളിലിറങ്ങി സഹോദരനെ അടിച്ചുകൊന്നു

തിരുവനന്തപുരം : സി.പി.എമ്മിനെതിരെ രൂക്ഷ വിമർശനവുമായി സി.പി.ഐ. കണ്ണൂരിൽ നിന്ന് കേൾക്കുന്ന വാർത്തകൾ ചെങ്കൊടിക്ക് അപമാനമാണെന്ന് സംസ്ഥാന സെക്രട്ടറി ബിനോയ് വിശ്വം പറഞ്ഞു. കയ്യൂരിന്റെയും കരിവള്ളൂരിന്റെയും തില്ലങ്കേരിയുടെയും പാരമ്പര്യമുള്ള മണ്ണാണ് കണ്ണൂരിലേത്. അവിടെ നിന്ന് കേൾക്കുന്ന വാർത്തകൾ കമ്മ്യൂണിസ്റ്റ് പ്രസ്ഥാനത്തിന്റെ ബന്ധുക്കളെ ആകെ വേദനിപ്പിക്കുന്നതാണെന്ന് ബിനോയ് വിശ്വം പ്രസ്താവനയിൽ വ്യക്തമാക്കി.&nbsp;
അധോലോകത്തെ പിൻപറ്റുന്നവർ ഇടതുപക്ഷത്തിന്റെ ഒറ്റുകാരാണ്,​ തിരഞ്ഞെടുപ്പിൽ ഇടതുപക്ഷത്തിനേറ്റ തിരിച്ചടിക്ക് ഇത്തരക്കാരും കാരണമായെന്ന് ബിനോയ് വിശ്വം ആരോപിച്ചു.സമൂഹമാധ്യമങ്ങളിൽ ഇടതുപക്ഷത്തിന്റെ രക്ഷകവേഷം കെട്ടുന്നവർ അധോലോകത്തിന്റെ കാര്യസ്ഥരാണെന്ന അറിവ് ഇടതുപക്ഷത്തിന്റെ ബന്ധുക്കൾക്ക് പൊറുക്കാവുന്നതല്ല. പ്രസ്ഥാനത്തിനേറ്റ തിരിച്ചടികളിൽ ഇവരുടെ പങ്കും ചെറുതല്ല. അവരിൽ നിന്ന് ബോധപൂർവ്വം അകൽച്ച പാലിച്ചു കൊണ്ടേ ഇടതുപക്ഷത്തിന് ജനവിശ്വാസം വീണ്ടെടുത്ത് മുന്നേറാനാകൂ. ചീത്തപ്പണത്തിന്റെ ആജ്ഞാനുവ‌ർത്തികളായി മാറി അധോലോകത്തെ പിൻപറ്റുന്നവർ ഇടതുപക്ഷത്തെ ഒറ്റുകൊടുക്കുന്നവരാണ് . അവർക്ക് മാപ്പില്ലായെന്ന് പ്രഖ്യാപിക്കാനുള്ള സമയം അതിക്രമിച്ചിരിക്കുന്നുവെന്നും അദ്ദേഹം കൂട്ടിച്ചേർത്തു.

കണ്ണൂരിൽ നിന്ന് കേൾക്കുന്ന വാർത്തകൾ ചെങ്കൊടിക്ക് അപമാനം ;വിമർശനവുമായി ബിനോയ് വിശ്വം

കണ്ണൂർ: ജില്ലാ സെക്രട്ടേറിയറ്റിൽ പി. ജയരാജന് വിമർശനം. മനു തോമസ് വിഷയത്തിൽ പി. ജയരാജന്റെ ഫേസ്ബുക്ക് പോസ്റ്റ് പ്രശ്നം വഷളാക്കിയെന്നാണ് സെക്രട്ടേറിയറ്റിൽ വിമർശനമുയർന്നത്.
ജില്ലാ സെക്രട്ടറി മാധ്യമങ്ങളോട് വിശദീകരിച്ച് അവസാനിപ്പിച്ച വിഷയം വീണ്ടും ഉയർത്തിക്കൊണ്ടുവന്നത് പി. ജയരാജനാണെന്നും അദ്ദേഹം ഇട്ട ഫേസ്ബുക്ക് പോസ്റ്റിലൂടെ പ്രശ്നം കൂടുതൽ വഷളായെന്നും വിമർശനമുണ്ടായി. ആകാശ് തില്ലങ്കേരി, അർജുൻ ആയങ്കി അടക്കമുള്ള ക്വട്ടേഷൻ സംഘങ്ങൾ പാർട്ടിക്കുവേണ്ടി വാദിക്കാൻ ഇടയാക്കിയത് പി. ജയരാജന്റെ ഫേസ്ബുക്ക് പോസ്റ്റ് ആണെന്നും സെക്രട്ടേറിയറ്റിൽ വിമർശനമുയർന്നു.
സി.പി.എമ്മില്‍നിന്ന് പുറത്തുപോയതിനെ തുടര്‍ന്നാണ് മുന്‍ കണ്ണൂര്‍ ജില്ലാ കമ്മിറ്റി അംഗം മനു തോമസ് കണ്ണൂരിലെ ചില സി.പി.എം. നേതാക്കള്‍ക്ക് ക്വട്ടേഷന്‍ സംഘങ്ങള്‍ക്ക് ബന്ധമുണ്ടെന്ന ആരോപണം ഉന്നയിച്ചത്. പി. ജയരാജന്‍ ഇതിൽ പ്രതികരിച്ച് ഫേയ്‌സ്ബുക്ക് പോസ്റ്റ് ഇട്ടതിനെ തുടര്‍ന്ന് വിഷയം വലിയ ചര്‍ച്ചയാകുകയായിരുന്നു.
പാര്‍ട്ടിയെ പലവട്ടം ഇതുപോലെ പ്രതിസന്ധിയിലാക്കിയ ആളാണ് പി. ജയരാജനെന്ന് മനു തോമസ് പറഞ്ഞിരുന്നു. ക്വാറി മുതലാളിക്കുവേണ്ടി മലയോരത്ത് പാര്‍ട്ടി ഏരിയാ സെക്രട്ടറിമാരെവരെ സൃഷ്ടിക്കാന്‍ കഴിയുന്ന താങ്കളുടെ പാടവവും വിദേശത്തും സ്വദേശത്തും മകനെയും ക്വട്ടേഷന്‍കാരെയും ഉപയോഗിച്ച് കെട്ടിപ്പൊക്കിയ 'കോപ്പി' കച്ചവടങ്ങളും എല്ലാം നമുക്ക് പറയാമെന്നും മനു തോമസ് ഫേയ്സ്ബുക്ക് കുറിപ്പിലൂടെ പറഞ്ഞിരുന്നു.

'ഫേസ്ബുക്ക് പോസ്റ്റിലൂടെ പ്രശ്നം വഷളാക്കി'; കണ്ണൂർ ജില്ലാ സെക്രട്ടേറിയറ്റിൽ പി. ജയരാജന് വിമർശനം

പതിവായി ചോറും കറികളും കഴിച്ച് മടുത്തെങ്കില്‍ എളുപ്പത്തിലൊരു വിഭവം തയ്യാറാക്കാം. തക്കാളി ചോറ് വളരെ രുചിയേറുന്ന ഒരു വിഭവമാണ്.എളുപ്പത്തില്‍ ലഭ്യമായ ചേരുവകള്‍ കൊണ്ട് കുറഞ്ഞ സമയത്തില്‍ ഇതുണ്ടാക്കിയെടുക്കാം. ലഞ്ച് ബോക്‌സില്‍ കുട്ടികള്‍ക്ക് കൊടുത്തുവിടാനും ഇത് നല്ലൊരു വിഭവമാണ്.
ചേരുവകള്‍
ബസ്മതി റൈസ്- രണ്ടു ഗ്ലാസ്
സവാള-രണ്ട്
പച്ചമുളക് -4
തക്കാളി -4
മല്ലിയില -ആവശ്യത്തിന്
കറവപട്ടയും ഗ്രാമ്പൂവും- 1 ടീസ്പൂണ്‍
ഗരം മസാല- അര ടീസ്പൂണ്‍
ഇഞ്ചി വെളുത്തുള്ളി പേസ്റ്റ് - 2 ടീസ്പൂണ്‍
സണ്‍ ഫ്‌ളവര്‍ ഓയില്‍- 2 ടേബിള്‍ സ്പൂണ്‍
മഞ്ഞള്‍പ്പൊടി- 1 ടീസ്പൂണ്‍
ഉപ്പ് -ആവശ്യത്തിന്
കറി വേപ്പില- 2 തണ്ട്
തയ്യാറാക്കേണ്ട രീതി
ആദ്യം നാലു ഗ്ലാസ് വെള്ളത്തില്‍ അരി ഉപ്പ് ചേര്‍ത്ത് പാകത്തിന് വേവിച്ചെടുക്കുക.ചോറ് കോരി മാറ്റി വെക്കുക. ശേഷം ഒരു പാനില്‍ എണ്ണ ചൂടാക്കി കൊത്തിയരിഞ്ഞ സാവാളയും പച്ചമുളകും വഴറ്റിയെടുക്കണം.കറവപട്ടയും ഗ്രാമ്പൂവും ചേര്‍ത്ത് കൊടുക്കാം. ഇതിലേക്ക് തക്കാളി ചെറുതായി അരിഞ്ഞത് ചേര്‍ത്ത് നല്ലതുപോലെ വഴറ്റിയെടുക്കാം. ഇഞ്ചി വെളുത്തുള്ളി പേസ്റ്റ് ചേർത്ത് വഴറ്റുക.കൂടെ കറിവേപ്പിലയും ചേര്‍ക്കാം. ഇതിലേയ്ക്ക് മഞ്ഞള്‍പ്പൊടിയും ഗരംമസാലപ്പൊടിയും ചേര്‍ത്ത് നന്നായി ഇളക്കുക. ഇവയെല്ലാം നല്ലതുപോലെ വഴറ്റി എണ്ണ തെളിഞ്ഞുവരുമ്പോള്‍ മല്ലിയില ചേര്‍ത്തുകൊടുക്കണം. തീയണശേഷം ചോറ് ഇതിലേയ്ക്ക് ചേര്‍ത്ത് ഇളക്കിയെടുക്കാം.

കുട്ടികൾക്ക് ലഞ്ച് ബോക്‌സില്‍ കൊടുത്തുവിടാനായി രുചികരമായ തക്കാളി ചോറ് ഉണ്ടാക്കാം

Health

ലണ്ടൻ: ബ്രിട്ടനിലെ തിരഞ്ഞെടുപ്പിൽ ലണ്ടനിലെ സൗത്ഗേറ്റ് ആൻഡ് വുഡ് ഗ്രീൻ നിയോജക മണ്ഡലത്തിൽ ഋഷി സുനകിന്റെ കൺസർവേറ്റീവ് പാർട്ടിക്ക് വേണ്ടി മത്സരിക്കുന്നത് മലയാളിയായ എറിക് സുകുമാരനാണ്. ആറ്റിങ്ങൽ സ്വദേശി ജോണി സുകുമാരന്റെയും വർക്കല സ്വദേശി അനിത സുകുമാരന്റെയും മകനാണ് എറിക്.ബ്രിട്ടനിലെ ഓക്സ്ഫോഡ് യൂണിവേഴ്‌സിറ്റി, അമേരിക്കയിലെ പെൻസിൽവേനിയ യൂണിവേഴ്‌സിറ്റി എന്നിവിടങ്ങളിൽ പഠനം കഴിഞ്ഞു വേൾഡ് ബാങ്കിന് വേണ്ടി ആഫ്രിക്കയിലും, റിന്യൂവബിൾ എനർജി ഡെവലപ്മെന്റ് ഏരിയയിൽ സ്വകാര്യ മേഖലയിലും ജോലിയും ബിസിനസും ചെയ്യുന്നു.&nbsp;
സോജൻ ജോസഫ് ആഷ്ഫോഡ് , കെന്റിൽ ലേബർ പാർട്ടി സ്ഥാനാർഥിയായി തിരഞ്ഞെടുപ്പിൽ നിൽക്കുന്നു. നാഷണൽ ഹെൽത്ത് സർവ്വീസിൽ 22 വർഷമായി ഹെഡ് ഓഫ് നഴ്സിംഗ്, ക്വാളിറ്റി ആൻഡ് പേഷ്യന്റ് സേഫ്റ്റി ആയി സേവനമനുഷ്ഠിക്കുന്ന സോജൻ മൂന്ന് കുട്ടികളും ഭാര്യയുമായി ആഷ്ഫോഡിൽ തന്നെയാണ് താമസം.ജൂലൈ നാലിനാണ് തിരഞ്ഞെടുപ്പ്.&nbsp;&nbsp;

ബ്രിട്ടീഷ് പാർലമെന്റ് തിരഞ്ഞെടുപ്പിൽ രണ്ട് മലയാളികൾ സ്ഥാനാർത്ഥികൾ

ആലപ്പുഴ: കമ്മ്യൂണിസ്റ്റ് പാർട്ടിയെ ഒരുപാട് സഹായിച്ച വ്യക്തിയാണ് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശനെന്ന് സിപിഎം നേതാവ് ജി സുധാകരൻ.&nbsp;
"അമ്പത് വർഷമായി വെള്ളാപ്പള്ളിയെ എനിക്ക് നേരിട്ടറിയാം. അഭിപ്രായങ്ങൾ തുറന്നു പറയുന്ന ആളാണദ്ദേഹം. ആരോടും, ഒന്നും അദ്ദേഹത്തിന് ചോദിക്കേണ്ട ആവശ്യമില്ല. സിപിഎമ്മിനും കമ്മ്യൂണിസ്റ്റ് പാർട്ടിക്കുമൊക്കെ ബുദ്ധിമുട്ടുണ്ടാകുന്ന കാര്യങ്ങൾ അദ്ദേഹം പറയാറുണ്ട്. അദ്ദേഹം ഏറ്റവും കൂടുതൽ വിമർശിക്കുന്നത് കോൺഗ്രസ് പാർട്ടിയെ ആണ്. കമ്മ്യൂണിസ്റ്റ് പാർട്ടിയെടുത്ത നിലപാടുകളിലെ ശുദ്ധതയെപ്പറ്റി അദ്ദേഹത്തിന് സംശയമുണ്ടെങ്കിൽ അദ്ദേഹത്തോട് സംസാരിച്ച് തീർക്കാവുന്നതേ ഉള്ളൂ"- സുധാകരൻ പറഞ്ഞു.
&nbsp;ആലപ്പുഴ ജില്ലാ സെക്രട്ടറിയേറ്റ് യോഗത്തിൽ കഴിഞ്ഞ ദിവസം പി ചിത്തരഞ്ജനും എച്ച്.സലാമും വെള്ളാപ്പള്ളിയെ പിന്തുണച്ചിരുന്നു. ഇതിന് പിന്നാലെയാണിപ്പോൾ ജി.സുധാരനും വെള്ളാപ്പള്ളിക്ക് പിന്തുണ നൽകി രംഗത്തെത്തിയിരിക്കുന്നത്. വെള്ളാപ്പള്ളിക്കെതിരെ സിപിഎം സ്വീകരിച്ച നിലപാടിന് വിരുദ്ധമായാണിപ്പോൾ ഇദ്ദേഹത്തെ പിന്തുണച്ചുള്ള നേതാക്കളുടെ പ്രസ്താവന.

കമ്മ്യൂണിസ്റ്റ് പാർട്ടിയെ ഒരുപാട് സഹായിച്ച വ്യക്തി ;വെള്ളാപ്പള്ളിയെ പിന്തുണച്ച് ജി.സുധാകരൻ

തിരുവനന്തപുരം: ചെമ്പഴന്തി അഗ്രികള്‍ച്ചറല്‍ ഇംപ്രൂവ്‌മെന്റ് സഹകരണ സംഘത്തിന് മുന്നില്‍ മൃതദേഹവുമായി ബി.ജെ.പിയുടെ നേതൃത്വത്തില്‍ പ്രതിഷേധം. സഹകരണ സംഘം പ്രസിഡന്റിന്റെ പേരെഴുതി വെച്ച് ജീവനൊടുക്കിയ ചെമ്പഴന്തി സ്വദേശി ബിജു കുമാറിന്റെ മൃതദേഹവുമായാണ് പ്രതിഷേധം.
ചിട്ടി പിടിച്ച പണം നല്‍കാത്തതിനാലാണ് ബിജുകുമാര്‍ ആത്മഹത്യ ചെയ്തതെന്നാണ് നാട്ടുകാരുടെ പരാതി. സഹകരണ സംഘം പ്രസിഡന്റ് ജയകുമാറിനെതിരെയാണ് ആരോപണം. ബിജുകുമാറിന്റെ ആത്മഹത്യാക്കുറിപ്പില്‍ മരണത്തിന് ഉത്തരവാദി ജയകുമാര്‍ ആണെന്ന് എഴുതിയിരുന്നു.ജയകുമാറിനെ അറസ്റ്റ് ചെയ്യണമെന്ന് ആവശ്യപ്പെട്ടാണ് മൃതദേഹവുമായി ബി.ജെ.പി. പ്രവര്‍ത്തകര്‍ പ്രതിഷേധിച്ചത്.&nbsp;

സഹകരണ സംഘം പ്രസിഡന്റിന്റെ പേരെഴുതി വെച്ച് ജീവനൊടുക്കി; മൃതദേഹവുമായി ഓഫീസിനുമുന്നിൽ പ്രതിഷേധം

വടകര: പ്രൊഫഷണൽ രംഗത്തുള്ളവർ സമൂഹത്തോട് കൂടുതൽ പ്രതിബദ്ധതയുള്ളവരാകേണ്ടതുണ്ടെന്നും കൃത്യമായ ധാർമ്മികതയും ദൈവബോധവും ഉൾക്കൊണ്ടാൽ മാത്രമേ തിന്മകളും അരുതായ്മകളും വിഭാടനം ചെയ്യാൻ കഴിയുകയുള്ളൂവെന്നും ഐ.എസ്.എം. കോഴിക്കോട്‌ നോർത്ത് ജില്ലാ പ്രൊഫഷണൽ ഫാമിലി മീറ്റ് അഭിപ്രായപ്പെട്ടു.&nbsp;
പണ സമ്പാദനത്തിനുള്ള എളുപ്പവഴിയായി പ്രൊഫഷനൽ രംഗം മാറിപ്പോകുന്നത് ശ്രദ്ധിക്കണമെന്ന് മീറ്റ് ഓർമ്മിപ്പിച്ചു. ജൂലായ് 7ന് കാലിക്കറ്റ് യൂണിവേഴ്സിറ്റി പരിസരത്ത് നടക്കുന്ന സംസ്ഥാന പ്രൊഫെക്സൽ ഫാമിലി സംഗമത്തിൻ്റെ ഭാഗമായി വടകര മുനിസിപ്പൽ പാർക്കിൽ നടന്ന മീറ്റ് സംസ്ഥാന ട്രഷറർ കെ.എം.എ.അസീസ് ഉദ്ഘാടനം ചെയ്തു. ജില്ലാ പ്രസിഡണ്ട് നൗഫൽ ബിനോയ് അധ്യക്ഷത വഹിച്ചു. സാബിഖ് പുല്ലൂർ, റഖീബ് മണിയൂർ എന്നിവർ വിഷയാവതരണം നടത്തി. കെ.എൻ.എം. ജില്ലാ വൈസ് പ്രസി. ടി പി.മൊയ്തു ,മണ്ഡലം പ്രസിഡണ്ട് കെ.വി.കുഞ്ഞബ്ദുല്ല, തൻസീൽ വടകര, ഷാനവാസ് പൂനൂർ, സുബൈർ കൊയിലാണ്ടി, സുബൈർ ഗദ്ദാഫി,സഫ്വാൻ വടകര എന്നിവർ സംസാരിച്ചു.&nbsp;&nbsp;&nbsp;&nbsp;

പ്രൊഫഷണലുകൾ പ്രതിബദ്ധത കൈവെടിയരുത്; ഐ എസ് എം

Vadakara

തിരുവനന്തപുരം: നാലുവർഷ ബിരുദം ആരംഭിക്കുന്ന സർക്കാർ, എയ്‌ഡഡ്‌ കോളേജുകളിലെ നിലവിൽ അനുവദിക്കപ്പെട്ട മുഴുവൻ അധ്യാപക തസ്‌തികകളും നിലനിർത്തും. ധനകാര്യ മന്ത്രി കെ.എൻ. ബാലഗോപാലും ഉന്നത വിദ്യാഭ്യാസ മന്ത്രി ആർ. ബിന്ദുവും തമ്മിൽ നടന്ന ചർച്ചയിലാണ്‌ തീരുമാനം.
തിങ്കളാഴ്‌ച ആരംഭിക്കുന്ന ആദ്യബാച്ചിന്റെ പഠനം പൂർത്തിയാകുന്നതുവരെ നിലവിൽ അനുവദിക്കപ്പെട്ടിട്ടുള്ള സേവന വ്യവസ്ഥകളും തസ്‌തികകളും തൽസ്ഥിതി നിലനിർത്തി തുടരാനാണ്‌ തീരുമാനം. വിദ്യാർഥികൾക്ക്‌ ആവശ്യമായ മേജർ, മൈനർ, ഫൗണ്ടേഷൻ കോഴ്‌സുകൾ നൽകുന്നതിന്‌ ഗസ്‌റ്റ്‌ അധ്യാപക സേവനം ഉറപ്പാക്കാനും ധാരണയായി.

നാലുവർഷ ബിരുദം: സർക്കാർ, എയ്‌ഡഡ്‌ കോളേജുകളിലെ മുഴുവൻ അധ്യാപക തസ്‌തികകളും നിലനിർത്തും

കോട്ടയം: മുൻ സംസ്ഥാന, യൂണിവേഴ്സിറ്റി ഗുസ്തി താരം (ബെംഗളുരു മിലട്ടറി ഡി.എസ്.സി.) കെ.ജയകുമാർ (55) അന്തരിച്ചു. പിതാവ്: മാന്നാത്ത് വെസ്റ്റ് (മണ്ഡപത്തിൽ) പരേതനായ കൃഷ്ണൻകുട്ടി നായർ. മാതാവ്: തങ്കമണിയമ്മ (മണ്ഡപത്തിൽ കുടുംബാംഗം). ഭാര്യ: പ്രീതി ജി. നായർ, മക്കൾ: അഞ്ജലി ജെ. നായർ (ടി.സി. എസ്. ഗാന്ധിനഗർ), അർജുൻ ജയകുമാർ (വിദ്യാർഥി, മംഗളം എൻജിനിയറിങ് കോളജ്).
സഹോദരങ്ങൾ: ഗീത കെ. നായർ (റിട്ട. ടീച്ചർ അമൃതവിദ്യാലയം, തിരുവല്ല), അനിത കെ. നായർ (ഡപ്യൂട്ടി ജനറൽ മാനേജർ, ബി.എസ്.എൻ. എല്‍), എറണാകുളം), ആശലത (റിട്ട. ഹെഡ്മിസ്ട്രസ് ടൗൺ ഗവ.പി.സ്കൂൾ, കോട്ടയം), ഗോപു നട്ടാശ്ശേരി (കോ. ഓർഡിനേറ്റർ, ഗ്രീൻ കമ്യൂണിറ്റി കോട്ടയം), ശ്രീലക്ഷ്മി (ടീച്ചർ ഗിരി ദീപം കോട്ടയം). സംസ്കാരം ഞായറാഴ്ച നാലുമണിക്ക് നട്ടാശ്ശേരി പുത്തേട്ട് വീട്ടുവളപ്പിൽ.

മുൻ സംസ്ഥാന ഗുസ്തി താരം കെ. ജയകുമാർ അന്തരിച്ചു

കണ്ണൂർ: സിപിഎമ്മിൽനിന്ന് പുറത്തുപോയ മുൻ ജില്ലാ കമ്മിറ്റി അംഗം മനു തോമസിന് പൊലീസ് സംരക്ഷണം നൽകും. സിപിഎം കണ്ണൂർ ജില്ലാ സെക്രട്ടറി പി.ജയരാജനെതിരെ ആരോപണം ഉന്നയിച്ച മനു തോമസിനു ഭീഷണിയുണ്ടെന്ന സ്പെഷൽ ബ്രാഞ്ച് റിപ്പോർട്ടിനെത്തുടർന്നാണ് നടപടി. മനുവിന്റെ വീടും വ്യാപാര സ്ഥാപനങ്ങളും നിരീക്ഷണത്തിലാണ്. ആരോപണങ്ങളുടെ പശ്ചാത്തലത്തിൽ മനുവിന് സമൂഹമാധ്യമങ്ങളിലൂടെ ഭീഷണി സന്ദേശങ്ങളെത്തുന്നുണ്ട്. പാർട്ടിയെ പലവട്ടം പ്രതിസന്ധിയിലാക്കിയ ആളാണ് ജയരാജനെന്ന് മനു ഫെയ്സ്ബുക്കിൽ ആരോപിച്ചിരുന്നു. ക്വാറി മുതലാളിക്കുവേണ്ടി മലയോരത്ത് പാർട്ടി ഏരിയാ സെക്രട്ടറിമാരെവരെ സൃഷ്ടിക്കാൻ കഴിയുന്ന താങ്കളുടെ പാടവവും വിദേശത്തും സ്വദേശത്തും മകനെയും ക്വട്ടേഷൻകാരെയും ഉപയോഗിച്ച് കെട്ടിപ്പൊക്കിയ 'കോപ്പി' കച്ചവടങ്ങളും എല്ലാം നമുക്ക് പറയാം -കുറിപ്പിലൂടെ പറഞ്ഞിരുന്നു.

ഭീഷണിയെന്ന് റിപ്പോർട്ട്; മനു തോമസിന് പോലീസ് സംരക്ഷണം നൽകും

കണ്ണൂർ: ഏച്ചൂർ മാച്ചേരിയിൽ കുളത്തിൽ കുളിക്കാനിറങ്ങിയ രണ്ടു വിദ്യാർഥികൾ മുങ്ങിമരിച്ചു. മുഹമ്മദ് മിസ്ബൽ ആമീൻ (10), ആദിൽ ബിൻ മുഹമ്മദ് (13) എന്നിവരാണ് മരിച്ചത്. സ്വകാര്യ വ്യക്തിയുടെ കുളത്തിൽ കുളിക്കുന്നതിനിടെയായിരുന്നു അപകടം. ശനിയാഴ്ച ഉച്ചയ്ക്കായിരുന്നു സംഭവം.
മൂന്നുകുട്ടികളാണ് കുളക്കരയിൽ എത്തിയത്. രണ്ടു പേർ കുളിക്കാൻ കുളത്തിലിറങ്ങി. രണ്ടുകുട്ടികളും മുങ്ങിയപ്പോൾ കരയിലുണ്ടായിരുന്ന കുട്ടി നാട്ടുകാരെ വിവരമറിയിക്കുകയായിരുന്നു. നാട്ടുകാരെത്തി ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല

കുളത്തിൽ കുളിക്കാനിറങ്ങിയ രണ്ടു വിദ്യാർഥികൾ മുങ്ങിമരിച്ചു

Kannur

മേപ്പയ്യൂർ: കൊല്ലം-മേപ്പയ്യൂർ റോഡ് അസിസ്റ്റൻറ് കളക്ടർ ആയുഷ് ഗോയൽ ഐ എ എസ് സന്ദർശിച്ചു. കല്ലങ്കി മുതൽ മേപ്പയ്യൂർ ടൗൺ വരെയുള്ള പ്രദേശത്തെ പ്രശ്നങ്ങൾ വിലയിരുത്തി. മേപ്പയ്യൂർ ഗ്രാമ പഞ്ചായത്ത് പ്രസിഡണ്ട് കെ.ടി.രാജൻ അദ്ദേഹത്തോടൊപ്പമുണ്ടായിരുന്നു. ജലജീവൻ മിഷൻ ഉദ്യോഗസ്ഥർ, വാട്ടർ അതോറിറ്റി ഉദ്യോഗസ്ഥർ, പഞ്ചായത്ത് സെക്രട്ടറി എന്നിവരുമായി അദ്ദേഹം ചർച്ച നടത്തി. വിവിധ കാരണങ്ങളാൽ കേടുപാടുകൾ സംഭവിച്ച റോഡിൽ ഗതാഗതം ദു:സ്സഹമായിരുന്നു.
വെള്ളക്കെട്ടുകൾ മൂലം യാത്ര തടസ്സപ്പെട്ടിരുന്നു. വെള്ളക്കെട്ടുകൾ അപകടകരമായ അവസ്ഥയിലാണെന്ന് ഉദ്യോഗസ്ഥ സംഘത്തിന് ബോധ്യപ്പെട്ടു. ദുരന്തനിവാരണ നിയമമനുരിച്ചുള്ള നടപടികൾ സ്വീകരിക്കുന്നതിനും വെള്ളക്കെട്ടുകൾ എത്രയും പെട്ടെന്ന് ഒഴിവാക്കുന്നതിനും അടിയന്തര നടപടി സ്വീകരിക്കുവാൻ പഞ്ചായത്ത് സെക്രട്ടറി കെ.പി.അനിൽ കുമാറിന് അസിസ്റ്റൻറ് കളക്ടർ നിർദ്ദേശം നൽകി.&nbsp;
റോഡ് വിഷയത്തിൽ മുഖ്യമന്ത്രി ഇടപെട്ടിരുന്നു. ടി.പി. രാമകൃഷ്ണൻ എംഎൽഎ, പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസിന് കത്തയച്ചതിനെ തുടർന്ന് റോഡിൽ അടിയന്തര നവീകരണ പ്രവൃത്തികൾ നടന്നു വരികയായിരുന്നു.

അസിസ്റ്റൻറ് കളക്ടർ റോഡ് സന്ദർശിച്ചു

Perambra

തിരുവനന്തപുരം: മേയർ ആര്യ രാജേന്ദ്രന്റെ പെരുമാറ്റത്തിനെതിരെ സിപിഎം ജില്ലാ സെക്രട്ടേറിയറ്റിൽ വിമർശനം. ആര്യയുടെ പെരുമാറ്റ രീതി ജില്ലയിൽ പാർട്ടി വോട്ടുകൾ കുറച്ചതായാണ് വിമർശനം. ഇങ്ങനെ പോയാൽ കോർപറേഷൻ തിരഞ്ഞെടുപ്പിൽ പാർട്ടി വലിയ വില കൊടുക്കേണ്ടി വരുമെന്നും വിമർശനമുണ്ടായി.
ലോക്സഭാ തിരഞ്ഞെടുപ്പിൽ ബിജെപി കൈവരിച്ച വളർച്ചയും സിപിഎം യോഗം പരിശോധിച്ചു. തിരുവനന്തപുരം, ആറ്റിങ്ങൽ മണ്ഡലങ്ങളിൽ വോട്ട് വിഹിതം വർധിച്ചതാണ് പരിശോധിച്ചത്. ബിജെപി വളർച്ച തടയാതെ മുന്നോട്ടു പോകാനാകില്ലെന്ന് യോഗം വിലയിരുത്തി.&nbsp;

മേയറുടെ പെരുമാറ്റ രീതി ജില്ലയിൽ പാർട്ടി വോട്ടുകൾ കുറച്ചു ; ആര്യയ്‌ക്കെതിരെ സിപിഎമ്മിൽ വിമർശനം

കണ്ണൂർ: രാമപുരത്ത് ടാങ്കർ ലോറിയിൽ നിന്ന് വാതക ചോർച്ചയുണ്ടായതിനെ തുടർന്ന് സമീപത്തെ നഴ്സിംഗ് കോളേജിലെ പത്ത് പേർക്ക് ദേഹാസ്വാസ്ഥ്യം. ഇതിൽ എട്ട് പേരെ പരിയാരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിട്ടുണ്ട്. ടാങ്കർ ലോറിയിൽ നിന്ന് ഹൈഡ്രോക്ലോറിക് ആസിഡ് മ​റ്റൊരു ടാങ്കറിലേക്ക് മാ​റ്റുന്നതിനിടെയായിരുന്നു ചോർച്ചയുണ്ടായത്.മംഗലാപുരത്ത് നിന്ന് എറണാകുളത്തേക്ക് പോയ ടാങ്കർ ലോറിയിലാണ് വാതക ചോർച്ചയുണ്ടായത്. തുടർന്ന് ലോറി നിർത്തിയിടുകയായിരുന്നു.&nbsp;
മ​റ്റൊരു ലോറിയിലേക്ക് വാതകം മാ​റ്റിയതിനുശേഷം യാത്ര തുടരാമെന്ന് തീരുമാനിച്ചിരുന്നു. ഇതിനായി വാതകം നീക്കം ചെയ്യുന്നതിനിടയിലായിരുന്നു സംഭവമുണ്ടായത്. ഇതോടെ സംഭവം നടന്ന ഒരു കിലോമീ​റ്റർ ചു​റ്റളവിൽ താമസിച്ചവരെ മാ​റ്റി പാർപ്പിച്ചിരിക്കുകയാണ്.&nbsp;

കണ്ണൂരിൽ ടാങ്കർ ലോറിയിൽ നിന്ന് വാതക ചോർച്ച ;10 വിദ്യാർഥികൾക്ക് ദേഹാസ്വാസ്ഥ്യം...

കണ്ണൂരിൽ ടാങ്കർ ലോറിയിൽ നിന്ന് വാതക ചോർച്ച ;10 വിദ്യാർഥികൾക്ക് ദേഹാസ്വാസ്ഥ്യം

ജിദ്ദ: പൂനൂർ തുമ്പോണ സ്വദേശി കുറ്റിക്കാട്ടിൽ സാജിദ്‌ ഷാ (49‌) ജിദ്ദയിലെ ബസാത്തീനിൽ നിര്യാതനായി. സുപ്പർമാർക്കറ്റിൽ കാഷ്യർ ആയി ജോലി ചെയ്തു വരികയായിരുന്നു.
വെള്ളിയാഴ്ച നൈറ്റ് ഡ്യൂട്ടി കഴിഞ്ഞു രാവിലെ റൂമിലെത്തി കിടന്നതായിരുന്നു. ഒപ്പമുള്ളവർ വൈകുന്നേരം ഡ്യൂട്ടി കഴിഞ്ഞു റൂമിലെത്തിയപ്പോഴാണ് മരണവിവരം അറിയുന്നത്.ഹൃദയാഘാതമൂലമാണ് മരണം. മുഹമ്മദ് ഷാ, കദീജ ദമ്പതികളുടെ മകനാണ്. ഭാര്യ: ശുഹാദ. മക്കൾ: റിസീൻ, ഹസ, ഹിന.

പൂനൂർ സ്വദേശി ജിദ്ദയിൽ നിര്യാതനായി

Gulf

വയറിലെ കൊഴുപ്പ് ഇന്ന് പലരിലും കണ്ട് വരുന്ന ആരോ​ഗ്യപ്രശ്നമാണ്. വയറിലെ കൊഴുപ്പിനെയാണ് വിസറൽ ഫാറ്റ് എന്നും അറിയപ്പെടുന്നത്. ബെല്ലി ഫാറ്റ് കൂടുന്നത് ഹൃദ്രോഗം, പ്രമേഹം, ചില അർബുദങ്ങൾ തുടങ്ങി വിവിധ ആരോഗ്യപ്രശ്‌നങ്ങൾ ഉണ്ടാകാനുള്ള സാധ്യത വർദ്ധിപ്പിക്കുമെന്ന് പഠനങ്ങൾ പറയുന്നു. വയറിലെ കൊഴുപ്പ് കുറയ്ക്കാൻ സഹായിക്കുന്ന പ്രധാനപ്പെട്ട ചില ഭഷ്യ വസ്തുക്കളെ കുറിച്ചാണ് താഴേ പറയുന്നത്...
1. ഇഞ്ചി
ദഹനം എളുപ്പമാക്കാനും ശരീരഭാരം നിയന്ത്രിക്കുന്നതിനും ഇഞ്ചി സഹായകമാണ്. ദിവസവും ഇഞ്ചിയിട്ട വെള്ളം കുടിക്കുന്നത് വയറിലെ കൊഴുപ്പ് നീക്കം ചെയ്യുന്നതിന് സഹായിക്കും.
2. മഞ്ഞൾ
പഞ്ചസാരയുടെ അളവ് ക്രമീകരിച്ച് ഇൻസുലിൻ പ്രതിരോധം കൂടുതൽ തടയുന്നതിലൂടെ ശരീരഭാരം കുറയ്ക്കാൻ മഞ്ഞൾ സഹായിക്കുന്നു. മഞ്ഞളിലെ കുർക്കുമിന് കൊഴുപ്പ് ടിഷ്യു വളർച്ചയെ മന്ദ​ഗതിയിലാക്കുന്നതായി ടഫ്റ്റ്സ് യൂണിവേഴ്സിറ്റിയിൽ നടത്തിയ ഒരു പഠനത്തിൽ പറയുന്നു.
3. ഉലുവ 
വയറിലെ കൊഴുപ്പ് കുറയ്ക്കാൻ ഉലുവ സഹായിക്കുമെന്ന് ഗവേഷണങ്ങൾ സൂചിപ്പിക്കുന്നു. കൊളസ്ട്രോൾ, ട്രൈഗ്ലിസറൈഡ് എന്നിവയുടെ അളവ് കുറയ്ക്കാൻ ഇത് സഹായിക്കുമെന്ന് ചില പഠനങ്ങൾ സൂചിപ്പിക്കുന്നു. കൂടാതെ, ഉലുവയിൽ നാരുകൾ അടങ്ങിയിട്ടുണ്ട്. ഇത് മൊത്തത്തിലുള്ള കലോറി ഉപഭോഗം കുറയ്ക്കാനും സഹായിക്കും.
4. കറുവപ്പട്ട
ശരീരത്തിലെ മെറ്റബോളിസം മെച്ചപ്പെടുത്താൻ കറുവാപ്പട്ടയ്ക്ക് കഴിയും. ഇത് വയറിലെ ഭാഗത്ത് അടിഞ്ഞുകൂടുന്ന കൊഴുപ്പിനെ ഇല്ലാതാക്കുന്നു. കറുവപ്പട്ട പല വിധത്തിൽ ശരീരഭാരം കുറയ്ക്കാൻ സഹായിക്കും. ദിവസവും കറുവപ്പട്ട വെള്ളം കുടിക്കുന്നത് ശീലമാക്കുക.

അടിവയറ്റിലെ കൊഴുപ്പ് കുറയ്ക്കാൻ ഈ മാർഗങ്ങൾ പരീക്ഷിക്കാം

മേപ്പയ്യൂർ: നെറ്റ് സീറോ കാർബൺ കേരളം ജനങ്ങളിലൂടെ ക്യാമ്പയിനിന്റെ ഭാഗമായി മേപ്പയ്യൂർ ഗ്രാമ പഞ്ചായത്തിന് ഓണക്കാലത്തേക്കായുളള പൂക്കൾ ഗ്രാമ പഞ്ചായത്തിലെ അയിമ്പാടിപ്പാറയിൽ തയ്യാറാവുകയാണ്. ഹരിതകേരളം മിഷൻ, മേപ്പയ്യൂർ ഗ്രാമ പഞ്ചായത്ത് സിഡിഎസ് , കൃഷി വകുപ്പ് എന്നിവരുടെ സംയുക്ത നേതൃത്വത്തിൽ നടപ്പിലാക്കുന്ന പദ്ധതിയുടെ ഉദ്ഘാടനം വാർഡ് 14 ൽ അയിമ്പാടിപ്പാറയിൽ ചെണ്ടുമല്ലി തൈ നട്ടു കൊണ്ട് ഗ്രാമ പഞ്ചായത്ത് പ്രസിഡന്റ് കെ ടി രാജൻ നിർവഹിച്ചു. സി ഡി എസ് വൈസ് ചെയർപേഴ്സൺ ബിന്ദു അധ്യക്ഷയായി.&nbsp;
ഗ്രാമ പഞ്ചായത്ത് വൈസ് പ്രസിഡന്റ് എൻ പി ശോഭ, സ്റ്റാൻഡിംഗ് കമ്മറ്റി ചെയർമാൻമാരായ വി പി രമ, ഭാസ്കരൻ കൊഴുക്കല്ലൂർ, വാർഡ് മെമ്പർമാരായ വി പ്രകാശൻ , ദീപ കേളോത്ത്, മിനി അശോകൻ, സറീന ഒളോറ, ബിജു വി പി, ശ്രീജ വി പി, സി ഡി എസ് മെമ്പർ മനീഷ, കൃഷി അസിസ്റ്റന്റ് സ്നേഹ, ഹരിതകേരളം മിഷൻ ആർപി നിരഞ്ജന തുടങ്ങിയവർ പരിപാടിയിൽ പങ്കെടുത്തു സംസാരിച്ചു. നെറ്റ് സീറോ കാർബൺ കേരളം ക്യാമ്പയിൻ പ്രവർത്തനങ്ങൾ ഏറ്റെടുത്ത ഗ്രാമ പഞ്ചായത്തിൽ പദ്ധതിയുടെ ഭാഗമായി ഈ വർഷം ആരംഭിക്കുന്ന കാർഷിക മേഖലയിലെ ക്യാമ്പയിനുകളുടെ തുടക്കമാണ് ചെണ്ടുമല്ലി കൃഷി വ്യാപനത്തിലൂടെ ഉദ്ദേശിക്കുന്നത്. കൃഷിഭവനാണ് ഇതിനുവേണ്ട പിന്തുണ സഹായം നൽകുന്നത്. സി ഡി എസ് മെമ്പർ എം ടി ലീല സ്വാഗതം പറഞ്ഞ ചടങ്ങിന് സി ഡി എസ് മെമ്പർ നിഷ നന്ദിയും പറഞ്ഞു.

ഓണത്തിന് പൂക്കളമൊരുക്കാൻ ചെണ്ടുമല്ലി കൃഷിയുമായി മേപ്പയ്യൂർ

വടകര: ചോറോട് ഗ്രാമ പഞ്ചായത്തിലെ കടൽ ക്ഷോഭം രൂക്ഷമായ കുരിയാടിയിലും വെള്ളപ്പൊക്കം ഉണ്ടായ വാർഡ് 19 ലെ അമ്യതാനന്ദമയി മഠം ഭാഗത്തെ വീടുകളിലും ചോറോട് ഗ്രാമ പഞ്ചായത്ത് പ്രസിഡണ്ട്പി.പി. ചന്ദ്രശേഖരൻ, വികസന കാര്യസ്റ്റാന്റിങ്ങ് കമ്മിറ്റി ചെയർമാൻ കെ. മധുസൂദനൻ, അംഗങ്ങളായ പ്രിയങ്ക സി.പി., പ്രസാദ് വിലങ്ങിൽ എന്നിവർ സന്ദർശിച്ചു.

ജനപ്രതിനിധികൾ സന്ദർശിച്ചു

Inshort

കൊച്ചി: കത്വ ഫണ്ട് തട്ടിപ്പ് കേസില്‍ യൂത്ത് ലീഗ് സംസ്ഥാന ജനറല്‍ സെക്രട്ടറി പി.കെ. ഫിറോസും അഖിലേന്ത്യാ സെക്രട്ടറി സി.കെ. സുബൈറിനും എതിരായ കേസ് നടപടികൾ സ്റ്റേ ചെയ്ത് ഹൈക്കോടതി. നേരത്തെ കുന്നമംഗലം മജിസ്‌ട്രേറ്റ് കോടതിയില്‍ കീഴടങ്ങിയ ഇരുവർക്കും കോടതി ജാമ്യം അനുവദിച്ചിരുന്നു.
കത്വ പെണ്‍കുട്ടിക്കായി ശേഖരിച്ച തുകയില്‍ 15 ലക്ഷം രൂപ പി.കെ. ഫിറോസും സി.കെ. സുബൈറും വകമാറ്റി ചിലവഴിച്ചെന്നായിരുന്നു പരാതി. യൂത്ത് ലീഗില്‍നിന്ന് രാജിവെച്ച യൂസുഫ് പടനിലം ആയിരുന്നു പരാതിക്കാരന്‍. 2021-ലാണ് അഴിമതി ആരോപണവുമായി യൂത്ത് ലീഗ് ദേശീയ സമിതി അംഗമായിരുന്ന യൂസഫ് പടനിലം രംഗത്തെത്തിയത്.

കത്വ ഫണ്ട് തട്ടിപ്പ് കേസ്; യൂത്ത് ലീഗ് നേതാക്കൾക്ക് എതിരായ നടപടി സ്റ്റേ ചെയ്ത് ഹൈക്കോടതി

വടകര: ചോറോട് പഞ്ചായത്തിലെ ഇരുപതാം വാർഡിൽ തീരദേശ മേഖലയെ ടൗണുമായി ബന്ധിപ്പിക്കുന്ന റോഡിന്റെ പുനർ നിർമ്മാണം ഉടൻ ആരംഭിക്കണമെന്ന് യൂത്ത് കോൺഗ്രസ്‌ കൈനാട്ടി മേഖലാ കമ്മിറ്റി ആവശ്യപ്പെട്ടു. ചോറോട് പഞ്ചായത്ത് പ്രസിഡന്റ് പ്രതിനിധീകരിക്കുന്ന വാർഡിലാണ് ദേശീയപാതയുടെ വികസനത്തിന്റെ ഭാഗമായി മണ്ണെടുത്തതിന്റെ ഫലമായി റോഡ് തകർന്ന് കിടക്കുന്നത്. നൂറുകണക്കിനാളുകൾ ഗതാഗതത്തിന് ഉപയോഗിക്കുന്ന ഈ റോഡ് പൂർവസ്ഥിതിയിൽ ആക്കാൻ പഞ്ചായത്ത്&nbsp;
അടിയന്തരമായ നടപടികൾ സ്വീകരിക്കണം. കൈനാട്ടിയിൽ നിന്ന് റേഷൻ പീടികയിലേക്കും കക്കാട്ടു പള്ളി, മീത്തലങ്ങാടി ഹെൽത്ത് സെന്റർ എന്നിവിടങ്ങളിലേക്കൊക്കെ പോകേണ്ടേ റോഡ് ആണ് ഇത്. സ്കൂൾ ബസ്സുകൾ, ഓട്ടോറിക്ഷ, മറ്റു വാഹനങ്ങൾക്ക്‌ ഒന്നും പോകാൻ പറ്റാത്ത അവസ്ഥയാണ് നിലവിൽ. കാൽ നട യാത്രക്കാർക്ക് പോലും നടന്ന് പോകാൻ പറ്റാത്ത അവസ്ഥയാണ്. പലരും തെന്നി വീണ് അപകടം പറ്റുന്നത് സ്ഥിരം കാഴ്ചയാണ്. മാസങ്ങൾ കഴിഞ്ഞിട്ടും തകർന്ന റോഡ് പുനർനിർമ്മിക്കുന്നതിൽ വാർഡ് മെമ്പറും പഞ്ചായത്തും പരാജയം ആണെന്ന് യൂത്ത് കോൺഗ്രസ്‌ കൈനാട്ടി മേഖലാ കമ്മിറ്റി ആരോപിച്ചു. നാട്ടുകാരുടെ യാത്രാ പ്രശ്‌നത്തിന് ഉടൻ തന്നെ പരിഹാര മാർഗങ്ങൾ കാണണമെന്നും അല്ലാത്ത പക്ഷം ശക്തമായ സമരത്തിന് നേതൃത്വം കൊടുക്കുമെന്നും യൂത്ത് കോൺഗ്രസ്‌ മുന്നറിയിപ്പ് നൽകി.&nbsp;

'തകർന്ന റോഡ് ഉടൻ പുനർനിർമ്മിക്കുക'; പ്രതിഷേധവുമായി യൂത്ത് കോൺഗ്രസ്‌

കണ്ണൂർ : ചെറുപുഴ ഭൂദാനത്തു കാൻസർ രോഗിയായ മാതാവിനെ മകൻ കൊല്ലാൻ ശ്രമിച്ചതായി പരാതി. കോട്ടയിൽ വീട്ടിൽ നാരായണിയെ (68) മകൻ സതീശനാണു കൊല്ലാൻ ശ്രമിച്ചത്. സാരമായി പരുക്കേറ്റ നാരായണിയെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
ചികിത്സയ്ക്കിടെയാണു നാരായണി ഡോക്ടറോടു ഇക്കാര്യം പറഞ്ഞത്. ഡോക്ടർ നൽകിയ വിവരമനുസരിച്ചു സതീശനെ ചെറുപുഴ പൊലീസ് ഇൻസ്പെക്ടർ ടി.പി.ദിനേശൻ അറസ്റ്റ് ചെയ്തു.

കണ്ണൂരിൽ കാൻസർ രോഗിയായ മാതാവിനെ മകൻ കൊല്ലാൻ ശ്രമിച്ചതായി പരാതി

പാലക്കാട്: 'ഇ-ബുള്‍ ജെറ്റ്' യൂട്യൂബര്‍മാര്‍ സഞ്ചരിച്ച കാര്‍ അപകടത്തില്‍പ്പെട്ടു. ചെര്‍പ്പുളശ്ശേരി കച്ചേരിക്കുന്നിലായിരുന്നു അപകടം.
ചെര്‍പ്പുളശ്ശേരിയില്‍നിന്ന് പാലക്കാട് ഭാഗത്തേക്ക് പോവുകയായിരുന്ന 'ഇ-ബുള്‍ ജെറ്റ്' സഹോദരങ്ങള്‍ സഞ്ചരിച്ച കാറും എതിര്‍ദിശയില്‍നിന്ന് വന്ന കാറും കൂട്ടിയിടിക്കുകയായിരുന്നു. അപകടത്തില്‍ ആര്‍ക്കും കാര്യമായ പരിക്കില്ല. നിസ്സാര പരിക്കുള്ളവരെ പെരിന്തല്‍മണ്ണയിലെ ആശുപത്രിയില്‍ പ്രവേശിപ്പിച്ചു.കണ്ണൂര്‍ സ്വദേശികളും സഹോദരങ്ങളുമായ എബിനും ലിബിനുമാണ് ഇ-ബുള്‍ ജെറ്റ് എന്ന യൂട്യൂബ് ചാനലിലൂടെ പ്രശസ്തരായത്.&nbsp;

ഇ-ബുള്‍ ജെറ്റ്' യൂട്യൂബര്‍മാര്‍ സഞ്ചരിച്ച കാര്‍ അപകടത്തില്‍പ്പെട്ടു

കോഴിക്കോട്: അമീബിക് മസ്തിഷ്ക ജ്വരം സ്ഥിരീകരിച്ച പശ്ചാത്തലത്തിൽ ഫാറൂഖ് കോളേജിന് സമീപത്തെ അച്ചൻകുളം അടച്ചു. കുളത്തിൽ കുളിച്ച 12-വയസ്സുകാരന് രോഗം ബാധിച്ചതോടെയാണ് നടപടി. ഫറോക്ക് മുനിസിപ്പാലിറ്റിയാണ് കുളം അടച്ചത്. കുളത്തില്‍ കുളിച്ച് ആറ് ദിവസം കഴിഞ്ഞാണ് കുട്ടിക്ക് രോഗ ലക്ഷണം കണ്ടത്. കുളത്തിലെത്തിയ മറ്റ് കുട്ടികളുടെ സാമ്പിളുകളും ആരോഗ്യ പ്രവര്‍ത്തകര്‍ ശേഖരിച്ചിട്ടുണ്ട്.
ചര്‍ദ്ദിയും തലവേദനയും ബാധിച്ച് ചികിത്സയില്‍ കഴിയുന്ന 12-വയസുകാരന് കഴിഞ്ഞദിവസമാണ് അമീബിക് മസ്തിഷ്‌ക ജ്വരം സ്ഥിരീകരിച്ചത്. ഫാറൂഖ് കോളേജിനടുത്ത് ഇരുമൂളിപ്പറമ്പ് സ്വദേശിയാണ് ചികിത്സയില്‍ കഴിയുന്നത്. കുട്ടിയുടെ നില അതീവ ഗുരുതരമാണെന്നാണ് ലഭിക്കുന്ന വിവരം.

അമീബിക് മസ്തിഷ്ക ജ്വരം; കോഴിക്കോട്ടെ അച്ചൻകുളം അടച്ചു

Kozhikode

വടകര: ചോറോട് പഞ്ചായത്തിലെ വിവിധ പ്രദേശങ്ങളിൽ പൊട്ടിപ്പൊളിഞ്ഞതും, കുടിവെള്ള പൈപ്പുകൾ സ്ഥാപിക്കുന്നതിന് കുഴികളെടുത്ത് താറുമാറാക്കിയതുമായി ബന്ധപ്പെട്ട മുഴുവൻ റോഡുകളും ഗതാഗത യോഗ്യമാക്കണമെന്ന് മോട്ടോർ തൊഴിലാളി യൂനിയൻ എസ് ടി യു അധികൃതരോടാവശ്യപ്പെട്ടു. കൈനാട്ടിയിൽ നിന്നും തീരദേശ മേഖലയായ മീത്തലങ്ങാടി, കക്കാട്ട് പളളി പ്രദേശങ്ങളിലേക്കുള്ള പ്രധാന റോഡ് തകർന്നിട്ട് മാസങ്ങളേറെയായി. ഈ വിഷയം നിരവധി തവണ പഞ്ചായത്ത് അധികാരികളുടെ ശ്രദ്ധയിൽപ്പെടുത്തിയിരുന്നു. കൈനാട്ടി പ്രദേശം പഞ്ചായത്ത് പ്രസിഡണ്ടിൻ്റെ വാർഡ് കൂടിയാണ്.
പ്രതിഷേധ സൂചകമായി എസ് ടി യു മോട്ടോർ തൊഴിലാളി യൂണിയൻ കൈനാട്ടിയിൽ റോഡിൽ വാഴ നട്ടു. പരിപാടി ഷംസുദ്ദീൻ കൈനാട്ടി ഉദ്ഘാടനം ചെയ്തു. ഷംസുദ്ദീൻ പി കെ അധ്യക്ഷം വഹിച്ചു. സമീർ കെ, താഹ വി പി, ഹാരിസ് യു, അഷ്റഫ്സി, മനാഫ് വി കെ, ഇസ്മയിൽ സി കെ, ആരിഫ് വി പി, നിഹാദ് പി ടി, മുജീബ് ടി പി, റിയാസ് വി, സയീദ് ടി പി തുടങ്ങിയവർ നേതൃത്വം നൽകി. അൻസാർ വളപ്പിൽ സ്വാഗതവും, ജമാൽ ടി നന്ദിയും പറഞ്ഞു.

പൊട്ടിപ്പൊളിഞ്ഞ റോഡുകൾ ഗതാഗത യോഗ്യമാക്കുക; വാഴ നട്ട് പ്രതിഷേധം

ന്യൂഡല്‍ഹി: ലഡാക്കില്‍ സൈനിക പരിശീലനത്തിനിടെ ടാങ്ക് അപകടത്തില്‍പ്പെട്ട് അഞ്ച് ഇന്ത്യന്‍ സൈനികര്‍ക്ക് ദാരുണാന്ത്യം.
ടാങ്കില്‍ നദി കടക്കുന്നതിനിടെ ഉണ്ടായ മിന്നല്‍ പ്രളയത്തില്‍ ഒഴുക്കില്‍പ്പെട്ട സൈനികര്‍ക്കാണ് ജീവന്‍ നഷ്ടമായത്. യഥാര്‍ഥ നിയന്ത്രണരേഖയ്ക്ക് സമീപം പുലര്‍ച്ചെയായിരുന്നു അപകടം. അഞ്ച് സൈനികരുമായി ടി 72 ടാങ്ക് വെള്ളത്തില്‍ മുങ്ങി. ഒരു ജെ.സിഒയും നാല് ജവാന്മാരുമാണ് ടാങ്കിലുണ്ടായിരുന്നത്. അപകടത്തെത്തുടര്‍ന്ന് നദിയില്‍ വ്യാപക തിരച്ചില്‍ നടത്തുന്നതായി സൈന്യംഅറിയിച്ചു.

ലഡാക്കില്‍ സൈനിക പരിശീലനത്തിനിടെ  അപകടം; അഞ്ച് സൈനികര്‍ക്ക് ദാരുണാന്ത്യം

National

തൃശ്ശൂർ: മണ്ണംപേട്ടയിൽ ഓടിക്കൊണ്ടിരുന്ന ഒമ്‌നി വാൻ കത്തി നശിച്ചു. ഡ്രൈവർ അത്ഭുതകരമായി രക്ഷപ്പെട്ടു. മണ്ണംപേട്ട കുടുംബാരോഗ്യ കേന്ദ്രത്തിന് സമീപം ശനിയാഴ്ച രാവിലെയായിരുന്നു സംഭവം. കേബിൾ ഓപ്പറേറ്ററായ വരാക്കര സ്വദേശി അന്തിക്കാടൻ ലിൻസന്റെ വാനാണ് കത്തി നശിച്ചത്.
വാനിന്റെ പുറകിൽ നിന്ന് പുക ഉയരുന്നത് കണ്ട ലിൻസൺ വാഹനം നിർത്തി പുറത്തേയ്ക്ക് ഇറങ്ങിയതിനാൽ പരിക്കേൽക്കാതെ രക്ഷപ്പെട്ടു. തീപ്പിടുത്തത്തിനിടെ വലിയ ശബ്ദത്തോടെ പൊട്ടിത്തെറിയും ഉണ്ടായിരുന്നു. പുതുക്കാട് നിന്നും ഫയർ ഫോഴ്‌സ് എത്തിയാണ് തീ അണച്ചത്.

തൃശൂരിൽ ഓടിക്കൊണ്ടിരുന്ന ഒമ്‌നി വാൻ കത്തി നശിച്ചു ;ഡ്രൈവർ അത്ഭുതകരമായി രക്ഷപ്പെട്ടു.

തൃശൂരിൽ ഓടിക്കൊണ്ടിരുന്ന ഒമ്‌നി വാൻ കത്തി നശിച്ചു ;ഡ്രൈവർ അത്ഭുതകരമായി രക്ഷപ്പെട്ടു

വടകര: നീറ്റ് , നെറ്റ് പരീക്ഷകൾ അട്ടിമറിച്ചതിൽ പ്രതിഷേധിച്ച് യൂത്ത് കോൺഗ്രസ് അഖിലേന്ത്യാ കമ്മിറ്റിയുടെ നേതൃത്വത്തിൽ പാർലമെന്റിലേക്ക് നടന്ന മാർച്ചിൽ യൂത്ത് കോൺഗ്രസ് സംസ്ഥാന പ്രസിഡണ്ട് രാഹുൽ മാങ്കൂട്ടത്തിലിനെ ഡൽഹി പോലീസ് ക്രൂരമായി മർദ്ദിച്ചതിൽ പ്രതിഷേധിച്ച് യൂത്ത് കോൺഗ്രസ് വടകര നിയോജക മണ്ഡലം കമ്മിറ്റിയുടെ നേതൃത്വത്തിൽ വടകരയിൽ പ്രകടനം നടത്തി. നിയോജകമണ്ഡലം പ്രസിഡണ്ട് സി.നിജിൻ, മുഹമ്മദ് മിറാഷ്, സജിത്ത് മാരാർ, ദിൽരാജ് പനോളി, കാർത്തിക് ചോറോട്, റോബിൻ ഒഞ്ചിയം, ഷോണ അഴിയൂർ, ജിബിൻ രാജ് കൈനാട്ടി, ഷിജു പുഞ്ചിരിമിൽ എന്നിവർ നേതൃത്വം നൽകി.

യൂത്ത് കോൺഗ്രസ്‌ പ്രതിഷേധ പ്രകടനം നടത്തി

വടകര: കോട്ടക്കടവ് കൈപ്പുറത്ത് കെ പി ശാരദ (77) നിര്യാതയായി. ഭർത്താവ്; പരേതനായ കുഞ്ഞിക്കണ്ണൻ കെ പി. മക്കൾ; നന്ദകുമാർ, പ്രമീള, പ്രഭാഷ് പരേതനായ അനിൽകുമാർ. മരുമക്കൾ; ഷീജ, അനൂപ് കുമാർ, റെജിന.&nbsp;
&nbsp;

കോട്ടക്കടവ് കൈപ്പുറത്ത് കെ പി ശാരദ നിര്യാതയായി

Obituary

ന്യൂഡൽഹി: ലോക്സഭാ തിരഞ്ഞെടുപ്പിൽ കേരളത്തിലുണ്ടായ കനത്ത തോൽവിയിൽ വിമർശനം ഉന്നയിച്ച് സി.പി.എം കേന്ദ്രകമ്മിറ്റി യോഗം. സംസ്ഥാനത്തെ പ്രകടനം നിരാശപ്പെടുത്തുന്നതാണെന്ന് പി.ബി. റിപ്പോർട്ട്. മുൻകാല തീരുമാനങ്ങൾ പലതും നടപ്പാക്കിയില്ലെന്നും യോ​ഗത്തിൽ വിമർശനം.
ലോക്സഭാ തിരഞ്ഞെടുപ്പ് അവലോകനം മുഖ്യ അജൻഡയായിട്ടാണ് വെള്ളിയാഴ്ച മുതൽ സി.പി.എമ്മിന്റെ കേന്ദ്രകമ്മിറ്റി യോഗം ചേരുന്നത്. അതിനിടയിലാണ് സംസ്ഥാനത്തെ പ്രകടനത്തിൽ കേന്ദ്രനേതൃത്വം അതൃപ്തി പ്രകടിപ്പിച്ചിരിക്കുന്നത്. തിരുത്തല്‍ നിര്‍ദേശങ്ങളും യോ​ഗത്തിൽ ഉയര്‍ന്നു. കേരളത്തിലെ ബി.ജെ.പിയുടെ പ്രകടനവും പാര്‍ട്ടിക്കെതിരായ ജനവികാരവും തിരിച്ചടിയിലേക്ക് നയിച്ചുവെന്നാണ് വിലയിരുത്തല്‍.തിരഞ്ഞെടുപ്പ് അവലോകനത്തിനായി കഴിഞ്ഞാഴ്ചചേർന്ന സംസ്ഥാനകമ്മിറ്റി യോഗത്തിലും പിന്നീട് ജില്ലാ കമ്മിറ്റി യോഗങ്ങളിലും സർക്കാരിനും പാർട്ടി നേതൃത്വത്തിനുമെതിരേ വിമർശനങ്ങൾ ഉയർന്നിരുന്നു.

കേരളത്തിലെ പ്രകടനം നിരാശപ്പെടുത്തുന്നത്; സി.പി.എം കേന്ദ്രകമ്മിറ്റിയിൽ രൂക്ഷവിമർശനം

വടകര: കെ.കെ രമ എം.എല്‍.എയുടെ സമഗ്ര വിദ്യാഭ്യാസ പദ്ധതിയായ വൈബിന്റെ ആഭിമുഖ്യത്തില്‍ വടകര നിയോജകമണ്ഡലത്തിലെ എസ്.എസ്.എല്‍.സി, പ്ലസ്ടു പരീക്ഷകളില്‍ മുഴുവന്‍ വിഷയങ്ങളിലും എപ്ലസ് നേടിയ വിദ്യാര്‍ത്ഥികളെ അനുമോദിക്കുന്ന പരിപാടിയായ വിജയാരവം ഞായറാഴ്ച രാവിലെ 9മണിക്ക് വടകര ടൗണ്‍ഹാളില്‍ നടക്കും. വിജയാരവത്തിന്റെ ഉദ്ഘാടനവും നൂറുമേനി നേടിയ സ്‌കൂളുകള്‍ക്കുള്ള വൈബിന്റെ അനുമോദനവും ഷാഫി പറമ്പില്‍ എം.പി നിര്‍വഹിക്കും.&nbsp;
ഡോ.ശശികുമാര്‍ പുറമേരി കുട്ടികള്‍ക്കുള്ള ബോധവത്കരണ ക്ലാസ് നടത്തും. വൈബ് അക്കാദമിക് കൗണ്‍സില്‍ ചെയര്‍മാന്‍ കെ.ടി മോഹന്‍ദാസ് അധ്യക്ഷനാകും. ജനപ്രതിനിധികൾ, ജില്ലയിലെ വിവിധ വിദ്യാഭ്യാസ ഓഫീസർമാർ പരിപാടിയിൽ പങ്കെടുക്കും. വിജയാരവത്തിന്റെ ഒരുക്കങ്ങള്‍ പൂര്‍ത്തിയായതായി വൈബ് സംഘാടകര്‍ അറിയിച്ചു.

വൈബ് വിജയാരവം ഞായറഴ്ച വടകര ടൗണ്‍ഹാളില്‍

വടകര: ആരോഗ്യ കേന്ദ്രങ്ങൾ ജനപക്ഷത്ത് നിന്ന് പ്രവർത്തിക്കണമെന്നും ജനങ്ങൾക്ക് ആരോഗ്യപരമായ എല്ലാ വിഷയങ്ങളും കൈകാര്യം ചെയ്യാൻ ജനസേവ കേന്ദ്രങ്ങളായി മാറാൻ ആരോഗ്യ ഉപകേന്ദ്രങ്ങൾ കൊണ്ട് സാധിക്കണമെന്നും ബിനോയ്വിശ്വം എം.പി പറഞ്ഞു. ഏറാമല ഗ്രാമപഞ്ചായത്തിലെ കാർത്തികപള്ളി ജനകീയ ആരോഗ്യ കേന്ദ്രത്തിന്റെ പുതിയ കെട്ടിടം ഉൽഘാടനം ചെയ്ത് സംസാരിക്കുകയായിരുന്നു അദ്ദേഹം. അൻപത് വർഷങ്ങൾക്ക് മുമ്പ് കുറുന്നോളി കുട്ട്യാലി സാഹിബ് എന്ന വ്യക്തി സ്ഥലം നൽകുകയിരുന്നു. അവിടെയുണ്ടായിരുന്ന കെട്ടിടം അങ്ങേയറ്റം ശോചനീയമായി ഇടിഞ്ഞു പൊളിഞ്ഞഅവസ്ഥയിലായിരുന്നു. ബിനോയ് വിശ്വം എം.പിയുടെ 2022-23 വർഷത്തെ പ്രാദേശിക വികസന ഫണ്ടിൽ നിന്നും നാൽപ്പത്തി അഞ്ച് ലക്ഷത്തി അൻപതിനായിരം രൂപ ചെലവഴിച്ചാണ് സബ് സെൻറർ നിർമ്മിച്ചത്. ഏറാമല പഞ്ചായത്തിൽ ഗ്രാമപ്രദേശിലെ ജനങ്ങൾക്കായി സമഗ്ര പ്രാഥമിക ആരോഗ്യ പരിരക്ഷ താഴെത്തട്ടിൽ എത്തിക്കാനാണ് പഞ്ചായത്ത് ശ്രമിക്കുന്നത്. ഭൗതിക സാഹചര്യങ്ങൾ മെച്ചപ്പെടുത്തിയും മെച്ചപ്പെട്ട സേവനങ്ങൾ ലഭ്യമാക്കുകയും ചെയ്ത് ജനകിയ ആരോഗ്യ കേന്ദ്രങ്ങൾ ജനസൗഹൃദ സ്ഥാപനങ്ങളായി മാറിക്കൊണ്ടിരിക്കുകയാണ്. ജനകീയ ആരോഗ്യ കേന്ദ്രങ്ങളിൽ ആരോഗ്യ ക്ലബ്ബുകൾ രൂപീകരിച്ച് ആരോഗ്യകരമായ ജീവിതശൈലി, വ്യായാമം എന്നിവ പ്രോത്സാഹിപ്പിക്കുകയും ലഹരി വിരുദ്ധ പ്രവർത്തനങ്ങൾ, മാനസികാരോഗ്യം മെച്ചപ്പെടുത്തുന്ന പ്രവർത്തനങ്ങൾ എന്നിവ പൊതുജന പങ്കാളിത്തത്തോടെ നടപ്പിലാക്കുകയും ഗർഭിണികൾക്കും കൗമാരക്കാർക്കും പ്രായമായവർക്കും മെച്ചപ്പെട്ട പരിപാലനം നൽകുകയുമാണ് ഇത്തരം സ്ഥാപനങ്ങൾ കൊണ്ട് ഗ്രാമപഞ്ചായത്ത് ഉദ്ദേശിക്കുന്നത്.
പഞ്ചായത്തിലെ നെല്ലാച്ചേരി ആരോഗ്യ സബ്സൻറർ നിർമ്മാണം അവസാനഘട്ടത്തിലാണ്. ഓർക്കാട്ടേരിസൗത്ത് സബ്സെൻറർ പേപ്പർ വർക്കുകൾ പൂർത്തീകരിച്ച് യു എൽ സി സി എസുമായി എഗ്രിമെന്റ് വെച്ച് കെട്ടിടത്തിന്റെ പ്രവർത്തനം ആരംഭിക്കാനിരിക്കയാണ്. നിലവിൽ ജീർണ്ണിച്ച ആദിയൂർ സബ് സെൻറിനകത്ത് ആരോഗ്യ പ്രവർത്തകർക്ക് പ്രവേശിക്കാൻ കഴിയാത്ത അവസ്ഥയിലാണ്. കെട്ടിടം പൊളിച്ചു മാറ്റി പുതിയ നിർമാണ പ്രവർത്തനം ആരംഭിക്കാനുള്ള ശ്രമങ്ങൾ ഗ്രാമ പഞ്ചായത്ത് നടത്തി കൊണ്ടിരിക്കയാണ്. തുരുത്തി മുക്ക് സബ് സെന്ററിന്റെ പ്രവർത്തനം കൂടി നടത്തിയാൽ എല്ലാ ആരോഗ്യ കേന്ദ്രങ്ങൾക്കും സ്വന്തമായി കെട്ടിടം ഉറപ്പുവരുത്തുന്ന പഞ്ചായത്തായി ഏറാമല മാറുകയും പഞ്ചായത്തിലെ എല്ലാ ഭാഗത്തും ആരോഗ്യ പ്രവർത്തനം വ്യാപിപ്പിക്കാൻ സ്വാധിക്കുകയും ചെയ്യും. ചടങ്ങിൽ ഏറാമല ഗ്രാമപഞ്ചായത്ത് പ്രസിഡണ്ട് ടി.പി മിനിക അധ്യക്ഷത വഹിച്ചു. ഹെൽത്ത് സെൻററിന് സ്ഥലം സംഭാവന നൽകിയ കുറുന്നോളി കുട്ട്യാലി സാഹിബ് കുടുംബത്തെ ആദരിക്കുകയും, ഹെൽത്ത് സെന്ററിന് കുറുന്നോളി കുടുബം വാട്ടർ കൂളർ ഗ്രാമ പഞ്ചായത്ത് പ്രസിഡണ്ടിന് നൽകുകയും ചെയ്തു.
ഗ്രാമപഞ്ചായത്ത് വൈസ് പ്രസിഡണ്ട് ഷുഹൈബ് കുന്നത്ത് സ്വാഗതം പറഞ്ഞു. ബ്ലോക്ക് പഞ്ചായത്ത് ആരോഗ്യ സ്റ്റാറ്റിങ്ങ് കമ്മിറ്റി ചെയർപേഴ്സൺ സൗമ്യ, ഏറാമല ഗ്രാമ പഞ്ചായത്ത് സ്റ്റാൻറ്റിംഗ് കമ്മിറ്റി ചെയർമാൻമാരായ എം.പി പ്രസീത, ജസീല വി.കെ, പ്രഭാകരൻ പറമ്പത്ത്, ജില്ലാ പഞ്ചായത്ത്മെമ്പർ എൻ.എം വിമല, മെമ്പർമാരായ സനൽകുമാർ പി.കെ, എൻ.എം.ബിജു, മെഡിക്കൽ ഓഫീസർ ഉഷ.എൻ, ടി. പി റഷീദ്, എൻ.കെ ശശി, ഷഫീഖ് വി.വി, പ്രകാശൻ കുനിയിൽ, പിടികെ സുരേഷ് ബാബു, സുരേന്ദ്രൻ, സി.ഗോപാലക്കുറുപ്പ് തുടങ്ങിയവർ സംസാരിച്ചു.

ആരോഗ്യകേന്ദ്രം ജനസേവകേന്ദ്രങ്ങളായി മാറണം; ബിനോയ് വിശ്വം എം.പി

കൊച്ചി: കെ.മുരളീധരനായി കൊച്ചിയിലും ഫ്ലക്സ് ബോർഡുകൾ. 'നയിക്കാൻ നായകൻ വരട്ടെ' എന്നാണ് പോസ്റ്ററിലെ വാചകങ്ങൾ. ഗസ്റ്റ് ഹൗസ് പരിസരത്താണ് പോസ്റ്റർ പ്രത്യക്ഷപ്പെട്ടത്.
കോൺഗ്രസ് പ്രവർത്തകരാണ് ഫ്ലക്സ് ബോർഡ് ഗസ്റ്റ് ഹൗസിന് മുന്നിൽ സ്ഥാപിച്ചത്. നേരത്തേ തിരുവനന്തപുരത്തടക്കം കെ.മുരളീധരനായി ഫ്ലക്സുകൾ ഉയർന്നിരുന്നു. ഇതിന് പിന്നാലെയാണ് കൊച്ചിയിലും മുരളീധരന്റെ പേരിൽ ഫ്ലക്സുകൾ പ്രത്യക്ഷപ്പെട്ടത്.
'പ്രിയപ്പെട്ട കെ.എം നിങ്ങൾ മതേതര കേരളത്തിന്റ ഹൃദയമാണ്' എന്ന് തുടങ്ങുന്ന ഫ്ലക്സിൽ, 'വർഗീയതയ്ക്ക് എതിരെയുള്ള പോരാട്ടത്തിൽ ഇന്നലെകളിൽ എങ്ങനെയായിരുന്നോ അത് പോലെ തന്നെ ഇന്നും എന്നാളും ഞങ്ങളോടൊപ്പം മുരളിയേട്ടൻ ഉണ്ടാകണമെന്നും ഞങ്ങൾക്ക് ആവേശവും അഭിമാനവുമാണ് നിങ്ങൾ' എന്നും കുറിച്ചിരിക്കുന്നു.
മുരളീധരൻ കോൺഗ്രസിനെ നയിക്കണമെന്ന ആവശ്യം പാർട്ടിയുടെ പല കോണുകളിൽനിന്നും ഉയർന്നിരുന്നു. എന്നാൽ കോൺഗ്രസ് വലിയ വിജയം നേടിയ വേളയിൽ കെപിസിസി പ്രസിഡന്റായി കെ.സുധാകരൻ തന്നെയാണ് തുടരേണ്ടതെന്ന നിലപാടാണ് മുരളീധരൻ സ്വീകരിച്ചത്.മുരളീധരനെ അനുനയിപ്പിക്കാൻ നേതൃത്വം ശ്രമിക്കുകയും ചെയ്തിരുന്നു. ഈ പശ്ചാത്തലത്തിലാണ് അദ്ദേഹത്തിന്റെ പേര് വീണ്ടും ഉയർന്നു വരുന്നത്.&nbsp;

'നയിക്കാൻ നായകൻ വരട്ടെ' കെ.മുരളീധരനായി കൊച്ചിയിലും ഫ്ലക്സ് ബോർഡുകൾ

തിരൂര്‍: ക്ഷേത്രത്തിലെ അഞ്ചുപവനോളമുള്ള തിരുവാഭരണം കവര്‍ച്ചചെയ്ത് മുങ്ങിയ കേസില്‍ പൂജാരിയായിരുന്ന യുവാവിനെ പോലീസ് അറസ്റ്റുചെയ്തു. തിരുനാവായയിലെ ക്ഷേത്രത്തിലെ മുന്‍ ജീവനക്കാരനും നെന്മാറ സ്വദേശിയുമായ മനയ്ക്കല്‍ ധനേഷിനെ(32)യാണ് പോലീസ് സംഘം അറസ്റ്റുചെയ്തത്.
കഴിഞ്ഞവര്‍ഷം ജോലിക്കുവന്ന ഇയാള്‍ കുറച്ചുകാലം ജോലിചെയ്ത് തിരുവാഭരണം കൈക്കലാക്കി അതേ മാതൃകയിലുള്ള മുക്കുപണ്ടം തിരികെ വെക്കുകയായിരുന്നു. പിന്നീട് ജോലി മതിയാക്കിപ്പോയി.ക്ഷേത്രോത്സവത്തിന് തിരുവാഭരണപരിശോധന നടത്തിയപ്പോഴാണ് ക്ഷേത്രഭാരവാഹികള്‍ വിവരമറിയുന്നത്. തുടര്‍ന്ന് പോലീസില്‍ പരാതി നല്‍കി. പ്രതിയെ ശനിയാഴ്ച കോടതിയില്‍ ഹാജരാക്കും.

ക്ഷേത്രത്തിലെ തിരുവാഭരണം മോഷ്ടിച്ച് മുങ്ങിയ പൂജാരി അറസ്റ്റില്‍

കണ്ണൂർ: തിരക്ക് കുറയ്ക്കാൻ ജൂലായ് രണ്ടുമുതൽ ഷൊർണൂർ-കണ്ണൂർ റൂട്ടിൽ ആഴ്ചയിൽ നാലുദിവസം പാസഞ്ചർ തീവണ്ടി റെയിൽവേ പ്രഖ്യാപിച്ചു. ഷൊർണൂർ-കണ്ണൂർ വണ്ടി (06031) ചൊവ്വ, ബുധൻ, വ്യാഴം, വെള്ളി ദിവസങ്ങളിലും കണ്ണൂർ-ഷൊർണൂർ വണ്ടി (06032) ബുധൻ, വ്യാഴം, വെള്ളി, ശനി ദിവസങ്ങളിലുമാണ്.10 ജനറൽ കോച്ചുകളുള്ള വണ്ടി തത്‌കാലം ഒരുമാസത്തേക്കാണ്.
വൈകിട്ട് 3.40-ന് ഷൊർണൂരിൽനിന്ന് പുറപ്പെടുന്ന വണ്ടി പട്ടാമ്പി-3.54, കുറ്റിപ്പുറം-4.13, തിരൂർ-4.31, താനൂർ-4.41, പരപ്പനങ്ങാടി-4.49, ഫറൂഖ്-5.15, കോഴിക്കോട്-5.30, കൊയിലാണ്ടി-6.01, വടകര-6.20, മാഹി-6.33, തലശ്ശേരി-6.48 എന്ന സമയക്രമത്തിൽ 7.40-ന് കണ്ണൂരിലെത്തും.
കണ്ണൂരിൽനിന്ന് രാവിലെ 8.10-ന് പുറപ്പെടുന്ന വണ്ടി തലശ്ശേരി-8.25, മാഹി-8.36, വടകര-8.47, കൊയിലാണ്ടി-9.09, കോഴിക്കോട്-9.45, ഫറൂഖ്-10.05, പരപ്പനങ്ങാടി-10.17, താനൂർ-10.26, തിരൂർ-10.34, കുറ്റിപ്പുറം-10.49, പട്ടാമ്പി-11.01 എന്ന സമയക്രമത്തിൽ 12.30-ന് ഷൊർണൂരെത്തും.

ഷൊര്‍ണൂർ-കണ്ണൂർ റൂട്ടിൽ പുതിയ പാസഞ്ചർ; ആഴ്ചയിൽ നാലുദിവസം സർവീസ് നടത്തും

ഓച്ചിറ(കൊല്ലം): ഒറ്റയ്ക്കു താമസിക്കുന്ന എഴുപത്താറുകാരിയെ വീട്ടിൽക്കയറി ക്രൂരമായി ബലാത്സംഗം ചെയ്ത കേസിൽ യുവാവിനെ പോലീസ് അറസ്റ്റ് ചെയ്തു. ക്ലാപ്പനയിൽ താമസിച്ചിരുന്ന ഷഹാസിനെ(27)യാണ് പോലീസ് അറസ്റ്റ്‌ ചെയ്തത്.
തിങ്കളാഴ്ച രാത്രി എട്ടുമണിയോടെയാണ് സംഭവം.വീടിനുസമീപം ഒളിച്ചിരുന്ന പ്രതി, വയോധിക വാതിൽ തുറന്നപ്പോൾ ഓടി അകത്തുകയറിയാണ് ഉപദ്രവിച്ചതെന്ന് പോലീസ് പറഞ്ഞു.ഗുരുതരമായി പരിക്കേറ്റ വയോധികയെ മെഡിക്കൽ കോളേജ് ആശുപത്രിയിലെ തീവ്രപരിചരണ വിഭാഗത്തിൽ അടിയന്തര ശസ്ത്രക്രിയയ്ക്കു വിധേയയാക്കി.കൃഷ്ണപുരം അതിർത്തിയിലെ ചിറയ്ക്കടുത്ത് ഒളിച്ചിരുന്ന പ്രതിയെ പോലീസ് പിടികൂടുകയായിരുന്നു.രണ്ടാഴ്ചമുമ്പ് പുലർച്ചെ ഓച്ചിറ സ്വദേശിയായ വയോധികയെ പീഡിപ്പിക്കാൻ ശ്രമിച്ച കേസിലും ഇയാൾ പ്രതിയാണെന്നു പോലീസ് പറഞ്ഞു.&nbsp;

ഒറ്റയ്ക്കു താമസിക്കുന്ന 76-കാരിയെ ബലാത്സംഗം ചെയ്ത 27 കാരന്‍ അറസ്റ്റില്‍

ലഖ്നൗ: ഗ്രേറ്റർ നോയിഡയിൽ കനത്ത മഴയെ തുടർന്ന് മതിലിടിഞ്ഞ് വീണ് മൂന്ന് കുട്ടികൾ മരിച്ചു. കഴിഞ്ഞ ദിവസം രാത്രി സൂരജ്പൂരിൽ വച്ചായിരുന്നു സംഭവം. നിർമാണത്തിലിരുന്ന മതിലാണ് തകർന്നുവീണത്. ഇതിന് സമീപം കളിച്ചുകൊണ്ടിരുന്ന ഒരേ കുടുംബത്തിലെ എട്ട് കുട്ടികളുടെ മുകളിലേക്കാണ് മതിൽ ഇടിഞ്ഞുവീണത്. പരിക്കേറ്റവരെആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.&nbsp;
പരിക്കേറ്റ ബാക്കി കുട്ടികൾ ചികിത്സയിലാണ്. ഗ്രേറ്റർ നോയിഡയിൽ കഴിഞ്ഞ ദിവസം പുലർച്ചെ മുതൽ കനത്ത മഴയായിരുന്നു.

ഗ്രേറ്റര്‍ നോയിഡയില്‍ മതില്‍ തകര്‍ന്നു വീണ് മൂന്ന് കുട്ടികള്‍ മരിച്ചു

കോഴിക്കോട്: ഇൻസ്റ്റഗ്രാം വഴി അശ്ലീല സന്ദേശങ്ങൾ അയച്ചത് ചോദ്യം ചെയ്ത യുവതിയെ ക്രൂരമായി മർദ്ദിച്ച് യുവാവ്. ഓമശേരി സ്വദേശിയും യുവതിയുടെ നാട്ടുകാരനുമായ മിർഷാദ് എന്ന യുവാവാണ് പ്രതി. നടമ്മൽ പൊയിലിൽ ലവച്ചാണ് യുവാവ് ആക്രമം നടത്തിയത്.&nbsp;
സംഭവത്തിൽ കൊടുവളളി പൊലീസ് കേസെടുത്തതിന് പിന്നാലെ യുവാവ് ഒളിവിൽ പോകുകയായിരുന്നു. കണ്ണിന് ഗുരുതര പരിക്കേറ്റ യുവതിയെ ആശുപത്രിയിൽ പ്രവേശിപ്പിച്ചിട്ടുണ്ട്.പരാതിക്കാരിയുടെ ഇൻസ്റ്റാഗ്രാം ഐഡിയിലേക്ക് യുവാവ് നിരന്തരം അശ്ലീല സന്ദേശം അയക്കുകയായിരുന്നു. ഇതിന് യുവതി ഇൻസ്റ്റാഗ്രാം വഴി യുവതി മറുപടിയും നൽകിയിരുന്നു. എന്നിട്ടും സന്ദേശം അയക്കൽ ആവർത്തിച്ചതോടെ പ്രതിയുടെ വീട്ടിൽ പോയി യുവതി പരാതിപ്പെട്ടു. അതിന്റെ വൈരാഗ്യത്തിന് മിർഷാദ് വഴിയിൽ തടഞ്ഞുവെച്ച് ആക്രമിച്ചെന്നാണ് യുവതിയുടെ പരാതി.വിവാഹ നിശ്ചയ സമയത്ത് കിട്ടിയ സ്വർണവും നഷ്ടപ്പെട്ടെന്ന് യുവതി പറയുന്നു. സംഭവത്തിൽ യുവതിയുടെ കണ്ണിനും തലക്കും പരിക്കുണ്ട്. പൊലീസ് കേസെടുത്തതോടെ മിർഷാദിന്റെ ഫോൺ സ്വിച്ച് ഓഫ് ആയി. പ്രതിക്കായുളള അന്വേഷണം നടന്നുവരികയാണ്.

ഇൻസ്റ്റഗ്രാമിൽ അശ്ലീല  സന്ദേശങ്ങൾ അയച്ചത് ചോദ്യം ചെയ്തു, യുവതിയെ നടുറോഡിൽ വച്ച് മർദ്ദിച്ച് യുവാവ്

കൊച്ചി: ഇതിഹാസതാരങ്ങളെ അണിനിരത്തിക്കൊണ്ട് കേരളത്തില്‍ തുടക്കമാകുന്ന പുതിയ ഫുട്ബോള്‍ ലീഗില്‍ നിക്ഷേപവുമായി നടന്‍ പൃഥ്വിരാജ്. സൂപ്പര്‍ ലീഗ് കേരള (എസ്എല്‍കെ) ഫുട്‌ബോള്‍ ക്ലബ്ബായ കൊച്ചി പൈപ്പേഴ്‌സിന്റെ ഓഹരിയാണ് പൃഥ്വിരാജ് വാങ്ങിയത്. ഇതോടെ കേരളത്തിലെ പ്രൊഫഷണല്‍ ഫുട്‌ബോള്‍ ടീമിന്റെ സഹ ഉടമയാകുന്ന ആദ്യ സിനിമ താരമായും പൃഥ്വിരാജ് മാറി.
മുന്‍ ഇന്ത്യന്‍ ടെന്നീസ് താരവും എസ്.ജി. സ്പോര്‍ട്സ് ആന്‍ഡ് എന്റര്‍ടെയ്ന്‍മെന്റ് സി.ഇ.ഒയുമായ മഹേഷ് ഭൂപതിയും നടി ലാറ ദത്തയുമാണ് കൊച്ചി പൈപ്പേഴ്‌സ് ടീമിന്റെ ഉടമകള്‍. നേരത്തേ എസ്എല്‍കെയില്‍ തൃശൂര്‍ ആസ്ഥാനമായ ടീമില്‍ ഓഹരി പങ്കാളിത്തത്തിനായി പൃഥ്വിരാജ് ശ്രമിച്ചിരുന്നെങ്കിലും അത് നടന്നിരുന്നില്ല.

കേരളത്തിൽ തുടങ്ങുന്ന ഫുട്ബോള്‍ ലീഗില്‍ നിക്ഷേപവുമായി നടന്‍ പൃഥ്വിരാജ്

നടി മീരാനന്ദന്‍ വിവാഹിതയായി. ഗുരുവായൂര്‍ ക്ഷേത്രത്തില്‍ വെച്ചായിരുന്നു വിവാഹം. ലണ്ടനില്‍ അക്കൗണ്ടന്റ് ആയ ശ്രീജു ശനിയാഴ്ച പുലര്‍ച്ചെ മീരയ്ക്ക് താലി ചാര്‍ത്തി. താലികെട്ടിന്റേയും സിന്ദൂരം ചാര്‍ത്തുന്നതിന്റേയും ചിത്രങ്ങള്‍ മീര ഇന്‍സ്റ്റഗ്രാമില്‍ ഷെയര്‍ ചെയ്തു. വിവാഹത്തിന് മുന്നോടിയായുള്ള ഹല്‍ദി, മെഹന്ദി, സംഗീത് തുടങ്ങിയ പരിപാടികളുടെ ദൃശ്യങ്ങള്‍ മീര പങ്കുവെച്ചിരുന്നു.
കഴിഞ്ഞ സെപ്റ്റംബര്‍ 13-നായിരുന്നു താരത്തിന്റെ വിവാഹനിശ്ചയം. മാട്രിമോണി സൈറ്റ് വഴിയാണ് മീരയും ശ്രീജുവും പരിചയപ്പെട്ടത്. ശേഷം ഇരുവരുടേയും മാതാപിതാക്കള്‍ പരസ്പരം സംസാരിച്ച് വിവാഹമുറപ്പിക്കുകയായിരുന്നു.
കൊച്ചി എളമക്കര സ്വദേശിനിയായ മീര നന്ദനെ മുല്ല എന്ന ചിത്രത്തിലൂടെസംവിധായകന്‍ ലാല്‍ജോസാണ് മലയാളസിനിമയ്ക്ക് പരിചയപ്പെടുത്തിയത്.

നടി മീരാനന്ദന്‍ വിവാഹിതയായി

ന്യൂഡല്‍ഹി: നരേലിയില്‍ പത്തുവയസ്സുകാരിയെ കൂട്ടബലാത്സംഗം ചെയ്ത് കൊലപ്പെടുത്തി. തല തല്ലിത്തകര്‍ത്ത നിലയിലാണ് മൃതദേഹം കണ്ടെത്തിയത്. രണ്ടുപേര്‍ അറസ്റ്റിലായിട്ടുണ്ട്.
വ്യാഴാഴ്ച രാത്രിയായിരുന്നു സംഭവം. അത്താഴം കഴിച്ച ശേഷം വീടിന് പുറത്തിറങ്ങിയ പെണ്‍കുട്ടിയെ രണ്ടുപേര്‍ ചേര്‍ന്ന് തട്ടിക്കൊണ്ടു പോവുകയും ബലാത്സംഗത്തിനിരയാക്കിയ ശേഷം തല തകര്‍ത്ത് കൊലപ്പെടുത്തുകയുമായിരുന്നു എന്നാണ് വിവരം.സമീപവാസികളായ രാഹുല്‍, ദേവദത്ത് എന്നീ രണ്ടുപേരെ പോലീസ് അറസ്റ്റ് ചെയ്തിട്ടുണ്ട്. സമീപത്തെ ഫാക്ടറിയിലെ ജീവനക്കാരാണ് ഇവര്‍. പെണ്‍കുട്ടിയെ ഇവരാണ് തട്ടിക്കൊണ്ടുപോയതെന്നാണ് പോലീസ് സംശയിക്കുന്നത്

ഡല്‍ഹിയില്‍ പത്തുവയസ്സുകാരിയെ കൂട്ടബലാത്സംഗം ചെയ്ത് കൊലപ്പെടുത്തി;മൃതദേഹം തലതകര്‍ത്ത നിലയില്‍

പത്തുവയസ്സുകാരിയെ കൂട്ടബലാത്സംഗം ചെയ്ത് കൊലപ്പെടുത്തി;മൃതദേഹം തലതകര്‍ത്ത നിലയില്‍

കോഴിക്കോട് : യുവതിയെ വിവസ്ത്രയാക്കി ദൃശ്യം പകർത്തിയ സംഭവത്തിൽ കൗമാരക്കാരൻ പൊലീസ് പിടിയിൽ. തിങ്കളാഴ്ച പുലർച്ചെ യുവാക്കൾ കൂട്ടിക്കൊണ്ടുപോയി നഗ്നദൃശ്യങ്ങൾ പകർത്തിയെന്നാണ് വയനാട് സ്വദേശിയായ യുവതി മെഡിക്കൽ കോളജ് പൊലീസ് സ്റ്റേഷനിൽ പരാതി നൽകിയത്. തുടർന്നു നടത്തിയ അന്വേഷണത്തിലാണ് സുഹൃത്തായ പ്രായപൂർത്തിയാകാത്ത കൗമാരക്കാരനെ പിടികൂടിയത്. കൗമാരക്കാരനെ ജുവനൈൽ ജസ്റ്റിസിന് മുന്നിൽ ഹാജരാക്കിയെന്ന് മെഡിക്കൽ കോളജ് പൊലീസ് അറിയിച്ചു.
ദേശീയ പാത ബൈപ്പാസിൽ സുഹൃത്തായ കൗമാരക്കാരനൊപ്പം ഭക്ഷണം കഴിക്കാൻ എത്തിയതായിരുന്നു യുവതി. കൗമാരക്കാരന്റെ മറ്റ് രണ്ട് സുഹൃത്തുക്കളും പിന്നീട് ഇവിടേക്കെത്തി. തുടർന്ന് നാലു പേരും ചേർന്ന് ബൈക്കിൽ കുന്നമംഗലം ഭാഗത്തുള്ള ഒരു വീട്ടിലേക്ക് പോകുകയായിരുന്നു. ഇവിടെയെത്തിയ ശേഷമാണ് നഗ്നയാക്കി ദൃശ്യങ്ങൾ പകർത്തിയതെന്നാണ് യുവതിയുടെ പരാതി.

കോഴിക്കോട് യുവതിയെ വിവസ്ത്രയാക്കി ദൃശ്യം പകർത്തി; കൗമാരക്കാരൻ പൊലീസ് പിടിയിൽ

വടകര : എംഡിഎംഎയും കഞ്ചാവുമായി അറസ്റ്റിലായ യുവാവിന് രണ്ടുവർഷം കഠിനതടവും 20,000 രൂപ പിഴയും ശിക്ഷ. കോഴിക്കോട് മടവൂർ പുല്ലാലൂർ മേലേമഠത്തിൽ ‘ഉഷാ നിവാസി’ൽ പി.വി. രജിലേഷിനെ(33)യാണ് വടകര എൻഡിപിഎസ് കോടതി ജഡ്ജ് വി.ജി. ബിജു ശിക്ഷിച്ചത്. പിഴയടച്ചില്ലെങ്കിൽ രണ്ടുമാസംകൂടി കഠിനതടവനുഭവിക്കണം. 2019 ഒക്ടോബർ മൂന്നിന് കോഴിക്കോട് റെയിൽവേ സ്റ്റേഷൻ റോഡിലെ ലോഡ്ജ് മുറിയിൽനിന്ന് 35 ഗ്രാം കഞ്ചാവും, ആറുഗ്രാം എംഡിഎംഎയുമായി കോഴിക്കോട് ടൗൺ പോലീസാണ് ഇയാളെ അറസ്റ്റുചെയ്തത്. പ്രോസിക്യൂഷനുവേണ്ടി അഡ്വ. ഇ.വി. ലിജീഷ് ഹാജരായി.

എംഡിഎംഎയും കഞ്ചാവുമായി അറസ്റ്റിലായ യുവാവിന് രണ്ടുവർഷം കഠിനതടവ്

നാദാപുരം: മുതുവടത്തൂരിൽ എം ഡി എം എ യുമായി ടൂറിസ്റ്റ് ബസ്സ് ഡ്രൈവർ അറസ്റ്റിൽ. മുതുവടത്തൂർ പുന്നക്കൽ വീട്ടിൽ ഷബീർ (36) നെയാണ് എസ് ഐ വിഷ്ണു എം.പിയും നാദാപുരം ഡി വൈ എസ് പി യുടെ സ്ക്വാഡ് അംഗങ്ങളും ചേർന്ന് പിടികൂടിയത്. പ്രതിയിൽ നിന്ന് O.66 ഗ്രാം എം ഡി എം എ അധികൃതർ കണ്ടെത്തി. മുതുവടത്തൂരിൽ വാഹന പരിശോധനക്കിടെ കെ എൽ 18 എ സി 7493 നമ്പർ സ്കൂട്ടറിൽ സഞ്ചരിക്കുകയായിരുന്നു പ്രതി. സ്കൂട്ടർ പോലീസ് കസ്റ്റഡിയിൽ എടുത്തു.

മുതുവടത്തൂരിൽ എം ഡി എം എ യുമായി ടൂറിസ്റ്റ് ബസ്സ് ഡ്രൈവർ അറസ്റ്റിൽ

Nadapuram

കശ്മീർ : കശ്മീരിലെ പഹൽഗാം ഭീകരാക്രമണത്തിന്റെ തീവ്രത വെളിവാക്കുന്ന ഹൃദയംതകരുന്ന ചിത്രമായിരുന്നു വെടിയേറ്റ് മരിച്ച് കിടക്കുന്ന ഭർത്താവിന് മുന്നിൽ നിസ്സഹയതോടെ ഇരിക്കുന്ന ഭാര്യയുടെ ചിത്രം. ഹരിയാന സ്വദേശിയും കൊച്ചിയിൽ നാവിക സേന ഉദ്യോഗസ്ഥനുമായ വിനയ് നർവാളും (26) ഭാര്യ ഹിമാൻഷിയുമാണ് ചിത്രത്തിലുണ്ടായിരുന്നത്.ആക്രമണത്തിന്റെ ഭീകരത വിളിച്ചോതും ചിത്രമാണ് ചൊവ്വാഴ്ച വൈകിട്ട് മുതൽ സമൂഹമാധ്യമങ്ങളിൽ പങ്കുവെച്ചത്.
ഏപ്രിൽ 16നായിരുന്നു വിനയ് നർവാളിന്റെയും ഹിമാൻഷിയുടേയും വിവാഹം. വിവാഹാഘോഷങ്ങള്‍ക്ക് ശേഷം അവധിയെടുത്ത് 19നാണ് കശ്മീരിലേക്ക് പോകുന്നത്. പഹൽഗാമിലെ ബൈസരൻ വാലിയിൽ മധുവിധു ആഘോഷങ്ങൾക്കിടെയാണ് ഭീകരർ ഭാര്യയുടെ മുന്നിൽ വെച്ച് വിനയിനെ വെടിവെച്ച് വീഴ്ത്തുന്നത്.&nbsp;
പ​ഹ​ൽ​ഗാ​മി​ൽ വി​നോ​ദ​സ​ഞ്ചാ​രി​ക​ൾ​ക്കു​നേ​രെ ന​ട​ന്ന ഭീ​ക​രാ​ക്ര​മ​ണ​ത്തി​ൽ കൊല്ലപ്പെട്ടവരുടെ എണ്ണം 29 ആയി. 20 പേ​ർ​ക്കാണ് പ​രി​ക്കേ​റ്റത്. കൊല്ലപ്പെട്ടവരിൽ ഒരു മലയാളിയും ഉൾപ്പെടും. എറണാകുളം ഇടപ്പള്ളി മോഡേൺ ​ബ്രഡിനടുത്ത് എൻ. രാമചന്ദ്രനാണ് (65) മരിച്ചത്.&nbsp;

വെടിയേറ്റ് വീണത് ഭാര്യയുടെ മുന്നിൽ; ഹൃദയംതകരുന്ന ആ ചിത്രം നാവികസേന ഓഫീസറുടേത്, വിവാഹം കഴിഞ്ഞത് 6 ദിവസം മുന്‍പ്

ആയഞ്ചേരി: ആയഞ്ചേരി മുക്കടത്തുംവയല്‍ കുനീമ്മല്‍ രാജീവന്റെ (55) മരണത്തില്‍ ദുരൂഹതയാരോപിച്ച് കുടുംബം രംഗത്ത്. മര്‍ദനമാണ് മരണകാരണമെന്നാണ് കുടുംബം ഉന്നയിക്കുന്നത്. ശനിയാഴ്ച രാത്രി ആയഞ്ചേരി പോക്ലാറത്തു താഴെ വെച്ച് ഒരു സംഘമാളുകള്‍ രാജീവനെ മര്‍ദിച്ചതായി പറയുന്നു. പരിക്കേറ്റ് ചികിത്സയിലിരിക്കെ ഞായറാഴ്ച ഉച്ചയോടെ രാജീവന്‍ തലശ്ശേരിയിലെ ആശുപത്രിയില്‍ മരണപ്പെടുകയായിരുന്നു. രാജീവന്റെ മരണം മര്‍ദനം മൂലമാണെന്നാരോപിച്ച് കുടുംബം വടകര പോലീസില്‍ പരാതി നല്‍കി.
കോഴിക്കോട് മെഡിക്കല്‍ കോളജ് ആശുപത്രിയില്‍ പോസ്റ്റ്മോര്‍ട്ടത്തിനു ശേഷം ബന്ധുക്കള്‍ ഏറ്റുവാങ്ങിയ മൃതദേഹം വീട്ടുവളപ്പില്‍ സംസ്‌കരിച്ചു.രാജീവന്റെ ദുരൂഹ മരണത്തെക്കുറിച്ച് അന്വേഷിച്ച് ഉത്തരവാദികളായവരുടെ പേരില്‍ നിയമ നടപടി സ്വീകരിക്കണമെന്ന് ബിജെപി ആവശ്യപ്പെട്ടു.
ഗൃഹപ്രവേശനത്തിനുള്ള ഒരുക്കം നടക്കുന്ന വീട്ടില്‍ നിന്ന് രാത്രി സ്വന്തം വീട്ടിലേക്കു പോകുമ്പോഴാണ്ബൈക്ക് തടഞ്ഞുനിര്‍ത്തി രാജീവനെ ഒരു സംഘമാളുകള്‍ പരിക്കേല്‍പിച്ചത്. ആദ്യം വടകര സഹകരണാശുപത്രിയിലാണ് ചികിത്സ തേടിയത്. പിന്നീട് നാദാപുരത്തെ സ്വകാര്യ ആശുപത്രിയില്‍ ചികിത്സ തേടി. അവിടെ നിന്ന് തലശേരി ആശുപത്രിയില്‍ എത്തുകയായിരുന്നു. ഇതിനു പിന്നാലെയാണ് മരണം. സുധയാണ് രാജീവന്റെ ഭാര്യ. മക്കള്‍: നീതു, നിഖില്‍. മരുമക്കള്‍: രാജേഷ് (മുയിപ്പോത്ത്), കാവ്യ (കീഴരിയൂര്‍). സഹോദരങ്ങള്‍: കുഞ്ഞിക്കേളു, ശാന്ത (ആയഞ്ചേരി), ലീല (ചാവട്ട്), രാധ (എരവട്ടൂര്‍).

ആയഞ്ചേരി കുനീമ്മല്‍ രാജീവന്റെ മരണം; ദുരൂഹതയാരോപിച്ച് ബന്ധുക്കൾ, അന്വേഷണം വേണമെന്ന് ആവശ്യം

കുറ്റ്യാടി: മാതാവിനോടൊപ്പം ഉറങ്ങി കിടന്ന ഒന്നര മാസം പ്രായമുള്ള കുഞ്ഞ് മരിച്ച നിലയില്‍. അരൂര്‍ ഒതയോത്ത്റിയാസിന്റെ മകള്‍ നൂറ ഫാത്തിമ (47 ദിവസം) യാണ് മരിച്ചത്. കക്കട്ടിലെ പൊയോല്‍ മുക്കിലെ മാതാവിന്റെ വീട്ടിലാണ് മരണം. ഇന്ന് രാവിലെ മൂത്ത മകള്‍ നോക്കിയപ്പോഴാണ് ഉറങ്ങിക്കിടക്കുകയായിരുന്ന ഉമ്മയുടെ അടുത്ത് ചലനമറ്റ് ശരീരം തണുത്ത നിലയില്‍ കുട്ടിയെ കണ്ടത്.&nbsp;
ഉടന്‍ ആശുപത്രിയില്‍ എത്തിച്ചെങ്കിലും നേരത്തെ മരണം സംഭവിച്ചതായി ഡോക്ടര്‍മാര്‍ അറിയിച്ചു. കുറ്റ്യാടി പൊലീസ് ഇന്‍ക്വസ്റ്റ് നടത്തിയ മൃതദേഹം കോഴിക്കോട് മെഡിക്കല്‍കോളേജ് ആശുപത്രിയിലേക്ക് പോസ്റ്റ്‌മോര്‍ട്ടത്തിനയച്ചു.രാത്രി നിര്‍ത്താതെ കരഞ്ഞ കുട്ടി പിന്നീട് ഇന്ന് പുലര്‍ച്ചെവരെ മുലപ്പാല്‍ കുടിച്ചിരുന്നതായി പറയുന്നു. മുലപ്പാല്‍ തൊണ്ടയില്‍ കുടുങ്ങിയാണോ മരണമെന്ന് വ്യക്തമല്ല. പോസ്റ്റ്‌മോര്‍ട്ടം റിപ്പോര്‍ട്ട് ലഭിച്ചാലേ മരണകാരണം വ്യക്തമാകൂ.

അരൂരിൽ ഒന്നര മാസം പ്രായമുള്ള കുഞ്ഞ് മരിച്ച നിലയില്‍

Kuttiadi

വടകര: 58.53 ഗ്രാം എംഡിഎംഎ പിടിച്ചെടുത്ത് എന്ന് ആരോപിച്ച് ജയിലിലടക്കപ്പെട്ട പ്രതികള്‍ക്ക് കോടതി സ്വന്തം ജാമ്യം അനുവദിച്ചു. പിടിച്ചെടുത്തത് മയക്കുമരുന്നല്ലെന്ന് രാസ പരിശോധനയില്‍ തെളിഞ്ഞതിനെ തുടര്‍ന്നാണ് കോടതി നടപടി.
ഓഗസ്റ്റ് 23ന് പുതുപ്പാടി അനോറേമ്മലുള്ള വാടക വിട്ടില്‍ നിന്നു 58.53 ഗ്രാം എംഡിഎംഎയുമായി തച്ചംപൊയില്‍ ഇരട്ടകുളങ്ങര പുഷ്പ എന്ന റെജീനയെ (42) താമരശ്ശേരി പോലീസ് പിടികൂടി എന്നാണ് കേസ്. പിന്നീട് പരപ്പന്‍ പൊയില്‍ സ്വദേശി തെക്കെ പുരയില്‍ സനീഷ് കുമാറിനേയും (38) കേസില്‍ പ്രതിചേര്‍ത്ത് അറസ്റ്റ് ചെയ്തു ജയിലടച്ചു. രണ്ടാഴ്ചക്കുള്ളില്‍ രാസപരിശോധനാ ഫലം വരുത്തണമെന്ന നിയമം പോലീസ് പാലിച്ചില്ല. രാസ പരിശോധനാ ഫലം വന്നപ്പോഴേക്കും എട്ടുമാസം കഴിഞ്ഞു. രാസ പരിശോധനയില്‍ മയക്കുമരുന്ന് കണ്ടത്താത്തതിനെ തുടര്‍ന്നാണ് വടകര നാര്‍ക്കോട്ടിക്ക് സ്‌പെഷ്യല്‍ കോടതി ജഡ്ജി വി.ജി.ബിജു ഇരുവര്‍ക്കും സ്വന്തം ജാമ്യം അനുവദിച്ചത്.
അന്യായമായി പുഷ്പയേയും സനീഷ് കുമാറിനേയും ജയിലിലടച്ച താമരശ്ശേരി പോലീസ് സ്റ്റേഷന്‍ ഹൗസ് ഓഫീസര്‍ക്കെതിരെ നിയമനടപടി സ്വീകരിക്കുമെന്നു പ്രതികളുടെ അഭിഭാഷകന്‍ പി.പി.സുനില്‍ കുമാര്‍ പറഞ്ഞു.

പിടിച്ചെടുത്തത് എംഡിഎംഎ അല്ലെന്ന് പരിശോധനാഫലം; എട്ട് മാസമായി ജയിലില്‍ കഴിയുന്ന യുവതിക്കും യുവാവിനും സ്വന്തം ജാമ്യം

നാദാപുരം : വിവാഹ സംഘങ്ങളുടെ വാഹനങ്ങൾ തമ്മിൽ തട്ടിയതിന്റെ പേരിലുണ്ടായ സംഘർഷത്തിൽ 10 പേർക്കെതിരെ പൊലീസ് കേസെടുത്തു. വിവാഹത്തിന് പോകുകയായിരുന്ന സംഘം സഞ്ചരിച്ച കാറിൽ എതിർദിശയിൽ വരികയായിരുന്ന ജീപ്പ് തട്ടിയതോടെയാണ് പ്രദേശത്ത് സംഘർഷമുണ്ടായത്. പ്രദേശത്തെ വേറൊരു വിവാഹ സംഘമാണ് ജീപ്പിലുണ്ടായിരുന്നത്.
ഇ‌തോടെ കാറിലുണ്ടായിരുന്നവർ ജീപ്പിലുണ്ടായിരുന്നവരോട് തർക്കമായി. ഇതിനിടെ ജീപ്പിൽ നിന്നും പുറത്തിറങ്ങിയവർ ആക്രമിച്ചു എന്നാണ് കാറിലുള്ളവരുടെ പരാതി. വാഹനത്തിന്റെ ഗ്ളാസ് തകർക്കുകയും ആറുമാസം മാത്രം പ്രായമുള്ള കുഞ്ഞടക്കം നാലുപേർക്ക് പരിക്കേൽക്കുകയും ചെയ്‌തു. പരിക്കേറ്റവർ ഇന്നലെ ചികിത്സ തേടി. ചെക്യാട് സ്വദേശിയായ നിധിൻലാലിന്റെ ഭാര്യ ആതിര നൽകിയ പരാതിയിലാണ് കണ്ടാ‌ലറിയുന്ന 10 പേർക്കെതിരെ ആക്രമണത്തിന് കേസെടുത്തത്.

വളയത്ത് വാഹനം തട്ടിയ പേരിൽ വിവാഹപാർട്ടിക്കാർ തമ്മിലടിച്ച സംഭവം, 10 പേർക്കെതിരെ പൊലീസ് കേസെടുത്തു

നാദാപുരം : സംസ്ഥാന പാതയിൽ അപകടകരമായി മത്സര ഓട്ടം നടത്തിയ രണ്ട് ബസുകൾ നാദാപുരം പോലീസ് കസ്റ്റഡിയിലെടുത്തു. ഡ്രൈവർമാർക്കെതിരെ കേസ്. തുണേരി സ്വദേശി ബാപ്പറത്ത് താഴെ കുനിയിൽ ബി. ടി.കെ. റെജിത്ത് (30 ) , കുറ്റ്യാടി കായക്കൊടി സ്വദേശി പള്ളിപ്പെരുമ്പടത്തിൽ ജയേഷ് ( 42 ) എന്നിവർക്കെതിരെയാണ് നാദാപുരം പോലീസ് കേസെടുത്തത്. വെള്ളിയാഴ്ച്ച ഉച്ചയ്ക്കാണ് കുറ്റ്യാടി നിന്ന് നാദാപുരം ഭാഗത്തേക്ക് സർവീസ് നടത്തുകയായിരുന്ന കെ എൽ 18 ഡബ്ല്യു 3251 നമ്പർ സോൾമേറ്റ് ബസ്സും , കെ എൽ 13 എ.കെ.6399 നമ്പർ ഹരേ റാം ബസ്സും മൽസര ഓട്ടം നടത്തിയത്.&nbsp;
കല്ലാച്ചി മുതൽ നാദാപുരം സ്റ്റാൻ്റ് വരെ , ബസിലെ യാത്രക്കാർക്കും റോഡിലെ മറ്റ് വാഹനങ്ങൾക്കും അപകടം ഉണ്ടാക്കും വിധമാണ് ഇരു ഡ്രൈവർമാരും വാഹനം ഓടിച്ചത്. നാദാപുരം സ്റ്റാൻ്റിലെത്തിയ ഇരു ബസ്സിലെ ജീവനക്കാർ പരസ്പരം പോർവിളി നടത്തുകയും ചെയ്തു. സംഭവമറിഞ്ഞ് സ്ഥലത്തെത്തിയ പോലീസ് രണ്ട് ബസുകളും കസ്റ്റഡിയിലെടുക്കുകയും ഡ്രൈവർമാർക്കെതിരെ കേസ് എടുക്കുകയും ആയിരുന്നു.

മത്സര ഓട്ടം; നാദാപുരത്ത് രണ്ട് ബസുകൾ കസ്റ്റഡിയിൽ ഡ്രൈവർമാർക്കെതിരെ കേസ്

Search Results for: kollam sudhi