തിരുവനന്തപുരം: അധിക്ഷേപങ്ങൾക്കിടയിൽ കുറച്ച് പുകഴ്ത്തലാകാമെന്ന് മുഖ്യമന്ത്രി പിണറായി വിജയൻ. വാഴ്ത്തുപാട്ട് വിഷയവുമായി ബന്ധപ്പെട്ട് മാധ്യമപ്രവർത്തകരുടെ ചോദ്യങ്ങൾക്ക് മറുപടി നൽകുകയായിരുന്നു അദ്ദേഹം.
മുഖ്യമന്ത്രിയെ സ്തുതിക്കുന്ന സംഘഗാനംഏറെ ചർച്ചയായിരുന്നു. വ്യാഴാഴ്ച സി.പി.എം അനുകൂല കേരള സെക്രട്ടേറിയറ്റ് എംപ്ലോയീസ് അസോസിയേഷന്‍ സുവര്‍ണ ജൂബിലി മന്ദിരത്തിന്റെ ഉദ്ഘാടനത്തില്‍ മുഖ്യമന്ത്രിയെ വേദിയിലിരുത്തി 100 വനിതാ ജീവനക്കാരാണ് സംഘഗാനം ആലപിക്കുക. ചെമ്പടയ്ക്ക് കാവലാള്‍, ചെങ്കനല്‍ കണക്കൊരാള്‍ ചെങ്കൊടിക്കരത്തിലേന്തി കേരളം നയിക്കയായ് സമരധീര സമരധീര സമരധീര സാരഥി പിണറായി വിജയന്‍ എന്നു തുടങ്ങുന്ന ഗാനം നേരത്തെ പുറത്തായതോടെയാണ് ഇത് വലിയ ചര്‍ച്ചയായത്.
ഇതുമായി ബന്ധപ്പെട്ട ചോദ്യങ്ങളിൽ; 'വാർത്ത വന്നതല്ലേ, വാർത്തയിൽ വന്നാൽ പിന്നെ ശ്രദ്ധയിൽ പെടൂല്ലേ? ഞാനാ പാട്ട് എന്താണെന്ന് കേട്ടിട്ടില്ല. വല്ലാതെ അധിക്ഷേപിച്ചു കൊണ്ടിരിക്കുമ്പം ലേശം പുകഴ്ത്തൽ വന്നാൽ അതിൽ വല്ലാത്ത അസ്വാസ്ഥ്യം ഉണ്ടാകും എന്നത് ഉറപ്പാണ്. അതിൽ എനിക്ക് സംശയമില്ല. ഇങ്ങനെ ഒരു കാര്യം വരുമ്പോൾ തന്നെ, സകലമാന കുറ്റങ്ങളും എന്റെ തലയിൽ ചാർത്താൻ ശ്രമിച്ചു കൊണ്ടിരിക്കുന്ന ഒരു കൂട്ടർ നമ്മുടെ നാട്ടിൽ ഉണ്ടല്ലോ. അങ്ങനെയുള്ള ആളുകൾക്ക് വല്ലാത്ത വിഷമം സ്വാഭാവികമായിട്ടുണ്ടാകും. അത് അങ്ങനെയേ കാണേണ്ടതായുള്ളൂ'- മുഖ്യമന്ത്രി പറഞ്ഞു.

അധിക്ഷേപങ്ങൾക്കിടയിൽ കുറച്ച് പുകഴ്ത്തലാകാം ;വാഴ്ത്തുപാട്ട് വിഷയത്തിൽ മറുപടിയുമായി മുഖ്യമന്ത്രി

പങ്കാളിയുടെ താല്‍പര്യക്കുറവ്, ആവര്‍ത്തനവിരസത, സാമ്പത്തികമായും സാമൂഹികമായും വളര്‍ന്നുവരുന്ന ഉത്തരവാദിത്വങ്ങള്‍ ഇവയൊക്കെ ദാമ്പത്യജീവിതം തണുപ്പിക്കുന്ന പ്രശ്‌നങ്ങളാണ്. അതല്ലാതെ, അടിസ്ഥാനപരമായി ലൈംഗികതയ്ക്ക് ഒരു മാറ്റവും വരുന്നില്ല. യഥാര്‍ഥത്തില്‍ ദാമ്പത്യത്തിന്റെ വൈകിയുള്ള കാലഘട്ടമാണ് ലൈംഗികതയ്ക്ക് ഏറ്റവും ഉത്തമം.
ഒരു ജീവിതകാലം കൂടെ കഴിഞ്ഞതിന്റെ അടുപ്പവും സ്‌നേഹവും പരസ്പരധാരണയും ഒക്കെ ലൈംഗികജീവിതത്തിന് മാറ്റുകൂട്ടുന്നു. പങ്കാളിയിലെ വികാരം എങ്ങനെ ഉണര്‍ത്താം, പങ്കാളിയുടെ ഇഷ്ടാനിഷ്ടങ്ങള്‍ എന്തൊക്കെയാണ് ഇവയൊന്നും ദാമ്പത്യത്തിന്റെ ആദ്യനാളുകളിലല്ല, പിന്നീടുള്ള വര്‍ഷങ്ങളിലാണ് ദമ്പതികള്‍ മനസ്സിലാക്കിയെടുക്കുന്നത്. ലൈംഗികജീവിതം ചെറുപ്പക്കാര്‍ക്ക് എത്രത്തോളം പ്രധാനമാണോ അത്രത്തോളംതന്നെ പ്രധാനമാണ് പ്രായമായവര്‍ക്കും. ചുറ്റുപാടുകളും ആരോഗ്യസ്ഥിതിയും അനുവദിക്കുന്ന കാലംവരെ ലൈംഗികജീവിതം ആസ്വദിക്കണം.
സെക്‌സിന് പ്രായമില്ല
സെക്‌സ് ആസ്വദിക്കാന്‍ പ്രായം പ്രശ്‌നമല്ല എന്നാണോ?സെക്‌സിന് എക്‌സ്പയറി ഡേറ്റ് ഇല്ല. ഇന്ന് നല്ലൊരു ശതമാനം ദമ്പതികളും വയസ്സുകാലത്തും ലൈംഗികമായി ആക്ടീവ് ആണ്. 80 കഴിഞ്ഞ 5,6 ദമ്പതികളെങ്കിലും വര്‍ഷത്തില്‍ എന്നെ കാണാന്‍ വരാറുണ്ട്.
ലൈംഗിക ജീവിതം എങ്ങനെ മെച്ചപ്പെടുത്താന്‍ കഴിയും?
പങ്കാളിയുടെ ഇഷ്ടാനിഷ്ടങ്ങള്‍ മനസ്സിലാക്കിയെടുക്കുക, അവനവന്റെ ഇഷ്ടാനിഷ്ടങ്ങള്‍ തുറന്നുപറയുക. ഇത് ദമ്പതികള്‍ക്കിടയില്‍ ഏറ്റവും പ്രധാനമാണ്. പരിഹാരമില്ലാത്ത ഒരു പ്രശ്‌നവും ദമ്പതികള്‍ക്കിടയില്‍ ഇല്ല. രതിപൂര്‍വലീലകള്‍ വളരെ പ്രധാനമാണ്. പങ്കാളിയെ മറ്റാരുമായും താരതമ്യപ്പെടുത്തി താഴ്ത്തി സംസാരിക്കാതിരിക്കുക. ലൈംഗികബന്ധം അളവുകോല്‍കൊണ്ട് അളക്കേണ്ട ഒന്നല്ല. രണ്ട് വ്യക്തികള്‍ക്കിടയിലുള്ള സന്തോഷവും സംതൃപ്തിയും ആണത്. താരതമ്യപ്പെടുത്തല്‍ ബന്ധത്തിന്റെ ദൃഢത നശിപ്പിക്കും. നല്ല ഭക്ഷണക്രമം, ആവശ്യത്തിനുള്ള വ്യായാമം, പങ്കാളിയോട് പുലര്‍ത്തുന്ന സത്യസന്ധത ഇവയൊക്കെ നല്ല ലൈംഗികജീവിതത്തിന്റെയും വിവാഹജീവിതത്തിന്റെയും അടിസ്ഥാനമാണ്.

പ്രായം കൂടുമ്പോൾ ലൈംഗികതാല്പര്യം കുറയുന്നത് എന്തുകൊണ്ടാണ്..?

Health

പ്രായം കൂടുമ്പോൾ ലൈംഗികതാല്പര്യം കുറയുന്നത് എന്തുകൊണ്ടാണ്..?എങ്ങനെ മെച്ചപ്പെടുത്താം

മണ്ണാര്‍ക്കാട്: മധ്യവയസ്‌കനെ വീടിനുസമീപത്തെ റബര്‍തോട്ടത്തില്‍ തീപ്പൊള്ളലേറ്റുമരിച്ച നിലയില്‍ കണ്ടെത്തി. എളമ്പുലാശ്ശേരി ഉഴുന്നുപാടം കുഞ്ഞാപ്പ (61) ആണ് മരിച്ചത്. ബുധനാഴ്ച ഉച്ചയ്ക്ക് ഇദ്ദേഹത്തിന്റെ ഉടമസ്ഥതയിലുള്ള റബര്‍തോട്ടത്തിലാണ് സംഭവം.
സമീപവാസിയായ സ്ത്രീയാണ് ശരീരമാസകലം തീ ആളിപ്പടര്‍ന്ന നിലയില്‍ക്കിടന്ന കുഞ്ഞാപ്പയെ കണ്ടത്. തുടര്‍ന്ന് നാട്ടുകാരെ വിവരമറിയിച്ചു. നാട്ടുകാരും ബന്ധുക്കളും ചേര്‍ന്ന് കുഞ്ഞാപ്പയെ താലൂക്ക് ആശുപത്രിയിലെത്തിച്ചെങ്കിലും മരിച്ചതായി പരിശോധിച്ച ഡോക്ടര്‍മാര്‍ സ്ഥിരീകരിച്ചു.മാനസിക വിഷമംമൂലം ആത്മഹത്യചെയ്തതാണെന്നാണ് പ്രാഥമിക നിഗമനമെന്ന് മണ്ണാര്‍ക്കാട് സി.ഐ. എം.ബി. രാജേഷ് പറഞ്ഞു. സയന്റിഫിക് സംഘവും സ്ഥലത്തെത്തി തെളിവെടുക്കുന്നുണ്ട്. തുടര്‍ നടപടികള്‍ സ്വീകരിച്ചുവരികയാണെന്നും സി.ഐ. അറിയിച്ചു

മധ്യവയസ്‌കനെ റബര്‍തോട്ടത്തില്‍ തീപൊള്ളലേറ്റു മരിച്ച നിലയില്‍ കണ്ടെത്തി

Kerala

അടുക്കളയിൽ ഒഴിവാക്കാനാവാത്ത ഒന്നാണ് തക്കാളി. വിവിധ വിഭവങ്ങൾ തയ്യാറാക്കാൻ നമ്മൾ തക്കാളി ഉപയോഗിക്കാറുണ്ട്. എന്നാൽ പെട്ടെന്ന് ചീഞ്ഞുപോവുമെന്നതിനാൽ തക്കാളി അധികദിവസം സൂക്ഷിക്കാനാവില്ല.ഫ്രിഡ്‌ജിൽ സൂക്ഷിക്കുകയാണെങ്കിൽ പെട്ടെന്നുതന്നെ വെള്ളം കയറുകയോ തൊലി കേടായിപ്പോവുകയോ ചെയ്യും. അതിനാൽ തന്നെ കുറച്ചുമാത്രം വാങ്ങി അധികനാൾ സൂക്ഷിക്കാതെ പെട്ടെന്ന് ഉപയോഗിച്ചുതീർക്കുകയായിരിക്കും മിക്കവരും ചെയ്യുന്നത്.&nbsp;
തക്കാളി മൂന്നോ നാലോ മാസംവരെ കേടാകാതെ സൂക്ഷിക്കാൻ മികച്ച ചില മാർഗങ്ങളുണ്ട്.ഒരു പാത്രത്തിൽ കുറച്ച് വെള്ളമെടുത്തതിനുശേഷം അതിൽ രണ്ട് സ്‌പൂൺ ഉപ്പ്, അര സ്‌പൂൺ മഞ്ഞൾപ്പൊടി എന്നിവ ചേർക്കുക. ഇനി ഇതിലേയ്ക്ക് തക്കാളി ഇട്ടുവയ്ക്കാം. അര മണിക്കൂറിനുശേഷം തക്കാളി ഓരോന്നായി പുറത്തെടുത്ത് നല്ല വെള്ളത്തിൽ കഴുകി തുടച്ചെടുക്കണം. ഇനി ഒരു പാത്രമെടുത്ത് അതിൽ പേപ്പർ വിരിച്ചതിനുശേഷം തക്കാളി ബ്രൗൺ പേപ്പറിലോ പത്രത്താളിലോ പൊതിഞ്ഞ് ഇതിൽ ഇട്ടുവയ്ക്കാം. ഇത്തരത്തിൽ തക്കാളി കേടാകാതെ മൂന്നുമാസംവരെ സൂക്ഷിക്കാം. 14 ദിവസത്തിനുശേഷം തക്കാളി തുറന്ന് പരിശോധിച്ച് അതിൽ നന്നായി പഴുത്തവ ഉണ്ടെങ്കിൽ മാറ്റി വയ്ക്കാം.&nbsp;
ഇങ്ങനെ ചെയ്യുന്നതിലൂടെ ഒപ്പം സൂക്ഷിച്ചിരിക്കുന്ന മറ്റ് തക്കാളികൾ പെട്ടെന്ന് പഴുക്കുന്നത് ഒഴിവാക്കാം. ഈ രീതിയിലൂടെ ഫ്രിഡ്‌ജ് ഇല്ലാതെ തന്നെ തക്കാളി ഏറെ നാൾ സൂക്ഷിക്കാം.തക്കാളി കേടാകാതെ സൂക്ഷിക്കാൻ മറ്റൊരു മാർഗം കൂടി പരീക്ഷിക്കാം. ഒരു പാത്രത്തിൽ കുറച്ച് വെള്ളമെടുത്ത് രണ്ട് സ്‌പൂൺ വിനാഗിരി ചേർത്തതിനുശേഷം തക്കാളി പത്ത് മിനിട്ട് ഇട്ടുവയ്ക്കാം. ശേഷം നല്ല വെള്ളത്തിൽ ഒന്നുകൂടി കഴുകിയെടുക്കാം. ഇനിയിത് ഓരോന്നായി പുറത്തെടുത്ത് നന്നായി തുടച്ചതിനുശേഷം ന്യൂസ് പേപ്പറിൽ പൊതിഞ്ഞ് ഫ്രിഡ്‌ജിലോ പുറത്തോ സൂക്ഷിക്കാം.ഒരു പാത്രത്തിൽ പേപ്പർ വിരിച്ചതിനുശേഷം പൊടിയുപ്പ് വിതറി തക്കാളി അതിനുമുകളിലായി വയ്ക്കാം. ഞെട്ടുവരുന്ന ഭാഗമാണ് ഉപ്പുമായി ചേർന്നിരിക്കേണ്ടത്. ഇനിയിത് അടുക്കളയിൽ സൂക്ഷിക്കാം. ഫ്രിഡ്‌ജിൽ വയ്ക്കേണ്ടതില്ല.

തക്കാളി ചീഞ്ഞുപോകാതെയിരിക്കാൻ ഉഗ്രൻ വിദ്യകളുണ്ട്

വില്ല്യാപ്പള്ളി: ഗ്രാമപഞ്ചായത്ത് കുടുംബാരോഗ്യ കേന്ദ്രത്തിന്റെ നേതൃത്വത്തിൽ പാലിയേറ്റീവ് ദിനാചരണം നടത്തി. കിടപ്പിലായ രോഗികൾക്ക് സമ്മാനം നൽകി. പഞ്ചായത്ത്‌ പ്രസിഡന്റ്‌ കെ കെ ബിജുള, സ്റ്റാന്റിങ് കമ്മിറ്റി ചെയർ പേഴ്സൺമാരായ സുബിഷ, സിമി, രജിത കോളിയോട്ട്, മെമ്പർമാരായ പ്രശാന്ത്, സനിയ, ആയുർവേദ മെഡിക്കൽ ഓഫീസർ ഡോക്ടർ അനീഷ്, ഹെൽത്ത്‌ ഇൻസ്‌പെക്ടർ ഇ. കെ. ബാബു, പാലിയേറ്റിവ് നേഴ്സ് ഷീബ എന്നിവർ പങ്കെടുത്തു.

പാലിയേറ്റീവ് ദിനാചരണം

Vadakara

ഓർക്കാട്ടേരി : പെട്ടിക്കടയിൽനിന്ന് നിരോധിത പുകയില ഉത്പന്നങ്ങൾ പിടികൂടി. റോഡരികിൽ സ്ഥാപിച്ച അടച്ചിട്ട പെട്ടിക്കടയിൽ നിന്നാണ് പുകയില ഉത്പന്നങ്ങൾ പിടികൂടിയത്. ഇരുമ്പുഷീറ്റുകൊണ്ട് നിർമിച്ച് മാസങ്ങൾക്കുമുൻപ് സ്ഥാപിച്ചെങ്കിലും നാളിതുവരെയും പെട്ടിക്കട തുറന്നുപ്രവർത്തിച്ചിട്ടില്ല. കഴിഞ്ഞദിവസം സന്ധ്യയോടെ ബൈക്കിലെത്തിയ യുവാവ് കടതുറന്ന് അതിനുള്ളിൽ കയറി കൈവശമുള്ള ബാഗിൽ സാധനങ്ങൾനിറച്ച് പുറത്തിറങ്ങുന്നത് നാട്ടുകാരുടെ ശ്രദ്ധയിൽപ്പെട്ടു. നാട്ടുകാർ ചോദ്യംചെയ്തതോടെ യുവാവ് ബാഗിൽ മിഠായിയാണെന്നുപറഞ്ഞ് ബൈക്കിൽ കടന്നുകളയുകയായിരുന്നു. ഇതോടെ സംശയംതോന്നിയ നാട്ടുകാർ എടച്ചേരി പോലീസിൽ വിവരമറിയിച്ചു.
പോലീസ് സ്ഥലത്തെത്തി കടയുടെ പൂട്ടുപൊളിച്ച് അകത്തുകടന്ന് നിരോധിത പുകയില ഉത്പന്നങ്ങൾ കണ്ടെത്തുകയായിരുന്നു. മൂന്നുചാക്കിൽ നിറയെ പുകയില ഉത്പന്നങ്ങൾ കണ്ടെടുത്തു. എടച്ചേരി എസ്.ഐ. കെ. രാജേഷിന്റെ നേതൃത്വത്തിൽ എസ്.ഐ. അനിൽകുമാർ, സി.പി.ഒ. ജയപാലൻ, പ്രദീപൻ എന്നിവരടങ്ങുന്ന സംഘം ഉത്പന്നങ്ങൾ കസ്റ്റഡിയിലെടുത്തു.

ഓർക്കാട്ടേരിയിൽ പെട്ടിക്കടയിൽനിന്ന് പുകയില ഉത്പന്നങ്ങൾ പിടികൂടി

ആലപ്പുഴ: അസാധാരണ വൈകല്യത്തോടെ ജനിച്ച കുഞ്ഞ് അതീവ ഗുരുതരാവസ്ഥയില്‍. ശ്വാസതടസം അനുഭവപ്പെട്ടതിനെതുടര്‍ന്ന് ഇന്ന് രാവിലെ കുഞ്ഞിനെ വണ്ടാനം മെഡിക്കല്‍ കോളേജില്‍ എത്തിക്കുകയായിരുന്നു. ഹൃദയത്തിന്റെ പ്രവര്‍ത്തനത്തില്‍ തകരാര്‍ സംഭവിച്ചിട്ടുണ്ടെന്ന് വിദഗ്ദ്ധ ഡോക്ടര്‍മാര്‍ പറഞ്ഞു.
നവംബര്‍ എട്ടിനാണ് ആലപ്പുഴ സക്കറിയ ബസാര്‍ സ്വദേശികളായ അനീഷ് -സുറുമി ദമ്പതികള്‍ക്ക് കുഞ്ഞു പിറന്നത്. നിരവധി വൈകല്യങ്ങളോടെയായിരുന്നു കുഞ്ഞിൻ്റെ പിറവി. കുഞ്ഞിന്റെ ചെവിയും കണ്ണും യഥാസ്ഥാനത്തല്ല, വായ തുറക്കാന്‍ കഴിയുന്ന നിലയിലായിരുന്നില്ല. മലര്‍ത്തികിടത്തിയാല്‍ കുഞ്ഞിന്റെ നാവ് ഉള്ളിലേക്ക് പോകുന്ന അവസ്ഥയാണുള്ളത്. കാലിനും കൈക്കും വളവുണ്ട്. ഗര്‍ഭകാലത്തെ സ്‌കാനിങ്ങില്‍ കുഞ്ഞിന്റെ വൈകല്യം തിരിച്ചറിയാതിരുന്നത് ഡോക്ടര്‍മാര്‍ക്ക് നേരെ പ്രതിഷേധങ്ങള്‍ക്ക് വഴിവെച്ചിരുന്നു.

ആലപ്പുഴയിൽ അസാധാരണ വൈകല്യത്തോടെ ജനിച്ച കുഞ്ഞ് ഗുരുതരാവസ്ഥയില്‍

തിരുവനന്തപുരം: കാട്ടാക്കട സ്വദേശിയും സി.പി.എം. പ്രവര്‍ത്തകനുമായിരുന്ന അശോകന്‍ വധക്കേസില്‍ കുറ്റക്കാരാണെന്ന് കണ്ടെത്തിയ എട്ട് ആര്‍.എസ്.എസ്. പ്രവര്‍ത്തകര്‍ക്ക് ശിക്ഷ വിധിച്ചു. അഞ്ചുപ്രതികള്‍ക്ക് ഇരട്ട ജീവപര്യന്തം തടവും മൂന്ന് പേര്‍ക്ക് ജീവപര്യന്തം തടവുമാണ് ശിക്ഷ വിധിച്ചത്. എല്ലാ പ്രതികളും 50000 രൂപ പിഴയും നല്‍കണം.
തിരുവനന്തപുരം ആറാം അഡീഷണല്‍ സെഷന്‍സ് കോടതിയാണ് ശിക്ഷ വിധിച്ചത്. ആര്‍എസ്എസ് പ്രവര്‍ത്തകരായ ശംഭു, ശ്രീജിത്ത്, ഹരി, അമ്പിളി, സന്തോഷ്, സജീവ്, അശോകന്‍, പ്രശാന്ത് എന്നിവരാണ് പ്രതികള്‍.കേസില്‍ ആകെ 19 പ്രതികളാണ് ഉണ്ടായിരുന്നത്. ഇവരില്‍ ഒരാള്‍ മരിക്കുകയും മറ്റൊരാള്‍ മാപ്പുസാക്ഷിയാവുകയും ചെയ്തു. 2013 മേയ് മാസം അഞ്ചാം തീയതിയാണ് അശോകന്‍ കൊല്ലപ്പെട്ടത്. സംഭവം നടന്ന് 11 വര്‍ഷത്തിന് ശേഷമാണ് വിധി വരുന്നത്.

കാട്ടാക്കട അശോകന്‍ വധക്കേസ്: ആര്‍എസ്എസുകാരായ അഞ്ച് പ്രതികള്‍ക്ക് ഇരട്ട ജീവപര്യന്തം

കൊച്ചി: ജാമ്യ ഉത്തരവിന് പിന്നാലെയുണ്ടായ നാടകീയസംഭവങ്ങളില്‍ കോടതിയില്‍ നിരുപാധികം മാപ്പ് പറഞ്ഞ് ബോബി ചെമ്മണൂര്‍. കോടതി സ്വമേധയാ എടുത്ത കേസ് പരിഗണിച്ച ജസ്റ്റിസ് പി.വി. കുഞ്ഞികൃഷ്ണന്റെ മുന്‍പിലാണ് അദ്ദേഹത്തിന്റെ അഭിഭാഷകന്‍ ക്ഷമാപണം നടത്തിയത്. ഇതോടെ ക്ഷമാപണം സ്വീകരിച്ച കോടതി, ഈ കേസിലെ തുടര്‍നടപടികള്‍ അവസാനിപ്പിച്ചു.
ബോബി ചെമ്മണൂര്‍ ഇനി വാ തുറക്കില്ലെന്നാണ് അദ്ദേഹത്തിന്റെ അഭിഭാഷകന്‍ കോടതിക്ക് ഉറപ്പുനല്‍കിയത്. നിരുപാധികം മാപ്പുനല്‍കണമെന്നും അപേക്ഷിച്ചു. മാധ്യമങ്ങളെ കണ്ടപ്പോള്‍ ബോബിക്ക് നാക്കുപിഴച്ചതാണെന്നും കോടതിയെ അപമാനിക്കാന്‍ ഉദ്ദേശിച്ചില്ലെന്നും അഭിഭാഷകന്‍ കോടതിയില്‍ പറഞ്ഞു. തുടര്‍ന്നാണ് കോടതി മാപ്പ് സ്വീകരിച്ച് സ്വമേധയാ എടുത്ത കേസ് തീര്‍പ്പാക്കിയത്. കോടതിക്കെതിരേ യുദ്ധപ്രഖ്യാപനം നടത്തേണ്ടെന്നും ജസ്റ്റിസ് പി.വി. കുഞ്ഞികൃഷ്ണന്‍ ബോബിയുടെ അഭിഭാഷകനെ ഓര്‍മിപ്പിച്ചു.കോടതിയോട് യുദ്ധം വേണ്ടെന്നായിരുന്നു ഹൈക്കോടതി ബോബിയുടെ അഭിഭാഷകനോട് പറഞ്ഞത്. ഒളിമ്പിക്‌സ് മെഡല്‍ കിട്ടിയപോലെയാണ് ബോബി ചെമ്മണൂര്‍ പെരുമാറിയതെന്നും ഹൈക്കോടതി പറഞ്ഞു.

'ഇനി വാതുറക്കില്ല!';  കോടതിയില്‍ നിരുപാധികം മാപ്പ് പറഞ്ഞ് ബോബി ചെമ്മണ്ണൂര്‍

വടകര: ചോമ്പാൽ ആവിക്കൽ ക്ഷേത്ര പരിസരത്തെ വയലിൽ പുരയിൽ താമസിക്കും ചാലിൽ രാജൻ ( 68 ) നിര്യാതനായി. ഭാര്യ: പരേതയായ വിലാസിനി. മക്കൾ: രമ്യ , രേഷ്മ, രഗിഷ. മരുമക്കൾ: ഷാജി പി.പി.(ഒഞ്ചിയം ), സിനോയ് (മടപ്പള്ളി ), ശരത്ത് (വടകര). സഹോദരങ്ങൾ: ശാന്ത, കമല, പരേതരായ ലീല, ബാലൻ, ശാരദ.

ചോമ്പാൽ വയലിൽ പുരയിൽ താമസിക്കും ചാലിൽ രാജൻ നിര്യാതനായി

Obituary

വില്ല്യാപ്പള്ളി: പ്രമുഖ സോഷ്യലിസ്റ്റും ആർ. ജെ. ഡി പ്രവർത്തകനും 'ഹരിതജ്യോതി ' എന്ന പരിസ്ഥിതി സംഘടനയുടെ ചെയർമാനും ഗ്രന്ഥകാരനുമായ മൈക്കുളങ്ങരയിലെ ചെട്ട്യാർ മീത്തൽ കണ്ണൻ (73) നിര്യാതനായി. വടകര സഹകരണ റൂറൽ ബാങ്കിലെ സെക്യൂരിറ്റി ജീവനക്കാരനായിരുന്നു. ഹരിത രസതന്ത്രം, അന്നം മനശുദ്ധി എന്നീ പുസ്തകങ്ങൾ രചിച്ചിട്ടുണ്ട്.പരേതരായ കേളപ്പൻ- ചീരു ദമ്പതികളുടെ മകനാണ്. ഭാര്യ; ജാനു. മക്കൾ; പ്രകാശൻ (കണ്ണൂർ സ്പോർട്സ് സ്കൂൾ ) , പ്രസാദ്, പ്രദീഷ് (ഗോകുലം ചിറ്റ്സ് &amp; ഫിനാൻസ് - തൊടുപുഴ ) , പ്രവീൺ. മരുമക്കൾ; സ്മിത , സജിന ,അവിഷ, ആതിര. സഹോദരങ്ങൾ; നാരായണി , നാരായണൻ.
സർവ്വകക്ഷി യോഗം അനുശോചിച്ചു
വില്ല്യാപ്പള്ളി: ചെട്ട്യാർ മീത്തൽ കണ്ണൻ്റെ നിര്യാണത്തിൽ മൈക്കുളങ്ങരയിൽ ചേർന്ന സർവ്വകക്ഷി യോഗം അനുശോചിച്ചു. വാർഡ് മെമ്പർ പുത്തലത്ത് ഇമ്പ്രാഹിം അധ്യക്ഷത വഹിച്ചു. ആയാടത്തിൽ രവീന്ദ്രൻ , ഒ . എം. ബാബു ,മാണിക്കോത്ത് ബാലകൃഷ്ണൻ, പി.സി.സുരേഷ് , കെ. എം. ബാബു ,മലയിൽ ബാലകൃഷ്ണൻ, ടി.എം. രാജൻ എന്നിവർ സംസാരിച്ചു.

വില്ല്യാപ്പള്ളി മൈക്കുളങ്ങര ചെട്ട്യാർ മീത്തൽ കണ്ണൻ നിര്യാതനായി

വടകര: ബൈക്കില്‍ അനധികൃത വിദേശമദ്യവില്‍പന നടത്തുന്നയാൾ എക്‌സൈസ് പിടിയിൽ. പുറമേരി മുതുവടത്തൂര്‍ പച്ചോളതില്‍ അജേഷിനെയാണ് (46) എക്‌സൈസ് സംഘം പിടികൂടിയത്. ബീവറേജില്‍ നിന്ന് മദ്യം വാങ്ങി ആവശ്യക്കാര്‍ വിളിക്കുന്നതിനനുസരിച്ച് എത്തിച്ചുകൊടുക്കുകയാണ് ചെയ്യുന്നത്. എടച്ചേരി തലായിയില്‍ കെഎല്‍ 18 ആര്‍ 8533 നമ്പര്‍ ബുള്ളറ്റ് ബൈക്കില്‍ മദ്യം വില്‍ക്കുമ്പോഴാണ് അജേഷ് പിടിയിലായത്. ഈ മേഖലയില്‍ സ്ഥിരമായി അനധികൃത മദ്യം വില്‍ക്കുന്ന അജേഷിനെതിരെ വ്യാപക പരാതി ഉയര്‍ന്നിരുന്നു. വടകരയിലെയും തൊട്ടില്‍പാലത്തേയും ബീവറേജ് ഷോപ്പുകളില്‍ നിന്ന് 24 കുപ്പി മദ്യമെങ്കിലും വാങ്ങി ആവശ്യക്കാര്‍ ഫോണ്‍ ചെയ്യുന്നതനുസരിച്ച് എത്തിക്കുകയും 150 രൂപ അധിക വിലക്ക് വില്‍ക്കുകയുമാണ് ചെയ്തുവന്നത്.&nbsp;
എക്‌സൈസിന്റെ കോഴിക്കോട് ഇന്റലിജന്‍സ് ബ്യൂറോയില്‍ നിന്ന് ലഭിച്ച രഹസ്യവിവരത്തെ തുടര്‍ന്ന് വടകര എക്‌സൈസ് ഇയാളെ നിരീക്ഷിച്ച് വരികയായിരുന്നു. ഒടുവില്‍ ചൊവ്വാഴ്ച മഫ്റ്റിയില്‍ എത്തിയവരടക്കമുള്ള സംഘം ഇയാളെ കൈയ്യോടെ പിടികൂടി. അസി.എക്സൈസ് ഇന്‍സ്‌പെക്ടര്‍ ഗ്രേഡ് പ്രമോദ് പുളിക്കൂലും പാര്‍ട്ടിയും ചേര്‍ന്നാണ് പ്രതിയെ പിടികൂടിയത്. പ്രിവന്റീവ് ഓഫീസര്‍ ഗ്രേഡ് സുരേഷ് കുമാര്‍, സിവില്‍എക്‌സൈസ് ഓഫീസര്‍മാരായ ഷിരാജ്, മുസ്ബിന്‍, അനിരുദ്ധ്, ഡ്രൈവര്‍ പ്രജീഷ് എന്നിവര്‍ സംഘത്തില്‍ ഉണ്ടായിരുന്നു. 12 കുപ്പി മദ്യമാണ് പിടിച്ചെടുത്തത്. പ്രതിയുടെ ബൈക്കും എക്‌സൈസ് കസ്റ്റഡിയിലെടുത്തു. കോടതിയില്‍ ഹാജരാക്കിയ പ്രതിയെ മജിസ്‌ട്രേറ്റ് രണ്ടാഴ്ചത്തേക്ക് റിമാന്റ് ചെയ്തു.

ബൈക്കില്‍ അനധികൃത വിദേശമദ്യവില്‍പന; പുറമേരി സ്വദേശി എക്‌സൈസ് പിടിയിൽ

കൊയിലാണ്ടി: 70 വയസ്സ് കഴിഞ്ഞ മുതിർന്ന പൗരന്മാർക്കുള്ള ആയുഷ്മാൻ ഭാരത് ആരോഗ്യ ഇൻഷുറൻസ് പദ്ധതി കേരളത്തിലും എത്രയും പെട്ടെന്ന് നടപ്പാക്കണമെന്ന് കേരള സ്റ്റേറ്റ് സീനിയർ സിറ്റിസൺസ് ഫോറം ജില്ലാ സമ്മേളനം ആവശ്യപ്പെട്ടു. നിഷേധിക്കപ്പെട്ട റെയിൽവേ ആനുകൂല്യം പുന:സ്ഥാപിക്കുക, വയോജന ക്ഷേമപെൻഷൻ 5000 രൂപയായി ഉയർത്തുക, ക്ഷേമ പെൻഷൻ കുടിശികയില്ലാതെ ലഭ്യമാക്കുക തുടങ്ങി മറ്റാവശ്യങ്ങളും സമ്മേളനം മുന്നോട്ടു വെച്ചു. കൊയിലാണ്ടി കൈരളി ഓഡിറ്റോറിൽ ആർ പി രവീന്ദ്രൻ നഗറിൽ നടന്ന സമ്മേളനം കൊയിലാണ്ടി നഗരസഭ ഉപാധ്യക്ഷൻ അഡ്വക്കേറ്റ് കെ സത്യൻ ഉദ്ഘാടനം ചെയ്തു. ജില്ലയിലെ 160 യൂണിറ്റുകളിൽ നിന്ന് 700 ഓളം അംഗങ്ങൾ സമ്മേളനത്തിൽ പങ്കെടുത്തു .
ജില്ലാ പ്രസിഡണ്ട് ഇ .കെ അബൂബക്കർ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി പി.കുമാരൻ മുഖ്യപ്രഭാഷണം നടത്തി. സംസ്ഥാന സെക്രട്ടറിമാരായ ചാത്തു, സി. രാധാകൃഷ്ണൻ, വൈസ് പ്രസിഡണ്ട് കെ വി ബാലൻകുറുപ്പ് , ജില്ലാ സെക്രട്ടറി സോമൻ ചാലിൽ , വൈസ് പ്രസിഡൻറ് ഇ.സി ബാലൻ, ജോ. സെക്രട്ടറി കെ.എം.ശ്രീധരൻ, കെ.പി.വിജയ, ഗിരിജാ ഭായ് എന്നിവർ സംസാരിച്ചു. മുൻ സംസ്ഥാന സെക്രട്ടറി പൂതേരി ദാമോദരൻ നായർ , മുൻ ജില്ലാ ജോയിൻ സെക്രട്ടറി ഉണ്ണീരി കുട്ടി കുറുപ്പ് , കുഞ്ഞിച്ചെക്കിണി എന്നിവരെ മുതിർന്ന നേതാവ് എം.കെ സത്യപാലൻ ആദരിച്ചു. തുടർന്ന് മുതിർന്ന അംഗങ്ങളുടെ കലാപരിപാടികളും അരങ്ങേറി.

'ആയുഷ്മാൻ ഭാരത് ആരോഗ്യ ഇൻഷുറൻസ് പദ്ധതി നടപ്പാക്കണം'

Koyilandy

ചൊക്ലി: പ്രമുഖ വ്യവസായി മേക്കുന്ന് മത്തി പറമ്പ് റോഡിലെ പരേതനായ നെല്ലിക്ക അബ്ദുല്ല ഹാജിയുടെ മകൻ വി.പി.സിദ്ദീഖ് ( 57) ചെന്നൈയിൽ നിര്യാതനായി. കല്ലുള്ളതിൽ മസ്ജിദ് കമ്മിറ്റി പ്രസിഡന്റാണ്. ഭാര്യ: അസ്മ കാരാളത്ത് (മണിയൂർ). മക്കൾ: മുഹമ്മദ് സവാദ്, സഹല. സഹോദരങ്ങൾ: ബഷീർ, ആയിശ, കദീശ, ജമീല, ഫൗസിയ, സുബൈദ, റസിയ, പരേതനായ ഉമ്മർ.

മേക്കുന്ന് വി.പി.സിദ്ദീഖ് ചെന്നൈയിൽ നിര്യാതനായി

ചെരണ്ടത്തൂർ : രയരോത്ത് കോട്ട ശ്രീ ഭഗവതി ക്ഷേത്രത്തിലെ ഉത്സവത്തിന് കൊടിയേറി.ക്ഷേത്രം തന്ത്രി ബ്രഹ്മശ്രീ പുതുശ്ശേരി ഇല്ലത്ത് കൃഷ്ണൻ നമ്പൂതിരിപ്പാടിന്റെ മുഖ്യ കാർമ്മികത്വത്തിൽ ചടങ്ങുകൾ നടന്നു.ജനുവരി 22 ന് ഉത്സവം സമാപിക്കും.
മുത്തപ്പ ചൈതന്യവും നാഗകാളി സങ്കല്പവും ഒത്തുചേരുമ്പോൾ ശിവാവതാരമായ മുത്തപ്പന്റെയും ശിവ പാർവതിയുടെയും പുത്രിയായ ഭദ്രകാളിയുടെയും ചൈതന്യം രയരോത്ത് കോട്ടയിൽ ഒത്തു ചേരുന്നു എന്നതാണ് ഈ ക്ഷേത്രത്തിന്റെ ഭക്ത വിശ്വാസം.

ചെരണ്ടത്തൂർ രയരോത്ത് കോട്ട ശ്രീ ഭഗവതി ക്ഷേത്രത്തിലെ ഉത്സവത്തിന് കൊടിയേറി

Inshort

ലണ്ടൻ: യുകെയിൽ 57കാരിയായ മലയാളി നഴ്സിന് കുത്തേറ്റു. ബ്രിട്ടനിലെ മാഞ്ചസ്റ്റർ ഓൾഡ്ഹാം റോയൽ ആശുപത്രിയിൽ ജോലി ചെയ്യുന്ന അച്ചാമ്മ ചെറിയാനാണ് കുത്തേറ്റത്. ശനിയാഴ്ചയാണ് സംഭവം നടന്നത്. 37 കാരനായ റൗമോൺ ഹാക്ക് എന്നയാളാണ് അച്ചാമ്മ ചെറിയാനെ ആക്രമിച്ചത്.
മെഡിക്കൽ പരിശോധനയ്ക്ക് കാത്തിരിക്കേണ്ടിവന്നതാണ് പ്രതിയെ ചൊടിപ്പിച്ചത്. മറ്റൊരു രോഗിയെ പരിശോധിക്കുന്നതിനിടെ പ്രതി അച്ചാമ്മയുടെ കഴുത്തിൽ കത്രിക കൊണ്ട് കുത്തുകയായിരുന്നു. ഗുരുതരമായി പരിക്കേറ്റ അച്ചാമ്മ ചെറിയാൻ ചികിത്സയിലാണ്. പ്രതിയെ കോടതി റിമാൻഡ് ചെയ്തു. പത്തുവർഷത്തോളമായി ഓൾഡ്ഹാം റോയൽ ആശുപത്രിയിൽ ജോലി ചെയ്യുകയാണ് അച്ചാമ്മ. 2007 മുതൽ അച്ചാമ്മ ചെറിയാനും ഭർത്താവും യുകെയിലാണ് താമസം.&nbsp;

യുകെയിൽ മലയാളി നഴ്‌സിനെ രോഗി കത്രിക  കൊണ്ട് കുത്തി; ഗുരുതര പരിക്ക്

നിലമ്പൂര്‍: കരുളായി വനത്തില്‍ ആദിവാസി യുവാവ് കാട്ടാന ആക്രമണത്തില്‍ കൊല്ലപ്പെട്ടതിന് പിന്നാലെ മുത്തേടത്തുണ്ടായ കാട്ടാന ആക്രമണത്തിൽ സ്ത്രീ കൊല്ലപ്പെട്ടു. ഉച്ചക്കുളം ഊരിലെ കരിയന്റെ ഭാര്യ സരോജിനി(52)യാണ് ബുധനാഴ്ച രാവിലെ മരിച്ചത്.
പോത്തിനെ മേയ്ക്കാന്‍ കാട്ടില്‍ പോയപ്പോള്‍ ആന പുറകില്‍നിന്ന് അടിച്ചുവീഴ്ത്തുകയായിരുന്നു. ബുധനാഴ്ച 11 മണിയോടെയാണ് സംഭവം. ഗുരുതരമായി പരിക്കേറ്റ സരോജിനിയെ ഉടന്‍ നിലമ്പൂര്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

നിലമ്പൂരില്‍ വീണ്ടും കാട്ടാന ആക്രമണം; ആദിവാസി സ്ത്രീ കൊല്ലപ്പെട്ടു

റിയാദ്: സൗദിയിലെ റിയാദ് ഇസ്‌കാനിലെ ജയിലില്‍ കഴിയുന്ന ഫറോക്ക് കോടമ്പുഴ സ്വദേശി മച്ചിലകത്ത് അബ്ദുല്‍ റഹീമിന്റെ മോചനവുമായി ബന്ധപ്പെട്ട കേസ് വീണ്ടും മാറ്റിവെച്ചു. സൂക്ഷ്മപരിശോധനക്കും കൂടുതല്‍ പഠനത്തിനും സമയം ആവശ്യമാണെന്ന് കോടതി അറിയിച്ചു.ഇത് ആറാം തവണയാണ് കേസ് മാറ്റിവെക്കുന്നത്. അടുത്ത സിറ്റിംഗ് തീയതി ഉടന്‍ അറിയിക്കും. റിയാദ് ക്രിമിനല്‍ കോടതിയില്‍ നടക്കുന്ന സിറ്റിങ്ങില്‍ കേസ് പരിഗണനക്കു വരുമ്പോള്‍ റഹീമിന്റെ ജയില്‍മോചന ഉത്തരവ് ഉണ്ടാകുമെന്നായിരുന്നു പ്രതീക്ഷിച്ചിരുന്നത്.
ഡിസംബര്‍ 30-ന്‌ കോടതി കേസ് പരിഗണിച്ചിരുന്നു. കൂടുതല്‍ പഠനങ്ങള്‍ ആവശ്യമാണെന്ന് പറഞ്ഞായിരുന്നു ജനുവരി 15-ലേക്ക് മാറ്റിവെച്ചത്.സൗദി ബാലന്‍ കൊല്ലപ്പെട്ട കേസില്‍ കഴിഞ്ഞ 18 വര്‍ഷമായി റിയാദിലെ ഇസ്‌കാനിലെ ജയിലില്‍ കഴിയുകയാണ് അബ്ദുല്‍ റഹീം. 2006 നവംബറിലാണ് സൗദി ബാലന്റെ കൊലപാതകക്കേസില്‍ അബ്ദുല്‍ റഹീമിനെ പൊലീസ് അറസ്റ്റ് ചെയ്ത് ജയിലില്‍ അടക്കുന്നതും വിചാരണക്കൊടുവില്‍ റിയാദിലെ കോടതി വധശിക്ഷ വിധിച്ചതും. ഒന്നര കോടി സൗദി റിയാല്‍ (34 കോടിയിലേറെ ഇന്ത്യന്‍ രൂപ) ദിയാധനം(മോചനദ്രവ്യം) നല്‍കിയതിന്റെ പശ്ചാത്തലത്തില്‍ നേരത്തെ കോടതി വധശിക്ഷ ഒഴിവാക്കിയിരുന്നു.&nbsp;

റഹീമിന്റെ മോചനം: വിധി വീണ്ടും മാറ്റിവെച്ചു

Gulf

കൊച്ചി: ജാമ്യം ലഭിച്ചിട്ടും ജയിലില്‍നിന്ന് ഇറങ്ങുന്നത് വൈകിപ്പിച്ച ബോബി ചെമ്മണൂരിനെ വിടാതെ ഹൈക്കോടതി. എന്തുകൊണ്ട് ജാമ്യം വൈകിപ്പിച്ചു എന്നതില്‍ കൃത്യമായ മറുപടി വേണമെന്ന് ഹൈക്കോടതി ആവശ്യപ്പെട്ടു. ജയിലിന് പുറത്ത് ബോബി മാധ്യമങ്ങളോട് പറഞ്ഞത് കോടതി പരിശോധിക്കും. ബോബിയുടേത് കോടതിയ്‌ക്കെതിരായ യുദ്ധപ്രഖ്യാപനമാണോയെന്നും ജസ്റ്റിസ് പി.വി. കുഞ്ഞികൃഷ്ണന്‍ ചോദിച്ചു.
കേസ് കോടതി ബുധനാഴ്ച 1.45-ന് വീണ്ടും പരിഗണിക്കും. ബോബി ചെമ്മണൂര്‍ നിരുപാധികം മാപ്പ് പറയണമെന്നാണ് കോടതി നിലപാട്. എന്തിനേയും വിലയ്ക്കുവാങ്ങാമെന്ന് ബോബി ചെമ്മണൂര്‍ കരുതേണ്ട. ഇവിടെ ഹൈക്കോടതിയുണ്ട്. കളി ജുഡീഷ്യറിയോടോ ഹൈക്കോടതിയോടോ വേണ്ട. ഇവിടെ കൃത്യമായ നീതിന്യായ വ്യവസ്ഥയുണ്ട്. അതിനെ വെല്ലുവിളിക്കാന്‍ ആരായാലും അനുവദിക്കാന്‍ കഴിയില്ലെന്നും കോടതി വ്യക്തമാക്കി.ജയിലിന് പുറത്ത് ബോബി എന്താണ് പറഞ്ഞതെന്ന് കോടതി ആരാഞ്ഞു. റിമാന്‍ഡ് തടവുകാര്‍ക്കുവേണ്ടിയാണ് താന്‍ കോടതിയില്‍ തുടര്‍ന്നതെന്ന് പറഞ്ഞിട്ടുണ്ടെങ്കില്‍ നടപടിയുണ്ടാവുമെന്ന് കോടതി സൂചിപ്പിച്ചു.&nbsp;

ബോബി ചെമ്മണ്ണൂർ എന്തുകൊണ്ട് ജാമ്യംവൈകിപ്പിച്ചു എന്നതില്‍ കൃത്യമായ മറുപടി വേണമെന്ന് ഹൈക്കോടതി

മിനിസ്‌ക്രീന്‍ അഭിനേത്രി ശ്രീലക്ഷ്മി ശ്രീകുമാര്‍ വിവാഹിതയായി. സ്‌കൂള്‍ കാലഘട്ടം മുതലുള്ള സുഹൃത്തായ ജോസ് ഷാജി ആണ് വരന്‍. വിവാഹത്തിന്റെ ചിത്രങ്ങള്‍ പുറത്തുവന്നിട്ടുണ്ട്. എട്ട് വര്‍ഷമായുള്ള പ്രണയമാണ് പൂവണിഞ്ഞിരിക്കുന്നത്.
അടുത്തിടെയാണ് വിവാഹ വിശേഷം ശ്രീലക്ഷ്മി പങ്കുവെച്ചത്. കാത്തിരുന്ന വിവാഹത്തിന് ഏഴ് ദിവസം കൂടി ബാക്കി. എല്ലാ എതിര്‍പ്പുകളേയും അതിജീവിച്ച് ജനുവരി 15ന് ഞങ്ങള്‍ ഒന്നാവുന്നു എന്നായിരുന്നു വിവാഹക്കാര്യം പങ്കുവെച്ച് ശ്രീലക്ഷ്മി കുറിച്ചത്.കുടുംബവിളക്ക് സീരിയലിലെ സുമിത്ര എന്ന കഥാപാത്രത്തിന്റെ മകള്‍ ശീതള്‍ ആയി അഭിനയിച്ചുകൊണ്ടാണ് ശ്രീലക്ഷ്മി മിനിസ്‌ക്രീന്‍ പ്രേക്ഷകരുടെ ഇഷ്ടതാരമായത്. കുടുംബവിളക്കിന് പുറമേ സാന്ത്വനം, ചോക്ലേറ്റ്, കാര്‍ത്തിക ദീപം, കൂടത്തായി, അനിയത്തിപ്രാവ് തുടങ്ങി ഒട്ടനവധി ഹിറ്റ് സീരിയലുകളിലും ശ്രീലക്ഷ്മി അഭിനയിച്ചിട്ടുണ്ട്.

മിനിസ്‌ക്രീന്‍ അഭിനേത്രി ശ്രീലക്ഷ്മി ശ്രീകുമാര്‍ വിവാഹിതയായി

കോട്ടയം: വിദ്വേഷ പരാമര്‍ശവുമായി ബന്ധപ്പെട്ട കേസിൽ ബി.ജെ.പി. നേതാവ് പി.സി. ജോര്‍ജ് നല്‍കിയ മുന്‍കൂര്‍ ജാമ്യഹര്‍ജി കോടതി ഇന്ന് പരിഗണിക്കും. കോട്ടയം ജില്ലാ സെഷന്‍സ് കോടതിയിലാണ് പി.സി. ജോര്‍ജ് മുന്‍കൂര്‍ ജാമ്യാപേക്ഷ നല്‍കിയത്.
വിദ്വേഷ പരാമര്‍ശത്തില്‍ പി.സി. ജോര്‍ജിനെതിരേ ജാമ്യമില്ലാവകുപ്പുകള്‍ പ്രകാരമാണ് ഈരാറ്റുപേട്ട പോലീസ് കേസെടുത്തിരുന്നത്. എന്നാല്‍, അറസ്റ്റ് വൈകുന്നതില്‍ വ്യാപക പ്രതിഷേധമുയര്‍ന്നിരുന്നു. ഇതിനിടെയാണ് പി.സി. ജോര്‍ജ് മുന്‍കൂര്‍ജാമ്യം തേടി കോടതിയെ സമീപിച്ചത്. ഒരു ചാനല്‍ ചര്‍ച്ചയ്ക്കിടെയായിരുന്നു പി.സി. ജോര്‍ജ് വിദ്വേഷ പരാമര്‍ശം നടത്തിയത്.

വിദ്വേഷ പരാമര്‍ശം; പി.സി. ജോര്‍ജിന്റെ മുന്‍കൂര്‍ ജാമ്യഹര്‍ജി കോടതി ഇന്ന് പരിഗണിക്കും

കൊച്ചി: ഹണി റോസിന്റെ പരാതിയിലെടുത്ത കേസില്‍ ജാമ്യം ലഭിച്ചിട്ടും പുറത്തിറങ്ങുന്നത് വൈകിപ്പിച്ച ബോബി ചെമ്മണൂരിനെതിരെ രൂക്ഷപരാമര്‍ശങ്ങളുമായി ഹൈക്കോടതി. വേണ്ടിവന്നാല്‍ ജാമ്യം റദ്ദാക്കാനുമറിയാമെന്ന് ജസ്റ്റിസ് പി.വി. കുഞ്ഞികൃഷ്ണന്‍ പറഞ്ഞു. നാടകം വേണ്ടെന്ന് കോടതി ബോബിയുടെ അഭിഭാഷകരോട് പറഞ്ഞു. മറ്റ് പ്രതികള്‍ക്കുവേണ്ടി ജയിലില്‍ തുടരുമെന്ന് പറയാന്‍ ബോബി ചെമ്മണൂര്‍ ആരാണെന്നും കോടതി ചോദിച്ചു.
ബോബി സൂപ്പര്‍ കോടതി ചമയേണ്ട. തനിക്ക് മുകളില്‍ ആരുമില്ലെന്ന് ബോബി കരുതേണ്ട. അത് കോടതി കാണിച്ചുതരാം. പുറത്തിറങ്ങാതെ ജയിലിലിട്ട് വിചാരണനടത്താനും കോടതിക്കറിയാമെന്നും ജസ്റ്റിസ് പി.വി. കുഞ്ഞികൃഷ്ണന്‍ മുന്നറിയിപ്പ് നല്‍കി.

'നാടകം വേണ്ട, ജാമ്യം റദ്ദാക്കാനും അറിയാം'; ബോബിക്കെതിരേ രൂക്ഷവിമർശനവുമായി കോടതി

സംസ്ഥാനത്ത് സ്വര്‍ണവിലയില്‍ വീണ്ടും വര്‍ധന. പവന് 58,720 രൂപയായി. 80 രൂപയാണ് കൂടിയത്. ഗ്രാമിനാകട്ടെ 7340 രൂപയുമായി.
രാജ്യത്തെ കമ്മോഡിറ്റി എക്‌സ്‌ചേഞ്ച് ആയ എംസിഎക്സില്‍ 10 ഗ്രാം 24 കാരറ്റ് സ്വര്‍ണ വില 80253 രൂപയാണ്. അന്താരാഷ്ട്ര വിപണിയില്‍ സ്‌പോട് ഗോള്‍ഡിന് ട്രോയ് ഔണ്‍സിനു 2,675.57 ഡോളര്‍ നിലവാരത്തിലുമാണ് വ്യാപാരം നടക്കുന്നത്.

സ്വര്‍ണവിലയില്‍ വീണ്ടും വര്‍ധന ; 80 രൂപ കൂടി പവന് 58,720 രൂപയായി

കൊച്ചി: ഹണി റോസിന്റെ പരാതിയില്‍ അറസ്റ്റിലായ ബോബി ചെമ്മണൂര്‍ ജയില്‍ മോചിതനായി. ബുധനാഴ്ച രാവിലെയോടെ ജാമ്യ ഉത്തരവ് ജയിലില്‍ എത്തിച്ചതിന് പിന്നാലെ നിമിഷങ്ങള്‍ക്കുള്ളില്‍ തന്നെ ബോബി ജയിലില്‍നിന്ന് പുറത്തിറങ്ങി. ട്രാഫിക് ബ്ലോക് കാരണമാണ് ചൊവ്വാഴ്ച ഉത്തരവ് ജയിലില്‍ എത്തിക്കാന്‍ കഴിയാതിരുന്നതെന്നായിരുന്നു അഭിഭാഷകരുടെ വാദം. ഇത് സത്യവാങ്മൂലമായി ജയില്‍ അധികൃതര്‍ക്ക് എഴുതി നല്‍കി.
വിവിധ കേസുകളില്‍ പ്രതിയായി ജയിലില്‍ കഴിയുന്നവരില്‍ ജാമ്യം ലഭിച്ചിട്ടും പുറത്തിറങ്ങാനാവാത്തവര്‍ക്ക് ഐക്യദാര്‍ഢ്യം പ്രഖ്യാപിച്ച് ബോബി കഴിഞ്ഞ ദിവസം ജയില്‍മോചിതനാകാന്‍ തയ്യാറായിരുന്നില്ല. ജയിലിന് പുറത്തെത്തിയ ബോബി ഇക്കാര്യം ആവര്‍ത്തിച്ചു.ബോബിയെ കൂടുതല്‍ പ്രതികരണങ്ങള്‍ക്ക് അനുവദിക്കാതെ അഭിഭാഷകര്‍ കൂട്ടിക്കൊണ്ടുപോയി.
കര്‍ശന ഉപാധികളോടെയാണ് ഹൈക്കോടതി ബോബി ചെമ്മണൂരിന് ജാമ്യം അനുവദിച്ചത്. രാത്രി ഏഴരവരെയാണ് ജയിലിൽനിന്ന് പുറത്തിറങ്ങാനുള്ള സമയം അനുവദിച്ചത്. ബോബി ജയില്‍മോചിതനാകുമെന്ന പ്രതീക്ഷയില്‍ നൂറുകണക്കിനാളുകള്‍ ജയില്‍ക്കവാടത്തിന് മുന്നില്‍ എത്തിയിരുന്നു.

ബോബി ചെമ്മണ്ണൂർ ജയില്‍ മോചിതനായി

വടകര: ബൈക്ക് അപകടത്തിൽ പരിക്കേറ്റ് കണ്ണൂർ സ്വകാര്യആശുപത്രിയിൽ ചികിത്സയിലായിരുന്ന യുവാവ് മരണപ്പെട്ടു. കോട്ടക്കൽ വടക്കേ പാറയരുവിൽ പരേതനായ അബ്ദുള്ളയുടെ മകൻ വി.പി മുഹമ്മദ്‌ റാഷിദ്‌ (29) ആണ് മരണപ്പെട്ടത്.
ജനുവരി 9 ന് വെള്ളികുളങ്ങര വെച്ച് ബൈക്ക് ഇലക്ട്രിക് പോസ്റ്റിലിടിച്ചാണ് അപകടമുണ്ടായത്.മാതാവ്: ആയിഷ തെക്കേ മാങ്ങിൽ.ഭാര്യ: സുനൈന.മകൾ : ഫാത്തിമ ഹിസ്ഹ റാഷിദ്.സഹോദരന്മാർ: മുഹമ്മദ്‌ റാഫി,അർഷിന,അസ്ന.

ബൈക്ക് അപകടത്തിൽ പരിക്കേറ്റ് ചികിത്സയിലായിരുന്ന കോട്ടക്കൽ സ്വദേശിയായ യുവാവ് മരിച്ചു

കൊച്ചി: ‘മിനിസ്റ്ററേ... ഇപ്പൊ കുറച്ചു ആശ്വാസൊണ്ട്.., വരുന്ന അസംബ്ലി സെഷനിൽ ചിലപ്പോ ഉണ്ടാവില്ല, മിനിസ്റ്റർ വന്നതിൽ സന്തോഷം"... ഉന്നത വിദ്യാഭ്യാസ മന്ത്രി ആർ. ബിന്ദു, തൃക്കാക്കര നഗരസഭ ചെയർപേഴ്സൺ രാധാമണി പിള്ള, മറ്റ് സഹപ്രവർത്തകർ എന്നിവരുമായി ആശുപത്രി മുറിയിൽ നിന്നും ഉമ തോമസ് എം.എൽ.എ വീഡിയോ കോളിലൂടെ സംസാരിക്കുകയായിരുന്നു...
നൃത്ത പരിപാടിക്കിടെ കലൂർ രാജ്യാന്തര സ്റ്റേഡിയത്തിലെ സ്റ്റേജിൽ നിന്നു വീണു പരുക്കേറ്റ് ചികിത്സയിൽ കഴിയുന്ന ഉമ തോമസിന്റെ ആരോഗ്യനിലയിൽ മികച്ച പുരോഗതി. ആശുപത്രിയിൽനിന്ന് ഉമ തോമസ് നടത്തിയ വിഡിയോ കോളിന്റെ ദൃശ്യങ്ങൾ സമൂഹമാധ്യമ ടീം എം.എൽ.എയുടെ ഔദ്യോഗിക പേജിൽ പോസ്റ്റ് ചെയ്തു.ഉമ തോമസിനെ കഴിഞ്ഞ ദിവസം തീവ്രപരിചരണ വിഭാഗത്തിൽനിന്നു മുറിയിലേക്കു മാറ്റിയിരുന്നു.&nbsp;
തലച്ചോറിലേറ്റ ക്ഷതം ഏറെ ഭേദപ്പെട്ടെന്നും റെസ്പിറേറ്ററി തെറപ്പി, ഫിസിയോ തെറപ്പി, ഒക്യുപേഷനൽ തെറപ്പി എന്നിവയാണു തുടരുന്നതെന്നും ആശുപത്രി അധികൃതർ അറിയിച്ചു.ചികിത്സയോടു മികച്ച രീതിയിൽ പ്രതികരിക്കുന്ന ഉമ തോമസ് നന്നായി സംസാരിക്കുന്നുണ്ട്.അണുബാധയുണ്ടാകാതിരിക്കാനുള്ള മുൻകരുതൽ വേണ്ടതിനാൽ സന്ദർശകരെ അനുവദിക്കില്ല.&nbsp;

'വേഗം സുഖമാവട്ടെ', ആശുപത്രിയിലെത്തി ഉമ തോമസുമായി വീഡിയോകോൾ ചെയ്ത് മന്ത്രി ബിന്ദു

എടക്കാട് (കണ്ണൂർ): എടക്കാട് ബീച്ച് റോഡ് റെയിൽവേ ഗേറ്റിന് സമീപം ട്രെയിൻ തട്ടി യുവാവ് മരിച്ചു. എടക്കാട് ഇണ്ടേരി ശിവക്ഷേത്രത്തിന് സമീപം ചെറുവറക്കൽ പ്രശോഭ് (30) ആണ് മരിച്ചത്.
ചൊവ്വാഴ്ച രാത്രി 7.30ഓടെയാണ് അപകടം. റെയിൽവെ ട്രാക്കിന് സമീപമാണ് പ്രശോഭിന്റെ വീട്. ട്രാക്കിലൂടെ നടക്കുമ്പോൾ ട്രെയിൻ തട്ടുകയായിരുന്നു. മൃതദേഹം കണ്ണൂർ ജില്ലാ ആശുപത്രിയിലേക്ക് മാറ്റി. പോസ്റ്റുമോർട്ടം നടപടിക്രമങ്ങൾക്ക് ശേഷം സംസ്കാരം നടക്കും.എടക്കാട് ചെറുവറക്കൽ ബാലന്റെയും സുശീലയുടെയും മകനാണ്. സഹോദരങ്ങൾ: സുഭാഷ്, നിഷ.

കണ്ണൂരിൽ ട്രെയിൻ തട്ടി യുവാവ് മരിച്ചു

കടയ്ക്കൽ (കൊല്ലം): വീട്ടുമുറ്റത്തെ കരിയില കൂട്ടിയിട്ട് കത്തിക്കുന്നതിനിടെ തീപ്പൊള്ളലേറ്റ് വീട്ടമ്മ മരിച്ചു. ഇട്ടിവ തുടയന്നൂർ മണലുവട്ടം ദർഭക്കുഴിവിള വീട്ടിൽ ബാബുരാജിൻറെ ഭാര്യ പ്രമിത(31)യാണ് മരിച്ചത്. തിങ്കളാഴ്ച രാവിലെ 11 മണിയോടെ വീടിന്റെ മുന്നിലെ കരിയില തൂത്തുകൂട്ടിയിട്ട് കത്തിക്കുന്നതിനിടെയായിരുന്നു സംഭവം. പ്രമിത ധരിച്ചിരുന്ന നൈറ്റിയിൽ തീ പടർന്നുപിടിക്കുകയായിരുന്നു.
നിലവിളികേട്ട് നാട്ടുകാർ ഓടിക്കൂടി തീ കെടുത്തിയെങ്കിലും ശരീരത്തിൽ വലിയ രീതിയിൽ പൊള്ളലേറ്റിരുന്നു. തുടർന്ന് കടയ്ക്കൽ താലൂക്ക് ആശുപത്രിയിലും പിന്നീട് തിരുവനന്തപുരം മെഡിക്കൽ കോളേജ് ആശുപത്രിയിലും പ്രവേശിപ്പിച്ചെങ്കിലും തിങ്കളാഴ്ച രാത്രിയോടെ മരിച്ചു.മൃതദേഹം കടയ്ക്കൽ താലൂക്ക് ആശുപത്രി മോർച്ചറിയിൽ. മസ്കറ്റിൽ ജോലിയുള്ള ബാബുരാജ് നാട്ടിലെത്തിയശേഷം സംസ്കാരം ബുധനാഴ്ച വീട്ടുവളപ്പിൽ നടക്കും. മക്കൾ: ശ്രീക്കുട്ടി, ശ്രീനന്ദ.

കരിയില കത്തിക്കുന്നതിനിടെ വസ്ത്രത്തില്‍ തീപടര്‍ന്നു;വീട്ടമ്മയ്ക്ക് ദാരുണാന്ത്യം

പിണറായി(കണ്ണൂര്‍): മരിച്ചെന്ന് വിധിയെഴുതിയ 67-കാരന് മോര്‍ച്ചറിയിലേക്ക് മാറ്റുന്ന വഴിയില്‍ പുതുജീവന്‍. പാച്ചപ്പൊയ്ക വനിതാ ബാങ്കിന് സമീപം പുഷ്പാലയത്തില്‍ വെള്ളുവക്കണ്ടി പവിത്രനാണ് മരണത്തില്‍നിന്ന് തലനാരിഴയ്ക്ക് ജീവിതം തിരികെപ്പിടിച്ചത്. പക്ഷാഘാതവും ശ്വാസകോശ സംബന്ധമായ അസുഖവും കാരണം തിങ്കളാഴ്ച പുലര്‍ച്ചെയാണ് മംഗളൂരുവിലെ സ്വകാര്യ ആസ്പത്രിയില്‍ പ്രവേശിപ്പിച്ചത്.
വെന്റിലേറ്ററിന്റെ സഹായത്തോടെയാണ് ജീവന്‍ നിലനിര്‍ത്തിയിരുന്നത്. എന്നാല്‍, ആരോഗ്യനിലയില്‍ പുരോഗതിയില്ലാത്തതിനാല്‍ വെന്റിലേറ്ററിന്റെ സഹായം ഒഴിവാക്കുകയാണെന്ന് തിങ്കളാഴ്ച വൈകീട്ട് ആശുപത്രി അധികൃതര്‍ ബന്ധുക്കളെ അറിയിച്ചു. മരണം സ്ഥിരീകരിച്ചതിനെത്തുടര്‍ന്ന് വിവരം ആശുപത്രിയില്‍ കൂടെയുണ്ടായിരുന്നവര്‍ നാട്ടുകാരെയും ബന്ധുക്കളെയും വിളിച്ചറിയിച്ചു.
തിങ്കളാഴ്ച വൈകീട്ട് 6.30-ന് മംഗളൂരുവില്‍നിന്ന് പവിത്രനെയും കൊണ്ട് ആംബുലന്‍സ് നാട്ടിലേക്ക് തിരിച്ചു. രാത്രി വൈകിയതിനാല്‍ 'മൃതദേഹം' കണ്ണൂരിലെ എ.കെ.ജി. ആശുപത്രി മോര്‍ച്ചറിയിലേക്ക് മാറ്റാനായിരുന്നു തീരുമാനം.രാത്രി 11.30-ഓടെ ആംബുലന്‍സിന്റെ വാതില്‍ തുറന്ന് മോര്‍ച്ചറിയിലേക്ക് മാറ്റുന്നതിനിടെയായിരുന്നു ആശുപത്രി അറ്റന്‍ഡര്‍ ജയനും ബന്ധുവായ സി.അര്‍ജുനനും പവിത്രന്റെ കൈയനക്കം ശ്രദ്ധിച്ചത്. വളരെപ്പെട്ടെന്ന് ഡോക്ടര്‍മാരും സംഘവുമെത്തി. തുടര്‍ന്ന് നടന്ന പരിശോധനയില്‍ ജീവനുണ്ടെന്ന് സ്ഥിരീകരിച്ചു. ഇപ്പോള്‍ തീവ്രപരിചരണ വിഭാഗത്തില്‍ ചികിത്സയിലാണ്.&nbsp;

മൃതദേഹം മോര്‍ച്ചറിയിലേക്ക് മാറ്റുന്നതിന് മുമ്പ് കൈയനക്കി ;പവിത്രൻ തിരികെ  ജീവിതത്തിലേക്ക്

Kannur

നെയ്യാറ്റിൻകര: കുടുംബക്കാർ സമാധിയിരുത്തിയെന്ന് അവകാശപ്പെടുന്ന ഗോപൻസ്വാമിയുടെ സമാധിപീഠം തുറക്കാനായുള്ള കളക്ടറുടെ ഉത്തരവ് ബുധനാഴ്ച ഉണ്ടായേക്കും. സമാധിപീഠം തുറക്കുന്നതു തടയണമെന്ന് ആവശ്യപ്പെട്ട് വീട്ടുകാർ ബുധനാഴ്ച ഹൈക്കോടതിയെ സമീപിച്ചേക്കും. തിങ്കളാഴ്ച സമാധിസ്ഥലം തുറക്കാനുള്ള ശ്രമം സംഘർഷാവസ്ഥയെത്തുടർന്ന് പോലീസ് ഉപേക്ഷിക്കുകയായിരുന്നു. കളക്ടറുടെ ഉത്തരവുണ്ടായാൽ ബുധനാഴ്ച ശക്തമായ പോലീസ് സുരക്ഷയിൽ സമാധി തുറക്കാനാണ് ശ്രമം.
അതിയന്നൂർ, ആറാലുംമൂട്, കാവുവിളാകം സിദ്ധൻ ഭവനിൽ ഗോപൻസ്വാമിയെ (69) കാണ്മാനില്ലെന്ന രണ്ടു നാട്ടുകാരുടെ പരാതിയെത്തുടർന്നാണ് പോലീസ് തിങ്കളാഴ്ച സമാധി പൊളിക്കാൻ എത്തിയത്. വീട്ടുകാരുടെയും ചില ഹൈന്ദവ സംഘടനകളുടെയും എതിർപ്പിനെത്തുടർന്ന് ശ്രമം ഉപേക്ഷിച്ചെങ്കിലും ആളിനെ കണ്ടെത്താനായി സമാധി പൊളിച്ചേ തീരൂയെന്നാണ് പോലീസ് നിലപാട്.
വീട്ടുകാർ നൽകിയ മൊഴിപ്രകാരം ഗോപൻസ്വാമി സ്വയമേ നടന്ന് സമാധിപീഠത്തിലിരുന്നെന്നും തുടർന്ന് സമാധിയായെന്നുമാണ്. ജീവൽസമാധിയായതിനാലാണ് നാട്ടുകാരെയോ, ബന്ധുക്കളെയോ അറിയിക്കാത്തതെന്നുമാണ് പറഞ്ഞത്‌. എന്നാൽ മരണം സ്ഥിരീകരിക്കാനായി വീട്ടുകാർ ഡോക്ടറെക്കൊണ്ട് പരിശോധന നടത്തിയില്ല.ഇതാണ് നാട്ടുകാരിൽ സംശയമുളവാക്കിയതും പോലീസിൽ പരാതി നൽകാനിടയാക്കിയതും. ഗോപൻസ്വാമിയുടെ തിരോധാനത്തിൽ കുറ്റകൃത്യം നടന്നെന്ന നിലപാടാണ് പോലീസിന്.&nbsp;

'ഗോപൻസ്വാമിയുടെ സമാധിപീഠം തുറക്കൽ';തീരുമാനം ഇന്ന് ഉണ്ടായേക്കും

കൊച്ചി: നടി ഹണി റോസിനെതിരേ അശ്ലീല പരാമർശം നടത്തിയെന്ന കേസില്‍ പ്രതിയായ ബോബി ചെമ്മണൂരിന് ജാമ്യം. ഹൈക്കോടതിയാണ് ബോബിക്ക് ജാമ്യം അനുവദിച്ചത്. ജസ്റ്റിസ് പി.വി. കുഞ്ഞികൃഷ്ണന്റെ ബെഞ്ചാണ് ബോബിയുടെ ജാമ്യഹര്‍ജി പരിഗണിച്ചത്.
ബോബിയുടെ ജാമ്യഹര്‍ജിയെ സര്‍ക്കാര്‍ കോടതിയില്‍ എതിര്‍ത്തു. എന്തിനാണ് ബോബി ചെമ്മണൂരിനെ കസ്റ്റഡിയില്‍ വിടണമെന്ന കോടതിയുടെ ചോദ്യത്തിന്, പ്രതി നടിയെ തുടര്‍ച്ചയായി അപമാനിച്ചെന്നും നിരന്തരം അശ്ലീലപരാമര്‍ശം നടത്തിയെന്നും സർക്കാർ അഭിഭാഷകൻ മറുപടി നൽകി. ഈ സംഭവം സമൂഹത്തിന് ഒരു സന്ദേശമാകണമെന്നും പ്രോസിക്യൂഷന്‍ പറഞ്ഞു.എന്നാല്‍, പ്രതി റിമാന്‍ഡിലായപ്പോള്‍ തന്നെ സമൂഹത്തിന് സന്ദേശം ലഭിച്ചുകഴിഞ്ഞെന്നായിരുന്നു ഇതിന് കോടതിയുടെ മറുപടി. ബോബിക്കായി മുതിര്‍ന്ന അഭിഭാഷകന്‍ ബി. രാമന്‍പിള്ള ഹാജരായി.
കേസില്‍ റിമാന്‍ഡിലായ ബോബി ചെമ്മണൂര്‍ നിലവില്‍ കാക്കനാട് ജയിലില്‍ റിമാന്‍ഡില്‍ കഴിയുകയാണ്. റിമാന്‍ഡിലായി ആറാംദിവസമാണ് ഹൈക്കോടതി ബോബിക്ക് ജാമ്യം അനുവദിച്ചിരിക്കുന്നത്. ജാമ്യം കിട്ടിയതോടെ ചൊവ്വാഴ്ചതന്നെ ബോബി ചെമ്മണൂര്‍ ജയില്‍മോചിതനായേക്കും.

ബോബി ചെമ്മണൂരിന് ജാമ്യം ;ഇന്ന് തന്നെ ജയില്‍മോചിതനായേക്കും

വടകര: സ്വകാര്യ ബസ് ജീവനക്കാരുമായുണ്ടായ തർക്കത്തിനിടെ വ്‌ളോഗര്‍ തൊപ്പി എന്ന പേരില്‍ അറിയപ്പെടുന്ന മുഹമ്മദ് നിഹാല്‍ തോക്ക് ചൂണ്ടിയതായും ആരോപണം. സംഭവത്തിൽ തൊപ്പിയെയും കൂടെ ഉണ്ടായിരുന്ന രണ്ടു പേരെയും പോലീസ് കസ്റ്റഡിയില്‍ എടുത്തിരുന്നു. സ്വകാര്യ ബസ് ജീവനക്കാരുമായുണ്ടായ വാക്കേറ്റത്തെ തുടര്‍ന്നാണ് സംഭവങ്ങളുടെ തുടക്കം. തര്‍ക്കത്തിനിടെ നിഹാല്‍ ഇവര്‍ക്ക് നേരേ ലൈസന്‍സ് ആവശ്യമില്ലാത്ത എയര്‍ പിസ്റ്റള്‍ ചൂണ്ടിയെന്നാണ് ആരോപണം. എന്നാല്‍ പരാതിയൊന്നും ലഭിക്കാത്തതിനെത്തുടര്‍ന്ന് പോലീസ് കേസ് എടുത്തില്ലെന്നാണ് വിവരം. ശരത് എസ് നായര്‍, മുഹമ്മദ് ഷമീര്‍ എന്നിവരാണ് കൂടെയുണ്ടായിരുന്ന മറ്റ് രണ്ടുപേര്‍.
ചൊവ്വാഴ്ച വൈകീട്ടായിരുന്നു സംഭവം. വടകര - കൈനാട്ടി ദേശീയപാതയില്‍ കോഴിക്കോട്ടേക്ക് പോകുകയായിരുന്നു മുഹമ്മദ് നിഹാല്‍. കാറിന് അരികിലേക്ക് അശ്രദ്ധമായി ബസ് എത്തിയെന്ന് ആരോപിച്ച് ബസിന് പിന്നാലെ തൊപ്പിയും കാര്‍ യാത്രക്കാരായ രണ്ട് പേരും വടകര ബസ് സ്റ്റാന്റില്‍ എത്തി. തുടര്‍ന്ന് ബസ് ജീവനക്കാരുമായി വാക്കേറ്റമുണ്ടാവുകയും തോക്ക് ചൂണ്ടുകയുമായിരുന്നു. കാറുമായി രക്ഷപെടാന്‍ ശ്രമിക്കുന്നതിനിടെ ബസ് തൊഴിലാളികള്‍ തൊപ്പിയെ തടഞ്ഞ് വെച്ച് പൊലീസില്‍ ഏല്‍പ്പിക്കുകയായിരുന്നു. വൈകുന്നേരം തൊപ്പിയെയും കൂട്ടരെയും പോലീസ് സ്റ്റേഷനിൽ എത്തിച്ചത് സംബന്ധിച്ച് നാട്ടുവാർത്ത വാർത്ത നൽകിയിയിരുന്നു.&nbsp;
(വീഡിയോ കാണാനായി താഴെയുള്ള ലിങ്കിൽ ക്ലിക്ക് ചെയ്യുക)
<a href="https://youtu.be/fykSsYo2-bI" target="_self">യൂട്യൂബർ 'തൊപ്പി' വടകര പോലീസ് സ്റ്റേഷനിൽ; നടപടി ബസ് ജീവനക്കാരുമായുള്ള തർക്കത്തെ തുടർന്ന്</a>

വടകരയിൽ വച്ച് ബസ് ജീവനക്കാർക്ക് നേരെ തൊപ്പി തോക്ക് ചൂണ്ടിയതായും ആരോപണം

നാദാപുരം: കല്ലാച്ചിയിൽ ടാക്സി ജീപ്പ് ഡ്രൈവർ ഉൾപ്പെടെ രണ്ട് പേർ എം ഡി എം എയുമായി പോലീസ് പിടിയിൽ. വിഷ്ണുമംഗലം കിഴക്കെ പറമ്പത്ത് കെ പി റഹീസ് (27) , കല്ലാച്ചിയിലെ ടാക്സി ജീപ്പ് ഡ്രൈവർ വിഷ്ണുമംഗലം സ്വദേശി ചമ്പോട്ടുമ്മൽ കെ. മുഹമ്മദ് സായിദ് (27) എന്നിവരെയാണ് നാദാപുരം പോലീസും ഡി വൈ എസ് പി എ.പി. ചന്ദ്രൻ്റെ നേതൃത്വത്തിലുള്ള സ്ക്വാഡും ചേർന്ന് പിടികൂടിയത്. മുഹമ്മദ് സയിദിൽ നിന്ന് O.11 ഗ്രാം എം ഡി എം എ യും ഇയാൾ സഞ്ചരിച്ച കെ എൽ 18 എ.സി 8424 നമ്പർ സ്കൂട്ടറും പോലീസ് കസ്റ്റഡിയിൽ എടുത്തു. തെരുവൻ പറമ്പ് ഗവ കോളജ് റോഡിൽ നിന്നാണ് റഹീസ് പിടിയിലായത്. പ്രതിയിൽ നിന്ന് O.05 ഗ്രാം എം ഡി എം എ പോലീസ് പിടികൂടി.

കല്ലാച്ചിയിൽ എം ഡി എം എയുമായി ടാക്സിഡ്രൈവർ ഉൾപ്പെടെ രണ്ട് പേർ അറസ്റ്റിൽ

മുഹമ്മദ് സായിദ്, റഹീസ് ,

Nadapuram

കോഴിക്കോട്: ഫറോക്കിൽ പതിനഞ്ചുകാരിയെ സമപ്രായക്കാരായ രണ്ടുപേർ ചേർന്ന് പീഡിപ്പിച്ചെന്ന് പരാതി. പീഡന ദൃശ്യങ്ങൾ അവരുടെ ഒപ്പം ഉണ്ടായിരുന്ന പതിനൊന്നുകാരൻ പകർത്തിയെന്നും പരാതിയിൽ പറയുന്നു. കൗൺസിലിംഗിനിടെയാണ് പെൺകുട്ടി പീഡന വിവരം തുറന്നുപറഞ്ഞത്. ഒരാഴ്ച മുൻപാണ് സംഭവം നടന്നത്.&nbsp;
പെൺകുട്ടിയുടെ മൊഴിയിൽ നല്ലളം പൊലീസ് കേസെടുത്തിട്ടുണ്ട്. കുറ്റാരോപിതരായ കുട്ടികളോട് ചൊവ്വാഴ്ച ചൈൽഡ് വെൽഫെയർ കമ്മിറ്റിയ്ക്ക് (സിഡബ്ല്യുസി)​ മുന്നിൽ ഹാജരാകാൻ ആവശ്യപ്പെട്ട് രക്ഷിതാക്കൾക്ക് നോട്ടീസ് നൽകി.

കോഴിക്കോട് പതിനഞ്ചുകാരിയെ സമപ്രായക്കാർ  പീഡിപ്പിച്ചു; ദൃശ്യങ്ങൾ പകർത്തിയത് പതിനൊന്നുകാരൻ

Kozhikode

കരുമാല്ലൂര്‍: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ഗര്‍ഭിണിയാക്കിയ കേസിലെ പ്രതി പിടിയില്‍. കിഴക്കേ വെളിയത്തുനാട് കടൂപ്പാടം വാഴയില്‍പറമ്പുവീട്ടില്‍ മുഹമ്മദ് യാസിനി (18) നെയാണ് ആലങ്ങാട് പോലീസ് ഇന്‍സ്‌പെക്ടര്‍ ടി.പി. ജെസ്റ്റിന്റെ നേതൃത്വത്തിലുള്ള സംഘം അറസ്റ്റ്‌ചെയ്തത്. പത്താംക്ലാസ് വിദ്യാര്‍ഥിനിയെയാണ് ഇയാള്‍ ഗര്‍ഭിണിയാക്കിയത്.
സ്‌കൂള്‍ അധികൃതരാണ് പോലീസില്‍ അറിയിച്ചത്. തുടര്‍ന്ന് ആലുവ ഈസ്റ്റ് പോലീസ് കേസെടുത്ത് അന്വേഷിക്കുന്നതിനിടെ പ്രതി മുങ്ങുകയായിരുന്നു. കേസ് കൈമാറിയതിനേത്തുടര്‍ന്നാണ് ആലങ്ങാട് പോലീസ് അന്വേഷണം നടത്തി വെള്ളിയാഴ്ച പ്രതിയെ അറസ്റ്റ്‌ചെയ്തത്.

പത്താംക്ലാസ് വിദ്യാര്‍ഥിനിയെ പീഡിപ്പിച്ച് ഗര്‍ഭിണിയാക്കിയ യുവാവ് അറസ്റ്റില്‍

നാദാപുരം: ലക്ഷങ്ങളുടെ വാടക കുടിശ്ശികയായതോടെ നാദാപുരം മേഖലയിൽ ബി.എസ്.എൻ.എൽ ഇൻ്റർനെറ്റ് കണക്ഷൻ കെ.എസ്.ഇ.ബി വിച്ഛേദിച്ചു. സർക്കാർ ഓഫിസുകളുടെ അടക്കം പ്രവർത്തനം അവതാളത്തിലായി.
ഇന്റർനെറ്റ് കേബിൾ കടന്ന് പോവുന്ന വൈദ്യുതി വകുപ്പിന്റെ പോസ്റ്റുകളുടെ വാടകയാണ് കുടിശ്ശികയായത്. 2023 - 24 വർഷത്തിൽ നാല് ലക്ഷത്തോളം രൂപയാണ് കെഎസ്ഇബിക്ക് ലഭിക്കാനുള്ളത്.

വാടക കുടിശ്ശിക; നാദാപുരം മേഖലയിൽ ബി.എസ്.എൻ.എൽ  ഇൻ്റർനെറ്റ് കണക്ഷൻ വിച്ഛേദിച്ച് കെ.എസ്.ഇ.ബി

പത്തനംതിട്ട: കൊവിഡ് ബാധിതയെ ആംബുലൻസിൽ വച്ച് പീഡിപ്പിച്ച കേസിൽ പ്രതിക്ക് ജീവപര്യന്തം തടവ് ശിക്ഷ വിധിച്ച് കോടതി. കായംകുളം സ്വദേശി നൗഫിലിനെയാണ് ജീവപര്യന്തം തടവിന് പത്തനംതിട്ട കോടതി ശിക്ഷിച്ചത്. 2020 സെപ്​റ്റംബർ അഞ്ചിനാണ് സംഭവം നടന്നത്. ജീവപര്യന്തം തടവ് ശിക്ഷയ്ക്ക് പുറമെ 1,08000 രൂപ പിഴയും കോടതി വിധിച്ചു. ആറു വകുപ്പുകളിലായാണ് കോടതി ശിക്ഷ പുറപ്പെടുവിച്ചിരിക്കുന്നതെന്നും ഏറെ സങ്കീർണമായ അന്വേഷണമാണ് കേൊവിഡ് കാലത്ത് നടന്നതെന്നും സമയ ബന്ധിതമായി കുറ്റപത്രം നൽകിയെന്നും പത്തനംതിട്ട അഡീഷണൽ എസ്‍പി ആർ ബിനു പറഞ്ഞു.
യുവതിയെ കൊവിഡ് സെന്ററിലേക്ക് കൊണ്ടുപോകുന്നതിനിടെ നൗഫൽ പീഡിപ്പിക്കുകയായിരുന്നു. ഡിഎൻഎ പരിശോധനയിൽ യുവതി പീഡനത്തിനിരയായെന്ന് തെളിഞ്ഞിരുന്നു. ബലാത്സംഗം, തട്ടിക്കൊണ്ടുപോകൽ എന്നീ കുറ്റങ്ങളും ചുമത്തിയിട്ടുണ്ട്.&nbsp;

കൊവിഡ് ബാധിതയെ ആംബുലൻസിൽ വച്ച് പീഡിപ്പിച്ച കേസ്; പ്രതിക്ക് ജീവപര്യന്തം തടവ്

ഒഞ്ചിയം : പടക്കനിർമാണത്തിന് നിയമവിരുദ്ധമായി സൂക്ഷിച്ച സ്ഫോടകവസ്തുക്കളും അനുബന്ധ വസ്തുക്കളും ചോമ്പാല പോലീസ് പിടിച്ചെടുത്തു. മടപ്പള്ളി കരുനിലം കുനിയിൽ ചന്ദ്രൻ എന്നയാളുടെ വീട്ടിൽ അനധികൃതമായി സ്ഫോടകവസ്തുക്കൾ സൂക്ഷിച്ചിട്ടുണ്ടെന്ന രഹസ്യവിവരത്തിന്റെ അടിസ്ഥാനത്തിൽ ചോമ്പാല പോലീസ് സബ് ഇൻസ്പെക്ടർ വികാസ് പി.യുടെ നേതൃത്വത്തിൽ സബ് ഇൻസ്പെക്ടർ അനിൽ കുമാർ പി., എഎസ്‍ഐ ചിത്രദാസ്, എസ്‍സി‍പിഒ ലിനീഷ്, സിപിഒ രമ്യ, സിപിഒ അജേഷ് എന്നിവരടങ്ങിയ സംഘമാണ് വീടുപരിശോധിച്ച് സ്ഫോടകവസ്തുക്കളും അനുബന്ധ സാമഗ്രികളും പിടിച്ചെടുത്തത്. വീട്ടുടമയുടെപേരിൽ കേസ് രജിസ്റ്റർചെയ്തു.

മടപ്പള്ളിയിൽ അനധികൃത സ്ഫോടകവസ്തുക്കൾ പോലീസ് പിടിച്ചെടുത്തു

നാദാപുരം: കഞ്ചാവുമായി പശ്ചിമ ബംഗാൾ സ്വദേശി പോലീസ് പിടിയിൽ. സൗത്ത് 24 ഫർഗാന സ്വദേശി അൽനൂർ സർദാർ (31) നെയാണ് നാദാപുരം എസ് ഐ എം.പി. വിഷ്ണുവും സബ് ഡിവിഷണൽ ഡി വൈ എസ് പി എ.പി. ചന്ദ്രൻ്റെ നേതൃത്വത്തിലുള്ള സ്ക്വാഡും പിടികൂടിയത്. പ്രതിയിൽ നിന്ന് 34 ഗ്രാം കഞ്ചാവ് പോലീസ് പിടികൂടി. കുമ്മങ്കോട് വരിക്കോളി റോഡിൽ ഒമ്പത് കണ്ടം ഗാർഡന് സമീപമാണ് പ്രതി പിടിയിലായത്. കഴിഞ്ഞ ദിവസം ബ്രൗൺ ഷുഗറുമായി ബംഗാൾ സ്വദേശി പോലീസ് പിടിയിലായിരുന്നു

നാദാപുരത്ത് കഞ്ചാവുമായി ബംഗാൾ സ്വദേശി അറസ്റ്റിൽ

നാദാപുരം: തൂണേരിയില്‍ കോളജ് വിദ്യാര്‍ഥിനി തീ കൊളുത്തി മരിച്ച നിലയില്‍. ടൗണിനടുത്ത് കൈതേരിപ്പൊയില്‍ കാര്‍ത്തികയാണ് (20) മരിച്ചത്. മാഹി മഹാത്മാഗാന്ധി ഗവ.കോളേജ് ബിഎസ്‌സി ഫിസിക്‌സ് രണ്ടാം വര്‍ഷ വിദ്യാര്‍ഥിനിയാണ്. തിങ്കളാഴ്ച വൈകിട്ടാണ് വീടിനു മുകളിലത്തെ മുറിയില്‍ തീകൊളുത്തിയ നിലയില്‍ വിദ്യാര്‍ഥിനിയെ കണ്ടത്.
ഉടന്‍ നാദാപുരം ഗവ. ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. നാദാപുരം പോലീസ് കേസെടുത്ത് അന്വേഷണം ആരംഭിച്ചു. സ്വയം കൊളുത്തിയതാണെന്നാണ് പ്രാഥമിക നിഗമനം. മൃതദേഹം പോസ്റ്റ് മോര്‍ട്ടത്തിനായി കോഴിക്കോട് മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി. സുകുമാരന്റെയും ശോഭയുടെയും മകളാണ്. സഹോദരി: ദേവിക.

തൂണേരിയില്‍ ബിരുദ വിദ്യാര്‍ഥിനി തീ കൊളുത്തി മരിച്ച നിലയില്‍

Search Results for: goat