ന്യൂഡൽഹി: കോൺ​ഗ്രസ് നേതാവ് രാഹുൽ രാഹുൽ ​ഗാന്ധി പ്രതിപക്ഷ നേതാവാകും. ഡൽഹിയിൽ ചേർന്ന ഇന്ത്യ യോ​ഗത്തിലാണ് ഇതുസംബന്ധിച്ച് തീരുമാനമായത്. ഇക്കാര്യം വ്യക്തമാക്കുന്ന കത്ത് പ്രോടെം സ്പീക്കർക്ക് നൽകി.
വയനാട്ടില്‍ 3,64,422 വോട്ടിന്റെ ഭൂരിപക്ഷത്തിലും റായ്ബറേലിയില്‍ 3,90,030 വോട്ടിന്റെ ഭൂരിപക്ഷത്തിലുമായിരുന്നു രാഹുല്‍ ഗാന്ധിയുടെ വിജയം. പിന്നീട്, വയനാട് എം.പി. സ്ഥാനം രാജിവെച്ച് റായ്ബറേലിയില്‍ തുടരാൻ തീരുമാനിക്കുകയായിരുന്നു.
രാഹുല്‍ ഗാന്ധിയെ ലോക്സഭാ പ്രതിപക്ഷ നേതാവായി തിരഞ്ഞെടുക്കണമെന്ന് ആവശ്യപ്പെട്ടുകൊണ്ട് കോണ്‍ഗ്രസ് പ്രവര്‍ത്തക സമിതി (സി.ഡബ്ല്യു.സി.) നേരത്തെ പ്രമേയം പാസാക്കിയിരുന്നു. രാഹുല്‍ നയിച്ച ഭാരത് ജോഡോ യാത്രയും ഭാരത് ജോഡോ ന്യായ് യാത്രയും തിരഞ്ഞെടുപ്പിനെ സംബന്ധിച്ച് വഴിത്തിരിവുകളായിരുന്നു എന്ന നിലപാടായിരുന്നു കോൺ​ഗ്രസ് നേതൃത്വത്തിന്.

രാഹുൽ ​ഗാന്ധി പ്രതിപക്ഷ നേതാവാകും; ഇന്ത്യ സഖ്യത്തിന്റെ യോ​ഗത്തിൽ തീരുമാനം

മൂന്നാര്‍: ശക്തമായ മഴയ്ക്കും മണ്ണിടിച്ചിലിനും സാധ്യതയുള്ളതിന്റെ പശ്ചാത്തലത്തില്‍ മൂന്നാറില്‍ മൂന്ന് ദുരിതാശ്വാസ ക്യാമ്പുകള്‍ തുറന്നു. മൂന്നാര്‍ കോളനിയില്‍ മണ്ണടിച്ചില്‍ സാധ്യതയുള്ളതിനാല്‍ പ്രദേശത്തെ കുടുംബങ്ങളെ മാറ്റിപ്പാര്‍പ്പിച്ചു.
പഴയ മൂന്നാര്‍ സി.എസ്.ഐ. ഹാളില്‍ പ്രവര്‍ത്തനമാരംഭിച്ച ക്യാമ്പിലേക്കാണ് ഇവരെ മാറ്റിപാര്‍പ്പിച്ചത്. ദേവികുളം സബ് കളക്ടര്‍ വി.എം. ജയകൃഷ്ണന്‍ ക്യാമ്പില്‍ ബന്ധപ്പെട്ടവരുമായി സംസാരിച്ചു.ശക്തമായ മഴയുടെ പശ്ചാത്തലത്തില്‍ ദേവികുളം താലൂക്കിലെ വിദ്യാഭ്യാസ സ്ഥാപനങ്ങള്‍ക്ക് ബുധനാഴ്ച അവധി പ്രഖ്യാപിച്ചിട്ടുണ്ട്.

ശക്തമായ മഴയ്ക്കും മണ്ണിടിച്ചിലിനും സാധ്യത ;മൂന്നാറിൽ ദുരിതാശ്വാസ ക്യാമ്പുകൾ തുറന്നു,

Kerala

മൂന്നാര്‍: മണ്ണിടിഞ്ഞ് വീടിന് മുകളില്‍ പതിച്ച് വീട്ടമ്മയ്ക്ക് ദാരുണാന്ത്യം. മൂന്നാര്‍ ലക്ഷം കോളനിയില്‍ കുമാറിന്റെ ഭാര്യ മാലയാണ് (38) മരിച്ചത്. സംഭവസമയത്ത് വീട്ടില്‍ ഇവര്‍ മാത്രമാണ് ഉണ്ടായിരുന്നത്. ചൊവ്വാഴ്ച വൈകുന്നേരം അഞ്ചുമണിയോടെ ആയിരുന്നു അപകടം.
വീടിന് മുകളിലേക്ക് മണ്ണിടിഞ്ഞ് വീഴുകയായിരുന്നു. മാലയുടെ ഇളയമകന്‍ സ്‌കൂള്‍ വിട്ട് വീട്ടിലെത്തിയ സമയത്താണ് വീടിന്റെ അടുക്കള ഭാഗത്ത് മണ്ണിടിഞ്ഞുവീണത്.പുറത്തേക്കോടിയ മകന്‍ അയല്‍വാസികളെ വിവരമറിയിക്കുകയായിരുന്നു.തുടര്‍ന്ന് സ്ഥലത്തെത്തിയ അഗ്‌നിരക്ഷാസനയും നാട്ടുകാരും ചേര്‍ന്ന് മാലയെ പുറത്തെടുത്ത് ആശുപത്രിയില്‍ എത്തിച്ചെങ്കിലും മരിച്ചിരുന്നു.

വീടിനു മുകളില്‍ മണ്ണിടിഞ്ഞ് വീണു; വീട്ടമ്മയ്ക്ക് ദാരുണാന്ത്യം

കൊച്ചി: മാധ്യമപ്രവര്‍ത്തനം അവസാനിപ്പിച്ച് എം.വി. നികേഷ് കുമാര്‍. രാഷ്ട്രീയ പ്രവര്‍ത്തനത്തിലേക്ക് കടക്കുന്നതിനാണ് 28 വര്‍ഷത്തെ മാധ്യമജീവിതത്തിന് അദ്ദേഹം വിരാമമിട്ടത്. പുതിയൊരു കര്‍മരംഗം തേടിയാണ് പോകുന്നതെന്ന് അദ്ദേഹം പറഞ്ഞു. സി.പി.എം. അംഗമായി പൊതുരംഗത്തുണ്ടാകുമെന്നും അദ്ദേഹം കൂട്ടിച്ചേര്‍ത്തു.
ഏഷ്യാനെറ്റ്, ഇന്ത്യാവിഷന്‍, റിപ്പോര്‍ട്ടര്‍ ചാനലുകളില്‍ പ്രവര്‍ത്തിച്ച നികേഷ്, റിപ്പോര്‍ട്ടര്‍ ടി.വി. എഡിറ്റര്‍ ഇന്‍ ചീഫ് സ്ഥാനത്തുനിന്നാണ് പടിയിറങ്ങുന്നത്. ഒന്നാം പിണറായി സര്‍ക്കാര്‍ അധികാരത്തില്‍ വന്ന 2016 ലെ നിയമസഭാ തിരഞ്ഞെടുപ്പില്‍ മാധ്യമപ്രവര്‍ത്തനത്തിന് താത്കാലിക അവധി നല്‍കി എല്‍ഡിഎഫ് സ്ഥാനാര്‍ഥിയായി അഴീക്കോട് മണ്ഡലത്തില്‍ മത്സരിച്ചെങ്കിലും മുസ്ലിം ലീഗിലെ കെ.എം ഷാജിയോട് പരാജയപ്പെട്ടു.
സിഎംപി നേതാവും മുന്‍ മന്ത്രിയുമായ എം.വി രാഘവന്റെ മകനായ നികേഷ് ഏഷ്യാനെറ്റ് ന്യൂസിലൂടെയാണ് മാധ്യമപ്രവര്‍ത്തന രംഗത്തേക്ക് വരുന്നത്. ഇന്ത്യവിഷന്‍ ചാനല്‍ തുടങ്ങിയപ്പോള്‍ അതിന്റെ സിഇഒയായി. ഇന്ത്യ വിഷന്‍ പ്രവര്‍ത്തനം നിര്‍ത്തിയപ്പോള്‍ റിപ്പോര്‍ട്ടര്‍ ചാനല്‍ തുടങ്ങുകയായിരുന്നു

28 വര്‍ഷത്തെ മാധ്യമപ്രവര്‍ത്തനം അവസാനിപ്പിച്ച് എം.വി.നികേഷ് കുമാര്‍; ഇനി സജീവ രാഷ്ട്രീയത്തിലേക്ക്

ന്യൂഡൽഹി: കോൺഗ്രസ് നേതാവും റായ്ബറേലി എംപിയുമായ രാഹുൽ ഗാന്ധി ലോക്‌സഭയിൽ സത്യപ്രതിജ്ഞ ചെയ്തു. ഭരണഘടനയുടെ ചെറുപതിപ്പ് ഉയർത്തിക്കാട്ടി കൊണ്ടാണ് അദ്ദേഹം സത്യപ്രതിജ്ഞ ചെയ്യുന്നതിന് പീഠത്തിലേക്ക് വന്നത്. പ്രതിപക്ഷ അംഗങ്ങൾ കരഘോഷം മുഴക്കിയാണ് സ്വീകരിച്ചത്. ഭരണഘടയുടെ പതിപ്പ് ഉയർത്തിപ്പിടിച്ച് ഇംഗ്ലീഷിലാണ് രാഹുൽ സത്യവാചകം ചൊല്ലിയത്.
ഭാരത് ജോഡോ മുദ്രാവാക്യം വിളിച്ച് പ്രതിപക്ഷം രംഗത്തെത്തിയിരുന്നു. രാഹുൽ ​ഗാന്ധിയുടെ സത്യപ്രതിജ്ഞ കാണാൻ സോണിയ ​ഗാന്ധിയും, പ്രിയങ്ക ​ഗാന്ധിയും വിസിറ്റേഴ്സ് ഗ്യാലറിയിലെത്തിയിരുന്നു. മുപ്പത്തി മൂന്നാമതായാണ് രാഹുൽ ​ഗാന്ധി സത്യപ്രതിജ്ഞ ചെയ്തത്.
ലോക്‌സഭാ തിരഞ്ഞെടുപ്പിൽ രണ്ടുമണ്ഡലങ്ങളിലാണ് രാഹുൽ ഗാന്ധി മത്സരിച്ചത്. റായ്ബറേലിയിലും വയനാട്ടിലും. റായ്ബറേലിയിൽ 3,90,030 വോട്ടുകൾക്കും വയനാട്ടിൽ 3,64,422 വോട്ടുകൾക്കുമാണ് രാഹുൽ വിജയിച്ചത്.

ഭരണഘടന ഉയര്‍ത്തിപ്പിടിച്ച് റായ്ബറേലി എം.പിയായി സത്യപ്രതിജ്ഞ ചെയ്ത് രാഹുല്‍ ഗാന്ധി; കരഘോഷം മുഴക്കി പ്രതിപക്ഷ അംഗങ്ങൾ

തിരുവനന്തപുരം: പ്ലസ് വൺ സീറ്റ് പ്രതിസന്ധി പരിഹരിക്കാൻ സമിതിയെ നിയോഗിച്ച് സർക്കാർ. എവിടെയെല്ലാം അധിക ബാച്ച് അനുവദിക്കണമെന്ന് സമിതി പരിശോധിക്കും. ഹയർസെക്കൻഡറി ജോയിന്റ് ഡയറക്ടറും മലപ്പുറം ആർ.ആർ.ഡിയുമാണ് സമിതി അംഗങ്ങൾ. വിദ്യാർഥി സംഘടനാ നേതാക്കളുമായി വിദ്യാഭ്യാസമന്ത്രി വി ശിവൻകുട്ടിയുമായി നടത്തിയ ചർച്ചയിലായിരുന്നു തീരുമാനം.
ജൂലൈ അഞ്ചിനകം സമിതി റിപ്പോർട്ട് സർക്കാരിന് നൽകണം. അതിന്റെ അടിസ്ഥാനത്തിൽ അടുത്ത പ്രവേശന നടപടികൾ ആരംഭിക്കും. മലപ്പുറം, പാലക്കാട്, കാസർകോട് ജില്ലകളിലാണ് സീറ്റ് പ്രതിസന്ധികളുള്ളതെന്ന് വിദ്യാർഥി സംഘടനാ നേതാക്കളുമായി നടത്തിയ ചർച്ചയ്ക്ക് ശേഷം വിദ്യാഭ്യാസമന്ത്രി മാധ്യമങ്ങളോട് പറഞ്ഞു.
മലപ്പുറത്ത് മാത്രം 7,054 സീറ്റിന്റെ കുറവുണ്ട്. പാലക്കാട് 1757, കാസർകോട് 250 സീറ്റും കുറവെന്ന് മന്ത്രി വാർത്താ സമ്മേളനത്തിൽ പറഞ്ഞു. പാലക്കാട് ജില്ലയിൽ 1757 സീറ്റുകളുടെ കുറവുണ്ട്. സപ്ലിമെന്ററി അലോട്മെന്റോടെ ഇതിന് പരിഹാരം കണ്ടെത്തും. നിലവിലെ മലപ്പുറത്തിന്റെ സാഹചര്യം പരിഗണിച്ച് പുതിയ താൽക്കാലിക ബാച്ച് അനുവദിക്കും. പ്ലസ് വൺ പഠനം ആഗ്രഹിക്കുന്ന എല്ലാ വിദ്യാർത്ഥികൾക്കും പ്രവേശനം ഉറപ്പാക്കും. ഇതിനകം ക്ലാസ്സ് നഷ്ടമാകുന്ന വിദ്യാർത്ഥികൾക്ക് ബ്രിഡ്ജ് കോഴ്‌സ് നൽകി പഠനവിടവ് നികത്താനുള്ള എല്ലാവിധ സംവിധാനങ്ങളും ഒരുക്കുമെന്ന് മന്ത്രി വാർത്താസമ്മേളനത്തിൽ പറഞ്ഞു.

പ്ലസ് വൺ സീറ്റ് പ്രതിസന്ധി പരിഹരിക്കാൻ സമിതിയെ നിയോഗിച്ച് സർക്കാർ; അധിക ബാച്ച് അനുവദിക്കേണ്ടത് എവിടെയെന്ന് പരിശോധിക്കും

തിരുവനന്തപുരം: ടി.പി.ചന്ദ്രശേഖരൻ വധക്കേസ് പ്രതികളെ പുറത്തുവിട്ടില്ലെങ്കില്‍ കേസിലെ ഗൂഢാലോചന സംബന്ധിച്ച കാര്യങ്ങള്‍ പുറത്തുവരുമെന്ന പേടിയാണ് സിപിഎമ്മിനും സര്‍ക്കാരിനുമെന്നു കെ.കെ.രമ. ഹൈക്കോടതി വിധി കാറ്റില്‍പ്പറത്തിയുള്ള നീക്കമാണു സര്‍ക്കാര്‍ നടത്തുന്നതെന്നും രമ കുറ്റപ്പെടുത്തി.
‘‘സിപിഎം സംസ്ഥാന നേതൃത്വം ജയിലിലാകുന്ന കാര്യങ്ങളാണിതെന്നു ഭരണകര്‍ത്താക്കള്‍ക്ക് അറിയാം. വേറെ ഏതെങ്കിലും പ്രതികള്‍ക്ക് ഇത്രത്തോളം സൗകര്യം ജയിലില്‍ കിട്ടുന്നുണ്ടോ? പ്രതികള്‍ക്കു വേണ്ടി കെ.രാധാകൃഷ്ണന്‍ സബ്മിഷന്‍ അവതരിപ്പിച്ചു. കോടിയേരി ബാലകൃഷ്ണന്‍ ജയിലില്‍ പോയി അവരെ കണ്ടു. എംഎല്‍എമാരുടെ സംഘം ജയിലില്‍ പോയി. പ്രതികളുടെ മേല്‍ ഒരു തരി മണ്ണു വീണാല്‍ എങ്ങനെയാണു സിപിഎമ്മിനു നോവുന്നത്?
പ്രതികളെ ഇവര്‍ എത്രമാത്രം ഭയക്കുന്നുവെന്നതിന്റെ തെളിവാണിത്. ആ ഭയം കൊണ്ടാണ് ഇന്ന് അടിയന്തരപ്രമേയം അവതരിപ്പിക്കാന്‍ അനുമതി നല്‍കാതിരുന്നത്. മുഖ്യമന്ത്രി പിണറായി വിജയന്റെ മുഖത്തുനോക്കി ചോദിക്കാനുള്ള ഒരുപാടു ചോദ്യങ്ങളുണ്ട്. അതിനെയൊക്കെ സര്‍ക്കാരും മുഖ്യമന്ത്രിയും ഭയക്കുന്നു. അതുകൊണ്ടാണു മുഖ്യമന്ത്രി പറയാതെ സ്പീക്കര്‍ പറഞ്ഞത്. ഇതു സഭയോടുള്ള അവഹേളനമാണ്. വിഷയത്തില്‍ ഗവര്‍ണറെ കാണും.
ഹൈക്കോടതി വിധി കാറ്റില്‍പ്പറത്തിയുള്ള നീക്കമാണു സര്‍ക്കാര്‍ നടത്തുന്നത്. തിരഞ്ഞെടുപ്പ് പെരുമാറ്റച്ചട്ടം നിലനില്‍ക്കുന്ന അവസരത്തിലാണു കത്തു നല്‍കിയതുള്‍പ്പെടെയുള്ള നടപടികള്‍ ധൃതിപിടിച്ച് എടുത്തിരിക്കുന്നത്. ആരുമറിയാതെ ഈ പ്രതികളെ പുറത്തുവിടാനുള്ള വലിയ ഗൂഢാലോചനയാണ് നടന്നത്. കേരളം മുഴുവന്‍ വെറുത്ത ക്രിമിനലുകളെ പ്രീതിപ്പെടുത്താനും സന്തോഷിപ്പിക്കാനുമാണു സര്‍ക്കാര്‍ ഈ തീരുമാനം എടുത്തത്. ഞങ്ങള്‍ നിങ്ങളുടെ കൂടെയുണ്ടെന്നു പ്രതികളെ ഓര്‍മിപ്പിക്കാനാണു ശ്രമം. ഇത്തവണ ആരും ശ്രദ്ധിച്ചില്ലെങ്കില്‍ അടുത്ത ഘട്ടത്തില്‍ കൂടുതല്‍ പ്രതികളെ പട്ടികയില്‍ ഉള്‍പ്പെടുത്തുമായിരുന്നു’’– രമ പറഞ്ഞു.

‘ടി.പി വധക്കേസ് പ്രതികളെ സിപിഎമ്മിനു ഭയം; നടന്നത് വലിയ ഗൂഢാലോചനയെന്നും കെ കെ രമ

മയ്യഴി: ആധുനിക കാലത്തെ വേറിട്ട സ്വരമായ പ്രശസ്ത കഥാകൃത്ത് എം.രാഘവനെ സഹൃദയ സാംസ്കാരിക വേദി ന്യൂമാഹി ആദരിച്ചു. ഏഴ് പതിറ്റാണ്ടിലേറെ നീണ്ട എഴുത്തു ജീവിതത്തിൽ നിന്നും തെരഞ്ഞെടുത്ത രചനകളുടെ സമഗ്ര സഞ്ചയമാണ് ഈ അടുത്ത കാലത്ത് പ്രസിദ്ധീകരിച്ച എം.രാഘവൻ്റെ - കഥ എന്ന ചെറുകഥാ സമാഹാരം. എം.രാഘവൻ്റെ ഭാരതിയാർ റോഡിലെ വീട്ടിലെത്തിയാണ് സഹൃദയ പ്രവർത്തകർ ആദരവ് നൽകിയത്. സെക്രട്ടറി എം.എ. കൃഷ്ണൻ എം.രാഘവന് ആദരവ് സമർപ്പിച്ചു. സി.കെ. രാജലക്ഷ്മി, സോമൻ മാഹി, ഒ.വി.സുബാഷ്, ഷാജി കൊള്ളുമ്മൽ , എം.രാഘവൻ്റെ ഭാര്യ കെ.കെ. അംബുജാക്ഷി എന്നിവർ ചടങ്ങിൽ സംബന്ധിച്ചു.

കഥാകൃത്ത് എം രാഘവനെ ആദരിച്ചു

Mahe

ക്രിസ്റ്റോ ടോമി സംവിധാനം ചെയ്ത ഉർവശി - പാർവതി ചിത്രം ഉള്ളൊഴുക്കിനെ റിലീസ് ദിനം മുതൽക്കേ എല്ലാവരും പ്രശംസിക്കുകയാണ്. ഇപ്പോഴിതാ ഉന്നതവിദ്യാഭ്യസവകുപ്പ് മന്ത്രി ആർ ബിന്ദുവും ഉള്ളൊഴുക്കിനെ പ്രശംസിച്ചിരിക്കുകയാണ്. തന്റെ ഫെയ്സ്ബുക്ക്‌ പേജിലാണ് മന്ത്രി ചിത്രത്തെക്കുറിച്ചുള്ള അഭിപ്രായം പങ്കുവച്ചത്.
പുതുമയുള്ള പ്രമേയത്തെയും കയ്യടക്കത്തോടെയുള്ള പരിചരണത്തെയും അഭിനേതാക്കളുടെ മിന്നും പ്രകടനത്തെയും മന്ത്രി ആർ.ബിന്ദു അഭിനന്ദിച്ചിരിക്കുകയാണ്. “കുടുംബം” എന്ന സ്ഥാപനത്തിന്റേയും അതിന്റെ ‘അന്തസ്സ്, അഭിമാനം“ തുടങ്ങിയ മിഥ്യാധാരണകളുടെയും പൊള്ളത്തരം തുറന്നുകാണിക്കുന്നതിൽ ചിത്രം വിജയിച്ചിട്ടുണ്ടെന്ന് മന്ത്രി എഴുതി.
'നുണകളുടെ കരിങ്കല്ലുകൾ കൊണ്ടാണ് കുടുംബം എന്ന സ്ഥാപനത്തിന്റെ അസ്ഥിവാരം കെട്ടിയിരിക്കുന്നത് എന്ന് നെഞ്ച് പൊള്ളിക്കുന്നുണ്ട് ഈ സിനിമ. മറ്റുള്ളവരുടെ മുൻപിൽ കെട്ടുകാഴ്ച്ചക്കായി വെക്കേണ്ട പണ്ടമായി ജീവിതം നിസ്സഹായമാവുന്നത് കൃത്യമായി പറയുന്നുണ്ട്, ചിത്രം.മിഥ്യാഭിമാനങ്ങളുടെ കുമിളകൾ പൊട്ടിയ്ക്കുമ്പോൾ നുണകൾക്ക് പിന്നിൽ ഒളിപ്പിക്കപ്പെട്ട നേരുകളുടെ ഉള്ളൊഴുക്കുകൾ വെളിപ്പെടുന്നു. ഉൾക്കലക്കങ്ങൾ പുതിയ പ്രയാണങ്ങൾക്കുള്ള ഊർജ്ജം പകരുകയാണ് വേണ്ടത്.' ആർ.ബിന്ദുവിന്റെ വാക്കുകൾ ഇങ്ങനെ.
അന്താരാഷ്‌ട്ര ശ്രദ്ധ പിടിച്ചുപറ്റിയ 'കറി&amp; സയനൈഡ്' എന്ന നെറ്റ്ഫ്ലിക്സ് ഡോക്യുമെന്ററി സംവിധാനം ചെയ്ത ക്രിസ്റ്റോ ടോമിയുടെ ആദ്യ ഫീച്ചർ ഫിലിമാണ് ഉള്ളൊഴുക്ക്. സുഷിൻ ശ്യാമാണ് ചിത്രത്തിന്റെ സംഗീതസംവിധാനം നിർവഹിക്കുന്നത്. അലൻസിയർ, പ്രശാന്ത്‌ മുരളി, അർജുൻ രാധാകൃഷ്ണൻ, ജയാ കുറുപ്പ് തുടങ്ങിയവരും ചിത്രത്തിൽ മറ്റുവേഷങ്ങളിൽ എത്തുന്നുണ്ട്.&nbsp;

നൈസർഗികമായ അഭിനയചാതുരികൊണ്ട് വിസ്മയിപ്പിക്കുന്ന രണ്ടുനടിമാർ ; 'ഉള്ളൊഴുക്കിനെ' പ്രശംസിച്ച്  മന്ത്രി ആർ ബിന്ദു

കുറ്റിക്കാട്ടൂർ (കോഴിക്കോട്): മാവൂർ-കോഴിക്കോട് റോഡിൽ പൂവാട്ടുപറമ്പ് വളവിൽ ഇന്നോവ കാർ നിയന്ത്രണംവിട്ട് കടകളിലേക്ക് ഇടിച്ചുകയറി അഞ്ചുപേർക്ക് പരിക്കേറ്റു. ചൊവ്വാഴ്ച രാവിലെയാണ് അപകടം. അപകടത്തിൽ 13 ഇരുചക്ര വാഹനങ്ങളും ഒരു കാറും തകർന്നു. എടവണ്ണപ്പാറയിൽനിന്നും കോഴിക്കോട്ടേക്ക് വരികയായിരുന്ന ഇന്നോവ കാറാണ് അപകടത്തിൽപ്പെട്ടത്.
വളവിൽ നിയന്ത്രണം വിട്ട് റോഡരികിലെ റോയൽ എൻഫീൽഡ് വർക്ക് ഷോപ്പിലേക്കും തൊട്ടടുത്തുള്ള ടൈൽ വില്പന കേന്ദ്രത്തിലേക്കുമാണ് കാർ ഇടിച്ചുകയറിയത്. അപകടത്തിൽ വർക്ക് ഷോപ്പിൽ നിർത്തിയിട്ട ബുള്ളറ്റുകളും തൊട്ടടുത്തുണ്ടായിരുന്ന മറ്റ് ബൈക്കുകളും ഒരു കാറുമാണ് തകർന്നത്.കെട്ടിടത്തിന്റെ അടിഭാഗത്തേക്കുള്ള വഴിയുടെ പാർശ്വഭിത്തിയിൽ ഇടിച്ചാണ് കാർ നിന്നത്. കടകളിലും പരിസരത്തും ഉണ്ടായിരുന്നവർക്കാണ് പരിക്കേറ്റത്. പരിക്കേറ്റ അഞ്ചു പേരെയും കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.

ഇന്നോവ കടയിലേക്ക് ഇടിച്ചുകയറി അഞ്ച് പേർക്ക് പരിക്ക്; 13 ബൈക്കുകൾ തകർന്നു

Kozhikode

കോട്ടയം: തീവണ്ടിയില്‍ വിദേശ വനിതയ്ക്ക് നേരേ ലൈംഗികാതിക്രമം. പുണെ-കന്യാകുമാരി എക്‌സ്പ്രസിലാണ് വിദേശവനിതയ്ക്ക് നേരേ അതിക്രമമുണ്ടായത്.
സംഭവത്തില്‍ തീവണ്ടിയിലെ പാന്‍ട്രി ജീവനക്കാരനെ റെയില്‍വേ പോലീസ് അറസ്റ്റ് ചെയ്തു. മധ്യപ്രദേശ് ബിന്‍ദ് സ്വദേശിയായ ഇന്ദ്രപാല്‍ സിങ്ങി(40)നെയാണ് കോട്ടയം റെയില്‍വേ പോലീസ് പിടികൂടിയത്.

തീവണ്ടിയില്‍ വിദേശവനിതയ്ക്ക് നേരേ ലൈംഗികാതിക്രമം; പാന്‍ട്രി ജീവനക്കാരന്‍ പിടിയില്‍

കോഴിക്കോട്: സംസ്ഥാനത്ത് അടുത്ത മൂന്ന് ദിവസങ്ങളില്‍ ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. ശക്തമായ മഴയും ഇടിമിന്നലും പ്രവചിക്കപ്പെട്ടിരിക്കുന്ന സാഹചര്യത്തിൽ വിവിധ ജില്ലകളില്‍ ഓറഞ്ച്, മഞ്ഞ അലര്‍ട്ടുകള്‍ പ്രഖ്യാപിച്ചു.
ഓറഞ്ച് അലര്‍ട്ട്
25-06-2024: പത്തനംതിട്ട, ഇടുക്കി, കണ്ണൂര്‍
26-06-2024: കണ്ണൂര്‍, കാസർകോട്
27-06-2024: വയനാട്, കണ്ണൂര്‍
ഒറ്റപ്പെട്ടയിടങ്ങളില്‍ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില്‍ 115.6 മില്ലി മീറ്റര്‍ മുതല്‍ 204.4 മില്ലി മീറ്റര്‍വരെ മഴ ലഭിക്കും.
മഞ്ഞ അലര്‍ട്ട്
25-06-2024: തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കാസർകോട്
26-06-2024: എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, വയനാട്
27-06-2024: എറണാകുളം, ഇടുക്കി, തൃശൂര്‍, പാലക്കാട്, മലപ്പുറം, കോഴിക്കോട്, കാസർകോട്
&nbsp;24 മണിക്കൂറില്‍ 64.5 മില്ലിമീറ്ററില്‍ മുതല്‍ 115.5 മില്ലിമീറ്റര്‍വരെ മഴ ലഭിക്കും. മഴയ്‌ക്കൊപ്പം ഇടിമിന്നലിനും സാധ്യതയുണ്ടെന്ന് മുന്നറിയിപ്പില്‍ പറയുന്നു.

ശക്തമായ മഴയ്ക്ക് സാധ്യത: വിവിധ ജില്ലകളിൽ ഓറഞ്ച്, മഞ്ഞ അലര്‍ട്ടുകള്‍ പ്രഖ്യാപിച്ചു

കുട്ടികള്‍ക്ക് ഏറെയിഷ്ടപ്പെടുന്ന വിഭവമാണ് പനീര്‍. വളരെ കുറഞ്ഞ സമയത്തില്‍ ഉണ്ടാക്കാന്‍ കഴിയുന്ന ഒരു വിഭവമാണ് പനീര്‍ ഫ്രൈ.&nbsp;
ചേരുവകള്‍
പനീര്‍-200 ഗ്രാം
ഇഞ്ചി വെളുത്തുള്ളി പേസ്റ്റ്-1/2 ടീസ്പൂണ്‍
ചുവന്ന മുളക് പൊടി-1 ടീസ്പൂണ്‍
ഗരം മസാല പൊടി-1 ടീസ്പൂണ്‍
കുരുമുളക്-1/2 ടീസ്പൂണ്‍
ധാന്യപ്പൊടി-1/2 കപ്പ്
ബ്രെഡ്ക്രംബ്‌സ്-1/2 കപ്പ്
പാല്‍ -2 ടീസ്പൂണ്‍
ഉപ്പ്-ആവശ്യത്തിന്
എണ്ണ -ആവശ്യത്തിന്
പാചകം ചെയ്യുന്ന വിധം
ആദ്യം പനീര്‍ ചെറിയ ക്യൂബുകളാക്കി മുറിച്ചെടുക്കാം.ഇഞ്ചി-വെളുത്തുള്ളി പേസ്റ്റ്, മുളക്‌പൊടി, ഉപ്പ് എന്നിവ നന്നായി ചേര്‍ത്തിളക്കി പേസ്റ്റാക്കി ഇതില്‍ പുരട്ടിവെക്കുക. അഞ്ചു മിനിറ്റ് മാരിനേറ്റ് ചെയ്യാന്‍ വെക്കണം.
ശേഷം ഒരു പാത്രത്തില്‍ കോണ്‍ഫ്‌ളോര്‍, പാല്‍, ഗരം മസാല, കുരുമുളക്, ഉപ്പ്, വെള്ളം എന്നിവ ചേര്‍ത്ത് കട്ടിയുള്ള മിശ്രിതം തയ്യാറാക്കുക.ഇതില്‍ പനീര്‍ കഷ്ണങ്ങള്‍ മുക്കി, ബ്രെഡ്ക്രംബ്‌സില്‍ പൊതിയുക, ശേഷം സ്വര്‍ണ്ണനിറമാകുന്ന പാകത്തില്‍ നന്നായി വറുത്തെടുക്കാം.

കുട്ടികള്‍ക്ക് ഏറെയിഷ്ടപ്പെടുന്ന പനീര്‍ ഫ്രൈ ഉണ്ടാക്കിയാലോ

Health

അബുദാബി : ഉഭയകക്ഷിസഹകരണം ശക്തിപ്പെടുത്തുക ലക്ഷ്യമിട്ട് വിദേശകാര്യമന്ത്രി എസ്. ജയ്ശങ്കർ ഞായറാഴ്ച യു.എ.ഇ.യിലെത്തി.
വിവിധ വിഷയങ്ങളിൽ യു.എ.ഇ. വിദേശകാര്യമന്ത്രി അബ്ദുള്ള ബിൻ സായിദ് അൽ നഹ്യാനുമായി ജയ്ശങ്കർ ചർച്ചനടത്തും. പശ്ചിമേഷ്യയിലെ സംഘർഷവും വിഷയമാകും. നഹ്യാനെ കാണുംമുമ്പ് ദുബായിലെ ആദ്യ ഹിന്ദുക്ഷേത്രമായ ബി.എ.പി.എസ്. സ്വാമിനാരായൺ ജയ്ശങ്കർ സന്ദർശിച്ചു. 10-ാമത് അന്താരാഷ്ട്രയോഗദിന ആഘോഷങ്ങളിലും പങ്കെടുത്തു.

വിദേശകാര്യമന്ത്രി എസ്. ജയ്ശങ്കർ യു.എ.ഇ.യിലെത്തി

Gulf

വില്യാപ്പള്ളി: ഗ്രാമപഞ്ചായത്ത് ചൈൽഡ് പ്രൊട്ടക്ഷൻ കമ്മിറ്റിയുടെയും ജൻഡർ റിസോഴ്സ് സെന്ററിന്റെയും ആഭിമുഖ്യത്തിൽ വില്യാപ്പള്ളി പഞ്ചായത്തിലെ മുഴുവൻ എൽ. പി, യു. പി സ്കൂൾ ജീവനക്കാർക്കും കുട്ടികളുടെ അവകാശ സംരക്ഷണവുമായി ബന്ധപ്പെട്ട് പരിശീലനം സംഘടിപ്പിച്ചു. ബ്ലോക്ക്‌ പഞ്ചായത്ത്‌ പ്രസിഡന്റ്‌ പി. എം ലീന ഉദ്ഘാടനം ചെയ്തു. പഞ്ചായത്ത്‌ പ്രസിഡന്റ്‌ കെ. കെ ബിജുള അധ്യക്ഷയായി. പി. കെ മുരളി, കോളിയോട്ട് രജിത, കെ. സുബിഷ, വിവിധ സ്റ്റാന്റിംഗ് കമ്മിറ്റി ഭാരവാഹികൾ , ജനപ്രതിനിധികളായ കെ. ഗോപാലൻ, കൈതയിൽ ഷറഫുദ്ധീൻ, വി. മുരളി എന്നിവർ ആശംസകൾ അർപ്പിച്ച് സംസാരിച്ചു.&nbsp;
ജില്ലാ ശിശു സംരക്ഷണ യൂണിറ്റ് പ്രൊട്ടക്ഷൻ ഓഫീസർ ഷിബിൻ എ. പി, ചൈൽഡ് ഹെൽപ്പ് ലൈൻ പ്രൊജക്റ്റ്‌ കോ ഓർഡിനേറ്റർ സോനാലി പിക്കാസോ എന്നിവർ കുട്ടികളുമായി ബന്ധപ്പെട്ട നിയമങ്ങളെക്കുറിച്ചും സംവിധാനങ്ങളെക്കുറിച്ചും ക്ലാസുകൾ കൈകാര്യം ചെയ്‌തു. എൽ. പി, യു. പി സ്കൂൾ ജീവനക്കാരും, ജനപ്രതിനിധികളും ക്ലാസ്സിൽ പങ്കെടുത്തു. ഐ. സി. ഡി. എസ് സൂപ്പർവൈസർ എം ജി സന്ധ്യ സ്വാഗതവും. പി. ഇ. സി കൺവീനർ മനോജൻ നന്ദിയും പറഞ്ഞു.

കുട്ടികളുടെ അവകാശ സംരക്ഷണം; സ്കൂൾ ജീവനക്കാർക്ക് പരിശീലനം നൽകി

Vadakara

വടകര: ചോളം വയൽ പുത്തലത്ത് കണ്ടി മൂസ ഹാജി (87) നിര്യാതനായി. ഭാര്യ; ഖദീജ. മക്കൾ; അഷ്റഫ് ദുബായ്, ജമീല, നൂർജഹാൻ. മരുമക്കൾ; വി.സി.കെ മജീദ് (കൊപ്ര വ്യാപാരി), എം കെ നാസർ, സബിയത്ത്. സഹോദരങ്ങൾ; ഖദീജ, പരേതരായ മമ്മു, കുഞ്ഞബ്ദുള്ള, ഇബ്രാഹിം.

ചോളംവയൽ പുത്തലത്ത് കണ്ടി മൂസ ഹാജി നിര്യാതനായി

Obituary

തിരുവനന്തപുരം/ പാറശ്ശാല: മീന്‍ പിടിത്തത്തിന് ശേഷം നെയ്യാറില്‍ നീന്താന്‍ ശ്രമിച്ച യുവാവ് മുങ്ങി മരിച്ചു. കാഞ്ഞിരംകുളം ലൂര്‍ദ്ദ്പുരം പ്രഫിന്‍ ഭവനില്‍ ജയകുമാര്‍- ജ്യോതി ദമ്പതികളുടെ മകന്‍ പ്രഭുല്‍ (24) ആണ് മരിച്ചത്.
തിങ്കളാഴ്ച വൈകീട്ട് പ്രഭുലും മൂന്ന് സുഹൃത്തുക്കളും ചാലക്കര വട്ടം കടവില്‍ മീന്‍ പിടിക്കാനെത്തിയിരുന്നു. മീന്‍ പിടിച്ച ശേഷം നെയ്യാറില്‍ നീന്തവെ പ്രഭുല്‍ മുങ്ങിത്താഴുകയായിരുന്നു. നാട്ടുകാര്‍ അറിയിച്ചതിനെത്തുടര്‍ന്ന് സ്ഥലത്തെത്തിയ പൂവ്വാര്‍ അഗ്നിശമന സേനാംഗങ്ങളും നാട്ടുകാരും ചേര്‍ന്ന് പ്രഭുലിനെ മരിച്ച നിലയില്‍ കയത്തില്‍നിന്ന് പുറത്തെടുത്തു.

മീന്‍ പിടിത്തത്തിന് ശേഷം നെയ്യാറില്‍ നീന്താനിറങ്ങിയ യുവാവ് മുങ്ങിമരിച്ചു

കുറ്റ്യാടി: കാലടി സംസ്കൃത സർവ്വകലാശാലയിൽ നിന്നും എം.എ ഭരതനാട്യത്തിൽ ഒന്നാം റാങ്ക് കരസ്ഥമാക്കിയ നന്ദന ദിനേശിന് കോൺഗ്രസ് കമ്മിറ്റിയുടെ സ്നേഹാദരം. നടുപ്പൊയിൽ മേഖല കോൺഗ്രസ് കമ്മിറ്റി നടത്തിയ അനുമോദന ചടങ്ങിൽ കുറ്റ്യാടി ബ്ലോക്ക് കോൺഗ്രസ് കമ്മിറ്റി പ്രസിഡൻ്റ് ശ്രീജേഷ് ഊരത്ത് ഉപഹാരം നൽകി. എൻ.പി.ദിനേശൻ അധ്യക്ഷനായി. മണ്ഡലം കോൺഗ്രസ് പ്രസിഡൻ്റ് പി.കെ.സുരേഷ്, ബ്ലോക്ക് കോൺഗ്രസ് വൈസ് പ്രസിഡൻ്റുമാരായ ടി. സുരേഷ് ബാബു, എസ്.ജെ.സജീവ് കുമാർ, എൻ.സി. കുമാരൻ, കെ.കെ.ജി തിൻ, ആനന്ദ് കൃഷ്ണൻ തുടങ്ങിയവർ പങ്കെടുത്തു. കക്കോട്ട്കണ്ടിയിൽ ദിനേശൻ്റെയും ഉഷയുടെയും മകളാണ്.&nbsp;

ഭരതനാട്യത്തിൽ ഒന്നാം റാങ്ക് നേടിയ നന്ദന ദിനേശിന് സ്നേഹാദരം

Kuttiadi

കോട്ടയം: മദ്യംവാങ്ങി നൽകാത്തതിന് അയൽവാസിയെ വാക്കത്തിക്ക് വെട്ടിക്കൊലപ്പെടുത്താൻ ശ്രമിച്ചയാൾ അറസ്റ്റിൽ. കിടങ്ങൂർ പുല്ലേപ്പള്ളി ചേർപ്പുങ്കൽ തേവർമറ്റത്തിൽ (തെങ്ങും തോട്ടത്തിൽ)വീട്ടിൽ ഷാജിമോനെ (62) ആണ് അറസ്റ്റുചെയ്തത്.
ഞായറാഴ്ച ഉച്ചയ്ക്ക് അയൽവാസിയുടെ വീട്ടിലെത്തിയ പ്രതി ആക്രമണം നടത്തുകയായിരുന്നുവെന്ന് പോലീസ് പറഞ്ഞു. പരാതിയെ തുടർന്ന് കിടങ്ങൂർ പോലീസ് കേസെടുത്ത് ഇയാളെ പിടികൂടുകയായിരുന്നു.
പ്രതിക്കെതിരേ കിടങ്ങൂർ സ്റ്റേഷനിൽ നിരവധി ക്രിമിനൽ കേസുകൾ നിലവിലുണ്ട്. പോലീസ് ഉദ്യോഗസ്ഥനെ ആക്രമിച്ച കേസിൽ കോടതിയിൽനിന്നു ജാമ്യത്തിലിറങ്ങി കഴിയുന്നതിനിടെയാണ് വീണ്ടും ആക്രമണം.&nbsp;

മദ്യം നൽകാത്തതിന് അയൽവാസിയെ വെട്ടിക്കൊല്ലാൻ ശ്രമിച്ചയാൾ അറസ്റ്റിൽ

കുറ്റ്യാടി : മാനദണ്ഡങ്ങൾ പാലിക്കാതെ രാഷ്ടിയ നിറം നോക്കി തയ്യാറാക്കിയ കുന്നുമ്മൽ പഞ്ചായത്ത് അങ്കണവാടി ജീവനക്കാരുടെ റാങ്ക് പട്ടിക റദ്ദാക്കണമെന്നാവശ്യപ്പെട്ട് യു.ഡി.എഫ് വനിതാ വിഭാഗം കുറ്റ്യാടി സംയോജിത ശിശു വികസന പദ്ധതി ഓഫിസിന് മുമ്പിൽ ധർണ്ണ നടത്തി. മഹിളാ കോൺ സംസ്ഥാന സെക്രട്ടറി പി. സി ഷീബ ഉദ്ഘാടനം ചെയ്തു. നസീറ ബഷീർ അധ്യക്ഷത വഹിച്ചു. മഹിളാ കോൺഗ്രസ് വനിതാ ലീഗ് നേതാക്കളായ വനജ ഒതയോത്ത്, കെ.പി.ശ്രീ നീജ, ആസ്യ, വഹിത, ബീന കുളങ്ങരത്ത്, ബീന എലിയാറ, സീബ എടക്കാട്ട്, ബീന.കെ.,ജമീല, സതി, സമീറ, സഹീറ എന്നിവർ പ്രസംഗിച്ചു.

അങ്കണവാടി റാങ്ക് ലിസ്റ്റ്; ധർണ്ണ നടത്തി

Inshort

കൊയിലാണ്ടി: എൻ.സി.പി.സംസ്ഥാന സേവാദൾ ഓർഗനൈസറായി തിരഞ്ഞെടുക്കപ്പെട്ട പി.എം.ബി. നടേരിയെ എ.സി. ഷൺമുഖദാസ് പഠന കേന്ദ്രം അനുമോദിച്ചു. അനുമോദന ചടങ്ങ് എൻ.സി.പി. ജില്ലാ പ്രസിഡൻ്റ് മുക്കം മുഹമ്മദ് ഉദ്ഘാടനം ചെയ്തു. എ.സി.ഷൺമുഖദാസ് പഠന കേന്ദ്രം പ്രസിഡന്റ് ചേനോത്ത് ഭാസ്ക്കരൻ അധ്യക്ഷത വഹിച്ച ചടങ്ങിൽ എൻ.സി.പി. സംസ്ഥാന സെക്രട്ടറി സി. സത്യചന്ദ്രൻ മുഖ്യ പ്രഭാഷണം നടത്തി. പി. ചാത്തപ്പൻ , കെ.ടി.എം. കോയ, സി.രമേശൻ, ഇ.എസ്. രാജൻ, കെ.കെ. ശ്രീഷു ,യൂസഫ് പുതുപ്പാടി, പി.വി.സജിത്ത്, പുഷ്പജൻ, കുമാരൻ ചെറുവണ്ണൂർ തുടങ്ങിയവർ സംസാരിച്ചു.

പി എം ബി നടേരിയെ അനുമോദിച്ചു

Koyilandy

ലണ്ടന്‍: ചാള്‍സ് മൂന്നാമന്‍ രാജാവിന്‍റെ ഏക സഹോദരി ആനി രാജകുമാരിയെ പരിക്കുകളോടെ ആശുപത്രിയില്‍ പ്രവേശിപ്പിച്ചു. ഞായറാഴ്ച വൈകുന്നേരം ഗ്ലോസെസ്റ്റർഷെയറിലെ ഗാറ്റ്‌കോംബ് പാർക്ക് എസ്റ്റേറ്റിൽ വച്ചാണ് 73 വയസ്സുള്ള രാജകുമാരിക്ക് തലയ്ക്ക് പരിക്കേറ്റത്. നിലവിൽ ബ്രിസ്റ്റോളിലെ സൗത്ത്മീഡ് ആശുപത്രിയിൽ തുടുരുകയാണ് ആനി രാജകുമാരി. പരിക്ക് സാരമുള്ളതല്ലെന്നാണ് റിപ്പോര്‍ട്ടുകള്‍. രാജകുമാരി സുഖം പ്രാപിച്ച് വരികയാണെന്ന് ബക്കിങ്ഹാം കൊട്ടാരം അറിയിച്ചു.&nbsp;
ഞായറാഴ്ച വൈകുന്നേരം ഗാറ്റ്‍കോംബ് എസ്റ്റേറ്റിൽ നടക്കുമ്പോഴാണ് സംഭവം ഉണ്ടായത്. ഉടൻ തന്നെ അടിയന്തര വൈദ്യ സേവനം എസ്റ്റേറ്റിലേക്ക് അയച്ചു. വൈദ്യ പരിചരണത്തിന് ശേഷം ആവശ്യമായ പരിശോധനകൾക്കും ചികിത്സയ്ക്കും നിരീക്ഷണത്തിനുമായി രാജകുമാരിയെ ബ്രിസ്റ്റോളിലെ സൗത്ത്മീഡ് ആശുപത്രിയിലേക്ക് മാറ്റുകയായിരുന്നു.കുതിരയുടെ കാലു കൊണ്ട് ചവിട്ടിയതോ തല കൊണ്ട് ഇടിച്ചതോ മൂലമാകാം തലക്ക് പരിക്കേറ്റതെന്നാണ് മെഡിക്കല്‍ സംഘം പറയുന്നത്.&nbsp;

എസ്റ്റേറ്റിൽ നടക്കാനിറങ്ങിയ ആനി രാജകുമാരിക്ക് തലയ്ക്ക് പരിക്കേറ്റു;ആശുപത്രിയില്‍ പ്രവേശിപ്പിച്ചു

തിരുവനന്തപുരം: ലോക ലഹരി വിരുദ്ധ ദിനത്തിന്റെ പശ്ചാത്താലത്തിൽ സംസ്ഥാനത്ത് നാളെ ഡ്രൈ ഡേ ആചരിക്കുമെന്ന് അധികൃതർ അറിയിച്ചു. നാളെ ബിവറേജസ് കോർപ്പറേഷന്റെ മദ്യവില്പനശാലകളും സ്വകാര്യ ബാറുകളും അടഞ്ഞ് കിടക്കും.&nbsp;
കൺസ്യൂമർ ഫെഡിന്റെ മദ്യവില്പന ശാലകളും പ്രീമിയം മദ്യവില്പന ശാലകളും നാളെ തുറക്കില്ല.ഇന്ന് രാത്രി ഒമ്പത് മണിക്ക് ബീവറേജസ് ഔട്ട്ലെറ്റുകൾ അടച്ചാൽ പിന്നീട് മറ്റന്നാൾ രാവിലെ 9 മണിക്കാണ് തുറക്കുക. അന്താരാഷ്ട്ര ലഹരിവിരുദ്ധ ദിനമായ നാളെ ലഹരിവിരുദ്ധ പ്രചാരണങ്ങൾക്ക് പിന്തുണയെന്ന നിലയിലാണ് സർക്കാർ മദ്യഷോപ്പുകൾക്ക് അവധി നൽകിയത്.&nbsp;

ലോക ലഹരി വിരുദ്ധ ദിനം; സംസ്ഥാനത്ത് നാളെ  ബാറുകളും ബിവറേജ് ഔ‌ട്ട്‌‌ലെ‌റ്റുകളും അടഞ്ഞുകിടക്കും

തിരുവനന്തപുരം: ടി.പി കേസ് പ്രതികൾക്ക് ശിക്ഷായിളവ് നൽകിയാൽ മുഖ്യമന്ത്രിക്കും മന്ത്രിമാർക്കും പുറത്തിറങ്ങാനാകാത്തവിധം പ്രക്ഷോഭങ്ങൾക്ക് സംസ്ഥാനം സാക്ഷ്യംവഹിക്കേണ്ടിവരുമെന്ന് പ്രതിപക്ഷ നേതാവ് വി.ഡി. സതീശൻ. കേസിലെ മൂന്ന് പ്രതികള്‍ക്ക് ശിക്ഷാ ഇളവ് അനുവദിക്കാനുള്ള നീക്കം സംബന്ധിച്ച് നിയമസഭയില്‍ അടിയന്തര പ്രമേയത്തിന് അനുമതി നിഷേധിച്ചതിന് പിന്നാലെ മാധ്യമങ്ങളെ കാണുകയായിരുന്നു അദ്ദേഹം.
ടി.പി. കേസിൽ ഒരു വിട്ടുവീഴ്ചയും പ്രതിപക്ഷത്തിന്റെ ഭാ​ഗത്തുനിന്ന് ഉണ്ടാകില്ലെന്ന് വ്യക്തമാക്കിയ വി.ഡി സതീശൻ, സർക്കാർ എന്ത് നടപടി സ്വീകരിച്ചാലും അതിനെ എതിർക്കുമെന്നും പറഞ്ഞു. ടിപി കേസിലെ പ്രതികളുടെ ദേഹത്ത് ഒരു തരി മണ്ണുവീണാൽ സിപിഎം നേതാക്കൾക്ക് എങ്ങനെയാണ് നോവുന്നതെന്ന് കെ.കെ. രമ എം.എൽ.എ ചോദിച്ചു. പ്രതികളെ സി.പി.എം എത്രമാത്രം ഭയക്കുന്നു എന്നതിനുള്ള തെളിവാണിത്. മുഖ്യമന്ത്രിയുടെ മുഖത്തുനോക്കി ചോദിക്കാൻ ഒരുപാട് ചോദ്യങ്ങളുണ്ടായിരുന്നു. ഇതിനെ സർക്കാരും മുഖ്യമന്ത്രിയും ഭയക്കുന്നു. അതിനാലാണ് മുഖ്യമന്ത്രിക്ക് പകരം സ്പീക്കർ മറുപടി പറഞ്ഞത്. ഇത് ജനാധിപത്യ കേരളത്തോടുള്ള അവഹേളനമാണെന്നും രമ പറഞ്ഞു.

ടി.പി കേസ് പ്രതികൾക്ക് ശിക്ഷായിളവ് നൽകിയാൽ മുഖ്യനും മന്ത്രിമാർക്കും പുറത്തിറങ്ങാനാകാത്തവിധം പ്രക്ഷോഭങ്ങൾ നടത്തുമെന്ന് പ്രതിപക്ഷ നേതാവ്

ന്യൂഡല്‍ഹി: സ്വതന്ത്ര ഇന്ത്യയുടെ ചരിത്രത്തിലാദ്യമായി ലോക്‌സഭാ സ്പീക്കര്‍ പദവിയിലേക്ക് മത്സരത്തിന് വഴിയൊരുങ്ങി. സ്പീക്കര്‍, പദവിയിലേക്ക് പ്രതിപക്ഷം സ്ഥാനാര്‍ഥികളെ നിര്‍ത്താന്‍ തീരുമാനിച്ചതോടെയാണ് വോട്ടെടുപ്പിന് സാഹചര്യമൊരുങ്ങിയത്.
&nbsp;ഡെപ്യൂട്ടി സ്പീക്കര്‍ സ്ഥാനം പ്രതിപക്ഷത്തിന് നല്‍കാന്‍ ബിജെപി തയ്യാറാകാതിരുന്നതോടെയാണ് കോണ്‍ഗ്രസ് സ്ഥാനാര്‍ഥിയെ നിര്‍ത്താന്‍ തീരുമാനിച്ചത്. ഇന്ത്യ സഖ്യ നേതാക്കള്‍ ബിജെപി നേതൃത്വവുമായി നടത്തിയ ചര്‍ച്ച ഫലംകാണാത്തതിനെ തുടര്‍ന്ന് കൊടിക്കുന്നില്‍ സുരേഷ് നാമനിര്‍ദേശ പത്രിക സമര്‍പ്പിച്ചു.
ലോക്‌സഭയില്‍ ഇതുവരെയുള്ള സ്പീക്കര്‍മാരെ തിരഞ്ഞെടുത്തത് ഏകകണ്ഠമായിട്ടാണ്. ആ ചരിത്രമാണ് ഇതോടെ മാറുന്നത്.സ്പീക്കര്‍ സ്ഥാനത്തേക്ക് ഓം ബിര്‍ളയെ എന്‍ഡിഎ വീണ്ടും നിര്‍ദേശിച്ചു. രാജസ്ഥാനിലെ കോട്ടയില്‍നിന്നുള്ള എംപിയായ ഓം ബിര്‍ള 17-ാം ലോക്‌സഭയിലും സ്പീക്കറായിരുന്നു.

ചരിത്രത്തിലാദ്യമായി ലോക്‌സഭാ സ്പീക്കര്‍ പദവിയിലേക്ക് മത്സരം ;ഓം ബിര്‍ളയും കൊടിക്കുന്നിലും സ്ഥാനാര്‍ഥികളാവും

വടകര: ഗു​രു​ത​രാ​വ​സ്ഥ​യി​ൽ സ്വ​കാ​ര്യാ​ശു​പ​ത്രി​യി​ൽ എ​ത്തി​ച്ച വ​ള​യം സ്വ​ദേ​ശി​നി​യാ​യ സ്കൂ​ൾ വി​ദ്യാ​ർ​ഥി​നി ദേ​വ​തീ​ർ​ഥ​യു​ടെ മ​ര​ണം വി​ഷം ഉ​ള്ളി​ൽ​ച്ചെ​ന്നാ​ണെ​ന്ന് സൂ​ച​ന. കൊ​ള​വ​ല്ലൂ​ർ പൊ​ലീ​സ് അ​സ്വാ​ഭാ​വി​ക മ​ര​ണ​ത്തി​ന് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി.
കു​ട്ടി​യു​ടെ അ​മ്മ​യു​ടെ പൊ​യി​ലൂ​രി​ലെ വീ​ട്ടി​ൽ പൊ​ലീ​സ് ന​ട​ത്തി​യ പ​രി​ശോ​ധ​ന​യി​ൽ സ്കൂ​ൾ ബാ​ഗി​ൽ​നി​ന്ന് എ​ലി​വി​ഷ​ത്തി​ന്റെ ഭാ​ഗ​വും നോ​ട്ട് ബു​ക്കി​ൽ ആ​ത്മ​ഹ​ത്യ​ക്കു​റി​പ്പും ക​ണ്ടെ​ത്തി. തു​ട​ർ​ന്ന് കൊ​ള​വ​ല്ലൂ​ർ എ​സ്.​ഐ​യു​ടെ നേ​തൃ​ത്വ​ത്തി​ൽ പൊ​ലീ​സ് മൃ​ത​ദേ​ഹം ഇ​ൻ​ക്വ​സ്റ്റ് ന​ട​ത്താ​നാ​യി കോ​ഴി​ക്കോ​ട്ടെ ആ​ശു​പ​ത്രി​യി​ലേ​ക്ക് കൊണ്ടു പോയിരുന്നു. ജന്മഭൂമി ലേഖകനായ നീ​ലാ​ണ്ടു​മ്മ​ലി​ലെ പ​ടി​ഞ്ഞാ​റ​യി​ൽ സ​ജീ​വ​ന്റെ​യും ഷൈ​ജ​യു​ടെ​യും മ​ക​ളാ​ണ് ദേ​വ​തീ​ർ​ഥ. വ​ള​യം ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ ഒ​മ്പ​താം ക്ലാ​സ് വി​ദ്യാ​ർ​ഥി​നി​യാ​ണ്.
അ​മ്മ​യോ​ടൊ​പ്പം കു​റ​ച്ചു​കാ​ല​മാ​യി പൊ​യി​ലൂ​രി​ലെ വീ​ട്ടി​ലാ​യി​രു​ന്നു ദേ​വ​തീ​ർ​ഥ. രാ​വി​ലെ​യും വൈ​കീ​ട്ടും അ​ച്ഛ​ൻ മ​ക്ക​ളെ സ്കൂ​ളി​ലേ​ക്കും വീ​ട്ടി​ലേ​ക്കും കൊ​ണ്ടു​വി​ടു​ക​യാ​ണ് പ​തി​വ്.
ഛർ​ദി​യും വ​യ​റി​ള​ക്ക​വും കാ​ര​ണം ര​ണ്ടു ദി​വ​സ​മാ​യി ത​ല​ശ്ശേ​രി ഇ​ന്ദി​ര ഗാ​ന്ധി സ​ഹ​ക​ര​ണ ആ​ശു​പ​ത്രി​യി​ലാ​യി​രു​ന്നു. രോ​ഗം മൂ​ർ​ച്ഛി​ച്ച​തി​നെ തു​ട​ർ​ന്നാ​ണ് കോ​ഴി​ക്കോ​ട്ടേ​ക്ക് മാ​റ്റി​യ​ത്. ഫ്രൂ​ട്ടി​യി​ൽ​നി​ന്നു​ണ്ടാ​യ ഭ​ക്ഷ്യ​വി​ഷ​ബാ​ധ​യാ​ണെ​ന്നാ​ണ് ആ​ദ്യം ക​രു​തി​യ​ത്. കോ​ഴി​ക്കോ​ട് സ്വ​കാ​ര്യാ​ശു​പ​ത്രി​യി​ൽ ന​ട​ത്തി​യ വി​ദ​ഗ്ധ പ​രി​ശോ​ധ​ന​യി​ലാ​ണ് എ​ലി​വി​ഷ​ത്തി​ന്റെ അം​ശം ക​ണ്ടെ​ത്തി​യ​ത്.
തി​ങ്ക​ളാ​ഴ്ച രാ​വി​ലെ​യാ​ണ് കു​ട്ടി​യു​ടെ മ​ര​ണം സ്ഥി​രീ​ക​രി​ച്ച​ത്. ഇ​ൻ​ക്വ​സ്റ്റ് പൂ​ർ​ത്തി​യാ​യ​ശേ​ഷം മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​ന് മെ​ഡി​ക്ക​ൽ കോ​ള​ജ് ആ​ശു​പ​ത്രി മോ​ർ​ച്ച​റി​യി​ലേ​ക്ക് മാ​റ്റി. പോ​സ്റ്റ്മോ​ർ​ട്ട​ത്തി​നു​ശേ​ഷം വീ​ട്ടു​വ​ള​പ്പി​ൽ സം​സ്ക​രി​ക്കും.

വ​ള​യത്തെ ദേ​വ​തീ​ർ​ഥ​യു​ടെ മ​ര​ണം വി​ഷം  ഉള്ളിൽ​ചെ​ന്നെ​ന്ന് ; അ​സ്വാ​ഭാ​വി​ക മ​ര​ണ​ത്തി​ന് കേസെടുത്തു

വായയിലെ പ്രശ്നങ്ങൾ മൂലം ദന്ത ഡോക്ടറുടെ അടുത്തെത്തുന്ന മിക്ക ആളുകളും പറയുന്ന പ്രശ്നമാണ് വായ്നാറ്റം. ഇത് പലപ്പോഴും ആളുകളിൽ അപകർഷതാബോധം വളർത്തുന്നു. രാവിലെ ഉറക്കമുണർന്ന ശേഷം എല്ലാ ആളുകളിലും വായ്നാറ്റം ഉണ്ടാകുക സ്വാഭാവികമാണ്. ഉറങ്ങുമ്പോൾ ഉമിനീരിന്റെ പ്രവർത്തനം കുറയുന്നു. അതിന്റെ ഫലമായി വായിൽ കീടാണുക്കൾ കൂടുതൽ ശക്തിയോടെ പ്രവർത്തിക്കുന്നു. ഇത്തരത്തിൽ കീടാണുക്കളുടെ പ്രവർത്തനം മൂലം ഉണ്ടാകുന്ന രാസപദാർത്ഥങ്ങളുടെ ഫലമായി രാവിലെ വായിൽ നിന്ന് രൂക്ഷമായ ഗന്ധം വമിക്കുന്നു. എന്നാൽ ബ്രഷ് ചെയ്തത് വായ വൃത്തിയാക്കുമ്പോൾ ഈ നാറ്റം ഇല്ലാതാകുന്നു.
എന്നാൽ ചില അവസരങ്ങളിൽ മോണവീക്കം, ദന്തക്ഷയം, മോണയിലെ പഴുപ്പ്, നാവിൽ കാണപ്പെടുന്ന പൂപ്പൽ, ദന്തരോഗങ്ങൾ, വായിലുണ്ടാകുന്ന മുറിവുകൾ, പല്ലെടുത്ത ശേഷം ഉണങ്ങാത്ത മുറിവ് തുടങ്ങിയവയൊക്കെ വായ്നാറ്റത്തിന് കാരണമാകാം.
ഇത്തരം രോഗങ്ങൾ മൂലം അല്ലാതെ ഉണ്ടാകുന്ന വായ്നാറ്റം നമുക്ക് വീട്ടിലിരുന്ന് തന്നെ പരിഹരിക്കാം.ഈ പ്രകൃതിദത്ത മൗത്ത് ഫ്രെഷനറുകൾ പരീക്ഷിക്കുക
പെരുംജീരകം
വായിലെ ബാക്ടീരിയകളോട് പോരാടുന്ന ആന്റിമൈക്രോബിയൽ ഗുണങ്ങൾ പെരുംജീരകത്തിൽ അടങ്ങിയിട്ടുണ്ട്. അതുവഴി ഇവ വായ്‌നാറ്റം തടയുന്നു. നിങ്ങളുടെ ശ്വാസം പുതുമയുള്ളതാക്കി മാറ്റുന്നതിന് ഒരു ടീസ്പൂൺ പെരുംജീരകം ചവയ്ക്കുക അല്ലെങ്കിൽ പെരുംജീരകം കലർത്തിയ വെള്ളം കുടിക്കുക. ഇതിനായി ഒരു കപ്പ് ചൂടുവെള്ളത്തിൽ രണ്ട് ടീസ്പൂൺ പെരുംജീരകം ഇട്ട് 10 മിനിറ്റ് നേരം തിളപ്പിച്ച ശേഷം, ഈ വെള്ളം ഒരു ദിവസം രണ്ട് തവണ വീതം കുടിക്കുക.
കറുവപ്പട്ട
കറുവപ്പട്ടയിൽ സിന്നാമിക് ആൽ‌ഡിഹൈഡ് അടങ്ങിയിരിക്കുന്നു. ഒരു അവശ്യ എണ്ണയായ ഇത് വായ്‌നാറ്റം അകറ്റുകയും നിങ്ങളുടെ വായിലെ ബാക്ടീരിയയുടെ അളവ് കുറയ്ക്കുകയും ചെയ്യുന്നു. ഒരു കപ്പ് വെള്ളത്തിൽ ഒരു ടീസ്പൂൺ കറുവപ്പട്ട പൊടി ഇട്ട് തിളപ്പിക്കുക. ഈ പാനീയം അരിച്ചെടുത്ത് വായിൽ ഒഴിച്ച്, വായ വൃത്തിയായി കഴുകുക. മികച്ച ഫലങ്ങൾക്കായി, എല്ലാ ദിവസവും രാവിലെ ഇത് പരീക്ഷിക്കുക.
ഗ്രാമ്പൂ
ഗ്രാമ്പൂ മറ്റൊരു പ്രകൃതിദത്ത മൗത്ത് ഫ്രെഷ്നറാണ്. കൂടാതെ ആൻറി ബാക്ടീരിയൽ ഗുണങ്ങളും ഇതിൽ അടങ്ങിയിട്ടുണ്ട്. ഇത് നിങ്ങളുടെ വായിലെ ബാക്ടീരിയകളെ നിയന്ത്രിക്കാൻ സഹായിക്കുന്നു. കുറച്ച് ഗ്രാമ്പൂ നിങ്ങളുടെ വായിലേക്ക് ഇട്ട് നന്നായി ചവയ്ക്കുക, ഇത് വായ്‌നാറ്റം ഉടനടി ഇല്ലാതാക്കും.
നാരങ്ങ നീര്
നാരങ്ങയിലെ അസിഡിക് അംശം നിങ്ങളുടെ വായിലെ ബാക്ടീരിയകളുടെ വളർച്ചയെ തടയുന്നു. കൂടാതെ, അതിന്റെ ശക്തവും സുഖകരവുമായ സുഗന്ധം വായയിലെ ദുർഗന്ധം മറയ്ക്കാൻ സഹായിക്കുന്നു. ഒരു കപ്പ് വെള്ളത്തിൽ ഒരു ടേബിൾ സ്പൂൺ നാരങ്ങ നീരും കുറച്ച് ഉപ്പും ചേർത്ത്, വായിൽ ഒഴിച്ച് നന്നായി കഴുകുക.

വായ്നാറ്റം അകറ്റാൻ ചില പ്രകൃതിദത്ത പൊടികൈകൾ പരീക്ഷിച്ചാലോ

തിരുവനന്തപുരം: ടി.പി കേസിലെ മൂന്ന് പ്രതികള്‍ക്ക് ശിക്ഷാ ഇളവ് അനുവദിക്കാനുള്ള നീക്കം സംബന്ധിച്ച് നിയമസഭയില്‍ അടിയന്തര പ്രമേയത്തിന് അനുമതി തേടി കെ.കെ രമ എംഎല്‍എ. എന്നാല്‍ സ്പീക്കര്‍ അടിയന്തര പ്രമേയത്തിന് അനുമതി നിഷേധിച്ചു.
ശിക്ഷാ ഇളവ് നല്‍കാനുള്ള നീക്കം സര്‍ക്കാര്‍ തലത്തില്‍ ഇല്ലെന്ന് വ്യക്തമാക്കിയാണ് സ്പീക്കര്‍ അനുമതി നിഷേധിച്ചത്..ശിക്ഷാ ഇളവ് നല്‍കാനുള്ള നീക്കം നടന്നിട്ടില്ല എന്ന് സ്പീക്കര്‍ പറഞ്ഞത് അനൗചിത്യമാണെന്ന് പ്രതിപക്ഷ നേതാവ് പറഞ്ഞു. ശിക്ഷാ ഇളവുമായി ബന്ധപ്പെട്ട് ജയില്‍ സൂപ്രണ്ട് നല്‍കിയ കത്ത് തങ്ങളുടെ കൈയ്യിലുണ്ടെന്നും പ്രതിപക്ഷ നേതാവ് വ്യക്തമാക്കി.തുടര്‍ന്ന് പ്രതിപക്ഷ ബഹളം ആരംഭിച്ചു. പ്രതിപക്ഷ അംഗങ്ങള്‍ സഭയുടെ നടത്തുളത്തിലിറങ്ങുകയും സ്പീക്കറുടെ ഡയസിനു മുന്നില്‍ മുദ്രാവാക്യം വിളിച്ചും പ്രതിഷേധിച്ചു.&nbsp;

ടി.പി. കേസ് പ്രതികളുടെ ശിക്ഷാ ഇളവിൽ അടിയന്തരപ്രമേയത്തിന് അനുമതി തേടി കെ.കെ രമ; സഭയിൽ ബഹളം

പാലക്കാട്: നിയമസഭാ ഉപതിരഞ്ഞെടുപ്പിനായി പാലക്കാട് ജില്ലയില്‍ സ്ഥാനാര്‍ത്ഥി ചര്‍ച്ചകള്‍ സജീവമാക്കി ബിജെപി. വനിതാ മുഖങ്ങളെയാണ് ഇത്തവണ ജില്ലയില്‍ പരിഗണിക്കുന്നതെന്നാണ് ലഭിക്കുന്ന റിപ്പോർട്ടുകൾ. ശോഭാ സുരേന്ദ്രനെ പാലക്കാട് സ്ഥാനാര്‍ത്ഥിയാക്കണമെന്ന ആവശ്യം ജില്ലയിലെ ഒരു വിഭാഗം ഉയര്‍ത്തുന്നുണ്ട്. ആലപ്പുഴയില്‍ കെ സി വേണുഗോപാലിനെതിരെ മത്സരിച്ച് വോട്ട് ഉയര്‍ത്തിയ ശോഭാ സുരേന്ദ്രന് പാലക്കാട് ശക്തമായ മത്സരം കാഴ്ച്ചവെക്കാനാവുമെന്ന വിലയിരുത്തലിലാണ് നിര്‍ദേശം.
എന്നാല്‍ ദേശീയ തലത്തില്‍ ശ്രദ്ധയാകര്‍ഷിച്ച വയനാട് ലോക്‌സഭാ മണ്ഡലത്തില്‍ ശോഭാ സുരേന്ദ്രനെ മത്സരിപ്പിക്കുകയും പാലക്കാട് പത്മജ വേണുഗോപാലിനെയോ സി കൃഷ്ണകുമാറിനെയോ മത്സരിപ്പിക്കണമെന്നുമാണ് ബിജെപിയിലെ മുതിര്‍ന്ന നേതാക്കളുടെ അഭിപ്രായം.&nbsp;
2014ലെ ലോക്‌സഭാ തിരഞ്ഞെടുപ്പില്‍ പാലക്കാട് മണ്ഡലത്തില്‍ നിന്നും മത്സരിച്ച ശോഭാ സുരേന്ദ്രന് വലിയതോതില്‍ വോട്ടുയര്‍ത്താന്‍ സാധിച്ചിരുന്നു. കഴിഞ്ഞ നിയമസഭാ തിരഞ്ഞെടുപ്പില്‍ ശക്തമായ മത്സരം നടന്ന മണ്ഡലമായിരുന്നു പാലക്കാട്. യുവ നേതാവ് ഷാഫി പറമ്പിലും മെട്രോ മാന്‍ ഇ ശ്രീധരനും തമ്മിലുള്ള മത്സരത്തില്‍ നാലായിരത്തിനടുത്ത് മാത്രം ഭൂരിപക്ഷത്തിലാണ് ഷാഫി കടന്നുകയറിയത്.പാലക്കാട് നഗരസഭ കൂടി തങ്ങളുടെ പക്കലാണെന്ന ആത്മവിശ്വാസവും ബിജെപിക്കുണ്ട്.&nbsp;

പാലക്കാട് ബിജെപി സ്ഥാനാർത്ഥിയായി പത്മജയോ ശോഭാ സുരേന്ദ്രനോ മത്സരിക്കുമെന്ന് സൂചന

നയൻതാരക്കൊപ്പമുള്ള സെല്‍ഫി പങ്കുവെച്ച് നസ്രിയ നസീം. അങ്ങനെ ഒരു പതിറ്റാണ്ടിനു ശേഷം രാജാ റാണി താരങ്ങള്‍ വീണ്ടും കണ്ടുമുട്ടിയിരിക്കുകയാണ്. ഇരുവരുടേയും പങ്കാളികളായ ഫഹദും വിഘ്നേഷും ചേർന്നുള്ള ചിത്രം ആരാധകരും ഏറ്റെടുത്തിരിക്കുകയാണ്.&nbsp;
2013-ലാണ് നസ്രിയയും നയൻതാരയും സിനിമാ സംവിധായകന്‍ അറ്റ്ലിയുടെ രാജാ റാണിയിൽ കഥാപാത്രങ്ങളായത്.. ഇരുവരും ചേര്‍ന്നുള്ള സീനുകളൊന്നും സിനിമയില്‍ ഇല്ലായിരുന്നെങ്കിലും പ്രക്ഷക പ്രീതി ഏറെ നേടിയ സിനിമയായിരുന്നു രാജാ റാണി. നസ്‌റിയയുടെ പോസ്റ്റ് നയൻതാര റീഷെയര്‍ ചെയ്തിട്ടുമുണ്ട്.നയൻതാരയുടേയും നസ്രിയയുടേയും കൂടെ വിഘ്നേഷും ഫഹദും ഒപ്പം നില്‍ക്കുന്നതാണ് നസ്രിയ പങ്കുവെച്ച മൂന്നാമത്തെ ചിത്രം. നിരവധി ആരാധകര്‍ പോസ്റ്റിനടിയില്‍ കമന്റുകളായി സ്‌നേഹം അറിയിച്ചു.

ഒരു പതിറ്റാണ്ടിനു ശേഷമുള്ള കണ്ടുമുട്ടൽ, നയൻതാരക്കൊപ്പമുള്ള സെല്‍ഫി പങ്കുവെച്ച് നസ്രിയ

തിരുവനന്തപുരം: നിയമസഭയിൽ ടൂറിസം വകുപ്പിനെതിരേ ഗുരുതര ആരോപണങ്ങളുമായി കടകംപള്ളി സുരേന്ദ്രൻ എം.എൽ.എ. ആക്കുളം കായൽ പുനരുജ്ജീവന പദ്ധതി നടപ്പാക്കാനുള്ള കരാറിൽ ഒപ്പിടാതെ ടൂറിസം വകുപ്പ് നീട്ടിക്കൊണ്ടു പോകുന്നതിന് പിന്നിൽ നിക്ഷിപ്ത താത്പര്യമുണ്ടെന്ന് അദ്ദേഹം ആരോപിച്ചു. മുഖ്യമന്ത്രിയുടെ നിർദേശം പോലും ടൂറിസം വകുപ്പ് ഉദ്യോഗസ്ഥർ മുഖവിലക്കെടുക്കുന്നില്ല. സ്വകാര്യ കൺസൾട്ടൻസിയെ ഏൽപ്പിച്ച് പദ്ധതിയെ അട്ടിമറിക്കാൻ നീക്കമുണ്ട്. തുടങ്ങിയ ഗുരുതര ആരോപണങ്ങളും കടകംപള്ളി ഉന്നയിച്ചു.&nbsp;
തന്റെ മണ്ഡലത്തിൽ താൻ ടൂറിസം മന്ത്രിയായിരുന്ന കാലത്ത് തുടക്കമിട്ട ആക്കുളം പുനരുജ്ജീവന പദ്ധതി ടൂറിസം വകുപ്പ് അട്ടിമറിക്കുന്നുവെന്നാണ് കടകംപള്ളിയുടെ ആരോപണം. സമയബന്ധിതമായി കരാറിൽ ഏർപ്പെടാതെ മുടന്തൻ ന്യായങ്ങൾ പറഞ്ഞ് ടൂറിസം വകുപ്പ് കരാർ നീട്ടിക്കൊണ്ടു പോകുകയാണ് ഉണ്ടായതെന്ന് കടകം പള്ളി സഭയിൽ പറഞ്ഞു. വകുപ്പ് മന്ത്രി സഭയ്ക്ക് നൽകിയ ഉറപ്പുപോലും നാളിതുവരെ പാലിക്കപ്പെട്ടിട്ടില്ലെന്നും അദ്ദേഹം കൂട്ടിച്ചേർത്തു.

മുഹമ്മദ് റിയാസിനെതിരെ കടകംപള്ളി; 'മന്ത്രി നിയമസഭയ്ക്ക് നല്‍കിയ ഉറപ്പുപോലും പാലിക്കപ്പെട്ടില്ല'

മൂവാറ്റുപുഴ: ടി.വി ദേഹത്തേക്ക് മറിഞ്ഞുവീണ് ഒന്നര വയസുകാരന് ദാരുണാന്ത്യം. പായിപ്ര മൈക്രോ ജങ്ഷൻ പൂവത്തുംചുവട്ടിൽ അനസിന്‍റെ മകൻ അബ്ദുൽ സമദാണ് മരിച്ചത്. തിങ്കളാഴ്ച രാത്രിയായിരുന്നു സംഭവം.
സ്റ്റാൻ്റിനൊപ്പം ടി.വി കുഞ്ഞിന്‍റെ ദേഹത്തേക്ക് മറിഞ്ഞുവീഴുകയായിരുന്നു. ഗുരുതരമായി പരിക്കേറ്റ കുട്ടിയെ ഉടൻ പേഴയ്ക്കാപ്പിള്ളിയിലെ സ്വകാര്യ ആശുപതിയിലും തുടർന്ന് ആസ്റ്റർ മെഡിസിറ്റിയിലും പ്രവേശിപ്പിച്ചങ്കിലും പുലർച്ചെ മരിച്ചു. മാതാവ്: നസിയ.

ടി.വി ദേഹത്തേക്ക് മറിഞ്ഞുവീണ് ഒന്നര വയസുകാരന് ദാരുണാന്ത്യം

ഒല്ലൂർ: പാളത്തിൽ ജോലിചെയ്യവേ തീവണ്ടി വരുന്നതു കണ്ട് മാറിയ ജീവനക്കാരൻ അടുത്ത പാളത്തിലൂടെ വന്ന മറ്റൊരു തീവണ്ടിയിടിച്ച് മരിച്ചു. ഒല്ലൂർ റെയിൽവേ സ്റ്റേഷനിലെ ഗാങ് നമ്പർ രണ്ടിലെ കീമാൻ ആയ വടൂക്കര എസ്.എൻ. നഗർ ചന്ദ്രിക ലെയ്നിലെ കെ.എസ്. ഉത്തമൻ(55) ആണ് മരിച്ചത്. തിങ്കളാഴ്ച രാവിലെ ഒല്ലൂരിനടുത്ത് അവിണിശ്ശേരി ബോട്ടുജെട്ടിക്കു സമീപം ട്രാക്കിലെ വളവിനടുത്തായിരുന്നു അപകടം.
തെക്കോട്ട് വണ്ടികൾ പോകുന്ന പാളത്തിലിരുന്ന് ജോലിചെയ്യുകയായിരുന്ന ഉത്തമൻ അതേ ട്രാക്കിലൂടെ സ്പെഷ്യൽ ട്രെയിൻ വരുന്നതു കണ്ട് അപ്പുറത്തെ പാളത്തിലേക്ക് മാറി നിന്നു. എന്നാൽ, ഇതിലൂടെ വണ്ടി വരുന്നത് കനത്ത മഴയും വളവും കാരണം ശ്രദ്ധയിൽപ്പെട്ടില്ലെന്നാണ് കരുതുന്നത്.
വേണാട് എക്സ്പ്രസാണ് പിന്നിൽനിന്ന് ഇടിച്ചത്. എഞ്ചിനിൽ കുടുങ്ങിയ മൃതദേഹവുമായി ഒരു കിലോമീറ്ററോളം വണ്ടി മുന്നോട്ടുനീങ്ങിയ ശേഷമാണ് നിർത്താനായത്. നെടുപുഴ പോലീസും ആർ.പി.എഫും എത്തിയാണ് മൃതദേഹം പുറത്തെടുത്തത്.മരിച്ച ഉത്തമന്റെ ഭാര്യ: ശ്രീജ. മക്കൾ: അസ്മിത, അക്ഷയ്. മരുമകൻ: അരുൺ.&nbsp;

ജോലിചെയ്യവേ തീവണ്ടി വരുന്നതു കണ്ട് മാറി,അടുത്ത പാളത്തിലൂടെ വന്ന മറ്റൊരു തീവണ്ടിയിടിച്ച് ജീവനക്കാരൻ മരിച്ചു

തിരുവനന്തപുരം: കൊച്ചുവേളിയില്‍ വന്‍ തീപ്പിടിത്തം. ഇന്‍ഡസ്ട്രിയല്‍ ഫാക്ടറിക്ക് അടുത്തുള്ള സൂര്യ പാക്‌സ് എന്ന പ്ലാസ്റ്റിക് ഗോഡൗണിലാണ് തീപ്പിടിത്തമുണ്ടായത്. അഗ്നിരക്ഷാസേനയുടെ 12 യൂണിറ്റുകൾ സ്ഥലത്തെത്തിയാണ് തീ നിയന്ത്രണവിധേയമാക്കിയത്.
പ്ലാസ്റ്റിക് റീസൈക്ലിങ് ചെയ്യുന്ന സ്ഥാപനത്തിലേയ്ക്കുള്ള അസംസ്കൃതവസ്തുക്കൾ സൂക്ഷിച്ചിരിക്കുന്ന സ്ഥലത്താണ് തീ പടർന്നത് എന്നാണ് വിവരം. പുലർച്ചെ 3.30 ഓടെയാണ് തീപ്പിടിത്തം ഉണ്ടായത്.ഇതിന് സമീപത്തായി പെട്രോള്‍ പമ്പ്, ടൈറ്റാനിയം ഫാക്ടറി എന്നിവ പ്രവര്‍ത്തിക്കുന്നുണ്ട്. മറ്റിടങ്ങളിലേയ്ക്ക് തീ പടരുന്നത് നിയന്ത്രിക്കാനായിട്ടുണ്ട്. .

തിരുവനന്തപുരത്ത് പ്ലാസ്റ്റിക് ഗോഡൗണില്‍ വന്‍ അഗ്നിബാധ;  തീ നിയന്ത്രണ വിധേയമാക്കിയത് 12 ഫയർ യൂണിറ്റുകൾ ചേർന്ന്

അടിമാലി(ഇടുക്കി): മുകൾനിലയിലുള്ള അങ്കണവാടിയിൽനിന്ന് പിഞ്ചുകുഞ്ഞ് കാൽവഴുതി 25 അടി താഴ്ചയിലുള്ള തോട്ടിലേക്ക് വീണു. ഗുരുതരമായി പരിക്കേറ്റ കുഞ്ഞിനെ കോട്ടയം മെഡിക്കൽ കോളേജിൽ പ്രവേശിപ്പിച്ചു. സംഭവത്തിൽ സാമൂഹിക ക്ഷേമവകുപ്പ് അന്വേഷണം ആരംഭിച്ചു.പള്ളിവാസൻ പഞ്ചായത്തിലെ പന്ത്രണ്ടാംവാർഡിൽ പ്രവർത്തിക്കുന്ന കല്ലാർ വട്ടയാർ അങ്കവാടിയിൽ തിങ്കളാഴ്ച ഉച്ചയോടെയാണ് സംഭവം. കോലേനിപ്പറമ്പിൽ ആന്റപ്പന്റെ മകൾ ജെറീന(മൂന്ന്)യ്ക്കാണ് പരിക്കേറ്റത്. കുട്ടിയെ രക്ഷിക്കാനായി തോട്ടിലേക്ക് എടുത്തുചാടിയ അങ്കണവാടിയിലെ വർക്കർ പ്രീതിയുടെ കാലിന് പരിക്കേറ്റിട്ടുണ്ട്.&nbsp;
റോഡിന്റെ നിരപ്പിന് താഴെ ഒരുനിലയും മുകളിലായി രണ്ട് നിലകളുമാണ് കെട്ടിടത്തിനുള്ളത്. ഏറ്റവും താഴത്തെ നിലയിലായിരുന്നു അങ്കണവാടി മുൻപ് പ്രവർത്തിച്ചിരുന്നത്. 2018-ലെ മഹാപ്രളയത്തിൽ ഈ ഭാഗം വെള്ളംകയറി ഉപയോഗ ശൂന്യമായി. അന്നുമുതൽ അങ്കണവാടി പ്രവർത്തിക്കുന്നത് മുകൾനിലയിലാണ്.&nbsp;
അടുക്കളയിെലത്തി ഭക്ഷണം കഴിച്ച കുട്ടികൾ മുകളിലേക്ക് കയറി. മുകളിലെത്തിയ ജെറീന വെള്ളത്തിൽ ചവിട്ടി കാൽവഴുതി കെട്ടിടത്തിന്റെ സമീപത്ത് കൂടി ഒഴുകുന്ന ചെറിയ കൈത്തോട്ടിലേക്ക് വീഴുകയായിരുന്നുവെന്നാണ് വിവരം.ഉടൻ തന്നെ അടിമാലി താലൂക്ക് ആശുപത്രിയിൽ എത്തിച്ചു. ജെറീനയുടെ തലയ്ക്കാണ് മുറിവേറ്റത്. ആന്തരിക രക്തസ്രാവം ഉള്ളതിനാൽ കോട്ടയം മെഡിക്കൽ കോളേജ് ആശുപത്രിയിലേക്ക് കൊണ്ടുപോയി.

മുകൾ നിലയിലെ അങ്കണവാടിയിൽ നിന്ന് കാൽവഴുതി തോട്ടിൽ വീണ കുഞ്ഞിന് ഗുരുതര പരിക്ക്

തിരുവനന്തപുരം: മസ്കറ്റിൽ മരിച്ച നമ്പി രാജേഷിന്റെ കുടുംബത്തിന് ആഘാതമായി എയർ ഇന്ത്യ എക്സ്പ്രസിന്റെ മറുപടി. സംഭവത്തിൽ കമ്പനിക്ക് ഉത്തരവാദിത്വമില്ലെന്നും നഷ്ടപരിഹാരം നൽകാനാകില്ലെന്നുമാണ് ഭാര്യ അമൃതയ്ക്കു ലഭിച്ച ഇ-മെയിൽ സന്ദേശത്തിൽ പറയുന്നത്.
വിമാനക്കമ്പനി ജീവനക്കാരുടെ സമരം കാരണം യാത്ര മുടങ്ങിയെങ്കിലും അടുത്ത ദിവസത്തെ ഫ്ലൈറ്റിലേക്ക് ടിക്കറ്റ് നൽകിയിരുന്നുവെന്നാണ് കമ്പനി അധികൃതരുടെ വാദം. എന്നാൽ, സമരം നീണ്ടുപോയതിനാൽ ആ യാത്രയും നടന്നില്ല.സർവീസ് റദ്ദായതായി മുൻകൂട്ടി അറിയിച്ചിട്ടുമില്ല. തൊട്ടടുത്ത ദിവസംതന്നെ ടിക്കറ്റിനു മുടക്കിയ പണം തിരികെനൽകാനുള്ള നടപടികൾ ആരംഭിച്ചതായാണ് സന്ദേശത്തിൽ വിശദീകരിക്കുന്നത്. ട്രാവൽ ഏജൻസി വഴിയെടുത്ത ടിക്കറ്റായതിനാൽ പണം വീട്ടുകാർക്കു ലഭിക്കാൻ വൈകിയെന്നും അധികൃതർ പറയുന്നു.
ചികിത്സയിൽക്കഴിഞ്ഞ നമ്പി രാജേഷിനെ കാണാൻ മസ്കറ്റിലേക്കു യാത്രതിരിച്ച ഭാര്യ അമൃത സി.രവിയും അമ്മ ചിത്രയും എയർഇന്ത്യ സമരം കാരണം യാത്ര മുടങ്ങി വിമാനത്താവളത്തിൽ കുടുങ്ങിയിരുന്നു. ഇവരെ കാണാതെയാണ് നമ്പി രാജേഷ് വിടപറഞ്ഞത്.ഗുരുതരാവസ്ഥയിൽ കഴിഞ്ഞ ഭർത്താവിനെ കാണാൻ കഴിയാതെ വിങ്ങിപ്പൊട്ടിയ അമൃതയെ നിസ്സഹയാവസ്ഥ മാധ്യമങ്ങൾ റിപ്പോർട്ട് ചെയ്തിരുന്നു.

നമ്പി രാജേഷിന്റെ മരണം:നഷ്ടപരിഹാരം നൽകില്ലെന്ന് എയർഇന്ത്യ എക്സ്പ്രസ്സ്

കോട്ടയം: നീണ്ട ഇടവേളയ്കുശേഷം അന്താരാഷ്ട്ര വിലയെ മറികടന്ന് റബ്ബറിന്റെ ആഭ്യന്തരവില. ആർ.എസ്.എസ്. നാലിന് ബാങ്കോക്കിൽ 185 രൂപയാണ് വില. തദ്ദേശീയ വില 204 രൂപ പിന്നിട്ടു. തായ്‌ലൻഡിലും മറ്റും വിളവെടുപ്പ് ശക്തമായി, വിപണിയിൽ കൂടുതൽ ചരക്കെത്തിയതാണ് അന്താരാഷ്ട്രവില താഴാൻ കാരണം.
ഒരുവർഷമായി തായ്‌ലൻഡ്, മലേഷ്യ, ഇന്തോനേഷ്യ എന്നിവിടങ്ങളിൽ മരങ്ങളുടെ രോഗബാധയും മറ്റും കാരണം ഉത്പാദനം വൻതോതിൽ ഇടിഞ്ഞിരുന്നു.അന്താരാഷ്ട്ര വിപണിയിൽ ആർ.എസ്.എസ്. നാലിന് 220 രൂപ വരെ വ്യാപാരം നടക്കുമ്പോഴും ഇന്ത്യൻ വിപണിയിൽ വില 170-175 എന്ന നിലയിൽ നിൽക്കുകയായിരുന്നു.അന്താരാഷ്ട്രവില താഴ്ന്നുനിൽക്കുന്നതിനാൽ ടയർകമ്പനികൾ വാങ്ങൽ ശക്തമാക്കേണ്ടതാണെങ്കിലും കപ്പൽ, കണ്ടയ്നർ ക്ഷാമം അവർക്ക് കടമ്പയാണ്. നേരത്തെ ബുക്കുചെയ്ത ചരക്കും 40 ദിവസം വരെ വൈകിയാണ് നീങ്ങുന്നത്. കേരളത്തിലും മറ്റും മഴമറ ഇടീൽ പൂർണമാക്കി ടാപ്പിങ് ജൂലായോടെ ശക്തമാകും. ഇതോടെ കൂടുതൽ ചരക്ക് വിപണിയിൽ എത്തും. എന്നാലും കാര്യമായി വിലതാഴാൻ സാധ്യതയില്ലെന്നാണ് കരുതുന്നത്.&nbsp;

അന്താരാഷ്ട്ര വിലയെ മറികടന്ന് റബ്ബറിന്റെ ആഭ്യന്തരവില 204 രൂപ പിന്നിട്ടു

തിരുവനന്തപുരം: തിരുവനന്തപുരം കന്യാകുമാരി റോഡിൽ നിർത്തിയിട്ട കാറിനുള്ളിൽ യുവാവിന്‍റെ മൃതദേഹം. കഴുത്തറത്ത് കൊലപ്പെടുത്തിയ നിലയിലാണ് കണ്ടെത്തിയത്. കേരള-തമിഴ്നാട് അതിർത്തിയായ കളിയ്ക്കാവിളയ്ക്ക് സമീപം ഒറ്റാമരത്ത് തിങ്കളാഴ്ച രാത്രിയാണ് സംഭവം.
വാഹനത്തിന്റെ ഉടമയായ പാപ്പനംകോട് കൈമനം സ്വദേശി എസ്. ദീപുവി (44) നെയാണ് മഹേന്ദ്ര എസ്.യു.വി കാറിനുള്ളിൽ മരിച്ചനിലയിൽ കണ്ടെത്തിയത്. കാറിന്റെ മുൻസീറ്റിലായിരുന്നു മൃതദേഹം. രാത്രി 12 മണിയോടെ നാട്ടുകാരാണ് കളിയിക്കാവിള പോലീസിനെ വിവരം അറിയിച്ചത്.

ദേശീയപാതയിൽ നിർത്തിയിട്ട കാറിനുള്ളിൽ യുവാവിന്റെ മൃതദേഹം കണ്ടെത്തി

സെന്റ് ലൂസിയ: സൂപ്പര്‍ 8 പോരാട്ടത്തില്‍ ഓസീസിനെ 24 റണ്‍സിന് കീഴടക്കി ഇന്ത്യ ദക്ഷിണാഫ്രിക്കയ്ക്കും ഇംഗ്ലണ്ടിനും പിന്നാലെ സെമിയില്‍ കടക്കുന്ന മൂന്നാമത്തെ ടീമായി.ഇംഗ്ലണ്ടാണ് ഇന്ത്യയുടെ എതിരാളികള്‍. സൂപ്പര്‍ എട്ടിലെ മൂന്നു മത്സരങ്ങളും ജയിച്ചാണ് ഇന്ത്യയുടെ സെമി പ്രവേശനം.
206 റണ്‍സ് വിജയലക്ഷ്യത്തിലേക്ക് ബാറ്റെടുത്ത ഓസീസിന് ഏഴു വിക്കറ്റ് നഷ്ടത്തില്‍ 181 റണ്‍സെടുക്കാനേ സാധിച്ചുള്ളൂ. 43 പന്തില്‍ നിന്ന് നാല് സിക്‌സും ഒമ്പത് ഫോറുമടക്കം 76 റണ്‍സെടുത്ത ഹെഡാണ് ഓസീസിന്റെ ടോപ് സ്‌കോറര്‍. ഒരു ഘട്ടത്തില്‍ ജയത്തിലേക്ക് കുതിക്കുകയായിരുന്ന ഓസീസിനെ അവസാന ഓവറുകളിലെ അച്ചടക്കമാര്‍ന്ന ബൗളിങ്ങിലൂടെ ഇന്ത്യ പിടിച്ചുകെട്ടുകയായിരുന്നു. മൂന്നു വിക്കറ്റ് വീഴ്ത്തിയ അര്‍ഷ്ദീപ് സിങ്ങും രണ്ടു വിക്കറ്റ് വീഴ്ത്തിയ കുല്‍ദീപ് യാദവും ഇന്ത്യയ്ക്കായി ബൗളിങ്ങില്‍ തിളങ്ങി.
ഇന്ത്യ ഉയര്‍ത്തിയ കൂറ്റന്‍ വിജയലക്ഷ്യത്തിലേക്ക് ബാറ്റെടുത്ത ഓസീസിന് ആദ്യ ഓവറില്‍ തന്നെ ഓപ്പണര്‍ ഡേവിഡ് വാര്‍ണറെ (6) നഷ്ടമായിരുന്നു. എന്നാല്‍ രണ്ടാം വിക്കറ്റില്‍ ഒന്നിച്ച ട്രാവിസ് ഹെഡ് - ക്യാപ്റ്റന്‍ മിച്ചല്‍ മാര്‍ഷ് സഖ്യം 81 റണ്‍സിന്റെ കൂട്ടുകെട്ടുണ്ടാക്കിയതോടെ ഓസീസ് മത്സരത്തില്‍ പിടിമുറുക്കി. കുല്‍ദീപ് യാദവിന്റെ പന്തില്‍ മാര്‍ഷിനെ കിടിലന്‍ ക്യാച്ചിലൂടെ പുറത്താക്കി അക്ഷര്‍ പട്ടേലാണ് ഈ കൂട്ടുകെട്ട് പൊളിച്ചത്. ഇന്ത്യന്‍ ഫീല്‍ഡര്‍മാരുടെ മോശം പ്രകടനവും മാര്‍ഷിന് തുണയായി. 28 പന്തില്‍ നിന്ന് രണ്ട് സിക്‌സും മൂന്ന് ഫോറുമടക്കം 37 റണ്‍സായിരുന്നു മാര്‍ഷിന്റെ സമ്പാദ്യം.തുടര്‍ന്നെത്തിയ ഗ്ലെന്‍ മാക്‌സ്‌വെല്‍ 12 പന്തില്‍ നിന്ന് 20 റണ്‍സെടുത്ത് പുറത്തായി. പിന്നാലെ മാര്‍ക്കസ് സ്റ്റോയ്‌നിസിനെയും (2) മടക്കി അക്ഷര്‍ ഓസീസിനെ പ്രതിരോധത്തിലാക്കി. മാത്യു വെയ്ഡിനും (1) മുന്നേറ്റം സാധ്യമായില്ല. വെയ്ഡിനു പിന്നാലെ അപകടകാരിയായ ടിം ഡേവിഡിനെയും (15) മടക്കിയ അര്‍ഷ്ദീപ് മത്സരം പൂര്‍ണമായും ഇന്ത്യയുടെ വരുതിയിലാക്കി.

നേരത്തേ അര്‍ഹിച്ച സെഞ്ചുറിക്ക് എട്ടു റണ്‍സകലെ (92) പുറത്തായ രോഹിത്തിന്റെ ഇന്നിങ്സ് മികവില്‍ 20 ഓവറില്‍ ഇന്ത്യ അഞ്ചു വിക്കറ്റ് നഷ്ടത്തില്‍ 205 റണ്‍സെടുത്തിരുന്നു. വെറും 41 പന്തില്‍ നിന്ന് എട്ടു സിക്സും ഏഴു ഫോറുമടങ്ങുന്നതായിരുന്നു ഹിറ്റ്മാന്റെ ഇന്നിങ്സ്. രോഹിത്തിന്റെ ഇന്നിങ്‌സാണ് ഇന്ത്യന്‍ വിജയത്തില്‍ നിര്‍ണായകമായത്.ടി20 ലോകകപ്പില്‍ ഇന്ത്യയുടെ മൂന്നാമത്തെ ഉയര്‍ന്ന സ്‌കോറാണിത്. ടി20 ലോകകപ്പില്‍ ഓസ്ട്രേലിയക്കെതിരേ ഒരു ടീം നേടുന്ന ഏറ്റവും ഉയര്‍ന്ന സ്‌കോറെന്ന നേട്ടവും ഇന്ത്യ സ്വന്തമാക്കി. വെസ്റ്റിന്‍ഡീസും ടി20 ലോകകപ്പില്‍ ഓസീസിനെതിരേ 205 റണ്‍സെടുത്തിട്ടുണ്ട്. 2012 ലോകകപ്പ് സെമിയിലായിരുന്നു അത്.

രണ്ടാം ഓവറില്‍ തന്നെ വിരാട് കോലിയെ (0) നഷ്ടമായ ശേഷമായിരുന്നു രോഹിത് സെന്റ് ലൂസിയയെ അക്ഷരാര്‍ഥത്തില്‍ പൂരപ്പറമ്പാക്കിയത്. മിച്ചല്‍ സ്റ്റാര്‍ക്ക് എറിഞ്ഞ മൂന്നാം ഓവറില്‍ നാല് സിക്സും ഒരു ഫോറുമടക്കം 29 റണ്‍സാണ് രോഹിത് അടിച്ചെടുത്തത്. 19 പന്തില്‍ 50 തികച്ചു. രോഹിത് വെടിക്കെട്ടില്‍ വെറും 8.4 ഓവറില്‍ ഇന്ത്യന്‍ സ്‌കോര്‍ 100 കടന്നു. തുടര്‍ന്ന് 12-ാം ഓവറില്‍ സ്റ്റാര്‍ക്കിന്റെ പന്തില്‍ പുറത്താകും വരെ രോഹിത്തിന്റെ ബാറ്റില്‍ നിന്ന് ബൗണ്ടറികളൊഴുകി.ഇതിനിടെ രണ്ടാം വിക്കറ്റില്‍ ഋഷഭ് പന്തിനൊപ്പം 87 റണ്‍സും രോഹിത് ചേര്‍ത്തു. 14 പന്തില്‍ നിന്ന് 15 റണ്‍സ് മാത്രമായിരുന്നു പന്തിന്റെ സമ്പാദ്യം. തുടര്‍ന്നെത്തിയ സൂര്യകുമാര്‍ 16 പന്തില്‍ രണ്ട് സിക്സും മൂന്ന് ഫോറുമടക്കം 31 റണ്‍സെടുത്തു. രോഹിത്തിനു പിന്നാലെ സൂര്യയും പുറത്തായതോടെ ഇന്ത്യയുടെ സ്‌കോറിങ് വേഗം കുറഞ്ഞു. 22 പന്തുകള്‍ നേരിട്ട ശിവം ദുബെയ്ക്ക് 28 റണ്‍സെടുക്കാനേ സാധിച്ചുള്ളൂ. 17 പന്തില്‍ നിന്ന് 27 റണ്‍സെടുത്ത ഹാര്‍ദിക് പാണ്ഡ്യയാണ് സ്‌കോര്‍ 200 കടത്തിയത്.

ഓസീസിനെ 24 റണ്‍സിന് കീഴടക്കി ഇന്ത്യ ലോകകപ്പ് സെമിയില്‍

കണ്ണൂര്‍ : കേരളത്തില്‍ വീണ്ടും അമീബിക് മസ്തിഷ്‌ക ജ്വരം ബാധിച്ച് മരണം.കോഴിക്കോട്ടെ സ്വകാര്യ ആശുപത്രിയില്‍ ചികിത്സയില്‍ ഇരിക്കെ മരിച്ച പെണ്‍കുട്ടിയ്ക്ക് അമീബിക് മസ്തിഷ്‌ക ജ്വരം സ്ഥിരീകരിച്ചു. കണ്ണൂര്‍ തോട്ടടയിലെ രാഗേഷ് ബാബുവിന്റേയും ധന്യ രാഘേഷിന്റേയും മകള്‍ ദക്ഷിണ (13)യ്ക്കാണ് രോഗം സ്ഥിരീകരിച്ചത്. ജൂണ്‍ 12-ന് ആണ് കുട്ടി മരിച്ചത്. മരണ കാരണം അത്യപൂര്‍വ്വ അമീബയെന്നാണ് പരിശോധനാ ഫലം.
തലവേദനയും ചര്‍ദ്ദിയും ബാധിച്ച് കണ്ണൂര്‍ ചാലയിലെ സ്വകാര്യ ആശുപത്രിയിലാണ് കുട്ടി ആദ്യം ചികിത്സ തേടിയത്. പിന്നീട് ആരോഗ്യസ്ഥിതി മോശമായതോടെ കോഴിക്കോട്ടെ സ്വകാര്യ ആശുപത്രിയിലേക്ക് മാറ്റുകയായിരുന്നു. സ്‌കൂളില്‍നിന്ന് മൂന്നാറിലേക്ക് പഠനയാത്ര പോയ സമയത്ത് കുട്ടി പൂളില്‍ കുളിച്ചിരുന്നു. ഇതാണ് രോഗബാധയ്ക്ക് കാരണമെന്നാണ് പ്രാഥമിക നിഗമനം.
സാധാരണ അമീബ ശരീരത്തില്‍ പ്രവേശിച്ചാൽ അഞ്ച് ദിവസംകൊണ്ട് രോഗ ലക്ഷണങ്ങള്‍ കാണുകകയും വളരെ പെട്ടന്നുതന്നെ ആരോഗ്യസ്ഥിതി മോശമാവുകയും ചെയ്യാറാണ് പതിവെങ്കിൽ, എന്നാൽ ഈ കുട്ടിയ്ക്ക് പൂളില്‍ കുളിച്ച് മൂന്നര മാസം കഴിഞ്ഞാണ് രോഗലക്ഷണങ്ങള്‍ കണ്ടുതുടങ്ങിയത്.&nbsp;
നട്ടെല്ലില്‍ നിന്നുള്ള നീരിന്റെ പരിശോധനയില്‍ അമീബിക് ട്രോഫോ സോയിഡ്‌സ് കാണപ്പെടുകയും അമീബിക് മെനിന്‍ഞ്ചോ എന്‍കഫലൈറ്റസിന് ഉള്ള ആറ് മരുന്നുകള്‍ കുട്ടിക്ക് നല്‍കുകയും ചെയ്തിരുന്നു. എന്നാല്‍ ഇത് മുന്‍പ് റിപ്പോര്‍ട്ട് ചെയ്ത അമീബിക് മെനിഞ്ചൈറ്റിസില്‍ നിന്ന് വ്യത്യസ്തമായതിനാല്‍ അമീബിക് സ്പീഷീസ് ഏതെന്ന് കണ്ടെത്താനുളള പരിശോധനകള്‍ നടത്തിയിരുന്നുവെന്ന് കുട്ടിയെ ചികിത്സിച്ച ബേബി മെമ്മോറിയല്‍ ആശുപത്രിയിലെ കണ്‍സള്‍ട്ടന്റ് പീഡിയാട്രിക് ഇന്റന്‍സിവിസ്റ്റ് ഡോക്ടര്‍ അബ്ദുള്‍ റൗഫ് പറഞ്ഞു.വെര്‍മമീബ വെര്‍മിഫോമിസ് എന്ന അപൂര്‍വ അമീബയുടെ സാന്നിധ്യമാണ് ഈ പരിശോധനയില്‍ കണ്ടെത്തിയത്. ഈ കേസ് ലോകത്തുതന്നെ അപൂര്‍വമായതിനാല്‍ രോഗാണുവിന്‍റെ ഇന്‍ക്യൂബേഷന്‍ പിരീഡ് ഉള്‍പ്പടെയുളള കാര്യങ്ങള്‍ കണ്ടെത്താന്‍ വിദഗ്ദപഠനം ആവശ്യമാണെന്നും ഡോക്ടര്‍ അറിയിച്ചു.

കണ്ണൂരിൽ അപൂർവ അമീബിക് മസ്തിഷ്‌ക ജ്വരം ബാധിച്ച് 13 കാരി മരിച്ചു

Kannur

കോഴിക്കോട്: കോഴിക്കോട് നഗരത്തിൽ വന്‍ തീപ്പിടിത്തം. മാവൂർ റോഡിലുള്ള മൊഫ്യൂസിൽ ബസ്റ്റാൻഡിലാണ് തീപ്പിടിത്തമുണ്ടായത്. ബസ് സ്റ്റാൻഡ് കെട്ടിടത്തിലെ മൂന്നാം നിലയിൽ പ്രവർത്തിക്കുന്ന കാലിക്കറ്റ് ടെക്‌സ്റ്റൈല്‍സ് എന്ന തുണിക്കടയ്ക്കാണ് വൈകീട്ട് അഞ്ച് മണിയോടെയാണ് തീപിടിച്ചത്.
നാല് ഫയര്‍ ഫോഴ്‌സ് യൂണിറ്റുകള്‍ എത്തിയാണ് തീയണയ്ക്കാനായി ശ്രമിക്കുന്നത്. കെട്ടിടത്തിന്റെ കൂടുതല്‍ ഭാഗത്തേക്ക് തീ പടരുന്നത് ഫയര്‍ ഫോഴ്‌സിന് വെല്ലുവിളിയായി. കെട്ടിടത്തിന്റെ മറ്റ് നിലകളില്‍ ഉണ്ടായിരുന്നവരെ ഒഴിപ്പിച്ചു.കടയിലും ബില്‍ഡിങ്ങിലും ഉണ്ടായിരുന്ന ആളുകള്‍ ഓടി രക്ഷപ്പെട്ടതിനാല്‍ വന്‍ അപകടം ഒഴിവായി. ബസ്സ്റ്റാന്‍ഡില്‍ പാര്‍ക്ക് ചെയ്ത ബസ്സുകളും സുരക്ഷിത സ്ഥാനക്കേക്ക്മാറ്റി.

കോഴിക്കോട് പുതിയ സ്റ്റാന്‍ഡില്‍ വന്‍ തീപ്പിടിത്തം

മൂരാട്: മൂരാട് പാലത്തിന് സമീപം കാറും ട്രാവലറും കൂട്ടിയിടിച്ചുണ്ടായ അപകടത്തില്‍ പെട്ട് കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന ചോറോട് ചേന്ദമംഗലം സ്വദേശി സത്യ നാഥന്‍ (റിട്ട: ഇന്ത്യന്‍ ബേങ്ക്) അന്തരിച്ചു.
കഴിഞ്ഞ ഞായര്‍ വൈകിട്ട് 3:15 ഓടെയാണ് മാഹിയില്‍ നിന്നും വിവാഹം കഴിഞ്ഞ് കോവൂരിലെ വരന്റെ വീട്ടിലേക്ക് വധുവിനെ സന്ദര്‍ശിക്കാന്‍ പോയ സംഘം അപകടത്തിൽപെട്ടത്. ഒളിവിലം സ്വദേശി പറമ്പത്ത് നളിനി (62), അഴിയൂര്‍പാറേമ്മല്‍ രജനി (രഞ്ജിനി, 50), അഴിയൂര്‍ കോട്ടമല കുന്നുമ്മല്‍ ഷിഖില്‍ ലാല്‍ (35), പുന്നോല്‍ കണ്ണാട്ടില്‍ മീത്തല്‍ റോജ (56) അന്ന് എന്നിവരാണ് മരിച്ചത്. ഗുരുതരമായി പരിക്കേറ്റ സത്യനാഥന്‍ ചികിത്സയിലായിരിക്കെ ഇന്ന് രാവിലെയാണ് മരണപ്പെട്ടത്. ഇതോടെ അപകടത്തില്‍ മരിച്ചവരുടെ എണ്ണം അഞ്ചായി.

മൂരാട് അപകടം;ചികിത്സയിലായിരുന്ന ചോറോട് സ്വദേശി  മരിച്ചു

കുറ്റ്യാടി: കായക്കൊടി പഞ്ചായത്തിലെ എള്ളിക്കാംപ്പാറയിൽ നേരിയ ഭൂചലനം അനുഭവപ്പെട്ടതായി നാട്ടുകാർ. പഞ്ചായത്തിലെ നാല്, അഞ്ച് വാർഡുകളിലാണ് സംഭവം. ശനിയാഴ്ച രാത്രി 7.30-ഓടെയാണ് ചലനം ഉണ്ടായതെന്നും പ്രത്യേക ശബ്ദം കേട്ടെന്നും പ്രദേശവാസികൾ പറഞ്ഞു. സെക്കൻഡുകൾ മാത്രമാണ് ചലനം തുടർന്നതെങ്കിലും ആളുകൾ വീടുവിട്ട് പുറത്തേക്കിറങ്ങിയെന്നാണ് വിവരം. വില്ലേജ് ഓഫീസർ സ്ഥലത്ത് എത്തിയിട്ടുണ്ട്.
ആശങ്കപ്പെടേണ്ട സാഹചര്യമില്ലെന്നും വെള്ളിയാഴ്ചയും സമാനമായ ചലനം അനുഭവപ്പെട്ടതായി നാട്ടുകാർ അറിയിച്ചിരുന്നുവെന്നും ഇ.കെ.വിജയൻ എംഎൽഎ പറഞ്ഞു. ജില്ലാ കളക്ടറുമായി ബന്ധപ്പെട്ടിട്ടുണ്ടെന്നും ഞായറാഴ്ച വിദഗ്ധസംഘം സ്ഥലത്ത് പരിശോധനയ്ക്ക് എത്തുമെന്നും അദ്ദേഹം വ്യക്തമാക്കി.

കായക്കൊടി എള്ളിക്കാ പാറയിൽ ഭൂചലനം അനുഭവപ്പെട്ടതായി നാട്ടുകാർ

കോ​ഴി​ക്കോ​ട്: നി​ർ​ത്തി​യി​ട്ട ഓ​ട്ടോ​യു​ടെ ബാ​റ്റ​റി മോ​ഷ്ടി​ക്കാ​ൻ ​ശ്ര​മി​ച്ച​യാ​ൾ പി​ടി​യി​ൽ. കൊ​യി​ലാ​ണ്ടി ചെ​റി​യ​മ​ങ്ങാ​ട് സ്വ​ദേ​ശി ഫി​ഷ​ർ​മാ​ൻ കോ​ള​നി​യി​ൽ അ​നീ​ഷ് കു​മാ​റി​നെ​യാ​ണ് (26) വെ​ള്ള​യി​ൽ പൊ​ലീ​സ് അ​റ​സ്റ്റു​ചെ​യ്ത​ത്.
കോ​ഴി​ക്കോ​ട് ബീ​ച്ച് ല​യ​ൺ​സ് പാ​ർ​ക്കി​ന് സ​മീ​പം റോ​ഡ​രി​കി​ൽ നി​ർ​ത്തി​യി​ട്ട ഓ​ട്ടോ​റി​ക്ഷ​യി​ൽ​നി​ന്ന് ബാ​റ്റ​റി മോ​ഷ്ടി​ക്കാ​ൻ ശ്ര​മി​ച്ച പ്ര​തി​യെ നാ​ട്ടു​കാ​ർ ത​ട​ഞ്ഞു​വെ​ച്ച് പൊ​ലീ​സി​ൽ അ​റി​യി​ക്കു​ക​യാ​യി​രു​ന്നു. എ​സ്.​ഐ അ​ഭി​ലാ​ഷ്, എ​സ്.​സി.​പി.​ഒ ര​ജി​ത്ത് എ​ന്നി​വ​ർ ചേ​ർ​ന്നാ​ണ് പ്ര​തി​യെ ക​സ്റ്റ​ഡി​യി​ലെ​ടു​ത്ത​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.

ഓട്ടോയുടെ ബാറ്ററി മോഷ്ടിക്കാൻ ശ്രമിച്ച കൊയിലാണ്ടി സ്വദേശി പിടിയിൽ

വടകര : മംഗളൂരു-കോയമ്പത്തൂർ റൂട്ടിൽ പുതിയ ഇന്റർസിറ്റി എക്സ്‌പ്രസ് പരിഗണനയിലുണ്ടെന്ന് ദക്ഷിണറെയിൽവേ ജനറൽ മാനേജർ ആർ.എൻ. സിങ് മറുപടി നൽകിയതായി ഷാഫി പറമ്പിൽ എംപി അറിയിച്ചു. ദക്ഷിണ റെയിൽവേ വിളിച്ചുചേർത്ത എംപിമാരുടെ യോഗത്തിലാണ് ഇക്കാര്യം വ്യക്തമാക്കിയത്. വൈകീട്ട് ആറുമണി കഴിഞ്ഞാൽ പത്തുമണിവരെ കോഴിക്കോട്ടുനിന്ന്‌ വടക്കോട്ടേക്ക് തീവണ്ടി ഇല്ലാത്തതിന് പരിഹാരമായി കോഴിക്കോട്ടുനിന്ന് മംഗളൂരുവിലേക്ക് പോകുന്നതരത്തിൽ സമയക്രമീകരണം നടത്തി ഇന്റർസിറ്റി അനുവദിക്കണമെന്ന് ഷാഫി പറമ്പിൽ ആവശ്യപ്പെട്ടിരുന്നു. തിരക്ക് പരിഗണിച്ച് പരശുരാം എക്സ്‌പ്രസിൽ ഒരുകോച്ച് അധികം അനുവദിച്ചിട്ടുണ്ടെന്നും ജനറൽ മാനേജർ വ്യക്തമാക്കി.
കോവിഡിനുശേഷം മുക്കാളി, നാദാപുരം റോഡ്, ഇരിങ്ങൽ, ചേമഞ്ചേരി തുടങ്ങിയ സ്റ്റേഷനുകളിൽ വരുമാനം കുറഞ്ഞതുകൊണ്ടാണ് സ്റ്റോപ്പ് നിർത്തലാക്കിയതെന്ന റെയിൽവേ വാദം ശരിയല്ലെന്ന് എംപി യോഗത്തിൽ അറിയിച്ചു. സ്റ്റോപ്പ് നിർത്തിയശേഷമാണ് വരുമാനം കുറഞ്ഞത്. കണ്ണൂർ കോയമ്പത്തൂർ എക്സ്‌പ്രസിനുള്ള സ്റ്റോപ്പുകൾ ഈ സ്റ്റേഷനുകളിൽ പുനഃസ്ഥാപിക്കണം. തലശ്ശേരി, വടകര, കൊയിലാണ്ടി സ്റ്റേഷനുകളിൽ പ്രധാനപ്പെട്ട ഒട്ടേറെ തീവണ്ടികൾക്ക് സ്റ്റോപ്പ് അനുവദിക്കാനുള്ള അധികാരം റെയിൽവേ ബോർഡിന് മാത്രമാണെന്നും ബോർഡുമായി ആശയവിനിമയം നടത്തി തീരുമാനം അറിയിക്കുമെന്നും ജനറൽ മാനേജർ അറിയിച്ചു. കൊയിലാണ്ടി, വടകര സ്റ്റേഷനുകളിൽ വരുമാനം കുറഞ്ഞതുകൊണ്ടാണ് പാർസൽ സംവിധാനം നിർത്തിയതെന്നും തലശ്ശേരിയിൽ ഇതിന്റെ പ്രവർത്തനം തുടരുമെന്നും ലഗേജ് ബുക്കിങ് മൂന്ന് സ്റ്റേഷനുകളിലും തുടരുമെന്നും അദ്ദേഹം യോഗത്തിൽ അറിയിച്ചു.

മംഗളൂരു-കോയമ്പത്തൂർ റൂട്ടിൽ പുതിയ ഇന്റർസിറ്റി പരിഗണനയിൽ

കക്കട്ടിൽ: വട്ടോളി സംസ്‌കൃതം ഹൈസ്‌കൂൾ വിദ്യാത്ഥിനിയും ബീഹാർ സ്വദേശിയുമായ തൗസിഫ ഖാതൂന് എസ് എസ് എൽ സി പരീക്ഷയിൽ തിളക്കമാർന്ന വിജയം. 9 വിഷയങ്ങളിൽ A+ ഗ്രേഡും , ഒരു വിഷയത്തിൽ A ഗ്രേഡും നേടിയാണ് സ്കൂളിനഭിമാനമായി മാറിയത്. ബീഹാറിലെ കിഷൻഗഞ്ച് ജില്ലയിലാണ് ജനിച്ചതും ഒൻപതാം ക്ലാസ്സുവരെ പഠിച്ചതും. കഴിഞ്ഞവർഷമാണ് കേരളത്തിലെത്തിയത്. ഈ വിദ്യാലയത്തിൽ പത്താം ക്ലാസ്സിൽ വന്നുചേർന്നു. വിദ്യാലയം മാറിയതോ, ഭാഷാ പരിചയക്കുറവോ, പാഠപുസ്തകങ്ങളുടെ പുതുമയോ തൗസിഫയുടെ പഠനത്തെ ഒട്ടും തളർത്തിയില്ല. ക്ലാസ്സിലെ ഏറ്റവും മിടുക്കിയായി പഠന-പാഠ്യേതര പ്രവർത്തനങ്ങളിൽ നിറഞ്ഞുനിന്നു. പരീക്ഷയ്ക്ക് ശേഷം കുടുംബസമേതം ബീഹാറിലാണ് ഇപ്പോഴുള്ളത്. മിന്നും വിജയത്തിനുശേഷം അധ്യാപകരെ ഫോണിൽ വിളിച്ചു സന്തോഷം പങ്കുവെച്ചു.&nbsp;
"ഒൻപതാം ക്ലാസ്സുവരെ ബീഹാറിൽ പഠിച്ചു, പത്താം ക്ലാസ്സിൽ കേരളത്തിൽ പഠിക്കുമ്പോൾ ആശങ്കകൾ ഉണ്ടായിരുന്നെന്നും, വട്ടോളി സംസ്‌കൃതം ഹൈസ്‌കൂളിലെ ഇംഗ്ലീഷ് മീഡിയം ഡിവിഷനിലെ ക്ലാസ്സുകൾ മികച്ച വിജയം നേടാൻ സഹായിച്ചു വെന്നും, പ്രധാന അദ്ധ്യാപികയും വിഷയാധ്യാപകരും പൂർണപിന്തുണ നൽകിയെന്നും" തൗസിഫ പങ്കുവെച്ചു. അറബിക് ആയിരുന്നു ഫസ്റ്റ് ലാംഗ്വേജ്. ഇംഗ്ലീഷ്, അറബി, ഉർദു,ഹിന്ദി ഭാഷകൾ അനായാസം കൈകാര്യം ചെയ്യും. ഉർദു,ഹിന്ദി, ഇംഗ്ലീഷ് ഭാഷകളിൽ നന്നായി പ്രസംഗിക്കാനും ഉപന്യാസമെഴുതാനുമറിയാം. സ്കൂൾ-സബ്ജില്ലാ കലോത്സവങ്ങളിൽ വിവിധ ഇനങ്ങളിൽ മികച്ച പ്രകടനം കാഴ്ച്ചവെച്ചു. ഈ വർഷം ജില്ലാ സ്കൂൾ കലോത്സവത്തിൽ ഹിന്ദി പ്രസംഗത്തിൽ A ഗ്രേഡ് നേടിയിട്ടുണ്ട്.
ഏതാനും വർഷങ്ങൾക്ക് മുമ്പാണ് പിതാവ് മുഹമ്മദ്‌ സിയാവുൽ ഹഖ് കേരളത്തിലെത്തിയത്. തെങ്ങ് കയറ്റമാണ് ജോലി. ഇപ്പോൾ കുടുംബസമേതം നാദാപുരം-കുമ്മങ്കോട് വാടക വീട്ടിലാണ് താമസം. മിനാരാ ഖാതൂനാണ് തൗസിഫയുടെ മാതാവ്. എട്ട് മക്കളിൽ തൗസിഫയാണ് ഏറ്റവും മുതിർന്നകുട്ടി. ഹയർ സെക്കന്ററിയും കേരളത്തിൽ തന്നെ പഠിക്കുമെന്നും, ഉടനെ കേരളത്തിലേക്ക് തിരിക്കുമെന്നും പിതാവ് പറഞ്ഞു.

വട്ടോളി സംസ്‌കൃതം ഹൈസ്‌കൂളിലെ ബീഹാറി വിദ്യാർത്ഥിനിക്ക് എസ് എസ് എൽ സി പരീക്ഷയിൽ മിന്നും വിജയം

Nadapuram

വടകര: കാശ്മീര്‍ വിനോദയാത്രക്കിടയില്‍ വിദ്യാര്‍ഥിനിയോട് അപമര്യാദയായി പെരുമാറിയ കേസില്‍ പഹല്‍ഗാം പോലീസ് അറസ്റ്റ് ചെയ്ത അധ്യാപകനെ സ്‌കൂളില്‍ നിന്ന് സസ്‌പെന്റ് ചെയ്തു.&nbsp;
ഇരിങ്ങല്‍ കോട്ടക്കല്‍ സ്വദേശിയും പേരോട് എംഐഎം ഹയര്‍ സെക്കന്ററി സ്‌കൂള്‍ അധ്യാപകനുമായ യു.ടി അഷ്‌റഫിനെയാണ് (45) സ്‌കൂള്‍ മാനേജ്‌മെന്റ് കമ്മിറ്റി അന്വേഷണവിധേയമായി സസ്‌പെന്റ് ചെയ്തത്. വിദ്യാര്‍ഥിനിയുടെ പരാതിയില്‍ കഴിഞ്ഞ ദിവസമാണ് പഹല്‍ഗാം പോലീസ് പ്രതിയെ കോട്ടക്കലിലെ വീട്ടിലെത്തി അറസ്റ്റ് ചെയ്തത്.

വിനോദ യാത്രക്കിടെ വിദ്യാര്‍ഥിനിയെ ശല്യം ചെയ്ത ഇരിങ്ങല്‍ സ്വദേശിയായ അധ്യാപകന് സസ്‌പെന്‍ഷന്‍

വടകര: കൃത്രിമമായി നിർമ്മിച്ച ആധാർ കാർഡുമായി നേപ്പാൾ സ്വദേശി വടകരയിൽ അറസ്റ്റിൽ. ചഞ്ചൽ കുമാർ ( 29 ) നെയാണ് വടകര പോലീസ് അറസ്റ്റ് ചെയ്തത്. അഞ്ച്‌ മാസമായി വടകരയിലെ ബാറിൽ തൊഴിലാളിയായി ജോലി ചെയ്യുകയായിരുന്നു. വടകര സാൻ്റ് ബാഗ്സ് വിനോദ സഞ്ചാര കേന്ദ്രത്തിൽ മറ്റ് രണ്ട് പേർക്കൊപ്പം സംശയാസ്പദമായ സാഹചര്യത്തിൽ കണ്ട് പോലീസ് പിടി കൂടി രേഖകൾ പരിശോധിക്കുന്നതിനിടയിലാണ് ഇയാൾ പിടിയിലായത്. പ്രതിയുടെ ബന്ധുവിൻ്റെ ആധാർകാർഡ് ഫോട്ടോ എടുത്ത് അതിൽ സ്വന്തം ഫോട്ടോ ഒട്ടിച്ച് ആധാർ ആയി ഉപയോഗിച്ച് വരികയായിരുന്നു.

കൃത്രിമമായി നിർമ്മിച്ച ആധാർ കാർഡുമായി നേപ്പാൾ സ്വദേശി വടകരയിൽ പിടിയിൽ

കുറ്റ്യാടി: കഞ്ചാവും, ബ്രൗൺ ഷുഗറുമായി പശ്ചിമബംഗാള്‍ സ്വദേശിയായ യുവാവ് കുറ്റ്യാടിയിൽ പിടിയിലായി. മൂര്‍ഷിദാബാദ് ഡോംകലിലെ എസ്.കെ.സാഹെബാണ് (34) പോലീസ് പിടിയിലായത്. കുറ്റ്യാടി എസ്.ഐ ജയനും സംഘവും മരുതോങ്കര റോഡില്‍ പാര്‍ക്ക് റസിഡന്‍സി ബാറിന് എതിര്‍വശത്ത് സംശയാസ്പദമായ സാഹചര്യത്തില്‍ കണ്ട ഇയാളെ ദേഹ പരിശോധന നടത്തുകയായിരുന്നു. 6.33 ഗ്രാം കഞ്ചാവും 0.09 ഗ്രാം ബ്രൗണ്‍ഷുഗറും കണ്ടെടുത്തതായി പോലീസ് പറഞ്ഞു.

കുറ്റ്യാടിയിൽ കഞ്ചാവും ബ്രൗൺ ഷുഗറുമായി പശ്ചിമ ബംഗാൾ സ്വദേശി അറസ്റ്റിൽ

Search Results for: bus stand