നാദാപുരം : വിൽപ്പനക്കെത്തിച്ച നിരോധിത മയക്ക് മരുന്നുമായി യുവാവ് അറസ്റ്റിൽ. നരിപ്പറ്റ വെസ്റ്റ് ചീക്കോന്നുമ്മൽ സ്വദേശി മീമുള്ള കണ്ടി സിറാജുദ്ദീൻ (34 ) നെയാണ് നാദാപുരം എസ് ഐ എം.പി.വിഷ്ണുവും സംഘവും അറസ്റ്റ് ചെയ്തത്. പ്രതിയിൽ നിന്ന് പോയൻ്റ് 44 ഗ്രാം എം ഡി എം എ പോലീസ് കണ്ടെത്തി. നാദാപുരം - തലശ്ശേരി സംസ്ഥാനപാതയിൽ തൂണേരി വേറ്റുമ്മലിൽ വാഹന പരിശോധനക്കിടെയാണ് പ്രതി പിടിയിലായത്. പ്രതി സഞ്ചരിച്ചിരുന്ന കെ എൽ 18 വി 9888 നമ്പർ കാറും പോലീസ് കസ്റ്റഡിയിലെടുത്തു.