വടകര: വെള്ളി (06.11.2026) വൈകുന്നേരം 6 മണിക്കൂo 7 നും ഇടയിൽ വടകര സി.എം ആശുപത്രിയിൽ ഡോക്ടറെ കണ്ട് മടങ്ങവേ വടകരയ്ക്കും കീഴൽമുക്കിനും ഇടയിൽ സ്വർണ്ണ മാല നഷ്ടമായി. കണ്ടുകിട്ടുന്നവർ 9495178345 ഈ നമ്പറിൽ ബന്ധപ്പെടാൻ താല്പര്യം.&nbsp;

സ്വർണമാല നഷ്ടമായി

പ്രതീകാത്മക ചിത്രം

Vadakara

നാദാപുരം: വളയത്ത് എട്ടാം ക്ലാസ് വിദ്യാര്‍ഥിനിയെ തൂങ്ങി മരിച്ച നിലയില്‍കണ്ടെത്തി. ഷാജി-രജിഷ ദമ്പതികളുടെ മകള്‍ ജ്യുവല്‍ ലക്ഷ്മി ആണ് മരിച്ചത്. വളയം ഗവ. ഹയര്‍ സെക്കന്ററി സ്‌കൂള്‍ വിദ്യാര്‍ഥിനിയാണ്.&nbsp;
ഇന്നലെ രാത്രിയാണ് സംഭവം. വീടിന്റ ടെറസിലെ കമ്പിയില്‍ ഷാള്‍ ഉപയോഗിച്ച് തൂങ്ങിയ നിലയിലായിരുന്നു. മൃതദേഹം വടകര ജില്ല ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. പോസ്റ്റ്‌മോര്‍ട്ടത്തിനായി കോഴിക്കോട് മെഡിക്കല്‍ കോളജ് മോര്‍ച്ചറിയിലേക്ക് മാറ്റും.

വളയത്ത് എട്ടാം ക്ലാസ് വിദ്യാര്‍ഥിനിയെ തൂങ്ങി മരിച്ച നിലയില്‍ കണ്ടെത്തി

Nadapuram

നാദാപുരം : ചെക്യാട് പഞ്ചായത്തിലെ പുളിയാവിൽ 14 വയസുകാരനെ പ്രകൃതിവിരുദ്ധ പീഡനത്തിനിരയാക്കിയ കേസിൽ ഒരാൾ കൂടി അറസ്റ്റിൽപുളിയാവ് സ്വദേശി കനവത്ത് കുഞ്ഞാലി ( 66 ) യെയാണ് നാദാപുരം സി ഐ കെ. മുരളിധരൻ , ഡി വൈ എസ് പി യുടെ സ്‌ക്വാഡ് അംഗങ്ങളും ചേർന്ന് പിടികൂടിയത്.
വിദ്യാർത്ഥിയുടെ പരാതിയിൽ കേസ് രജിസ്റ്റർ ചെയ്തത് അറിഞ്ഞ പ്രതി ബംഗ്ലൂർ , ചെന്നൈ എന്നിവിടങ്ങളിൽ ഒളിവിൽ പോവുകയായിരുന്നു.ഇതിനിടെ പ്രതി വീട്ടിലേക്ക് വരുന്നുണ്ടെന്ന രഹസ്യ വിവരത്തിൻ്റെ അടിസ്ഥാനത്തിൽ കല്ലാച്ചിയിൽ വെച്ചാണ് പ്രതിയെ പിടി കൂടിയത്.14 കാരനെ പ്രതിയുടെ സ്‌കൂട്ടറിൽ കൊണ്ട് പോയാണ് പീഢനത്തിനിരയാക്കിയത്.സ്‌കൂട്ടറും പോലീസ് കപ്റ്റഡിയിലെടുത്തു

പുളിയാവ്  പീഡനം; ഒരാൾ കൂടി അറസ്റ്റിൽ

കണ്ണൂർ: മട്ടന്നൂരിൽ നിലയിൽ കണ്ടെത്തിയ അമ്മയും മകനും മരിച്ചു. മട്ടന്നൂർ സ്വദേശിനി ജ്യോതി, മകൻ നവീൻ കൃഷ്‌ണ (21) എന്നിവരെയാണ് മരിച്ചത്. അമ്മയെ കൊലപ്പെടുത്തിയ ശേഷം മകൻ ജീവനൊടുക്കിയതാകാം എന്നാണ് പൊലീസിന്റെ സംശയം.

വീടിന്റെ രണ്ടാം നിലയിലായിരുന്നു ഇവർ കിടന്നിരുന്നത്. ജ്യോതിയുടെ ഭർത്താവ് ഇന്ന് രാവിലെ അമ്പലത്തിൽ പോയി മടങ്ങിയെത്തിയപ്പോഴാണ് രണ്ടുപേരും ചോരയിൽക്കുളിച്ച് കിടക്കുന്നത് കണ്ടത്. ഉടൻതന്നെ നാട്ടുകാരെയും പൊലീസിനെയും വിവരമറിയിച്ചു. പൊലീസ് ഉടൻതന്നെ സ്ഥലത്തെത്തി ഇരുവരെയും സമീപത്തെ സ്വകാര്യ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു.സംഭവത്തിൽ വിശദമായ അന്വേഷണം നടക്കുകയാണ്. കണ്ണൂർ എസിപിയുടെ നേതൃത്വത്തിലുള്ള സംഘം സ്ഥലത്തെത്തി പരിശോധന നടത്തുന്നുണ്ട്.&nbsp;

മട്ടന്നൂരിൽ വെട്ടേറ്റനിലയിൽ കണ്ടെത്തിയ അമ്മയും മകനും മരിച്ചു

Kerala

വടകര: ആഘോഷം അതിരുകടന്നതോടെ കല്യാണവീട്ടിൽ വരന്റേയും വധുവിന്റേയും വീട്ടുകാർ തമ്മിൽ കൂട്ടത്തല്ല്. വടകരയിലാണ് സംഭവം. കല്യാണച്ചടങ്ങിനിടെ പടക്കം പൊട്ടിച്ചതിനെച്ചൊല്ലിയുണ്ടായ തർക്കമാണ് ഒടുവിൽ കയ്യാങ്കളിയിലും അക്രമത്തിലും കലാശിച്ചത്.
വരന്റെ ഭാഗത്തുനിന്നുള്ളവർ പടക്കം പൊട്ടിച്ചതാണ് തർക്കത്തിന് തുടക്കമിട്ടത്. ഇത് അതിരുകടന്ന ആഘോഷമായി മാറിയതോടെ വിവാഹച്ചടങ്ങ് അലങ്കോലപ്പെടുകയായിരുന്നു. തുടർന്നുണ്ടായ സംഘർഷത്തിൽ വധുവിന്റെ പിതാവിന് പരിക്കേറ്റു. അടിയും ബഹളവും കണ്ട് പരിഭ്രാന്തയായ വധുവിന്റെ മാതാവ് ബോധരഹിതയായി വീണു.തുടർന്ന് പൊലീസ് ഇടപെട്ട് നടത്തിയ ചർച്ചകൾക്കും ഒത്തുതീർപ്പിനുമൊടുവിൽ പ്രശന പരിഹാരമാവുകയും വിവാഹം നടത്താൻ ഇരുവീട്ടുകാരും തീരുമാനിക്കുകയുമായിരുന്നു.

ആഘോഷം അതിരുകടന്നു;വടകരയിൽ കല്യാണവീട്ടിൽ കൂട്ടയടി

വടകര : കാഫിർ സ്ക്രീൻഷോട്ട് കേസ് ഇഴഞ്ഞ് നീങ്ങുന്നു . സോഷ്യൽമീഡിയയിൽ സ്ക്രീൻ ഷോട്ട് ഷെയർ ചെയ്തവരുടെ വിവരങ്ങൾ ലഭിക്കാൻ വൈകുന്നതാണ് പ്രധാന പ്രതിസന്ധി . സ്ക്രീൻഷോട്ട് നിർമ്മിച്ചവരിലേക്ക് അന്വേഷണം എത്തുന്നില്ലെന്ന് യൂത്ത് കോൺഗ്രസ് ആരോപിക്കുന്നു.
കഴിഞ്ഞ ലോക്‌സഭ തെരഞ്ഞെടുപ്പിൽ വടകര മണ്ഡലത്തിലെ എൽഡിഎഫ് സ്ഥാനാർഥി കെ . കെ ശൈലജ ടീച്ചർ കാഫിറാണെന്ന സ്ക്രീൻ ഷോട്ട് നിർമിച്ച് പ്രചരിപ്പിച്ചു എന്നാണ് കേസ്. ഡിവൈഎഫ്ഐ നേതാക്കളായ റിബേഷ് രാമകൃഷ്ണൻ , ജിതിൻ ഭാസ്കർ അമൽ എന്നിവരാണ് ആദ്യഘട്ടത്തിൽ അറസ്റ്റിലായത് . പിന്നീട് സാമൂഹ്യമാധ്യമങ്ങളിൽ സ്ക്രീൻ ഷോട്ട് ഷെയർ ചെയ്ത അതുൽ, അതുൽ പ്രസാദ് , വഹാബ് എന്നിവരെയും അറസറ്റ് ചെയ്തു . നിലവിൽ അന്വേഷണം ഇഴഞ്ഞ് നീങ്ങുകയാണ് .മെറ്റയിൽ നിന്നും വിവരങ്ങൾ ലഭ്യമാകുന്നില്ലെന്നാണ് പൊലീസ് വിശദീകരണം . മെറ്റക്ക് അപേക്ഷ നൽകിയിട്ടുണ്ടങ്കിലും അനന്തമായി വൈകുകയാണ്.&nbsp;

വടകര കാഫിർ സ്ക്രീന്‍ഷോട്ട് കേസ്;മെറ്റയില്‍ നിന്ന് വിവരങ്ങള്‍ കിട്ടാന്‍ വൈകുന്നെന്ന് പൊലീസ്

കോഴിക്കോട്: കോളേജ് വിദ്യാർഥിനികൾക്ക് നേരെ സദാചാര ആക്രമണം.മേപ്പയ്യൂരിൽ ബുധനാഴ്ച വൈകുന്നേരമാണ് സംഭവം. കോളേജ് വിട്ട് വീട്ടിലേക്ക് പോവുകയായിരുന്ന വിദ്യാർഥിനികളെ ഒരു സംഘം യുവാക്കൾ ഇരുചക്രവാഹനത്തിൽ പിന്തുടർന്നാണ് ആക്രമിച്ചത്. വിദ്യാർഥിനികളെ തടഞ്ഞുനിർത്തിയ യുവാക്കൾ അവരെ അസഭ്യം പറഞ്ഞു. പെൺകുട്ടികൾ പകർത്തിയ ഇതിന്റെ ദൃശ്യങ്ങൾ പുറത്തുവന്നു.
റോഡിലൂടെ നടന്നു പോകുകയായിരുന്ന പെൺകുട്ടികളെ യുവാക്കൾ റോഡിന്റെ വശത്തുനിന്ന് കമന്റ് അടിക്കുകയായിരുന്നു. പിന്നീട് ഇവർ ഇരുചക്ര വാഹനത്തിൽ വിദ്യാർഥിനികളുടെ പിന്നാലെ എത്തി. എവിടെയാണ് പഠിക്കുന്നത് എന്ന് യുവാക്കൾ പെൺകുട്ടികളോട് ചോദിച്ചു. പെൺകുട്ടി മറുപടി പറയാതെ മുന്നോട്ട് നടന്നു. യുവാക്കൾ വീണ്ടും അടുത്തെത്തി മറുപടി ആവശ്യപ്പെട്ടു തട്ടിക്കയറി. 'എന്തിനാണ് കിന്നാരം ചോദിക്കുന്നത്' എന്ന് പെൺകുട്ടി തിരിച്ചു ചോദിച്ചു.
കൂടെയുണ്ടായിരുന്ന വിദ്യാർഥിനി എന്താണ് നിങ്ങളുടെ പ്രശ്‌നം ചോദിച്ചതോടെ യുവാക്കൾ വാഹനം റോഡിൽ കുറുകെ നിർത്തി താഴെയിറങ്ങി. തന്റെ സൗകര്യത്തിന് നിൽക്കുമോ എന്ന് ചോദിച്ച് യുവാക്കളിലൊരാൾ പെൺകുട്ടിയുടെ അടുത്തേക്ക് വന്നു. ഈ സമയം പെൺകുട്ടി മൊബൈൽ ഫോണിൽ ദൃശ്യങ്ങൾ പകർത്താൻ ശ്രമിച്ചു. യുവാക്കളിൽ ഒരാൾ പെൺകുട്ടിയുടെ കയ്യിൽ പിടിച്ച് ബലമായി ഫോൺ തട്ടിയെടുക്കാനും ശ്രമിച്ചു. പോലീസിൽ പരാതി നൽകിയാൽ ജീവിക്കാൻ അനുവദിക്കില്ലെന്ന് യുവാക്കൾ ഭീഷണിപ്പെടുത്തിയതായും വിദ്യാർഥിനി പറയുന്നു. യുവാക്കൾ പെൺകുട്ടികളുടെ ദൃശ്യങ്ങൾ ഫോണിൽ പകർത്തുകയും ചെയ്തു. ഈ ദൃശ്യങ്ങൾ ഇവർ സോഷ്യൽ മീഡിയയിലൂടെ അശ്ലീല പരാമർശങ്ങളോടെ പ്രചരിപ്പിച്ചതായും പെൺകുട്ടി പറഞ്ഞു. സംഭവത്തിൽ പെൺകുട്ടി പയ്യോളി പോലീസ് സ്‌റ്റേഷനിൽ പരാതി നൽകി. കോളേജിന് താഴെയുള്ള പരിസരത്ത് സ്ഥിരമായി പ്രശ്‌നങ്ങൾ ഉണ്ടാക്കുന്ന യുവാക്കളാണ് തങ്ങളെ ഉപദ്രവിച്ചതെന്ന് പെൺകുട്ടി പറഞ്ഞു. സംഭവത്തിൽ പയ്യോളി പോലീസ് കേസ് എടുത്ത് അന്വേഷണം ആരംഭിച്ചു.

മേപ്പയ്യൂരിൽ കോളേജ് വിദ്യാർഥിനികൾക്ക് നേരെ സദാചാര ആക്രമണം; അസഭ്യവർഷവും ഭീഷണിയും

Perambra

തിരുവനന്തപുരം: ചിറയിൻകീഴ് റെയിൽവേ ഗേറ്റിന് സമീപം ട്രെയിൻ തട്ടി യുവാവ് മരിച്ചു. കഴക്കൂട്ടം സ്വദേശി ജോഷ്‌മീനാണ് മരിച്ചത്. ഇന്നലെ രാത്രി എട്ട് മണിയോടെയായിരുന്നു സംഭവം.&nbsp;
ആത്മഹത്യയെന്നാണ് പ്രാഥമിക നിഗമനം. ഡിപ്രഷൻ കാരണമാണ് യുവാവ് ജീവനൊടുക്കിയതെന്നാണ് സൂചന.മരണത്തിന് മണിക്കൂറുകൾ മുമ്പ് ജോഷ്‌മീൻ സോഷ്യൽ മീഡിയയിൽ വീഡിയോ പങ്കുവച്ചിരുന്നു. വീഡിയോയുടെ ഉള്ളടക്കവും യുവാവിന്റെ മരണത്തിലേക്ക് നയിച്ച സാഹചര്യങ്ങളും സംബന്ധിച്ച് കൂടുതൽ വിവരങ്ങൾ ലഭ്യമായിട്ടില്ല.

സോഷ്യൽ മീഡിയയിൽ വീഡിയോ പങ്കുവച്ചു; പിന്നാലെ യുവാവ് ട്രെയിൻ തട്ടി മരിച്ച നിലയിൽ

നാദാപുരം: ടൗണിലെ മൊബൈൽക്കട കുത്തിത്തുറന്ന് 92 ഐഫോണുകളും 60,600 രൂപയും കവർന്ന കേസിൽ ഒരു ഐഫോൺ എറണാകുളത്തുനിന്ന് അന്വേഷണസംഘം കണ്ടെടുത്തു. ഐ ഫോൺ 17 പ്രോ മോഡലാണ് പോലീസ് കസ്റ്റഡിയിലെടുത്തത്.
കവർച്ച നടത്തിയ ഐഫോണുകളുടെ വിവരങ്ങൾ പോലീസ് ആപ്പിൾ കമ്പനിക്ക് കൈമാറിയിരുന്നു. അതിലൊരു ഫോൺ ആക്ടീവായതിനെത്തുടർന്ന് പോലീസ് ലൊക്കേഷൻ കണ്ടെത്തി. തുടർന്നുനടത്തിയ പരിശോധനയിലാണ് കൊച്ചിയിൽ ഫോണുണ്ടെന്ന വിവരം പോലീസിന് ലഭിച്ചത്. തുടർന്ന് പോലീസ് സംഘം സ്ഥലത്തെത്തി ഫോൺ കസ്റ്റഡിയിലെടുത്തു. ചെന്നൈയിൽനിന്ന്‌ 1,35,000 രൂപ നൽകിയാണ് ഫോൺ വാങ്ങിച്ചതെന്നാണ് പോലീസിന് ലഭിച്ച വിവരം. രണ്ട് ഐ ഫോണുകൾകൂടി ആക്ടീവായിട്ടുണ്ടെന്ന് വിവരം പോലീസിന് ലഭിച്ചിട്ടുണ്ട്. അവയിലൊന്ന് ഡൽഹിയിലും മറ്റൊന്ന് ഉത്തർപ്രദേശിലുമാണെന്ന് പോലീസ് പറഞ്ഞു. ഇവ കണ്ടെത്താനുള്ള നടപടികൾ ആരംഭിച്ചിട്ടുണ്ട്.

നാദാപുരത്ത് ഐഫോണുകളും പണവും കവർന്ന കേസ്: ഒരു ഐഫോൺ എറണാകുളത്തുനിന്ന് കണ്ടെടുത്തു