വാണിമേൽ: പനി ബാധിച്ച് ചികിത്സയിലായിരുന്ന ബാലിക മരിച്ചു. വാണിമേൽ വില്ലേജ് ഓഫിസിന് സമീപം മബ്രോൽ വിജയന്റെയും ശ്രീജയുടെയും മകൾ നിവേദ്യ (5) ആണ് മരിച്ചത്. മറ്റു അസുഖങ്ങളൊന്നുമില്ലാത്ത കുഞ്ഞിന് പെട്ടെന്നാണ് പനി ബാധിച്ചത്. ഒരു മാസത്തിൽ ഏറെയായി കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. സഹോദരൻ: നിവേദ്.

വാണിമേലിൽ പനി ബാധിച്ച് ചികിത്സയിലായിരുന്ന ബാലിക മരിച്ചു

Nadapuram

കണ്ണൂർ: തെങ്ങ് ദേഹത്ത് വീണ് പത്തുവയസുകാരന് ദാരുണാന്ത്യം. പഴയങ്ങാടി വെങ്ങര കക്കാടപ്പുറത്ത് കെ പി മൻസൂർ - സമീറ ദമ്പതികളുടെ മകൻ ഇ എൻ പി മുഹമ്മദ് നിസാൽ ആണ് മരിച്ചത്. വീടിന് സമീപത്തെ പറമ്പിൽ തെങ്ങ് ജെസിബി ഉപയോഗിച്ച് നീക്കം ചെയ്യുന്നത് കാണാൻ എത്തിയതായിരുന്നു നിസാൽ.തെങ്ങ് വീഴുന്ന ദിശ മാറുകയും നിസാൽ നിൽക്കുന്ന ഭാഗത്തേക്ക് വീഴുകയായിരുന്നു.&nbsp;
പരിക്കേറ്റ നിസാലിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മുട്ടം മാപ്പിള യു പി സ്കൂളിലെ നാലാം ക്ലാസ് വിദ്യാർത്ഥിയായിരുന്നു. സഹോദരങ്ങൾ: നിഹാൽ നിയാസ് (വിദ്യാർത്ഥികൾ).

ജെസിബി കാണാൻ പോയി; തെങ്ങ് ദേഹത്ത് വീണ് പത്തുവയസുകാരന്  ദാരുണാന്ത്യം

Kannur

അബുജ: നൈജീരിയയില്‍ നദിയില്‍ ബോട്ട് മറിഞ്ഞ് 27 പേര്‍ക്ക് ദാരുണാന്ത്യം. നിരവധിപേരെ കാണാതായി. കോഗി സംസ്ഥാനത്തെ ഡാംബോയ്ക്ക് സമീപം നൈജര്‍ നദിയില്‍ വെള്ളിയാഴ്ചയാണ് സംഭവം. രാജ്യത്തെ തിരക്കേറിയ നദീജലപാതയാണിത്.
ഇരുപതുകൊല്ലത്തോളം പഴക്കമുള്ള ബോട്ടാണ് മറിഞ്ഞത്. മരിച്ചവരിലേറെയും വനിതകളാണെന്നാണ് വിവരം. ബോട്ടില്‍ എത്രപേരുണ്ടായിരുന്നു എന്നകാര്യം വ്യക്തമല്ല. യാത്രക്കാരുടെ വിവരങ്ങള്‍ സൂക്ഷിക്കുന്ന പതിവില്ലെന്ന് സ്റ്റേറ്റ് എമര്‍ജന്‍സി മാനേജ്‌മെന്റ് ഏജന്‍സി പ്രതിനിധി സാന്‍ഡ്ര മുസ പറഞ്ഞു. അന്‍പതോളം യാത്രക്കാരുണ്ടായിരുന്നു എന്നാണ് സൂചന.ബോട്ട് മറിയാനുള്ള കാരണം വ്യക്തമായിട്ടില്ല.കഴിഞ്ഞമാസവും നൈജര്‍ നദിയില്‍ ബോട്ട് മറിഞ്ഞിരുന്നു. അന്ന് നൂറുപേര്‍ക്ക് ജീവന്‍ നഷ്ടമായിരുന്നു.&nbsp;

നൈജീരിയയില്‍ നദിയില്‍ ബോട്ട് മറിഞ്ഞ് 27 പേർ മരിച്ചു; നിരവധിപേരെ കാണാതായി

ചെന്നൈ: ബംഗാള്‍ ഉള്‍ക്കടലില്‍ രൂപംകൊണ്ട ന്യൂനമര്‍ദം ഫെഞ്ചല്‍ ചുഴലിക്കാറ്റായി മാറി കരതൊട്ടതോടെ തമിഴ്നാട്ടിലെ വിവിധ ജില്ലകളില്‍ അതിശക്തമായ മഴ. ശനിയാഴ്ച വൈകുന്നേരത്തോടെ പുതുച്ചേരിക്കടുത്ത് കരതൊട്ട ഫെഞ്ചലിന് മണിക്കൂറില്‍ 90 കി.മി വേഗതയുണ്ടാവുമെന്നാണ് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കുന്നത്. സംസ്ഥാനത്ത് അതീവ ജാഗ്രതാ നിർദേശം നൽകിയിട്ടുണ്ട്.
കാറ്റിന്റെ വേഗത വരുന്ന മൂന്ന് മണിക്കൂറിനുള്ളില്‍ വര്‍ധിക്കുമെന്നും ബന്ധപ്പെട്ടവര്‍ അറിയിച്ചു. ഇതോടെ ചെന്നൈ വിമാനത്താവളം ഞായറാഴ്ച രാവിലെ നാല് മണിവരെ അടച്ചിടാന്‍ അധികൃതര്‍ തീരുമാനിച്ചു. നിരവധി ട്രെയിന്‍ സര്‍വീസുകളെയും ചുഴലിക്കാറ്റ് ബാധിച്ചിട്ടുണ്ട്.ചുഴലിക്കാറ്റിന്റെ മുന്നോടിയായി ചെന്നൈ, തിരുവള്ളൂര്‍, കാഞ്ചീപുരം, കള്ളക്കുറിച്ചി, കൂടലൂര്‍ ജില്ലകളില്‍ ശക്തമായ മഴയാണ്. ചെന്നൈയില്‍ പല റോഡുകളും വെള്ളത്തില്‍ മുങ്ങി. ഇതില്‍ത്തന്നെ റാണിപേട്ട്, തിരുവണ്ണാമലൈ, വെല്ലൂര്‍, പെരമ്പലൂര്‍, അരിയല്ലൂര്‍, തഞ്ചാവൂര്‍, തിരുവാരൂര്‍, മയിലാടുതുറെ, നാഗപട്ടണം എന്നിവിടങ്ങളില്‍ ഒറ്റപ്പെട്ട അതിശക്തമായ മഴ മുന്നറിയിപ്പുമുണ്ട്. മണ്ണിടിച്ചലിനടക്കമുള്ള സാധ്യതയും കാലാവസ്ഥാ നിരീക്ഷണ കേന്ദ്രം വ്യക്തമാക്കുന്നുണ്ട്.

ഫെഞ്ചല്‍ ചുഴലിക്കാറ്റ് കരതൊട്ടു ;തമിഴ്‌നാട്ടിൽ ശക്തമായ മഴ, അതീവ ജാഗ്രതാനിർദ്ദേശം

National

കോഴിക്കോട് : ജനുവരി 15-നുള്ളിൽ എല്ലാ കോഴിക്കടകളിലും ഫ്രീസർ സൗകര്യം നിർബന്ധമാക്കാൻ ഡിസ്ട്രിക്ട് ലെവൽ ഫെസിലിറ്റേഷൻ ആൻഡ് മോണിറ്ററിങ്‌ കമ്മിറ്റി യോഗം തീരുമാനിച്ചു. ജില്ലയിൽ കോഴിമാലിന്യം സംസ്കരിക്കാൻ കൂടുതൽ ഏജൻസികളെ ഏർപ്പെടുത്തുകയും ചെയ്യും.കളക്ടർ സ്നേഹിൽകുമാർ സിങ് അധ്യക്ഷത വഹിച്ച യോഗത്തിൽ മലിനീകരണ നിയന്ത്രണ ബോർഡ് പരിസ്ഥിതി എൻജിനിയർ സൗമ ഹമീദ്, തദ്ദേശവകുപ്പ് ജോയിന്റ് ഡയറക്ടർ ലിഷ മോഹൻ, ജില്ലാ ശുചിത്വമിഷൻ കോഡിനേറ്റർ എം. ഗൗതമൻ, ഹരിതകേരളം മിഷൻ ജില്ലാ കോഡിനേറ്റർ പി.ടി. പ്രസാദ്, എൻ.ഐ.ടി.യിലെ സാങ്കേതികവിദഗ്ധൻ പ്രവീൺ എന്നിവർ പങ്കെടുത്തു.

കോഴിക്കടകളിൽ ഫ്രീസർ നിർബന്ധമാക്കും

Kozhikode

തിരുവനന്തപുരം: സംസ്ഥാനത്ത് വിവിധ ജില്ലകളില്‍ വരും ദിവസങ്ങളില്‍ കനത്ത മഴയ്ക്ക് സാധ്യതയെന്ന് കേന്ദ്ര കാലാവസ്ഥാവകുപ്പ് മുന്നറിയിപ്പ് നല്‍കി. ഇതിന്റെ അടിസ്ഥാനത്തില്‍ അടുത്ത അഞ്ച് ദിവസത്തേക്ക് വിവിധ ജില്ലകളില്‍ ഓറഞ്ച്, യെല്ലോ അലേര്‍ട്ടുകള്‍ പ്രഖ്യാപിച്ചിട്ടുണ്ട്. ആലപ്പുഴ, കോട്ടയം, എറണാകുളം, തൃശൂര്‍, പാലക്കാട്, മലപ്പുറം തുടങ്ങിയ ജില്ലകളില്‍ ഇന്ന്(ശനിയാഴ്ച) യെല്ലോ അലേര്‍ട്ട് നല്‍കിയതായി അധികൃതര്‍ അറിയിച്ചു.
ഒറ്റപ്പെട്ട സ്ഥലങ്ങളില്‍ അതിശക്തമായ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിച്ചിരിക്കുന്നത്. അടുത്ത 24 മണിക്കൂറില്‍ 115.6 മില്ലിമീറ്റര്‍ മുതല്‍ 204.4 മില്ലിമീറ്റര്‍ വരെ മഴ ലഭിക്കുമെന്നാണ് മുന്നറിയിപ്പ്. ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം, കണ്ണൂര്‍, കാസര്‍കോട് തുടങ്ങിയ ജില്ലകളില്‍ ഞായറാഴ്ച ഓറഞ്ച് അലേര്‍ട്ട് പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, കോട്ടയം, കണ്ണൂര്‍, കാസറഗോഡ് ജില്ലകളില്‍ യെല്ലോ അലേര്‍ട്ടുമുണ്ട്.
ഡിസംബര്‍ രണ്ടാം തിയ്യതി പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ ഓറഞ്ച് അലേര്‍ട്ടും തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍ എന്നീ ജില്ലകളില്‍ യെല്ലോ അലേര്‍ട്ടുമാണ് നല്‍കിയിട്ടുള്ളത്. മുന്നാം തിയ്യതി കോഴിക്കോട്, കണ്ണൂര്‍, കാസര്‍കോട് ജില്ലകളില്‍ യെല്ലോ അലേര്‍ട്ടും ആയിരിക്കുമെന്നാണ് കാലാവസ്ഥ കേന്ദ്രം അറിയിച്ചിരിക്കുന്നത്.
യെല്ലോ അലേര്‍ട്ട് പ്രഖ്യാപിച്ചിട്ടുള്ള ജില്ലകളില്‍ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് പ്രവചിച്ചിരിക്കുന്നത്. 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലീമീറ്റര്‍ വരെ മഴയുണ്ടാകുമെന്നാണ് കണക്കാക്കുന്നത്. ഇടിമിന്നലോടുകൂടിയ മഴയുണ്ടാകുമെന്നും ജാഗ്രത പാലിക്കണമെന്നും കാലാവസ്ഥ വകുപ്പ് അറിയിക്കുന്നു.

സംസ്ഥാനത്ത് അടുത്ത അഞ്ചുദിവസം കനത്ത മഴയ്ക്ക് സാധ്യത,വിവിധ ജില്ലകളിൽ ഓറഞ്ച് അലേര്‍ട്ട്

Kerala

മലപ്പുറം: പ്രായപൂര്‍ത്തിയാകാത്ത പെണ്‍കുട്ടിയെ ലൈംഗിക പീഡനത്തിനിരയാക്കിയ സംഭവത്തില്‍ അറസ്റ്റിലായ നടനും അധ്യാപകനുമായ നാസര്‍ കറുത്തേനിയെ വിദ്യാഭ്യാസ വകുപ്പ് സസ്‌പെന്‍ഡ് ചെയ്തു. മലപ്പുറം വണ്ടൂര്‍ ഗവണ്‍മെന്റ് ഗേള്‍സ് വിഎച്ച്എസ്എസിലെ അറബി അധ്യാപകനാണ് നാസര്‍ കറുത്തേനി. മലപ്പുറം വിദ്യാഭ്യാസ ഉപ ഡയറക്ടറാണ് സസ്‌പെന്‍ഷന്‍ ഉത്തരവിറക്കിയത്.
ലൈംഗികമായി പീഡിപ്പിച്ചെന്ന പെണ്‍കുട്ടിയുടെ കുടുംബത്തിന്റെ പരാതിയില്‍ ഈമാസം 21നാണ് നാസര്‍ കറുത്തേനിയെ അറസ്റ്റ് ചെയ്തത്. വണ്ടൂര്‍ പൊലീസ് ഇയാള്‍ക്കെതിരെ പോക്‌സോ കേസെടുക്കുകയായിരുന്നു. നിലവില്‍ ഇയാള്‍ മഞ്ചേരി സബ് ജയിലില്‍ ജുഡീഷ്യല്‍ കസ്റ്റഡിയിലാണ്. സുഡാനി ഫ്രം നൈജീരിയ, ഹലാല്‍ ലൗ സ്റ്റോറി, കെ എല്‍ 10 പത്ത്, ആടുജീവിതം തുടങ്ങി നിരവധി സിനിമകളിലും സീരിയലുകളിലും നാസര്‍ അഭിനയിച്ചിട്ടുണ്ട്.


&nbsp;

പോക്‌സോ കേസ്; നടനും അധ്യാപകനുമായ നാസര്‍ കറുത്തേനിയെ സസ്പെൻഡ് ചെയ്തു

കൊയിലാണ്ടി: അഞ്ചു വയസ്സുകാരിയെ പീഡിപ്പിച്ച പ്രതിക്ക് ഇരുപതുവർഷം കഠിന തടവും അൻപതിനായിരം രൂപ പിഴയും ശിക്ഷവിധിച്ചു. മുക്കം നെല്ലിക്കാപറമ്പ്, കരിമ്പനക്കണ്ടി കോളനിയിൽ വലിയ പറമ്പ് വീട്ടിൽ അബ്ദു റഹിമാനെയാണ്‌ (61) കൊയിലാണ്ടി ഫാസ്റ്റ് ട്രാക്ക് സ്പെഷ്യൽ കോടതി ജഡ്ജി കെ. നൗഷാദലി പോക്സോ നിയമപ്രകാരം ശിക്ഷിച്ചത്.&nbsp;
2023-ലാണ് കേസിനാസ്പദമായ സംഭവം. പ്രതിയുടെ വീട്ടിൽ ചീർപ്പു വാങ്ങാൻപോയ കുട്ടിയെ വീടിനകത്തേക്കു കൂട്ടിക്കൊണ്ടുപോയി ലൈംഗികമായി പീഡിപ്പിക്കുകയായിരുന്നു. പിന്നീട് കുട്ടി വിവരം അമ്മയോട് പറയുകയും മുക്കം സ്റ്റേഷനിൽ പരാതി നൽകുകയുമായിരുന്നു. മുക്കം പോലീസ് രജിസ്റ്റർ ചെയ്ത കേസ്‌ ഇൻസ്പെക്ടർമാരായ കെ. പ്രജീഷ്, കെ. സുമിത്ത്‌കുമാർ എന്നിവരാണ് അന്വേഷിച്ചത്. പ്രോസിക്യൂഷനുവേണ്ടി അഡ്വ. പി. ജെതിൻ ഹാജരായി.

പോക്സോ കേസിൽ ഇരുപതുവർഷം കഠിനതടവും പിഴയും

Koyilandy

കൊച്ചി: സംസ്ഥാന സര്‍ക്കാരിന് കീഴിലെ പൊതുമേഖലാ സ്ഥാപനമായ ട്രാക്കോ കേബിള്‍ കമ്പനിയിലെ ജീവനക്കാരനെ തൂങ്ങി മരിച്ച നിലയില്‍ കണ്ടെത്തി. കാക്കനാട് കൈരളി നഗര്‍ സ്വദേശിയായ പി ഉണ്ണിയാണ് മരിച്ചത്. 54 വയസായിരുന്നു.
ശമ്പളം മുടങ്ങിയത് മൂലം ഉണ്ണി ജീവനൊടുക്കിയതാണെന്ന് ബന്ധുക്കള്‍ പറഞ്ഞു. പതിനൊന്ന് മാസമായി ശമ്പളം മുടങ്ങിയിരുന്നു. ഇതില്‍ ഉണ്ണി ഏറെ വിഷമിച്ചിരുന്നതായും ബന്ധുക്കള്‍ പറഞ്ഞു. മൃതദേഹം തൃക്കാക്കര സഹകരണ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. നിയമപരമായ നടപടിക്രമങ്ങള്‍ക്ക് ശേഷം മൃതദേഹം ബന്ധുക്കള്‍ക്ക് വിട്ടുകൊടുക്കും.

ട്രാക്കോ കേബിള്‍ കമ്പനിയിലെ ജീവനക്കാരനെ തൂങ്ങി മരിച്ച നിലയില്‍ കണ്ടെത്തി ;11 മാസമായി ശമ്പളമില്ലെന്ന് ബന്ധുക്കള്‍

ചോറോട്: ചേന്ദമംഗലം പൊന്നേരിതാഴക്കുനി പവിത്രൻ ( 52) (ഓട്ടോ ഡ്രൈവർ) അന്തരിച്ചു. അച്ഛൻ: പരേതനായ ശങ്കരൻ. അമ്മ: കമല. ഭാര്യ: ബിന്ദു. മകൾ: അൻവിത. സഹോദരങ്ങൾ: സുധ, സുധി, സജീന്ദ്രൻ, ബിന്ദു.

ചേന്ദമംഗലം പൊന്നേരിതാഴക്കുനി പവിത്രൻ അന്തരിച്ചു

Obituary

കൊല്ലം: വിഭാഗീയതയെ തുടര്‍ന്ന് കരുനാഗപ്പള്ളി സി.പി.എം ഏരിയ കമ്മറ്റി പിരിച്ചുവിട്ടു.സംസ്ഥാന സെക്രട്ടറി എംവി ഗോവിന്ദന്റെ സാന്നിധ്യത്തില്‍ ചേര്‍ന്ന ജില്ലാ സെക്രട്ടേറിയേറ്റ് യോഗത്തിലാണ് തീരുമാനം. കരുനാഗപ്പള്ളി സമ്മേളനത്തില്‍ ഉണ്ടായത് തെറ്റായ പ്രവണതയെന്നും നിലവിലെ കമ്മറ്റിക്ക് പാര്‍ട്ടിയെ നയിക്കാനാവില്ലെന്നും എം.വി ഗോവിന്ദന്‍ പറഞ്ഞു.
പാര്‍ട്ടിയെ പ്രയാസപ്പെടുത്തിയ ഈ നിലപാട് പാര്‍ട്ടിക്ക് അംഗീകരിക്കാനാവില്ല. തെറ്റായ ഒരു പ്രവണതയും പാര്‍ട്ടി വെച്ചുപൊറുപ്പിക്കില്ല.ഈ പ്രശ്‌നങ്ങള്‍ ഗൗരവത്തോടെ ചര്‍ച്ച ചെയ്ത് നിലവിലുള്ള കരുനാഗപ്പള്ളി ഏരിയാ കമ്മറ്റി പൂര്‍ണമായും പുനസംഘടിപ്പിക്കാന്‍ തീരുമാനിച്ചുവെന്നും ഒരു അഡ്‌ഹോക്ക് കമ്മറ്റി നിലവില്‍ വരുമെന്നും എംവി ഗോവിന്ദന്‍ അറിയിച്ചു.പ്രതിഷേധിച്ചവര്‍ക്കെതിരായ നടപടികളില്‍ പരിശോധിച്ചതിന് ശേഷം തീരുമാനമെടുക്കുമെന്നും അദ്ദേഹം പറഞ്ഞു.

വിഭാഗീയത; സി.പി.എം കരുനാഗപ്പള്ളി ഏരിയ കമ്മറ്റി പിരിച്ചുവിട്ടു

റിയാലിറ്റി ഷോയിലൂടെ ശ്രദ്ധേയയായ ഗായിക അഞ്ജു ജോസഫ് വിവാഹിതയായി. ആദിത്യ പരമേശ്വരൻ ആണ് വരൻ. അഞ്ജു തന്നെയാണ് ഇക്കാര്യം സാമൂഹിക മാധ്യമത്തിലൂടെ അറിയിച്ചത്.
നവംബർ 28 നാണ് വിവാഹം നടന്നത് എന്നാണ് റിപ്പോർട്ട്. ശനിയാഴ്ച നടക്കുന്ന വിവാഹ റിസപ്ക്ഷൻ വീഡിയോകൾ സമൂഹമാധ്യമങ്ങളിൽ പ്രചരിക്കുന്നുണ്ട്. ആലപ്പുഴ രജിസ്ട്രാര്‍ ഓഫീസില്‍ വെച്ച് നടന്ന വിവാഹത്തിന്റെ ചിത്രങ്ങള്‍ അഞ്ജു പങ്കുവെച്ചിട്ടുണ്ട്. ഭാവിയെക്കുറിച്ചുള്ള എന്റെ പ്രതീക്ഷകളും സ്വപ്നങ്ങളും എന്നാണ് ചിത്രം പങ്കുവെച്ചുകൊണ്ട് അഞ്ജു ഇൻസ്റ്റ​ഗ്രാമിൽ കുറിച്ചത്. അടുത്തിടെയായി ചില സിനിമകളിലും അഞ്ജു അഭിനയിച്ചിരുന്നു. ഇത് അഞ്ജുവിന്റെ രണ്ടാം വിവാഹമാണ്..&nbsp;

ഗായിക അഞ്ജു ജോസഫ് വിവാഹിതയായി

വടകര: ദേശീയ പാതയുടെ വികസനവുമായി ബന്ധപെട്ട് ആളുകൾക്ക് വഴി നടക്കാൻ പോലും പറ്റാത്ത അവസ്ഥയാണ് ഉള്ളതെന്നും പണി അടിയന്തിരമായി പൂർത്തീകരിച്ച് റോഡുകൾ ഗതാഗത യോഗ്യമാക്കണമെന്നും രാഷ്ട്രീയ മഹിളാ ജനതാദൾ വടകര മണ്ഡലം കമ്മിറ്റി ആവശ്യപ്പെട്ടു. ഡിസംബർ 13 ന് കോഴിക്കോട് നടക്കുന്ന അരങ്ങിൽ ശ്രീധരൻ അനുസ്മരണ സമ്മേളനം വൻ വിജയമാക്കി തീർക്കുവാൻ യോഗം തീരുമാനിച്ചു. ആർ ജെ ഡി വടകര മണ്ഡലം പ്രസിഡണ്ട് സി.വിനോദൻ ഉദ്ഘാടനം ചെയ്തു. വിമല കളത്തിൽ അദ്ധ്യക്ഷം വഹിച്ചു. പ്രസാദ് വിലങ്ങിൽ, ബേബി ബാലമ്പ്രത്ത്, എം സതി, പി. പി നിഷ, വനജ രാജേന്ദ്രൻ, ഉഷ ചാത്തംകണ്ടി, നിഷ പറമ്പത്ത്, രജനി കെ പി, ഗീത.പി ടി, തങ്കമണി, അനിത തുടങ്ങിയവർ സംസാരിച്ചു.

ദേശീയ പാത വികസനം അടിയന്തിരമായി പൂർത്തീകരിക്കുക; രാഷ്ട്രീയ മഹിളാ ജനതാദൾ

Vadakara

വടകര: ഒഞ്ചിയം ഗവൺമെൻറ് യു.പി സ്കൂളിൽ സർവ്വ ശിക്ഷ കേരള ഫണ്ട്‌ ഉപയോഗിച്ച് നിർമ്മിച്ച ചുറ്റുമതിലിന്റെയും പ്രവേശന കവാടത്തിന്റെയും ഉദ്ഘാടനം ഗ്രാമ പഞ്ചായത്ത്‌ പ്രസിഡണ്ട്‌ പി. ശ്രീജിത്ത്‌ നിർവഹിച്ചു. എസ്.എസ്.കെ വടകര ബ്ലോക്ക്‌ പ്രൊജക്റ്റ്‌ കോർഡിനേറ്റർ വി.വി വിനോദ് അധ്യക്ഷത വഹിച്ചു. പ്രമോദ്. എം. എൻ, എസ്.എം.സി മെമ്പർമാരായ ഹരിദാസൻ കെ. കെ, ഭാസ്കരൻ, ഹമീദ്. വി. പി, പി. ടി.എ പ്രസിഡന്റ്‌ ശ്രീകാന്ത്, അനൂപ്‌. പി. ടി, പ്രദീപ് മേമുണ്ട, ബിജു മൂഴിക്കൽ, റീന. എൻ, ഷെമീർ, ശരത്ത് ലാൽ എന്നിവർ പ്രസംഗിച്ചു.

ചുറ്റുമതിലും പ്രവേശന കവാടവും ഉദ്ഘാടനം ചെയ്തു

നരിപ്പറ്റ : ആർ എൻ എം ഹയർ സെക്കന്ററി സ്കൂൾ പി ടി എ പ്രസിഡന്റ് തിരഞ്ഞെടുപ്പുമായി ബന്ധപ്പെട്ട അനിശ്ചിതത്വം പരിഹരിക്കണമെന്ന് നരിപ്പറ്റ മണ്ഡലം കോൺഗ്രസ്സ് കമ്മറ്റി ആവശ്യപ്പെട്ടു. പഞ്ചായത്തിലെ ഏക ഹയർ സെക്കന്ററി സ്കൂളിലെ പി ടി എ പ്രസിഡന്റ് തിരഞ്ഞെടുപ്പ് കഴിഞ്ഞിട്ട് മാസങ്ങളായെങ്കിലും തിരഞ്ഞെടുപ്പ് സമയത്തുണ്ടായ വിഷയങ്ങൾ കാരണം പ്രസിഡന്റിനെ തീരുമാനിക്കാത്തത് പ്രതിഷേധർഹമാണെന്ന് യോഗം വിലയിരുത്തി. പി ടി എ പ്രസിഡന്റ് തിരഞ്ഞെടുപ്പിൽ അധ്യാപകർ വോട്ട് ചെയ്യാൻ പാടില്ല എന്ന് ഒരു വിഭാഗം ആവശ്യപ്പെതോടെയാണ് തിരഞ്ഞെടുപ്പ് അലങ്കോലപ്പെട്ടത്. 19 എക്‌സിക്യുട്ടിവ് മെമ്പർമാരിൽ 6 പേര് മാത്രമാണ് വോട്ട് ചെയ്യാതെ ഇറങ്ങി പോയത്.&nbsp;
ബാക്കി 13 പേര് തിരഞ്ഞെടുപ്പുമായി സഹകരിച്ചിട്ടുണ്ട്. എന്നിട്ടും ഈ അനിശ്ചിത്വം അനാവശ്യമാണ് എന്ന് പി ടി എ പ്രസിഡന്റ് സ്ഥാനാർഥി അഷ്‌റഫ്‌ വരിപൊയിൽ പറഞ്ഞു. സ്കൂളിന്റെ നല്ല നടത്തിപ്പിന് എത്രയും പെട്ടന്ന് പി ടി എ പ്രസിഡന്റിനെ നിയമിക്കാനുള്ള നടപടികൾ സ്കൂൾ അധികൃതർ തുടങ്ങാത്ത പക്ഷം വരും ദിവസങ്ങളിൽ പ്രതിഷേധപരിപാടികൾക്ക് നേതൃത്വം കൊടുക്കുമെന്ന് കോൺഗ്രസ്‌ അറിയിച്ചു. യോഗം ബ്ലോക്ക് കോൺഗ്രസ്സ് പ്രസിഡന്റ് ജമാൽ കോരങ്കോട് ഉദ്ഘാടനം ചെയ്തു. സി കെ നാണു അധ്യക്ഷനായി. പി അരവിന്ദാക്ഷൻ, ടി. പി വിശ്വനാഥൻ, കുഞ്ഞിക്കണ്ണൻ, എം ഭാസ്കരൻ കൊയ്യാൽ, ഹമീദ് ചങ്ങരോത്ത്, അച്യുതൻ, ഹരിപ്രസാദ് നരിപ്പറ്റ, സജിത സുധാകരൻ, ലേഖ, ലിബിയ, സഫനാദ് എന്നിവർ സംസാരിച്ചു.

പി ടി എ കമ്മറ്റി രൂപീകരണത്തിലെ അനിശ്ചിതത്വം നീക്കുക; കോൺഗ്രസ്

കോഴിക്കോട്: ഹോട്ടൽ നിരക്കുമായി ബന്ധപ്പെട്ട് സോഷ്യൽ മീഡിയയിൽ പ്രചരിക്കുന്ന വിലവിവരപ്പട്ടികയുമായി ബന്ധമില്ലെന്ന് കേരള ഹോട്ടൽ ആൻഡ് റെസ്‌റ്റോറന്റ് അസോസിയേഷൻ. കഴിഞ്ഞ ദിവസം മുതലാണ് സോഷ്യൽ മീഡിയയിലും വിവിധ വാട്സാപ്പ് ഗ്രൂപ്പുകളിലും പുതുക്കിയ വിലവിവരപ്പട്ടികയെന്ന നിലയിൽ ഈ നോട്ടീസ് പ്രചരിച്ചത്. ഈ വിലവിവരം കണ്ട് പലരും സോഷ്യൽ മീഡിയയിൽ പ്രതിഷേധം രേഖപ്പെടുത്തിയിരുന്നു. പിന്നാലെയാണ് അസോസിയേഷൻ ഭാരവാഹികൾ വിശദീകരണവുമായി രംഗത്തെത്തിയത്.
കേരള ഹോട്ടൽ ആൻഡ് റെസ്‌റ്റോറന്റ് അസോസിയേഷന്റെ പേര് വച്ചിറക്കിയ നോട്ടീസ് നാഥനില്ലാത്ത ഒന്നാണെന്നും ഇത്തരത്തിൽ വില ഏകീകരിക്കുന്ന പതിവ് അസോസിയേഷനില്ലെന്ന് ഭാരവാഹികൾ പറയുന്നു

ചായയ്ക്ക് 14 രൂപ, പൊറോട്ടയ്ക്കും അപ്പത്തിനും 15; പ്രചരിക്കുന്ന വിലവിവരപ്പട്ടികയുമായി ബന്ധമില്ലെന്ന് ഹോട്ടൽ ആൻഡ് റെസ്‌റ്റോറന്റ് അസോസിയേഷൻ

കായംകുളം: ആലപ്പുഴയില്‍ സിപിഎം നേതാവ് ബി.ജെ.പിയില്‍ ചേര്‍ന്നു. സിപിഎമ്മിന്റെ ഏരിയാ കമ്മിറ്റി അംഗവും ആലപ്പുഴ ജില്ലാ പഞ്ചായത്തംഗവുമായ ബിപിന്‍ സി ബാബു ആണ് ബി.ജെ.പിയില്‍ ചേര്‍ന്നത്. ആലപ്പുഴയിലെ സിപിഎം വിഭാഗീയതയ്ക്കിടെയാണ് പാര്‍ട്ടി വിടുന്നത്. 2021-23 കാലയളവില്‍ ജില്ലാ പഞ്ചായത്ത് വൈസ് പ്രസിഡന്റായിരുന്നു ബിപിൻ. എസ്.എഫ്.ഐ ആലപ്പുഴ ജില്ലാ സെക്രട്ടറി, ഡി.വൈ.എഫ്.ഐ ജില്ലാ പ്രസിഡന്റ് തുടങ്ങിയ പദവികളും വഹിച്ചിരുന്നു.
നേരത്തേ കരീലക്കുളങ്ങരയിൽ സത്യൻ എന്ന ഓട്ടോറിക്ഷക്കാരനെ 2001-ൽ സി.പി.എം. ആസൂത്രണംചെയ്തു കൊലപ്പെടുത്തിയതാണെന്ന് ബിപിൻ സി. ബാബു ആരോപണമുന്നയിച്ചിരുന്നു. കേസിൽ നിരപരാധിയായ തന്നെ പ്രതിയാക്കിയെന്നും ബിപിൻ പറഞ്ഞിരുന്നു. അതിനിടെ പാര്‍ട്ടി അംഗം കൂടിയായ ഭാര്യയുടെ ഗാര്‍ഹികപീഡന പരാതിയില്‍ ബിപിന്‍ സി. ബാബുവിനെ ആറുമാസത്തേക്ക് പാര്‍ട്ടി സസ്‌പെന്‍ഡ് ചെയ്തിരുന്നു. ഒക്ടോബറില്‍ നടപടിയുടെ കാലാവധി അവസാനിച്ചെങ്കിലും ഇദ്ദേഹത്തെ തിരിച്ചെടുത്തില്ല. പിന്നീട് തിരഞ്ഞെടുപ്പിനോട് അനുബന്ധിച്ച് പാര്‍ട്ടിയില്‍ തിരിച്ചെടുത്തെങ്കിലും നേരത്തെ കായംകുളം ഏരിയ സെന്ററില്‍ പ്രവര്‍ത്തിച്ചിരുന്ന ബിപിന്‍ ബാബുവിനോട് ബ്രാഞ്ചില്‍ പ്രവര്‍ത്തിക്കാനായിരുന്നു നിര്‍ദേശിച്ചത്.&nbsp;

ആലപ്പുഴയില്‍ സിപിഎം നേതാവ് ബി.ജെ.പിയില്‍ ചേര്‍ന്നു

അമ്പലപ്പുഴ: മുതിര്‍ന്ന സിപിഎം നേതാവ് ജി.സുധാകരനെ ഒഴിവാക്കി സിപിഎം ഏരിയാ സമ്മേളനം. അമ്പലപ്പുഴ ഏരിയാ സമ്മേളനത്തില്‍ നിന്നാണ് സുധാകരനെ ഒഴിവാക്കിയത്.
ഉദ്ഘാടന ചടങ്ങിലേക്കും പൊതുസമ്മേളനത്തിലേക്കും അദ്ദേഹത്തെ ക്ഷണിച്ചില്ല. ജി.സുധാകരന്റെ വീടിന് തൊട്ടടുത്താണ് സി.പി.എം ഏരിയാ സമ്മേളനം നടക്കുന്നത്.നേരത്തേ സി.പി.എമ്മിന്റെ ആലപ്പുഴയിലെ യുവനേതാവായിരുന്ന ടി.ജെ. ആഞ്ചലോസിനെ പാര്‍ട്ടിയില്‍നിന്നു പുറത്താക്കിയത് കള്ള റിപ്പോര്‍ട്ട് ഉണ്ടാക്കിയാണെന്ന ജി. സുധാകരന്റെ പ്രസ്താവന വലിയ ചര്‍ച്ചയായിരുന്നു. സി.പി.ഐയുടെ വേദിയില്‍ വെച്ച് ആഞ്ചലോസിന്റെയും സി.പി.ഐ. നേതാവ് മുല്ലക്കര രത്നാകരന്റെയും സാന്നിധ്യത്തിലായിരുന്നു സുധാകരന്റെ തുറന്നുപറച്ചില്‍.

സിപിഎം അമ്പലപ്പുഴ ഏരിയാ സമ്മേളനത്തിന്  ജി.സുധാകരന് ക്ഷണമില്ല;പൊതുസമ്മേളനത്തിലും ഒഴിവാക്കി

പാലക്കാട്; സ്കൂൾ ബസ്സിടിച്ച് വിദ്യാർഥിനിക്ക് ദാരുണാന്ത്യം. എരിമയൂർ സെൻ്റ് തോമസ് മിഷൻ എൽ.പി സ്കൂളിലെ ഒന്നാംക്ലാസ് വിദ്യാർഥിനി ത്രിതിയ (6) ആണ് മരിച്ചത്. കൃഷ്ണദാസ്-രജിത ദമ്പതികളുടെ മകളാണ്.&nbsp;
വെള്ളിയാഴ്ച വൈകിട്ട് നാലോടെയാണ് അപകടം നടക്കുന്നത്. ചുള്ളിമടയിൽ സ്കൂൾബസിൽ നിന്ന് ഇറങ്ങിയ ശേഷം റോഡ്മുറിച്ചുകടക്കവേ മുന്നോട്ട് എടുത്ത അതേ ബസ് തന്നെ ഇടിക്കുകയായിരുന്നു. കുട്ടി ബസിന്റെ മുന്നിലുള്ളത് ഡ്രൈവറുടെ ശ്രദ്ധയിൽപ്പെട്ടിരുന്നില്ല. ബസ് ദേഹത്ത് കയറിയ വിദ്യാർഥിനിക്ക് ​ഗുരുതരമായി പരിക്കേറ്റു.വിദ്യാർഥിനിയെ ആദ്യം ആലത്തൂരിലെ സ്വകാര്യ ആശുപത്രിയിലും തുടർന്ന് പാലക്കാട്ടുള്ള മറ്റൊരു സ്വകാര്യ ആശുപത്രിയിലും പ്രവേശിപ്പിച്ചു. വെള്ളിയാഴ്ച രാത്രി കോയമ്പത്തൂർ മെഡിക്കൽ കോളേജ് ആശുപത്രിയിലേക്ക് കൊണ്ടുപോയി. കോയമ്പത്തൂർ മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് മരണം.

സ്കൂൾബസിൽ നിന്ന് ഇറങ്ങിയ ഒന്നാംക്ലാസ് വിദ്യാർഥിനി അതേ ബസ്സിടിച്ച് മരിച്ചു

കായംകുളം : കൃഷ്ണപുരത്ത് വീടിനുള്ളില്‍ മൃതദേഹം കത്തിക്കരിഞ്ഞനിലയില്‍. പാലസ് വാര്‍ഡില്‍ കിഴക്കേ വീട്ടില്‍ സരളയുടെ വീട്ടിലാണ് മൃതദേഹം കണ്ടെത്തിയത്. മൃതദേഹം തിരിച്ചറിഞ്ഞിട്ടില്ല. സരളയുടെ സഹോദരന്റെ ഭാര്യയാണ് മരിച്ചതെന്നാണ് സംശയിക്കുന്നത്.
പ്രദേശത്തെ ഒരു ക്ഷേത്രത്തിലെ ജീവനക്കാരിയായ സരള ഈ വീട്ടില്‍ തന്നെയാണ് താമസിക്കുന്നത്. ക്ഷേത്രത്തില്‍ പോയിട്ട് വീട്ടിലേക്ക് മടങ്ങിവന്നപ്പോള്‍ ഗ്യാസ് സിലിണ്ടര്‍ കത്തുന്നത് കാണുകയും വിവരം അഗ്നിരക്ഷാസേനയെ അറിയിക്കുകയുമായിരുന്നു. തീ അണച്ചതിന് ശേഷം നടത്തിയ പരിശോധനയിലാണ് കത്തിക്കരിഞ്ഞനിലയില്‍ മൃതദേഹം കണ്ടെത്തുന്നത്.സരളയുടെ സഹോദരന്റെ ഭാര്യയായ സിന്ധുവിന്റെ മൃതദേഹമാണിതെന്നാണ് സംശയിക്കുന്നത്. സിന്ധുവും ഈ വീട്ടില്‍ ഇടക്കിടെ താമസിക്കാറുണ്ട്. സിന്ധു വീട്ടിലേക്ക് വരുന്നത് അയല്‍വാസികള്‍ കണ്ടിട്ടുമുണ്ട്. ആത്മഹത്യ ചെയ്തതാണെന്നാണ് പ്രാഥമിക നിഗമനം. ഫൊറന്‍സിക് പരിശോധനകള്‍ക്ക് ശേഷം മാത്രമേ മൃതദേഹം ആരുടേതെന്ന് സ്ഥിരീകരിക്കാനാകൂ.

കായംകുളത്ത് വീടിനുള്ളില്‍ സ്ത്രീയുടെ മൃതദേഹം കത്തിക്കരിഞ്ഞനിലയില്‍ കണ്ടെത്തി

സ്വര്‍ണ വില പവന് 80 രൂപ കുറഞ്ഞ് 57,200 രൂപയായി. ഗ്രാമിന്റെ വിലയാകട്ടെ 10 രൂപ താഴ്ന്ന് 7,150 രൂപയുമായി.
അന്താരാഷ്ട്ര വിപണിയായ എംസിഎക്സില്‍ 10 ഗ്രാം 24 കാരറ്റ് സ്വര്‍ണത്തിന്റെ വില 77,513 രൂപയാണ്. ആഗോള വിപണിയില്‍ സ്പോട് ഗോള്‍ഡ് വില ട്രോയ് ഔണ്‍സിന് 2,649 ഡോളര്‍ നിലവാരത്തിലാണ് വ്യാപാരം നടക്കുന്നത്.

സ്വര്‍ണ വില പവന് 80 രൂപ കുറഞ്ഞ് 57,200 രൂപയായി

തിരുപ്പൂര്‍: ജില്ലയിലെ അഴകുമല പഞ്ചായത്ത് സെമലൈഗൗണ്ടന്‍പാളയം ഗ്രാമത്തില്‍ ഒരു കുടുംബത്തിലെ മൂന്നുപേരെ അജ്ഞാതര്‍ വെട്ടിക്കൊലപ്പെടുത്തി. കര്‍ഷകനായ സി. ദേവശിഖാമണി (78), ഭാര്യ ഡി. അലമേലു (75), ഐ.ടി. മേഖലയില്‍ ജോലി ചെയ്യുകയായിരുന്ന മകന്‍ ഡി. സെന്തില്‍കുമാര്‍ (46) എന്നിവരാണു കൊല്ലപ്പെട്ടത്. അലമേലുവിന്റെ കഴുത്തിലും കൈയിലുമുണ്ടായിരുന്ന ആഭരണങ്ങള്‍ കാണാനില്ല.
ദേവശിഖാമണിയെ വീടിനു പുറത്തും മറ്റു രണ്ടുപേരെ വീടിനുള്ളിലും മരിച്ചനിലയില്‍ കാണുകയായിരുന്നു. വെള്ളിയാഴ്ച രാവിലെ പ്രദേശവാസിയാണു അവിനാശിപ്പാളയം പോലീസില്‍ വിവരം അറിയിച്ചത്.
പോലീസ് നടത്തിയ പരിശോധനയില്‍ മൂന്നുപേര്‍ക്കും ശരീരത്തില്‍ മാരകമായ മുറിവുകള്‍ ഏറ്റതായി കണ്ടെത്തി. തിരുപ്പൂര്‍ പോലീസ് കമ്മിഷണറും ഐ.ജി.യുമായ എസ്. ലക്ഷ്മിയും പശ്ചിമമേഖല ഐ.ജി. സെന്തില്‍ കുമാറും സംഭവസ്ഥലത്തെത്തി.മൃതദേഹങ്ങള്‍ പോസ്റ്റ്മോര്‍ട്ടത്തിനായി തിരുപ്പൂര്‍ മെഡിക്കല്‍ കോളേജ് ആശുപത്രിയിലേക്കു മാറ്റി. 20 ഏക്കര്‍ വരുന്ന കൃഷിത്തോട്ടത്തിലെ വീട്ടിലാണ് ദേവശിഖാമണിയും കുടുംബവും താമസിച്ചിരുന്നത്. മകന്‍ സെന്തില്‍കുമാര്‍ കോയമ്പത്തൂരില്‍ ഐ.ടി. മേഖലയില്‍ ജോലി ചെയ്യുകയാണ്. കോയമ്പത്തൂരില്‍ താമസമാക്കിയ സെന്തില്‍ ഒരു ചടങ്ങില്‍ പങ്കെടുക്കാനാണ് തിരുപ്പൂരിലേക്കു വന്നത്.

വയോധിക ദമ്പതിമാരേയും മകനേയും വെട്ടിക്കൊലപ്പെടുത്തി സ്വര്‍ണാഭരണങ്ങള്‍ കവര്‍ന്നു

കൊ​യി​ലാ​ണ്ടി: വി​ൽ​പ​ന​ക്കാ​യി കൊ​ണ്ടു​വ​ന്ന 15 കി​ലോ ക​ഞ്ചാ​വ് കൊ​യി​ലാ​ണ്ടി റെ​യി​ൽ​വേ സ്റ്റേ​ഷ​നി​ൽ​ പി​ടി​കൂ​ടി.സം​ഭ​വ​ത്തി​ൽ ഒ​ഡി​ഷ സ്വ​ദേ​ശി​ക​ളാ​യ ര​ണ്ടു സ്ത്രീ​ക​ള​ട​ക്കം, ആ​റു​പേ​ർ പി​ടി​യി​ലാ​യി. അ​മി​ത്ത് നാ​യി​ക് (34), കാ​ലി ച​ര​ൺ (34), പ​ത്മാ ലാ​ഹു (30), വി​ശ്വ​ജി​ത്ത് ബ​ഹ്റ (32), മ​ണി മാ​ലി​ക് (51), റി​നാ​സ (30) തു​ട​ങ്ങി​യ​വ​രാ​ണ് പി​ടി​യി​ലാ​യ​ത്. റൂ​റ​ൽ എ​സ്.​പി നി​ധി​ൻ രാ​ജി​ന്റെ നേ​തൃ​ത്വ​ത്തി​ലു​ള്ള ഡാ​ൻ​സാ​ഫ് സ്ക്വാ​ഡാ​ണ് ക​ഞ്ചാ​വ് പി​ടി​കൂ​ടി​യ​ത്. പ്ര​തി​ക​ളെ കൊ​യി​ലാ​ണ്ടി പൊ​ലീ​സി​ന് കൈ​മാ​റി.
വെ​ള്ളി​യാ​ഴ്ച ഉ​ച്ച​ക്ക് 2.40ഓ​ടെ ക​ണ്ണൂ​ർ, കോ​ഴി​ക്കോ​ട് പാ​സ​ഞ്ച​ർ ട്രെ​യി​നി​ൽ​നി​ന്നാ​ണ് ഇ​വ​രെ പി​ടി​കൂ​ടി​യ​ത്. ര​ഹ​സ്യ വി​വ​ര​ത്തി​ന്റെ അ​ടി​സ്ഥാ​ന​ത്തി​ൽ കോ​ഴി​ക്കോ​ട് മു​ത​ൽ ഇ​വ​രെ നി​രീ​ക്ഷി​ക്കു​ക​യാ​യി​രു​ന്നു. ട്രെ​യി​ൻ കൊ​യി​ലാ​ണ്ടി​യി​ലെ​ത്തി​യ​പ്പോ​ൾ പൊ​ലീ​സ് ക​മ്പാ​ർ​ട്ട്മെ​ന്റി​ലേ​ക്ക് ഇ​ര​ച്ചു​ക​യ​റി പി​ടി​കൂ​ടു​ക​യാ​യി​രു​ന്നു. ബാ​ഗു​ക​ളി​ൽ ഒ​രു കി​ലോ വ​രു​ന്ന കെ​ട്ടു​ക​ളി​ലാ​യാ​ണ് ക​ഞ്ചാ​വു​ണ്ടാ​യി​രു​ന്ന​ത്.
എ​സ്.​ഐ മ​നോ​ജ് കു​മാ​ർ രാ​മ​ത്ത്, എ.​എ​സ്.​ഐ​മാ​രാ​യ വി.​സി. ബി​നീ​ഷ്, വി.​വി. ഷാ​ജി, വി. ​സ​ദാ​ന​ന്ദ​ൻ, ഇ.​കെ. മു​നീ​ർ, എ​സ്.​സി.​പി.​ഒ​മാ​രാ​യ എ​ൻ.​എം. ഷാ​ഫി, ടി.​കെ. ശോ​ഭി​ത്ത്, ഇ.​കെ. അ​ഖി​ലേ​ഷ് എ​ന്നി​വ​രും കൊ​യി​ലാ​ണ്ടി സി.​ഐ ശ്രീ​ലാ​ൽ ച​ന്ദ്ര​ശേ​ഖ​ർ, എ​സ്.​ഐ മ​നോ​ജ്, ഗി​രീ​ഷ്, അ​ബ്ദു​റ​ഹി​മാ​ൻ, എ.​എ​സ്.​ഐ ഒ.​കെ. സു​നി​ത, സി.​പി സു​രേ​ഷ് തു​ട​ങ്ങി​യ​വ​രും അന്വേഷണ സംഘത്തിൽ ഉ​ണ്ടാ​യി​ര​ു​ന്നു.

കൊയിലാണ്ടിയിൽ 15 കിലോ കഞ്ചാവ് പിടികൂടി

കൽപറ്റ: വയനാട് ലോക്സഭ ഉപതെരഞ്ഞെടുപ്പില്‍ വന്‍ ഭൂരിപക്ഷത്തില്‍ തെരഞ്ഞെടുക്കപ്പെട്ട് എം.പിയായി സത്യപ്രതിഞ്ജ ചെയ്ത ശേഷം പ്രിയങ്ക ഗാന്ധി ശനിയാഴ്ച വയനാട് മണ്ഡലത്തില്‍ എത്തും. രണ്ട് ദിവസത്തേക്കാണ് സന്ദര്‍ശനം. മലപ്പുറം ജില്ലയിലെ വിവിധ സ്ഥലങ്ങളിലായിരിക്കും ആദ്യദിവസം പ്രിയങ്ക സന്ദര്‍ശനം നടത്തുക. നേരത്തേ തെരഞ്ഞെടുപ്പ് പ്രചാരണത്തിനായി അവർ വയനാട്ടിലെത്തിയിരുന്നു.
ഞായറാഴ്ച വയനാട് ജില്ലയിലും സന്ദര്‍ശനം നടത്തും. ശനിയാഴ്ച രാവിലെ 12 മണിക്ക് പ്രതിപക്ഷ നേതാവ് രാഹുല്‍ ഗാന്ധിയുടെ കൂടെ മുക്കം, തിരുവമ്പാടി എന്നിവിടങ്ങളിലെ സ്വീകരണ പരിപാടികളില്‍ പ്രിയങ്ക പങ്കെടുക്കും. മലപ്പുറം ജില്ലയില്‍ കരുളായി, വണ്ടൂര്‍, എടവണ്ണ എന്നിവിടങ്ങളിലെ സ്വീകരണവും പൊതുസമ്മേളനവും ഉണ്ടാകും.ഉപതെരഞ്ഞെടുപ്പില്‍ നാല് ലക്ഷത്തിലേറെ വോട്ടുകള്‍ക്കാണ് കന്നിയങ്കത്തില്‍ പ്രിയങ്ക ജയിച്ചുകയറിയത്.&nbsp;

എം.പിയായ ശേഷം ആദ്യമായി പ്രിയങ്ക ഗാന്ധി ഇന്ന് വയനാട്ടിൽ

കൊല്ലം: ട്രെയിനിൽ നിന്ന് ചാടി ഇറങ്ങുന്നതിനിടെയുണ്ടായ അപകടത്തിൽ ഇതര സംസ്ഥാനക്കാരനായ യുവാവിന് ദാരുണാന്ത്യം. രാജസ്ഥാൻ സ്വദേശിയായ അശോക് കുമാർ (31) ആണ് അപകടത്തിൽ മരിച്ചത്.
ഇന്ന് പുലർച്ചെ വരാവൽ - തിരുവനന്തപുരം എക്സ്പ്രസ്സ് ട്രെയിനിൻ നിന്നിറങ്ങുമ്പോൾ പാളത്തിലേക്ക് വീഴുകയായിരുന്നു. കുണ്ടറയിൽ കേരളവിഷൻ കേബിൾ ഡിസ്ട്രിബ്യൂഷൻ ജീവനക്കാരനായിരുന്നു അശോക് കുമാർ. മൃതദേഹം പാരിപ്പള്ളി മെഡിക്കൽ കോളജിൽ സൂക്ഷിച്ചിരിക്കുകയാണ്.

ട്രെയിനിൽ നിന്ന് ഇറങ്ങുന്നതിനിടെ വീണ് യുവാവിന് ദാരുണാന്ത്യം

തിരുവനന്തപുരം: സംസ്ഥാനത്ത് ഇന്ന് ശക്തമായ മഴയ്‌ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ്. ആറ് ജില്ലകളിൽ ഇന്ന് യെല്ലോ അല‍ർട്ട് പ്രഖ്യാപിച്ചിട്ടുണ്ട്. ആലപ്പുഴ, കോട്ടയം, എറണാകുളം, തൃശൂർ, പാലക്കാട്, മലപ്പുറം ജില്ലകളിലാണ് യെല്ലോ അലർട്ട് പ്രഖ്യാപിച്ചിരിക്കുന്നത്. ഡിസംബർ രണ്ട് വരെ കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്‌ക്ക് സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു.
കേരള - കർണാടക - ലക്ഷദ്വീപ് തീരങ്ങളിൽ ‍ഡിസംബർ‍ ഒന്ന് മുതൽ മൂന്ന് വരെ മത്സ്യബന്ധനത്തിന് പോകാൻ പാടില്ലെന്നും കേന്ദ്ര കാലാവസ്ഥാ വകുപ്പ് അറിയിച്ചു. തെക്ക് പടിഞ്ഞാറൻ ബംഗാൾ ഉൾക്കടലിന് മുകളിലെ അതിതീവ്ര ന്യൂനമർദം അടുത്ത ആറ് മണിക്കൂറിനുള്ളിൽ ചുഴലിക്കാറ്റായി ശക്തി പ്രാപിക്കാൻ സാദ്ധ്യതയുള്ളതിനാൽ ആ ഭാഗങ്ങളിലേക്ക് മത്സ്യബന്ധനത്തിന് പോകാൻ പാടില്ല.തെക്കൻ കേരള തീരത്ത് മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്‌ക്കും സാദ്ധ്യതയുണ്ടെന്നും മുന്നറിയിപ്പിൽ പറയുന്നു.അതേസമയം, ബംഗാൾ ഉൾക്കടലിൽ ചുഴലിക്കാറ്റ് രൂപപ്പെട്ടു. വടക്കൻ തമിഴ്നാട്, പുതുച്ചേരി, തെക്കൻ ആന്ധ്രാ തീരത്ത് ചുഴലിക്കാറ്റ് സാദ്ധ്യതയുണ്ട്. തെക്ക് പടിഞ്ഞാറൻ ബംഗാൾ ഉൾക്കടലിന് മുകളിലെ അതി തീവ്ര ന്യൂനമർദ്ദം ഫിൻജാൽ ചുഴലിക്കാറ്റായി ശക്തി പ്രാപിച്ചു. ഇന്ന് ഉച്ചയ്ക്ക് ശേഷം കാരക്കലിനും മഹാബലിപുരത്തിനും ഇടയിൽ പുതുച്ചേരിക്ക് സമീപം മണിക്കൂറിൽ പരമാവധി 90 കിലോ മീറ്റർ വരെ വേഗതയിൽ കരയിൽ പ്രവേശിക്കാൻ സാദ്ധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.

സംസ്ഥാനത്ത് ഇന്ന് ശക്തമായ മഴയ്‌ക്ക് സാധ്യത ;ആറ് ജില്ലകളിൽ യെല്ലോ അലർട്ട്

ചോമ്പാല: മാഹി റെയിൽവേ സ്‌റ്റേഷൻ പരിസരത്ത് നിന്നും ബുള്ളറ്റ് മോഷണം പോയ സംഭവത്തിൽ കുപ്രസിദ്ധ മോഷ്ട്ടാവ് പിടിയിൽ. കോഴിക്കോട് കല്ലായ് സ്വദേശി കോയ തൊടുവയിൽ വീട്ടിൽ മുഹമ്മദ് ഇൻസുദീൻ (32) യാണ് ചോമ്പാല പോലീസ് പിടികൂടിയത്. ജില്ലയ്ക്കകത്തും പുറത്തും നിരവധി മോഷണ കേസുകളിലും മയക്ക് മരുന്ന് കേസിലും പ്രതിയാണ് ഇൻസുദീൻ.&nbsp;
സി സി ടി വി ക്യാമറകൾ കേന്ദ്രീകരിച്ച് പോലീസ് നടത്തിയ അന്വേഷണത്തിനൊടുവിൽ കോഴിക്കോട് പാളയം മാർക്കറ്റിന് സമീപം വെച്ച് കളവ് പോയ ബുള്ളറ്റ് സഹിതം പ്രതിയെ സാഹസികമായി പിടികൂടുകയായിരുന്നു. എസ് ഐ മനീഷ് വി കെയുടെ നേതൃത്വത്തിൽ എസ് സി പി ഒ സജിത്ത് പി. ടി, ചിത്രദാസ്, സി പി ഒ അജേഷ് ,രാഗേഷ് എന്നിവരും സിറ്റി ക്രൈം സ്ക്വാഡ് അംഗങ്ങളും ചേർന്നാണ് പ്രതിയെ പിടികൂടിയത്.

മാഹി റെയിൽവേ സ്‌റ്റേഷൻ പരിസരത്തെ ബൈക്ക് മോഷണം; പ്രതി പിടിയിൽ

വടകര: വടകരയിൽ ഓടിക്കൊണ്ടിരുന്ന കാറിന് തീപിടിച്ചു. ദേശീയ പാതയിൽ പുതിയ സ്റ്റാൻഡിന് സമീപം രാവിലെ ഏഴുമണിയോടെയാണ് അപകമുണ്ടായത്.അടക്കാതെരു സ്വദേശി കൃഷ്ണമണിയുടെ കാറിനാണ് തീപിടിച്ചത്. രാവിലെ ഇന്ധനം നിറച്ച ശേഷം വീട്ടിലേക്ക് പോകുമ്പോഴാണ് സംഭവം.
റോഡിലൂടെ ഓടിക്കൊണ്ടിരിക്കെ കാറിൽ നിന്ന് പുക ഉയരുന്നത് കണ്ട് കാല്‍നടയാത്രക്കാരാണ് വാഹനം നിര്‍ത്തിച്ചത്. തുടര്‍ന്ന് ഡ്രൈവര്‍ കാറിൽ നിന്ന് ഉടൻ ഇറങ്ങി സ്ഥലത്ത് നിന്ന് മാറുകയായിരുന്നു. ഡ്രൈവര്‍ ഇറങ്ങിയതിന് പിന്നാലെ തന്നെ കാറിൽ തീ ആളി പടര്‍ന്നു.വടകര അഗ്നിരക്ഷാ സേനയെത്തിയാണ് തീ അണച്ചയത്. കാര്‍ പൂര്‍ണമായും കത്തിയമര്‍ന്നു

വടകരയിൽ ഓടിക്കൊണ്ടിരുന്ന കാറിന് തീപിടിച്ചു

വടകര: ഒരുവര്‍ഷം മുമ്പ് പ്ലസ് വണ്‍ വിദ്യാര്‍ഥിനിയെ കാറില്‍വെച്ച് പീഡിപ്പിച്ചെന്ന പരാതിയില്‍ യുവാവിനെതിരെ കേസെടുത്ത് വടകര പോലീസ്. പോക്സോ വകുപ്പ് പ്രകാരമാണ് കേസ്. തീക്കുനിയിലെ ഒറ്റപ്പിലാവുള്ളതില്‍ അജിത്തിനെതിരെയാണ് കേസ്. 2023 ജൂലായ് 27ന് തീക്കുനിയില്‍ നിന്നു വടകരയിലേക്കുള്ള യാത്രാമധ്യേ കാറില്‍വെച്ച് ഇയാള്‍ പെണ്‍കുട്ടിയെ ഉപദ്രവിച്ചെന്നാണ് കേസ്. രാവിലെ ട്യൂഷന് പോവുകയായിരുന്നു പെണ്‍കുട്ടി. തീക്കുനിയില്‍ ബസ് കാത്തുനില്‍ക്കുന്നതു കണ്ട് കാറില്‍ കയറ്റുകയായിരുന്നു.&nbsp;
അടുത്തിടെ സ്‌കൂളില്‍ നടന്ന കൗണ്‍സിലിങിനിടെയാണ് കുട്ടി ഈ വിവരം അധ്യാപികമാരോട് പറഞ്ഞത്. തുടര്‍ന്ന് അധ്യാപകര്‍ ബന്ധുക്കളെ വിവരം അറിയിക്കുകയും പോലീസില്‍ പരാതി നല്‍കുകയും ചെയ്തു. പോലീസ് ഇയാളെ അന്വേഷിച്ച് എത്തിയെങ്കിലും പിടികൂടാനായിട്ടില്ല.

പ്ലസ് വണ്‍ വിദ്യാര്‍ഥിനിയെ കാറില്‍വെച്ച് പീഡിപ്പിച്ചു; തീക്കുനി സ്വദേശിക്കെതിരെ കേസ്

ആലപ്പുഴ: കളർകോട് കെ.എസ്.ആർ.ടി.സി ബസും കാറും കൂട്ടിയിടിച്ച് അഞ്ചുപേർ മരിച്ചു.രണ്ടു പേർക്ക് ഗുരുതരമായി പരിക്കേറ്റു. കാർ യാത്രികരാണ് മരിച്ചത് ഏഴു യുവാക്കളാണ് കാറിലുണ്ടായിരുന്നത്. പൂർണമായി തകർന്ന കാർ വെട്ടിപ്പൊളിച്ചാണ് യുവാക്കളെ പുറത്തെടുത്തത്. മരിച്ചവരുടെ പേരുവിവരങ്ങൾ പുറത്തുവന്നിട്ടില്ല. മരിച്ചവർ വണ്ടാനം മെഡിക്കൽ കോളജ് വിദ്യാർഥികളാണെന്ന് റിപ്പോർട്ടുകളുണ്ട്.
കെ.എസ്.ആർ.ടി.സി സൂപ്പർ ഫാസ്റ്റ് ബസിലേക്ക് കാർ ഇടിച്ചു കയറുകയായിരുന്നു. കളർകോട് ജങ്ഷനു സമീപമാണ് അപകടം. വൈറ്റിലയിൽനിന്ന് കായംകുളത്തേക്ക് വന്ന കെ.എസ്.ആർ.ടി.സി ഫാസ്റ്റ് ബസും ആലപ്പുഴയിലേക്ക് വന്ന കാറുമാണ് കൂട്ടിയിടിച്ചത്.പരിക്കേറ്റവരെ വണ്ടാനം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.

ആലപ്പുഴയിൽ ബസും കാറും കൂട്ടിയിടിച്ച് അപകടം;അഞ്ച് യുവാക്കൾ മരിച്ചു,രണ്ടു പേരുടെ നില ഗുരുതരം

ആലപ്പുഴയിൽ ബസും കാറും കൂട്ടിയിടിച്ച് അപകടം;അഞ്ച് യുവാക്കൾ മരിച്ചു

കൊയിലാണ്ടി: കൊല്ലം പിഷാരികാവ് ക്ഷേത്രം ചിറയില്‍ കൂട്ടുകാരോടൊപ്പം നീന്തുന്നതിനിടയില്‍ വിദ്യാര്‍ഥി മുങ്ങി മരിച്ചു.മൂടാടി മലബാര്‍ കോളജ് ബിബിഎ മൂന്നാം സെമസ്റ്റര്‍ വിദ്യാര്‍ഥി വെള്ളറക്കാട് ചന്ദ്രാട്ടില്‍ നിയാസ് (19) ആണ് മരിച്ചത്. തിങ്കളാഴ്ച വൈകിട്ട് അഞ്ചരയോടെയായിരുന്നു സംഭവം.
ഫയര്‍ഫോഴ്‌സും നാട്ടുകാരും ചേര്‍ന്ന് ചിറയില്‍ തിരച്ചില്‍ നടത്തിയതിനെ തുടർന്ന് രാത്രി ഏഴ് മണിയോടെയാണ് മൃതദേഹം കണ്ടെത്തിയത്. തെരച്ചിലിന് കോഴിക്കോട് നിന്ന് സ്‌കൂബാ ടീമും എത്തിയിരുന്നു. മൃതദേഹം കൊയിലാണ്ടി താലൂക്ക് ആശുപത്രിയിലേക്ക് മാറ്റി.ചന്ദ്രാട്ടില്‍ നാസറിന്റെയും ഷംസീറയുടെയും മകനാണ്. സഹോദരി: ജസ്‌ന. മൃതദേഹം പിന്നീട് മെഡിക്കല്‍ കോളജ് ആശുപത്രിയിലേക്ക് പോസ്റ്റ്‌മോമോര്‍ട്ടത്തിനായി കൊണ്ടു പോയി&nbsp;

കൊല്ലം ചിറയില്‍ കൂട്ടുകാരോടൊപ്പം നീന്തുന്നതിനിടയില്‍ വിദ്യാര്‍ഥി മുങ്ങി മരിച്ചു.

കൊല്ലം ചിറയില്‍ കൂട്ടുകാരോടൊപ്പം നീന്തുന്നതിനിടയില്‍ വിദ്യാര്‍ഥി മുങ്ങി മരിച്ചു

നാദാപുരം: വീട്ടിൽ വൈദ്യുതി കിട്ടിയതിന്റെ ആഹ്ലാദത്തിൽ വിളിച്ചുവരുത്തിയ കൂട്ടുകാരനൊപ്പം കുളിക്കാനിറങ്ങിയ വിദ്യാർഥി പാറക്കുളത്തിൽ മുങ്ങി മരിച്ചു. പുറമേരി നടുക്കണ്ടിയിൽ കനകത്ത് താഴെ കുനി ശശിയുടെ മകൻ സൂര്യജിത് (16) ആണ് മരിച്ചത്. വീട്ടിൽ വൈദ്യുതി ലഭിച്ചതിന്റെ സന്തോഷത്തിൽ സൂര്യജിത്ത് തൂണേരിയുള്ള സുഹൃത്തിനെ വിളിച്ചുവരുത്തുകയായിരുന്നുവെന്ന് പറയുന്നു.
വീടിനടുത്തുള്ള പാറക്കുളത്തിലാണ് കുളിക്കാനിറങ്ങിയത്. നീന്തൽ അറിയാത്ത സൂര്യജിത് കുളത്തിൽ മുങ്ങിത്താഴുകയായിരുന്നു. ഇതോടെ, സമീപത്തുളളവരെ വിവരം അറിയിച്ചു. ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല. കടത്തനാട് രാജാസ് ഹയർ സെക്കൻഡറി സ്കൂൾ പ്ലസ് വൺ വിദ്യാർഥിയാണ്. മൃതദേഹം വടകര ഗവ. ആശുപത്രി മോർച്ചറിയിൽ. മാതാവ്: മോനിഷ, സഹോദരി: തേജലക്ഷ്മി.

പുറമേരിയില്‍ കൂട്ടുകാരനൊപ്പം കുളിക്കാനിറങ്ങിയ വിദ്യാർഥി പാറക്കുളത്തിൽ മുങ്ങി മരിച്ചു

നാദാപുരം : ഇൻസ്റ്റാഗ്രാം വഴി പരിചയപ്പെട്ട യുവതിയുടെ 5 പവന്റെ ആഭരണവുമായി മുങ്ങിയ പ്രതി പൊലീസ് പിടിയിൽ. മയ്യന്നൂർ പാലോള്ള പറമ്പത്ത് പി.പി.മുഹമ്മദ് നജീറിനെ(29)യാണ് നാദാപുരം ഡിവൈഎസ്പി പി.പ്രമോദും സംഘവും അറസ്റ്റ് ചെയ്തത്. നവംബർ 22നായിരുന്നു സംഭവം. വീടിനു മുൻപിൽ ബൈക്കിൽ താനക്കോട്ടൂരിലെ യുവതിയുടെ വീടിനു മുൻപിൽ എത്തി യുവതിയുടെ സ്വർണത്തിനു ലാഭം നൽകാമെന്നു വിശ്വസിപ്പിച്ചായിരുന്നു തട്ടിപ്പ്. പകരം മുക്കു പണ്ടത്തിന്റെ ആഭരണവും മധുര പലഹാരങ്ങളും അടങ്ങിയ ബാഗ് നൽകി യുവതിയെ കബളിപ്പിക്കുകയായിരുന്നു.&nbsp;
കുറ്റ്യാടി പൊലീസ് സ്റ്റേഷൻ പരിധിയിൽ നിന്ന് 15 പവന്റെ ആഭരണം കൈക്കലാക്കിയതിനും പ്രതിക്കെതിരെ കേസുണ്ടെന്ന് ഡിവൈഎസ്പി അറിയിച്ചു. നാദാപുരം കോടതി പ്രതിയെ രണ്ടാഴ്ചത്തേക്കു റിമാൻഡ് ചെയ്തു. കുറ്റ്യാടിയിൽ റജിസ്റ്റർ ചെയ്ത കേസിൽ അടക്കം പ്രതിയെ ചോദ്യം ചെയ്യാനായി കസ്റ്റഡിയിൽ വാങ്ങാനാണ് പൊലീസിന്റെ നീക്കം.

ഇൻസ്റ്റാഗ്രാം വഴി പരിചയപ്പെട്ട യുവതിയുടെ ആഭരണവുമായി മുങ്ങിയ മയ്യന്നൂർ സ്വദേശി പിടിയിൽ

Search Results for: sreedeep