കല്ലാച്ചി : കുറ്റ്യാടിയിൽ ആൾതാമസമില്ലാത്ത വീട്ടിൽ നിന്ന് കഞ്ചാവ് ശേഖരം പിടികൂടിയ കേസിൽ പ്രധാന പ്രതി പിടിയിൽ. കുറ്റ്യാടി പുത്തൻ പുരയിൽ പി.പി. സുബൈർ ( 44 ) നെയാണ് നാദാപുരം സബ് ഡിവിഷണൽ ഡി വൈ എസ് പി എ.കുട്ടികൃഷ്ണൻ്റെ നേതൃത്വത്തിലുള്ള സംഘം പിടി കൂടിയത്. ഡി വൈ എസ് പി ക്ക് ലഭിച്ച രഹസ്യ വിവരത്തെ തുടർന്ന് മാഹിയിലെ ഒളി സങ്കേതത്തിൽ നിന്നാണ് ഡി വൈ എസ് പി യും സ്ക്വാഡ് അംഗങ്ങളും ചേർന്ന് പിടികൂടിയത്. 

രണ്ടാഴ്ച്ച മുമ്പാണ് കുറ്റ്യാടി ഊരത്ത് കമ്മനത്താഴയിൽ സുബൈറിൻ്റെ വീടിനകത്ത് സൂക്ഷിച്ച 34.186 കിലോ കഞ്ചാവ് സ്പെഷൽ സ്ക്വാഡ് പിടികൂടിയത്. സംഭവത്തിന് പിന്നാലെ പ്രതി ഒളിവിൽ പോവുകയായിരുന്നു. കുറ്റ്യാടിയിലും പരിസരപ്രദേശങ്ങളിലും വിൽപ്പനക്കാണ് ലക്ഷങ്ങൾ മുടക്കി കഞ്ചാവ് എത്തിച്ചതെന്ന് പ്രതി പോലീസിൽ മൊഴി നൽകിയിട്ടുണ്ട്. അറസ്റ്റ് രേഖപ്പെടുത്തിയ പ്രതിയെ നാദാപുരം കോടതിയിൽ ഹാജരാക്കി റിമാൻഡ് ചെയ്തു.