നാദാപുരം: മോഷണം , കഞ്ചാവ് ഉൾപ്പെടെ നിരവധി കേസുകളിൽ പ്രതിയായ പിടികിട്ടാപുള്ളി അറസ്റ്റിൽ. കുറ്റ്യാടി നിട്ടൂർ സ്വദേശി തുമ്പക്കുന്നത്ത് കബീർ ( 41) നെയാണ് നാദാപുരം ഡി വൈ എസ് പി യുടെ സ്പെഷൽ സ്ക്വാഡ് പിടികൂടിയത്. 

2019 ൽ വടകര റെയിൽവെ സ്‌റ്റേഷൻ പരിസരത്ത് ഒരു കിലോ 320 ഗ്രാം കഞ്ചാവ് പിടികൂടിയ കേസിൽ ഒളിവിൽ കഴിയുകയായിരുന്ന കബീറിനെ ജില്ല പോലീസ് മേധാവിക്ക് ലഭിച്ച രഹസ്യ വിവരത്തെ തുടർന്ന് വേളം പൂമുഖത്ത് നിന്ന് ഡി വൈ എസ് പി യുടെ സ്‌ക്വാഡ് അംഗങ്ങൾ പിടികൂടുകയായിരുന്നു. കേസിൽ ഒളിവിൽ പോയ പ്രതിയെ വടകര എൻ ഡി പി എസ് സ്‌പെഷൽ കോടതി പിടികിട്ടാപ്പുള്ളിയായി പ്രഖ്യാപിക്കുകയായിരുന്നു. സംസ്ഥാനത്തെ 10 പോലീസ് സ്‌റ്റേഷനുകളിൽ മോഷണം , കഞ്ചാവ് കേസുകളിൽ പ്രതിയാണ് കബീർ.