മണിയൂർ : സർക്കാരിന്റെ അപ്രഖ്യാപിത കറന്റ് കട്ടിനെതിരെ പ്രതിഷേധവുമായി വിദ്യാർഥി. മണിയൂർ ഈസ്റ്റ് എൽപി സ്കൂളിലെ ഒന്നാംക്‌ളാസ് വിദ്യാർഥിയായ ഇതളാണ് വേറിട്ട പ്രതിഷേധവുമായി രം​ഗത്തെത്തിയിരിക്കുന്നത്. 

ഇന്ന് ഞാൻ ഡയറി എഴുതുമ്പോൾ കറന്റ് പോയെന്ന് പേപ്പറിൽ കുറിച്ചാണ് വിദ്യാർഥി പ്രതിഷേധിച്ചിരിക്കുന്നത്. ഇത് സോഷ്യൽമീഡിയയിൽ വ്യാപകമായി പ്രചരിക്കുകയാണ് ഇപ്പോൾ.ഡയറി നോട്ടിൽ ആദ്യവരിയായിട്ടാണ് വിദ്യാർഥി ഈ വാചകം എഴുതിയിരിക്കുന്നത്. ബാക്കിഭാ​ഗം പെൻസിൽ ഉപയോ​ഗിച്ച് വരച്ചിരിക്കുകയാണ്.ബൾബ് വരച്ചിരിക്കുന്നതും ചിത്രത്തിൽ കാണാം.മണിയൂർ സ്വദേശികളായ വിപിന്റെയും ശരണ്യയുടെയും മകളാണ് ഈ കൊച്ചുമിടുക്കി.