പയ്യോളി: പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച കേസില്‍ റിട്ട. അധ്യാപകന്‍ അറസ്റ്റില്‍. മണിയൂര്‍ എളമ്പിലാട് മീത്തലെ പൊയില്‍ എം.പി. വിജയനെ(70)യാണ് വടകര ഡിവൈഎസ്പി എ. ഉമേഷ് അറസ്റ്റുചെയ്തത്.

മണിയൂര്‍ പഞ്ചായത്ത് കേരളോത്സവത്തിനിടയില്‍ ഒക്ടോബര്‍ 20-നായിരുന്നു സംഭവം. തുടര്‍ന്ന് ഒളിവില്‍പ്പോയ പ്രതിയെ പിടികൂടാത്തതിനെച്ചൊല്ലി ഏറെ രാഷ്ട്രീയവിവാദങ്ങള്‍ ഉടലെടുത്തിരുന്നു. പ്രതിയെ അറസ്റ്റ് ചെയ്യാത്തതുമായി ബന്ധപ്പെട്ട് നിരവധി പ്രതിഷേധ സമരങ്ങൾ അരങ്ങേറി. പ്രതിയെ വൈദ്യ പരിശോധനയ്ക്ക് ശേഷം കോടതിയിൽ ഹാജരാക്കുമെന്ന് പോലീസ് അറിയിച്ചു.നേരത്തേ കോടതി ഇയാളുടെ ജാമ്യാപേക്ഷ തള്ളിയിരുന്നു.