വടകര : പ്രായപൂർത്തിയാകാത്ത കുട്ടിക്ക് നിരോധിത പുകയിലോത്പന്നം വിറ്റയാൾ എക്സൈസ് പിടിയിൽ. മുടപ്പിലാവിൽ തെക്കെ തൂണൂറ ബാലകൃഷ്ണനെയാണ് വടകര റെയ്‌ഞ്ച് എക്‌സൈസ് കസ്റ്റഡിയിലെടുത്തത്. കീഴൽ കടത്തനാട് കോളേജ് റോഡിൽനിന്നാണ് ഇയാളെ പിടികൂടിയത്. പ്രായപൂർത്തിയാകാത്ത കുട്ടിക്ക് നിരോധിത പുകയിലോത്പന്നം വിറ്റത് ജുവനൈൽ ജസ്റ്റിസ് ആക്ട് പ്രകാരം കുറ്റമായതിനാൽ ഇയാളെ വടകര പോലീസിന് കൈമാറി.

തുടർന്ന് വടകര പോലീസ് ഇയാളുടെപേരിൽ ജെജെ ആക്ട് പ്രകാരം കേസെടുത്ത് അറസ്റ്റ് രേഖപ്പെടുത്തി. വടകര ഒന്നാംക്ലാസ് ജുഡീഷ്യൽ മജിസ്‌ട്രേറ്റ് കോടതിയിൽ ഹാജരാക്കിയ ഇയാളെ കോടതി 14 ദിവസത്തേക്ക് റിമാൻഡ് ചെയ്തു.