അഴിയൂര്‍: മുക്കാളി റെയില്‍വേ ഗേറ്റിന് സമീപം ട്രെയിന്‍ തട്ടി വിദ്യാര്‍ഥി മരിച്ചു. പേരാമ്പ്ര കൂത്താളി കുന്നത്ത് കണ്ടിബാബുരാജിന്റെ മകന്‍ അമല്‍രാജാണ് (21) മരിച്ചത്. പുലര്‍ച്ചെ രണ്ടു മണിയോടുകൂടിയാണ് സംഭവം. ചോമ്പാല പോലീസ് സ്ഥലത്തെത്തി മേൽനടപടികൾ സ്വീകരിച്ചു. കോഴിക്കോട് ഹോട്ടല്‍മാനേജ്‌മെന്റ് വിദ്യാര്‍ഥിയാണ് അമല്‍രാജെന്ന് പോലീസ് അറിയിച്ചു. മൃതദേഹം ജില്ല ആശുപത്രി മോര്‍ച്ചറിയിലേക്ക് മാറ്റി.

മുക്കാളിയില്‍ ട്രെയിന്‍തട്ടി വിദ്യാര്‍ഥി മരിച്ചു

Vadakara

ചോമ്പാല: പുതുച്ചേരി സംസ്ഥാനത്ത് മാത്രം വില്ലനയുള്ള 12 ലിറ്റർ വിദേശമദ്യവുമായി യുവാവിനെ ചോമ്പാല പോലീസ് പിടികൂടി. മടപ്പള്ളി കോളജ് സ്വദേശി ഇടത്തിൽ സനൽ ജാക്സൻ (38) യെയാണ് ചോമ്പാല എസ് ഐ മനീഷ് വി.കെ യുടെ നേതൃത്വത്തിലുള്ള പോലീസ് സംഘം നിരോധിത മദ്യവുമായി പിടികൂടിയത്.&nbsp;
അഴിയൂർ അണ്ടർ പാസിന് സമീപം വെച്ച് വാഹന പരിശോധന നടത്തി വരവെ സ്ക്കൂട്ടറിൽ കടത്തിവരികയായിരുന്ന പ്രതി പോലീസിനെ കണ്ട് കടന്ന് കളയാൻ ശ്രമിച്ചെങ്കിലും പോലീസ് സാഹസികമായി പിടികൂടുകയായിരുന്നു. ചോമ്പാല എസ് ഐ അനിൽകുമാർ പി, എ എസ് ഐ ബാബു പി പി, എസ് സി പി ഒ ഷൈബു എൻ എം എന്നിവരും പോലീസ് സംഘത്തിൽ ഉണ്ടായിരുന്നു. രണ്ടാഴ്ച മുൻപ് സമാന രീതിയിലുള്ള കുറ്റകൃത്യത്തിലേർപ്പെട്ട രണ്ട് യുവാക്കളെയും ചോമ്പാല പോലീസ് പിടികൂടിയിരുന്നു.

സ്കൂട്ടറിൽ മാഹി മദ്യം കടത്തിയ യുവാവ് ചോമ്പാല പോലീസ് പിടിയിൽ

പെരിങ്ങത്തൂർ: കണ്ണൂർ - കോഴിക്കോട് ജില്ലകളെ ബന്ധിപ്പിക്കുന്ന പെരിങ്ങത്തൂർ പാലത്തിൻ്റെ അടിയന്തിര അറ്റകുറ്റപ്പണികൾ പൂർത്തീകരിച്ച് ഗതാഗതത്തിന് തുറന്ന് കൊടുത്തു. ഡി.കെ. എച്ച് കൺസ്ട്രക്ഷൻ കമ്പനി 25 ലക്ഷം രൂപക്കാണ് പാലത്തിന്റെ നവീകരണപ്രവൃത്തി ഏറ്റെടുത്തത്. അറ്റകുറ്റ പണിക്കായി പാലം അടച്ചതിനെ തുടർന്ന് ഇതുവഴി ആശുപത്രികളിലേക്കും വിദ്യാലയങ്ങളിലേക്കും എയർപോർട്ടിലേക്കും, തലശ്ശേരി, നാദാപുരം ഭാഗങ്ങളിലേക്കും പോകുന്ന യാത്രക്കാർ ഏറെ പ്രയാസമനുഭവപ്പെട്ടിരുന്നു.&nbsp;
ജനുവരി 20 മുതൽ ഒരു മാസത്തേക്കായിരുന്നു പാലം അടച്ചത്. പൊതു മരാമത്ത് നോഡൽ ഓഫീസറുടെ സാന്നിധ്യത്തിൽ നടന്ന പ്രതിമാസ അവലോകന യോഗത്തിൽ പാലം പണി യുദ്ധകാലാടിസ്ഥാനത്തിൽ പൂർത്തീകരിക്കാൻ കൂത്തുപറമ്പ് എം.എൽ.എ കെ.പി മോഹനൻ നിർദ്ദേശിച്ചിരുന്നു.

പെരിങ്ങത്തൂർ പാലം തുറന്നു

Nadapuram

വടകര: അഴിയൂരില്‍ 20 ഗ്രാം കഞ്ചാവുമായി യുവാവ് എക്‌സൈസ് പിടിയില്‍. ന്യൂമാഹി ആയ്യത്താന്‍ വീട്ടില്‍ ശ്രീരാഗിനെയാണ് (24) വടകര എക്‌സൈസ് സംഘം അറസ്റ്റ് ചെയ്തത്. ചോമ്പാലില്‍ കണ്ണൂര്‍-കോഴിക്കോട് ദേശീയപാതയില്‍ സി ഫുഡ് റസ്റ്റോറന്റിനു മുന്‍വശത്ത് നിന്നാണ് ഇയാള്‍ പിടിയിലായത്. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ഗ്രേഡ് പ്രമോദ് പുളിക്കൂല്‍, പ്രിവന്റീവ് ഓഫീസര്‍ ഗ്രേഡ് സുരേഷ് കുമാര്‍ സി.എം, സിവില്‍ എക്‌സൈസ് ഓഫീസര്‍മാരായ ഷിരാജ് കെ, മുസ്ബിന്‍, ഡ്രൈവര്‍ പ്രജീഷ് എന്നിവരടങ്ങിയ സംഘമാണ് പ്രതിയെ പിടികൂടിയത്.

ചോമ്പാലിൽ കഞ്ചാവുമായി യുവാവ് പിടിയില്‍

കോഴിക്കോട്: അരയിടത്തുപാലത്ത് നടന്ന ബസ് അപകടത്തിൽ പരിക്കേറ്റ ബൈക്ക് യാത്രികൻ മരിച്ചു. കൊമ്മേരി സ്വദേശി മുഹമ്മദ് സാനിഹ് (27) ആണ് മരിച്ചത്. കോഴിക്കോട്ടെ സ്വകാര്യ ആശുപത്രിയിൽ ചികിത്സയിൽ കഴിയുകയായിരുന്നു. നിയന്ത്രണം വിട്ട ബസ് മറിഞ്ഞത് സാനിഹ് സഞ്ചരിച്ച ബൈക്കിലേക്കായിരുന്നു.
ചൊവ്വാഴ്ച വൈകിട്ട് നാലുമണിയോടെ, ഗോകുലം മാള്‍ ഓവര്‍ ബ്രിഡ്ജിന് സമീപത്തായിരുന്നു അപകടം.ബൈക്കിൽത്തട്ടി നിയന്ത്രണംവിട്ട ബസ് തലകീഴായിമറിയുകയായിരുന്നു. അന്‍പതോളം പേര്‍ക്കാണ് അപകടത്തില്‍ പരിക്കേറ്റത്. പാളയം ബസ് സ്റ്റാന്‍ഡില്‍നിന്ന് അരീക്കോട് ഭാഗത്തേക്ക് പോയ ബസാണ് അപകടത്തില്‍പ്പെട്ടത്.

അരയിടത്തുപാലത്തെ ബസ് അപകടം;പരിക്കേറ്റ ബൈക്ക് യാത്രികൻ മരിച്ചു

Kozhikode

മഞ്ചേരി: തൃക്കലങ്ങോട് കാരക്കുന്നില്‍ വിദ്യാര്‍ഥിനിയെ തൂങ്ങിമരിച്ച നിലയില്‍ കണ്ടെത്തി. ആമയൂര്‍ റോഡ് പുതിയത്ത് വീട്ടില്‍ പരേതനായ ഷേര്‍ഷ സിനിവര്‍ എന്ന ഇബ്‌നുവിന്റെ മകള്‍ ഷൈമ സിനിവര്‍ (19) ആണ് മരിച്ചത്.
അയല്‍വാസിയും ബ്യൂട്ടീഷ്യന്‍ കോഴ്‌സ് വിദ്യാര്‍ഥിയുമായ സുഹൃത്ത് കൈക്കോട്ടുപറമ്പില്‍ സജീറിനെ (19) രാത്രിയോടെ അവശനിലയില്‍ മഞ്ചേരി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ആത്മഹത്യാശ്രമമാണെന്നു കരുതുന്നു.തിങ്കളാഴ്ച വൈകീട്ട് അഞ്ചരയോടെയാണ് സംഭവം. പ്ലസ്ടു കഴിഞ്ഞ് പി.എസ്.സി. പരീക്ഷാപരിശീലനം നടത്തിവരുകയാണ് ഷൈമ. മൃതദേഹം മെഡിക്കല്‍ കോളേജ് മോര്‍ച്ചറിയില്‍ സൂക്ഷിച്ചിട്ടുണ്ട്.കഴിഞ്ഞ വെള്ളിയാഴ്ച ഷൈമയുടെ വിവാഹം നിശ്ചയിച്ചിരുന്നു. അടുത്തദിവസം നിക്കാഹ് ചടങ്ങുകള്‍ നടക്കാനിരിക്കുകയായിരുന്നു. പോസ്റ്റ്‌മോര്‍ട്ടം നടപടികള്‍ക്കുശേഷം ചൊവ്വാഴ്ച ഉച്ചയ്ക്ക് കാരക്കുന്ന് വലിയ ജുമാമസ്ജിദില്‍ കബറടക്കം നടക്കും. മാതാവ്: സുനീറ. സഹോദരങ്ങള്‍: തസ്നി സിനിവര്‍, നിഷാല്‍

വിവാഹം നിശ്ചയിച്ച പെണ്‍കുട്ടി തൂങ്ങിമരിച്ച നിലയില്‍,ആൺസുഹൃത്ത് ആത്മഹത്യക്ക് ശ്രമിച്ചു

Kerala

വടകര: കരിമ്പനപ്പാലത്ത് റെയില്‍പാളത്തിനു സമീപം യുവാവിന്റെ മൃതദേഹം കാണപ്പെട്ടു. ആളെ തിരിച്ചറിഞ്ഞിട്ടില്ല. കടവത്തൂര്‍ സ്വദേശിയാണെന്ന് സംശയിക്കുന്നു. രാവിലെ ഒമ്പത് മണിയോടെയാണ് മൃതദേഹം കാണപ്പെട്ടത്.
ട്രെയിനില്‍ നിന്ന് വീണതാണെന്നു കരുതുന്നു. കടവത്തൂര്‍ അമേഗ് എന്ന പേരിലുള്ള ആധാര്‍ കാര്‍ഡ് മൃതദേഹത്തില്‍ നിന്ന് ലഭിച്ചതായി വടകര പോലീസ് അറിയിച്ചു. രാവിലെ ആക്രിസാധനങ്ങള്‍ പെറുക്കാനെത്തിയ ആളാണ് മൃതദേഹം കണ്ടത്.

കരിമ്പനപ്പാലത്ത് റെയില്‍വെട്രാക്കിനു സമീപം യുവാവിന്റെ മൃതദേഹം

പാലക്കാട് : ഒറ്റപ്പാലം ചുനങ്ങാട് വാണിവിലാസിനിയിൽ പെട്രോൾ ബോംബ് സ്ഫോടനത്തിൽ പരുക്കേറ്റു ചികിത്സയിലായിരുന്ന യുവാവ് മരിച്ചു. കൊയിലാണ്ടി സ്വദേശി വിഷ്ണു (34) ആണ് മരിച്ചത്. തൃശൂർ മെഡിക്കൽ കോളജ് ആശുപത്രിയിൽ ചികിത്സയിലിരിക്കെയാണു മരണം.&nbsp;
കഴിഞ്ഞ 13നു പുലർച്ചെ‌യായിരുന്നു സ്ഫോടനം. കേസിൽ അറസ്റ്റിലായ ചുനങ്ങാട് മനയങ്കത്ത് നീരജ് റിമാൻഡിലാണ്. നീരജിന്റെ വീടിനു സമീപം നിർമാണം പുരോഗമിക്കുന്ന വീടിനു നേരെയായിരുന്നു ബോംബേറ്. ഈ വീട്ടിൽ പൂമുഖത്തു കിടന്നുറങ്ങുകയായിരുന്ന 6 തൊഴിലാളികളിൽ 2 പേർക്കായിരുന്നു ഗുരുതര പരുക്ക്. പരുക്കേറ്റ ബാലുശ്ശേരി സ്വദേശി പ്രിയേഷിന്റെ ആരോഗ്യനിലയിൽ പുരോഗതിയുണ്ട്.&nbsp;
തൊഴിലാളികൾ പതിവായി കളിയാക്കുന്നുവെന്ന ധാരണയാണ് ആക്രമണത്തിലേക്കു നയിച്ചതെന്നായിരുന്നു പൊലീസിന്റെ കണ്ടെത്തൽ. നിർമാണത്തിലിരിക്കുന്ന വീട്ടിലെ കുളത്തിന്റെ പടവു നിർമാണത്തിന് എത്തിയതാണു തൊഴിലാളികൾ. വിഷ്ണു മരിച്ചതോടെ നീരജിനെതിരെ കൊലപാതക കുറ്റം ചുമത്തും.

പെട്രോൾ ബോംബ് സ്ഫോടനം: പരുക്കേറ്റ് ചികിത്സയിലായിരുന്ന കൊയിലാണ്ടി സ്വദേശിയായ തൊഴിലാളി മരിച്ചു

കണ്ണൂർ : പയ്യോളി കോട്ടക്കല്‍ സ്വദേശിയായ യുവാവിനെ കണ്ണൂരില്‍ കാണാതായതായി പരാതി. കോട്ടക്കല്‍ പള്ളിത്താഴവിനോദിന്റെ മകന്‍ ആദര്‍ശിനെയാണ് (22) ജോലിസ്ഥലത്തുനിന്ന് കാണാതായത്. കണ്ണൂരില്‍ കേബിള്‍ ടെക്‌നീഷ്യനായി ജോലി നോക്കുന്ന ആദര്‍ശ് ഇന്നലെ ഉച്ചയ്ക്ക് ജോലിസ്ഥലത്ത് നിന്ന് ഹോട്ടലിലേക്ക് പോയതായിരുന്നു.
പിന്നീട് തിരിച്ചുവന്നില്ലെന്ന് കൂടെയുണ്ടായിരുന്നവര്‍ പറഞ്ഞു. ബന്ധുക്കള്‍ പയ്യോളി പോലീസില്‍ പരാതി നല്‍കി. ആദര്‍ശിനെ കണ്ടെത്തുന്നവര്‍ 9447600848, 7736762591 എന്ന നമ്പറുകളില്‍ ഏതിലെങ്കിലും അറിയിക്കണം.

പയ്യോളി കോട്ടക്കല്‍ സ്വദേശിയായ യുവാവിനെ കണ്ണൂരില്‍ കാണാതായതായി പരാതി

Kannur

വടകര : നിക്ഷാൻ ഇലക്‌ട്രോണിക്സിന്റെ കരിമ്പനപ്പാലത്തെ ഗോഡൗണിൽ തീപ്പിടിത്തം. ബുധനാഴ്ച രാവിലെ 7.15-ഓടെ ഗോഡൗണിലെ യു.പി.എസ്. ബാറ്ററിയിൽനിന്ന് തീയും പുകയും ഉയരുകയായിരുന്നു. വടകര അഗ്നിരക്ഷാനിലയത്തിൽനിന്ന്‌ രണ്ട് യൂണിറ്റ് ഫയർ എൻജിൻ എത്തി തീ പൂർണമായും അണച്ചു. വടകര ഫയർ സ്റ്റേഷൻ സീനിയർ ഫയർ ആൻഡ്‌ റെസ്ക്യൂ ഓഫീസർ ആർ. ദീപക്കിന്റെ നേതൃത്വത്തിൽ കെ.പി. ബിജു, എ.പി. ഷൈനേഷ്, എം.ടി. റാഷിദ്, അമൽരാജ്, ടി. ഷിജേഷ്, സി.കെ. അർജുൻ, വിജീഷ്, സന്തോഷ്, കെ. സുബൈർ, ആർ. രതീഷ് എന്നിവർ ചേർന്നാണ് രക്ഷാപ്രവർത്തനം നടത്തിയത്.

വടകര നിക്ഷാന്റെ ഗോഡൗണിൽ തീപ്പിടിത്തം