കായക്കൊടി: ദേവർകോവിൽ മഹാത്മാഗാന്ധി കോൺഗ്രസ് കുടുംബ സംഗമം നടത്തി. ബ്ലോക്ക് പ്രസിഡണ്ട് ജമാൽ കോരങ്കോട്ട് ഉദ്ഘാടനം നിർവഹിച്ചു. എം പി മൊയ്തു അധ്യക്ഷത വഹിച്ചു. വിഭാഗീയതയുടെ രാഷ്ട്രീയം വളർത്തുന്നവർ രാജ്യത്തിന്റെ ബഹുസ്വരതയും ഭരണഘടനയും അംഗീകരിക്കാതെ ഭാരതാംബയെ പോലും കാവിവർക്കിരിക്കുകയാണെന്നും നമുക്കുചുറ്റും വളർന്നുവരുന്ന രാസ ലഹരിക്കും മറ്റും എതിരെ ശക്തമായി പ്രതികരിക്കണമെന്നും ഉദ്ഘാടന പ്രസംഗത്തിൽ പ്രസിഡന്റ് ചൂണ്ടിക്കാട്ടി. ഡിസിസി എക്സിക്യൂട്ടീവ് അംഗം മൊയ്തു കോരങ്കോട്ട് മുഖ്യപ്രഭാഷണം നടത്തി.

കെ പി ബിജു, ഒ രവീന്ദ്രൻ, പി പി മൊയ്തു, എം കെ ശ്രീധരൻ, ആർ സജീവൻ, പത്മനാഭൻ കരണ്ടോട്, കെ പി ഹമീദ്, ടി പി മൊയ്തു, കെ കെ മുഹമ്മദ് എന്നിവർ സംസാരിച്ചു.