കൊയിലാണ്ടി: കുറുവങ്ങാട് മണക്കുളങ്ങര ക്ഷേത്ര ഉത്സവത്തിനിടെ ആനയിടഞ്ഞ് മരിച്ച വട്ടാങ്കണ്ടി ലീലയുടെസ്വര്‍ണാഭരണങ്ങള്‍ കാണാനില്ലെന്ന് കുടുംബം. ലീല ധരിച്ച സ്വര്‍ണ മാലയും കമ്മലുകളും കാണാനില്ലെന്നാണ് കുടുംബം ആരോപിക്കുന്നത്. മൃതദേഹത്തില്‍ നിന്നു കിട്ടിയത് സ്വര്‍ണ വളകള്‍ മാത്രമാണ്. ലീല ധരിച്ച സ്വര്‍ണ മാലയും കമ്മലുകളും കാണാനില്ല. നാല് പവനോളം സ്വര്‍ണാഭരണങ്ങള്‍ കാണാതായതായി ലീലയുടെ മക്കളും സഹോദരന്‍ ശിവദാസനും പറഞ്ഞു. കൊയിലാണ്ടി പോലീസില്‍ പരാതി നല്‍കുമെന്നു കുടുംബം വ്യക്തമാക്കി.

നാല് വളകള്‍ കോഴിക്കോട് മെഡിക്കല്‍ കോളജ് ആശുപത്രിയില്‍ നിന്നു ലഭിച്ചിട്ടുണ്ട്. ഒരു ഭാഗത്തെ കമ്മല്‍ ആന ചവിട്ടിയതിന്റെഭാഗമായി നഷ്ടപ്പെട്ടു. ഇതില്‍ സ്വര്‍ണത്തിന്റെ ചെറിയ ഭാഗം ബന്ധുക്കള്‍ക്ക് ലഭിച്ചിട്ടുണ്ട്. സംഭവം നടന്ന ക്ഷേത്ര പരിസരത്ത് വിശദമായ പരിശോധന നടത്തിയെങ്കിലും സ്വര്‍ണം കണ്ടെത്താന്‍ കഴിഞ്ഞിട്ടില്ല.