വടകര: ചോറോട് പഞ്ചായത്ത്‌ യു ഡി എഫ് - ആർ എം പി ഐ 71 ആം ബൂത്ത്‌ കമ്മിറ്റി ഉദ്ഘാടനം ആർ എം പി ഐ സംസ്ഥാന സെക്രെട്ടറി എൻ വേണു നിർവഹിച്ചു. യൂത്ത് കോൺഗ്രസ്‌ സംസ്ഥാന പ്രസിഡന്റ്‌ രാഹുൽ മാംങ്കുട്ടത്തിൽ മുഖ്യ പ്രഭാഷണം നടത്തി. ബ്ലോക്ക്‌ കോൺഗ്രസ്‌ പ്രസിഡന്റ്‌ സതീശൻ കുരിയാടി, കോൺഗ്രസ്‌ ചോറോട് മണ്ഡലം പ്രസിഡന്റ്‌ നജ്മൽ പി ടി കെ, ഹാഷിം കാളം കുളം (വടകര മണ്ഡലം മുസ്ലിം ലീഗ് സെക്രട്ടറി ), ഒ എം അസീസ് (യുഡിഫ് ചോറോട് പഞ്ചായത്ത് കൺവീനർ), ശശി വള്ളിക്കാട്, ഗീത മോഹനൻ, സുരേന്ദ്രൻ എം ടി കെ, സദാശിവൻ, മഠത്തിൽ പുഷ്പ, റഫീഖ് മലയിൽ, രവീന്ദ്രൻ മരത്തപള്ളി, ഇസ്മായിൽ വടക്കയിൽ തുടങ്ങിയവർ സംസാരിച്ചു.

യു ഡി എഫ് - ആർ എം പി ഐ തിരഞ്ഞെടുപ്പ് കൺവെൻഷൻ നടത്തി

Vadakara

വടകര : കാലിക്കറ്റ് യൂണിവേഴ്സിറ്റിയിൽ നിന്നും സൈക്കോളജിയിൽ പി.എച്ച്.ഡി.നേടി ചെറുവണ്ണൂർ സ്വദേശിനി. ഇരിട്ടി കെ.ഐ.സി.ഡി.എസ്.സുപ്പർവൈസർ ചെറുവണ്ണൂരിലെ കുന്നുമ്മൽ രാധാകൃഷ്ണന്റെയും (ഗ്രാമപഞ്ചായത്ത് ഓഫീസ്, ചെറുവണ്ണൂർ) ഗീതയുടെയും മകൾ ഗ്രീഷ്മക്കാണ് ഡോക്ടറേറ്റ് ലഭിച്ചത്. മടപ്പള്ളി വന്ദനത്തിൽ വിനീത് മോഹനൻ്റെ (അസി: എഞ്ചിനീയർ, പി.ഡബ്ല്യൂ.ഡി.കണ്ണൂർ) ഭാര്യയാണ്.

സൈക്കോളജിയിൽ ഡോക്ടറേറ്റ്

Inshort

തൊട്ടിൽപാലം: ഗ്യാസ് വില 400 രൂപ ആയിരുന്നപ്പോൾ സമരം ചെയ്തവരെ വില ആയിരമായപ്പോൾ കാണാനില്ലെന്ന് യുഡിഎഫ് സ്ഥാനാർഥി ഷാഫി പറമ്പിൽ. യുപിഎ കാലത്ത് പെട്രോളിന് ലിറ്ററിന് 70 രൂപ ആയിരുന്നത് ഇപ്പോൾ 110 ആയി. 40 രൂപയ്ക്ക് പെട്രോൾ തരാം എന്നു പറഞ്ഞവർ 40 രൂപ വർധിപ്പിച്ച് ജനങ്ങളെ വഞ്ചിച്ചു. അന്താരാഷ്ട്ര മാർക്കറ്റിൽ ക്രൂഡ് ഓയിൽ വില താഴ്ന്നപ്പോഴും കേന്ദ്ര സർക്കാർ കുറച്ചില്ല.
പെട്രോൾ വഴിയുള്ള അധിക നികുതി വേണ്ടെന്ന് വെക്കുന്നതിന് പകരം പെൻഷനു വേണ്ടി എന്നുപറഞ്ഞ് രണ്ട് രൂപ അധിക നികുതി ഏർപ്പെടുത്തുകയാണ് സംസ്ഥാന സർക്കാർ ചെയ്തത്. ഇപ്പോൾ പെൻഷൻ കിട്ടിയിട്ട് ഏഴ് മാസമായി. കാർഷിക ഉത്പന്നങ്ങൾക്ക് വിലയില്ല. സംസ്ഥാനത്ത് ആദ്യമായി ശമ്പളം മുടങ്ങുന്ന അവസ്ഥയുണ്ടായി. ആർ.സി ബുക്ക് പോലും അടിക്കാൻ പണമില്ലാത്ത അവസ്ഥയിൽ സംസ്ഥാനത്തെ എത്തിച്ചു. ഇത്തരത്തിലുള്ള കേന്ദ്ര - സംസ്ഥാന ജനവിരുദ്ധ നയങ്ങൾക്ക് എതിരെയുള്ള വിധിയെഴുത്താവണം തെരഞ്ഞെടുപ്പെടുപ്പെന്ന് ഷാഫി പറമ്പിൽ ആവശ്യപ്പെട്ടു.
മുന്നണി നേതാക്കളായ മുഹമ്മദ് ബംഗ്ലത്ത്, ആവോലം രാധാകൃഷ്ണൻ, സൂപ്പി നരിക്കാട്ടേരി, ജമാൽ കോരങ്കോട്ട്, സന്ധ്യ കരണ്ടോട്, കെ.ടി ജെയിംസ്, എൻ.കെ മൂസ, കെ.പി രാജൻ, കെ.സി ബാലകൃഷ്ണൻ, ജാഫർ, പി.എം ജോർജ് തുടങ്ങിയവർ സ്ഥാനാർഥിയെ അനുഗമിച്ചു.&nbsp;

ഗ്യാസിനും പെട്രൊളിനും സമരം ചെയ്തവർ ഇന്നെവിടെ? ഷാഫി പറമ്പിൽ

Kuttiadi

ന്യൂഡൽഹി: കേരളത്തിലേത് അടക്കം ലോക്സഭ തെരഞ്ഞെടുപ്പിനുള്ള ആദ്യഘട്ട സ്ഥാനാർഥി പട്ടിക പുറത്തുവിട്ട് ബി.ജെ.പി. ആദ്യ പട്ടികയിൽ കേരളത്തിൽ നിന്ന് മത്സരിക്കുന്ന 12 സ്ഥാനാർഥികളെ പ്രഖ്യാപിച്ചു.

തിരുവനന്തപുരം - രാജീവ് ചന്ദ്രശേഖർ, ആറ്റിങ്ങൽ - വി. മുരളീധരൻ, പത്തനംതിട്ട - അനിൽ കെ. ആന്‍റണി, ആലപ്പുഴ - ശോഭ സുരേന്ദ്രൻ, തൃശ്ശൂർ - സുരേഷ് ഗോപി, പാലക്കാട് - സി. കൃഷ്ണകുമാർ, മലപ്പുറം - ഡോ. അബ്ദുൽ സലാം, പൊന്നാനി- നിവേദിത സുബ്രഹ്മണ്യൻ, കോഴിക്കോട് - എം.ടി. രമേശ്, വടകര - പ്രഫുൽ കൃഷ്ണൻ, കണ്ണൂർ - സി. രഘുനാഥ്, കാസർകോട് - എം.എൽ. അശ്വിനി എന്നിവരാണ് സ്ഥാനാർഥികൾ.
195 സ്ഥാനാർഥികളുടെ പട്ടികയാണ് ബി.ജെ.പി ദേശീയ ജനറൽ സെക്രട്ടറി വിനോദ് താവ്ഡെ ഇന്ന് പുറത്തുവിട്ടത്. ഇതിൽ 34 കേന്ദ്രമന്ത്രിമാരും സഹമന്ത്രിമാരും ലോക്സഭ സ്പീക്കർ ഓം ബിർളയും പട്ടികയിൽ ഉൾപ്പെടുന്നു. പ്രധാനമന്ത്രി നരേന്ദ്ര മോദി സിറ്റിങ് സീറ്റായ യു.പിയിലെ വാരണസിയിലും കേന്ദ്ര ആഭ്യന്തര മന്ത്രി അമിത് ഷാ ഗുജറാത്തിലെ ഗാന്ധിനഗറിലും മത്സരിക്കും.
195 സ്ഥാനാർഥി പട്ടികയിൽ 34 കേന്ദ്രമന്ത്രിമാരും സഹമന്ത്രിമാരും ലോക്സഭ സ്പീക്കർ ഓം ബിർളയും ഉൾപ്പെടുന്നു. പട്ടികയിൽ 47 സ്ഥാനാർഥികൾ യുവാക്കളാണ്. 28 പേർ വനിതകൾ, 27 പേർ പട്ടികജാതിക്കാർ, 18 പേർ പട്ടിക വർഗക്കാർ, 57 പേർ ഒ.ബി.സി/ പിന്നാക്ക വിഭാഗക്കാർ എന്നിങ്ങനെയാണ് ജാതി തിരിച്ചുള്ള കണക്കുകൾ.
രാജ്നാഥ് സിങ് -ലക്നോ, ജ്യോതിരാധിത്യ സിന്ധ്യ -ഗുണ, കിരൺ റിജിജു -അരുണാചൽ വെസ്റ്റ്, ബിഷ്നു പാദ റായ് -ആന്തമാൻ നിക്കോബാർ, താപിർ ഗാവോ -അരുചൽ ഈസ്റ്റ്, സർബാനന്ദ സോനാവാൾ -ദിബ്രുഗഡ്, മൻസൂഖ് മാണ്ഡവ്യ-പോർബന്തർ, സ്മൃതി ഇറാനി -അമേഠി എന്നിവരാണ് ഇന്ന് പ്രഖ്യാപിച്ച പട്ടികയിലുള്ളവർ.
ഡൽഹിയിലെ അഞ്ച് സ്ഥാനാർഥികളെയും പ്രഖ്യാപിച്ചു. മനോജ് തിവാരി നോർത്ത് ഈസ്റ്റ് ഡൽഹിയിലും അന്തരിച്ച മുൻ കേന്ദ്രമന്ത്രി സുഷമ സ്വരാജിന്‍റെ മകൾ ബൻസൂരി സ്വരാജ് ന്യൂഡൽഹിയിലും ജനവിധി തേടും.

വടകരയിൽ പ്രഫുൽ കൃഷ്ണൻ; കേരളത്തിലെ സ്ഥാനാർഥികളെ പ്രഖ്യാപിച്ച് ബി.ജെ.പി

Kerala

തിരുവനന്തപുരം: അപൂർവരോഗം ബാധിച്ച രണ്ടുവയസുകാരനേയും മാതാവിനേയും ബി.ജെ.പി നേതാവ് സുരേഷ് ഗോപി അപമാനിച്ചുവെന്ന വാർത്തകളിൽ പ്രതികരിച്ച് സി.പി.എം സംസ്ഥാന സെക്രട്ടറി എം.വി.ഗോവിന്ദൻ. സഹായം ചോദിച്ച് വരുന്നവർക്ക് സ്നേഹത്തണൽ ഒരുക്കുന്നതാണ് കേരളത്തിന്റെ സംസ്കാരമെന്ന് എം.വി.ഗോവിന്ദൻ പറഞ്ഞു. ആട്ടിയോടിക്കുകയല്ല ചേർത്തുപിടിക്കുകയാണ് കേരളം ചെയ്യുകയെന്ന് എം.വി.ഗോവിന്ദൻ പറഞ്ഞു.
കോയമ്പത്തൂർ സ്വദേശിയും മലയാളിയുമായ സിന്ധുവാണ് സുരേഷ് ഗോപിയോട് അസുഖം ബാധിച്ച കുഞ്ഞിന് സഹായം നൽകണമെന്ന് അഭ്യർഥിച്ചത്. ഗുരുവായൂർ ക്ഷേത്രത്തിൽ വെച്ചായിരുന്നു അവരുടെ സഹായ അഭ്യർഥന. എന്നാൽ, പരിഹാസരൂപത്തിൽ എം.വി​ ഗോവിന്ദനെ പോയി കാണാനായിരുന്നു സുരേഷ് ഗോപി സിന്ദുവിനോട് ആവശ്യപ്പെട്ടത്. എം.വി​ ഗോവിന്ദൻ ആരാണെന്ന് അറിയാതിരുന്ന സിന്ധു സുരേഷ് ഗോപിയുടെ പരിഹാസം മനസിലാക്കാതെ ക്ഷേത്രത്തിലെത്തിയവരോട് ഇതേക്കുറിച്ച് അന്വേഷിച്ചു.
ഒടുവിൽ ക്ഷേത്രത്തിലെത്തിയ ആളുകളാണ് സിന്ധുവിനെ കാര്യങ്ങൾ പറഞ്ഞ് മനസിലാക്കിയത്. ഇതോടെ ആൾക്കൂട്ടത്തിന് നടുവിൽ നിന്ന് കൈക്കുഞ്ഞുമായി സിന്ധു കരഞ്ഞു. പിന്നീട് ക്ഷേത്രത്തിൽ ഉണ്ടായിരുന്നവരാണ് സിന്ധുവിനെ സമാധാനിപ്പിച്ചത്. ഇത് വാർത്തയായതോടെയാണ് വിഷയത്തിൽ സി.പി.എം സംസ്ഥാന സെക്രട്ടറി എം.വി ഗോവിന്ദൻ ഇടപ്പെട്ടത്.
കുട്ടിയുടെ കുടുംബവുമായി ഫോണിൽ സംസാരിച്ച് എല്ലാ പിന്തുണയും വാഗ്ദാനം ചെയ്തുവെന്ന് എം.വി ഗോവിന്ദൻ അറിയിച്ചു. കുട്ടിക്ക് ചികിത്സ ഉറപ്പാക്കുമെന്ന് ആരോഗ്യമന്ത്രി വീണ ജോർജ് അവരെ അറിയിച്ചിട്ടുണ്ടെന്നും അദ്ദേഹം പറഞ്ഞു. ഉടൻ തന്നെ ഇവരെ നേരിൽ കാണാൻ സാധിക്കുമെന്ന് പ്രതീക്ഷിക്കുന്നതായും അദ്ദേഹം കൂട്ടിച്ചേർത്തു.

'ആട്ടിയോടിക്കില്ല'; സുരേഷ് ഗോപി അപമാനിച്ച രണ്ടുവയസുകാരന് കേരളം സ്നേഹത്തണലൊരുക്കുമെന്ന് എം.വി​.ഗോവിന്ദൻ

ചൊക്ലി : നിയന്ത്രണം വിട്ട കാർ കടകളിലേക്ക് പാഞ്ഞുകയറി ഒരാൾക്ക് പരിക്കേറ്റു. ചൊക്ലി കാഞ്ഞിരത്തിൻ കീഴിലായിരുന്നു അപകടം. ബേക്കറി ഉൾപ്പടെ മൂന്നോളം കടകളിൽ നാശനഷ്ടമുണ്ടായി.&nbsp;
ഭാര്യയെ ഭർത്താവ് ഡ്രൈവിംഗ് പഠിപ്പിക്കുന്നതിനിടെയാണ് അപകടമുണ്ടായത്. ബ്രേക്കിന് പകരം ഭാര്യ ആക്‌സിലറേറ്ററിൽ ആഞ്ഞു ചവിട്ടിയതോടെ ഡിവൈഡറും ഫുട്പാത്തും കടന്ന് കാർ സമീപത്തെ ബേക്കറിയിലേക്ക് പാഞ്ഞുകയറുകയായിരുന്നു. ബേക്കറിയിലെ ജീവനക്കാരനാണ് പരിക്കേറ്റത്. വാഹനത്തിൽ L ബോർഡും പതിപ്പിച്ചായിരുന്നു ഡ്രൈവിംഗ് പഠിത്തം. ശനിയാഴ്ച സ്കൂൾ അവധിയായതിനാലാണ് വൻ ദുരന്തം ഒഴിവായത്. രണ്ടു ലക്ഷത്തോളം രൂപയുടെ നഷ്ട്ടം കണക്കാക്കുന്നുണ്ട്.

ചൊക്ലിയിൽ ഡ്രൈവിംഗ് പഠിപ്പിക്കുന്നതിനിടെ നിയന്ത്രണം വിട്ട കാർ കടകളിലേക്ക് പാഞ്ഞുകയറി ഒരാൾക്ക്  പരിക്ക്

Mahe

വയനാട്: പൂക്കോട് വെറ്ററിനറി കോളജ് വിദ്യാര്‍ത്ഥി സിദ്ധാര്‍ത്ഥിന്റെ മരണത്തില്‍ സര്‍വകലാശാലയ്ക്ക് വീഴ്ച സംഭവിച്ചെന്ന് ചാന്‍സലര്‍ കൂടിയായ ഗവര്‍ണര്‍ ആരിഫ് മുഹമ്മദ് ഖാന്‍. വെറ്ററിനറി സര്‍വകലാശാല വിസി ഡോ. എം ആര്‍ ശശീന്ദ്രനാഥിനെ സസ്‌പെന്‍ഡ് ചെയ്തുകൊണ്ട് ഗവര്‍ണര്‍ അന്വേഷണത്തിന് ഉത്തരവിട്ടു.&nbsp;
എസ്എഫ്‌ഐയും പിഎഫ്‌ഐയും തമ്മില്‍ ബന്ധമുണ്ടെന്ന് ആരോപിച്ച ഗവര്‍ണര്‍ പൊലീസിന്റെ പ്രവര്‍ത്തനത്തില്‍ കുറ്റം പറയുന്നില്ലെന്നും ഭരിക്കുന്ന പാര്‍ട്ടിയാണ് പൊലീസിനെ പ്രവര്‍ത്തിക്കാന്‍ അനുവദിക്കാത്തതെന്നും വിമര്‍ശിച്ചു. സിദ്ധാര്‍ത്ഥന്റെ മരണത്തില്‍ യൂണിവേഴ്‌സിറ്റി അധികൃതരുടെ ഭാഗത്ത് നിന്ന് വലിയ വീഴ്ചയുണ്ടായി. മൂന്ന് ദിവസം സംഭവം പുറത്തറിഞ്ഞില്ല എന്ന് പറയുന്നത് യൂണിവേഴ്‌സിറ്റിയുടെ പരാജയമാണ് എന്നും ആരിഫ് മുഹമ്മദ് ഖാന്‍ കുറ്റപ്പെടുത്തി.

സിദ്ധാര്‍ത്ഥന്റെ മരണത്തില്‍ സര്‍വകലാശാല വിസിയെ സസ്‌പെന്‍ഡ് ചെയ്ത് ഗവർണർ

മണിയൂർ: പതിയാരക്കര നടുവയൽ മസ്ജിദ് നൂർ കമ്മിറ്റി അൽഹുദാ ഹിഫുളുൽ ഖുർ ആൻ കോളേജ് നാലാം സനദ് ദാനം, മജ്ലിസുന്നൂർ വാർഷികം സംഘടിപ്പിച്ചു. പി എം അബൂബക്കർ സ്വാഗതം പറഞ്ഞു. വിസി കുഞ്ഞമ്മദ് ഹാജി അധ്യക്ഷത വഹിച്ചു. പാലയാട് മഹൽ ഖത്തീബ് റാസിക് ഫൈസി ഉദ്ഘാടനം ചെയ്തു. സമസ്ത മുശാവറ അംഗം എ .വി അബ്ദുറഹിമാൻ മുസ്‌ലിയാരിൽ നിന്നും മുഹമ്മദ് റിഷാൻ കൊയിലാണ്ടി ,
മുഹമ്മദ് ദിൽഫാൻ പതിയാരക്കര സന്നദ് ദാനം സ്വീകരിച്ചു. സയ്യിദ് ശാഹിൻ ഫൈസി അൽ ബുഖാരി പ്രഭാഷണം നടത്തി. ഹാഫിള് ഷംനാസ് മർജാനി നദ്‌വി വയനാട്, നൗഷാദ് അലി ദാരിമി നിലമ്പൂർ, പി എം ബഷീർ ,കെ അബ്ദുസ്സലാം , ഹിമമൊയ്തു ഹാജി, കെ ടി കെ മുസ്തഫ ഹാജി, കെ ടി അബ്ദുൾ ഹമീദ് എന്നിവർ സംസാരിച്ചു.

സനദ് ദാനവും ദിക്ർ ദുആ വാർഷികവും നടത്തി

തൃശ്ശൂർ: കുന്നംകുളം ചൊവ്വന്നൂരിൽ ടോറസ് ലോറിയും ബൈക്കും കൂട്ടിയിടിച്ച് പഴഞ്ഞി സ്വദേശിനിയായ വിദ്യാര്‍ഥി മരിച്ചു. പഴഞ്ഞി ചെറുതുരുത്തി സ്വദേശിനി മണ്ടുംമ്പാൽ വീട്ടിൽ അനിൽകുമാറിന്റെ മകൾ അപർണയാണ് (18) മരിച്ചത്. ചൊവ്വന്നൂരിൽ നടക്കുന്ന എസ്.എഫ്.ഐ. ഏരിയ സമ്മേളനത്തിൽ പങ്കെടുക്കുന്നതിന് സുഹൃത്തിനൊപ്പം യാത്ര ചെയ്യുമ്പോഴായിരുന്നു അപകടം. ചൊവ്വന്നൂർ പാടത്തിന് സമീപം ബൈക്കിന് പിന്നിൽ വന്ന ടോറസ് ലോറി ഇടിക്കുകയായിരുന്നു. നിലത്തു വീണ അപർണയുടെ തലക്ക് മുകളിലൂടെ ലോറിയുടെ ചക്രം കയറിയിറങ്ങിയെന്ന് ദൃക്‌സാക്ഷികൾ പറഞ്ഞു.
സംഭവമറിഞ്ഞു സ്ഥലത്തെത്തിയ നന്മ ആംബുലൻസ് പ്രവർത്തകർ കുന്നംകുളം താലൂക്ക് ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. ബൈക്ക് ഓടിച്ചിരുന്ന അക്ഷയ്ക്ക് നിസാര പരിക്കുകളുണ്ട്.

ടോറസ് ലോറിയും ബൈക്കും കൂട്ടിയിടിച്ച് വിദ്യാര്‍ഥി മരിച്ചു

ടൊവിനോ തോമസിനെ കേന്ദ്രകഥാപാത്രമാക്കി ഡാർവിൻ കുര്യാക്കോസ് സംവിധാനം ചെയ്ത ചിത്രമാണ് 'അന്വേഷിപ്പിൻ കണ്ടെത്തും'. ഫെബ്രുവരി ഒമ്പതിന് തിയറ്ററുകളിലെത്തിയ ചിത്രം ഒ.ടി.ടി സ്ട്രീമിങ്ങിന് ഒരുങ്ങുന്നു. നെറ്റ്ഫ്ലിക്സിൽ മാർച്ച് എട്ടിനാണ് എത്തുന്നത്. മലയാളത്തെ കൂടാതെ തെലുങ്ക്, തമിഴ്, കന്നഡ, ഹിന്ദി എന്നീഭാഷകളിലും ചിത്രം കാണാം.നെറ്റ്ഫ്ലിക്സിന്റെ ഔദ്യോഗിക സോഷ്യൽ മീഡിയ അക്കൗണ്ടിലൂടെയാണ് തിയതി പുറത്തുവിട്ടിരിക്കുന്നത്.
തിയറ്റര്‍ ഓഫ് ഡ്രീംസിന്‍റെ ബാനറില്‍ ഡോൾവിൻ കുര്യാക്കോസ്, ജിനു വി. എബ്രാഹാം, വിക്രം മെഹ്‍റ, സിദ്ധാർഥ് ആനന്ദ് കുമാർ എന്നിവർ ചേർന്നാണ് ചിത്രം നിർമിച്ചിരിക്കുന്നത് .ആനന്ദ് നാരായണന്‍ എന്ന എസ്.ഐ കഥാപാത്രത്തെയാണ് ടൊവിനോ അവതരിപ്പിച്ചിരിക്കുന്നത്. സിദ്ദിഖ്, ഇന്ദ്രൻസ്, ഷമ്മി തിലകൻ, ബാബുരാജ്, പ്രമോദ് വെളിയനാട്, വിനീത് തട്ടിൽ, രമ്യ സുവി എന്നിവരാണ് മറ്റുതാരങ്ങൾ.
തൊണ്ണൂറുകളുടെ ആരംഭത്തിൽ കേരളത്തിൽ ഏറെ വിവാദമായ രണ്ട് കൊലപാതകങ്ങളും അതിന് പിന്നാലെ നടന്ന സംഭവ പരമ്പരകളിലൂടെയാണ് ചിത്രം സഞ്ചരിക്കുന്നത്. സിനിമക്ക് വേണ്ടി സംഗീതമൊരുക്കിയിരിക്കുന്നത് തെന്നിന്ത്യയിലെ ശ്രദ്ധേയനായ സംഗീത സംവിധായകൻ സന്തോഷ് നാരായണനാണ്. തൊണ്ണൂറുകളിലെ കഥ സംസാരിക്കുന്ന സിനിമയുടെ ഛായാഗ്രഹണം നിർവഹിച്ചിരിക്കുന്നത് ഗൗതം ശങ്കറാണ്. തിരക്കഥയൊരുക്കിയിരിക്കുന്നത് ജിനു വി എബ്രഹാമാണ്. പൃഥ്വിരാജ് ചിത്രം 'കാപ്പ'യുടെ മികച്ച വിജയത്തിനു ശേഷം തിയറ്റർ ഓഫ് ഡ്രീംസ് നിർമിച്ച ചിത്രമാണ് 'അന്വേഷിപ്പിൻ കണ്ടെത്തും'.

ടൊവിനോ ചിത്രം 'അന്വേഷിപ്പിൻ കണ്ടെത്തും' നെറ്റ്ഫ്ലിക്സിലേക്ക്

കോഴിക്കോട്: പൂ​ക്കോ​ട് വെ​റ്റ​റി​ന​റി സ​ർ​വ​ക​ലാ​ശാ​ലയിൽ പരസ്യമർദനത്തിനും വിചാരണക്കും വിധേയനായി സിദ്ധാർഥ് എന്ന വിദ്യാർഥി മരിച്ച സംഭവത്തിൽ പ്രതികരണവുമായി സീനിയർ സിവിൽ പൊലീസ് ഓഫിസറും എഴുത്തുകാരനുമായ ഉമേഷ് വള്ളിക്കുന്ന്. കാമ്പസുകളിലെ റാഗിങ് അതിരുവിട്ടിട്ടും മലയാളികൾ എല്ലാം കണ്ടുകൊണ്ടിരിക്കുകയും രസിക്കുകയും ചിരിക്കുകയമോണെന്ന് അദ്ദേഹം ഫേസ്ബുക് പോസ്റ്റിൽ പറഞ്ഞു.
‘കാമ്പസിൽ സ്വാതന്ത്ര്യവും ജനാധിപത്യവും സോഷ്യലിസവും ഉറപ്പുവരുത്താനുള്ള ചങ്കൂറ്റമാണ് അവിടത്തെ ഭൂരിപക്ഷപിന്തുണയുള്ള സംഘടനകൾ കാണിക്കേണ്ടത്. ഒറ്റപ്പെട്ടവരെയും ദുർബലരെയും നായാടിക്കിട്ടിയ ചോരകൊണ്ടല്ല, അവർക്കുവേണ്ടി ചിന്തുന്ന ചോരകൊണ്ടല്ലേ ചുവപ്പിക്കേണ്ടത് വെള്ളക്കൊടിയിലെ നക്ഷത്രങ്ങൾ?’ -ഉമേഷ് ചോദിച്ചു.
ഫേസ്ബുക് കുറപ്പിന്റെ പൂർണരൂപം:
കേളി കേട്ട SFI കാമ്പസാണ് മഹാരാജാസ്. ആ കോളേജിൽ പഠിക്കാൻ ചെന്ന തന്നെ ഭീഷണിപ്പെടുത്തി മുടി മുറിപ്പിച്ചതിനെക്കുറിച്ച് സിനിമാ സംവിധായകൻ പ്രതാപ് ജോസഫ് ( Prathap Joseph ) മുൻപ് പറഞ്ഞിട്ടുണ്ട്. അന്ന് ക്യാമ്പസിലെ നേതാവായിരുന്നു ഇന്നത്തെ സംവിധായകൻ ആഷിഖ് അബു. സംഭവം അറിഞ്ഞിരുന്നില്ല എന്നാണ് വർഷങ്ങൾക്കിപ്പുറം ഈ വിഷയം ചർച്ചയായ സമയത്ത് ആഷിഖ് അബു പറഞ്ഞത്. പത്തിരുപത്തഞ്ച് കൊല്ലം മുമ്പ് മുടി മുറിച്ച് രസിച്ച റാഗിംഗ് ഇന്ന് എവിടെ വരെ എത്തിയിരിക്കുന്നു എന്ന് നമ്മളിപ്പോൾ കണ്ടുകൊണ്ടിരിക്കുന്നു. അതെ കണ്ടുകൊണ്ടിരിക്കുകയാണ് നമ്മൾ!. അതെ, അതാണ് നമ്മൾ മലയാളികൾ! എല്ലാം കണ്ടുകൊണ്ടിരിക്കും. കണ്ടു കണ്ട് രസിക്കും. ചിരിക്കും. ചിലപ്പോൾ കരയും. അവനല്ലേ/അവളല്ലേ,അങ്ങനെ ചെയ്തതുകൊണ്ടല്ലേ, അവിടെയല്ലേ, അതുകൊണ്ടല്ലേ എന്നൊക്കെയങ്ങ് അർമാദിക്കും. ഭയം കൊണ്ടോ അടിമത്തം കൊണ്ടോ മനുഷ്യർ മഹാമൗനം കുടിച്ചിരിക്കുന്ന നാട്ടിൽ എവിടെ നിന്നെങ്കിലും ഒരു എതിർശബ്ദമുയർന്നാൽ, ഒരു മറുചോദ്യമുയർന്നാൽ പിന്നെ മുദ്രകുത്തലായി, ചാപ്പയടിക്കലായി, വേട്ടയാടലായി..
കാമ്പസിൽ
സ്വാതന്ത്ര്യവും
ജനാധിപത്യവും
സോഷ്യലിസവും ഉറപ്പുവരുത്താനുള്ള ചങ്കൂറ്റമാണ് അവിടത്തെ ഭൂരിപക്ഷപിന്തുണയുള്ള സംഘടനകൾ കാണിക്കേണ്ടത്.
ഒറ്റപ്പെട്ടവരെയും ദുർബലരെയും നായാടിക്കിട്ടിയ ചോരകൊണ്ടല്ല, അവർക്കുവേണ്ടി ചിന്തുന്ന ചോരകൊണ്ടല്ലേ ചുവപ്പിക്കേണ്ടത് വെള്ളക്കൊടിയിലെ നക്ഷത്രങ്ങൾ?

‘ദുർബലരുടെ ചോരകൊണ്ടല്ല, അവർക്കുവേണ്ടി ചിന്തുന്ന ചോരകൊണ്ടല്ലേ കൊടിയിലെ നക്ഷത്രം ചുവപ്പിക്കേണ്ടത്?’ വൈറലായി കുറിപ്പ്

മലപ്പുറം: എടക്കരയിൽ മഞ്ഞപ്പിത്തം ബാധിച്ച് ചികിത്സയിലായിരുന്ന ഒരാൾ കുടി മരിച്ചു. എടക്കര പഞ്ചായത്തിലെ ചെമ്പൻകൊല്ലി ചെരുവിളകത്ത് സലീമിൻ്റെ മകൻ അബ്ദുൽ റഹീ (32 ) മാണ് മരിച്ചത്. ഇതോടെ മഞ്ഞപ്പിത്തം ബാധിച്ച് മരിച്ചവരുടെ എണ്ണം മൂന്നായി.
എടക്കര പൊട്ടൻതരിപ്പ പുത്തൻവാരിയത്ത് സജിത്ത് (47), പോത്തുകല്ല് സ്വദേശി പുളിക്കത്തറ മാത്യു എബ്രഹാം എന്ന പൊന്നച്ചൻ (61) എന്നിവരാണ് നേരത്തെ മഞ്ഞപ്പിത്തം ബാധിച്ച് മരിച്ചത്. രോഗം ബാധിച്ചതിനെ തുടർന്ന് മൂന്ന് ദിവസം എടക്കരയിലെ സ്വകാര്യ ആശുപത്രിയിൽ ചികിത്സയിലായിരുന്ന റഹീമിനെ പിന്നീട് കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റുകയായിരുന്നു. ഇവിടെ വെച്ച് ശനിയാഴ്ച പുലർച്ചെ ആറോടെയായിരുന്നു മരണം. പോത്തുകൽ പഞ്ചായത്തിനോട് അതിർത്തി പങ്കിടുന്ന എടക്കര പഞ്ചായത്തിലെ ഒന്നാം വാർഡായ ചെമ്പൻകൊല്ലിയിൽ ഏഴുപേരാണ് നിലവിൽ മഞ്ഞപ്പിത്തം ബാധിച്ച് ചികിത്സയിലുള്ളത്.&nbsp;

മഞ്ഞപ്പിത്തം ബാധിച്ച് യുവാവ് മരിച്ചു

കൊച്ചി: ലോക്‌സഭാ തിരഞ്ഞെടുപ്പ് പ്രഖ്യാപനത്തിനു മുന്നോടിയായി രാഷ്ട്രീയ പാർട്ടികൾക്കു നിർദ്ദേശങ്ങളുമായി തിരഞ്ഞെടുപ്പ് കമ്മിഷൻ. ജാതി, മതം, ഭാഷ എന്നിവയുടെ അടിസ്ഥാനത്തിൽ വോട്ട് തേടുന്നതിൽ നിന്നു രാഷ്ട്രീയ പാർട്ടികൾ വിട്ടു നിൽക്കണമെന്നതാണ് പ്രധാന നിർദ്ദേശം. ദൈവങ്ങളെയോ ഭക്തിയെയോ അപമാനിക്കരുത്. മാതൃകാ പെരുമാറ്റച്ചട്ടം ലംഘിച്ചാൽ കർശന നടപടിയെടുക്കുമെന്നും പാർട്ടികൾക്കും സ്ഥാനാർഥികൾക്കും താരപ്രചാരകർക്കും കമ്മിഷൻ മുന്നറിയിപ്പ് നൽകി.
ആരാധനാലയങ്ങൾ തിരഞ്ഞെടുപ്പ് പ്രചാരണത്തിന് ഉപയോഗിക്കരുത്. മുൻകാലങ്ങളിൽ നോട്ടിസ് ലഭിച്ച താരപ്രചാരകരും സ്ഥാനാർഥികളും പെരുമാറ്റച്ചട്ടം ആവർത്തിച്ച് ലംഘിച്ചാൽ കർശന നടപടി നേരിടേണ്ടിവരുമെന്നും തിരഞ്ഞെടുപ്പ് കമ്മിഷൻ പറയുന്നു. ലോക്‌സഭ തിരഞ്ഞെടുപ്പിനു പുറമെ നാലു സംസ്ഥാനങ്ങളിലേക്കു നിയമസഭാ തിരഞ്ഞെടുപ്പും പ്രഖ്യാപിക്കുന്നതിനു ദിവസങ്ങൾക്കു മുന്നേയാണ് കമ്മിഷൻ നിർദ്ദേശവുമായെത്തിയത്.
വിഷയാധിഷ്‌ഠിത സംവാദത്തിലൂടെ തിരഞ്ഞെടുപ്പ് പ്രചാരണത്തിന്റെ നിലവാരം ഉയർത്താൻ രാഷ്ട്രീയ പാർട്ടികളും നേതാക്കളും ശ്രദ്ധിക്കണം. വസ്തുതയ്ക്ക് നിരക്കാത്ത പ്രസ്താവനകൾ നടത്താനോ വോട്ടർമാരെ തെറ്റിദ്ധരിപ്പിക്കാനോ ശ്രമിക്കരുത്. എതിരാളികളെ അപകീർത്തിപ്പെടുത്തുന്നതോ അവഹേളിക്കുന്നതോ ആയ പോസ്റ്റുകൾ, മോശം അഭിരുചിയുള്ളതോ അന്തസിനു നിരക്കാത്തതോ ആയ പോസ്റ്റുകൾ എന്നിവ നിർമിക്കുകയോ പങ്കിടുകയോ ചെയ്യരുതെന്നും കമ്മിഷൻ നിർദ്ദേശിക്കുന്നു. സമൂഹ മാധ്യമങ്ങൾക്കും ഈ നിർദ്ദേശം ബാധകമാണ്.
രാഷ്ട്രീയ പാർട്ടികൾ ധാർമികവും മാന്യവുമായ രാഷ്ട്രീയ സംവാദങ്ങൾ വളർത്തിയെടുക്കണമെന്ന് മുഖ്യ തിരഞ്ഞെടുപ്പ് കമ്മിഷണർ രാജീവ് കുമാർ അടുത്തിടെ പറഞ്ഞിരുന്നു. ഭിന്നിപ്പിക്കുന്നതിനും വ്യക്തിപരമായ ആക്രമണങ്ങൾക്കും പകരം ആശയങ്ങൾ പ്രോത്സാഹിപ്പിക്കണമെന്നും അദ്ദേഹം പറഞ്ഞിരുന്നു.

ദൈവങ്ങളെയോ ഭക്തിയെയോ അപമാനിക്കരുത്; ജാതി, മതം, ഭാഷ എന്നിവയുടെ അടിസ്ഥാനത്തിൽ വോട്ട് തേടരുതെന്ന് തിരഞ്ഞെടുപ്പ് കമ്മിഷൻ

കോഴിക്കോട്: വടകരയിൽ മത്സരിക്കേണ്ടിവരുമെന്ന സൂചന ലഭിച്ചതിനാല്‍ തയ്യാറെടുപ്പ് നടത്തിയതായി കെ. മുരളീധരൻ. വടകരയിൽ മത്സരിക്കാൻ വേറെ ആരുമില്ലെന്നും മനക്കട്ടിയുള്ളവർക്കേ വടകരയിൽ മത്സരിക്കാൻ സാധിക്കൂ എന്നും മുരളീധരൻ പറഞ്ഞു.
"എന്നോട് ഇപ്പോൾ മത്സരിക്കാൻ പറഞ്ഞു. ഞാൻ വടകരയുടെ കാര്യം മാത്രമേ നോക്കുന്നുള്ളൂ. ഇവിടെ മത്സരിക്കാൻ വേറെ ആരുമില്ല. സ്ഥാനാർത്ഥിയാവാനുള്ള ഉന്തും തള്ളും വടകരയിലില്ല. വടകരയ്ക്ക് വേറെ ആവശ്യക്കാരില്ല. അൽപ്പം മനക്കട്ടിയുള്ളവർക്കേ വടകരയിൽ മത്സരിയ്ക്കാൻ കഴിയൂ"- മുരളീധരൻ കൂട്ടിച്ചേർത്തു.
വെറ്ററിനറി കോളേജിലെ വിദ്യാർഥി സിദ്ധാർഥന്റെ മരണത്തിൽ കൃത്യമായ അന്വേഷണം വേണമെന്നും മുരളീധരൻ പറഞ്ഞു. മരണത്തിൽ സർക്കാരിനും സി.പി.എമ്മിനുമാണ് ഉത്തരവാദിത്വം. ചില കോളജുകളിൽ ചില വിദ്യാർത്ഥി സംഘടനകൾക്ക് ഏകാധിപത്യമുള്ള സാഹചര്യമാണുള്ളത്. ഹൈക്കോടതിയുടെ മേൽനോട്ടത്തിൽ അന്വേഷണം വേണം. പുതിയ തലമുറയിൽ പലർക്കും രാഷ്ട്രീയത്തിൽ താൽപ്പര്യമില്ല- കെ.മുരളീധരൻ പറഞ്ഞു.

സ്ഥാനാർത്ഥിയാവാനുള്ള ഉന്തും തള്ളും വടകരയിലില്ല; അല്‍പ്പം മനക്കട്ടിയുള്ളവര്‍ക്കേ അവിടെ മത്സരിക്കാന്‍ കഴിയൂ; കെ മുരളീധരന്‍

കല്പറ്റ: വയനാട് പൂക്കോട് വെറ്ററിനറി കോളേജിലെ സിദ്ധാര്‍ഥന്റെ മരണവുമായി ബന്ധപ്പെട്ട കേസില്‍ രണ്ടുപ്രതികള്‍ കൂടി പിടിയില്‍. സിദ്ധാര്‍ഥനെ ക്രൂരമായി മര്‍ദിച്ചവരില്‍ പ്രധാനിയായ സിന്‍ജോ ജോണ്‍സണ്‍, കാശിനാഥന്‍ എന്നിവരാണ് ശനിയാഴ്ച പിടിയിലായത്. പോലീസ് പുറത്തിറക്കിയ ലുക്കൗട്ട് നോട്ടീസില്‍ ഉള്‍പ്പെട്ടവരാണ് ഇരുവരും. സിന്‍ജോ ജോണ്‍സണെ കൊല്ലം കരുനാഗപ്പള്ളിയിലെ ബന്ധുവീട്ടില്‍നിന്നാണ് പോലീസ് കസ്റ്റഡിയിലെടുത്തത്. മറ്റൊരു പ്രതിയായ കാശിനാഥന്‍ പോലീസില്‍ കീഴടങ്ങുകയായിരുന്നു. സിദ്ധാര്‍ഥനെ ആള്‍ക്കൂട്ടവിചാരണ ചെയ്തതിലും മൂന്നുദിവസം ക്രൂരമായി മര്‍ദിച്ചതിലും പ്രധാനിയായിരുന്നു സിന്‍ജോ ജോണ്‍സണ്‍. സിന്‍ജോയാണ് സിദ്ധാര്‍ഥനെ ഏറ്റവും കൂടുതല്‍ മര്‍ദിച്ചതെന്ന് സിദ്ധാര്‍ഥന്റെ കുടുംബവും പരാതിയില്‍ ഉന്നയിച്ചിരുന്നു.&nbsp;
സിദ്ധാര്‍ഥന്റെ മരണവുമായി ബന്ധപ്പെട്ട കേസില്‍ ഇതുവരെ 13 പ്രതികളാണ് പിടിയിലായത്. കേസില്‍ ആകെ 18 പ്രതികളാണുള്ളത്. ഇനി അഞ്ചുപേര്‍ കൂടി പിടിയിലാകാനുണ്ട്. കേസില്‍ ഉള്‍പ്പെട്ട എസ്.എഫ്.ഐ. യൂണിറ്റ് സെക്രട്ടറി അമല്‍ ഇഹ്‌സാന്‍, കോളേജ് യൂണിയന്‍ പ്രസിഡന്റ് അരുണ്‍ തുടങ്ങിയവര്‍ കഴിഞ്ഞദിവസം പോലീസില്‍ കീഴടങ്ങിയിരുന്നു. കേസില്‍ ആദ്യം അറസ്റ്റിലായ ആറു പ്രതികളുടെയും ജാമ്യാപേക്ഷ വെള്ളിയാഴ്ച കല്പറ്റ ജുഡീഷ്യല്‍ ഫസ്റ്റ്ക്ലാസ് മജിസ്ട്രേറ്റ് (മൂന്ന്) കോടതി തള്ളി.
അതിനിടെ, ആള്‍ക്കൂട്ട വിചാരണയിലും മര്‍ദനത്തിലും പങ്കാളികളായ 19 വിദ്യാര്‍ഥികള്‍ക്ക് വെറ്ററിനറി സര്‍വകലാശാല മൂന്നുവര്‍ഷത്തേക്ക് പഠനവിലക്കേര്‍പ്പെടുത്തി. വെറ്ററിനറി കോളേജില്‍നിന്ന് പുറത്താക്കിയ ഇവര്‍ക്ക് ഇക്കാലയളവില്‍ രാജ്യത്തെ ഒരു കോളേജിലും പ്രവേശനംനേടാന്‍ കഴിയില്ല. കോളേജിലെ ആന്റി റാഗിങ് സെല്‍ യോഗമാണ് റാഗിങ്വിരുദ്ധ സ്‌ക്വാഡിന്റെ അന്വേഷണറിപ്പോര്‍ട്ടിന്റെ അടിസ്ഥാനത്തില്‍ തീരുമാനമെടുത്തത്.
സംഘം ഭീഷണിപ്പെടുത്തിയതിനാല്‍ മര്‍ദിക്കേണ്ടിവന്നവരും സിദ്ധാര്‍ഥനെ തിരിച്ചുവരാന്‍ ഫോണ്‍ വിളിച്ചവരുമുള്‍പ്പെടെയുള്ള 10 പേര്‍ക്ക് ഒരുവര്‍ഷത്തേക്ക് പരീക്ഷയില്‍നിന്നും ക്ലാസില്‍ പ്രവേശിക്കുന്നതില്‍നിന്നും വിലക്കേര്‍പ്പെടുത്തി. ഇവരെ ഹോസ്റ്റലില്‍നിന്നും പുറത്താക്കി. മര്‍ദനമേറ്റനിലയില്‍ കണ്ടെത്തിയിട്ടും ആശുപത്രിയില്‍ എത്തിക്കാത്ത രണ്ടുസഹപാഠികളെ ഇന്റേണല്‍ പരീക്ഷയില്‍നിന്ന് ഒരു വര്‍ഷത്തേക്ക് വിലക്കുകയും ഹോസ്റ്റലില്‍നിന്ന് പുറത്താക്കുകയും ചെയ്തു. അക്രമം കണ്ടിട്ടും ആരെയും അറിയിക്കാത്ത, സംഭവം നടന്ന 16 മുതല്‍ 18 വരെ തീയതികളില്‍ ആണ്‍കുട്ടികളുടെ ഹോസ്റ്റലിലുണ്ടായിരുന്ന മുഴുവന്‍പേരെയും മാതൃകാശിക്ഷയെന്നനിലയില്‍ ഏഴു പ്രവൃത്തിദിവസത്തേക്കും സസ്പെന്‍ഡ് ചെയ്തു. 31 കുട്ടികള്‍ക്കാണ് പരസ്യവിചാരണയില്‍ ഏതെങ്കിലും തരത്തില്‍ പങ്കുള്ളതായി കണ്ടെത്തിയത്. അവര്‍ക്കെതിരേയാണ് ഗുരുതരമായ നടപടികള്‍ സ്വീകരിച്ചത്. 31-ല്‍ 19 പേരാണ് മൃഗീയമായി പെരുമാറിയത്. അതില്‍ 18 പേര്‍ക്കെതിരേ പോലീസ് കേസെടുത്തിട്ടുണ്ട്.

സിദ്ധാര്‍ഥന്റെ മരണം; നാലുപേർക്കെതിരേ ലുക്കൗട്ട് നോട്ടീസ്

കൊച്ചി: സംസ്ഥാനത്ത് സ്വർണവില വീണ്ടും വർധിച്ചു. പവന്റെ വില 47,000 രൂപയായാണ് കൂടിയത്. 680 രൂപയുടെ വർധനയാണ് ഉണ്ടായത്. കഴിഞ്ഞ ദിവസം ഒരു പവൻ സ്വർണത്തിന്റെ വില 46,320 രൂപയായിരുന്നു. ഒരു ഗ്രാം സ്വർണത്തിന്റെ വില 5875 രൂപയായാണ് കൂടിയത്. കഴിഞ്ഞ ദിവസം ഇത് 5790 രൂപയായിരുന്നു. 85 രൂപയുടെ വർധനവാണ് ഗ്രാമിനുണ്ടായത്. യു.എസിലെ പണപ്പെരുപ്പം സംബന്ധിച്ച കണക്കുകൾ കഴിഞ്ഞ ദിവസം പുറത്ത് വന്നിരുന്നു. പണപ്പെരുപ്പം കുറയുന്ന സാഹചര്യത്തിൽ ഫെഡറൽ റിസർവ് പലിശനിരക്കുകൾ കുറക്കുമെന്നാണ് അഭ്യൂഹം. ഇത് സ്വർണവില വർധിക്കുന്നതിന് പ്രധാന കാരണങ്ങളിലൊന്നാണ്.
ഫെഡറൽ റിസർവ് പലിശനിരക്ക് കുറക്കാനുള്ള സാധ്യത മുന്നിൽ കണ്ട് കറൻസി മാർക്കറ്റിൽ ലാഭമെടുപ്പ് തുടരുകയാണ്. ഇത് യു.എസ് ഡോളറിന്റെ നിരക്ക് കുറക്കുന്നതിന് ഇടയാക്കിയിട്ടുണ്ട്. മൾട്ടി കമോഡിറ്റി എക്സ്ചേഞ്ചിൽ 10 ഗ്രാം സ്വർണത്തിന്റെ വില 63,600 രൂപയാണ്. സ്​പോട്ട് ഗോൾഡിന്റെ വില ഔൺസിന് 2,082 ഡോളറായും ഉയർന്നു.

സ്വർണവിലയിൽ വർദ്ധനവ്; പവന് 680 രൂപ കൂടി

തിരുവനന്തപുരം: പുതുക്കിയ മാര്‍ഗ്ഗനിര്‍ദേശങ്ങളനുസരിച്ച് ഡ്രൈവിങ് ടെസ്റ്റിന് സ്ഥലമൊരുക്കാന്‍ മോട്ടോര്‍വാഹനവകുപ്പ് ഉദ്യോഗസ്ഥര്‍ക്ക് കര്‍ശനനിര്‍ദേശം നല്‍കികൊണ്ട് ഉത്തരവ് ഇറങ്ങി. ആര്‍.ടി.ഒമാരും ജോ. ആര്‍.ടി.ഒമാരും ഈ മാസം 15-നുള്ളില്‍ സ്ഥലം കണ്ടെത്തി മേലുദ്യോഗസ്ഥരെ അറിയിക്കണം. 13.07 സെന്റ് സ്ഥലമാണ് ടെസ്റ്റിങ് ട്രാക്കിന് വേണ്ടത്. ട്രാക്ക് ഒരുക്കേണ്ടതും, ശുചിമുറികള്‍, കുടിവെള്ളം, വാഹനപാര്‍ക്കിങ് എന്നിവ ഉള്‍പ്പെടെയുള്ള സൗകര്യങ്ങള്‍ ഏര്‍പ്പെടുത്തേണ്ടതും ഉദ്യോഗസ്ഥരുടെ ചുമതലയാണ്. കുറഞ്ഞത് 50 സെന്റ് സ്ഥലമെങ്കിലും വേണ്ടിവരും. ഇതിന് ചെലവാകുന്ന തുക എങ്ങനെ കണ്ടെത്തണമെന്നത് സംബന്ധിച്ചുള്ള വിശദീകരണം സര്‍ക്കുലറില്‍ ഇല്ല. പുതിയതായി സ്ഥലം കണ്ടെത്തേണ്ടിവരുന്ന സാഹചര്യത്തില്‍ റവന്യു, തദ്ദേശസ്വയംഭരണ സ്ഥാപനങ്ങളുടെ സഹായം തേടാന്‍ നിര്‍ദേശമുണ്ട്. മറ്റുമാര്‍ഗ്ഗമില്ലെങ്കില്‍ സ്വകാര്യ ഭൂമിയും പരിഗണിക്കാം.
ഒമ്പതിടത്ത് മാത്രമാണ് മോട്ടോര്‍വാഹനവകുപ്പിന് സ്വന്തം ഡ്രൈവിങ് ടെസ്റ്റിങ് കേന്ദ്രങ്ങളുള്ളത്. പുതിയ രീതിയില്‍ ടെസ്റ്റ് നടത്തണമെങ്കില്‍ ഇതിലും മാറ്റം വരുത്തേണ്ടിവരും. ശേഷിക്കുന്ന 77 സ്ഥലങ്ങളില്‍ റവന്യു പുറമ്പോക്കിലും റോഡ് വക്കിലുമൊക്കെയാണ് പരിശോധന നടക്കുന്നത്. പുതിയ രീതിയില്‍ ടെസ്റ്റ് നടത്തുന്നതിനുള്ള സ്ഥലസൗകര്യം മിക്കയിടത്തുമില്ല.
കയറ്റത്തില്‍ നിര്‍ത്തിവാഹനം മുന്നോട്ട് എടുക്കുന്ന ഗ്രേഡിയന്റ് ടെസ്റ്റ് ഉള്‍പ്പെടെ നടത്തണമെങ്കില്‍ ട്രാക്ക് കോണ്‍ക്രീറ്റോ, ഇന്റര്‍ലോക്കോ ചെയ്യേണ്ടിവരും. ഇതിനുള്ള തുക എങ്ങനെ കണ്ടെത്തുമെന്നത് സംബന്ധിച്ചുള്ള മാര്‍ഗ്ഗ നിര്‍ദേശങ്ങള്‍ സര്‍ക്കുലറിലില്ല. സര്‍ക്കാര്‍ ഉടമസ്ഥതയിലോ, വ്യക്തമായ കരാറിലോ ഇല്ലാത്ത സ്ഥലങ്ങളില്‍ നിര്‍മാണ പ്രവര്‍ത്തനങ്ങള്‍ നടത്തുന്നതിന് ഉദ്യോഗസ്ഥര്‍ക്ക് പരിമിതികളുണ്ട്. ഇതിലും വ്യക്തതയില്ല. മേയ് ഒന്നുമുതല്‍ പുതിയ രീതിയില്‍ ഡ്രൈവിങ് ടെസ്റ്റ് നടത്താനാണ് മന്ത്രി കെ.ബി ഗണേഷ്‌കുമാറിന്റെ നിര്‍ദേശം. ഡ്രൈവിങ് ടെസ്റ്റിങ് കേന്ദ്രങ്ങള്‍ക്ക് സ്ഥലം കണ്ടെത്താന്‍ നേരത്തെ മോട്ടോര്‍വാഹനവകുപ്പ് ശ്രമിച്ചിരുന്നെങ്കിലും പരാജയപ്പെട്ടിരുന്നു. ഡ്രൈവിങ് സ്‌കൂളുകാരോട് ടെസ്റ്റിങ് ഗ്രൗണ്ട് ഒരുക്കാന്‍ നിര്‍ദേശിച്ചിരുന്നെങ്കിലും അവര്‍ എതിര്‍ത്ത പശ്ചാത്തലത്തിലാണ് ഉദ്യോഗസ്ഥരെ ചുമതലപ്പെടുത്തിയത്.

ശുചിമുറികള്‍, കുടിവെള്ളം, വാഹനപാര്‍ക്കിങ്; പുതിയ ഡ്രൈവിങ് ടെസ്റ്റ് രീതി, സ്ഥലമൊരുക്കാന്‍ ഉദ്യോഗസ്ഥര്‍ക്ക് നിര്‍ദേശം

മേപ്പയ്യൂർ: ചാവട്ട് വയലിൽ നെൽകൃഷി ചെയ്യുന്നതിനുള്ള പ്രവർത്തനങ്ങൾ വിലയിരുത്തുന്നതിനായി പാടശേഖരം സന്ദർശിച്ചു. ചാവട്ട് പാടശേഖരത്തിലെ തോട് ആഴം കൂട്ടി നവീകരിച്ചാൽ നെൽകൃഷിയിൽ മേപ്പയൂരിന് കൂടുതൽ വിളവ് ഉത്പ്പാദിപ്പിക്കാൻ കഴിയും. തോടിൻ്റെ നിജസ്ഥിതി അറിയുന്നതിനും ആവശ്യമായ മാറ്റങ്ങൾ വരുത്തുന്നതിനും ഫീൽഡ് സന്ദർശനം നടത്തി.&nbsp;
വികസനകാര്യ സ്ഥിരം സമിതി ചെയർമാൻ സുനിൽ വടക്കയിൽ, ആരോഗ്യ വിദ്യാഭ്യാസ സ്ഥിരം സമിതി ചെയർമാൻ ഭാസ്കരൻ കൊഴുക്കല്ലൂർ, കൃഷി ഓഫീസർ ആർ.എ അപർണ, കൃഷി അസിസ്റ്റൻ്റ് എസ്.സുഷേണൻ, പാടശേഖര ഭാരവാഹികളായ വി. കുഞ്ഞിരാമൻ കിടാവ്, പട്ടേരി കുഞ്ഞിക്കേളപ്പൻ, കെ.എം. ബാലൻ എന്നിവരാണ് സന്ദർശിച്ചത്.

പാടശേഖരം സന്ദർശിച്ചു

Perambra

വടകര: മുട്ടുങ്ങൽ വെസ്റ്റ് ഉണിക്കാർ കണ്ടിയിൽ ഷൈലജ ( 56) നിര്യാതയായി. ഭർത്താവ്; രാജൻ (റിട്ട. കെ.എസ്.ആർ. ടി സി ). മക്കൾ; ജീന, ജിതിൻ (യൂണിയൻ ബാങ്ക് തൂണേരി). മരുമക്കൾ; അനിൽ ബാബു , ഗ്രീഷ്മ.&nbsp;

മുട്ടുങ്ങൽ ഉണിക്കാർ കണ്ടിയിൽ ഷൈലജ നിര്യാതയായി

Obituary

തൃശൂര്‍: അപൂർവരോഗമുള്ള കുഞ്ഞിന് ചികിത്സാ സഹായം ചോദിച്ചെത്തിയ അമ്മയെയും കുഞ്ഞിനെയും നടനും ബി.ജെ.പി നേതാവുമായ സുരേഷ് ഗോപി അപമാനിച്ചതായി പരാതി. ചികിത്സക്കായി സഹായം അഭ്യർഥിച്ചപ്പോൾ കളിയാക്കുന്ന തരത്തിൽ ഗോവിന്ദൻ മാസ്റ്ററെ പോയി കാണാനായിരുന്നു മറുപടി.
കോയമ്പത്തൂരിൽ താമസിക്കുന്ന സിന്ധുവാണ് സുരേഷ് ഗോപിയോട് മകൻ അശ്വിന് ചികിത്സക്കായി സഹായം അഭ്യർഥിച്ചത്. ഗോവിന്ദൻ മാസ്റ്ററെ പോയി കാണാൻ പറഞ്ഞപ്പോൾ കളിയാക്കിയതാണെന്ന് മനസ്സിലാകാതെ ക്ഷേത്ര നടയിലുണ്ടായിരുന്നവരോട് ആരാണ് ഗോവിന്ദൻ മാസ്റ്ററെന്ന് സിന്ധു തിരക്കി. പിന്നീട് ക്ഷേത്രത്തിൽ ഉണ്ടായിരുന്നവരാണ് കളിയാക്കിയതാണെന്ന് അവരെ പറഞ്ഞു മനസ്സിലാക്കിയത്. ഇതോടെ ആൾക്കൂട്ടത്തിന് നടുവിൽ നിന്ന് കൈക്കുഞ്ഞുമായി സിന്ധു കരഞ്ഞു. പിന്നീട് ക്ഷേത്രത്തിൽ ഉണ്ടായിരുന്നവരാണ് സിന്ധുവിനെ സമാധാനിപ്പിച്ചത്.
തമിഴ്നാട് സ്വദേശിനിയായ സിന്ധു കോടീശ്വരൻ സ്ഥിരമായി കാണുക വഴിയാണ് സുരേഷ് ഗോപിയെ അറിയുന്നത്. ഗുരുവായൂർ ക്ഷേത്രദർശനത്തിനിടെ സുരേഷ് ഗോപിയേയും സംഘത്തേയും കണ്ടപ്പോൾ രണ്ടു വയസ്സുള്ള മകൻ അശ്വിനേയും എടുത്ത് സഹായം ചോദിക്കുകയായിരുന്നു. മാസ്റ്റോസൈറ്റോസിസ് എന്ന അപൂർവ രോഗത്തിന് ചികിത്സയിലാണ് അശ്വിൻ . ഒരു മാസം മരുന്നിന് മാത്രം 50,000 രൂപയോളം ചെലവുണ്ട്.

ഗോവിന്ദന്‍ മാസ്റ്ററോട് ചോദിക്കൂ; അപൂർവ രോഗത്തിന് ചികിത്സാ സഹായം ചോദിച്ച അമ്മയെയും കുഞ്ഞിനെയും സുരേഷ് ഗോപി അപമാനിച്ചതായി പരാതി

കാസർകോട്: ഉത്സവസ്ഥലത്ത് പാചകത്തിന്‌ സഹായിയായിനിന്ന ആൺകുട്ടിയെ വീട്ടിൽ കൊണ്ടുപോയി പീഡിപ്പിക്കാൻ ശ്രമിച്ചതായി പരാതി. 15-കാരന്റെ പരാതിയിൽ പള്ളഞ്ചി നിടുകുഴിയിലെ സതീശനെ ആദൂർ പോലീസ് പോക്സോ കേസ് ചുമത്തി അറസ്റ്റ്‌ ചെയ്തു. കോടതി സതീശനെ റിമാൻഡ് ചെയ്തു.
ആദൂർ പോലീസ് സ്റ്റേഷൻ പരിധിയിൽ നടന്ന ഒറ്റക്കോലത്തിന് ഭക്ഷണം പാകംചെയ്യാൻ എത്തിയതായിരുന്നു സതീശൻ. പരാതിക്കാരനായ കുട്ടിയടക്കമുള്ളവർ ഭക്ഷണം പാകംചെയ്യുന്നതിന് സഹായിക്കാൻ ഇവിടെയുണ്ടായിരുന്നു.
ഭക്ഷണം ഉണ്ടാക്കിയശേഷം കുട്ടിയെ മറ്റൊരു ക്ഷേത്രത്തിലെ ഉത്സവത്തിന് പോകാനുണ്ടെന്ന് വിശ്വസിപ്പിച്ച് സ്വന്തം വീട്ടിലേക്ക്‌ കൂട്ടിക്കൊണ്ടുപോയി പീഡിപ്പിക്കാൻ ശ്രമിച്ചതായാണ് പരാതി.

പതിനഞ്ചുകാരനെ പീഡിപ്പിക്കാൻ ശ്രമം: പാചകക്കാരൻ അറസ്റ്റിൽ

മുയിപ്പോത്ത്: വടകരയിലുള്ള റൂറല്‍ ജില്ലാ സൈബര്‍ പോലീസ് സ്റ്റേഷനിലെ സീനിയര്‍ സിവില്‍ പോലീസ് ഓഫീസര്‍ ചെറുവണ്ണൂര്‍ പന്നിമുക്ക് എടക്കയില്‍ ആറങ്ങാട്ട് ദില്‍ജിത്ത് (40) ഹൃദയാഘാതം മൂലം അന്തരിച്ചു. പരേതനായ ദാമോദരന്റെയും ശാരദയുടെയും മകനാണ്.&nbsp;
ഭാര്യ: ഷിജിന. മക്കള്‍: വിനായക്, ശ്രിയ. സഹോദരങ്ങള്‍: ബിന്ദു, ബിനു, ബിനിജ, പരേതയായ ബീന. ഉച്ചയോടെ പേരാമ്പ്ര പോലീസ് സ്റ്റേഷനിൽ പൊതു ദർശനത്തിന് വെക്കും.

വടകര സൈബര്‍ പോലീസ് സ്റ്റേഷനിലെ എസ്‌സിപിഒ ദില്‍ജിത്ത് അന്തരിച്ചു

വടകര: തലശേരി - തൊട്ടിൽപാലം റൂട്ടിൽ സർവ്വീസ് നടത്തുന്ന ബസ് കണ്ടക്ടർക്ക് നേരെ പെരിങ്ങത്തൂരിൽ വെച്ചുണ്ടായ അക്രമണത്തിലെ പ്രതികളെ അറസ്റ്റ് ചെയ്യണമെന്നാവശ്യപ്പെട്ട് തലശേരി റൂട്ടിൽ നടത്തുന്ന പണിമുടക്കിന് ഐക്യദാർഢ്യം പ്രക്യാപിച്ച് വടകര താലൂക്കിലും പണിമുടക്ക്. ഇന്നലെ വടകര - തൊട്ടിൽപാലം റൂട്ടിൽ മാത്രമായിരുന്നു പണിമുടക്ക്. ഇന്ന് വടകര താലൂക്കിൽ മുഴുവൻ വ്യാപിപ്പിച്ചു. തൊഴിലാളി സംഘടനകളുടെ പിന്തുണയില്ലാതെ സമൂഹമാധ്യമങ്ങൾ വഴി ആഹ്വാനം ചെയ്താണ് വടകരയിൽ മിന്നൽ പണിമുടക്ക് നടത്തിയത്.&nbsp;
മുൻ കൂട്ടി അറിയിപ്പ് നൽകാതെ സാമൂഹ്യ മാധ്യമങ്ങളിലൂടെ പണിമുടക്കിന് ആഹ്വാനം ചെയ്തതിനാൽ വിവരമറിയാതെ രാവിലെ വടകര പുതിയ ബസ് സ്റ്റാൻഡിൽ വിവിധ സ്ഥലങ്ങളിലേക്ക് പോകാൻ എത്തിയ യാത്രക്കാർ ദുരിതത്തിലായി. വടകരയിൽ നിന്നും പ്രധാനമായും സർവ്വീസ് നടത്തുന്ന നാദാപുരം, കുറ്റ്യാടി, തൊട്ടിൽപാലം റൂട്ടുകളിലേക്ക് ബസുകൾ ലഭിക്കാത്തത് ഏറെ ബുദ്ധിമുട്ടിനിടയാക്കി. ഈ ഭാഗങ്ങളിലേക്ക് എത്തിച്ചേരാൻ ടാക്സി ജീപ്പുകൾക്ക് വൻ തുകയാണ് യാത്രക്കാർ നൽകുന്നത്. ഇന്ന് കണ്ണൂർ - കോഴിക്കോട് ദീർഘ ദൂര ബസുകളും പണിമുടക്കിൻ്റ ഭാഗമായതോടെ യാത്രാ ക്ളേശം രൂക്ഷമാണ്. കെ.എസ്.ആർ.ടി.സി അധിക സർവ്വീസുകൾ ആരംഭിച്ചെങ്കിലും ആവശ്യത്തിന് ലഭ്യമല്ല.

കണ്ടക്ടർക്ക് മർദ്ദനം; വടകര താലൂക്കിൽ സ്വകാര്യ ബസുകളുടെ മിന്നൽ പണിമുടക്ക്

കണ്ണൂർ: ചക്കരക്കല്ലിൽ അച്ചാറിലൊളിപ്പിച്ച് എം.ഡി.എം.എ കടത്തിയ സംഭവത്തിൽ മൂന്നുപേർ പിടിയിൽ. ഒരു സുഹൃത്തിനെ കബളിപ്പിച്ച് മറ്റൊരു സുഹൃത്തിന് ലഹരി എത്തിച്ചുനൽകാനുള്ള ശ്രമമായിരുന്നു എന്നാണ് വിവരം.
ബുധനാഴ്ച ഗൾഫിലേക്ക് പോകേണ്ടിയിരുന്ന ചക്കരക്കല്ല് സ്വദേശിയുടെ വീട്ടിലേക്ക് ശ്രീലാൽ, അർഷാദ്, ജിഫിൻ എന്നിവർ രണ്ട് പാത്രങ്ങളിൽ അച്ചാർ കൊണ്ടുവന്നു. കുപ്പിയുടെ അടപ്പ് നേരാംവണ്ണം അടയ്ക്കാത്തതിൽ സംശയം തോന്നിയ വീട്ടുകാർ തുറന്നുനോക്കി അച്ചാർ മറ്റൊരു പാത്രത്തിലേക്ക് മാറ്റി. ഇതോടെ പ്ലാസ്റ്റിക് കവറിലും ചെറിയ ഡപ്പിയിലുമായി ലഹരി കണ്ടെത്തി. പൊലീസിൽ വിവരമറിയിച്ചതു പ്രകാരം അവരെത്തി പരിശോധന നടത്തി.0.26 ഗ്രാം എം.ഡി.എം.എയും 3.04 ഗ്രാം ഹെറോയിനുമാണ് കണ്ടെത്തിയത്. ഗൾഫിലെ മറ്റൊരു സുഹൃത്തിന് എത്തിച്ചുനൽകാൻ വേണ്ടിയാണ് അച്ചാർ നൽകിയത്.&nbsp;

ഗൾഫിലേക്ക് കൊണ്ടുപോകാൻ അയൽവാസി ഏൽപ്പിച്ച അച്ചാർ കുപ്പിയിൽ എം.ഡി.എം.എ; മൂന്നുപേർ പിടിയിൽ

Kannur

വടകര: കാണാതായ തിരുവള്ളൂര്‍ സ്വദേശിയുടെ മൃതദേഹം പുഴയിൽ കണ്ടെത്തി.ആദിഷ് കൃഷ്ണ (17) യുടെ മൃതദേഹമാണ് ചാനിയം കടവ് പുഴയിൽ കണ്ടെത്തിയത്. ഇക്കഴിഞ്ഞ 28 ന് രാത്രിയിൽ വീട്ടിൽ നിന്നും ഇറങ്ങിയ കുട്ടിയെ കാണാതാവുകയായിരുന്നു.മേമുണ്ട ഹയർ സെക്കണ്ടറി സ്കൂളിലെ പ്ളസ് വൺ വിദ്യാർത്ഥിയാണ്.
29 ന് വടകര പൊലീസിൽ രക്ഷിതാവ് നൽകിയ പരാതിയിൽ അന്വേഷണം നടത്തി വരുന്നതിനിടെ ഇന്ന് രാവിലെ മൃതദേഹം പുഴയിൽ കണ്ടെത്തുകയായിരുന്നു.. മീൻ പിടിക്കുകയായിരുന്നവരാണ് മൃതദേഹം ആദ്യം കണ്ടത്. വടകര പൊലീസ് സ്ഥലത്ത് എത്തി പരിശോധന നടത്തുന്നു.

തിരുവള്ളൂരിൽ നിന്ന് കാണാതായ വിദ്യാർത്ഥിയുടെ മൃതദേഹം പുഴയിൽ കണ്ടെത്തി.

തിരുവള്ളൂരിൽ നിന്ന് കാണാതായ വിദ്യാർത്ഥിയുടെ മൃതദേഹം പുഴയിൽ കണ്ടെത്തി

തോടന്നൂര്‍: വടകര-മാഹി കനാലില്‍ നിന്നു കണ്ടെത്തിയ മൃതദേഹംതിരിച്ചറിഞ്ഞു. തോടന്നൂര്‍ താഴെ മലയില്‍ ഓമനയാണ് (65) മരിച്ചത്. മകന്‍ വിനീഷ് മൃതദേഹം തിരിച്ചറിഞ്ഞു. ഭര്‍ത്താവ് പൊക്കു ദീര്‍ഘകാലം വടകരയില്‍ ടാക്‌സി ഡ്രൈവറായിരുന്നു.
ഓമന ബന്ധുവീട്ടിലും മറ്റും പോകാറുള്ളതിനാല്‍ വീട്ടില്‍ രണ്ടു ദിവസമായി കാണാത്തതിനെപ്പറ്റി ചിന്തിച്ചിരുന്നില്ലെന്ന് വിനീഷ് പറയുന്നു. ജില്ല ആശുപത്രി മോര്‍ച്ചറിയില്‍ സൂക്ഷിച്ച മൃതദേഹം പോസ്റ്റ്‌മോര്‍ട്ടം ചെയ്ത ശേഷം ബന്ധുക്കള്‍ക്ക് വിട്ടുകൊടുക്കും.

തോടന്നൂര്‍ കനാലില്‍ കാണപ്പെട്ട മൃതദേഹം തിരിച്ചറിഞ്ഞു

തൃശ്ശൂര്‍: യുവതിയെ ഭര്‍തൃവീട്ടില്‍ മരിച്ചനിലയില്‍ കണ്ടെത്തി. വെള്ളാങ്ങല്ലൂര്‍ കരുമാത്ര നൗഫലിന്റെ ഭാര്യ ഫസീലയെയാണ് തൂങ്ങിമരിച്ച നിലയില്‍ കണ്ടത്. ചൊവ്വാഴ്ചയായിരുന്നു സംഭവം. ഭര്‍തൃപീഡനമാണ് മരണത്തിന് കാരണമെന്ന് ബന്ധുക്കള്‍ ആരോപിച്ചു.ജീവനൊടുക്കുന്നതിന് തൊട്ടുമുന്‍പ് ഫസീല താന്‍നേരിട്ട പീഡനത്തെക്കുറിച്ച് വെളിപ്പെടുത്തി മാതാവിന് വാട്‌സാപ്പ് സന്ദേശം അയച്ചിരുന്നു. താന്‍ രണ്ടാമതും ഗര്‍ഭിണിയാണെന്നും നൗഫല്‍ വയറ്റിൽ ചവിട്ടിയെന്നും മരിക്കാന്‍ പോവുകയാണെന്നുമായിരുന്നു സന്ദേശം.
''ഉമ്മാ, ഞാന്‍ രണ്ടാമത് ഗര്‍ഭിണിയാണ്. നൗഫല്‍ വയറ്റിൽ ചവിട്ടി, ഉപദ്രവിച്ചു. വേദനിച്ചപ്പോള്‍ ഞാന്‍ നൗഫലിന്റെ കഴുത്തിന് പിടിച്ചു. ഇവിടത്തെ ഉമ്മയും എന്നെ പീഡിപ്പിച്ചു. തെറിവിളിച്ചു. ഉമ്മാ, ഞാന്‍ മരിക്കുകയാണ്. അല്ലെങ്കില്‍ എന്നെ ഇവര്‍ കൊല്ലും. എന്റെ കൈ നൗഫല്‍ പൊട്ടിച്ചു. പക്ഷേ, എന്നെ പോസ്റ്റ്‌മോര്‍ട്ടം ചെയ്യരുത്'', എന്നായിരുന്നു ഫസീലയുടെ സന്ദേശം. ഇതിനുശേഷമാണ് യുവതി ജീവനൊടുക്കിയതെന്നാണ് ബന്ധുക്കള്‍ പറയുന്നത്.

ഉമ്മാ, ഞാൻ രണ്ടാമത് ഗർഭിണിയാണ്, വയറ്റിൽ ചവിട്ടി'; വാട്‌സാപ്പ് സന്ദേശത്തിന് പിന്നാലെ യുവതി മരിച്ചനിലയിൽ

കാഞ്ഞങ്ങാട്: 14 വയസുകാരി പ്രസവിച്ച സംഭവത്തിൽ കൂടുതൽ വിവരങ്ങൾ പുറത്ത്. കേസിലെ പ്രതിയും പെൺകുട്ടിയുടെ പിതാവുമായ നാൽപ്പത്തിയെട്ടുകാരൻ ഒരു മാസം മുമ്പാണ് ഗൾഫിലേക്ക് കടന്നത്. അതിനുമുമ്പ് ഭാര്യയ്ക്ക് മക്കൾക്കുമൊപ്പം വാടക വീട്ടിലായിരുന്നു പ്രതി താമസിച്ചിരുന്നത്. ഇതിനിടയിലാണ് പെൺകുട്ടി പീഡനത്തിന് ഇരയായതെന്നാണ് വിവരം.
ഈ മാസം ഇരുപത്തിമൂന്നിന് വീട്ടിൽവച്ചാണ് പെൺകുട്ടി പ്രസവിച്ചത്. അമിത രക്തസ്രാവം ഉണ്ടായതോടെയാണ് പെൺകുട്ടിയെ കാഞ്ഞങ്ങാട്ടെ സ്വകാര്യ ആശുപത്രിയിൽ എത്തിച്ചത്. ഇതോടെയാണ് സംഭവം പുറത്തറിയുന്നത്. ആശുപത്രി അധികൃതർ പൊലീസിൽ വിവരമറിയിച്ചു. തുടക്കത്തിൽ ഉത്തരവാദി ആരാണെന്നറിയില്ലെന്നായിരുന്നു പെൺകുട്ടിയുടെ മൊഴി. അന്വേഷണത്തിൽ കുടക് സ്വദേശിയും പെൺകുട്ടിയുടെ പിതാവുമായ നാൽപ്പത്തിയെട്ടുകാരനാണ് പ്രതിയെന്ന് പൊലീസ് കണ്ടെത്തി. ഡി എൻ എ പരിശോധനയ്ക്കായി നീങ്ങിയതോടെ പെൺകുട്ടിയും ഇക്കാര്യം തുറന്നുപറഞ്ഞു. തുടർന്ന് ഇയാളോട് നാട്ടിലേക്ക് വരാൻ അന്വേഷണ സംഘം ആവശ്യപ്പെടുകയായിരുന്നു.
ഇതുപ്രകാരം കഴിഞ്ഞ ദിവസം മംഗളൂരു വിമാനത്താവളത്തിലെത്തി. ട്രെയിനിൽ നാട്ടിലേക്ക് വരുന്നതിനിടയിൽ പൊലീസ് പിടികൂടി. പ്രതിയും കുറ്റം സമ്മതിച്ചിട്ടുണ്ട്.

കാഞ്ഞങ്ങാട് 14 വയസുകാരി പ്രസവിച്ച സംഭവം; ഉത്തരവാദി പിതാവ് , ഗൾഫിലേക്ക് കടന്നത് ഒരു മാസം മുമ്പ്

ത​ല​ശ്ശേ​രി: ഉ​ളി​യി​ൽ വെ​മ്പ​ടി​ച്ചാ​ൽ വീ​ട്ടി​ൽ പാ​ർ​വ​തി അ​മ്മ​യെ (86) ക​ഴു​ത്ത് ഞെ​രി​ച്ചു കൊ​ല​പ്പെ​ടു​ത്തി​യ കേ​സി​ൽ മ​ക​ന് ജീ​വ​പ​ര്യ​ന്തം ത​ട​വും 50,000 രൂ​പ പി​ഴ​യും. മ​ക​ൻ കെ. ​സ​തീ​ശ​നെ​യാ​ണ് (55) ത​ല​ശ്ശേ​രി ഒ​ന്നാം അ​ഡീ​ഷ​ന​ൽ സെ​ഷ​ൻ​സ് കോ​ട​തി ജ​ഡ്ജി ഫി​ലി​പ്പ് തോ​മ​സ് ശി​ക്ഷി​ച്ച​ത്. പി​ഴ​യ​ട​ച്ചി​ല്ലെ​ങ്കി​ൽ ആ​റു​മാ​സം അ​ധി​ക ത​ട​വ് അ​നു​ഭ​വി​ക്ക​ണം. മ​ദ്യ​പാ​നി​യാ​യ പ്ര​തി സ്വ​ത്ത് വി​റ്റ് പ​ണം ചെ​ല​വ​ഴി​ച്ച​തി​നെ ചോ​ദ്യം ചെ​യ്ത​താ​ണ് കൊ​ല​പാ​ത​ക​ത്തി​ന് കാ​ര​ണ​മാ​യ​ത്. 2018 മേ​യ് 13ന് ​ഉ​ച്ച​ക്കു​ശേ​ഷമാ​ണ് സം​ഭ​വം. പാ​ർ​വ​തി അ​മ്മ​യു​ടെ പേ​രി​ലു​ള്ള ചാ​വ​ശ്ശേ​രി​യി​ലെ ഭ​വ​ന​ത്തി​ൽ​വെ​ച്ചാ​ണ് കൃ​ത്യം ന​ട​ന്ന​ത്.
പാ​ർ​വ​തി അ​മ്മ​യെ ക​ട്ടി​ലി​ൽ കി​ട​ത്തി ദേ​ഹ​ത്ത് ക​യ​റി​യി​രു​ന്ന് ക​ഴു​ത്ത് ഞെ​രി​ച്ചു കൊ​ല്ലു​ക​യാ​യി​രു​ന്നു. വാ​രി​യെ​ല്ലു​ക​ൾ ഒ​ടി​ഞ്ഞാ​ണ് മ​ര​ണം. സം​ഭ​വ​സ​മ​യം വീ​ട്ടി​ൽ മ​റ്റാ​രു​മി​ല്ലാ​യി​രു​ന്നു. ബ​ന്ധു​വും അ​യ​ൽ​ക്കാ​ര​നു​മാ​യ വി​നീ​ഷി​ന്റെ പ​രാ​തി​യി​ൽ മ​ട്ട​ന്നൂ​ർ എ​സ്.​ഐ ആ​യി​രു​ന്ന ശി​വ​ൻ ചോ​ടോ​ത്താ​ണ് കേ​സ് ര​ജി​സ്റ്റ​ർ ചെ​യ്ത​ത്. ഡി​വൈ.​എ​സ്.​പി എ.​വി. ജോ​ൺ അ​ന്വേ​ഷ​ണം ന​ട​ത്തി.

ത​ല​ശ്ശേ​രിയിൽ മാ​താ​വി​നെ ക​ഴു​ത്ത് ഞെ​രി​ച്ചു കൊ​ന്ന ​മകന് ജീ​വ​പ​ര്യ​ന്തം

വളയം: പത്താംക്ലാസുകാരന്‍ വണ്ടിയോടിച്ചതിനെത്തുടര്‍ന്ന് മാതാവിന്റെപേരില്‍ പോലീസ് കേസ്. ഷാപ്പ്മുക്ക് സ്വദേശിയായ വിദ്യാര്‍ഥിയാണ് തിങ്കളാഴ്ച വൈകീട്ട് സ്‌കൂട്ടറുമെടുത്ത് റോഡിലിറങ്ങിയത്. വളയം അങ്ങാടിയിലെത്തിയപ്പോള്‍ വാഹനപരിശോധന നടത്തുകയായിരുന്ന പോലീസ് കൈകാണിച്ച് നിര്‍ത്തി പരിശോധിച്ചപ്പോഴാണ് പത്താംക്ലാസില്‍ പഠിക്കുന്ന വിദ്യാര്‍ഥിയാണെന്ന് മനസ്സിലായത്.
അഡീഷണല്‍ എസ്.ഐ. പ്രദീപന്റെ നേതൃത്വത്തിലുള്ള പോലീസ് സംഘം വാഹനം കസ്റ്റഡിയിലെടുക്കുകയും പ്രായപൂര്‍ത്തിയാകാത്തയാള്‍ക്ക് വാഹനം നല്‍കിയതിന് മാതാവിന്റെപേരില്‍ കേസെടുക്കുകയുമായിരുന്നു.മേഖലയില്‍ ലൈസന്‍സില്ലാത്ത വിദ്യാര്‍ഥികള്‍ വാഹനങ്ങളുമായി റോഡിലിറങ്ങുന്നതായി വ്യാപകപരാതിയുണ്ട്.&nbsp;

വളയത്ത് പത്താംക്ലാസുകാരന്‍ സ്‌കൂട്ടറുമായി റോഡിലിറങ്ങി; മാതാവിന്റെപേരില്‍ കേസ്

Search Results for: vipanchika