കോട്ടയം: അന്തരിച്ച സിപിഐ സംസ്ഥാന സെക്രട്ടറി കാനം രാജേന്ദ്രന് അന്ത്യാഭിവാദ്യമര്‍പ്പിച്ച് രാഷ്ട്രീയ കേരളം. ഞായറാഴ്ച രാവിലെ 11ന് ജന്മനാടായ കാനത്തെ കൊച്ചുകളപ്പുരയിടം വീട്ടുവളപ്പിൽ ഭൗതികശരീരം ഔദ്യോഗിക ബഹുമതികളോടെ സംസ്‌കരിക്കരിച്ചു. മുഖ്യമന്ത്രി പിണറായി വിജയൻ, സിപിഐ ജനറൽ സെക്രട്ടറി ഡി രാജ, സിപിഐ എം സംസ്ഥാന സെക്രട്ടറി എം വി ​ഗോവിന്ദൻ, മന്ത്രിമാർ, വിവിധ രാഷ്ട്രീയ പാർട്ടികളുടെ നേതാക്കൾ അടക്കമുള്ള പ്രമുഖർ വീട്ടിലെത്തി ആദരാഞ്ജലിയർപ്പിച്ചു. അഞ്ച്‌ പതിറ്റാണ്ടോളം കർമമണ്ഡലമായിരുന്ന രാഷ്ട്രീയതലസ്ഥാനം യാത്രയാക്കിയ പ്രിയസഖാവിനെയും കാത്ത്‌ തിരുവനന്തപുരം മുതൽ വാഴൂർവരെ പാതയോരങ്ങളിൽ ആയിരങ്ങൾ ഉണ്ടായിരുന്നു. കൊച്ചിയിലെ സ്വകാര്യ ആശുപത്രിയിൽ വെള്ളി വൈകിട്ട്‌ അന്തരിച്ച കാനം രാജേന്ദ്രന്റെ മൃതദേഹവും വഹിച്ചുള്ള പ്രത്യേക വിമാനം ശനി രാവിലെ 8.50നാണ്‌ തിരുവനന്തപുരത്തെത്തിയത്‌. മന്ത്രിമാരായ കെ രാജൻ, പി പ്രസാദ്‌, ബിനോയ്‌ വിശ്വം എംപി, കാനത്തിന്റെ മകൻ സന്ദീപ്‌ എന്നിവർ ഒപ്പമുണ്ടായിരുന്നു. മുതിർന്ന നേതാക്കളുടെയും പ്രവർത്തകരുടെയും അകമ്പടിയിൽ സിപിഐ സംസ്ഥാന കൗൺസിൽ ഓഫീസായി പ്രവർത്തിക്കുന്ന പി എസ്‌ സ്മാരകത്തിലേക്ക്‌ വിലാപയാത്രയെത്തുമ്പോൾ സമയം 11.15. എഐടിയുസി ജനറൽ സെക്രട്ടറി ആയിരിക്കെ പടുത്തുയർത്തിയ മന്ദിരത്തിൽ ലാൽസലാം വിളികൾ കേൾക്കാതെ കാനം മരണം പുതച്ചുകിടന്നു. കാനത്തിന്റെ ജീവിതചിത്രങ്ങൾ ആലേഖനം ചെയ്‌തൊരുക്കിയ കെഎസ്‌ആർടിസി ബസിൽ പകൽ രണ്ടിന്‌ വിലാപയാത്ര ജന്മനാടായ കാനത്തേക്ക്‌ പുറപ്പെട്ടു. മന്ത്രിമാരും നേതാക്കളും കുടുംബാംഗങ്ങളുമെല്ലാം അനുഗമിച്ചു. കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളിൽ നിശ്ചയിച്ച 21 കേന്ദ്രങ്ങളിൽ കാനത്തെ കാണാൻ നൂറുക്കണക്കിനാളുകൾ കാത്തുനിന്നു. മൃതദേഹവും വഹിച്ചുള്ള വിലാപയാത്ര ഞായറാഴ്ച പുലർച്ചെയാണ് കാനത്തെ വീട്ടിലെത്തിയത്.

കനലോർമ്മയായി കാനം; ഔദ്യോഗിക ബഹുമതികളോടെ സംസ്‌കാരം

Kerala

വടകര: ഓർക്കാട്ടേരി കുന്നുമ്മക്കരയിൽ ഭർതൃവീട്ടിൽ യുവതിയെ തൂങ്ങിമരിച്ച നിലയിൽ കണ്ടെത്തിയ സംഭവത്തിൽ കൂടുതൽ വീഡിയോ ദൃശ്യങ്ങൾ പുറത്ത്. മരിക്കുന്നതിന് മുമ്പ് ഷെബിന പകര്‍ത്തിയ ദൃശ്യമാണിത്. ഭർതൃവീട്ടിൽ വെച്ച് ഷെബിനയുടെ ഭർത്താവ് ഹബീബിന്റെ അമ്മാവനും കുടുംബാംഗങ്ങളും ഷെബിനയോട് കയർക്കുന്നതിന്റേയും അസഭ്യം പറയുന്നതിന്റേയും വീഡിയോയാണ് പുറത്തുവന്നത്. ആണുങ്ങളോട് കയർത്ത് സംസാരിക്കാൻ പാടില്ലെന്നും പെണ്ണുങ്ങൾ ശബ്ദമുയർത്തരുതെന്നും ഭീഷണിപ്പെടുത്തുന്നുണ്ട് ദൃശ്യത്തിൽ. മരിക്കുന്നതിന് മുമ്പ് ഷെബിന പകര്‍ത്തിയ ദൃശ്യമാണിത്.
കുന്നുമ്മക്കരയിലെ തട്ടാർകണ്ടി ഹബീബിന്റെ ഭാര്യ ഷെബിന(30)യെ തിങ്കളാഴ്ചയാണ് ആത്മഹത്യ ചെയ്തനിലയിൽ കണ്ടെത്തിയത്. സംഭവത്തില്‍ ഭര്‍ത്താവിന്റെ അമ്മാവന്‍ കുന്നുമ്മക്കര നെല്ലാച്ചേരിയിലെ താഴെ പുതിയോട്ടില്‍ ഹനീഫയെ കഴിഞ്ഞ ദിവസം പോലീസ് അറസ്റ്റ് ചെയ്തിരുന്നു.
മാനസികമായും ശാരീരികമായും ഷെബിന പീഡനങ്ങൾക്ക് ഇരയായിരുന്നുവെന്നാണ് ലഭിക്കുന്ന വിവരം. മാതാവ് കൊടിയ പീഡനങ്ങൾക്കിരയായി എന്ന വിവരം ഷെബിനയുടെ പത്തുവയസുകാരിയായ മകൾ കഴിഞ്ഞ ദിവസം വെളിപ്പെടുത്തിയിരുന്നു. സിസിടിവി ദൃശ്യങ്ങൾ അടക്കം പുറത്തുവന്നിരുന്നു. ഇതിന് പിന്നാലെയാണ് ഇപ്പോൾ ഷെബിന തന്നെ ചിത്രീകരിച്ച ദൃശ്യങ്ങളും പുറത്തുവന്നത്.
പുരുഷന്മാരോട് സംസാരിക്കുമ്പോൾ ശബ്ദം കുറച്ച് സംസാരിക്കണം. എന്റെ പേരിൽ കേസ് കൊടുക്ക്. തുടങ്ങി, കേട്ടാൽ അറക്കുന്ന അസഭ്യവർഷങ്ങളും പെൺകുട്ടിയുടെ നേരെ ഹനീഫ പ്രയോഗിക്കുന്നുണ്ട്.
വെള്ളിയാഴ്ച രാത്രിയിൽ ഹനീഫയെ ചോദ്യംചെയ്യാൻ പോലീസ് കസ്റ്റഡിയിലെടുത്തിരുന്നു. ശനിയാഴ്ച ഉച്ചയോടെ അറസ്റ്റ് രേഖപ്പെടുത്തുകയായിരുന്നു.
മർദനത്തിനു പിന്നാലെയാണ് ഷെബിന മുറിയിൽക്കയറി വാതിൽ അടച്ചത്. പിന്നീട് ഷെബ്നയുടെ ബന്ധുക്കൾ അരൂരിൽനിന്ന് ഇവിടെയെത്തി വാതിൽ ചവിട്ടിപ്പൊളിച്ച് തുറന്നപ്പോഴാണ് തൂങ്ങിമരിച്ച നിലയിൽ കണ്ടത്. ആത്മഹത്യാ പ്രേരണ, മർദനം, ഭർത്തൃപീഡനം തുടങ്ങിയ വകുപ്പുകൾ പ്രകാരമാണ് കേസ്.
ഷെബിനയുടെ ഭർത്താവിന്റെ മാതാവ്, സഹോദരി എന്നിവർക്കെതിരേയും ഗാർഹികപീഡനപരാതിയുണ്ട്. ഇത് അന്വേഷിച്ചുവരുകയാണെന്ന് ഡിവൈ.എസ്.പി. ആർ. ഹരിപ്രസാദ് വ്യക്തമാക്കി.

ഭീഷണിയും അസഭ്യ വർഷവും: മരണത്തിന് മുമ്പ് ഓർക്കാട്ടേരിയിലെ വീട്ടിൽ നിന്നും ഷെബിന പകര്‍ത്തിയ ദൃശ്യം പുറത്ത്‌

Vadakara

ഡൽഹി: ലോകനേതാക്കളിൽ വീണ്ടും ഒന്നാമനായി പ്രധാനമന്ത്രി നരേന്ദ്ര മോദി. ബിസിനസ് ഇന്റലിജൻസ് കമ്പനിയായ മോണിംഗ് കണ്‍സള്‍ട്ടിന്റെ കണക്കനുസരിച്ച്, 76% റേറ്റിംഗോടെയാണ് മോദി ഏറ്റവും ജനപ്രിയനായ ആഗോള നേതാവായി മാറിയത്.
മെക്‌സിക്കോ പ്രസിഡന്റ് ആന്ദ്രേസ് മാനുവൽ ലോപ്പസ് ഒബ്രഡോർ (66%), സ്വിറ്റ്‌സർലൻഡ് പ്രസിഡന്റ് അലൈൻ ബെർസെറ്റ് (58%) എന്നിവരാണ് മോദിക്ക് താഴെ രണ്ടും മൂന്നും സ്ഥാനങ്ങളിൽ. ഇറ്റലിയൻ പ്രധാനമന്ത്രി ജോര്‍ജിയ മലോണി 41% റേറ്റിംഗുമായി ആറാം സ്ഥാനത്തുണ്ട്. അതേസമയം യുഎസ് പ്രസിഡന്റ് ജോ ബൈഡന്‍ 37% റേറ്റിംഗുമായി എട്ടാം സ്ഥാനത്താണ്.
ജി-20 ഉച്ചകോടിയുടെ സമാപനത്തിന് ശേഷമാണ് ഈ സര്‍വേ നടത്തിയത്. അതിലാണ് മോദിക്ക് ഏറ്റവും ഉയര്‍ന്ന റേറ്റിംഗ് ലഭിച്ചത്. 18 ശതമാനം പേര്‍ മാത്രമാണ് അദ്ദേഹത്തിനെതിരെ അഭിപ്രായം പ്രകടിപ്പിച്ചത്. ഈ വര്‍ഷം സെപ്റ്റംബറില്‍ പ്രധാനമന്ത്രി മോദിയെ ആഗോളതലത്തിലെ ഏറ്റവും വിശ്വസ്തനായ നേതാവായി മോണിംഗ് കണ്‍സള്‍ട്ട് വിശേഷിപ്പിച്ചിരുന്നു.

ജനപ്രിയ നേതാക്കളുടെ പട്ടികയിൽ വീണ്ടും ഒന്നാമതായി മോദി

National

തൃത്താല: മുഖ്യമന്ത്രി പിണറായി വിജയന്റെ നേതൃത്വത്തിലുള്ള നവകേരള യാത്രയെയും നവകേരള സദസ്സിനെയും വിമർശിച്ചതിന് യൂത്ത് കോൺഗ്രസ് നേതാവിനെതിരെ കലാപാഹ്വാനത്തിനു കേസ്. യൂത്ത് കോൺഗ്രസ് സംസ്ഥാന ജനറൽ സെക്രട്ടറി ഒ.കെ.ഫാറൂഖിനെതിരെ തൃത്താല പൊലീസാണ് കേസെടുത്തത്. നവകേരള സദസിനെ ‘ട്രോളി’ ഫെയ്സ്ബുക്കിൽ പങ്കുവച്ച ചിത്രവും കുറിപ്പുമാണ് കേസിന് ആധാരം. സിപിഎം നേതാക്കളാണ് ഫാറൂഖിനെതിരെ പരാതി നൽകിയത്.
നവകേരള യാത്ര പാലക്കാട് ജില്ലയിലേക്കു വരുന്ന സമയത്താണ് ഫാറൂഖ് തന്റെ ഫെയ്സ്ബുക്ക് പേജിൽ നവകേരള യാത്രയെ പരിഹസിക്കുന്ന ചിത്രവും കുറിപ്പും പങ്കുവച്ചത്. ‘ആലിബാബയും 41 കള്ളൻമാരും’ എന്ന തലക്കെട്ടിൽ നവകേരള ബസിന്റെ മാതൃകയിലുള്ള ചിത്രമാണ് ഫാറൂഖ് പങ്കുവച്ചത്. ‘നവകേരള സദസ്സിൽ വൻ ജനക്കൂട്ടം: മുഖ്യമന്ത്രി – പോക്കറ്റടിക്കാരെയും കള്ളന്മാരെയും ആകാംക്ഷയോടെ കാണാൻ ജനം കൂടുന്നത് സ്വാഭാവികം’ എന്നും ഫാറൂഖ് കുറിച്ചിരുന്നു. ഈ പോസ്റ്റ് ഫെയ്സ്ബുക്കിൽ വ്യാപകമായി ഷെയർ ചെയ്യപ്പെടുകയും ചെയ്തു.ഇതിനു പിന്നാലെയാണ് സിപിഎം നേതാക്കൾ പരാതിയുമായി രംഗത്തെത്തിയത്. മുഖ്യമന്ത്രിയെയും മന്ത്രിമാരേയും ബോധപൂർവം കള്ളൻമാരായി ചിത്രീകരിക്കാൻ ശ്രമിച്ചെന്നാണ് പരാതി. പരാതി ലഭിച്ചതിനു പിന്നാലെ തൃത്താല പൊലീസ് ഫാറൂഖിനെ വിളിച്ച് വിശദമായ മൊഴി രേഖപ്പെടുത്തി. തുടർന്ന് കേസ് റജിസ്റ്റർ ചെയ്യുകയായിരുന്നു.
അതേസമയം, കേസ് നിയമപരമായും രാഷ്ട്രീയമായും നേരിടുമെന്ന് ഫാറൂഖും യൂത്ത് കോൺഗ്രസും വ്യക്തമാക്കി. ‘പിണറായി സർക്കാരിന്റെ ധൂർത്തിനും നവ കേരള സദസ്സിനുമെതിരെ ഞാൻ നവംബർ 19ന് ഫെയ്സ്ബുക്കിൽ ഒരു പോസ്റ്റിട്ടിരുന്നു, ഇന്ന് തൃത്താല പൊലീസ് എനിക്കെതിരെ സിപിഎം നേതാക്കളുടെ പരാതിയിൽ കേസ് എടുത്തിട്ടുണ്ട്. കലാപാഹ്വാനം നടത്തി എന്നാണത്രേ കേസ്. പറയാനുള്ളത് ഇനിയും ആർജ്ജവത്തോടെ പറഞ്ഞു കൊണ്ടേയിരിക്കും. കേസുകൾ നിങ്ങൾ എടുത്തു കൊണ്ടേയിരിക്കുക’ – ‘ഫാസിസം തുലയട്ടെ’ എന്ന തലക്കെട്ടിൽ ഫാറൂഖ് കുറിച്ചു.

&nbsp;

നവകേരള സദസ്സ് ‘ആലിബാബയും 41 കള്ളൻമാരും’ എന്ന് പോസ്റ്റ്; യൂത്ത് കോൺഗ്രസ് നേതാവിനെതിരെ കലാപാഹ്വാനത്തിന് കേസ്

തിരുവനന്തപുരം: മാസപ്പടി വിഷയത്തിൽ മുഖ്യമന്ത്രിക്കെതിരെ രൂക്ഷവിമർശനവുമായി കോൺ​ഗ്രസ് നേതാവ് കെ മുരളീധരൻ എംപി. മുഖ്യമന്ത്രിയുടെ മകളുടെ കമ്പനിക്ക് ഒരു സേവനവും നടത്താതെ പണം ലഭിച്ചതിലൂടെ മുഖ്യമന്ത്രി ഔദ്യോ​ഗിക സംവിധാനം ദുരുപയോ​ഗപ്പെടുത്തിയെന്ന് വ്യക്തമായെന്ന് കെ മുരളീധരൻ വിമർശിച്ചു. നവകേരള സദസ് തുടങ്ങിയതിൽ പിന്നെ മുഖ്യമന്ത്രിക്ക് പ്രത്യേക മാനസികാവസ്ഥയാണെന്നും മതിലുപൊളി യാത്രയാണ് നടത്തുന്നതെന്നും മുരളീധരൻ വിമർശിച്ചു.&nbsp;
കോടതി നോട്ടീസ് നൽകിയ സ്ഥിതിക്കു നടപടികൾ നടക്കട്ടെ. പിണറായി വിജയൻ പാർട്ടി സെക്രട്ടറി എന്ന നിലയിൽ ആണ് പണം വാങ്ങിയതെങ്കിൽ വിമർശിക്കില്ലായിരുന്നു. സമ്മേളനങ്ങൾക്ക് പാർട്ടികൾ പണം വാങ്ങാറുണ്ട്. നവകേരള സദസ്സ് തുടങ്ങിയ ശേഷം മുഖ്യമന്ത്രിക്ക് പ്രത്യേക മാനസികാവസ്ഥയാണെന്നും മുരളീധരൻ പറഞ്ഞു. മതിലുകളെല്ലാം പൊളിക്കുന്നു. മതിലുപൊളി യാത്രയാണ് നടക്കുന്നത്. സിപിഎമ്മിന്റെ അവസാന യാത്രയാണിത്. പാർട്ടി തീരണമെന്ന് തങ്ങൾ ആഗ്രഹിക്കുന്നില്ലെന്നും മുരളീധരൻ വിശദമാക്കി.&nbsp;

നവകേരള സദസിന്റെ യാത്ര മതിലുപൊളി യാത്രയായി മാറിയെന്ന് കെ മുരളീധരൻ എംപി

വടകര: ഓർക്കാട്ടേരിയിൽ ഭർതൃവീട്ടിൽ യുവതി ആത്മഹത്യ ചെയ്ത സംഭവത്തിൽ ഭർത്താവിന്റെ മാതൃസഹോദരൻ അറസ്റ്റിൽ. ആത്മഹത്യ ചെയ്ത ഷബ്നയുടെ ഭർത്താവിന്റെ മാതൃസഹോദരൻ ഹനീഫയാണ് അറസ്റ്റിലായിരിക്കുന്നത്. കഴിഞ്ഞ ദിവസം രാത്രിയാണ് എടച്ചേരി പൊലീസ് ഇയാളെ കസ്റ്റഡിയിലെടുത്തത്. ഹനീഫ ഷബ്നയെ മർദ്ദിക്കുന്ന സിസിടിവി ദൃശ്യങ്ങൾ ബന്ധുക്കൾ പുറത്ത് വിട്ടിരുന്നു. മർദ്ദനത്തിന് പിന്നാലെ കഴിഞ്ഞ തിങ്കളാഴ്ചയാണ് ഷബ്‌ന ആത്മഹത്യ ചെയ്തത്. ആത്മഹത്യ പ്രേരണക്കുറ്റം, മർദനം എന്നീ വകുപ്പുകൽ ചുമത്തിയാണ് ഹനീഫയെ അറസ്റ്റ് ചെയ്തിരിക്കുന്നത്.

ഷബ്‌നയുടെ ആത്മഹത്യ; ഭർത്താവിന്റെ മാതൃസഹോദരൻ അറസ്റ്റിൽ

കണ്ണൂർ: കുട്ടികള്‍ നല്ല വായനക്കാരാകണമെന്നും അതിലൂടെ വളരണമെന്നും നിയമസഭ സ്പീക്കര്‍ അഡ്വ. എ എന്‍ ഷംസീര്‍ പറഞ്ഞു. കല്ല്യാശ്ശേരി ഗവ. എല്‍ പി സ്‌കൂള്‍ ശതാബ്ദി ആഘോഷം 'ശത പൂര്‍ണ്ണിമ' ഉദ്ഘാടനം ചെയ്യുകയായിരുന്നു അദ്ദേഹം. ക്ലാസ് മുറികള്‍ക്കൊപ്പം നല്ല കളിസ്ഥലവും സ്‌കൂളുകളില്‍ ഉണ്ടാകണം. കുട്ടികള്‍ കളിച്ചും പഠിച്ചുമാണ് വളരേണ്ടത്. സ്‌കൂളുകളെല്ലാം വിദ്യാര്‍ഥി സൗഹൃദമാകണം. വിദ്യാഭ്യാസ മേഖലയില്‍ കാതലായ മാറ്റമുണ്ടായിട്ടുണ്ട്. അതിനൊത്ത് മാറ്റം ഉള്‍ക്കൊണ്ട് കുട്ടികള്‍ മുന്നേറണമെന്നും അദ്ദേഹം പറഞ്ഞു. ചടങ്ങില്‍ എം വിജിന്‍ എംഎല്‍എ അധ്യക്ഷത വഹിച്ചു. വിവിധ മേഖലകളില്‍ മികവ് തെളിയിച്ച വിദ്യാര്‍ഥികളെയും ശതാബ്ദിയുടെ ലോഗോ രൂപകല്‍പ്പന ചെയ്ത പ്രജിത്ത് തളിയിലിനെയും കല്ല്യാശ്ശേരി ഗ്രാമപഞ്ചായത്ത് പ്രസിഡണ്ട് ടി ടി ബാലകൃഷ്ണന്‍ അനുമോദിച്ചു. സംഘാടക സമിതി ജനറല്‍ കണ്‍വീനര്‍ ഇ പി വിനോദ് കുമാര്‍, വാര്‍ഡ് അംഗങ്ങളായ പി സ്വപ്‌നകുമാരി, പി ബാലകൃഷ്ണന്‍, സി പി വനജ, എഇഒ ഒ കെ ബിജിമോള്‍, ബിപിസി കെ പ്രകാശന്‍, ഡോ. പി വി പുരുഷോത്തമന്‍, പിടിഎ പ്രസിഡണ്ട് കെ പ്രദീപന്‍, മദര്‍ പിടിഎ പ്രസിഡണ്ട് സീത സുരേന്ദ്രന്‍, പ്രോഗ്രാം കമ്മറ്റി ചെയര്‍മാന്‍ ബാബുരാജ് കാമ്പ്രത്ത് എന്നിവര്‍ സംസാരിച്ചു.

കുട്ടികള്‍ നല്ല വായനക്കാരാകണം: സ്പീക്കര്‍ എ എന്‍ ഷംസീര്‍

Kannur

കണ്ണൂർ: വിദ്യാഭ്യാസ സ്ഥാപനങ്ങളില്‍ പ്രവേശനം നേടുന്ന അര്‍ഹരായ അപേക്ഷകര്‍ക്ക് ബാങ്കുകള്‍ വായ്പ അനുവദിക്കണമെന്ന തീരുമാനം നടപ്പാകുന്നില്ലെന്നും സംഭവത്തില്‍ കര്‍ശനമായി ഇടപെടുമെന്നും സംസ്ഥാന ന്യൂനപക്ഷ കമ്മീഷന്‍ അംഗം പി റോസ പറഞ്ഞു. അക്കാദമിക് യോഗ്യതാ മാനദണ്ഡങ്ങള്‍ നിര്‍ണ്ണയിക്കാന്‍ ബാങ്കുകള്‍ക്ക് അധികാരമില്ലെന്നും അര്‍ഹതപ്പെട്ടവര്‍ക്ക് അടിയന്തരമായി വായ്പ അനുവദിക്കണമെന്നും കമ്മീഷന്‍ കര്‍ശന നിര്‍ദേശം നല്‍കി. കേരളാ ഗ്രാമീണ ബാങ്ക് കരുവഞ്ചാല്‍ ശാഖാ മാനേജര്‍ക്കെതിരെ വെള്ളാട് കക്കോട്ടുവളപ്പില്‍ അബ്ദുല്‍കരീം നല്‍കിയ പരാതിയിലാണ് കമ്മീഷന്റെ നിര്‍ദ്ദേശം. പരാതി പരിഗണിച്ച കമ്മീഷന്‍ ബാങ്ക് ശാഖാ മാനേജരില്‍ നിന്നും വിശദീകരണം തേടിയിരുന്നു. പ്രവേശനം നല്‍കാന്‍ ഒരു സ്ഥാപനം തീരുമാനിച്ചാല്‍ അതിനെ അടിസ്ഥാനമാക്കിയാണ് ബാങ്ക് വായ്പ അനുവദിക്കേണ്ടത്. അര്‍ഹതയുള്ള കുട്ടികള്‍ക്ക് വ്യവസ്ഥകള്‍ക്ക് വിധേയമായി വായ്പ അനുവദിക്കണമെന്നും കമ്മീഷന്‍ നിര്‍ദേശം നല്‍കി.
കണ്ണൂര്‍ വിമാനത്താവളത്തിനായി ഭൂമി വിട്ടുനല്‍കിയ കുടുംബത്തിലെ അംഗത്തിന് ജോലി നല്‍കിയില്ലെന്ന മട്ടന്നൂര്‍ അംനാസ് കല്ലേരിക്കരയിലെ ഇ കെ സമീര്‍ അലിയുടെ പരാതിയില്‍ കിയാല്‍ മാനേജിങ് ഡയരക്ടറോട് വിശദീകരണം തേടിയതില്‍ ഇദ്ദേഹത്തിന് താല്‍കാലിക ജോലി നല്‍കിയതാണെന്നും അച്ചടക്ക നടപടി സ്വീകരിച്ച് സസ്‌പെന്റ് ചെയ്തതാണെന്നും കിയാല്‍ അധികൃതര്‍ അറിയിച്ചു. പരാതി വിശദ പഠനത്തിനായി അടുത്ത സിറ്റിങ്ങിലേക്ക് മാറ്റി. ബംഗളൂരു കാര്‍ഷിക സര്‍വകലാശാലയില്‍ നിന്നു ബി എസ് സി അഗ്രിക്കള്‍ച്ചര്‍ ആന്‍ഡ് മാര്‍ക്കറ്റിംഗ്, കോഓപ്പറേഷന്‍ ബിരദം നേടിയ കണ്ണൂര്‍ അലവിലെ ടി പി മര്‍ലിയ മുസ്തഫക്ക് കേരളത്തില്‍ അഗ്രിക്കള്‍ച്ചറല്‍ അസിസ്റ്റന്റ് തസ്തികയിലേക്ക് പരിഗണിക്കുന്നില്ലെന്ന് പരാതി നല്‍കി. കേരളത്തിലെ കാര്‍ഷിക സര്‍വകലാശാലയിലെ ബി എസ് സി (ഹോണേഴ്സ്) കോ ഓപ്പറേഷന്‍ ആന്‍ഡ് ബാങ്കിങ് കോഴ്സ് പഠിച്ചിറങ്ങിയ ബിരുദധാരിക്ക് ലഭിക്കുന്ന എല്ലാ അവസരങ്ങളും ലഭിക്കുമെന്ന് കേരള കാര്‍ഷിക സര്‍വ്വകലാശാല അറി യിച്ചതിനെ തുടര്‍ന്ന് പരാതി തീര്‍പ്പാക്കി.
വീടെടുക്കാന്‍ അപേക്ഷ നല്‍കിയപ്പോള്‍ ഡാറ്റ ബാങ്കില്‍ ഉള്‍പ്പെട്ടുവെന്ന് പറഞ്ഞു അനുമതി ലഭിക്കുന്നില്ലെന്ന കീഴൂര്‍ കുളിചെമ്പ്രയിലെ എ ഇബ്‌നുമഷൂദിന്റെ പരാതിയില്‍ തില്ലങ്കേരി ഗ്രാമ പഞ്ചായത്ത് സെക്രട്ടറിയോടും കൃഷി ഓഫീസറോടും കമ്മീഷന്‍ റിപ്പോര്‍ട്ട് തേടി.

വിദ്യാഭ്യാസ വായ്പ നിഷേധിച്ചാൽ ശക്തമായി ഇടപെടുമെന്ന് ന്യൂനപക്ഷ കമ്മീഷന്‍

വടകര: കോളജ് ഓഫ് എഞ്ചിനിയറിങ് വടകരയിലെ സ്റ്റൂഡ്ന്റസ് യൂനിയന്‍, വിവിധ ക്ലബ്ബുകളായ ഫിലിം ക്ലബ്, സ്‌മൈല്‍ ക്ലബ്, ഡാന്‍സ് ക്ലബ് എന്നിവയുടെ ഉദ്ഘാടനം ക്യാമ്പസില്‍ പ്രത്യേകം സജ്ജമാക്കിയ ഓപ്പണ്‍ സ്റ്റേജില്‍ നടന്നു. പ്രിന്‍സിപ്പല്‍ ഡോ. ഒ.എ ജോസഫ് കോളജ് യൂനിയന്റെ ഉദ്ഘാടന കര്‍മ്മം നിര്‍വഹിച്ചു. സ്റ്റാഫ് അഡൈ്വസര്‍ ടി നിധിന്‍ അധ്യക്ഷത വഹിച്ചു. ചലച്ചിത്ര താരം അമിത് ചക്കലാക്കല്‍ ഫിലിം ക്ലബ്ബും, ഡോ നവീന്‍ കെ റസാഖ് ഡാന്‍സ് ക്ലബ്ബും മന:ശാസ്ത്രജ്ഞന്‍ അനൂപ് അവതാര്‍ സ്‌മൈല്‍ ക്ലബ്ബും ഉദ്ഘാടനം ചെയ്തു. ക്ലാസ് ടോപ്പേഴ്‌സ്, വിവിധ ഇന്റര്‍ യൂനിവേഴ്‌സിറ്റി കലാ-കായിക പ്രതിഭകള്‍ എന്നിവര്‍ക്കുള്ള അവാര്‍ഡുകള്‍ സമ്മാനിച്ചു. വിശിഷ്ടാതിഥികളുമായുളള തുറന്ന സംവാദവും വിവിധ കലാപരിപാടികളും മ്യൂസിക്കല്‍ ഇവന്റ്, പ്രോ ഷോ എന്നിവയും നടന്നു. യൂനിയന്‍ ചെയര്‍മാന്‍ ടി സൂരജ്, വൈസ് ചെയര്‍ പേഴ്‌സണ്‍ പി.ടി സ്റ്റാനി എന്നിവര്‍ സംസാരിച്ചു.

കോളജ് ഓഫ് എഞ്ചിനിയറിങ് വടകരയിൽ യൂനിയന്‍ ഉദ്ഘാടനം ചെയ്തു

വടകര: യഥാർത്ഥ ആശയത്തിൽ നിന്ന് പിന്തിരിഞ്ഞ് മൃദു ഹിന്ദുത്വം തുടരുന്ന കോൺഗ്രസിൽ ജനങ്ങൾക്ക് വിശ്വാസം നഷ്ടമായെന്ന് എസ്ഡിപിഐ സംസ്ഥാന ജനറൽ സെക്രട്ടറി അജ്മൽ ഇസ്മായിൽ. വടകരയിൽ ഷാൻ അനുസ്മരണ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വിദ്വേഷരാഷ്ട്രീയത്തിന്റെ വക്താക്കളായ ബിജെപിയെ പരാജയപ്പെടുത്താൻ മൃദുഹിന്ദുത്വം കൊണ്ട് സാധിക്കില്ലെന്ന് ഉത്തരേന്ത്യയിൽ നടന്ന തെരഞ്ഞെടുപ്പിലൂടെ ബോധ്യപ്പെട്ടിരിക്കുകയാണ്. നാനാത്വത്തിൽ ഏകത്വം എന്ന മഹത്തായ ആശയമുള്ള ഇന്ത്യയുടെ പൈതൃകങ്ങളായ മതേതരത്വവും ജനാധിപത്യവും നിലനിർത്താനുള്ള പോരാട്ടമാണ് രാഷ്ട്രീയ പാർട്ടികൾ കൈക്കൊള്ളേണ്ടതെന്നും അദ്ദേഹം പറഞ്ഞു.
വടകര മണ്ഡലം പ്രസിഡണ്ട് ഷംസീർ ചോമ്പാല അധ്യക്ഷത വഹിച്ചു. കോഴിക്കോട് ജില്ലാ സെക്രട്ടറി കെ ഷമീർ, മണ്ഡലം സെക്രട്ടറി ബഷീർ കെ കെ, മുൻസിപ്പൽ പ്രസിഡണ്ട് സമദ് മാക്കൂൽ എന്നിവർ സംസാരിച്ചു.

കോൺഗ്രസിൽ ജനങ്ങൾക്ക് വിശ്വാസം നഷ്ടമായെന്ന് എസ് ഡി പി ഐ

കോഴിക്കോട്: മിശ്രവിവാഹം സംബന്ധിച്ച എസ്‍വൈഎസ് നേതാവ് നാസര്‍ ഫൈസി കൂടത്തായിയുടെ പ്രസ്താവനയെ പിന്തുണച്ച് കെഎന്‍എം നേതാവ് ഹുസൈന്‍ മടവൂര്‍. നാസര്‍ ഫൈസി പറഞ്ഞതില്‍ തെറ്റില്ലെന്നും മിശ്രവിവാഹമെന്നത് ഇസ്ലാം വിരുദ്ധമാണെന്നും അദ്ദേഹം പറഞ്ഞു. മുസ്ലീം പെണ്‍കുട്ടികളെ വിവാഹം കഴിക്കാനെന്ന പേരില്‍ കൊണ്ടു പോകുന്നവർക്ക് പാര്‍ട്ടികളുടെ സഹായം കിട്ടുന്നുണ്ട്. നാസര്‍ ഫൈസിയുടെ വാദത്തെ ലവ് ജിഹാദുമായി ബന്ധപ്പെടുത്തേണ്ടതില്ല. ലവ് ജിഹാദില്ലെന്ന് ആഭ്യന്തര വകുപ്പ് തന്നെ വ്യക്തമാക്കിയതാണെന്നും ഹുസൈന്‍ മടവൂര്‍ പറഞ്ഞു. നേരത്തെ നാസർഫൈസിയുടെ പരാമർശം വിവാദമായിരുന്നു. മിശ്രവിവാഹത്തിനായി മുസ്ലിം പെൺകുട്ടികളെ കൊണ്ടുപോകുന്നതിന് ചില പാർട്ടികളുടെ പിന്തുണ ലഭിക്കുന്നുണ്ടെന്നായിരുന്നു നാസർ ഫൈസിയുടെ പരാമർശം.&nbsp;

&nbsp;

മിശ്രവിവാഹമെന്നത് ഇസ്ലാം വിരുദ്ധം; നാസര്‍ ഫൈസിക്ക് പിന്തുണയുമായി ഹുസൈൻ മടവൂർ

തിരുവനന്തപുരം: ഇടതുപക്ഷ ഐക്യത്തിന്റെ ശക്തിസ്തംഭങ്ങളിലൊന്നാണ് കാനം രാജേന്ദ്രന്റെ വിയോഗത്തിലൂടെ നഷ്ടമായതെന്ന് മുഖ്യമന്ത്രി പിണറായി വിജയൻ അനുശോചന സന്ദേശത്തിൽ പറഞ്ഞു. സഖാവ് കാനത്തിന്റെ വിയോഗം ഞെട്ടിക്കുന്നതാണ്. കമ്മ്യൂണിസ്റ്റ് പ്രസ്ഥാനത്തെ ശക്തിപ്പെടുത്തുന്നതിൽ, തൊഴിലാളിവർഗ്ഗ ഐക്യത്തെ ബലപ്പെടുത്തുന്നതിൽ, ജനാധിപത്യ പ്രസ്ഥാനങ്ങളെ പരിരക്ഷിക്കുന്നതിൽ, മതനിരപേക്ഷ മൂല്യങ്ങൾ കാത്തുരക്ഷിക്കുന്നതിലൊക്കെ സമാനതകളില്ലാത്ത സംഭാവനകളാണ് കാനം രാജേന്ദ്രൻ നൽകിയത്. വിദ്യാർഥി സംഘടനാപ്രവർത്തനത്തിലൂടെ ഉയർന്നുവന്ന കേരളത്തിന്റെ അനിഷേധ്യ നേതാക്കളിൽ ഒരാളായ കാനമെന്നും നിസ്വജനപക്ഷത്തിന്റെ ശക്തിയും ശബ്ദവുമായി നിന്നു. കരുത്തനായ ട്രേഡ് യൂണിയൻ നേതാവ് എന്ന നിലയിൽ തൊഴിലാളികളുടെ ഐക്യവും അവരുടെ പൊതുവായ ആവശ്യങ്ങളും ഉയർത്തിപ്പിടിക്കുന്നതിൽ എന്നും ശ്രദ്ധിച്ച നേതാവാണ് കാനം. വിദ്യാർഥി യുവജന തൊഴിലാളി മുന്നേറ്റങ്ങളുടെ മുൻനിരയിൽ പല ഘട്ടങ്ങളിൽ ഉണ്ടായിരുന്നതിന്റെ അനുഭവസമ്പത്ത് സി.പി.ഐ. സംസ്ഥാന സെക്രട്ടറി എന്ന നിലയിൽ പ്രവർത്തിക്കുന്നതിന് വലിയ അടിത്തറയൊരുക്കി.
നിയമസഭയിൽ അംഗമായിരുന്ന കാലയളവിൽ ജനജീവിതത്തിന്റെ നീറുന്ന പ്രശ്‌നങ്ങളെ എല്ലാ ഗൗരവത്തോടെയും അദ്ദേഹം സഭയിൽ അവതരിപ്പിച്ചിരുന്നു. നിയമനിർമ്മാണം അടക്കമുള്ള കാര്യങ്ങൾക്ക് ശ്രദ്ധേയമായ സംഭാവനകൾ നൽകി. അടിച്ചമർത്തപ്പെടുന്നവരുടെ ഭാഗത്ത് നിലകൊണ്ടു. ശ്രദ്ധേയനായ നിയമസഭാ സാമാജികൻ, കരുത്തനായ സംഘാടകൻ, മികച്ച വാഗ്മി, പാർട്ടി പ്രചാരകൻ എന്നിങ്ങനെ വിവിധ തലങ്ങളിൽ ശ്രദ്ധേയനായിരുന്നു കാനം.സി.പി.ഐ., സി.പി.എം. ബന്ധം ദൃഢമാക്കുന്നതിലും അദ്ദേഹം എന്നും ശ്രദ്ധവെച്ചു. വ്യക്തിപരമായ നിലയിൽ നോക്കിയാൽ പല പതിറ്റാണ്ട് രാഷ്ട്രീയരംഗത്ത് സഹകരിച്ചു പ്രവർത്തിച്ചതിന്റെ നിരവധി ഓർമ്മകൾ ഈ നിമിഷത്തിൽ മനസ്സിൽ വന്നുനിറയുന്നുണ്ട്. പലതും വൈകാരിക സ്പർശമുള്ളവയാണ്. മനസ്സിനോട് വളരെയേറെ ചേർന്നുനിന്ന സുഹൃത്തും സഖാവുമായിരുന്നു കാനം എന്നുമാത്രം പറയട്ടെ.
ഇടതുപക്ഷ ജനാധിപത്യ മതേതര പ്രസ്ഥാനങ്ങളുടെ ഐക്യം കാലത്തിന്റെ ഏറ്റവും വലിയ ആവശ്യകതയായ ഒരു ഘട്ടത്തിലാണ് കാനത്തിന്റെ വിയോഗമെന്നത് അതിന്റെ തീവ്രത വർധിപ്പിക്കുന്നു. നികത്താനാവാത്ത നഷ്ടമാണിത്. കേരളത്തിന്റെ താത്പര്യങ്ങൾക്കു വേണ്ടി നിലകൊള്ളുന്ന ഒരു നേതാവിനെയാണ് സഖാവ് കാനം രാജേന്ദ്രന്റെ വിയോഗത്തിൽ നമുക്ക് നഷ്ടപ്പെട്ടിട്ടുള്ളത്. ഇടതുപക്ഷത്തിന്റെ എന്നല്ല കേരളത്തിന്റെ പൊതുവായ നഷ്ടമാണിത്. നിസ്വാർഥനായ രാഷ്ട്രീയ നേതാവിനെയാണ് കേരളത്തിന് നഷ്ടമായത്. സി.പി.ഐയുടെയും അദ്ദേഹത്തിന്റെ കുടുംബത്തിന്റെയും ബന്ധുമിത്രാദികളുടെയും ദുഃഖത്തിൽ പങ്കുചേരുന്നു. കേരള ജനതയുടെയാകെ അനുശോചനം രേഖപ്പെടുത്തുന്നതായും മുഖ്യമന്ത്രി പറഞ്ഞു.
ഇടതുപക്ഷ ഐക്യം ശക്തിപ്പെടുത്തി ശരിയായ പാതയിലൂടെ നയിക്കുന്നതിന്‌ നേതൃത്വം നല്‍കിയ നേതാവിനെയാണ്‌ കാനം രാജേന്ദ്രന്റെ വിയോഗത്തിലൂടെ നഷ്ടമായതെന്ന് സി.പി.എം സംസ്ഥാന സെക്രട്ടറി എം.വി. ഗോവിന്ദൻ പറഞ്ഞു. ഇടതുപക്ഷ പ്രസ്ഥാനത്തിന്റെ ഐക്യവും ഇടപെടലും കൂടുതല്‍ ആവശ്യപ്പെടുന്ന കാലത്താണ്‌ കാനം നമ്മെ വിട്ടുപിരിയുന്നത്‌. സി.പി.ഐക്കും ഇടതുപക്ഷത്തിനും മാത്രമല്ല പൊതുസമൂഹത്തിനും ഇത്‌ തീരാനഷ്ടമാണ്‌. ആ വിടവ്‌ ഇടതുപക്ഷ ശക്തികളുടെ കൂട്ടായ പ്രവര്‍ത്തനത്തിലൂടെ നികത്തുക എന്നതാണ്‌ ഏറ്റെടുക്കാനുള്ള ഉത്തരവാദിത്വം.
സി.പി.ഐ. (എം) ഉം സി.പി.ഐയും തമ്മിലുള്ള ദൃഢമായ ഐക്യത്തിന്‌ നേതൃത്വപരമായ പങ്ക്‌ കാനം വഹിച്ചിരുന്നു. ഇടതുപക്ഷത്തിനെതിരെ വരുന്ന വിമര്‍ശനങ്ങളെ ശക്തമായി നേരിടുന്നതില്‍ കാനം രാജേന്ദ്രന്‍ മുന്‍പന്തിയില്‍ തന്നെ ഉണ്ടായിരുന്നു. വലതുപക്ഷ പ്രചരണങ്ങളുടെ മുനയൊടിക്കുന്ന ഇടപെടലായിരുന്നു അവയെല്ലാം. പ്രതികൂല സാഹചര്യങ്ങള്‍ രൂപപ്പെടുമ്പോഴെല്ലാം ശരിയായ ദിശാബോധത്തോടെ ഇടതുപക്ഷത്തെ മുന്നോട്ടുകൊണ്ടുപോകാന്‍ നേതൃത്വപരമായ പങ്ക്‌ അദ്ദേഹം നിര്‍വ്വഹിച്ചു. ജനങ്ങള്‍ അഭിമുഖീകരിക്കുന്ന പ്രശ്‌നങ്ങളിലിടപെട്ട്‌ അവരുടെ ജീവിതത്തെ ഗുണപരമായി മാറ്റിത്തീര്‍ക്കുന്ന കമ്മ്യൂണിസ്റ്റ്‌ പ്രവര്‍ത്തന ശൈലി കാനത്തിനുണ്ടായിരുന്നു. കേരളത്തിലെ ഇടതുപക്ഷ ജനാധിപത്യ മുന്നണിയുടെ പ്രവര്‍ത്തനം സജീവമാക്കി ജനകീയ താല്‍പര്യങ്ങള്‍ ഉയര്‍ത്തിപ്പിടിക്കുന്നതിന്‌ അദ്ദേഹം തല്‍പരനായിരുന്നു. ആഗോളവല്‍ക്കരണ നയങ്ങള്‍ക്കെതിരായി ഇടതുപക്ഷ ബദല്‍ മുന്നോട്ടുവെക്കുന്നതിന്‌ സജീവമായ പങ്കാളിത്തം കാനം വഹിച്ചിരുന്നു.
അസുഖ ബാധിതനായിരുന്ന അദ്ദേഹത്തെ കഴിഞ്ഞ ദിവസം കണ്ട അവസരത്തില്‍ പൊതുപ്രവര്‍ത്തനത്തില്‍ മടങ്ങിയെത്തുമെന്നുള്ള പ്രതീക്ഷയാണ്‌ പങ്കുവെച്ചത്‌. അതുകൊണ്ട്‌ തന്നെ ഞെട്ടലോടെയാണ്‌ മരണവാര്‍ത്ത കേട്ടത്‌. ഒരു ആയുസ്‌ മുഴുവന്‍ ജനങ്ങള്‍ക്കുവേണ്ടി പ്രവര്‍ത്തിച്ച കാനം രാജേന്ദ്രന്റെ വിയോഗത്തിലുള്ള അദ്ദേഹത്തിന്റെ കുടുംബാംഗങ്ങളുടേയും, സി.പി.ഐ സഖാക്കളുടെയും ദുഃഖത്തില്‍ പങ്കുചേരുന്നുവെന്നും എം.വി. ഗോവിന്ദന്‍ അനുശോചന സന്ദേശത്തില്‍ പറഞ്ഞു.

നഷ്ടമായത് ഇടതുപക്ഷ ഐക്യത്തിന്റെ ശക്തിസ്തംഭങ്ങളിലൊന്ന്; കാനത്തെ അനുസ്മരിച്ച് മുഖ്യമന്ത്രി

അരൂർ : ഭർത്തൃവീട്ടിൽ യുവതിയെ തൂങ്ങിമരിച്ച നിലയിൽ കാണപ്പെട്ട സംഭവവുമായി ബന്ധപ്പെട്ട് കുറ്റക്കാർക്കെതിരേ നരഹത്യയ്ക്ക് കേസെടുക്കണമെന്ന് സർവകക്ഷിയോഗം ആവശ്യപ്പെട്ടു. ഓർക്കാട്ടേരി കുന്നുമ്മക്കര തണ്ടാർകണ്ടി ഭർത്തൃവീട്ടിൽ കഴിഞ്ഞ തിങ്കളാഴ്ച രാത്രിയാണ് അരൂർ പുളിയംവീട്ടിൽ ഷബ്‌ന തൂങ്ങിമരിച്ചത്. പുറമേരി പഞ്ചായത്ത് പ്രസിഡൻറ്‌ വി.കെ. ജ്യോതിലക്ഷ്മി അധ്യക്ഷതവഹിച്ചു. എം.എം. ഗീത, റീത്ത കണ്ടോത്ത് ഷൈബ മല്ലിവീട്ടിൽ, വി.പി. കുഞ്ഞമ്മദ്, കെ.പി. ബാലൻ, കെ. സജീവ്, എം.എ. ഗഫൂർ, ഷിജിത്ത് മലമൽ തുടങ്ങിയവർ സംസാരിച്ചു. ഭാരവാഹികൾ: എം.എ. ഗഫൂർ (ചെയർ.), സി.പി. നിധീഷ് (കൺ.).

ഷബ്‌നയുടെ മരണത്തിൽ കുറ്റക്കാരുടെപേരിൽ കേസെടുക്കണം; സർവകക്ഷി

Nadapuram

കോഴിക്കോട് : 18 വയസ്സിനുമുമ്പ് പ്രണയത്തിലായിരുന്നപ്പോൾ ഭാര്യയെ പീഡിപ്പിച്ചുവെന്ന കേസിൽ ഭർത്താവിനെയും എട്ട് സുഹൃത്തുക്കളെയും കോഴിക്കോട് ഫാസ്റ്റ് ട്രാക്ക് പോക്സോകോടതി വെറുതെവിട്ടു. വിവാഹത്തിനു ശേഷം ഭാര്യയുടെ പരാതിയിലാണ് നടക്കാവ് പോലീസ് ഭർത്താവിനെയും എട്ടു സുഹൃത്തുക്കളെയും പ്രതികളാക്കി 2021-ൽ കുറ്റപത്രം നൽകിയത്. ഒന്നാംപ്രതിക്കുവേണ്ടി ബിനീഷ് ബാബു, ബൈജു പുതിയേടത്ത് മീത്തൽ, റാവു, എൻ.പി. ആഷിക് മൻസൂർ എന്നിവരും രണ്ടു മുതൽ ഒമ്പതുവരെയുള്ള പ്രതികൾക്ക് വേണ്ടി സനൽകുമാർ പടന്നപ്പുറത്ത്, മനു രവീന്ദ്രൻ, ഹാസിർ എന്നിവരും ഹാജരായി.

ഭാര്യയുടെ പരാതി; പീഡനക്കേസിൽ ഭർത്താവ് ഉൾപ്പടെ ഒൻപതുപേരെ വെറുതേവിട്ടു

Kozhikode

വടകര : ബൈക്കിലെ പിൻസീറ്റ് യാത്രക്കാരിയായ വീട്ടമ്മ വാഹനാപകടത്തിൽ മരിച്ച കേസിൽ 22.29 ലക്ഷം രൂപ നഷ്ടപരിഹാരം നൽകാൻ വടകര എം.എ.സി.ടി. ജഡ്ജി കെ. രാമകൃഷ്ണൻ വിധിച്ചു. കൊയിലാണ്ടി അരിക്കുളം കുറുവങ്ങാട് കുഴിക്കാട് വി. ശാന്ത (62) മരിച്ച കേസിലാണ് വിധി. നഷ്ടപരിഹാരത്തുകയുടെ ഒമ്പത് ശതമാനം പലിശയും കോടതിച്ചെലവും ഇതോടൊപ്പം അന്യായക്കാർക്ക് നൽകണം. 2019 ഒക്ടോബർ ആറിനാണ് കേസിനാസ്പദമായ സംഭവം. കുറുവങ്ങാട്നിന്ന്‌ കോതമംഗലത്തേക്ക് പോകുംവഴി കുറുവങ്ങാട് പോസ്റ്റ് ഓഫീസിനു മുൻവശം ഇവർ സഞ്ചരിച്ച ബൈക്കിൽനിന്ന് റോഡിലേക്ക് തെറിച്ചുവീഴുകയായിരുന്നു. ദിവസങ്ങളോളം ചികിത്സയിൽക്കഴിഞ്ഞ ഇവർ പിന്നീട് മരണപ്പെടുകയായിരുന്നു.

ബൈക്കിൽ നിന്ന് വീണ് കൊയിലാണ്ടി സ്വദേശിനി മരിച്ച കേസിൽ 22.29 ലക്ഷം നഷ്ടപരിഹാരം നൽകാൻ വിധി

കൊയിലാണ്ടി : മാഹിയിൽനിന്നും കടത്തിക്കൊണ്ടുവരുകയായിരുന്ന 3000 ലിറ്റർ ഡീസൽ കൊയിലാണ്ടി ജി.എസ്.ടി. എൻഫോഴ്‌സ്‌മെന്റ് സംഘം പേരാമ്പ്രയിൽനിന്ന് പിടികൂടി. മാഹിയിൽനിന്നും ടാങ്കറിലാക്കി താമരശ്ശേരി ഭാഗത്തേക്ക് കൊണ്ടുപോകുന്നതിനിടെയാണ് പിടികൂടിയത്. നികുതിയും പിഴയുമടക്കം 3,03,760 രൂപ ഈടാക്കി.
ജി.എസ്.ടി. ജോയന്റ് കമ്മിഷണർ ടി.എ. അശോകൻ, ഡെപ്യുട്ടി കമ്മിഷണർ വി.പി. രമേശൻ എന്നിവരുടെ നിർദേശപ്രകാരം കൊയിലാണ്ടി എൻഫോഴ്‌സ്‌മെന്റ് ഓഫീസർ ജി.വി. പ്രമോദ്, ഇ.കെ. ശിവദാസൻ, ഇ. ബിജു, കെ.പി. രാജേഷ്, സി. ബിനു എന്നിവർ അന്വേഷണ സംഘത്തിലുണ്ടായിരുന്നു.

മാഹിയിൽ നിന്നും കടത്തിയ 3000 ലിറ്റർ ഡീസൽ പേരാമ്പ്രയിൽ പിടികൂടി

Koyilandy

വടകര: ട്രെയിൻ യാത്രയുമായി ബന്ധപ്പെട്ടും റെയില്‍വെ സ്റ്റേഷന്‍ നവീകരണവുമായി ബന്ധപ്പെട്ടും വടകരയിലെ ജനങ്ങൾ അഭിമുഖീകരിക്കുന്ന പ്രശ്നങ്ങൾക്ക് പരിഹാരം തേടി പാലക്കാട് റയിൽവേ ഡിവിഷൻ മാനേജരെ നേരിൽ കണ്ട് കെ.കെ.രമ എം.എൽ.എ. റെയിൽവേയുമായി ബന്ധപ്പെട്ട് നിരവധിയായ പ്രശ്നങ്ങൾ അധികൃതരുടെ ശ്രദ്ധയിൽ കൊണ്ടുവരാനാണ് പാലക്കാടു പോയി ഡിവിഷണൽ മാനേജരെ നേരിൽ കണ്ടതെന്ന് എം.എൽ.എ പറഞ്ഞു. നാഷണൽ ഹൈവേയുടെ പ്രവൃത്തി നടക്കുന്നതിനാൽ വടകര താലൂക്കിലെ വിദ്യാർത്ഥികളടക്കമുള്ള ഭൂരിഭാഗം ജനങ്ങളും ഇപ്പോൾ ട്രെയിൻ ഗതാഗതത്തെയാണ് കൂടുതൽ ആശ്രയിക്കുന്നത്. ഇവരെല്ലാവരും ആശ്രയിക്കുന്നത് വടകര റയിൽവേ സ്റ്റേഷനെയാണ്. എന്നാൽ യാത്രികരുടെ എണ്ണത്തിനനുസൃതമായ സേവനം വടകരയിൽ ലഭ്യമല്ല എന്നത് വലിയ പ്രശ്നമായി തുടരുകയാണ്. കോഴിക്കോട് നിന്നും വടകരഭാഗത്തേക്കു വരുന്ന വൈകുന്നേരത്തെ പരശുറാം എക്സ്പ്രസ്സിൽ യാത്രികരെ ഉൾക്കൊള്ളാൻ കഴിയാത്ത വിധം തിരക്കാണ് അനുഭവപ്പെടുന്നത്. കഴിഞ്ഞ ദിവസമുൾപ്പെടെ തിരക്കുകാരണം യാത്രികരായ വിദ്യാർത്ഥികൾ കുഴഞ്ഞു വീണതുൾപ്പെടെയുള്ള വാർത്തകൾ റിപ്പോർട്ട് ചെയ്തിരുന്നു. അതിനാൽ പരശുറാം എക്സ്പ്രസ്സിൽ കൂടുതൽ ജനറല്‍ കോച്ചുകള്‍ അനുവദിക്കണം എന്ന് എം.എൽ.എ ആവശ്യപ്പെട്ടു. 22 ബോഗികൾ ഇപ്പോൾ പരശുറാം എക്സ്പ്രസ്സിലുണ്ടെന്നും ട്രെയിനിന്റെ എൻഡിങ് സ്റ്റേഷനായ നാഗർകോവിലിൽ രണ്ടുമാസത്തിനകം പ്ലാറ്റ്‌ഫോം നീട്ടി നിർമിക്കുന്നതിന്റെ പ്രവൃത്തി പൂർത്തിയാകുമെന്നും അതിനുശേഷം മാർച്ച് മാസത്തോടെ ട്രെയിനിൽ അഡീഷണൽ ബോഗികൾ അനുവദിക്കാമെന്ന് ഉറപ്പുലഭിച്ചതായും എം.എൽ.എ പറഞ്ഞു. കോവിഡ് മാനദണ്ഡത്തിന്റെ ഭാഗമായി ഉണ്ടായ പുതിയ നിർദ്ദേശങ്ങളെ തുടർന്ന് ലോക്കൽ സ്റേഷനുകളായ മുക്കാളി, നാദാപുരം റോഡ് എന്നിവിടങ്ങളിലെ സ്റ്റോപ്പുകൾ നിര്‍ത്തലാക്കിയിരുന്നു. രാവിലെ കണ്ണൂ
രിൽ നിന്നും ഷൊർണ്ണൂരിലേക്കു പോകുന്ന മെമു ട്രെയിനിന് ഈ രണ്ടു സ്റ്റോപ്പുകളും പുനഃസ്ഥാപിച്ചു നൽകണമെന്ന ആവശ്യവും പരിഗണിക്കുമെന്ന് ഉറപ്പുനല്കിയതായും എം.എൽ.എ പറഞ്ഞു. ഇങ്ങനെ വന്നാൽ ഈ ഭാഗത്തെ യാത്രികർക്ക് ഇത് ഏറെ ആശ്വാസകരമായിരിക്കും.കോവിഡ് മഹാമാരിയെ തുടര്‍ന്ന് നിര്‍ത്തലാക്കിയ മുതിര്‍ന്ന പൗരന്മാര്‍ക്കുണ്ടായിരുന്ന യാത്രാആനുകൂല്യങ്ങള്‍ പുനസ്ഥാപിക്കുക, മലബാര്‍ മേഖലയില്‍ കൂടുതല്‍ ഹ്രസ്വദൂര ട്രെയ്നുകള്‍ അനുവദിക്കുക, ട്രെയിന്‍ യാത്രാനിരക്കുകള്‍ കുറയ്ക്കുക, ട്രെയിനുകൾ വൈകുന്നതും റദ്ദ്ചെയ്യുന്നതും ഒഴിവാക്കി സർവീസുകളിൽ കൃത്യനിഷ്ഠയും വിശ്വാസ്യതയും ഉറപ്പാക്കുക തുടങ്ങിയ ആവശ്യങ്ങള്‍ മേലധികാരികള്‍ക്കു മുന്നില്‍ അവതരിപ്പിക്കുന്നതിനും ആവശ്യപ്പെട്ടിട്ടുള്ളതായി എം.എൽ.എ പറഞ്ഞു. കാലങ്ങളായി വടകര താഴയങ്ങാടിയിലെ ജനങ്ങൾ ഉപയോഗിക്കുന്ന ഒന്തം റോഡിലെ റെയിൽവേ ലൈൻ മുറിച്ചുകടക്കുന്ന പാത അടച്ചിടുന്നതിനുള്ള തീരുമാനത്തിലെ വടകര ജനതയുടെ പ്രതിഷേധം ഡിവിഷൻ മാനേജറെ നേരിട്ട് അറിയിച്ചതായും എം.എൽ.എ പറഞ്ഞു. താഴെയങ്ങാടിയിലെ ജനങ്ങൾക്ക് കാൽനടയായി വടകര നഗരത്തിൽ എത്തിച്ചേരാനുള്ള എളുപ്പവഴിയാണ് ഈ തീരുമാനം മൂലം ഇല്ലാതാവുക. അതിനാൽ ഇത് അടച്ചു പൂട്ടുന്നതിനു മുൻപ് അതെ സ്ഥലത്തു ഒരു ഫുട് ഓവർ ബ്രിഡ്ജ് സ്ഥാപിക്കേണ്ടതിന്റെ ആവശ്യം അധികൃതരുമായി ചർച്ചചെയ്തതായും എം.എൽ.എ പറഞ്ഞു. ഇതുസംബന്ധിച്ചു കൂടുതൽ പരിശോധനകൾ നടത്തി ഉചിതമായ തീരുമാനം കൈക്കൊള്ളാമെന്നു അധികൃതർ അറിയിച്ചതായും എം.എൽ.എ അറിയിച്ചു.&nbsp;
അമൃത് ഭാരത് പദ്ധതിയുടെ ഭാഗമായി വടകര റെയിൽവേ സ്റ്റേഷനിലെ നവീകരണ പ്രവൃത്തികൾ നടന്നു വരികയാണ്. പ്രവൃത്തിയുടെ ഭാഗമായി റെയിൽവേ സ്റേറഷനോട് ചേർന്ന് പാക്കയിൽ ഭാഗത്തായി കിടക്കുന്ന കണ്ടൽക്കാടുകൾ സംരക്ഷിച്ചു നിർത്തേണ്ടതിന്റെ ആവശ്യകതയെക്കുറിച്ചും ഡിവിഷൻ മാനേജറുമായി ചർച്ച നടത്തിയതായും എം.എൽ.എ പറഞ്ഞു. ഇത് വേണ്ടവിധത്തിൽ സംരക്ഷിക്കപ്പെടാത്തതുമൂലം ഇപ്പോൾ ഇത് മാലിന്യങ്ങൾ നിക്ഷേപിക്കുന്ന സ്ഥലമായി മാറിക്കൊണ്ടിരിക്കുകയാണ്. സ്റ്റേഷനിൽ നടക്കുന്ന നവീകരണ പ്രവൃത്തിയോടൊപ്പം കണ്ടൽക്കാടുകൾ കൂടെ സംരക്ഷിച്ചു നിലനിർത്താൻ കഴിഞ്ഞാൽ അത് ഏറെ ഗുണകരമായിരിക്കും. ഈ ആവശ്യങ്ങളോടെല്ലാം ഏറെ അനുകൂലമായ പ്രതികരണമാണ് ഡിവിഷൻ മാനേജറുടെ ഭാഗത്തിനിന്നും ഉണ്ടായതെന്നും. ഇതു സംബന്ധിച്ച് കേന്ദ്രമന്ത്രിക്കും സതേണ്‍ റെയില്‍വെ ജനറല്‍ മാനേജര്‍ക്കും നിവേദങ്ങൾ അയയ്ക്കുകയും റയിൽവേ ഡിവിഷൻ മാനേജര്‍ക്ക് നേരിട്ട് സമർപ്പിക്കുകയും ചെയ്തതായി എം.എൽ.എ പറഞ്ഞു.

വടകരയിലെ ട്രെയിൻ യാത്രികരുടെ പ്രശ്നങ്ങൾക്ക് പരിഹാരം തേടി പാലക്കാട് റയിൽവേ ഡിവിഷൻ മാനേജരെ നേരിൽകണ്ട് എം.എൽ.എ.

വടകര: ഒഞ്ചിയം ഇല്ല്യക്കണ്ടി കണാരൻ നായരുടെ ഭാര്യ അമ്മാളു അമ്മ (83) നിര്യാതയായി. മക്കൾ: രാജൻ, പരേതയായ ഷൈലജ. മരുമക്കൾ: ഉഷ, പരേതനായ ബാലകൃഷ്ണൻ.

ഒഞ്ചിയം ഇല്ല്യക്കണ്ടി അമ്മാളു അമ്മ നിര്യാതയായി

Obitury

മലപ്പുറം: നിലമ്പൂ‌ർ ഉപതിരഞ്ഞെടുപ്പിൽ യുഡിഎഫ് വിജയിച്ചതിൽ പ്രതികരിച്ച് 2021ൽ മണ്ഡലത്തിലെ യുഡിഎഫ് സ്ഥാനാർത്ഥിയും മുൻ ഡിസിസി പ്രസിഡന്റും ആയിരുന്ന വി വി പ്രകാശിന്റെ മകൾ നന്ദന പ്രകാശ്. 'അച്ഛാ നമ്മൾ ജയിച്ചൂട്ടോ, അന്നും ഇന്നും എന്നും പാർട്ടിക്കൊപ്പം'- എന്നാണ് ഫേസ്‌ബുക്കിൽ വി വി പ്രകാശിന്റെ ചിത്രം പങ്കുവച്ച് നന്ദന കുറിച്ചത്.
നിലമ്പൂരിൽ സ്വതന്ത്രനായി മത്സരിച്ച് മൂന്നാം സ്ഥാനത്തെത്തിയ പി വി അൻവർ വിവി പ്രകാശിന്റെ വീട്ടിലെത്തിയാണ് പ്രചാരണപരിപാടികള്‍ക്ക് തുടക്കം കുറിച്ചത്.&nbsp;

'അച്ഛാ നമ്മൾ ജയിച്ചൂട്ടോ'; നിലമ്പൂരിലെ യുഡിഎഫ് വിജയത്തിന് പിന്നാലെ വി വി പ്രകാശിന്റെ മകളുടെ കുറിപ്പ്

നിലമ്പൂര്‍: ആര്യാടന്‍ മുഹമ്മദിന് ചുറ്റും കറങ്ങിത്തിരിയുന്നതായിരുന്നു ഒരുകാലത്ത് മലപ്പുറം ജില്ലയിലെ കോണ്‍ഗ്രസ്. ആര്യാടനപ്പുറം കോണ്‍ഗ്രസിന് മറുവാക്കുണ്ടായിരുന്നില്ല. 1965-ല്‍ ആദ്യമത്സരം, പക്ഷെ വിജയിച്ച് എം.എല്‍.എ ആവുന്നത് 1977-ല്‍.
1982 ന് ശേഷം 2016 ല്‍ കളം വിടും വരെ ആര്യാടനല്ലാതെ നിലമ്പൂരില്‍ കോണ്‍ഗ്രസില്‍ നിന്ന് ആരും മത്സരിച്ചിട്ടുമില്ല എം.എല്‍.എയും ആയിട്ടുണ്ടായിരുന്നില്ല. 1982-ല്‍ ടി.കെ ഹംസയോടേറ്റ ഒറ്റ പരാജയം മാത്രം. അവിടേക്കായിരുന്നു പിതാവിന്റെ പാത പിന്തുടരാന്‍ മകന്‍ ഷൗക്കത്തിനെ 2016-ല്‍ കോണ്‍ഗ്രസ് സ്ഥാനാര്‍ഥിയാക്കിയത്. പക്ഷെ പി.വി അന്‍വറിന് മുന്നില്‍ തോറ്റു. ഇത് കോണ്‍ഗ്രസിനുണ്ടാക്കിയ ക്ഷീണവും ചെറുതായിരുന്നില്ല. ആ ക്ഷീണമാണ് ഒമ്പത് വര്‍ഷത്തിനിപ്പുറം അതേ ഷൗക്കത്തിലൂടെ കോണ്‍ഗ്രസ് ഇത്തവണ മറികടന്നത്.
ഷൗക്കത്താണ് സ്ഥാനാര്‍ഥിയെന്ന് കോണ്‍ഗ്രസ് നേരത്തെ ഉറപ്പിച്ചിരുന്നുവെങ്കിലും ഇടതുപക്ഷം വിട്ട് യു.ഡി.എഫിലേക്ക് ചേക്കേറാന്‍ ശ്രമിച്ച പി.വി അന്‍വറിന്റെ കടുത്ത എതിര്‍പ്പ് അതിജീവിക്കണമായിരുന്നു ഷൗക്കത്തിനെതിരേയുണ്ടായിരുന്നത്. ഇത് ആദ്യം മുതല്‍ക്ക് തന്നെ വിവാദങ്ങള്‍ക്ക് തുടക്കമിട്ടെങ്കിലും ഈ വിവാദങ്ങളെ വോട്ട് ചോര്‍ച്ചയിലേക്ക് നയിക്കുമെന്ന ഇടതിന്റെ കണക്കുകൂട്ടലുകളെയാണ് ഇത്തവണ കോണ്‍ഗ്രസും യുഡിഎഫും തെറ്റിച്ചത്.ജമാ അത്തെ ഇസ്ലാമിയുടെ വെല്‍ഫെയര്‍പാര്‍ട്ടിയുമായി യു.ഡി.എഫ് നിലമ്പൂരിലും സഹകരിക്കുമ്പോള്‍ വിവാദമുയര്‍ത്തി യു.ഡി.എഫ് വോട്ടുകളില്‍ വിള്ളലുണ്ടാക്കാമെന്നായിരുന്നു ഇടതുപക്ഷം കണക്ക് കൂട്ടിയത്. പ്രത്യേകിച്ച് മുസ്ലീം ഭൂരിപക്ഷമല്ലാത്ത നിലമ്പൂര്‍ പോലുള്ള ഒരു മണ്ഡലത്തില്‍ ഹിന്ദു വോട്ടുകള്‍ അങ്ങനെ തങ്ങള്‍ക്ക് അനുകൂലമാക്കാമെന്നും കരുതിയിരുന്നു. പക്ഷെ ഈ കണക്കുകൂട്ടലുകളെയൊക്കെയാണ് നിലമ്പൂര്‍ ഫലം തെറ്റിച്ചു കളഞ്ഞത്.
നിലമ്പൂരിന്റെ ചരിത്ര വോട്ടിംഗ് ശതമാനത്തില്‍ ഇരുമുന്നണികളും പ്രതീക്ഷയര്‍പ്പിക്കുകയും പി.വി അന്‍വര്‍ പിടിക്കുന്ന വോട്ടുകള്‍ ആരെ തുണക്കുമെന്നത് സംബന്ധിച്ച് ആശങ്കയിലാവുകയും ചെയ്തിരുന്നുവെങ്കിലും ആരോപണങ്ങളൊന്നും യു.ഡി.എഫിന്റെ തിരഞ്ഞെടുപ്പ് ഫലത്തെ ബാധിച്ചില്ലെന്ന് വേണം മനസ്സിലാക്കാന്‍. ജമാ അത്തെ ഇസ്ലാമിയും പി.ഡി.പിയും അങ്ങനെ വിവാദത്തിലൊതുങ്ങുകയും ചെയ്തു. ആര്യാടന്‍ സ്ഥാനാര്‍ഥിയായാല്‍ വോട്ടുകുറയുമെന്ന കാര്യം 2016-ലെ ഫലത്തെ അടിസ്ഥാനമാക്കി അന്‍വര്‍ മുന്നോട്ടുവെച്ചെങ്കിലും ഇതിനെ കൃത്യമായി മറികടക്കാന്‍ ഇത്തവണ യു.ഡി.എഫിനായി.
2016ല്‍ ആര്യാടന്‍ ഷൗക്കത്ത് മത്സരിച്ചപ്പോള്‍ കോണ്‍ഗ്രസിന് വോട്ട് കുറഞ്ഞ അതേ സാഹചര്യം 2025 ലും ഷൗക്കത്ത് മത്സരിക്കുമ്പോള്‍ സംഭവിക്കുമെന്നായിരുന്നു അന്‍വറടക്കമുള്ളവര്‍ കണക്ക് കൂട്ടിയത്. 2016-ല്‍ 40.83 ശതമാനം വോട്ടാണ് ഷൗക്കത്ത് മത്സരിച്ചപ്പോള്‍ യു.ഡി.എഫിന് ലഭിച്ചിരുന്നതെങ്കില്‍ 2021-ല്‍ ആര്യാടന് പകരം വി.വി പ്രകാശ് മത്സരിച്ചപ്പോള്‍ അത് 45.3 ശതമാനത്തിലേക്കെത്തിക്കാന്‍ യു.ഡി.എഫിനായിരുന്നു. എന്നാല്‍ 2025-ല്‍ വീണ്ടും ഷൗക്കത്ത് വന്നതോടെ 2016-ലെ സാഹചര്യത്തിലേക്ക്‌പോവാതെ പിടിച്ച് നില്‍ക്കാന്‍ യു.ഡി.എഫിനായത് ഏറെ ആശ്വസമാണ്. ഇതോടെ ആര്യാടന്‍ വിരുദ്ധ വോട്ടുകള്‍ വിധി നിര്‍ണിയിക്കുമെന്ന അന്‍വറിന്റെ പ്രവചനവും തെറ്റിപ്പോയി. അങ്ങനെ ഒമ്പത് വര്‍ഷത്തിന് ശേഷം ആര്യാടന്‍ ലെഗസി പിടിച്ചെടുക്കാന്‍ മകന്‍ ഷൗക്കത്തിനായി.

നിലമ്പൂരില്‍ ആര്യാടന്‍ ഷൗക്കത്തിന്റെ ആറാട്ട്‌; പിതാവിന്റെ  തട്ടകം തിരിച്ചുപിടിച്ച് മകന്‍

സിപിഎമ്മിലെ കരുത്തുറ്റമുഖം, സെക്രട്ടേറിയറ്റ് അംഗം, മികച്ച വാഗ്മി, സൈബറിടങ്ങളിലെ പോരാളി. മുഖ്യമന്ത്രി കഴിഞ്ഞാല്‍ അണികള്‍ക്കിടയില്‍ ഏറ്റവും ഫാന്‍ ബേസുള്ള നേതാക്കളില്‍ പ്രധാനി. എം. സ്വരാജെന്ന രാഷ്ട്രീയനേതാവിനെ എല്‍ഡിഎഫ്, നിലമ്പൂരിലെ നിര്‍ണായകപോരാട്ടത്തിനിറക്കിയത് ഇക്കാര്യങ്ങൾ ഒക്കെ കൊണ്ടാണ്. പക്ഷേ സ്വരാജിനും കാലിടറി. എല്‍ഡിഎഫ് കോട്ടകളിലടക്കം കടന്നുകയറിയ ആര്യാടന്‍ ഷൗക്കത്ത് സിപിഎമ്മിന്റെ സിറ്റിങ് സീറ്റ് തിരിച്ചുപിടിച്ചു. രണ്ടാം പിണറായി സര്‍ക്കാരില്‍ ആദ്യമായി ഒരു സിറ്റിങ് സീറ്റും എല്‍ഡിഎഫ് കൈവിടുന്നു.&nbsp;
നിലമ്പൂരില്‍ എല്‍ഡിഎഫിന് നിര്‍ത്താന്‍ സാധിക്കുന്ന ഏറ്റവും മികച്ച സ്ഥാനാര്‍ഥിയാണ് എം. സ്വരാജ്. സമീപകാലത്ത് അദ്ദേഹത്തിന് ലഭിച്ച സ്വീകാര്യത അത്രത്തോളമാണ്. അണികളുടെ ആവേശവും മണ്ഡലത്തിലെ പ്രചാരണങ്ങളും എന്തുകൊണ്ട് വോട്ടായി മാറിയില്ല എന്നതിന് വരുംനാളുകളില്‍ എല്‍ഡിഎഫ് മറുപടി പറയേണ്ടിവരും.
വോട്ടെണ്ണലിന്റെ ആദ്യ റൗണ്ടുമുതൽ തന്നെ ലീഡെടുത്താണ് ആര്യാടൻ ഷൗക്കത്ത് മുന്നേറിയത്. ആദ്യം എണ്ണിയ വഴിക്കടവ്, മൂത്തേടം, എടക്കര പഞ്ചായത്തുകളില്‍ യുഡിഎഫ് സ്ഥാനാര്‍ഥി ആര്യാടന്‍ ഷൗക്കത്ത് പ്രതീക്ഷിച്ച പോലെ ലീഡ് നേടി. വോട്ടെണ്ണിയ ആദ്യ 8 റൗണ്ടുകളില്‍ വ്യക്തമായ ലീഡാണ് യുഡിഎഫ് സ്വന്തമാക്കിയത്. ആദ്യം യുഡിഎഫ് നേടുന്ന ലീഡ് തങ്ങളുടെ ശക്തികേന്ദ്രങ്ങളിലൂടെ മറികടക്കാമെന്നാണ് എൽഡിഎഫ് കണക്കുകൂട്ടിയതെങ്കിലും അത് നടന്നില്ല. സ്വരാജിന്റെ പഞ്ചായത്തായ പോത്തുകല്ലുൾപ്പെടെ ആര്യാടൻ ഷൗക്കത്ത് കുതിച്ചു. പോത്തുകല്ലുൾപ്പെട്ട ഒമ്പതാം റൗണ്ടിൽ ലീഡെടുത്തത് ആശ്വാസം നൽകിയെന്നുമാത്രം. എല്‍ഡിഎഫ് ശക്തികേന്ദ്രങ്ങളില്‍ പോലും ഷൗക്കത്ത് കടന്നുകയറുന്ന കാഴ്ചയാണ് പിന്നാലെ കണ്ടത്. വോട്ടെണ്ണല്‍ എല്‍ഡിഎഫ് ഭരിക്കുന്ന നിലമ്പൂര്‍ മുന്‍സിപ്പാലിറ്റിയിലേക്ക് കടന്നതോടെ ലീഡ് പതിനായിരം കടന്നു.അതോടെ എൽഡിഎഫ് പതനം പൂർണമായി.

5 വര്‍ഷത്തിനിടെ രണ്ടാം തോല്‍വി, സ്വന്തം നാട്ടിലും കാലിടറി സ്വരാജ്

തിരുവനന്തപുരം: മുന്‍ മുഖ്യമന്ത്രിയും മുതിര്‍ന്ന സിപിഐഎം നേതാവുമായ വി എസ് അച്യുതാനന്ദനെ ആശുപത്രിയില്‍ പ്രവേശിപ്പിച്ചു. ഹൃദയാഘാതത്തെ തുടര്‍ന്ന് ഇന്ന് രാവിലെയാണ് ആശുപത്രിയിൽ പ്രവേശിപ്പിച്ചത്. എസ് യു ടി ആശുപത്രിയില്‍ ഐസിയുവില്‍ തുടരുകയാണ് അദ്ദേഹം.

ഹൃദയാഘാതം; വി എസ് അച്യുതാനന്ദന്‍ ആശുപത്രിയില്‍

നിലമ്പൂര്‍: താന്‍ പിടിച്ച വോട്ടുകള്‍ എല്‍ഡിഎഫിന്റേതെന്ന് നിലമ്പൂരിലെ സ്വതന്ത്ര സ്ഥാനാര്‍ഥി പി.വി അന്‍വര്‍. ഒന്‍പത് റൗണ്ട് വോട്ടുകള്‍ എണ്ണിക്കഴിഞ്ഞപ്പോള്‍ അന്‍വര്‍ പതിനായിരത്തിലേറെ വോട്ട് സ്വന്തമാക്കിക്കഴിഞ്ഞു. താൻ പിടിച്ചത് യു.ഡി. എഫ് വോട്ടുകളാണ് എന്ന തരത്തിലുള്ള വാർത്തകൾ അടിസ്ഥാനരഹിതമാണെന്നും അൻവർ തന്ന വന്നു കണ്ട മാധ്യമ പ്രവർത്തകരോട് പറഞ്ഞു.
പിണറായിസത്തിനെതിരെയാണ് താൻ വോട്ട് പിടിച്ചത്. ഭൂരിപക്ഷവും വോട്ടുകള്‍ പിടിച്ചിരിക്കുന്നത് എല്‍ഡിഎഫ് കാമ്പില്‍ നിന്നാണ്. വോട്ടിങ് പൂര്‍ത്തിയായി വോട്ടിങ് ശതമാനം പരിശോധിക്കുമ്പോള്‍ അത് മനസിലാകും. എം.പിമാരും എം.എല്‍.എമാരും തലകുത്തി മറിഞ്ഞിട്ടും 40 ശതമാനം വോട്ട് എണ്ണിക്കഴിഞ്ഞപ്പോഴേക്കും തനിക്ക് 10000 വോട്ട് നേടാനായി. മലയോര കര്‍ഷകരുടെ വിഷയങ്ങൾ പരിഗണിക്കാതെ, അവർ നേരിടുന്ന വന്യജീവി ആക്രമങ്ങള്‍ക്ക് പരിഹാരം കാണാതെ 2026ല്‍ എളുപ്പത്തില്‍ ആർക്കും സർക്കാർ രൂപീകരിക്കാന്‍ കഴിയില്ല.-അൻവർ പറഞ്ഞു.

താന്‍ പിടിച്ചത് എൽ.ഡി.എഫിന്റെ വോട്ടുകള്‍ ;യു.ഡി.എഫ് കണ്ണു തുറക്കണമെന്ന് അൻവർ

Search Results for: sibin