കോഴിക്കോട്: വോട്ടെടുപ്പ് സുരക്ഷിതവും സമാധാനപൂര്‍വവുമാക്കുന്നതിന് ജില്ലയിൽ ശക്തമായ സുരക്ഷാ സന്നാഹങ്ങള്‍ ഒരുക്കിയതായി കലക്ടര്‍ അറിയിച്ചു. ഇതിന്റെ ഭാഗമായി ഇന്ന് (ഏപ്രില്‍ 24) വൈകിട്ട് ആറു മണി മുതല്‍ 27ന് രാവിലെ ആറു മണി വരെ ജില്ലയില്‍ സിആര്‍പിസി 144 പ്രകാരമുള്ള നിരോധനാജ്ഞ പുറപ്പെടുവിച്ചു.
ഇതുപ്രകാരം മൂന്നില്‍ കൂടുതല്‍ പേര്‍ കൂടിനില്‍ക്കുന്നതും പൊതുയോഗങ്ങളോ പ്രകടനങ്ങളോ നടത്തുന്നതും ശിക്ഷാര്‍ഹമാണ്. നിരോധന ഉത്തരവ് ലംഘിക്കുന്നവര്‍ക്കെതിരേ കര്‍ശന നടപടി സ്വീകരിക്കുമെന്നും കലക്ടര്‍ വ്യക്തമാക്കി.

ജില്ലയിലെ 141 പ്രശ്‌നസാധ്യതാ ബൂത്തുകളിലും (കോഴിക്കോട്- 21, വടകര- 120), മാവോവാദി ഭീണിയുള്ള വടകര മണ്ഡലത്തിലെ 43 ബൂത്തുകളിലും പ്രത്യേക സുരക്ഷ ഒരുക്കുന്നതിനായി സംസ്ഥാന പോലിസ് സേനയ്ക്കു പുറമെ, എട്ട് കമ്പനി സിഎപിഎഫ്, മൈക്രോ ഒബ്‌സര്‍മാര്‍ എന്നിവരെ അധികമായി നിയോഗിച്ചിട്ടുണ്ട്.

കോഴിക്കോട് ജില്ലയിൽ  നിരോധനാജ്ഞ പ്രഖ്യാപിച്ചു

Kozhikode

പാലക്കാട് : ഒറ്റപ്പാലം ചുനങ്ങാട് വാണിവിലാസിനിയിൽ പെട്രോൾ ബോംബ് സ്ഫോടനത്തിൽ പരുക്കേറ്റു ചികിത്സയിലായിരുന്ന യുവാവ് മരിച്ചു. കൊയിലാണ്ടി സ്വദേശി വിഷ്ണു (34) ആണ് മരിച്ചത്. തൃശൂർ മെഡിക്കൽ കോളജ് ആശുപത്രിയിൽ ചികിത്സയിലിരിക്കെയാണു മരണം.&nbsp;
കഴിഞ്ഞ 13നു പുലർച്ചെ‌യായിരുന്നു സ്ഫോടനം. കേസിൽ അറസ്റ്റിലായ ചുനങ്ങാട് മനയങ്കത്ത് നീരജ് റിമാൻഡിലാണ്. നീരജിന്റെ വീടിനു സമീപം നിർമാണം പുരോഗമിക്കുന്ന വീടിനു നേരെയായിരുന്നു ബോംബേറ്. ഈ വീട്ടിൽ പൂമുഖത്തു കിടന്നുറങ്ങുകയായിരുന്ന 6 തൊഴിലാളികളിൽ 2 പേർക്കായിരുന്നു ഗുരുതര പരുക്ക്. പരുക്കേറ്റ ബാലുശ്ശേരി സ്വദേശി പ്രിയേഷിന്റെ ആരോഗ്യനിലയിൽ പുരോഗതിയുണ്ട്.&nbsp;
തൊഴിലാളികൾ പതിവായി കളിയാക്കുന്നുവെന്ന ധാരണയാണ് ആക്രമണത്തിലേക്കു നയിച്ചതെന്നായിരുന്നു പൊലീസിന്റെ കണ്ടെത്തൽ. നിർമാണത്തിലിരിക്കുന്ന വീട്ടിലെ കുളത്തിന്റെ പടവു നിർമാണത്തിന് എത്തിയതാണു തൊഴിലാളികൾ. വിഷ്ണു മരിച്ചതോടെ നീരജിനെതിരെ കൊലപാതക കുറ്റം ചുമത്തും.

പെട്രോൾ ബോംബ് സ്ഫോടനം: പരുക്കേറ്റ് ചികിത്സയിലായിരുന്ന കൊയിലാണ്ടി സ്വദേശിയായ തൊഴിലാളി മരിച്ചു

Kerala

കണ്ണൂർ : പയ്യോളി കോട്ടക്കല്‍ സ്വദേശിയായ യുവാവിനെ കണ്ണൂരില്‍ കാണാതായതായി പരാതി. കോട്ടക്കല്‍ പള്ളിത്താഴവിനോദിന്റെ മകന്‍ ആദര്‍ശിനെയാണ് (22) ജോലിസ്ഥലത്തുനിന്ന് കാണാതായത്. കണ്ണൂരില്‍ കേബിള്‍ ടെക്‌നീഷ്യനായി ജോലി നോക്കുന്ന ആദര്‍ശ് ഇന്നലെ ഉച്ചയ്ക്ക് ജോലിസ്ഥലത്ത് നിന്ന് ഹോട്ടലിലേക്ക് പോയതായിരുന്നു.
പിന്നീട് തിരിച്ചുവന്നില്ലെന്ന് കൂടെയുണ്ടായിരുന്നവര്‍ പറഞ്ഞു. ബന്ധുക്കള്‍ പയ്യോളി പോലീസില്‍ പരാതി നല്‍കി. ആദര്‍ശിനെ കണ്ടെത്തുന്നവര്‍ 9447600848, 7736762591 എന്ന നമ്പറുകളില്‍ ഏതിലെങ്കിലും അറിയിക്കണം.

പയ്യോളി കോട്ടക്കല്‍ സ്വദേശിയായ യുവാവിനെ കണ്ണൂരില്‍ കാണാതായതായി പരാതി

Kannur

വടകര : നിക്ഷാൻ ഇലക്‌ട്രോണിക്സിന്റെ കരിമ്പനപ്പാലത്തെ ഗോഡൗണിൽ തീപ്പിടിത്തം. ബുധനാഴ്ച രാവിലെ 7.15-ഓടെ ഗോഡൗണിലെ യു.പി.എസ്. ബാറ്ററിയിൽനിന്ന് തീയും പുകയും ഉയരുകയായിരുന്നു. വടകര അഗ്നിരക്ഷാനിലയത്തിൽനിന്ന്‌ രണ്ട് യൂണിറ്റ് ഫയർ എൻജിൻ എത്തി തീ പൂർണമായും അണച്ചു. വടകര ഫയർ സ്റ്റേഷൻ സീനിയർ ഫയർ ആൻഡ്‌ റെസ്ക്യൂ ഓഫീസർ ആർ. ദീപക്കിന്റെ നേതൃത്വത്തിൽ കെ.പി. ബിജു, എ.പി. ഷൈനേഷ്, എം.ടി. റാഷിദ്, അമൽരാജ്, ടി. ഷിജേഷ്, സി.കെ. അർജുൻ, വിജീഷ്, സന്തോഷ്, കെ. സുബൈർ, ആർ. രതീഷ് എന്നിവർ ചേർന്നാണ് രക്ഷാപ്രവർത്തനം നടത്തിയത്.

വടകര നിക്ഷാന്റെ ഗോഡൗണിൽ തീപ്പിടിത്തം

Vadakara

വടകര നിക്ഷാനിൽ തീപ്പിടിത്തം

വടകര : കഞ്ചാവുമായി പിടിയിലായ യുവാവിന് അഞ്ചുവർഷം കഠിനതടവും 20,000 രൂപ പിഴയും. കോഴിക്കോട് കൊളത്തറ മോഡേൺ ബസാറിൽ കല്ലുവെട്ടിൽകുഴി എരഞ്ഞിക്കൽ യാസർ അറാഫത്തിനെ (32)യാണ് വടകര എൻ.ഡി.പി.എസ്. സ്പെഷ്യൽ ജഡ്ജ് വി.ജി. ബിജു ശിക്ഷിച്ചത്.
പിഴ അടച്ചില്ലെങ്കിൽ ഒരുമാസംകൂടി കഠിനതടവ് അനുഭവിക്കണം. 2019 മാർച്ച് 18-നാണ് കേസിനാസ്പദമായ സംഭവം. കസബ എം.എം. അലി റോഡിൽ പഴയ ഡേവിസൺ തിയേറ്ററിന് മുൻവശത്തുനിന്നും രണ്ടു ബാഗുകളിലായി സൂക്ഷിച്ച 14 കിലോ 750 ഗ്രാം കഞ്ചാവുമായി കസബ പോലീസാണ് അറാഫത്തിനെ അറസ്റ്റ് ചെയ്തത്. പ്രോസിക്ക്യൂഷന്‌ വേണ്ടി ഇ.വി. ലിജീഷ് ഹാജരായി.

കഞ്ചാവ് കേസിൽ അഞ്ചുവർഷം കഠിനതടവും  20,000 രൂപ പിഴയും

വടകര: വക്കീൽ പാലത്തിന് സമീപം പുഴയിൽ 2 വയസുകാരിയെ മരിച്ച നിലയിൽ കണ്ടെത്തി. കുറുക്കോത്ത് കെ.സി ഹൗസിൽ ഷമീറിൻ്റയും മുംതാസിൻ്റയും മകൾ ഹവ്വ ഫാത്തിമയാണ് മരിച്ചത്. വീടിന്റെ സമീപത്തു കൂടി ഒഴുകുന്ന പുഴയിലാണ് മൃതദേഹം കണ്ടെത്തിയത്.
കളിക്കുന്നതിനിടെ കുട്ടിയെ കാണാതായിരുന്നു. വീട്ടുകാർ നടത്തിയ തെരച്ചിലിനൊടുവിലാണ് കുട്ടിയെ മരിച്ച നിലയിൽ കണ്ടെത്തിയത്.

വടകരയിൽ കളിക്കുന്നതിനിടെ കാണാതായ 2 വയസുകാരിയുടെ മൃതദേഹം തോട്ടിൽ കണ്ടെത്തി

നാദാപുരം: യാത്രക്കിടെ ട്രിപ്പ് മുടക്കി യാത്രക്കാരെ പാതി വഴിയിലിറക്കിയ ബസ്സിന് പൊലീസ് പിഴ ചുമത്തി. തൊട്ടിൽപാലം - വടകര റൂട്ടിൽ സർവ്വീസ് നടത്തുന്ന കെ എൽ O8 ബി കെ O100 നമ്പർ അക്ട്രോസ് സ്വകാര്യ ബസ്സിനാണ് നാദാപുരം പൊലീസ് 7500 രൂപ പിഴ ഈടാക്കിയത്. പെർമ്മിറ്റ് ലംഘനത്തിനാണ് പിഴ. തൊട്ടിൽ പാലത്ത് നിന്ന് വടകരയ്ക്ക് സർവീസ് നടത്തുന്നതിനിടെ കല്ലാച്ചിയിൽ ട്രിപ്പ് അവസാനിപ്പിച്ച് യാത്രക്കാരെ റോഡിൽ ഇറക്കി വിട്ടെന്ന പരാതിയിലാണ് നടപടി.&nbsp;
കഴിഞ്ഞ വെള്ളിയാഴ്ച്ച രാത്രിയിൽ കല്ലാച്ചി സ്റ്റോപ്പിൽ എത്തിയ ഉടനെ യാത്രക്കാരോട് ഇറങ്ങാൻ ആവശ്യപ്പെടുകയായിരുന്നു. റോഡിൽ തിരക്കുള്ളതിനാൽ ട്രിപ്പ് കട്ട് ചെയ്യുകയാണെന്ന് ബസ് ജീവനക്കാർ യാത്രക്കാരോട് പറയുകയായിരുന്നു. ഇതിനിടെ കണ്ടക്ടർ ബോർഡ് എടുത്ത് മാറ്റുകയായിരുന്നു. തുടർന്ന് ക്ഷുഭിതരായ യാത്രക്കാർ ബസ്സിൽ നിന്നിറങ്ങാൻ തയ്യാറായില്ല. ഇതോടെ സ്ഥലത്ത് ഗതാഗതം നിയന്ത്രിച്ചിരുന്ന നാദാപുരം പൊലീസ് സ്ഥലത്തെത്തി യാത്രക്കാരെ മറ്റ് വാഹനങ്ങളിൽ ലക്ഷ്യസ്ഥാനത്ത് എത്തിച്ചു. പൊലീസ് ബസ് കസ്റ്റഡിയിൽ എടുത്ത് നാദാപുരം സ്റ്റേഷനിലേക്ക് മാറ്റുകയും പിഴ ഈടാക്കി വിട്ടയക്കുകയുമായിരുന്നു.

കല്ലാച്ചിയിൽ ട്രിപ്പ് മുടക്കി യാത്രക്കാരെ പെരുവഴിയിലിറക്കിയ ബസ്സിന് പോലീസ് പിഴ ചുമത്തി

Nadapuram

ചോമ്പാല: നിരവധി മോഷണ കേസിൽ പ്രതിയായ യുവാവ് പിടിയിൽ. കൊയിലാണ്ടി എടക്കാട് മാവിളിച്ചി കണ്ടി വീട്ടിൽ സൂര്യൻ എസ് എസ് (24) നെയാണ് ചോമ്പാല പോലീസ് അറസ്റ്റ് ചെയ്തത്. കഴിഞ്ഞ ഡിസംബർ ആറിന് ന്യൂ മാഹി സ്വദേശിയായ കേന്ദ്ര സർക്കാർ ജീവനക്കാരൻ മാഹി റെയിൽവേ സ്റ്റേഷൻ പരിസരത്ത് നിർത്തിയിട്ട സ്കൂട്ടർ ഇയാൾ മോഷ്ട്ടിക്കുകയിരുന്നു. ജോലി ആവശ്യാർത്ഥം പോയ യുവാവ് എട്ടിന് തിരിച്ച് വന്നപ്പോഴാണ് നിർത്തിയിട്ട സ്ഥലത്ത് സ്കൂട്ടർ കാണാനില്ലെന്ന് മനസ്സിലായത്. തുടർന്ന് പോലീസിൽ പരാതി നൽകുകയായിരുന്നു. ചോമ്പാല എസ് ഐ മനീഷ് വി.കെ നടത്തിയ അന്വേഷണത്തിൽ സൂര്യൻ ഈ സ്കൂട്ടറുമായി പോകുന്ന ക്യാമറ ദൃശ്യങ്ങൾ കണ്ടെത്തി.&nbsp;
അതിനിടയിൽ കൊയിലാണ്ടിയിൽ വെച്ച് കളവ് ചെയ്ത ബാറ്ററിയുമായി ഇതേ സ്കൂട്ടറിൽ പോകവെ കൊയിലാണ്ടി പോലീസ് ഇയാളെ പിടികൂടിയിരുന്നു. ഈ കേസിൽ കോടതിയിൽ ഹാജരാക്കിയ പ്രതി ജാമ്യം നേടുകയും ചോമ്പാല പോലീസ് അന്വേഷിക്കുന്നതറിഞ്ഞ് പാലക്കാട്ടേക്ക് ഒളിവിൽ പോകുകയും ചെയ്തു. പ്രതി പാലക്കാട് നിന്നും തിരിച്ചു വരുന്നതായി മനസ്സിലാക്കിയ ചോമ്പാല എസ് ഐയുടെ നേതൃത്വത്തിൽ എസ് സി.പി ഒ മാരായ അഭിജിത്ത് വി.കെ, അനനന്തൻ ടി.കെ എന്നിവർ ചേർന്ന് കൊയിലാണ്ടിയിൽ നിന്ന് പ്രതിയെ കസ്റ്റഡിയിൽ എടുക്കുകയായിരുന്നു. കോടതിയിൽ ഹാജരാക്കിയ പ്രതിയെ വടകര ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് ഷീജ എ എം 14 ദിവസത്തേക്ക് റിമാന്റ് ചെയ്തു.

സ്കൂട്ടർ മോഷ്ടാവായ കൊയിലാണ്ടി സ്വദേശി ചോമ്പാല പോലീസ്  പിടിയിൽ

Koyilandy

നാദാപുരം: പ്രായപൂർത്തിയാവാത്ത പെൺകുട്ടിയെ പീഡിപ്പിച്ച കേസിൽ യുവാവ് അറസ്റ്റിൽ. പുറമേരി സ്വദേശി തൈയ്യുള്ളതിൽ ആദർശ് ( 24 ) നെയാണ് നാദാപുരം പോലിസ് അറസ്റ്റ് ചെയ്തത്. പതിനാറ്കാരിയെ പ്രതിയുടെ വീട്ടിലെത്തിച്ച് പീഡനത്തിനിരയാക്കിയെന്നാണ് പരാതി. കോടതിയിൽ ഹാജരാക്കിയ പ്രതിയെ രണ്ടാഴ്ച്ചത്തേക്ക് റിമാൻ്റ് ചെയ്തു.

പോക്സോ കേസിൽ പുറമേരി സ്വദേശി അറസ്റ്റിൽ

പയ്യോളി : തിക്കോടി ഡ്രൈവ് ഇൻ ബീച്ചിൽ കുളിക്കാനിറങ്ങിയ നാല് പേ‍ർ തിരയിൽപ്പെട്ട് മരിച്ചു. കൽപ്പറ്റ സ്വദേശികളായ അനീസ(35), വാണി(32), ബിനീഷ്(40), ഫൈസൽ എന്നിവരാണ് മരിച്ചത്. ഞായറാഴ്ച വൈകീട്ട് നാലോടെയാണ് അപകടം.
വിനോദയാത്രയ്ക്കായി ബീച്ചിൽ എത്തിയ 24 അം​ഗ സംഘത്തിൽപ്പെട്ട അഞ്ച് പേർ തിരയിൽപ്പെട്ടതായാണ് പുറത്തുവരുന്ന വിവരം. അഞ്ചാമത്തെയാൾ ഇപ്പോൾ ചികിത്സയിലാണ്. നാട്ടുകാര്‍ രക്ഷാപ്രവര്‍ത്തനത്തിന് ശ്രമിച്ചെങ്കിലും നാലുപേരെയും രക്ഷിക്കാനായില്ല. മരിച്ച നാലുപേരുടേയും മൃതദേഹം കൊയിലാണ്ടി താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്.

തിക്കോടി ഡ്രൈവ് ഇൻ ബീച്ചിൽ കുളിക്കാനിറങ്ങിയ നാല് പേ‍ർ തിരയിൽപ്പെട്ട് മരിച്ചു

Search Results for: shamseer