തൃശൂർ: നവീന്‍ ബാബുവിന്റെ വീട്ടിലെത്തി കേരള ഗവര്‍ണര്‍ ആരിഫ് മുഹമ്മദ് ഖാന്‍. നവീന്റെ കുടുംബവുമായി അദ്ദേഹം കൂടിക്കാഴ്ച നടത്തി. കുടുംബത്തിന്റെ ദുഃഖത്തിനൊപ്പം ചേരാനാണ് വന്നതെന്ന് സന്ദര്‍ശനത്തിന് ശേഷം ഗവര്‍ണര്‍ പ്രതികരിച്ചു. അന്വേഷണം നടന്നുകൊണ്ടിരിക്കുകയാണ് അതുകൊണ്ട് അക്കാര്യത്തില്‍ പ്രതികരിക്കാനില്ലെന്നും അദ്ദേഹം പറഞ്ഞു.
അന്വേഷണത്തില്‍ വിശ്വാസമുണ്ടെന്നും അത് നടക്കുകയാണെന്നും അദ്ദേഹം വ്യക്തമാക്കി. മറ്റു പ്രതികരണങ്ങള്‍ നടത്താനുള്ള സമയമല്ല ഇതെന്നും ഗവര്‍ണര്‍ പറഞ്ഞു. സ്പീക്കര്‍ എ എന്‍ ഷംസീറും നവീന്റെ കുടുംബത്തെ സന്ദര്‍ശിച്ചിരുന്നു.

‘അന്വേഷണത്തില്‍ വിശ്വാസം, ആരോപണങ്ങള്‍ പരിശോധിക്കും’; നവീന്‍ ബാബുവിന്റെ വീട്ടിലെത്തി ഗവര്‍ണര്‍

Kerala

തിരുവനന്തപുരം: ഗവർണറുടെ നയപ്രഖ്യാപന പ്രസംഗ ദിവസം നിയമസഭ പൂർണമായും ഗവർണറുടെ നിയന്ത്രണത്തിലായിരിക്കും എന്നാണ് ചട്ടം. ‘പ്രസംഗ നിയന്ത്രണം’ ഏറ്റെടുത്ത് ഗവർണർ ആരിഫ് മുഹമ്മദ് ഖാൻ രണ്ടു ഖണ്ഡിക മാത്രം വായിച്ച് നയപ്രഖ്യാപന പ്രസംഗം അവസാനിപ്പിച്ചതോടെ, രാജ്യത്തെ ഏറ്റവും ദൈർഘ്യം കുറഞ്ഞ നയപ്രഖ്യാപന പ്രസംഗമെന്ന റെക്കോർഡ് പിറന്നു. സഭയുടെ കണക്ക് അനുസരിച്ച് ഒരു മിനിറ്റും 24 സെക്കൻഡും. പ്രസംഗം വെട്ടിച്ചുരുക്കി പ്രതിഷേധം അറിയിച്ചതോടെ, സർക്കാരുമായുള്ള പോരാട്ടം വരുംദിനങ്ങളിലും തുടരുമെന്ന സൂചനയാണു ഗവർണർ നൽകുന്നത്.
ഏറ്റവും ഹ്രസ്വമായ നയപ്രഖ്യാപന പ്രസംഗം വായിച്ചതിന്റെ റെക്കോ‍ർഡ് ബിഹാർ ഗവർണറായിരുന്ന ഡി.വൈ.പാട്ടീലിനായിരുന്നു. 2014 ഫെബ്രുവരി 15ന് പ്രസംഗം വായിക്കാനെടുത്തത് 5 മിനിട്ട്. രണ്ടു ഖണ്ഡികയേ വായിച്ചുള്ളൂ. ഗവർണറുടെ ആരോഗ്യം മോശമായിരുന്നതിനാൽ അതു വിവാദമായില്ല. കേരളത്തിൽ ഗവർണർ ജ്യോതി വെങ്കിടാചലത്തിന്റെ പേരിലായിരുന്നു ദൈർഘ്യം കുറഞ്ഞ നയപ്രഖ്യാപന പ്രസംഗത്തിന്റെ റെക്കോർഡ്. ആറാം കേരള നിയമസഭയുടെ ഏഴാം സമ്മേളനത്തിൽ ഗവർണറുടെ പ്രസംഗം 6 മിനിട്ടിൽ അവസാനിച്ചു. കരുണാകരനായിരുന്നു അന്ന് മുഖ്യമന്ത്രി.
പ്രസംഗത്തിലെ ഭാഗങ്ങൾ ഹിതകരമല്ലെങ്കിലോ വിവാദങ്ങൾക്ക് കാരണം ആകുമെന്നുണ്ടെങ്കിലോ അത്തരം ഭാഗങ്ങൾ വായിക്കാതെ വിടാൻ ഗവർണർക്ക് സ്വാതന്ത്ര്യമുണ്ട്. പ്രസംഗം പൂർണമായും വായിക്കാതെ ചില ഭാഗങ്ങൾ മാത്രം വായിച്ച് പ്രസംഗം അവസാനിപ്പിക്കാനുള്ള സ്വാതന്ത്ര്യവും ഗവർണർക്കുണ്ട്. ഗവർണർ പ്രസംഗം മുഴുവൻ വായിക്കാതെ സഭയുടെ മേശപ്പുറത്ത് വച്ചാലും അതു മുഴുവൻ അവതരിപ്പിക്കപ്പെട്ടതായി കണക്കാക്കും.&nbsp;
പൊതു തിരഞ്ഞെടുപ്പിനുശേഷം നിയമസഭ ആദ്യമായി സമ്മേളിക്കുമ്പോഴും, തുടർന്നുള്ള വർഷങ്ങളിലെ ആദ്യ സമ്മേളനത്തിലും ഗവർണറുടെ പ്രസംഗത്തോടെ സമ്മേളന നടപടികൾ ആരംഭിക്കണമെന്നാണ് ഭരണഘടനയിൽ പറയുന്നത്. മന്ത്രിസഭ തയാറാക്കി നൽകുന്ന പ്രസംഗം നിയമസഭയിൽ അവതരിപ്പിക്കുകയാണ് ഗവർണർ ചെയ്യുന്നത്. സർക്കാർ നടപ്പിലാക്കുന്നതും നടപ്പിലാക്കാൻ ഉദ്ദേശിക്കുന്നതുമായ പദ്ധതികളാകും നയപ്രഖ്യാപന പ്രസംഗത്തിൽ ഉണ്ടാകുക. മന്ത്രിസഭ നൽകുന്ന നയപ്രഖ്യാപന പ്രസംഗം ഗവർണർ അംഗീകരിക്കേണ്ടതുണ്ട്. ഗവർണർക്ക് പ്രസംഗം അവതരിപ്പിക്കാൻ കഴിയാത്ത സാഹചര്യത്തിൽ രാഷ്ട്രപതിക്കു പകരം സംവിധാനം ഏർപ്പെടുത്താം. വർഷാരംഭത്തിൽ ഗവർണറുടെ പ്രസംഗം ഇല്ലാതെ നിയമസഭ സമ്മേളിച്ചാൽ, നടപടിക്രമങ്ങൾ നിയമപരമായി നിലനിൽക്കില്ല.
ചെന്നൈയിൽ വിദ്യാഭ്യാസ കോൺക്ലേവിനു പോയിരുന്ന ഗവർണർ ആരിഫ് മുഹമ്മദ് ഖാൻ നയപ്രഖ്യാപന പ്രസംഗം നടത്തേണ്ട ഇന്നു രാവിലെയാണു തിരിച്ചെത്തിയത്. ഭൂപതിവ് നിയമഭേദഗതി ബിൽ, നെൽവയൽ തണ്ണീർത്തട നിയമഭേദഗതി ബിൽ എന്നിവയ്ക്കു ഗവർണർ ഇതുവരെ അംഗീകാരം നൽകിയിട്ടില്ല. സർവകലാശാലാ വിഷയത്തിൽ എസ്എഫ്ഐ പ്രവർത്തകർ പ്രതിഷേധം ശക്തമാക്കുകയും വാഹനം തടയുകയും ചെയ്തശേഷം ഗവർണർ സർക്കാരുമായി കടുത്ത നീരസത്തിലാണ്. കെ.ബി.ഗണേഷ് കുമാറിന്റെയും രാമചന്ദ്രൻ കടന്നപ്പള്ളിയുടെയും സത്യപ്രതിജ്ഞാ ചടങ്ങ് രാജ്ഭവനിൽ നടന്നപ്പോൾ മുഖ്യമന്ത്രിയുമായും മറ്റു മന്ത്രിമാരുമായും സംസാരിക്കാൻ ഗവർണർ തയാറായില്ല. സംസ്ഥാനത്തിന്റെ ധനസ്ഥിതി സംബന്ധിച്ച റിപ്പോർട്ട് ഗവർണർ ആവശ്യപ്പെട്ടെങ്കിലും സർക്കാർ നൽകിയില്ല. പ്രധാനമന്ത്രിയെത്തിയ ചടങ്ങിലും ഗവർണറുമായി മുഖ്യമന്ത്രി സംസാരിച്ചില്ല. കടുത്ത എതിർപ്പിലാണെന്നു വ്യക്തമാക്കുന്നതായി ഗവർണറുടെ ഇന്നത്തെ നിലപാട്. എതിർപ്പിനിടയിലും രാജ്ഭവനു നൽകേണ്ട ഫണ്ടുകള്‍ അനുവദിക്കുന്നതിൽ സർക്കാർ വീഴ്ച വരുത്തിയിട്ടില്ല. സർക്കാരും ഗവർണരും ഒത്തുകളിക്കുന്നതായാണ് പ്രതിപക്ഷ വിമർശനം.&nbsp;
നയപ്രഖ്യാപന പ്രസംഗത്തിന്റെ കാര്യത്തിൽ നേരത്തേ രണ്ടു തവണ ഗവർണർ ആരിഫ് മുഹമ്മദ് ഖാൻ സർക്കാരിനെ വെട്ടിലാക്കിയിട്ടുണ്ട്. ഒന്നാം പിണറായി സർക്കാർ 2020 ജനുവരി 29ന് നടത്തിയ നയപ്രഖ്യാപനത്തിന്റെ തലേന്നും ഗവർണർ വൻ പ്രതിസന്ധി സൃഷ്ടിച്ചു. പൗരത്വ നിയമത്തോടുള്ള കേരളത്തിന്റെ വിമർശനം അടങ്ങുന്ന പ്രസംഗത്തിന്റെ 18–ാം ഖണ്ഡിക വായിക്കില്ലെന്ന് 28ന് അദ്ദേഹം രേഖാമൂലം സർ‍ക്കാരിനെ അറിയിച്ചു. നയപ്രഖ്യാപനത്തിൽ തന്നെ ഒപ്പിടില്ലെന്നു 2022ൽ പ്രഖ്യാപിച്ചു. രണ്ടു തവണയും അവസാനം നിലപാട് മാറ്റി.
മുഖ്യമന്ത്രിയുടെ ആഗ്രഹപ്രകാരം വിയോജിപ്പോടെ പൗരത്വ നിയമത്തെക്കുറിച്ചുള്ള ഭാഗം വായിക്കുകയാണെന്ന് ഗവർണർ അപ്രതീക്ഷിതമായി സഭയിൽ പ്രഖ്യാപിച്ചു. ‘‘ഇനി 18-ാം ഖണ്ഡികയിലേക്കു വരികയാണ്. ഏതാനും ദിവസങ്ങളായി ഞാൻ ബഹുമാനപ്പെട്ട മുഖ്യമന്ത്രിയുമായി ആശയവിനിമയം നടത്തിവരികയായിരുന്നു. പ്രസംഗത്തിലെ ഈ ഭാഗം സർക്കാരിന്റെ നയങ്ങളുടെയോ പരിപാടികളുടെയോ ഭാഗമല്ല എന്നാണ് എന്റെ നിലപാട്. എന്നാൽ ഇതു സർക്കാരിന്റെ കാഴ്ചപ്പാടാണെന്നാണു മുഖ്യമന്ത്രി അറിയിച്ചത്. വിയോജിപ്പുണ്ടെങ്കിലും മുഖ്യമന്ത്രിയുടെ ആഗ്രഹം മാനിച്ച് ഈ ഖണ്ഡിക വായിക്കുകയാണ്’’ – ഗവർണർ പറഞ്ഞു. 2022ൽ സർക്കാരിനെ പ്രതിസന്ധിയിലാക്കിയശേഷം നയപ്രഖ്യാപനത്തിൽ ഒപ്പിട്ടു. മുഴുവൻ പ്രസംഗവും വായിക്കുകയും ചെയ്തു.

ഏറ്റവും ദൈർഘ്യം കുറഞ്ഞ നയപ്രഖ്യാപന പ്രസംഗം; 1 മിനിറ്റും 24 സെക്കൻഡും മാത്രം, റെക്കോർഡ്

വടകര: മണിയൂരിൽ എംഡിഎംഎയുമായി യുവാവ് എക്സൈസ് പിടിയിൽ. മണിയൂർ,ചങ്ങരോത്ത് ഭാഗങ്ങളിൽ നടത്തിയ പരിശോധനയിലാണ് 2.936 ഗ്രാം എംഡിഎംഎ യുമായി കടവത്ത് നിവാസിൽ മുഹമ്മദ് ഷഫാദ് (36) പിടിയിലായത്.
മണിയൂര്‍ എന്‍ജിനീയറിങ് കോളജ്, എംഎച്ച്ഇഎസ് കോളജ് എന്നിവ കേന്ദ്രീകരിച്ചാണ് ഇയാള്‍ മയക്കുമരുന്ന് വില്‍പന നടത്തുന്നതെന്ന് എക്‌സൈസ് അറിയിച്ചു. ഇതിനെ പറ്റി വിവരം കിട്ടിയ എക്‌സൈസ് സംഘം ഇയാളെ നിരീക്ഷിച്ചുവരികയായിരുന്നു. വെള്ളിയാഴ്ച ഉച്ചയോടെ അട്ടക്കുണ്ട്-ചെരണ്ടത്തൂര്‍ റോഡില്‍ നിന്നാണ് മുഹമ്മദ് ഷഫാദ് പിടിയിലാവുന്നത്. താമരശേരിയില്‍ നിന്നാണ് എംഡിഎംഎ ലഭിക്കുന്നതെന്ന് ഇയാള്‍ മൊഴി നല്‍കി.
എക്സൈസ് സർക്കിൾ ഇൻസ്പെക്ടർ ഹിറോഷിന്റെ നേതൃത്വത്തിൽ അസിസ്റ്റന്റ് എക്സൈസ് ഇൻസ്പെക്ടർ പ്രമോദ് പുളിക്കൂൽ , പ്രിവന്റിവ് ഓഫീസർ ഗ്രേഡ്മാരായ സുരേഷ് കുമാർ സി.എം, ഷൈജു പി.പി, ഉനൈസ്, സിവിൽ എക് സൈസ് ഓഫീസർ ഷിരാജ്, കെ.ജിജു, കെ എം. മുസ്ബിൻ, ഇ എം .തുഷാര ടി പി സിഇഒ, ഡ്രൈവർ പ്രജീഷ്. ഇ കെ എന്നിവർ ചേർന്നാണ് പ്രതിയെ പിടികൂടിയത്.

മണിയൂരിൽ എംഡിഎംഎയുമായി യുവാവ് എക്സൈസ് പിടിയിൽ

Vadakara

കൊയിലാണ്ടി: വിദ്യാർഥിനിയോട് അപമര്യാദയായി പെരുമാറിയ ബസ് കണ്ടക്ടർ പിടിയിൽ. ശ്രീരാം ബസിലെ കണ്ടക്ടറായ കൊയിലാണ്ടി മുത്താമ്പി സ്വദേശി പോകോത്ത് താഴെകുനി വീട്ടിൽ ശ്രീനാഥി(22)നെയാണ് വനിത പൊലീസ് അറസ്റ്റ് ചെയ്തത്.
കഴിഞ്ഞദിവസം പരാതിക്കാരിയായ വിദ്യാർഥിനി രാവിലെ കൊയിലാണ്ടി ഭാഗത്തുനിന്നു കോഴിക്കോട്ടേക്ക് കയറിയതായിരുന്നു. ബസ് എലത്തൂരിൽ എത്തിയപ്പോഴാണ് പ്രതി വിദ്യാർഥിനിക്കെതിരെ ലൈംഗികാതിക്രമശ്രമം നടത്തിയത്. കോഴിക്കോട് ഇറങ്ങിയ ഉടൻ വിദ്യാർഥിനി വനിത പൊലീസ് സ്റ്റേഷനിൽ എത്തി പരാതി നൽകി.
തുടർന്ന് വനിത പൊലീസ് സ്റ്റേഷൻ സബ് ഇൻസ്പെക്ടറായ ശ്രീസിത, സി.പി.ഒമാരായ ജീൻസു, ദിജുഷ, സീന എന്നിവർ ചേർന്ന് പ്രതിയെ പുതിയ ബസ് സ്റ്റാൻഡ് പരിസരത്തുവെച്ച് കസ്റ്റഡിയിൽ എടുക്കുകയും ചെയ്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

വിദ്യാർഥിനിയോട് അപമര്യാദയായി പെരുമാറിയ കൊയിലാണ്ടി സ്വദേശി ബസ് കണ്ടക്ടർ പിടിയിൽ

Koyilandy

വടകര : ചോറോട് എട്ടാം ക്ലാസ് വിദ്യാർഥിനിയെ മരിച്ച നിലയിൽ കണ്ടെത്തി. ചെറുവട്ടാങ്കണ്ടി അൻസർ മഹലിൽ നിസ മെഹക്ക് അൻസറാണ് മരിച്ചത്. വ്യാഴാഴ്ച രാത്രിയിൽ വീട്ടിലെ കിടപ്പുമുറിയിൽ വിദ്യാർത്ഥിനിയെ തൂങ്ങിമരിച്ച നിലയിൽ കണ്ടെത്തുകയായിരുന്നു. വടകര സെന്റ് ആന്റണീസ് ഗേൾസ് ഹൈസ്കൂളിലെ വിദ്യാർത്ഥിനിയാണ് നിസ മെഹക്ക്.
വടകര പോലീസ് സംഭവസ്ഥലത്തെത്തി മൃ‍തദേഹം പോസ്റ്റ് മോർട്ടത്തിനായി ജില്ലാ ആശുപത്രിയിലേക്ക് മാറ്റി. മരണകാരണം വ്യക്തമല്ല. കുട്ടിക്ക് മാനസികസമ്മർദ്ദം ഉണ്ടായിരുന്നോ എന്നും പോലീസ് അന്വേഷിക്കുന്നുണ്ട് . പ്രാഥമിക അന്വേഷണത്തിൽ ആത്മഹത്യാകുറിപ്പ് ലഭിച്ചിട്ടില്ല.

ചോറോട് എട്ടാം ക്ലാസ് വിദ്യാർഥിനിയെ തൂങ്ങിമരിച്ച  നിലയിൽ കണ്ടെത്തി

അഴിയൂര്‍: സൈക്കിളില്‍ നിന്നു വീണ് പരിക്കേറ്റ് ചികിത്സയിലായിരുന്ന ഏഴുവയസുകാരന്‍ മരിച്ചു. കോറോത്ത് റോഡ് കുട്ടമുക്ക് നൂറാമന്‍സില്‍ (പുനത്തില്‍) സെമീറിന്റെ മകന്‍ മുഹമ്മദ് റിസ്വാനാണ് മരിച്ചത്. കഴിഞ്ഞ തിങ്കളാഴ്ചയായിരുന്നു സംഭവം. വീടിന്റെ പരിസരത്ത് നിന്നു കളിക്കുന്നതിനിടെ സൈക്കിളില്‍ നിന്ന് വീഴുകയായിരുന്നു. വയറിനാണ് പരിക്കേറ്റത്. തലശേരിയിലെ ആശുപത്രിയില്‍ ചികിത്സയിലായിരുന്നു. . പിന്നീട് കോഴിക്കോടേക്ക് റഫര്‍ ചെയ്‌തെങ്കിലും കൊണ്ടുപോവുന്നതിനിടയില്‍ വഴിമധ്യെ മരിച്ചു.&nbsp;
പനാട സ്‌കൂളിലെയും മീത്തലെ പറമ്പത്ത് ബ്രാഞ്ച് മദ്രസയിലെയും വിദ്യാര്‍ഥിയാണ്. അഴിയൂരിലെ ഓട്ടോ ഡ്രൈവറാണ് പിതാവ് സെമീര്‍. മാതാവ്: ഫാത്തിമ സഹ്റ. സഹോദരി: നൂറ. മൃതദേഹം മെഡിക്കല്‍ കോളജ് മോര്‍ച്ചറിയില്‍ പോസ്റ്റ്‌മോര്‍ട്ടത്തിനു ശേഷം ബന്ധുക്കള്‍ ഏറ്റുവാങ്ങി ഇന്നലെ രാത്രി ഖബറടക്കി.

അഴിയൂരിൽ സൈക്കിളില്‍ നിന്നു വീണ് പരിക്കേറ്റ് ചികിത്സയിലായിരുന്ന ഏഴുവയസുകാരന്‍ മരിച്ചു

തിക്കോടി : വിദ്യാർത്ഥിയെ ട്രെയിൻ തട്ടി മരിച്ച നിലയിൽ കണ്ടെത്തി.തിക്കോടി മണലാടി പറമ്പിൽ മുഹമ്മദ് നിഹാൽ (22) ആണ് മരിച്ചത്. മൂടാടി മലബാർ കോളേജിലെ ബിരുദ വിദ്യാർത്ഥിയായിരുന്നു.
ഇന്നലെ രാത്രി നിഹാൽ വീടുവിട്ടിറങ്ങി എന്നാണ് വിവരം. രാവിലെയോടെ പയ്യോളി ഹൈസ്‌കൂളിന് സമീപം റെയിൽവേ ട്രാക്കിൽ നിന്നും അൽപ്പം മാറിയാണ് മൃതദേഹം കണ്ടെത്തിയത്. ആദ്യം പ്രദേശവാസികളാണ് നിഹാലിന്റെ മൃതദേഹം കണ്ടത്. ഇവർ ഉടൻ തന്നെ അടുത്തുള്ള പൊലീസ് സ്റ്റേഷനിൽ വിവരം അറിയിക്കുകയായിരുന്നു.കോഴിക്കോട് മെഡിക്കൽ കോളേജ് ആശുപത്രിയിൽ പോസ്റ്റ്‌മോർട്ടം നടപടികൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് വിട്ടുകൊടുക്കും. നൗഷാദിന്റെയും തെസ്‌നിയുടെയും മകനാണ് നിഹാൽ.

തിക്കോടി സ്വദേശിയായ വിദ്യാർത്ഥിയെ ട്രെയിൻ തട്ടി മരിച്ച നിലയിൽ കണ്ടെത്തി

കൊയിലാണ്ടി: വിദ്യാർഥിനിയെ വഴിയിൽ തടഞ്ഞുനിർത്തി അസഭ്യം പറയുകയും മർദിക്കുകയും ചെയ്ത സംഭവത്തിൽ യുവാവ് അറസ്റ്റിൽ. ചെങ്ങോട്ടുകാവ് മേലൂർ കച്ചേരിപ്പാറ കൊളപ്പുറത്ത് സജിൽ ആണ് പിടിയിലായത്. മൂടാടിയിലെ സ്വകാര്യ കോളജിലെ വിദ്യാർഥിനിയാണ് യുവാവിനെതിരെ പരാതി നൽകിയത്. രണ്ടു ദിവസം മുമ്പാണ് സജിൽ വിദേശത്തുനിന്നു നാട്ടിലെത്തിയത്.&nbsp;
പ്രതി വിദേശത്തുനിന്നു പെൺകുട്ടിക്ക് ഇൻസ്റ്റഗ്രാമിൽ സ്ഥിരമായി മെസേജ് അയച്ച് ശല്യം ചെയ്തിരുന്നു. ഇതോടെ പെൺകുട്ടി ഇയാളെ ബ്ലോക്ക് ചെയ്തു. ഇന്നലെ ക്ലാസ് കഴിഞ്ഞു മടങ്ങവെ വീടിനു സമീപത്തുവച്ച് പെൺകുട്ടിയെ സജിൽ തടഞ്ഞു നിർത്തി. ഇൻസ്റ്റഗ്രാമിൽ ബ്ലോക്ക് ചെയ്തതുവെന്ന് ആരോപിച്ച് പെൺകുട്ടിയോട് ഇയാൾ മോശമായി പെരുമാറുകയും മർദിക്കുകയുമായിരുന്നു. സജിൽ മദ്യലഹരിയിലായിരുന്നു.&nbsp;

ഇൻസ്റ്റഗ്രാമിൽ ബ്ലോക്ക് ചെയ്തു; കൊയിലാണ്ടിയിൽ വിദ്യാർഥിനിയെ വഴിയിൽ തടഞ്ഞ് മർദിച്ച  യുവാവ് അറസ്റ്റിൽ

മലപ്പുറം: മോഷണം പോയ സ്‌കൂട്ടർ മാസങ്ങൾക്ക് ശേഷം ഫുൾടാങ്ക് പെട്രോളോടെ,​ പുത്തൻ ടയറോടെയും കണ്ടുകിട്ടിയതിന്റെ അമ്പരപ്പിലാണ് ഉടമ കെ.പി ഷാഫി. മലപ്പുറം വടക്കേമണ്ണയിലാണ് സംഭവം. എച്ച്എംസി ഡെക്കറേഷൻ ജീവനക്കാരനായ വാഹനഉടമ കെ പി ഷാഫി,​ മറ്റൊരു ജീവനക്കാരനായ ബാബ എന്നിവർ ഡിസംബർ അവസാന ആഴ്‌ച നമസ്‌കാര സമയം ടൗൺ മസ്‌ജിദിലേക്ക് പോയ സമയത്താണ് വാഹനം മോഷണം പോയത്. മോഷണ സമയം കുറച്ച് പെട്രോൾ മാത്രമേ ആക്‌ടീവ സ്‌കൂട്ടറിൽ ഉണ്ടായിരുന്നുള്ളു.
മോഷണം പോയതറിഞ്ഞ ശേഷം ഷാഫി പൊലീസിൽ പരാതി നൽകി. അടുത്തുള്ള സ്ഥാപനത്തിലെ സിസിടിവി പരിശോധിച്ചപ്പോൾ ഒരു യുവാവ് ഒതുക്കുങ്ങൽ ഭാഗത്തുകൂടി സ്‌കൂട്ടർ ഓടിച്ചുപോകുന്നത് കണ്ടു. എന്നാൽ അന്വേഷണത്തിൽ സ്‌കൂട്ടർ കണ്ടെത്താനായില്ല. രണ്ട് മാസത്തിന് ശേഷം തിങ്കളാഴ്‌ച രാവിലെ കട തുറക്കാൻ എത്തിയപ്പോഴാണ് സ്‌കൂട്ടർ കടയുടെ മുന്നിൽ കണ്ടത്. തുടർന്ന് അടുത്തുള്ള സിസിടിവി പരിശോധിച്ചപ്പോൾ തലേന്ന് രാത്രി 10.27ന് മലപ്പുറം ഭാഗത്തുനിന്നും സ്‌കൂട്ടർ ഓടിച്ചുവന്ന ഒരു യുവാവ് വാഹനം സ്ഥാപനത്തിന് മുന്നിൽ വച്ചശേഷം ഓടിപ്പോകുന്നതാണ് കണ്ടത്. വാഹനം പരിശോധിച്ചപ്പോൾ ഫുൾടാങ്ക് പെട്രോളും പിറകിൽ പുതിയ ടയറുമുണ്ട്. ചെറിയ കേടുപാടുകളുമുണ്ട്.

മോഷ്‌ടിച്ച ബൈക്ക് മാസങ്ങൾക്ക് ശേഷം തിരികെ കൊണ്ടുവച്ച് യുവാവ്,​ അതും ഫുൾടാങ്ക് പെട്രോളും പുത്തൻ ടയറും സഹിതം

കൊയിലാണ്ടി: കുറുവങ്ങാട് മണക്കുളങ്ങര ക്ഷേത്ര ഉത്സവത്തിനിടെ ആനയിടഞ്ഞ് മരിച്ച വട്ടാങ്കണ്ടി ലീലയുടെസ്വര്‍ണാഭരണങ്ങള്‍ കാണാനില്ലെന്ന് കുടുംബം. ലീല ധരിച്ച സ്വര്‍ണ മാലയും കമ്മലുകളും കാണാനില്ലെന്നാണ് കുടുംബം ആരോപിക്കുന്നത്. മൃതദേഹത്തില്‍ നിന്നു കിട്ടിയത് സ്വര്‍ണ വളകള്‍ മാത്രമാണ്. ലീല ധരിച്ച സ്വര്‍ണ മാലയും കമ്മലുകളും കാണാനില്ല. നാല് പവനോളം സ്വര്‍ണാഭരണങ്ങള്‍ കാണാതായതായി ലീലയുടെ മക്കളും സഹോദരന്‍ ശിവദാസനും പറഞ്ഞു. കൊയിലാണ്ടി പോലീസില്‍ പരാതി നല്‍കുമെന്നു കുടുംബം വ്യക്തമാക്കി.
നാല് വളകള്‍ കോഴിക്കോട് മെഡിക്കല്‍ കോളജ് ആശുപത്രിയില്‍ നിന്നു ലഭിച്ചിട്ടുണ്ട്. ഒരു ഭാഗത്തെ കമ്മല്‍ ആന ചവിട്ടിയതിന്റെഭാഗമായി നഷ്ടപ്പെട്ടു. ഇതില്‍ സ്വര്‍ണത്തിന്റെ ചെറിയ ഭാഗം ബന്ധുക്കള്‍ക്ക് ലഭിച്ചിട്ടുണ്ട്. സംഭവം നടന്ന ക്ഷേത്ര പരിസരത്ത് വിശദമായ പരിശോധന നടത്തിയെങ്കിലും സ്വര്‍ണം കണ്ടെത്താന്‍ കഴിഞ്ഞിട്ടില്ല.

ആനയിടഞ്ഞുണ്ടായ അപകടത്തിൽ  മരിച്ച ലീലയുടെ സ്വര്‍ണാഭരണങ്ങള്‍ കാണാനില്ലെന്ന് കുടുംബം

പയ്യോളി :ഫുട്ബോൾ താരമായ എട്ടാം ക്ലാസുകാരനു ക്രൂരമർദനം. ചിങ്ങപുരം സികെജിഎം ഹയർസെക്കൻഡറി സ്കൂൾ വിദ്യാർഥിക്കാണ് മർദനമേറ്റത്. പരിശീലനം കഴിഞ്ഞ് മടങ്ങുമ്പോഴാണ് മറ്റൊരു സ്കൂളിലെ വിദ്യാർഥികൾ ആക്രമിച്ചത്. ഇതിന്റെ ദൃശ്യങ്ങൾ പുറത്തുവന്നു. വിഡിയോയിൽ തല്ലരുതെന്നും അസുഖമുണ്ടെന്നുമെല്ലാം എട്ടാം ക്ലാസുകാരൻ അപേക്ഷിക്കുന്നുണ്ടെങ്കിലും വിദ്യാർഥികൾ ആക്രമണം തുടരുകയായിരുന്നു.
മർദനത്തിൽ കുട്ടിയുടെ കർണപുടം തകർന്നെന്ന് മാതാപിതാക്കൾ പറഞ്ഞു. മൂന്നു മാസത്തേക്ക് കുട്ടിക്ക് വിശ്രമം വേണമെന്നാണ് ഡോക്ടർമാർ നിർദേശിച്ചത്. തിക്കോടിയൻ സ്മാരക ഗവ. വൊക്കേഷനൽ ഹയർ സെക്കൻഡറി സ്കൂളിലെ വിദ്യാർഥികളാണ് മർദിച്ചതെന്നാണ് പരാതി. ഈ മാസം ഒന്നിനായിരുന്നു ആക്രമണം. തിക്കോടിയൻ സ്കൂൾ ഗ്രൗണ്ടിൽ ഫുട്ബോൾ പരിശീലനത്തിനെത്തിയതായിരുന്നു വിദ്യാർഥികൾ. ഇതിനിടെയുണ്ടായ വാക്കുതർക്കമാണ് മർദനത്തിൽ കലാശിച്ചതെന്നാണ് വിവരം.

പയ്യോളിയിൽ ഫുട്‌ബോൾ താരമായ എട്ടാം ക്ലാസ് വിദ്യാർത്ഥിക്ക് ക്രൂരമർദനം; കർണ്ണപുടം തകർന്നു

Search Results for: sasi tharoor