മലപ്പുറം: അയോധ്യ രാമക്ഷേത്രത്തിലെ പ്രാണപ്രതിഷ്ഠക്ക് പിന്നാലെ പ്രധാനമന്ത്രി നരേന്ദ്ര മോദിക്ക് നന്ദി പറഞ്ഞ് സമൂഹ മാധ്യമങ്ങളിൽ പങ്കിട്ട പോസ്റ്റ് മുക്കി ശിഹാബ് ചോറ്റൂർ. പരിഹാസം ശക്തമായതോടെയാണ് പോസ്റ്റ് പിൻവലിച്ചത്.

‘നന്ദി പ്രധാനമന്ത്രി മോദി സാർ, ഇന്ത്യൻ മുസൽമാൻ ആയതിൽ ഞാൻ അഭിമാനിക്കുന്നു’ എന്ന കുറിപ്പോടെയായിരുന്നു മലപ്പുറത്തുനിന്ന് മക്കയിലേക്ക് കാൽനടയായി പോയി ഹജ്ജ് ചെയ്ത് വാർത്തകളിൽ ഇടംപിടിച്ച ശിഹാബിന്റെ പോസ്റ്റ്. ഇതിനൊപ്പം ഇന്ത്യൻ പതാക പിടിച്ചുനിൽക്കുന്ന ചിത്രവും രാമന്റെ വേഷം ധരിച്ച കുട്ടികൾക്കൊപ്പമുള്ള ചിത്രങ്ങളും പങ്കുവെച്ചിരുന്നു.
പോസ്റ്റ് സമൂഹ മാധ്യമങ്ങളിൽ വ്യാപക പരിഹാസങ്ങൾക്കും വിമർശനങ്ങൾക്കും ഇടയാക്കിയതോടെയാണ് പിൻവലിച്ചത്. നിരവധി പേരാണ് പോസ്റ്റിന് താഴെ വിമർശനവുമായി എത്തിയത്. പലരും ഇതിന്റെ സ്ക്രീൻ ഷോട്ടെടുത്ത് സമൂഹ മാധ്യമങ്ങളിലൂടെ രംഗത്തെത്തി. ഇതിനു വേണ്ടിയാണോ നടന്ന് ഹജ്ജ് ചെയ്യാൻ പോയതെന്ന ചോദ്യവും വ്യാപകമായി ഉയർന്നു. ഇനി ഹജ്ജിന് വേണ്ടി സൗദി വരെ നടക്കേണ്ടതില്ലെന്നും അയോധ്യ വരെ മതിയെന്നും പരിഹാസമുണ്ടായി.

നന്ദി മോദി സർ, ഇന്ത്യൻ മുസൽമാനായതിൽ അഭിമാനം’; വ്യാപക പരിഹാസവും വിമർശനവും ഉയർന്നതോടെ പോസ്റ്റ് മുക്കി ശിഹാബ് ചോറ്റൂർ

കോഴിക്കോട്: പ്രായപൂർത്തിയാകാത്ത പെൺകുട്ടിയെ പലതവണ പീഡിപ്പിച്ച കേസിൽ പ്രതിക്ക്‌ 128 വർഷം കഠിനതടവും 6.60 ലക്ഷംരൂപ പിഴയും ശിക്ഷവിധിച്ചു. കല്ലായി അറക്കത്തോടുക്ക വീട്ടിലെ ഇല്ലിയസ് അഹമ്മദി(35)നെയാണ് അതിവേഗ പോക്സോ കോടതി ജഡ്ജി രാജീവ് ജയരാജ് ശിക്ഷിച്ചത്. 2020 ജൂൺമുതൽ 2021 ജൂൺവരെയുള്ള കാലയളവിലാണ് പീഡനം നടന്നത്.

പോലീസ് ഹാജരാക്കിയ തെളിവുകളുടെ അടിസ്ഥാനത്തിൽ പ്രതിക്കെതിരേയുള്ള ഒാരോ കുറ്റകൃത്യത്തിനും പരമാവധി ശിക്ഷ കോടതി വിധിക്കുകയായിരുന്നു. പിഴസംഖ്യയിൽനിന്ന് അഞ്ചുലക്ഷംരൂപ പെൺകുട്ടിക്ക് നൽകാനും നിർദേശിച്ചിട്ടുണ്ട്. പിഴയടച്ചില്ലെങ്കിൽ ആറുകൊല്ലവും ഏഴുമാസംകൂടി തടവ് അനുഭവിക്കേണ്ടിവരും. ശിക്ഷ ഒരുമിച്ച് 20 വർഷം അനുഭവിച്ചാൽ മതി..
മെ‍ഡിക്കൽ കോളേജ് ഇൻസ്പെക്ടർ ബെന്നിലാലുവിന്റെ നേതൃത്വത്തിലുള്ള‌ സംഘമാണ് കേസിൽ അന്വേഷണം നടത്തി കുറ്റപത്രം സമർപ്പിച്ചത്. മെഡിക്കൽ കോളേജ് സബ് ഇൻസ്പെക്ടർമാരായ വി.വി. ദീപ്തി, ഉണ്ണി നാരായൺ, മനോജ് കുമാർ, ശ്യാം എന്നിവർ അന്വേഷണസംഘത്തിലുണ്ടായിരുന്നു. പ്രോസിക്യൂഷനുവേണ്ടി അഡ്വ. ആർ.എൻ. രഞ്ജിത്ത് ഹാജരായി. സിവിൽ പോലീസ് ഓഫീസർമാരായ വി.സി. സിന്ധു, എം.സി. ബിജു എന്നിവർ പ്രോസിക്യൂഷൻ നടപടികൾ ഏകോപിപ്പിച്ചു.

പ്രായപൂർത്തിയാകാത്ത പെൺകുട്ടിയെ പലതവണ പീഡിപ്പിച്ച കേസ്; കോഴിക്കോട് സ്വദേശിക്ക് 128 വർഷം കഠിനതടവ്

Kozhikode

മുസാഫർനഗർ: ഫെബ്രുവരി 16ന് ഭാരത് ബന്ദ് പ്രഖ്യാപിച്ച് കർഷക സംഘടനകൾ. കാർഷിക വിളകൾക്ക് താങ്ങുവില ഉറപ്പാക്കുന്ന നിയമ നടപ്പാക്കിയില്ല തുടങ്ങിയ വിഷയങ്ങൾ ഉയർത്തിയാണ് ബന്ദ് പ്രഖ്യാപിച്ചിരിക്കുന്നത് എന്ന് ഭാരതീയ കിസാൻ യൂണിയൻ ദേശീയ വക്താവ് രാകേഷ് ടികായത്ത് മുസാഫർനഗറിൽ  അറിയിച്ചു. കർഷക സംഘടനകൾക്കു പുറമേ വ്യാപാരികൾ, വിളകൾ കയറ്റുമതി ചെയ്യുന്നവർ എന്നിവരും ബന്ദിന് പിന്തുണ പ്രഖ്യാപിച്ചു. 
സംയുക്ത കിസാൻ മോർച്ച ഉൾപ്പെടെയുള്ള സംഘടനകൾ ബന്ദിന്റെ ഭാഗമാകുമെന്ന് ടികായത്ത് അറിയിച്ചു. രാജ്യത്തിന് ഇതു വലിയൊരു സന്ദേശമാകും നൽകുക എന്നും അദ്ദേഹം അറിയിച്ചു. രാജ്യത്തെ കർഷകർക്ക് പിന്തുണ അറിയിച്ച് എല്ലാ കടയുടമകളും അന്നേദിവസം കടകൾ അടച്ചിടണമെന്നും ടികായത്ത് ആഹ്വാനം ചെയ്തു.

ഫെബ്രുവരി 16ന് ഭാരത് ബന്ദിന് ആഹ്വാനം ചെയ്ത് കർഷക സംഘടനകൾ

National

കണ്ണൂർ: തളിപ്പറമ്പ് പൂവത്ത് സ്വകാര്യ ബസിടിച്ച് കന്യാസ്ത്രീ മരിച്ചു. പൂവം മഠത്തിലെ കന്യാസ്ത്രീ തൃശൂർ സ്വദേശി സൗമ്യയാണ് മരിച്ചത്. റോഡ് മുറിച്ചുകടക്കുന്നതിനിടെയാണ് അപകടം.

സ്വകാര്യ ബസിടിച്ച് കന്യാസ്ത്രീ മരിച്ചു

Kannur

കൊച്ചി: ചലച്ചിത്ര നിർമാതാവ് നോബിൾ ജോസ് (44) അന്തരിച്ചു. ഹൃദയാഘാതത്തെ തുടർന്ന് കൊച്ചിയിൽ ആയിരുന്നു അന്ത്യം. അനൂപ് മോനോനും മിയയും മുഖ്യ കഥാപാത്രങ്ങളെ അവതരിപ്പിച്ച എന്റെ മെഴുതിരി അത്താഴങ്ങൾ, വിഷ്ണു ഉണ്ണികൃഷ്ണൻ നായകനായ കൃഷ്ണൻകുട്ടി പണിതുടങ്ങി തുടങ്ങിയ ചിത്രങ്ങളുടെ നിർമാതാവായിരുന്നു. വിഷ്ണു ഉണ്ണികൃഷ്ണൻ, ദിലീഷ് പോത്തൻ എന്നിവർ അഭിനയിച്ച ‘ശലമോൻ’ എന്ന ചിത്രവും നിർമിച്ചിട്ടുണ്ട്.&nbsp;&nbsp;

ചലച്ചിത്ര നിർമ്മാതാവ് നോബിൾ ജോസ് അന്തരിച്ചു

നാദാപുരം: നാദാപുരം, കല്ലാച്ചി, കുമ്മങ്കോട് ടൗണുകളിലെ ഹോട്ടൽ, ഷവർമ, ക്യാറ്ററിങ് യൂണിറ്റുകളിൽ ഓപ്പറേഷൻ ലേബൽ പ്രകാരം ഭക്ഷ്യസുരക്ഷ വകുപ്പ് വ്യാപക പരിശോധന നടത്തി. 12 കടകളിലാണ് പകൽ രണ്ടു മുതൽ രാത്രി എട്ട് മണി വരെ പരിശോധന നടത്തിയത്. പഴ്സൽ നൽകുന്ന കടകളിൽ രണ്ട് മണിക്കൂർ സമയ ക്ലിപ്ത പാലിച്ച് ലേബൽ പതിച്ച് വിൽപന നടത്തമെന്ന് കോടതി ഉത്തരവ് ഉണ്ടായിരുന്നു. ഇതിന്റെ അടിസ്ഥാനത്തിലാണ് ഭക്ഷ്യ സുരക്ഷ വകുപ്പ്‌ ഓപ്പറേഷൻ ലേബൽ പരിശോധന ആരംഭിച്ചത്.&nbsp;
ലേബൽ പതിക്കുന്നതിൽ വീഴ്ച വരുത്തിയതായി കണ്ടെത്തിയ ടികെ കാറ്ററിങ്, എസ്എംഎസ് കഫ്റ്റീരിയ കല്ലാച്ചി, ഫുഡ് പാർക്ക് നാദാപുരം എന്നിവർക്ക് നോട്ടിസ് നൽകി. ഭക്ഷ്യ സുരക്ഷാ ലൈസൻസില്ലാതെ പ്രവർത്തിച്ച എസ്എംഎസ് കഫ്റ്റീരിയ, അൽ റിസ്ക് കക്കംവെള്ളി എന്നീ സ്ഥാനങ്ങൾ പ്രവർത്തനം നിർത്തിവയ്ക്കാൻ നിർദ്ദേശം നൽകി. ഭക്ഷ്യ സുരക്ഷ ഓഫിസർ ഫെബിന മുഹമ്മദ് അഷ്റഫ്, വിഷ്ണു ഉണ്ണി, നൗഷിന മഠത്തിൽ എന്നിവരുടെ നേതൃത്വത്തിലാണ് പരിശോധന നടന്നത്. അടുത്ത ദിവസങ്ങളിലും കർശന പരിശോധന തുടരുമെന്ന് ഭക്ഷ്യ സുരക്ഷ ഓഫിസർ പറഞ്ഞു.

നാദാപുരം, കല്ലാച്ചി ടൗണുകളിൽ ഭക്ഷ്യ സുരക്ഷ വകുപ്പിന്റെ വ്യാപക പരിശോധന

Nadapuram

വടകര: ജാതി മത വർഗീയ കാർഡുകളുപയോഗിച്ച് അധികാരക്കസേരയിൽ തുടരാൻ നരേന്ദ്ര മോദിക്ക് ഇനി കഴിയില്ലെന്ന് ഡി സി സി പ്രസിഡണ്ട് അഡ്വ കെ. പ്രവീൺ കുമാർ. വില്ല്യാപ്പള്ളി മണ്ഡലം കോൺഗ്രസ്സ് കൺവെൻഷൻ ചെക്കോട്ടി ബസാറിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ധേഹം. മണ്ഡലം പ്രസിഡണ്ട് സി.പി.ബിജു പ്രസാദ് അദ്ധ്യക്ഷത വഹിച്ചു. അഡ്വ പ്രമോദ് കക്കട്ടിൽ, ബാബു ഒഞ്ചിയം, രാധാകൃഷ്ണൻ കാവിൽ , പി.സി. ഷീബ , ടി.ഭാസ്ക്കരൻ , വി.ചന്ദ്രൻ , എം.പി. വിദ്യാധരൻ , എൻ.ബി.പ്രകാശ് കുമാർ , കെ.പി. ദിനേശൻ , വി.കെ.ഇസ്ഹാഖ് , ശാലിനി.കെ.വി , സുരേഷ് പടിയുള്ളതിൽ , അഡ്വ വി. കെ. കുഞ്ഞിമ്മൂസ്സ , വി.പ്രദീപ് കുമാർ , വി.കെ.പ്രകാശൻ , കെ.എം.ഷാനിഷ് കുമാർ, കെ.എം.സുധീഷ് , സ്വപ്ന ജയൻ, രാജീവൻ കോളോറ, രജീഷ് പുതുക്കുടി എന്നിവർ പ്രസംഗിച്ചു.

വില്ല്യാപ്പള്ളി മണ്ഡലം കോൺഗ്രസ്സ് കൺവെൻഷൻ നടത്തി

Vadakara

കരിപ്പൂർ: സ്വർണം തേച്ചുപിടിപ്പിച്ച പാന്റ്സ് ധരിച്ചെത്തിയ യാത്രക്കാരൻ കോഴിക്കോട് വിമാനത്താവളത്തിനു പുറത്ത് പൊലീസ് പിടിയിലായി. മസ്കത്തിൽനിന്ന് കഴിഞ്ഞ ദിവസം രാവിലെ കരിപ്പൂരിലെത്തിയ കോഴിക്കോട് നന്മണ്ട മുണ്ടോക്കര സിദ്ദീഖ് (45) ആണ് പിടിയിലായത്. കസ്റ്റംസ് പരിശോധന കഴിഞ്ഞ് വിമാനത്താവളത്തിനു പുറത്തിറങ്ങിയപ്പോഴാണ് ഇയാളെ പൊലീസ് പിടികൂടിയത്.
1.292 കിലോഗ്രാം പാന്റ്സ് കസ്റ്റഡിയിലെടുത്തു. ഇതിൽ തേച്ചുപിടിപ്പിച്ച സ്വർണം വേർതിരിച്ചെടുത്ത ശേഷം തുടർനടപടി സ്വീകരിക്കും. വിമാനത്താവളം കേന്ദ്രീകരിച്ചു പരിശോധന തുടരുമെന്നു എസ്പി എസ്.ശശിധരൻ അറിയിച്ചു.

‘സ്വർണ’ പാന്റ്സ് ധരിച്ചെത്തിയ യാത്രക്കാരൻ കരിപ്പൂരിൽ പിടിയിൽ

Kerala

തിരുവനന്തപുരം: എൻഡിഎ സംസ്ഥാന ചെയർമാൻ കെ.സുരേന്ദ്രൻ നയിക്കുന്ന കേരള പദയാത്ര 27ന് കാസർകോട് നിന്നാരംഭിക്കും. വൈകിട്ട് 3ന് താളിപ്പടുപ്പ് മൈതാനത്ത് ബിജെപി ദേശീയ അധ്യക്ഷൻ ജെ.പി.നഡ്ഡ ഉദ്ഘാടനം ചെയ്യും. രാവിലെ മധൂർ ക്ഷേത്ര ദർശനത്തോടെയാണു പരിപാടികൾ തുടങ്ങുക.
രാവിലെ 9ന് യാത്രാ ക്യാപ്റ്റന്റെ വാർത്താസമ്മേളനം. 10.30ന് കുമ്പളയിൽ വിവിധ കേന്ദ്രസർക്കാർ പദ്ധതികളുടെ ഗുണഭോക്താക്കളുടെ യോഗം. 12ന് ജീവാസ് മാനസ ഓഡിറ്റോറിയത്തിൽ കാസർകോട് ലോക്സഭാ മണ്ഡലത്തിലെ മത-സാമുദായിക-സാംസ്കാരിക നേതാക്കളുടെ സ്നേഹസംഗമം. മേൽപ്പറമ്പിലാണ് അന്നത്തെ യാത്രയുടെ സമാപനം.
29ന് കണ്ണൂരിലും 30ന് വയനാട്ടിലും 31ന് വടകരയിലും പദയാത്ര കടന്നു പോകും. ഫെബ്രുവരി 3, 5, 7 തീയതികളിൽ ആറ്റിങ്ങൽ, പത്തനംതിട്ട, കൊല്ലം, മാവേലിക്കര മണ്ഡലങ്ങളിലും കോട്ടയം, ആലപ്പുഴ, തിരുവനന്തപുരം മണ്ഡലങ്ങളിൽ 9, 10, 12 തീയതികളിലും യാത്രയെത്തും. തിരുവനന്തപുരത്ത് കേന്ദ്രമന്ത്രി അമിത് ഷാ ഉദ്ഘാടനം ചെയ്യും. 14ന് ഇടുക്കിയിലും 15ന് ചാലക്കുടിയിലും 19, 20, 21 തീയതികളിൽ മലപ്പുറം, കോഴിക്കോട്, ആലത്തൂർ മണ്ഡലങ്ങളിലും പൊന്നാനിയിൽ 23നും എറണാകുളത്ത് 24നും തൃശൂരിൽ 26നും നടക്കുന്ന പദയാത്ര 27ന് പാലക്കാട്ട് സമാപിക്കും.

&nbsp;

കെ.സുരേന്ദ്രൻ നയിക്കുന്ന കേരള പദയാത്ര 27 മുതൽ

കോഴിക്കോട്: മാസങ്ങളായി മുടങ്ങിയ പെൻഷൻ ഉടനെ നൽകിയില്ലെങ്കിൽ ജീവനൊടുക്കുമെന്ന് കാണിച്ച് കത്തുനൽകിയതിനു പിന്നാലെ ജീവനൊടുക്കിയ ചക്കിട്ടപ്പാറ സ്വദേശിയും ഭിന്നശേഷിക്കാരനുമായ ജോസഫിൻ്റെ മൃതദേഹവുമായി കോൺഗ്രസ് പ്രവർത്തകർ കളക്ടറേറ്റ് ഉപരോധിച്ചു. 'മരിച്ചുപോയ സർക്കാരിന് ആദരാഞ്ജലികൾ' അർപ്പിച്ചുകൊണ്ട് പ്രവർത്തകർ ബാരിക്കേഡിന് മുമ്പിൽ റീത്ത് വെച്ചു.
മരണത്തിൻ്റെ ഉത്തരവാദി സർക്കാർ ആണെന്നും ജോസഫിൻ്റെ കുടുംബത്തിൻ്റെ സംരക്ഷണം സർക്കാർ ഏറ്റെടുക്കണം എന്നും എം. കെ. രാഘവൻ എം.പി. ആവശ്യപ്പെട്ടു. അനുകൂലനിലപാട് ഉണ്ടായില്ലെങ്കിൽ സമരം തുടരുമെന്ന് കോൺഗ്രസ് പ്രവർത്തകർ അറിയിച്ചു. തുടർന്ന് ജോസഫിൻ്റെ മൃതദേഹം വീട്ടിലേക്ക് കൊണ്ടുപോയി.
അതേസമയം, ജോസഫിന്റെ മരണത്തിൽ പ്രതിഷേധിച്ച് കളക്ടറുടെ ചേമ്പറിന്റെ മുമ്പിൽ ഉപരോധിച്ച മുസ്ലിം യൂത്ത് ലീഗ് സംസ്ഥാന സെക്രട്ടറി ടിപിഎം ജിഷാനേയും ജില്ലാ ഭാരവാഹികളായ മിസ്ഹബ്, ജാഫർ സാദിക്ക് ഷഫീക്ക് എന്നിവരെ അറസ്റ്റ് ചെയ്തു.

'മരിച്ചുപോയ സർക്കാരിന് ആദരാഞ്ജലികൾ'; ജോസഫിന്‍റെ മൃതദേഹവുമായി കോണ്‍ഗ്രസിന്‍റെ കളക്ടറേറ്റ് ഉപരോധം

പേരാമ്പ്ര : വീടിന്റെ മേൽക്കൂരയിൽ ഉപയോഗിച്ച പുതിയ ഓടിന് ചോർച്ചയുണ്ടായെന്ന പരാതിയിൽ നഷ്ടപരിഹാരം നൽകാൻ കോഴിക്കോട് ജില്ലാ ഉപഭോക്തൃ തർക്കപരിഹാര ഫോറത്തിന്റെ വിധി. ഫറോക്കിലെ കോമൺവെൽത്ത് ഓട് കമ്പനിക്കെതിരേ കൂത്താളിയിലെ വൃന്ദാവനത്തിൽ എ. ഹരിമോഹൻ നൽകിയ കേസിലാണ് വിധിയുണ്ടായത്. ഓട് വിലയും കൂലിച്ചെലവും കോടതിച്ചെലവും നഷ്ടപരിഹാരവും ഒരു മാസത്തിനകം നൽകണമെന്ന് വിധിയിൽ നിർദേശിച്ചു. 2013-ൽ 1360 എണ്ണം ഒന്നാംനമ്പർ ഓട് 44,114 രൂപ നൽകിയാണ്‌ ഹരിമോഹൻ വാങ്ങിയത്. അധികം വൈകാതെ ഓടിന് ചോർച്ചയുണ്ടായെന്നാണ് പരാതിയിൽ പറയുന്നത്. കമ്പനിയെ പരാതി അറിയിച്ചിരുന്നെങ്കിലും പ്രശ്‌നം പരിഹരിച്ചുനൽകാനുള്ള നടപടിയുണ്ടായിരുന്നില്ല. ഇതെത്തുടർന്ന് ആദ്യം ഹൈക്കോടതിയെ സമീപിച്ചപ്പോൾ ബന്ധപ്പെട്ടഫോറത്തിൽ പരാതി നൽകാനാണ് ഉത്തരവുണ്ടായത്.
തുടർന്നാണ് ഉപഭോക്തൃ ഫോറത്തെ സമീപിച്ചത്. കോഴിക്കോട് ഗവ. എൻജിനിയറിങ്‌ കോളേജിലെ ഡോ. സി. രഘുകുമാറിനെ വിഷയത്തിൽ എക്സ്‌പേർട്ട് കമ്മിഷനായും ഉപഭോക്തൃഫോറം നിയോഗിച്ചിരുന്നു. ഈ റിപ്പോർട്ട് കൂടി പരിഗണിച്ചാണ് ഉത്തരവുണ്ടായത്.

പുതിയ ഓടിന് ചോർച്ച: കൂത്താളി സ്വദേശിക്ക് നഷ്ടപരിഹാരം നൽകാൻ വിധി

Perambra

വടകര : മടപ്പള്ളി ഗവ. കോളേജ് അസി. പ്രൊഫസറും പ്രഭാഷകനും സാഹിത്യനിരൂപകനുമായ സജയ്‌ കെ.വി.യെ മണിയൂരിൽ തടഞ്ഞുനിർത്തി വധഭീഷണി മുഴക്കിയ സംഭവത്തിൽ പയ്യോളി പോലീസ് കേസെടുത്തു. മണിയൂർ സ്വദേശി ഡോ. ജയകൃഷ്ണന്റെ പേരിൽ അന്യായമായി തടഞ്ഞുവെക്കൽ, ഭീഷണിപ്പെടുത്തൽ എന്നീ വകുപ്പുകൾ പ്രകാരമാണ് കേസെടുത്തത്. ഞായറാഴ്ച വൈകീട്ട് മണിയൂർ യു.പി. സ്കൂളിൽ നടന്ന പുസ്തകപ്രകാശനച്ചടങ്ങിൽ സംസാരിച്ച് മടങ്ങുമ്പോൾ ജയകൃഷ്ണൻ തടയുകയും കൊല്ലുമെന്ന് ഭീഷണിപ്പെടുത്തുകയും ചെയ്തെന്നാണ് പരാതി.

സജയ്‌ കെ.വി.ക്കെതിരായ ഭീഷണിയിൽ പോലീസ് കേസെടുത്തു

മോസ്കോ: റഷ്യൻ സൈനിക വിമാനം തകർന്നുവീണുണ്ടായ അപകടത്തിൽ 65 പേർ കൊല്ലപ്പെട്ടതായി റിപ്പോർട്ട്. വിവിധ രാജ്യാന്തര മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്. യുക്രെയ്നെതിരായ യുദ്ധത്തിനിടെ റഷ്യൻ സൈന്യം പിടികൂടിയ യുക്രെയ്ൻ സായുധ സേനാംഗങ്ങൾ ഉൾപ്പെടെ വിമാനത്തിൽ ഉണ്ടായിരുന്നതായി റിപ്പോർട്ടുണ്ട്. അപകടത്തിന്റെ മറ്റു വിശദാംശങ്ങൾ പുറത്തുവന്നിട്ടില്ല.

റഷ്യൻ സൈനിക വിമാനം തകർന്ന് 65 പേർ കൊല്ലപ്പെട്ടതായി റിപ്പോർട്ട്

തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ ട്വന്റി 20 ക്രിസ്മസ്-ന്യൂ ഇയര്‍ ബമ്പര്‍ നറുക്കെടുപ്പില്‍ ഒന്നാം സമ്മാനമായ 20 കോടി xc-224091 എന്ന നമ്പറിന്. നികുതി കഴിഞ്ഞുള്ള തുക ജേതാവിനു ലഭിക്കും. മറ്റു സീരീസുകളിലെ ഇതേ നമ്പറിന് ഒരു ലക്ഷംരൂപ വീതം കിട്ടുംതിരുവനന്തപുരത്ത് ഗോര്‍ഖി ഭവനിൽ ഇന്ന് ഉച്ചയ്ക്കു രണ്ടു മണിക്കാണ് നറുക്കെടുപ്പ് നടന്നത്. രണ്ടാം സമ്മാനമായി 20 പേര്‍ക്ക് ഒരു കോടി രൂപ വീതം ലഭിക്കും. 45 ലക്ഷം ടിക്കറ്റുകള്‍ വിറ്റഴിഞ്ഞു. പാലക്കാടാണ് കൂടുതൽ ടിക്കറ്റുകൾ വിറ്റത്. മുന്‍ വര്‍ഷം 16 കോടി രൂപയായിരുന്ന ഒന്നാം സമ്മാനം.&nbsp;
30 പേര്‍ക്ക് 10 ലക്ഷം രൂപ വീതം മൂന്നാം സമ്മാനമായി ലഭിക്കും. 20 പേര്‍ക്ക് 3 ലക്ഷം രൂപ വീതം നല്‍കുന്ന നാലാം സമ്മാനവും (ആകെ അറുപതു ലക്ഷം. ഓരോ സീരീസുകളിലും രണ്ട് സമ്മാനം), 20 പേര്‍ക്ക് 2 ലക്ഷം രൂപ വീതം നല്‍കുന്ന അഞ്ചാം സമ്മാനവും (ആകെ നാല്‍പതു ലക്ഷം. ഓരോ സീരീസുകളിലും രണ്ട് സമ്മാനം) മുതല്‍ അവസാന നാലക്കത്തിന് 400 രൂപ ഉറപ്പാക്കുന്ന സമ്മാനങ്ങളും നിശ്ചയിച്ചിട്ടുണ്ട്.

ക്രിസ്മസ്-ന്യൂ ഇയര്‍ ബമ്പര്‍ നറുക്കെടുത്തു; 20 കോടി xc-224091 എന്ന നമ്പറിന്

പേരാമ്പ്ര : പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച കേസിൽ പ്രതി പോലീസ് പിടിയിലായി. ആവള മലയിൽപീടികയിൽ അബ്ദുൾസലാമിനെയാണ് (53) പേരാമ്പ്ര ഇൻസ്പെക്ടർ പി. ശ്രീജിത്ത് അറസ്റ്റുചെയ്തത്. കഴിഞ്ഞവർഷം ജൂണിലാണ് സംഭവം. വിദേശത്തേക്കുപോയ പ്രതി തിരികെവരുമ്പോൾ എയർപോർട്ടിൽവെച്ച് പോലീസ് കസ്റ്റഡിയിലെടുക്കുകയായിരുന്നു.
പ്രതിയെ കണ്ടെത്താൻ ലുക്ക്ഔട്ട് നോട്ടീസ് നേരത്തേ പുറപ്പെടുവിച്ചിരുന്നു. കോടതിയിൽ ഹാജരാക്കിയ അബ്ദുൾസലാമിനെ 14 ദിവസത്തേക്ക് റിമാൻഡ്‌ ചെയ്തു. എസ്.ഐ. പ്രദീപൻ, എസ്.സി.പി.ഒ. സി.എം. സുനിൽകുമാർ, ജോതേഷ് എന്നിവരാണ് പേരാമ്പ്ര ഇൻസ്പെക്ടറുടെ നിർദേശപ്രകാരം പ്രതിയെ കസ്റ്റഡിയിലെടുത്തത്.

പീഡനം: ഗൾഫിലേക്കുകടന്ന പ്രതിയെ എയർപോർട്ടിൽ വച്ച് പേരാമ്പ്ര പോലീസ് പിടികൂടി

കോഴിക്കോട് : പ്രത്യേക വോട്ടർപട്ടിക പുതുക്കൽ യജ്ഞത്തിന്റെ ഭാഗമായി അന്തിമപട്ടിക പ്രസിദ്ധീകരിച്ചു. പട്ടികയിൽ 13,33,052 സ്ത്രീകളും 12,50,018 പുരുഷന്മാരും 49 ട്രാൻസ്ജെൻഡേഴ്സും ഉൾപ്പെടെ ആകെ 25,83,119 വോട്ടർമാരാണുള്ളത്. ജില്ലയിൽ 57,407 വോട്ടർമാർ വർധിച്ചു. 42,055 യുവവോട്ടർമാരും 34,198 ഭിന്നശേഷി വോട്ടർമാരുമുണ്ട്. 52,506 വോട്ടർമാർ 80 വയസ്സിന് മുകളിലുള്ളവർ. വോട്ടർപട്ടികയുടെ പകർപ്പ് അംഗീകൃത രാഷ്ട്രീയപ്പാർട്ടികൾക്കും ബൂത്ത്‌ ലെവൽ ഓഫീസർമാർക്കും ലഭ്യമാക്കാൻ എല്ലാ താലൂക്കുകളിലും എത്തിച്ചിട്ടുണ്ട്. മാർച്ചുവരെ 18 വയസ്സ് തികയുന്നവർക്ക് ഓൺലൈനായി അപേക്ഷനൽകി വോട്ടർപട്ടികയിൽ പേര് ചേർക്കാം.&nbsp;

അന്തിമപട്ടിക പ്രസിദ്ധീകരിച്ചു; ജില്ലയിൽ ആകെ 25,83,119 വോട്ടർമാർ

വടകര: ജീവനക്കാരുടേയും അധ്യാപകരുടേയും ആനുകൂല്യങ്ങളും അവകാശങ്ങളും കവർന്നെടുത്തു കൊണ്ട് സിവിൽ സർവ്വീസിനെ തകർക്കുന്ന സർക്കാർ നടപടിയിൽ പ്രതിഷേധിച്ച് പണിമുടക്കിയ ജീവനക്കാരും അധ്യാപകരും വടകരയിൽ പ്രകടനം നടത്തി. മിനി സിവിൽ സ്റ്റേഷൻ, താലൂക്ക് ഓഫീസ്, സബ്ബ് ട്രഷറി ഓഫീസ്, ആർ. ഡി. ഒ ഓഫീസ് എന്നിവ കേന്ദ്രീകരിച്ച് നടന്ന പ്രകടനത്തിന് യുനൈറ്റഡ് ടീച്ചേഴ്സ് ആൻ്റ് എംപ്ലോയീസ് ഫെഡറേഷൻ നേതാക്കളായ സന്തോഷ് കുമാർ.കെ, സുധീഷ് വള്ളിൽ, ഷാക്കീർ പി.പി, ഹാരിസ് കെ, സതീഷ്. പി, സുനീദ് ബക്കർ, സൂരജ്. ഒ, രാജേഷ്, രാജീവൻ. പി , ജൂബേഷ്.ടി, നന്ദകുമാർ എം.പി, രാമചന്ദ്രൻ. കെ, സിദ്ധിഖ് എം.വി , പങ്കജാക്ഷൻ എം.,അബ്ദുൾറഹിം എന്നിവർ നേതൃത്വം നൽകി.

പണിമുടക്കിയ ജീവനക്കാരും അധ്യാപകരും പ്രകടനം നടത്തി

കോഴിക്കോട്: ജില്ലയിൽ ചെറുകിടകച്ചവടക്കാർക്ക് വില്പന നടത്തുന്നതിന് വേണ്ടി സൂക്ഷിച്ച നിരോധിത പ്ലാസ്റ്റിക്ക്‌ ഉത്പന്നങ്ങൾ മൊത്ത വ്യാപാര കേന്ദ്രത്തിൽ നിന്നും പിടിച്ചെടുത്തു. കോഴിക്കോട് ഈസ്റ്റ്‌ കല്ലായിയിലെ തിരുത്തുമ്മൽ പ്രവർത്തിക്കുന്ന സലാലഏജൻസിയിൽ നിന്നാണ് ജില്ലാ ശുചിത്വ മാനേജ്മെന്റ് എൻഫോസ്‌മെന്റ് സ്‌ക്വാഡും, കോഴിക്കോട് കോര്പറേഷൻ ആരോഗ്യവിഭാഗവും ചേർന്ന് ഇവ പിടിച്ചെടുത്തത്. സ്ഥാപനത്തിന് 25000 രൂപ പിഴ ചുമത്തി. ഒറ്റ തവണ ഉപയോഗിക്കുന്ന നിരോധിത പ്ലാസ്റ്റിക്ക്‌ ക്യാരി ബാഗുകൾ, പ്ലാസ്റ്റിക്ക്‌ കപ്പുകൾ, പ്ലേറ്റുകൾ എന്നിങ്ങനെയുള്ള 350കിലോഗ്രാം നിരോധിത പ്ലാസ്റ്റിക്ക്‌ ഉൾപ്പെന്നങ്ങളാണ് പിടിച്ചെടുത്തത്. വൻതോതിൽ നിരോധിത പ്ലാസ്റ്റിക്ക്‌ ഉൽപ്പന്നങ്ങൾ ഗോഡൗണിൽ സൂക്ഷിച്ചത് ബോധ്യപെട്ടതിനാൽ തുടർ നിയമ ലംഘനം ഉണ്ടായാൽ സ്ഥാപനം അടച്ചു പൂട്ടുന്നതാണ് എന്ന് ഉടമയ്ക്ക് നോട്ടീസ് നൽകി.&nbsp;
സംസ്ഥാന സർക്കാർ പൂർണമായും നിരോധിച്ച പ്ലാസ്റ്റിക്ക്‌ വസ്തുക്കൾ ധാരാളമായി ചെറുകിട കച്ചവടക്കാർക്ക് ലഭിക്കുന്ന സാഹചര്യത്തിലാണ് വൻകിട സംഭരണ കേന്ദ്രങ്ങളിൽ റെയ്ഡ് നടത്തിയത്. കോഴിക്കോട് ജില്ലയിൽ എൻഫോസ്‌മെന്റിന്റെ പ്രവർത്തന ഫലമായി കഴിഞ്ഞ 6 മാസത്തിനിടയിൽ 8000കിലോഗ്രാം നിരോധിത പ്ലാസ്റ്റിക്ക്‌ ഉൽപ്പന്നങ്ങൾ പിടിച്ചെടുക്കുകയും 36 ലക്ഷം രൂപ പിഴയായി ഈടാക്കുകയും ചെയ്തിട്ടുണ്ട്. പുതിയ നിയമ ഭേദഗതി പ്രാബല്യത്തിലായതിന് ശേഷം മാലിന്യശുചിത്വ രംഗത്ത് നിയമ ലംഘനത്തിനെതിരെ കർശന നടപടികളാണ് ശുചിത്വ എൻഫോസ്‌മെന്റ് സ്‌ക്വാഡും കോർപ്പറേഷൻ ആരോഗ്യ വിഭാഗവും സ്വീകരിച്ചു വരുന്നത്. റെയ്ഡിന് ജില്ല സ്‌ക്വാഡ് അംഗങ്ങളായ ഇന്റെർണൽ വിജിലൻസ് ഓഫീസർ ടി. ഷാഹുൽ ഹമീദ്, ജൂനിയർ സൂപ്രണ്ട് എ. അനിൽകുമാർ, ഹെഡ് ക്ലർക്ക് എം. പി ഷാനിൽകുമാർ, കോര്പറേഷൻ സീനിയർ ഹെൽത്ത്‌ ഇൻസ്‌പെക്ടർമാരായ ബിജുജയറാം, കെ. സുബൈർ, ജി. എസ് ദേവസേനൻ, ഹെൽത്ത്‌ ഇൻസ്‌പെക്ടർമാരായ ടി. കെ അശോകൻ, കെ വിനോദ്കുമാർ, കെ. സതീശൻ, വി. മനീഷ എന്നിവർ നേതൃത്വം നൽകി.

നിരോധിത പ്ലാസ്റ്റിക്ക്‌ ഉത്പന്നങ്ങൾ പിടികൂടി; സ്ഥാപനത്തിന് 25000 രൂപ പിഴ

ചൊക്ലി: ഹൃദയാഘതത്തെ തുടർന്ന് യുവാവ് ഖത്തറിൽ നിര്യാതനായി. നോർത്ത് ഒളവിലത്ത് മേക്കര വീട്ടിൽ താഴെ കണ്ടി പടിക്കൽ കാസ്മിന്റെ മകൻ റഷീദാണ് (38) മരിച്ചത്. മാതാവ്: പുളിയനമ്പ്രം പുതിയ റോഡ് നാങ്കണ്ടി കുനിയിൽ ആയിഷ . ഭാര്യ: ചെറിയ കോവുമ്മൽ നാലു കണ്ടിറുക്സാന (സൈഫ് നഗർ). മക്കൾ: റൈദിൽ, അയാസ്. സഹോദരങ്ങൾ: ശഫീഖ് ( ദുബൈ), റാഷിദ. മൃതദേഹം നാട്ടിലെത്തിച്ച് പെരിങ്ങത്തുർ ജുമാ അത്ത് പള്ളി ഖബർസ്ഥാനിൽ ഖബറടക്കും.

ചൊക്ലി സ്വദേശി ഖത്തറിൽ നിര്യാതനായി

Mahe

മേമുണ്ട: പരേതനായ പദ്മനാഭൻ നമ്പ്യാരുടെ ( റിട്ട. ഓഫീസർ കമാന്റിംഗ് എം എസ് പി) ഭാര്യ അരീപുനത്തിൽ പി. കെ. കുഞ്ഞിമാധവി അമ്മ (86) നിര്യാതയായി. മക്കൾ : തപതി, രാമദാസ് (എസ് ഐ ബി. എസ്. എഫ് ), സുമതി, സുദേവ് (കെ എസ് ആർ ടി സി വടകര ). മരുമക്കൾ : വിശ്വനാഥൻ (റിട്ട. സുബൈദാർ ), സുജിത, രാമകൃഷ്ണൻ (എസ് ഐ ഡൽഹി ), അനൂജ. സഹോദരങ്ങൾ : പി. കെ. നാരായണക്കുറു പ്പ്, പരേതരായ പീറ്റക്കണ്ടി കൃഷ്ണകുറുപ്പ്, കരാപ്പൊയിൽ കുഞ്ഞിപാർവ്വതി അമ്മ.

മേമുണ്ട അരീപുനത്തിൽ പി. കെ. കുഞ്ഞിമാധവി അമ്മ നിര്യാതയായി

Obitury

വടകര: സാഹിത്യ നിരൂപകനും എഴുത്തുകാരനും പ്രഭാഷകനും അദ്ധ്യാപകനുമായ ഡോ സജയ് കെ വിക്ക് നേരെയുണ്ടായ വധഭീഷണിയും കൈയ്യേറ്റ ശ്രമവും നടത്തിയതിൽ പുതുപ്പണം ഗ്രന്ഥാലയം &amp; കലാസമിതി പ്രതിഷേധിച്ചു. മണിയൂർ ജനതാ ലൈബ്രറിയിൽ നടത്തിയ പുസ്തക പ്രകാശന പരിപാടിയിൽ സംസാരിച്ചതിൻ്റെ പേരിലാണ് ഹീനവും നിന്ദ്യവുമായ ഈ അതിക്രമം ഉണ്ടായത്. ആവിഷ്ക്കാര സ്വാതന്ത്ര്യത്തിനെതിരെയുള്ള ഇത്തരം കടന്നുകയറ്റങ്ങളെ പ്രസിഡണ്ട് പി.കെ. ബാലൻ്റെ അദ്ധ്യക്ഷതയിൽ ചേർന്ന ഗ്രന്ഥാലയം പ്രവർത്തകയോഗം അപലപിച്ചു. സെക്രട്ടറി പി.രാജൻ, കെ.വി. വത്സലൻ, ടി.ഭാസ്ക്കരൻ, പി.കെ. നാരായണൻ, ലീബ ശ്രീധർ, അഭിനവ്.ടി.പി എന്നിവർ സംസാരിച്ചു.&nbsp;

സജയ് കെ വിക്ക് നേരെയുണ്ടായ വധഭീഷണി; പുതുപ്പണം ഗ്രന്ഥാലയം പ്രതിഷേധിച്ചു

Inshort

തിക്കോടി: എല്ലാ ചികിത്സകളും ഉൾപ്പെടുത്തി മെഡിസെപ്പ് പദ്ധതി പരിഷ്കരിക്കുക, ക്ഷാമബത്ത കുടിശ്ശിക, പെൻഷൻ പരിഷ്കരണ കുടിശ്ശിക എന്നിവ എത്രയും പെട്ടെന്ന് അനുവദിക്കുക എന്നീ ആവശ്യങ്ങൾ പ്രമേയത്തിലൂടെ കെ.എസ്.എസ്.പി.യു തിക്കോടി യൂണിറ്റ് വാർഷിക സമ്മേളനം സർക്കാരിനോട് ആവശ്യപ്പെട്ടു. സമ്മേളനം സ്റ്റേറ്റ് കൗൺസിലർ ടി. കുഞ്ഞിരാമൻ ഉദ്ഘാടനം ചെയ്തു. ചന്ദ്രൻ നമ്പ്യേരി അധ്യക്ഷത വഹിച്ചു. സെക്രട്ടറി വാർഷിക റിപ്പോർട്ടും, ട്രഷറർ വരവ് ചെലവ് കണക്കും
അവതരിപ്പിച്ചു. തിക്കോടി നാരായണൻ, എ .എം കുഞ്ഞിരാമൻ, കെ.ശശിധരൻ, ഇബ്രാഹിം തിക്കോടി, വി.ടി. ഗോപാലൻ, കെ. പത്മനാഭൻ, ഉമ്മർ അരീക്കര, കെ.എം അബൂബക്കർ എന്നിവർ സംസാരിച്ചു. ബ്ലോക്ക് കമ്മിറ്റി മെമ്പർ കെ വി രാജൻ വരണാധികാരിയായി പുതു വർഷത്തേക്കുള്ള ഭാരവാഹികളെ തെരഞ്ഞെടുത്തു. പി.ടി ബാബു മാസ്റ്റർ (പ്രസിഡണ്ട്), കുഞ്ഞികൃഷ്ണൻ മരുത്തിയാട്, പി .പത്മിനി, ബാലൻ കേളോത്ത് (വൈസ്.പ്രസിഡൻറ്), വി.ടി.ഗോപാലൻ (സെക്രട്ടറി ) , പുല്പാണ്ടി മോഹനൻ, എൻ. കെ സരോജിനി ,പി.ആമിന (ജോ.സെക്രട്ടറി), ഇബ്രാഹിം തിക്കോടി (ട്രഷറർ), ബാബു പടിക്കൽ, പി.ടി.ബാബു സരയു, കെ സുകുമാരൻ, രവീന്ദ്രൻ എടവന കണ്ടി, രാഘവൻ, ജ്യോതിശ്രീ, ശോഭന വല്ലി എന്നിവർ ചർച്ചയിൽ പങ്കെടുത്തു. കെഎം അബൂബക്കർ പ്രമേയം അവതരിപ്പിച്ചു. മോഹനൻ പുൽപ്പാണ്ടി സ്വാഗതവും ബാലൻ കേളോത്ത് നന്ദിയും രേഖപ്പെടുത്തി.

എല്ലാ ചികിത്സകളും ഉൾപ്പെടുത്തി മെഡിസെപ്പ് പദ്ധതി പരിഷ്കരിക്കുക; കെ.എസ്.എസ്.പി.യു

തിരുവനന്തപുരം∙ സംസ്ഥാന ഭാഗ്യക്കുറി വകുപ്പിന്റെ ക്രിസ്മസ് ന്യൂ ഇയര്‍ ബംപറിന്റെ നറുക്കെടുപ്പ് ഇന്ന് ഉച്ചയ്ക്കു രണ്ടു മണിക്ക് നടക്കും. തിരുവനന്തപുരത്ത് ഗോര്‍ഖി ഭവനിലാണ് നറുക്കെടുപ്പ്. 20 കോടി രൂപയാണ് ഒന്നാം സമ്മാനം. നികുതി കഴിഞ്ഞുള്ള തുക ജേതാവിനു ലഭിക്കും. രണ്ടാം സമ്മാനമായി 20 പേര്‍ക്ക് ഒരു കോടി രൂപ വീതം ലഭിക്കും. 45 ലക്ഷം ടിക്കറ്റുകള്‍ വിറ്റഴിഞ്ഞു. പാലക്കാടാണ് കൂടുതൽ ടിക്കറ്റുകൾ വിറ്റത്. മുന്‍ വര്‍ഷം 16 കോടി രൂപയായിരുന്ന ഒന്നാം സമ്മാനം.&nbsp;
30 പേര്‍ക്ക് 10 ലക്ഷം രൂപ വീതം മൂന്നാം സമ്മാനമായി ലഭിക്കും. 20 പേര്‍ക്ക് 3 ലക്ഷം രൂപ വീതം നല്‍കുന്ന നാലാം സമ്മാനവും (ആകെ അറുപതു ലക്ഷം. ഓരോ സീരീസുകളിലും രണ്ട് സമ്മാനം), 20 പേര്‍ക്ക് 2 ലക്ഷം രൂപ വീതം നല്‍കുന്ന അഞ്ചാം സമ്മാനവും (ആകെ നാല്‍പതു ലക്ഷം. ഓരോ സീരീസുകളിലും രണ്ട് സമ്മാനം) മുതല്‍ അവസാന നാലക്കത്തിന് 400 രൂപ ഉറപ്പാക്കുന്ന സമ്മാനങ്ങളും നിശ്ചയിച്ചിട്ടുണ്ട്. ആകെ 6,91,300 സമ്മാനങ്ങള്‍. ഒന്നാം സമ്മാനാര്‍ഹമാകുന്ന ടിക്കറ്റിന്റെ മറ്റ് ഒന്‍പതു സീരീസുകളിലെ അതേ നമ്പരുകള്‍ക്ക് സമാശ്വാസ സമ്മാനമായി ഒരു ലക്ഷം രൂപ വീതം ലഭിക്കും.&nbsp;

20 കോടിയുടെ ഭാഗ്യവാൻ ആരാകും? ക്രിസ്മസ് ന്യൂ ഇയര്‍ ബംപറിന്റെ നറുക്കെടുപ്പ് ഇന്ന്

മാഹി: അധ്യാപക നിയമന മുൾപടെ വിവിധ വകുപ്പുകളിൽ കഴിഞ്ഞ പത്ത് വർഷക്കാലമായി സ്ഥിര നിയമനം നടക്കാത്ത സാഹചര്യത്തിൽ, ഉദ്യോഗ നിയമനത്തിനുള്ള പ്രായപരിധി 32 ൽ നിന്ന് 35 ആക്കി ഉയർത്തണമെന്ന് ജനശബ്ദം മാഹി പ്രവർത്തക സമിതി പുതുച്ചേരി സർക്കാരിനോടാവശ്യപ്പെട്ടു. മാഹിയിൽ പത്ത് വർഷങ്ങളായി റേഷൻ ഷാപ്പുകൾ അടച്ചു പൂട്ടിയിരിക്കെ, മേഖലയിൽ അഞ്ചിടങ്ങളിലെങ്കിലും പൊതുവിതരണ കേന്ദ്രങ്ങൾ ആരംഭിച്ച് ജനങ്ങൾക്ക് വിലക്കയറ്റത്തിൽ നിന്ന് ആശ്വാസം പകരണമെന്നും,ആരോഗ്യ സുരക്ഷാ ഇൻഷ്വറൻസ് പദ്ധതി നടപ്പിലാക്കണമെന്നും യോഗം ആവശ്യപ്പെട്ടു. ദാരിദ്ര്യരേഖക്ക് താഴെയുള്ളവർക്ക് ചുവപ്പ് റേഷൻ കാർഡ് അനുവദിക്കുന്ന കാര്യത്തിലും, റസിഡൻസ് അടക്കം വിവിധ സർട്ടിഫിക്കറ്റുകൾ ചില ഉദ്യോഗസ്ഥർ തോന്നിയത് പോലെ അനുവദിക്കുന്നതിലും ജനശബ്ദം പ്രതിഷേധിച്ചു.ഇത്തരം ഉദ്യോഗസ്ഥർക്കെതിരെ അന്വേഷണം നടത്തി നടപടി സ്വീകരിക്കണമെന്നും ആവശ്യപ്പെട്ടു. പ്രസിഡണ്ട് ചാലക്കര പുരുഷു അദ്ധ്യക്ഷത വഹിച്ചു. ഇ കെ.റഫീഖ് പ്രവർത്തന റിപ്പോർട്ട് അവതരിപ്പിച്ചു. ടി.എം.സുധാകരൻ, ദാസൻ കാണി, ടി.എ.ലതീപ്, ജസീമ മുസ്തഫ, സജിത്ത് നാരായണൻ, അഡ്വ: പ്രസീന ശ്രീജിത്ത്, മഹേഷ് പന്തക്കൽ, ഷിബു കാളാണ്ടിയിൽ, സോമൻ ആനന്ദ്, ഷൈജ പാറക്കൽ, മർസീന എന്നിവർ സംസാരിച്ചു.

'ഉദ്യോഗ നിയമന പ്രായപരിധി ഉയർത്തണം'

തൃശൂര്‍: പാവറട്ടി പുവ്വത്തൂരില്‍ ടോറസ് ലോറിക്കടിയിലേക്ക് സ്‌കൂട്ടര്‍ മറിഞ്ഞ് വിദ്യര്‍ഥിനി പിന്‍ ചക്രം കയറി മരിച്ചു. കാട്ടേരി വെട്ടിയാറ മധു അഭിമന്യുവിന്റെയും സുരഭിയുടെ മകള്‍ ദേവപ്രിയ (18) യാണ് മരിച്ചത്. പുവ്വത്തൂര്‍ സുബ്രഹ്മണ്യന്‍ കോവിലിന് സമീപം ചൊവ്വാഴ്ച വൈകിട്ട് ആറരയോടെയാണ് അപകടം. ഗുരുവായൂര്‍ ലിറ്റില്‍ ഫ്‌ളവര്‍ കോളജിലെ ബി സി എ. ഒന്നാം വര്‍ഷ വിദ്യാര്‍ഥിനിയാണ്. കോളജിലെ എന്‍ സി സി ക്യാമ്പ് കഴിഞ്ഞ് വീട്ടിലേക്ക് മടങ്ങുകയായിരുന്നു. മുന്‍ഭാഗത്ത് നിന്ന് വന്നിരുന്ന സ്‌കൂട്ടറിന് കടന്നുപോകാന്‍ സൈഡ് കൊടുക്കുന്നതിനിടെ കുടിവെള്ള പൈപ്പിനായി പൊളിച്ച റോഡിന്റെ പകുതി ഭാഗം ടാറ് ചെയ്ത തിട്ടയിൽ തട്ടി നിയന്ത്രണംവിട്ട് മറിയുകയായിരുന്നുവെന്ന് ദൃക്‌സാക്ഷികള്‍ പറയുന്നു. അപകടത്തില്‍ ചക്രം കയറി ഹെല്‍മറ്റ് തകര്‍ന്നിട്ടുണ്ട്. അപകട സ്ഥലത്ത് വച്ച് തന്നെ ദേവപ്രിയ മരിച്ചിരുന്നു.&nbsp;

ടോറസ് ലോറിക്കടിയിലേക്ക് സ്‌കൂട്ടര്‍ മറിഞ്ഞു; വിദ്യര്‍ഥിനി മരിച്ചു

മാഹി: വാസ്തുവിദ്യാനികേതനത്തിൻ്റെ ആഭിമുഖ്യത്തിൽ വാസ്തുവിദ്വത് സഭയും പൂർവ്വ വിദ്യാർത്ഥി സംഗമവും നടത്തി. റിറ്റ്സ് അവന്യു ഹോട്ടൽ ഓഡിറ്റോറിയത്തിൽ നടന്ന സംഗമത്തിൽ വാസ്തുവിദ്യാനികേതനം ഡയറകടർ പി.വിജയൻ അദ്ധ്യക്ഷത വഹിച്ചു. എ.ബി.ശിവൻ ഉദ്ഘാടനം ചെയ്തു. ശബരിമല മുൻ മേൽശാന്തി ജയരാമൻ നമ്പൂതിരി കൊട്ടാരം ഇല്ലം മുഖ്യഭാഷണം നടത്തി. കെ.കെ.ശിവൻ വിഷയാവതരണം നടത്തി. കുഞ്ഞിരാമൻ ഉദയവർമ്മൻ സംസാരിച്ചു. കെ.കെ.ബാലൻ, ചെറുവള്ളി നാരായണൻ നമ്പൂതിരി അനുസ്മരണ ഭാഷണം നടത്തി. സി.പി.ഉദയഭാനു സ്വാഗതവും സി.സുജിത് പാൽ നന്ദിയും പറഞ്ഞു

വാസ്തുവിദ്വത് സഭയും പൂർവ്വ വിദ്യാർത്ഥി സംഗമവും

മാഹി: പെരിങ്ങാടി കിഴക്കേ തയ്യുള്ളതിൽ കെ പി നിഖിൽ(38) ദുബൈയിൽ നിര്യാതനായി. പരേതനായ കണിയന്റെ പറമ്പത്ത് നാണുവിന്റെയും കിഴക്കേതയ്യുള്ളതിൽ പ്രമീളയുടെയും മകനാണ്. സഹോദരിമാർ; നിമിഷ, നിഷിദ.
&nbsp;

പെരിങ്ങാടി കിഴക്കേ തയ്യുള്ളതിൽ കെ പി നിഖിൽ ദുബൈയിൽ നിര്യാതനായി

ദുബൈ: ദുബൈ കെഎംസിസി മൂടാടി പഞ്ചായത്ത് കമ്മിറ്റി സംഘടിപ്പിച്ച മുടാടി ഫെസ്റ്റിവേഴ്സ് വർണാഭമായി. കുടുംബസംഗമം, സാംസ്കാരിക സമ്മേളനം, കലാപ്രകടനങ്ങൾ എന്നിവകൊണ്ട് ശ്രദ്ധേയമായ പരിപാടി യുഎഇ കെഎംസിസി പ്രസിഡണ്ട് ഡോ.പുത്തൂർ റഹ്‌മാൻ ഉദ്ഘാടനം ചെയ്തു. സ്ത്രീവിദ്യാഭ്യാസം കുടുംബഭദ്രതക്ക് അനിവാര്യമാണെന്ന് അദ്ദേഹം പറഞ്ഞു. വി.കെ.കെ റാഷിദ് അധ്യക്ഷത വഹിച്ചു. കെഎംസിസി ജില്ലാ പ്രസിഡണ്ട് ഇസ്മായിൽ ഏറാമല മുഖ്യപ്രഭാഷണം നടത്തി. ഷഫീഖ് സംസം സ്വാഗതം പറഞ്ഞു. എ.പി ഷഫീഖ് ദാരിമി ഖിറാഅത്ത് നടത്തി. അഷ്റഫ് പള്ളിക്കര, വി.കെ.കെ. റിയാസ്, നാസിം പാണക്കാട്, ജലീൽ മഷ്ഹൂർ തങ്ങൾ, നിഷാദ് മൊയ്തു, പി.വി നിസാർ, കെ.പി മൂസ, ഫസൽ തങ്ങൾ, എൻ.ഹനീഫ, ജാഫർ നിലയെടുത്ത്, റാഷിദ നടുവണ്ണൂർ സംസാരിച്ചു. യൂനുസ് വരിക്കോളി നന്ദി പറഞ്ഞു.
സമീർ മനാസ്, മുഹദലി മലമ്മൽ നബീൽ നാരങ്ങോളി,ടി.കെ ഹാരിസ്, ഷഹീർ,പി.എൻ.കെ നബീൽ, സവാദ്, ജവാദ് അബ്ദുള്ള, വി.കെ.കെ അബ്ദുഹിമാൻ, അറഫാത്ത്, ആർ.വി ബാസിത്, കെ.പി.റഫീഖ് പരിപാടിക്ക് നേതൃത്വം നൽകി. വിവിധ മേഖലകളിൽ വ്യക്തിമുദ്ര പതിപ്പിച്ച എ.കെ.അബ്ദുറഹിമാൻ, ഇസ്മയിൽ ഹംസ, ബിജു പണ്ടാരപ്പറമ്പിൽ, ഷഹനാസ് തിക്കോടി, റഹീസ് കോട്ടക്കൽ എന്നിവരെ ചടങ്ങിൽ ആദരിച്ചു.

മൂടാടി ഫെസ്റ്റിവേഴ്സ് സമാപിച്ചു

Gulf

കക്കട്ടിൽ: നരിപ്പറ്റ ആർ എൻ എം ഹയർ സെക്കന്ററി സ്കൂളിലെ നവീകരിച്ച ലൈബ്രറി ഉദ്ഘാടനം ചെയ്തു. ഇ കെ വിജയൻ എം എൽ എ ഉദ്ഘാടനം നിർവഹിച്ചു. നരിപ്പറ്റ ഗ്രാമപഞ്ചായത്ത് പ്രസിഡന്റ് ബാബു കാട്ടാളി അധ്യക്ഷനായി. സംസ്ഥാന സ്കൂൾ കലോത്സവത്തിൽ ഇംഗ്ളീഷ് കഥാരചനയിൽ എ ഗ്രേഡ് നേടിയ നിഇമ്മാ ഹിയ എൻ പി യ്ക്ക് പുരസ്കാരസമർപ്പണം നടത്തി. വാരിപ്പൊയിൽ കുഞ്ഞഹമ്മദ് ഹാജിയുടെ സ്മരണാർത്ഥം വാരിപ്പൊയിൽ കുടുംബം നൽകിയ ഒരു ലക്ഷം രൂപയുടെ പുസ്തകങ്ങൾ കൂടി ചേർത്താണ് ലൈബ്രറി നവീകരണം നടത്തിയത്. ഉദ്ഘാടനപരിപാടിയോടാനുബന്ധിച്ച് രാവിലെ 'നവമാധ്യമകാലത്തെ വായന' എന്ന വിഷയത്തിൽ വടകര ഗവ. ഹയർ സെക്കന്ററി സ്കൂൾ അദ്ധ്യാപകൻ ഷിജു ആർ കുട്ടികളുമായി സംവദിച്ചു. തുടർന്ന് 'കവിതയുടെ ദേശഭാവനകൾ' എന്ന പേരിൽ നടന്ന കവിയരങ്ങയിൽ നന്ദനൻ മുള്ളമ്പത്ത്, സോണി കുമ്പളച്ചോല, വിനീഷ് സി വി, ആദിത്യ സി കെ, അവന്തിക ഭായ് എന്നിവർ പങ്കെടുത്തു. ഉദ്ഘാടന ചടങ്ങിന് ആശംസകൾ നേർന്നുകൊണ്ട് ലിബിയ, അഷ്‌റഫ്‌ വാരിപ്പൊയിൽ, എം നാരായണൻ, സുധീഷ് കെ, ബീന, ചാത്തു, അസ്‌ലം സി പി, ഷിയോണ പുരുഷോത്തമൻ എന്നിവർ സംസാരിച്ചു. പ്രിൻസിപ്പാൾ എകെ ശ്രീജിത്ത് സ്വാഗതം പറഞ്ഞു. അനൂപ് വി എസ് നന്ദി പ്രകാശിപ്പിച്ചു. ഉദ്ഘാടന പരിപാടിക്ക് ശേഷം സൂരജ് എം എസ്, ഷാജി കെ പി, മനോജ്‌ കൈവേലി എന്നിവർ ചേർന്ന് നയിച്ച 'ഹൃദയരാഗം' സംഗീതപരിപാടിയും നടന്നു.

നരിപ്പറ്റ ആർ എൻ എം ഹയർ സെക്കന്ററിയിൽ നവീകരിച്ച ലൈബ്രറി ഉദ്ഘാടനം ചെയ്തു

മേപ്പയ്യൂർ: കേരള സംസ്ഥാനം സമ്പൂർ ണ്ണ ശുചിത്വ പ്രഖ്യാപനം നടത്തുന്നതിൻ്റെ ഭാഗമായി മേപ്പയ്യൂർ ഗ്രാമ പഞ്ചായത്ത് സമ്പൂർണ്ണ ശുചിത്വ പഞ്ചായത്തായി പ്രഖ്യാപിച്ചു. പഞ്ചായത്തിൻ്റെ 17 വാർഡുകളും സമ്പൂർണ്ണ ശുചിത്വ വാർഡുകളായി പ്രഖ്യാപിച്ച ശേഷമാണ് പഞ്ചായത്ത് തല പ്രഖ്യാപനം നടത്തിയത്. മേപ്പയ്യൂർ ടൗണിൽ സന്ദേശ റാലി നടത്തിയ ശേഷമാണ് പ്രഖ്യാപനം നടത്തിയത്. പഞ്ചായത്ത് പ്രസിഡണ്ട്. കെ.ടി.രാജൻ അദ്യക്ഷത വഹിച്ചു. സെക്രട്ടരി കെ.പി. അനിൽകുമാർ റിപ്പോർട്ട് അവതരിപ്പിച്ചു. കോഴിക്കോട് ജില്ല നവകേരളം കർമ്മ പദ്ധതി കോ ഓഡിനേറ്റർ പി.ടി. പ്രസാദ് ശുചിത്വ സന്ദേശം നൽകി പരിപാടി ഉൽഘാടനം ചെയ്തു. വൈസ് പ്രസിഡണ്ട് എൻ.പി.ശോഭ, സ്റ്റാൻഡിങ് കമ്മറ്റി ചെയർമാൻമാരായ വി.സുനിൽ, വി.പി. രമ, ഭാസ്ക്കരൻ കൊഴുക്കല്ലൂർ, മെമ്പർ ശ്രീ നിലയം വിജയൻ, അസി. സെക്രട്ടരി കെ. ആർ ശ്രീലേഖ , എച്ച്.ഐ സൽനലാൽ ഹരിതകർമ്മസേന സെക്രട്ടരി പി.കെ റീജ എന്നിവർ സംസാരിച്ചു.

മേപ്പയ്യൂർ സമ്പൂർണ ശുചിത്വ പഞ്ചായത്തായി പ്രഖ്യാപിച്ചു

വടകര: കേരള വ്യാപാരി വ്യവസായി ഏകോപന സമിതി കോഴിക്കോട് ജില്ലയിലെ തദ്ദേശ സ്വയംഭരണ സ്ഥാപനങ്ങളിലേക്ക് നടത്തിയ ധർണ്ണ സമരത്തിൻ്റെ ഭാഗമായി ഏറാമല ഗ്രാമ പഞ്ചായത്ത് മുന്നിലുള്ള ധർണ്ണ സമരം കോഴിക്കോട് ജില്ല യൂത്ത് വിംഗ് ട്രഷറർ അമൽ അശോക് ഉത്ഘാടനം ചെയ്തു. ഓർക്കാട്ടേരി മർച്ചൻസ് അസോസിയേഷൻ പ്രസിഡണ്ട് കെ ഇ ഇസ്മയിൽ അധ്യക്ഷത വഹിച്ചു. ജനറൽ സെക്രട്ടറി ടി.എൻ.കെ പ്രഭാകരൻ സ്വാഗതം പറഞ്ഞു. കോഴിക്കോട് ജില്ലാ യൂത്ത് വിംഗ് സെക്രട്ടറി റിയാസ് കുനിയിൽ,
പുതിയെടുത്ത് കൃഷ്ണൻ, കെ.കെ റഹീം, ലിജീഷ് പുതിയടത്ത്, വിനോദൻ പുനത്തിൽ, നവാസ് കെ. കെ , അഭിലാഷ് കോമത്ത്, വിജയരാജ് കെ.എം, ജയൻ സാരംഗ് ,ബിന്ദു ശശി, ദീപ റാണി ,ശിവദാസ് കുനിയിൽ, അമീർ വളപ്പിൽ, സലാം ഫേമിലി എന്നിവർ സംസാരിച്ചു. ട്രഷറർ വാസു ആരാധന നന്ദി പറഞ്ഞു. ധർണ്ണ സമരത്തിൻറെ ഭാഗമായി ഓർക്കാട്ടേരി ടൗണിൽ വ്യാപാരികളുടെ പ്രകടനവും ഉണ്ടായിരുന്നു.

ഏറാമല പഞ്ചായത്ത് ഓഫീസിന് മുന്നിൽ വ്യാപാരികൾ ധർണ്ണ നടത്തി

മലപ്പുറം∙ സ്‌കൂളിൽ നിന്ന് ഉച്ചഭക്ഷണത്തിനുള്ള അരി കടത്തിയ സംഭവത്തിൽ നാല് അധ്യാപകർക്ക് സസ്‌പെൻഷൻ. മൊറയൂർ വിഎച്ച്എം ഹയർ സെക്കൻഡറി സ്‌കൂളിലെ പ്രധാന അധ്യാപകൻ ശ്രീകാന്ത്, കായിക അധ്യാപകൻ രവീന്ദ്രൻ, ഉച്ചഭക്ഷണത്തിന്റെ ചുമതലയുള്ള ഭവനീഷ്, ഇർഷാദ് അലി എന്നിവർക്കാണ് സസ്‌പെൻഷൻ. മലപ്പുറം വിദ്യാഭ്യാസ ഉപ ഡയറക്‌ടറുടേതാണ് നടപടി.
മൊറയൂർ വിഎച്ച്എം ഹയർ സെക്കൻഡറി സ്‌കൂളില്‍ നിന്നാണ് രാത്രിയുടെ മറവിൽ വിദ്യർഥികൾക്ക് ഉച്ചഭക്ഷണത്തിനായി എത്തിച്ച അരി കടത്തിയത്. ഇതു സംബന്ധിച്ച് ഗ്രാമപഞ്ചാത്തംഗമാണ് വിദ്യാഭ്യാസ മന്ത്രിയേയും മുഖ്യമന്ത്രിയേയും ദൃശ്യങ്ങൾ സഹിതം വിവരമറിയിച്ചത്.
ഇതിനു പിന്നാലെ വിദ്യാഭ്യാസ ഉപ ഡയറക്ടർ അന്വേഷണം ആരംഭിക്കുകയായിരുന്നു. സംഭവത്തിൽ ഭക്ഷ്യ കമ്മിഷനും അന്വേഷണം ആരംഭിച്ചിരുന്നു. ഇതുകൂടാതെ മറ്റു നടപടികളുമുണ്ടായേക്കും. അരികടത്ത് വിഷയത്തിൽ വ്യാപക പ്രതിഷേധം ഉയർന്നിരുന്നു.

സ്‌കൂളിൽ നിന്ന് ഉച്ചഭക്ഷണത്തിനുള്ള അരി രാത്രിയുടെ മറവിൽ കടത്തി; 4 അധ്യാപകർക്ക് സസ്പെൻഷൻ

മലപ്പുറം: മദ്യപിച്ച് പൊലീസ് ജീപ്പ് ഓടിച്ച് അപകടം വരുത്തി നിർത്താതെ പോയ എ.എസ്.ഐയെ നാട്ടുകാർ ചേർന്ന് തടഞ്ഞുവെച്ചു. മലപ്പുറം വടക്കാങ്ങര കാളാവിലാണ് സംഭവം. മലപ്പുറം സ്റ്റേഷനിലെ എ.എസ്.ഐ ഗോപി മോഹനനാണ് മദ്യപിച്ച് പൊലീസ് വാഹനം ഓടിച്ച് അപകടമുണ്ടാക്കിയത്. നാട്ടുകാർ മങ്കട പൊലീസിനെ വിളിച്ചുവരുത്തിയതിനെ തുടർന്ന് ഇയാൾക്കെതിരെ കേസെടുത്തു. കഴിഞ്ഞ ദിവസം രാത്രിയാണ് സംഭവം.
എ.എസ്.ഐ മദ്യപിച്ച് ഓടിച്ച ജീപ്പ് കാറിലിടിക്കുകയായിരുന്നു. അപകടമുണ്ടായിട്ടും ജീപ്പ് നിർത്തിയില്ല. മറ്റൊരു ബൈക്കിന് നേരെയും ജീപ്പ് കുതിച്ചെത്തിയെങ്കിലും ബൈക്ക് യാത്രികൻ വെട്ടിച്ച് രക്ഷപ്പെട്ടു. അപകടമുണ്ടാക്കി നിർത്താതെ പോയ വാഹനം ശ്രദ്ധയിൽപെട്ടതോടെ നാട്ടുകാർ പിന്തുടർന്നെത്തുകയായിരുന്നു.
പൊലീസ് ജീപ്പ് വഴിയിൽ തടഞ്ഞ് എ.എസ്.ഐയോട് സംസാരിച്ചപ്പോഴാണ് ഇയാൾ മദ്യപിച്ചിട്ടുള്ളതായി നാട്ടുകാർക്ക് മനസ്സിലായത്. ഉടൻ പൊലീസിൽ വിവരമറിയിച്ചു. ജില്ല പൊലീസ് മേധാവിക്കും വിവരം നൽകി. തുടർന്ന് മങ്കട സി.ഐയുടെ നേതൃത്വത്തിൽ പൊലീസ് എത്തി എ.എസ്.ഐയെ കൊണ്ടുപോയി. ഇടിയേറ്റ കാറിന്‍റെ ഉടമയുടെ പരാതിപ്രകാരം ഇയാൾക്കെതിരെ കേസെടുത്തു.

മദ്യപിച്ച് പൊലീസ് ജീപ്പോടിച്ച് അപകടം വരുത്തി: നിർത്താതെ പോയ എ.എസ്.ഐയെ നാട്ടുകാർ തടഞ്ഞുവെച്ചു

തിരൂര്‍: ജില്ലാ ആശുപത്രിയിലെ നിര്‍മാണം നടക്കുന്ന ഓങ്കോളജി കെട്ടിടത്തില്‍നിന്ന് വീണ് ഗുരുതരമായി പരിക്കേറ്റ ഹെഡ് നഴ്‌സ് മരിച്ചു. തൃശ്ശൂര്‍ ചാലക്കുടി ചെട്ടിക്കുളം സ്വദേശി തറയില്‍ മിനി (48) യാണ് മരിച്ചത്. പരിക്കേറ്റ ഇവര്‍ കോട്ടക്കല്‍ മിംസ് ആശുപത്രിയില്‍ ചികിത്സയിലായിരുന്നു.
ചൊവ്വാഴ്ച ഉച്ചയ്ക്ക് 12-നാണ് സംഭവം. ഓങ്കോളജി കെട്ടിടത്തിനുള്ളിലെ സൗകര്യങ്ങള്‍ പരിശോധിക്കാന്‍ നഴ്‌സിങ് സൂപ്രണ്ട് ഷൈലജ, സ്റ്റാഫ് നഴ്‌സ് ബിനോയ് എന്നിവര്‍ക്കൊപ്പം മിനി ഓങ്കോളജി കെട്ടിടത്തിലെത്തി പരിശോധിക്കുന്നതിനിടയില്‍ ഗ്രൗണ്ട് ഫ്‌ലോറില്‍ നിന്ന് തറയിലെ അണ്ടര്‍ ഗ്രൗണ്ടിലേക്ക് യന്ത്രങ്ങളും മറ്റും മുകളിലേക്ക് കയറ്റാന്‍ നിര്‍മ്മിച്ചഭൂഗര്‍ഭ അറയിലേക്ക് കാല്‍ തെന്നി പത്തടി താഴ്ചയിലേക്ക് വീഴുകയായിരുന്നു.
ഉടനെ സഹപ്രവര്‍ത്തകര്‍ കോട്ടക്കല്‍ മിംസ് ആശുപത്രിയിലെത്തിച്ചു. ഇവിടെ വെന്റിലേറ്ററില്‍ പ്രവേശിപ്പിച്ചു. കുറുക്കോളി മൊയ്തീന്‍ എം.എല്‍.എ ഇന്നലെ കോട്ടക്കലില്‍ആശുപത്രിയിലെത്തി ബന്ധുക്കളെ ആശ്വസിപ്പിച്ചിരുന്നു.

ആശുപത്രിയിലെ അണ്ടര്‍ഗ്രൗണ്ട് ഫ്‌ളോറിലേക്ക് വീണ് ഹെഡ് നഴ്‌സ് മരിച്ചു

വളയം: വീട്ടിനകത്ത് കിടപ്പ് മുറിയിൽ സൂക്ഷിച്ച എംഡിഎംഎ യുമായി യുവാവ് അറസ്റ്റിൽ. വാണിമേൽ കോടിയൂറ സ്വദേശി കരുവാൻ കണ്ടിയിൽ ഫൈസൽ ( 36 ) നെയാണ് വളയം സബ് ഇൻസ്പെക്ടർ ആർ.സി.ബിജുവിൻ്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. 0.63 ഗ്രാം എം ഡി എം എ പ്രതിയിൽ നിന്ന് പിടികൂടി. കിടപ്പ് മുറിയിൽ തലയണക്കുള്ളിലാക്കി സൂക്ഷിച്ച നിലയിലായിരുന്നു.

കിടപ്പ് മുറിയിൽ സൂക്ഷിച്ച എം ഡി എം എയുമായി യുവാവ് വളയം പോലീസ് പിടിയിൽ

വടകര : കുട്ടോത്ത് മൂന്നുപേര്‍ക്ക് അയല്‍വാസിയുടെ കുത്തേറ്റു. മലച്ചാല്‍ പറമ്പത്ത് ശശി, സഹോദരന്‍ രമേശന്‍, അയല്‍വാസി ചന്ദ്രന്‍ എന്നിവര്‍ക്കാണ് കുത്തേറ്റത്. ഇവരുടെ അയല്‍വാസി മലച്ചാല്‍ പറമ്പത്ത് ഷനോജാണ് അക്രമം നടത്തിയത്.
പരിക്കേറ്റ മൂന്നുപേരെയും കോഴിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചു. ഇതില്‍ ശശിയുടെ പരിക്ക് ഗുരുതരമാണ്. പ്രതി ഷനോജിനെ വടകര പോലീസ് കസ്റ്റഡിയിലെടുത്തു.ശനിയാഴ്ച വൈകീട്ടാണ് സംഭവം. വടകര പൊലീസ് സംഭവത്തിൽ അന്വേഷണം തുടങ്ങി.

കുട്ടോത്ത് അയൽവാസിയുടെ കുത്തേറ്റ് മൂന്നുപേർക്ക് പരിക്ക്; ഒരാളുടെ നില ഗുരുതരം

നാദാപുരം: കഞ്ചാവുമായി ഒരാൾ അറസ്റ്റിൽ. കോടിയൂറ സ്വദേശി കുരുക്കമ്പത്ത് സൈനുദ്ദീൻ (51) നെയാണ് വളയം എസ് ഐ ആർ സി ബിജു അറസ്റ്റ് ചെയ്തത്. വ്യാഴം പകൽ ഒരു മണിയോടെ വെള്ളിയോട് പള്ളിക്ക് സമീപത്തെ ബസ് സ്റ്റോപ്പിൽ നിന്നാണ് സൈനുദ്ദീനെ 63 ഗ്രാം കഞ്ചാവുമായി അറസ്റ്റ് ചെയ്തത്.&nbsp;


&nbsp;

കഞ്ചാവുമായി ഒരാൾ വളയം പോലീസ് പിടിയിൽ

പയ്യന്നൂർ: വിവാഹദിനത്തിൽ നവവധു അണിഞ്ഞ 30 പവന്റെ ആഭരണങ്ങൾ മോഷണം പോയി. കരിവെള്ളൂർ പലിയേരിയിലെ എ.കെ. അർജുന്റെ ഭാര്യ കൊല്ലം സ്വദേശിനി ആർച്ച എസ്. സുധി(27)യുടെ ആഭരണങ്ങളാണ് മോഷണം പോയത്.
മേയ് ഒന്നിന് വിവാഹം കഴിഞ്ഞ ശേഷം ഭർതൃഗൃഹത്തിലെ മുകളിലത്തെ നിലയിലെ കിടപ്പുമുറിയിലെ അലമാരയിൽ സൂക്ഷിച്ച ആഭരണങ്ങളാണ് കാണാതായത്. ഒന്നാം തീയതി വൈകീട്ട് ആറിനും രണ്ടിന് രാത്രി ഒമ്പതിനും ഇടയിലുള്ള സമയത്താണ് മോഷണം പോയെന്ന് കാണിച്ച് യുവതി പയ്യന്നൂർ പൊലീസിൽ പരാതി നൽകി.21 ലക്ഷം രൂപ വിലവരുന്ന ആഭരണങ്ങൾ മോഷണം പോയെന്ന പരാതിയിൽ കേസെടുത്ത പയ്യന്നൂർ പൊലീസ് അന്വേഷണം തുടങ്ങി. ശനിയാഴ്ച ഉച്ചയോടെ കണ്ണൂരിൽ നിന്നും ഫോറൻസിക് വിഭാഗം വന്ന് തെളിവെടുത്തു.

വിവാഹദിവസം നവവധുവിന്റെ 30 പവൻ മോഷണം പോയി

പത്തനംതിട്ട: റാന്നിയിൽ 14കാരിയെ പീഡിപ്പിച്ച് ഗർഭിണിയാക്കിയ പിതാവിനെ അറസ്റ്റ് ചെയ്തു. കട്ടപ്പന സ്വദേശിയായ 43കാരനാണ് അറസ്റ്റിലായത്.
വയറുവേദനയെ തുടർന്ന് ആശുപത്രിയിൽ ചികിത്സ തേടിയപ്പോഴാണ് പെൺകുട്ടി ഗർഭിണിയാണെന്ന വിവരം അറിഞ്ഞത്. തുടർന്ന് ലാബ് അധികൃതർ പൊലീസിൽ വിവരം അറിയിക്കുകയായിരുന്നു. പിതാവിൽ നിന്നുള്ള ലൈംഗികപീഡനം പെൺകുട്ടി വെളിപ്പെടുത്തുകയായിരുന്നു. കുട്ടിക്ക് കൗൺസലിങ് നല്‍കുമെന്ന് പൊലീസ് അറിയിച്ചു.

14കാരിയെ പീഡിപ്പിച്ച് ഗർഭിണിയാക്കിയ പിതാവ് അറസ്റ്റിൽ

തിരുവനന്തപുരം: വാഹനം ഓടിച്ചുകൊണ്ടിരിക്കെ ഡ്രൈവറുടെ കഴുത്തിൽ പാമ്പ് പിടിമുറുക്കി. തിരുവനന്തപുരം മാറനല്ലൂരിലാണ് സംഭവം. ഓട്ടോറിക്ഷ ഡ്രൈവർ വിഷ്‌ണുവിന്റെ കഴുത്തിലാണ് പാമ്പ് ചുറ്റിയത്. ഹരിത കർമ്മസേന ശേഖരിച്ച മാലിന്യങ്ങളായിരുന്നു വാഹനത്തിൽ ഉണ്ടായിരുന്നത്. ഈ മാലിന്യത്തിൽ നിന്നാണ് പാമ്പ് വിഷ്‌ണുവിന്റെ കഴുത്തിൽ ചുറ്റിയതെന്നാണ് നിഗമനം.
കഴുത്തിൽ ചുറ്റിയ പാമ്പിനെ തട്ടി മാറ്റാനുള്ള ശ്രമത്തിനിടെ വാഹനം അപകടത്തിൽപ്പെടുകയും ചെയ്‌തു. ഇലക്ട്രിക് പോസ്റ്റിൽ ഇടിച്ചാണ് അപകടമുണ്ടായത്. അപകടത്തിൽ ഓട്ടോ ഡ്രൈവർക്ക് സാരമായി പരിക്കേറ്റു. ഇയാളെ ആശുപത്രിയിൽ പ്രവേശിപ്പിച്ചു.

ഓട്ടോ ഓടിച്ചുകൊണ്ടിരിക്കെ ഡ്രൈവറുടെ കഴുത്തിൽ പാമ്പ് പിടിമുറുക്കി;പിന്നാലെ അപകടവും

കോഴിക്കോട്: ട്യൂഷന്‍ കഴിഞ്ഞ് വീട്ടിലേക്ക് മടങ്ങുകയായിരുന്ന 15 വയസ്സുകാരിക്കെതിരെ അതിക്രമം നടത്തിയ രണ്ട് ഇതര സംസ്ഥാന തൊഴിലാളികളെ കസബ പോലീസും ടൗണ്‍ അസി. കമ്മിഷണര്‍ അഷ്‌റഫ് ടി.കെ.യുടെ നേതൃത്വത്തിലുള്ള സിറ്റി ക്രൈം സക്വാഡും ചേര്‍ന്ന് പിടികൂടി. ബിഹാര്‍ കിഷന്‍ഗഞ്ച് സ്വദേശികളായ ഫൈസാന്‍ അന്‍വര്‍ 36, ഹിമാന്‍ അലി 18 എന്നിവരെയാണ് അറസ്റ്റ് ചെയ്തത്.
ഈ മാസം 28-ാം തീയതിയാണ് സംഭവം. നഗരത്തില്‍നിന്ന് ട്യൂഷന്‍ കഴിഞ്ഞ് ബസ്സിറങ്ങി വീട്ടിലേക്ക് മടങ്ങുകയായിരുന്ന പതിനഞ്ചുവയസ്സുകാരിയെ പിന്തുടര്‍ന്ന് പ്രതികള്‍ അതിക്രമം നടത്തുകയായിരുന്നു. ചെറുത്തുനിന്ന പെണ്‍കുട്ടി നിലവിളിച്ച് ഓടിരക്ഷപ്പെടുകയായിരുന്നു. സംഭവത്തിനുശേഷം പ്രതികള്‍ രക്ഷപ്പെട്ടു.തുടര്‍ന്ന് കസബ പോലീസ് കേസെടുത്ത് അന്വേഷണം നടത്തി വരുകയായിരുന്നു.സംഭവ സ്ഥലത്തിനടുത്തുള്ള നിരവധി സിസിടിവി ദൃശ്യങ്ങളും ഇതര സംസ്ഥാന തൊഴിലാളികള്‍ പ്രദേശത്ത് കൂട്ടമായി താമസിച്ചുവരുന്ന സ്ഥലത്തും പരിശോധന നടത്തിയാണ് പോലീസ് പ്രതികളിലേക്കെത്തിയത്. സംഭവസ്ഥലത്തുനിന്ന് കിട്ടിയ സിമന്റ് പുരണ്ട ഒരു ചെരുപ്പാണ് കേസില്‍ വഴിത്തിരിവാകുന്നത്. കെട്ടിട നിര്‍മാണ തൊഴില്‍ ഏര്‍പ്പെട്ട ഇതരസംസ്ഥാന തൊഴിലാളികളാണ് പ്രതികളാണെന്ന് ഇതില്‍നിന്ന് പോലീസിന് മനസ്സിലായി. തുടര്‍ന്ന് ഇന്ന് ചാലപ്പുറം ഭജനകോവില്‍ റോഡിലെ ഇതരസംസ്ഥാന തൊഴിലാളികള്‍ കൂട്ടമായി താമസിക്കുന്ന സ്ഥലത്തുനിന്ന് പ്രതികളെ കണ്ടെത്തി അറസ്റ്റ് ചെയ്യുകയായിരുന്നു.

കോഴിക്കോട് ട്യൂഷന്‍ കഴിഞ്ഞ് മടങ്ങുകയായിരുന്ന 15 വയസ്സുകാരിക്കെതിരെ അതിക്രമം; പ്രതികള്‍ പിടിയില്‍

വടകര: ബൽഗാമിൽ എം.ബി.ബി.എസ് ഒന്നാം വർഷ വിദ്യാർത്ഥിയെ കാണാനില്ലെന്ന് പരാതി. വില്യാപ്പള്ളി കോച്ചിയാമ്പള്ളി വണ്ണത്താoകണ്ടി ശശിയുടെ മകൻ അലൻ കൃഷ്ണ (20) നെയാണ് കാണാതായത്. ബൽഗാം ബി.ഐ.എം. എസ് കോളേജിൽ നിന്ന് ഇക്കഴിഞ്ഞ 24 ന് രാവിലെ മുതലാണ് കാണാനില്ലെന്നാണ് പരാതി. ഹോസ്റ്റലിൽ എത്തിയതായി പറയുന്നു. പോലിസും ബന്ധുക്കളും സഹപാഠികളും അന്വേഷണം ആരംഭിച്ചു. ഫോൺ എടുക്കാത്തതിനാൽ ലൊക്കേഷൻ മനസിലാക്കാൻ കഴിയുന്നില്ല. സി.ടി.വി ദൃശ്യങ്ങൾ പോലിസ് പരിശോധിച്ചു വരുകയാണ്.

വില്യാപ്പള്ളി സ്വദേശിയായ എം.ബി.ബി എസ് വിദ്യാർത്ഥിയെ ബൽഗാമിൽ കാണാനില്ലെന്ന് പരാതി

നാദാപുരം: അതിര് വിട്ട വിവാഹ ആഘോഷങ്ങൾ നിയന്ത്രിക്കുമെന്ന പോലീസ് - തീരുമാനങ്ങൾക്ക് പുല്ല് വില. കല്ലാച്ചി - വളയം റോഡിൽ അതിര് വിട്ട വിവാഹ ആഘോഷം. നടു റോഡിൽ പടക്കം പൊട്ടിക്കൽ. വളയം റോഡിൽ കുരുന്നം കണ്ടി മുക്കിലാണ് അതിര് വിട്ട വിവാഹ ആഘോഷം നടത്തി അപകടകരമായി റോഡിൽ പടക്കങ്ങൾ പൊട്ടിച്ചത്. തിങ്കളാഴ്ച്ച വൈകുന്നേരം ആറ് മണിയോടെ ആണ് സംഭവം. നാദാപുരം പോലീസ് സ്റ്റേഷന് സമീപത്തെ വധു ഗൃഹത്തിൽ നിന്ന് കുരുന്നം കണ്ടി മുക്കിലെ വരൻ്റെ വീട്ടിൽ വിവാഹ സംഘം മടങ്ങി എത്തിയ ഉടൻ ആണ് റോഡിൽ വാഹനങ്ങൾ തടസ്സപ്പെടുത്തി അപകടകരമായ വിധത്തിൽ മാലപ്പടക്കം റോഡിൽ ഇട്ട് തീ കൊടുത്ത് പൊട്ടിച്ചത്.&nbsp;
പടക്കം പൊട്ടി തീരുന്നത് വരെ ഇരുവശത്തും വാഹനഗതാഗതം തടസ്സപ്പെട്ടു. രണ്ട് ദിവസം മുമ്പ് നാദാപുരം മേഖലയിലെ അതിര് കടന്ന വിവാഹ ആഘോഷങ്ങൾക്ക് എതിരെ ശക്തമായ നടപടി സ്വീകരിക്കുമെന്ന് നാദാപുരം പോലീസ് സ്റ്റേഷനിൽ വിളിച്ച് ചേർത്ത സമാധാന യോഗത്തിൽ തീരുമാനം എടുത്തിരുന്നു. ഇതിന് പിന്നാലെ ആണ് നിയമങ്ങൾ കാറ്റിൽ പറത്തി വീണ്ടും വാഹനങ്ങൾക്കും യാത്രക്കാർക്കും അപകടകരമായ രീതിയിൽ റോഡിൽ പടക്കങ്ങൾ പൊട്ടിച്ചത്. സംഭവം നാട്ടുകാർ ചിത്രങ്ങൾ സഹിതം പോലീസിൻ്റെ ശ്രദ്ധയിൽപെടുത്തി.

പോലീസ് തീരുമാനങ്ങൾക്ക് പുല്ല് വില; കല്ലാച്ചിയിൽ വീണ്ടും നടുറോഡിൽ പടക്കം പൊട്ടിച്ച് ആഘോഷം

Search Results for: p k sreemathi