കൊ​ച്ചി: ഓ​ണ​ക്കാ​ല​ത്ത് സം​സ്ഥാ​​ത്തെ സ​പ്ലൈ​കോ വി​ൽ​പ​ന​ശാ​ല​ക​ളി​ൽ 123.56 കോ​ടി രൂ​പ​യു​ടെ വി​റ്റു​വ​ര​വ്. ഇ​തി​ൽ 66.83 കോ​ടി സ​ബ്സി​ഡി ഇ​ന​ങ്ങ​ളു​ടെ​യും 56.73 കോ​ടി ഇ​ത​ര ഇ​ന​ങ്ങ​ളു​ടെ​യും വി​റ്റു​വ​ര​വാ​ണ്. സെ​പ്​​റ്റം​ബ​ർ ഒ​ന്നു​മു​ത​ൽ ഉ​ത്രാ​ട ദി​വ​സം (സെ​പ്​​റ്റം​ബ​ർ 14) വ​രെ​യു​ള്ള ക​ണ​ക്കാ​ണി​ത്. സ​പ്ലൈ​കോ പെ​ട്രോ​ൾ ബ​ങ്കു​ക​ളി​ലെ​യും എ​ൽ.​പി.​ജി ഔ​ട്ട്​​ല​റ്റു​ക​ളി​ലെ​യും വി​റ്റു​വ​ര​വ് ഇ​തി​ൽ ഉ​ൾ​പ്പെ​ടു​ത്തി​യി​ട്ടി​ല്ല.
സെ​പ്​​റ്റം​ബ​റി​ൽ 26.24 ല​ക്ഷം പേ​ർ അ​വ​ശ്യ​സാ​ധ​ന​ങ്ങ​ൾ വാ​ങ്ങാ​ൻ സ​പ്ലൈ​കോ വി​ൽ​പ​ന​ശാ​ല​ക​ളെ ആ​ശ്ര​യി​ച്ചു. ഇ​തി​ൽ 21.06 ല​ക്ഷം പേ​രാ​ണ് അ​ത്തം മു​ത​ൽ ഉ​ത്രാ​ടം വ​രെ വി​ൽ​പ​ന​ശാ​ല​ക​ളി​ൽ എ​ത്തി​യ​ത്. 14 ജി​ല്ല ഫെ​യ​റു​ക​ളി​ൽ മാ​ത്രം 4.03 കോ​ടി​യു​ടെ വി​റ്റു​വ​ര​വു​ണ്ടാ​യി. സ​ബ്സി​ഡി ഇ​ന​ത്തി​ൽ 2.36 കോ​ടി​യും ഇ​ത​ര ഇ​ന​ത്തി​ൽ 1.67 കോ​ടി​യു​മാ​ണ്​ ജി​ല്ല ഫെ​യ​റു​ക​ളി​ലെ വി​റ്റു​വ​ര​വ്. കൂ​ടു​ത​ൽ വി​ൽ​പ​ന തി​രു​വ​ന​ന്ത​പു​ര​ത്താ​ണ്: 68.01 ല​ക്ഷം. സ​ബ്സി​ഡി ഇ​ന​ത്തി​ൽ 39.12 ല​ക്ഷ​ത്തി​ന്‍റെ​യും ഇ​ത​ര ഇ​ന​ത്തി​ൽ 28.89 ല​ക്ഷ​ത്തി​ന്‍റെ​യും വി​റ്റു​വ​ര​വാ​ണ് തി​രു​വ​ന​ന്ത​പു​രം ജി​ല്ല ഫെ​യ​റി​ലു​ണ്ടാ​യ​ത്. തൃ​ശൂ​ർ (42.29 ല​ക്ഷം), കൊ​ല്ലം (40.95), ക​ണ്ണൂ​ർ (39.17) എ​ന്നി​വ​യാ​ണ് യ​ഥാ​ക്ര​മം ര​ണ്ടും മൂ​ന്നും നാ​ലും സ്ഥാ​ന​ങ്ങ​ളി​ല്‍. പാ​ല​ക്കാ​ട് 34.10 ല​ക്ഷ​ം, കോ​ഴി​ക്കോ​ട് 28.68 ല​ക്ഷം വി​റ്റു​വ​ര​വു​ണ്ടാ​യി.
ഓ​ണം മേ​ള​ക​ളി​ലും സൂ​പ്പ​ർ​മാ​ർ​ക്ക​റ്റു​ക​ളി​ലും സെ​പ്​​റ്റം​ബ​ർ ആ​റ്​ മു​ത​ൽ 14 വ​രെ, ദി​വ​സ​വും ര​ണ്ടു​മ​ണി​ക്കൂ​ർ വീ​തം ഒ​രു​ക്കി​യ ഡീ​പ് ഡി​സ്കൗ​ണ്ട് സെ​യി​ലി​ന് മി​ക​ച്ച പ്ര​തി​ക​ര​ണ​മാ​ണ് ല​ഭി​ച്ച​തെ​ന്നും ഈ ​സ​മ​യ​ത്ത് മാ​ത്രം 1.57 ല​ക്ഷം ഉ​പ​ഭോ​ക്താ​ക്ക​ൾ സാ​ധ​ന​ങ്ങ​ൾ വാ​ങ്ങി​യ​താ​യും സ​പ്ലൈ​കോ അ​ധി​കൃ​ത​ർ അ​റി​യി​ച്ചു.

ഓണക്കാലത്ത് സപ്ലൈകോക്ക്​ 123.56 കോടി വിറ്റുവരവ്

ദോഹ : മടപ്പള്ളി ആലുംനി ഫോറം -ഖത്തർ (മാഫ് ഖത്തർ ) ഓണാഘോഷം വിപുലമായരീതിയിൽ സംഘടിപ്പിച്ചു. വകറ ബർവ്വ വില്ലേജിലെ കാലിക്കറ്റ്‌ ടെയിസ്റ്റ് റെസ്റ്റോറന്റ് ഹാളിൽ വച്ച് നടന്ന ചടങ്ങിൽ മാഫ് ഖത്തർ അംഗങ്ങളും കുടുംബങ്ങങ്ങളും അതിഥികളും പങ്കെടുത്തു. ഓണാഘോഷ പരിപാടി ഖത്തർ ഇന്ത്യൻ എംബസി അപേക്സ് ബോഡിയായ ഇന്ത്യൻ കമ്മ്യുണിറ്റി ബെനാവാലന്റ ഫോറം (ഐ സി ബി എഫ് ) പ്രസിഡന്റ്‌ ‌സി.എ ഷാനവാസ്‌ ബാവ ഉദ്ഘാടനം ചെയ്തു. മാഫ് ഖത്തർ ജനറൽ സെക്രെട്ടറി യോജിഷ് കെ ടി സ്വാഗതം പറഞ്ഞു. മാഫ് ഖത്തർ പ്രസിഡന്റ്‌ ഷംസുദ്ധീൻ കൈനാട്ടി അധ്യക്ഷത വഹിച്ചു. ചടങ്ങിൽ മാഫ് ഖത്തർ അഡ്വൈസറി ബോർഡ് ചെയർമാൻ കെ കെ മുസ്തഫ ഹാജി മുഖ്യ പ്രഭാഷണം നടത്തി.&nbsp;
വൈസ് ചെയർമൻ പത്മരാജ് കൈനാട്ടി ,മാഫ് ഖത്തർ ഭാരവഹികൾളായ പ്രശാന്ത് ഒഞ്ചിയം , ഷമീർ മടപ്പള്ളി , ചന്ദ്രശേഖരൻ കൊളങ്ങട്ട്, റയീസ് മടപ്പള്ളി , ശിവൻ വള്ളിക്കാട് , മുനീർ ബേബിലാൻഡ് എന്നിവർ ആശംസകൾ നേർന്നു. മാഫ് ഖത്തർ ജോയിൻ സെക്രെട്ടറി അൽത്താഫ് വള്ളിക്കാടിന്റെ നേതൃത്വത്തിൽ സംഗീതമേളം അരങ്ങേറി. ഓണസദ്യയും കുട്ടികളുടെ കലാപരിപാടികളുമുണ്ടായി. ഗോപകുമാർ വള്ളിക്കാട് ,ശറഫുദ്ധീൻ വെള്ളികുളങ്ങര, മഹറൂഫ് ഏരോത്ത്, ജിതേഷ് രയരങ്ങോത്ത് ,നൗഷാദ് മടപ്പള്ളി , വിപിൻ മടപ്പള്ളി, നിസാർ ചാലിൽ, ബൈജു മായ, അൻസാരി വെള്ളികുളങ്ങര, പ്രതീഷ് ലാലു മണ്ടോടി, സഫ്‌വാൻ വെള്ളികുളങ്ങര എന്നിവർ നേതൃത്വo നൽകി. ട്രഷറർ മദനി വള്ളിക്കാട് നന്ദി പറഞ്ഞു.

മാഫ് ഖത്തർ ഓണാഘോഷം സംഘടിപ്പിച്ചു

Gulf

വടകര: വടകര കേന്ദ്രീകരിച്ച് പ്രവർത്തിക്കുന്ന സൗഹൃദ സന്നദ്ധ കൂട്ടായ്മയായ ഇൻവോൾവ് കൾച്ചറൽ &amp; ചാരിറ്റബിൾ സൊസൈറ്റിയുടെ നേതൃത്വത്തിൽ വാണിമേൽ ഗ്രാമപഞ്ചായത്തിലെ വിലങ്ങാട്, മലയങ്ങാട് ട്രൈബൽ കോളനി സന്ദർശിക്കുകയും പ്രദേശ വാസികൾക്ക് ഒാണസമ്മാനങ്ങൾ കൈമാറുകയും ചെയ്തു. മലയോര മേഖലയിൽ ഏറെ പിന്നോക്കാവസ്ഥയിൽ ജീവിതം നയിക്കുന്ന ഈ പ്രദേശത്ത് ഈയിടെയുണ്ടായ ഉരുൾപൊട്ടൽ ദുരന്തത്തിലും ഭാഗികമായി ദുരിതം വിതച്ച സാഹചര്യത്തിലാണ് ആശ്വാസ ഹസ്തങ്ങൾ ഒരുക്കി ഇൻവോൾവ് വടകര കൂടെ നിന്നത്.&nbsp;
മൂന്നാം ഓണനാളിൽ ഇൻവോൾവ് പ്രവർത്തകർ മലയങ്ങാട് കോളനിയിൽ എത്തിച്ചേരുകയും ഈ പ്രദേശത്തെ, 19 ഓളം കുടുംബങ്ങൾക്ക് പലവ്യഞ്ജന കിറ്റുകൾ, പുതപ്പുകൾ, വസ്ത്രങ്ങൾ തുടങ്ങിയവ കൈമാറുകയും ചെയ്തു. ട്രൈബൽ പ്രൊമോട്ടർ (പട്ടികവർഗ വികസന വകുപ്പ്) സജി പന്നിയേരി ഇൻവോൾവിന്റ സമ്മാനങ്ങൾ ഏറ്റുവാങ്ങുകയും തുടർന്ന് കോളനി നിവാസികൾക്ക് വിതരണം ചെയ്യുകയും ചെയ്തു. ഇൻവോൾവ് ജനറൽ സെക്രട്ടറി സ്വരൂപ് രയരോത്ത്, പ്രസിഡന്റ് ഡോ. സിഷ പാലേരി, ട്രഷറർ ദീപേഷ് ഡി ആർ, ജോ. സെക്രട്ടറി ഭവിൻ ബി എന്നിവർ നേതൃത്വം നൽകി. അംഗങ്ങളായ നിധിൻ ബാബു, മഹേഷ് എം ബി, ഷിനൂപ് പി കെ, സുഭലീന പി കെ, സനൂപ് എം കെ, ദിനൂപ് കെ എ, മിഥുൻ ഹരിദാസ്, ഷഫ്നാസ്, ജിതിൻ, പ്രേംജിത് ലാൽ പി വി കൂടാതെ സഹയാത്രികാരായ ധന്യ കെ പി, അനഘ, വൈഷ്‌ണ എം, ദൃശ്യ വി, റിജി കൃഷ്ണ എന്നിവർ പരിപാടിയിൽ ഭാഗമായി.

മലയങ്ങാട് പ്രദേശവാസികൾക്ക് ഓണസമ്മാനങ്ങളുമായി ഇൻവോൾവ് വടകര

Nadapuram

പയ്യോളി: അറുവയിൽ ഇരിങ്ങൽ കൈത്താങ്ങ് ചാരിറ്റബിൾ കൂട്ടായ്മ ഓണാഘോഷം സംഘടിപ്പിച്ചു. ഡോക്ടർ കെ പി ബാലകൃഷ്ണൻ ഉദ്ഘാടനം നിർവഹിച്ചു. ചെയർമാൻ കെ കെ അഭിലാഷ് അധ്യക്ഷത വഹിച്ചു. പടന്നയിൽ രത്നാകരൻ, സബീഷ് കുന്നങ്ങോത്ത് ,കെ.കെ.ലിബിൻ, എം .ടി സജീവൻ, കെ കെ ജഗന്നാഥൻ, സുഷമ.എം, ജ്യോതികൃഷ്ണ, ശ്രീജ പി.ടി എന്നിവർ സംസാരിച്ചു. ആഘോഷത്തോടനുബന്ധിച്ച് മുതിർന്നവരുടെയും കുട്ടികളുടെയും വിവിധ കലാപരിപാടികളും അരങ്ങേറി.

ഓണാഘോഷം സംഘടിപ്പിച്ചു

Koyilandy

വടകര: രയരോത്ത് പാലം സംഗമം കൂട്ടായ്മയുടെ മൂന്നാം വാർഷികാഘോഷവും ഓണാഘോഷവും മൂന്നാം ഓണ നാളിൽ രയരോത്ത് പാലത്തിന് സമീപം നടന്നു. ഓണോത്സവം 2k24 എന്ന പേരിൽ നടന്ന പരിപാടിയിൽ പ്രദേശവാസികൾ അണിനിരന്ന വിവിധ കലാപരിപാടികളും കമ്പവലി ഉൾപ്പെടെയുള്ള വിവിധ കായിക മത്സരങ്ങളും ഉണ്ടായി. ബ്ലോക്ക് പഞ്ചായത്ത് മെംബർ ഗിരിജ മോഹൻ ഉദ്ഘാടനം ചെയ്തു.&nbsp;
2023 ഡിസംബർ 19ന് മരണപ്പെട്ട ബബിലേഷിൻ്റെ മരണത്തിനിടയാക്കിയ വാഹനവും പ്രതിയെയും ശാസ്ത്രീയാന്വേഷണത്തിലൂടെ നിയമത്തിനു മുന്നിലെത്തിച്ച പോലീസ് ഉദ്യോഗസ്ഥൻ സബ് ഇൻസ്പെക്റ്റർ മഹേഷ് എടയത്ത്, ദുരന്തമേഖലകളിൽ സജീവ സാനിധ്യമായ കേരള ഫയർ &amp; റസ‌്ക്യൂ സിവിൽ ഡിഫൻസ് ടീം അംഗം വിജേഷ് എം ടി കെ എന്നിവരെ ആദരിച്ചു. തിരുവോണ നാളിൽ പ്രദേശത്തെ മുതിർന്ന പൗരൻമാർക്ക് വീടുകളിൽ എത്തി ഓണക്കോടിയും നൽകിയിരുന്നു. ഓണാഘോഷം രാത്രിയിൽ കരോകെ ഗാനമേളയോട് കൂടിയാണ് അവസാനിച്ചത്. സംഗമം കൂട്ടായ്മ ഭാരവാഹികളായ സന്ദീപ് കെ കെ അദ്ധ്യക്ഷത വഹിച്ച ചടങ്ങിൽ സജിത്ത് വി.പി സ്വാഗതവും ബിജു വി.പി നന്ദിയും പറഞ്ഞു. കൂട്ടായ്മയിലെ മുഴുവൻ മെമ്പർമാരും പങ്കെടുത്തു.

വിവിധ പരിപാടികളോടെ ഓണാഘോഷം നാടിൻറെ ഉത്സവമായി

Vadakara

മാഹി: പെരിങ്ങാടി വേലായുധൻ മൊട്ട തണ്ടിയന്റവിട ഓണാഘോഷ പരിപാടിയും കുടുംബ സംഗമവും നടത്തി. ഓണസദ്യയും വിവിധ കലാകായിക പരിപാടിയും നടത്തി. മുതിർന്ന അംഗം രാധ തണ്ടിയന്റവിടയെ പൊന്നാട അണിയിച്ച് ആദരിച്ചു. ജയപ്രകാശൻ , ജയപ്രഭ, ജയപ്രദീഷ്, ജയശ്രീ എന്നീ മുതിർന്ന അംഗങ്ങൾ നേതൃത്വം നൽകി. കുട്ടികൾക്ക് പ്രത്യേക സമ്മാനം നൽകി.

ഓണാഘോഷവും കുടുംബ സംഗമവും

Mahe

വടകര: സ്വരജതി മ്യൂസിക്കൽ അക്കാദമി പാലയാട് 'ഒന്നിച്ചോണം' ആഘോഷ പരിപാടി സംഘടിപ്പിച്ചു. കലാരംഗത്ത് പതിറ്റാണ്ടുകളുടെ സംഭാവനകൾ നൽികിയ ജനകീയ കലാകാരനും റിട്ടയേഡ് മണിയൂർ ഹൈസകൂൾ അദ്ധ്യാപകനായ കൃഷ്ണനെ (ബ്രോസ് പതിയാരക്കര) അക്കാദമി സെക്രട്ടറി സുനിൽ മുതുവന മൊമെന്റോ നൽകി ആദരിച്ചു. ആരിഫ് എം പി സ്വാഗതം പറഞ്ഞു. അജ്മൽ പി പി അധ്യക്ഷനായി. സ്വരജതി ചിത്രകലാധ്യാപകൻ രവീന്ദ്രനാഥൻ. പി.ടി ആശംസയും രാജേന്ദ്രൻ കെ പി നന്ദിയും പറഞ്ഞു.
ഓണസദ്യ, മണിയൂർ പഞ്ചായത്ത് തല ചിത്രരചന മത്സരം, കൈകൊട്ടിക്കളി , ഓണപ്പാട്ടുകൾ തുടങ്ങിയവാ അരങ്ങേറി. സ്വരജതി അക്കാദമിയും ഓ എൻ വി വായന ശാലയും ചേർന്നു അവതരിപ്പിച്ച ജനകീയ ഗാനമേളയിൽ 20 ഓളം പേർ ഗാനങ്ങൾ അവതരിപ്പിച്ചു. അനീഷ് കെ.പി , അനിൽ എം സി , അനൂപ് വി പി, നിതിൻ പി എം , സുമേഷ് കെ പി, ഇല്യാസ് ടി, രമ്യ അനിൽ ,വിജിന രാധാകൃഷ്ണൻ എന്നിവർ പരിപാടികൾക്ക് നേതൃത്വം നൽകി.

'ഒന്നിച്ചോണം' ആഘോഷമാക്കി

കണ്ണൂര്‍: വയനാട് ദുരന്തത്തെ പശ്ചാത്തലമാക്കി ഓണപ്പൂക്കളമൊരുക്കി കണ്ണൂര്‍ കളക്ട്രേറ്റ്. ചൂരല്‍മലയിലുണ്ടായ ഉരുള്‍പൊട്ടല്‍ ദുരന്തത്തെത്തുടര്‍ന്ന്, അട്ടമല വനത്തില്‍ ഒറ്റപ്പെട്ടുപോയ ഒരു ആദിവാസി കുടുംബത്തെ രക്ഷിച്ച നാല് വനംവകുപ്പ് ഉദ്യോഗസ്ഥരുടെ ചിത്രം വ്യാപകമായി പ്രചരിച്ചിരുന്നു. അതില്‍ കുട്ടിയെ ചേര്‍ത്ത് നിര്‍ത്തിയ ഒരു വനവകുപ്പ് ഉദ്യോഗസ്ഥന്റെ ചിത്രത്തിന് കൂടുതല്‍ ശ്രദ്ധ ലഭിച്ചിരുന്നു. ഈ ചിത്രമാണ് കണ്ണൂര്‍ കളക്ട്രേറ്റ് ഓണപ്പൂക്കളത്തില്‍ ഒരുക്കിയിരിക്കുന്നത്.
&nbsp;'ചൂരല്‍മലയിലുണ്ടായ ഉരുള്‍പൊട്ടല്‍ ദുരന്തത്തെത്തുടര്‍ന്ന്, അട്ടമല വനത്തില്‍ ഒറ്റപ്പെട്ടുപോയ ഒരു ആദിവാസി കുടുംബത്തെ രക്ഷിക്കാനുള്ള ധീരമായ ദൗത്യവുമായി നാല് വനംവകുപ്പ് ഉദ്യോഗസ്ഥരുടെ സംഘം മല കയറി. നാല് പിഞ്ചുകുട്ടികള്‍ ഉള്‍പ്പെടുന്ന കുടുംബം അപകടകരമായ ഒരു മലയിടുക്കിന് മുകളിലുള്ള ഒരു ഗുഹയില്‍ അഭയം പ്രാപിക്കുന്നതായി കണ്ടെത്തി. വനംവകുപ്പ് ഉദ്യോഗസ്ഥര്‍ തങ്ങളുടെ പക്കലുണ്ടായിരുന്ന ബെഡ് ഷീറ്റ് കീറി കുഞ്ഞുങ്ങളെ വനംവകുപ്പ് ഉദ്യോഗസ്ഥരുടെ ദേഹത്ത് ചേര്‍ത്ത് ഉറപ്പിച്ചു മല ഇറങ്ങി. ഹൃദയസ്പര്‍ശിയായ ആ ചിത്രമാണ് കണ്ണൂര്‍ കലക്ടറേറ്റില്‍ ഓണപ്പൂക്കളത്തിന് പ്രമേയമായി ഉപയോഗിച്ചത്. ഇത്തവണ വയനാട് ഉരുള്‍പൊട്ടലിനെ തുടര്‍ന്ന് കണ്ണൂര്‍ കളക്ടറേറ്റില്‍ വലിയ ആഘോഷങ്ങളൊന്നും ഉണ്ടായില്ല. വയനാട് ജില്ലയ്ക്ക് ഐക്യദാര്‍ഢ്യം പ്രകടിപ്പിച്ച് ഈ പൂക്കളം തയ്യാറാക്കി പ്രതീകാത്മകമായാണ് ഓണം ആഘോഷിച്ചത്,' കണ്ണൂര്‍ കലക്ട്രേറ്റ് അറിയിച്ചു.

'കുഞ്ഞിനെ ചേര്‍ത്തുപിടിച്ച വനപാലകന്റെ ചിത്രം'; ഹൃദയം തൊടും പൂക്കളമൊരുക്കി കണ്ണൂര്‍ കളക്ട്രേറ്റ്

Kerala

വില്യാപ്പള്ളി: വില്യാപ്പള്ളി യു പി സ്കൂളിൽ ഓണം വിപുലമായി ആഘോഷിച്ചു. ഓണം പൂക്കളവും സദ്യയും ഉണ്ടായിരുന്നു. കുട്ടികളുടെ വിവിധ പരിപാടികലും സംഘടിപിച്ചു. ഒന്നും രണ്ടും സ്ഥാനക്കാർക്ക് സമ്മാനങ്ങൾ വിതരണം ചെയ്തു. തിരുവള്ളൂർ പഞ്ചായത്ത് യുവകർഷക അവാർഡ് നേടിയ പി ടി എ എക്സിക്യൂട്ടീവ് അംഗം മഹേഷിനെ ആദരിച്ചു. പിടിഎ പ്രസിഡണ്ട് ശ്രീധരൻ ,പിടി വൈസ് പ്രസിഡന്റ് സുരേഷ് കടുക്കാങ്കി, ഹെഡ്മിസ്ട്രസ് ഷിനിത, സ്റ്റാഫ്‌ സെക്രട്ടറി ശരീഷ്, മദർ പി ടി എ പ്രസിഡന്റ്‌ സിൻസി കിഷോർ എന്നിവർ സന്നിഹിതരായി.

വിവിധ പരിപാടികളോടെ ഓണാഘോഷം

തിരുവനന്തപുരം: ബെവ്‌കോ ജീവനക്കാര്‍ക്ക് ഇത്തവണത്തെ ഓണം കളറാക്കാന്‍ റെക്കോഡ് ബോണസിന് ശുപാര്‍ശ. 95,000 രൂപ ജീവനക്കാര്‍ക്ക് ഇത്തവണ ബോണസായി നല്‍കാനാണ് തീരുമാനം. 29.5 ശതമാനം എക്‌സ് ഗ്രേഷ്യയാണ് ബോണസായി പ്രഖ്യാപിച്ചിട്ടുള്ളത്. കഴിഞ്ഞ വര്‍ഷം 90,000 രൂപ ജീവനക്കാര്‍ക്ക് ബോണസായി ലഭിച്ചിരുന്നു. മദ്യത്തിലൂടെയുള്ള വരുമാനം വര്‍ധിച്ചതാണ് ജീവനക്കാര്‍ക്ക് ഉയര്‍ന്ന ബോണസ് കിട്ടാനിടയാക്കിയത്.
ബെവ്‌കോയിലെ ലേബലിങ് തൊഴിലാളികള്‍ വരെയുള്ളവര്‍ക്ക് ബോണസ് ലഭിക്കും. സ്വീപ്പര്‍ തൊഴിലാളികള്‍ക്ക് 5000 രൂപയാണ് ബോണസ്.ഔട്ട്‌ലെറ്റുകളിലും ഓഫീസുകളിലുമായി 5000-ഓളം ജീവനക്കാരാണ് ബെവ്‌കോയിലുള്ളത്. എക്‌സൈസ് മന്ത്രിയുടെ ചേംബറില്‍ നടന്ന ചര്‍ച്ചയിലാണ് ബോണസ് തുക സംബന്ധിച്ച് അന്തിമ തീരുമാനമായത്

ബെവ്‌കോ ജീവനക്കാര്‍ക്ക് ഓണം കളറാക്കാം ;ബോണസായി ലഭിക്കുക റെക്കോഡ് തുക

കൊച്ചി: ഇന്ന് അത്തം. മാവേലിയെ വരവേൽക്കാൻ നാട് ഒരുങ്ങിക്കഴിഞ്ഞു. ഇനിയുള്ള ഓരോ ദിവസങ്ങളും ആഘോഷങ്ങളുടേതു കൂടിയാണ്. ജാതി മത ഭേദമന്യേ ലോകത്തുള്ള എല്ലാ മലയാളികളും ഓണം ആഘോഷിക്കാനൊരുങ്ങി കഴിഞ്ഞു. മലയാളികളുടെ മുറ്റത്ത് ഇന്ന് മുതൽ പൂക്കളങ്ങൾ വിരിഞ്ഞ് തുടങ്ങും.
വയനാട് ദുരന്തമേൽപിച്ച ആഘാതത്തിനിടയിലും മലയാളികൾ ഓണത്തെ വരവേൽക്കാനുള്ള തയ്യാറെടുപ്പുകൾ തുടങ്ങിക്കഴിഞ്ഞു. പൂക്കളങ്ങൾ, ഓണക്കോടി, ഓണക്കളികൾ, ഓണസദ്യ തുടങ്ങി എല്ലാത്തിനും നാടൊരുങ്ങി.&nbsp;
ഓണപരീക്ഷകൾ 12ന് അവസാനിച്ച് കുട്ടികൾ ഓണാവധിയിലേക്കു കടക്കും. പൂക്കളത്തിനായി ഓണവിപണിയിൽ പൂക്കൾ ഇന്നലെ മുതൽ എത്തിത്തുടങ്ങി. ഗ്രാമ നഗര വ്യത്യാസമില്ലാതെ തെരുവു കച്ചവടവും ഉഷാറാണ്.വസ്ത്രവ്യാപാര ശാലകളിലും നല്ല തിരക്കുണ്ട്. സർക്കാരിന്റേതുൾപ്പെടെ വിവിധ ഓണച്ചന്തകൾക്കും ഇന്നു തുടക്കമാകും.

പൊന്നോണത്തിന്റെ വരവറിയിച്ച് ഇന്ന് അത്തം

തിരുവനന്തപുരം: ഓണത്തോടനുബന്ധിച്ച്‌ സംസ്ഥാനത്തെ 62 ലക്ഷംപേർക്ക്‌ മൂന്നു മാസത്തെ ക്ഷേമപെൻഷൻ വിതരണം ചെയ്യും. ഈയാഴ്ച ഒരു മാസത്തെ പെൻഷനും അടുത്തമാസം രണ്ടു മാസത്തെ പെൻഷനും നൽകാനാണ്‌ ആലോചന. ഈ മാസത്തെ ക്ഷേമപെൻഷൻ അനുവദിച്ച്‌ ധനവകുപ്പ്‌ ഉത്തരവിറക്കി. ഈയാഴ്ചതന്നെ വിതരണം ആരംഭിക്കും. അടുത്ത മാസം രണ്ടു ഗഡു പെൻഷനായ 3200 രൂപയും നൽകാനാണ്‌ ആലോചന. ഇതോടെ ഓണത്തോടനുബന്ധിച്ച്‌ ഒരാൾക്ക്‌ 4800 രൂപവീതം ലഭിക്കും.
ഒരു മാസത്തെ പെൻഷനായി 900 കോടി രൂപയാണ്‌ സർക്കാർ ചെലവിടുന്നത്‌. മൂന്നു മാസത്തെ പെൻഷൻ നൽകാൻ 2700 കോടി രൂപ വേണ്ടിവരും. ബാങ്ക്‌ അക്കൗണ്ട്‌ നമ്പർ നൽകിയവർക്ക്‌ അക്കൗണ്ട്‌ വഴിയും മറ്റുള്ളവർക്ക്‌ സഹകരണ സംഘങ്ങൾവഴി നേരിട്ടും പെൻഷൻ എത്തിക്കും.

ഓണത്തിനുമുമ്പ്‌ 3 മാസത്തെ പെൻഷൻ നൽകും

തിരുവനന്തപുരം: പൊതുവിദ്യാലയങ്ങളിലെ 10–ാം ക്ലാസ് വരെയുള്ള ക്ലാസുകളിലെ ഓണപ്പരീക്ഷ സെപ്റ്റംബർ 3 മുതൽ 12 വരെ നടക്കും. ഹൈസ്കൂൾ വിഭാഗം പരീക്ഷ സെപ്റ്റംബർ 3നും യുപി വിഭാഗം പരീക്ഷകൾ 4നും എൽപി വിഭാഗം പരീക്ഷകൾ 6നും തുടങ്ങും. പരീക്ഷയുടെ ടൈംടേബിൾ പൊതുവിദ്യാഭ്യാസ വകുപ്പ് പ്രസിദ്ധീകരിച്ചു. പരീക്ഷാ ദിവസങ്ങളിൽ സർക്കാർ അവധി പ്രഖ്യാപിക്കുകയാണെങ്കിൽ അന്നത്തെ പരീക്ഷ 13ന് നടത്തും. ഓണാവധിക്കായി സ്കൂളുകൾ അടയ്ക്കുന്നതും 13നാണ്. അവധിക്കു ശേഷം 23ന് സ്കൂളുകൾ വീണ്ടും തുറക്കും.
&nbsp;

ഓണപ്പരീക്ഷ സെപ്റ്റംബർ 3 മുതൽ 12 വരെ

തിരുവനന്തപുരം: സംസ്ഥാന സിവിൽ സപ്ലൈസ്‌ കോർപറേഷന്‌ വിപണി ഇടപെടൽ പ്രവർത്തനങ്ങൾക്കായി 225 കോടി രൂപ അനുവദിച്ചതായി ധനമന്ത്രി കെ.എൻ ബാലഗോപാൽ. ഓണക്കാലത്ത്‌ അവശ്യ നിത്യോപയോഗ സാധനങ്ങളുടെ വിലക്കയറ്റം ഒഴിവാക്കാനുള്ള വിവിധ പ്രവർത്തനങ്ങൾക്കായാണ് തുക അനുവദിച്ചത്‌.
ബജറ്റ്‌ വിഹിതത്തിന്‌ പുറമെ 120 കോടി രൂപയാണ്‌ സപ്ലൈകോയ്‌ക്ക്‌ അധികമായി ലഭ്യമാക്കിയത്‌. വിപണി ഇടപടലിന്‌ ഈ സാമ്പത്തിക വർഷത്തെ ബജറ്റ്‌ വകയിരുത്തൽ 205 കോടി രൂപയാണ്‌. കഴിഞ്ഞ മാസം 100 കോടി രൂപ അനുവദിച്ചിരുന്നു. ബാക്കി 105 കോടി രൂപയാണ്‌ ബജറ്റ്‌ വകയിരുത്തൽ ഉണ്ടായിരുന്നത്‌. എന്നാൽ, 120 കോടി രൂപ അധികമായി നൽകാൻ ധനവകുപ്പ്‌ തീരുമാനിക്കുകയായിരുന്നു.

സപ്ലൈകോയ്‌ക്ക്‌ 225 കോടി അനുവദിച്ചതായി ധനമന്ത്രി

വടകര: നഗരസഭയിൽ ഓണക്കാലത്തേക്ക് പൂക്കളം ഒരുക്കാനുള്ള പൂക്കൾ നഗരസഭയുടെ വിവിധ വാർഡുകളിലായി തയ്യാറാവും. നഗരസഭ കാർഷിക കർമ്മ സേനയുടെ നേതൃത്വത്തിൽ നടപ്പിലാക്കുന്ന പദ്ധതിയുടെ ഉദ്ഘാടനം വാർഡ് 20 പുതിയാപ്പിൽ ചെണ്ടുമല്ലി തൈ നട്ടു കൊണ്ട് നഗരസഭാ ചെയർപേഴ്സൺ കെ പി ബിന്ദു നിർവഹിച്ചു. നഗരസഭാ വൈസ് ചെയർമാൻ പി കെ സതീശൻ അധ്യക്ഷനായി. സ്റ്റാൻഡിംഗ് കമ്മറ്റി ചെയർമാൻമാരായ പി.സജീവ് കുമാർ, എ.പി.പ്രജിത, സിന്ധു പ്രേമൻ, എ.ഫ്.ഒ.അബ്ദു റഹ്മാൻ എന്നിവർ പ്രസംഗിച്ചു. കൃഷി അസിസ്റ്റൻഡ് സജീഷ് കുമാർ പദ്ധതി വിശദീകരണം നടത്തി. കൗൺസിലർമാർ, കൃഷിവകുപ്പ് ഉദ്യോഗസ്ഥർ, പ്രദേശവാസികൾ തുടങ്ങിയവർ പരിപാടിയിൽ പങ്കെടുത്തു. നെറ്റ് സീറോ കാർബൺ കേരളം ക്യാമ്പയിൻ പ്രവർത്തനങ്ങൾ ഏറ്റെടുത്ത നഗരസഭയിൽ പദ്ധതിയുടെ ഭാഗമായി ഈ വർഷം ആരംഭിക്കുന്ന കാർഷിക മേഖലയിലെ ക്യാമ്പയിനുകളുടെ തുടക്കമാണ് ചെണ്ടുമല്ലി കൃഷി വ്യാപനത്തിലൂടെ ഉദ്ദേശിക്കുന്നത്.&nbsp;
കൃഷിഭവനാണ് ഇതിനുവേണ്ട പിന്തുണ സഹായം നൽകുന്നത്. പുതിയാപ്പിലെ 80 സെന്റോളം ഭൂമിയിലാണ് കൃഷി ആരംഭിക്കുന്നത്. നഗരസഭയിലെ മുഴുവൻ വാർഡുകളിലെയും സാധ്യമായ സ്ഥലങ്ങളിൽ ചെണ്ടുമല്ലി കൃഷി വ്യാപകമാക്കാനാണ് ഉദ്ദേശിക്കുന്നതെന്ന് ചെയർപേഴ്സൺ പറഞ്ഞു. തരിശായി കിടക്കുന്ന എല്ലാ ഭൂമിയിലും കാർഷിക പ്രവർത്തനം നടത്തിക്കൊണ്ട് പ്രാദേശിക കാർഷിക മേഖലയെ ശക്തിപ്പെടുത്തുക, കാർഷിക രംഗത്തെ സ്വയം പര്യാപ്തത നിലനിർത്തുക, തരിശുഭൂമിയിലെ കാർബൺ ഉദയം ഉദ്വമനം കുറയ്ക്കുക ഇത്തരം പദ്ധതികൾ കൊണ്ട് ലക്ഷ്യമിടുന്നത്. വികസന സ്റ്റാൻഡിംഗ് കമ്മറ്റി ചെയർമാൻ രാജിത പതേരി സ്വാഗതവും കാർഷിക കർമ്മ സേന സെക്രട്ടറി ബാലകൃഷ്ണൻ .പി .പി നന്ദിയും പറഞ്ഞു.

ഓണത്തിന് പൂക്കളമൊരുക്കാൻ ചെണ്ടുമല്ലി കൃഷിയുമായി വടകര നഗരസഭ

തിരുവനന്തപുരം: കൗമാരകലയുടെ കനകകിരീടം തൃശൂരിലേയ്ക്ക്. അവസാന മത്സരം വരെ നീണ്ട പേരാട്ടത്തില്‍ ഫോട്ടോഫിനിഷിലാണ് കിരീടനേട്ടം. ഒരൊറ്റ പോയന്റ് വ്യത്യാസത്തിലാണ് തൃശൂര്‍ പാലക്കാടിനെ മറികടന്നത്. തൃശൂരിന് 1008 പോയന്റും പാലക്കാടിന് 1007 പോയന്റും.
കാല്‍നൂറ്റാണ്ടിനുശേഷമാണ്, കേരളത്തിന്റെ സാംസ്‌കാരിക തലസ്ഥാനമെന്ന വിശേഷണം പേറുന്ന തൃശൂര്‍ സംസ്ഥാന സ്‌കൂള്‍ യുവജനോത്സവത്തില്‍ സ്വര്‍ണക്കപ്പ് സ്വന്തമാക്കുന്നത്. 1999ല്‍ നടന്ന കൊല്ലം കലോത്സവത്തിലാണ് തൃശൂര്‍ ഇതിന് മുന്‍പ് ജേതാക്കളായത്. കഴിഞ്ഞ വര്‍ഷത്തെ ജേതാക്കളായ കണ്ണൂരിന് 1003 പോയന്റുമായി മൂന്നാം സ്ഥാനം കൊണ്ട് തൃപ്തിപ്പെടേണ്ടിവന്നു. 21 വര്‍ഷം കിരീടം സ്വന്തമാക്കി റെക്കോഡിട്ട കോഴിക്കോടിന് നാലാം സ്ഥാനമേ ഉള്ളൂ.
സ്‌കൂളുകളുടെ വിഭാഗത്തില്‍ പാലക്കാട് ആലത്തൂര്‍ ബി.എസ്. ജി.ഗുരുകുലം ഹയര്‍ സെക്കന്‍ഡറി സ്‌കൂളാണ് ഒന്നാമത്. 171 പോയിന്റോടെ ബഹുദൂരം മുന്നിലാണ് അവര്‍. തിരുവനന്തപുരം കാര്‍മല്‍ ഹയര്‍ സെക്കന്‍ഡറിയാണ് രണ്ടാമത്. ഇടുക്കി എം.കെ. എന്‍.എം.എച്ച്.എസ് സ്‌കൂളാണ് മൂന്നാമത്.

കപ്പടിച്ചു ഗഡിയേ... ; കലാകിരീടം തൃശൂരിന്

കണ്ണൂര്‍: പെരിയ ഇരട്ടക്കൊലക്കേസില്‍ ശിക്ഷയനുഭവിക്കുന്ന പ്രതികളെ ജയിലിലെത്തി സന്ദര്‍ശിച്ച് സി.പി.എം. നേതാക്കളായ പി.പി. ദിവ്യയും പി.കെ. ശ്രീമതിയും. ഉദുമ മുന്‍ എം.എല്‍.എ. കെ.വി. കുഞ്ഞിരാമന്‍ ഉള്‍പ്പെടെ നാല് പ്രതികളുടെ ശിക്ഷ ഹൈക്കോടതി സ്‌റ്റേ ചെയ്തതിന് പിന്നാലെയാണ് ഇരുവരും കണ്ണൂര്‍ സെന്‍ട്രല്‍ ജയിലിലെത്തി പ്രതികളെ സന്ദര്‍ശിച്ചത്. നാല് പ്രതികളും അല്‍പ്പസമയത്തിനകം ജയിലില്‍ നിന്ന് പുറത്തിറങ്ങും.
ശിക്ഷാവിധി ഹൈക്കോടതി മരവിപ്പിച്ചത് എല്ലാവരും പ്രതീക്ഷിച്ച കാര്യമാണ് എന്ന് പ്രതികളെ സന്ദര്‍ശിച്ചശേഷം പി.കെ. ശ്രീമതി മാധ്യമങ്ങളോട് പറഞ്ഞു. ഈ നാലുപേരുടെ കാര്യത്തില്‍ മേല്‍ക്കോടതിയില്‍ നിന്ന് നീതി കിട്ടുമെന്ന് എം.വി. ഗോവിന്ദന്‍ ഇന്നലെ തന്നെ പറഞ്ഞതാണ് എന്നും ശ്രീമതി പറഞ്ഞു. പ്രതികളെ കാണാനെത്തിയത് മനുഷ്യത്വപരമായ കാര്യമാണെന്നും ശ്രീമതി കൂട്ടിച്ചേര്‍ത്തു.

പെരിയ കേസിലെ പ്രതികളെ ജയിലില്‍ സന്ദര്‍ശിച്ച്  പി.പി.ദിവ്യയും പി.കെ. ശ്രീമതിയും

കോഴിക്കോട്: ബോബി ചെമ്മണ്ണൂരിനെ കസ്റ്റഡിയിലെടുത്ത പോലീസ് നടപടിയില്‍ പ്രതികരണവുമായി പരാതിക്കാരിയായ ഹണി റോസ്. വലിയ ആശ്വാസമാണ് ഇപ്പോള്‍ തോന്നുന്നതെന്ന് ഹണി റോസ് പറഞ്ഞു.
'എന്നെ സംബന്ധിച്ചിടത്തോളം വലിയ ആശ്വാസമാണ് തോന്നുന്നത്. എനിക്ക് സംരക്ഷണം നല്‍കുന്ന സര്‍ക്കാരും പോലീസ് ഡിപ്പാര്‍ട്ടുമെന്റുമുള്ള സംസ്ഥാനത്താണ് ജീവിക്കുന്നതെന്ന ഉറച്ച ബോധ്യം എനിക്കുണ്ട്. അതുകൊണ്ടുതന്നെയാണ് ഈ പോരാട്ടത്തിന് ഇറങ്ങിത്തിരിച്ചത്. ഞാന്‍ അനുഭവിച്ച സൈബര്‍ ബുള്ളിയിങ് അത്ര വലുതാണ്. ആവര്‍ത്തിക്കരുതെന്ന് പലതവണ പറഞ്ഞിട്ടും തുടര്‍ന്നു. അത് പണത്തിന്റെ ഹുങ്കായും വെല്ലുവിളിയായും മാത്രമേ എനിക്ക് കാണാന്‍ കഴിയൂ. എല്ലാത്തിനും ഒരു അവസാനം വേണം. അതുകൊണ്ടാണ് പോരാട്ടത്തിന് ഇറങ്ങാമെന്ന് തീരുമാനിച്ചത്.' -ഹണി പറഞ്ഞു.
'ഭയങ്കരമായ സന്തോഷമുണ്ട്. സന്തോഷത്തിനപ്പുറം എന്റെ തലയില്‍ നിന്ന് വലിയ ഭാരം ഒഴിഞ്ഞതുപോലെയാണ് തോന്നുന്നത്. പരാതി നല്‍കിയത് മുതല്‍ മുഖ്യമന്ത്രിയോട് സംസാരിക്കണമെന്ന ആഗ്രഹം പ്രകടിപ്പിച്ചിരുന്നു. അതിന് അവസരം കിട്ടി. അപ്പോള്‍ ഞാന്‍ എനിക്കും കുടുംബത്തിനുമുണ്ടായ വിഷമങ്ങള്‍ പറഞ്ഞു. നടപടി സ്വീകരിക്കാമെന്ന് അദ്ദേഹം പറഞ്ഞിരുന്നു. കൂടാതെ ഡി.ജി.പി. ഉള്‍പ്പെടെയുള്ള പോലീസ് ഉദ്യോഗസ്ഥരോടും സംസാരിച്ചിരുന്നു. വേണ്ട രീതിയില്‍ കൈകാര്യം ചെയ്യാമെന്ന ഉറപ്പ് അവരെല്ലാം തന്നിരുന്നു. ഇത്രവേഗം നടപടിയെടുത്തത് കാര്യക്ഷമമായ സംവിധാനം ഇവിടെയുള്ളതുകൊണ്ടാണ്.ഇപ്പോള്‍ സാമൂഹിക മാധ്യമങ്ങളിലെ കമന്റ് സെക്ഷനില്‍ വലിയ മാറ്റമാണ് ഉണ്ടായത്. ഇത് ഇങ്ങനെ തന്നെ മുന്നോട്ടും ഉണ്ടാകണം. അങ്ങനെയാകുമോ എന്ന് അറിയില്ല. പക്ഷേ അതിനുള്ള പോരാട്ടത്തിനാണ് ഇറങ്ങിയിരിക്കുന്നത്.' -ഹണി റോസ് കൂട്ടിച്ചേര്‍ത്തു.

വലിയ ആശ്വാസമാണ് ഇപ്പോള്‍ തോന്നുന്നത് ;ബോബി ചെമ്മണ്ണൂരിനെ കസ്റ്റഡിയിലെടുത്ത നടപടിയില്‍ പ്രതികരിച്ച് ഹണി റോസ്

വയനാട്: നടിയുടെ പരാതിയിൽ ബോബി ചെമ്മണ്ണൂരിനെ കസ്റ്റഡിയിലെടുത്തു. വയനാടുനിന്നാണ് ഇദ്ദേഹത്തെ കസ്റ്റഡിയിലെടുത്തത്. എറണാകുളം സെൻട്രൽ പോലീസാണ് ബോബി ചെമ്മണ്ണൂരിനെതിരെ കേസ് രജിസ്റ്റർ ചെയ്തത്. സ്ത്രീകൾക്കുനേരേ അശ്ലീലപരാമർശം നടത്തുക, അത്തരം പരാമർശങ്ങൾ സാമൂഹികമാധ്യമങ്ങളിലൂടെ പ്രചരിപ്പിക്കൽ എന്നീ കുറ്റകൃത്യങ്ങളാണ് ചുമത്തിയിരിക്കുന്നത്.
ബോബി ചെമ്മണൂർ തുടർച്ചയായി അശ്ലീല അധിക്ഷേപങ്ങൾ നടത്തിയെന്നാരോപിച്ച് പരാതി നൽകിയശേഷം നടി തന്നെയാണ് ഇത് സാമൂഹികമാധ്യമത്തിലൂടെ വെളിപ്പെടുത്തിയത്.&nbsp;

ഹണിറോസിന്റെ പരാതി ;ബോബി ചെമ്മണ്ണൂർ കസ്റ്റഡിയിൽ

കൊച്ചി: പെരിയ ഇരട്ടക്കൊലക്കേസില്‍ നാലു പ്രതികളുടെ ശിക്ഷവിധി ഹൈക്കോടതി സ്‌റ്റേ ചെയ്തു. സി.പി.എം. നേതാവും മുന്‍ എം.എല്‍.എ.യുമായ കെ.വി. കുഞ്ഞിരാമന്‍ ഉള്‍പ്പെടെയുള്ള നാലുപ്രതികളുടെ ശിക്ഷയ്ക്കാണ് ഹൈക്കോടതി സ്‌റ്റേ നല്‍കിയിരിക്കുന്നത്. അഞ്ചുവര്‍ഷം തടവിനാണ് ഇവരെ സിബിഐ കോടതി ശിക്ഷിച്ചിരുന്നത്.
പോലീസ് കസ്റ്റഡിയില്‍നിന്നു പ്രതിയെ നിയമവിരുദ്ധമായി കടത്തിക്കൊണ്ടുപോയെന്ന കുറ്റമാണ് കെ.വി.കുഞ്ഞിരമാന്‍, കെ.മണികണ്ഠന്‍, വെളുത്തോളി രാഘവന്‍, കെ.വിഭാസ്‌കരന്‍ എന്നിവര്‍ക്കെതിരെ ചുമത്തിയിരുന്നത്.ഇവരുടെ അപ്പീല്‍ സ്വീകരിച്ചുകൊണ്ടാണ് ഹൈക്കോടതി ശിക്ഷ മരവിപ്പിച്ചിരിക്കുന്നത്. സിബിഐക്ക് കോടതി നോട്ടീസ് അയക്കുകയും ചെയ്തിട്ടുണ്ട്. ഇതിന് മറുപടി ലഭിച്ച ശേഷമായിരിക്കും ഹര്‍ജിയില്‍ തുടര്‍വാദം. ശിക്ഷാവിധി സ്‌റ്റേ ചെയ്തതോടെ കെ.വി.കുഞ്ഞിരാമന്‍ ഉള്‍പ്പടെയുള്ള നാല് സിപിഎം നേതാക്കള്‍ക്ക് ഇന്ന് തന്നെ ജയില്‍മോചിതരാകാം.

പെരിയ ഇരട്ടക്കൊലക്കേസ്: മുന്‍എംഎല്‍എ അടക്കമുള്ള നാലു പ്രതികളുടെ ശിക്ഷ സ്റ്റേ ചെയ്ത് ഹൈക്കോടതി

Search Results for: honey rose