തിരുവനന്തപുരം: പാലക്കാട് ലോറി പാഞ്ഞുകയറി നാലു കുഞ്ഞുങ്ങളുടെ ജീവന്‍ നഷ്ടപ്പെട്ട സംഭവം ഞെട്ടിക്കുന്നതും ദാരുണവുമാണെന്ന് മുഖ്യമന്ത്രി പിണറായി വിജയന്‍. അപകടം സംബന്ധിച്ച് വിശദമായി പരിശോധിച്ച് ആവശ്യമായ നടപടികള്‍ കൈക്കൊള്ളും. മരണപ്പെട്ട കുട്ടികളുടെ ബന്ധുമിത്രാദികളെ അനുശോചനം അറിയിക്കുന്നുവെന്നും മുഖ്യമന്ത്രി അറിയിച്ചു.
സിമന്റ് ലോറി മറിഞ്ഞ് കല്ലടിക്കോട് കരിമ്പ ഹയര്‍ സെക്കന്‍ഡറി സ്‌കൂളിലെ വിദ്യാര്‍ത്ഥിനികള്‍ മരിച്ച സംഭവത്തില്‍ അഗാധമായ ദുഃഖം രേഖപ്പെടുത്തുന്നുവെന്ന് പൊതുവിദ്യാഭ്യാസ മന്ത്രി വി.ശിവന്‍കുട്ടിയും അറിയിച്ചു.

ഞെട്ടിക്കുന്നതും ദാരുണവുമായ സംഭവം;പാലക്കാട് അപകടത്തില്‍ അനുശോചിച്ച് മുഖ്യമന്ത്രി

Kerala

പാലക്കാട്: കല്ലടിക്കോട് പനയമ്പാടത്ത് സിമന്റ് ലോറി ഇടിച്ചുകയറി മരിച്ച നാല് സ്‌കൂള്‍ വിദ്യാർഥിനികളുടെയും കബറടക്കം വെള്ളിയാഴ്ച നടക്കും. രാവിലെ ആറോടെ മൃതദേഹങ്ങൾ ആശുപത്രിയിൽനിന്ന് വീടുകളിൽ എത്തിക്കും. രണ്ടു മണിക്കൂർനേരം ഇവിടെ പൊതുദർശനം ഉണ്ടാകും.
തുടർന്ന് 8.30-ഓടെ തുപ്പനാട് കരിമ്പനയ്ക്കൽ ഹാളിലേക്ക് മൃതദേഹങ്ങൾ കൊണ്ടുവരും. 10 മണിവരെ ഇവിടെ പൊതുദർശനത്തിനുവെച്ചശേഷം കബറടക്കത്തിനായി തുപ്പനാട് ജുമാമസ്ജിദിലേക്ക് മൃതദേഹങ്ങൾ എത്തിക്കും. കുട്ടികൾ പഠിച്ചിരുന്ന കരിമ്പ ഹയര്‍സെക്കന്‍ഡറി സ്കൂളിൽ പൊതുദർശനം ഉണ്ടായിരിക്കില്ല.
വെള്ളിയാഴ്ച ആയതിനാലും നാല് മൃതദേഹങ്ങൾ മറവു ചെയ്യുന്നതിന് കൂടുതൽ സമയം വേണമെന്നതിനാലുമാണ് സ്കൂളിലെ പൊതുദർശനം വേണ്ടെന്നുവെച്ചത് എന്നാണ് കുട്ടികളുടെ ബന്ധുക്കൾ അറിയിക്കുന്നത്.അത്തിക്കല്‍ വീട്ടില്‍ ഷറഫുദ്ദീന്‍-സജ്‌ന ദമ്പതികളുടെ മകള്‍ അയിഷ, പിലാതൊടി വീട്ടില്‍ അബ്ദുള്‍ റഫീക്ക്,-സജീന ദമ്പതികളിടെ മകള്‍ റിദ ഫാത്തിമ, അബ്ദുള്‍ സലീം- നബീസ ദമ്പതികളിടെ മകള്‍ നിദ ഫാത്തിമ, അബ്ദുള്‍ സലാം- ഫരിസ ദമ്പതികളുടെ മകള്‍ ഇര്‍ഫാന ഷെറില്‍ എന്നിവരാണ് മരിച്ചത്.

കല്ലടിക്കോട് അപകടം;രാവിലെ മൃതദേഹങ്ങൾ വീടുകളിലെത്തിക്കും; നാലുപേരുടേയും ഖബറടക്കം ഒന്നിച്ച്

സിങ്കപ്പുര്‍: . ഇന്ത്യന്‍ ഗ്രാന്‍ഡ്മാസ്റ്റര്‍ ഗുകേഷ് ദൊമ്മരാജു ചതുരംഗക്കളത്തില്‍ പുതുചരിത്രമെഴുതി ലോക ചാമ്പ്യനായി. നിലവിലെ ലോക ചാമ്പ്യന്‍ ഡിങ് ലിറനെ അവസാന ഗെയിംസില്‍ അട്ടിമറിച്ചാണ് 18 വയസ്സ് മാത്രം പ്രായമുള്ള ഗുകേഷ് കിരീടം സ്വന്തമാക്കിയത്.

14 ഗെയിമുകളുടെ പോരാട്ടത്തില്‍ ആദ്യം പിന്നിലാകുകയും പിന്നെ ഒപ്പം പിടിക്കുകയും അതിന് ശേഷം ഒരിഞ്ചും വിടാതെ സമനിലകള്‍. പതിനൊന്നാം ഗെയിമില്‍ വിജയിച്ച് ലീഡെടുത്തു. എന്നാല്‍ തൊട്ടടുത്ത കളിയില്‍ തോല്‍വി നേരിട്ടതോടെ ആശങ്കയായി. 13 ാം ഗെയിമില്‍ സമനില. സസ്പെന്‍സിലേക്ക് നീണ്ട പതിനാലാം ഗെയിമില്‍ വെള്ളക്കരുക്കളുടെ ആനുകൂല്യം ലിറനുണ്ടായിരുന്നെങ്കിലും മനസ്സാന്നിധ്യം കൈവിടാതെ ഗുകേഷ് വിജയം പിടിച്ചെടുത്ത് ചരിത്രമെഴുതുകയായിരുന്നു. സമനിലയിലേക്ക് പോകുമെന്ന് കരുതിയ മത്സരത്തില്‍ ലിറന് സംഭവിച്ച പിഴവു മുതലെടുത്താണു ഗുകേഷിന്റെ വിജയം. നിര്‍ണായകമായ പതിനാലാം ഗെയിമില്‍ വിജയിച്ചതോടെ ചാമ്പ്യനാകാനുള്ള കൃത്യം 7.5 പോയന്റ് ഗുകേഷ് സ്വന്തമാക്കി. ലിറന് 6.5 പോയന്റ്

ഈ വിജയത്തോടെ ചെസ് ഇതിഹാസം ഗാരി കാസ്പറോവിന്റെ 22-ാം വയസ്സിലെ (1985) ലോകകിരീടനേട്ടത്തെയാണ് ഗുഗേഷ് മറികടന്ന് ഏറ്റവും പ്രായം കുറഞ്ഞ ചാമ്പ്യനായത്.&nbsp;

ചെസ്സിൽ പുതുചരിത്രം കുറിച്ച്  ഗുകേഷ് ;18ാം വയസ്സില്‍ ലോകചാമ്പ്യന്‍

പാലക്കാട്: കല്ലടിക്കോട് സ്‌കൂള്‍ വിദ്യാര്‍ഥികളുടെ മുകളിലേക്ക് സിമന്റ് ലോറി മറിഞ്ഞ് നാല് കുട്ടികള്‍ക്ക് ദാരുണാന്ത്യം. കോഴിക്കോട്-പാലക്കാട് ദേശീയ പാതയില്‍ കല്ലടിക്കോട് പനയമ്പാടത്താണ് സംഭവം. മണ്ണാര്‍കാട് ഭാഗത്തേക്ക് സിമന്റുമായി പോയ ലോറിയാണ് മറിഞ്ഞത്. കരിമ്പ ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥികളായ നാല് പെണ്‍ കുട്ടികളാണ് മരിച്ചത്. ഇര്‍ഫാന, മിത, റിദ, ആയിഷ എന്നിവരാണ് മരിച്ചത്.
വൈകുന്നേരം നാലുമണിയോടെ പരീക്ഷ കഴിഞ്ഞിറങ്ങിയ എട്ടാം ക്ലാസ് വിദ്യാര്‍ഥിനികള്‍ വീട്ടിലേക്കു മടങ്ങാന്‍ ബസ് സ്റ്റോപ്പില്‍ നില്‍ക്കുമ്പോഴായിരുന്നു അപകടം. നിയന്ത്രണം വിട്ട ലോറി പാഞ്ഞുവരുന്നതു കണ്ട് ഒരു വിദ്യാര്‍ഥിനി ചാടിമാറി. മറ്റു കുട്ടികളുടെ മുകളിലേക്കു ലോറി മറിയുകയായിരുന്നു. മൂന്ന് കുട്ടികള്‍ സംഭവ സ്ഥലത്ത് വെച്ചും ഗുരുതരമായി പരിക്കേറ്റ ഒരുകുട്ടി ആശുപത്രിയില്‍ ചികിത്സയിലിരിക്കെയുമാണ് മരിച്ചത്.
മഴയത്ത് നിയന്ത്രണം തെറ്റിയാകാം ലോറി മറിഞ്ഞതെന്നാണ് പ്രാഥമിക നിഗമനം. എന്നാല്‍ അമിതവേഗത്തിലെത്തിയ ലോറി മറ്റൊരു വാഹനവുമായി കൂട്ടിയിടിച്ചാണ് അപകടമെന്നും റിപ്പോര്‍ട്ടുകളുണ്ട്. ഇതോടെ ലോറി നിയന്ത്രണം വിട്ട് വീടിനോട് ചേര്‍ന്നുള്ള മരത്തില്‍ ഇടിച്ച് മറിയുകയായിരുന്നുവെന്നാണ് നാട്ടുകാര്‍ പറയുന്നത്.&nbsp;

പാലക്കാട് സ്‌കൂള്‍ വിദ്യാര്‍ഥികളുടെ മുകളിലേക്ക് സിമന്റ് ലോറി മറിഞ്ഞു;4  കുട്ടികള്‍ക്ക് ദാരുണാന്ത്യം

പാലക്കാട് സ്‌കൂള്‍ വിദ്യാര്‍ഥികളുടെ മുകളിലേക്ക് ലോറി മറിഞ്ഞു;4  കുട്ടികള്‍ക്ക് ദാരുണാന്ത്യം

ചെന്നൈ: വ്യാഴാഴ്ച പുലര്‍ച്ചെ തമിഴ്നാടിന്റെ വിവിധ ഭാഗങ്ങളില്‍ കനത്ത മഴയെ തുടര്‍ന്ന് തമിഴ്‌നാട്ടിലെ 11 ജില്ലകളിലെ സ്‌കൂളുകള്‍ക്ക് അവധി പ്രഖ്യാപിച്ചു.ചെന്നൈയിലും സമീപജില്ലകളായ വില്ലുപുരം, തഞ്ചാവൂര്‍, മയിലാടുതുറൈ, പുതുക്കോട്ടൈ, കടലൂര്‍, ഡിണ്ടിഗല്‍, രാമനാഥപുരം, തിരുവാരൂര്‍, റാണിപ്പേട്ട്, തിരുവള്ളൂര്‍ ജില്ലകളിലെ സ്‌കൂളുകള്‍ക്കാണ് അവധി.&nbsp;
ബംഗാള്‍ ഉള്‍ക്കടലില്‍ രൂപപ്പെട്ട ന്യൂനമര്‍ദമാണ് മഴ കനക്കാനുള്ള കാരണം. ശക്തമായ മഴ കണക്കിലെടുത്ത് വിവിധ ജില്ലകളില്‍ കാലാവസ്ഥ വകുപ്പ് ഓറഞ്ച്, യെല്ലോ അലര്‍ട്ടുകള്‍ പ്രഖ്യാപിച്ചു. ചെന്നൈ, തിരുവള്ളൂര്‍, ചെങ്കല്‍പേട്ട്, കാഞ്ചീപുരം, വില്ലുപുരം, കള്ളികുറിച്ചി, തിരുവാരൂര്‍, തഞ്ചാവൂര്‍ ജില്ലകളിലാണ് ശക്തമായ മഴക്ക് സാധ്യതയെന്ന് മുന്നറിയിപ്പില്‍ പറയുന്നു.

തമിഴ്‌നാട്ടില്‍ കനത്ത മഴ; 11 ജില്ലകളില്‍ സ്‌കൂളുകള്‍ക്ക് അവധി

National

റിയാദ്: സൗദി അറേബ്യയിലെ ജയിലില്‍ കഴിയുന്ന കോഴിക്കോട് സ്വദേശി അബ്ദുള്‍ റഹീമിന്റെ മോചനം ഇനിയും നീളും. സാങ്കേതിക കാരണങ്ങളാല്‍ റിയാദ് കോടതിയില്‍ നടക്കേണ്ടിയിരുന്ന എല്ലാ കേസുകളും മാറ്റിവെച്ചിട്ടുണ്ടെന്നും അടുത്ത ദിവസം റഹീമിന്റെ കേസ് പരിഗണിക്കുമെന്നുമാണ് അഭിഭാഷകര്‍ നല്‍കിയ വിവരമെന്ന് ബന്ധപ്പെട്ടവര്‍ അറിയിച്ചു.
അടുത്തതായി പരിഗണിക്കുന്ന തീയതി എത്രയും പെട്ടെന്ന് അറിയിക്കുമെന്നാണ് കരുതുന്നതെന്നും അറിയിച്ചു. പരിഗണിച്ചാല്‍ മോചനം സാധ്യമാകുമെന്നാണ് പ്രതീക്ഷയെന്നും വൈകാതെ തന്നെ ഒരു സന്തോഷവാര്‍ത്ത പങ്കുവെക്കാനാകുമെന്നും മാധ്യമങ്ങളെ അറിയിച്ചു.അനുകൂല തീരുമാനം ഉണ്ടായാല്‍ 18 വര്‍ഷത്തിന് ശേഷം റഹീം ജയില്‍മോചിതനാകും.&nbsp;

അബ്ദുള്‍ റഹീമിന്റെ മോചനം ഇനിയും നീളും ;കേസ് മാറ്റിവെച്ചു

Gulf

മലപ്പുറം: ജനൽ ദേഹത്തു വീണ് ഒന്നര വയസുകാരന് ദാരുണാന്ത്യം.കൊണ്ടോട്ടി കുഴിമണ്ണ കാരാട്ട് പറമ്പിലൽ പുളിയക്കോട് സ്വദേശി മുഹ്സിൻ്റെ മകൻ നൂർ അയ്മൻ ഒന്നര വയസുകാരനാണ് മരിച്ചത്.
പഠനത്തിനായ് ഉമ്മ ജുഹൈന തസ്നി കോളേജിലേക്ക് പോയപ്പോൾ വല്യപ്പയോടൊപ്പം ടെറസിൽ കളിച്ചു കൊണ്ടിരിക്കെ ചാരി വച്ച പഴയ ജനൽ കുട്ടിയുടെ ദേഹത്തേക്ക് മറിയുകയായിരുന്നു. പരിക്കേറ്റ കുട്ടിയെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

ജനൽ ദേഹത്തു വീണ് ഒന്നര വയസുകാരന് ദാരുണാന്ത്യം

വടകര: കോഴിക്കോട് ജില്ലാ സ്പോർട്സ് കൗൺസിൽ വോളിബോൾ ടെക്നിക്കൽ കമ്മിറ്റിയുടെ ആഭിമുഖ്യത്തിൽ ജില്ലാ വോളിബോൾ ചാമ്പ്യൻഷിപ്പ് വടകര ഐ പി എം അക്കാദമിയിൽ തുടങ്ങി. വടകര മുൻസിപ്പൽ വൈസ് ചെയർമാൻ പി കെ സതീശൻ ഉദ്ഘാടനം ചെയ്തു. മുൻ കേരള പോലീസ് സ്റ്റേറ്റ് താരം ടി. ടി സെയ്ദ് മുഖ്യാതിഥിയായിരുന്നു. ടെക്നിക്കൽ കമ്മിറ്റി ചെയർമാൻ വിദ്യാസാഗർ അധ്യക്ഷത വഹിച്ച ചടങ്ങിൽ വി കെ.പ്രേമൻ, പ്രദീപൻ വട്ടോളി, കാസിം ടി പി. കെ, കെ.ശ്രീധരൻ, കെ നസീർ, വി ഷൈജു തുടങ്ങിയവർ സംസാരിച്ചു.

ജില്ലാ സീനിയർ വോളിബോൾ ചാമ്പ്യൻഷിപ്പ് തുടങ്ങി

Vadakara

ആവശ്യമുള്ള സാധനങ്ങള്‍

മൈദ - രണ്ട് കപ്പ്
നെയ്യ് - ഒരു കപ്പ്
വെള്ളം - ഒരു കപ്പ്
തേങ്ങ ചിരകിയത് - ഒരു കപ്പ്
പഞ്ചസാര - നാല് ടീസ്പൂണ്‍
കണ്ടന്‍സ്ഡ് മില്‍ക്ക്- ഒരു ടിന്‍
ബേക്കിംഗ പൗഡര്‍ - രണ്ട് ടീസ്പൂണ്‍
ബേക്കിംഗ് സോഡ - ഒരു ടീസ്പൂണ്‍
നാരങ്ങാനീര് - കാല്‍ ടീസ്പൂണ്‍

തയാറാക്കുന്നവിധം

മൈദ, ബേക്കിംങ് പൗഡര്‍, ബേക്കിംഗ് സോഡ ഇവ ഒരുമിച്ച് മൂന്നുപ്രാവശ്യം അരിച്ചെടുക്കുക. കണ്ടന്‍സ്ഡ് മില്‍ക്ക്, നെയ്യ്, വെള്ളം, പഞ്ചസാര എന്നിവ ഒരുമിച്ച് അഞ്ചുമിനിറ്റ് അടിച്ച് യോജിപ്പിക്കുക. മൈദ അരിച്ചത് ഇതില്‍ ചേര്‍ത്ത് അടിച്ച് മിക്‌സ് ചെയ്‌തെടുക്കുക.

ഇതിലേക്ക് തേങ്ങയും നാരങ്ങാനീരും ചേര്‍ത്തിളക്കുക. കേക്ക് ഡിഷില്‍ നെയ്യ് പുരട്ടി മൈദ വിതറി കേക്ക് കൂട്ട് അതിലേക്ക് ഒഴിക്കുക. നേരത്തെ ചൂടാക്കിയ ഓവനില്‍ വെച്ച് മുക്കാല്‍ മണിക്കൂര്‍ ബേക്ക് ചെയ്യുക. തണുപ്പിച്ച് മുറിച്ച് വിളമ്പാം.

തേങ്ങ കൊണ്ടൊരു ക്രിസ്മസ് കേക്ക് ഉണ്ടാക്കിയാലോ

Health

കോയമ്പത്തൂർ: എൽ. ആൻഡ്. ടി ബൈപാസിൽ കാറിൽ ലോറി ഇടിച്ച് ഒരു കുടുംബത്തിലെ മൂന്ന് പേര്‍ മരണപെട്ടു . ചെങ്ങന്നൂർ സ്വദേശികളായ ജേക്കബ് , ഭാര്യാ ഷീബ ജേക്കബ് , മകളുടെ മകൻ ആരോൺ ( 2 മാസം പ്രായം )എന്നിവരാണ് മരിച്ചത്.
മകൾ അലീനയെ ഗുരുതര പരിക്കുകളോടെ ഹോസ്പിറ്റലിൽ പ്രവേശിപ്പിച്ചിട്ടുണ്ട്. വ്യാഴാഴ്ച രാവിലെയാണ് അപകടം. ഇവർ നാട്ടിൽ നിന്ന് ചെന്നൈയിലേക്ക് പോകുകയായിരുന്നു.

കോയമ്പത്തൂരിൽ കാറിൽ ലോറി ഇടിച്ച് അപകടം:രണ്ടുമാസം പ്രായമായ കുഞ്ഞുൾപ്പടെ മൂന്ന് മലയാളികൾ മരിച്ചു

പനാജി: നടി കീർത്തി സുരേഷ് വിവാഹിതയായി. ആന്റണി തട്ടിലാണ് വരൻ. ഗോവയിൽ വച്ച് നടന്ന വിവാഹച്ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. തന്റെ ഇൻസ്റ്റഗ്രാം പേജിലൂടെ കീർത്തി സുരേഷ് തന്നെയാണ് വിവാഹത്തിന്റെ ചിത്രങ്ങൾ പുറത്തുവിട്ടത്.പരമ്പരാഗത രീതിയിലാണ് കീർത്തി വിവാഹത്തിന് അണിഞ്ഞൊരുങ്ങിയിരിക്കുന്നത്. മഞ്ഞയിൽ പച്ച ബോർഡറുള്ള പട്ട് പുടവയാണ് കീർത്തി ധരിച്ചത്. ജിമിക്കി കമ്മലും ട്രെഡിഷണൽ ആഭരണങ്ങളും ധരിച്ച് തമിഴ് സ്റ്റൈൽ വധു ആയിരുന്നു പ്രമുഖ താരങ്ങൾ ചടങ്ങിൽ പങ്കെടുത്തുവെന്നാണ് വിവര
15 .-വർഷമായി കീർത്തിയും ആന്റണിയും പ്രണയത്തിലായിരുന്നു. എഞ്ചിനീയറായ ആന്റണി ഇപ്പോൾ ബിസിനസുകാരനാണ്. കൊച്ചി ആസ്ഥാനമായുള്ള ആസ്‌പെറോസ് വിൻഡോസ് സൊല്യൂഷൻസ് എന്ന സ്ഥാപനത്തിന്റെ ഉടമ കൂടിയാണ് ആന്റണി.

15 വർഷത്തെ പ്രണയം പൂവണിഞ്ഞു; കീർത്തി സുരേഷ് വിവാഹിതയായി

നാദാപുരം: പുളിയാവ് നാഷണൽ കോളേജ് ഓഫ് ആർട്സ് ആൻഡ്‌ സയൻസ് ബയോകെമിസ്ട്രി ഡിപ്പാർട്ട്മെൻ്റ് , വടകര ഇന്നേറ്റ് അനലിറ്റിക്സ് ജല പരിശോധന കേന്ദ്രവുമായി സഹകരിച്ച് സൗജന്യ ജലപരിശോധന ക്യാമ്പ് സംഘടിപ്പിച്ചു. ഇരു സ്ഥാപനങ്ങളും തമ്മിൽ വിദ്യാർത്ഥികൾക്ക് സാങ്കേതിക വിദ്യകളും ലബോറട്ടറി സംവിധാനങ്ങളും പങ്കിടുന്നതിനുള്ള ധാരണ പത്രം ഒപ്പിട്ടതിന്റെ അടിസ്ഥാനത്തിലാണ് ക്യാമ്പ് സംഘടിപ്പിച്ചത്. ചെക്യാട് പഞ്ചായത്തിൽ 10, 11 വാർഡുകളിലെ അൻപതിലേറെ പേർ ക്യാമ്പിൽ പങ്കെടുത്തു.&nbsp;
വിദ്യാർത്ഥികൾക്ക് ജല പരിശോധനയിൽ പരിശീലനവും നൽകി. ലാബ് ഡയറക്ടർ മാരായ അജീഷ് ബാലകൃഷ്ണൻ, അജേഷ് വി എം ,കോളേജ് പ്രിൻസിപ്പാൾ പ്രൊഫസർ എം പി യൂസഫ്, ഐ ക്യു എ സി കോർഡിനേറ്റർ ഡോക്ടർ മധുസൂധനൻ, ബയോകെമിസ്ട്രി ഡിപ്പാർട്മെന്റ് അംഗങ്ങൾ എന്നിവർ സംബന്ധിച്ചു.y

സൗജന്യ ജലപരിശോധന ക്യാമ്പ് സംഘടിപ്പിച്ചു

Nadapuram

ന്യൂഡല്‍ഹി: വടകര, തലശേരി റെയിൽവേ സ്റ്റേഷനുകളില്‍ കൂടുതല്‍ ട്രെയിനുകൾക്ക് സ്റ്റോപ്പ് ആവശ്യപ്പെട്ടും മലബാറില്‍ പുതിയ ട്രെയിനുകൾ ആവശ്യപ്പെട്ടും ഷാഫി പറമ്പില്‍ എംപി റെയിൽവേ മന്ത്രി അശ്വിനി വൈഷ്ണവിനെ കണ്ടു. മന്ത്രിയുടെ ഓഫിസില്‍ എത്തിയാണ് എംപി ഇതുസംബന്ധിച്ച നിവേദനം കൈമാറിയത്. തലശേരിയില്‍ കൊച്ചുവേളി-ശ്രീ ഗംഗാനഗര്‍ എക്‌സ്പ്രസ്, അന്ത്യോദയ എക്‌സ്പ്രസ്, തിരുനെല്‍വേലി-ജാംനഗര്‍ എക്‌സ്പ്രസ്, കൊച്ചുവേളി-ലോകമാന്യതിലക് എക്‌സ്പ്രസ് എന്നിവയ്ക്ക് സ്റ്റോപ്പ് അനുവദിക്കണമെന്ന് എംപി ആവശ്യപ്പെട്ടു. വടകരയില്‍ കൊച്ചുവേളി-ശ്രീ ഗംഗാനഗര്‍ എക്‌സ്പ്രസ്, അന്ത്യോദയ എക്‌സ്പ്രസ്, ട്രിവാന്‍ഡ്രം-ലോക് മാന്യതിലക് എക്‌സ്പ്രസ്, പുതുച്ചേരി എക്‌സ്പ്രസ് എന്നിവയ്ക്കും സ്‌റ്റോപ്പ് അനുവദിക്കണമെന്ന് എംപി ആവശ്യപ്പെട്ടു. യാത്രക്കാരുടെയും വരുമാനത്തിന്റെയും അടിസ്ഥാനത്തില്‍ പുതുതായി എന്‍എസ്ജി-3 കാറ്റഗറിയില്‍ എത്തിയ സ്‌റ്റേഷനുകളാണ് രണ്ടും.&nbsp;
വൈകിട്ട് 6.15ന് കണ്ണൂര്‍ എക്‌സ്പ്രസ് കോഴിക്കോട് വിട്ടുകഴിഞ്ഞാല്‍ പിന്നെ തലശേരി ഭാഗത്തേയ്ക്ക അടുത്ത ട്രെയ്ന്‍ ലഭിക്കാന്‍ മൂന്നു മണിക്കൂര്‍ കാത്തിരിക്കണം. അതിനാല്‍ ഈ സമയങ്ങളില്‍ പുതിയ പാസഞ്ചര്‍ ട്രെയ്‌നുകളോ മെമു സര്‍വിസോ ആരംഭിക്കണമെന്നും ഷാഫി പറമ്പില്‍ എംപി ആവശ്യപ്പെട്ടു.&nbsp;

വടകരയിലും തലശേരിയിലും സ്റ്റോപ്പുകള്‍ വേണം, മലബാറില്‍ പുതിയ ട്രെയിനുകൾ വേണം: ഷാഫി പറമ്പില്‍ എംപി റെയിൽവേ മന്ത്രിയെ കണ്ടു

കുറ്റ്യാടി : ആശയവിനിമയ ശേഷിയുടെ ഏറ്റവും നല്ല പ്രകടനമാണ് പ്രസംഗം എന്നും കുട്ടികൾക്ക് പ്രസംഗത്തിന്റെ ബാലപാഠങ്ങൾ പ്രൈമറി തലത്തിൽ നിന്നുതന്നെ നൽകണമെന്നും കേരള സാഹിത്യ അക്കാദമി അവാർഡ് ജേതാവ് ജയചന്ദ്രൻ മൊകേരി പറഞ്ഞു. മണ്ണൂർ ഗവ.എൽ പി സ്കൂളിൻ്റെ തനത് പ്രവർത്തനമായ കുട്ടീസ് ടോക്കിൻ്റെ ഉദ്ഘാടനം നിർവ്വഹിച്ച് സംസാരിക്കുകയായിരുന്നു അദ്ദേഹം. പ്രധാനാധ്യാപകൻ അബ്ദുല്ല കെ കെ അധ്യക്ഷത വഹിച്ചു. കുട്ടികൾക്ക് പ്രസംഗത്തിനുള്ള വിഷയങ്ങൾ മുൻകൂട്ടി നൽകി ആഴ്ചയിൽ ഒരു ദിവസം 10 കുട്ടികൾ വീതം പ്രസംഗം അവതരിപ്പിക്കുന്ന പദ്ധതിയാണ് കുട്ടീസ് ടോക്ക്. എഴുത്തുകാരനും പ്രഭാഷകനുമായ നവാസ് മൂന്നാംകൈ പ്രസംഗ കലയെക്കുറിച്ച് ക്ലാസെടുത്തു. അധ്യാപകരായ ഹസീന.പി, റസ്മിന പി.കെ, ഷിജിന കെ.പി, നജ്ല, പിടിഎ പ്രതിനിധികളായ മുബാറക് വി.കെ, ജസീല നിഷാദ്, നീതു കെ.കെ, ശരീഫ റഫീഖ് , റാഷിദ റിയാസ്, ജൗഹീന നൗഫൽ  എന്നിവർ പ്രസംഗിച്ചു.

മണ്ണൂർ ഗവ എൽ പി സ്കൂളിൽ കുട്ടീസ് ടോക്കിന് തുടക്കമായി

Kuttiadi

ഡൽഹി: പതിറ്റാണ്ടുകളായി പ്രവർത്തിച്ചുവരുന്ന കേരളത്തിലെ കായംകുളം, ചങ്ങനാശ്ശേരി, ആലുവ, ഇരിഞ്ഞാലക്കുട, ഷോർണൂർ, വടകര, തലശ്ശേരി എന്നീ റെയിൽവേ സ്റ്റേഷനുകളിലെ റെയിൽവേ മെയിൽ സർവീസുകൾ നിർത്തലാക്കുവാനുള്ള പോസ്റ്റൽ വകുപ്പിന്റെ തീരുമാനം റദ്ദാക്കണമെന്ന് ആവശ്യപ്പെട്ട് നിർത്തലാക്കുന്ന റെയിൽവേ മെയിൽ സർവീസ് കേന്ദ്രങ്ങൾ ഉൾപ്പെടുന്ന പാർലമെന്റ് മണ്ഡലങ്ങളെ പ്രതിനിധീകരിക്കുന്ന എംപിമാരായ കെ സി വേണുഗോപാൽ, ബെന്നി ബഹന്നാൻ, വി കെ ശ്രീകണ്ഠൻ, ഷാഫി പറമ്പിൽ എന്നിവർ ഒപ്പുവെച്ച നിവേദനം കേന്ദ്രമന്ത്രി ജ്യോതിരാദിത്യ സിന്ധ്യയ്ക്ക് പാർലമെന്റിൽ വച്ച് കൈമാറി.
ചങ്ങനാശ്ശേരി അടക്കമുള്ള റെയിൽവേ മെയിൽ സർവീസുകളെ ദോഷകരമായി ബാധിക്കുന്ന തീരുമാനത്തിൽ നിന്നും അടിയന്തരമായി പിന്മാറണമെന്നും നിലവിൽ നിർത്തലാക്കുമെന്ന് അറിയിച്ച റെയിൽവേ മെയിൽ സർവീസ് കേന്ദ്രങ്ങൾ പതിറ്റാണ്ടുകളായി പ്രവർത്തിച്ചു വരുന്നവയാണെന്നും പ്രാദേശികമായി അവയ്ക്കെല്ലാം വലിയ പ്രാധാന്യമുണ്ടെന്നുമുള്ള കാര്യം മന്ത്രിയോട് പറഞ്ഞു. എൻ കെ പ്രേമചന്ദ്രൻ എംപിയും ഒപ്പമുണ്ടായിരുന്നു.

റെയിൽവേ മെയിൽ സർവീസുകൾ നിർത്തലാക്കുവാനുള്ള തീരുമാനം റദ്ദാക്കണം; നിവേദനം സമർപ്പിച്ച് എം പിമാർ

വാണിമേൽ: കറന്റ് ചാർജ് വർധനയിൽ പ്രതിഷേധിച്ച് വാണിമേൽ മണ്ഡലം കോൺഗ്രസ്സ് കമ്മിറ്റി പരപ്പുപാറ കെ എസ് ഇ ബി ഓഫീസിന് മുന്നിൽ ധർണ സംഘടിപ്പിച്ചു. കാവിലുംപാറ ബ്ലോക്ക് കോൺഗ്രസ്സ് പ്രസിഡന്റ്‌ ജമാൽ കോരങ്കോട്ട് ഉദ്ഘാടനം ചെയ്തു. വർധിപ്പിച്ച ചാർജ് പിൻവലിക്കണമെന്ന് സമരക്കാർ സർക്കാരിനോട് ആവശ്യപ്പെട്ടു.&nbsp;
മണ്ഡലം കോൺഗ്രസ്സ് പ്രസിഡന്റ്‌ എൻ കെ മുത്തലിബ് അധ്യക്ഷത വഹിച്ചു. കെ പി കുഞ്ഞബ്ദുള്ള സ്വാഗതം പറഞ്ഞു. ഷെബി സെബാസ്റ്റ്യൻ, അനസ് നങ്ങാണ്ടി, ജയേഷ് യൂ പി, മൊയ്തുട്ടി ടി കെ, ബാലകൃഷ്ണൻ കെ, കല്ലിൽ കുഞ്ഞബ്ദുള്ള, ചള്ളയിൽ കുഞ്ഞാലി, നങ്ങാണ്ടി സുലൈമാൻ, ഡോൺ തോമസ്, രവീന്ദ്രൻ വയലിൽ, രാജൻ കമ്പ്ളിപ്പാറ, ശോഭ എം കെ, മാതു കുറ്റികടവത്ത്, പ്രസീത യൂ പി, ബിന്ദു പ്രകാശ് കേളോത്ത് എന്നിവർ സംസാരിച്ചു. അസ്‌ലം കല്ലിൽ, സമീർ കെ കെ, തോമസ് മാത്യുകുളത്തുങ്കൽ, ബോബി തോക്കനാട്, ശശി പി എസ് എന്നിവർ നേതൃത്വം നൽകി. ഷഹാനാജ് എൻ നന്ദി പറഞ്ഞു.

കെ എസ് ഇ ബി ഓഫീസിന് മുന്നിൽ കോൺഗ്രസ്സ് പ്രതിഷേധം

വടകര: പൊതു ശുചിമുറികൾ ഓഡിറ്റിങ്ങിന് വിധേയമാക്കുന്നതിന്റെ ഭാഗമായി എൻഎസ്എസ് ജില്ലാ ശുചിത്വ മിഷനും ചേർന്നു നടത്തുന്ന ടോയ്‌ലറ്റ് സ്പീക്സ് പദ്ധതിയുടെ ഭാഗമായി വടകര കോപ്പറേറ്റീവ് ആർട്സ് &amp; സയൻസ് കോളേജ് എൻഎസ്എസ് യൂണിറ്റ് നഗരസഭയിൽ ശുചിത്വ ഓഡിറ്റിങ് നടത്തി. നഗരസഭയിലെ സർക്കാർ സ്വകാര്യ സ്ഥാപനങ്ങൾ, ഹോട്ടലുകൾ, സ്കൂളുകൾ, പൊതു ശുചിമുറികൾ എന്നിവയാണ് ഓഡിറ്റിന് വിധേയമാക്കിയത്.&nbsp;
നഗരസഭ ആരോഗ്യ സ്റ്റാന്റിംഗ് കമ്മിറ്റി ചെയർപേഴ്സൺ പ്രജിത എ.പി പരിപാടി ഉദ്ഘാടനം ചെയ്തു. വടകര എജ്യുക്കേഷണൽ സഹകരണ സംഘം ഭരണ സമിതി അംഗം വി. കെ. പ്രേമൻ അധ്യക്ഷത വഹിച്ചു. ശുചിത്വ മിഷൻ വടകര മുനിസിപ്പാലിറ്റി ജൂനിയ പി. ജെ മുഖ്യ അതിഥിയായി. എഡ്യൂക്കേഷണൽ സഹകരണ സംഘം ഡയറക്ടർ ബിജുൽ ആയാടത്തിൽ, എൻ. എസ്സ് എസ്സ് പ്രോഗ്രാം ഓഫീസർ ഹരീഷ്, ആദിൽ, അമിത് രോഹൻ എന്നിവർ പ്രസംഗിച്ചു.

ടോയ്‌ലറ്റ് സ്പീക്സ് പദ്ധതി; നഗരസഭയിൽ ശുചിത്വ ഓഡിറ്റിങ് നടത്തി

തിരുവനന്തപുരം: അതിതീവ്ര മഴയ്ക്ക് സാധ്യതയുള്ളതിനാല്‍ സംസ്ഥാനത്തെ മൂന്ന് ജില്ലകളില്‍ കേന്ദ്ര കാലാവസ്ഥാ നിരീക്ഷണകേന്ദ്രം ഇന്ന് (12.12.2024) അലര്‍ട്ട് പ്രഖ്യാപിച്ചു. പത്തനംതിട്ട, ഇടുക്കി, എറണാകുളം ജില്ലകളിലാണ് റെഡ് അലര്‍ട്ട്. 24 മണിക്കൂറില്‍ 204.4 എം.എമ്മില്‍ കൂടുതല്‍ മഴപെയ്‌തേക്കുമെന്നാണ് കാലാവസ്ഥാ പ്രവചനം.
തിരുവനന്തപുരം, കൊല്ലം, ആലപ്പുഴ, കോട്ടയം, തൃശ്ശൂര്‍ ജില്ലകളില്‍ ഇന്ന് ഓറഞ്ച് അലേര്‍ട്ടും പാലക്കാട്, മലപ്പുറം, കോഴിക്കോട്, വയനാട് ജില്ലകളില്‍ ഇന്ന് മഞ്ഞ അലര്‍ട്ടു കേന്ദ്ര കാലാവസ്ഥാ നിരീക്ഷണകേന്ദ്രം പ്രഖ്യാപിച്ചിട്ടുണ്ട്. അതിശക്തമായ മഴയ്ക്കുള്ള സാധ്യതയാണ് പ്രവചിച്ചിട്ടുള്ളത്. 24 മണിക്കൂറില്‍ 115.6 മുതല്‍ 204.4 എം.എം വരെ മഴ ലഭിക്കുമെന്നാണ് പ്രവചനം.
വെള്ളിയാഴ്ച (13.12.2024) തിരുവനന്തപുരം, കൊല്ലം, പത്തനംതിട്ട ജില്ലകളില്‍ ഓറഞ്ച് അലര്‍ട്ടും ആലപ്പുഴ, കോട്ടയം, ഇടുക്കി ജില്ലകളില്‍ മഞ്ഞ അലര്‍്ടും പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഈ ജില്ലകളില്‍ പ്രവചിച്ചിരിക്കുന്നത്. 24 മണിക്കൂറില്‍ 64.5 മുതല്‍ 115.5 മില്ലീലിറ്റര്‍വരെ മഴ ലഭിക്കുമെന്നാണ് പ്രവചനം.
കുറഞ്ഞ സമയം കൊണ്ട് വലിയ മഴയുണ്ടാകുന്ന രീതിയാണ് പ്രതീക്ഷിക്കുന്നത്. അത് മലവെള്ളപ്പാച്ചിലും മിന്നല്‍ പ്രളയങ്ങളും സൃഷ്ടിച്ചേക്കാം. നഗരപ്രദേശങ്ങളിലും പൊതുവെ താഴ്ന്ന പ്രദേശങ്ങളിലും വെള്ളക്കെട്ട് രൂപപ്പെടാനും സാധ്യതയുണ്ട്. മഴ തുടരുന്ന സാഹചര്യം മണ്ണിടിച്ചിലും ഉരുള്‍പൊട്ടലും സൃഷ്ടിച്ചേക്കാം. പൊതുജനങ്ങളും സര്‍ക്കാര്‍ സംവിധാനങ്ങളും അതീവ ജാഗ്രത പാലിക്കണമെന്നും മുന്നറിയിപ്പില്‍ പറയുന്നു.
റെഡ് അലര്‍ട്ട്
വ്യാഴം (12.12.2024): പത്തനംതിട്ട, എറണാകുളം, ഇടുക്കി
ഓറഞ്ച് അലര്‍ട്ട്
വ്യാഴം (12.12.2024): തിരുവനന്തപുരം, കൊല്ലം, ആലപ്പുഴ, കോട്ടയം, തൃശൂര്‍
വെള്ളി (13.12.2024): തിരുവനന്തപുരം, കൊല്ലം, പത്തനംതിട്ട
യെല്ലോ അലര്‍ട്ട്
വ്യാഴം (12.12.2024): പാലക്കാട്, മലപ്പുറം, കോഴിക്കോട്, വയനാട്
വെള്ളി (13.12.2024): ആലപ്പുഴ, കോട്ടയം, ഇടുക്കി

അതിതീവ്ര മഴയ്ക്ക് സാധ്യത ;മൂന്ന് ജില്ലകളില്‍ ഇന്ന് റെഡ് അലര്‍ട്ട്

വില്യാപ്പള്ളി: വിലക്കയറ്റം കൊണ്ട് ജനം പൊറുതിമുട്ടുമ്പോൾ വൈദ്യുതി ചാർജ് വർധിപ്പിക്കുന്നത് പാവപ്പെട്ടവരെ ദുരിതക്കയത്തിലേക്ക് തള്ളിവിടാനുള്ളതാണെന്ന് ഡി സി സി ജനറൽ സെക്രട്ടറി ബാബു ഒഞ്ചിയം. പച്ചക്കറി സാധനങ്ങൾക്കും പലവ്യഞ്ജനങ്ങൾക്കും റോക്കറ്റ് പോലെ വിലക്കയറ്റമുണ്ടാകുമ്പോഴും പിടിച്ചുനിർത്താനുള്ള ഒരു നടപടിയും സർക്കാർ ചെയ്യുന്നില്ല. സിവിൽ സപ്ലൈസ്- മാവേലി സ്റ്റോറുകളിൽ കഴിഞ്ഞ രണ്ട് വർഷമായി സബ്സിഡി സാധനങ്ങൾ വിതരണം ചെയ്യുന്നില്ല. വിലക്കയറ്റം കൊണ്ട് പൊറുതിമുട്ടിയ ജനങ്ങളുടെ പ്രതിഷേധവും പ്രതികരണവുമാണ് പാലക്കാട്, ചേലക്കര, വയനാട് ഉപതെരഞ്ഞെടുപ്പുകളിലും പഞ്ചായത്ത് തെരഞ്ഞെടുപ്പിലും കണ്ടതെന്നും അദ്ദേഹം പറഞ്ഞു.
വില്ല്യാപ്പള്ളി മണ്ഡലം കോൺഗ്രസ്സ് കമ്മിറ്റിയുടെ നേതൃത്വത്തിൽ വില്ല്യാപ്പള്ളി ടൗണിൽ നടന്ന പ്രതിഷേധ ധർണ്ണ ഉദ്ഘാടനം ചെയ്ത് സംസാരിക്കുകയായിരുന്നു. മണ്ഡലം പ്രസിഡണ്ട് സി.പി.ബിജു പ്രസാദ് അദ്ധ്യക്ഷത വഹിച്ചു. ബ്ലോക്ക് കോൺഗ്രസ് പ്രസിഡണ്ട് പി.സി. ഷീബ , വി.ചന്ദ്രൻ , പൊന്നാറത്ത് മുരളി , എം.പി. വിദ്യാധരൻ , എൻ.ബി. പ്രകാശ് കുമാർ , ദിനേശ് ബാബു കൂട്ടങ്ങാരം , വി.കെ. കുഞ്ഞിമ്മൂസ , വി.കെ.ബാലൻ , പടിയുള്ളതിൽ സുരേഷ് , ഷീല പത്മനാഭൻ , ടി.കെ.സുനിത , പാറേമ്മൽ ബാബു , ഹരിദാസ്. വി.പി , ചന്ദ്രൻ കക്കാട്ട് , അമീർ.കെ.കെ , രാജീവൻ കോളോറ , സുധീഷ് കെ.എം എന്നിവർ പ്രസംഗിച്ചു. വി.മുരളീധരൻ സ്വാഗതവും രജീഷ് പുതുക്കുടി നന്ദിയും പറഞ്ഞു.

വൈദ്യുതി ചാർജ് വർധന; കോൺഗ്രസ് പ്രതിഷേധ ധർണ്ണ നടത്തി

നാദാപുരം : ഓട്ടോ ഡ്രൈവർ എം ഡി എം എ യുമായി പോലീസ് പിടിയിൽ. ചേലക്കാട് സ്വദേശി മണ്ടോടി താഴെ കുനി പി.പി. റംഷിദ് ( 27 ) നെയാണ് നാദാപുരം എസ് ഐ അനീഷ് വടക്കേടത്ത് അറസ്റ്റ് ചെയ്തത്. പ്രതിയിൽ നിന്ന് പോയൻ്റ് 84 ഗ്രാം എം ഡി എം എ പോലീസ് പിടികൂടി. ചൊവ്വാഴ്ച്ച രാത്രി 10 മണിയോടെ ചേലക്കാട് ടൗണിൽ വാഹന പരിശോധനക്കിടെ കക്കട്ട് ടൗൺ കേന്ദ്രീകരിച്ച് സർവീസ് നടത്തുന്ന കെ എൽ 18 എഡി 5413 നമ്പർ ഓട്ടോയിൽ നടത്തിയ പരിശോധനയിലാണ് റംഷിദ് പിടിയിലായത്. ഓട്ടോ പോലീസ് കസ്റ്റഡിയിലെടുത്തു. രാത്രി കാലങ്ങളിൽ നാദാപുരം , കല്ലാച്ചി ടൗണുകൾ കേന്ദ്രീകരിച്ച് എം ഡി എം എ വിൽപ്പന നടത്തുന്ന സംഘത്തിലെ പ്രധാന കണ്ണിയാണ് പ്രതിയെന്ന് പോലീസ് പറഞ്ഞു.

ഓട്ടോയിൽ കറങ്ങി എം ഡി എം എ വിൽപ്പന; ചേലക്കാട് സ്വദേശി ഡ്രൈവർ അറസ്റ്റിൽ

നാദാപുരം: കാറിന് സൈഡ് നൽകിയില്ലെന്നാരോപിച്ച് ഓടി കൊണ്ടിരുന്ന സ്വകാര്യ ബസ് തടഞ്ഞ് നിർത്തി ജീവനക്കാരെ മർദിച്ചു. തണ്ണീർ പന്തൽ - വടകര റൂട്ടിലോടുന്ന സ്വകാര്യ ബസ് ജീവനക്കാരായ അരൂർ സ്വദേശി ഡ്രൈവർ ഹരികൃഷ്ണൻ (24), വള്ളിയാട് സ്വദേശിയായ കണ്ടക്ടർ മിഥുൻ (37) എന്നിവർക്കാണ് മർദ്ദനമേറ്റത്. കണ്ണിന് സാരമായി പരിക്കേറ്റ മിഥുനെ വടകരയിലെ സ്വകാര്യ ആശുപത്രിയിൽ പ്രവേശിപ്പിച്ചു.
കടമേരിയിൽ നിന്ന് വടകര ഭാഗത്തേക്ക് പോവുകയായിരുന്ന സ്വകാര്യ ബസ് റോഡിൽ നിർത്തി ഭക്ഷണ സാധനം വാങ്ങുന്നതിനിടെ സൈഡ് കൊടുത്തില്ലെന്ന് ആരോപിച്ചാണ് അക്രമം. തണ്ണീർ പന്തലിന് സമീപം സി സി മുക്കിൽ ബസ്സ് തടഞ്ഞ് നിർത്തി കാറിലെത്തിയവർ അസംഭ്യം വിളിക്കുകയും പട്ടിക വടികൾ ഉൾപ്പെടെ ഉപയോഗിച്ച് മർദിക്കുകയുമായിരുന്നു എന്ന് ബസ് ജീവനക്കാർ പറഞ്ഞു. അക്രമത്തിൻ്റെ മൊബൈൽ ക്യാമറ ദൃശ്യങ്ങൾ പുറത്ത് വന്നിട്ടുണ്ട്. സംഭവത്തിൽ നാദാപുരം പോലീസ് കേസെടുത്ത് അന്വേഷണം ആരംഭിച്ചു.

കാറിന് സൈഡ് നൽകിയില്ല; തണ്ണീർ പന്തലിൽ ബസ്സ് തടഞ്ഞ് നിർത്തി ജീവനക്കാർക്ക് മർദ്ദനം

സ്റ്റൈല്‍ മന്നന്‍ രജിനികാന്തിന് 74ാം പിറന്നാള്‍.സൂപ്പര്‍താരങ്ങളുൾപ്പെടെ നിരവധിപേർ അദ്ദേഹത്തിന് ആശംസകളുമായി എത്തി. തമിഴ്‌നാട് മുഖ്യമന്ത്രി എംകെ സ്റ്റാലിനും താരത്തിന് പിറന്നാള്‍ ആശംസകള്‍ നേര്‍ന്നു.
പാല്‍ അഭിഷേകം നടത്തിയും പടക്കം പൊട്ടിച്ചും രജിനികാന്തിന്റെ പിറന്നാള്‍ ആഘോഷമാക്കുകയാണ് ആരാധകര്‍. അദ്ദേഹത്തിന്റെ വലിയ കട്ടൗട്ടുകളും പ്രതിമകളും തെരുവുകളില്‍ ഉയര്‍ന്നു.ശിവാജി റാവു ഗെയ്ക്കവാദ് എന്ന് സാധാരണക്കാരനായ ബസ് കണ്ടക്ടർ സൂപ്പര്‍ സ്റ്റാര്‍ രജിനികാന്തായി മാറിയത് കഠിനാധ്വാനത്തിന്റെ മുള്‍പ്പാത താണ്ടിയാണ്.1975-ൽ കെ. ബാലചന്ദറിന്റെ അപൂർവരാഗങ്ങളിലൂടെയാണ് സിനിമ അരങ്ങേറ്റം.ടിജെ ജ്ഞാനവേല്‍ സംവിധാനം ചെയ്ത വേട്ടയ്യനാണ് രജിനികാന്തിന്റെ അവസാനം റിലീസായ ചിത്രം.&nbsp;

സ്റ്റൈല്‍ മന്നന്‍ രജിനികാന്തിന് 74ാം പിറന്നാള്‍ ;ആഘോഷമാക്കി ആരാധകർ

തിരുവനന്തപുരം: റേഷൻ കടകളുടെ സമയം പുനക്രമീകരിച്ച് ഭക്ഷ്യവിതരണ വകുപ്പ്. രാവിലെ എട്ടര മുതൽ 12 മണി വരെയും വൈകിട്ട് നാലു മുതൽ 7 മണി വരെയും റേഷൻകടകൾ തുറന്നു പ്രവർത്തിക്കും. അരമണിക്കൂർ പ്രവർത്തന സമയം ഇതോടെ കുറയും. നിലവിൽ രാവിലെ എട്ടു മുതൽ 12 വരെയും നാലു മുതൽ ഏഴ് വരെയും ആയിരുന്നു പ്രവർത്തന സമയം. റേഷൻ വ്യാപാരി സംഘടനകൾ ഭക്ഷ്യ മന്ത്രിയുമായി നടത്തിയ ചർച്ചയിലാണ് തീരുമാനം. റേഷൻ വ്യാപാരികളുമായി രണ്ടാംഘട്ട ചർച്ച ജനുവരി ഒമ്പതിന് നടക്കും.&nbsp;
ചർച്ചയിൽ KTPDS ആക്റ്റിലെ അപാകതകൾ പരിഹരിക്കാമെന്ന് മന്ത്രി വ്യാപാരികൾക്ക് ഉറപ്പു നൽകി. ആക്ടിൽ ഭേദഗതി വരുത്തണമെന്നായിരുന്നു റേഷൻ വ്യാപാരികളുടെ പ്രധാന ആവശ്യം.സർക്കാരിൻറെ എല്ലാ പൊതു അവധികളും റേഷൻ കടകൾക്കും നൽകണമെന്നും റേഷൻ വ്യാപാരികൾ ആവശ്യപ്പെട്ടിരുന്നു.&nbsp;

റേഷൻ കടകളുടെ സമയം പുനഃക്രമീകരിച്ചു

ബംഗളൂരു: സ്‌‌കൂളിൽ നിന്ന് വിനോദയാത്രയ്‌ക്ക് പോയ സംഘത്തിലെ നാല് വിദ്യാർത്ഥികൾ മുരുഡേശ്വറിലെ കടലിൽ മുങ്ങിമരിച്ചു. കോലാർ മുളബാഗിലു മൊറാർജി ദേശായി റെസിഡൻഷ്യൽ സ്‌കൂളിലെ ഒമ്പതാം ക്ലാസ് വിദ്യാർത്ഥിനികളായ ശ്രാവന്തി, ദീക്ഷ, ലാവണ്യ, ലിപിക എന്നിവരാണ് മരിച്ചത്. നാലുപേരുടെയും കുടുംബങ്ങൾക്ക് കർണാടക മുഖ്യമന്ത്രി സിദ്ധരാമയ്യ അഞ്ച് ലക്ഷം രൂപ വീതം ധനസഹായം പ്രഖ്യാപിച്ചു.
ചൊവ്വാഴ്‌ച വൈകിട്ട് 5.30നാണ് 46 വിദ്യാർത്ഥികളടങ്ങിയ സംഘം അദ്ധ്യാപകർക്കൊപ്പം മുരുഡേശ്വറിൽ എത്തിയത്. ലൈഫ് ഗാർഡിന്റെ മുന്നറിയിപ്പ് വകവയ്‌ക്കാതെ കടലിലിറങ്ങിയ ഏഴ് വിദ്യാർത്ഥിനികൾ മുങ്ങിത്താഴുകയായിരുന്നു. ഇതിൽ ഒരാളുടെ മൃതദേഹം ചൊവ്വാഴ്‌‌ച വൈകിട്ടും മൂന്നുപേരുടെ മൃതദേഹങ്ങൾ ഇന്നലെ രാവിലെയുമാണ് ലഭിച്ചത്. മറ്റ് മൂന്നുപേരെ ലൈഫ് ഗാർഡും പൊലീസും മത്സ്യത്തൊഴിലാളികളും ചേർന്ന് സുരക്ഷിതമായി കരയ്‌ക്കെത്തിച്ച് ആശുപത്രിയിൽ പ്രവേശിപ്പിച്ചു.വിദ്യാർത്ഥി സംഘത്തോടൊപ്പം ഉണ്ടായിരുന്ന ആറ് അധ്യാപകരെ അറസ്റ്റ് ചെയ്‌ത ശേഷം ജാമ്യത്തിൽ വിട്ടയച്ചതായി ഉത്തരകന്നഡ എസ്‌പി എം നാരായണ പറഞ്ഞു.&nbsp;

വിനോദയാത്രയ്‌ക്ക് പോയ സംഘത്തിലെ നാല് വിദ്യാർത്ഥികൾ കടലിൽ മുങ്ങിമരിച്ചു ;ആറ് അധ്യാപകർ അറസ്റ്റിൽ

മലപ്പുറം: പൊന്നാനിയിലെ പ്രവാസിയുടെ അടച്ചിട്ട വീട് കുത്തിത്തുറന്ന് 300 പവനോളം സ്വർണം കവർന്ന കേസിൽ പ്രതികൾ പിടിയിലായി. കവർച്ചക്ക്​ നേതൃത്വം നൽകിയ മൂന്നുപേരാണ്​ പിടിയിലായത്​. ഇവരുടെ അറസ്റ്റ്​ രേഖപ്പെടുത്തിയതായും സൂചനയുണ്ട്​.&nbsp;
രണ്ട്​ മലപ്പുറം സ്വ​ദേശികളും ഒരു പാലക്കാട്​ സ്വദേശിയുമാണ്​ പിടിയിലായതെന്നാണ് ലഭ്യമായ​ വിവരം. ഇതര സംസ്ഥാനത്തുള്ളവരും കവർച്ചയിൽ പങ്കാളികളായിട്ടുണ്ടെന്ന്​ പൊലീസിന്​​ സൂചന ലഭിച്ചിട്ടുണ്ട്​. പിടിയിലായ ​പ്രതികളിൽനിന്ന്​ ലഭിച്ച വിവരത്തിന്‍റെ അടിസ്ഥാനത്തിൽ കവർച്ച ചെയ്ത സ്വർണം വീണ്ടെടുക്കാനുള്ള ശ്രമങ്ങളും നടക്കുന്നുണ്ട്​.ഏപ്രിൽ 13നാണ് വീട്ടിലെ ലോക്കറിൽ സൂക്ഷിച്ച സ്വർണം കവർന്ന വിവരം പുറത്തറിയുന്നത്. പൊന്നാനി ഐശ്വര്യ തിയറ്ററിന് സമീപത്തെ രാജീവിന്‍റെ വീട്ടിലാണ് മോഷണം നടന്നത്. സംഭവ ദിവസം രാജീവ് കുടുംബത്തോടൊപ്പം ദുബൈയിലായിരുന്നു. വീട് വൃത്തിയാക്കുന്നതിന് എത്തിയ ജോലിക്കാരി, വീടിന്‍റെ പിൻവശത്തുള്ള ഗ്രില്ല് തകര്‍ത്തനിലയില്‍ കാണുകയായിരുന്നു. അലമാരയും മറ്റും തുറന്നിട്ട നിലയിലും കണ്ടെത്തി.&nbsp;

പൊന്നാനിയിലെ പ്രവാസിയുടെ വീട്ടിൽനിന്ന് 300 പവൻ കവർന്ന കേസിലെ പ്രതികൾ പിടിയിൽ

സൂറിച്ച്: 2034 ലോകകപ്പ് ഫുട്ബോളിന് സൗദി അറേബ്യ ആതിഥ്യം വഹിക്കുമെന്ന് ഫിഫ ഔദ്യോഗികമായി പ്രഖ്യാപിച്ചു. 2030-ലെ ലോകകപ്പ് മത്സരങ്ങള്‍ക്ക് സ്പെയിന്‍, പോര്‍ച്ചുഗല്‍, മൊറോക്കോ രാജ്യങ്ങള്‍ സംയുക്തമായി ആതിഥ്യംവഹിക്കുമെന്നും ആഗോള ഫുട്ബോള്‍ സംഘടന വ്യക്തമാക്കി. വെര്‍ച്വലായി നടന്ന ഫിഫ കോണ്‍ഗ്രസ് യോഗത്തിനുശേഷമാണ് തീരുമാനം പ്രഖ്യാപിച്ചത്.
2022-ല്‍ ഖത്തര്‍ ആതിഥേയത്വം വഹിച്ചതിന് ശേഷം ഗള്‍ഫ് മേഖലയിലേക്ക് ഇതാദ്യമായാണ് ലോകകപ്പ് എത്തുന്നത്. ഏഷ്യക്ക് ആതിഥേയത്വത്തിന് അവസരം ലഭിക്കുന്ന 2034-ലെ ലോകകപ്പിന് സൗദി മാത്രമാണ് രംഗത്തുണ്ടായിരുന്നത്. ആദ്യഘട്ടത്തില്‍ ഓസ്ട്രേലിയയും ഇന്‍ഡോനീഷ്യയും താല്പര്യം പ്രകടിപ്പിച്ചെങ്കിലും പിന്നീട് അതില്‍ നിന്ന് പിന്‍മാറുകയായിരുന്നു. 2027-ലെ വനിതാ ലോകകപ്പിന് ബ്രസീല്‍ ആതിഥ്യംവഹിക്കും.
2030 ലോകകപ്പിലെ മൂന്ന് മത്സരങ്ങള്‍ക്ക് സൗത്ത് അമേരിക്കന്‍ രാജ്യങ്ങളായ യുറഗ്വായ്, അര്‍ജന്റീന, പാരഗ്വായ് എന്നിവ ആതിഥ്യം വഹിക്കും. യുറഗ്വായില്‍നടന്ന ആദ്യലോകകപ്പിന്റെ നൂറാം വാര്‍ഷികാഘോഷം പ്രമാണിച്ചാണ് മൂന്നുമത്സരങ്ങള്‍ സൗത്ത് അമേരിക്കന്‍ രാജ്യങ്ങള്‍ക്ക് അനുവദിച്ചത്. 2026 ലെ ലോകകപ്പ് കാനഡ, മെക്‌സികോ, അമേരിക്ക എന്നിവിടങ്ങളിലായാണ് നടക്കുന്നത്.

2034 ലോകകപ്പ് ഫുട്ബോൾ സൗദി അറേബ്യയിൽ ;ഔദ്യോഗിക പ്രഖ്യാപനം നടത്തി ഫിഫ

കോഴിക്കോട്: പോലീസിന്റെ നിയന്ത്രണത്തിലുള്ള നഗരത്തിലെ ക്ഷേത്രത്തില്‍ മോഷണം. മുതലക്കുളത്ത് കമ്മിഷണര്‍ ഓഫീസിനോട് ചേര്‍ന്ന ശ്രീഭദ്രകാളി ക്ഷേത്രത്തിലെ ഭണ്ഡാരങ്ങളാണ് ചൊവ്വാഴ്ച രാത്രി മോഷ്ടിച്ചത്.
ബുധനാഴ്ച പുലര്‍ച്ചെ ക്ഷേത്രത്തില്‍ എത്തിയ ജീവനക്കാര്‍ ഭണ്ഡാരങ്ങളില്ലെന്ന് കണ്ടതോടെ വിവരം പോലീസില്‍ അറിയിക്കുകയായിരുന്നു. പരിശോധനയ്ക്കിടെ ക്ഷേത്രത്തിനു സമീപത്തെ ഓടയില്‍നിന്ന് രണ്ടു ഭണ്ഡാരങ്ങള്‍ കണ്ടെടുത്തു. പണം കഴിഞ്ഞ ദിവസം ക്ഷേത്ര ജീവനക്കാര്‍ മാറ്റിയതിനാല്‍ ഭണ്ഡാരത്തില്‍ പണമുണ്ടായിരുന്നില്ല. സി.സി.ടി.വി ദൃശ്യങ്ങളില്‍ നിന്ന് പ്രതിയെ കുറിച്ചുള്ള സൂചന ലഭിച്ചിട്ടുണ്ട്. പൊലീസിന് നടത്തിപ്പ് ചുമതലയുള്ള ഈ ക്ഷേത്രത്തില്‍ കഴിഞ്ഞ വര്‍ഷവും മോഷണം നടന്നിരുന്നു.

കോഴിക്കോട് പോലീസിന്റെ നിയന്ത്രണത്തിലുള്ള ക്ഷേത്രത്തിൽ മോഷണം

Kozhikode

തണ്ണീർപ്പന്തൽ: ജോലിയുടെ ഭാഗമായ വീഡിയോ ചിത്രീകരണത്തിനിടെ കാറിടിച്ചുണ്ടായ അപകടത്തിൽ മരണപ്പെട്ടതോടെ ഇല്ലാതായത് ഒരു കുടുംബത്തിന്റെ പ്രതീക്ഷകൾ. വീടും നാടും ബുധനാഴ്ച വൈകീട്ട് ആൽവിന് നിറകണ്ണുകളോടെ വിടനൽകി.
കഴിഞ്ഞ ദിവസം കോഴിക്കോട് ബീച്ച് പരിസരത്ത് വീഡിയോ ചിത്രീകരണത്തിനിടെയുണ്ടായ അപകടത്തിൽ മരണപ്പെട്ട ആൽവിന്റെ മൃതദേഹം പോസ്റ്റ്‌മോർട്ടത്തിനുശേഷം ഉച്ചയ്ക്ക് രണ്ടുമണിയോടെയാണ് തണ്ണീർപ്പന്തലിലെ വീട്ടിലെത്തിച്ചത്. ചെറുപ്രായത്തിൽത്തന്നെ വൃക്കരോഗമായിരുന്നു ആൽവിന്. പിന്നെ വൃക്ക മാറ്റിവെച്ചു. ഇതിനുശേഷം ഭാരിച്ച ജോലികൾ ചെയ്യുന്നതിന് പരിമിതിയുള്ളതിനാൽ വീഡിയോ എഡിറ്റിങ് സ്വന്തമായി പഠിച്ചു. മൊബൈൽ ഫോണിൽ വീഡിയോ ചിത്രീകരിച്ച് ഭംഗിയായി എഡിറ്റുചെയ്യും.
ഈ വീഡിയോകൾ പലരും ബിസിനസ് പ്രമോഷനും മറ്റും ഉപയോഗപ്പെടുത്തി. പിന്നീട് ഇതുതന്നെ ജീവിതമാർഗമാക്കി. വിസിറ്റിങ് വിസയിൽ മൂന്നുമാസമായി ദുബായിലായിരുന്നു. രണ്ടാഴ്ചമുൻപാണ് നാട്ടിൽ തിരിച്ചെത്തിയത്. ആറുമാസംകൂടുമ്പോഴുള്ള മെഡിക്കൽ ചെക്കപ്പിനുകൂടിയായിരുന്നു ഇത്. ഇതിനിടെയാണ് സ്വകാര്യസ്ഥാപനത്തിനുവേണ്ടി പ്രമോഷൻ വീഡിയോ ചെയ്യാനായി പോയത്. തണ്ണീർപ്പന്തൽ സ്വദേശി തച്ചിലേരി താഴക്കുനി (വേളത്ത്) സുരേഷ്ബാബുവിന്റെയും ബിന്ദുവിന്റെയും ഏകമകനാണ് ആൽവിൻ.&nbsp;

ആൽവിന് അന്ത്യാഞ്ജലി; നിറകണ്ണുകളോടെ വിടനൽകി നാടും വീടും

വടകര : പ്രൊമോഷൻ വീഡിയോ ചിത്രീകരണത്തിനിടെ ആൽവിനെ ഇടിച്ചുതെറിപ്പിച്ച ആഡംബരക്കാറിന് ഇൻഷുറൻസില്ലെന്ന് മോട്ടോർവാഹനവകുപ്പ് കണ്ടെത്തി. കോഴിക്കോട് ആർ.ടി.ഒ. പി.എ. നസീറിന്റെ നേതൃത്വത്തിലുള്ള സംഘമാണ് വാഹനങ്ങൾ പരിശോധിച്ചത്. തെലങ്കാന രജിസ്ട്രേഷനുള്ള വാഹനം അവിടെനിന്ന് കൊണ്ടുവന്നെങ്കിലും ഇൻഷുറൻസ് മറ്റൊരാളുടെ പേരിലായതിനാൽ നിയമസാധുതയില്ല.
ഇതിനാലാണ് ആൽവിനെ ഇടിച്ചത് മറ്റൊരുകാറാണെന്ന മൊഴിനൽകിയത്. ആൽവിൻ ചിത്രീകരണത്തിനുപയോഗിച്ച മൊബൈലിലെ ദൃശ്യമായിരുന്നു മുഖ്യതെളിവ്. അപകടദിവസം ഹാജരാക്കാതിരുന്ന ഫോൺ പ്രതിയുടെ ബന്ധു ബുധനാഴ്ച രാവിലെ ഹാജരാക്കി.കാറിടിച്ച് പന്ത്രണ്ടടിയിലേറെ ഉയരത്തിലേക്ക് തെറിച്ച് റോഡിലേക്കുവീണ ആൽവിന്റെ മരണത്തിനിടയാക്കിയത് വാരിയെല്ലിനും നട്ടെല്ലിനുമേറ്റ പരിക്കുകളെന്ന് പോസ്റ്റ്മോർട്ടം റിപ്പോർട്ട്. ഒപ്പം, തലച്ചോർ കലങ്ങിയനിലയിലായിരുന്നെന്നും റിപ്പോർട്ടിലുണ്ടെന്ന് വെള്ളയിൽ സി.ഐ. ബൈജു കെ. ജോസ് അറിയിച്ചു.

ആൽവിനെ ഇടിച്ചുതെറിപ്പിച്ച ആഡംബരക്കാറിന് ഇൻഷുറൻസില്ല

നടനും സംവിധായകനും കാസ്റ്റിങ് ഡയറക്ടറുമായ രാജേഷ് മാധവന്‍ വിവാഹിതനായി. അസിസ്റ്റന്റ് ഡയറക്ടറും പ്രൊഡക്ഷന്‍ ഡിസൈനറുമായ ദീപ്തി കാരാട്ടാണ് വധു. ഇരുവരുടേതും പ്രണയവിവാഹമാണ്. രാജേഷ് മാധവന്‍ അഭിനയിച്ച 'ന്നാ താന്‍ കേസ് കൊട്' എന്ന ചിത്രത്തിന്റെ അസിസ്റ്റന്റ് ഡയറക്ടറായും ദീപ്തി പ്രവര്‍ത്തിച്ചിട്ടുണ്ട്.
കാസര്‍കോട് കൊളത്തൂര്‍ സ്വദേശിയാണ് രാജേഷ്. പാലക്കാടാണ് ദീപ്തിയുടെ സ്വദേശം. പ്രൊഡക്ഷന്‍ കണ്‍ട്രോളറായി സിനിമയില്‍ തുടക്കം കുറിച്ച രാജേഷ് മാധവന്‍ മഹേഷിന്റെ പ്രതികാരം എന്ന ചിത്രത്തില്‍ ചെറിയ വേഷം ചെയ്തു. പിന്നീട് തൊണ്ടിമുതലും ദൃക്‌സാക്ഷിയും എന്ന ചിത്രത്തിന്റെ അസിസ്റ്റന്റ് ഡയറക്ടറായി. നിരവധി ചിത്രങ്ങളില്‍ അഭിനയിക്കുകയും കാസ്റ്റിങ് ഡയറക്ടറായി പ്രവര്‍ത്തിക്കുകയും ചെയ്തു.
കനകം കാമിനി കലഹം, 18 പ്ലസ്, നീലവെളിച്ചം, മിന്നല്‍ മുരളി തുടങ്ങിയ സിനിമകളില്‍ ശ്രദ്ധേയ വേഷങ്ങള്‍ ചെയ്തു.പെണ്ണും പൊറാട്ടും എന്ന ചിത്രത്തിലൂടെ സംവിധായകനാകാനുള്ള ഒരുക്കത്തില്‍കൂടിയാണ് രാജേഷ്.ഇന്ത്യന്‍ പോലീസ് ഫോഴ്‌സ്, ദഹാഡ്, സിതാര, അക്രോസ് ദ ഓഷ്യന്‍, കെയര്‍ഫുള്‍ എന്നീ ചിത്രങ്ങളുടെ അസിസ്റ്റന്റ് ഡയറക്ടറാണ് ദീപ്തി. ത്രിതീയ എന്ന ചിത്രത്തിന്റെ പ്രൊഡക്ഷന്‍ ഡിസൈനറായും പ്രവര്‍ത്തിച്ചു.

നടൻ രാജേഷ് മാധവനും  അസിസ്റ്റന്റ് ഡയറക്ടറായ ദീപ്തിയും വിവാഹിതരായി

മഞ്ചേരി: മുള്ളന്‍പന്നിയെ വേട്ടയാടി ഭക്ഷിച്ച സംഭവത്തില്‍ പ്രതിക്ക് ആറു മാസം തടവും 10,000 രൂപ പിഴയും. എരുമമുണ്ട ചെട്ടിയാംപാറ തോണിക്കടവന്‍ അബ്ദുല്‍ നാസറിനെയാണ് മഞ്ചേരി ജെ.എഫ്‌.സി.എം (രണ്ട്) ഫോറസ്റ്റ് കോടതി ജഡ്ജി പി. നൂറുന്നീസ ശിക്ഷിച്ചത്.
2015 ഒക്‌ടോബര്‍ 19ന് നിലമ്പൂര്‍ റേഞ്ച് കാഞ്ഞിരപ്പുഴ ഫോറസ്റ്റ് സ്റ്റേഷന്‍ പരിധിയിലെ നിലമ്പൂര്‍ കോവിലകം നിക്ഷിപ്ത വനത്തില്‍ ചെമ്പാലയിലാണ് സംഭവം.മുള്ളന്‍പന്നിയെ നാടന്‍തോക്കുപയോഗിച്ച് വേട്ടയാടി കൊന്നശേഷം വീട്ടില്‍ കൊണ്ടുവന്ന് പാകംചെയ്ത് ഭക്ഷിച്ചെന്നാണ് കേസ്.കാഞ്ഞിരപ്പുഴ ഫോറസ്റ്റ് സ്റ്റേഷനിലാണ് കേസ് രജിസ്റ്റര്‍ ചെയ്തത്. പ്രോസിക്യൂഷനുവേണ്ടി അസി. പബ്ലിക് പ്രോസിക്യൂട്ടര്‍ ഡി. നാസര്‍ ഹാജരായി.

മുള്ളന്‍പന്നിയെ വേട്ടയാടി കൊന്ന് തിന്നു; പ്രതിക്ക് ആറു മാസം തടവും പിഴയും

തിരുവനന്തപുരം: റോഡ് മുറിച്ചു കടക്കുന്നതിനിടെ ഭിന്നശേഷിക്കാരിയായ യുവതി കെ.എസ്.ആര്‍ടി.സി ബസ് ഇടിച്ച് മരിച്ചു. കെ-റെയില്‍ ഓഫീസിലെ ജീവനക്കാരിയായ നിഷയാണ് മരിച്ചത്.
തിരുവനന്തപുരം വിമൻസ് കോളജിന് സമീപം രാവിലെയാണ് അപകടമുണ്ടായത്. രാവിലെ റോഡ് മുറിച്ച് കടക്കുന്നതിനിടെയാണ് കെ.എസ്.ആർ.ടി.സി ബസ് ഇടിച്ചത്.നിഷയെ ഉടൻ തന്നെ ആശുപത്രിയിലെത്തിച്ചെങ്കിലും രക്ഷിക്കാനായില്ല. സംഭവത്തിൽ കെഎസ്ആര്‍ടിസി ബസ് ഡ്രൈവര്‍ക്കെതിരെ പോലീസ് കേസെടുത്തു.

ഭിന്നശേഷിക്കാരിയായ കെ-റെയില്‍ ഓഫീസ് ജീവനക്കാരി കെ.എസ്.ആര്‍ടി.സി ബസിടിച്ച് മരിച്ചു

കൊട്ടാരക്കര: നടി അനുശ്രീ ഉപയോഗിച്ചിരുന്ന കാർ മോഷ്ടിച്ചയാളെ കൊട്ടാരക്കര പോലീസ് അറസ്റ്റ് ചെയ്തു. നെടുമങ്ങാട് തെന്നൂർ നരിക്കൽ പ്രബിൻ ഭവനിൽ പ്രബിനാ(29)ണ് പിടിയിലായത്. ചോദ്യംചെയ്യലിൽ സംസ്ഥാനത്തിന്റെ വിവിധ ഭാഗങ്ങളിൽ ഇയാൾ നടത്തിയ വാഹനമോഷണങ്ങളുടെ ചുരുളഴിഞ്ഞു.
കഴിഞ്ഞ ശനിയാഴ്ച രാത്രി 12-നാണ് ഇഞ്ചക്കാട് പേ ആൻഡ് പാർക്കിൽനിന്ന്‌ കാർ മോഷണം പോയത്. കടയ്ക്കലിൽ വർക്ക്‌ഷോപ്പിനു മുന്നിൽ നിർത്തിയിട്ടിരുന്ന വാഹനത്തിൽനിന്ന്‌ ഇളക്കിയ നമ്പർ പ്ലേറ്റ് മോഷ്ടിച്ച കാറിൽ സ്ഥാപിച്ചു. തുടർന്ന് കാറുമായി തിരുവനന്തപുരം വെള്ളറട ഭാഗത്തെത്തിയ പ്രതി ഇവിടെ റബ്ബർ വ്യാപാരസ്ഥാപനത്തിൽനിന്ന്‌ 500 കിലോയിലധികം റബ്ബറും ഏഴായിരം രൂപയും കവർന്നു.
അടുത്തദിവസം പത്തനംതിട്ട പെരിനാട്ട് കാറിൽ എത്തിയ പ്രതി ഇവിടെ റബ്ബർ വ്യാപാരസ്ഥാപനം കുത്തിത്തുറന്ന് കവർന്ന 400 കിലോയിലധികം റബ്ബർഷീറ്റ് പൊൻകുന്നത്ത് കൊണ്ടുപോയി വിറ്റു. പണവുമായി കോഴിക്കോട്ടുള്ള സ്നേഹിതയെ കാണാൻ പോകുംവഴി പാലായ്ക്കുസമീപം മറ്റൊരു വാഹനവുമായി കൂട്ടിയിടിച്ചു. ഇടിച്ചത് പോലീസ് വാഹനത്തിലാണെന്നു തെറ്റിദ്ധരിച്ച് അവിടെനിന്നു കടന്ന പ്രതി സമീപത്തെ ആളൊഴിഞ്ഞ പുരയിടത്തിൽ കാർ ഉപേക്ഷിച്ച് ബസിൽ തിരുവനന്തപുരത്തേക്കു പോയി. മോട്ടോർ സൈക്കിളിൽ വീണ്ടും കോഴിക്കോട്ടേക്കു പോകുംവഴി കൊട്ടാരക്കര ഫെയ്ത്ത് ഹോം ജങ്‌ഷനിൽ ചൊവ്വാഴ്ച രാത്രി കൊട്ടാരക്കര പോലീസ് പിടികൂടുകയായിരുന്നു.
ഒട്ടേറെ ഇടങ്ങളിൽ സമാനമായി ഇയാൾ വാഹനമോഷണം നടത്തിയതായി പോലീസ് പറഞ്ഞു. ഓഗസ്റ്റിൽ നെടുമങ്ങാട്ടുനിന്ന്‌ കാർ മോഷ്ടിച്ചതായും പാലക്കാട് കുഴൽമന്ദം തേങ്കുറിശ്ശിയിൽ പെയിന്റുകടയിൽ മോഷണം നടത്തിയതായും പോലീസ് പറഞ്ഞു. സെപ്റ്റംബറിൽ ആലത്തൂരിലെ യൂസ്ഡ് കാർ ഷോറൂം, കാസർകോട്ടെ യൂസ്ഡ് കാർ ഷോറൂം എന്നിവിടങ്ങളിൽനിന്ന് കാറും ഷൊർണൂരിൽ വാഹന ഷോറൂമിൽനിന്നു പിക്കപ്പ് വാനും പ്രതി മോഷ്ടിച്ചതായി പോലീസ് പറഞ്ഞു.ഇതുൾപ്പെടെ പ്രതി ഉൾപ്പെട്ട എട്ട് മോഷണക്കേസുകൾ തെളിഞ്ഞതായി പോലീസ് അറിയിച്ചു.സി.സി.ടി.വി.ദൃശ്യങ്ങളും ഫോൺ കോളുകളും പിന്തുടർന്നു നടത്തിയ അന്വേഷണത്തിലാണ് പ്രത്യേക അന്വേഷണസംഘം മോഷ്ടാവിനെ വലയിലാക്കിയത്

നടി അനുശ്രീയുടെ കാർ മോഷ്ടിച്ച യുവാവ് അറസ്റ്റിൽ

ജയ്‌പുർ: രാജസ്ഥാനിലെ ദൗസയിൽ 150 അടി താഴ്ചയുള്ള കുഴൽക്കിണറിൽ വീണ അഞ്ച് വയസുകാൻ മരിച്ചു. തിങ്കളാഴ്ച ഉച്ചകഴിഞ്ഞ് മൂന്ന് മണിയോടെയാണ് കാളിഖാഡ് ഗ്രാമത്തിലെ വയലിൽ കളിക്കുന്നതിനിടെ ആര്യൻ എന്ന കുട്ടി തുറന്ന കുഴൽക്കിണറിൽ വീഴുന്നത്. 57 മണിക്കൂർ നീണ്ട രക്ഷപ്രവർത്തനത്തിനൊടുവിൽ കുട്ടിയെ പുറത്തെടുത്ത് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.
പെപ്പ് വഴി കുട്ടിക്ക് ഓക്സിജൻ വിതരണം ചെയ്താണ് അത്രയും സമയം ജീവൻ നിലനിർത്തിയത്. ദേശീയ ദുരന്ത നിവാരണ സേന (എൻഡിആർഎഫ്)​,​ സംസ്ഥാന ദുരന്ത നിവാരണ സേന,​ സിവിൽ ഡിഫൻസ് ടീമുകളും സ്ഥലത്തെത്തി രക്ഷാപ്രവർത്തനത്തിന് നേതൃത്വം നൽകിയിരുന്നു. കുഴൽക്കിണറിൽ നിന്ന് പുറത്തെടുക്കുമ്പോൾ കുട്ടി അബോധാവസ്ഥയിൽ ആയിരുന്നു.

57 മണിക്കൂർ നീണ്ട രക്ഷാപ്രവർത്തനം വിഫലം; കുഴൽക്കിണറിൽ നിന്ന് പുറത്തെടുത്ത അഞ്ചുവയസുകാരൻ മരിച്ചു

തിരുവനന്തപുരം: സംസ്ഥാനത്ത് പരക്കെ മഴയ്ക്ക് സാധ്യത. മൂന്ന് ജില്ലകളിൽ ഓറഞ്ച് അലർട്ട് പ്രഖ്യാപിച്ചു.എറണാകുളം, ഇടുക്കി, തൃശ്ശൂർ ജില്ലകളിലാണ് ഓറഞ്ച് അലർട്ട്. തിരുവനന്തപുരം, കണ്ണൂർ, കാസർകോട് ഒഴികെയുള്ള ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്.
തമിഴ്നാട്ടിലും മഴ മുന്നറിയിപ്പ് പുറപ്പെടുവിച്ചിട്ടുണ്ട്. ചെന്നൈ, തഞ്ചാവൂർ, മയിലാടുതുറൈ, പുതുക്കോട്ടൈ ഉൾപ്പെടെ എട്ട് ജില്ലകളിലെ സ്കൂളുകൾക്ക് അവധി പ്രഖ്യാപിച്ചിരിക്കുകയാണ്.

സംസ്ഥാനത്ത് മഴ മുന്നറിയിപ്പ്; മൂന്ന് ജില്ലകളിൽ ഓറഞ്ച് അലർട്ട്

നിലമ്പൂർ: നിലമ്പൂർ നിയമസഭാ ഉപതിരഞ്ഞെടുപ്പിൽ യുവ നേതാവ് ഷോൺ ജോർജിനെ ബിജെപി മത്സരരംഗത്തിറക്കിയേക്കുമെന്ന് സൂചന. നിലവിൽ 20 ശതമാനം ക്രൈസ്‌‌തവ വോട്ടുകളാണ് മണ്ഡലത്തിൽ ഉള്ളത്. മണ്ഡലത്തിൽ നിന്നുള്ള ക്രൈസ്‌തവ നേതാവിനെയും പാർട്ടി പരിഗണിക്കുന്നുണ്ടെന്നാണ് സൂചന.
വഖഫ് ഭേദഗതി ബിൽ ലോക്‌സഭയും രാജ്യസഭയും കടന്നതിന്റെയും തുടർന്ന് മുനമ്പത്തെ അനുകൂല സാഹചര്യവും കണക്കാക്കിയാണ് ബിജെപി ഇത്തരത്തിൽ ആലോചന നടത്തുന്നത്. നിലമ്പൂരിലെ പരമ്പരാഗത വോട്ടുകൾക്ക് പുറമേ കൃസ്‌ത്യൻ വോട്ടുകൾ കൂടി സ്വന്തമാക്കാനാണ് ബിജെപി ശ്രമം. അതേസമയം യുവനേതാവ് അനൂപ് ആന്റണിയുടെ പേരും ഇവിടെ ‌പരിഗണിക്കുന്നവരിൽ പറഞ്ഞുകേൾക്കുന്നുണ്ട്

നിലമ്പൂർ ഉപതിരഞ്ഞെടുപ്പ് ; ബിജെപി സ്ഥാനാർത്ഥിയായി ഷോൺ ജോർജിനെ പരിഗണിക്കുമെന്ന് സൂചന

ഇടുക്കി: ഹൃദയാഘാതത്തെത്തുടർന്ന് ചികിത്സയിൽ കഴിയുന്ന മുതിർന്ന സി.പി.എം നേതാവും ഉടുമ്പൻചോല എം.എൽ.എയുമായ എം.എം. മണിയുടെ ആരോഗ്യനിലയിൽ പുരോഗതി. അദ്ദേഹത്തിന് വെന്റിലേറ്ററിന്റെ സഹായം ഒഴിവാക്കിയിട്ടുണ്ട്. രണ്ടുദിവസം കൂടി അദ്ദേഹം തീവ്രപരിചരണ വിഭാഗത്തിൽ തുടരും. ഇതിനുശേഷമായിരിക്കും ഡിസ്ചാർജ് അടക്കമുള്ള കാര്യങ്ങൾ ആലോചിക്കുക എന്ന് ഡോക്ടർമാർ അറിയിച്ചതായി എംഎം മണിയോട് അടുത്ത വൃത്തങ്ങൾ സൂചിപ്പിച്ചു.
മധുരയിൽ നടക്കുന്ന സി.പി.എം പാർട്ടി കോൺഗ്രസിനിടെ ഇന്നലെയാണ് എം.എം. മണിക്ക് ശ്വാസതടസം അനുഭവപ്പെട്ടത്. ഉടൻ തന്നെ അപ്പോളോ ആശുപത്രിയിൽ പ്രവേശിപ്പിക്കുകയായിരുന്നു. ഇവിടെ നിരീക്ഷണത്തിലിരിക്കെയാണ് ഹൃദയാഘാതം ഉണ്ടായത്. അദ്ദേഹത്തിന്റെ ആരോഗ്യനില ഗുരുതരമാണെന്ന തരത്തിൽ റിപ്പോർട്ടുകളും പുറത്തുവന്നിരുന്നു. സിപിഎമ്മിന്റെ പ്രമുഖ നേതാക്കൾ ആശുപത്രിയിലെത്തിയിരുന്നു.ഒന്നാം പിണറായി സർക്കാരിന്റെ കാലത്ത് വൈദ്യുത വകുപ്പ് മന്ത്രിയായിരുന്ന മണി നിലവിൽ പാർട്ടിയുടെ സംസ്ഥാനസമതി അംഗമാണ്.

എം എം മണിയുടെ ആരോഗ്യനിലയിൽ പുരോഗതി:രണ്ടുദിവസം കൂടി ഐസിയുവിൽ തുടരും

കോഴിക്കോട്: നിര്‍മാതാവും വ്യവസായിയുമായ ഗോകുലം ഗോപാലന്റെ കോഴിക്കോട്ടെ ഓഫീസില്‍ എന്‍ഫോഴ്‌സ്‌മെന്റ് ഡയറക്ടറേറ്റി(ഇഡി)ന്റെ പരിശോധന അവസാനിച്ചു. മൂന്നരമണിക്കൂറോളം നീണ്ടുനിന്ന റെയ്ഡിന് ശേഷം ഇഡി ഉദ്യോഗസ്ഥര്‍ ഓഫീസില്‍നിന്ന് മടങ്ങി. പരിശോധനയുടെ ഭാഗമായി ഓഫീസിലുണ്ടായിരുന്ന ഗോകുലം ഗോപാലനെയും ഇഡി ഉദ്യോഗസ്ഥര്‍ ചോദ്യംചെയ്തതായാണ് സൂചന.
വെള്ളിയാഴ്ച രാവിലെ ഗോകുലം ഗ്രൂപ്പിന്റെ ചെന്നൈയിലെ ഓഫീസിലാണ് ഇഡി സംഘം ആദ്യംറെയ്ഡിനെത്തിയത്. ഇതിനുപിന്നാലെ കോഴിക്കോട്ടെ കോര്‍പ്പറേറ്റ് ഓഫീസിലും ഗോകുലം ഗ്രാന്‍ഡ് ഹോട്ടലിലും പരിശോധന ആരംഭിച്ചു. ഇഡിയുടെ കൊച്ചി യൂണിറ്റില്‍നിന്നുള്ള ഉദ്യോഗസ്ഥരാണ് കോഴിക്കോട്ട് റെയ്ഡിനെത്തിയത്. ഇഡി സംഘം എത്തുമ്പോള്‍ ഗോകുലം ഗോപാലന്‍ ഡയറക്ടര്‍മാരുടെ യോഗത്തില്‍ പങ്കെടുക്കുകയായിരുന്നു. തുടര്‍ന്ന് യോഗം തീരാന്‍ ഉദ്യോഗസ്ഥര്‍ കാത്തിരിക്കുകയും ഇതിനുശേഷം പരിശോധന ആരംഭിക്കുകയുമായിരുന്നു.
വൈകീട്ട് മൂന്നുമണിയോടെയാണ് കോഴിക്കോട് ഓഫീസിലെ റെയ്ഡ് അവസാനിച്ചത്. ശേഷം ഉദ്യോഗസ്ഥര്‍ ഇവിടെനിന്ന് മടങ്ങി. കൊച്ചിയില്‍നിന്നെത്തിയ ഇഡി സംഘം അവിടേക്ക് തന്നെയാണ് മടങ്ങുന്നതെന്നാണ് വിവരം.ചെന്നൈയിലെ ഓഫീസില്‍ ആരംഭിച്ച റെയ്ഡ് ഉച്ചയ്ക്ക് ശേഷവും തുടരുകയാണ്.വിദേശനാണയ വിനിമയച്ചട്ട ലംഘന(ഫെമ)വുമായി ബന്ധപ്പെട്ട് നേരത്തേയുണ്ടായിരുന്ന കേസുകളുടെ തുടര്‍നടപടികളുടെ ഭാഗമായാണ് വെള്ളിയാഴ്ച ഇഡി പരിശോധന നടത്തിയതെന്നാണ് വിവരം. എന്നാല്‍, ഇതുസംബന്ധിച്ച് കൂടുതല്‍ വിശദാംശങ്ങള്‍ ഇഡി പുറത്തുവിട്ടിട്ടില്ല

ഗോകുലം ഓഫീസിലെ ഇഡി റെയ്ഡ് ;ഉദ്യോഗസ്ഥര്‍ മടങ്ങി,പരിശോധന നീണ്ടത് മൂന്നരമണിക്കൂര്‍

കൽപ്പറ്റ: ആദിവാസി യുവാവ് ഗോകുലിന്റെ മരണത്തിൽ ആദിവാസി സംഘടനകൾ സമര രംഗത്തേക്ക്. സമഗ്ര അന്വേഷണം ആവശ്യപ്പെട്ട് സമരം നടത്താനാണ് നീക്കം. പൊലീസ് സ്റ്റേഷനിലെ മരണത്തിൽ ഹൈക്കോടതിയിൽ ഹർജി സമർപ്പിക്കാനും തീരുമാനിച്ചു.
ഗോകുലിന്റെ മരണത്തിൽ കൽപ്പറ്റ സ്റ്റേഷനിലെ പൊലീസ് ഉദ്യോഗസ്ഥരുടെ മൊഴിയെടുത്തു. ജില്ലാ ക്രൈംബ്രാഞ്ചാണ് ഉദ്യോഗസ്ഥരുടെ മൊഴിയെടുത്തത്. പൊലീസ് കംപ്ലെയിന്റ് അതോറിറ്റി ചെയർമാൻ കൽപ്പറ്റ സ്റ്റേഷനിൽ സന്ദർശനം നടത്തി. പൊലീസിനെതിരെ ആരോപണം ഉന്നയിക്കപ്പെട്ട സാഹചര്യത്തിലായിരുന്നു സന്ദ‌ർശനം. ഫോറൻസിക് സർജന്മാരുടെ സംഘവും കൽപ്പറ്റ സ്റ്റേഷൻ സന്ദർശിച്ചിരുന്നു.

ഗോകുലിന്റെ മരണം; സമഗ്ര അന്വേഷണം ആവശ്യപ്പെട്ട് ആദിവാസി സംഘടനകൾ

തിരുവനന്തപുരം: സിഎംആര്‍എല്‍-എക്‌സാലോജിക് കേസില്‍ മുഖ്യമന്ത്രി പിണറായി വിജയന്റെ മകള്‍ ടി. വീണയെ സീരിയസ് ഫ്രോഡ് ഇന്‍വെസ്റ്റിഗേഷന്‍ ഓഫീസ് (എസ്എഫ്‌ഐഒ) പ്രതിചേര്‍ത്തതിന് പിന്നാലെ മുഖ്യമന്ത്രി രാജിവെക്കണമെന്ന ആവശ്യവുമായി പ്രതിപക്ഷം രംഗത്ത്. രാജിവയ്‌ക്കേണ്ടത് മുഖ്യമന്ത്രിയുടെ ധാര്‍മിക ഉത്തരവാദിത്തമാണെന്ന് പ്രതിപക്ഷ നേതാവ് വി.ഡി. സതീശന്‍ വാര്‍ത്താസമ്മേളനത്തില്‍ പറഞ്ഞു.
വീണയ്ക്ക് വിശദീകരണം നല്‍കാനുള്ള അവസരം നല്‍കിയ ശേഷമാണ് എസ്എഫ്‌ഐഒ അവരെ പ്രതിപ്പട്ടികയില്‍ ഉള്‍പ്പെടുത്തിയത്. ഈ സാഹചര്യത്തില്‍ മുഖ്യമന്ത്രിക്ക് ഒരു നിമിഷം പോലും അധികാരത്തില്‍ തുടരാന്‍ ധാര്‍മിക പിന്തുണയില്ലെന്നും അദ്ദേഹം പറഞ്ഞു. പണ്ട് ഇത്തരം സന്ദര്‍ഭങ്ങളില്‍ ഉത്തരവാദിത്തമുള്ളവര്‍ രാജിവച്ച ചരിത്രം നമ്മുടെ സംസ്ഥാനത്തും രാജ്യത്തും ഉണ്ട്. അതനുസരിച്ച് രാജിവയ്ക്കുകയാണ് ഏറ്റവും ഉചിതം. അധികാരത്തില്‍ തുടര്‍ന്നാല്‍ കാര്യങ്ങള്‍ കൂടുതല്‍ വഷളാകുമെന്നും ജനങ്ങള്‍ അത് ആഗ്രഹിക്കുന്നുണ്ടെന്നും അദ്ദേഹം പറഞ്ഞു.
കേസിന്റെ തുടക്കം മുഖ്യമന്ത്രിയോ അദ്ദേഹത്തിന്റെ മകളോ ഉള്‍പ്പെട്ടതുകൊണ്ടല്ലെന്നും സിഎംആര്‍എല്‍ കമ്പനിയുമായി ബന്ധപ്പെട്ട് ആദായനികുതി വകുപ്പിന്റെ സ്റ്റാറ്റിയൂട്ടറി ബോഡി നടത്തിയ കണ്ടെത്തലാണ് ഇതിന് ആധാരമെന്നും അദ്ദേഹം വ്യക്തമാക്കി. അതിന്റെ തുടര്‍ച്ചയായാണ് എസ്എഫ്‌ഐഒ അന്വേഷണം നടത്തി പ്രതിചേര്‍ത്തത്. ഡല്‍ഹി ഹൈക്കോടതിയില്‍ അപ്പീല്‍ നല്‍കിയിട്ടും ഫലമുണ്ടായില്ല.
ഈ കേസില്‍ വിജിലന്‍സ് കേസ് അഴിമതി തടയല്‍ നിയമം അനുസരിച്ചുള്ള തെളിവുകള്‍ വേണം. ഇത് കള്ളപ്പണം വെളുപ്പിക്കല്‍ നിയമം അനുസരിച്ചുള്ള കേസാണെന്നും സതീശന്‍ ചൂണ്ടിക്കാട്ടി. 'ഹൈക്കോടതി മുഖ്യമന്ത്രിക്കെതിരെ അഴിമതി തടയല്‍ നിയമപ്രകാരം തെളിവില്ലെന്ന് പറഞ്ഞു. എന്നാല്‍, കള്ളപ്പണം വെളുപ്പിക്കല്‍ നിയമം ഇവിടെ ബാധകമാണ്. അതനുസരിച്ചാണ് എസ്എഫ്‌ഐഒ കമ്പനി നിയമത്തിലെ സെക്ഷന്‍ 447 പ്രകാരം തട്ടിപ്പ് കണ്ടെത്തി വീണയെ പ്രതിചേര്‍ത്തത്,'- അദ്ദേഹം വ്യക്തമാക്കി.'യുപിഎ സര്‍ക്കാരില്‍ റെയില്‍വേ മന്ത്രിയായിരുന്ന പവന്‍കുമാര്‍ ബന്‍സാലിന്റെ ബന്ധു ഒരു അഴിമതിക്കേസില്‍ പെട്ടപ്പോള്‍, അദ്ദേഹത്തിന് പങ്കില്ലെങ്കിലും രാജിവയ്ക്കണമെന്ന് ആവശ്യപ്പെട്ടത് സിപിഎം ആയിരുന്നു. കോടിയേരി ബാലകൃഷ്ണന്റെ മകന്‍ കേസില്‍ പെട്ടപ്പോള്‍ ഇതല്ലായിരുന്നല്ലോ നിലപാട്. ഇപ്പോള്‍ എന്താണ് ഈ വ്യത്യാസം?' - അദ്ദേഹം ചോദിച്ചു.

രാജിവയ്‌ക്കേണ്ടത് മുഖ്യമന്ത്രിയുടെ ധാര്‍മിക ഉത്തരവാദിത്തമാണെന്ന് പ്രതിപക്ഷ നേതാവ്

Search Results for: gokulam gopalan