ജൊ​ഹാ​ന​സ്ബ​ർ​ഗ്: ഇന്ത്യ-ദക്ഷിണാഫ്രിക്ക ട്വന്റി 20 പരമ്പരയിലെ മൂന്നാമത്തെയും അവസാനത്തെയും മത്സരത്തിൽ ഇന്ത്യക്ക് തകർപ്പൻ ജയം. 106 റൺസിനാണ് തോൽപ്പിച്ചത്. ഇതോടെ പരമ്പര സമനിലയിൽ (1-1) പിരിഞ്ഞു. നായകൻ സൂര്യകുമാർ യാദവിന്റെ വെടിക്കെട്ട് സെഞ്ച്വറിയും കുൽദീപ് യാദവിന്റെ തകർപ്പൻ ബൗളിങ്ങുമാണ് (അഞ്ച് വിക്കറ്റ്) ഇന്ത്യയുടെ ജയം അനായാസമാക്കിയത്. 56 പ​ന്തി​ൽ 100 റ​ൺ​സെ​ടു​ത്ത സൂ​ര്യ​ക്കു പു​റ​മെ 41 പ​ന്തി​ൽ 60 റ​ൺ​സു​മാ​യി ഓ​പ​ണ​ർ യ​ശ​സ്വി ജ​യ്സ്വാ​ളും തകർത്തടിച്ചതോടെയാണ് ഇന്ത്യ 201 റൺസെന്ന കൂറ്റൻ സ്കോറിലെത്തിയത്. മറുപടി ബാറ്റങ്ങിനിറങ്ങിയ ദക്ഷിണാഫ്രിക്ക 13.5 ഓവറിൽ 95 റൺസിന് എല്ലാവരും പുറത്തായി. 35 റൺസെടുത്ത ഡേവിഡ് മില്ലറാണ് ടോപ് സ്കോറർ. ക്യാപ്റ്റൻ എയ്ഡൻ മാർക്രം 25 ഉം ഡോ​ണോ​വ​ൻ ഫെ​രേ​ര 12 ഉം മാത്രമാണ് രണ്ടക്കം കടന്ന ബാറ്റർമാർ. അഞ്ചു വിക്കറ്റെടുത്ത കുൽ ദീപ് യാദവും രണ്ട് വിക്കറ്റ് വീഴ്ത്തിയ രവീന്ദ്ര ജഡേജയുമാണ് ദക്ഷിണാഫ്രിക്കൻ ബാറ്റിങ്ങിന്റെ നടുവൊടിച്ചത്. മുകേഷ് കുമാർ, അർഷദീപ് സിങ് എന്നിവർ ഒരോ വിക്കറ്റും വീഴ്ത്തി.

106 റൺസിനാണ് തോൽപ്പിച്ചത്

Cricket

ട്വന്റി 20; ദക്ഷിണാഫ്രിക്കക്കെതിരെ ഇന്ത്യക്ക് തകർപ്പൻ ജയം

Sports

വടകര : സിഐടിയു ജില്ലാ സെക്രട്ടറിയോട് കൈചൂണ്ടി സംസാരിച്ചതിന് സിഐടിയു നേതാവിനെ സംഘടനയിൽ നിന്ന് പുറത്താക്കി. സിഐടിയു ഹെഡ്‌ലോഡ് വടകര ഏരിയ വൈസ് പ്രസിഡന്റ് കെ മനോജിനെതിരെയാണ് നടപടി. ശരീരഭാഷ ശരിയായില്ല എന്ന് പറഞ്ഞാണ് തന്നെ പുറത്താക്കിയതെന്നാണ് സിപിഎം ബ്രാഞ്ച് സെക്രട്ടറി കൂടിയായ മനോജ് പറയുന്നത്. പൊതുസ്ഥാപനമായ എൻഎംഡിസിയിലെ ജീവനക്കാരനാണ് മനോജ്.
'ഏപ്രിൽ 20ന് സമ്മേളനം നടക്കുകയാണ്. അതിന്റെ ഭാഗമായുള്ള ചർച്ചകൾ നടന്നിരുന്നു. സിഐടിയു ജില്ലാ സെക്രട്ടറി നാസറിനോട് പ്രശ്‌നങ്ങൾ ഉന്നയിച്ച ഞാൻ കുറച്ച് ഉറക്കെ സംസാരിച്ചു. അത് ഞാൻ സമ്മതിക്കുന്നു. എന്നാൽ, തെറ്റായ ഒരുവാക്ക് പോലും ഉപയോഗിച്ചില്ല. പ്രശ്‌നങ്ങൾ അറിയിക്കുക മാത്രമാണ് ചെയ്‌തത്. പിന്നീട് നടത്തിയ യോഗത്തിൽ ഞാൻ നാസറിനെ അടിച്ചുവെന്നാണ് യൂണിയൻ ഏരിയ പ്രസിഡന്റ് കെകെ രമേശൻ കള്ളം പറഞ്ഞത്. കൈചൂണ്ടി വളരെ മോശമായി സംസാരിച്ചുവെന്നും അതിന്റെ പേരിൽ പുറത്താക്കുകയാണെന്നും പറഞ്ഞു. പാർട്ടി വിരുദ്ധമായ ഒന്നുംതന്നെ പറഞ്ഞിട്ടില്ല. സിപിഎമ്മിൽ പരാതി നൽകാനാണ് എന്റെ തീരുമാനം', മനോജ് പറഞ്ഞു.

ജില്ലാ നേതാവിനോട് കൈചൂണ്ടി സംസാരിച്ചു; വടകരയിൽ സിഐടിയു നേതാവിനെ സംഘടനയിൽ നിന്ന് പുറത്താക്കി

Vadakara

നാദാപുരം: പോക്സോ കോടതി കേസെടുക്കാന്‍ ഉത്തരവിട്ട എഇഒക്കെതിരെ നടപടിയെടുക്കാതെ വിദ്യാഭ്യാസ വകുപ്പ്. അഞ്ചാംക്ലാസുകാരിക്കെതിരെ ലൈംഗികാതിക്രമം നടത്തിയ അധ്യാപകനെതിരെ പരാതി ലഭിച്ചിട്ടും നടപടിയെടുത്തില്ലെന്നാണ് എഇഒക്കെതിരായ പരാതി. കോടതി ഉത്തരവ് വന്നതിന് പിന്നാലെ സ്കൂള്‍ മാനേജർ പൊതുവിദ്യാഭ്യാസ ഡയറക്ടർക്ക് പരാതി നല്കിയെങ്കിലും ഇതുവരെ നടപടിയെടുത്തില്ല.
നാദാപുരത്തിന് സമീപത്തെ എല്‍ പി സ്കൂള്‍ അധ്യാപകന്‍ അഞ്ചാംക്സാസുകാരിയോട് ലൈംഗികാതിക്രമം കാണിച്ചത് സ്കൂളിലെ സിസിടിവിയിലൂടെ അറിഞ്ഞ സ്കൂള്‍ മാനേജർ അധ്യാപകനെതിരെ നടപടിയെടുക്കാന്‍ പ്രധാനാധ്യപികയോടും നാദാപുരം എഇഒയോടും ആവശ്യപ്പെട്ടെങ്കിലും നടപടിയുണ്ടായില്ല.മാനേജറുടെ പരാതിയില്‍ പൊലീസ് കേസെടുത്തെങ്കിലും പരാതിയില്‍ കഴമ്പില്ലെന്ന റിപ്പോർട്ടാണ് പൊലീസും നല്കിയത്. ഭരണാനുകൂല അധ്യാപക സംഘടനയിലെ സജീവ അംഗമായ അധ്യാപകനെ സംരക്ഷിക്കാന്‍ പൊലീസും വിദ്യാഭ്യാസ വകുപ്പിലെ ഉദ്യോഗസ്ഥരും കൂട്ടു നിന്നു എന്നാണ് ആക്ഷേപം.

ലൈംഗികാതിക്രമത്തിന്റെ സി സി ടി വി ദൃശ്യങ്ങളടക്കം തെളിവ് ഹാജരാക്കി കോഴിക്കോട് പോക്സോ കോടതിയില്‍ സ്കൂള്‍ മാനേജർ നല്കിയ കേസ് വഴിത്തിരിവായി. പൊലീസ് റിപ്പോർട്ട് തള്ളിയ കോടതി അധ്യാപകനെതിരെ കേസുമായി മുന്നോട്ടു പോകാന്‍ ആവശ്യപ്പെട്ടു. കൂടാതെ പ്രാധാനാധ്യാപികക്കും എഇഒക്കും എതിരെ പോക്സോ നിയമം 21 ാം വകുപ്പ് പ്രകാരം കുറ്റം നിലനിലക്കുമെന്നും കോടതി മാർച്ച് 28 ന് വിധിച്ചു.ഇതിന് പിന്നാലെ അധ്യാപകനെയും പ്രധാനാധ്യാപികയെയും സ്കൂള്‍ മാനേജർ സസ്പെന്‍ഡ് ചെയ്തു. എഇഒ ക്കെതിരെ നടപടി ആവശ്യപ്പെട്ട് പൊതുവിദ്യാഭ്യാസ ഡയറക്ടർക്ക് പരാതിയും നല്കി. എന്നാല്‍ എഇഒക്കെതിരെ ഇതുവരെ വിദ്യാഭ്യാസ വകുപ്പ് നടപടിയെടുത്തിട്ടില്ല.&nbsp;

നാദാപുരത്ത് പോക്സോ കോടതി കേസെടുക്കാന്‍ ഉത്തരവിട്ട എഇഒക്കെതിരെ നടപടിയെടുക്കാതെ വിദ്യാഭ്യാസ വകുപ്പ്

Nadapuram

കണ്ണൂര്‍: മൂന്നര മാസം പ്രായമുള്ള സ്വന്തം കുഞ്ഞിനെ കൊന്നുകളഞ്ഞ ക്രൂരയായ അമ്മ. കുണ്ടറ സ്വദേശിനി ദിവ്യ ജോണിയെക്കുറിച്ച് ആദ്യമായി മലയാളികൾ അറിഞ്ഞത് ഇങ്ങനെയായിരുന്നു. സ്വന്തം കുഞ്ഞിനെ ഇല്ലാതാക്കിയ അമ്മയോട് സമൂഹത്തിന് വെറുപ്പ് മാത്രമേ തോന്നു. എന്നാല്‍, ദിവ്യ തന്റെ ജീവിതം തുറന്നുപറഞ്ഞപ്പോള്‍ ആ വെറുപ്പ് സഹതാപമായി, സ്‌നേഹമായി. അതിനേക്കാളുപരി പ്രസവാനന്തരം സ്ത്രീകള്‍ക്ക് സംഭവിക്കാന്‍ സാധ്യതയുള്ള 'പോസ്റ്റ്പാര്‍ട്ടം ഡിപ്രഷന്‍' എന്ന മാനസികാവസ്ഥയെക്കുറിച്ച് വലിയ ചര്‍ച്ചകള്‍ക്ക് തുടക്കമിടാന്‍ ദിവ്യയ്ക്ക് സാധിച്ചു.
സമൂഹത്തിന്റെ ഭാഗത്തുനിന്ന് ഉണ്ടായ കുത്തുവാക്കുകളും മാനസികപീഡനവും, അതിലുപരി താന്‍ ചെയ്ത തെറ്റിന്റെ കുറ്റബോധവും ദിവ്യയെ വേട്ടയാടിയിരുന്നു. കാലക്രമേണ അതിനെയെല്ലാം മറികടന്ന്‌ ജീവിതത്തിലേക്ക് തിരിച്ചുവന്ന ദിവ്യ മരണത്തിന് മുന്നില്‍ കീഴടങ്ങിയെന്ന വാര്‍ത്തയാണ് പുറത്തുവന്നത്.
കണ്ണൂരിലെ ഭര്‍തൃവീട്ടില്‍ ആത്മഹത്യയ്ക്ക് ശ്രമിച്ചുവെന്നും ചികിത്സയ്ക്ക് ശേഷം വീട്ടില്‍ മടങ്ങിയെത്തിയപ്പോള്‍ ഹൃദയാഘാതം സംഭവിച്ചുവെന്നുമാണ് വിവരം. സംഭവത്തില്‍ ആലക്കോട് പോലീസ് അന്വേഷണം ആരംഭിച്ചിട്ടുണ്ട്. കഴിഞ്ഞ വര്‍ഷമാണ് കണ്ണൂര്‍ സ്വദേശിയെ ദിവ്യ വിവാഹം ചെയ്തത്.
പഠിക്കാന്‍ മിടുക്കിയായിരുന്നു ദിവ്യ. ബിരുദാനന്തര ബിരുദത്തിന് ശേഷം പ്രണയിച്ച വ്യക്തിക്കൊപ്പം വിവാഹജീവിതത്തിലേക്ക് പ്രവേശിച്ചു. എന്നാല്‍, ഭര്‍തൃവീട്ടില്‍ കടുത്ത മാനസികപീഡനമാണ് തനിക്ക് നേരിടേണ്ടി വന്നതെന്ന് ദിവ്യ തുറന്നുപറഞ്ഞിട്ടുണ്ട്. ഗര്‍ഭിണി ആയപ്പോഴും ഒരു പെണ്‍കുഞ്ഞിന് ജന്മം നല്‍കിയപ്പോഴും ജീവിതത്തെ പ്രതീക്ഷാപൂര്‍വം തന്നെയാണ് ദിവ്യ കണ്ടത്. എന്നാല്‍, കുഞ്ഞുമായി പ്രസവത്തിന്റെ നാലാം ദിവസം ഭര്‍തൃഗൃഹത്തിലേക്ക് എത്തിയപ്പോള്‍ ദിവ്യയോടുള്ള സമീപനത്തില്‍ അവര്‍ക്ക് മാറ്റമുണ്ടായില്ല. പോസ്റ്റ്പാര്‍ട്ടം ഡിപ്രഷന്‍ അതിന്റെ മൂര്‍ധന്യാവസ്ഥയിലെത്തിയപ്പോള്‍ ദിവ്യയുടെ മനസ്സിന്റെ കടിഞ്ഞാണ്‍ കൈവിട്ടു. ആദ്യം കുഞ്ഞിനെ ബക്കറ്റില്‍ മുക്കിക്കൊല്ലാന്‍ ശ്രമിച്ചു. പിന്നീട് മനസ്സുമാറിയപ്പോള്‍ അതില്‍നിന്ന് പിന്‍മാറി. എന്നാല്‍, മനസ്സ് വീണ്ടും കൈവിട്ടപ്പോള്‍ തലയിണകൊണ്ട് ശ്വാസം മുട്ടിച്ച് ദിവ്യ കുഞ്ഞിനെ കൊലപ്പെടുത്തി. കുഞ്ഞിന്റെ മരണത്തെ തുടര്‍ന്ന് പോലീസ് ദിവ്യയെ കസ്റ്റഡിയിലെടുത്തു. ചികിത്സയ്ക്ക് വിധേയയാക്കിയപ്പോള്‍ കടുത്ത പോസ്റ്റ്പാര്‍ട്ടം ഡിപ്രഷനാണെന്ന് മാനസിക വിദഗ്ധരും വിലയിരുത്തി. ഒരുപാട് ചികിത്സയ്ക്ക് ശേഷമാണ് ദിവ്യ ജീവിതത്തിലേക്ക് മടങ്ങിയെത്തിയത്.

‘സ്വന്തം കുഞ്ഞിനെ കൊന്ന അമ്മ’; പോസ്റ്റ്പാര്‍ട്ടം ഡിപ്രഷന്റെ ഇരയായ ദിവ്യാ ജോണി മരണത്തിന് കീഴടങ്ങി

Kerala

വടകര: സ്വകാര്യ ബസ് ജീവനക്കാരുമായുണ്ടായ തർക്കത്തിനിടെ വ്‌ളോഗര്‍ തൊപ്പി എന്ന പേരില്‍ അറിയപ്പെടുന്ന മുഹമ്മദ് നിഹാല്‍ തോക്ക് ചൂണ്ടിയതായും ആരോപണം. സംഭവത്തിൽ തൊപ്പിയെയും കൂടെ ഉണ്ടായിരുന്ന രണ്ടു പേരെയും പോലീസ് കസ്റ്റഡിയില്‍ എടുത്തിരുന്നു. സ്വകാര്യ ബസ് ജീവനക്കാരുമായുണ്ടായ വാക്കേറ്റത്തെ തുടര്‍ന്നാണ് സംഭവങ്ങളുടെ തുടക്കം. തര്‍ക്കത്തിനിടെ നിഹാല്‍ ഇവര്‍ക്ക് നേരേ ലൈസന്‍സ് ആവശ്യമില്ലാത്ത എയര്‍ പിസ്റ്റള്‍ ചൂണ്ടിയെന്നാണ് ആരോപണം. എന്നാല്‍ പരാതിയൊന്നും ലഭിക്കാത്തതിനെത്തുടര്‍ന്ന് പോലീസ് കേസ് എടുത്തില്ലെന്നാണ് വിവരം. ശരത് എസ് നായര്‍, മുഹമ്മദ് ഷമീര്‍ എന്നിവരാണ് കൂടെയുണ്ടായിരുന്ന മറ്റ് രണ്ടുപേര്‍.
ചൊവ്വാഴ്ച വൈകീട്ടായിരുന്നു സംഭവം. വടകര - കൈനാട്ടി ദേശീയപാതയില്‍ കോഴിക്കോട്ടേക്ക് പോകുകയായിരുന്നു മുഹമ്മദ് നിഹാല്‍. കാറിന് അരികിലേക്ക് അശ്രദ്ധമായി ബസ് എത്തിയെന്ന് ആരോപിച്ച് ബസിന് പിന്നാലെ തൊപ്പിയും കാര്‍ യാത്രക്കാരായ രണ്ട് പേരും വടകര ബസ് സ്റ്റാന്റില്‍ എത്തി. തുടര്‍ന്ന് ബസ് ജീവനക്കാരുമായി വാക്കേറ്റമുണ്ടാവുകയും തോക്ക് ചൂണ്ടുകയുമായിരുന്നു. കാറുമായി രക്ഷപെടാന്‍ ശ്രമിക്കുന്നതിനിടെ ബസ് തൊഴിലാളികള്‍ തൊപ്പിയെ തടഞ്ഞ് വെച്ച് പൊലീസില്‍ ഏല്‍പ്പിക്കുകയായിരുന്നു. വൈകുന്നേരം തൊപ്പിയെയും കൂട്ടരെയും പോലീസ് സ്റ്റേഷനിൽ എത്തിച്ചത് സംബന്ധിച്ച് നാട്ടുവാർത്ത വാർത്ത നൽകിയിയിരുന്നു.
(വീഡിയോ കാണാനായി താഴെയുള്ള ലിങ്കിൽ ക്ലിക്ക് ചെയ്യുക)
<a href="https://youtu.be/fykSsYo2-bI" target="_self">യൂട്യൂബർ 'തൊപ്പി' വടകര പോലീസ് സ്റ്റേഷനിൽ; നടപടി ബസ് ജീവനക്കാരുമായുള്ള തർക്കത്തെ തുടർന്ന്</a>


..

വടകരയിൽ വച്ച് ബസ് ജീവനക്കാർക്ക് നേരെ തൊപ്പി തോക്ക് ചൂണ്ടിയതായും ആരോപണം

നാദാപുരം: കല്ലാച്ചിയിൽ ടാക്സി ജീപ്പ് ഡ്രൈവർ ഉൾപ്പെടെ രണ്ട് പേർ എം ഡി എം എയുമായി പോലീസ് പിടിയിൽ. വിഷ്ണുമംഗലം കിഴക്കെ പറമ്പത്ത് കെ പി റഹീസ് (27) , കല്ലാച്ചിയിലെ ടാക്സി ജീപ്പ് ഡ്രൈവർ വിഷ്ണുമംഗലം സ്വദേശി ചമ്പോട്ടുമ്മൽ കെ. മുഹമ്മദ് സായിദ് (27) എന്നിവരെയാണ് നാദാപുരം പോലീസും ഡി വൈ എസ് പി എ.പി. ചന്ദ്രൻ്റെ നേതൃത്വത്തിലുള്ള സ്ക്വാഡും ചേർന്ന് പിടികൂടിയത്. മുഹമ്മദ് സയിദിൽ നിന്ന് O.11 ഗ്രാം എം ഡി എം എ യും ഇയാൾ സഞ്ചരിച്ച കെ എൽ 18 എ.സി 8424 നമ്പർ സ്കൂട്ടറും പോലീസ് കസ്റ്റഡിയിൽ എടുത്തു. തെരുവൻ പറമ്പ് ഗവ കോളജ് റോഡിൽ നിന്നാണ് റഹീസ് പിടിയിലായത്. പ്രതിയിൽ നിന്ന് O.05 ഗ്രാം എം ഡി എം എ പോലീസ് പിടികൂടി.

കല്ലാച്ചിയിൽ എം ഡി എം എയുമായി ടാക്സിഡ്രൈവർ ഉൾപ്പെടെ രണ്ട് പേർ അറസ്റ്റിൽ

മുഹമ്മദ് സായിദ്, റഹീസ് ,

കോഴിക്കോട്: ഫറോക്കിൽ പതിനഞ്ചുകാരിയെ സമപ്രായക്കാരായ രണ്ടുപേർ ചേർന്ന് പീഡിപ്പിച്ചെന്ന് പരാതി. പീഡന ദൃശ്യങ്ങൾ അവരുടെ ഒപ്പം ഉണ്ടായിരുന്ന പതിനൊന്നുകാരൻ പകർത്തിയെന്നും പരാതിയിൽ പറയുന്നു. കൗൺസിലിംഗിനിടെയാണ് പെൺകുട്ടി പീഡന വിവരം തുറന്നുപറഞ്ഞത്. ഒരാഴ്ച മുൻപാണ് സംഭവം നടന്നത്.&nbsp;
പെൺകുട്ടിയുടെ മൊഴിയിൽ നല്ലളം പൊലീസ് കേസെടുത്തിട്ടുണ്ട്. കുറ്റാരോപിതരായ കുട്ടികളോട് ചൊവ്വാഴ്ച ചൈൽഡ് വെൽഫെയർ കമ്മിറ്റിയ്ക്ക് (സിഡബ്ല്യുസി)​ മുന്നിൽ ഹാജരാകാൻ ആവശ്യപ്പെട്ട് രക്ഷിതാക്കൾക്ക് നോട്ടീസ് നൽകി.

കോഴിക്കോട് പതിനഞ്ചുകാരിയെ സമപ്രായക്കാർ  പീഡിപ്പിച്ചു; ദൃശ്യങ്ങൾ പകർത്തിയത് പതിനൊന്നുകാരൻ

Kozhikode

അന്തരിച്ച നടൻ കൊല്ലം സുധിയുടെ ഭാര്യ രേണു സമൂഹമാദ്ധ്യമത്തിൽ പങ്കുവച്ച പുതിയ ചിത്രങ്ങൾക്ക് ലഭിക്കുന്നത് രൂക്ഷവിമർശനം. വിഷു ആശംസകൾ എന്ന പേരിൽ പങ്കുവച്ച ചിത്രങ്ങൾക്കാണ് സൈബർ ആക്രമണം നേരിടുന്നത്. 'ഒരു സ്ത്രീക്ക് ഉണ്ടായിരിക്കേണ്ട ഏറ്റവും ആകർഷകമായ കാര്യം ആത്മവിശ്വാസമാണ്', 'സ്ത്രീകളാണ് സമൂഹത്തിന്റെ യഥാർത്ഥ ശില്പികൾ', 'ശക്തരായ സ്ത്രീകൾക്ക് ആറ്റിറ്റ്യൂഡ് ഇല്ല, മാനദണ്ഡങ്ങളുണ്ട്' എന്നിങ്ങനെയുള്ള കുറിപ്പുകളോടെയാണ് ചിത്രങ്ങൾ പങ്കുവച്ചിരിക്കുന്നത്.
നാടൻ ലുക്കിനൊപ്പം മോഡേൺ ടച്ചും കലർന്ന വേഷമാണ് രേണു സുധി ധരിച്ചിരിക്കുന്നത്. പട്ടുപാവാടയും ടോപ്പുമാണ് രേണു അണിഞ്ഞിരിക്കുന്നത്. രേണുവിന്റെ മോഡേൺ ലുക്കിനാണ് വിമർശനങ്ങൾ നേരിടുന്നത്.'ഇതിപ്പോ ഉടുക്കാൻ മറന്നുപോയതാണോ, അതോ ഉടുത്തത് അഴിഞ്ഞു പോയത് ആണോ, ഇനീപ്പോ ഉടുക്കാൻ ഇഷ്ടം ഇല്യാഞ്ഞിട്ടാണോ', 'ഇങ്ങനെ വേണ്ടാരുന്നു', 'ഒന്നും പറയുന്നില്ല പറഞ്ഞ ചെലവിന് കൊടുക്കാൻ പറയും', 'സ്വന്തം ശരീരം പ്രദർശിപ്പിച്ചുകൊണ്ടു മാത്രമല്ല സ്ട്രോങ്ങ് വുമൺ ആവേണ്ടത്', 'നിനക്ക് നാണമില്ലേ രേണു ഇങ്ങനെ തുണി ഉരിഞ്ഞു കാണിക്കാന് ശ്രുതി മരിക്കാൻ നോക്കിയിരുന്നു അവൾ തുണി അഴിക്കാൻ', 'ഇച്ചിരി ഉളുപ്പ് നല്ലതാ ചത്തൂടെ ഒന്ന് സുധി അല്ല മരിക്കേണ്ടത് നീ ആയിരിന്നു നിനക്ക് 2 മക്കൾ ഇല്ലേ', 'ഇത്രയും വേണ്ടായിരുന്നു മോശം ആയി', 'ഭർത്താവ് മരിച്ച ഒരു സ്ത്രീ ചെയ്യുന്ന കാര്യം അല്ല ഇത്'- തുടങ്ങിയ രൂക്ഷ കമന്റുകളാണ് ചിത്രങ്ങൾക്ക് ലഭിക്കുന്നത്.&nbsp;

'സ്വന്തം ശരീരം പ്രദർശിപ്പിച്ചുകൊണ്ടു മാത്രമല്ല സ്ട്രോങ്ങ് വുമൺ ആവേണ്ടത്' ;രേണു സുധിയുടെ ചിത്രങ്ങളിൽ സൈബർ ആക്രമണം

കരുമാല്ലൂര്‍: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ഗര്‍ഭിണിയാക്കിയ കേസിലെ പ്രതി പിടിയില്‍. കിഴക്കേ വെളിയത്തുനാട് കടൂപ്പാടം വാഴയില്‍പറമ്പുവീട്ടില്‍ മുഹമ്മദ് യാസിനി (18) നെയാണ് ആലങ്ങാട് പോലീസ് ഇന്‍സ്‌പെക്ടര്‍ ടി.പി. ജെസ്റ്റിന്റെ നേതൃത്വത്തിലുള്ള സംഘം അറസ്റ്റ്‌ചെയ്തത്. പത്താംക്ലാസ് വിദ്യാര്‍ഥിനിയെയാണ് ഇയാള്‍ ഗര്‍ഭിണിയാക്കിയത്.
സ്‌കൂള്‍ അധികൃതരാണ് പോലീസില്‍ അറിയിച്ചത്. തുടര്‍ന്ന് ആലുവ ഈസ്റ്റ് പോലീസ് കേസെടുത്ത് അന്വേഷിക്കുന്നതിനിടെ പ്രതി മുങ്ങുകയായിരുന്നു. കേസ് കൈമാറിയതിനേത്തുടര്‍ന്നാണ് ആലങ്ങാട് പോലീസ് അന്വേഷണം നടത്തി വെള്ളിയാഴ്ച പ്രതിയെ അറസ്റ്റ്‌ചെയ്തത്.

പത്താംക്ലാസ് വിദ്യാര്‍ഥിനിയെ പീഡിപ്പിച്ച് ഗര്‍ഭിണിയാക്കിയ യുവാവ് അറസ്റ്റില്‍

നാദാപുരം: ലക്ഷങ്ങളുടെ വാടക കുടിശ്ശികയായതോടെ നാദാപുരം മേഖലയിൽ ബി.എസ്.എൻ.എൽ ഇൻ്റർനെറ്റ് കണക്ഷൻ കെ.എസ്.ഇ.ബി വിച്ഛേദിച്ചു. സർക്കാർ ഓഫിസുകളുടെ അടക്കം പ്രവർത്തനം അവതാളത്തിലായി.
ഇന്റർനെറ്റ് കേബിൾ കടന്ന് പോവുന്ന വൈദ്യുതി വകുപ്പിന്റെ പോസ്റ്റുകളുടെ വാടകയാണ് കുടിശ്ശികയായത്. 2023 - 24 വർഷത്തിൽ നാല് ലക്ഷത്തോളം രൂപയാണ് കെഎസ്ഇബിക്ക് ലഭിക്കാനുള്ളത്.

വാടക കുടിശ്ശിക; നാദാപുരം മേഖലയിൽ ബി.എസ്.എൻ.എൽ  ഇൻ്റർനെറ്റ് കണക്ഷൻ വിച്ഛേദിച്ച് കെ.എസ്.ഇ.ബി

പത്തനംതിട്ട: കൊവിഡ് ബാധിതയെ ആംബുലൻസിൽ വച്ച് പീഡിപ്പിച്ച കേസിൽ പ്രതിക്ക് ജീവപര്യന്തം തടവ് ശിക്ഷ വിധിച്ച് കോടതി. കായംകുളം സ്വദേശി നൗഫിലിനെയാണ് ജീവപര്യന്തം തടവിന് പത്തനംതിട്ട കോടതി ശിക്ഷിച്ചത്. 2020 സെപ്​റ്റംബർ അഞ്ചിനാണ് സംഭവം നടന്നത്. ജീവപര്യന്തം തടവ് ശിക്ഷയ്ക്ക് പുറമെ 1,08000 രൂപ പിഴയും കോടതി വിധിച്ചു. ആറു വകുപ്പുകളിലായാണ് കോടതി ശിക്ഷ പുറപ്പെടുവിച്ചിരിക്കുന്നതെന്നും ഏറെ സങ്കീർണമായ അന്വേഷണമാണ് കേൊവിഡ് കാലത്ത് നടന്നതെന്നും സമയ ബന്ധിതമായി കുറ്റപത്രം നൽകിയെന്നും പത്തനംതിട്ട അഡീഷണൽ എസ്‍പി ആർ ബിനു പറഞ്ഞു.
യുവതിയെ കൊവിഡ് സെന്ററിലേക്ക് കൊണ്ടുപോകുന്നതിനിടെ നൗഫൽ പീഡിപ്പിക്കുകയായിരുന്നു. ഡിഎൻഎ പരിശോധനയിൽ യുവതി പീഡനത്തിനിരയായെന്ന് തെളിഞ്ഞിരുന്നു. ബലാത്സംഗം, തട്ടിക്കൊണ്ടുപോകൽ എന്നീ കുറ്റങ്ങളും ചുമത്തിയിട്ടുണ്ട്.&nbsp;

കൊവിഡ് ബാധിതയെ ആംബുലൻസിൽ വച്ച് പീഡിപ്പിച്ച കേസ്; പ്രതിക്ക് ജീവപര്യന്തം തടവ്

ഒഞ്ചിയം : പടക്കനിർമാണത്തിന് നിയമവിരുദ്ധമായി സൂക്ഷിച്ച സ്ഫോടകവസ്തുക്കളും അനുബന്ധ വസ്തുക്കളും ചോമ്പാല പോലീസ് പിടിച്ചെടുത്തു. മടപ്പള്ളി കരുനിലം കുനിയിൽ ചന്ദ്രൻ എന്നയാളുടെ വീട്ടിൽ അനധികൃതമായി സ്ഫോടകവസ്തുക്കൾ സൂക്ഷിച്ചിട്ടുണ്ടെന്ന രഹസ്യവിവരത്തിന്റെ അടിസ്ഥാനത്തിൽ ചോമ്പാല പോലീസ് സബ് ഇൻസ്പെക്ടർ വികാസ് പി.യുടെ നേതൃത്വത്തിൽ സബ് ഇൻസ്പെക്ടർ അനിൽ കുമാർ പി., എഎസ്‍ഐ ചിത്രദാസ്, എസ്‍സി‍പിഒ ലിനീഷ്, സിപിഒ രമ്യ, സിപിഒ അജേഷ് എന്നിവരടങ്ങിയ സംഘമാണ് വീടുപരിശോധിച്ച് സ്ഫോടകവസ്തുക്കളും അനുബന്ധ സാമഗ്രികളും പിടിച്ചെടുത്തത്. വീട്ടുടമയുടെപേരിൽ കേസ് രജിസ്റ്റർചെയ്തു.

മടപ്പള്ളിയിൽ അനധികൃത സ്ഫോടകവസ്തുക്കൾ പോലീസ് പിടിച്ചെടുത്തു

നാദാപുരം: കഞ്ചാവുമായി പശ്ചിമ ബംഗാൾ സ്വദേശി പോലീസ് പിടിയിൽ. സൗത്ത് 24 ഫർഗാന സ്വദേശി അൽനൂർ സർദാർ (31) നെയാണ് നാദാപുരം എസ് ഐ എം.പി. വിഷ്ണുവും സബ് ഡിവിഷണൽ ഡി വൈ എസ് പി എ.പി. ചന്ദ്രൻ്റെ നേതൃത്വത്തിലുള്ള സ്ക്വാഡും പിടികൂടിയത്. പ്രതിയിൽ നിന്ന് 34 ഗ്രാം കഞ്ചാവ് പോലീസ് പിടികൂടി. കുമ്മങ്കോട് വരിക്കോളി റോഡിൽ ഒമ്പത് കണ്ടം ഗാർഡന് സമീപമാണ് പ്രതി പിടിയിലായത്. കഴിഞ്ഞ ദിവസം ബ്രൗൺ ഷുഗറുമായി ബംഗാൾ സ്വദേശി പോലീസ് പിടിയിലായിരുന്നു

നാദാപുരത്ത് കഞ്ചാവുമായി ബംഗാൾ സ്വദേശി അറസ്റ്റിൽ

നാദാപുരം: തൂണേരിയില്‍ കോളജ് വിദ്യാര്‍ഥിനി തീ കൊളുത്തി മരിച്ച നിലയില്‍. ടൗണിനടുത്ത് കൈതേരിപ്പൊയില്‍ കാര്‍ത്തികയാണ് (20) മരിച്ചത്. മാഹി മഹാത്മാഗാന്ധി ഗവ.കോളേജ് ബിഎസ്‌സി ഫിസിക്‌സ് രണ്ടാം വര്‍ഷ വിദ്യാര്‍ഥിനിയാണ്. തിങ്കളാഴ്ച വൈകിട്ടാണ് വീടിനു മുകളിലത്തെ മുറിയില്‍ തീകൊളുത്തിയ നിലയില്‍ വിദ്യാര്‍ഥിനിയെ കണ്ടത്.
ഉടന്‍ നാദാപുരം ഗവ. ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. നാദാപുരം പോലീസ് കേസെടുത്ത് അന്വേഷണം ആരംഭിച്ചു. സ്വയം കൊളുത്തിയതാണെന്നാണ് പ്രാഥമിക നിഗമനം. മൃതദേഹം പോസ്റ്റ് മോര്‍ട്ടത്തിനായി കോഴിക്കോട് മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി. സുകുമാരന്റെയും ശോഭയുടെയും മകളാണ്. സഹോദരി: ദേവിക.

തൂണേരിയില്‍ ബിരുദ വിദ്യാര്‍ഥിനി തീ കൊളുത്തി മരിച്ച നിലയില്‍

റാന്നി: ടോയ്​ലറ്റ്​ ഉപയോഗിക്കാന്‍ നല്‍കാത്ത പെട്രോൾ പമ്പുടമക്കെതിരെ 1.65 ലക്ഷം രൂപ പിഴയിട്ട് പത്തനംതിട്ട ഉപഭോക്തൃ തർക്കപരിഹാര കമീഷൻ. പരാതിക്കാരിക്ക്​ 1,50,000 രൂപ നഷ്‌ടപരിഹാരവും 15,000 രൂപ കോടതി ചെലവും ചേർത്ത് 1,65,000 രൂപ നൽകാനാണ് വിധി.
അടൂർ ഏഴകുളം ഊരകത്ത് ഇല്ലംവീട്ടിൽ അധ്യാപികയായ സി.എൽ. ജയകുമാരി നൽകിയ പരാതിയിലാണ്​ പയ്യോളി തെനംകാലിലെ പെട്രോൾ പമ്പുടമ ഫാത്തിമ ഹന്ന പിഴ അടക്കേണ്ടത്​. 2024 മേയ് എട്ടിന്​ ജയകുമാരി കാസർകോട്ടുനിന്ന്​ ഏഴംകുളത്തെ വീട്ടിലേക്ക് കാറിൽ വരവേ രാത്രി 11ന്​ പെട്രോൾ പമ്പിൽ കയറി ഇന്ധനം നിറച്ചശേഷം ടോയ്​ലറ്റ്​ ഉപയോഗിക്കാൻ പോയപ്പോൾ അത്​ അടച്ചിട്ടിരിക്കുകയായിരുന്നു.
താക്കോലുമായി മാനേജർ വീട്ടിൽ പോയെന്നായിരുന്നു ജീവനക്കാരുടെ മറുപടി. തുടർന്ന്​ പയ്യോളി പൊലീസ്​ ഇടപെട്ട്​​ ടോയ്‌ലറ്റ് തുറന്നുനൽകി. ഇതേതുടർന്ന്​ നൽകിയ പരാതിയിൽ​ പൊലീസ്​ കേസെടുത്തിരുന്നു. പെട്രോൾ പമ്പിൽ ടോയ്‌ലറ്റ് സൗകര്യം നൽകണമെന്ന്​ നിബന്ധനയുണ്ടെന്ന്​ കമീഷൻ ചൂണ്ടിക്കാട്ടി. കമീഷൻ പ്രസിഡന്‍റ്​ ബേബിച്ചൻ വെച്ചൂച്ചിറയും അംഗമായ നിഷാദ് തങ്കപ്പനും ചേർന്നാണ് വിധി പ്രസ്താവിച്ചത്.

ടോയ്​ലറ്റ്​ ഉപ‍യോഗിക്കാൻ നൽകിയില്ല; പയ്യോളിയിലെ പെട്രോൾ പമ്പുടമക്ക്​ 1.65 ലക്ഷം പിഴ

നാദാപുരം: വിൽപ്പനക്കായി സൂക്ഷിച്ച മയക്ക് മരുന്നുമായി ബംഗാൾ സ്വദേശി പോലീസ് പിടിയിലായി. വെസ്റ്റ് ബംഗാൾ 24 ഫർഗാന സ്വദേശി അമാനുള്ള ഖയാൽ (29 ) നെയാണ് നാദാപുരം എസ് ഐ എം.പി. വിഷ്ണു അറസ്റ്റ് ചെയ്തത്. പ്രതിയിൽ നിന്ന് O.17 ഗ്രാം നിരോധിത മയക്ക് മരുന്നായ ബ്രൗൺ ഷുഗർ പോലീസ് പിടികൂടി. കഴിഞ്ഞ ദിവസം രാത്രി നാദാപുരം - കല്ലാച്ചി സംസ്ഥാന പാതയിൽ രജിസ്ട്രർ ഓഫിസ് പരിസരത്ത് നിന്നാണ് പ്രതി പിടിയിലായത്.

നാദാപുരത്ത് ബ്രൗൺ ഷുഗറുമായി അറസ്റ്റിൽ

തളിപ്പറമ്പ്: സുഹൃത്തിന്റെ വീട്ടിലേക്ക് എന്ന് പറഞ്ഞ് വീട്ടിൽനിന്നും പോയ യുവതികളെയും സുഹൃത്തുക്കളെയും എം.ഡി.എം.എയുമായി ലോഡ്ജിൽനിന്ന് പിടികൂടി. മട്ടന്നൂർ മരുതായി സ്വദേശി മുഹമ്മദ് ഷംനാദ് (23), വളപട്ടണം സ്വദേശി മുഹമ്മദ്‌ ജെംഷീൽ (37), ഇരിക്കൂർ സ്വദേശിനീ റഫീന (24), കണ്ണൂർ സ്വദേശിനി ജസീന (22) എന്നിവരാണ് അറസ്റ്റിലായത്. ഇവരിൽനിന്ന് 490 മില്ലി ഗ്രാം എം.ഡി.എം.എ കണ്ടെടുത്തു. ലഹരി ഉപയോഗിക്കാനുള്ള ടെസ്‌റ്റ്ട്യൂബുകളും സിഗർ ലാമ്പുകളും ഇവരുടെ പക്കലുണ്ടായിരുന്നു.
യുവതികൾ പെരുന്നാൾ ദിവസമാണ് വീട്ടിൽനിന്ന് പോയ​തെന്ന് റെയ്ഡിന് നേതൃത്വം നൽകിയ എക്സൈസ് സംഘം പറഞ്ഞു. തുടർന്ന് വിവിധ സ്ഥലങ്ങളിൽ ലോഡ്ജിൽ മുറി എടുത്ത് മയക്കുമരുന്നു ഉപയോഗിച്ച് വരികയായിരുന്നു. എക്സൈസ് സർക്ക്ൾ ഇൻസ്‌പെക്ടർ ഷിജിൽകുമാറിന്റെ നേതൃത്വത്തിൽ പറശ്ശിനി, കോൾമൊട്ട ഭാഗങ്ങളിൽ നടത്തിയ റെയ്ഡിലാണ് സംഘം പിടിയിലായത്.

ലോഡ്ജിൽ റെയ്ഡ്; എം.ഡി.എം.എയുമായി യുവതികൾ ഉൾപ്പടെ പിടിയിൽ

Kannur

വടകര: നഷ്ടപെട്ട തന്റെ മൊബൈൽ ഫോണിൽ ഒരാൾ ഇൻസ്റ്റാഗ്രാം ഉപയോഗിക്കുന്നു എന്ന പരാതിയുമായി പോലീസിനെ സമീപിച്ച അധ്യാപകന് മൊബൈൽ ഫോൺ വീണ്ടെടുത്ത് നൽകി കോഴിക്കോട് റൂറൽ സൈബർ ക്രൈം പോലീസ്. കായണ്ണ ജി യു പി സ്കൂളിലെ സംസ്‌കൃതം അധ്യാപകൻ ദേവരാജനാണ് തന്റെ നഷ്ടപെട്ട മൊബൈൽ ഫോൺ തിരികെ ലഭിച്ചത്. പോലീസ് അന്വേഷണത്തിൽ ഈ ഫോൺ ഉപയോഗിച്ച് ഇൻസ്റ്റാഗ്രാം ഉപയോഗിച്ചിരുന്നത് കോഴിക്കോട് കാരപറമ്പ് സ്വദേശി ഷഹൻഷാ എന്നയാളാണെന്നും ഇയാൾ വെള്ളയിൽ പോലീസ് രജിസ്റ്റർ ചെയ്ത കേസിൽ കോഴിക്കോട് ജില്ലാ ജയിലിൽ റിമാൻഡിൽ കഴിയുകയാണെന്നും മനസ്സിലായി.&nbsp;
തുടർന്ന് നടത്തിയ അന്വേഷണത്തിൽ മൊബൈൽ ഫോൺ ഇയാളുടെ സുഹൃത്തിന്റെ കൈവശം ആണെന്ന് മനസ്സിലാക്കുകയും ഫോൺ കണ്ടെത്തുകയും ചെയ്യുകയായിരുന്നു. ഇൻ സ്‌പെക്ടർ സി. ആർ. രാജേഷ്‌കുമാർ, എസ് സി പി ഓ ഷഫീർ എന്നിവർ ചേർന്ന് സ്റ്റേഷനിൽ വെച്ച് ഫോൺ ഉടമസ്ഥന് തിരികെ നൽകി.

അജ്ഞാതൻ ഇൻസ്റ്റാഗ്രാം ഉപയോഗിച്ചു; നഷ്ടപെട്ട മൊബൈൽ ഫോൺ അധ്യാപകന് വീണ്ടെടുത്ത് നൽകി സൈബർ ക്രൈം പോലീസ്

പ്രതീകാത്മക ചിത്രം

പേരാമ്പ്ര: പേരാമ്പ്രയിൽ സ്വകാര്യ ബസ് ബൈക്കിലിടിച്ച് വിദ്യാർഥി മരിച്ചു. ബൈക്ക് യാത്രികൻ മുളിയങ്ങൾ ചെക്യലത്ത് ഷാദിൽ ആണ് മരിച്ചത്.&nbsp;
ഉച്ചയ്ക്ക് രണ്ട് മണിയോടെ പേരാമ്പ്ര സെൻ്റ് ഫ്രാൻസിസ് പള്ളിക്ക് സമീപമാണ് അപകടമുണ്ടായത്. പേരാമ്പ്ര ഡിഗ്നിറ്റി കോളജിലെ രണ്ടാം വർഷ വിദ്യാർഥിയായ ഷാദിൽ പരീക്ഷ കഴിഞ്ഞ് വീട്ടിലേക്ക് മടങ്ങുമ്പോഴാണ് അപകടമുണ്ടായത്. അമിത വേഗതയിലെത്തിയ സ്വകാര്യ ബസ് ബൈക്കിലിടിക്കുകയായിരുന്നു.
നാട്ടുകാർ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. അപകടത്തിനു പിന്നാലെ, പ്രദേശത്ത് മരണപ്പാച്ചിൽ നടത്തുവെന്നാരോപിച്ച് നാട്ടുകാർ സ്വകാര്യ ബസുകൾ തടഞ്ഞു.

പേരാമ്പ്രയിൽ സ്വകാര്യ ബസ് ബൈക്കിലിടിച്ച് വിദ്യാർഥി മരിച്ചു

Perambra

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ആയഞ്ചേരി വള്ള്യാട് സ്വദേശി പി സാബിര്‍ (26) ആണ് മരിച്ചത്.
സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. ഇരുവര്‍ക്കുമൊപ്പം മറ്റൊരു യുവാവ് കൂടി വിനോദയാത്ര സംഘത്തിലുണ്ടായിരുന്നെങ്കിലും ഇദ്ദേഹം കുത്തേല്‍ക്കാതെ രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്.
കടന്നൽ കൂടിന് കല്ലെറിഞ്ഞപ്പോൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.

ഊട്ടിയിലേക്ക് വിനോദയാത്രപോയ ആയഞ്ചേരി സ്വദേശിയായ യുവാവ് കടന്നൽ കുത്തേറ്റ് മരിച്ചു

National

ഊട്ടിയിലേക്ക് വിനോദയാത്രപോയ ആയഞ്ചേരി സ്വദേശി കടന്നൽ കുത്തേറ്റ് മരിച്ചു

കൊയിലാണ്ടി: കൊല്ലം പിഷാരികാവ് ക്ഷേത്രകാളിയാട്ട മഹോത്സവത്തിന്റെ ഭാഗമായി ഏപ്രില്‍ 5,6, തിയ്യതികളില്‍ സുരക്ഷശക്തമാക്കുന്നതിനോടൊപ്പം ദേശീയപാതയില്‍ വാഹനക്രമീകരണവും ഏര്‍പെടുത്താന്‍ അധികൃതര്‍ തീരുമാനിച്ചു. റൂറല്‍ എസ്പി കെ.ഇ.ബൈജുവിന്റെ നിര്‍ദ്ദേശാനുസരണം വടകര ഡിവൈഎസ്പി ഹരിപ്രസാദ്, കൊയിലാണ്ടി സിഐ ശ്രീലാല്‍ ചന്ദ്രശേഖരന്‍ എന്നിവരുടെ നേതൃത്വത്തിലായിരിക്കും ക്രമീകരണങ്ങള്‍.
ക്ഷേത്ര പരിസരങ്ങളിലും മറ്റും സിസിടിവി. ക്യാമറകള്‍ സജ്ജീകരിച്ച് നിരീക്ഷണം ശക്തമാക്കും. റുറല്‍ജില്ലയിലെ വിവിധ സ്റ്റേഷനുകളില്‍ നിന്നായി 300 ഓളം പോലീസുകാരാണ് ഡ്യൂട്ടിയില്‍ ഉണ്ടാവുക. മഫ്ടി, വനിതാ, പിങ്ക് പോലീസ് നിരീക്ഷണവുംഡ്രോണ്‍ നിരീക്ഷണവും രണ്ടുദിവസങ്ങളിലും ഉണ്ടാവുമെന്ന് പോലീസ് അറിയിച്ചു.ഏപ്രില്‍ 5 ന് വലിയവിളക്ക് ദിവസം ദേശീയപാതയില്‍ കാലത്ത് 10 മുതല്‍ രാത്രി 10 വരെ കോഴിക്കോട് ഭാഗത്ത് നിന്ന് വരുന്ന വലിയ വാഹനങള്‍. പാവങ്ങാട് അത്തോളി, ഉള്ളിയേരി പേരാമ്പ്ര വഴി പയ്യോളിയില്‍ കയറണം. ചെറിയ വാഹനങ്ങള്‍ ചെങ്ങോട്ടുകാവ് ബൈപ്പാസ് വഴി മൂടാടി ഹൈവേയില്‍ പ്രവേശിക്കണം. വടകര ഭാഗത്തു നിന്നു വരുന്ന വലിയ വാഹനങ്ങള്‍ പയ്യോളി, പേരാമ്പ്ര, ഉള്ളിയേരി, അത്തോളി പാവങ്ങാട് വഴി പോകണം, ചെറിയ വാഹനങ്ങള്‍ മൂടാടിയില്‍ നിന്നും ബൈപ്പാസില്‍പ്രവേശിച്ച് ചെങ്ങോട്ടുകാവില്‍ കയറണം. വടകരയില്‍ നിന്നും കൊയിലാണ്ടിയിലേക്ക് വരുന്ന ലൈന്‍ ബസുകള്‍ കൊല്ലം ചിറക്കു സമീപം നിര്‍ത്തി തിരിച്ച് പോകണം. കൊയിലാണ്ടി ഭാഗത്തു നിന്നുള്ള ബസുകള്‍ കൊല്ലം പെട്രാള്‍ പമ്പില്‍ നിര്‍ത്തി തിരിച്ച് പോകണം. ഏപ്രില്‍ ആറിന് പകല്‍ രണ്ട് മുതല്‍ രാത്രി 10 വരെ നേരത്തെയുള്ള രീതിയിലാണ് ട്രാഫിക്ക് ക്രമീകരിച്ചതെന്ന് പോലീസ് അധികൃതര്‍ അറിയിച്ചു.

പിഷാരികാവ് ഉത്സവം: 5,6 തിയ്യതികളില്‍ ഗതാഗതക്രമീകരണവും വന്‍ സുരക്ഷ

Koyilandy

പിഷാരികാവ് ഉത്സവം: 5,6 തിയ്യതികളില്‍ ഗതാഗതക്രമീകരണവും വന്‍ സുരക്ഷയും

ന്യൂ ഡല്‍ഹി : വളയത്ത് നിന്ന് കാണാതായ യുവതിയേയും മക്കളെയും കണ്ടെത്തി. നിസാമുദീനില്‍ നിന്നാണ് മൂവരെയും കണ്ടെത്തിയത്. മൂന്നു പേരും ഡല്‍ഹിയില്‍ എത്തിയതായി പോലീസിന് വിവരം ലഭിച്ചിരുന്നു. നിസാമുദീന്‍ റെയില്‍വേ സ്റ്റേഷന് സമീപത്തെ എടിഎമ്മില്‍ നിന്നു പണം പിന്‍വലിച്ചതായും അന്വേഷണസംഘം കണ്ടെത്തിയിരുന്നു. ഇതിന്റെ അടിസ്ഥാനത്തില്‍ ഡല്‍ഹിയിലെത്തിയ യുവതിയുടെ ഭര്‍ത്താവും സഹോദരനും നടത്തിയ പരിശോധനയിലാണ് നിസാമുദീന്‍ബസ് സ്റ്റാന്റില്‍ നിന്ന് ഇവരെ കണ്ടെത്തിയത്.
കഴിഞ്ഞ മാസം 28 നാണ് യുവതിയെയും മക്കളെയും കാണാതാവുന്നത്. ഇവര്‍ സഞ്ചരിച്ച സ്‌കൂട്ടര്‍ വടകര റെയില്‍വേ സ്റ്റേഷനില്‍ ഉപേക്ഷിച്ച നിലയില്‍ പോലീസ് കണ്ടെത്തുകയുണ്ടായി. യുവതി ട്രെയിന്‍ ടിക്കറ്റ് എടുത്തുവെന്ന വിവരത്തെ തുടര്‍ന്നു ഇതരസംസ്ഥങ്ങളിലേക്ക് കൂടി പോലീസ് അന്വേഷണം വ്യാപിച്ചിരുന്നു. ഡല്‍ഹിയില്‍ നിന്ന് ഇവരെയും കൂട്ടി ബന്ധുക്കള്‍ നാട്ടിലേക്ക് തിരിച്ചിട്ടുണ്ട്. വളയം സ്റ്റേഷനില്‍ എത്തിച്ച ശേഷം നാദാപുരം മജിസ്‌ട്രേട്ട് കോടതിയില്‍ ഹാജരാക്കും.

വളയത്ത് നിന്ന് കാണാതായ യുവതിയേയും മക്കളെയും കണ്ടെത്തി

നാദാപുരം : പെരുന്നാളാഘോഷത്തിന്റെ മറവിൽ പൊതുസ്ഥലത്തുവെച്ച് പടക്കംപൊട്ടിച്ച കേസിൽ രണ്ടുസ്ഥലത്തായി 65 ആളുടെ പേരിൽ പോലീസ് കേസെടുത്തു. വാണിമേൽ ഭൂമിവാതുക്കൽ ടൗണിൽ 50 ആളുടെപേരിലും കല്ലാച്ചി ടൗണിൽ 15 ആളുടെ പേരിലുമാണ് കേസെടുത്തത്. വാണിമേൽ കുളപ്പറമ്പ്, ഭൂമിവാതുക്കൽ എന്നിവിടങ്ങളിലാണ് പടക്കംപൊട്ടിച്ചത്. കുളപ്പറമ്പിൽ പോലീസ് ഒട്ടേറെത്തവണ വിലക്കിയെങ്കിലും പടക്കംപൊട്ടിക്കുന്നത് തുടർന്നു. തിരക്കേറിയ കല്ലാച്ചി-നാദാപുരം റോഡിൽവെച്ച് പടക്കംപൊട്ടിച്ചതുമൂലം ഏറെസമയം ഗതാഗതം തടസ്സപ്പെട്ടു. പോലീസ് സ്ഥലത്തെത്തിയതോടെയാണ് പടക്കംപൊട്ടിക്കുന്ന സംഘം പിൻവാങ്ങിയത്. കുളപ്പറമ്പിൽ പടക്കംപൊട്ടിക്കുന്ന രംഗങ്ങൾ പോലീസുതന്നെ മൊബൈലിൽ ചിത്രീകരിച്ചിരുന്നു. കല്ലാച്ചിയിൽ പടക്കംപൊട്ടിക്കുന്ന രംഗങ്ങൾ സാമൂഹികമാധ്യമങ്ങളിൽ വ്യാപകമായി പ്രചരിക്കുന്നുണ്ട്.
പെരുന്നാളാഘോഷത്തിന്റെ മറവിൽ പൊതുസ്ഥലത്തുവെച്ച് പടക്കംപൊട്ടിക്കരുതെന്ന സന്ദേശം വായിക്കണമെന്ന്‌ പോലീസ് ഉദ്യോഗസ്ഥർ പള്ളിക്കമ്മിറ്റി ഭാരവാഹികൾക്ക് നിർദേശംനൽകിയിരുന്നു. ഇതനുസരിച്ച് പോലീസിന്റെ നിർദേശം പാലിക്കണമെന്ന പള്ളിക്കമ്മിറ്റി ഭാരവാഹികളും ഇമാമുമാരും വെള്ളിയാഴ്ചമുതൽ പള്ളികളിൽനിന്ന്‌ നിർദേശംനൽകിയിരുന്നു.

പൊതുസ്ഥലത്ത് ഗതാഗതം തടസ്സപ്പെടുത്തി പടക്കംപൊട്ടിച്ച് ആഘോഷം; 65 ആളുടെപേരിൽ കേസ്

വളയം: ചെറുമോത്ത് നിന്ന് യുവതിയേയും രണ്ടു മക്കളേയും കാണ്മാനില്ലെന്ന് പരാതി. പോലീസ് അന്വേഷണം ഊര്‍ജിതം.കുറുങ്ങോട്ട് ഹൗസില്‍ ആഷിത (29), മക്കളായ മെഹ്‌റ ഫാത്തിമ (10), ലുക്ക്മാന്‍ (5) എന്നിവരെയാണ് കാണാതായത്.
കഴിഞ്ഞ വെള്ളിയാഴ്ച മുതലാണ് മൂവരേയും കാണാതായത്.വസ്ത്രങ്ങള്‍ വാങ്ങിക്കാനുണ്ടെന്ന് പറഞ്ഞാണ് ആഷിത മക്കളേയും കൂട്ടി വളയത്തെ ഭര്‍തൃ വീട്ടില്‍ നിന്ന് ഇറങ്ങിയത്. പിന്നീട് വീട്ടില്‍ തിരിച്ചത്താത്തതിനെ തുടര്‍ന്ന് വളയം പോലീസില്‍ പരാതി നല്‍കുകയായിരുന്നു. ചോറോട് സ്വദേശിയാണ് ആഷിത. ഇവരെ കണ്ടെത്താനുള്ള പരിശ്രമത്തിലാണ് പോലീസ്. ഇതു സംബന്ധിച്ച സൂചന കിട്ടിയതായി പോലീസ് അറിയിച്ചു.

വളയത്ത് യുവതിയേയും രണ്ടു മക്കളേയും കാണ്മാനില്ലെന്ന് പരാതി

നാദാപുരം: പേരോട് പടക്കം പൊട്ടിക്കുന്നതിനിടെ അപകടം. രണ്ട് പേര്‍ക്ക് പരിക്ക്. കല്ലാച്ചി സ്വദേശി മുഹമ്മദ് ഷഹറാസ് (26),പൂവള്ളതില്‍ റയീസ് (26) എന്നിവര്‍ക്കാണ് പരിക്കേറ്റത്. ഷഹറാസിന്റെ വലത് കൈപ്പത്തി തകര്‍ന്ന നിലയിലാണ്. രാത്രി ഏഴ് മണിയോടെ പേരോട് – ഇയ്യങ്കോട് റോഡിലാണ് അപകടം. ഇവര്‍ സഞ്ചരിച്ചിരുന്ന കാറിനും കേട് പാടുകള്‍ സംഭവിച്ചു.കെ എല്‍ 18 വൈ 3733 നമ്പര്‍ കാറിന്റെ ഗ്ലാസുകള്‍ സ്‌ഫോടനത്തില്‍ തകര്‍ന്നു.&nbsp;
കാറില്‍ നിന്ന് ശേഷിയേറിയ പടക്കം തീ കൊളുത്തി പുറത്തേക്ക് എറിയുന്നതിനിടെ കാറിനുള്ളില്‍ നിന്ന് തന്നെ പടക്കം പൊട്ടി തെറിക്കുകയായിരുന്നു. നാദാപുരം പോലീസ് സ്ഥലത്ത് പരിശോധന നടത്തി.

പേരോട് പടക്കം പൊട്ടിക്കുന്നതിനിടെ അപകടം ;രണ്ട് പേര്‍ക്ക് പരിക്ക്,ഒരാളുടെ കൈപ്പത്തി തകര്‍ന്ന നിലയിൽ

നാദാപുരം: കടമേരി ആർഎസി ഹയർസെക്കൻഡറി സ്കൂളിലെ പ്ലസ് വൺ പരീക്ഷയിൽ ആൾമാറാട്ടം നടത്തിയ സംഭവത്തിൽ വിദ്യാഭ്യാസ വകുപ്പ് അന്വേഷണം നടത്തും. പരീക്ഷ എഴുതേണ്ട വിദ്യാർഥിക്കെതിരേ ജുവനയിൽ ജസ്റ്റിസ്‌ ബോർഡിന് റിപ്പോർട്ട് നൽകും. വിദ്യാർഥിയുടെ പ്ലസ് വൺ രജിസ്‌ട്രേഷൻ റദ്ദാക്കാൻ സാധ്യതയുണ്ട്. ആൾമാറാട്ടം നടത്തിയ മുചുകുന്ന് പുളിയഞ്ചേരി സ്വദേശി കെ.കെ. മുഹമ്മദ് ഇസ്മയിലിന്റെ അറസ്റ്റ് കഴിഞ്ഞദിവസം പോലീസ് രേഖപ്പെടുത്തിയിരുന്നു. ഇയാൾ ഹാൾടിക്കറ്റിൽ കൃത്രിമം നടത്തുകയായിരുന്നു.
ആർഎസി. ഹയർസെക്കൻഡറി സ്കൂളിൽ ഓപ്പൺസ്കീമിൽ പ്ലസ് വൺ ഇംഗ്ലീഷ് ഇംപ്രൂവ്മെൻറ് പരീക്ഷയെഴുതുന്ന മലപ്പുറം സ്വദേശിയായ മുഹമ്മദ് മിസ്ഹബ് എന്ന വിദ്യാർഥിക്ക് പകരമായാണ് ബിരുദവിദ്യാർഥിയായ മുഹമ്മദ് ഇസ്മായിൽ പരീക്ഷയെഴുതാനെത്തിയത്. രണ്ടുപേരും കടമേരി റഹ്‌മാനിയ കോളേജിൽ മതപഠനത്തിനെത്തിയതിനെ തുടർന്നുള്ള പരിചയമാണ്. ഇവർ താമസിക്കുന്നത് ഒരേ ഹോസ്റ്റലിലാണ്.

കടമേരിയിൽ പ്ലസ് വൺ പരീക്ഷയിൽ ആൾമാറാട്ടം നടത്തിയ സംഭവം;വിദ്യാർഥിയുടെ രജിസ്‌ട്രേഷൻ റദ്ദാക്കിയേക്കും

നാദാപുരം: കടമേരിയില്‍ പ്ലസ്ടു പരീക്ഷയിൽ ആള്‍മാറാട്ടം നടത്തിയ ബിരുദ വിദ്യാര്‍ഥി പിടിയില്‍. മുചുകുന്ന് പുളിയഞ്ചേരി സ്വദേശി കെ.കെ. മുഹമ്മദ് ഇസ്മയില്‍ (18) ആണ് അറസ്റ്റിലായത്. ആര്‍.എ.സി. ഹയര്‍ സെക്കന്‍ഡറി സ്‌കൂളില്‍ പ്ലസ്‌വണ്‍ ഇംഗ്ലീഷ് ഇംപ്രൂവ്‌മെന്റ് പരീക്ഷ എഴുതുന്ന വിദ്യാര്‍ഥിക്ക് പകരം ബിരുദ വിദ്യാര്‍ഥിയായ മുഹമ്മദ് ഇസ്മായിലാണ് പരീക്ഷ എഴുതാനെത്തിയത്. മലപ്പുറം സ്വദേശിയായ മുഹമ്മദ് മിസ്ഹബിന് പകരമാണ് ബിരുദ വിദ്യാർഥിയായ മുഹമ്മദ് ഇസ്മായിൽ പരീക്ഷ എഴുതാനെത്തിയത്. കടമേരി റഹ്മാനിയ കോളേജിൽ മതപഠന വിദ്യാർത്ഥികളാണ് രണ്ടു പേരും.
ക്ലാസില്‍ പരീക്ഷ ഡ്യൂട്ടിയിലുണ്ടായിരുന്ന അധ്യാപകന് സംശയം തോന്നി ചോദ്യം ചെയ്തതപ്പോഴാണ് ആള്‍മാറാട്ടം മനസിലായത്. ഹാള്‍ ടിക്കറ്റില്‍ കൃത്രിമം നടത്തുകയായിരുന്നു. അധ്യാപകന്‍ വിവരം അറിയിച്ചതിനെ തുടര്‍ന്ന് പ്രിന്‍സിപ്പാള്‍ വിദ്യാഭ്യാസ അധികൃതര്‍ക്കും പോലീസിലും പരാതി നല്‍കി.
തുടര്‍ന്ന് നാദാപുരം പോലീസെത്തി പ്രതിയെ കസ്റ്റഡിയില്‍ എടുത്ത് സ്റ്റേഷനിലെത്തിച്ച് അറസ്റ്റ് രേഖപ്പെടുത്തി. പ്രതിയെ നാള കോടതിയില്‍ ഹാജരാക്കുമെന്ന് പോലീസ് അറിയിച്ചു.

കടമേരിയിൽ പ്ലസ് വൺ പരീക്ഷയിൽ ആള്‍മാറാട്ടം; ബിരുദ വിദ്യാര്‍ഥി പിടിയില്‍

നാദാപുരം: പേരോട് എംഐഎം ഹയർ സെക്കൻഡറി സ്കൂളിൽ പരീക്ഷ എഴുതാൻ പോയ പ്ലസ് വൺ വിദ്യാർത്ഥിയെ സീനിയർ വിദ്യാർത്ഥികൾ റാഗ് ചെയ്തതായി സ്കൂൾ ആൻറി റാഗിംഗ് കമ്മിറ്റിയുടെ കണ്ടെത്തൽ. അന്വേഷണ സമിതിയുടെ റിപ്പോർട്ട് നാദാപുരം പോലീസിന് കൈമാറി. മാർച്ച് പതിനെട്ടിനാണ് കേസിനാസ്പദമായ സംഭവം. ഒന്നാം വർഷ വിദ്യാർത്ഥി തൂണേരി സ്വദേശി മുഹമ്മദ് റിഷാനെ മർദ്ദച്ചെന്ന പരാതിയിൽ നാല് സീനിയർ വിദ്യാർത്ഥികൾക്കെതിരെ പോലീസ് കേസെടുത്തിരുന്നു. സ്കൂളിൽ ഷർട്ടിൻ്റെ ബട്ടൻ ഇട്ടില്ലെന്നും താടി വടിച്ചില്ലെന്നും പറഞ്ഞ് തടഞ്ഞ് വെച്ച് മർദ്ദിക്കുകയായിരുന്നു. തല പിടിച്ച് ചുമരിനിടിച്ച് പരിക്കേൽപ്പിച്ചതായും പരാതിയിൽ ഉണ്ട്.&nbsp;
തന്നെ സീനിയർ വിദ്യാർത്ഥികൾ റാഗിങ്ങിന് ഇരയാക്കിയാതായി മുഹമ്മദ് റിഷാൻ അധികൃതർക്ക് പരാതി നല്കിയിരുന്നു. സ്ക്കൂൾ അന്വേഷണ കമ്മറ്റി റിപ്പോർട്ട് നൽകിയതോടെ റാഗിംഗ് ഉൾപെടെയുള്ള വകുപ്പുകൾ കേസിൽ കൂട്ടിച്ചേർത്ത് അന്വേഷണം നടത്തുമെന്ന് നാദാപുരം എസ്ഐ എം.പി.വിഷ്ണു പറഞ്ഞു. ഇതിനിടെ മുഹമ്മ് റിഷാനെ അക്രമിച്ച കേസിൽ പോലീസ് പ്രതിപ്പട്ടികയിൽ ഉള്ള സീനിയർ വിദ്യാർത്ഥി ലുബൈബ് (18) നാദാപുരം കോടതിയിൽ ഹാജരായി. കോടതി കർശന ഉപാധികളോടെ ജാമ്യം അനുവദിച്ചു. നാല് സീനിയർ വിദ്യാർത്ഥികൾക്കെതിരെയാണ് റിഷാൻ്റെ പരാതിയിൽ കേസ് എടുത്തത്.

പേരോട് പ്ലസ് വൺ വിദ്യാർത്ഥിയെ റാഗ് ചെയ്തതായി കണ്ടെത്തൽ; റിപ്പോർട്ട് നാദാപുരം പോലീസിന് കൈമാറി

വ​ട​ക​ര: വ​ട​ക​ര ന​ഗ​ര​ത്തി​ന് സു​ര​ക്ഷ​യൊ​രു​ക്കാ​ൻ കാ​മ​റ ക​ണ്ണു​ക​ൾ സ​ജ്ജ​മാ​കു​ന്നു. റോ​ഡ് സു​ര​ക്ഷ, മ​യ​ക്കു​മ​രു​ന്ന് വ്യാ​പ​നം, മാ​ലി​ന്യം വ​ലി​ച്ചെ​റി​യു​ന്ന​വ​രെ ക​ണ്ടെ​ത്ത​ൽ, സാ​മൂ​ഹ്യ​വി​രു​ദ്ധ പ്ര​വ​ർ​ത്ത​ന​ങ്ങ​ൾ ത​ട​യ​ൽ തു​ട​ങ്ങി​യ ല​ക്ഷ്യ​വു​മാ​യി വ​ട​ക​ര ന​ഗ​ര​സ​ഭ​യാ​ണ് പ​ദ്ധ​തി ന​ട​പ്പാ​ക്കു​ന്ന​ത്.
ന​ഗ​രം മു​ഴു​വ​ൻ സ​മ​യ​വും നി​രീ​ക്ഷ​ണ വ​ല​യ​ത്തി​ലാ​ക്കാ​ൻ 20 കാ​മ​റ​ക​ൾ ന​ഗ​ര​ത്തി​ന്റെ വി​വി​ധ ഭാ​ഗ​ങ്ങ​ളി​ൽ സ്ഥാ​പി​ച്ചു. ഇ​തി​ന്റെ തു​ട​ർ​പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ക​യാ​ണ്. ന​ഗ​ര​സ​ഭ​യു​ടെ പു​തി​യ ഓ​ഫി​സ് കം ​ഷോ​പ്പി​ങ് കോം​പ്ല​ക്സ് കേ​ന്ദ്രീ​ക​രി​ച്ച് പ്ര​വ​ർ​ത്ത​നം ഏ​കോ​പി​പ്പി​ക്കാ​ൻ ക​ഴി​യു​ന്ന ത​ര​ത്തി​ലാ​ണ് കാ​മ​റ​ക​ൾ സ്ഥാ​പി​ച്ച​ത്. ഇ​വ​യു​ടെ തു​ട​ർ​പ്ര​വ​ർ​ത്ത​നം വി​ജ​യ​ക​ര​മാ​യി മു​ന്നോ​ട്ട് കൊ​ണ്ടു​പോ​കാ​ൻ ന​ഗ​ര​സ​ഭ ബ​ജ​റ്റി​ൽ 20 ല​ക്ഷം വ​ക​യി​രു​ത്തി​യി​ട്ടു​ണ്ട്.
ന​ഗ​ര​ത്തി​ൽ കൊ​ല​പാ​ത​കം, സാ​മൂ​ഹ്യ​വി​രു​ദ്ധ പ്ര​വ​ർ​ത്ത​ന​ങ്ങ​ൾ ഉ​ൾ​പ്പെ​ടെ ന​ട​ക്കു​മ്പോ​ൾ കാ​മ​റ​ക​ൾ ഇ​ല്ലാ​ത്ത​ത് പൊ​ലീ​സ് അ​ന്വേ​ഷ​ണ​ത്തി​ന് വി​ല​ങ്ങു​ത​ടി​യാ​യി​രു​ന്നു. ക​ട​ക​ളി​ലു​ള്ള സി.​സി.​ടി.​വി കാ​മ​റ​ക​ളെ​യാ​ണ് പ​ല​പ്പോ​ഴും പൊ​ലീ​സ് ആ​ശ്ര​യി​ക്കു​ന്ന​ത്. ക​ട​ക​ളി​ൽ സ്ഥാ​പി​ച്ച കാ​മ​റ​ക​ൾ പ​ല​തും ത​ക​രാ​റി​ലാ​വു​ന്ന​ത് ഏ​റെ ബു​ദ്ധി​മു​ട്ടു​ക​ൾ​ക്കി​ട​യാ​ക്കു​ക പ​തി​വാ​ണ്. അ​തി​നാ​ൽ, അ​ക്ര​മി​ക​ൾ​ക്കും മോ​ഷ്ടാ​ക്ക​ൾ​ക്കും പ​ല​പ്പോ​ഴും ര​ക്ഷ​പെ​ടാ​വു​ന്ന അ​വ​സ്ഥ​യാ​ണ് നി​ല​വി​ലു​ള്ള​ത്.

വ​ട​ക​ര ന​ഗ​ര​ത്തി​ന് സു​ര​ക്ഷ​യൊ​രു​ക്കാ​ൻ കാ​മ​റ ക​ണ്ണു​ക​ൾ സ​ജ്ജ​മാ​കു​ന്നു

നാദാപുരം: പാറക്കടവിൽ ലൈലസൻസ് ഇല്ലാതെ സൂക്ഷിച്ച പടക്കശഖരം പിടികൂടി. ഒരാൾ പിടിയിൽ. ചെക്യാട് പാറക്കടവിലെ മുബാറക്ക് ട്രേഡിംഗ് സെൻ്ററിൽ നിന്നാണ് അനധികൃത പടക്കശേഖരം പിടികൂടിയത്. ഹാർഡ് ബോർഡ് പെട്ടികളിലാക്കി സൂക്ഷിച്ച നിലയിലായിരുന്നു പടക്കങ്ങൾ. സംഭവത്തിൽ കടയുടമ പാറക്കടവ് സ്വദേശി കുനിയിൽ വീട്ടിൽ കെ.ഇസ്മയിൽ (38 ) നെതിരെ വളയം പോലീസ് കേസ്സെടുത്തു.&nbsp;
രഹസ്യ വിവരത്തിൻ്റെ അടിസ്ഥാനത്തിൽ വ്യാഴാഴ്ച്ച രാത്രിയിൽ വളയം ഇൻസ്പെക്ടർ ഇ.വി.ഫായിസ് അലിയുടെ നിർദ്ദേശപ്രകാരം വളയം പോലീസ് പാറക്കടവിലെ വ്യാപാര കേന്ദ്രത്തിൽ നടത്തിയ തിരച്ചിലിലാണ് പടക്കശേഖരം പിടിച്ചെടുത്തത്. മാഹി , പള്ളൂർ എന്നിവിടങ്ങളിൽ നിന്നും ഓൺലൈനിൽ ഓർഡർ ചെയ്തുതുമാണ് പടക്കങ്ങൾ ശേഖരിച്ചത്. പ്രതിയെ പിന്നീട് നോട്ടീസ് നൽകി വിട്ടയച്ചു.

പാറക്കടവിൽ അനധികൃതമായി സൂക്ഷിച്ച പടക്കശഖരം പിടികൂടി

വടകര: യുവതിയുടെ ഫോട്ടോ മോര്‍ഫ് ചെയ്ത് പണം ആവശ്യപ്പെട്ട യുവാവിനെ സൈബര്‍ക്രൈം പോലീസ് അറസ്റ്റ് ചെയ്തു. കല്ലാനോട് കാവാറപറമ്പില്‍ അതുല്‍ കൃഷ്ണനെയാണ് റൂറല്‍ സൈബര്‍ക്രൈം ഇന്‍സ്‌പെക്ടര്‍ സി.ആര്‍. രാജേഷ് കുമാര്‍ അറസ്റ്റ് ചെയ്തത്. യുവതിയുടെ മോര്‍ഫ്‌ചെയ്ത ചിത്രം വാട്സാപ്പിലൂടെ അമ്മയ്ക്ക് അയച്ചുകൊടുത്ത് സോഷ്യല്‍മീഡിയവഴി പ്രചരിപ്പിക്കാതിരിക്കാന്‍ രണ്ട് ലക്ഷം രൂപയാണ് യുവാവ് ആവശ്യപ്പെട്ടത്.
തുടര്‍ന്ന് യുവതിയുടെ അമ്മ പരാതിയുമായി സൈബര്‍ ക്രൈംപോലീസിനെ സമീപിക്കുകയായിരുന്നു. ഫോണിന്റെ ഐഎംഇഐ നമ്പര്‍ കേന്ദ്രീകരിച്ചുള്ള അന്വേഷണത്തിനൊടുവിലാണ് ഇയാളെ പിടികൂടിയത്. അന്വേഷണ സംഘത്തില്‍ എസ്‌ഐ കെ. അബ്ദുല്‍ ജലീല്‍, എസിപിഒ ലിനീഷ് കുമാര്‍, സിപിഒ മാരായ വി.പി.ഷഫീഖ്, പി. ലിന എന്നിവരും ഉണ്ടായിരുന്നു.

യുവതിയുടെ ഫോട്ടോ മോര്‍ഫ് ചെയ്ത് പണം തട്ടാന്‍ ശ്രമം; കല്ലാനോട് സ്വദേശിയായ യുവാവ് അറസ്റ്റിൽ

കൊയിലാണ്ടി: തിക്കോടി കോടിക്കല്‍ കടലില്‍ തോണി മറിഞ്ഞ് മല്‍സ്യ തൊഴിലാളി മരിച്ചു. രണ്ട് പേര്‍ക്ക് പരിക്ക്. കോടിക്കല്‍പുതിയവളപ്പില്‍ പാലക്കുളങ്ങര കുനി ഷൈജു (42). ആണ് മരിച്ചത്. പരിക്കേറ്റ പീടിക വളപ്പില്‍ ദേവദാസന്‍ (30), പുതിയ വളപ്പില്‍ രവി (45) എന്നിവരെ ആശുപത്രിയില്‍ പ്രവേശിപ്പിച്ചു.&nbsp;
ഇന്ന് പുലര്‍ച്ചെ നാലു മണിയോടെയാണ് ഇവര്‍ മല്‍സ്യ ബന്ധനത്തിനായി പുറംകടലിലേക്ക് പോയത്. ശക്തമായ കാറ്റിലും കോളിലും തോണി മറിയുകയായിരുന്നു.

തിക്കോടി കോടിക്കല്‍ കടലില്‍  തോണി മറിഞ്ഞ് മല്‍സ്യ തൊഴിലാളി മരിച്ചു ; രണ്ട് പേര്‍ക്ക് പരിക്ക്

വടകര: വില്യാപ്പള്ളി എംജെ വിഎച്ച്എസ്എസിൽ എസ്എസ്എൽസി പരീക്ഷ എഴുതുന്ന വിദ്യാർഥികൾക്ക് അനധികൃതമായി സഹായം ചെയ്തു നൽകുന്നതായി ശബ്ദസന്ദേശം പുറത്തു വന്നതിനു പിന്നാലെ സ്കൂളിലെ അധ്യാപകനെ സസ്പെൻഡ് ചെയ്തു. എം. സുലൈമാനെയാണ് സ്കൂൾ മനേജ്മെന്റ് സസ്പെൻഡ് ചെയ്തത്. അധ്യാപകരേയും വിദ്യാർഥികളേയും അപമാനിക്കാൻ ശ്രമിച്ചു എന്നും അധ്യാപകരുടെ ഗ്രൂപ്പിൽ വന്ന സന്ദേശം ചോർത്തി തെറ്റായ രീതിയിൽ പ്രചരിപ്പിച്ചുവെന്നുമാണ് അധ്യാപകനെ സസ്പെൻഡ് ചെയ്യാൻ കാരണായി പറയുന്നത്.
കുട്ടികളെ അനധികൃതമായി സഹായിക്കാൻ അധ്യാപകരെ ചുമതലപ്പെടുത്തിയിരുന്നതായി സൂചിപ്പിക്കുന്ന ശബ്ദസന്ദേശമാണ് പുറത്തു വന്നത്. സംഭവത്തെക്കുറിച്ച് വിദ്യാഭ്യാസ വകുപ്പ് അന്വേഷണം ആരംഭിച്ചിരുന്നു. എന്നാൽ പ്രചാരണം അടിസ്ഥാന രഹിതമാണെന്നാണ് സ്കൂൾ മാനേജ്മെന്റ് വ്യക്തമാക്കിയത്.&nbsp;
പൊതുവിദ്യാഭ്യാസ സെക്രട്ടറിക്കു ലഭിച്ച ആളില്ലാ പരാതിയുടെ അടിസ്ഥാനത്തിലാണ് സ്കൂളിനെതിരെ പ്രചാരണം നടക്കുന്നത്. പരീക്ഷയുടെ ഇടവേളകളിലും പരീക്ഷ നടക്കുന്ന ദിവസങ്ങളിലും രാവിലെ 8.30 മുതൽ 9 വരെ സംശയ നിവാരണത്തിനായി അധ്യാപകർ സ്കൂളിലെത്താറുണ്ട്. ഇതിനെ വളച്ചൊടിച്ച് അനധികൃതമായി സഹായം നടത്തുന്നുവെന്ന് പ്രചരിപ്പിക്കുകയായിരുന്നുവെന്നാണ് സ്കൂൾ അധികൃതർ അറിയിച്ചത്.

എസ്എസ്എൽസി പരീക്ഷ നടക്കുമ്പോൾ സഹായം ചെയ്തുവെന്ന പ്രചാരണം അടിസ്ഥാനരഹിതം; വില്യാപ്പള്ളിയിൽ അധ്യാപകന് സസ്പെൻഷൻ

കൊയിലാണ്ടി: ബന്ധുവീട്ടിൽ തൂങ്ങിയ നിലയിൽ കണ്ടെത്തിയ തിരുവങ്ങൂർ സ്കൂളിലെ എട്ടാം ക്ലാസ് വിദ്യാർഥിനി ചികിത്സയ്ക്കിടെ മരിച്ചു. കസ്റ്റംസ് റോഡ് ബീന നിവാസിൽ കമൽ ബാബുവിന്റെ മകൾ ഗൗരി നന്ദയാണ് (13) മരിച്ചത്.
കഴിഞ്ഞ ദിവസം രാവിലെ 10 മണിയോടെ പന്തലായനിയിലെ ബന്ധുവീട്ടിലെ മുറിയിലാണ് പെൺകുട്ടിയെ തൂങ്ങിയ നിലയിൽ കണ്ടത്. ഉടൻ കൊയിലാണ്ടി താലൂക്ക് ഗവ.ആശുപത്രിയിലും തുടർന്ന് കോഴിക്കോട്ടെ സ്വകാര്യ ആശുപത്രിയിലും പ്രവേശിപ്പിച്ചു. ചികിത്സയിലിരിക്കെ ചൊവ്വാഴ്ച രാവിലെ ആറോടെ മരിച്ചു. മാതാവ്: പരേതയായ ജിജിന. സഹോദരി: ദിയ.

കൊയിലാണ്ടിയിൽ ബന്ധുവീട്ടിൽ തൂങ്ങിയ നിലയിൽ കണ്ടെത്തിയ എട്ടാം ക്ലാസ് വിദ്യാർഥിനി ചികിത്സയ്ക്കിടെ മരിച്ചു

വടകര: മടപ്പള്ളി ഗവണ്‍മെന്റ് കോളജ്‌ഡേ ആഘോഷത്തിന്റെ ഭാഗമായി വിദ്യാര്‍ഥികളെ ബോണറ്റിലും കാരിയറിലും മറ്റും കയറ്റി അപകടകരമായ രീതിയില്‍ ലോറി ഓടിച്ച് അഭ്യാസപ്രകടനം നടത്തിയ സംഭവത്തില്‍ പോലീസിന്റെ ഇടപെടല്‍. KL10Z്7677 നമ്പര്‍ ലോറി ഉടമക്കെതിരെ ചോമ്പാല പോലീസ് കേസെടുത്തു. ചൊവ്വാഴ്ച രാവിലെ മുതല്‍ കോളജ് പരിസരത്തെ റോഡിലായിരുന്നു വാഹനയോട്ടം.&nbsp;
സ്ഥലത്തെത്തിയ ചോമ്പാല എസ്‌ഐ പി വികാസിന്റെ നേതൃത്വത്തിലുള്ള പോലീസ് സംഘം വാഹനം കസ്റ്റഡിയില്‍ എടുക്കുകയായിരുന്നു. വാഹനത്തിന്റെ പെര്‍മിറ്റ് റദ്ദ് ചെയ്യാനും സംഭവ സമയം വാഹനം ഓടിച്ച ഡ്രൈവറുടെ ലൈസന്‍സ് സസ്‌പെന്റ് ചെയ്യാനും വേണ്ട നടപടികള്‍സ്വീകരിച്ചു വരികയാണെന്ന് പോലീസ് അറിയിച്ചു. സംഭവത്തില്‍ ഉള്‍പ്പെട്ട മറ്റ് വാഹനങ്ങള്‍ക്കെതിരെയും നടപടി സ്വീകരിക്കും. വാഹനത്തില്‍ കയറി അപകടകരമായ രീതിയില്‍ അഭ്യാസ പ്രകടനം നടത്തിയ വിദ്യാര്‍ഥികളുടെ പേര് വിവരങ്ങള്‍ ശേഖരിക്കുന്നതിന് പ്രിന്‍സിപ്പളിന് രേഖാമൂലം അപേക്ഷ സമര്‍പ്പിച്ചിട്ടുണ്ടെന്നു പോലീസ് അറിയിച്ചു.

മടപ്പള്ളിയിൽ ബോണറ്റിലും കാരിയറിലും  വിദ്യാർത്ഥികളെ കയറ്റി കോളേജ് ഡേ ആഘോഷം; ലോറി കസ്റ്റഡിയിൽ

വടകര: റെയിൽവേ സ്റ്റേഷൻ പരിസരത്ത് നിന്നും ആളില്ലാത്ത നിലയിൽ മദ്യം പിടിക്കൂടി. ഒന്നാം നമ്പർ പ്ലാറ്റ് ഫോമിനടുത്ത് വടകര എന്ന മഞ്ഞ നിറത്തിലുള്ള സൈൻബോർഡ് സ്ഥാപിച്ചതിന് സമീപമാണ് വടകര എക്സൈസ് സർക്കിൾ ഓഫീസിലെ അസിസ്റ്റന്റ് എക്സൈസ് ഇൻസ്പെക്ടർ പ്രമോദ് പുളിക്കൂലും പാർട്ടിയും റെയിൽവേ പ്രൊട്ടക്ഷൻ ഫോഴ്സിലെ സബ് ഇൻസ്പെക്ടർ ധന്യയും പാർട്ടിയും സംയുക്തമായി നടത്തിയ പരിശോധനയിൽ മദ്യ ശേഖരം പിടികൂടിയത്.&nbsp;
കാർബോർഡ് പെട്ടിയിൽ ഉടമസ്ഥൻ ഇല്ലാത്ത നിലയിൽസൂക്ഷിച്ച 45 കുപ്പി (6.1 ലിറ്റർ) മാഹി വിദേശമദ്യമാണ് കണ്ടെത്തിയത്. സംഭവത്തിൽ അബ്കാരി കേസെടുത്തു. പരിശോധനയിൽ പ്രിവന്റിവ് ഓഫീസർ (ഗ്രേഡ്) ഉനൈസ് എൻ എം, സി ഇ ഓമാരായ ശ്യാം രാജ്, അനിരുദ്ധ്, റെയിൽവേ പ്രൊട്ടക്ഷൻ ഫോഴ്സിലെ അസിസ്റ്റൻറ് സബ് ഇൻസ്പെക്ടർ പി പി ബിനീഷ്, കോൺസ്റ്റബിൾ മുരളി എന്നിവർ പങ്കെടുത്തു.

വടകര റെയിൽവേ സ്റ്റേഷൻ പരിസരത്ത് നിന്നും 45 കുപ്പി മാഹി മദ്യം പിടികൂടി

വടകര : വടകരയിൽ സ്‌കൂട്ടർ അപകടത്തിൽ പരിക്കേറ്റ് ചികിത്സയിൽ ആയിരുന്ന 15 കാരൻ മരിച്ചു. അടക്കാത്തെരുവ് സ്വദേശി മുഹമ്മദ്‌ ഷജൽ ആണ് മരിച്ചത്. ശനിയാഴ്ചയായിരുന്നു ഷജൽ ഓടിച്ച സ്‌കൂട്ടർ പുത്തൂരിൽവച്ച് ടെലഫോൺ പോസ്റ്റിൽ ഇടിച്ചത്. അയൽവാസിയുടെ സ്കൂട്ടർ ആയിരുന്നു ഷജൽ ഓടിച്ചിരുന്നത്.&nbsp;
കോഴിക്കോട് മെഡിക്കൽ കോളേജിൽ ചികിത്സയിൽ ഇരിക്കെയാണ് മരണം സംഭവിച്ചത്. മൃതദേഹം പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.&nbsp;

വടകരയിൽ സ്‌കൂട്ടർ അപകടത്തിൽ പരിക്കേറ്റ് ചികിത്സയിൽ ആയിരുന്ന 15 കാരൻ മരിച്ചു

മൈസൂരു: നാലുവർഷംമുൻപുണ്ടായ വാഹനാപകടത്തിൽ 17 പല്ല് കൊഴിഞ്ഞുപോയതിലുള്ള വേദന സഹിക്കാനാവാതെ യുവാവ് ജീവനൊടുക്കി. ചിക്കമഗളൂരു ജില്ലയിലെ കോപ്പ താലൂക്കിലെ ഭുവനകോട്ടെ ഗ്രാമത്തിലെ വിഗ്നേഷ്‌ (18) ആണ് ഞായറാഴ്ച രാവിലെ വീടിനരികിലുള്ള സ്ഥലത്ത് തൂങ്ങിമരിച്ചത്.
കൊപ്പ ഐടിഐയിലെ ഒന്നാംവർഷ വിദ്യാർഥിയാണ്. അപകടത്തെത്തുടർന്ന് വിഗ്നേഷിന് ശാരീരികവും മാനസികവുമായ ബുദ്ധിമുട്ടുകൾ അനുഭവപ്പെട്ടിരുന്നു. നിരന്തരമായ വേദനയെത്തുടർന്ന് അദ്ദേഹം തുടർച്ചയായി ചികിത്സതേടിയിരുന്നു. ഇതേത്തുടർന്നാണ് യുവാവ് ആത്മഹത്യചെയ്തതെന്ന് പ്രദേശവാസികൾ പറഞ്ഞു.&nbsp;

വാഹനാപകടത്തിൽ 17 പല്ല് കൊഴിഞ്ഞുപോയി;വേദന സഹിക്കാനാവാതെ യുവാവ് ജീവനൊടുക്കി

തിരുവനന്തപുരം: മാതാപിതാക്കളെ കാണണമെന്ന ആഗ്രഹം പ്രകടിപ്പിച്ച് വെഞ്ഞാറമൂട് കൂട്ടക്കൊലക്കേസിലെ പ്രതി അഫാൻ. തനിക്ക് തെറ്റുപറ്റിപ്പോയെന്നും അഫാൻ ഉദ്യോഗസ്ഥരോട് പറഞ്ഞെന്നാണ് റിപ്പോർട്ട്. തെളിവെടുപ്പിനും ചോദ്യംചെയ്യലിനും ശേഷം ഇപ്പോൾ ജയിലിലാണ് അഫാൻ. നേരത്തേ ആത്മഹത്യാ പ്രവണത പ്രകടിപ്പിച്ചിരുന്നെങ്കിലും ഇപ്പോൾ അതില്ലെന്നാണ് അധികൃതർ പറയുന്നത്. എങ്കിലും പ്രത്യേക ബ്ലോക്കിലെ നിരീക്ഷണം തുടരും.
അതേസമയം, വെഞ്ഞാറമൂട് കൂട്ടക്കൊലയ്ക്ക് പിന്നിലെ കാരണം വൻ സാമ്പത്തിക ബാധ്യതമാത്രമാണെന്ന് പൊലീസ് ഉറപ്പിച്ചിരിക്കുകയാണ്. അഫാന്റെയും ഉമ്മയുടെയും സാമ്പത്തിക അച്ചടക്കമില്ലായ്മയാണ് വൻ സാമ്പത്തിക ബാദ്ധ്യതയ്ക്ക് പിന്നിലെന്നാണ് പൊലീസ് പറയുന്നത്. വൻതുക കടം കൊടുത്തുതീർക്കാൻ ഉണ്ടായിരുന്നപ്പോഴും അഫാൻ രണ്ടുലക്ഷം രൂപയ്ക്ക് ബൈക്ക് വാങ്ങിയിരുന്നു. കേസിൽ കുറ്റപത്രം ഉടൻ സമർപ്പിക്കാനുള്ള നീക്കത്തിലാണ് പൊലീസ്.കൈയിൽ ഒരുരൂപപോലും ഇല്ലാത്ത അവസ്ഥയിലായിരുന്നു അഫാനും ഉമ്മയും. കൂട്ടക്കൊല നടക്കുന്നതിന്റെ തലേദിവസവും അഫാൻ പെൺസുഹൃത്തിൽ നിന്ന് 200 രൂപ കടം വാങ്ങിയിരുന്നു എന്നും വ്യക്തമായിട്ടുണ്ട്. അഫാനെയും പിതാവ് റഹീമിനെയും പൊലീസ് ഒരുമിച്ചിരുത്തി ചോദ്യം ചെയ്തിരുന്നു.&nbsp;

ചെയ്ത‌തെല്ലാം തെറ്റായിപ്പോയി ;മാതാപിതാക്കളെ കാണണമെന്ന ആഗ്രഹം പ്രകടിപ്പിച്ച് അഫാൻ

പേരാമ്പ്ര: ചെറുവണ്ണൂരില്‍ ആയുര്‍വേദ ആശുപത്രിയില്‍ യുവതിക്കുനേരേ ആസിഡ് ആക്രമണം നടത്തിയ പ്രതി കസ്റ്റഡിയില്‍. കൂട്ടാലിട സ്വദേശിയായ പ്രവിഷയാണ് ആക്രമണത്തിന് ഇരയായത്. സംഭവത്തില്‍ ഇവരുടെ മുന്‍ഭര്‍ത്താവ് പ്രശാന്താണ് അക്രമി. നെഞ്ചിലും മുഖത്തും ഗുരുതര പൊള്ളലേറ്റ പ്രവിഷ ചികിത്സയിലാണ്.
പ്രശാന്തിന്റെ ഉപദ്രവം സഹിക്കാനാകാതെ വന്നപ്പോഴാണ് പ്രവിഷ വിവാഹമോചനം ചെയ്തതെന്നും സ്വന്തം മകനെ വരെ അയാള്‍ കൊല്ലാന്‍ ശ്രമിച്ചിട്ടുണ്ടെന്നും അമ്മ പറയുന്നു. "വിവാഹത്തിന് ശേഷം പതിമൂന്ന് വര്‍ഷമാണ് പ്രവിഷയും പ്രശാന്തും ഒരുമിച്ച് ജീവിച്ചത്. രണ്ടു മക്കളും ജനിച്ചു. ഇക്കാലയളവിലെല്ലാം പ്രവിഷയെ പ്രശാന്ത് ഉപദ്രവിക്കുമായിരുന്നു. പ്രത്യേകിച്ച് മദ്യപിച്ചതിന് ശേഷം. പീഡനം സഹിക്കാനാകാതെ വരുമ്പോള്‍ പ്രവിഷ സ്വന്തം വീട്ടിലേക്ക് വരാറുണ്ടായിരുന്നു. ദിവസങ്ങള്‍ പിന്നിടുമ്പോള്‍ പ്രശാന്ത് അവിടെ എത്തുകയും അനുനയിപ്പിച്ച് തിരികെ കൊണ്ടുപോവുകയും ചെയ്യുമായിരുന്നു."
"പ്രവിഷയുടെ കണ്ണിനും നട്ടെല്ലിനും പ്രശാന്തിന്റെ പീഡനത്തില്‍ സാരമായി പരിക്കേറ്റു. ഒരിക്കല്‍ മദ്യപിച്ച് വന്നതിന് ശേഷം മൂത്തമകന്റെ ശരീരത്തില്‍ പെട്രോള്‍ ഒഴിച്ച് തീയിടാന്‍ നോക്കി. അയല്‍ക്കാരനാണ് ലൈറ്റര്‍ തട്ടിത്തെറിപ്പിച്ചത്. കുട്ടിയുടെ സ്‌കൂളില്‍ പോയി കെട്ടിടം മുഴുവന്‍ തീയിട്ട് നശിപ്പിക്കുമെന്ന് പറഞ്ഞ് ഭീഷണിപ്പെടുത്തി. ഭീഷണി കൂടി വന്നപ്പോള്‍ രണ്ടരവര്‍ഷങ്ങള്‍ക്ക് മുന്‍പാണ് പ്രവിഷ ഇയാളില്‍നിന്ന് വിവാഹമോചനം നേടിയത്.വിവാഹമോചനത്തിന് ശേഷം കുറച്ച് നാള്‍ പ്രശാന്തില്‍നിന്ന് ശല്യം ഇല്ലായിരുന്നു.പിന്നീട് വീണ്ടും ഉപദ്രവം തുടങ്ങി. കൊല്ലുമെന്ന് പലതവണ ഭീഷണിപ്പെടുത്തി. വര്‍ഷങ്ങള്‍ക്ക് മുന്‍പ് ഹെല്‍മറ്റുകൊണ്ട് പ്രശാന്ത് പുറത്ത് അടിച്ചതിനെ തുടര്‍ന്നാണ് പ്രവിഷയുടെ നട്ടെല്ലിന് പരിക്കേറ്റത്. ഇതിന്റെ ചികിത്സക്കായാണ് ആയുര്‍വേദ ആശുപത്രിയിലെത്തിയത്. അപ്രതീക്ഷിതമായി പ്രശാന്ത് അവിടെയെത്തുകയും പ്രവിഷയെ കാണുകയുമായിരുന്നു. എല്ലാം മറന്ന് തനിക്കൊപ്പം ജീവിക്കണം എന്നായിരുന്നു ആവശ്യം. അതിന് വിസമ്മതിച്ചപ്പോഴായിരുന്നു ആക്രമണം.

ചെറുവണ്ണൂരില്‍  യുവതിക്കുനേരേ ആസിഡ് ആക്രമണം ;മുന്‍ഭര്‍ത്താവ് അറസ്റ്റിൽ

ചെറുവണ്ണൂരില്‍ യുവതിക്കുനേരേ ആസിഡ് ആക്രമണം ;മുന്‍ഭര്‍ത്താവ് അറസ്റ്റിൽ

വടകര : ചോറോടിലെ കോൺഗ്രസ് നേതാവിന്റെ വീടിനോട് ചേർന്ന വിറകുപുരയിൽ തീപ്പിടിത്തം. പിന്നാലെ വീട്ടുപരിസരത്ത് രക്തത്തുള്ളികളും കണ്ടെത്തി. വടകര ബ്ലോക്ക് കോൺഗ്രസ് സെക്രട്ടറിയും വാർഡ് കോൺഗ്രസ് കമ്മിറ്റി പ്രസിഡന്റുമായ രയരങ്ങോത്ത് കൃഷ്ണകൃപയിൽ കെ. രമേശന്റെ വീട്ടിലാണ് സംഭവം. തന്നെയും കുടുംബത്തെയും അപായപ്പെടുത്താനുള്ള ശ്രമമാണ് നടന്നതെന്നും തീവെച്ചയാളുടേതാണ് രക്തത്തുള്ളികളെന്നും ചൂണ്ടിക്കാട്ടി രമേശൻ വടകര പോലീസിൽ പരാതി നൽകി.
തീപ്പിടിത്തത്തിൽ വിറകുപുരയിൽ ഉണ്ടായിരുന്ന വാഷിങ് മെഷീൻ, മരങ്ങൾ, വിറക് തുടങ്ങിയവ കത്തിനശിച്ചു. തറയ്ക്കും കേടുപാട് സംഭവിച്ചു. വെള്ളിയാഴ്ച പുലർച്ചയാണ് 2.30-ഓടെയാണ് സംഭവം. വൈദ്യുതി നിലച്ചതിനെത്തുടർന്ന് എഴുന്നേറ്റപ്പോഴാണ് വിറകുപുരയിൽ തീ കണ്ടത്. ഉടൻ ഭാര്യയെയും മകനെയും വിളിച്ച് തീകെടുത്തുകയായിരുന്നെന്ന് രമേശൻ പറഞ്ഞു.
ഷോർട്ട് സർക്യൂട്ടാണ് തീപ്പിടിത്തത്തിന്റെ കാരണമെന്ന് ആദ്യം കരുതിയെങ്കിലും രാവിലെ വീടിന് സമീപത്തായി പലസ്ഥലങ്ങളിലും രക്തത്തുള്ളികൾ കണ്ടു. ഇതോടെ തീവെച്ചതാണെന്ന് സംശയം ഉയരുകയും പോലീസിൽ പരാതി നൽകുകയും ചെയ്തു. വടകര പോലീസ് സ്ഥലത്തെത്തി പരിശോധന നടത്തി.
സംഭവത്തിൽ കുറ്റക്കാരെ കണ്ടെത്താൻ പോലീസ് നടപടി സ്വീകരിക്കണമെന്നും അല്ലാത്തപക്ഷം സമരരംഗത്തിറങ്ങുമെന്നും സ്ഥലം സന്ദർശിച്ച കോൺഗ്രസ് നേതാക്കൾ ആവശ്യപ്പെട്ടു. ബ്ലോക്ക് കോൺഗ്രസ് കമ്മിറ്റി പ്രസിഡന്റ് സതീശൻ കുരിയാടി, ചോറോട് മണ്ഡലം കോൺഗ്രസ് കമ്മിറ്റി പ്രസിഡന്റ് പി.ടി.കെ. നജ്മൽ, യൂത്ത് കോൺഗ്രസ് നിയോജകമണ്ഡലം പ്രസിഡന്റ് സി. നിജിൻ തുടങ്ങിയവർ സ്ഥലം സന്ദർശിച്ചു.

വടകര ബ്ലോക്ക് കോൺഗ്രസ് സെക്രട്ടറിയുടെ വീടിന് തീയിടാൻ ശ്രമമെന്ന് പരാതി

കോഴിക്കോട് : താമരശേരിയിൽ പൊലീസ് പിടികൂടിയ യുവാവ് എംഡിഎംഎ വിഴുങ്ങിയെന്ന് സ്‌കാനിംഗ് റിപ്പോർട്ട്. താമരശേരി അരയേറ്റുംചാലിൽ സ്വദേശി ഫായിസിന്റെ വയറ്റിലാണ് ക്രിസ്റ്റൽ തരികളുള്ള പായ്‌ക്കറ്റ് കണ്ടെത്തിയത്. എംഡിഎംഎ വിഴുങ്ങിയെന്ന സംശയത്തെ തുടർന്ന് വൈദ്യ പരിശോധനയ്ക്കായാണ് ഇയാളെ മെഡിക്കൽ കോളേജ് ആശുപത്രിയിലേക്ക് പൊലീസ് മാറ്റിയത്. യുവാവിനെ ഇനി ശസ്‌ത്രക്രിയയ്‌ക്ക് വിധേയനാക്കും.
ഇന്നലെയാണ് ഫായിസിനെ പൊലീസ് പിടികൂടിയത്. ഒരാഴ്ച മുമ്പാണ് ഇയാൾ വിദേശത്ത് നിന്നെത്തിയത്. ഫായിസ് വീട്ടിൽ ബഹളം വച്ചതിനെ തുടർന്ന് നാട്ടുകാർ പൊലീസിൽ വിവരമറിയിക്കുകയായിരുന്നു. വീട്ടുകാരെ കൊല്ലുമെന്ന് ഭീഷണിപ്പെടുത്തിയായിരുന്നു ബഹളം. പൊലീസ് എത്തിയപ്പോൾ ഇയാൾ രക്ഷപ്പെടാൻ ശ്രമിച്ചു. ഇതിനിടെ എംഡിഎംഎ വിഴുങ്ങുകയായിരുന്നു.&nbsp;

താമരശേരിയിൽ പൊലീസ് പിടികൂടിയ യുവാവ് എംഡിഎംഎ വിഴുങ്ങി ;ശസ്‌ത്രക്രിയയ്‌ക്ക് വിധേയനാക്കും.

താമരശേരിയിൽ പൊലീസ് പിടികൂടിയ യുവാവ് എംഡിഎംഎ വിഴുങ്ങി ;ശസ്‌ത്രക്രിയയ്‌ക്ക് വിധേയനാക്കും

വടകര: വീടുകളിലെ കിണറുകളിൽ അമോണിയവും കോളിഫോം ബാക്ടീരിയയും നിരവധി പേർക്ക് മഞ്ഞപ്പിത്തവും റിപ്പോർട്ട് ചെയ്ത സാഹചര്യത്തിൽ വടകരയിൽ സി.എം. ആശുപത്രി അടച്ചുപൂട്ടാൻ വടകര നഗരസഭ ആരോഗ്യ വകുപ്പ് നോട്ടീസ് നൽകി. ആശുപത്രിക്ക് ചുറ്റുമുള്ള 15 ഓളം പേർക്കാണ് മഞ്ഞപ്പിത്തം ബാധിച്ചത്.
വീട്ടുകാർ കിണറുകളിലെ വെള്ളം പരിശോധനക്കയച്ചപ്പോഴാണ് അമോണിയത്തിൻ്റെ അളവ് ക്രമാതീതമായി ഉയർന്നതായും കോളിഫോം ബാക്ടിരിയയുടെ സാന്നിധ്യവും കണ്ടെത്തിയത്. കുടുംബങ്ങൾ നഗരസഭക്ക് നൽകിയ പരാതിയിൽ ആരോഗ്യ വിഭാഗം നടത്തിയ പരിശോധനയിൽ മലിനീകരണ പ്ലാൻ്റിൽ നിന്നും പൈപ്പ് വഴി മലിന ജലം ഒഴുക്കുന്നതായി കണ്ടെത്തി. ആശുപത്രിയുടെ മുൻവശത്തുള്ള ഫാർമസിയുടെ മുമ്പിൽ സ്ലാബിട്ട് ടൈൽ പാകിയതിനുള്ളിൽ ഒരു കിണർ കണ്ടെത്തിയിരുന്നു. കിണറിലെ വെള്ളം ആശുപത്രി ആവശ്യങ്ങൾക്ക് ഉപയോഗിക്കുന്നതായും കണ്ടെത്തിയിരുന്നു. 48 മണിക്കൂറിനുള്ളിൽ രോഗികളെ മാറ്റി മതിയായ മാലിന്യ സംസ്ക്കരണ സംവിധാനങ്ങളൊരുക്കാനാണ് നോട്ടീസ് നൽകിയത്. എന്നാൽ ഇതുവരെ മാലിന്യം നീക്കാൻ കഴിഞ്ഞിട്ടില്ല. ആശുപത്രി അധികൃതർ OP പരിശോധന നിർത്തിവെച്ചിട്ടുണ്ട്.

പരിസരവാസികൾക്ക് മഞ്ഞപ്പിത്തം, വടകരയിലെ ആശുപത്രി അടച്ചുപൂട്ടാൻ നിർദേശം

വടകര: ഒരാഴ്ച മുമ്പ് മേമുണ്ട കുറുമ്പയിൽ വെച്ച് സ്കൂട്ടർ യാത്രികരെ ഇടിച്ച് തെറിപ്പിച്ച കാർ കണ്ടെത്താനായില്ല. അരൂർ ചെങ്ങണം കോട്ട് ടി.കെ സുധി (35), തോലേരി സുജിത്ത് (35) എന്നിവർക്കാണ് കാർ ഇടിച്ച് പരുക്ക് പറ്റിയത്. ഇക്കഴിഞ്ഞ 14 ന് വൈകീട്ട് അഞ്ചരയോടെ വടകരയിൽ ഡോക്ടരെ കണ്ട് തിരിച്ചു വരുകയായിരുന്നു ഇരുവരും.
തൊട്ട് പിറകിൽ വന്ന കാറാണ് സ്കൂട്ടറിൽ ഇടിച്ചത്. രണ്ട് തവണ ഇടിച്ചിട്ട ശേഷം സുധി കാറിൽ കുടുങ്ങി അല്പം ദൂരത്തേക്ക് വലിച്ചിഴച്ചതായി പറയുന്നു. സുധിക്ക് കാലിന് പൊട്ടലുണ്ട്. ആറ് തുന്നലുമിടേണ്ടി വന്നു. കൈക്കും പരുക്കുണ്ട്. സുജിത്തിനും പരുക്ക് പറ്റി. നിർത്താതെ പോയ കാർ കണ്ടു പിടിക്കാൻ വടകര പോലീസ് ഊർജ്ജിത ശ്രമം ആരംഭിച്ചു. പരിസരത്തെ വിവിധ സി.സി.ടി.വി പരിശോധിക്കുന്നുണ്ട്. നാട്ടുകാരും കാർ കണ്ടെത്താൻ ശ്രമമാരംഭിച്ചു.

വടകരയിൽ യുവാക്കളെ ഇടിച്ചിട്ട കാർ കണ്ടെത്താൻ അന്വേഷണം ഊർജ്ജിതമാക്കി പോലീസ്

വളയം: ലഹരിക്കേസുകളിൽ തുടർച്ചയായി ഉൾപ്പെടുന്ന പ്രതികൾക്കെതിരേയുള്ള കരുതൽത്തടങ്കൽ നിയമപ്രകാരം ഒരാൾ അറസ്റ്റിൽ. ചെക്യാട് സ്വദേശി ചേണികണ്ടി നംഷിദി(37)നെയാണ് വളയം ഇൻസ്പെക്ടർ ഇ.വി. ഫായിസ് അലി അറസ്റ്റുചെയ്തത്. ഒരുവർഷത്തേക്കാണ് പ്രതിക്കെതിരേ കരുതൽത്തടങ്കൽ നിയമം നടപ്പാക്കിയത്. ചെന്നൈയിലെ നർക്കോട്ടിക്ക് കൺട്രോൾ ബ്യൂറോ റീജണൽ ഓഫീസിൽനിന്നുള്ള ഉത്തരവിനെത്തുടർന്നാണ് നടപടി. വളയം, നാദാപുരം പോലീസ് സ്റ്റേഷനുകളിലായി പ്രതിയുടെ പേരിൽ നാല് മയക്കുമരുന്നുകേസുകൾ നിലവിലുണ്ട്. 2022-ലും 2024-ലും യഥാക്രമം 17.47 ഗ്രാം, 19.65 ഗ്രാം എംഡിഎംഎയുമായി വളയത്തുനിന്നും 2023-ലും 2025-ലും യഥാക്രമം 30.5 ഗ്രാം, 0.28 ഗ്രാം എംഡിഎംഎയുമായി നാദാപുരത്തുനിന്നും നംഷിദ് പിടിയിലായിരുന്നു.
തുടർച്ചയായി ലഹരിവിൽപ്പന ഉൾപ്പെടെയുള്ള കേസുകളിൽ പ്രതിയായതോടെയാണ് കേന്ദ്രനിയമപ്രകാരമുള്ള പ്രത്യേക കരുതൽത്തടങ്കൽ പിഐടി (പ്രിവൻഷൻ ഓഫ് ഇല്ലിസിറ്റ് ട്രാഫിക് ഇൻ നർക്കോട്ടിക് ഡ്രഗ്സ്) നിയമം നടപ്പാക്കിയത്. കോഴിക്കോട് ജില്ലയിൽ ഈ വകുപ്പുപ്രകാരം പോലീസ് നടപടിസ്വീകരിച്ച ആദ്യത്തെ പ്രതിയാണ് നംഷിദ്. 2024 ഏപ്രിലിൽ പ്രതിയെ ആറുമാസത്തേക്ക് കാപ്പചുമത്തി നാടുകടത്തിയിരുന്നു. കാപ്പ നിയമം ലംഘിച്ച് ജില്ലയിൽ പ്രവേശിച്ചതിന് ഇയാളുടെ േപരിൽ പോലീസ് കേസെടുത്തിരുന്നു. അറസ്റ്റിലായ പ്രതിയെ തിരുവനന്തപുരം പൂജപ്പുര ജയിലിലേക്ക് അയക്കും.

മയക്ക് മരുന്ന് കേസ് കരുതൽ തടങ്കൽ നിയമം; വളയത്ത് ഒരാൾ അറസ്റ്റിൽ

വടകര: മൂരാട് പെട്രോള്‍ പമ്പിന് സമീപമുണ്ടായ ബൈക്കപകടത്തില്‍ യുവാവ് മരിച്ചു. ഇരിങ്ങല്‍ ബിആര്‍എസ് ലൈറ്റ് ആന്റ്സൗണ്ട് ഉടമ അറുവയില്‍ മീത്തല്‍ സബിന്‍ദാസാണ് (43) മരിച്ചത്. കഴിഞ്ഞ ദിവസം രാത്രിയാണ് അപകടമുണ്ടായത്. വടകരയില്‍ നിന്ന് വീട്ടിലേക്ക് പോവുകയായിരുന്ന സബിന്‍ദാസ് സഞ്ചരിച്ച ബൈക്ക് ഡിവൈഡറില്‍ ഇടിക്കുകയായിരുന്നു.&nbsp;
പരിക്കുകളോടെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല. വണ്ണാമ്പത്ത് ബാലകൃഷ്ണന്റെയും സരസയുടെയും മകനാണ്. ഭാര്യ: രനിഷ (പയ്യോളി മുനിസിപ്പല്‍ വെല്‍നസ് സെന്റര്‍ അയനിക്കാട്). മക്കള്‍: കൃഷ്ണനന്ദ, ദേവനന്ദ (ഇരുവരും വടകര സെന്റ് ആന്റണീസ് ഹൈസ്‌കൂള്‍ വിദ്യാര്‍ഥികള്‍). സഹോദരന്‍: പരേതനായ വിപിന്‍ ദാസ്.

മൂരാട് ബൈക്കപകടത്തിൽ യുവാവ് മരിച്ചു

വടകര: മംഗലാട് , കടമേരി , പൊയിൽ പാറ പ്രദേശങ്ങളിൽ കുറുക്കൻ്റെ പരാക്രമം. പന്ത്രണ്ടിൽ ഏറെ പേർക്ക് കടിയേറ്റു. കഴിഞ്ഞ ദിവസം രാത്രിയാണ് സംഭവം. സ്ത്രീകളും കുട്ടികൾക്കും ഉൾപ്പെടെ ഉള്ളവർക്ക് മുഖത്തും കൈക്കും കാലുകൾക്കുമാണ് കടിയേറ്റത്. വീട്ടിൽ കയറിയാണ് 15 വയസ്കാരൻ വിദ്യാർത്ഥിയെയും , മാതാവിനെയും കടിച്ച് പരിക്കേൽപ്പിച്ചത്. സാരമായി പരിക്കേറ്റ രണ്ട് പേരെ കോഴിക്കോട് മെഡിക്കൽ കോളജിൽ പ്രവേശിപ്പിച്ചു. മറ്റുള്ളവർ വടകര ജില്ല ആശുപത്രിയിൽ ചികിൽസ തേടി. രാത്രി 11 മണിയോടെ പ്രദേശവാസികൾ ചേർന്ന് കുറുക്കനെ തല്ലിക്കൊന്നു.

മംഗലാട്, കടമേരി ഭാഗങ്ങളിൽ കുറുക്കൻ്റെ പരാക്രമം; പന്ത്രണ്ടിലേറെ പേർക്ക് കടിയേറ്റു

വടകര: നഗരസഭ ആരോഗ്യവിഭാഗം എൻഫോഴ്സ്മെന്റ് ടീം ക്വീൻസ് ബാർ ആന്റ് റസ്റ്റോറന്റിൽ നടത്തിയ പരിശോധനയിൽ മാലിന്യങ്ങൾ തരം തിരിക്കാതെ സൂക്ഷിച്ചതിനും, മലിനീകരണ നിയന്ത്രണ ബോർഡിൽ നിന്നുള്ള അനുമതി ഇല്ലാതെ ഇൻസിനേറേറ്റർ പ്രവർത്തിപ്പിച്ചതിനും നോട്ടീസ് നൽകി. ജില്ലാ ആശുപത്രി റോഡിൽ പ്രവർത്തിക്കുന്ന ഫിഷ് മാർട്ട് എന്ന സ്ഥാപനത്തിൽ നിന്നും 10 കിലോ നിരോധിത പ്ലാസ്റ്റിക് ക്യാരി ബാഗ് പിടിച്ചെടുത്ത് നോട്ടീസ് നൽകി. ശ്രീമണി ബിൽഡിങ്ങിന് സമീപം പ്രവർത്തിക്കുന്ന സിറ്റി ലോഡ്ജിൽ നിന്നും മലിന ജലം പൊതു ഓടയിലേക്ക് ഒഴുക്കിയതിനാൽ നഗരസഭ ആരോഗ്യ വിഭാഗം ലോഡ്ജ് അടച്ച് പൂട്ടി.
ജൂബിലി കളത്തിന് സമീപം അന്യ സംസ്ഥാന തൊഴിലാളികൾ താമസിക്കുന്ന ലോഡ്ജിൽ നിന്നും മലിന ജലം പുറത്തേക്ക് ഒഴുക്കിയതിന് 5000 രൂപ പിഴ അടപ്പിച്ചു. സീനിയർ പബ്ലിക് ഹെൽത്ത് ഇൻസ്പെക്ടർ രാജേന്ദ്രൻ ടി, സുനിൽ എം, പബ്ലിക് ഹെൽത്ത് ഇൻസ്പെക്ടർമാരായ വിഗിഷ ഗോപാലൻ, ശ്രീമ എന്നിവർ പരിശോധനയിൽ പങ്കെടുത്തു. വരും ദിവസങ്ങളിലും ശക്തമായ പരിശോധന ഉണ്ടാവുമെന്ന് ക്ലീൻ സിറ്റി മാനേജർ രമേശൻ കെ പി അറിയിച്ചു.

വടകരയിൽ നഗരസഭാ ആരോഗ്യ വിഭാഗത്തിന്റെ പരിശോധന; സ്ഥാപനങ്ങൾക്ക് നോട്ടീസ്, പിഴ

വടകര: മാഹിയില്‍ നിന്ന് കടത്തിയ 36 കുപ്പി വിദേശമദ്യവുമായി മലപ്പുറം തിരൂരങ്ങാടി സ്വദേശി പിടിയിൽ. വേങ്ങര പാലശ്ശേരി വീട്ടില്‍ മൂസക്കുട്ടിയെ (45) യാണ് എക്‌സൈസ് പിടികൂടിയത്. കോഴിക്കോട് ഐബിയില്‍ നിന്ന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ വടകര എക്‌സൈസ് സര്‍ക്കിള്‍ ഓഫീസിലെ അസി. എക്‌സൈസ് ഇന്‍സ്‌പെക്ടര്‍ പ്രമോദ് പുളിക്കലും പാര്‍ട്ടിയും അഴിയൂരില്‍ മാഹി റെയില്‍വേ സ്റ്റേഷനിലേക്ക് പോകുന്ന റോഡില്‍ നിന്നാണ് ഇയാളെ മദ്യവുമായി പിടികൂടിയത്.&nbsp;
പ്രിവന്റീവ് ഓഫീസര്‍ ഗ്രേഡ് ഷൈജു പി പി, സായിദാസ് കെപി, സിവില്‍ എക്‌സൈസ് ഓഫീസര്‍ മുസ്ബിന്‍ ഇ എം, സിവില്‍ എക്‌സൈസ് ഓഫീസര്‍ ഡ്രൈവര്‍ പ്രജീഷ് ഇ കെ എന്നിവരാണ് പാര്‍ട്ടിയിലുണ്ടായിരുന്നത്.

36 കുപ്പി മാഹി മദ്യവുമായി ഒരാൾ വടകര എക്‌സൈസ് പിടിയില്‍

വടകര: കളഞ്ഞു കിട്ടിയ സ്വർണ മാല ഉടമയ്ക്ക് തിരിച്ചു നൽകി യുവാവ് മാതൃകയായി. മുക്കാളി സ്വദേശിനി ജ്യോതി പ്രഭയുടെ നാലര പവൻ തൂക്കമുള്ള സ്വർണ മാലയാണ് നഷ്ടപ്പെട്ടത്. വഴിയരികിൽ നിന്നും സ്വർണ മാല ലഭിച്ച മുക്കാളി സ്വദേശി നിവേദത്തിൽ സൂരജ്‌ ഇത് വടകര പോലീസ് സ്റ്റേഷനിൽ എത്തിച്ചു. തുടർന്ന് പോലീസ് ഉദ്യോഗസ്ഥരുടെ സാനിധ്യത്തിൽ സ്റ്റേഷനിൽ വച്ച് ഉടമയ്ക്ക് കൈമാറുകയായിരുന്നു.

കളഞ്ഞു കിട്ടിയ സ്വർണ മാല ഉടമയ്ക്ക് തിരിച്ചു നൽകി യുവാവ് മാതൃകയായി

പ​യ്യോ​ളി: ചെരണ്ടത്തൂർ എം.എച്ച്.ഇ.എസ് കോളജ് വാ​ട്സ്ആ​പ് ഗ്രൂ​പി​ൽ സെ​ൽ​ഫി​യെ​ടു​ത്ത് പോ​സ്റ്റ് ചെ​യ്ത​തി​ന് ഒന്നാം വർഷ ബിരുദ വിദ്യാർത്ഥിക്ക് അ​വ​സാ​ന​വ​ർ​ഷ ബി​രു​ദ വി​ദ്യാ​ർ​ഥി​ക​ളു​ടെ മ​ർ​ദ​നം. സം​ഭ​വ​ത്തി​ൽ പ്ര​തി​ക​ളാ​യ മൂ​ന്നു വി​ദ്യാ​ർ​ഥി​ക​ളെ പ​യ്യോ​ളി പൊ​ലീ​സ് പിടികൂടി. പ​യ്യോ​ളി കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്ത് കൊ​യി​ലാ​ണ്ടി സ​ബ് ജ​യി​ലി​ലേ​ക്ക​യ​ച്ചു.
ഒ​ന്നാം വ​ർ​ഷ ബി.​കോം വി​ദ്യാ​ർ​ഥി​യാ​യ ചോ​റോ​ട് പ​ണ്ടാ​ര​ക്കാ​ട്ടി​ൽ ജാ​ബി​റാ​ണ് (18) മ​ർ​ദ​ന​മേ​റ്റ് ചി​കി​ത്സ​യി​ലു​ള്ള​ത്. ര​ണ്ടു ദി​വ​സം മു​മ്പ് കോ​ള​ജി​ൽ ന​ട​ന്ന ആ​ഘോ​ഷ പ​രി​പാ​ടി​യി​ൽ കേ​ക്ക് മു​റി​ച്ച​തു​മാ​യി ബ​ന്ധ​പ്പെ​ട്ട് കോ​ള​ജ് വാ​ട്സ്ആ​പ് ഗ്രൂ​പ്പി​ൽ ജാ​ബി​ർ സെ​ൽ​ഫി​യെ​ടു​ത്ത് ഫോ​ട്ടോ പോ​സ്റ്റ് ചെ​യ്തി​രു​ന്നു. ഇ​തു ചോ​ദ്യം ചെ​യ്ത സീ​നി​യ​ർ വി​ദ്യാ​ർ​ഥി​ക​ൾ ത​ല​ക്കും മു​ഖ​ത്തും ലോ​ഹ​വ​സ്തു​കൊ​ണ്ട് മാ​ര​ക​മാ​യി മ​ർ​ദി​ച്ച് പ​രി​ക്കേ​ൽ​പ്പി​ക്കു​ക​യാ​യി​രു​ന്നു.
സം​ഭ​വ​ത്തി​ൽ അ​വ​സാ​ന വ​ര്‍ഷ ബി.​ബി.​എ വി​ദ്യാ​ര്‍ഥി​ക​ളാ​യ വി​ല്യാ​പ്പ​ള്ളി പു​ത്തൂ​ര്‍ മു​ഹ​മ്മ​ദ് അ​ന്‍സി​ഫ് (20), വ​ട​ക​ര മേ​പ്പ​യി​ല്‍ പു​തി​യെ​ടു​ത്ത്കു​നി മു​ഹ​മ്മ​ദ് റു​മൈ​സ് (21), പ​യ്യോ​ളി അ​ങ്ങാ​ടി തു​രു​ത്തി​യി​ല്‍ വീ​ട്ടി​ല്‍ ജ​സി​ന്‍ സൂ​പ്പി (21) എ​ന്നി​വ​രാ​ണ് റി​മാ​ൻ​ഡി​ലാ​യ​ത്. സം​ഭ​വ​ത്തി​ല്‍ റാ​ഗി​ങ് ഉ​ള്‍പ്പെ​ട്ടി​ടു​ണ്ടോ​യെ​ന്ന കാ​ര്യം അ​ന്വേ​ഷി​ച്ച് റി​പ്പോ​ര്‍ട്ട് ന​ൽ​കാ​ന്‍ കോ​ള​ജ് അ​ധി​കൃ​ത​രോ​ട് പൊ​ലീ​സ് ആ​വ​ശ്യ​പ്പെ​ട്ടി​ട്ടു​ണ്ട്.

സെൽഫി ഗ്രൂപ്പിൽ പോസ്റ്റ് ചെയ്തതിന് സീനിയർ വിദ്യാർഥികളുടെ മർദനം; മൂന്നുപേർ പയ്യോളി പോലീസ് പിടിയിൽ

മു​ഹ​മ്മ​ദ് അ​ന്‍സി​ഫ്, ജ​സി​ന്‍ സൂ​പ്പി, മു​ഹ​മ്മ​ദ് റു​മൈ​സ്

വടകര: നഗരസഭ രണ്ടാം വാർഡിൽ പ്രവർത്തിക്കുന്ന സി എം ഹോസ്പിറ്റലിൽ നഗരസഭാ ആരോഗ്യ വിഭാഗം നടത്തിയ പരിശോധനയിൽ എസ് ടി പി പ്ലാന്റിൽ നിന്നും മലിന ജലം മതിയായ ശേഖരണ സംഭരണികൾ ഇല്ലാതെ ഹോസ് ഉപയോഗിച്ച് പുറത്തേക്ക് ഒഴുക്കിവിടുന്നതായി കണ്ടെത്തി. ഇതിന് സമീപമുള്ള വീടുകളിൽ മഞ്ഞപ്പിത്തം പടർന്ന് പിടിക്കാൻ ഇടയായ സാഹചര്യത്തിലാണ് പരിശോധന നടത്തിയത്. ഹോസ്പിറ്റലിന് പിറക് വശത്തുള്ള പഴയ കെട്ടിടത്തിന് സമീപം ഉപയോഗശൂന്യമായ ഫർണ്ണിച്ചറുകളും ക്ലോസറ്റുകളും അലക്ഷ്യമായി കൂട്ടിയിട്ടതായും കണ്ടെത്തി. ഹോസ്പിറ്റലിന് മുൻ വശത്തുള്ള ഫാർമസിയുടെ മുൻപിൽ സ്ലാബിട്ട് ടൈൽ പാകിയതിനുള്ളിൽ ഒരു കിണർ കണ്ടെത്തി.&nbsp;
കിണറിലെ വെള്ളം ഹോസ്പിറ്റൽ ആവശ്യങ്ങൾക്ക് ഉപയോഗിക്കുന്നതായും കാണാൻ സാധിച്ചു. 48 മണിക്കൂറിനുള്ളിൽ രോഗികളെ മാറ്റി മതിയായ മാലിന്യ സംസ്ക്കരണ സംവിധാനങ്ങളൊരുക്കാൻ നോട്ടീസ് നൽകി. സീനിയർ പബ്ലിക് ഹെൽത് ഇൻസ്പെക്ടർ സന്ധ്യ എസ് എസ്, പബ്ലിക് ഹെൽത് ഇൻസ്പെക്ടർമാരായ രൂപേഷ് ഇ, അജിന പി എന്നിവർ പങ്കെടുത്തു. നിയമ ലംഘനങ്ങൾ കണ്ടെത്തിയതിൽ പിഴ ഉൾപ്പെടെ കർശന നടപടികൾ സ്വീകരിച്ചു വരികയാണെന്ന് ക്ലീൻ സിറ്റി മാനേജർ രമേശൻ കെ പി അറിയിച്ചു.

ആരോഗ്യ വിഭാഗത്തിന്റെ പരിശോധന; വടകരയിൽ ആശുപത്രിക്കെതിരെ നടപടി

കുറ്റ്യാടി: ബൈക്കില്‍ അമ്മയോടൊപ്പം പോകവെ കാറിടിച്ച് വിദ്യാര്‍ഥി മരിച്ചു. മൊകേരിഗവ: കോളജ് ബിഎ ഇക്കണോമെട്രിക്‌സ് രണ്ടാം വര്‍ഷ ബിരുദ വിദ്യാര്‍ഥി നരിക്കൂട്ടുംചാല്‍ പുത്തന്‍പുരയില്‍ രോഹിന്‍ (മോനൂട്ടന്‍-19) ആണ് മരിച്ചത്. ഇന്നലെ രാത്രി പന്ത്രണ്ട് മണിയോടടുത്താണ് സംഭവം. ലുലു സാരീസില്‍ ജോലി ചെയ്യുന്ന അമ്മ ബിന്ദുവിനെയുംകൂട്ടി വീട്ടിലേക്ക് ബൈക്കില്‍ പോകവെ നരിക്കൂട്ടുംചാലിലെ റേഷന്‍ കടയ്ക്ക് സമീപം നിയന്ത്രണം വിട്ടെത്തിയ കാര്‍ ബൈക്കില്‍ ഇടിക്കുകയായിരുന്നു.&nbsp;
ഓടിയെത്തിയ ലുലു ജീവനക്കാര്‍ രോഹിനെ ഉടനെ കുറ്റ്യാടി ഗവ. ആശുപത്രിയിലും അവിടെ നിന്ന് മൊടക്കല്ലുര്‍ മലബാര്‍ മെഡിക്കല്‍ കോളജ് ആശുപത്രിയിലും എത്തിച്ചെങ്കിലും രക്ഷിക്കാനായില്ല. അമ്മയ്ക്കും പരിക്ക് പറ്റി. ഒഴിവു ദിവസങ്ങളില്‍ രോഹിനും ലുലുവില്‍ ജോലിക്ക് പോകാറുണ്ടായിരുന്നു. അച്ഛന്‍: ബാലന്‍. സഹോദരി: സ്വാതി.

കുറ്റ്യാടിയില്‍ ബൈക്കില്‍ കാറിടിച്ച് കോളജ് വിദ്യാര്‍ഥിക്ക് ദാരുണാന്ത്യം

Kuttiadi

കൊയിലാണ്ടി: കരിമരുന്ന് പ്രയോ​ഗത്തിനിടെയുണ്ടായ അപകടത്തിൽ രണ്ടുപേർക്ക് പരിക്ക്. അഭിനന്ദ്, സം​ഗീത് എന്നിവർക്കാണ് പരിക്കേറ്റത്. മുചുകുന്ന് കോട്ട കോവിലകം ക്ഷേത്രത്തിൽ വെള്ളിയാഴ്ച രാത്രിയോടെയായിരുന്നു അപകടം. പടക്കം പൊട്ടിച്ചപ്പോൾ സമീപത്ത് കൂടിനിന്ന ആളുകളുടെ ഇടയിലേക്ക് തീപ്പൊരി തെറിച്ചുവീഴുകയായിരുന്നു.

മുചുകുന്ന് കോട്ടയിൽ കരിമരുന്ന് പ്രയോ​ഗത്തിനിടെ അപകടം; രണ്ടുപേർക്ക് പരിക്ക്

വടകര: മാഹിയില്‍ നിന്ന് കടത്തിയ 48 കുപ്പി വിദേശമദ്യവുമായി മധ്യവയസ്‌കന്‍ വടകര എക്‌സൈസിന്റെ പിടിയിലായി. തലശ്ശേരി തിരുവങ്ങാട് സാഗരിക വീട്ടില്‍ അനില്‍കുമാറിനെയാണ് (55) അറസ്റ്റ് ചെയ്തത്. വടകര എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ഹരീഷ് കുമാര്‍ കെ.പിയും പാര്‍ട്ടിയും ചോറോട് മുട്ടുങ്ങലില്‍ നടത്തിയ വാഹന പരിശോധനയിലാണ് ഇയാള്‍ പിടിയിലായത്. മദ്യം കടത്തിയ KL.58.G.2032 നമ്പര്‍ സ്‌കൂട്ടറും കസ്റ്റഡിയിലെടുത്തു. വാഹന പരിശോധനയില്‍ പ്രിവന്റീവ് ഓഫീസര്‍ സോമസുന്ദരന്‍ കെ.എം, പ്രമോദ് പുളിക്കൂല്‍, പ്രിവന്റീവ് ഓഫീസര്‍ (ഗ്രേഡ്) സുരേഷ് കുമാര്‍ സി.എം, സിവില്‍ എക്‌സൈസ് ഓഫീസര്‍ ഷിരാജ് കെ എന്നിവരും ഉള്‍പ്പെട്ടു.

48 കുപ്പി വിദേശമദ്യവുമായി മധ്യവയസ്‌കന്‍ വടകര എക്‌സൈസ്‌ പിടിയിൽ

വടകര: വിവിധ ഇടങ്ങളിൽ പാർക്ക് ചെയ്യുന്ന ബൈക്കുകൾ മോഷണം പോവുന്ന സംഭവത്തിൽ വടകരയിൽ ഒരു പ്ളസ് ടു വിദ്യാർത്ഥി കൂടി പിടിയിൽ. ഉപേക്ഷിക്കപെട്ട നിലയിൽ ഒരു ബൈക്ക് കൂടി പൊലീസ് കസ്റ്റഡിയിലെടുത്തു. വടകര പഴങ്കാവിൽ വെച്ചാണ് ഉപേക്ഷിക്കപെട്ട നിലയിൽ ബൈക്ക് പൊലീസ് കസ്റ്റഡിയിലെടുത്തത്. ഇതോടെ മോഷണം പോയ ഏഴ് ബൈക്കുകൾ വടകര പൊലീസ് കസ്റ്റഡിയിലായി.
വടകരയിലെയും സമീപ പ്രദേശങ്ങളിലെയും പ്രമുഖ സ്കൂളുകളിലെ ആറ് വിദ്യാർത്ഥികളെയാണ് പൊലീസ് ഇതുവരെ കസ്റ്റഡിലെടുത്തിട്ടുള്ളത്. കഴിഞ്ഞ ദിവസം അഞ്ച്‌ വിദ്യാർത്ഥികളെ പൊലീസ് പിടികൂടിയിരുന്നു. ഒൻപത്, പത്ത് ക്ലാസ്സുകളിൽ പഠിക്കുന്ന വിദ്യാർത്ഥികളെയാണ് കഴിഞ്ഞ ദിവസം വടകര പൊലീസ് പിടികൂടിയത്. മോഷ്ടിച്ച ബൈക്കുകൾ രൂപമാറ്റം വരുത്തിയും വ്യാജ നമ്പർ പ്ലേറ്റുകൾ ഘടിപ്പിച്ചും ചേസിസ് നമ്പർ ചുരണ്ടിമാറ്റിയുമാണ് ഇവർ ഉപയോഗിച്ചിരുന്നത്.

കുട്ടികള്ളന്മാർ വിലസുന്നു; ബൈക്ക് മോഷണം; വടകരയിൽ ഒരു വിദ്യാർത്ഥി കൂടി പിടിയിൽ

കൊയിലാണ്ടി: നെല്യാടിക്കടവ് പാലത്തില്‍ നിന്നു പുഴയിലേക്ക് ചാടി മരിച്ച ആളുടെ മൃതദേഹം തിരിച്ചറിഞ്ഞു.മുചുകുന്ന് താവോടിച്ചി കണ്ടി വേണുവാണ് (55) മരിച്ചത്. അത്തോളി സ്വദേശിയായ വേണു മുചുകുന്നിലാണ് താമസം. ഓട്ടോഡ്രൈവറാണ്. ഭാര്യ: അനിത.
വ്യാഴാഴ്ച ഒരു മണിയോടെ പാലത്തിനു സമീപം ചെരുപ്പും കണ്ണടയും അഴിച്ച് വെച്ച് പുഴയിലേക്ക് ചാടുകയായിരുന്നു. നാട്ടുകാര്‍ കണ്ടതിനെ തുടര്‍ന്ന് അഗ്‌നി രക്ഷാ സേനയെ വിവരമറിയിച്ചു. കോഴിക്കോട് നിന്നെത്തിയ അഗ്‌നിരക്ഷ സേനയുടെ സ്‌കൂബ ടീമും നാട്ടുകാരും സംയുക്തമായി നടത്തിയ തിരച്ചിലിനൊടുവില്‍ നാലരയോടുകൂടി പാലത്തിനു സമീപത്തു നിന്നു മൃതദേഹം കണ്ടെത്തുകയായിരുന്നു.&nbsp;
കൊയിലാണ്ടി ഫയര്‍ സ്റ്റേഷന്‍ ഓഫീസര്‍ സി.കെ.മുരളീധരന്റെ നേതൃത്വത്തില്‍ എഎസ്ടിഒ പി.എം.അനില്‍കുമാര്‍, എഫ്ആര്‍ഒമാരായ എം. ജാഹിര്‍, കെ.സുകേഷ്, ഇ.എം.നിധിപ്രസാദ്, എന്‍.പി.അനൂപ്, അമല്‍ദാസ്, കെ.ഷാജു, എസ്.പി.സുജിത്ത്, മുഹമ്മദ് റയീസ്, നിഖില്‍ മല്ലിശേരി, അഭിലാഷ്, സിബി, മനു, ഹോം ഗാര്‍ഡുമാരായ ബാലന്‍ ടി പി, രാംദാസ് വിച്ചിച്ചേരി, ബാലന്‍, ഇ എം. ഷൈജു എന്നിവര്‍ ദൗത്യത്തില്‍ പങ്കു ചേർന്നു.

കൊയിലാണ്ടിയിൽ പുഴയിൽ ചാടി മരിച്ചത് അത്തോളി സ്വദേശിയായ ഓട്ടോഡ്രൈവർ

വടകര: സമൂഹ മാധ്യമങ്ങളിലൂടെ യുവതികളുടെ ഫോട്ടോകൾ ശേഖരിച്ച് അശ്ലീല ഇൻസ്റ്റഗ്രാം പേജുകളിൽ പ്രചരിപ്പിച്ച യുവാവിനെ സൈബർ ക്രൈം പൊലീസ് അറസ്റ്റ് ചെയ്തു. കൈതപ്പൊയിൽ സ്വദേശി ശരൺ രഘു (20) ആണ് അറസ്റ്റിലായത്. ഇൻസ്റ്റഗ്രാം, ഫേസ്ബുക്ക് തുടങ്ങിയ സോഷ്യൽ മീഡിയ പ്ലാറ്റ് ഫോമുകളിലെ സ്ത്രീകളുടെ പ്രൊഫൈലുകളിൽ നിന്നും ഫോട്ടോസ് ഡൗൺലോഡ് ചെയ്ത് അശ്ലീല ശബ്ദ ശകലങ്ങളോടുകൂടി എഡിറ്റ് ചെയ്ത് അശ്ലീല പേരോടുകൂടിയ ഇൻസ്റ്റഗ്രാം അക്കൗണ്ടിൽ പ്രചരിപ്പിക്കുകയായിരുന്നു. താമരശ്ശേരി സ്വദേശികളായ നിരവധി സ്ത്രീകൾ പരാതികളുമായി പൊലീസിനെ സമീപിച്ചതിനെ തുടർന്നു നടത്തിയ അന്വേഷണത്തിലാണ് യുവാവ് അറസ്റ്റിലായത്. വടകര കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

യുവതികളുടെ ഫോട്ടോകൾ ശേഖരിച്ച് അശ്ലീല ഇൻസ്റ്റഗ്രാം പേജുകളിൽ പ്രചരിപ്പിച്ച യുവാവ് അറസ്റ്റിൽ

തലശ്ശേരി: കുളം വൃത്തിയാക്കുന്നതിനിടെ വിരല്‍ത്തുമ്പില്‍ മീന്‍ കുത്തിയതുമൂലമുണ്ടായ അണുബാധയെത്തുടര്‍ന്ന് യുവാവിന്റെ വലത് കൈപ്പത്തി മുറിച്ചുമാറ്റി. മാടപ്പീടിക ഗുംട്ടിക്കടുത്ത് പൈക്കാട്ട് കുനിയില്‍ ടി.രജീഷിന്റെ (38) കൈപ്പത്തിയാണ് നീക്കിയത്. ഫെബ്രുവരി ഒന്‍പതിന് വീടിനോടുചേര്‍ന്ന വയലില്‍ ചെറുകുളം വൃത്തിയാക്കവെയാണ് കുത്തേറ്റത്. കടു എന്ന് വിളിക്കുന്ന, മുഷിയെപ്പോലെയുള്ള മീനിന്റെ മുന്‍ഭാഗത്തെ കൂര്‍ത്ത മുള്ളാണ് കൊണ്ടത്. ആദ്യം സാരമാക്കിയില്ല. വേദന കൂടിയപ്പോള്‍ കോടിയേരി പ്രാഥമികാരോഗ്യകേന്ദ്രത്തില്‍നിന്ന് പ്രതിരോധ കുത്തിവെപ്പെടുത്തു.
വേദന കുറയാഞ്ഞതിനാല്‍ പള്ളൂര്‍, മാഹി ഗവ. ആസ്പത്രികളില്‍ ചികിത്സ തേടി. ക്രമേണ കൈ മടങ്ങാതായി. കഠിനവേദനയ്‌ക്കൊപ്പം വിരലിലും കൈപ്പത്തിയിലും കുമിളകള്‍ രൂപപ്പെട്ടു. മാഹിയിലെ സര്‍ജന്‍ കുമിള കീറി പരിശോധിച്ചപ്പോള്‍ ഗൗരവമുള്ളതാണെന്ന് മനസ്സിലാക്കി കോഴിക്കോട് ബേബി മെമ്മോറിയില്‍ ആസ്പത്രിയിലേക്ക് അയച്ചു. അവിടത്തെ പരിശോധനയിലാണ് ഗ്യാസ്ഗാംഗ്രീന്‍ എന്ന അപൂര്‍വ രോഗാവസ്ഥയാണെന്ന് കണ്ടെത്തിയത്. ആദ്യം രണ്ടുവിരലുകള്‍ മുറിച്ചുമാറ്റി. ഫലമില്ലാഞ്ഞ് കൈപ്പത്തി നീക്കുകയായിരുന്നു. ക്ലോസ്ട്രിഡിയം, ക്ലബ്‌സിയല്ല എന്നീ ബാക്ടീരിയകളാണ് അണുബാധയുണ്ടാക്കിയത്. മണ്ണിലടക്കം കാണപ്പെടുന്ന ബാക്ടീരിയകളാണിത്. മുറിവിലൂടെ ഈ ബാക്ടീരിയകള്‍ അകത്ത് കടന്നിട്ടുണ്ടാകുമെന്ന് കരുതുന്നു.

വിരല്‍ത്തുമ്പില്‍ മീന്‍ കുത്തിയതിനെത്തുടര്‍ന്ന് അണുബാധ; തലശ്ശേരിയിൽ യുവാവിന്റെ കൈപ്പത്തി മുറിച്ചുമാറ്റി

വടകര: കാറില്‍ കഞ്ചാവുമായി യുവാവ് എക്‌സൈസിന്റെ പിടിയിൽ. കോട്ടപ്പള്ളി സ്വദേശി വലിയ പറമ്പത്ത് വീട്ടില്‍ അപ്പു, ചാപ്പന്‍ എന്നിങ്ങനെ വിളിപ്പേരുള്ള ജോഷിത്തിനെയാണ് (33) വടകര എക്‌സൈസ് സര്‍ക്കിള്‍ ഇന്‍സ്‌പെക്ടര്‍ വി.ആര്‍.ഹിറോഷും പാര്‍ട്ടിയും ചേര്‍ന്ന് അറസ്റ്റ് ചെയ്തത്. വടകര ഗവ. ആശുപത്രിക്ക് സമീപം മേപ്പയില്‍ വച്ചാണ് കെഎല്‍ 18 ഇ 4175 നമ്പര്‍ ആള്‍ട്ടോ കാറില്‍ 70 ഗ്രാം കഞ്ചാവുമായി ഇയാൾ പിടിയിലായത്.&nbsp;
വയനാട്ടില്‍ നിന്നു വന്‍തോതില്‍ കഞ്ചാവ്കടത്തിക്കൊണ്ടുവന്ന് കോളജ്, സ്‌കൂള്‍ വിദ്യാര്‍ഥികള്‍ക്ക് ഇയാൾ നല്‍കിവരുന്നതായി എക്‌സൈസ് അറിയിച്ചു. പരിശോധനയില്‍ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ഗ്രേഡ് പ്രമോദ് പുളിക്കൂല്‍, പ്രിവന്റീവ് ഓഫീസര്‍ ഗ്രേഡ് ഉനൈസ് എന്‍ എം, ഷൈജു പി.പി, സായിദാസ് കെപി, സിവില്‍ എക്‌സൈസ് ഓഫീസര്‍മാരായ ഷിരാജ്, മുസ്ബിന്‍, ഡ്രൈവര്‍ പ്രജീഷ് എന്നിവര്‍ പങ്കെടുത്തു.

കാറില്‍ കഞ്ചാവുമായി യുവാവ് വടകരയിൽ എക്‌സൈസ് പിടിയിൽ

ഓർക്കാട്ടേരി: കാർ റോഡിന് വശത്തെ താഴ്ചയിലേക്ക് മറിഞ്ഞു. കാറിലുണ്ടായിരുന്ന യാത്രക്കാരൻ നിസ്സാരപരിക്കുകളോടെ രക്ഷപ്പെട്ടു. കളിയാംവെള്ളിക്ക് സമീപം റോയൽ കാർവാഷിന് മുൻവശത്ത് ചൊവ്വാഴ്ച രാവിലെ 9.30-ഓടെയാണ് സംഭവം. വടകര ഭാഗത്തുനിന്ന് എടച്ചേരി ഭാഗത്തേക്കുവരുകയായിരുന്ന ഇന്നോവ കാർ ആണ് അപകടത്തിൽപ്പെട്ടത്.&nbsp;
നിയന്ത്രണം നഷ്ടമായ കാർ റോഡിന് വശത്തെ ബാരിക്കേഡ് തകർത്ത് വലിയ താഴ്ചയിലേക്ക് മറിയുകയായിരുന്നു. ഇതിനിടയിൽ വൈദ്യുത്തതൂണിന്റെ സ്റ്റേവയറിൽ ഇടിച്ചത് കാരണം തൂണ് മുറിഞ്ഞുവീണു. ഇതിനെത്തുടർന്ന് അഞ്ചുമണിക്കൂറോളം ഈ ഭാഗങ്ങളിൽ വൈദ്യുതി വിതരണം തടസ്സപ്പെട്ടു. കാർ ഓടിച്ചിരുന്ന നാദാപുരം സ്വദേശിയായ യുവാവ് പരിക്കേൽക്കാതെ രക്ഷപ്പെട്ടു.&nbsp;&nbsp;

ഓർക്കാട്ടേരിയിൽ നിയന്ത്രണം വിട്ട കാർ താഴ്ചയിലേക്ക് മറിഞ്ഞു

ഉ​മ്മു​ൽ ഖു​വൈ​ൻ: പേ​രാ​മ്പ്ര കൈ​ത​ക്ക​ൽ സ്വ​ദേ​ശി അ​ർ​ജു​ൻ ഉ​മ്മു​ൽ ഖു​വൈ​ൻ ബീ​ച്ചി​ൽ മ​ര​ണ​പ്പെ​ട്ടു. ഇ​ക്ക​ഴി​ഞ്ഞ വെ​ള്ളി​യാ​ഴ്ച വൈ​കീ​ട്ട് ഏ​ഴോ​ടെ​യാ​യി​രു​ന്നു സം​ഭ​വം. 32 വ​യ​സ്സാ​യി​രു​ന്നു. ഭാ​ര്യ​യും കൂ​ട്ടു​കാ​രു​മൊ​ന്നി​ച്ച് ബീ​ച്ചി​ൽ കു​ളി​ക്കാ​നി​റ​ങ്ങി​യ​പ്പോ​ൾ വെ​ള്ള​ത്തി​ൽ വീ​ഴു​ക​യാ​യി​രു​ന്നു.
ഭാ​ര്യ: ദ​ർ​ശ​ന. പേ​രാ​മ്പ്ര കൈ​ത​ക്ക​ൽ ക​ണി​യാ​ൻ​ക​ണ്ടി പ്രേ​മ​ൻ-​ഗീ​ത ദ​മ്പ​തി​ക​ളു​ടെ മ​ക​നാ​ണ്. ഏ​ക​സ​ഹോ​ദ​രി അ​ഞ്ജ​ന അ​യ​ർ​ല​ൻ​ഡി​ലാ​ണ്. ഉ​മ്മു​ൽ ഖു​വൈ​ൻ ഹോ​സ്പി​റ്റ​ൽ മോ​ർ​ച്ച​റി​യി​ലു​ള്ള മൃ​ത​ദേ​ഹം നാ​ട്ടി​ൽ കൊ​ണ്ടു​പോ​കാ​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ന്ന​താ​യി ബ​ന്ധു​ക്ക​ൾ അ​റി​യി​ച്ചു.

ഉ​മ്മു​ൽ ഖു​വൈ​ൻ ബീ​ച്ചി​ൽ പേരാമ്പ്ര സ്വദേശിയായ യുവാവ് മുങ്ങിമരിച്ചു

Gulf

കക്കട്ടില്‍: കക്കട്ട് ടൗണില്‍ ഒരാള്‍ക്ക് വെട്ടേറ്റു. മധുകുന്ന് സ്വദേശി പുന്നൂ ക്കണ്ടി ഗംഗാധരനാണ് (65) വെട്ടേറ്റത്. കൈവേലി റോഡ് ജംഗ്ഷനടുത്ത് ബൈക്കിലെത്തിയ സംഘം വെട്ടിയതായാണ് പരാതി. സാരമായി പരിക്കേറ്റ ഗംഗാധരനെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. നാദാപുരം ഡിവൈഎസ്പി ചന്ദ്രന്റെ നേതൃത്വത്തില്‍ പോലീസ് സംഭവ സ്ഥലത്തെത്തി നടപടികൾ സ്വീകരിച്ചു.

കക്കട്ടില്‍ ഒരാള്‍ക്ക് വെട്ടേറ്റു

വടകര : 33 കുപ്പി മാഹി വിദേശമദ്യവുമായി യുവാവിനെ എക്സൈസ് ഉദ്യോഗസ്ഥർ പിടികൂടി. പയ്യന്നൂർ കരുതെക്കേൽ വീട്ടിൽ റിന്റോ ജോസഫി(38)നെയാണ് പിടികൂടിയത്. വടകര എക്സൈസ് സർക്കിൾ ഓഫീസിലെ അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) പ്രമോദ് പുളിക്കോലും സംഘവും നടത്തിയ പരിശോധനയിലാണ് മാഹി റെയിൽവേ സ്റ്റേഷനിലേക്ക് പോകുന്ന റോഡിൽ ഗവ. പ്രീമെട്രിക് ഹോസ്റ്റലിനു മുൻവശത്തുനിന്ന് ഇയാളെ പിടികൂടിയത്.&nbsp;
റിന്റോയുടെ അറസ്റ്റ് രേഖപ്പെടുത്തി. സംഘത്തിൽ പ്രിവന്റീവ് ഓഫീസർ ഗ്രേഡ് എൻ.എം. ഉനൈസ്, സി.ഇ.ഒ. സി.എം. സുരേഷ് കുമാർ, ഡ്രൈവർ ഇ.കെ. പ്രജീഷ് എന്നിവരും ഉണ്ടായിരുന്നു.

33 കുപ്പി വിദേശമദ്യവുമായി യുവാവ് വടകര എക്സൈസ് പിടിയിൽ

നാദാപുരം : അരൂരില്‍ എം.ഡി.എം.എയുമായി മൂന്ന് യുവാക്കളെ പോലീസ് അറസ്റ്റ് ചെയ്തു. പിടുപിടുപാഞ്ചാലില്‍ മുഹമ്മദലി(30),ചേലക്കാട് ചരളില്‍ അര്‍ഷാദ്(26),മൊകേരിയില്‍ വാടകക്ക് താമസിക്കുന്ന കല്ലാച്ചി കൊറ്റോത്താന്റവിടെ അന്‍വര്‍സാദത്ത്(30)എന്നിവരെയാണ് നാദാപുരം എസ്.ഐ വിഷ്ണുവും സംഘവും പിടികൂടിയത്.
ഇവര്‍ സഞ്ചരിച്ച കാറും പോലീസ് കസ്റ്റഡിയിലെടുത്തു.കഴിഞ്ഞ ദിവസം ബാംഗ്ലൂരില്‍ നിന്നെത്തച്ചതാണ് ലഹരി വസ്തുവെന്ന് പോലീസ് പറഞ്ഞു.ഇവരെ ഞായറാഴ്ച കോടതിയില്‍ ഹാജരാക്കും.

അരൂരില്‍ എം.ഡി.എ യുമായി മൂന്ന് പേർ അറസ്റ്റിൽ

അരൂരില്‍ എം.ഡി.എം.എയുമായി മൂന്ന് പേർ അറസ്റ്റിൽ

വടകര: എക്‌സൈസ് സര്‍ക്കിള്‍ ഓഫീസിലെ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ (ഗ്രേഡ്) പ്രമോദ്പുളിക്കൂലും പാര്‍ട്ടിയും വില്ല്യാപ്പള്ളി, കുനിങ്ങാട് ഭാഗങ്ങളില്‍ നടത്തിയ പരിശോധനയില്‍ കഞ്ചാവുമായി യുവാവ് പിടിയിലായി. ആയഞ്ചേരി പറമ്പില്‍ ആക്കായി താഴെകുനിയില്‍ വീട്ടില്‍ അമലിനെയാണ് (27) അറസ്റ്റ് ചെയ്തത്.&nbsp;
ഇയാളില്‍ നിന്ന് 70 ഗ്രാം കഞ്ചാവ് പിടിച്ചെടുത്തു. കൈതകുണ്ട് എന്ന സ്ഥലത്ത് നിന്നാണ് ഇയാളെ പിടികൂടിയത്. പ്രിവന്റിവ് ഓഫീസര്‍ ഗ്രേഡ് സായിദാസ്.കെ.പി, ഷൈജു.പി.പി, സിവില്‍ എക് സൈസ് ഓഫീസര്‍ മുസ്ബിന്‍. ഇ.എം, സിഇഒ ഡ്രൈവര്‍ പ്രജീഷ്. ഇ കെ എന്നിവരും പരിശോധനയില്‍ പങ്കെടുത്തു.

വില്ല്യാപ്പള്ളി, കുനിങ്ങാട് ഭാഗങ്ങളില്‍ പരിശോധനയുമായി എക്‌സൈസ്; 70 ഗ്രാം കഞ്ചാവുമായി യുവാവ് പിടിയില്‍

നാദാപുരം: യുവതിയുടെ വീട്ടില്‍ അതിക്രമിച്ചു കയറി ഭീഷണിപ്പെടുത്തി എന്ന പരാതിയില്‍ പോലീസ് സിഐക്കെതിരെ കേസ്. നാദാപുരം കണ്‍ട്രോള്‍ റൂം സിഐ സ്മിതേഷിനെതിരെയാണ് വടകര പോലീസ് കേസെടുത്തത്. കത്രിക പോലുള്ള വസ്തു കാട്ടി കുത്തുമെന്ന് ഭീഷണിപ്പെടുത്തിയെന്നാണ് പരാതി. യുവതിയുടെ ബഹളം കേട്ട് രാത്രി അയല്‍ക്കാര്‍ ഓടിക്കൂടിയിരുന്നു.
വള്ളിക്കാട് സ്വദേശിനിയായ യുവതിയുടെ വീട്ടിലാണ് സംഭവം. വൈകിട്ട് മകളോടൊപ്പം പുറത്തു പോയ യുവതി രാത്രി എട്ടേമുക്കാലോടെ വീട്ടില്‍ തിരിച്ചെത്തിയപ്പോള്‍ പ്രതിയെ വീട്ടിനുള്ളല്‍ അതിക്രമിച്ച് കയറിയ നിലയില്‍ കാണുകയായിരുന്നെന്ന് പറയുന്നു. പിന്നാലെ കത്രിക പോലുള്ള മൂര്‍ച്ചയുള്ള സാധനം കാണിച്ച്കുത്തുമെന്ന് ഭീഷണി മുഴക്കിയെന്നും പറയുന്നു.&nbsp;
യുവതിയും മകളും ബഹളം വെച്ചതിനെ തുടര്‍ന്ന് നാട്ടുകാര്‍ ഓടിക്കൂടുകയും യുവതി വടകര പോലീസിനെ വിവരം അറിയിക്കുകയുമായിരുന്നു. തുടര്‍ന്ന് വടകര പോലീസെത്തി സിഐ സ്മിതേഷിനെ കസ്റ്റഡിയിലെടുക്കുകയായിരുന്നു. യുവതിയെ നേരത്തെ പരിചയമുള്ള പ്രതി പലപ്രാവശ്യം ഫോണ്‍ ചെയ്തതിനെ തുടര്‍ന്ന് പ്രതിയുടെ കോള്‍ ബ്ലോക്ക് ചെയ്തതിലുള്ള വിരോധമാണ് അതിക്രമത്തിന് കാരണമെന്ന് എഫ്‌ഐആറില്‍ പറയുന്നു. കസ്റ്റഡിയിലെടുത്ത പ്രതിയെ പിന്നീട് സ്റ്റേഷന്‍ ജാമ്യത്തില്‍ വിട്ടു.

വീട്ടില്‍ അതിക്രമിച്ച് കയറി യുവതിയെ ഭീഷണിപ്പെടുത്തിയതായി പരാതി; നാദാപുരത്ത് സിഐക്കെതിര കേസ്

മലപ്പുറം: സ്വകാര്യ ബസ് ജീവനക്കാരുടെ മർദനമേറ്റ ഓട്ടോ ഡ്രൈവർ ആശുപത്രിയിൽ കുഴഞ്ഞുവീണുമരിച്ചു. ഒതുക്കുങ്ങൽ സ്റ്റാൻഡിലെ ഡ്രൈവറായ മാണൂർ സ്വദേശി അബ്ദുൾ ലത്തീഫാണ് മരിച്ചത്. മർദനമേറ്റതിന് പിന്നാലെ ശാരീരിക പ്രശ്നങ്ങൾ ഉണ്ടായതിനെത്തുടർന്ന് സ്വയം ഓട്ടോ ഓടിച്ച് ആശുപത്രിയിൽ എത്തിയ ഉടൻ കുഴഞ്ഞുവീഴുകയായിരുന്നു എന്നാണ് റിപ്പോർട്ട്. ആശുപത്രിയിലുണ്ടായിരുന്ന നാട്ടുകാരനായ ഒരാളാണ് ലത്തീഫിനെ തിരിച്ചറിഞ്ഞത്. സംഭവുമായി ബന്ധപ്പെട്ട് മൂന്ന് ബസ് ജീവനക്കാരെയും ബസിനെയും പൊലീസ് കസ്റ്റഡിയിലെടുത്തിട്ടുണ്ട്. ഇന്ന് രാവിലെയായിരുന്നു സംഭവം.
വടക്കേമണ്ണയിലെ ബസ്‌സ്റ്റോപ്പിൽ നിന്ന് ആളെ കയറ്റിയതുമായി ബന്ധപ്പെട്ടാണ് ബസ് ജീവനക്കാർ ലത്തീഫിനെ മർദിച്ചത്. പിടിബി എന്ന സ്വകാര്യബസിന് മുന്നേ പോയ ലത്തീഫിന്റെ ഓട്ടോയിൽ ബസ്‌സ്റ്റോപ്പിനടുത്ത് റോഡുവക്കിലുണ്ടായിരുന്നു രണ്ട് സ്ത്രീകൾ കയറി. ഇതുകണ്ട ബസ് ജീവനക്കാർ ബസ് കുറുകെയിട്ട് ഓട്ടോ തടയുകയും ലത്തീഫിനെ മർദിക്കുകയുമായിരുന്നു.മർദ്ദനത്തെത്തുടർന്ന് ശാരീരിക പ്രശ്നങ്ങൾ ഉണ്ടായതിനാൽ സ്വയം ആശുപത്രിയിലേക്ക് പോകാൻ ലത്തീഫ് തീരുമാനിക്കുകയായിരുന്നു. ഡോക്ടറെ കണ്ടശേഷം പൊലീസ് സ്റ്റേഷനിലെത്തി പരാതി നൽകാനായിരുന്നു തീരുമാനം. എന്നാൽ ആശുപത്രിയിലെത്തിയ ഉടൻ കുഴഞ്ഞുവീഴുകയായിരുന്നു. ലത്തീഫിന്റെ കഴുത്തിലുൾപ്പെടെ പാടുകളുണ്ടെന്നാണ് ആശുപത്രിയിലുണ്ടായിരുന്ന ചിലർ പറയുന്നത്.&nbsp;
ലത്തീഫിന് മറ്റെന്തെങ്കിലും ആരോഗ്യപ്രശ്നങ്ങൾ ഉണ്ടോ എന്ന് വ്യക്തമല്ല. മൃതദേഹം മോർച്ചറിയിലേക്ക് മാറ്റി. പോസ്റ്റുമോർട്ടം റിപ്പോർട്ട് കിട്ടിയാലേ മരണകാരണം വ്യക്തമാകൂ എന്നാണ് പൊലീസ് പറയുന്നത്.&nbsp;

മലപ്പുറത്ത് ബസ് ജീവനക്കാരുടെ മർദനമേറ്റ ഓട്ടോഡ്രൈവർ ആശുപത്രിയിൽ കുഴഞ്ഞുവീണ് മരിച്ചു

കോഴിക്കോട്: വനിതാ ദിനത്തിൽ വനിതകൾക്ക് മാത്രമായി സ്പെഷ്യൽ ട്രിപ്പൊരുക്കി കെ.എസ്.ആർ.ടി.സി. നാളെ ശനിയാഴ്ച 200 രൂപക്ക് കോഴിക്കോട് നഗരം ചുറ്റിക്കാണാനുള്ള ട്രിപ്പാണ് ഒരുക്കിയിരിക്കുന്നത്.
കോഴിക്കോട് ബീച്ച്, കുറ്റിച്ചിറ പള്ളി, മാനാഞ്ചിറ സ്ക്വയർ, പ്ലാനിറ്റോറിയം, പഴശ്ശി മ്യൂസിയം, ഭട്ട് റോഡ് ബീച്ച്, കോതി ബീച്ച്, കണ്ണംപറമ്പ് ബീച്ച്, സൗത്ത് ബീച്ച്, വെള്ളയിൽ ബീച്ച്, വരയ്ക്കൽ ബീച്ച് തുടങ്ങിയ സ്ഥലങ്ങളാണ് ട്രിപ്പിലുൾപ്പെടുത്തിയിരിക്കുന്നത്.യാത്രക്ക് താൽപര്യമുള്ളവർ നേരത്തെ ബുക്ക് ചെയ്യണം. ഫോൺ: 9946 068 832, 7907 627 645

വനിതകൾക്ക് കോഴിക്കോട് ചുറ്റിക്കാണാം വെറും 200 രൂപക്ക്; കെ.എസ്.ആർ.ടി.സി സ്പെഷ്യൽ ട്രിപ്പ്

യു.എ.ഇ : മലയാളി യുവതിയെ ദുബൈയിൽ താമസ സ്ഥലത്ത് തൂങ്ങി മരിച്ച നിലയിൽ കണ്ടെത്തി. വളയം സ്വദേശി ടി കെ ധന്യയാണ് മരിച്ചത്. അജ്മാനിലെ താമസ സ്ഥലത്താണ് ധന്യയെ മരിച്ച നിലയിൽ കണ്ടെത്തിയത്. ചൊവ്വാഴ്ചയായിരുന്നു സംഭവം.
ഭർത്താവ് വാണിമേൽ സ്വദേശി ഷാജിക്കും മകൾക്കും ഒപ്പമായിരുന്നു ദുബൈയിൽ താമസം. പിതാവ്: അശോകന്‍. മാതാവ്: രാധ. സഹോദരി: സൗമ്യ.

വളയം സ്വദേശിയായ യുവതിയെ അജ്മാനില്‍ തൂങ്ങി മരിച്ച നിലയിൽ കണ്ടെത്തി

വടകര : എം.ഡി.എം.എ.യുമായി അറസ്റ്റിലായ യുവാവിനെ കൈയേറ്റം ചെയ്യുന്നത് തടയാൻ ശ്രമിക്കുന്നതിനിടെ പോലീസിന്റെ ഔദ്യോഗിക കൃത്യനിർവഹണം തടസ്സപ്പെടുത്തിയതിന് മൂന്നാളുടെ പേരിൽ വടകര പോലീസ് കേസെടുത്തു.
കണ്ടാലറിയാവുന്ന മൂന്നാളുടെ പേരിലാണ്‌ എസ്.ഐ. എം.കെ. രഞ്ജിത്തിന്റെ പരാതിയിൽ കേസെടുത്തത്. ചൊവ്വാഴ്ച നാരായണനഗരം പെട്രോൾ പമ്പിന്‌സമീപം എം.ഡി.എം.എ.യുമായി പിടിയിലായ യുവാവിന്റെ അറസ്റ്റ് നടപടികൾക്കിടെയാണ് ഇയാളുടെ നേരേ കൈയേറ്റം നടന്നത്. പോലീസ് ഇടപെട്ട് ഇത്‌ തടയുകയായിരുന്നു. ഇതിനിടെ പോലീസുമായും സംഘർഷമുണ്ടായി.

അറസ്റ്റിനിടെ കൈയേറ്റം; മൂന്നാളുടെ പേരിൽ വടകര പോലീസ് കേസെടുത്തു

ചോറോട്: പുനർ വിവാഹിതയല്ലെന്ന സർട്ടിഫിക്കറ്റിന് അപേക്ഷിച്ച യുവതിയോട് ജനപ്രതിനിധികളെ വിശ്വസിക്കാൻ കൊള്ളില്ലെന്ന് ചോറോട് വില്ലേജ് ഓഫിസർ പറഞ്ഞതിൽ പ്രതിഷേധം. ജനപ്രതിനിധികൾ പല ഭാഗത്തും നിൽക്കും അതിനാൽ അയൽക്കാരായ രണ്ട് പേരുടെ സാക്ഷ്യപത്രവുമായി വരണമെന്ന് നിർദ്ദേശിച്ച് മടക്കി അയക്കുകയായിരുന്നു. ലൈഫ് ഭവന പതിയിൽ വീട് അനുവദിക്കപ്പെട്ട വിധവയായ സ്ത്രീക്ക് പഞ്ചായത്തിൽ എഗ്രിമെന്റ് വെക്കുന്നതിനായ് സ്ഥലം രജിസ്റ്റർ ചെയ്യാൻ തണ്ടപ്പേരും നികുതി രസീറ്റിനും അപേക്ഷ നൽകിയപ്പോൾ പല കാരണങ്ങൾ പറഞ്ഞ് മടക്കി അയച്ചു. പഞ്ചായത്ത് അംഗം ഓഫീസിൽ എത്തിയപ്പോഴും പല കാരണങ്ങൾ നിരത്തുകയാണ്.&nbsp;
വിദ്യാർത്ഥികളും തൊഴിൽ അന്വേഷകരുമായ നിരവധി പേർ അപേക്ഷ നൽകിയിട്ട് ദിവസങ്ങളോളമായി കാത്തിരിക്കുകയാണ് എന്നും ജനപ്രതിനിധികൾ പറഞ്ഞു. പാവപ്പെട്ട ജനങ്ങളെ ബുദ്ധിമുട്ടിക്കുന്ന ജിവനക്കാരുടെ നടപടി അവസാനിപ്പിക്കാൻ നടപടിക്കായി ചോറോട് ഗ്രാമ പഞ്ചായ ആംഗം പ്രസാദ് വിലങ്ങിൽ മന്ത്രിമാർക്കും കളക്ടർക്കും പരാതി നൽകി. കഴിഞ്ഞ ദിവസം ചേർന്ന ചോറോട് ഗ്രാമ പഞ്ചായത്ത് ഭരണ സമിതി യോഗത്തിലും വിഷയത്തിൽ വിമർശനമുയർന്നിരുന്നു.

ജനപ്രതിനിധികളെ വിശ്വസിക്കാൻ കൊള്ളില്ലെന്ന പരാമർശം; ചോറോട് വില്ലേജ് ഓഫിസർക്കെതിരെ പരാതി

മേപ്പയ്യൂർ : മേപ്പയ്യൂർ സ്വദേശിയായ അധ്യാപകനെ കാണാതായതായി പരാതി.നടുവിലക്കണ്ടി വിനോദന്റെ മകൻ ദേവദർശിനെ ആണ് ഇന്നലെ മുതൽ കാണാതായത്. രാവിലെ 8 മണിക്ക് വീട്ടിൽ നിന്നും വടകര ഗുജറാത്തി എസ്.ബി സ്കൂളിലേക്ക് പോയതാണ്. 165 സി.എം ഉയരം,വെളുത്ത് തടിച്ച ശരീരം, കറുത്ത ഷർട്ടും വെള്ള പാന്റുമാണ് കാണാതാവുമ്പോൾ ഉള്ള വേഷം.
മേപ്പയൂർ പോലീസിൽ പരാതി നൽകിയിട്ടുണ്ട്. എന്തെങ്കിലും വിവരം ലഭിക്കുന്നവർ 04962676220 ഈ നമ്പറിൽ ബന്ധപ്പെടണമെന്ന് പോലീസ് അറിയിച്ചു.

മേപ്പയ്യൂർ സ്വദേശിയായ അധ്യാപകനെ കാണാതായതായി പരാതി

കുറ്റ്യാടി: എക്‌സൈസ് നടത്തിയ പരിശോധനയില്‍ കാറില്‍ നിന്ന് കഞ്ചാവ് പിടികൂടി. ഇതുമായി ബന്ധപ്പെട്ട് കുറ്റ്യാടി വടയം മാരാന്‍ വീട്ടില്‍ സുര്‍ജിത്തിനെ (37) വടകര എക്‌സൈസ് സര്‍ക്കിള്‍ ഇന്‍സ്‌പെക്ടര്‍ വി.ആര്‍.ഹിറോഷും സംഘവും അറസ്റ്റ് ചെയ്തു. 200 ഗ്രാം കഞ്ചാവാണ് പിടിച്ചെടുത്തത്. കെഎല്‍.58. ജി 1125 നമ്പര്‍ കാറും കസ്റ്റഡിയിലെടുത്തു.&nbsp;
കുറ്റ്യാടി പേരാമ്പ്ര-സംസ്ഥാനപാതയില്‍ നടന്ന പരിശോധനയിലാണ് ഇയാള്‍ പിടിയിലായത്. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ പ്രമോദ് പുളിക്കൂല്‍, പ്രിവന്റീവ് ഓഫീസര്‍ ഗ്രേഡ് സായി ദാസ്, സിവില്‍ എക്‌സൈസ് ഓഫിസര്‍ ഷിരാജ്.കെ, മുസ്ബിന്‍. ഇ.എം, നിഷ എന്‍ കെ, സിഇഒ ഡ്രൈവര്‍പ്രജീഷ്. ഇകെ എന്നിവരും പരിശോധനയില്‍ പങ്കെടുത്തു.

കുറ്റ്യാടിയില്‍ കാറില്‍ കഞ്ചാവുമായി യുവാവ് അറസ്റ്റില്‍

വടകര : വില്ല്യാപ്പള്ളിയില്‍ പ്ലസ് ടു വിദ്യാര്‍ഥിനിയെ വീട്ടില്‍ തൂങ്ങിമരിച്ച നിലയില്‍ കണ്ടെത്തി. പുത്തൂര്‍ ഹയര്‍സെക്കന്‍ഡറി സ്‌കൂള്‍ വിദ്യാര്‍ഥിനി അനന്യ(17)യാണ് മരിച്ചത്. തിങ്കളാഴ്ച പ്ലസ് ടു പരീക്ഷ എഴുതി വീട്ടില്‍ തിരിച്ചെത്തിയതായിരുന്നു അനന്യ.
വീട്ടുകാര്‍ പുറത്തുപോയി തിരികെയെത്തിയപ്പോഴാണ് കിടപ്പുമുറിയില്‍ തൂങ്ങിമരിച്ചനിലയില്‍ അനന്യയെ കണ്ടത്. വൈകുന്നേരം ആറരയോടെയാണ് സംഭവം. ഉടന്‍തന്നെ വില്യാപ്പള്ളിയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം ആശുപത്രിയില്‍ സൂക്ഷിച്ചിരിക്കുകയാണ്.
വടകര പോലീസ് സ്ഥലത്തെത്തി പ്രാഥമിക അന്വേഷണം നടത്തുന്നുണ്ട്. ആത്മഹത്യയുടെ കാരണം സംബന്ധിച്ചവിവരം ലഭ്യമായിട്ടില്ല.

വില്ല്യാപ്പള്ളിയില്‍ പ്ലസ് ടു വിദ്യാര്‍ഥിനിയെ വീട്ടില്‍ തൂങ്ങിമരിച്ച നിലയില്‍ കണ്ടെത്തി

കൊല്ലം: ഓച്ചിറയില്‍ കുളംവറ്റിച്ച് മീൻ പിടിക്കുന്നതിനിടെ മീന്‍ തൊണ്ടയില്‍ കുരുങ്ങി യുവാവ് മരിച്ചു. തയ്യില്‍ തറയില്‍ അജയന്‍-സന്ധ്യ ദമ്പതികളുടെ മകനായ ആദര്‍ശ്(26) ആണ് മരിച്ചത്. പ്രയാര്‍ വടക്ക് കളീക്കശ്ശേരില്‍ ക്ഷേത്രത്തിന് സമീപം വൈകുന്നേരം അഞ്ചുമണിയോടെയായിരുന്നു സംഭവം.
സുഹൃത്തുക്കളോടൊപ്പം കുളത്തിലെ വെള്ളംവറ്റിച്ച് മീന്‍ പിടിക്കുന്നതിനിടെയായിരുന്നു സംഭവം. കൈയില്‍കിട്ടിയ കരട്ടി എന്ന മീനിനെ വായില്‍ കടിച്ചുപിടിച്ച് മറ്റൊരു മീനിനെ പിടിക്കാനായി ശ്രമിക്കുന്നതിനിടെ വായിലിരുന്ന മീന്‍ തൊണ്ടയിലേക്കിറങ്ങിയാണ് അപകടമുണ്ടായത്. ഉടൻതന്നെ ഓച്ചിറയിലെ സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ആദർശിന്‍റെ മൃതദേഹം കായംകുളം താലൂക്ക് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.

മീൻ തൊണ്ടയിൽ കുരുങ്ങി യുവാവിന് ദാരുണാന്ത്യം

കലഞ്ഞൂര്‍ (പത്തനംതിട്ട): കലഞ്ഞൂര്‍ പാടത്ത് ഭാര്യയെയും ഒപ്പമുണ്ടായിരുന്ന സുഹ്യത്തിനെയും യുവാവ് വെട്ടിക്കൊന്നു. പാടം പടയണിപ്പാറ എരുത്വാപ്പുഴ ബൈജു വിലാസത്തില്‍ വൈഷ്ണവിയേയും (28) ഒപ്പമുണ്ടായിരുന്ന സുഹൃത്ത് പാടം വിഷ്ണു ഭവനില്‍ വിഷ്ണുവിനെയുമാണ് (30) വൈഷ്ണവിയുടെ ഭര്‍ത്താവ് ബൈജു വെട്ടിക്കൊലപ്പെടുത്തിയത്. വിഷ്ണുവിന്റെ വാടക വീടിന്റെ മുന്നിലിട്ടാണ് രണ്ട് പേരെയും ബൈജു ആക്രമിച്ചത്.
സംഭവ സ്ഥലത്ത് വച്ച് തന്നെ വൈഷ്ണവി മരിച്ചു. വിഷ്ണുവിനെ പത്തനംതിട്ട ജനറല്‍ ആശുപത്രിയിലേക്ക് എത്തിച്ചെങ്കിലും മരിച്ചു. ഞായറാഴ്ച രാത്രി 11 മണിക്ക് ശേഷമാണ് ആക്രമണം നടന്നത്. ആക്രമണം നടത്തിയ ശേഷം ബൈജു തന്നെയാണ് സുഹൃത്തുക്കളെ വിളിച്ച് ഇക്കാര്യം പറഞ്ഞത്.ബൈജുവിനെ പോലീസ് കസ്റ്റഡിയില്‍ എടുത്തു.

പത്തനംതിട്ടയിൽ ഭാര്യയേയും സുഹൃത്തിനേയും യുവാവ് വെട്ടിക്കൊലപ്പെടുത്തി

അഴിയൂർ: ഹൈദരാബാദ് -ബാംഗ്ലൂർ ഹൈവേയിൽ ഉണ്ടായ ബൈക്കപകടത്തിൽ യുവാവ് മരിച്ചു. അഴിയൂർ കരിവയിൽ റോഡ് റെയിൽവേ സ്റ്റേഷന് സമീപം ദിവാഘറിൽ താമസിക്കുന്ന അശോകൻ കരുവൻതുരുത്തി (ഉണ്ണി) ശ്രീജ പട്ടാണിപ്പറമ്പത്ത് ദമ്പതികളുടെ മകൻ അക്ഷയ് (30) ആണ് മരിച്ചത്. ബുധനാഴ്ച രാത്രി 10.30നായിരുന്നു അപകടം. ഭാര്യ വിഷ്ണുപ്രിയ (നിംഹാൻസ് ബാംഗ്ലൂർ). മകൻ; തന്മയ്. സഹോദരി; ഹൃദ്യ (നഴ്സിംഗ് വിദ്യാർഥിനി).&nbsp;

ബാംഗ്ലൂരിൽ ബൈക്കപകടം; അഴിയൂർ സ്വദേശി മരിച്ചു

പയ്യോളി : പയ്യോളിയിൽ നവവധു ഭർതൃവീട്ടിൽ തൂങ്ങിമരിച്ച നിലയിൽ. ചേലിയ സ്വദേശി ആർദ്ര ബാലകൃഷ്ണനാണ് മരിച്ചത് (25). വെള്ളിയാഴ്ച രാത്രിയാണ് ആർദ്രയെ വീടിന് മുകളിലെ നിലയിൽ തൂങ്ങി മരിച്ച നിലയിൽ കണ്ടെത്തിയത്.
കുളിക്കാൻ പോയ ആർദ്രയെ ഏറെ നേരം കഴിഞ്ഞും കാണാതായപ്പോൾ മുകൾ നിലയിലെ മുറിയിൽ എത്തി പരിശോധിച്ചപ്പോഴാണ് മൃതദേഹം കണ്ടെത്തിയത്. ഫെബ്രുവരി രണ്ടിനായിരുന്നു ആർദ്രയും ഷാനും തമ്മിൽ ഉള്ള വിവാഹം.എന്തെങ്കിലും പ്രശ്നം ഉണ്ടായിരുന്നതായി അറിയില്ലെന്ന് ആർദ്രയുടെ ബന്ധുക്കൾ പറഞ്ഞു. 
 &nbsp;

പയ്യോളിയിൽ നവവധു ഭർതൃവീട്ടിൽ തൂങ്ങിമരിച്ച നിലയിൽ

കോഴിക്കോട്: കോഴിക്കോട് ലോ കോളേജിലെ മൂന്നാം സെമസ്റ്റര്‍ വിദ്യാര്‍ഥിയും തൃശൂര്‍ പാവറട്ടി സ്വദേശിയുമായ മൗസ മെഹ്‌റിസിന്റെ (20) ആത്മഹത്യയില്‍ ആണ്‍സുഹൃത്തിനായി അന്വേഷണം ഊര്‍ജ്ജിതമാക്കി പോലീസ്. സുഹൃത്ത് മൗസയെ കെണിയില്‍പെടുത്തുകയായിരുന്നുവെന്ന് സംശയിക്കുന്നതായും യുവാവുമായി സൗഹൃദം ആരംഭിച്ച ശേഷം മറ്റുള്ളവരുമായുള്ള അടുപ്പം മൗസ കുറച്ചതായും മൗസയുടെ സുഹൃത്തുക്കള്‍ ഉള്‍പ്പടെ പോലീസില്‍ മൊഴി നല്‍കിയിട്ടുണ്ട്. മൗസയുടെ ഫോണ്‍ മരിക്കുന്നതിന്റെ തലേദിവസം ഈ യുവാവ് കൈക്കലാക്കിയതായും സംശയമുണ്ട്.
ലോ കോളേജിന് സമീപത്തെ കടയില്‍ പാര്‍ട്ട് ടൈമായി ജോലി ചെയ്തിരുന്ന സമയത്താണ് മൗസ കോവൂര്‍ സ്വദേശിയായ യുവാവിനെ പരിചയപ്പെട്ടതെന്നാണ് വിവരം. വിവാഹിതനായ ഇയാള്‍ ഇക്കാര്യം മറച്ചുവെച്ചാണ് മൗസയുമായി അടുപ്പം സ്ഥാപിച്ചത്. ഇയാളുമായി പരിചയത്തിലായതോടെ മൗസ ജോലി ഉപേക്ഷിച്ചു.മരിച്ചതിന്റെ തലേദിവസം ഇയാള്‍ മൗസയുടെ വീട്ടില്‍ വിളിച്ചതായും വിവാഹിതനും കുട്ടികളുടെ പിതാവാണെന്ന് അറിയിച്ചതായും സൂചനകളുണ്ട്. ഇതിന് ശേഷം മൗസ മറ്റൊരു ഫോണില്‍ നിന്നും അച്ഛനെ വിളിച്ച് ഫോണ്‍ തകരാറിലാണെന്ന് പറയുകയും ഫോണ്‍ നന്നാക്കിയ ശേഷം തിരിച്ചു വിളിക്കാം എന്ന് അറിയിക്കുകയും ചെയ്തിരുന്നു. സുഹൃത്ത് വിവാഹിതനും കുട്ടികളുടെ പിതാവും ആണെന്ന് മനസ്സിലാക്കിയതാണ് ആത്മഹത്യയിലേക്ക് നയിക്കാന്‍ കാരണമെന്നാണ് പോലീസിന്റെ നിഗമനം.ഇയാളെ കണ്ടെത്താനുള്ള ശ്രമത്തിലാണ് പോലീസ്.

കോഴിക്കോട് ലോ കോളേജ് വിദ്യാര്‍ഥിനിയുടെ മരണം; ആണ്‍സുഹൃത്തിനായി അന്വേഷണം ഊര്‍ജ്ജിതമാക്കി പോലീസ്

തിരുവനന്തപുരം: കൂട്ടക്കൊലയ്ക്കു കാരണം മൂന്നുപേരോടുള്ള അമിതസ്‌നേഹവും മറ്റു മൂന്നുപേരോടുള്ള അടങ്ങാത്ത പകയുമെന്ന് അഫാന്റെ മൊഴി.
കടം കാരണം ജീവിക്കാനാവാതെ വന്നതോടെയാണ് മാതാവിനെയും സഹോദരനെയും പെൺസുഹൃത്തിനെയും കൊലപ്പെടുത്തി ജീവനൊടുക്കാൻ തീരുമാനിച്ചത്. കടുത്ത പ്രതിസന്ധിയിലും ആഭരണമോ പണമോ നൽകി സഹായിച്ചില്ലെന്നതായിരുന്നു മുത്തശ്ശി സൽമാ ബീവി, പിതൃസഹോദരൻ ലത്തീഫ്, ലത്തീഫിന്റെ ഭാര്യ ഷാഹിദ എന്നിവരോടുള്ള പകയ്ക്കു കാരണം.

പണം കടംവാങ്ങി ധൂർത്തടിക്കുന്നുവെന്ന പേരിൽ ലത്തീഫ് വഴക്ക് പറയുകയും ഉപദേശിക്കുകയും ചെയ്തു. ഒന്നരലക്ഷം രൂപ ലത്തീഫ് മുൻപ്‌ നൽകിയിരുന്നു. കൂടുതൽ പണം ചോദിച്ചെങ്കിലും നൽകിയില്ല.ഇതൊക്കെയാണ് ലത്തീഫിനോട് വിരോധമുണ്ടാകാൻ കാരണം.
കടക്കാരുടെ ശല്യം രൂക്ഷമായതോടെ എന്തു ചെയ്യണമെന്നറിയാത്ത നിലയിലായിരുന്നു. മാതാവിന്റെ ചികിത്സയ്ക്കുപോലും പണമില്ല. മാതാവിനെയും അനുജനെയും ഒറ്റയ്ക്കാക്കാനുള്ള മനസ്സുവന്നില്ല. താൻ ഇല്ലാതെ ഫർസാനയും ജീവിക്കേണ്ട എന്നതായിരുന്നു പെൺസുഹൃത്തിനെ കൊലപ്പെടുത്താനുള്ള കാരണം. ഫർസാന അനാഥയാവുമെന്നായിരുന്നു അഫാന്റെ വാദം.

ആദ്യം മാതാവിനെ, അവസാനം അനുജനെ
തിരുവനന്തപുരം : ആദ്യം കൊലപ്പെടുത്താൻ ശ്രമിച്ചത് മാതാവ് ഷെമിയെയാണെന്ന് അഫാൻ. തിങ്കളാഴ്ച രാവിലെ 11ഓടെ കഴുത്തിൽ ഷാൾ ചുറ്റി ശ്വാസംമുട്ടിച്ച് ഷെമിയെ കൊലപ്പെടുത്താൻ ശ്രമിച്ചു. മരിച്ചെന്നുകരുതി മുറി പൂട്ടിയശേഷമാണ് ബാക്കി കൊലപാതകങ്ങൾക്കുള്ള ഒരുക്കങ്ങൾ നടത്തിയത്.
വെഞ്ഞാറമൂട്ടിലെ സ്വകാര്യ പണമിടപാട് സ്ഥാപനത്തിലെത്തി. പണയത്തിനു സ്വർണം കൊണ്ടുവരാമെന്നു പറഞ്ഞ് 1400 രൂപ കടം വാങ്ങി. തുടർന്ന് ബാഗ്, ചുറ്റിക, എലിവിഷം എന്നിവ മൂന്നുകടകളിൽനിന്നു വാങ്ങി. ഇത് പോലീസ് പരിശോധിച്ച് സ്ഥിരീകരിച്ചിട്ടുണ്ട്.
തിരിച്ച്‌ വീട്ടിലെത്തിയപ്പോഴാണ് മാതാവ് മരിച്ചിട്ടില്ലെന്നു കണ്ടത്. തുടർന്ന് ചുറ്റിക ഉപയോഗിച്ച് മുഖത്തും തലയിലും അടിച്ചുവീഴ്ത്തി. തുടർന്നാണ് പാങ്ങോട്ടുള്ള മുത്തശ്ശി സൽമാ ബീവിയുടെ വീട്ടിലെത്തിയത്. അവരെ തലയ്‌ക്കടിച്ചുവീഴ്ത്തി മാല പൊട്ടിച്ചെടുത്തു. തിരിച്ച് വെഞ്ഞാറമൂട്ടിലെ പണമിടപാട് സ്ഥാപനത്തിലെത്തി 74,000 രൂപയ്ക്ക് പണയം െവച്ചു. ഇതിൽനിന്ന് 40,000 രൂപ കടം വാങ്ങിയ ആൾക്ക് അയച്ചു.
ഇതിനുശേഷമാണ് പിതൃസഹോദരൻ ലത്തീഫിന്റെ വീട്ടിലെത്തി ലത്തീഫിനെയും ഭാര്യ ഷാഹിദയെയും കൊലപ്പെടുത്തിയത്. തുടർന്ന് വെഞ്ഞാറമൂട്ടിലെ ബാറിലെത്തി മദ്യപിച്ചു. ഇവിടെനിന്നു മദ്യവും വാങ്ങിയാണ് വീട്ടിലേക്കുപോയത്. ഈ സമയത്താണ് പെൺസുഹൃത്തായ ഫർസാനയെ സ്വന്തം വീട്ടിലേക്കു വിളിച്ചുവരുത്തിയത്. മദ്യലഹരിയിലാണ് പെൺസുഹൃത്തിനെ കൊലപ്പെടുത്തിയത്. ഈ സമയത്ത് വീട്ടിലേക്കുവന്ന അനുജനെ ഒഴിവാക്കാനാണ് കുഴിമന്തി വാങ്ങാനായി ഓട്ടോയിൽ പറഞ്ഞുവിട്ടത്.
ഫർസാനയെ കൊലപ്പെടുത്തിയശേഷം താൻ വിഷം കഴിച്ചതായാണ് അഫാന്റെ മൊഴി. ആഹാരം വാങ്ങി തിരിച്ചെത്തിയ അഫ്‌സാനെ കൊലപ്പെടുത്തി. വീണ്ടും മദ്യപിച്ചശേഷമാണ് ഓട്ടോ വിളിച്ച് വെഞ്ഞാറമൂട് സ്‌റ്റേഷനിലെത്തിയതെന്നും മൊഴിയിൽ പറയുന്നു.

കൂട്ടക്കൊലയ്ക്കു കാരണം മൂന്നുപേരോടുള്ള അമിതസ്‌നേഹവും മൂന്നുപേരോടുള്ള  അടങ്ങാത്ത പകയുമെന്ന് മൊഴി

നാദാപുരം: നാദാപുരത്ത് എംഡിഎംഎയുമായി യുവാവ് പിടിയില്‍. കുന്നുമ്മല്‍ സ്വദേശി റംഷീദാണ് എക്സൈസിന്‍റെ പിടിയിലായത്. സൈബര്‍ സെല്ലിന്‍റെ സഹായത്തോടെ നാദാപുരം റെയ്ഞ്ച് എക്‌സൈസ് ഇന്‍സ്‌പെക്ടര്‍ അനിമോന്‍ ആന്‍റണിയും സംഘവും ചേര്‍ന്നാണ് റംഷീദിനെ പിടികൂടിയത്.
ഇന്നലെ വൈകീട്ട് ആറോടെ പൂവുള്ളതില്‍മുക്ക്-കുനിയില്‍ സ്‌കൂള്‍ റോഡില്‍ വെച്ച് സംശയാസ്പദമായ സാഹചര്യത്തില്‍ എത്തിയ ഇയാളെ പരിശോധിച്ചപ്പോഴാണ് എംഡിഎംഎ ലഭിച്ചത്. 8.4 ഗ്രാം എംഡിഎംഎ പ്രതിയില്‍ നിന്ന് കണ്ടെത്തിയതായി ഉദ്യോഗസ്ഥര്‍ അറിയിച്ചു. അസിസ്റ്റന്‍റ് എക്‌സൈസ് ഇന്‍സ്‌പെക്ടര്‍ ഗ്രേഡ് സിപി ചന്ദ്രന്‍, എക്‌സൈസ് ഓഫീസര്‍മാരായ ദീപുലാല്‍, ഷിജിന്‍, രജിലേഷ്, വിജേഷ്, അശ്വിന്‍, ബബിത, സൂര്യ, ഡ്രൈവര്‍ ബബിന്‍ എന്നിവരുള്‍പ്പെട്ട സംഘമാണ് റംഷീദിനെ പിടികൂടിയത്.

കക്കട്ടിനടുത്ത് വട്ടോളിയിൽ എംഡിഎംഎയുമായി യുവാവ് പിടിയില്‍

കോഴിക്കോട്: ശനിയാഴ്ച രാത്രി ജോലിക്കിടെ ലൈന്‍മാന്‍ അപകടത്തില്‍പ്പെട്ട് മരിച്ചത് ആഡംബരബൈക്കുകളുടെ റേസിങ്ങിനിടെയെന്ന് പോലീസ് കണ്ടെത്തി. കേസുമായി ബന്ധപ്പെട്ട ബൈക്ക് റേസിങ് നടത്തിയ ആറ് യുവാക്കളെ പോലീസ് കസ്റ്റഡിയിലെടുത്തു. ഇതില്‍ രണ്ടാളുടെപേരില്‍ കേസെടുത്തു. കൊയിലാണ്ടി സ്വദേശികളായ അഭിനവ്, സുദേവ് എന്നിവരെയാണ് മെഡിക്കല്‍ കോളേജ് എസ്.ഐ. വി.ആര്‍. അരുണ്‍ അറസ്റ്റുചെയ്തത്. ബൈക്കുകള്‍ പോലീസ് കസ്റ്റഡിയിലെടുത്തു.
രാത്രി ഒന്‍പതുമണിയോടെയാണ് ആറുപേര്‍ ആറ് ആഡംബരബൈക്കുകളിലായി മിനി ബൈപ്പാസ് റോഡിലേക്കെത്തിയത്. ക്യാമറകള്‍ പരിശോധിച്ച പോലീസ് ഇവര്‍ സരോവരത്തിന് സമീപത്തെ പെട്രോള്‍ പമ്പില്‍ നിര്‍ത്തി വീഡിയോകള്‍ ചിത്രീകരിക്കുന്നത് കണ്ടെത്തിയിട്ടുണ്ട്. ശേഷം മാങ്കാവിലെ മാളിലേക്കെത്തി അകത്തേക്ക് പ്രവേശിക്കാതെ അവിടെവെച്ചും വീഡിയോ ചിത്രീകരണം നടത്തി.
മാളില്‍നിന്ന് പുറത്തേക്കിറങ്ങി മിംസ് ആശുപത്രിയുടെ ഭാഗത്തേക്ക് പോകുന്നതിനിടെയാണ് മാങ്കാവ് വൈദ്യുതി ബോര്‍ഡ് സെക്ഷന്‍ ഓഫീസിലെ ലൈന്‍മാനായ മഞ്ജുനാഥും (45) സഹപ്രവര്‍ത്തകനായ ദേവദാസനും സഞ്ചരിച്ച സ്‌കൂട്ടറില്‍ പിന്നിലൂടെവന്നിടിക്കുന്നത്. മഞ്ജുനാഥ് പിന്‍സീറ്റ് യാത്രക്കാരനായിരുന്നു. അപകടത്തെ തുടര്‍ന്ന് സ്ഥലത്തുനിന്ന് മുങ്ങിയ യുവാക്കളെ ഒട്ടേറെ ക്യാമറകള്‍ പരിശോധിച്ച് തെളിവുകള്‍ ശേഖരിച്ചാണ് മെഡിക്കല്‍ കോളേജ് പോലീസ് പിടികൂടിയത്. ബൈക്കിടിച്ച് മഞ്ജുനാഥിന്റെ നട്ടെല്ല് തകര്‍ന്നതും രക്തക്കുഴല്‍ മുറിഞ്ഞ് ആന്തരികരക്തസ്രാവമുണ്ടായതുമാണ് മരണകാരണമായതെന്നാണ് പോസ്റ്റ്‌മോര്‍ട്ടം റിപ്പോര്‍ട്ട്.
മിംസ് ആശുപത്രിക്ക് സമീപമുള്ള മണല്‍ത്താഴം വൈദ്യുത ട്രാന്‍സ്‌ഫോര്‍മറിന്റെ ഫ്യൂസ് പോയതിനെത്തുടര്‍ന്ന് സമീപപ്രദേശങ്ങളിലെ വൈദ്യുതിവിതരണം നിലച്ചിരുന്നു. ഇത് അറ്റകുറ്റപ്പണി നടത്താന്‍ പോകുന്നതിനിടെയാണ് അപകടമുണ്ടായതെന്ന് മാങ്കാവ് സെക്ഷന്‍ അസി. എന്‍ജിനിയര്‍ യഥുനാഥ് പറഞ്ഞു.&nbsp;&nbsp;

സ്‌കൂട്ടറില്‍ സഞ്ചരിച്ച ലൈന്‍മാന്‍ മരിച്ചത് ആഡംബര ബൈക്കുകളുടെ റേസിങ്ങിനിടെ; കൊയിലാണ്ടി സ്വദേശികൾ പിടിയിൽ

വടകര: ബൈക്കിൽ കടത്തുകയായിരുന്ന കഞ്ചാവുമായി പിടിയിലായ പ്രതിക്ക് കഠിന തടവും പിഴയും ശിക്ഷ . കോഴിക്കോട് പന്നിയങ്കര ചക്കുംകടവ് എരഞ്ഞിക്കൽ പറമ്പ് വഴി പോക്ക് പറമ്പിൽ റജീസിനെ(42)യാണ് വടകര എൻ ഡി പി എസ് കോടതി ജഡ്ജ് വി ജി ബിജു ശിക്ഷിച്ചത്. മൂന്ന് വർഷം കഠിന തടവും ഇരുപതിനായിരം രൂപ പിഴയുമാണ് ശിക്ഷ.&nbsp;
പിഴ അടച്ചില്ലെങ്കിൽ ഒരു മാസം കൂടി കഠിന തടവ് അനുഭവിക്കണം. 2018 സെപ്തംബർ 14 നാണ് കേസിനാസ്പതമായ സംഭവം. കുന്ദമംഗലം-താമരശ്ശേരി റോഡിൽ സിന്ധു തിയേറ്ററിനു മുൻവശം വെച്ച് നാലു കിലോ 200 ഗ്രാം കഞ്ചാവ് കെ എൽ 11 വൈ -533 ഹീറോ ഹോണ്ട ബൈക്കിൽ കടത്തുമ്പോഴാണ് പ്രതിയെ കുന്ദമംഗലം എക്സ് സൈസ് അറസ്റ്റ് ചെയ്തത്. പ്രോസിക്യൂഷന് വേണ്ടി ഇ വി ലിജീഷ് ഹാജരായി.&nbsp;

ബൈക്കിൽ കടത്തുകയായിരുന്ന കഞ്ചാവുമായി പിടിയിലായ പ്രതിക്ക് കഠിന തടവും പിഴയും

വില്യാപ്പള്ളി: കല്ലേരിയില്‍ ഓടി കൊണ്ടിരുന്ന ലോറി കത്തി നശിച്ചു. ഡ്രൈവര്‍ രക്ഷപ്പെട്ടു. കല്ലേരി വൈദ്യര്‍ പീടികയ്ക്ക്സമീപം ഇന്ന് രാത്രിയാണ് സംഭവം. പട്ടാമ്പിക്ക് ആക്രി സാധനങ്ങള്‍ കൊണ്ടു പോകുകയായിരുന്ന ലോറിക്കാണ് തീ പിടിച്ചത്. ലോറിയും സാധനങ്ങളും പൂര്‍ണമായി കത്തി നശിച്ചു.&nbsp;
വൈദ്യുതി ലൈനില്‍ ആക്രി സാധനങ്ങള്‍ തട്ടിയാണ് തീ പിടിത്തമെന്നാണ് സംശയിക്കുന്നത്. പാലക്കാട് കോങ്ങോട് ചെറായി സ്വദേശിയാണ് വാഹനത്തിന്റ ഡ്രൈവര്‍. ഇയാള്‍ വാഹനത്തില്‍ നിന്ന് ഇറങ്ങിഓടിയതിനാല്‍ തലനാരിഴയ്ക്ക് രക്ഷപ്പെട്ടു.നാദാപുരത്ത് നിന്ന് ഫയര്‍ഫോഴ്‌സ് എത്തിയാണ് തീയണച്ചത്. ലോറിക്ക് തീ പിടിച്ചതോടെ കുനിങ്ങാട്-വില്യാപ്പള്ളി-വടകര റൂട്ടില്‍ ഗതാഗതം തടസ്സപ്പെട്ടു. അഗ്‌നി രക്ഷാ നിലയം ഓഫീസര്‍ വരുണിന്റെ നേതൃത്വത്തിലുള്ള സംഘം സ്ഥലത്തെത്തി മേല്‍ നടപടികള്‍ സ്വീകരിച്ചു.

കല്ലേരിയിൽ ഓടികൊണ്ടിരുന്ന ലോറിക്ക് തീ പിടിച്ചു; ഡ്രൈവർ പരിക്കേൽക്കാതെ രക്ഷപ്പെട്ടു

വടകര : വില്യാപ്പള്ളിയിൽ വീടിന് തീപിടിച്ച് വയോധിക മരിച്ചു.ഇന്ന് രാത്രി ഏഴുമണിയോടെയാണ് വീടിന് തീപിടിച്ചത്. വില്യാപ്പള്ളി സ്വദേശിനി നാരായണി ആണ് മരിച്ചത്. നാരായണി വീട്ടിൽ തനിച്ചായിരുന്നു. വീട്ടിൽ നിന്ന് തീ ആളിപടരുന്നത് കണ്ടാണ് സമീപവാസികള്‍ വിവരം അറിഞ്ഞത്.&nbsp;
തീ അണച്ചെങ്കിലും നാരായണിയെ രക്ഷിക്കാനായില്ല. വീടിന് എങ്ങനെയാണ് തീപിടിച്ചതെന്ന് വ്യക്തമല്ല. സ്ഥലത്ത് പൊലീസും ജനപ്രതിനിധികളുമടക്കം എത്തിയിട്ടുണ്ട്.&nbsp;

വില്യാപ്പള്ളിയിൽ വീടിന് തീപിടിച്ച് വയോധികയ്ക്ക് ദാരുണാന്ത്യം

തിരുവനന്തപുരം: നരുവാമൂട്ടിൽ പതിനാലുകാരനെ വീടിനുള്ളിൽ മരിച്ച നിലയിൽ കണ്ടെത്തി. ഒമ്പതാം ക്ലാസ് വിദ്യാർഥിയായ അലോഹനാഥാണ് മരിച്ചത്. രാവിലെ മുറിയിലെത്തിയ അമ്മയും സഹോദരിയുമാണ് കുട്ടിയെ കട്ടിലിൽ അനക്കമറ്റ നിലയിൽ കണ്ടത്. കഴുത്തിന്റെ ഒരു ഭാ​ഗത്ത് മുറിവും ശരീരത്തിൽ നീലനിറവുമുണ്ടായിരുന്നുവെന്നാണ് വിവരം.
ഉടനെ അമ്മയും സഹോദരിയും അയൽക്കാരെ വിവരമറിയിക്കുകയും കുട്ടിയെ ആശുപത്രിയിലെത്തിക്കുകയും ചെയ്തു. എന്നാൽ, മരണം സംഭവിച്ചിരുന്നു. തുടർന്ന് ബാലരാമപുരം പോലീസ് കേസെടുത്ത് അന്വേഷണം ആരംഭിച്ചു. കുട്ടിയുടെ കഴുത്തിലെ മുറിവ് എങ്ങനെയുണ്ടായിയെന്ന് പോലീസ് അന്വേഷിക്കുന്നുണ്ട്.മുറിക്കുള്ളിൽ ഇലക്ട്രിക്കൽ വയറുകൾ പൊട്ടികിടക്കുന്നുണ്ടായിരുന്നുവെന്നും വിവരമുണ്ട്. കുട്ടി കറണ്ടിൽ കളിക്കുമായിരുന്നുവെന്ന് ബന്ധുക്കൾ പറയുന്നു.&nbsp;

ഒമ്പതാം ക്ലാസ് വിദ്യാർഥി വീടിനുള്ളിൽ മരിച്ച നിലയിൽ ;കഴുത്തിൽ മുറിവും ശരീരത്തിൽ നീലനിറവും

വടകര: മണിയൂരിൽ എംഡിഎംഎയുമായി യുവാവ് എക്സൈസ് പിടിയിൽ. മണിയൂർ,ചങ്ങരോത്ത് ഭാഗങ്ങളിൽ നടത്തിയ പരിശോധനയിലാണ് 2.936 ഗ്രാം എംഡിഎംഎ യുമായി കടവത്ത് നിവാസിൽ മുഹമ്മദ് ഷഫാദ് (36) പിടിയിലായത്.
മണിയൂര്‍ എന്‍ജിനീയറിങ് കോളജ്, എംഎച്ച്ഇഎസ് കോളജ് എന്നിവ കേന്ദ്രീകരിച്ചാണ് ഇയാള്‍ മയക്കുമരുന്ന് വില്‍പന നടത്തുന്നതെന്ന് എക്‌സൈസ് അറിയിച്ചു. ഇതിനെ പറ്റി വിവരം കിട്ടിയ എക്‌സൈസ് സംഘം ഇയാളെ നിരീക്ഷിച്ചുവരികയായിരുന്നു. വെള്ളിയാഴ്ച ഉച്ചയോടെ അട്ടക്കുണ്ട്-ചെരണ്ടത്തൂര്‍ റോഡില്‍ നിന്നാണ് മുഹമ്മദ് ഷഫാദ് പിടിയിലാവുന്നത്. താമരശേരിയില്‍ നിന്നാണ് എംഡിഎംഎ ലഭിക്കുന്നതെന്ന് ഇയാള്‍ മൊഴി നല്‍കി.
എക്സൈസ് സർക്കിൾ ഇൻസ്പെക്ടർ ഹിറോഷിന്റെ നേതൃത്വത്തിൽ അസിസ്റ്റന്റ് എക്സൈസ് ഇൻസ്പെക്ടർ പ്രമോദ് പുളിക്കൂൽ , പ്രിവന്റിവ് ഓഫീസർ ഗ്രേഡ്മാരായ സുരേഷ് കുമാർ സി.എം, ഷൈജു പി.പി, ഉനൈസ്, സിവിൽ എക് സൈസ് ഓഫീസർ ഷിരാജ്, കെ.ജിജു, കെ എം. മുസ്ബിൻ, ഇ എം .തുഷാര ടി പി സിഇഒ, ഡ്രൈവർ പ്രജീഷ്. ഇ കെ എന്നിവർ ചേർന്നാണ് പ്രതിയെ പിടികൂടിയത്.

മണിയൂരിൽ എംഡിഎംഎയുമായി യുവാവ് എക്സൈസ് പിടിയിൽ

കൊയിലാണ്ടി: വിദ്യാർഥിനിയോട് അപമര്യാദയായി പെരുമാറിയ ബസ് കണ്ടക്ടർ പിടിയിൽ. ശ്രീരാം ബസിലെ കണ്ടക്ടറായ കൊയിലാണ്ടി മുത്താമ്പി സ്വദേശി പോകോത്ത് താഴെകുനി വീട്ടിൽ ശ്രീനാഥി(22)നെയാണ് വനിത പൊലീസ് അറസ്റ്റ് ചെയ്തത്.
കഴിഞ്ഞദിവസം പരാതിക്കാരിയായ വിദ്യാർഥിനി രാവിലെ കൊയിലാണ്ടി ഭാഗത്തുനിന്നു കോഴിക്കോട്ടേക്ക് കയറിയതായിരുന്നു. ബസ് എലത്തൂരിൽ എത്തിയപ്പോഴാണ് പ്രതി വിദ്യാർഥിനിക്കെതിരെ ലൈംഗികാതിക്രമശ്രമം നടത്തിയത്. കോഴിക്കോട് ഇറങ്ങിയ ഉടൻ വിദ്യാർഥിനി വനിത പൊലീസ് സ്റ്റേഷനിൽ എത്തി പരാതി നൽകി.
തുടർന്ന് വനിത പൊലീസ് സ്റ്റേഷൻ സബ് ഇൻസ്പെക്ടറായ ശ്രീസിത, സി.പി.ഒമാരായ ജീൻസു, ദിജുഷ, സീന എന്നിവർ ചേർന്ന് പ്രതിയെ പുതിയ ബസ് സ്റ്റാൻഡ് പരിസരത്തുവെച്ച് കസ്റ്റഡിയിൽ എടുക്കുകയും ചെയ്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

വിദ്യാർഥിനിയോട് അപമര്യാദയായി പെരുമാറിയ കൊയിലാണ്ടി സ്വദേശി ബസ് കണ്ടക്ടർ പിടിയിൽ

വടകര : ചോറോട് എട്ടാം ക്ലാസ് വിദ്യാർഥിനിയെ മരിച്ച നിലയിൽ കണ്ടെത്തി. ചെറുവട്ടാങ്കണ്ടി അൻസർ മഹലിൽ നിസ മെഹക്ക് അൻസറാണ് മരിച്ചത്. വ്യാഴാഴ്ച രാത്രിയിൽ വീട്ടിലെ കിടപ്പുമുറിയിൽ വിദ്യാർത്ഥിനിയെ തൂങ്ങിമരിച്ച നിലയിൽ കണ്ടെത്തുകയായിരുന്നു. വടകര സെന്റ് ആന്റണീസ് ഗേൾസ് ഹൈസ്കൂളിലെ വിദ്യാർത്ഥിനിയാണ് നിസ മെഹക്ക്.
വടകര പോലീസ് സംഭവസ്ഥലത്തെത്തി മൃ‍തദേഹം പോസ്റ്റ് മോർട്ടത്തിനായി ജില്ലാ ആശുപത്രിയിലേക്ക് മാറ്റി. മരണകാരണം വ്യക്തമല്ല. കുട്ടിക്ക് മാനസികസമ്മർദ്ദം ഉണ്ടായിരുന്നോ എന്നും പോലീസ് അന്വേഷിക്കുന്നുണ്ട് . പ്രാഥമിക അന്വേഷണത്തിൽ ആത്മഹത്യാകുറിപ്പ് ലഭിച്ചിട്ടില്ല.

ചോറോട് എട്ടാം ക്ലാസ് വിദ്യാർഥിനിയെ തൂങ്ങിമരിച്ച  നിലയിൽ കണ്ടെത്തി