അഴിയൂര്‍: പൂഴിത്തലയില്‍ കട വരാന്തയില്‍ മരിച്ചയാളെ തിരിച്ചറിഞ്ഞില്ല. 60 വയസ് തോന്നിക്കുന്ന പുരഷ മൃതദേഹമാണ്. കറുത്ത ടീഷര്‍ട്ടും പേന്റുമാണ് വേഷം. കഴിഞ്ഞ 26നാണ് മരിച്ച നിലയില്‍ കാണപ്പെട്ടത്. മൃതദേഹം തലശ്ശേരി ഗവണ്‍മെന്റ് ജനറല്‍ ആശുപത്രി മോര്‍ച്ചറിയില്‍. ഇയാളെ കുറിച്ച് വിവരം ലഭിക്കുന്നവര്‍ ചോമ്പാല പോലീസുമായി ബന്ധപ്പെടണം. ഫോണ്‍. 04962504600.

പൂഴിത്തലയില്‍ കട വരാന്തയില്‍ മരിച്ചയാളെ തിരിച്ചറിഞ്ഞില്ല

Vadakara

വടകര: കിണറ്റിൽ വീണ അഞ്ചു വയസ്സുകാരനെ രക്ഷപ്പെടുത്തി ഫയർ ഫോഴ്‌സ്. ചോറോട് സ്വദേശി മുനീറിൻ്റെ മകൻ മർവാൻ (5) ആണ് വീടിൻ്റെ ടെറസ്സിൽ കളിച്ച് കൊണ്ടിരിക്കെ അബദ്ധത്തിൽ കിണറിൽ വീണത്. അയൽവാസിയെ ഇസ്മയിൽ എന്നയാൾ ഉടൻ തന്നെ കിണറിൽ ഇറങ്ങി കുട്ടിയെ വെള്ളത്തിന് മുകളിൽ താങ്ങി നിർത്തി.&nbsp;
ഫയർ ഫോഴ്സ് സ്ഥലത്ത് എത്തി രണ്ട് പേരെയും കിണറ്റിൻ പുറത്ത് എത്തിച്ചു. ഗ്രേഡ് അസി.സ്റ്റേഷൻ ഓഫീസർ എം പി സിജുവിൻ്റെ നേതൃത്വത്തിൽ സീനിയർ ഫയർ &amp; റെസ്ക്യൂ ഓഫീസർ ആർ ദീപക് , ഫയർ &amp; റെസ്ക്യൂ ഓഫീസർ (ഡ്രൈവർ) മാരായ പി. കെ റിനീഷ്, എം ടി റഷീദ്, ഫയർ&amp; റെസ്ക്യൂ ഓഫീസർമാരായ എം ടി റാഷിദ്, ടി ശിജേഷ്, കെഎം വിജീഷ്, പി എം സഹീർ, ഒകെ അമൽ രാജ്, സി കെ മുനീർ അബ്ദുല്ല, ഹോം ഗാർഡ്മാരായ എൻ സത്യൻ, എ ടി ബിനീഷ് എന്നിവർ രക്ഷാ പ്രവർത്തനത്തിൽ പങ്കാളികളായി.

ടെറസിൽ കളിക്കവെ കിണറ്റിൽ വീണ അഞ്ചു വയസുകാരനെ വടകര ഫയർ ഫോഴ്‌സ് രക്ഷപ്പെടുത്തി

വടകര: വീട്ടമ്മയെ അയൽവാസി വെട്ടിപ്പരുക്കേൽപ്പിച്ചു. മടപ്പള്ളി അറക്കൽ മാളിയേക്കൽ പറമ്പിൽ പുഷ്പയെ(73) യാണ് അയൽവാസി വെട്ടി പരുക്കേൽപ്പിച്ചത്. പുഷ്പയെ വടകര സ്വകാര്യ ആശുപത്രിയിൽ പ്രവേശിപ്പിച്ചു. വെള്ളിയാഴ്ച രാത്രിയോടെയാണ് സംഭവം. കൊടുവാൾ ഉപയോഗിച്ചാണ് വെട്ടിയത് .തലക്കും കഴുത്തിന് പിന്നിലും കൈക്കുമാണ് പരുക്കേറ്റത്. മണിക്കൂറുകൾക്കകം തന്നെ അയൽവാസിയായ പ്രതി അറക്കൽ മാളിയേക്കൽ പറമ്പിൽ ശ്രീജിത്തിനെ(43)പോലീസ് കസ്റ്റഡിയിലെടുത്തു.&nbsp;
നിരന്തരം തെറി പറയുന്നത് ചോദ്യം ചെയ്തത്തിലുള്ള വൈരാഗ്യമാണ് അക്രമത്തിന് കാരണം. വധശ്രമത്തിനാണ് ചോമ്പാല പോലീസ് കേസ്സെടുത്തത്. ചോമ്പാൽ എസ് ഐ ടി സുനിൽ കുമാറിന്റെ നേതൃത്യത്തിലുള്ള സംഘം സംഭവ സ്ഥലത്തെത്തി തെളിവെടുപ്പ് നടത്തി. നാദാപുരം ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് മുൻപാകെ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു.

മടപ്പള്ളിയിൽ വീട്ടമ്മയെ വെട്ടിപ്പരുക്കേൽപ്പിച്ച അയൽവാസി അറസ്റ്റിൽ

വടകര :ക്വാട്ടേഴ്‌സിൽ നിന്നും കഞ്ചാവ് കണ്ടെടുത്ത സംഭവത്തിൽ പ്രതിക്ക് കഠിന തടവും പിഴയും ശിക്ഷ.കണ്ണൂർ തളിപ്പറമ്പ് പള്ളി പറമ്പ് കൊളച്ചേരി സ്വദേശി കാരോത്ത് വീട്ടിൽ കെ റംഷിദ് (34)നെയാണ് വടകര എൻ ഡി പി എസ് കോടതി ജഡ്ജ് വി ജി ബിജു ശിക്ഷിച്ചത്. നാലു വർഷം കഠിന തടവും മുപ്പതിനായിരം രൂപ പിഴയുമാണ് ശിക്ഷ. പിഴ അടച്ചില്ലെങ്കിൽ നാലു മാസം കൂടി കഠിന തടവ് അനുഭവിക്കണം. 2020 ഡിസംബർ 14നാണ് കേസിനാസ്പദമായ സംഭവം.&nbsp;
പ്രതി താമസിച്ചിരുന്ന ചിറക്കൽ പഞ്ചായത്തിലെ പൂഴാതിയിലെ ക്വാട്ടേഴ്‌സിൽ കണ്ണൂർ എക്സ് സൈസ് എൻഫോഴ്‌സ്‌മെന്റ് ആൻഡ് നാർക്കോട്ടിക് സ്‌പെഷ്യൽ സ്‌ക്വാഡ് നടത്തിയ പരിശോധനയിൽ ആറു കിലോ കഞ്ചാവ് കണ്ടെടുത്ത കേസിലാണ് വിധി. പ്രോസിക്യൂഷന് വേണ്ടി സ്‌പെഷ്യൽ പ്രോസിക്യൂട്ടർ അഡ്വ.വി കെ ജോർജ് ഹാജരായി.

ക്വാട്ടേഴ്‌സിൽ സൂക്ഷിച്ച കഞ്ചാവുമായി പിടിയിലായ പ്രതിക്ക് കഠിന തടവും പിഴയും

വടകര: മന്ത്രി വീണാ ജോർജിനെതിരേ പ്രതിഷേധിച്ച കെ.എസ്.യു. നേതാവിന്റെ വീടിനുനേരേ ബോംബേറ്. കെ.എസ്.യു. ജില്ലാ സെക്രട്ടറി ബിതുൽ ബാലന്റെ തോടന്നൂരിലെ വീടിനുനേരേയാണ് ആക്രമണമുണ്ടായത്. ഇന്ന് പുലർച്ചെ രണ്ടരയോടെയായിരുന്നു ആക്രമണം.സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.

മുഖംമറച്ചെത്തിയ രണ്ടുപേരാണ് വീടിനുനേരേ ആക്രമണം നടത്തിയതെന്നാണ് സിസിടിവി ദൃശ്യങ്ങളിൽ നിന്ന് വ്യക്തമാകുന്നത്. ഗേറ്റിന് മുന്നിലെത്തിയ ഇരുവരും കൈവശമുണ്ടായിരുന്ന ബോംബ് വീടിനുനേരേ എറിയുകയായിരുന്നു.വീടിന്റെ ജനൽച്ചില്ലുകളടക്കം തകർന്നു. വീടിന്‍റെ മുൻഭാഗങ്ങളിലും കേടുപാടുകളുണ്ടായി.കണ്ണൂർ റെയിൽവേ സ്റ്റേഷനിൽ മന്ത്രി വീണാ ജോർജിനെതിരേ കരിങ്കൊടി പ്രതിഷേധം നടത്തിയ കെ.എസ്.യു. പ്രവർത്തകരിൽ ഉൾപ്പെട്ടയാളാണ് ബിതുൽ ബാലൻ. ഇയാൾ നിലവിൽ റിമാൻഡിലാണ്.

മന്ത്രി വീണാ ജോർജിനെതിരേ പ്രതിഷേധിച്ച കെ.എസ്.യു. നേതാവിന്റെ തോടന്നൂരിലെ വീടിനുനേരേ ബോംബേറ്

അരൂർ: കാട്ടുപന്നിയുടെ ശല്യം രൂക്ഷമായ അരൂരിൽ കിണറ്റിൽ വീണ കാട്ടുപന്നിയെ വെടി വെച്ചു കൊന്നു. നടക്കുമീത്തൽ കുറ്റിയിൽ ഗഫൂറിൻ്റെ കിണറ്റിലാണ് പന്നി വീണത്. വിവരം അംഗീകൃത ഷൂട്ടർ അരൂർപ്രദീപ്കുമാറിനെ അറിയിക്കുകയായിരുന്നു. മേഖലയിൽ കൃഷി വ്യാപകമായി നശിപ്പിക്കുന്നത് മാത്രമല്ല ആളുകൾക്ക് റോഡിൽ ഇറങ്ങി നടക്കാനും കഴിയാത്ത സ്ഥിതിയാണ്. നിരവധി പേരെ ഇതിനകം കാട്ടുപന്നികൾ ആക്രമിച്ചിട്ടുണ്ട്. പലർക്കും സാരമായ പരുക്കാണുണ്ടായത്.

കിണറ്റിൽ വീണ കാട്ടുപന്നിയെ വെടി വെച്ചു കൊന്നു

Nadapuram

കൊയിലാണ്ടി: വിദ്യാർഥിനിയെ വീടിനകത്ത് മരിച്ചനിലയിൽ കണ്ടെത്തിയ സംഭവത്തിൽ ദുരൂഹത. മൃതദേഹത്തിൽ മുറിപ്പാടുകൾ കണ്ടെത്തിയതിനെ തുടർന്ന് പൊലീസ് അന്വേഷണം ആരംഭിച്ചു. ഇന്നലെ രാത്രിയാണ് പെൺകുട്ടിയെ വീടിനകത്ത് മരിച്ച നിലയിൽ കണ്ടെത്തിയത്. പൊയിൽകാവ് എടക്കുളം ചാലിൽ പറമ്പിൽ അനിൽ കുമാർ, ലിസി (ഷീബ) ദമ്പതികളുടെ മകൾ ശ്രീനന്ദയാണ് (21) മരിച്ചത്.
വൈകിട്ട് അഞ്ചരയോടെ കോളജിൽനിന്ന് വീട്ടിലെത്തിയ ശ്രീനന്ദയെ സമീപത്തെ ക്ഷേത്രത്തിലെ ഉത്സവ എഴുന്നള്ളത്ത് കാണാൻ മാതാപിതാക്കൾ വിളിച്ചെങ്കിലും പോയില്ല. പിന്നീട് വീട്ടിലെത്തിയ പിതാവാണ് വീട് അകത്തുനിന്നു പൂട്ടിയ നിലയിൽ കണ്ടത്. ജനലിലൂടെ നോക്കിയപ്പോൾ മകൾ തൂങ്ങിനിൽക്കുന്ന നിലയിൽ കണ്ട പിതാവ് സമീപവാസിക്കൊപ്പം വാതിൽ തകർത്ത് വീട്ടിനുള്ളിൽ കയറി. ഉടൻതന്നെ ആശുപത്രിയിൽ എത്തിച്ചുവെങ്കിലും മരണപ്പെട്ടിരുന്നു. മൃതദേഹത്തിൽ നെറ്റിയിലും താടിയിലുമടക്കം മൂന്നു സെന്റിമീറ്റർ ആഴത്തിൽ മുറിവുകളുണ്ട്. ഇത് എങ്ങനെ സംഭവിച്ചു എന്നതാണ് ദുരൂഹത ഉയർത്തുന്നത്. ഇതോടെ പൊലീസ് അസ്വാഭാവിക മരണത്തിന് കേസെടുത്തു. യൂനിഫോമിലാണ് പെണ്‍കുട്ടിയുടെ മൃതദേഹം കണ്ടത്. പോസ്റ്റ്മോർട്ടം റിപ്പോർട്ട് ലഭിച്ചാൽ മരണകാരണത്തിൽ വ്യക്തത വരുമെന്നാണ് പൊലീസ് പറയുന്നത്.

മൃതദേഹത്തിൽ മുറിപ്പാടുകൾ; കൊയിലാണ്ടിയിലെ വിദ്യാർഥിനിയുടെ മരണത്തിൽ അന്വേഷണം തുടങ്ങി

Koyilandy

കൊയിലാണ്ടി: വിദ്യാര്‍ഥിനിയെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. പൊയില്‍ക്കാവ് ലക്ഷം വീട് കവലാട്ടുതാഴ ശ്രീനന്ദയെയാണ് (21) വീട്ടില്‍ തൂങ്ങി മരിച്ച നിലയില്‍കണ്ടെത്തിയത്. ദുരൂഹത ഉള്ളതിനാല്‍ മൃതദേഹം പോസ്റ്റ്‌മോര്‍ട്ടത്തിനായി മെഡിക്കല്‍ കോളജ് ആശുപത്രിയിലേക്ക് മാറ്റി.
ഇന്നലെ വൈകീട്ടായിരുന്നു സംഭവം. പോലീസ് അന്വേഷണം നടത്തിവരുന്നു. കൊയിലാണ്ടി ഗുരുദേവ കോളജ് വിദ്യാര്‍ഥിനിയാണ്. പോസ്റ്റ്‌മോര്‍ട്ടത്തിനു ശേഷമേ കൂടുതൽ പറയാനാകൂവെന്ന് പോലീസ് അറിയിച്ചു.

കൊയിലാണ്ടിയിൽ വിദ്യാര്‍ഥിനി ദുരൂഹ സാഹചര്യത്തില്‍ മരിച്ച നിലയില്‍

നാദാപുരം: പ്രകൃതിവിരുദ്ധ ലൈംഗിക പീഡനം നടത്തിയ കേസിലെ പ്രതിക്ക് 13 വർഷം കഠിനതടവും 17,000 രൂപ പിഴയും ശിക്ഷ വിധിച്ചു. തയ്യൽ തൊഴിലാളി മുതുവടത്തൂർ കുന്നത്ത് വീട്ടിൽ കെ.ടി. കെ സുധാകരനെ (63)യാണ് നാദാപുരം ഫാസ്റ്റ് ട്രാക്ക് സ്പെഷ്യൽ കോടതി ജഡ്ജി ദേവൻ കെ മേനോൻ ശിക്ഷിച്ചത്. 2023 നവംബർ 22നാണ് കേസിന് ആസ്പദമായ സംഭവം. കടയിലേക്ക് ടീഷർട്ട് ആൾട്ടർ ചെയ്യാൻ എത്തിയ 15 വയസ്സുള്ള ആൺകുട്ടിയെ ലൈംഗിക ഉദ്ദേശത്തോടെ ഉപദ്രവിക്കുകയും ലൈംഗിക അതിക്രമം നടത്തുകയും ചെയ്ത കേസിലാണ് ശിക്ഷ.&nbsp;
കുട്ടിയുടെ പരാതിയുടെ അടിസ്ഥാനത്തിൽ ചോമ്പാല പോലീസ് രജിസ്റ്റർ ചെയ്ത കേസിലാണ് വിധി. എ എസ്. ഐ പി വൈജയാണ് മൊഴി രേഖപ്പെടുത്തിയത്. അന്വേഷണം പൂർത്തിയാക്കി ചോമ്പാല പോലീസ് ഇൻസ്പെക്ടർ ബി കെ സിജു കുറ്റപത്രം സമർപ്പിച്ചു. പ്രോസിക്യൂഷൻ 17സാക്ഷികളെ വിസ്തരിക്കുകയും 23രേഖകൾ ഹാജരാക്കുകയും ചെയ്തു. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടർ മനോജ് അരൂർ ഹാജരായി. ലെയസൺ ഓഫീസർ എ. എസ്. ഐ പി എം ഷാനി പ്രോസിക്യൂഷൻ നടപടികളെ ഏകോപിപ്പിച്ചു.

ആൺകുട്ടിക്ക് നേരെ ലൈംഗീക അതിക്രമം; പ്രതിക്ക് 13 വർഷം കഠിന തടവും പിഴയും