വടകര: ബ്ലോക്ക് പഞ്ചായത്ത് പ്രസിഡണ്ട് തിരഞ്ഞെടുപ്പിൽ യു ഡി എഫിന് വോട്ട് ചെയ്ത ആർ ജെ ഡി അംഗത്തെ സസ്പെൻഡ് ചെയ്ത് പാർട്ടി. രജനി തെക്കെ തയ്യിലിനെയാണ് ജില്ലാ പ്രസിഡണ്ട് എം.കെ. ഭാസ്കരൻ നടപടി എടുത്തത്. പാർട്ടിക്ക് അവമതിപ്പുണ്ടാക്കുകയും പാർട്ടി ഏൽപ്പിച്ച ഉത്തരവാദിത്യം നിറവേറ്റുന്നതിൽ വീഴ്ചവരുത്തിയതിനുമാണ് ആറ് മാസത്തേക്ക് സസ്പെൻഡ് ചെയ്തത്. ഇന്ന് നടന്ന തിരഞ്ഞെടുപ്പിൽ യു ഡി എഫ് -ജനകീയ മുന്നണി സ്ഥാനാർത്ഥി കോട്ടയിൽ രാധാകൃഷ്ണന് വോട്ട് ചെയ്യുകയും ഇദ്ദേഹം ജയിക്കുകയും ചെയ്തിരുന്നു.