നാദാപുരം: സഹോദരങ്ങളെ വെട്ടി പരിക്കേൽപ്പിച്ച സംഭവത്തിൽ പ്രതിക്കായി പോലീസ് അന്വേഷണം ഊർജിതം. വധ ശ്രമം ഉൾപ്പെടെയുള്ള വകുപ്പുകൾ ചേർത്ത് പോലീസ് കേസെടുത്തു. നാദാപുരം സ്വദേശി ചിറക്കുനി ബഷീറിനെതിരെയാണ് നാദാപുരം പോലീസ് കേസ് എടുത്തത്. സോഷ്യൽ മീഡിയയിൽ പരാതിക്കാരൻ്റെ മകളെ കുറിച്ച് പ്രതി നടത്തിയ മോശമായ പരാമർശത്തെ കുറിച്ച് ചോദിക്കാനായി എത്തിയപ്പോൾ വീട്ടിലെ അലമാരയിൽ സൂക്ഷിച്ച വാൾ ഉപയോഗിച്ച് ഇരുവരെയും വെട്ടി പരിക്കേൽപ്പിച്ചെന്നാണ് മൊഴി. അക്രമം നടത്തിയ ശേഷം ബഷീർ ഓടി രക്ഷപ്പെടുകയായിരുന്നെന്ന് പോലീസ് പറഞ്ഞു. പരിക്കേറ്റ രണ്ട് പേരുടെയും ആരോഗ്യ നില തൃപ്തികരമാണ്.