വടകര: വെള്ളി (06.11.2026) വൈകുന്നേരം 6 മണിക്കൂo 7 നും ഇടയിൽ വടകര സി.എം ആശുപത്രിയിൽ ഡോക്ടറെ കണ്ട് മടങ്ങവേ വടകരയ്ക്കും കീഴൽമുക്കിനും ഇടയിൽ സ്വർണ്ണ മാല നഷ്ടമായി. കണ്ടുകിട്ടുന്നവർ 9495178345 ഈ നമ്പറിൽ ബന്ധപ്പെടാൻ താല്പര്യം.&nbsp;

സ്വർണമാല നഷ്ടമായി

പ്രതീകാത്മക ചിത്രം

Vadakara

വടകര : കാഫിർ സ്ക്രീൻഷോട്ട് കേസ് ഇഴഞ്ഞ് നീങ്ങുന്നു . സോഷ്യൽമീഡിയയിൽ സ്ക്രീൻ ഷോട്ട് ഷെയർ ചെയ്തവരുടെ വിവരങ്ങൾ ലഭിക്കാൻ വൈകുന്നതാണ് പ്രധാന പ്രതിസന്ധി . സ്ക്രീൻഷോട്ട് നിർമ്മിച്ചവരിലേക്ക് അന്വേഷണം എത്തുന്നില്ലെന്ന് യൂത്ത് കോൺഗ്രസ് ആരോപിക്കുന്നു.
കഴിഞ്ഞ ലോക്‌സഭ തെരഞ്ഞെടുപ്പിൽ വടകര മണ്ഡലത്തിലെ എൽഡിഎഫ് സ്ഥാനാർഥി കെ . കെ ശൈലജ ടീച്ചർ കാഫിറാണെന്ന സ്ക്രീൻ ഷോട്ട് നിർമിച്ച് പ്രചരിപ്പിച്ചു എന്നാണ് കേസ്. ഡിവൈഎഫ്ഐ നേതാക്കളായ റിബേഷ് രാമകൃഷ്ണൻ , ജിതിൻ ഭാസ്കർ അമൽ എന്നിവരാണ് ആദ്യഘട്ടത്തിൽ അറസ്റ്റിലായത് . പിന്നീട് സാമൂഹ്യമാധ്യമങ്ങളിൽ സ്ക്രീൻ ഷോട്ട് ഷെയർ ചെയ്ത അതുൽ, അതുൽ പ്രസാദ് , വഹാബ് എന്നിവരെയും അറസറ്റ് ചെയ്തു . നിലവിൽ അന്വേഷണം ഇഴഞ്ഞ് നീങ്ങുകയാണ് .മെറ്റയിൽ നിന്നും വിവരങ്ങൾ ലഭ്യമാകുന്നില്ലെന്നാണ് പൊലീസ് വിശദീകരണം . മെറ്റക്ക് അപേക്ഷ നൽകിയിട്ടുണ്ടങ്കിലും അനന്തമായി വൈകുകയാണ്.&nbsp;

വടകര കാഫിർ സ്ക്രീന്‍ഷോട്ട് കേസ്;മെറ്റയില്‍ നിന്ന് വിവരങ്ങള്‍ കിട്ടാന്‍ വൈകുന്നെന്ന് പൊലീസ്

കോഴിക്കോട്: കോളേജ് വിദ്യാർഥിനികൾക്ക് നേരെ സദാചാര ആക്രമണം.മേപ്പയ്യൂരിൽ ബുധനാഴ്ച വൈകുന്നേരമാണ് സംഭവം. കോളേജ് വിട്ട് വീട്ടിലേക്ക് പോവുകയായിരുന്ന വിദ്യാർഥിനികളെ ഒരു സംഘം യുവാക്കൾ ഇരുചക്രവാഹനത്തിൽ പിന്തുടർന്നാണ് ആക്രമിച്ചത്. വിദ്യാർഥിനികളെ തടഞ്ഞുനിർത്തിയ യുവാക്കൾ അവരെ അസഭ്യം പറഞ്ഞു. പെൺകുട്ടികൾ പകർത്തിയ ഇതിന്റെ ദൃശ്യങ്ങൾ പുറത്തുവന്നു.
റോഡിലൂടെ നടന്നു പോകുകയായിരുന്ന പെൺകുട്ടികളെ യുവാക്കൾ റോഡിന്റെ വശത്തുനിന്ന് കമന്റ് അടിക്കുകയായിരുന്നു. പിന്നീട് ഇവർ ഇരുചക്ര വാഹനത്തിൽ വിദ്യാർഥിനികളുടെ പിന്നാലെ എത്തി. എവിടെയാണ് പഠിക്കുന്നത് എന്ന് യുവാക്കൾ പെൺകുട്ടികളോട് ചോദിച്ചു. പെൺകുട്ടി മറുപടി പറയാതെ മുന്നോട്ട് നടന്നു. യുവാക്കൾ വീണ്ടും അടുത്തെത്തി മറുപടി ആവശ്യപ്പെട്ടു തട്ടിക്കയറി. 'എന്തിനാണ് കിന്നാരം ചോദിക്കുന്നത്' എന്ന് പെൺകുട്ടി തിരിച്ചു ചോദിച്ചു.
കൂടെയുണ്ടായിരുന്ന വിദ്യാർഥിനി എന്താണ് നിങ്ങളുടെ പ്രശ്‌നം ചോദിച്ചതോടെ യുവാക്കൾ വാഹനം റോഡിൽ കുറുകെ നിർത്തി താഴെയിറങ്ങി. തന്റെ സൗകര്യത്തിന് നിൽക്കുമോ എന്ന് ചോദിച്ച് യുവാക്കളിലൊരാൾ പെൺകുട്ടിയുടെ അടുത്തേക്ക് വന്നു. ഈ സമയം പെൺകുട്ടി മൊബൈൽ ഫോണിൽ ദൃശ്യങ്ങൾ പകർത്താൻ ശ്രമിച്ചു. യുവാക്കളിൽ ഒരാൾ പെൺകുട്ടിയുടെ കയ്യിൽ പിടിച്ച് ബലമായി ഫോൺ തട്ടിയെടുക്കാനും ശ്രമിച്ചു. പോലീസിൽ പരാതി നൽകിയാൽ ജീവിക്കാൻ അനുവദിക്കില്ലെന്ന് യുവാക്കൾ ഭീഷണിപ്പെടുത്തിയതായും വിദ്യാർഥിനി പറയുന്നു. യുവാക്കൾ പെൺകുട്ടികളുടെ ദൃശ്യങ്ങൾ ഫോണിൽ പകർത്തുകയും ചെയ്തു. ഈ ദൃശ്യങ്ങൾ ഇവർ സോഷ്യൽ മീഡിയയിലൂടെ അശ്ലീല പരാമർശങ്ങളോടെ പ്രചരിപ്പിച്ചതായും പെൺകുട്ടി പറഞ്ഞു. സംഭവത്തിൽ പെൺകുട്ടി പയ്യോളി പോലീസ് സ്‌റ്റേഷനിൽ പരാതി നൽകി. കോളേജിന് താഴെയുള്ള പരിസരത്ത് സ്ഥിരമായി പ്രശ്‌നങ്ങൾ ഉണ്ടാക്കുന്ന യുവാക്കളാണ് തങ്ങളെ ഉപദ്രവിച്ചതെന്ന് പെൺകുട്ടി പറഞ്ഞു. സംഭവത്തിൽ പയ്യോളി പോലീസ് കേസ് എടുത്ത് അന്വേഷണം ആരംഭിച്ചു.

മേപ്പയ്യൂരിൽ കോളേജ് വിദ്യാർഥിനികൾക്ക് നേരെ സദാചാര ആക്രമണം; അസഭ്യവർഷവും ഭീഷണിയും

Perambra

തിരുവനന്തപുരം: ചിറയിൻകീഴ് റെയിൽവേ ഗേറ്റിന് സമീപം ട്രെയിൻ തട്ടി യുവാവ് മരിച്ചു. കഴക്കൂട്ടം സ്വദേശി ജോഷ്‌മീനാണ് മരിച്ചത്. ഇന്നലെ രാത്രി എട്ട് മണിയോടെയായിരുന്നു സംഭവം.&nbsp;
ആത്മഹത്യയെന്നാണ് പ്രാഥമിക നിഗമനം. ഡിപ്രഷൻ കാരണമാണ് യുവാവ് ജീവനൊടുക്കിയതെന്നാണ് സൂചന.മരണത്തിന് മണിക്കൂറുകൾ മുമ്പ് ജോഷ്‌മീൻ സോഷ്യൽ മീഡിയയിൽ വീഡിയോ പങ്കുവച്ചിരുന്നു. വീഡിയോയുടെ ഉള്ളടക്കവും യുവാവിന്റെ മരണത്തിലേക്ക് നയിച്ച സാഹചര്യങ്ങളും സംബന്ധിച്ച് കൂടുതൽ വിവരങ്ങൾ ലഭ്യമായിട്ടില്ല.

സോഷ്യൽ മീഡിയയിൽ വീഡിയോ പങ്കുവച്ചു; പിന്നാലെ യുവാവ് ട്രെയിൻ തട്ടി മരിച്ച നിലയിൽ

Kerala

നാദാപുരം: ടൗണിലെ മൊബൈൽക്കട കുത്തിത്തുറന്ന് 92 ഐഫോണുകളും 60,600 രൂപയും കവർന്ന കേസിൽ ഒരു ഐഫോൺ എറണാകുളത്തുനിന്ന് അന്വേഷണസംഘം കണ്ടെടുത്തു. ഐ ഫോൺ 17 പ്രോ മോഡലാണ് പോലീസ് കസ്റ്റഡിയിലെടുത്തത്.
കവർച്ച നടത്തിയ ഐഫോണുകളുടെ വിവരങ്ങൾ പോലീസ് ആപ്പിൾ കമ്പനിക്ക് കൈമാറിയിരുന്നു. അതിലൊരു ഫോൺ ആക്ടീവായതിനെത്തുടർന്ന് പോലീസ് ലൊക്കേഷൻ കണ്ടെത്തി. തുടർന്നുനടത്തിയ പരിശോധനയിലാണ് കൊച്ചിയിൽ ഫോണുണ്ടെന്ന വിവരം പോലീസിന് ലഭിച്ചത്. തുടർന്ന് പോലീസ് സംഘം സ്ഥലത്തെത്തി ഫോൺ കസ്റ്റഡിയിലെടുത്തു. ചെന്നൈയിൽനിന്ന്‌ 1,35,000 രൂപ നൽകിയാണ് ഫോൺ വാങ്ങിച്ചതെന്നാണ് പോലീസിന് ലഭിച്ച വിവരം. രണ്ട് ഐ ഫോണുകൾകൂടി ആക്ടീവായിട്ടുണ്ടെന്ന് വിവരം പോലീസിന് ലഭിച്ചിട്ടുണ്ട്. അവയിലൊന്ന് ഡൽഹിയിലും മറ്റൊന്ന് ഉത്തർപ്രദേശിലുമാണെന്ന് പോലീസ് പറഞ്ഞു. ഇവ കണ്ടെത്താനുള്ള നടപടികൾ ആരംഭിച്ചിട്ടുണ്ട്.

നാദാപുരത്ത് ഐഫോണുകളും പണവും കവർന്ന കേസ്: ഒരു ഐഫോൺ എറണാകുളത്തുനിന്ന് കണ്ടെടുത്തു

വടകര : മണിയൂർ പോക്സോ കേസിലെ പ്രതിയുടെ ജാമ്യം റദ്ദാക്കി ഹൈക്കോടതി.ബാങ്ക് റോഡ് ചങ്ങരോത്ത് റഫീഖിന്റെ ജാമ്യമാണ് ഹൈക്കോടതി റദ്ദാക്കിയത്. ജാമ്യം റദ്ദാക്കിയ കീഴ്ക്കോടതി ഉത്തരവിനെതിരെ പ്രതി സമർപ്പിച്ച അപ്പീൽ തള്ളിയാണ് ഉത്തരവ് പുറപ്പെടുവിച്ചത്. ജാമ്യം റദ്ദാക്കപ്പെട്ടതിനെ തുടർന്ന്, പൊലീസ് പ്രതിയെ കസ്റ്റഡിയിലെടുത്തു.
നേരത്തേ, കൊയിലാണ്ടി ഫാസ്റ്റ് ട്രാക്ക് കോടതി പ്രതിയുടെ ജാമ്യം റദ്ദാക്കിയിരുന്നു. വിധി പ്രസ്താവം വന്നതോടെ ദിവസം ദേഹാസ്വാസ്ഥ്യം പ്രകടിപ്പിച്ച ഇയാളെ കോഴിക്കോട്ടെ സ്വകാര്യ ആശുപത്രിയിൽ പ്രവേശിപ്പിച്ചിരുന്നെങ്കിലും പിന്നീട് അവിടെനിന്നും മുങ്ങുകയായിരുന്നു.&nbsp;
പ്രതിയെ പിടികൂടുന്നതിൽ പൊലീസിന്റെ ഭാഗത്തുനിന്ന് വീഴ്‌ചയുണ്ടായെന്ന് ആരോപിച്ച് ആക്ഷൻ കമ്മിറ്റിയുടെ നേതൃത്വത്തിൽ പയ്യോളി പൊലീസ് സ്റ്റേഷന് മുന്നിൽ ശക്തമായ പ്രതിഷേധങ്ങൾ അരങ്ങേറിയിരുന്നു. ഇതിനിടയിലാണ് ഹൈക്കോടതിയുടെ പുതിയ ഉത്തരവിന്റെ അടിസ്ഥാനത്തിൽ പ്രതിയെ കസ്റ്റഡിയിലെടുത്തത്. ചെങ്ങോട്ടുകാവിൽ നിന്നുമാണ് ഇയാളെ കസ്റ്റഡിയിലെടുത്തത്. നിലവിൽ വൈദ്യ പരിശോധനയ്ക്കായി കൊയിലാണ്ടി താലൂക്ക് ഗവ. ആശുപത്രിയിലെത്തിച്ചിട്ടുണ്ട്.

മണിയൂർ പോക്സോ കേസ്: പ്രതിയുടെ ജാമ്യം റദ്ദാക്കി,പോലീസ് കസ്റ്റഡിയിലെടുത്തു

കോഴിക്കോട്: യുവാവിനെ കാപ്പ പ്രകാരം അറസ്റ്റ് ചെയ്തു. സാമൂഹിക വിരുദ്ധ പ്രവർത്തനങ്ങൾ (തടയൽ) നിയമപ്രകാരം (കാപ്പ) കോഴിക്കോട് ജില്ലാ കളക്ടർ പുറപ്പെടുവിച്ച കരുതൽ തടങ്കൽ ഉത്തരവിന്റെ അടിസ്ഥാനത്തിൽ കൊടുവള്ളി എളേറ്റിൽ വട്ടോളി കരിമ്പാപൊയിൽ ഫായിസ് മുഹമ്മദ് കെ.പി. (29) നെയാണ് അറസ്റ്റ് ചെയ്തത്. വിയ്യൂർ ഹൈ സെക്യൂരിറ്റി ജയിലിൽ വെച്ച് കൊടുവള്ളി പോലീസ് സ്റ്റേഷൻ എസ്.എച്ച്.ഒ. ഇയാളുടെ അറസ്റ്റ് രേഖപ്പെടുത്തുകയായിരുന്നു. തുടർന്ന് കരുതൽ തടങ്കലിൽ പാർപ്പിക്കുന്നതിനായി കണ്ണൂർ സെൻട്രൽ ജയിലിലേക്ക് മാറ്റി.

കാപ്പ പ്രകാരം യുവാവിനെ അറസ്റ്റ് ചെയ്തു

Kozhikode

നാദാപുരം: വളയത്ത് 14 വയസ് കാരന് പീഡനം. ആറു പേര്‍ക്കെതിരെ വളയം പോലീസ് പോക്സോ വകുപ്പുകള്‍ ചേര്‍ത്ത് കേസെടുത്തു. പുളിയാവ് മേഖലയിലാണ് സംഭവം. 14 കാരനെ വിവിധ സ്ഥലങ്ങളില്‍ കൊണ്ടുപോയി പീഡനത്തിനിരയാക്കിയെന്നാണ് കുട്ടി പോലീസില്‍ മൊഴി നല്‍കിയത്.&nbsp;

സ്‌കൂളില്‍ പോവാന്‍ കുട്ടി മടി കാണിച്ചതിനെ തുടര്‍ന്ന് വീട്ടുകാര്‍ വിവരങ്ങള്‍ തേടിയപ്പോഴാണ് പീഡന വിവരം പുറത്തറിയുന്നത്.&nbsp;

വളയത്ത് 14കാരന് പീഡനം; 6 പേര്‍ക്കെതിരെ കേസ്

Nadapuram

കരുനാഗപ്പള്ളി: ആത്മീയ ഉണർവിനെന്ന പേരിൽ യൂട്യൂബിലൂടെ തത്സമയ പ്രാർഥന സദസ്സുകളും മറ്റും നടത്തുന്നയാൾ 16കാരിയെ പീഡിപ്പിച്ച കേസിൽ അറസ്റ്റിൽ. പെൺകുട്ടിയുടെ പിതൃമാതാവിന്റെ അസുഖം മാറ്റിനൽകാമെന്ന് വിശ്വസിപ്പിച്ച് പലതവണ ലൈംഗികമായി പീഡിപ്പിച്ച കേസിലാണ് ഓച്ചിറ പുതുപ്പള്ളി കൊച്ചയ്യത്ത് പടീറ്റതിൽ നിയാസ് ജൗഹരി (34) പിടിയിലായത്.
യൂട്യൂബിലും ഇൻസ്റ്റഗ്രാമിലുമായി അഞ്ച് ലക്ഷത്തോളം ഫോളോവർമാരുള്ള ഇയാൾ ‘വോയ്സ് ഓഫ് നിയാസ് ജൗഹരി’, ‘നിയാസ് ജൗഹരി ഹബീബി’ എന്നീ പേജുകളിലൂടെ മതപ്രഭാഷണവും സാമൂഹിക വിമർശനവും പ്രാർഥന സദസ്സുകളും നടത്തിവരികയായിരുന്നുവെന്ന് പൊലീസ് പറഞ്ഞു.
പരാതിക്കാരിയുടെ പിതൃമാതാവിന്റെ ശരീരത്തിലുള്ള ബാധ ഒഴിപ്പിക്കാനാണെന്ന് പറഞ്ഞ് കുട്ടിയെയും പിതൃമാതാവിനെയും ഓച്ചിറ മേമനയിലെ അൽ ഹബീബിയ ഇസ്‍ലാമിക് അക്കാദമിയിൽ വിളിച്ചുവരുത്തിയും പ്രതി വാടകക്ക് താമസിക്കുന്ന വീട്ടിൽ വെച്ചുമാണ് പീഡനത്തിനിരയാക്കിയത്. 2025 ഒക്ടോബർ, നവംബർ മാസങ്ങളിൽ നടന്ന സംഭവങ്ങൾ പെൺകുട്ടി സുഹൃത്തുക്കളോട് പറഞ്ഞതിനെ തുടർന്നാണ് വിവരം പുറത്തറിഞ്ഞത്. തുടർന്ന് പെൺകുട്ടിയുടെ മൊഴിയുടെ അടിസ്ഥാനത്തിൽ പോക്സോ, ബലാത്സംഗം എന്നീ വകുപ്പുകൾ പ്രകാരം പൊലീസ് കേസ് രജിസ്റ്റർ ചെയ്യുകയായിരുന്നു.

പ്രാർഥനയുടെ മറവിൽ 16കാരിയെ പീഡിപ്പിച്ച യൂട്യൂബർ അറസ്റ്റിൽ