വടകര: വള്ളിക്കാട് ബാലവാടി സ്വദേശിനി വി ശ്രീരഞ്ജിനിക്ക് ബി.എസ്.സി നഴ്സിങ്ങിന് സ്വർണ മെഡലോടെ ഒന്നാം റാങ്ക് നേട്ടം. മംഗലാപുരം രാജീവ്ഗാന്ധി യൂനിവേഴ്സിറ്റി ഓഫ് ഹെൽത്ത് സയൻസ് നടത്തിയ ബി.എസ്.സി നേഴ്സിങ് പരീക്ഷയിലാണ് ശ്രീരഞ്ജിനി തിളക്കമാർന്ന വിജയം കരസ്ഥമാക്കിയത്. 

മംഗലാപുരം കണച്ചൂർ കോളജ് ഓഫ് നേഴ്സിങ് സയൻസസിലെ 2021-25 ബാച്ചിലെ വിദ്യാർഥിനിയാണ്. അശോകൻ വള്ളിൽ (അമൃത പബ്ലിക് സ്കൂൾ വടകര), ഷൈനി എം.എം (ആശ വർക്കർ) ദമ്പതികളുടെ മകളാണ് ശ്രീരഞ്ജിനി. സഹോദരൻ സാരംഗ് സംഗീത് ഖത്തറിൽ ജോലി ചെയ്യുന്നു.