വടകര: ഓട്ടോയിൽ മറന്നു വച്ച സ്വർണാഭരണവും മൊബൈൽ ഫോണും പണവും ഉൾപ്പടെ ഉടമയ്ക്ക് കൈമാറി വടകരയിലെ ഡ്രൈവർ മാതൃകയായി. അയനിക്കാട് എരഞ്ഞിക്കൽ സുജിത്ത് കുമാറാണ് തൻറെ ഓട്ടോയിൽ നിന്നും ലഭിച്ച രണ്ടര പവൻ തൂക്കം വരുന്ന രണ്ട് വളകൾ, മൊബൈൽ ഫോൺ, രണ്ടായിരം രൂപ എന്നിവ ഉടമയ്ക്ക് കൈമാറിയത്. 

വടകര പോലീസ് സ്റ്റേഷനിൽ വച്ച് എസ് ഐ അടക്കമുള്ള പോലീസ് ഉദ്യോഗസ്ഥരുടെ സാനിധ്യത്തിൽ ഉടമ വൈക്കിലശേരി സ്വദേശി ഷൈനിക്ക് സുജിത് ഇവ കൈമാറി. ഓട്ടോ ഡ്രൈവറുടെ സത്യസന്ധതയെ പോലീസ് അഭിനന്ദിച്ചു.