ഇടുക്കി: പോക്സോ കേസിൽ അറസ്റ്റിലായതിനു പിന്നാലെ യൂത്ത്കോൺഗ്രസ് ഇടുക്കി ജില്ലാ സെക്രട്ടറി ഷാൻ അരുവിപ്ലാക്കലിനെ സംഘടനാ ചുമതലകളിൽ നിന്ന് അന്വേഷണ വിധേയമായി സസ്പെൻഡ് ചെയ്തു. 15- വയസുകാരിയെ ലൈംഗികമായിഉപദ്രവിക്കാൻ ശ്രമിച്ചുവെന്ന കേസിലാണ് ഷാനെ പോലീസ് അറസ്റ്റ് ചെയ്തത്.

പെൺകുട്ടിയുടെ മാതാവുമായി ഷാൻ നേരത്തെ സൗഹൃദത്തിലായിരുന്നു. തുടർന്ന് പെൺകുട്ടിയെ മൂന്ന് വർഷം മുമ്പ് ലൈംഗികപരമായി ഉപദ്രവിക്കാൻ ശ്രമിക്കുകയായിരുന്നു. സ്കൂളിൽ നടത്തിയ കൗൺസിലിങ്ങിനിടെയാണ് കുട്ടി വിവരം പുറത്തുപറയുന്നത്. ചൈൽഡ് ലൈൻ പ്രവർത്തകർ നൽകിയ വിവരത്തിന്റെ അടിസ്ഥാനത്തിൽ വണ്ടിപ്പെരിയാർ പോലീസാണ് കേസെടുത്ത് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ പതിനാല് ദിവസത്തേക്ക് റിമാൻഡ് ചെയ്തു.സംഭവം വിവാദമായതിന് പിന്നാലെ നേതാക്കൾ ഇടപെട്ട് ഷാനെ പുറത്താക്കിയതായുള്ള അറിയിപ്പ് നൽകിയിരുന്നു.