തൃശ്ശൂര്‍: എഴുത്തുകാരി വിനീത കുട്ടഞ്ചേരി(44)യെ വീട്ടില്‍ തൂങ്ങിമരിച്ച നിലയില്‍ കണ്ടെത്തി. ഭാരതീയ ദളിത് സാഹിത്യ അക്കാദമിയുടെ മലയാളസാഹിത്യത്തിനുള്ള 2019-ലെ അവാര്‍ഡ് ജേതാവാണ്. ഇക്കഴിഞ്ഞ ഞായറാഴ്ച ആയിരുന്നു വിനീതയുടെ 'വിന്‍സെന്റ് വാന്‍ഗോഗിന്റെ വേനല്‍പക്ഷി' എന്ന പുസ്തകം തൃശ്ശൂര്‍ പ്രസ് ക്ലബ്ബില്‍ പ്രകാശനം ചെയ്തത്.

സാമൂഹികമാധ്യമങ്ങളിലും സജീവമായിരുന്നു. അവണൂര്‍ പഞ്ചായത്തിലെ എസ്സി പ്രമോട്ടറായി പ്രവര്‍ത്തിച്ചിട്ടുണ്ട്. ഭര്‍ത്താവ്: അവണൂര്‍ മണിത്തറ കാങ്കില്‍വീട്ടില്‍ രാജു. മക്കള്‍: ശ്രീരാജി, ശ്രീനന്ദ.