ഒഞ്ചിയം : ഒഞ്ചിയം ധർമ എൽ.പി. സ്കൂളിന് സമീപം മഠത്തിൽ ശശിധരന്‍റെ വീടിന്‍റെ മുകൾഭാഗത്ത് സൂക്ഷിച്ച തേങ്ങയ്ക്കും വിറകിനും തീപിടിച്ചു. വടകരയിൽനിന്നെത്തിയ അഗ്നിരക്ഷാസേന തീയണച്ചതിനാൽ കൂടുതൽ നാശമുണ്ടായില്ല. സ്റ്റേഷൻ ഓഫീസർ വർഗീസിന്‍റെ നേതൃത്വത്തിൽ സീനിയർ ഫയർ ആൻ‍ഡ് റെസ്ക്യൂ ഓഫീസർ ഒ. അനീഷ്, കെ.പി. ബിജു, എം.എം. റിനീഷ് കുമാർ, വി.കെ. വിനീഷ്, പി.കെ. ജയ്സൽ തുടങ്ങിയവരടങ്ങുന്ന സംഘമാണ് തീയണച്ചത്.

&nbsp;

ഒഞ്ചിയത്ത് തേങ്ങയ്ക്കും വിറകിനും തീപിടിച്ചു

Vadakara

മന്തരത്തൂർ: തെങ്ങിൻ തൈകൾ നശിപ്പിച്ചതായി പരാതി. തോട്ടക്കരത്താഴ സി.എം.കുമാരൻ്റെ കൃഷിയിടത്തിലുള്ള മുപ്പതോളം തെങ്ങിൻ തൈകളാണ് നശിപ്പിച്ചത്. 3 വർഷം മാത്രം പ്രായമുള്ള തെങ്ങിൻ തൈകളിൽ മണ്ണെണ്ണ ഒഴിച്ചാണ് സാമൂഹ്യദ്രോഹികൾ നശിപ്പിച്ചത്. മുള്ളൻപന്നിയുടേയും, കാട്ട് പന്നിയുടേയും ശൈല്യമുള്ള ഇവിടെ വേലി കെട്ടിയാണ് തെങ്ങിൻതൈകൾ വളർത്തിയത്. രാത്രിയുടെ മറവിൽ കൃഷി നശിപ്പിച്ചവരെ നിയമത്തിന് മുന്നിൽ കൊണ്ടുവരണമെന്ന് നാട്ടുകാർ ആവശ്യപ്പെട്ടു.

മന്തരത്തൂരിൽ സാമൂഹ്യ ദ്രോഹികൾ തെങ്ങിൻ തൈകൾ നശിപ്പിച്ചു

വടകര: തെങ്ങിൽനിന്ന് വീണ് തെങ്ങുകയറ്റ തൊഴിലാളി മരിച്ചു. മേമുണ്ട കൊയോത്ത് മീത്തൽ ഭാസ്‌കരനാണ് (62) മരിച്ചത്. ചൊവ്വാഴ്ച രാവിലെ മേമുണ്ട ടൗണിന് സമീപത്തെ വീട്ടുപറമ്പിലാണ് സംഭവം.
തേങ്ങയിട്ടശേഷം താഴേക്ക് ഇറങ്ങുന്നതിനിടെയാണ് അപകടം. വടകര ഗവ. ജില്ല ആശുപത്രിയിലെത്തിച്ച് പ്രാഥമിക ശുശ്രൂഷ നൽകിയശേഷം കോഴിക്കോട് മെഡിക്കൽ കോളജ് ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരിച്ചു. ഭാര്യ: ചന്ദ്രി (ബഡ്‌സ് സ്‌കൂൾ വില്യാപ്പള്ളി). മക്കൾ: അഖിൽ, അരുൺ, അഞ്ജു. മരുമക്കൾ: മിഥുൻ, അഞ്ജന. സഹോദരങ്ങൾ: നാണു, രാജൻ, നാരായണി, ജാനു, ശാന്ത, കമല.

മേമുണ്ടയിൽ തെങ്ങുകയറ്റ തൊഴിലാളി തെങ്ങില്‍നിന്ന് വീണുമരിച്ചു

വടകര: മരണവീട്ടില്‍ തെങ്ങ് കടപുഴകി വീണ് നാല് പേര്‍ക്ക് പരിക്ക്. ഇതില്‍ രണ്ടു പേരുടെ പരിക്ക് ഗുരുതരമാണ്. നടക്കുതാഴ ചാക്യപുറത്ത് വീട്ടില്‍ ഞായറാഴ്ച ഉച്ചയ്ക്ക് രണ്ട് മണിക്ക് ശേഷമാണ് അപകടം. ചാക്യപുറത്ത് വാസു മരണപ്പെട്ടിരുന്നു. ഇതിന്റെ ദുഃഖാചരണം നടക്കുന്നതിനിടയിലാണ് വീട്ടുവളപ്പിലെ തെങ്ങ് കടപുഴകി വീണത്. വാസുവിന്റെ മരുമക്കളായ പ്രദീപന്‍, ബൈജു എന്നിവര്‍ക്ക് സാരമായ പരിക്കേറ്റു.
ഇവരെ കണ്ണൂര്‍ മിംസ് ആശുപത്രിയില്‍ പ്രവേശിപ്പിച്ചു. പുത്തൂര്‍ ട്രെയിനിംഗ് സ്‌കൂള്‍ സ്വദേശി ബാബുവിനെ വടകര സഹകരണാശുപത്രിയില്‍ പ്രവേശിപ്പിച്ചു. നിസാര പരിക്കേറ്റ മേപ്പയില്‍ സ്വദേശി ബാബുവിന് പ്രാഥമിക ശുശ്രൂഷ നല്‍കി. ഇവരെല്ലാം വീട്ടുമുറ്റത്ത് കസേരയില്‍ ഇരിക്കുമ്പോഴാണ് തെങ്ങ് കടപുഴകി ഇവര്‍ക്ക് മീതെ വീണത്‌. ഓട്‌മേഞ്ഞ വരാന്തയുടെ ഞാലി തകര്‍ന്നു.

വടകരയില്‍ മരണവീട്ടില്‍ തെങ്ങ് കടപുഴകി വീണ് നാലു പേര്‍ക്ക് പരിക്ക്

വടകര : സ്കൂൾ മുറ്റത്തെ തെങ്ങിൽനിന്ന് തേങ്ങ കുട്ടികളുടെ തലയിൽ വീഴുമെന്നായപ്പോൾ അധ്യാപകൻ വി.പി. ലിനീഷ് പിന്നെ ഒന്നും നോക്കിയില്ല, തെങ്ങിൽക്കയറി.
കുലച്ചുനിൽക്കുന്ന തേങ്ങയും ഉണങ്ങിയ ഓലകളുമെല്ലാം എളുപ്പത്തിൽ തന്നെ ലിനീഷ് താഴേക്കിട്ടു. അധ്യാപകനാകുന്നതിനുമുമ്പ് തെങ്ങുകയറ്റജോലി ചെയ്തപരിചയവുമുണ്ടായിരുന്നു. മണിയൂർ ഗവ. ഹയർസെക്കൻഡറി സ്‌കൂളിലാണ് ശനിയാഴ്ച സാമൂഹികശാസ്ത്രം അധ്യാപകൻ തെങ്ങുകയറ്റക്കാരനായത്.
സ്കൂൾഗ്രൗണ്ടിലെ തെങ്ങുകളിൽ തേങ്ങയും ഉണങ്ങിയ ഓലയും നിറഞ്ഞതോടെ തേങ്ങയിടാൻ ആളെ നോക്കിയെങ്കിലും കിട്ടിയില്ല.അപകടമുണ്ടാവാൻ സാധ്യത ഉള്ളത് കൊണ്ട് അസംബ്ലിസ്ഥലംവരെ മാറ്റി. അവസാനമാണ് ലിനീഷ് തെങ്ങിലേക്ക് കയറിയത്.

സ്‌കൂളിലെ കുട്ടികളുടെ തലയിൽ തേങ്ങ വീഴുമെന്നായപ്പോൾ തെങ്ങിൽ കയറി അധ്യാപകൻ

സ്കൂളിലെ കുട്ടികളുടെ തലയിൽ തേങ്ങ വീഴാതിരിക്കാൻ തെങ്ങിൽ കയറി മണിയൂരിലെ അധ്യാപകൻ: വൈറലായി ലിനീഷ്

അരൂർ: ശക്തമായ മഴയിൽ വീടിന് മുകളിൽ തെങ്ങ് വീണ് ഒരാൾക്ക് പരിക്ക്. ഹരിത വയലിലെ മലൻ്റ് പറമ്പത്ത് ഭാസ്കര (54)നാണ് പരുക്ക് പറ്റിയത്. കഴിഞ്ഞ ദിവസം രാത്രി ശക്തമായി പെയ്ത മഴക്കിടയിലാണ് വീടിന് മുകളിൽ തെങ്ങ് കടപുഴകി വീണത്. ഓട് തകർന്ന് വീണ് തലക്കാണ് ഭാസ്കരന് പരുക്ക് പറ്റിയത്. വീടിന് കാര്യമായ തകരാറ് സംഭവിച്ചു. പരിസരവാസികൾ ഓടികൂടിയാണ് രക്ഷാപ്രവർത്തനം നടത്തിയത്.

അരൂരിൽ വീടിന് മുകളിൽ തെങ്ങ് വീണ് ഒരാൾക്ക് പരിക്ക്

Nadapuram

തിരുവനന്തപുരം: സംസ്ഥാനത്ത് ഐപിഎസ് തലപ്പത്ത് അഴിച്ചുപണി. എഡിജിപി എം.ആർ. അജിത് കുമാറിനെ പുതിയ എക്സൈസ് കമ്മീഷണറായി നിയമിച്ചു. ഡിജിപി മനോജ് എബ്രഹാമിനെ ഫയർഫോഴ്സിൽ നിന്നും മാറ്റി പുതിയ വിജിലൻസ് ഡയറക്ടറുടെ ചുമതല നൽകി.
യോഗേഷ് ഗുപ്തയാണ് പുതിയ ഫയർഫോഴ്സ് മേധാവി. ബൽറാം കുമാർ ഉപാധ്യായയെ പോലീസ് അക്കാദമി ഡയറക്ടറായും മഹിപാൽ യാദവിനെ ക്രൈം എഡിജിപിയായും നിയമിച്ചു.

ഐപിഎസ് തലപ്പത്ത് അഴിച്ചുപണി ;മനോജ് എബ്രഹാം വിജിലൻസ് ഡയറക്ടർ, എം ആർ അജിത് കുമാർ എക്‌സൈസ് കമ്മീഷണർ

Kerala

തിരുവനന്തപുരം: എസ്എസ്എല്‍സി ഫലം പ്രഖ്യാപിച്ചു. വിദ്യാഭ്യാസ മന്ത്രി വി ശിവന്‍കുട്ടി വാര്‍ത്തസമ്മേളനത്തില്‍ പ്രഖ്യാപിക്കുകയായിരുന്നു. എസ്എസ്എല്‍സി റെഗുലര്‍ വിഭാഗത്തില്‍ 426697 വിദ്യാര്‍ഥികള്‍ പരീക്ഷയെഴുതി. ഇതില്‍ 424583 വിദ്യാര്‍ഥികളാണ് ഉപരിപഠനത്തിന് യോഗ്യത നേടിയത്. 99.5 ആണ് ഇത്തവണത്തെ എസ്എസ്എല്‍സി വിജയ ശതമാനം. കഴിഞ്ഞ വര്‍ഷം 99.69 വിജയശതമാനമായിരുന്നു.0.19 ശതമാനം കുറവ് ഈ വര്‍ഷമുണ്ടായിട്ടുണ്ട്.
മുഴുവന്‍ വിഷയങ്ങള്‍ക്കും എ പ്ലസ് ലഭിച്ചത് 61449 പേര്‍ക്കാണ്.ടി.എച്ച്.എസ്.എല്‍.സി., എ.എച്ച്.എസ്.എല്‍.സി. ഫലങ്ങളും പ്രഖ്യാപിച്ചു.
വാര്‍ത്തസമ്മേളനത്തിന് പിന്നാലെ ഔദ്യോഗിക വെബ്‌സൈറ്റുകളില്‍ നിന്ന് ഫലം പരിശോധിക്കാവുന്നതാണ്
എസ്എസ്എൽസി ഫലം ലഭിക്കുന്ന വെബ്‌സൈറ്റുകൾ
<a href="https://pareekshabhavan.kerala.gov.in" target="_self">https://pareekshabhavan.kerala.gov.in</a>&nbsp;
&nbsp;<a href="http://results.digilocker.kerala.gov.in" target="_self">results.digilocker.kerala.gov.in</a>&nbsp;
<a href="http://sslcexam.kerala.gov.in" target="_self">sslcexam.kerala.gov.in</a>&nbsp;
<a href="http://results.kerala.gov.in" target="_self">prd.kerala.gov.in</a>&nbsp;
<a href="http://results.kerala.gov.in" target="_self">results.kerala.gov.in</a>
<a href="http://results.kerala.gov.in" target="_self">examresults.kerala</a>
&nbsp;കൈറ്റിന്റെ SAPHALAM 2025 മൊബൈൽ ആപ്പ് വഴിയും<a href="http://www.results.kite.kerala.gov.in" target="_self"> www.results.kite.kerala.gov.in</a> വഴിയുംഅറിയാം.
എസ്എസ്എൽസി (എച്ച് ഐ)ഫലം http://sslchiexam.kerala.gov.in എന്ന വെബ്‌സൈറ്റിലും ടിഎച്ച്എസ്എൽസി (എച്ച് ഐ) http://thslchiexam.kerala.gov.in ലും എഎച്ച്എസ്എൽസി http://ahslcexam.kerala.gov.in ലുമാണ് ലഭിക്കുക.
ടിഎച്ച്എസ് എൽസി ഫലത്തിന് https://thslcexam.kerala.gov.in/thslc/index.php എന്ന വെബ്‌സൈറ്റും സന്ദർശിക്കണം.

എസ്എസ്എല്‍സി പരീക്ഷാ ഫലം പ്രഖ്യാപിച്ചു; വിജയം 99.5 ശതമാനം

കണ്ണൂര്‍: ഒരു രാജ്യത്തിന്റെ പിന്തുണയോടെ ഇന്ത്യക്കെതിരെ ഭീകരാക്രമണം ഉണ്ടായിരിക്കുന്നെന്നും അതിനെതിരെ രാജ്യം എടുക്കുന്ന നടപടിക്ക് പിന്നില്‍ അണിനിരക്കുകയാണ് വേണ്ടതെന്നും മുഖ്യമന്ത്രി പിണറായി വിജയന്‍. അയല്‍വാസികളുമായി നല്ല ബന്ധം തുടരണമെന്നാണ് ഇന്ത്യ ആഗ്രഹിക്കുന്നത്, എന്നാല്‍ വിപരീതദിശയിലാണ് പാകിസ്താന്‍ ചിന്തിക്കുന്നതെന്നും മുഖ്യമന്ത്രി പറഞ്ഞു.
രാജ്യം ഗുരുതര പ്രശ്‌നം നേരിടുമ്പോള്‍ കേരളം എന്തുചെയ്യണമെന്ന് തീരുമാനമെടുക്കേണ്ടതുണ്ട്. വെള്ളിയാഴ്ച ഉച്ചയോടെ മന്ത്രിസഭാ യോഗം ചേര്‍ന്ന് ഇക്കാര്യം തീരുമാനിക്കുമെന്നും മുഖ്യമന്ത്രി പറഞ്ഞു. കണ്ണൂരില്‍ സംസ്ഥാന സര്‍ക്കാരിന്റെ നാലാം വാര്‍ഷികാഘോഷ പരിപാടിയുടെ ഭാഗമായുള്ള ജില്ലാ തലയോഗത്തില്‍ പങ്കെടുത്ത് സംസാരിക്കുകയായിരുന്നു മുഖ്യമന്ത്രി.

രാജ്യം നേരിടുന്നത് ഗുരുതര പ്രശ്‌നം ;പ്രത്യേക മന്ത്രിസഭായോഗം ചേരുമെന്ന് മുഖ്യമന്ത്രി

മലപ്പുറം: വളാഞ്ചേരിയിൽ നിപ സ്ഥിരീകരിച്ച 42കാരി ഗുരുതരാവസ്ഥയിൽ തുടരുന്നു. പെരിന്തൽമണ്ണയിലെ സ്വകാര്യ ആശുപത്രിയിൽ വെന്റിലേറ്ററിലുള്ള രോഗിക്ക് മോണോക്ലോണൽ ആന്റിബോഡി നൽകിയെന്ന് ആരോഗ്യമന്ത്രി വീണാ ജോർജ് പറഞ്ഞു.
49പേരാണ് സമ്പർക്കപ്പട്ടികയിലുള്ളത്. ഇതിൽ 45പേർ ഹൈ റിസ്‌ക് കോൺടാക്‌ടിലുള്ളവരാണെന്നും മന്ത്രി പറഞ്ഞു. 12പേർ കുടുംബാംഗങ്ങളാണ്. ഇതിൽ ആകെ ആറുപേർക്കാണ് രോഗലക്ഷണമുള്ളത്. ഇതിൽ അ‌ഞ്ചുപേർ മഞ്ചേരി മെഡിക്കൽ കോളേജിൽ ചികിത്സയിലാണ്. ഒരാൾ എറണാകുളത്ത് ഐസൊലേഷനിൽ കഴിയുകയാണ്. രോഗലക്ഷണങ്ങൾ ഉള്ളവരുടെ സാമ്പിൾ ശേഖരിച്ചതായും മന്ത്രി പറഞ്ഞു.പ്രതിരോധപ്രവർത്തനത്തിനായി 25 കമ്മിറ്റികൾ രൂപീകരിച്ചു. സമീപ ജില്ലകളിലും പരിശോധന നടത്തും. ഉറവിടത്തെക്കുറിച്ച് അന്വേഷണം ആരംഭിച്ചെന്നും രോഗം സ്ഥിരീകരിച്ച വീടിനടുത്ത് ചത്ത പൂച്ചയുടെ സ്രവ സാമ്പിൾ പരിശോധനയ്‌ക്കയച്ചെന്നും മന്ത്രി പറഞ്ഞു. രോഗിയുടെ റൂട്ട്‌മാപ്പും പുറത്തുവിട്ടു.

നിപ ബാധിച്ച 42കാരി ഗുരുതരാവസ്ഥയിൽ; സമ്പർക്കപ്പട്ടികയിൽ 49 പേർ

ന്യൂഡല്‍ഹി: ഇന്ത്യ - പാകിസ്താന്‍ സംഘര്‍ഷത്തിന്റെ പശ്ചാത്തലത്തില്‍ ഐപിഎല്‍ മത്സരങ്ങള്‍ അനിശ്ചിതകാലത്തേയ്ക്ക് നിര്‍ത്തിവെച്ചു. ബിസിസിഐ വൃത്തങ്ങളെ ഉദ്ധരിച്ച് വാര്‍ത്താ ഏജന്‍സിയായ പിടിഐ ആണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്. എന്നാല്‍, ബിസിസിഐയോ ഐപിഎല്‍ ഭരണസമിതിയോ ഇക്കാര്യത്തില്‍ ഔദ്യോഗികമായി ഇതുവരെ പ്രതികരിച്ചിട്ടില്ല.
സംഘര്‍ഷം തുടരുന്ന സാഹചര്യത്തില്‍ ടൂര്‍ണമെന്റിന്റെ ഭാവി സംബന്ധിച്ച തീരുമാനം വെള്ളിയാഴ്ച ഉണ്ടായേക്കുമെന്ന് റിപ്പോര്‍ട്ടുകളുണ്ടായിരുന്നു. സുരക്ഷാ കാരണങ്ങളാലാണ് തീരുമാനമെന്നാണ് റിപ്പോര്‍ട്ട്. ഇരു രാജ്യങ്ങളും തമ്മിലുള്ള സംഘര്‍ഷത്തിന്റെ പശ്ചാത്തലത്തില്‍ വ്യാഴാഴ്ച ധരംശാലയില്‍ നടന്ന പഞ്ചാബ് കിങ്‌സ് - ഡല്‍ഹി ക്യാപിറ്റല്‍സ് മത്സരം പാതിവഴിയില്‍ ഉപേക്ഷിച്ചിരുന്നു. ജമ്മുവിലും പത്താന്‍കോട്ടിലും അപായ സൈറണ്‍ മുഴങ്ങിയതിനു പിന്നാലെ ധരംശാലയിലെ സ്റ്റേഡിയത്തില്‍ വൈദ്യുതി ബന്ധം വിച്ഛേദിച്ചിരുന്നു. പിന്നാലെ സുരക്ഷ മുന്‍നിര്‍ത്തി മത്സരം ഉപേക്ഷിക്കാന്‍ തീരുമാനിക്കുകയായിരുന്നു.

ഇന്ത്യ - പാക് സംഘര്‍ഷം; ഐപിഎല്‍ മത്സരങ്ങള്‍ അനിശ്ചിതകാലത്തേയ്ക്ക്  നിര്‍ത്തിവെച്ചു

Search Results for: youth dead