വടകര: കുന്നുമ്മക്കരയിലെ ഷബ്നയുടെ മരണത്തിൽ സമഗ്രമായ അന്വേഷണം നടത്തി കുറ്റക്കാരെ നിയമത്തിനു മുന്നിൽ കൊണ്ടുവരണമെന്ന് കെ.കെ രമ എം.എൽ.എ ആവശ്യപ്പെട്ടു. തിങ്കളാഴ്ചയാണ് ഷബ്നയെ ഭർതൃവീട്ടിൽ ആത്മഹത്യ ചെയ്ത നിലയിൽ കണ്ടത്. പരിഷ്കൃത സമൂഹമെന്ന് അഭിമാനിക്കുമ്പോഴും സ്ത്രീധന പീഡനവും ഗാർഹിക പീഡനങ്ങളും നമ്മുടെ നാട്ടിൽ വർധിച്ചു വരുന്നത് ആശങ്കപ്പെടുത്തുന്നതാണ്. തിരുവനന്തപുരത്തെ ഡോ.ഷഹനയുമെല്ലാം ഇതിൻ്റെ ഇരയാണ്. സമഗ്ര അന്വേഷണം നടത്തി കുറ്റക്കാർക്ക് അർഹമായ ശിക്ഷ ലഭിക്കണം. ആഭ്യന്തര വകുപ്പും സമൂഹ്യനീതി വകുപ്പും ഇക്കാര്യത്തിൽ ഉണർന്നു പ്രവർത്തിക്കണം.

ഷബ്നയുടെ ആത്മഹത്യയിൽ സമഗ്ര അന്വേഷണം നടക്കണം: കെ.കെ രമ എം.എൽ.എ

Vadakara

പേരാമ്പ്ര: ഓൺലൈൻ പഠനത്തിലൂടെ ചാക്യാർകൂത്ത് സ്വായത്തമാക്കി സംസ്ഥാന തലത്തിൽ ഹൈസ്കൂൾ വിഭാഗത്തിൽ എഗ്രേഡ് സ്വന്തമാക്കിയ സഞ്ജയ് സന്തോഷ് ഇത്തവണ ഹയർസെക്കൻഡറി തലത്തിൽ കോഴിക്കോടിനായി മത്സരിക്കും. ചാക്യാർ കൂത്തിൽ സഞ്ജയ് ഒന്നാം സ്ഥാനവും എ ഗ്രേഡുമാണ് സ്വന്തമാക്കിയത്. ജില്ലയിൽ ഹൈസ്കൂൾ വിഭാഗത്തിലെ നേട്ടം ഹയർ സെക്കൻഡറി വിഭാഗത്തിലും തുടർന്ന സഞ്ജയ്ക്കത് സംസ്ഥാന കലോത്സവത്തിലും അവർത്തിക്കണം. യുട്യൂബിനെ ഗുരുവായി സ്വീകരിച്ച് പഠനം തുടങ്ങിയ സഞ്ജയ് ഇന്ന് നാട്ടിൽ അറിയപ്പെടുന്ന ചാക്യാർകൂത്ത് കലാകാരനാണ്. വേദികളൊക്കെ ലഭിക്കുന്നുണ്ട്. കഴിഞ്ഞ തവണ ജില്ല കലോത്സവത്തിലെ വിജയത്തിന് ശേഷം പൈങ്കുളം നാരായണ ചാക്യാരാണ് ഇപ്പോൾ സഞ്ജയുടെ കഴിവ് തേച്ച് മിനുക്കുന്നത്. കൊടുവള്ളി എളേറ്റിൽ എം.ജെ എച്ച്.എസ്.എസ് സ്‌കൂൾ വിദ്യാർത്ഥിയാണ് സഞ്ജയ്. സ്കൂളിലെ അദ്ധ്യാപകരാണ് അവന്റെ നേട്ടങ്ങൾക്ക് പിന്നിലെ കരുത്ത്. അച്ഛൻ സന്തോഷും അമ്മ സവിതയും മകന്റെ നേട്ടത്തിൽ ഏറെ അഭിമാനത്തിലാണ്.

യുട്യൂബ് ഗുരു; വീണ്ടും ഒന്നാമനായി ഓൺലൈൻ ചാക്യാർ

Perambra

മാഹി: കേന്ദ്ര സർക്കാരിന്റെ യുവജനകാര്യ കായിക മന്ത്രാലയത്തിന് കീഴിൽ യുവജനങ്ങൾക്കായി ഓൺലൈൻ പ്ലാറ്റ്ഫോം (MY Bharat) രജിസ്ട്രേഷൻ ആരംഭിച്ചു. 15 നും 29 നും ഇടയിൽ പ്രായമുള്ള ഇന്ത്യയിലെ യുവജനങ്ങൾക്ക് https://mybharat.gov.in/ എന്ന ഔദ്യോഗിക വെബ് സൈറ്റിൽ രജിസ്റ്റർ ചെയ്ത് മൈ ഭാരത്' പോർട്ടലിന്റെ ആനുകൂല്യങ്ങൾ നേടാം. ഇന്ത്യയിലെ എല്ലാ യുവാക്കൾക്കും രാഷ്ട്ര നിർമ്മാണത്തിന് സംഭാവന നൽകാനും ഓൺലൈനിൽ നൽകുന്ന പഠനങ്ങളിലൂടെ അവരുടെ വൈദഗ്ധ്യം വർദ്ധിപ്പിക്കുവാനും ഈ സംവിധാനത്തിലൂടെ കഴിയും. പോർട്ടലിൽ വാഗ്ദാനം ചെയ്യുന്ന "എന്റെ ഭാരത് " ആനുകൂല്യങ്ങളുടെ പൂർണ്ണമായ വിവരങ്ങൾ നിങ്ങൾക്ക് വെബ്സൈറ്റിൽ തന്നെ ലഭ്യമാണ്. നിങ്ങളുടെ താൽപര്യങ്ങൾക്ക് അനുസരിച്ച് അവ ഉപയോഗിക്കാവുന്നതുമാണ്. യുവ ഉത്സവങ്ങൾ, യുവജന സാംസ്കാരിക വിനിമയ പരിപാടികൾ, പരിശീലന പരിപാടികൾ, യൂത്ത് ഇന്റേൻഷിപ്പ്, എക്സ്പീയൻഷ്യൽ ലേണിംഗ്, എൻ.ജി.ഒ കളുമായി ബന്ധം സ്ഥാപിക്കൽ, ബിസിനസ്സ്, ഏറ്റവും പുതിയ റിക്രൂട്ട്മെന്റ് അറിയിപ്പ് എന്നിവയും അതിലേറെ വിവിധ സേവനങ്ങളുമുണ്ട്. ഓൺലൈനായി അപേക്ഷിക്കുന്നതിന് പേര്, മൊബൈൽ നമ്പർ, സ്ഥലം, സംസ്ഥാനം, മറ്റ് അടിസ്ഥാന വിശദാംശങ്ങൾ ആവശ്യമാണ്. രജിസ്ട്രേഷൻ നടത്തി കഴിഞ്ഞാൽ വിവിധ സർക്കാർ സേവന സംരംഭങ്ങളിൽ പങ്കെടുക്കാൻ അവസരം ലഭിക്കും.

യുവാക്കൾക്കായി 'മേരാ യുവ ഭാരത്' പോർട്ടൽ തുടങ്ങി

Mahe

വടകര: യുവതി ആത്മഹത്യ ചെയ്തത് ഭര്‍തൃവീട്ടിലെ പീഡനം മൂലമെന്ന് പരാതി. ഓര്‍ക്കാട്ടേരി കുന്നുമ്മക്കര സ്വദേശി ഹബീബിന്റെ ഭാര്യ ഷബ്‌നയാണ് കഴിഞ്ഞ തിങ്കളാഴ്ച രാത്രി ഭര്‍തൃവീട്ടില്‍ ആത്മഹത്യ ചെയ്തത്. പത്ത് വര്‍ഷം മുമ്പായിരുന്നു ഇരുവരുടെയും വിവാഹം. ഇവിടെ നിരന്തരം പ്രശ്‌നങ്ങള്‍ നേരിട്ടതോടെ വീട്ടിലേക്ക് തിരിച്ചുവരാന്‍ രക്ഷിതാക്കള്‍ പറഞ്ഞിരുന്നു. എന്നാൽ ഭര്‍തൃവീട്ടില്‍ പിടിച്ചുനില്‍ക്കും എന്നായിരുന്നു ഷബ്‌ന അവരെ അറിയിച്ചിരുന്നത്. എന്നാല്‍ ഭര്‍ത്താവിന്റെ വീട്ടില്‍ തുടരാന്‍ കഴിയാത്ത സ്ഥിതി വന്നതോടെ സ്വന്തമായി വീടെടുത്ത് താമസംമാറാന്‍ ഷബ്‌ന തീരുമാനിച്ചു. ഇതിനായി വിവാഹ സമയത്ത് നല്‍കിയ 120 പവന്‍ സ്വര്‍ണം തിരിച്ച് വേണമെന്നും ഷബ്‌ന ഭര്‍തൃവീട്ടുകാരോട് ആവശ്യപ്പെട്ടിരുന്നു. എന്നാല്‍ സ്വര്‍ണം തിരിച്ച് നല്‍കാന്‍ അവര്‍ തയ്യാറായില്ലെന്നും ഷബ്‌ന മരിച്ച ദിവസം ഭര്‍ത്താവിന്റ ബന്ധുക്കള്‍ ചേര്‍ന്ന് യുവതിയെ മര്‍ദ്ദിച്ചിരുന്നുവെന്നുമാണ് ബന്ധുക്കളുടെ ആരോപണം. ഇതിന്റെ സി.സി.ടി.വി ദൃശ്യങ്ങളും ഷബ്‌നയുടെ ബന്ധുക്കള്‍ പുറത്തുവിട്ടിട്ടുണ്ട്.
മര്‍ദ്ദനത്തിന് ശേഷമായിരുന്നു ആത്മഹത്യയെന്നാണ് ബന്ധുക്കള്‍ പറയുന്നത്. മുറിയില്‍നിന്നും പല ശബ്ദവും കേള്‍ക്കുന്നതായി ഷബ്‌നയുടെ 10 വയസ്സുകാരി മകള്‍ വീട്ടിലുള്ളവരെ അറിയിച്ചിരുന്നുവെങ്കിലും അവള്‍ ചാവുകയാണെങ്കില്‍ ചത്തോട്ടെ എന്നാണ് കുട്ടിയോട് വീട്ടുകാര്‍ പറഞ്ഞതെന്നും ബന്ധുക്കള്‍ ആരോപിച്ചു. സംഭവം നടക്കുന്ന സമയത്ത് ഷബ്‌നയുടെ ഭര്‍ത്താവിന്റെ സഹോദരനും ഭര്‍ത്താവിന്റെ പിതാവും വീട്ടില്‍ ഉണ്ടായിരുവെന്നും വാതില്‍ ചവിട്ടിപ്പൊളിച്ച് അകത്ത് കടന്നിരുന്നുവെങ്കില്‍ യുവതിയെ രക്ഷിക്കാമായിരുന്നുവെന്നുമാണ് ഷബ്‌നയുടെ ബന്ധുക്കള്‍ പറയുന്നത്. സംഭവത്തില്‍ ദുരൂഹത ആരോപിച്ച് ബന്ധുക്കള്‍ എടച്ചേരി പോലീസില്‍ പരാതി നല്‍കിയിട്ടുണ്ട്.

ഓര്‍ക്കാട്ടേരിയിലെ ഭര്‍തൃവീട്ടിൽ യുവതി ആത്മഹത്യ ചെയ്ത സംഭവം; ബന്ധുക്കള്‍ എടച്ചേരി പോലീസില്‍ പരാതി നല്‍കി

കോ​ഴി​ക്കോ​ട്: പതിനേഴുകാരിയെ വി​വാ​ഹ​വാ​ഗ്ദാ​നം ന​ൽ​കി ത​ട്ടി​ക്കൊ​ണ്ടു​പോ​യി പീ​ഡി​പ്പി​ച്ചു​വെ​ന്ന കേ​സി​ലെ പ്ര​തി 27 വ​ർ​ഷ​ത്തി​നു ശേ​ഷം പി​ടി​യി​ൽ. പേ​രാ​മ്പ്ര ചേ​നോ​ളി ചാ​ലി​ക്ക​ര കോ​മ​ത്ത് ര​വീ​ന്ദ്ര​നെ​ന്ന അ​ഷ്റ​ഫി​നെ​യാ​ണ് പ​യ്യ​ന്നൂ​ർ പൊ​ലീ​സ് കോ​ഴി​ക്കോ​ട്ട് അ​റ​സ്റ്റ് ചെ​യ്ത​ത്.
പ​ല​യി​ട​ങ്ങ​ളി​ലും കോ​മ​ത്ത് ര​വീ​ന്ദ്ര​ൻ, അ​ഷ​റ​ഫ്, അ​ൻ​വ​ർ, വി​ഷ്ണു, കൃ​ഷ്ണ​ദാ​സ് പേ​രാ​മ്പ്ര, വി​ഷ്ണു​ദാ​സ്, അ​ബ്ദു​ൽ റ​സാ​ക്ക് എ​ന്നി​ങ്ങ​നെ പ​ല പേ​രു​ക​ളി​ൽ അ​റി​യ​പ്പെ​ടു​ന്ന​യാ​ളാ​ണ് പി​ടി​യി​ലാ​യ​തെ​ന്ന് പൊ​ലീ​സ് പ​റ​ഞ്ഞു. വി​വി​ധ​യി​ട​ങ്ങ​ളി​ൽ സ്ത്രീ​ക​ൾ​ക്ക് വാ​ഗ്ദാ​ന​ങ്ങ​ൾ ന​ൽ​കി വ്യാ​ജ വി​ലാ​സ​ത്തി​ൽ നി​ര​വ​ധി വി​വാ​ഹം ക​ഴി​ച്ച്, വി​വാ​ഹ​ത്തി​ന് ശേ​ഷം അ​വ​രു​ടെ സ്വ​ർ​ണാ​ഭ​ര​ണ​ങ്ങ​ളും പ​ണ​വും സ്വ​ത്തു​ക്ക​ളും സ്വ​ന്ത​മാ​ക്കു​ന്ന​താ​ണ് ഇ​യാ​ളു​ടെ രീ​തി. ​വി​വി​ധ ജി​ല്ല​ക​ളി​ലാ​യി 15ഓ​ളം കേ​സി​ൽ പ്ര​തി​യാ​ണ്. 1988ൽ ​അ​ഞ്ച് കേ​സു​ക​ളി​ൽ ജ​യി​ൽ​ശി​ക്ഷ അ​നു​ഭ​വി​ച്ച ശേ​ഷം വ​യ​നാ​ട്, ക​ണ്ണൂ​ർ, കാ​സ​ർ​കോ​ട്, മ​ല​പ്പു​റം എ​ന്നി​വി​ട​ങ്ങ​ളി​ൽ പ​ല വേ​ഷ​ങ്ങ​ളി​ലാ​യി​രു​ന്നു താ​മ​സ​മെ​ന്ന് പൊ​ലീ​സ് പ​റ​ഞ്ഞു.എ.​എ​സ്.​ഐ ര​ത്നാ​ക​ര​ൻ, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ ഇ.​കെ. വി​ജി​ത്ത്, അ​ബ്ദു​ൽ റ​സാ​ഖ് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പിടികൂടിയത്.

പീഡനകേസിൽ ഒളിവിലായിരുന്ന പേരാമ്പ്ര സ്വദേശി 27 വർഷത്തിനു ശേഷം പിടിയിൽ

തിക്കോടി: തിക്കോടി ടൗണിൽ അടിപ്പാത നിർമ്മാണത്തിന് വേണ്ടി ആക്ഷൻ കമ്മിറ്റി നടത്തുന്ന റിലേ സത്യാഗ്രഹം 50 ദിവസം പൂർത്തീകരിച്ചതിന്റെ ഭാഗമായി കൂട്ട നിരാഹാര സമരം നടത്തി. സ്വാഗതസംഘം ചെയർമാൻ വി. കെ അബ്ദുൽ മജീദ് അധ്യക്ഷതവഹിച്ചു. ബി.ജെ.പി കോഴിക്കോട് ജില്ല പ്രസിഡണ്ട് അഡ്വക്കറ്റ് വി .കെ. സജീവൻ ഉദ്ഘാടനം ചെയ്തു. റെയിൽവേ സ്റ്റേഷൻ, എഫ് സി. ഐ ഗോഡൗൺ, ഗ്രാമപഞ്ചായത്ത് ഓഫീസ്, ജില്ലാ മണ്ണ് പരിശോധന കേന്ദ്രം, കൃഷിഭവൻ, ബ്ലോക്ക് അസിസ്റ്റൻറ് ഡയറക്ടർ ഓഫീസ്, കോക്കനട്ട് നഴ്സറി ,വിവിധ ബാങ്കുകൾ, വ്യാപാര സ്ഥാപനങ്ങൾ, പയ്യോളി, സി കെ ജി ഹയർസെക്കൻഡറി സ്കൂളുകൾ എന്നിവ റോഡിൻറെ ഇരു ഭാഗങ്ങളിൽ സ്ഥിതി ചെയ്യുന്ന ടൗണിൽ അടിപ്പാത അനിവാര്യമാണെന്ന് എം. പി ഡോക്ടർ പി .ടി ഉഷ കേന്ദ്ര മന്ത്രിയെ ബോധ്യപ്പെടുത്തിയിട്ടുണ്ടെന്നും അതിന്റെ അടിസ്ഥാനത്തിൽ അധികം വൈകാതെ തന്നെ അനുകൂലമായ തീരുമാനം ഉണ്ടാകുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു.
കെ .വി സുരേഷ് കുമാർ സ്വാഗതം പറഞ്ഞു. എഴുത്തുകാരൻ ഇബ്രാഹിം തിക്കോടി ,ബഷീർ തിക്കോടി, വ്യാപാരി വ്യവസായി ഏകോപനസമിതി മണ്ഡലം പ്രസിഡണ്ട് സുകുമാരൻ, കുഞ്ഞബ്ദുള്ള തിക്കോടി, ബി.ജെ.പി മണ്ഡലം പ്രസിഡണ്ട് എ .കെ ബൈജു എന്നിവർ അഭിവാദ്യം അർപ്പിച്ച് സംസാരിച്ചു. വൈകുന്നേരം നടന്ന സമാപന സമ്മേളനം തിക്കോടി ലോക്കൽ കമ്മിറ്റി മെമ്പറും ഗ്രാമപഞ്ചായത്ത് സ്റ്റാൻഡിങ് കമ്മിറ്റി ചെയർമാനുമായ ആർ. വിശ്വൻ ഉദ്ഘാടനം ചെയ്തു. ശ്രീധരൻ ചെമ്പുംചെല അധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പർ പി. വി റംല ,സ്റ്റാൻഡിങ് കമ്മിറ്റി ചെയർപേഴ്സൺ കെ .പി ഷക്കീല, ഗ്രാമപഞ്ചായത്ത് മെമ്പർ സന്തോഷ് തിക്കോടി, രുഗ്മാഗതൻ, സഹദ് പുറക്കാട്, മുഹമ്മദലി.കെ, അശോകൻ ശില്പ എന്നിവർ സംസാരിച്ചു. ഭാസ്കരൻ തിക്കോടി സ്വാഗതവും കെ.വി മനോജ് കുമാർ നന്ദിയും രേഖപ്പെടുത്തി.

തിക്കോടി അടിപ്പാത സമരം; കൂട്ട നിരാഹാരം നടത്തി

Inshort

വടകര: കോഴിക്കോട് റവന്യൂ ജില്ലാ കലോത്സവത്തിൽ ജനറൽ വിഭാഗം അക്ഷരശ്ലോക മത്സരത്തിൽ ഒന്നാം സ്ഥാനവും എ ഗ്രേഡും കരസ്ഥമാക്കി വടകര എസ്.ജി എം.എസ്.ബി.സ്കൂൾ ആറാം ക്ലാസ്സ് വിദ്യാർത്ഥി ഗായത്രി എൽ.ജി. സംസ്കൃതം അക്ഷരശ്ലോക മത്സരത്തിൽ ഈ മിടുക്കി രണ്ടാം സ്ഥാനവും എ ഗ്രേഡും നേടിയിട്ടുണ്ട്. ഗോപിനാഥന്റെയും ജ്യോതിയുടെയും മകളാണ്.&nbsp;

അക്ഷരശ്ലോക മത്സരത്തിൽ ഒന്നാം സ്ഥാനം; എസ്.ജി എം.എസ്.ബിയുടെ അഭിമാനമായി ഗായത്രി

വടകര: 'മനസ്സാണ് ശരീരത്തിന്റെ യജമാനൻ' എന്ന സന്ദേശം ഉയർത്തി ഹരിതാമൃതം 24 ഫിബ്രവരി 9 മുതൽ 13 വരെ വടകര ടൗൺഹാളിൽ വെച്ചു സംഘടിപ്പിക്കുവാൻ കരിമ്പനപ്പാലം ജൈവകലവറയിൽ ചേർന്ന ഹരിതാമൃതം സ്ഥിരംസമിതി ഭാരാവാഹികളുടെയും മഹാത്മദേശസേവ എഡ്യുക്കേഷണൽ &amp; ചാരിറ്റബിൾ ട്രസ്റ്റ് ബോർഡ് മെമ്പർമാരുടെയും സംയുക്തയോഗം തീരുമാനിച്ചു. യോഗത്തിൽ ഹരിതാമൃതം ചെയർമാൻ പി.പി.ദാമോദരൻ അദ്ധ്യക്ഷതവഹിച്ചു. പുറന്തോടത്ത് ഗംഗാധരൻ സ്വാഗതം പറഞ്ഞു.പി.ബാലൻ, ടി.ശ്രീനിവാസൻ എന്നിവർ പദ്ധതിവിശദീകരണം നടത്തി. വി.പി.രമേശൻ, സി.എച്ച്.ശിവദാസ്, അടിയേരി രവീന്ദ്രൻ, വിനോദ് ചെറിയത്ത്, പ്രസാദ് വിലങ്ങിൽ, എൻ.കെ.സജിത്ത്, എം.ടി.ബാലൻ, പി.എം.വത്സലൻ, വി.പി.ശിവകുമാർ, സി.പി.ചന്ദ്രൻ, പി.കെ.പ്രകാശൻ, സി.എം.മുഹമ്മദ് ശരീഫ്, പി.കെ.കൃഷ്ണൻ, കെ.എം.അസ്ലം, മോഹനൻ മോഹനാലയം, ഒ.പി.ചന്ദ്രൻ, എൻ.കെ.അജിത്കുമാർ, പി.പി.പ്രസീത്കുമാർ, റസാഖ് കല്ലേരി, ഡോ.പി.കെ.സുബ്രഹ്മണ്യൻ, അഡ്വ. ലതികാ ശ്രീനിവാസ്, കെ.പ്രകാശൻ, നാൻസി.പി, പി.കെ.സുഖിൽ എന്നിവർ പ്രസംഗിച്ചു. ശ്രീനാരായണഗുരുദേവൻ,
സ്വാമി ശിവാനന്ദപരമഹംസർ, സ്വാമി നിർമ്മലാനന്ദഗിരി മഹാരാജ് എന്നീ മഹത് വ്യക്തിത്വങ്ങൾക്ക് സ്മരണാഞ്ജലി അർപ്പിച്ചുകൊണ്ട് പാരമ്പര്യ നാട്ടുവൈദ്യ സെമിനാർ സംഘടിപ്പിക്കും.എൽപി, യു.പി, ഹൈസ്കൂൾ വിദ്യാർത്ഥികൾക്കായി കാർഷിക ക്വിസ് മത്സരം സംഘടിപ്പിക്കും. സെമിനാറുകൾ, പ്രഭാഷണങ്ങൾ, ഓപ്പൺഫോറങ്ങൾ, ഔഷധസസ്യ പഠനഗാലറിഹരിതാമൃതം പുരസ്കാരദാനം, ഗസൽ, ഷോർട്ട്ഫിലിംപ്രദർശനം, കാർഷിക ചെറുകിട പരമ്പരാഗത വ്യവസായ ഉല്പന്നങ്ങളുടെയും നടീൽവസ്തുക്കളുടെയും പ്രദർശന വില്പന പവലിയനുകൾ തുടങ്ങിയവ ഹരിതാമൃതം 24ന്റെ ഭാഗമായി സംഘടിപ്പിക്കും.

ഹരിതാമൃതം 24 ഫിബ്രവരി 9 മുതൽ വടകര ടൗൺഹാളിൽ

നാദാപുരം റോഡ്: മഠത്തിൽ പൊയിൽ അബ്ദുൾ റഷീദ് (59) ബഹ്‌റൈനിൽ നിര്യാതനായി. പരേതരായ കുഞ്ഞബ്ദുള്ളയുടെയും മറിയത്തിന്റെയും മകനാണ്. ഭാര്യ; സമീറ (ഓർക്കാട്ടേരി). മക്കൾ, ഫെജിൻ (യു. കെ ), ഫീമ, മുഹമ്മദ്‌ ഫിസാൻ. സഹോദരങ്ങൾ; ഹമീദ് (ചെന്നൈ), സിദ്ധീഖ് (എറണാകുളം), ആയിഷ. സംസ്കാരം ശനിയാഴ്ച ഉച്ചക്ക് കാരക്കാട് ജുമാ മസ്ജിദിൽ.

നാദാപുരം റോഡ് മഠത്തിൽ പൊയിൽ അബ്ദുൾ റഷീദ് ബഹ്‌റൈനിൽ നിര്യാതനായി

Obitury

തിരുവനന്തപുരം: മുൻ മുഖ്യമന്ത്രിയും മുതിർന്ന സിപിഎം നേതാവുമായ വി എസ് അച്യുതാനന്ദന്റെ ആരോഗ്യനില മാ​റ്റമില്ലാതെ തുടരുന്നുവെന്ന് മെഡിക്കൽ ബുളള​റ്റിൻ. പട്ടം എസ് യു ടി ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിൽ കഴിയുന്ന വി എസിന്റെ ആരോഗ്യനിലയെക്കുറിച്ച് ഇന്ന് ഉച്ചയ്ക്ക് ഒന്നരയ്ക്ക് പുറത്തിറക്കിയ ബുളള​റ്റിനിലാണുളളത്. വെന്റിലേ​റ്ററിന്റെ സഹായത്തോടെ ജീവൻ നിലനിർത്തുന്ന അദ്ദേഹത്തെ ഡയാലിസിസ് ചികിത്സയ്ക്കും വിധേയമാക്കുന്നുണ്ടെന്നാണ് വിവരം.
ഹൃദയാഘാതത്തെത്തുടർന്ന് ജൂൺ 23നാണ് വി എസ് അച്യുതാനന്ദനെ ആശുപത്രിയിൽ പ്രവേശിപ്പിച്ചത്. അന്നുമുതൽ തീവ്രപരിചരണ വിഭാഗത്തിൽ ചികിത്സയിൽ കഴിയുകയാണ് അദ്ദേഹം

വിഎസിന്റെ ആരോഗ്യനില മാറ്റമില്ലാതെ തുടരുന്നുവെന്ന് മെഡിക്കൽ ബുളളറ്റിൻ

Kerala

കോഴിക്കോട്: സംവിധായകൻ രഞ്ജിത്തിനെതിരായ ലൈംഗിക പീഡന കേസ് റദ്ദാക്കി കർണാടക ഹൈക്കോടതി. എഫ്ഐആർ റദ്ദാക്കണം എന്ന് ആവശ്യപ്പെട്ട് രഞ്ജിത്ത് ഹൈക്കോടതിയെ സമീപിച്ചിരുന്നു. ഇതിലാണിപ്പോൾ നടപടി ഉണ്ടായിരിക്കുന്നത്.
സംഭവം നടന്ന് 12 വർഷത്തിനുശേഷമാണ് ലൈം​ഗിക പീഡന പരാതി ഉന്നയിച്ച യുവാവ് പരാതി നൽകിയതെന്ന് രഞ്ജിത്ത് ഹർജിയിൽ പറഞ്ഞിരുന്നു. യുവാവ് പരാതി നൽകാൻ വൈകിയത് സംശയാസ്പദമാണ്. പരാതിയിൽ പറയുന്ന പല കാര്യങ്ങളിലും വ്യക്തതയില്ലെന്നും രഞ്ജിത് ഹൈക്കോടതിയെ അറിയിച്ചു.ബെംഗളൂരു വിമാനത്താവളത്തിനടുത്തുള്ള താജ് ഹോട്ടലിൽ വച്ച് പീഡിപ്പിച്ചു എന്നാണ് യുവാവിന്റെ പരാതി. എന്നാൽ സംഭവം നടക്കുന്ന സമയത്ത് താജ് ഹോട്ടൽ പ്രവർത്തനം തുടങ്ങിയിരുന്നില്ല.&nbsp;

രഞ്ജിത്തിനെതിരായ ലൈംഗിക പീഡനാരോപണം: കേസ് റദ്ദാക്കി കർണാടക ഹൈക്കോടതി

തിരുവനന്തപുരം: മുഖ്യമന്ത്രി പിണറായി വിജയന്‍ ചികിത്സയ്ക്കായി വീണ്ടും അമേരിക്കയിലേക്ക്. ഇന്ന് അര്‍ധരാത്രിയോടെ ദുബായ് വഴിയാണ് അമേരിക്കയിലേക്ക് പോവുക. ചികിത്സയുടെ ഭാഗമായി ഒരാഴ്ചയോളം അമേരിക്കയില്‍ കഴിയുമെന്നാണ് റിപ്പോര്‍ട്ട്.
നേരത്തേ അമേരിക്കയില്‍ ചികിത്സ നടത്തിയിരുന്ന മുഖ്യമന്ത്രി തുടര്‍പരിശോധനകള്‍ക്കും ചികിത്സയ്ക്കുമായാണ് വീണ്ടും പോകുന്നത്. മിനിസോട്ടയിലെ മയോ ക്ലിനിക്കിലാണ് മുഖ്യമന്ത്രി ചികിത്സ തേടിയിരുന്നത്.

മുഖ്യമന്ത്രി പിണറായി വിജയന്‍ ചികിത്സയ്ക്കായി വീണ്ടും അമേരിക്കയിലേക്ക്

തിരുവനന്തപുരം: മെഡിക്കല്‍ കോളേജ് ആശുപത്രിക്കെട്ടിടം തകര്‍ന്ന് മകള്‍ക്ക് കൂട്ടിരിപ്പിനെത്തിയ സ്ത്രീ മരിച്ചതിനു പിന്നാലെ ആരോഗ്യമന്ത്രി വീണാ ജോര്‍ജിനെതിരേ വ്യാപക പ്രതിഷേധം. കോട്ടയം മെഡിക്കൽ കോളേജിലേക്കും തിരുവനന്തപുരത്തെ മന്ത്രിയുടെ ഔദ്യോഗിക വസതിയിലേക്കുമടക്കം വിവിധ സംഘടനകൾ പ്രതിഷേധ മാര്‍ച്ച് നടത്തി. മന്ത്രി രാജിവെയ്ക്കണമെന്നാണ് ആവശ്യം. പ്രതിഷേധ സാധ്യത മുന്നില്‍ക്കണ്ട് ആരോഗ്യമന്ത്രിയുടെ വസതിക്കും ഓഫീസിനും പോലീസ് കാവലേര്‍പ്പെടുത്തിയിരുന്നു.
തിരുവനന്തപുരത്ത് ബിജെപി നടത്തിയ മാര്‍ച്ചിൽ പോലീസ് ജലപീരങ്കി പ്രയോഗിച്ചു. ബാരിക്കേഡ് മറികടക്കാന്‍ പ്രവര്‍ത്തകര്‍ ശ്രമിച്ചതിനെത്തുടര്‍ന്നാണ് പോലീസ് ജലപീരങ്കി പ്രയോഗിച്ചത്. കോഴിക്കോട് മെഡിക്കല്‍ കോളേജിലെ തീപ്പിടിത്തം, തിരുവനന്തപുരം മെഡിക്കല്‍ കോളേജിലെ യൂറോളജി വകുപ്പ് മേധാവി ഡോ. ഹാരിസിന്റെ വെളിപ്പെടുത്തല്‍, കോട്ടയം മെഡിക്കല്‍ കോളേജില്‍ കെട്ടിടം തകര്‍ന്ന് രോഗിയായ മകള്‍ക്ക് കൂട്ടിരിപ്പിനെത്തിയ സ്ത്രീ മരിച്ച സംഭവം എന്നിവയുള്‍പ്പെടെ സൃഷ്ടിച്ച വിവാദത്തിന്റെ പശ്ചാതലത്തിലാണ് തിരുവനന്തപുരത്ത് ആരോഗ്യമന്ത്രിക്കെതിരേ പ്രതിഷേധമുയര്‍ന്നത്. കനത്ത സുരക്ഷയാണ് സ്ഥലത്ത് പോലീസ് ഏര്‍പ്പെടുത്തിയത്.
സെക്രട്ടേറിയറ്റ് അനക്‌സിന്റെ മുന്നില്‍ മഹിളാ കോണ്‍ഗ്രസ് പ്രതിഷേധം നടത്തി. കൊല്ലത്തും ബിജെപിയുടെ പ്രതിഷേധം നടന്നു. തൃശ്ശൂരില്‍ മുസ്ലിംലീഗിന്റെ പ്രതിഷേധവുമുണ്ട്. കോട്ടയത്ത് യൂത്ത് കോൺഗ്രസിന്റെ നേതൃത്വത്തിലും പ്രതിഷേധം നടന്നു. നേരത്തേ കൊല്ലത്തും പത്തനംതിട്ടയിലും മന്ത്രിക്കെതിരേ പ്രതിഷേധമുണ്ടായിരുന്നു.സംസ്ഥാനത്താകെ ആരോഗ്യ മന്ത്രിക്കെതിരേ പ്രതിഷേധം ശക്തമാവുകയാണ്. ആരോഗ്യമന്ത്രിയുടെ രാജി ആവശ്യപ്പെട്ട് സംസ്ഥാനവ്യാപകമായി പ്രതിഷേധ പരിപാടികള്‍ നടത്താനാണ് പ്രതിപക്ഷ തീരുമാനം. എല്ലാ മണ്ഡലം കമ്മിറ്റികളുടെയും നേതൃത്വത്തില്‍ പഞ്ചായത്ത് അടിസ്ഥാനത്തില്‍ പ്രതിഷേധ പ്രകടനം നടത്താന്‍ കെപിസിസി ആഹ്വാനം ചെയ്തു.

ബിന്ദുവിന്റെ മരണം:ആരോഗ്യമന്ത്രിക്കെതിരേ സംസ്ഥാനമൊട്ടാകെ പ്രതിഷേധം

പാലക്കാട്: ചികിത്സയിലുള്ള പാലക്കാട് സ്വദേശിയായ യുവതിക്ക് നിപ സ്ഥിരീകരിച്ചു. പ്രാഥമിക പരിശോധനയിൽ രോഗബാധ കണ്ടെത്തിയ പാലക്കാട് നാട്ടുകൽ സ്വദേശിയായ 38കാരിക്കാണ് പുണെയിലെ ലെവൽ 3 വൈറോളജി ലാബിലെ പരിശോധനയിലും രോഗം സ്ഥിരീകരിച്ചത്. രോഗലക്ഷണങ്ങളോടെ ഇവരെ പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു.
രോഗബാധ സ്ഥിരീകരിച്ചതോ​ടെ രോഗിയുമായി സമ്പർക്കത്തിലുണ്ടായിരുന്നവർക്ക് കടുത്ത ജാഗ്രതാ നിർദേശം പുറപ്പെടുവിച്ചു. 100ലധികം പേർ ​ഹൈറിസ്ക് പട്ടികയിലാണുള്ളത്. ബന്ധുക്കളും യുവതി ചികിത്സ തേടിയ ആശുപത്രികളിലെ ഡോക്ടർമാരും ജീവനക്കാരുമടക്കം നിരീക്ഷണത്തിലാണ്. നാട്ടുകൽ കിഴക്കുപുറം കണ്ടെയ്ന്റ്മെന്റ് സോണായി പ്രഖ്യാപിച്ചു. മൂന്ന് കിലോമീറ്റർ പരിധിയിലാണ് നിയന്ത്രണം. യുവതിക്ക് എവിടെ നിന്നാണ് രോഗം ബാധിച്ചത് എന്നത് വ്യക്തമായിട്ടില്ല.

പാലക്കാട് യുവതിക്ക് നിപ തന്നെ; പുണെയിലെ ഫലവും പോസിറ്റീവ്

Search Results for: vismaya mohanlal\