കൊച്ചി: പഴയ പാഠപുസ്തകങ്ങള്‍ ഡിജിറ്റലൈസ് ചെയ്ത് പൊതുവിദ്യാഭ്യാസ വകുപ്പ്. 1896 മുതല്‍ പ്രസിദ്ധീകരിച്ചിട്ടുള്ള വിവിധ വിഷയങ്ങളിലെ പാഠപുസ്തകങ്ങളാണ് ഡിജിറ്റലൈസ് ചെയ്‌തത്. 1896 മുതൽ പ്രസിദ്ധീകരിച്ചിട്ടുള്ള വിവിധ വിഷയങ്ങളിലെ പാഠപുസ്‌തകങ്ങൾ ഇനി വിരൽത്തുമ്പിലെന്ന് മന്ത്രി ശിവൻകുട്ടി അറിയിച്ചു. ‘സ്കൂൾ പഠനകാലത്തെ ഏറ്റവും നല്ല ഓർമകളിൽ ഒന്നാണ് അതത് കാലത്തെ പാഠപുസ്തകങ്ങൾ. മിക്കവരുടെയും പക്കൽ അന്ന് പഠിച്ചിരുന്ന പാഠപുസ്തകങ്ങൾ ഉണ്ടാവില്ല. ആ പാഠപുസ്തകങ്ങളുടെ ഉള്ളടക്കത്തിലൂടെ ഒന്ന് കൂടെ പോകാൻ സാധിച്ചിരുന്നെങ്കിൽ എന്ന് ആഗ്രഹിക്കുന്നവർ ഉണ്ടാകാം. അതിന് പൊതുവിദ്യാഭ്യാസ വകുപ്പ് അവസരമൊരുക്കുന്നു. 1896 മുതൽ പ്രസിദ്ധീകരിച്ചിട്ടുള്ള വിവിധ വിഷയങ്ങളിലെ പാഠപുസ്‌തകങ്ങൾ ഇനി നിങ്ങളുടെ വിരൽത്തുമ്പിലെന്നും’- മന്ത്രി ഫേസ്ബുക്കിൽ കുറിച്ചു.
ലൈബ്രറിക്ക് അനുബന്ധമായി ടെക്സ്റ്റ് ബുക്ക് ആര്‍ക്കൈവ്‌സും നിലവിലുണ്ട്. നിരവധി വര്‍ഷങ്ങളായി പൊതുവിദ്യാഭ്യാസ വകുപ്പ് പ്രസിദ്ധീകരിച്ചിട്ടുള്ള പാഠപുസ്തകങ്ങളാണ് ഇവിടെ സൂക്ഷിച്ചിട്ടുള്ളത്. കാലപ്പഴക്കം കൊണ്ട് പല പുസ്തകങ്ങളും ഉപയോഗശൂന്യമാകാന്‍ സാധ്യതയുണ്ട്. ഇക്കാര്യം എസ്.സി.ഇ.ആര്‍.ടി. ഗവേണിംഗ് ബോഡി യോഗം വിശദമായി ചര്‍ച്ച ചെയ്യുകയും നിലവിലെ ആര്‍ക്കൈവ്‌സ് ഡിജിറ്റൈസ് ചെയ്യുന്നതിന് തീരുമാനം കൈക്കൊള്ളുകയും ചെയ്തു.
ഇതിന്റെ ഭാഗമായി നിലവില്‍ 1250ലധികം പാഠപുസ്തകങ്ങളാണ് ഡിജിറ്റൈസ് ചെയ്തിട്ടുള്ളത്. 1896 മുതല്‍ പ്രസിദ്ധീകരിച്ചിട്ടുള്ള വിവിധ വിഷയങ്ങളിലെ പാഠപുസ്തകങ്ങളുടെ ഏകദേശം 1,50,000 പേജുകള്‍ ഇതിനോടകം ഡിജിറ്റൈസ് ചെയ്തു കഴിഞ്ഞു.’ ഈ പ്രവര്‍ത്തനം ഇനിയും തുടരേണ്ടതുണ്ട്. ഡിജിറ്റൈസ് ചെയ്ത പുസ്തകങ്ങള്‍ പൊതുജനങ്ങള്‍ക്ക് ഓണ്‍ലൈനായി ലഭ്യമാക്കുന്നതിനുള്ള നടപടി സ്വീകരിക്കുകയാണെന്ന് വിദ്യാഭ്യാസ വകുപ്പ് അറിയിച്ചു.

'ഇനി ഒറ്റ ക്ലിക്കില്‍’; 1896 മുതലുള്ള പാഠപുസ്തകങ്ങൾ ഡിജിറ്റലൈസ് ചെയ്‌തെന്ന് വിദ്യാഭ്യാസമന്ത്രി

Kerala

ലഖ്നൗ: വിവാഹത്തിനായി ബ്യൂട്ടിപാർലറിൽ സുഹൃത്തിനോടൊപ്പം ഒരുങ്ങാൻ പോയ വധു കാമുകനോടൊപ്പം ഒളിച്ചോടി. നാഗ്പൂരിലെ ചൗബേപൂർ സ്വദേശിനിയായ യുവതിയാണ് വിവാഹവേഷത്തിൽ ഒളിച്ചോടിയത്. കഴിഞ്ഞ ദിവസമായിരുന്നു സംഭവം.യുവതിയുടെ ബന്ധുക്കൾ നാഗ്പൂർ പൊലീസിന് പരാതി നൽകിയിട്ടുണ്ട്. പുലർച്ചയോടെയാണ് പെൺകുട്ടി സുഹൃത്തിനോടൊപ്പം വിവാഹത്തിനായി ബ്യൂട്ടിപാർലറിൽ ഒരുങ്ങാൻ പോയത്. ഒരുങ്ങിയതിന് ശേഷം വിവാഹപന്തലിലേക്ക് ഉടനെത്താമാണെന്നാണ് യുവതി ബന്ധുക്കളോട് പറഞ്ഞത്. എന്നാൽ ബ്യൂട്ടിപാർലറിൽ നിന്നും തിരികെ മടങ്ങുന്നതിനിടെ സുഹൃത്തിനെ കബളിപ്പിച്ച് കാമുകനോടൊപ്പം യുവതി മുങ്ങുകയായിരുന്നു. പിന്നാലെ സുഹൃത്ത് പെൺകുട്ടിയുടെ മാതാപിതാക്കളെ വിവരമറിയിക്കുകയായിരുന്നു.
വിവരമറിഞ്ഞതോടെ വരനും ബന്ധുക്കളും വീട്ടിലേക്ക് മടങ്ങുകയും ചെയ്തു. പൊലീസ് നടത്തിയ അന്വേഷണത്തിൽ യുവതിയും കാമുകനും വർഷങ്ങളായി പ്രണയത്തിലായിരുന്നുവെന്ന് കണ്ടെത്തി. യുവാവ് അന്യ മതസ്ഥനായതിനാൽ പെൺകുട്ടിയുടെ മാതാപിതാക്കൾ വിവാഹത്തിന് സമ്മതിച്ചിരുന്നില്ല. ഇതിനെ തുടർന്നാണ് പെൺകുട്ടി ഒളിച്ചോടിയത്. പെൺകുട്ടിയെയും കാമുകനെയും ഫോണിലൂടെ ബന്ധപ്പെട്ടിട്ടുണ്ട്. മാതാപിതാക്കളുടെ എതിർപ്പിനെ തുടർന്നാണ് ഒളിച്ചോടിയതെന്നും പൊലീസ് മാദ്ധ്യമങ്ങളോട് പറഞ്ഞു. പെൺകുട്ടിക്ക് മ​റ്റൊരു പ്രണയബന്ധമുണ്ടായിരുന്നുവെന്ന് അറിയാമായിരുന്നുവെന്നും എന്നാൽ വിവാഹത്തിന് യാതൊരു എതിർപ്പും പ്രകടിപ്പിച്ചിരുന്നില്ലെന്ന് വരന്റെ ബന്ധുക്കൾ പറഞ്ഞു. അതേസമയം,പെൺകുട്ടിയുടെ ബന്ധുക്കൾ സംഭവത്തിൽ ഇതുവരെ പ്രതികരിച്ചിട്ടില്ല.

കല്ല്യാണത്തിന് ഒരുങ്ങാൻ ബ്യൂട്ടിപാർലറിലേക്ക് പോയ വധു കാമുകനൊപ്പം ഒളിച്ചോടി

National

മണിയൂർ: എളമ്പിലാട് ചെമ്മങ്ങാട്ട് മീത്തൽ ബാലൻ (63) മരത്തിൽ നിന്നും വീണ് മരിച്ചു. കുരുമുളക് പറിക്കുന്നതിനിടെയാണ് അപകടം സംഭവിച്ചത്. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ; കമല (കുട്ടോത്ത് ). മക്കൾ; പ്രബീഷ്, പ്രബിഷ. മരുമകൻ സുജേഷ് (ആര്യന്നൂർ). സഹോദരങ്ങൾ; പരേതനായ രാജൻ, അച്യുതൻ, മാതു.

എളമ്പിലാട് സ്വദേശി മരത്തിൽ നിന്നും വീണ് മരിച്ചു

Vadakara

വടകര: പ്രമുഖ പത്രപ്രവർത്തകനും രാഷ്ട്രീയ സാംസ്കാരിക രംഗത്ത് നിറഞ്ഞുനിന്ന വ്യക്തിയുമായിരുന്ന ഐ.വി ബാബുവിൻ്റെ നാലാം ചരമവാർഷികത്തോടനുബന്ധിച്ച് ഐ.വി ബാബു അനുസ്മരണ സമിതി നടത്തുന്ന പരിപാടി ശനിയാഴ്ച നടക്കും. വടകര മുൻസിപ്പൽ പാർക്കിലെ ഓപ്പൺ സ്റ്റേജിൽ നടക്കുന്ന അനുസ്മരണ പരിപാടിയിൽ 'മോഡിഫൈഡ് ഇന്ത്യയിലെ' ജനാധിപത്യം, മാധ്യമങ്ങൾ എന്ന വിഷയത്തിൽ ടെലഗ്രാഫ് എഡിറ്റർ അറ്റ്ലാർജ് ആർ.രാജഗോപാൽ, കോൺഗ്രസ് നേതാവും പ്രഭാഷകയുമായ ജ്യോതി രാധിക വിജയകുമാർ, കെ.കെ രമ എം.എൽ.എ, കെ.സി ഉമേഷ് ബാബു, എൻ.വേണു, ഡോ. ആസാദ് എന്നിവർ പങ്കെടുക്കുന്ന സംവാദം നടക്കും.&nbsp;
ജനാധിപത്യം കശാപ്പു ചെയ്യപ്പെടുന്ന ഇന്ത്യൻ സാമൂഹ്യ വ്യവസ്ഥയിൽ ചങ്ങാത്ത മുതലാളിത്തത്തിൻ്റെ കൈയ്യിൽ ഞെരിയുന്ന മാധ്യമ സ്വാതന്ത്ര്യവും, ഭരണഘടന ഉറപ്പു നൽകുന്ന അറിയാനുള്ള അവകാശം പോലും ഇല്ലാതാക്കുന്ന അവസ്ഥയിൽ ഐ.വി ബാബുവിനെ പോലെയുള്ള ജനാധിപത്യ വാദിയുടെ അനുസ്മരണത്തിൽ ഈ സംവാദം പ്രസക്തമാണ്. വൈകീട്ട് നാലിനാണ് പരിപാടി. തുടർന്ന് സ്നേഹലിജി അവതരിപ്പിക്കുന്ന ഏകപാത്ര നാടകം 'ദിലീപ്' അരങ്ങേറും.

ഐ.വി ബാബു അനുസ്മരണം ശനിയാഴ്ച്ച മുൻസിപ്പൽ പാർക്കിൽ

തിരുവനന്തപുരം: കേരള സംസ്ഥാന ഭാഗ്യക്കുറി ക്രിസ്മസ് - ന്യൂ ഇയർ ബംപർ ഭാഗ്യം പോണ്ടിച്ചേരി സ്വദേശിക്ക്. ബംപർ അടിച്ച ഭാഗ്യവാൻ തിരുവനന്തപുരം ലോട്ടറി ഓഫീസിലെത്തി ടിക്കറ്റ് ഹാജരാക്കി. പാലക്കാട് വിൻസ്റ്റാർ ലക്കി സെന്റ്ർ ഉടമയുമായി എത്തിയാണ് ലോട്ടറി ടിക്കറ്റ് കൈമാറിയത്. പോണ്ടിച്ചേരി സ്വദേശിയായ ഇദ്ദേഹം പേര് വെളിപ്പെടുത്തരുതെന്ന് അറിയിച്ചതിനാൽ മറ്റുവിവരങ്ങൾ പുറത്തുവിട്ടിട്ടില്ല.
സംസ്ഥാന ഭാഗ്യക്കുറി വകുപ്പിന്റെ ട്വന്റി 20 ക്രിസ്മസ്-ന്യൂ ഇയര്‍ ബമ്പര്‍ നറുക്കെടുപ്പില്‍ ഒന്നാം സമ്മാനത്തിനർഹമായത് XC-224091 എന്ന നമ്പറിനായിരുന്നു. 20 കോടി രൂപയാണ് ഒന്നാം സമ്മാനം. ജനുവരി 24-ന് ആയിരുന്നു നറുക്കെടുപ്പ്. ആർക്കാണ് ബംപർ അടിച്ചതെന്ന കാര്യം ഇതുവരെ വ്യക്തമായിരുന്നില്ല. വെള്ളിയാഴ്ച ഉച്ചയോടെ ടിക്കറ്റുമായി തിരുവനന്തപുരത്തെ ലോട്ടറി ഓഫീസിലെത്തിയതോടെയാണ് പോണ്ടിച്ചേരി സ്വദേശിക്കാണ് ബംപർ അടിച്ചതെന്ന് വ്യക്തമായത്.
പാലക്കാടുള്ള വിൻസ്റ്റാർ ലോട്ടറി ഏജൻസി ഉടമ പി. ഷാജഹാൻ തിരുവനന്തപുരം സ്വദേശിയായ വിൽപനക്കാരന് വിറ്റ ടിക്കറ്റിനാണ് ബംപർ അടിച്ചത്. തിരുവനന്തപുരത്തുള്ള ഏജന്റ് ദൊരൈരാജാണ് പാലക്കാട്ടെ ഏജൻസിയിൽനിന്ന് ടിക്കറ്റ് വാങ്ങിയത്. ദൊരൈരാജിന്‍റെ തിരുവനന്തപുരത്തുള്ള ലോട്ടറിക്കടയിൽ വിൽപന നടത്തുന്നതിനായാണ് ഈ ടിക്കറ്റുകൾ വാങ്ങിയത്. പത്മനാഭസ്വാമി ക്ഷേത്രത്തിന്റെ കിഴക്കേനടയിലുള്ള ലക്ഷ്മി സെന്റർ എന്ന ലോട്ടറി കടയിലാണ് ഈ ടിക്കറ്റുകൾ വിൽപന നടത്തിയത്.

ക്രിസ്മസ്-ന്യൂ ഇയർ ബംപർ; 20 കോടിയുടെ ഭാഗ്യവാൻ പോണ്ടിച്ചേരി സ്വദേശി

ചെന്നൈ: നടന്‍ വിജയ് നേതൃത്വം നല്‍കുന്ന രാഷ്ട്രീയ പാര്‍ട്ടിയുടെ പേര് പ്രഖ്യാപിച്ചു. തമിഴക വെട്രി കഴകം എന്നാണ് പാര്‍ട്ടിയുടെ പേര്. ആരാധക സംഘടനയായ വിജയ് മക്കള്‍ ഇയക്കം അംഗങ്ങളാണ് രാഷ്ട്രീയ പാര്‍ട്ടി രജിസ്റ്റര്‍ ചെയ്യാന്‍ മുന്‍കൈ എടുത്തത്. രജിസ്ട്രേഷന്‍ പൂര്‍ത്തിയാക്കിയതിന് ശേഷമാണ് പാര്‍ട്ടിയുടെ പേര് പ്രഖ്യാപിച്ചത്. പാര്‍ട്ടി ആരംഭിക്കുന്നതിനോടൊപ്പം തന്നെ ഒരു മൊബൈല്‍ ആപ്പും പാര്‍ട്ടി പുറത്തിറക്കും. ഈ ആപ്പിലൂടെ ജനങ്ങള്‍ക്ക് പാര്‍ട്ടി അംഗമാവാന്‍ സാധിക്കും. ഒരു കോടി ആളുകളെ പാര്‍ട്ടി അംഗമാക്കാനാണ് ആദ്യ ഘട്ടത്തില്‍ ലക്ഷ്യമിടുന്നത്.
2024 ലെ ലോകസഭാ തിരഞ്ഞെടുപ്പില്‍ മത്സരിക്കില്ല. ആര്‍ക്കും പിന്തുണ പ്രഖ്യാപിക്കില്ല. 2026 നിയമസഭാ തിരഞ്ഞെടുപ്പാണ് ലക്ഷ്യമിടുന്നതെന്നും വിജയ് പുറത്തിറക്കിയ വാര്‍ത്താ കുറിപ്പില്‍ വ്യക്തമാക്കി. വരുന്ന ഏപ്രിലില്‍ സമ്മേളനം നടത്തും.

'തമിഴക വെട്രി കഴകം'; പാര്‍ട്ടിയുടെ പേര് പ്രഖ്യാപിച്ച് വിജയ്

തൃശൂർ: വീട് നിർമ്മാണത്തിന് ബാങ്കിൽ നിന്നും എടുത്ത വായ്പ തിരിച്ചടക്കാത്തതിൻറെ പേരിൽ വീട് ജപ്തി ചെയ്യാൻ ബാങ്ക് അധികൃതർ എത്തുന്നതിന് മണിക്കൂറുകൾക്ക് മുൻപ് യുവാവ് ജീവനൊടുക്കി. മണലൂർ പഞ്ചായത്തിലെ ആറാം വാർഡ് ചെമ്പൻ വിനയന്റെ മകൻ വിഷ്ണു (25) ആണ് വീട്ടിനുള്ളിൽ തൂങ്ങി മരിച്ചത്. വീടുനിർമ്മാണത്തിന് സ്വകാര്യ ബാങ്കിന്റെ കാഞ്ഞാണി ശാഖയിൽ നിന്നും പിതാവ് വിനയൻ 8 ലക്ഷം രൂപ വായ്പയെടുത്തിരുന്നു. ഇതിൽ പലിശയും മുതലും സഹിതം 874000 രൂപ തിരിച്ചടച്ചിരുന്നു. ഇടക്ക് കോവിഡ് കാലത്ത് തിരിച്ചടവ് മുടങ്ങി കുടിശ്ശികയായി. ബാക്കിയുള്ള ആറ് ലക്ഷം രൂപ അടക്കാൻ ബാങ്ക് ആവശ്യപ്പെട്ട അവധി കഴിഞ്ഞിരുന്നു. തുടർന്ന് ഇന്ന് വീട് ഒഴിഞ്ഞ് താക്കോൽ കൈമാറണമെന്ന് ബാങ്ക് അധികൃതർ ഭീഷണിപ്പെടുത്തിയിരുന്നത്രെ.
വീട്ടുകാർ സാധനങ്ങല്ലാം ഒതുക്കി ബന്ധു വീട്ടിലേക്ക് മാറാൻ തയാറെടുക്കുന്നതിനിടെയാണ് യുവാവ് വീട്ടിനുള്ളിൽ ആത്മഹത്യ ചെയ്തത്. ബാങ്ക് അധികൃതരുടെ നടപടിയിൽ മനം നൊന്താണ് മരിച്ചതെന്ന് ബന്ധുക്കൾ പറഞ്ഞു. ബാങ്ക് അധികൃതരുടെ നടപടിക്കെതിരെ ആക്ഷൻ കൗൺസിൽ രൂപവത്കരിക്കുമെന്നും കുടുംബത്തിന് നീതി കിട്ടും വരെ സമരം നടത്തുമെന്നും വാർഡംഗം ടോണി അത്താണിക്കൽ പറഞ്ഞു. നിര്‍ധന കുടുംബമായ ഇവർ ബാങ്കിനോട് സാവകാശം ആവശ്യപ്പെട്ടെങ്കിലും നല്‍കിയില്ലെന്നും നിരന്തരം ഭീഷണിപ്പെടുത്തിയെന്നും ടോണി ആരോപിച്ചു.

ജപ്തി ചെയ്യാൻ അധികൃതർ വരുന്ന ദിവസം യുവാവ് വീട്ടിനുള്ളിൽ തൂങ്ങിമരിച്ചു

കൊഴിഞ്ഞാമ്പാറ: മൊബൈല്‍ഫോണും ഒളിക്യാമറയും ഉപയോഗിച്ച് ശൗചാലയത്തില്‍നിന്ന് പ്രായപൂര്‍ത്തിയാവാത്ത പെണ്‍കുട്ടികളുടെ ചിത്രമെടുത്ത് സാമൂഹികമാധ്യമങ്ങള്‍വഴി പ്രചരിപ്പിച്ച കേസില്‍ യുവാവ് അറസ്റ്റില്‍. കഞ്ചിക്കോട് ചുള്ളിമട കന്നുകുടിയാര്‍ ഹൗസ് ഡി. ആരോഗ്യസ്വാമിയെ (28) ആണ് കൊഴിഞ്ഞാമ്പാറ പോലീസ് അറസ്റ്റ് ചെയ്തത്.
കഞ്ചിക്കോട്ടുള്ള വീടും സ്ഥലവും വിറ്റ് ഒരുവര്‍ഷത്തോളമായി പഴണിയാര്‍പാളയത്താണ് ഇയാള്‍ താമസിക്കുന്നത്. പെണ്‍കുട്ടികളുടെ നഗ്‌നചിത്രങ്ങളും വീഡിയോകളും ഒളിഞ്ഞിരുന്ന് പകര്‍ത്തിയശേഷം സാമൂഹികമാധ്യമങ്ങളില്‍ പ്രചരിപ്പിക്കുകയായിരുന്നു. പിന്നീട് വ്യാജ ഫോണ്‍നമ്പറുകള്‍ ഉപയോഗിച്ച് രാത്രിയില്‍ പെണ്‍കുട്ടികളെ ഫോണില്‍ വീഡിയോകോള്‍ ചെയ്ത് നഗ്‌നത പ്രദര്‍ശിപ്പിക്കാന്‍ ആവശ്യപ്പെട്ടതായും പോലീസ് പറഞ്ഞു.
പെണ്‍കുട്ടിയുടെയും രക്ഷിതാക്കളുടെയും പരാതിയിലാണ് പോലീസ് കേസെടുത്തത്. ശാസ്ത്രീയമായ തെളിവുകള്‍ ശേഖരിച്ച ശേഷമാണ് അറസ്റ്റ് ചെയ്തത്. ഐ.ടി. നിയമം, പോക്‌സോ നിയമം, സ്ത്രീകള്‍ക്ക് എതിരെയുള്ള അതിക്രമം തടയല്‍ നിയമം തുടങ്ങിയവ പ്രകാരമാണ് അറസ്റ്റ്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു. ചിത്രങ്ങള്‍ പ്രചരിപ്പിക്കാന്‍ ഉപയോഗിച്ച ഫോണ്‍, വ്യാജ ഐ.ഡി.കള്‍ തുടങ്ങിയവ പോലീസ് കണ്ടെടുത്തു.
സാമൂഹികമാധ്യമങ്ങള്‍ വഴി ഇയാള്‍ ഒട്ടേറെപ്പേര്‍ക്ക് അശ്ലീല സന്ദേശം അയച്ചതായും പോലീസ് പറഞ്ഞു. സി.ഐ. വി. ജയപ്രകാശ്, എസ്.ഐ. ബി. പ്രമോദ്. എ.എസ്.ഐ. എന്‍. സൈറാബാനു, സീനിയര്‍ സിവില്‍പോലീസ് ഓഫീസര്‍മാരയ എന്‍. സുമതി, സി. രവീഷ്, സിവില്‍പോലീസ് ഓഫീസര്‍മാരായ പി. ഋഷികേശ്, എം. സനല്‍ എന്നിവരടങ്ങുന്ന സംഘമാണ് പ്രതിയെ പിടികൂടിയത്.

പ്രായപൂര്‍ത്തിയാകാത്ത പെണ്‍കുട്ടികളുടെ നഗ്നചിത്രങ്ങള്‍ സാമൂഹികമാധ്യമങ്ങള്‍വഴി പ്രചരിപ്പിച്ച യുവാവ് അറസ്റ്റില്‍

കരിമ്പിൻ ജ്യൂസിൽ നിന്നും ഉണ്ടാക്കുന്ന ശർക്കര പോഷകഗുണങ്ങളാൽ സമ്പന്നമാണ്. ഇരുമ്പ്, കാത്സ്യം, പൊട്ടാസ്യം തുടങ്ങിയവ അടങ്ങിയ ശർക്കരയ്ക്ക് ആരോഗ്യഗുണങ്ങൾ ഏറെയുണ്ട്.
∙ഗ്ലൈസെമിക് ഇൻഡക്സ്
പഞ്ചസാരയെ അപേക്ഷിച്ച് ശര്‍ക്കരയ്ക്ക് ഗ്ലൈസെമിക് ഇൻഡക്സ് കുറവാണ്. രക്തത്തിലെ പഞ്ചസാരയുടെ അളവ് അതുകൊണ്ടു തന്നെ സാവധാനത്തിലേ ഉയരുകയുള്ളൂ. പ്രമേഹരോഗികൾക്കും രക്തത്തിലെ പഞ്ചസാരയുടെ അളവ് നിയന്ത്രിക്കാനും ആരോഗ്യകരമായ ഒരു ചോയ്സ് ആണ്.&nbsp;
∙ഇരുമ്പ് 
ഇരുമ്പിന്റെ അഭാവം സ്ത്രീകളിൽ പ്രത്യേകിച്ചും കണ്ടുവരാറുണ്ട്. ഇരുമ്പിന്റെ ഒരു സ്വാഭാവിക ഉറവിടമാണ് ശർക്കര. വിളർച്ച തടയാൻ ശർക്കര സഹായിക്കും. ഹീമോഗ്ലോബിന്റെ അളവ് മെച്ചപ്പെടുത്താൻ ശർക്കര പതിവായി ഉപയോഗിക്കുന്നതിലൂടെ സാധിക്കും.&nbsp;
∙ദഹനത്തിന്
ദഹനപ്രശ്നങ്ങൾ ഉള്ളവർക്ക് ശർക്കര നല്ലൊരു ഔഷധമാണ്. ബവൽമൂവ്മെന്റ് മെച്ചപ്പെടുത്തി മലബന്ധം തടയാൻ സഹായിക്കുന്നു. ശർക്കരയിലടങ്ങിയ നാരുകൾ ദഹനവ്യവസ്ഥയെ ആരോഗ്യമുള്ളതാക്കുന്നു.&nbsp;
∙ശ്വസനം
ആസ്ത്മ, ബ്രോങ്കൈറ്റിസ് തുടങ്ങിയ ശ്വസനപ്രശ്നങ്ങളില്‍ നിന്ന് ആശ്വാസമേകാൻ ശർക്കര സഹായിക്കും. ശർക്കരയിൽ ഇഞ്ചിയോ എള്ളോ ചേർത്ത് കഴിക്കുന്നത് ശ്വസനപ്രശ്നങ്ങൾ അകറ്റി ശ്വാസകോശത്തിന്റെ ആരോഗ്യം മെച്ചപ്പെടുത്തും.&nbsp;
∙കരളിന്റെ ആരോഗ്യം
ശരീരത്തിൽ നിന്ന് വിഷാംശങ്ങളെ നീക്കി കരളിനെ ഡീടോക്സിഫൈ ചെയ്യാൻ ശർക്കര സഹായിക്കുന്നു. ശർക്കരയുടെ ക്ലെൻസിങ് ഗുണങ്ങൾ കരളിന്റെ ആരോഗ്യം മെച്ചപ്പെടുത്തുന്നു.&nbsp;
∙ആന്റി ഓക്സിഡന്റുകൾ
ശർക്കരയിലടങ്ങിയ ആന്റി ഓക്സിഡന്റുകൾ ഓക്സീകരണ സമ്മർദ്ദത്തെ പ്രതിരോധിക്കുന്നു. ഫ്രീറാഡിക്കലുകളെ തുരത്തി ഗുരുതര രോഗങ്ങൾക്കുള്ള സാധ്യത കുറയ്ക്കുന്നു. കോശങ്ങളുടെ ആരോഗ്യം മെച്ചപ്പെടുത്തുന്നു.&nbsp;
∙പ്രതിരോധശക്തി 
വൈറ്റമിനുകളും ധാതുക്കളും അടങ്ങിയിട്ടുള്ള ശർക്കര പതിവായി ഉപയോഗിക്കുന്നത് രോഗപ്രതിരോധ ശക്തി വർധിപ്പിക്കും. രോഗങ്ങളെയും അണുബാധയെയും അകറ്റാൻ സഹായിക്കും.&nbsp;
∙ആർത്തവകാല ആരോഗ്യം
ആർത്തവസമയത്തെ ക്ഷീണവും തളർച്ചയും അകറ്റാനും ആർത്തവ സമയത്തെ അസ്വസ്ഥതകൾ അകറ്റാനും ശർക്കര സഹായിക്കും. ഹോര്‍മോൺ സന്തുലനം നിലനിർത്താനും ശർക്കരയ്ക്ക് കഴിവുണ്ട്. ആർത്തവകാല ആരോഗ്യം ഇതുവഴി മെച്ചപ്പെടുത്തുകയും ചെയ്യും.&nbsp;
∙ഊർജദായകം
അന്നജത്തിന്റെ സ്വാഭാവിക ഉറവിടമാണ് ശർക്കര. ഊർജനില മെച്ചപ്പെടുത്തുന്ന ശാരീരിക പ്രവർത്തനങ്ങളിൽ ഏർപ്പെടുന്നവർക്ക് ശർക്കര പെട്ടെന്ന് ഊർജമേകുന്ന ഒന്നാണ്.&nbsp;
∙പോഷകങ്ങൾ
കരിമ്പിൽ ജ്യൂസിൽ നിന്ന് മൊളാസസും ക്രിസ്റ്റലും വേർപെടുത്താത്ത ഒരു ഉൽപന്നമാണ് ശർക്കര. അയൺ, മഗ്നീഷ്യം, പൊട്ടാസ്യം, വിറ്റമിനുകൾ എന്നിവ ശർക്കരയിലുണ്ട്. ഈ പോഷകങ്ങൾ സൗഖ്യമേകുന്നതോടൊപ്പം രക്തചംക്രമണം മെച്ചപ്പെടുത്തുന്നു. എല്ലുകൾക്ക് ആരോഗ്യമേകുന്നു.

ദഹനത്തിനും ശ്വസനത്തിനും ഉത്തമം, പ്രതിരോധശക്തി കൂട്ടും; അറിയാം ശർക്കരയുടെ ആരോഗ്യഗുണങ്ങൾ

Health

മുംബൈ: നടിയും മോഡലുമായ പൂനം പാണ്ഡേ (32) അന്തരിച്ചു. സെര്‍വിക്കല്‍ കാന്‍സറിനെ തുടര്‍ന്നായിരുന്നു അന്ത്യമെന്ന് പൂനത്തിന്റെ ഔദ്യോഗിക അക്കൗണ്ടില്‍ പോസ്റ്റ് ചെയ്ത ഇന്‍സ്റ്റഗ്രാം പോസ്റ്റില്‍ പറയുന്നു. ''ഞങ്ങള്‍ ഓരോരുത്തര്‍ക്കും ഈ പ്രഭാതം വേദനാജനകമാണ്. നമ്മുടെ പ്രിയപ്പെട്ട പൂനം സെര്‍വിക്കല്‍ കാന്‍സറിനു കീഴടങ്ങിയെന്ന വിവരം ദുഖത്തോടെ പങ്കുവയ്ക്കുന്നു. പൂനവുമായി ഒരിക്കലെങ്കിലും സംസാരിച്ചവര്‍ക്ക് അവരുടെ സ്‌നേഹവും കരുതലും എന്താണെന്ന് അറിയാം.''- എന്ന കുറിപ്പോടെയാണ് മരണവാര്‍ത്ത പങ്കുവച്ചിരിക്കുന്നത്.
വ്യാഴാഴ്ച രാത്രി ഉത്തര്‍പ്രദേശിലെ വസതിയിലായിരുന്നു അന്ത്യമെന്നും നടിയുടെ മനേജര്‍ മരണവാര്‍ത്ത സ്ഥിരീകരിച്ചുവെന്നും ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. ഉത്തര്‍പ്രദേശിലെ കാണ്‍പൂരിലാണ് പൂനം ജനിച്ചത്. ശോഭനാഥ് പാണ്ഡേ, വിദ്യാ പാണ്ഡേ എന്നിവരാണ് മാതാപിതാക്കള്‍. മോഡലിങ്ങിലൂടെയാണ് പൂനം സിനിമയിലെത്തിയത്. 2010ല്‍ നടന്ന ഗ്ലാഡ്രാഗ്‌സ് മാന്‍ഹണ്ട് ആന്‍ഡ് മെഗാമോഡല്‍ മത്സരത്തിലെ ആദ്യ ഒന്‍പതു സ്ഥാനങ്ങളിലൊന്നില്‍ ഇടംനേടിയതോടെ ഫാഷന്‍ മാസികയുടെ മുഖചിത്രമായി. 2013 ല്‍ പുറത്തിറങ്ങിയ നഷ എന്ന ഹിന്ദി ചിത്രത്തിലൂടെയായിരുന്നു അരങ്ങേറ്റം. ലൗ ഈസ് പോയിസണ്‍, അദാലത്ത്, മാലിനി ആന്റ് കോ, ആ ഗയാ ഹീറോ, ദ ജേണി ഓഫ് കര്‍മ തുടങ്ങി കന്നട, ഹിന്ദി, തെലുഗ് ഭാഷകളിലായി പത്തോളം സിനിമകളില്‍ അഭിനയിച്ചിട്ടുണ്ട്.
സമൂഹമാധ്യമങ്ങളിലെ വിവാദങ്ങളിലൂടെയാണ് പൂനം പ്രശസ്ത നേടുന്നത്. 2011-ലെ ക്രിക്കറ്റ് ലോകകപ്പ് ഇന്ത്യന്‍ ടീം സ്വന്തമാക്കുകയാണെങ്കില്‍ നഗ്‌നയായി പ്രത്യക്ഷപ്പെടുമെന്ന് ഇവര്‍ പ്രഖ്യാപിച്ചിരുന്നു. ഇന്ത്യ ലോകകപ്പ് നേടിയെങ്കിലും പൊതുജനങ്ങളില്‍ നിന്നും ബി.സി.സി.ഐ.യില്‍ നിന്നുമുണ്ടായ എതിര്‍പ്പിനെത്തുടര്‍ന്ന് പൂനം പാണ്ഡെയ്ക്കു വാക്കുപാലിക്കാന്‍ കഴിഞ്ഞില്ല. 2012-ലെ ഐ.പി.എല്‍. 5-ആം പതിപ്പില്‍ കൊല്‍ക്കത്ത നൈറ്റ് റൈഡേഴ്‌സ് വിജയികളായപ്പോള്‍ പൂനം പാണ്ഡെ തന്റെ നഗ്‌നചിത്രങ്ങള്‍ പോസ്റ്റുചെയ്തിരുന്നു.

പ്രശസ്ത മോഡലും നടിയുമായ പൂനം പാണ്ഡേ അന്തരിച്ചു

റാന്നി: സ്‌കൂളില്‍ കളിക്കുന്നതിനെ വീണ് കൈയ്ക്ക് പരിക്കേറ്റ് സ്വകാര്യ ആശുപത്രിയില്‍ ചികിത്സ തേടിയ വിദ്യാര്‍ഥി മരിച്ചു. അയിരൂര്‍ പ്ലാങ്കമണ്‍ തേക്കുങ്കല്‍ മൈലാടുംപാറ വിജയന്റെയും ഷേര്‍ളിയുടെയും മകന്‍ ആരോണ്‍ വി. വര്‍ഗീസ് (6) ആണ് മരിച്ചത്. പ്ലാങ്കമണ്‍ സര്‍ക്കാര്‍ എല്‍.പി. സ്‌കൂള്‍ വിദ്യാര്‍ഥിയാണ് ആരോണ്‍. വ്യാഴാഴ്ച വൈകിട്ടാണ് ആരോണിനെ റാന്നിയിലെ സ്വകാര്യ ആശുപത്രിയില്‍ പ്രവേശിപ്പിച്ചത്. ചികിത്സയില്‍ കഴിയവെ ആരോണിന് ശാരീരിക ബുദ്ധിമുട്ടുകള്‍ അനുഭവപ്പെട്ടു.
ഇതിനെ തുടര്‍ന്ന് രാത്രി 10 മണിയോടെ കോഴഞ്ചേരിയിലെ സ്വകാര്യ ആശുപത്രിയില്‍ എത്തിച്ചപ്പോഴേക്കും മരിച്ചു. റാന്നിയിലെ സ്വകാര്യ ആശുപത്രിയില്‍ പറ്റിയ ചികിത്സാപിഴവാണ് മരണകാരണമെന്ന് ബന്ധുക്കള്‍ ആരോപിച്ചു. റാന്നി പോലീസ് അസ്വഭാവിക മരണത്തിന് കേസെടുത്ത് അന്വേഷണം ആരംഭിച്ചു.

സ്കൂളിൽ നിന്ന് വീണ് കൈയ്ക്ക് പരിക്കേറ്റ് ചികിത്സയിലായിരുന്ന കുട്ടി മരിച്ചു; പോലീസ് കേസ്

മാഹി: മുഴപ്പിലങ്ങാട് – മാഹി ബൈപാസിലെ കാവുംഭാഗം കൊളശ്ശേരിയില്‍ സ്ഥാപിക്കുന്ന ടോള്‍ പ്ലാസയുടെ പ്രവൃത്തി പൂർത്തിയായി. ഇലക്‌ട്രോണിക് സംവിധാനമുള്ള ഗെയിറ്റുകളാണ് ഇവിടെ പണിതിരിക്കുന്നത്. ആറു ഇരുമ്പു തൂണുകളില്‍ ഷീറ്റ് പാകിയാണ് മേല്‍ക്കൂര പണിതിട്ടുള്ളത്. താല്‍കാലികമായിട്ടാണ് ഈ ടോള്‍ പ്ലാസ. നിർദിഷ്ട തിരുവനന്തപുരം-കാസർകോട് പാത യാഥാർഥ്യമാകുമ്പോള്‍ ഈ ടോള്‍ പ്രവർത്തനം നിർത്തുമെന്നാണ് സൂചന. ഇതിന്റെ ഇരുവശങ്ങളിലുമായി 80 ലൈറ്റുകള്‍ പ്രകാശിപ്പിച്ചു കഴിഞ്ഞു. ഈ ബൈപാസില്‍ മറ്റു ഭാഗങ്ങളെല്ലാം ഇരുട്ടിലാണ്.
ബൈപാസില്‍ തെരുവ് വിളക്കുകള്‍ നാട്ടുവാൻ ദേശീയ പാത അതോറിറ്റി ഇതുവരെ ടെൻഡർ നല്‍കിയിട്ടില്ല. ഇരുട്ടായതിനാല്‍ ഈ റോഡില്‍ തെരുവു നായകള്‍ തമ്പടിച്ചതിനാല്‍ ഇത് വഴിയുള്ള കാല്‍നടയാത്ര ദുഷ്കരമാണ്. പാതയിലെ പെരിങ്ങാടി സിഗ്‌നല്‍ ലൈറ്റുകളും ടോള്‍ പ്ലാസയിലെ ലൈറ്റുകളും കെല്‍ട്രോണ്‍ കമ്പനിയാണ് നിർവഹിച്ചത്.

മുഴപ്പിലങ്ങാട്-മാഹി ബൈപാസ് ടോള്‍ പ്ലാസ നിർമ്മാണം പൂർത്തിയായി

Mahe

കൂരാച്ചുണ്ട് : പഞ്ചായത്തിലെ എരപ്പാംതോട് താമസിക്കുന്ന ഇതരസംസ്ഥാന തൊഴിലാളിയുടെ ഭാര്യയെയും മക്കളെയും കാണാതായതായി പരാതി. പൂജ വീട്ടിൽ മധുഷെട്ടിയുടെ ഭാര്യ സ്വപ്ന (31), മക്കളായ പൂജശ്രീ (13), കാവ്യശ്രീ (12), സ്വപ്നയുടെ സഹോദരിയുടെ മക്കളായ ഭാരതി (18), തേജ് (17) എന്നിവരെയാണ് ജനുവരി 19 മുതൽ കാണാനില്ലെന്ന് മധുഷെട്ടി കൂരാച്ചുണ്ട് പോലീസിൽ പരാതി നൽകിയത്.
കർണാടക സ്വദേശികളായ ഇവർ വർഷങ്ങളായി കോഴിക്കോട് ജില്ലയിലാണ് താമസം. മംഗലാപുരംവരെ ഇവരുടെ മൊബൈൽ ഫോൺ ലൊക്കേഷൻ പോലീസിന് ലഭിച്ചിട്ടുണ്ട്. അതിനുശേഷം സൂചനകളൊന്നുമില്ല.

യുവതിയെയും നാല് കുട്ടികളെയും കാണാതായതായി പരാതി

Perambra

കൊയിലാണ്ടി : പൊയിൽക്കാവ് ദുർഗാദേവി ക്ഷേത്രത്തിലെ ഭണ്ഡാരം കുത്തിത്തുറന്ന് പണം മോഷ്ടിച്ചു. നോട്ടുകളെടുത്ത് നാണയങ്ങൾ ഉപേക്ഷിച്ച നിലയിലാണ്. നവരാത്രി കാലത്തിനുശേഷം ഭണ്ഡാരം തുറന്നിട്ടില്ല. കൊയിലാണ്ടി പോലീസ് അന്വേഷണം തുടങ്ങി. സമീപത്തെ സി.സി.ടി.വി. ദൃശ്യങ്ങൾ ശേഖരിച്ചിട്ടുണ്ട്.

പൊയിൽക്കാവ് ക്ഷേത്രത്തിലെ ഭണ്ഡാരം കുത്തിത്തുറന്ന് കവർച്ച

Koyilandy

പാലക്കാട്: കയറുന്നതിനിടെ കാൽവഴുതി പ്ലാറ്റ്ഫോമിനും തീവണ്ടിക്കും ഇടയിലേക്ക് വീണ വയോധികയുടെ ഇരുകാലുകളും അറ്റു. അഗളി സ്വദേശി മേരിക്കുട്ടി (62) യുടെ കാലുകളാണ് മുറിഞ്ഞുപോയത്. പാലക്കാട് ജങ്ഷൻ റെയിൽവേ സ്റ്റേഷനിൽ വ്യാഴാഴ്ച രാത്രി 9.25-നായിരുന്നു സംഭവം.
ഗുരുതരമായി പരിക്കേറ്റ മേരിക്കുട്ടിയെ ആദ്യം പാലക്കാട് ജില്ലാ ആശുപത്രിയിൽ പ്രവേശിപ്പിച്ചെങ്കിലും പിന്നീട് കോഴിക്കോട്ടെ സ്വകാര്യ ആശുപത്രിയിലേക്ക് മാറ്റുകയായിരുന്നു. മകന്റെ കുട്ടിയുടെ ചികിത്സാ ആവശ്യത്തിനുവേണ്ടി, മകനും ബന്ധുവിനുമൊപ്പം തിരുവനന്തപുരത്തേക്ക് പോകാനായി പാലക്കാട് ജങ്ഷൻ റെയിൽവേ സ്റ്റേഷനിലെത്തിയതായിരുന്നു മേരിക്കുട്ടി. അമൃതാ എക്സ്പ്രസിലാണ് യാത്രചെയ്യാനിരുന്നത്.
ട്രെയിൻ പ്ലാറ്റ്ഫോമിലെത്തിയതോടെ മകൻ ആദ്യം തീവണ്ടിയിൽ കയറി. പിന്നാലെ, പ്ലാറ്റ്ഫോമിൽനിൽക്കുകയായിരുന്ന മേരിക്കുട്ടിയെ തീവണ്ടിയിൽ കയറ്റാൻ ശ്രമിക്കുന്നതിനിടെ ട്രെയിൻ നീങ്ങിതുടങ്ങുകയായിരുന്നു. ഇതോടെ മേരിക്കുട്ടി കാൽവഴുതി പ്ലാറ്റ്ഫോമിനും തീവണ്ടിക്കും ഇടയിലേക്ക് വീണു.

തീവണ്ടിയിൽ കയറുന്നതിനിടെ വീണ് വയോധികയുടെ ഇരുകാലുകളും അറ്റു

വടകര : മാഹി റെയിൽവേ സ്റ്റേഷൻ പരിസരത്തുനിന്ന്‌ 20 കുപ്പി മാഹി മദ്യവുമായി പശ്ചിമ ബംഗാൾ സ്വദേശിയെ വടകര എക്സൈസ് സർക്കിൾ ഓഫീസിലെ പ്രിവന്റീവ് ഓഫീസർ സി.കെ. ജയപ്രസാദും സംഘവും പിടികൂടി.
മെദനിപുർ ജില്ലയിൽ ബരാത്തല വില്ലേജിൽ കെജുരി പോലീസ് സ്റ്റേഷൻ പരിധിയിൽ പാൻകായ് ദേശത്ത് രാംകുമാർ അരി (35) യെയാണ് അറസ്റ്റ് ചെയ്തത്. ബാഗിൽ കടത്തുകയായിരുന്നു മദ്യം.

മാഹി റെയിൽവേ സ്റ്റേഷൻ പരിസരത്ത് 20 കുപ്പി മദ്യവുമായി അറസ്റ്റിൽ

വയനാട്: ബന്ദിപ്പുർ വനമേഖലയിൽ കാട്ടാനയുടെ ആക്രമണത്തില്‍ നിന്ന് യാത്രക്കാര്‍ അത്ഭുതകരമായി രക്ഷപ്പെട്ടു. വനപാതയിലൂടെയുള്ള യാത്രക്കിടെ റോഡിലിറങ്ങിയ രണ്ട് ആന്ധ്രാ സ്വദേശികളെയാണ് ആന ഓടിച്ചത്. ഇതിനിടെ നിലത്തുവീണ ഒരാളെ ആന ചവിട്ടിയെങ്കിലും ഇയാൾ തലനാഴിരയ്ക്ക് രക്ഷപ്പെടുകയായിരുന്നു. വയനാട് മൈസൂര്‍ ദേശീയപാതയില്‍ ബന്ദിപ്പുർ വനമേഖലയിൽ ബുധനാഴ്ചയായായിരുന്നു സംഭവം. തലപ്പുഴ സ്വദേശി സവാദ് പകര്‍ത്തിയ സംഭവത്തിന്റെ ദൃശ്യങ്ങള്‍ വ്യാപകമായി പ്രചരിക്കുന്നുണ്ട്.
വന്യജീവി സങ്കേതത്തിലൂടെ കടന്നുപോകുന്ന റോഡുകളില്‍ വാഹനം പാര്‍ക്ക് ചെയ്യാനോ വാതിൽ തുറക്കാനോ പാടില്ലെന്ന കര്‍ശന നിര്‍ദേശമുണ്ട്. ഇത് പാലിക്കാതെ റോഡിലിറങ്ങി ഫോട്ടോയെടുക്കാനും മറ്റും ശ്രമിച്ച രണ്ടുപേരെയാണ് ആന ഓടിച്ചത്. വയനാട് അതിര്‍ത്തിയിലുള്ള കര്‍ണാടകയിലെയും തമിഴ്‌നാട്ടിലെയും വന്യജീവി സങ്കേതങ്ങളില്‍ വനംവകുപ്പ് ഇത്തരം കാര്യങ്ങളില്‍ കര്‍ശനമായ നടപടി എടുക്കാറുണ്ട്.

ഫോട്ടോയെടുക്കാൻ റോഡിലിറങ്ങി, പിന്നാലെ പാഞ്ഞ് ആന; യാത്രക്കാർ രക്ഷപ്പെട്ടത് തലനാരിഴയ്ക്ക്‌

വണ്ണപ്പുറം: മീനുളിയാന്‍ പാറയ്ക്ക് സമീപം തട്ടേകണ്ണിയില്‍ കുരുമുളക് പറിക്കുന്നതിനിടെ കര്‍ഷകന്‍ മരത്തില്‍ നിന്ന് വീണ് മരിച്ചു. വണ്ണപ്പുറം ഓടിയപാറ തൊട്ടിയില്‍ തങ്കപ്പന്‍(75)ആണ് മരിച്ചത്. വ്യാഴാഴ്ച ഉച്ചയ്ക്ക് 12.30-നായിരുന്നു അപകടമുണ്ടായത്. ഭാര്യ സരസമ്മ. മക്കള്‍ :സജീവന്‍, സാബു, സന്തോഷ്.&nbsp;

കുരുമുളക് പറിക്കുന്നതിനിടെ മരത്തില്‍നിന്ന് വീണ് കര്‍ഷകന്‍ മരിച്ചു

വടകര: മുന്‍ നഗരസഭ കൗണ്‍സിലര്‍ പി.അബ്ദുല്‍ കരിം (52) നിര്യാതനായി. മുനിസിപ്പല്‍ മുസ്ലീം ലീഗ് സിക്രട്ടറി ,ശൈഖ് മസ്ജിദ് മഹല്ല് കമ്മിറ്റി സിക്രട്ടറി, മനാറുല്‍ ഇസ്ലാം സഭാ കോര്‍പ്പറേറ്റ് സ്‌കൂള്‍ മാനേജിങ്ങ് കമ്മിറ്റി മെമ്പര്‍ എന്നീ നിലകളില്‍ പ്രവര്‍ത്തിച്ചിരുന്നു. മൂന്ന് തവണ പാണ്ടികശാല വാര്‍ഡിനെ പ്രതിനിധീകരിച്ച് മുനിസിപ്പല്‍ കൗണ്‍സിലറായി. ഭാര്യ: സൂബൈദ (ചാലിക്കര). പിതാവ്: പരേതനായ മൊയ്തു. മാതാവ്: പരേതനായ കുഞ്ഞയിശ. സഹോദരങ്ങള്‍: റഫീഖ്, മജീദ്, റയീസ്, തഫ്‌സീര്‍. എം.യു.എം  ഹൈസ്‌ക്കൂളില്‍ പൊതു ദര്‍ശ്ശനത്തിന് വെച്ച മൃതദേഹത്തിന് അന്ത്യോപചാരമര്‍പ്പിക്കാന്‍ സമൂഹത്തിന്റെ നാനാതുറകളിലുള്ളവര്‍ എത്തി. തുടര്‍ന്ന് ശൈഖ് പള്ളി ഖബറിസ്ഥാനില്‍ ഖബറടക്കി.

വടകര മുന്‍ നഗരസഭ കൗണ്‍സിലര്‍ പി അബ്ദുല്‍ കരിം നിര്യാതനായി

Obitury

മാനന്തവാടി: വയനാട്ടില്‍ വീണ്ടും ജനവാസ മേഖലയില്‍ കാട്ടാനയിറങ്ങി. മാനന്തവാടി നഗരത്തില്‍ നിന്ന് 3 കിലോമീറ്റര്‍ അകലെയുള്ള പായോടാണ് റേഡിയോ കോളര്‍ ഘടിപ്പിച്ച ഒറ്റയാന്‍ ഇറങ്ങിയത്.
കര്‍ണാടക വനമേഖലയില്‍ നിന്നെത്തിയ ആനയാണെന്നാണ് പ്രാഥമിക നിഗമനം. വനം ജീവനക്കാരും പോലീസും സ്ഥലത്തെത്തി. ആനയിറങ്ങിയ പശ്ചാത്തലത്തില്‍ ജനങ്ങള്‍ക്ക് ജാഗ്രതാ നിര്‍ദ്ദേശം നല്‍കിയിട്ടുണ്ട്.സ്ഥലത്ത് 144 പ്രഖ്യാപിച്ചിട്ടുണ്ട്.

മാനന്തവാടിയില്‍ ഒറ്റയാനിറങ്ങി; ജാഗ്രതാ നിര്‍ദ്ദേശം

ബെംഗളൂരു: സംശയരോഗിയായ ഭർത്താവ് ഭാര്യയെ 12 വർഷം വീട്ടിലെ മുറിയിൽ പൂട്ടിയിട്ടു. വിവരമറിഞ്ഞെത്തിയ പോലീസ് വീട് പരിശോധിച്ച് യുവതിയെ മോചിപ്പിച്ചു. മൈസൂരുവിലെ ഹിരെഗെ ഗ്രാമത്തിലാണ് സംഭവം. ഭർത്താവിനെ പോലീസ് അറസ്റ്റുചെയ്തു.
ഹിരഗെ സ്വദേശി സന്നലയ്യയാണ് അറസ്റ്റിലായത്. ഇയാളുടെ ഭാര്യ സുമയെയാണ് പോലീസ് മോചിപ്പിച്ചത്.സന്നലയ്യയുടെ മൂന്നാമത്തെ ഭാര്യയാണ് സുമയെന്ന് പോലീസ് പറഞ്ഞു. ഇയാളുടെ പീഡനം സഹിക്കാനാകാതെ ആദ്യ രണ്ടു ഭാര്യമാരും ഇയാളെ വിട്ടുപോയിരുന്നു. തുടർന്നാണ് സുമയെ വിവാഹംചെയ്തത്.&nbsp;
വിവാഹദിവസം മുതൽ ഇയാൾ സുമയുടെ സ്വഭാവത്തിൽ സംശയം പ്രകടിപ്പിച്ചു. ഒരാഴ്ചയ്ക്കുശേഷം മുറിയിൽനിന്ന് പുറത്തുകടക്കുന്നതിൽ വിലക്കേർപ്പെടുത്തി. ദമ്പതിമാർക്ക് രണ്ട് കുട്ടികളുണ്ട്. ഭർത്താവ് പുറത്തുപോകുമ്പോൾ മുറി പൂട്ടുകയായിരുന്നു പതിവ്.&nbsp;
ഭർത്താവില്ലാത്തപ്പോൾ കുട്ടികളുമായി ഇടപഴകാനും സമ്മതിച്ചിരുന്നില്ലെന്ന് സുമ പോലീസിനോട് പറഞ്ഞു. സുമയുടെ ദുരിതമറിഞ്ഞ അമ്മ ഇക്കാര്യം പ്രദേശത്തെ ചില നേതാക്കളുടെ ശ്രദ്ധയിൽപ്പെടുത്തിയിട്ടും ഫലമുണ്ടായില്ല. ഒരു ബന്ധുവാണ് പോലീസിനെ വിവരമറിയിച്ചത്.

ഭർത്താവ് ഭാര്യയെ 12 വർഷം വീട്ടിൽ പൂട്ടിയിട്ടു;  മോചിപ്പിച്ച് പോലീസ്

തൃശൂർ: കൊടുങ്ങല്ലൂരിൽ പൊലീസുകാരനെ വീട്ടിൽ തൂങ്ങിമരിച്ച നിലയിൽ കണ്ടെത്തി. കൺട്രോൾ റൂം എസ്ഐ റാങ്കിലുള്ള ഡ്രൈവർ എൽത്തുരുത്ത് സ്വദേശി അപ്പുഴി രാജു (50) ആണ് മരിച്ചത്.&nbsp;
വൈകിട്ട് ഏഴുമണിയോടെ വീട്ടിനുള്ളിൽ തൂങ്ങിമരിച്ച നിലയിലാണ് കണ്ടെത്തിയത്. കഴിഞ്ഞ കുറച്ചുനാളായി ഇദ്ദേഹം വിഷാദരോഗത്തിലായിരുന്നു എന്ന് ബന്ധുക്കൾ പറഞ്ഞു.

പൊലീസുകാരൻ വീട്ടിൽ തൂങ്ങിമരിച്ച നിലയിൽ

ഷാർജ: മലയാളികളായ അഞ്ചംഗ കുടുംബം സഞ്ചരിച്ച വാഹനം ഷാർജയിൽ അപകടത്തിൽപ്പെട്ട്​ രണ്ട്​ പേർ മരിച്ചു. മൂന്ന്​ പേർക്ക്​ പരിക്ക്​. തിരുവനന്തപുരം സ്വദേശികളായ ആര്യനാട്​ പാങ്ങോട്​ പരൻതോട്​ സനോജ്​ മൻസിലിൽ എസ്​.എൻ സനോജ്​ (37), പരപ്പാറ തോളിക്കോട്​ ജസ്ന മൻസിലിൽ ജസീം സുലൈമാൻ (31) എന്നിവരാണ്​ മരിച്ചത്​. ജസീമിന്‍റെ ഭാര്യ ഷിഫ്​ന ഷീന അബ്​ദുൽ നസീർ, മക്കളായ ഇഷ ഫാത്തിമ, ആദം എന്നിവർക്കാണ്​ പരിക്കേറ്റത്​. ഇവരെ ഷാർജയിലെ അൽ ദൈത്​ ആശുപത്രിയിൽ പ്രവേശിപ്പിച്ചിരിക്കുകയാണ്​. ആരുടെയും പരിക്ക്​ ഗുരുതരമല്ലെന്നാണ്​ വിവരം.
ഷാർജയിലെ അൽ ദൈതിൽ ചൊവ്വാഴ്ച അർധരാത്രിയാണ്​ അപകടം. പുതുവത്സര ദിനത്തിൽ യാത്രപോയി തിരികെ വരുന്നതിനിടെ അൽദൈതിൽ വെച്ച്​ റോഡിൽ യുടേൺ എടുക്കുന്നതിനിടെ എതിരെ വന്ന വാഹനം ഇടിക്കുകയായിരുന്നുവെന്നാണ്​ സൂചന. അജ്​മാനിലെ ഡ്രീം യൂനിഫോം എന്ന സ്ഥാപനത്തിൽ ജീവനക്കരനാണ്​ മരിച്ച ജസീം. ഇദ്ദേഹത്തിന്‍റെ പിതാവിന്‍റെ സഹോദരി പുത്രിയുടെ ഭർത്താവാണ്​ ഷനോജ്​. ഇരുവരുടെയും മൃതദേഹങ്ങൾ അജ്​മാൻ ഖലീഫ ആശുപത്രിയിൽ സൂക്ഷിച്ചിരിക്കുകയാണ്​.
സെയ്​ദ്​ മുഹമ്മദ്​ ഷാജഹാനാണ്​ സനോജിന്‍റെ പിതാവ്​. മാതാവ്​: നൂർജഹാൻ, ഭാര്യ: എൻ.എസ്​ ശബ്​ന സനോജ്​. മക്കൾ: മുഹമ്മദ്​ സയാൻ, സാദിയ ഫർഹത്​, സമീഹ ഫാത്തിമ, സിഹാൻ. ജസീം സുലൈമാന്‍റെ പിതാവ്​ സുലൈമാൻ. മാതാവ്​: റസിയ, ഭാര്യ: ഷിഫ്​ന ഷീന അബ്​ദുൽ നസീർ. മക്കൾ: ഇഷ ഫാത്തിമ, ആദം.

&nbsp;

ഷാർജയിൽ വാഹനാപകടം: രണ്ട്​ മലയാളികൾ മരിച്ചു

Gulf

തിരുവനന്തപുരം: ധനുവച്ചപുരം റെയിൽവേ സ്റ്റേഷനിൽ ട്രെയിനിൽ നിന്നും ഇറങ്ങവേ കാൽ വഴുതി വീട്ടമ്മയ്ക്ക് ദാരുണാന്ത്യം. ധനുവച്ചപുരം നെടിയാംകോട് സ്വദേശിയായ വനജകുമാരിയാണ് (66) കാൽ വഴുതി ട്രെയിനിടിയിൽപ്പെട്ട് മരിച്ചത്. തിരുവനന്തപുരം - നാഗർകോവിൽ പാസഞ്ചർ ട്രെയിനിൽനിന്ന് ഇറങ്ങുന്നതിനിടെയാണ് അപകടം. തിരുവനന്തപുരത്തുനിന്ന് ധനുവച്ചപുരത്തേക്ക് വരികയായിരുന്നു വനജകുമാരി. ധനവച്ചപുരത്ത് ട്രെയിനിൽ വന്നിറങ്ങിയപ്പോഴാണ് കാൽവഴുതി പാളത്തിലേക്ക് പതിച്ചത്.

&nbsp;

ട്രെയിനിൽ നിന്നും ഇറങ്ങവേ കാൽ വഴുതി വീണ് വീട്ടമ്മയ്ക്ക് ദാരുണാന്ത്യം

കണ്ണൂര്‍: സംസ്ഥാനത്ത് യുഡിഎഫ് ഭരിക്കുന്ന ഏക കോർപ്പറേഷനായ കണ്ണൂരിൽ ഇനി മുസ്ലിം ലീഗ് മേയർ . കോൺഗ്രസ് ലീഗ് ധാരണ നടപ്പായതോടെ നിലവിലെ മേയർ ടി.ഒ മോഹനൻ രാജിവച്ചു. അടുത്ത രണ്ട് വർഷം ലീഗിനാണ് മേയർ പദവി. മൂന്ന് വർഷം ഭരിച്ചൊടുവിൽ പുതുവർഷത്തിലാണ് ടി.ഒ.മോഹനൻ കസേരയൊഴിഞ്ഞത്. കണ്ണൂർ യുഡിഎഫിൽ തർക്കങ്ങൾക്ക് വഴിയിട്ട മേയര്‍ പദവിയിൽ ഇനി ലീഗിന്‍റെ ഊഴമായിരിക്കും. രണ്ടര വർഷം വീതം വെപ്പിന് കോൺഗ്രസ് വഴങ്ങാതിരുന്നതോടെ തുടക്കത്തിൽ ലീഗ് ഇടഞ്ഞെങ്കിലും സംസ്ഥാന തലത്തിൽ ചർച്ച നടത്തിയാണ് പരിഹാര ഫോർമുലയായിരുന്നത്. അതേസമയം, ആരാകും മേയറെന്ന് ലീഗ് തീരുമാനിച്ചിട്ടില്ല.
മുസ്‍ലിഹ് മഠത്തിലിനാണ് സാധ്യത കൂടുതൽ. പുതിയ മേയറുടെ തെരഞ്ഞെടുപ്പ് നടക്കാൻ മൂന്നാഴ്ച കഴിയും. അതുവരെ ഡെപ്യൂട്ടി മേയർ ഷബീനയ്ക്കാണ് ചുമതല. മഞ്ചപ്പാലം മലിനജല ശുദ്ധീകരണ പ്ലാന്‍റ്, ഖരമാലിന്യ ശേഖരണ പദ്ധതി,സ്റ്റേഡിയം നവീകരണം തുടങ്ങിയ നേട്ടങ്ങളായി അവതരിപ്പിച്ചാണ് ടി.ഒ. മോഹനന്‍റെ പടിയിറക്കം. നവകേരള സദസ്സിന് ഫണ്ട് നൽകില്ലെന്ന് പ്രഖ്യാപിച്ചും പരാതികൾ വഴിതെറ്റി നൽകിയതിൽ ആക്ഷേപമുന്നയിച്ചും യുഡിഎഫിന്‍റെ ഏക മേയർ വാർത്തകളിൽ നിറഞ്ഞിരുന്നു. വൻ ഭൂരിപക്ഷത്തിൽ ഭരണത്തുടർച്ച നേടിയെങ്കിലും വിമതനായ പി.കെ. രാഗേഷ് അവകാശവാദമുന്നയിച്ചതോടെ നീണ്ട ചർച്ചകൾക്കൊടുവിലാണ് ടി.ഒ. മോഹനൻ മേയറായത്. അതേ രാഗേഷുമായി കഴിഞ്ഞ ദിവസം പൊതുവേദിയിൽ പരസ്യമായി തർക്കിച്ച സംഭവവും ഉണ്ടായിരുന്നു. മേയറായുളള മോഹനന്‍റെ അവസാന കൗൺസിൽ യോഗത്തിൽ നിന്ന് പി.കെ. രാഗേഷ് ഇറങ്ങിയപ്പോൾ യുഡിഎഫ് അംഗങ്ങൾ കൂകി വിളിക്കുകയും ചെയ്തു.

യുഡിഎഫ് ഭരിക്കുന്ന ഏക കോർപ്പറേഷനായ കണ്ണൂരിലെ മേയർ ടി ഒ മോഹനന്‍ രാജിവച്ചു; അടുത്ത രണ്ടു വർഷം ലീഗിന്

Kannur

കണ്ണൂര്‍; ഗവ.ഐ ടി ഐയില്‍ ഇലക്ട്രോണിക്സ് മെക്കാനിക്ക് ട്രേഡില്‍ ഗസ്റ്റ് ഇന്‍സ്ട്രക്ടറുടെ ഒഴിവുണ്ട്. ഇലക്ട്രോണിക്സ്/ ഇലക്ട്രോണിക്സ് ആന്റ് ടെലികമ്മ്യൂണിക്കേഷന്‍/ ഇലക്ട്രോണിക്സ് ആന്റ് കമ്മ്യൂണിക്കേഷന്‍ എഞ്ചിനീയറിങ് ഡിഗ്രി/ ഡിപ്ലോമയും ഒന്ന്/ രണ്ട് വര്‍ഷത്തെ പ്രവൃത്തി പരിചയവും അല്ലെങ്കില്‍ ബന്ധപ്പെട്ട ട്രേഡിലെ എന്‍ ടി സി/ എന്‍ എ സിയും മൂന്ന് വര്‍ഷത്തെ പ്രവൃത്തി പരിചയവുമാണ് യോഗ്യത. യോഗ്യരായ പട്ടികജാതി വിഭാഗത്തിലെ മുന്‍ഗണനാ വിഭാഗത്തില്‍പെട്ട ഉദ്യോഗാര്‍ഥികള്‍ ജനുവരി നാലിന് രാവിലെ 10.30ന് വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ അസ്സലും പകര്‍പ്പും സഹിതം കൂടിക്കാഴ്ചക്ക് പ്രിന്‍സിപ്പല്‍ മുമ്പാകെ ഹാജരാകണം. പട്ടികജാതി വിഭാഗത്തിലെ മുന്‍ഗണനാ വിഭാഗത്തില്‍പെട്ട ഉദ്യോഗാര്‍ഥികളുടെ അഭാവത്തില്‍ പട്ടികജാതി വിഭാഗത്തിലെ മുന്‍ഗണന ഇല്ലാത്തവരെ പരിഗണിക്കും. മുന്‍ഗണന വിഭാഗത്തിലുള്ളവര്‍ അത് തെളിയിക്കുന്ന അസ്സല്‍ സര്‍ട്ടിഫിക്കറ്റ് ഹാജരാക്കണം. ഫോണ്‍: 0497 2835183.

ഗസ്റ്റ് ഇന്‍സ്ട്രക്ടര്‍ ഒഴിവ്

വടകര: മണിയൂർ ഗവൺമെൻ്റ് ഹയർസെക്കൻഡറി സ്കൂളിലെ എൻ എസ് എസ് സപ്തദിന ക്യാമ്പ് ചോറോട് ഗവൺമെൻ്റ് ഹയർസെക്കൻഡറി സ്കൂളിൽ സമാപിച്ചു. ക്യാമ്പിൻ്റെ ഭാഗമായി സ്കൂളിൻ്റെ ഗേറ്റിന് മുൻവശത്തായി പുറമ്പോക്ക് സ്ഥലം വളണ്ടിയർമാർ ചേർന്ന് ശുചീകരിച്ച് സ്നേഹാരാമം ഒരുക്കി. സമാപന ദിവസം ഇത് നാടിന് സമർപ്പിച്ചു. മണിയൂർ ഹൈ സ്ക്കൂൾ എൻ എസ് എസ് പ്രോഗ്രാം ഓഫീസർ സബിതയുടെ നേതൃതത്തിൽ അധ്യാപകർ, പി ടി എ പ്രതിനിധികൾ, വളണ്ടിയർമാർ, നാട്ടുകാർ എല്ലാം ചേർന്ന കൂട്ടായ പരിശ്രമത്തിൻ്റെ ഭാഗമായി ഒരുക്കിയ പൂന്തോട്ടം മനോഹരമായ കാഴ്ചയായി. ക്യാമ്പിന്റെ ഭാഗമായി സ്കൂളിന്റെ പരിസരത്തെ വീടുകളിൽ പരിസര ശുചിത്വബോധവൽക്കരണം, തുണി സഞ്ചി വിതരണം, വയോജനങ്ങളെ ആദരിക്കൽ , പോൾ ആപ് പരിചയപ്പെടുത്തൽ തുടങ്ങി വ്യത്യസ്ത മായ പരിപാടികൾ സംഘടിപ്പിച്ചു.

സ്നേഹാരാമം നാടിന് സമർപ്പിച്ചു

വടകര: മുഴുവൻ ആശുപത്രികളിലും എല്ലാ വിഭാഗത്തിലുമുള്ള ചികിത്സയും മെഡിസെപ്പ് പദ്ധതിയിൽ ഉൾപ്പെടുത്തണമെന്നും പെൻഷൻ പരിഷ്കരണ നടപടികൾ ആരംഭിക്കണമെന്നും കേരള സ്റ്റേറ്റ് സർവീസ് പെൻഷനേഴ്സ് യൂനിയൻ (കെ.എസ്.എസ്.പി.യു) മേപ്പയിൽ യൂനിറ്റ് വാർഷിക സമ്മേളനം പ്രമേയത്തിലൂടെ ആവശ്യപ്പെട്ടു. വാർഡ് കൗൺസിലർ ടി.വി. ഹരിദാസൻ ഉദ്ഘാടനം ചെയ്തു. യൂനിറ്റ് പ്രസിഡന്റ് എൻ.കെ. ധനഞ്ജയൻ അധ്യക്ഷത വഹിച്ചു. ജില്ല ജോ. സെക്രട്ടറി അശോകൻ കൊടക്കാട് സംഘടന റിപ്പോർട്ടും യൂനിറ്റ് സെക്രട്ടറി പി ബാലകൃഷ്ണൻ പ്രവർത്തന റിപ്പോർട്ടും അവതരിപ്പിച്ചു. ബ്ലോക്ക് സെക്രട്ടറി കെ.വി ശശിധരൻ, പി.കെ സതീശൻ, ബാലകൃഷ്ണൻ കാനപ്പള്ളി, കെ. രവീന്ദ്രൻ, സി.കെ. മോഹനൻ, എം പ്രശാന്ത്, പി.കെ ബാലൻ, വി വസന്ത , പി.കെ രാമചന്ദ്രൻ എന്നിവർ സംസാരിച്ചു. ഭാരവാഹികൾ: എൻ.കെ ധനഞ്ജയൻ (പ്രസിഡന്റ്), പി.കെ രാമചന്ദ്രൻ, എ ബാലൻ, കെ.എം പ്രമീള (വൈസ് പ്രസിഡന്റ്), പി ബാലകൃഷ്ണൻ (സെക്രട്ടറി), കെ രവീന്ദ്രൻ, എം പ്രശാന്ത്, സി ചന്ദ്രൻ (ജോ. സെക്രട്ടറി), സി.കെ മോഹനൻ( ട്രഷറർ).

എല്ലാ വിഭാഗത്തിലുമുള്ള ചികിത്സയും മെഡിസെപ്പ് പദ്ധതിയിൽ ഉൾപ്പെടുത്തണം; കെ.എസ്.എസ്.പി.യു

മേപ്പയിൽ: കുട്ടോത്ത് ഹരിശ്രീ റസിഡന്റ്സ് അസോസിയേഷന്റെ പുതുവത്സരാഘോഷ ചടങ്ങിൽ ജനനയന പെയ്ൻ &amp; പാലിയേറ്റിവ് സൊസൈറ്റിക്ക് കിടപ്പു രോഗികൾക്ക് ആവശ്യമായ കട്ടിലും കിടക്കയും വിതരണം ചെയ്തു. വില്യാപ്പള്ളി ഗ്രാമ പഞ്ചായത്ത് പ്രസിഡന്റ് കെ.കെ.ബിജുളയും, ജനനയന കമ്മറ്റി അംഗങ്ങളും ചേർന്ന് ഇവ ഏറ്റുവാങ്ങി. അസോസിയേഷൻ സെക്രട്ടറി സുരേഷ് ബാബു സ്വാഗതം പറഞ്ഞു. പ്രസിഡന്റ് മോഹനൻ അധ്യക്ഷത വഹിച്ചു. ആശംസകൾ നേർന്നുകൊണ്ട് ടി കെ വത്സകുമാർ, നാണു പ്രയാഗ, രാഗേഷ് പുറ്റാറത്ത്, സുരേന്ദ്രനാഥ്, ജയന്തി, ദുർഗ്ഗേഷ് എന്നിവർ സംസാരിച്ചു.

ജനനയന പാലിയേറ്റീവിന് ഹരിശ്രീ റസിഡൻസ് അസോസിയേഷന്റെ കൈത്താങ്ങ്

വടകര: മേമുണ്ട ഹയർ സെക്കന്ററി സ്കൂൾ എൻ എസ് എസ് യൂണിറ്റ് വട്ടോളി മൃഗാശുപത്രിക്ക് മുൻവശം മാലിന്യ കൂമ്പാരമായ ഒരു പൊതു ഇടം കഠിന പ്രയത്നം ചെയ്ത് ചുരുങ്ങിയ സമയം കൊണ്ട് ഇത്രയും മനോഹരമായ ഒരു വയോജനപാർക്ക് ആക്കി മാറ്റി. സായാഹ്നങ്ങളിൽ അവർക്ക് ഇരുന്ന് നാട്ടുവിശേഷങ്ങൾ പറയാൻ ഉപയോഗശൂന്യമായി കിടന്ന മരത്തടികൾ ഉപയോഗിച്ച് ഇരിപ്പിടം തീർത്തു. ചെടികൾ, മുള എന്നിവ കൊണ്ട് അലങ്കരിച്ചു. പൊതുമൂത്രപ്പുരയുടെ പിൻവശം ചിത്രം വരച്ചു മനോഹരമാക്കി. കല്ലുകൾ ഉപയോഗിച്ച് അതിരുകൾ തിരിച്ചു മുകളിൽ പഴമയുടെ രീതിയിൽ മണ്ണും ചാണകവും മെഴുകി. ടാങ്കിൽ നിന്നും അധികമായി ഒഴുകുന്ന വെള്ളം കിളികൾക്ക് കുടിവെള്ളമായി ഒരുക്കി. അറിവുകൾ പകർന്നു കൊണ്ടും മറ്റു സഹായങ്ങൾ ചെയ്തു തന്നും ചന്ദ്രൻ, വാർഡ് മെമ്പർ സജിത, മറ്റു നാട്ടുകാർ എന്നിവർ വളന്റിയർമാർക്ക് പിന്തുണ നൽകി. സ്നേഹാരാമം വാർഡ് മെമ്പർ സി പി സജിത ഉദ്ഘാടനം ചെയ്ത് നാടിനു സമർപ്പിച്ചു.

മാലിന്യ കൂമ്പാരമായ ഇടം സ്നേഹാരാമമാക്കി എൻ എസ് എസ്

Nadapuram

വടകര: വർഷങ്ങളായി തകർന്ന്കിടക്കുകയായിരുന്ന ഒന്തംപറമ്പ് എരോത്ത് അംഗനവാടി റോഡ് പൂർണ്ണമായും പുതിയ രീതിയിൽ ടാർ ചെയ്ത് പുതുവത്സര ദിനത്തിൽ നാടിന് സമർപ്പിച്ചു. ഏറാമല ഗ്രാമ പഞ്ചായത്ത് പതിനാലാം വാർഡ് മെമ്പറും ഗ്രാമപഞ്ചായത്ത് വൈസ്പ്രസിഡണ്ടുമായ ഷുഹൈബ് കുന്നത്താണ് റോഡ് നവീകരണത്തിനായി പ്രവർത്തനം നടത്തിയത്. പഞ്ചായത്ത് പ്രസിഡണ്ട് ടി.പി മിനിക റോഡ് ഉൽഘാടനം ചെയ്തു. ഷുഹൈബ് കുന്നത്ത് അധ്യക്ഷത വഹിച്ചു. അയൽകൂട്ടം കൺവീനർ ദാസൻ വേക്കോട്ട് സ്വാഗതം പറഞ്ഞു. പി.കെ ഹൈദ്രോസ് തങ്ങൾ, കോമത്ത് വിജയൻ, പി.ദാമു, വിനോദൻ പുനത്തിൽ, വി.ഒ.കെ രമണി, പുഷ്പ, വി.പി കുഞ്ഞബ്ദുള്ള, ശ്രീധരൻ നമ്പ്യാർ കോമത്ത്, വിമല.കെ, രമ.കെ.കെ, ഹംസ വി.പി തുടങ്ങിയവർ സംസാരിച്ചു.

പുതുവത്സര സമ്മാനമായി റോഡ് നാടിന് സമർപ്പിച്ചു

വടകര: വില്ല്യാപ്പള്ളി എം.ജെ. വൊക്കേഷണൽ ഹയർ സെക്കൻഡറി സ്കൂൾ നാഷണൽ സർവീസ് സ്കീം യൂണിറ്റിന്റെ സപ്തദിന സഹവാസ ക്യാമ്പ് കാർത്തികപ്പള്ളി നമ്പർ 1 യുപി സ്കൂളിൽ സമാപിച്ചു. പിടിഎ പ്രസിഡണ്ട് വിജയൻ ചാത്തോത്തിന്റെ അധ്യക്ഷതയിൽ ചേർന്ന സമാപന സമ്മേളനം ഏറാമല ഗ്രാമ പഞ്ചായത്ത് പ്രസിഡന്റ് മിനിക ടി.പി. ഉദ്ഘാടനം ചെയ്തു. റാഷിദ് പനോളി സ്വാഗത പ്രഭാഷണം നടത്തി. ടി.കെ.അബ്ദുൾ അസീസ്, നാസർ എടച്ചേരി, എം കെ. മനോജൻ , ഗോപാലക്കുറുപ്പ്, വാർഡ് മെമ്പർ എൻ എം ബിജു, അജിത് കുമാർ എൻ.കെ, ജോഷി , അജയൻ, അൻസീർ പനോളി, രാമത്ത് ഫൈസൽ, ആനന്ദ് കുമാർ. പി , രാജൻ ചന്ദ്രങ്കിയിൽ , നവാസ് സി.കെ, ഷിബു. പി.എം. എന്നിവർ ആശംസകൾ അർപ്പിച്ചു. പ്രോഗ്രാം ഓഫീസർ നുസൈബ സി, വളണ്ടിയർ ലീഡർ ദേവ്ന ബി. അനീഷ് എന്നിവർ മറുപടി പ്രഭാഷണം നടത്തി.&nbsp;&nbsp;&nbsp;
ഡിസംബർ 26 മുതൽ കാർത്തികപ്പള്ളി നമ്പർ 1 യു.പി.സ്കുളിൽ നടന്ന ക്യാമ്പിൽ ലഹരി വിരുദ്ധ പ്രചാരണ പ്രവർത്തനങ്ങൾ, കാലവസ്ഥ വ്യതിയാന ബോധവൽക്കരണ പ്രവർത്തനങ്ങൾ, അടിയന്തര രക്ഷാ പ്രവർത്തന പരിശീലനം, വയോജന പരിപാലന പരിശീലനം, സ്ത്രീധന നിരോധന പ്രചാരണ പ്രവർത്തനങ്ങൾക്കായി ഗൃഹസന്ദർശനം എന്നിവ സംഘടിപ്പിച്ചു. ജനുവരി 1 ന് വില്യാപ്പള്ളി പഞ്ചായത്ത് ബഡ്‌സ് സ്കൂൾ വിദ്യാർത്ഥികൾക്കൊപ്പമുള്ള പുതു വർഷ ആഘോഷത്തോടെ ക്യാമ്പ് സമാപിച്ചു.

സപ്തദിന സഹവാസ ക്യാമ്പ് സമാപിച്ചു

ആയഞ്ചേരി: ആയഞ്ചേരി പഞ്ചായത്തിലെ മംഗലാട് 13-ാം വാർഡിലെ മിനി എം.സി.എഫ്. സമൂഹവിരുദ്ധർ കത്തിച്ചതായി പരാതി. ഹരിതകർമസേന ശേഖരിച്ച്‌ സൂക്ഷിച്ച പ്ലാസ്റ്റിക്കുകളാണ് കത്തിയമർന്നത്. വാർഡിലെ മാലിന്യവിഷയങ്ങൾക്ക് പരിഹാരംകാണാൻ ശ്രമിക്കുന്നതിനിടയിൽ നടക്കുന്ന ഇത്തരം കൃത്യങ്ങൾ അംഗീകരിക്കാനാവില്ലെന്ന് വാർഡ് മെമ്പർ എ. സുരേന്ദ്രൻ പറഞ്ഞു. സമൂഹവിരുദ്ധരുടെ അഴിഞ്ഞാട്ടത്തിന് ശക്തമായ നടപടികൾ സ്വീകരിക്കുമെന്ന് പ്രസിഡന്റ് കാട്ടിൽ മൊയ്തു പറഞ്ഞു.
വടകര എസ്.ഐ. കെ. മനോജ് കുമാർ, എസ്.പി.ഒ. പി. സജു തുടങ്ങിയവർ സ്ഥലപരിശോധന നടത്തി. പ്രദേശത്തെ സി.സി.ടി.വി. ക്യാമറകൾ പരിശോധിച്ച് ഉചിതമായ നടപടി സ്വീകരിക്കുമെന്ന് പോലീസ് അറിയിച്ചു. നാരായണൻ കുളങ്ങരത്ത്, ഹരിതകർമസേനാ അംഗങ്ങളായ മാലതി ഒന്തമ്മൽ, നിഷ നുപ്പറ്റവാതുക്കൽ, മലയിൽ ബാലകൃഷ്ണൻ, കുന്നിൽ പവിത്രൻ, എള്ളോടി പ്രകാശൻ തുടങ്ങിയവർ സ്ഥലം സന്ദർശിച്ചു.

മംഗലാട്ട് മിനി എം.സി.എഫ് സമൂഹവിരുദ്ധർ കത്തിച്ചതായി പരാതി

ചോമ്പാല: നന്മ റസിഡൻസ് അസോസിയേഷൻ ചോമ്പാല ടെലിഫോൺ എക്സ്ചേഞ്ചിന് സമീപത്ത് വച്ച് ആറാം വാർഷികവും പുതുവത്സര ആഘോഷവും സംഘടിപ്പിച്ചു. മുൻ പബ്ലിക് പ്രോസിക്യൂട്ടറായ അഡ്വ: കെ.പി ബിനിഷ പരിപാടി ഉദ്ഘാടനം ചെയ്തു. നന്മയുടെ പ്രസിഡൻറ് സുശോഭ് അധ്യക്ഷനായി. സെക്രട്ടറി ദേവരാജൻ സ്വാഗതവും എക്സിക്യൂട്ടീവ് കമ്മിറ്റി അംഗം പ്രശാന്തൻ നന്ദിയും പറഞ്ഞു. ചടങ്ങിൽ റസിഡൻസ് അസോസിയേഷനിൽപെട്ട സംസ്ഥാന കരാട്ടെ ചാമ്പ്യൻഷിപ്പിൽ മൂന്നാം സ്ഥാനം കരസ്ഥമാക്കിയ ആർഘ്യ. എസ്സിനെയും പത്ത് വയസ്സിനകം 4000ത്തിലധികം ചിത്രങ്ങൾ വരച്ച അത്ഭുത പ്രതിഭ ഹെർഷെൽ ദീപ്തെയെയും ഗൈനക്കോളജി വിഭാഗത്തിൽ എം ഡി കരസ്ഥമാക്കിയ ഡോ ജിനാൻ മുഹമ്മദിനെയും ആദരിച്ചു. തുടർന്ന് റസിഡൻസിയിലെ കുട്ടികളും മുതിർന്നവരും ചേർന്നൊരുക്കിയ കരോക്കെ ഗാനമേളയും നൃത്തനൃത്യങ്ങളും അരങ്ങേറി. രാത്രി 12 മണിക്ക് മനോഹരമായ വെടിക്കെട്ടും ന്യൂഇയർ കേക്ക് മുറിയുമുണ്ടായി.

നന്മ റസിഡൻസ് അസോസിയേഷൻ ആറാം വാർഷികവും പുതുവത്സര ആഘോഷപരിപാടികളും

വടകര: ഒഞ്ചിയം ഗവൺമെൻറ് യുപി സ്കൂളിൽ നടന്ന ബി.ഇ.എം ഹയർസെക്കൻഡറി സ്കൂൾ എൻ.എസ്.എസ് യൂണിറ്റിന്റെ സപ്തദിന സഹവാസ ക്യാമ്പിന്റെ ഭാഗമായി ഒരുക്കിയ സ്നേഹാരാമം ഒഞ്ചിയം ഗ്രാമപഞ്ചായത്തിന് കൈമാറി. ഒഞ്ചിയം ക്രാഷ് റോഡിലെ മത്സ്യ കുളത്തിനോട് ചേർന്ന് കാടു പിടിച്ചു കിടന്ന സ്ഥലത്താണ് എൻ.എസ്.എസ് വളണ്ടിയർമാർ ചെടികൾ നട്ടുപിടിപ്പിച്ച് ആരാമം ഒരുക്കിയത്. സ്നേഹാരാമം സമർപ്പണം വടകര എം.എൽ.എ കെ.കെ രമ ഉദ്ഘാടനം ചെയ്തു. പഞ്ചായത്ത് പ്രസിഡണ്ട് ശ്രീജിത്ത്.പി അധ്യക്ഷത വഹിച്ചു. പ്രോഗ്രാം ഓഫീസർ ജുബില.ഇ.പി, പഞ്ചായത്ത്സെകട്ടറി രജുലാൽ , അസിസ്റ്റന്റ്‌ സെക്രട്ടറി ശ്രീലത, പഞ്ചായത്ത് മെമ്പർ ജൗഹർ , പ്രമോദ് എം.എൻ, ഭാസ്ക്കരൻ, ശ്രീജിത്ത്.ടി.എൻ എന്നിവർ സംസാരിച്ചു.

പേരാമ്പ്ര: പേരാമ്പ്രയിൽ സ്വകാര്യ ബസ് ബൈക്കിലിടിച്ച് വിദ്യാർഥി മരിച്ചു. ബൈക്ക് യാത്രികൻ മുളിയങ്ങൾ ചെക്യലത്ത് ഷാദിൽ ആണ് മരിച്ചത്.&nbsp;
ഉച്ചയ്ക്ക് രണ്ട് മണിയോടെ പേരാമ്പ്ര സെൻ്റ് ഫ്രാൻസിസ് പള്ളിക്ക് സമീപമാണ് അപകടമുണ്ടായത്. പേരാമ്പ്ര ഡിഗ്നിറ്റി കോളജിലെ രണ്ടാം വർഷ വിദ്യാർഥിയായ ഷാദിൽ പരീക്ഷ കഴിഞ്ഞ് വീട്ടിലേക്ക് മടങ്ങുമ്പോഴാണ് അപകടമുണ്ടായത്. അമിത വേഗതയിലെത്തിയ സ്വകാര്യ ബസ് ബൈക്കിലിടിക്കുകയായിരുന്നു.
നാട്ടുകാർ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. അപകടത്തിനു പിന്നാലെ, പ്രദേശത്ത് മരണപ്പാച്ചിൽ നടത്തുവെന്നാരോപിച്ച് നാട്ടുകാർ സ്വകാര്യ ബസുകൾ തടഞ്ഞു.

പേരാമ്പ്രയിൽ സ്വകാര്യ ബസ് ബൈക്കിലിടിച്ച് വിദ്യാർഥി മരിച്ചു

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ആയഞ്ചേരി വള്ള്യാട് സ്വദേശി പി സാബിര്‍ (26) ആണ് മരിച്ചത്.
സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. ഇരുവര്‍ക്കുമൊപ്പം മറ്റൊരു യുവാവ് കൂടി വിനോദയാത്ര സംഘത്തിലുണ്ടായിരുന്നെങ്കിലും ഇദ്ദേഹം കുത്തേല്‍ക്കാതെ രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്.
കടന്നൽ കൂടിന് കല്ലെറിഞ്ഞപ്പോൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.

ഊട്ടിയിലേക്ക് വിനോദയാത്രപോയ ആയഞ്ചേരി സ്വദേശിയായ യുവാവ് കടന്നൽ കുത്തേറ്റ് മരിച്ചു

ഊട്ടിയിലേക്ക് വിനോദയാത്രപോയ ആയഞ്ചേരി സ്വദേശി കടന്നൽ കുത്തേറ്റ് മരിച്ചു

കൊയിലാണ്ടി: കൊല്ലം പിഷാരികാവ് ക്ഷേത്രകാളിയാട്ട മഹോത്സവത്തിന്റെ ഭാഗമായി ഏപ്രില്‍ 5,6, തിയ്യതികളില്‍ സുരക്ഷശക്തമാക്കുന്നതിനോടൊപ്പം ദേശീയപാതയില്‍ വാഹനക്രമീകരണവും ഏര്‍പെടുത്താന്‍ അധികൃതര്‍ തീരുമാനിച്ചു. റൂറല്‍ എസ്പി കെ.ഇ.ബൈജുവിന്റെ നിര്‍ദ്ദേശാനുസരണം വടകര ഡിവൈഎസ്പി ഹരിപ്രസാദ്, കൊയിലാണ്ടി സിഐ ശ്രീലാല്‍ ചന്ദ്രശേഖരന്‍ എന്നിവരുടെ നേതൃത്വത്തിലായിരിക്കും ക്രമീകരണങ്ങള്‍.
ക്ഷേത്ര പരിസരങ്ങളിലും മറ്റും സിസിടിവി. ക്യാമറകള്‍ സജ്ജീകരിച്ച് നിരീക്ഷണം ശക്തമാക്കും. റുറല്‍ജില്ലയിലെ വിവിധ സ്റ്റേഷനുകളില്‍ നിന്നായി 300 ഓളം പോലീസുകാരാണ് ഡ്യൂട്ടിയില്‍ ഉണ്ടാവുക. മഫ്ടി, വനിതാ, പിങ്ക് പോലീസ് നിരീക്ഷണവുംഡ്രോണ്‍ നിരീക്ഷണവും രണ്ടുദിവസങ്ങളിലും ഉണ്ടാവുമെന്ന് പോലീസ് അറിയിച്ചു.ഏപ്രില്‍ 5 ന് വലിയവിളക്ക് ദിവസം ദേശീയപാതയില്‍ കാലത്ത് 10 മുതല്‍ രാത്രി 10 വരെ കോഴിക്കോട് ഭാഗത്ത് നിന്ന് വരുന്ന വലിയ വാഹനങള്‍. പാവങ്ങാട് അത്തോളി, ഉള്ളിയേരി പേരാമ്പ്ര വഴി പയ്യോളിയില്‍ കയറണം. ചെറിയ വാഹനങ്ങള്‍ ചെങ്ങോട്ടുകാവ് ബൈപ്പാസ് വഴി മൂടാടി ഹൈവേയില്‍ പ്രവേശിക്കണം. വടകര ഭാഗത്തു നിന്നു വരുന്ന വലിയ വാഹനങ്ങള്‍ പയ്യോളി, പേരാമ്പ്ര, ഉള്ളിയേരി, അത്തോളി പാവങ്ങാട് വഴി പോകണം, ചെറിയ വാഹനങ്ങള്‍ മൂടാടിയില്‍ നിന്നും ബൈപ്പാസില്‍പ്രവേശിച്ച് ചെങ്ങോട്ടുകാവില്‍ കയറണം. വടകരയില്‍ നിന്നും കൊയിലാണ്ടിയിലേക്ക് വരുന്ന ലൈന്‍ ബസുകള്‍ കൊല്ലം ചിറക്കു സമീപം നിര്‍ത്തി തിരിച്ച് പോകണം. കൊയിലാണ്ടി ഭാഗത്തു നിന്നുള്ള ബസുകള്‍ കൊല്ലം പെട്രാള്‍ പമ്പില്‍ നിര്‍ത്തി തിരിച്ച് പോകണം. ഏപ്രില്‍ ആറിന് പകല്‍ രണ്ട് മുതല്‍ രാത്രി 10 വരെ നേരത്തെയുള്ള രീതിയിലാണ് ട്രാഫിക്ക് ക്രമീകരിച്ചതെന്ന് പോലീസ് അധികൃതര്‍ അറിയിച്ചു.

പിഷാരികാവ് ഉത്സവം: 5,6 തിയ്യതികളില്‍ ഗതാഗതക്രമീകരണവും വന്‍ സുരക്ഷ

പിഷാരികാവ് ഉത്സവം: 5,6 തിയ്യതികളില്‍ ഗതാഗതക്രമീകരണവും വന്‍ സുരക്ഷയും

ന്യൂ ഡല്‍ഹി : വളയത്ത് നിന്ന് കാണാതായ യുവതിയേയും മക്കളെയും കണ്ടെത്തി. നിസാമുദീനില്‍ നിന്നാണ് മൂവരെയും കണ്ടെത്തിയത്. മൂന്നു പേരും ഡല്‍ഹിയില്‍ എത്തിയതായി പോലീസിന് വിവരം ലഭിച്ചിരുന്നു. നിസാമുദീന്‍ റെയില്‍വേ സ്റ്റേഷന് സമീപത്തെ എടിഎമ്മില്‍ നിന്നു പണം പിന്‍വലിച്ചതായും അന്വേഷണസംഘം കണ്ടെത്തിയിരുന്നു. ഇതിന്റെ അടിസ്ഥാനത്തില്‍ ഡല്‍ഹിയിലെത്തിയ യുവതിയുടെ ഭര്‍ത്താവും സഹോദരനും നടത്തിയ പരിശോധനയിലാണ് നിസാമുദീന്‍ബസ് സ്റ്റാന്റില്‍ നിന്ന് ഇവരെ കണ്ടെത്തിയത്.
കഴിഞ്ഞ മാസം 28 നാണ് യുവതിയെയും മക്കളെയും കാണാതാവുന്നത്. ഇവര്‍ സഞ്ചരിച്ച സ്‌കൂട്ടര്‍ വടകര റെയില്‍വേ സ്റ്റേഷനില്‍ ഉപേക്ഷിച്ച നിലയില്‍ പോലീസ് കണ്ടെത്തുകയുണ്ടായി. യുവതി ട്രെയിന്‍ ടിക്കറ്റ് എടുത്തുവെന്ന വിവരത്തെ തുടര്‍ന്നു ഇതരസംസ്ഥങ്ങളിലേക്ക് കൂടി പോലീസ് അന്വേഷണം വ്യാപിച്ചിരുന്നു. ഡല്‍ഹിയില്‍ നിന്ന് ഇവരെയും കൂട്ടി ബന്ധുക്കള്‍ നാട്ടിലേക്ക് തിരിച്ചിട്ടുണ്ട്. വളയം സ്റ്റേഷനില്‍ എത്തിച്ച ശേഷം നാദാപുരം മജിസ്‌ട്രേട്ട് കോടതിയില്‍ ഹാജരാക്കും.

വളയത്ത് നിന്ന് കാണാതായ യുവതിയേയും മക്കളെയും കണ്ടെത്തി

നാദാപുരം : പെരുന്നാളാഘോഷത്തിന്റെ മറവിൽ പൊതുസ്ഥലത്തുവെച്ച് പടക്കംപൊട്ടിച്ച കേസിൽ രണ്ടുസ്ഥലത്തായി 65 ആളുടെ പേരിൽ പോലീസ് കേസെടുത്തു. വാണിമേൽ ഭൂമിവാതുക്കൽ ടൗണിൽ 50 ആളുടെപേരിലും കല്ലാച്ചി ടൗണിൽ 15 ആളുടെ പേരിലുമാണ് കേസെടുത്തത്. വാണിമേൽ കുളപ്പറമ്പ്, ഭൂമിവാതുക്കൽ എന്നിവിടങ്ങളിലാണ് പടക്കംപൊട്ടിച്ചത്. കുളപ്പറമ്പിൽ പോലീസ് ഒട്ടേറെത്തവണ വിലക്കിയെങ്കിലും പടക്കംപൊട്ടിക്കുന്നത് തുടർന്നു. തിരക്കേറിയ കല്ലാച്ചി-നാദാപുരം റോഡിൽവെച്ച് പടക്കംപൊട്ടിച്ചതുമൂലം ഏറെസമയം ഗതാഗതം തടസ്സപ്പെട്ടു. പോലീസ് സ്ഥലത്തെത്തിയതോടെയാണ് പടക്കംപൊട്ടിക്കുന്ന സംഘം പിൻവാങ്ങിയത്. കുളപ്പറമ്പിൽ പടക്കംപൊട്ടിക്കുന്ന രംഗങ്ങൾ പോലീസുതന്നെ മൊബൈലിൽ ചിത്രീകരിച്ചിരുന്നു. കല്ലാച്ചിയിൽ പടക്കംപൊട്ടിക്കുന്ന രംഗങ്ങൾ സാമൂഹികമാധ്യമങ്ങളിൽ വ്യാപകമായി പ്രചരിക്കുന്നുണ്ട്.
പെരുന്നാളാഘോഷത്തിന്റെ മറവിൽ പൊതുസ്ഥലത്തുവെച്ച് പടക്കംപൊട്ടിക്കരുതെന്ന സന്ദേശം വായിക്കണമെന്ന്‌ പോലീസ് ഉദ്യോഗസ്ഥർ പള്ളിക്കമ്മിറ്റി ഭാരവാഹികൾക്ക് നിർദേശംനൽകിയിരുന്നു. ഇതനുസരിച്ച് പോലീസിന്റെ നിർദേശം പാലിക്കണമെന്ന പള്ളിക്കമ്മിറ്റി ഭാരവാഹികളും ഇമാമുമാരും വെള്ളിയാഴ്ചമുതൽ പള്ളികളിൽനിന്ന്‌ നിർദേശംനൽകിയിരുന്നു.

പൊതുസ്ഥലത്ത് ഗതാഗതം തടസ്സപ്പെടുത്തി പടക്കംപൊട്ടിച്ച് ആഘോഷം; 65 ആളുടെപേരിൽ കേസ്

വളയം: ചെറുമോത്ത് നിന്ന് യുവതിയേയും രണ്ടു മക്കളേയും കാണ്മാനില്ലെന്ന് പരാതി. പോലീസ് അന്വേഷണം ഊര്‍ജിതം.കുറുങ്ങോട്ട് ഹൗസില്‍ ആഷിത (29), മക്കളായ മെഹ്‌റ ഫാത്തിമ (10), ലുക്ക്മാന്‍ (5) എന്നിവരെയാണ് കാണാതായത്.
കഴിഞ്ഞ വെള്ളിയാഴ്ച മുതലാണ് മൂവരേയും കാണാതായത്.വസ്ത്രങ്ങള്‍ വാങ്ങിക്കാനുണ്ടെന്ന് പറഞ്ഞാണ് ആഷിത മക്കളേയും കൂട്ടി വളയത്തെ ഭര്‍തൃ വീട്ടില്‍ നിന്ന് ഇറങ്ങിയത്. പിന്നീട് വീട്ടില്‍ തിരിച്ചത്താത്തതിനെ തുടര്‍ന്ന് വളയം പോലീസില്‍ പരാതി നല്‍കുകയായിരുന്നു. ചോറോട് സ്വദേശിയാണ് ആഷിത. ഇവരെ കണ്ടെത്താനുള്ള പരിശ്രമത്തിലാണ് പോലീസ്. ഇതു സംബന്ധിച്ച സൂചന കിട്ടിയതായി പോലീസ് അറിയിച്ചു.

വളയത്ത് യുവതിയേയും രണ്ടു മക്കളേയും കാണ്മാനില്ലെന്ന് പരാതി

നാദാപുരം: പേരോട് പടക്കം പൊട്ടിക്കുന്നതിനിടെ അപകടം. രണ്ട് പേര്‍ക്ക് പരിക്ക്. കല്ലാച്ചി സ്വദേശി മുഹമ്മദ് ഷഹറാസ് (26),പൂവള്ളതില്‍ റയീസ് (26) എന്നിവര്‍ക്കാണ് പരിക്കേറ്റത്. ഷഹറാസിന്റെ വലത് കൈപ്പത്തി തകര്‍ന്ന നിലയിലാണ്. രാത്രി ഏഴ് മണിയോടെ പേരോട് – ഇയ്യങ്കോട് റോഡിലാണ് അപകടം. ഇവര്‍ സഞ്ചരിച്ചിരുന്ന കാറിനും കേട് പാടുകള്‍ സംഭവിച്ചു.കെ എല്‍ 18 വൈ 3733 നമ്പര്‍ കാറിന്റെ ഗ്ലാസുകള്‍ സ്‌ഫോടനത്തില്‍ തകര്‍ന്നു.&nbsp;
കാറില്‍ നിന്ന് ശേഷിയേറിയ പടക്കം തീ കൊളുത്തി പുറത്തേക്ക് എറിയുന്നതിനിടെ കാറിനുള്ളില്‍ നിന്ന് തന്നെ പടക്കം പൊട്ടി തെറിക്കുകയായിരുന്നു. നാദാപുരം പോലീസ് സ്ഥലത്ത് പരിശോധന നടത്തി.

പേരോട് പടക്കം പൊട്ടിക്കുന്നതിനിടെ അപകടം ;രണ്ട് പേര്‍ക്ക് പരിക്ക്,ഒരാളുടെ കൈപ്പത്തി തകര്‍ന്ന നിലയിൽ

നാദാപുരം: കടമേരി ആർഎസി ഹയർസെക്കൻഡറി സ്കൂളിലെ പ്ലസ് വൺ പരീക്ഷയിൽ ആൾമാറാട്ടം നടത്തിയ സംഭവത്തിൽ വിദ്യാഭ്യാസ വകുപ്പ് അന്വേഷണം നടത്തും. പരീക്ഷ എഴുതേണ്ട വിദ്യാർഥിക്കെതിരേ ജുവനയിൽ ജസ്റ്റിസ്‌ ബോർഡിന് റിപ്പോർട്ട് നൽകും. വിദ്യാർഥിയുടെ പ്ലസ് വൺ രജിസ്‌ട്രേഷൻ റദ്ദാക്കാൻ സാധ്യതയുണ്ട്. ആൾമാറാട്ടം നടത്തിയ മുചുകുന്ന് പുളിയഞ്ചേരി സ്വദേശി കെ.കെ. മുഹമ്മദ് ഇസ്മയിലിന്റെ അറസ്റ്റ് കഴിഞ്ഞദിവസം പോലീസ് രേഖപ്പെടുത്തിയിരുന്നു. ഇയാൾ ഹാൾടിക്കറ്റിൽ കൃത്രിമം നടത്തുകയായിരുന്നു.
ആർഎസി. ഹയർസെക്കൻഡറി സ്കൂളിൽ ഓപ്പൺസ്കീമിൽ പ്ലസ് വൺ ഇംഗ്ലീഷ് ഇംപ്രൂവ്മെൻറ് പരീക്ഷയെഴുതുന്ന മലപ്പുറം സ്വദേശിയായ മുഹമ്മദ് മിസ്ഹബ് എന്ന വിദ്യാർഥിക്ക് പകരമായാണ് ബിരുദവിദ്യാർഥിയായ മുഹമ്മദ് ഇസ്മായിൽ പരീക്ഷയെഴുതാനെത്തിയത്. രണ്ടുപേരും കടമേരി റഹ്‌മാനിയ കോളേജിൽ മതപഠനത്തിനെത്തിയതിനെ തുടർന്നുള്ള പരിചയമാണ്. ഇവർ താമസിക്കുന്നത് ഒരേ ഹോസ്റ്റലിലാണ്.

കടമേരിയിൽ പ്ലസ് വൺ പരീക്ഷയിൽ ആൾമാറാട്ടം നടത്തിയ സംഭവം;വിദ്യാർഥിയുടെ രജിസ്‌ട്രേഷൻ റദ്ദാക്കിയേക്കും

നാദാപുരം: കടമേരിയില്‍ പ്ലസ്ടു പരീക്ഷയിൽ ആള്‍മാറാട്ടം നടത്തിയ ബിരുദ വിദ്യാര്‍ഥി പിടിയില്‍. മുചുകുന്ന് പുളിയഞ്ചേരി സ്വദേശി കെ.കെ. മുഹമ്മദ് ഇസ്മയില്‍ (18) ആണ് അറസ്റ്റിലായത്. ആര്‍.എ.സി. ഹയര്‍ സെക്കന്‍ഡറി സ്‌കൂളില്‍ പ്ലസ്‌വണ്‍ ഇംഗ്ലീഷ് ഇംപ്രൂവ്‌മെന്റ് പരീക്ഷ എഴുതുന്ന വിദ്യാര്‍ഥിക്ക് പകരം ബിരുദ വിദ്യാര്‍ഥിയായ മുഹമ്മദ് ഇസ്മായിലാണ് പരീക്ഷ എഴുതാനെത്തിയത്. മലപ്പുറം സ്വദേശിയായ മുഹമ്മദ് മിസ്ഹബിന് പകരമാണ് ബിരുദ വിദ്യാർഥിയായ മുഹമ്മദ് ഇസ്മായിൽ പരീക്ഷ എഴുതാനെത്തിയത്. കടമേരി റഹ്മാനിയ കോളേജിൽ മതപഠന വിദ്യാർത്ഥികളാണ് രണ്ടു പേരും.
ക്ലാസില്‍ പരീക്ഷ ഡ്യൂട്ടിയിലുണ്ടായിരുന്ന അധ്യാപകന് സംശയം തോന്നി ചോദ്യം ചെയ്തതപ്പോഴാണ് ആള്‍മാറാട്ടം മനസിലായത്. ഹാള്‍ ടിക്കറ്റില്‍ കൃത്രിമം നടത്തുകയായിരുന്നു. അധ്യാപകന്‍ വിവരം അറിയിച്ചതിനെ തുടര്‍ന്ന് പ്രിന്‍സിപ്പാള്‍ വിദ്യാഭ്യാസ അധികൃതര്‍ക്കും പോലീസിലും പരാതി നല്‍കി.
തുടര്‍ന്ന് നാദാപുരം പോലീസെത്തി പ്രതിയെ കസ്റ്റഡിയില്‍ എടുത്ത് സ്റ്റേഷനിലെത്തിച്ച് അറസ്റ്റ് രേഖപ്പെടുത്തി. പ്രതിയെ നാള കോടതിയില്‍ ഹാജരാക്കുമെന്ന് പോലീസ് അറിയിച്ചു.

കടമേരിയിൽ പ്ലസ് വൺ പരീക്ഷയിൽ ആള്‍മാറാട്ടം; ബിരുദ വിദ്യാര്‍ഥി പിടിയില്‍

Search Results for: verdict