കൊടുവള്ളി: മഞ്ഞപ്പിത്തം ബാധിച്ച് ചികിത്സയിലായിരുന്നയാൾ മരിച്ചു. വാവാട് മാട്ടാപൊയിൽ കെ.കെ. രതീഷ് (44) ആണ് മരിച്ചത്.
ഈങ്ങാപ്പുഴ സൗത്ത് മലോറത്ത് റേഷൻ വ്യാപാരിയായിരുന്നു. പിതാവ്: പരേതനായ കെ.കെ. രാമൂട്ടി (ആദ്യകാല റേഷൻ വ്യാപാരി). അമ്മ: സുമതി. സഹോദരങ്ങൾ: കെ.കെ. മനോജ്, പരേതയായ വിദ്യ.

കൊടുവള്ളിയിൽ മഞ്ഞപ്പിത്തം ബാധിച്ച് ചികിത്സയിലായിരുന്നയാൾ മരിച്ചു

Kozhikode

കുമ്പള: പൈവളിഗെയിൽ 26 ദിവസം മുമ്പ് കാണാതായ പെൺകുട്ടിക്കൊപ്പം തൂങ്ങി മരിച്ച നിലയിൽ ക​ണ്ടെത്തിയത് കുടുംബസുഹൃത്തുകൂടിയായ ഓട്ടോ ഡ്രൈവർ. പത്താംക്ലാസ് വിദ്യാർഥിനിയായ 15കാരിയെയും അയൽവാസിയും ഓട്ടോ​ഡ്രൈവറുമായ പ്രദീപിനെ(42)യുമാണ് പെണ്‍കുട്ടിയുടെ വീടിന് സമീപമുള്ള കുറ്റിക്കാട്ടിൽ മരത്തിൽ തൂങ്ങി മരിച്ചനിലയിൽ കണ്ടെത്തിയത്. ഓട്ടോ ഡ്രൈവറായ പ്രദീപ് പെൺകുട്ടിയുടെ കുടുംബസുഹൃത്തുകൂടിയായിരുന്നു. പലപ്പോഴും പെൺകുട്ടിയെ സ്കൂളിൽ കൊണ്ടാക്കിയിരുന്നത് പ്രദീപായിരുന്നു. മൃതദേഹങ്ങള്‍ക്ക് ദിവസങ്ങളുടെ പഴക്കമുണ്ട്. ഇരുവരുടെയും മൊബൈൽ ഫോണിന്റെ അവസാന ലോക്കേഷൻ കേന്ദ്രീകരിച്ച് നടത്തിയ തിരച്ചിലിനൊടുവിലാണ് മൃതദേഹങ്ങൾ കണ്ടെത്തിയത്. മൃതദേഹങ്ങള്‍ക്ക് സമീപം കത്തിയും ചോക്ലേറ്റും ഫോണും കണ്ടെത്തി. കാണാതായ ദിവസം ധരിച്ചിരുന്ന അതേ വേഷത്തിലാണ് ഇരുവരുടെയും മൃതദേഹങ്ങള്‍ കണ്ടത്.
ഫെബ്രുവരി 12 മുതലാണ് പെൺകുട്ടിയെ കാണാതായത്. അന്നുതന്നെ പ്രദീപിനെയും കാണാതായിരുന്നു. മകള്‍ തങ്ങള്‍ രാവിലെ ഉറക്കമുണര്‍ന്നപ്പോള്‍ വീട്ടില്‍ ഉണ്ടായിരുന്നില്ലെന്നാണ് പിതാവ് പൊലീസിൽ നൽകിയ പരാതി. വീടിന്‍റെ പിന്‍വാതിൽ തുറന്നുകിടക്കുകയായിരുന്നു. തിരഞ്ഞുനോക്കിയെങ്കിലും എവിടെയും കണ്ടെത്താനായില്ല. ഫോണിൽ വിളിച്ചപ്പോള്‍ റിങ് ചെയ്തെങ്കിലും എടുത്തില്ലെന്നും പരാതിയിൽ പറഞ്ഞിരുന്നു. പിന്നീട് ഫോൺ ഓഫാകുകയും ചെയ്തു. പെൺകുട്ടിയെ കാണാതായ ദിവസംതന്നെ അയൽവാസിയായ പ്രദീപിനെയും കാണാതാവുകയായിരുന്നു. തുടർന്ന് പെൺകുട്ടിയെ ഇയാൾ തട്ടിക്കൊണ്ടുപോയതാണെന്ന ആരോപണം രക്ഷിതാക്കൾ ഉയർത്തിയിരുന്നു.

കാണാതായ പെൺകുട്ടിക്കൊപ്പം മരിച്ചത് കുടുംബസുഹൃത്തായ ഓട്ടോഡ്രൈവർ;

Kerala

കാണാതായ പെൺകുട്ടിക്കൊപ്പം മരിച്ചത് കുടുംബസുഹൃത്തായ ഓട്ടോഡ്രൈവർ

മുംബൈ: മുംബൈയിൽ നിർമാണത്തിലിരിക്കുന്ന ഒരുകെട്ടിടത്തിലെ ടാങ്ക് വൃത്തിയാക്കുന്നതിനിടെ നാലുതൊഴിലാളികൾ ശ്വാസംമുട്ടി മരിച്ചു. ഹസിപാൽ ഷെയ്ഖ് (19), രാജ ഷെയ്ഖ് (20), ജിയുള്ള ഷെയ്ഖ് (36), ഇമാണ്ടു ഷെയ്ഖ് (38) എന്നിവരാണ് മരിച്ചത്. ഞായറാഴ്ച ഉച്ചയ്ക്ക് നാഗ്പാഡയിലെ ബിസ്മില്ല സ്പേസ് കെട്ടിടത്തിലാണ് സംഭവം.
ടാങ്കിനുള്ളിൽ കയറിയ അഞ്ചുപേർ ബോധരഹിതരാകുകയായിരുന്നു. തുടർന്ന്, അഗ്നിരക്ഷാസേനാംഗങ്ങൾ സ്ഥലത്തെത്തി ഇവരെ പുറത്തെടുത്ത് സമീപത്തെ ആശുപത്രിയിലെത്തിച്ചെങ്കിലും നാലുപേരെ രക്ഷിക്കാനായില്ല. പുർഹാൻ ഷെയ്ഖ് എന്ന തൊഴിലാളി സുഖംപ്രാപിച്ച് വരികയാണെന്നാണ് റിപ്പോർട്ട്.സംഭവത്തിൽ, പോലീസ് കേസെടുത്ത് അന്വേഷണം ആരംഭിച്ചു.

മുംബൈയിൽ ടാങ്ക് വൃത്തിയാക്കാനിറങ്ങിയ നാലു തൊഴിലാളികൾ ശ്വാസംമുട്ടി മരിച്ചു

National

കൊല്ലം: സിപിഐഎം സംസ്ഥാന സമ്മേളനത്തിന്റെ സമാപന പൊതുസമ്മേളനം നടന്നുകൊണ്ടിരിക്കുകയാണ്. അദ്ധ്യക്ഷ പ്രസംഗം സംസ്ഥാന സെക്രട്ടറി എം വി ഗോവിന്ദന്‍ നിര്‍വഹിച്ചു. പൊളിറ്റ് ബ്യൂറോ കോഡിനേറ്റര്‍ പ്രകാശ് കാരാട്ടാണ് പൊതുസമ്മേളനം ഉദ്ഘാടനം ചെയ്തത്. അതിന് ശേഷം മുഖ്യമന്ത്രിയും പി ബി അംഗവുമായ പിണറായി വിജയനാണ് സംസാരിച്ചത്.
എന്നാല്‍ പിണറായി വിജയന് ശേഷം സംസാരിക്കാനായി പാര്‍ട്ടി തിരഞ്ഞെടുത്തത് പുതുതായി സംസ്ഥാന സെക്രട്ടറിയേറ്റംഗമായി കെ കെ ശൈലജയെയാണ്. പി ബി അംഗങ്ങളായ എ വിജയരാഘവനും എംഎ ബേബിയും വേദിയിലിരിക്കുമ്പോഴായിരുന്നു അത്.മൂന്നാം ഇടതുപക്ഷ ജനാധിപത്യ മുന്നണി സര്‍ക്കാര്‍ സംസ്ഥാനത്തുണ്ടാവുകയാണെങ്കില്‍ പിണറായി വിജയന്‍ തന്നെ നയിക്കുമോ അതോ മറ്റൊരാള്‍ വരുമോ എന്ന ചോദ്യം വലിയ തോതില്‍ ഉയരുന്ന സാഹചര്യത്തിലാണ് ശൈലജയുടെ പ്രസംഗിക്കാനുള്ള ഊഴം ശ്രദ്ധേയമാവുന്നത്.ഈ കാര്യം ഇപ്പോൾ സോഷ്യൽ മീഡിയയിൽ ചർച്ചയായിരിക്കുകയാണ്.

മുഖ്യമന്ത്രിക്ക് ശേഷം പ്രസംഗിച്ചത്  കെ കെ ശൈലജ;മാറ്റത്തിന്റെ സൂചനയെന്ന് സോഷ്യൽമീഡിയ

ജീവിതത്തിൽ എടുത്ത ഏറ്റവും വലിയ തീരുമാനമായിരുന്നു വിവാഹമോചനമെന്ന് നടി മഞ്ജു പിളള. മുൻ ഭർത്താവുമായി ഇപ്പോഴും സൗഹൃദം തുടരുന്നുണ്ടെന്ന് അവർ പറഞ്ഞു. ഇപ്പോൾ ആദ്യമായാണ് നടി വിവാഹ മോചനത്തെക്കുറിച്ച് തുറന്നുപറഞ്ഞിരിക്കുന്നത്. ഒരു യൂട്യൂബ് ചാനലിന് അനുവദിച്ച അഭിമുഖത്തിലാണ് മഞ്ജു പിളള ഇക്കാര്യങ്ങൾ പങ്കുവച്ചിരിക്കുന്നത്.
മുൻഭർത്താവുമായിട്ടുളള വിവാഹമോചനം നടക്കുന്ന സമയത്ത് പലരും അഭിമുഖങ്ങൾക്കായി എന്നെ സമീപിച്ചിരുന്നു. എല്ലാവരുടെയും ലക്ഷ്യം ബന്ധം വേർപെടുത്തുന്നതിന്റെ കാരണങ്ങൾ അറിയാനായിരുന്നു. എല്ലാവരു വ്യക്തികൾ അല്ലേ. ഞങ്ങൾ സെലിബ്രി​റ്റിയാണ്. പക്ഷെ വ്യക്തി ജീവിതം എന്നുളളത് ഉണ്ടല്ലോ.സിനിമാസംബന്ധമായ കാര്യങ്ങൾ എല്ലാവർക്കും അറിയാൻ സ്വാതന്ത്ര്യം ഉണ്ട്. പക്ഷെ വ്യക്തിപരമായ ജീവിതം ആരും അറിയേണ്ട ആവശ്യം ഇല്ലല്ലോ. ഞാനും മുൻഭർത്താവും രണ്ട് വ്യക്തികളാണ്. രണ്ട് സ്വഭാവം ഉളളവരാണ്. ഞങ്ങൾ വേർപിരിഞ്ഞതിന് വീട്ടുകാർക്കോ ബന്ധുക്കൾക്കോ പ്രശ്നമില്ല. ഞങ്ങൾ ഇപ്പോഴും നല്ല സുഹൃത്തുക്കളാണ്. ഞങ്ങൾ ഫോണിൽ വിളിച്ച് സംസാരിക്കാറുണ്ട്, വിശേഷങ്ങൾ പങ്കുവയ്ക്കാറുണ്ട്. അങ്ങനെയൊരു ബന്ധം കാത്തുസൂക്ഷിച്ചിട്ടാണ് ഞങ്ങൾ പിരിഞ്ഞത്. അടിച്ച് പിരിഞ്ഞില്ല.ബന്ധം പിരിഞ്ഞതിൽ സങ്കടമുണ്ട്. പക്ഷെ ജീവിതമല്ലേ. എല്ലാം ഓർമയിൽ ഉണ്ട്. ജീവിതം മുന്നോട്ട് പോകണം. എന്നെയും ഭർത്താവിനെയും ഒരുമിച്ച് ചേർത്ത് നിർത്തുന്നത് മകളാണ്. ഞങ്ങൾ നല്ല സുഹൃത്തുക്കളാണ്. പിറന്നാളിന് ആശംസകൾ നേരും. ഒന്നും മറക്കാൻ കഴിയില്ല. എന്റെ കുഞ്ഞിന്റെ അച്ഛനാണ്. അദ്ദേഹത്തിനും എനിക്കും മനഃസമാധാനത്തോടെ ജീവിക്കാൻ എടുത്ത തീരുമാനമായിരുന്നു വിവാഹമോചനം. എന്റെ അച്ഛൻ അസുഖത്തിലായപ്പോഴും മുൻഭർത്താവ് കാണാൻ വന്നിരുന്നു'- മഞ്ജു പിളള പറഞ്ഞു.

ജീവിതത്തിൽ എടുത്ത ഏറ്റവും വലിയ തീരുമാനമായിരുന്നു വിവാഹമോചനം; മുൻ ഭർത്താവുമായി സൗഹൃദം തുടരുന്നുണ്ടെന്നും മഞ്ജു പിളള

കൊല്ലം: സിപിഎം സംസ്ഥാന സമിതിയില്‍ ഇടം ലഭിക്കാത്തതില്‍ അതൃപ്തി പരസ്യമാക്കി മുതിർന്ന നേതാവ് എ. പത്മകുമാര്‍. ഫേസ്ബുക്കില്‍ പങ്കുവെച്ച പോസ്റ്റിലാണ് എ പത്മകുമാര്‍ തന്റെ വിയോജിപ്പ് രേഖപ്പെടുത്തിയത്. 'ചതിവ്, വഞ്ചന, അവഹേളനം, 52 വര്‍ഷത്തെ ബാക്കിപത്രം, ലാല്‍സലാം' എന്നായിരുന്നു ഫേസ്ബുക്ക് പോസ്റ്റ്. നിരാശയില്‍ മുഖത്ത് കൈവെച്ചിരിക്കുന്ന ഒരു ചിത്രവും അദ്ദേഹം പങ്കുവെച്ചു.&nbsp;
ഉച്ചക്ക് 12 മണി വരെ സംസ്ഥാന സമ്മേളനവുമായി ബന്ധപ്പെട്ട ചിത്രങ്ങളും പോസ്റ്റുകളുമായിരുന്നു അദ്ദേഹത്തിൻ്റെ എഫ്.ബി. പേജിലുണ്ടായിരുന്നത്. ഉച്ചയോടെ സംസ്ഥാന കമ്മിറ്റിയംഗങ്ങളുടെ പട്ടിക വന്നതോടെയാണ് മനം മാറ്റം ഉണ്ടായത്. സംസ്ഥാന സമിതിയിൽ ഇടം ഉണ്ടാകുമെന്ന പ്രതീക്ഷ അസ്ഥാനത്തായതാണ് പ്രകോപനത്തിന് കാരണമായതെന്ന് കരുതുന്നു. എന്നാൽ ഫേസ്ബുക്ക് പോസ്റ്റ് പിന്നീട് അദ്ദേഹം പിൻവലിച്ചു.&nbsp;
ചെറുപ്പക്കാര്‍ മുന്നോട്ട് വരണം എന്നതില്‍ തനിക്ക് തര്‍ക്കമില്ലെന്നും എന്നാല്‍ പാര്‍ട്ടി രംഗത്ത് പ്രവര്‍ത്തിക്കാത്തവര്‍ക്ക് സ്ഥാനക്കയറ്റം നല്‍കുന്നതില്‍ പ്രയാസമുണ്ടെന്നും അദ്ദേഹം പറയുന്നു. പാര്‍ട്ടിയുടെ വിവിധ മേഖലകളില്‍ വര്‍ഷങ്ങളുടെ പ്രവര്‍ത്തന പരിചയമുള്ള ചെറുപ്പക്കാര്‍ക്ക് സ്ഥാനക്കയറ്റം ലഭിച്ചിട്ടുണ്ട്. എന്നാല്‍ പാര്‍ലമെന്ററി രംഗത്തെ പ്രവര്‍ത്തനം മാത്രം പരിശോധിച്ച് ഒരാള്‍ക്ക് കമ്മ്യൂണിസ്റ്റ് പാര്‍ട്ടിയില്‍ സ്ഥാനക്കയറ്റം നല്‍കാനാവില്ല എന്നാണ് തന്റെ കാഴ്ചപ്പാടെന്നും ആരുടേയും പേരെടുത്ത് പരാമര്‍ശിക്കാതെ എ പത്മകുമാര്‍ പറഞ്ഞു.

സിപിഎം സംസ്ഥാന സമിതിയില്‍ ഉൾപ്പെടുത്താത്തതിൽ അതൃപ്തി പരസ്യമാക്കി എ. പത്മകുമാര്‍

എരുമേലി: കിണർ വൃത്തിയാക്കാൻ ഇറങ്ങിയപ്പോൾ ശ്വാസംമുട്ടൽ അനുഭവപ്പെട്ട തൊഴിലാളിയും രക്ഷിക്കാനിറങ്ങിയ വ്യക്തിയും മരിച്ചു. മുക്കട സ്വദേശി അനീഷ്, രക്ഷിക്കാനെത്തിയ എരുമേലി സ്വദേശി ഗോപകുമാർ(50) എന്നിവരാണ് മരിച്ചത്. എരുമേലി ടൗണിൽ തുണ്ടിയിൽ ഷൈബുവിന്റെ പുരയിടത്തിലെ കിണറ്റിൽ ഇറങ്ങിയപ്പോഴായിരുന്നു അപകടം.
35 അടി താഴ്ചയുള്ള കിണർ വൃത്തിയാക്കാനാണ് അനീഷ് ഇറങ്ങിയത്. മൂന്നടിയിൽ താഴെ വെള്ളം മാത്രമേ കിണറ്റിൽ ഉണ്ടായിരുന്നുള്ളൂ. ഇരുവരുടേയും മൃതദേഹം എരുമേലി സർക്കാർ ആശുപത്രിയിൽ സൂക്ഷിച്ചിരിക്കുകയാണ്.

കിണർ വൃത്തിയാക്കുന്നതിനിടെ തൊഴിലാളിയും രക്ഷിക്കാനിറങ്ങിയ ആളും മരിച്ചു

ന്യുഡല്‍ഹി: ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സില്‍ പ്രവേശിപ്പിച്ചിരിക്കുന്ന ഉപരാഷ്ട്രപതി ജഗ്ദീപ് ധന്‍കറിനെ സന്ദര്‍ശിച്ച് പ്രധാനമന്ത്രി നരേന്ദ്രമോദി.ധന്‍കറിന്റെ ആരോഗ്യനില അന്വേഷിച്ചുവെന്നും അദ്ദേഹത്തിനായി പ്രാര്‍ത്ഥിക്കുന്നുവെന്നും പ്രധാനമന്ത്രി തന്റെ എക്‌സ് പോസ്റ്റില്‍ വ്യക്തിമാക്കി
എയിംസിലെത്തി ഉപരാഷ്ട്രപതി ജഗ്ദീപ് ധന്‍കര്‍ജിയുടെ ആരോഗ്യവിവരം അന്വേഷിച്ചു. അദ്ദേഹം ആരോഗ്യവാനായി തിരിച്ചുവരാനായി പ്രാര്‍ത്ഥിക്കുന്നു- മുഖ്യമന്ത്രി എക്‌സില്‍ കുറിച്ചു.ഞായാറാഴ്ച രാവിലെയാണ് ഹൃദയാഘാതത്തെ തുടര്‍ന്ന് ഉപരാഷ്ട്രപതിയെ എയിംസ് ആശുപത്രിയില്‍ പ്രവേശിപ്പിച്ചത്. 73കാരനായ അദ്ദേഹത്തിന് നെഞ്ചുവേദനയും ദേഹാസ്വസ്ഥ്യവും അനുഭവപ്പെടുകയായിരുന്നു. അദേഹത്തിന്റെ ആരോഗ്യനില മെച്ചപ്പെട്ടുവെന്നാണ് ദേശീയ വാര്‍ത്ത ഏജന്‍സിയായ എഎന്‍ഐ റിപ്പോര്‍ട്ട് ചെയ്യുന്നത്.

ആശുപത്രിയിൽ പ്രവേശിപ്പിച്ചിരിക്കുന്ന ഉപരാഷ്ട്രപതി ജഗ്ദീപ് ധന്‍കറിനെ സന്ദര്‍ശിച്ച് പ്രധാനമന്ത്രി

ലക്‌നൗ: ഉത്തര്‍പ്രദേശില്‍ മാധ്യമപ്രവര്‍ത്തകനും വിവരാവകാശ പ്രവര്‍ത്തകനുമായ 36-കാരന്‍ വെടിയേറ്റ് മരിച്ചു. രാഘവേന്ദ്ര വാജ്‌പേയി ആണ് അജ്ഞാതസംഘത്തിന്റെ വെടിയേറ്റ് മരിച്ചത്. ലക്‌നൗ-ഡല്‍ഹി ദേശീയപാതയിലുള്ള ഹെംപുര്‍ റെയില്‍വേ ക്രോസിന് സമീപം ശനിയാഴ്ച വൈകുന്നേരം മൂന്ന് മണിയോടെയായിരുന്നു സംഭവം.
ബൈക്കിലെത്തിയ അജ്ഞാതസംഘം ആദ്യം വാജ്‌പേയുടെ ബൈക്കിടിച്ച് വീഴ്ത്തി. തുടര്‍ന്ന് നിലത്തുവീണ വാജ്‌പേയ്ക്ക് നേരെ സംഘം വെടിയുതിര്‍ക്കുകയായിരുന്നു. ഉടന്‍തന്നെ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു.പത്തുദിവസങ്ങള്‍ക്ക് മുന്‍പ് ഒരു വാര്‍ത്ത റിപ്പോര്‍ട്ട് ചെയ്തതിന്റെ പശ്ചാത്തലത്തില്‍ വാജ്‌പേയ്ക്ക് വധഭീഷണി ലഭിച്ചിരുന്നുവെന്നാണ് വീട്ടുകാര്‍ പറയുന്നത്. എന്നാല്‍, പോലീസ് ഇത് ഔദ്യോഗികമായി സ്ഥിരീകരിച്ചിട്ടില്ല.&nbsp;

മാധ്യമപ്രവര്‍ത്തകന്‍ അജ്ഞാതസംഘത്തിന്റെ വെടിയേറ്റ് മരിച്ചു

&nbsp;കൊല്ലം: സംസ്ഥാന സമിതിയിലേക്കുളള അംഗങ്ങളെ തിരഞ്ഞെടുത്ത് സിപിഎം. 89 അംഗ സംസ്ഥാനസമിതിയിൽ 17 പുതുമുഖങ്ങളെയാണ് ഉൾപ്പെടുത്തിയിരിക്കുന്നത്. എസ് ജയമോഹൻ (കൊല്ലം), എം പ്രകാശൻ മാസ്റ്റർ (കണ്ണൂർ), വി കെ സനോജ് (കണ്ണൂർ), വി വസീഫ് (കോഴിക്കോട്), കെ ശാന്തകുമാരി (പാലക്കാട്), ആർ ബിന്ദു (തൃശൂ‌ർ), എം അനിൽകുമാർ (എറണാകുളം), കെ പ്രസാദ് (ആലപ്പുഴ), ബി ആര് രഘുനാഥ് (കോട്ടയം), ഡി കെ മുരളി (തിരുവനന്തപുരം), എം രാജഗോപാൽ (കാസർകോട്), കെ റഫീഖ് (വയനാട്), എം മെഹബൂബ് (കോഴിക്കോട്), വിപി അനിൽ (മലപ്പുറം), കെ വി അബ്ദുൾ ഖാദർ (തൃശൂർ) തുടങ്ങിയവരാണ് സംസ്ഥാന സമിതിയിലേക്ക് തിരഞ്ഞെടുത്ത പുതുമുഖങ്ങൾ.സംസ്ഥാന സെക്രട്ടറിയായി എം വി ഗോവിന്ദൻ തന്നെ തുടരും.
അഞ്ച് പുതിയ ജില്ലാ സെക്രട്ടറിമാരും സംസ്ഥാന സമിതിയിലുണ്ട്. കെ റഫീഖ്,എം രാജഗോപാൽ,എം മെഹബൂബ്, കെ വി അബ്ദുൽ ഖാദർ, വി പി അനിൽ എന്നിവരും കോട്ടയത്ത് ജില്ലാ സെക്രട്ടറിയാകാൻ സാദ്ധ്യതയുളള ടി ആർ രഘുനാഥനും സംസ്ഥാന സമിതിയിൽ ഉൾപ്പെട്ടിട്ടുണ്ട്‌. അതേസമയം,​ പത്തനംതിട്ടയിൽ നിന്ന് സംസ്ഥാന സമിതിയിലേക്ക് ആരെയും ഉൾപ്പെടുത്തിയിട്ടില്ല. മന്ത്രി വീണാ ജോർജിനെ ഉൾപ്പെടുത്തുമെന്ന് സൂചന ഉണ്ടായിരുന്നിട്ടും അവസാന ഘട്ടത്തിൽ ക്ഷണിതാവായി ഉൾപ്പെടുത്തുകയായിരുന്നു.ജോൺ ബ്രിട്ടാസ് എംപിയെയും ഉൾപ്പെടുത്തിയിട്ടുണ്ട്. കരുനാഗപ്പളളിയിലെ വിഭാഗീയതയെ തുടർന്ന് സൂസൻ കോടിയെ സിപിഎം സംസ്ഥാന സമിതിയിൽ ഉൾപ്പെട്ടിട്ടില്ല.
സംസ്ഥാന സമിതിയിലെ അംഗങ്ങൾ
പിണറായി വിജയൻ, എം വി ​ഗോവിന്ദൻ, ഇ പി ജയരാജൻ, ടി എം തോമസ് ഐസക്, കെ കെ ശൈലജ, എളമരം കരീം, ടി പി രാമകൃഷ്ണൻ, കെ എൻ ബാല​ഗോപാൽ, പി രാജീവ്, കെ രാധാകൃഷ്ണൻ, സി എസ് സുജാത, പി സതീദേവി, പി കെ ബിജു, എം സ്വരാജ്, പി എ മു​ഹമ്മദ് റിയാസ്, കെ, കെ ജയചന്ദ്രൻ, വി എൻ വാസവൻ, സജി ചെറിയാൻ, പുത്തലത്ത് ദിനേശൻ, കെ പി സതീഷ് ചന്ദ്രൻ, സി എച്ച് കുഞ്ഞമ്പു, എം വി ജയരാജൻ, പി ജയരാജൻ, കെ കെ രാ​ഗേഷ്, ടി വി രാജേഷ്, എ എൻ ഷംസീർ, സി കെ ശശീന്ദ്രൻ, പി മോഹനൻ മാസ്റ്റർ, എ പ്രദീപ് കുമാർ, ഇ എൻ മോഹൻ​ദാസ്, പി കെ സൈനബ, സി കെ രാജേന്ദ്രൻ, എൻ എൻ കൃഷ്ണദാസ്, എം ബി രാജേഷ്, എ സി മൊയ്തീൻ, സി എൻ മോഹനൻ, കെ ചന്ദ്രൻ പിള്ള, സി എം ദിനേശ് മാണി, എസ് ശർമ, കെ പി മേരി, ആർ നാസർ, സി ബി ചന്ദ്രബാബു, കെ പി ഉദയഭാനു, എസ് സുദേവൻ, ജെ മേഴ്സികുട്ടിയമ്മ, കെ രാജ​ഗോപാൽ, എസ് രാജേന്ദ്രൻ, കെ സോമപ്രസാദ്, എം എച്ച് ഷാരിയാർ, എം വിജയകുമാർ, കടകംപള്ളി സുരേന്ദ്രൻ, ടി എൻ സീമ, വി ശിവന്‍കുട്ടി, ഡോ. വി ശിവദാസന്‍, കെ സജീവന്‍, എം എം വര്‍​ഗീസ്, ഇ ന്‍ സുരേഷ് ബാബു, പാനോളി വത്സന്‍, രാജു എബ്രഹാം, എ എ റഹിം, വി പി സാനു, ഡോ.കെ എന്‍ ​ഗണേഷ്, കെ എസ് സലീഖ, കെ കെ ലതിക, പി ശശി, കെ അനില്‍കുമാര്‍, വി ജോയ്, ഒ ആര്‍ കേളു, ഡോ. ചിന്ത ജെറോം, എസ് സതീഷ്, എന്‍ ചന്ദ്രന്‍. 17 അംഗ സെക്രട്ടറിയേറ്റിൽ കെകെ ശൈലജ, എംവി ജയരാജൻ, സിഎൻ മോഹനൻ എന്നിവരേയും ഉൾപ്പെടുത്തിയിട്ടുണ്ട്.

സിപിഎം സംസ്ഥാന സെക്രട്ടറിയായി എംവി ഗോവിന്ദൻ തുടരും,സംസ്ഥാന സമിതിയിൽ 17 പുതുമുഖങ്ങൾ

കോഴിക്കോട്: പോലീസിനെ കണ്ട് ഭയന്ന്‌ കൈയിലുണ്ടായിരുന്ന സംഭവത്തിൽ സ്‌കാനിങ് റിപ്പോര്‍ട്ട് പുറത്ത്. മരിച്ച ഷാനിദിന്‍റെ വയറ്റിൽ മൂന്ന് പാക്കറ്റ് ലഹരിവസ്തുക്കള്‍ ഉണ്ടായിരുന്നതായാണ് സ്കാനിങ് റിപ്പോര്‍ട്ടില്‍ പറയുന്നത്. രണ്ട് പാക്കറ്റ് എംഡിഎംഎയും ഒരുപാക്കറ്റ് കഞ്ചാവുമാണ് ഷാനിദ് വിഴുങ്ങിയതെന്നാണ് സൂചന.
അമിതമായി രാസലഹരി ശരീരത്തിനുള്ളില്‍ എത്തിയതുകൊണ്ടാണ് 24 മണിക്കൂറിനുളളില്‍ ഷാനിദിന്റെ മരണം സംഭവിച്ചതെന്ന് ഡോക്ടര്‍മാര്‍ വിലയിരുത്തിയിരുന്നു. ഇതുശരിവെയ്ക്കുന്ന സ്‌കാനിങ് റിപ്പോര്‍ട്ട് ആണിപ്പോള്‍ പുറത്തുവന്നിരിക്കുന്നത്. അതേസമയം, വയറ്റിനുള്ളിലെ പ്ലാസ്റ്റിക് സാന്നിധ്യമാണോ അതോ അമിത അളവില്‍ ലഹരി എത്തിയതാണോ മരണക്കാരണമെന്ന് പോസ്റ്റ്‌മോര്‍ട്ടത്തിന് ശേഷമേ പറയാന്‍ കഴിയുകയുള്ളൂവെന്ന് പോലീസ് വ്യക്തമാക്കി.
ഷാനിദിന് എംഡിഎംഎ എങ്ങനെ ലഭിച്ചു, ഇതിന് പിന്നിലൊരു സംഘം തന്നെ പ്രവര്‍ത്തിക്കുന്നുണ്ടോ എന്നത് ഉള്‍പ്പെടെയുള്ള കാര്യങ്ങള്‍ അറിയുന്നതിനായി പേരാമ്പ്ര ഡി.വൈ.എസ്.പിയുടെ നേതൃത്വത്തില്‍ പോലീസ് തുടരന്വേഷണം നടത്തും.

ഷാനിദിന്റെ മരണം;വിഴുങ്ങിയത് 3 പാക്കറ്റ് ലഹരിവസ്തുക്കളെന്ന് സ്‌കാനിങ് റിപ്പോർട്ട്

കൊല്ലം: സി.പി.എം. സംസ്ഥാനസമ്മേളനത്തിന് ഇന്ന് വൈകീട്ട് നടക്കുന്ന പൊതുസമ്മേളനത്തോടെ കൊടിയിറങ്ങും. സ്വകാര്യനിക്ഷേപവും പൊതുമേഖലയിലെ പി.പി.പിയും ഉള്‍പ്പെടെയുള്ള നിര്‍ണായക തീരുമാനങ്ങളോടെയാണ് സമ്മേളനത്തിന് സമാപനമാകുന്നത്. വൈകുന്നേരം നാലുമണിക്ക് ആശ്രാമം മൈതാനത്തെ സീതാറാം യെച്ചൂരി നഗറില്‍ നടക്കുന്ന പൊതുസമ്മേളനത്തില്‍ പി.ബി. കോ-ഓര്‍ഡിനേറ്റര്‍ പ്രകാശ് കാരാട്ടും മുഖ്യമന്ത്രി പിണറായി വിജയനും സംസാരിക്കും. 25,000 റെഡ് വൊളന്റിയര്‍മാര്‍ ഉള്‍പ്പെടെ രണ്ടരലക്ഷംപേര്‍ പങ്കെടുക്കുമെന്നാണ് കരുതുന്നത്.
നവകേരളത്തെ നയിക്കാന്‍ പുതുവഴികളെന്ന നയരേഖയുടെ ചര്‍ച്ചയ്ക്ക് മുഖ്യമന്ത്രി ഞായറാഴ്ച രാവിലെ മറുപടി പറയും. തുടര്‍ന്ന് സംസ്ഥാന കമ്മിറ്റി അംഗങ്ങളെയും പാര്‍ട്ടി കോണ്‍ഗ്രസ് പ്രതിനിധികളെയും തിരഞ്ഞെടുക്കും. 12 മണിയോടെ തിരഞ്ഞെടുപ്പുകള്‍ പൂര്‍ത്തിയാകും. പുതിയ സംസ്ഥാന കമ്മിറ്റി ചേര്‍ന്ന്, സംസ്ഥാന സെക്രട്ടറിയെയും തിരഞ്ഞെടുക്കും. പ്രായപരിധി നിബന്ധന കര്‍ശനമാക്കുന്നതോടെ സംസ്ഥാന കമ്മിറ്റിയില്‍ കൂടുതല്‍ യുവാക്കള്‍ക്ക് പ്രാതിനിധ്യം ലഭിച്ചേക്കും.
റെഡ് വൊളന്റിയര്‍ മാര്‍ച്ച് പീരങ്കി മൈതാനം, ഹൈസ്‌കൂള്‍ ജങ്ഷന്‍ എന്നിവിടങ്ങള്‍ കേന്ദ്രീകരിച്ചാണ് ആരംഭിക്കുന്നത്. ബോയ്‌സ് ഹൈസ്‌കൂള്‍ ജങ്ഷനില്‍നിന്ന് 2.30-ന് മാര്‍ച്ച് തുടങ്ങും. ഈ മാര്‍ച്ച് താലൂക്ക് കച്ചേരി, ബോട്ട്‌ജെട്ടി, ലിങ്ക്റോഡ് വഴി ആശ്രാമം മൈതാനത്ത് സമാപിക്കും. ശൂരനാട്, കുന്നത്തൂര്‍, കരുനാഗപ്പള്ളി, ചവറ, അഞ്ചാലുംമൂട്, കൊല്ലം ഏരിയയിലെ സിവില്‍ സ്റ്റേഷന്‍, പോര്‍ട്ട്, തിരുമുല്ലവാരം, ടൗണ്‍ ലോക്കല്‍ കമ്മിറ്റികള്‍ എന്നിവിടങ്ങളില്‍നിന്നുള്ള വൊളന്റിയര്‍മാരാണ് ഇവിടെനിന്ന് മാര്‍ച്ച് ചെയ്യുക. ഈ ഏരിയകളില്‍നിന്നുള്ള ബഹുജന റാലി ജില്ലാപഞ്ചായത്ത് ഓഫീസിനു മുന്നില്‍നിന്ന് നാലിനു തുടങ്ങി താലൂക്ക് കച്ചേരി വഴി ലിങ്ക്റോഡിലൂടെ ആശ്രാമം മൈതാനത്ത് എത്തിച്ചേരും.

സി.പി.എം. സംസ്ഥാനസമ്മേളനത്തിന് ഇന്ന് കൊടിയിറങ്ങും ;പൊതുസമ്മേളനത്തിൽ 2.5 ലക്ഷം പേർഅണിനിരക്കും

മലബാർ മേഖലയിൽ കണ്ടുവന്നിരുന്ന വിഭവങ്ങളിലൊന്നായിരുന്നു കിളിക്കൂട്. എന്നാലിന്ന് കേരളമൊട്ടാകെ ഈ വിഭവം പ്രചാരം നേടി. കിളിക്കൂട് എങ്ങനെയാണ് തയ്യാറാക്കുന്നതെന്ന് നോക്കിയാലോ
ആവശ്യമായ ചേരുവകള്‍: ഉരുളക്കിഴങ്ങ് വലിയത് രണ്ടെണ്ണം. ഉള്ളി ഒന്ന്. ഇഞ്ചി, വെളുത്തുള്ളി പേസ്റ്റ് ഒരു ടേബിള്‍ സ്പൂണ്‍. പച്ചമുളക് രണ്ട് എണ്ണം. കോഴിമുട്ട ഒന്ന്. കാടമുട്ട പുഴുങ്ങിയത് നാലെണ്ണം. സേമിയ ഒരുകപ്പ്. ഉപ്പ്, മഞ്ഞള്‍, കറിവേപ്പില, മല്ലിയില ആവശ്യത്തിന്.
പാകം ചെയ്യേണ്ട രീതി : ഉരുളക്കിഴങ്ങ് വേവിച്ച് തൊലികളഞ്ഞ് നന്നായി ഉടച്ചെടുക്കുക. ഉള്ളി, ഇഞ്ചി, വെളുത്തുള്ളി, പച്ചമുളക്, കറിവേപ്പില എന്നിവ നന്നായി വാട്ടിയശേഷം ആവശ്യമുള്ള ഉപ്പും മഞ്ഞളും ചേര്‍ക്കുക. ശേഷം ഉരുളക്കിഴങ്ങ് ചേര്‍ത്ത് കുഴയ്ക്കുക. ആവശ്യത്തിന് വലിപ്പമുള്ള ഉരുളകളാക്കുക. ഒരു മുട്ട ഉടച്ച് ഉരുളകള്‍ അതില്‍ മുക്കിയെടുക്കുക. സേമിയകൊണ്ട് ഉരുളകളെ ചുറ്റിവരിയുക. ശേഷം ചൂടായ എണ്ണയില്‍ സ്വര്‍ണനിറമാകുന്നതുവരെ വറുത്തെടുക്കുക. വറുത്ത ഉരുളകള്‍ക്ക് ചെറിയ ദ്വാരമുണ്ടാക്കി പുഴുങ്ങിയ കാടമുട്ട ഓരോന്നായി വയ്ക്കുക. കാണാന്‍ കിളിക്കൂട് പോലെ തോന്നും രുചികരമായ ഈ വിഭവം.

മലബാർ സ്‌പെഷ്യൽ കിളിക്കൂട് തയ്യാറാക്കാം

Health

തിരുവനന്തപുരം: ക്യൂവില്‍ ആളുണ്ടെങ്കില്‍ രാത്രി ഒൻപത് മണി കഴിഞ്ഞാലും ഔട്ട്‌ലെറ്റുകളില്‍ മദ്യവില്‍പന തുടരണമെന്ന ഉത്തരവുമായി ബെവ്കോ. അസിസ്റ്റന്റ് ജനറല്‍ മാനേജര്‍ ടി. മീനാകുമാരിയാണ് ഉത്തരവ് പുറത്തിറക്കിയത്. വെള്ളിയാഴ്ച പുറത്തുവന്ന ഉത്തരവിലെ കാര്യങ്ങള്‍ അന്നുതന്നെ പ്രാബല്യത്തില്‍ വന്നിരുന്നു. ഉത്തരവ് വിവാദമായതോടെ പിന്‍വലിക്കുകയും ചെയ്തു.
രാവിലെ 10 മണിമുതല്‍ രാത്രി ഒന്‍പത് മണിവരെയാണ് ബെവ്കോയുടെ പ്രവൃത്തിസമയം. സാധാരണമായി ഒന്‍പത് മണിക്ക് ഷോപ്പുകള്‍ അടയ്ക്കാറുണ്ട്. ഇനി അങ്ങനെ പാടില്ലെന്നാണ് വെള്ളിയാഴ്ച പുറത്തിറങ്ങിയ ഉത്തരവില്‍ പറയുന്നത്. രാത്രി ഒന്‍പത് മണിക്ക് ക്യൂവില്‍ ആളുണ്ടെങ്കില്‍ അവര്‍ക്കെല്ലാം മദ്യം നല്‍കുന്നത് ഉറപ്പാക്കണമെന്നാണ് ഉത്തരവില്‍ പറയുന്നത്.

9 മണി കഴിഞ്ഞാലും ക്യൂ നില്‍ക്കുന്നവര്‍ക്കെല്ലാം മദ്യം നല്‍കണം: ഉത്തരവുമായി ബെവ്കോ, വിവാദമായതോടെ പിൻവലിച്ചു

&nbsp;ന്യൂഡൽഹി: കടുത്ത നെഞ്ചുവേദനയെ തുടർന്ന് ഉപരാഷ്ട്രപതി ജഗ്‌ദീപ് ധൻകറിനെ ഡൽഹിയിലെ എയിംസ് ആശുപത്രിയിൽ പ്രവേശിപ്പിച്ചു. ഇന്ന് പുലർച്ചെ രണ്ട് മണിയോടെയാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. എയിംസിലെ കാർഡിയോളജി വിഭാവം മേധാവി ഡോ. രാജീവ് നരംഗിന്റെ മേൽനോട്ടത്തിൽ ക്രിട്ടിക്കൽ കെയർ യൂണി​റ്റിലാണ് അദ്ദേഹം ഇപ്പോഴുളളത്.
&nbsp;ഉപരാഷ്ട്രപതിയുടെ ആരോഗ്യനില തൃപ്തികരമാണെന്നും വിദഗ്ദരുടെ നിരീക്ഷണത്തിലാണെന്നുമാണ് ആശുപത്രി വൃത്തങ്ങൾ അറിയിച്ചിരിക്കുന്നത്.

നെഞ്ചുവേദന; ഉപരാഷ്ട്രപതി ജഗ്‌ദീപ് ധൻകറിനെ എയിംസിൽ പ്രവേശിപ്പിച്ചു

കൂത്തുപറമ്പ് (കണ്ണൂര്‍): യൂട്യൂബ് നോക്കി ഭക്ഷണക്രമീകരണം നടത്തിയതിനെതുടര്‍ന്നുണ്ടായ ആരോഗ്യപ്രശ്‌നങ്ങളാല്‍ ചികിത്സയിലായിരുന്ന വിദ്യാര്‍ഥിനി മരിച്ചു. മെരുവമ്പായി ഹെല്‍ത്ത് സെന്ററിന് സമീപം കൈതേരികണ്ടി വീട്ടില്‍ എം. ശ്രീനന്ദ (18) ആണ് മരിച്ചത്.
തലശ്ശേരി സഹകരണ ആസ്പത്രിയില്‍ അത്യാഹിതവിഭാഗത്തിലായിരുന്നു. കോഴിക്കോട് മെഡിക്കല്‍ കോളേജിലും ചികിത്സ തേടിയിരുന്നു. വണ്ണം കൂടുതലാണെന്ന ധാരണയില്‍ കുറച്ചുനാളായി ഭക്ഷണത്തിന്റെ അളവ് കുറച്ചതാണ് പ്രശ്‌നമായതെന്ന് കരുതുന്നു. ഡോക്ടറുടെ പ്രതികരണം ലഭ്യമായില്ല.മട്ടന്നൂര്‍ പഴശ്ശിരാജ എന്‍.എസ്.എസ്. കോളജ് ഒന്നാംവര്‍ഷ ബിരുദ വിദ്യാര്‍ഥിനിയാണ്. അച്ഛന്‍: ആലക്കാടന്‍ ശ്രീധരന്‍. അമ്മ: എം. ശ്രീജ (മെരുവമ്പായി എം.യു.പി. സ്‌കൂള്‍ ജീവനക്കാരി). സഹോദരന്‍: യദുനന്ദ്.

വണ്ണം കൂടുതലെന്ന ചിന്ത, യൂട്യൂബ് നോക്കി ഭക്ഷണക്രമീകരണം; ബിരുദ വിദ്യാര്‍ഥിനി മരിച്ചു

Kannur

കോഴിക്കോട് : താമരശേരിയിൽ പത്താം ക്ലാസ് വിദ്യാർത്ഥി ഷഹബാസിനെ മർദ്ദിച്ചു കൊന്ന കേസിൽ പ്രതികളായ അഞ്ച് വിദ്യാർത്ഥികളും പ്ളസ് വൺ പ്രവേശനം നേടി. മൂന്നുപേർ താമരശേരി ഗവൺമെന്റ് വൊക്കേഷണൽ ഹയർസെക്കൻഡറി സ്‌കൂളിലും ഒരാൾ സെന്റ് ജോസഫ് എച്ച്‌എസ്‌എസിലും മറ്റൊരാൾ ഗവൺമെന്റ് വിഎച്ച്‌എസ്‌എസ് കുറ്റിച്ചിറയിലുമാണ് പ്രവേശനം നേടിയത്. താമരശേരിയിൽ രണ്ട് വിദ്യാർത്ഥികൾ താത്‌കാലികമായും ഒരാൾ സ്ഥിരപ്രവേശനവുമാണ് നേടിയത്.സ്വഭാവ സർട്ടിഫിക്കറ്റ് തൃപ്തികരമല്ല എന്ന റിപ്പോ‌ർട്ട് ആണ് സ്‌കൂൾ അധികൃതർ കുറ്റാരോപിതരായ വിദ്യാർത്ഥികൾക്ക് നൽകിയതെങ്കിലും ഇക്കാരണത്താൽ പ്രവേശനം നിഷേധിക്കാനാവില്ല എന്ന നിർദേശമാണ് വിദ്യാഭ്യാസ വകുപ്പിൽ നിന്ന് സ്‌കൂളിന് ലഭിച്ചത്.&nbsp;
അതിനിടെ പ്രവേശനം നേടാനായി പൊലീസ് അകമ്പടിയോടെ കുട്ടികളുമായി എത്തിയ വാഹനം കെഎസ്‌യു, എംഎസ്‌എഫ് പ്രവർത്തകർ തടഞ്ഞു. ഇവരെ പൊലീസ് അറസ്റ്റുചെയ്ത് നീക്കി. പ്രവേശനത്തിനുശേഷം കുട്ടികളെ വെള്ളിമാടുകുന്ന് ജുവനൈൽ ഹോമിൽ തിരികെ എത്തിച്ചു.ആറ് പ്രതികൾക്കും നേരിട്ടോ ഓൺലൈനായോ പ്രവേശനത്തിനായി ഹാജരാകാൻ സൗകര്യമൊരുക്കണമെന്ന് ഹൈക്കോടതി നിർദേശിച്ചിരുന്നു. ഇതിനായി ഇന്ന് രാവിലെ 10 മുതൽ വൈകിട്ട് അഞ്ചുവരെ തടവിൽ ഇളവ് നൽകുകയും ചെയ്തു. ഇവരെ നേരിട്ട് സ്കൂളിൽ എത്തിക്കണമെങ്കിൽ മതിയായ സംരഷണം നൽകണമെന്ന് താമരശേരി എസ്.എച്ച്.ഒയോടും ഒബ്സർവേഷൻ ഹോം സൂപ്രണ്ടിനോടും കോടതി നിർദ്ദേശിച്ചിരുന്നു.&nbsp;

ഷഹബാസ് കൊലക്കേസ്; പ്രതികളായ അഞ്ച് വിദ്യാർത്ഥികളും പ്ളസ് വൺ പ്രവേശനം നേടി

തിരുവനന്തപുരം: സംസ്ഥാനത്ത് ഈ മാസം പത്ത് മുതൽ ട്രോളിംഗ് നിരോധനം. ഇന്നുച്ചേർന്ന മന്ത്രിസഭാ യോഗത്തിലാണ് തീരുമാനം. ജൂൺ ഒൻപത് അർദ്ധരാത്രി മുതൽ ജൂലായ് 31 അർദ്ധരാത്രിവരെ 52 ദിവസമാണ് ട്രോളിംഗ് നിരോധനം ഏർപ്പെടുത്തിയത്. ഇത് സംബന്ധിച്ച വിജ്ഞാപനം പുറപ്പെടുവിച്ചു.ട്രോളിംഗ് നിരോധന കാലയളവിൽ കേരള തീരത്ത് മത്സ്യബന്ധന ബോട്ടുകൾ കടലിൽ പോകുവാനോ മത്സ്യബന്ധനം നടത്താനോ പാടുള്ളതല്ലെന്ന് ഫിഷറീസ് വകുപ്പ് അറിയിച്ചു.&nbsp;
കടലോരമേഖലകളിൽ പൊലീസ് നിരീക്ഷണവും കടൽ നിരീക്ഷണവും ശക്തമാക്കുന്നതിന് എ.ഡി.എം ഇൻ ചാർജ് കെ.വി. ശ്രുതിയുടെ അദ്ധ്യക്ഷതയിൽ ചേർന്ന ട്രോളിംഗ് നിരോധന മുന്നൊരുക്ക യോഗം തീരുമാനിച്ചു. സുരക്ഷ മാനദണ്ഡങ്ങൾ കർശനമാക്കിയതിനാൽ പരമ്പരാഗത യാനങ്ങളിൽ ആധാർ, രജിസ്‌ട്രേഷൻ സർട്ടിഫിക്കറ്റ്, ലൈസൻസ് എന്നിവയുള്ള തൊഴിലാളികളെ മാത്രമേ മത്സ്യബന്ധനത്തിന് അയക്കാവൂ എന്ന് ഉടമകൾക്ക് നിർദേശം നൽകി.
മറ്റ് നിർദേശങ്ങൾ
ട്രോളിംഗ് നിരോധനം തുടങ്ങുന്ന ഒമ്പതിന് അർദ്ധരാത്രി 12 മണിക്ക് മുമ്പായി എല്ലാ ബോട്ടുകളും ഹാർബറുകളിൽ പ്രവേശിക്കണം. കേരള തീരത്ത് മത്സ്യബന്ധനം നടത്തിക്കൊണ്ടിരിക്കുന്ന അന്യസംസ്ഥാന ബോട്ടുകൾ ഒമ്പതിന് മുമ്പായി തീരം വിട്ട് പോകേണ്ടതാണ്. ട്രോളിംഗ് നിരോധന കാലയളവിൽ മത്സ്യബന്ധനത്തിൽ ഏർപ്പെടുന്ന ഇൻബോർഡ് വള്ളങ്ങൾ (താങ്ങുവള്ളം) ഒരു കാരിയർ വള്ളം മാത്രമേ ഉപയോഗിക്കാൻ പാടുള്ളൂ. രണ്ട് വള്ളങ്ങൾ ഉപയോഗിച്ചുള്ള പെയർ ട്രോളിംഗ് അഥവാ ഡബിൾ നെറ്റ് കർശനമായും നിരോധിച്ചിട്ടുള്ളതും ശിക്ഷാർഹവുമാണ്.

സംസ്ഥാനത്ത് ജൂൺ പത്തുമുതൽ 52 ദിവസത്തേയ്ക്ക് ട്രോളിംഗ് നിരോധനം

ന്യൂഡൽഹി: രാജ്യത്ത് കോവിഡ് കേസുകൾ വർധിക്കുന്നതായി റിപ്പോർട്ട്. കോവിഡ് വ്യാപനത്തിന്റെ പശ്ചാത്തലത്തിൽ പ്രതിരോധ പ്രവർത്തനങ്ങളുടെ ഭാഗമായി മോക്ക് ഡ്രില്ലുകൾ നടത്താൻ കേന്ദ്ര ആരോഗ്യമന്ത്രാലയം സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും നിർദേശം നൽകി.
ആരോഗ്യ അടിയന്തരാവസ്ഥ നേരിടാൻ ആശുപത്രികളിലെ സജ്ജീകരണങ്ങൾ സജ്ജമാണെന്നു വിലയിരുത്തുന്ന മോക്ക് ഡ്രിൽ വ്യാഴാഴ്ച നടത്താനാണ് നിർദേശം നൽകിയിരിക്കുന്നത്. അതേസമയം ആശുപത്രികളിൽ ഓക്സിജൻ, കിടക്കകൾ, വെൻ്റിലേറ്ററുകൾ എന്നിവയുടെ ലഭ്യത ഉറപ്പാക്കണമെന്ന് സംസ്ഥാനങ്ങൾക്ക് നിർദേശം നൽകിയിട്ടുണ്ട്. തീവ്രത കുറഞ്ഞ വകഭേദമായതിനാൽ ആശങ്കവേണ്ടെന്നും ആരോഗ്യമന്ത്രാലയം വ്യക്തമാക്കുന്നുണ്ട്.
24 മണിക്കൂറിനിടെ രാജ്യത്ത് 4866 കോവിഡ് കേസുകളാണ് റിപ്പോർട്ട് ചെയ്തിരിക്കുന്നത്. അതിൽ കേരളത്തിൽ 114 പുതിയ കോവിഡ് രോഗികളുമുണ്ട്. ഇതോടെ കേരളത്തിലെ ആകെ ആക്ടീവ് കേസുകൾ 1487 ആയി ഉയർന്നു. ഏഴ് മരണവും റിപ്പോർട്ട് ചെയ്തിട്ടുണ്ട്. കോവിഡ് കേ​സു​ക​ൾ ഉ​യ​രു​ന്ന സാ​ഹ​ച​ര്യ​ത്തി​ൽ എ​ല്ലാ സം​സ്ഥാ​ന​ങ്ങ​ളും സ​ജ്ജ​മാ​ക​ണ​മെ​ന്നാണ് കേ​ന്ദ്ര സ​ർ​ക്കാ​റി​ന്റെ നി​ർ​ദേ​ശം.ഓ​ക്സി​ജ​ൻ ല​ഭ്യ​ത​ക്ക് പു​റ​മെ, രോ​ഗി​ക​ളെ സ​മ്പ​ർ​ക്ക​ വി​ല​ക്കി​ൽ ചി​കി​ത്സി​ക്കാ​നു​ള്ള കി​ട​ക്ക​ക​ൾ, വെ​ന്റി​ലേ​റ്റ​റു​ക​ൾ, അ​വ​ശ്യ മ​രു​ന്നു​ക​ൾ എ​ന്നി​വ ക​രു​ത​ണ​മെ​ന്നും ബ​ന്ധ​പ്പെ​ട്ട വ​കു​പ്പു​ക​ൾ ആ​വ​ശ്യ​പ്പെ​ട്ടു.&nbsp;

രാജ്യത്ത് കോവിഡ് കേസുകൾ വർധിക്കുന്നതായി റിപ്പോർട്ട്;പ്രതിരോധ പ്രവർത്തനങ്ങളുടെ ഭാഗമായി മോക്ക് ഡ്രില്ലുകൾ നടത്തും

തിരുവനന്തപുരം: ബലിപെരുന്നാൾ അവധി മറ്റന്നാൾ മാത്രം. നാളത്തെ അവധിയാണ് മറ്റന്നാളത്തേക്ക് മാറ്റി സർക്കാർ ഉത്തരവിട്ടത്. രണ്ട് ദിവസവും അവധി വേണമെന്ന ആവശ്യം നേരത്തെ ഉയ‌ർന്നിരുന്നു. ബക്രീദിന് വെള്ളിയാഴ്ച അവധി പ്രഖ്യാപിച്ചിട്ടുണ്ടെങ്കിലും മാസപ്പിറവി വൈകിയതിനാൽ ജൂൺ 7നാവും വലിയപെരുന്നാളെന്നാണ് മതപണ്ഡിതർ അറിയിച്ചിരുന്നത്.

ബക്രീദ്; നാളത്തെ അവധി മറ്റന്നാളത്തേക്ക് മാറ്റി

നിലമ്പൂര്‍: ഉപതിരഞ്ഞെടുപ്പില്‍ നാമനിര്‍ദേശ പത്രിക പിൻവലിക്കാനുള്ള അവസാനദിവസവും യുഡിഎഫിന് മുന്നില്‍ പുതിയ ഉപാധികള്‍വെച്ച് പി.വി. അന്‍വര്‍. അടുത്തതവണ യുഡിഎഫിന് ഭരണം കിട്ടിയാല്‍ മന്ത്രിയാക്കണമെന്നും ആഭ്യന്തരവകുപ്പും വനംവകുപ്പും നല്‍കണമെന്നും അല്ലെങ്കില്‍ വി.ഡി. സതീശനെ യുഡിഎഫിന്റെ നേതൃസ്ഥാനത്തുനിന്ന് മാറ്റിയാല്‍ മതിയെന്നുമാണ് പി.വി. അന്‍വറിന്റെ ഉപാധി. ഇത് രണ്ടും അംഗീകരിച്ചാല്‍ യുഡിഎഫിന്റെ മുന്നണിപടയാളിയായി താന്‍ രംഗത്തുണ്ടാകുമെന്നും അൻവർ പറയുന്നു.വി.ഡി. സതീശനെ 'മുക്കാല്‍ പിണറായി' എന്നാണ് മാധ്യമങ്ങളോട് സംസാരിക്കുന്നതിനിടെ പി.വി. അന്‍വര്‍ വിശേഷിപ്പിച്ചത്. മലപ്പുറം ജില്ല വിഭജിക്കണമെന്നും അദ്ദേഹം ആവശ്യപ്പെട്ടു.
''വി.ഡി. സതീശനെ യുഡിഎഫ് നേതൃസ്ഥാനത്ത് ഇരുത്തിക്കൊണ്ട് ഞാന്‍ അതിലേക്ക് വരില്ല. ഒരു പിണറായിയെ ഇറക്കിയിട്ട് മുക്കാല്‍ പിണറായിയെ ഭരണത്തില്‍ കയറ്റാന്‍ ഞാനില്ല. 2026ലെ തിരഞ്ഞെടുപ്പില്‍ ആഭ്യന്തരവകുപ്പും വനംവകുപ്പും തരാന്‍ തയ്യാറാണെന്ന് രേഖയാക്കി പരസ്യമായി പറയുകയാണെങ്കില്‍ 2026-ല്‍ യുഡിഎഫിനെ അധികാരത്തിലെത്തിക്കാനുള്ള മുന്നണിപടയാളിയായി ഞാന്‍ ഉണ്ടാകും. ഒരു വലിയ പിണറായിയെ ഇറക്കിയിരുത്തിയിട്ട് കേരളത്തില്‍ ഒരു മുക്കാല്‍ പിണറായിയെ കയറ്റി ഇരുത്തി മുഖ്യമന്ത്രിയാക്കാനാണല്ലോ നടക്കുന്നത്. അതിന് പിവി അന്‍വര്‍ ഇല്ലെന്നാണ് പറയുന്നത്. അതില്ലാത്ത യുഡിഎഫില്‍ പിവി അന്‍വര്‍ ഉണ്ടാകും, ഒരു തര്‍ക്കവുമില്ല'', അദ്ദേഹം പറഞ്ഞു.മലപ്പുറം ജില്ല വിഭജിക്കണമെന്നതാണ് തന്റെയും പാര്‍ട്ടിയായ തൃണമൂല്‍ കോണ്‍ഗ്രസിന്റെയും ആവശ്യമെന്നും പി.വി. അന്‍വര്‍ വ്യക്തമാക്കി. മലപ്പുറം ജില്ല വിഭജിക്കണം. തിരഞ്ഞെടുപ്പിന് ശേഷവും തൃണമൂല്‍ ഈ വിഷയം ഉന്നയിച്ച് രംഗത്തുണ്ടാവും. മലയോര ജനതയ്ക്കായി തിരുവമ്പാടി കൂടി ഉള്‍പ്പെടുത്തി പുതിയ ജില്ല വേണമെന്നാണ് ആവശ്യമെന്നും പി.വി. അന്‍വര്‍ പറഞ്ഞു.

സതീശനെ മാറ്റണം,അടുത്തതവണ യുഡിഎഫിന് ഭരണം കിട്ടിയാല്‍ മന്ത്രിയാക്കണം;ഉപാധികള്‍വെച്ച് പി.വി. അന്‍വർ

Search Results for: transgender couples