ന്യൂഡല്‍ഹി: ഉത്തര്‍പ്രദേശിലെ അയോധ്യയില്‍ ഈ വര്‍ഷം ആദ്യം തങ്ങളുടെ 250-ാമത് ഷോറൂം തുറക്കുമെന്ന് കല്യാണ്‍ ജ്വല്ലേഴ്സ്. ജനുവരി 22-നാണ് അയോധ്യയില്‍ രാമക്ഷേത്രത്തിന്റെ ഉദ്ഘാടനം. ക്ഷേത്രത്തില്‍ ആദ്യ മാസങ്ങളില്‍ പ്രതിദിനം മൂന്ന് ലക്ഷം വിനോദസഞ്ചാരികള്‍ എത്തുമെന്ന് അയോധ്യ വികസന അതോറിറ്റി പ്രതീക്ഷിക്കുന്നത്.&nbsp;
2023-24 സാമ്പത്തിക വര്‍ഷത്തിന്റെ നാലാം പാദത്തില്‍ ഇന്ത്യയിലും മിഡില്‍ ഈസ്റ്റിലും 30 ഷോറൂമുകള്‍ കൂടി തുറക്കാന്‍ പദ്ധതിയിടുന്നതായും അധികൃതര്‍ അറിയിച്ചു. ഇന്ത്യയില്‍ 15 ഉം മിഡില്‍ ഈസ്റ്റില്‍ രണ്ടും 13 കാന്‍ഡെര്‍ ഷോറൂമുകളും തുറക്കാനാണ് കമ്പനി പദ്ധതിയിടുന്നത്. ഇന്ത്യയിലും മിഡില്‍ ഈസ്റ്റിലുമായി കല്യാണ്‍ ജ്വല്ലേഴ്സിന് നിലവില്‍ 235 ഷോറൂമുകളാണുള്ളത്. മുന്‍ പാദത്തില്‍ ആരംഭിച്ച കമ്പനിയുടെ ഉടമസ്ഥതയിലുള്ള ഷോറൂമുകള്‍ ഫ്രാഞ്ചൈസി ഉടമസ്ഥതയിലുള്ള ഷോറൂമുകളാക്കി മാറ്റാന്‍ സാധ്യതയുണ്ടെന്നും അധികൃതര്‍ അറിയിച്ചു.&nbsp;

ജനുവരി 22-നാണ് അയോധ്യയില്‍ രാമക്ഷേത്രത്തിന്റെ ഉദ്ഘാടനം

National

കല്യാണ്‍ ജ്വല്ലേഴ്സിന്റെ  250-ാമത് ഷോറൂം അയോധ്യയില്‍

തിരുവനന്തപുരം: ശ്രീചിത്രാ പുവർ ഹോമിലെ മൂന്ന് കുട്ടികൾ ആത്മഹത്യയ്‌ക്ക് ശ്രമിച്ചു. 16,15,12 വയസുള്ള പെൺകുട്ടികളാണ് ആത്മഹത്യയ്‌ക്ക് ശ്രമിച്ചത്. രണ്ടുപേർ തിരുവനന്തപുരം മെഡിക്കൽ കോളേജിലും ഒരാൾ എസ്‌എറ്റി ആശുപത്രിയിലും ചികിത്സയിലാണ്.
ഇന്നലെ രാത്രിയാണ് കുട്ടികൾ ഗുളിക വിഴുങ്ങി ആത്മഹത്യയ്‌ക്ക് ശ്രമിച്ചത്. ഉടൻ കുട്ടികളെ ആശുപത്രിയിൽ പ്രവേശിപ്പിച്ചു. മെഡിക്കൽ കോളേജിലെ പതിനാലാം വാർഡിലാണ് രണ്ട് കുട്ടികൾ ചികിത്സയിലുള്ളത്. സംസ്ഥാന വനിതാ ശിശു വികസന വകുപ്പിന് കീഴിലുള്ളതാണ് ശ്രീചിത്ര ഹോം.രണ്ടാഴ്‌ച മുമ്പാണ് ഈ മൂന്ന് കുട്ടികളും ശ്രീചിത്ര പുവർ ഹോമിൽ എത്തിയത്. ഇവിടെയെത്തിയ ദിവസം മുതൽ വീട്ടിൽ പോകണമെന്ന് പെൺകുട്ടികൾ വാശിപിടിച്ചിരുന്നു. നിലവിൽ മൂന്നുപേരുടെയും ആരോഗ്യനില തൃപ്‌തികരമാണെന്ന് അധികൃതർ അറിയിച്ചു.പാരസെറ്റമോൾ ഗുളികകളും വൈറ്റമിൻ ഗുളികകളും അമിതമായി കഴിക്കുകയായിരുന്നുവെന്ന് ശ്രീചിത്ര പുവർ ഹോം സൂപ്രണ്ട് ബിന്ദു പറഞ്ഞു.&nbsp;
അന്തേവാസികളായ ചില കുട്ടികൾ കളിയാക്കിയത് മാനസിക വിഷമത്തിലാക്കിയിരുന്നുവെന്നാണ് ആത്മഹത്യയ്‌ക്ക് ശ്രമിച്ച പെൺകുട്ടികൾ പറയുന്നത്.

ശ്രീചിത്ര പുവർ ഹോമിലെ മൂന്ന് പെൺകുട്ടികൾ ആത്മഹത്യയ്‌ക്ക് ശ്രമിച്ചു

Kerala

പാലക്കാട്: പ്രാഥമിക പരിശോധനയിൽ നിപ സ്ഥിരീകരിച്ച് മരണപ്പെട്ടയാളുടെ റൂട്ട് മാപ്പ് പുറത്തുവിട്ടു. നിപ ലക്ഷണങ്ങളോടെ മരിച്ച മണ്ണാർക്കാട് സ്വദേശിയായ അമ്പത്തിയെട്ടുകാരന്റെ റൂട്ട് മാപ്പാണ് ജില്ലാ ഭരണകൂടം പുറത്തുവിട്ടത്. പനിയും ശ്വാസതടസവുമായി പെരിന്തൽമണ്ണയിലെ സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു മരണം.
മഞ്ചേരി മെഡിക്കൽ കോളേജ് ആശുപത്രിയിൽ നടത്തിയ പ്രാഥമിക പരിശോധനയിലാണ് ഇദ്ദേഹത്തിന് നിപ സ്ഥിരീകരിച്ചത്. വിശദമായ പരിശോധനയ്‌ക്കായി സാംപിൾ പൂനെ വൈറോളജി ലാബിലേക്ക് അയച്ചിരിക്കുകയാണ്. ഒരാഴ്‌ച മുമ്പ് മണ്ണാർക്കാട്ടെ രണ്ട് സ്വകാര്യ ആശുപത്രികളിൽ ഇദ്ദേഹം ചികിത്സ തേടിയിരുന്നു. കടുത്ത ശ്വാസതടസത്തോടെ വെള്ളിയാഴ്ച വൈകിട്ടാണ് മണ്ണാർക്കാട്ട് നിന്ന് പെരിന്തൽമണ്ണയിലെ സ്വകാര്യ ആശുപത്രിയിലെത്തിച്ചത്.&nbsp;

പാലക്കാട് നിപ മരണം; രോഗിയുടെ റൂട്ട് മാപ്പ് പുറത്തുവിട്ടു

പനാജി: ഗോവ ഗവർണറായിരുന്ന പി.എസ് ശ്രീധരൻപിള്ളയെ സ്ഥാനത്തുനിന്ന് മാറ്റി. പശുപതി അശോക് ഗജപതിയാണ് പുതിയ ഗവർണർ. രാഷ്ട്രപതി ഭവനിൽനിന്നാണ് ഇതുസംബന്ധിച്ചുള്ള ഉത്തരവ് പുറപ്പെടുവിച്ചത്.
നേരത്തെ മിസോറമിൽ ഗവർണറായതിന് പിന്നാലെയാണ് ഗോവ ഗവർണറായി അദ്ദേഹം എത്തുന്നത്. ഹരിയാനയിലെ ഗവർണറെയും ലഡാക്കിലെ ലെഫ്റ്റനന്റ് ഗവർണറെയും മാറ്റിയിട്ടുണ്ട്. മുൻ സിവിൽ വ്യോമയാന മന്ത്രിയാണ് പശുപതി ഗജപതി രാജു. 2014 മുതൽ 2018 വരെ വ്യോമയാന മന്ത്രിയായിരുന്നു.രാജ്യസഭയിലെ ഒഴിവുകളിലേയ്ക്ക് നാമനിർദേശം നൽകിക്കൊണ്ട് കേന്ദ്രസർക്കാർ പട്ടിക പുറത്തുവിട്ടിരുന്നു. ഇതിന് പിന്നാലെയാണ് മൂന്നിടങ്ങളിലെ ഗവർണർമാരെ മാറ്റിയത്.

ഗോവ ഗവർണർ സ്ഥാനത്തുനിന്ന് ശ്രീധരൻപിള്ളയെ മാറ്റി

തിരുവനന്തപുരം: പത്മനാഭസ്വാമി ക്ഷേത്രത്തിൽ സുരക്ഷാ വീഴ്ച. സുരക്ഷ ഉദ്യോഗസ്ഥന്റെ തോക്കിൽ നിന്ന് വെടിപൊട്ടി. തിങ്കളാഴ്ച രാവിലെയാണ് സംഭവം. തോക്ക് വൃത്തിയാക്കുന്നതിനിടെയാണ് വെടിപൊട്ടിയത്. വെടുയുണ്ട നിലത്ത് തറച്ചു കയറി. സംഭവത്തിൽ അന്വേഷണം ആരംഭിച്ചിട്ടുണ്ട്.

പത്മനാഭസ്വാമി ക്ഷേത്രത്തിൽ സുരക്ഷാ വീഴ്ച, തോക്കിൽ നിന്നും വെടിപൊട്ടി

ന്യൂഡൽഹി: തമിഴ്നാട് മുൻ മുഖ്യമന്ത്രിമാരായ എംജിആറിന്റെയും ജയലളിതയുടെയും മകളാണെന്ന അവകാശവാദവുമായി മലയാളി യുവതി. തൃശൂർ സ്വദേശിനി സുനിതയാണ് അവകാശവാദവുമായി രംഗത്തെത്തിയത്. ജയലളിതയെ കൊലപ്പെടുത്തിയതാണെന്നും അന്വേഷണം വേണമെന്നും ആവശ്യപ്പെട്ട് സുപ്രീം കോടതി ചീഫ് ജസ്റ്റിസിന് അവർ പരാതി നൽകിയിട്ടുണ്ട്. ഒരു മാധ്യമമാണ് വാർത്ത പുറത്തുവിട്ടിരിക്കുന്നത്.ചീഫ് ജസ്റ്റിസിനെക്കൂടാതെ പ്രധാനമന്ത്രി നരേന്ദ്ര മോദി, അഭ്യന്തരമന്ത്രി അമിത് ഷാ, രാഷ്ട്രപതി ദ്രൗപതി മുർമു അടക്കമുള്ളവർക്കും സുനിത പരാതി നൽകിയിട്ടുണ്ട്.&nbsp;
'എന്റെ അമ്മയെ കൊല്ലുന്നത് ഞാൻ കണ്ടു. ഞാനൊരു സാധാരണക്കാരിയാണ്. എനിക്കെന്ത് ചെയ്യാൻ പറ്റും. അമ്മയെ സംരക്ഷിച്ചവരാണ് അമ്മയെ കൊന്നത്. എനിക്ക് പേടിയായിരുന്നു. അമ്മ മുമ്പേ ഡി എൻ എ ടെസ്റ്റ് ചെയ്തതാണ്. എന്നെ അംഗീകരിച്ചിട്ടുള്ളതാണ്. സമൂഹത്തിന് മുന്നിൽ വെളിപ്പെടുത്താൻ ഇരുന്നതാണ്.&nbsp;
അന്ന് സെപ്തംബർ 22ന് അമ്മ പറഞ്ഞതുപോലെ ഞാൻ ചെന്നു. മരിച്ചനിലയിലാണ് ഞാൻ കണ്ടത്.എന്റെ അമ്മയ്ക്ക് നീതി വാങ്ങിക്കൊടുക്കണം. ഞാൻ അമ്മയെ പോയി കാണാറും സംസാരിക്കാറുമൊക്കെയുണ്ടായിരുന്നു. അമ്മ സാമ്പത്തിക സഹായം തന്നിരുന്നു. സ്റ്റാഫ് വഴിയായിരുന്നു സഹായം എത്തിച്ചിരുന്നത്. 2024 ഓഗസ്റ്റ് വരെ എനിക്ക് സാമ്പത്തിക സഹായം ലഭിച്ചു. ജീവിക്കാനുള്ള പണം തരുമായിരുന്നു. തൃശൂർ സ്വദേശിനിയാണെങ്കിലും ഇപ്പോൾ വേറൊരു സ്ഥലത്താണ് താമസിക്കുന്നത്.'- സുനിത പറഞ്ഞു.

ജയലളിതയുടെയും എംജിആറിന്റെയും മകളെന്ന അവകാശവാദവുമായി മലയാളി യുവതി

Search Results for: sree chitra poor home