വടകര: യുവതിയുടെ ഫോട്ടോ മോര്‍ഫ് ചെയ്ത് പണം ആവശ്യപ്പെട്ട യുവാവിനെ സൈബര്‍ക്രൈം പോലീസ് അറസ്റ്റ് ചെയ്തു. കല്ലാനോട് കാവാറപറമ്പില്‍ അതുല്‍ കൃഷ്ണനെയാണ് റൂറല്‍ സൈബര്‍ക്രൈം ഇന്‍സ്‌പെക്ടര്‍ സി.ആര്‍. രാജേഷ് കുമാര്‍ അറസ്റ്റ് ചെയ്തത്. യുവതിയുടെ മോര്‍ഫ്‌ചെയ്ത ചിത്രം വാട്സാപ്പിലൂടെ അമ്മയ്ക്ക് അയച്ചുകൊടുത്ത് സോഷ്യല്‍മീഡിയവഴി പ്രചരിപ്പിക്കാതിരിക്കാന്‍ രണ്ട് ലക്ഷം രൂപയാണ് യുവാവ് ആവശ്യപ്പെട്ടത്.
തുടര്‍ന്ന് യുവതിയുടെ അമ്മ പരാതിയുമായി സൈബര്‍ ക്രൈംപോലീസിനെ സമീപിക്കുകയായിരുന്നു. ഫോണിന്റെ ഐഎംഇഐ നമ്പര്‍ കേന്ദ്രീകരിച്ചുള്ള അന്വേഷണത്തിനൊടുവിലാണ് ഇയാളെ പിടികൂടിയത്. അന്വേഷണ സംഘത്തില്‍ എസ്‌ഐ കെ. അബ്ദുല്‍ ജലീല്‍, എസിപിഒ ലിനീഷ് കുമാര്‍, സിപിഒ മാരായ വി.പി.ഷഫീഖ്, പി. ലിന എന്നിവരും ഉണ്ടായിരുന്നു.

യുവതിയുടെ ഫോട്ടോ മോര്‍ഫ് ചെയ്ത് പണം തട്ടാന്‍ ശ്രമം; കല്ലാനോട് സ്വദേശിയായ യുവാവ് അറസ്റ്റിൽ

Vadakara

ചങ്ങനാശ്ശേരി (കോട്ടയം): ജ്യേഷ്ഠന്റെ ഭാര്യയെ തീകൊളുത്തി കൊലപ്പെടുത്താന്‍ ശ്രമിച്ചു. 80 ശതമാനത്തോളം പൊള്ളലേറ്റ സ്ത്രീ കോട്ടയം മെഡിക്കല്‍ കോളേജ് ആശുപത്രിയില്‍ ഗുരുതരാവസ്ഥയില്‍ ചികിത്സയിലാണ്.
സംഭവത്തിനുശേഷം പ്രതിയെ വിഷം കഴിച്ചനിലയില്‍ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ചങ്ങനാശ്ശേരി പറാല്‍ പ്രിയനിവാസില്‍ വേണുഗോപാലിന്റെ ഭാര്യ പ്രസന്ന വേണുഗോപാലിന് (62) നേരേയാണ് ആക്രമണമുണ്ടായത്. വേണുഗോപാലിന്റെ അനുജന്‍ രാജുവാണ് ആക്രമിച്ചത്. തിങ്കളാഴ്ച രാത്രിയായിരുന്നു സംഭവം.വേണുഗോപാലിന്റെ വീട്ടിലെത്തിയ രാജു കൈയില്‍ കരുതിയിരുന്ന ദ്രാവകം പ്രസന്നയുടെ ദേഹത്ത് ഒഴിച്ച് തീകൊളുത്തുകയായിരുന്നുവെന്ന് പോലീസ് പറഞ്ഞു. അടുത്തുണ്ടായിരുന്ന വേണുഗോപാല്‍, പ്രസന്നയെ രക്ഷിക്കാന്‍ ശ്രമിച്ചു. ഇദ്ദേഹത്തിനും പൊള്ളലേറ്റു. ഓടിക്കൂടിയ നാട്ടുകാര്‍ ചേര്‍ന്നാണ് പ്രസന്നയെ ആശുപത്രിയിലെത്തിച്ചത്.വിഷം ഉള്ളില്‍ച്ചെന്ന രാജു അപകടനില തരണംചെയ്താല്‍മാത്രമേ ചോദ്യംചെയ്യാന്‍ സാധിക്കൂവെന്ന് പോലീസ് പറഞ്ഞു. രാജുവിന് വേണുഗോപാലിന്റെ കുടുംബവുമായി മുന്‍വൈരമുണ്ടായിരുന്നതായും പോലീസ് പറഞ്ഞു.&nbsp;

ജ്യേഷ്ഠന്റെ ഭാര്യയെ തീകൊളുത്തി കൊല്ലാൻ ശ്രമം; പ്രതി വിഷം ഉള്ളിൽച്ചെന്നനിലയിൽ

Kerala

നെടുങ്കണ്ടം: രണ്ടാം ക്ലാസില്‍ പഠിക്കുന്ന ദളിത് വിഭാഗത്തില്‍പ്പെട്ട വിദ്യാര്‍ഥിയെക്കൊണ്ട് അധ്യാപിക സഹപാഠിയുടെ ഛര്‍ദി വാരിപ്പിച്ചതായി പരാതി. കുട്ടിയുടെ അമ്മയാണ് എ.ഇ.ഒ.യ്ക്ക് പരാതി നല്‍കിയത്.
ഉടുമ്പന്‍ചോലയ്ക്കടുത്ത് സ്ലീബാമലയില്‍ പ്രവര്‍ത്തിക്കുന്ന എല്‍.പി.സ്‌കൂളിലെ അധ്യാപികയ്‌ക്കെതിരേയാണ് പരാതി. ഈ മാസം 13-ന് കുട്ടിയുടെ സഹപാഠി പനിയും ശാരീരിക അസ്വസ്ഥതകളും മൂലം ക്ലാസില്‍ ഛര്‍ദിച്ചു. കുട്ടികളോട് മണല്‍വാരിയിട്ട് ഇത് മൂടാന്‍ ആവശ്യപ്പെട്ടു. പിന്നീട് ഈ കുട്ടിയോട് മാത്രമായി അത് ചെയ്യാന്‍ പറഞ്ഞു. എന്നാല്‍, ആറര വയസ്സു മാത്രമുള്ള കുട്ടി ഇത് നിരസിക്കുകയും ടീച്ചറെ ഞാന്‍ ഇവിടെയിരുന്ന് എഴുതിക്കോളാം എന്നുപറഞ്ഞു. എന്നാല്‍, അതുകേട്ട് അധ്യാപിക ദേഷ്യപ്പെടുകയും കുട്ടിയെക്കൊണ്ട് നിര്‍ബന്ധപൂര്‍വം കോരിക്കളയിപ്പിക്കുകയുമായിരുന്നു. സഹപാഠിയായ കുട്ടി സഹായിക്കാന്‍ തുനിഞ്ഞപ്പോള്‍ അധ്യാപിക തടയുകയും ചെയ്തു.
കുട്ടി ഇക്കാര്യം വീട്ടില്‍ അറിയിച്ചില്ല. എന്നാല്‍, അടുത്ത ദിവസം സഹപാഠിയില്‍നിന്ന് വിവരമറിഞ്ഞ മാതാപിതാക്കള്‍ ഇക്കാര്യം പ്രഥമാധ്യാപികയെ അറിയിച്ചു. എന്നാല്‍, അവര്‍ അധ്യാപികയ്ക്ക് താക്കീത് നല്‍കുന്നതില്‍ മാത്രം നടപടി ഒതുക്കിയെന്ന് പരാതിയില്‍ പറയുന്നു. തുടര്‍ന്ന് മാതാപിതാക്കള്‍ പോലീസില്‍ പരാതി നല്‍കി. പരാതി ജില്ലാ കളക്ടര്‍ക്ക് കൈമാറിയിട്ടുണ്ടെന്നും പ്രഥമാധ്യാപികയോട് കളക്ടര്‍ മുമ്പാകെ ഹാജരാകാന്‍ നിര്‍ദേശിച്ചിട്ടുണ്ടെന്നും ഇടുക്കി വിദ്യാഭ്യാസ ഉപഡയറക്ടര്‍ എസ്.ഷാജി പറഞ്ഞു.

ദളിത് വിദ്യാര്‍ഥിയെക്കൊണ്ട് സഹപാഠിയുടെ ഛര്‍ദി വാരിപ്പിച്ചു; അധ്യാപികയ്‌ക്കെതിരേ പരാതി

വർക്കല: ഭാര്യയുടെ സ്വർണം പണയം വച്ച് പണവുമായി മുങ്ങിയ ഭർത്താവിനെ പൊലീസ് പിടികൂടി. നെയ്യാറ്റിൻകര കലമ്പാട്ടുവിള പള്ളിച്ചൽ ദേവീകൃപയിൽ അനന്തു (34)വാണ് പിടിയിലായത്. 2021 ആഗസ്റ്റിലായിരുന്നു വർക്കല പനയറ സ്വദേശിയായ യുവതിയും ഫിസിയോതെറാപ്പിസ്റ്റായ അനന്തുവും തമ്മിലുള്ള വിവാഹം.വിവാഹശേഷം മൂന്നാംനാൾ ഭാര്യയുടെ 52 പവൻ നിർബന്ധിച്ച് പണയംവച്ച് 13.5 ലക്ഷം രൂപ അനന്തു കൈക്കലാക്കിയെന്നാണ് ഭാര്യയുടെ പരാതി.
&nbsp;അനന്തു കൂടുതൽ സ്ത്രീധനം ആവശ്യപ്പെട്ടതായും പൊലീസിൽ യുവതി മൊഴി നൽകി. പരാതിയുടെ അടിസ്ഥാനത്തിൽ അനന്തുവിന്റെ പിതാവ് ശശി, മാതാവ് സുരേഷ്‌കുമാരി, സഹോദരൻ അമൽ എന്നിവർക്കെതിരെ ഇക്കഴിഞ്ഞ മാർച്ചിൽ പൊലീസ് കേസെടുത്തു. ഇതോടെ അനന്തു കിട്ടിയ പണവുമായി മുങ്ങി. കേരളത്തിൽ പലയിടങ്ങളിലും ബംഗളൂരുവിലും ഒളിവിൽ താമസിച്ചുവരവെ രഹസ്യ വിവരത്തിന്റെ അടിസ്ഥാനത്തിൽ തൃശൂരിൽ നിന്നാണ് ഇയാളെ വർക്കല പൊലീസ് പിടികൂടിയത്. പ്രതിയെ കോടതിയിൽ ഹാജരാക്കി.

വിവാഹത്തിന്റെ മൂന്നാം നാൾ ഭാര്യയുടെ സ്വർണം പണയം വച്ചു; പണവുമായി മുങ്ങിയ ഭർത്താവ് പിടിയിൽ

പട്‌ന: വിവാഹം കഴിക്കാന്‍ വിസമ്മതിച്ചതിന് യുവതി കാമുകന്റെ ജനനേന്ദ്രിയം മുറിച്ചുമാറ്റി. ബിഹാറിലെ സരണ്‍ ജില്ലയിലാണ് സംഭവം.25-കാരിയായ യുവതിയാണ് കാമുകനെ ക്രൂരമായി . പരിക്കേറ്റ യുവാവിനെ പട്‌ന മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. പ്രതിയെ പോലീസ് അറസ്റ്റ് ചെയ്തു.
ബിഹാറിലെ മഥൗര ബ്ലോക്കിലെ വാര്‍ഡ് കൗണ്‍സിലറായ യുവാവാണ് കാമുകിയുടെ ആക്രമണത്തിനിരയായത്. വര്ഷങ്ങളായി യുവാവുമായി അടുപ്പത്തിലാണെന്നായിരുന്നു യുവതിയുടെ മൊഴി. എന്നാല്‍, വിവാഹത്തിന് നിര്‍ബന്ധിച്ചപ്പോള്‍ യുവാവ് ഇതിന് വിസമ്മതിച്ചു. ഒടുവില്‍ കോടതിയില്‍ രജിസ്റ്റര്‍ വിവാഹം നടത്താമെന്ന് സമ്മതിപ്പിച്ചു. പക്ഷേ, വിവാഹം രജിസ്റ്റര്‍ ചെയ്യാനായി താന്‍ കോടതിയില്‍ എത്തിയെങ്കിലും കാമുകന്‍ മുങ്ങിയെന്നും ഇതാണ് തന്നെ പ്രകോപിപ്പിച്ചതെന്നും യുവതി മൊഴി നല്‍കിയിട്ടുണ്ട്.
വിവാഹം മുടങ്ങിയതിന് പിന്നാലെ യുവതി യുവാവിനെ വീട്ടിലേക്ക് വിളിച്ചുവരുത്തുകയായിരുന്നു. തുടര്‍ന്ന് വീട്ടിലെത്തിയ യുവാവിനെ ആക്രമിക്കുകയും ജനനേന്ദ്രിയം മുറിച്ചുമാറ്റുകയും ചെയ്തു. വീട്ടില്‍നിന്ന് യുവാവിന്റെ കരച്ചില്‍ കേട്ട അയല്‍ക്കാരാണ് വിവരം പോലീസില്‍ അറിയിച്ചത്.&nbsp;

വിവാഹം കഴിക്കാന്‍ വിസമ്മതിച്ചതിന് കാമുകന്റെ ജനനേന്ദ്രിയം മുറിച്ചെടുത്ത് യുവതി

National

കോട്ടയം: മദ്യംവാങ്ങി നൽകാത്തതിന് അയൽവാസിയെ വാക്കത്തിക്ക് വെട്ടിക്കൊലപ്പെടുത്താൻ ശ്രമിച്ചയാൾ അറസ്റ്റിൽ. കിടങ്ങൂർ പുല്ലേപ്പള്ളി ചേർപ്പുങ്കൽ തേവർമറ്റത്തിൽ (തെങ്ങും തോട്ടത്തിൽ)വീട്ടിൽ ഷാജിമോനെ (62) ആണ് അറസ്റ്റുചെയ്തത്.
ഞായറാഴ്ച ഉച്ചയ്ക്ക് അയൽവാസിയുടെ വീട്ടിലെത്തിയ പ്രതി ആക്രമണം നടത്തുകയായിരുന്നുവെന്ന് പോലീസ് പറഞ്ഞു. പരാതിയെ തുടർന്ന് കിടങ്ങൂർ പോലീസ് കേസെടുത്ത് ഇയാളെ പിടികൂടുകയായിരുന്നു.
പ്രതിക്കെതിരേ കിടങ്ങൂർ സ്റ്റേഷനിൽ നിരവധി ക്രിമിനൽ കേസുകൾ നിലവിലുണ്ട്. പോലീസ് ഉദ്യോഗസ്ഥനെ ആക്രമിച്ച കേസിൽ കോടതിയിൽനിന്നു ജാമ്യത്തിലിറങ്ങി കഴിയുന്നതിനിടെയാണ് വീണ്ടും ആക്രമണം.&nbsp;

മദ്യം നൽകാത്തതിന് അയൽവാസിയെ വെട്ടിക്കൊല്ലാൻ ശ്രമിച്ചയാൾ അറസ്റ്റിൽ

ചെന്നൈ : സഹോദരൻ ചിക്കൻബിരിയാണി വീട്ടിൽ കൊണ്ടുവന്നു കഴിച്ചതിന്റെ പേരിലുണ്ടായ വഴക്കിനെത്തുടർന്ന് പ്ലസ് വൺ വിദ്യാർഥി ജീവനൊടുക്കി. കുവൈത്തിൽ ജോലിചെയ്യുന്ന ബാബുവിന്റെ മകൻ താരിസാണ് (16) വീടിനുള്ളിൽ തൂങ്ങിമരിച്ചത്. ഇളയസഹോദരൻ ഗോകുൽ വീട്ടിലിരുന്നു ചിക്കൻബിരിയാണി കഴിച്ചതാണ് താരിസിനെ പ്രകോപിപ്പിച്ചത്.
താരിസ് സസ്യാഹാരിയായതിനാൽ വീട്ടിൽ മാംസവിഭവങ്ങൾ പാകം ചെയ്യാറില്ലായിരുന്നു. കഴിഞ്ഞദിവസം സുഹൃത്തുക്കൾക്കൊപ്പം ബക്രീദ് ആഘോഷത്തിൽ പങ്കെടുത്ത ഗോകുൽ അപ്പോൾ ലഭിച്ച ചിക്കൻബിരിയാണി വീട്ടിൽ കൊണ്ടുവന്നു കഴിച്ചു.താരിസ് ഇതിനെ ചോദ്യംചെയ്തതോടെ ഇരുവരും തമ്മിൽ തർക്കമായി. പിന്നീട് മുറിയിൽ കയറി വാതിൽ അടച്ചിരുന്ന താരിസിനെ ഏറെ നേരമായിട്ടും പുറത്തേക്ക് കാണാതെ വന്നതോടെ നോക്കിയപ്പോഴാണ് തൂങ്ങിമരിച്ചനിലയിൽ കണ്ടത്.&nbsp;

സഹോദരൻ വീട്ടിലിരുന്നു ചിക്കൻബിരിയാണി കഴിച്ചു ;തർക്കത്തിനൊടുവിൽ സസ്യാഹാരിയായ 16-കാരൻ ജീവനൊടുക്കി

മുംബൈ: ഡോക്ടര്‍ക്ക് ഐസ്‌ക്രീമില്‍ നിന്ന് മനുഷ്യന്റെ വിരല്‍ കിട്ടിയ സംഭവത്തില്‍ വഴിത്തിരിവ്. ഐസ്‌ക്രീം ഫാക്ടറിയിലെ ജീവനക്കാരന്റെ വിരലാണ് ഇതെന്നാണ് പോലീസിന്റെ നിഗമനം. ഐസ്‌ക്രീം ഉണ്ടാക്കുന്നതിനിടെ ഉണ്ടായ അപകടത്തിലാണ് വിരല്‍ നഷ്ടപ്പെട്ടതെന്നും ഡോക്ടര്‍ വാങ്ങിയ ഐസ്‌ക്രീം നിര്‍മിച്ച അതേദിവസമാണ് അപകടമുണ്ടായതെന്നും പോലീസ് പറയുന്നു.
ഡി.എന്‍.എ. പരിശോധനയിലൂടെ മാത്രമേ ഇക്കാര്യം സ്ഥിരീകരിക്കാന്‍ സാധിക്കൂവെന്നും പോലീസ് പറഞ്ഞു. ഇതിനായി സാമ്പിളുകള്‍ ലാബിലേക്ക് അയച്ചു. പരിശോധനാ റിപ്പോര്‍ട്ട് ലഭിച്ചശേഷമേ തുടര്‍നടപടികളുണ്ടാകൂ.
കഴിഞ്ഞയാഴ്ചയാണ് ഓണ്‍ലൈനായി ഓര്‍ഡര്‍ ചെയ്ത കോണ്‍ ഐസ്‌ക്രീമില്‍ നിന്ന് മനുഷ്യന്റെ വിരലിന്റെ കഷ്ണം കിട്ടിയെന്ന പരാതിയുമായി ഡോ. ഒര്‍ലേം ബ്രെന്‍ഡന്‍ സെറാവോ രംഗത്തെത്തിയത്. സെപ്‌റ്റോ ആപ്പ് വഴിയാണ് ഐസ്‌ക്രീം ഓര്‍ഡര്‍ ചെയ്തത്. വലിയ ചർച്ചയായ ഒരു വാർത്ത ആയിരുന്നു അത്.

ഐസ്‌ക്രീമില്‍ കണ്ടെത്തിയ വിരല്‍ ഫാക്ടറി ജീവനക്കാരന്റേത്; ഡി.എന്‍.എ പരിശോധനയിലൂടെ സ്ഥിരീകരിക്കും

കൊല്ലം: തുണി മടക്കിവെയ്ക്കാന്‍ വൈകിയെന്നാരോപിച്ച് പത്ത് വയസ്സുകാരിയെ ക്രൂരമായി മര്‍ദിച്ച് തോളെല്ലൊടിച്ച് പിതാവ്.കുണ്ടറയിലാണ് സംഭവം. വീട്ടിലിരുന്ന് മദ്യപിക്കുന്നതിനിടെയാണ് ഇയാള്‍ കുട്ടിയെ മര്‍ദിച്ചത്.പിതാവിനെ പോലീസ് അറസ്റ്റ് ചെയ്തു.
രണ്ട് ദിവസം മുമ്പാണ് സംഭവമുണ്ടായത്. സുഹൃത്തുക്കള്‍ക്കൊപ്പം മദ്യപിക്കുന്നതിനിടെ, കട്ടിലില്‍ കിടന്നിരുന്ന തുണി മടക്കിവെയ്ക്കാന്‍ മകളോട് ആവശ്യപ്പെട്ടു. തുണിമടക്കിവെയ്ക്കാന്‍ വൈകിയെന്ന് പറഞ്ഞായിരുന്നു ക്രൂരമര്‍ദനം.കുട്ടിയുടെ തോളെല്ലും കൈയും ഒടിഞ്ഞിട്ടുണ്ട്.&nbsp;
കുട്ടിയുടെ അമ്മ ജോലിയ്ക്ക് പോയ സമയത്താണ് സംഭവം.വീണതിനെ തുടര്‍ന്നാണ് കുട്ടിക്ക് പരിക്കേറ്റതെന്നാണ് ആദ്യം പറഞ്ഞതെന്ന് കുട്ടിയുടെ അമ്മ പറഞ്ഞു. ആശുപത്രിയില്‍ കാണിച്ച് തിരിച്ച് വീട്ടിലെത്തിയപ്പോഴാണ് തന്നെ അച്ഛന്‍ മര്‍ദിച്ചതാണെന്ന് കുട്ടി അമ്മയോട് പറയുന്നത്. ഭാര്യാപിതാവിനെ കൊലപ്പെടുത്തിയ കേസിലെ പ്രതിയാണ് മകളെ മര്‍ദിച്ചത്. ആ കേസിലെ സാക്ഷിയാണ് മകള്‍. അതിന്റെ വൈരാഗ്യമാണോ മര്‍ദനത്തിന് കാരണമെന്നും പോലീസ് സംശയിക്കുന്നു&nbsp;

തുണി മടക്കിവെയ്ക്കാന്‍ വൈകി; പത്തു വയസ്സുകാരിയെ ക്രൂരമായി മര്‍ദിച്ച് പിതാവ്

കൊച്ചി: കെ.എസ്.ആര്‍.ടി.സി. ബസില്‍ പ്രായപൂര്‍ത്തിയാകാത്ത പെണ്‍കുട്ടിയോട് അപമര്യാദയായി പെരുമാറിയ യുവാവിനെ പോലീസ് അറസ്റ്റ് ചെയ്തു. തമിഴ്‌നാട് നിലക്കോട്ടൈ സ്വദേശി അഖില്‍ ജോസാണ് അറസ്റ്റിലായത്. ബുധനാഴ്ച വൈകീട്ട് പെരുമ്പാവൂരിലാണ് സംഭവം.
ബസ് യാത്രയ്ക്കിടെ അഖില്‍ പെണ്‍കുട്ടിയുടെ ദേഹത്ത് കയറിപ്പിടിച്ചെന്നും ഉപദ്രവിച്ചെന്നുമാണ് പരാതി. പെണ്‍കുട്ടി ബഹളംവെച്ചതോടെ മറ്റുയാത്രക്കാരും ബസ് ജീവനക്കാരും ചേര്‍ന്ന് യുവാവിനെ പിടികൂടി പോലീസിന് കൈമാറുകയായിരുന്നു.ബസില്‍ കയറിയത് മുതല്‍ അഖില്‍ പെണ്‍കുട്ടിയെ ഉപദ്രവിക്കാന്‍ ശ്രമിച്ചിരുന്നതായാണ് പറയുന്നത്. ഉപദ്രവം സഹിക്കവയ്യാതെയാണ് പെണ്‍കുട്ടി ബഹളംവെച്ചത്. പിന്നാലെ മറ്റുയാത്രക്കാര്‍ വിഷയത്തില്‍ ഇടപെടുകയും പ്രതിയെ പിടികൂടുകയുമായിരുന്നു.&nbsp;

കെ.എസ്.ആര്‍.ടി.സി. ബസില്‍ പെണ്‍കുട്ടിയോട് അപമര്യാദയായി പെരുമാറിയ യുവാവ് അറസ്റ്റിൽ

കോട്ടയം: ഫെയ്‌സ്ബുക്കിലൂടെ പരിചയപ്പെട്ട യുവതിയുടെ സ്വകാര്യ ചിത്രങ്ങള്‍ സമൂഹമാധ്യമങ്ങള്‍വഴി പ്രചരിപ്പിച്ച കേസില്‍ യുവാവിനെ പോലീസ് അറസ്റ്റ് ചെയ്തു.
എരുമേലി കരിനിലം പുതുപ്പറമ്പില്‍ വീട്ടില്‍ സുജിന്‍ ബാബുവിനെ (42) ആണ് പോലീസ് അറസ്റ്റ് ചെയ്തത്. പരാതിയെ തുടര്‍ന്ന് മുണ്ടക്കയം പോലീസ് കേസെടുത്ത് പിടികൂടുകയുമായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

ഫെയ്‌സ്ബുക്കിലൂടെ പരിചയപ്പെട്ട യുവതിയുടെ സ്വകാര്യ ചിത്രങ്ങള്‍ പ്രചരിപ്പിച്ചു ;42-കാരന്‍ അറസ്റ്റില്‍

കൊച്ചി: യുവതിക്ക് നേരെ ലോഡ്ജ് ഉടമയുടെ ക്രുരമര്‍ദനം. എറണാകുളം നോര്‍ത്തിലെ ബെന്‍ ടൂറിസ്റ്റ് ഹോമിലാണ് യുവതിക്ക് മര്‍ദനമേറ്റത്. വാക്കുതര്‍ക്കമാണ് മര്‍ദനത്തില്‍ കലാശിച്ചത്. യവതിയെ ലോഡ്ജ് ഉടമ മര്‍ദിക്കുന്നതിന്റെ ദൃശ്യങ്ങളും പുറത്തു വന്നു. ഇന്നലെ രാത്രിയാണ് സംഭവം. സംഭവവുമായി ബന്ധപ്പെട്ട് ലോഡ്ജ് ഉടമ ബെന്‍ ജോയ്‌യും സുഹൃത്ത് ഷൈജുവിനെയും പോലീസ് കസ്റ്റഡിയിലെടുത്തു. യുവതിയും സുഹൃത്തുക്കളും ചേര്‍ന്നാണ് ഹോട്ടലില്‍ മുറിയെടുത്തത്. രണ്ട് മുറിയാണ് ഇവര്‍ വാടകയ്ക്ക് എടുത്തത്. റൂമിലെത്തിയതിന് പിന്നാലെ ഇവര്‍ പുറത്തുപോയി തിരികെ വന്നപ്പോഴാണ് ഹോട്ടലുടമ ഇവരുമായി വാക്കുതര്‍ക്കത്തിലേര്‍പ്പെട്ടത്.
ഇതിന് പിന്നാലെ ഉടമ ഇവരോട് റൂം ഒഴിയാന്‍ ആവശ്യപ്പെട്ടു. പണം തിരികെ തന്നാല്‍ റൂം ഒഴിയാമെന്ന് ഇവരും പറഞ്ഞു. തുടര്‍ന്ന് ലോഡ്ജ് ഉടമ മുഖത്ത് അടിക്കുകയായിരുന്നെന്നാണ് യുവതിയുടെ പരാതിയില്‍ പറയുന്നു. സംഭവത്തിന് പിന്നാലെ രാത്രിയില്‍ തന്നെ യുവതി എറണാകുളം നോര്‍ത്ത് പോലീസില്‍ പരാതി നല്‍കി. ഇതിന്റെ അടിസ്ഥാനത്തില്‍ ഹോട്ടല്‍ ഉടമയെയും സുഹൃത്തിനെയും പോലീസ് കസ്റ്റഡിയില്‍ എടുത്തു. സംഭവത്തില്‍ അന്വേഷണം ആരംഭിച്ചതായി പോലീസ് പറഞ്ഞു.

എറണാകുളം നോര്‍ത്തിലെ ബെന്‍ ടൂറിസ്റ്റ് ഹോമിലാണ് യുവതിക്ക് മര്‍ദനമേറ്റത്

യുവതിക്ക് നേരെ ലോഡ്ജ് ഉടമയുടെ ക്രൂര മർദ്ദനം

ലക്നൗ: ബന്ധുവായ യുവാവിന്റെ വിവാഹ അഭ്യര്‍ത്ഥന നിരസിച്ചതിന് 25 വയസുകാരിയെ കുത്തി പരിക്കേല്‍പ്പിച്ചു. ഉത്തര്‍പ്രദേശിലെ ബാന്ത ജില്ലയിലാണ് സംഭവം. ഗുരുതരമായി പരിക്കേറ്റ യുവതി അപകട നില തരണം ചെയ്തിട്ടില്ല. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. യുവതിയുടെ അമ്മാവന്റെ മകനായ ഗ്യാന്‍ പ്രകാശ് എന്ന 26 വയസുകാരനാണ് കുത്തിയത്. സംഭവത്തിന് ശേഷം ഇയാള്‍ ഒളിവിലാണ്. കോട്‍വാലി പോലീസ് സ്റ്റേഷന്‍ പരിധിയിലുള്ള ഡി.എം കോളനിയിലെ അമ്മാവന്റെ വീട്ടിലായിരുന്നു യുവതിയും താമസിച്ചിരുന്നത്. അമ്മാവന്റെ മകന്‍ ഗ്യാന്‍ പ്രകാശും യുവതിയും ഒരേ കോളേജില്‍ നിയമ വിദ്യാര്‍ത്ഥികളുമാണെന്ന് പോലീസ് അഡീഷണല്‍ സൂപ്രണ്ട് ലക്ഷ്മി നിവാസ് മിശ്ര പറഞ്ഞു.&nbsp;
വെള്ളിയാഴ്ച വൈകുന്നേരം ആറ് മണിയോടെ ഗ്യാന്‍ പ്രകാശ് കത്തി ഉപയോഗിച്ച് യുവതിയുടെ കഴുത്തില്‍ കുത്തുകയായിരുന്നു. ഗുരുതരമായി പരിക്കേറ്റ അവരെ അടുത്തുള്ള സര്‍ക്കാര്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്. യുവതി ഇപ്പോഴും ഗുരുതരാവസ്ഥയില്‍ തന്നെയാണെന്ന് എ.എസ്.പി പറഞ്ഞു. ഗ്യാന്‍ പ്രകാശിന് യുവതിയെ വിവാഹം ചെയ്യാന്‍ താത്പര്യമുണ്ടായിരുന്നുവെന്നും ഇക്കാര്യം അറിയിച്ചപ്പോള്‍ യുവതി അത് നിരസിച്ചതോടെ ആക്രമിക്കുകയായിരുന്നു എന്നുമാണ് അന്വേഷണത്തില്‍ വ്യക്തമായതെന്ന് പോലീസ് പറഞ്ഞു. പ്രതിക്കെതിരെ കേസ് രജിസ്റ്റര്‍ ചെയ്തിട്ടുണ്ട്. ഇയാളെ കണ്ടെത്താനുള്ള ശ്രമങ്ങള്‍ നടന്നുവരികയാണ്.

ഉത്തര്‍പ്രദേശിലെ ബാന്ത ജില്ലയിലാണ് സംഭവം

വിവാഹ അഭ്യര്‍ത്ഥന നിരസിച്ച 25 കാരിയെ കുത്തി പരിക്കേൽപ്പിച്ചു

ക​ണ്ണൂ​ർ: കാ​ൾ​ടെ​ക്സ് ജങ്ഷ​ന് സ​മീ​പ​ത്തെ പെ​ട്രോ​ൾ പ​മ്പ് പാ​ർ​ട്ണ​റെ വെ​ട്ടി​ക്കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ലെ പ്ര​തി ക​ണ്ണൂ​ർ ടൗ​ൺ പോ​ലീ​സി​ന്റെ പി​ടി​യി​ൽ. അ​ശോ​ക പെ​ട്രോ​ൾ പ​മ്പ് ഉ​ട​മ പ​ള്ളി​ക്കു​ന്ന് അ​ള​കാ​പു​രി​യി​ലെ എം. ​രാ​ജീ​വനെ​യാ​ണ് (58) ക​ണ്ണൂ​ർ ടൗ​ൺ ഇ​ൻ​സ്പെ​ക്ട​ർ പി.​എ. ബി​നു​മോ​ഹ​നും സം​ഘ​വും അ​റ​സ്റ്റ് ചെ​യ്ത​ത്.
സാ​മ്പ​ത്തി​ക ഇ​ട​പാ​ടി​നെ ചൊ​ല്ലി ഇ​ക്ക​ഴി​ഞ്ഞ ന​വം​ബ​ർ ഏ​ഴി​ന് ചെ​റു​പു​ഴ സ്വ​ദേ​ശി വി​ജ​യ​നെ വെ​ട്ടിക്കൊ​ല്ലാ​ൻ ശ്ര​മി​ച്ച കേ​സി​ൽ ഇ​യാ​ൾ ഒ​ളി​വി​ൽ ക​ഴി​യു​ക​യാ​യി​രു​ന്നു. ത​ല​ക്ക് ഗു​രു​ത​ര​പ​രി​ക്കേ​റ്റ് ആ​ശു​പ​ത്രി​യി​ൽ ചി​കി​ത്സ തേ​ടി​യ വി​ജ​യ​ൻ ചെ​റു​പു​ഴ​യു​ടെ പ​രാ​തി​യി​ൽ വ​ധ​ശ്ര​മ​ത്തി​ന് ടൗ​ൺ പോ​ലീ​സ് കേ​സെ​ടു​ത്തി​രു​ന്നു.പ്ര​തി​യെ ബെംഗളൂരു​വി​ൽ നി​ന്നാ​ണ് പോലീ​സ് പി​ടി​കൂ​ടി​യ​ത്‌. അ​ന്വേ​ഷ​ണ സം​ഘ​ത്തി​ൽ എ​സ്.​ഐ മാ​രാ​യ സ​വ്യ സാ​ച്ചി, ഷ​മീ​ൽ, അ​ജ​യ​ൻ, എ.​എ​സ്.​ഐ ര​ഞ്ജി​ത്ത് തു​ട​ങ്ങി​യ​വ​രു​മു​ണ്ടാ​യി​രു​ന്നു.

അ​ശോ​ക പെ​ട്രോ​ൾ പ​മ്പ് ഉ​ട​മ പ​ള്ളി​ക്കു​ന്ന് അ​ള​കാ​പു​രി​യി​ലെ എം. ​രാ​ജീ​വനാണ് അറസ്റ്റിലായത്

Kannur

ബിസിനസ് പങ്കാളിയെ വെട്ടിക്കൊലപ്പെടുത്താൻ ശ്രമം; പെ​ട്രോ​ൾ പ​മ്പ് ഉ​ട​മ അറസ്റ്റിൽ

ക​ല്ല​മ്പ​ലം: ന്യൂ ​ഇ​യ​ർ ആ​ഘോ​ഷ​ത്തി​നി​ടെ യു​വാ​ക്ക​ളെ ആ​ക്ര​മി​ച്ച സം​ഭ​വ​ത്തി​ൽ ര​ണ്ടു​പേ​ർ പി​ടി​യി​ൽ. കു​ട​വൂ​ർ ഐ​ര​മ​ൺ​നി​ല സ്വ​ദേ​ശി​ക​ളാ​യ പ്ര​ദീ​പ്, അ​ൻ​സാ​ർ എ​ന്നി​വ​രാ​ണ് പി​ടി​യി​ലാ​യ​ത്. സം​ഭ​വ​ത്തി​നു​ശേ​ഷം പ്ര​തി​ക​ൾ ഒ​ളി​വി​ൽ പോ​യി. ഒ​ളി​വി​ൽ ക​ഴി​ഞ്ഞ​വ​രാ​ണ്​ ഇപ്പോൾ പി​ടി​യി​ലാ​യ​ത്.
മ​റ്റ്​ പ്ര​തി​ക​ൾ ഉ​ട​ൻ പി​ടി​യി​ലാ​കു​മെ​ന്ന്​ പോലീ​സ് പ​റ​ഞ്ഞു. കോ​ട്ട​റ​ക്കോ​ണം സു​ധി​ന മ​ൻ​സി​ലി​ൽ നൗ​ഫ​ൽ, സ​മീ​പ​വാ​സി​ക​ളാ​യ മു​ഹ​മ്മ​ദ്, പ്ര​സാ​ദ്‌, ഐ​ര​മ​ൺ​നി​ല പി​ണ​റ്റു​വി​ളാ​കം വീ​ട്ടി​ൽ വി​ഗ്നേ​ഷ്, മു​രു​ക്കും​മൂ​ട്ടി​ൽ വീ​ട്ടി​ൽ മ​നു എ​ന്നി​വ​ർ​ക്കാ​ണ് ആ​ക്ര​മ​ണ​ത്തി​ൽ പ​രി​ക്കേ​റ്റ​ത്. നാ​വാ​യി​ക്കു​ളം ഡീ​സ​ന്റ്മു​ക്ക് ഐ​ര​മ​ൺ​നി​ല ശി​വ​ക്ഷേ​ത്ര​ത്തി​നു സ​മീ​പ​മാ​ണ് സം​ഭ​വം.

കു​ട​വൂ​ർ ഐ​ര​മ​ൺ​നി​ല സ്വ​ദേ​ശി​ക​ളാ​യ പ്ര​ദീ​പ്, അ​ൻ​സാ​ർ എ​ന്നി​വ​രാ​ണ് പി​ടി​യി​ലാ​യ​ത്

ന്യൂ ​ഇ​യ​ർ ആ​ഘോ​ഷ​ത്തി​നി​ടെ യുവാക്കളെ ആക്രമിച്ച രണ്ടുപേർ അറസ്റ്റിൽ

മുംബൈ: ബെഡ്റൂമിനകത്ത് ഇന്റർനെറ്റിന് റെയ്ഞ്ച് കിട്ടുന്നില്ലെന്നാരോപിച്ച് സ്വകാര്യ ടെലികോം കമ്പനി ജീവനക്കാരെ ഐ.എ.എസ് ഓഫീസറും സഹോദരനും ചേർന്നു മർദ്ദിച്ചതായി പരാതി. സംഭവത്തിൽ മഹാരാഷ്ട്ര വാട്ടർ സപ്ലൈ ആന്റ് സാനിറ്റേഷൻ ഡിപ്പാർട്ട്‌മെന്റ് ഡെപ്യൂട്ടി സെക്രട്ടറിയും ഐഎഎസ് ഓഫീസറുമായ അമൻ മിത്തൽ, സഹോദരൻ ദേവേഷ് മിത്തൽ, നാല് സുരക്ഷാ ഉദ്യോഗസ്ഥർ എന്നിവർക്കെതിരെ ​പോലീസ് കേസെടുത്തു. അമൻ മിത്തലിന്റെ വസതിയിലെ ഇന്റർനെറ്റ് റൂട്ടറിന് തകരാറുണ്ടായിരുന്നു. ഇത് പരിഹരിക്കാൻ ഡിസംബർ 30 ന് ഏയർടെൽ കമ്പനിയുടെ ഉദ്യോഗസ്ഥർ വീട്ടിലെത്തിയിരുന്നു. തകരാർ പരിഹരിച്ച ശേഷവും ബെഡ്റൂമിൽ ലഭിക്കുന്ന ഇന്റർനെറ്റിന് റെയ്ഞ്ച് കുറവാണെന്ന് പറഞ്ഞ് മർദ്ദിക്കുകയായിരുന്നുവെന്ന് പരാതിയിൽ പറയുന്നു.
ടെലികോം കമ്പനിയിൽ എഞ്ചിനീയറായി ജോലി ചെയ്യുന്ന സാഗർ മാന്ധ്രെ (27), സെയിൽസിലെ ജീവനക്കാരനായ ഭൂഷൺ ഗുജാർ എന്നിവർക്കാണ് മർദ്ദനമേറ്റത്. അമൻ മിത്തലും സഹോദരനും നാല് സുരക്ഷാ ഉദ്യോഗസ്ഥരും ചേർന്ന് കമ്പിയും വടിയും ഉപയോഗിച്ച് മർദ്ദിക്കുകയായിരുന്നു. മർദ്ദനത്തിനൊടുവിൽ അമൻ മിത്തൽ വിളിച്ചുവരുത്തിയ പോലീസാണ് ടെലികോം ഉദ്യോഗസ്ഥരെ ആശുപത്രിയിലേക്കും മറ്റും മാറ്റിയത്. മർദ്ദനത്തിന്റെ ദൃശ്യങ്ങൾ സിസിടിവി ക്യാമറകളിൽ പതിഞ്ഞിട്ടുണ്ടെന്നും പോലീസ് പറഞ്ഞു. സംഭവത്തിൽ ഇരുകൂട്ടരും നൽകിയ പരാതിയിൽ കേസെടുത്തിട്ടുണ്ടെങ്കിലും ഇതുവരെ ആരെയും പോലീസ് അറസ്റ്റ് ചെയ്തിട്ടില്ല.

ഇതുവരെ ആരെയും പോലീസ് അറസ്റ്റ് ചെയ്തിട്ടില്ല

ഇന്റർനെറ്റിന് റെയ്ഞ്ച് കിട്ടുന്നില്ലെന്നാരോപിച്ച് സ്വകാര്യ ടെലികോം കമ്പനി ജീവനക്കാരെ ഐ.എ.എസ് ഓഫീസർ മർദ്ദിച്ചെന്ന് പരാതി

മംഗളൂരു: മൂക്കറ്റം മദ്യം അകത്താക്കി നടത്തിയ പുതുവത്സരാഘോഷത്തിനിടെ സുഹൃത്തിന്റെ മൂക്ക് കടിച്ചു മുറിച്ച യുവാവ് അറസ്റ്റിൽ. ചിക്കമഗളൂരു ജില്ലയിലെ മുഡിഗെരെ സ്വദേശി കെ. രാകേഷിനെയാണ് (21) വെനൂർ പോലീസ് സബ് ഇൻസ്പെക്ടർ ജെ. ശ്രീശൈല അറസ്റ്റ് ചെയ്തത്. ഇയാളുടെ സുഹൃത്ത് മുഡിഗെരെ സ്വദേശിയും പില്യ ഉൽപെയിൽ താമസക്കാരനുമായ വി. ദീക്ഷിത്തിന്റെ(28) മൂക്കാണ് കടിച്ചുമുറിച്ചത്. ഇയാൾ മംഗളൂരു ഗവ. വെന്റ്ലോക് ആശുപത്രിയിൽ ചികിത്സയിലാണ്.
ദക്ഷിണ കന്നട ജില്ലയിലെ ബെൽത്തങ്ങാടിയിൽ നടന്ന ആഘോഷം പുതുവർഷ പിറവിയോടെ നിയന്ത്രണം വിടുകയായിരുന്നു. ഈ സമയം 2023 ആണോ 2024 ആണോ എന്ന തർക്കം അർധരാത്രിക്ക് ശേഷം കൊഴുത്തു. തർക്കത്തിനൊടുവിൽ ദീക്ഷിത് രാജേഷിന് നേരെ പാഞ്ഞടുത്ത് മൂക്ക് കടിച്ചു മുറിക്കുകയായിരുന്നു

ചിക്കമഗളൂരു ജില്ലയിലെ മുഡിഗെരെ സ്വദേശി കെ. രാകേഷിനെയാണ് (21) വെനൂർ പോലീസ് സബ് ഇൻസ്പെക്ടർ ജെ. ശ്രീശൈല അറസ്റ്റ് ചെയ്തത്

പുതുവത്സരാഘോഷത്തിനിടെ സുഹൃത്തിന്റെ മൂക്ക് കടിച്ചു മുറിച്ച യുവാവ് അറസ്റ്റിൽ

തിരുവനന്തപുരം: കമലേശ്വരത്ത് കൂലിയെച്ചൊല്ലിയുള്ള തർക്കത്തെത്തുടർന്ന് യുവാവിനെ വെട്ടിക്കൊലപ്പെടുത്തി. കമലേശ്വരം സ്വദേശി സുജിത്ത് കുമാർ (49) ആണ് മരിച്ചത്. അക്രമത്തിൽ സുജിത്തിന്റെ സുഹൃത്ത് ജയനെ (47) പോലീസ് പിടികൂടി. ബുധനാഴ്ച രാത്രിയായിരുന്നു സംഭവം. ഇന്നലെ രാത്രി പ്രതിയുടെ വീട്ടിലിരുന്ന് ഇരുവരും മദ്യപിക്കുന്നതിനിടെയാണ് വാക്കുതർക്കമുണ്ടായത്. ഇതിന് പിന്നാലെയായിരുന്നു കൊലപാതകം.

കമലേശ്വരം സ്വദേശി സുജിത്ത് കുമാർ (49) ആണ് മരിച്ചത്

കൂലിയെചൊല്ലി തർക്കം; യുവാവിനെ വെട്ടിക്കൊലപ്പെടുത്തി

ബെംഗളൂരു: അങ്കണവാടി വർക്കറുടെ മക്കൾ തന്റെ പൂന്തോട്ടത്തിൽ നിന്ന് പൂക്കൾ പറിച്ചതിന് പ്രതികാരം ചെയ്ത് മധ്യവയസ്കൻ. അങ്കണവാടി വർക്കറുടെ മൂക്ക് മുറിച്ചായിരുന്നു ഇയാളുടെ ശിക്ഷ നടപടി. കർണാടകയിലെ ബെലഗാവി ജില്ലയിലെ ബസൂർതെ ​ഗ്രാമത്തിലാണ് സംഭവം.
അങ്കണവാടി വർക്കറായ സുഗധക്കാണ് ഗുരുതരമായി പരിക്കേറ്റത്. രക്തസ്രാവം മൂലം ആശുപത്രിയിൽ ചികിത്സയിലാണ് സുഗധ. ഇവരുടെ നില ഗുരുതരമാണെന്നാണ് റിപ്പോർട്ട്. സംഭവത്തിൽ പോലീസ് അന്വേഷണം തുടങ്ങി.

കർണാടകയിലെ ബെലഗാവി ജില്ലയിലെ ബസൂർതെ ​ഗ്രാമത്തിലാണ് സംഭവം

മക്കൾ പൂന്തോട്ടത്തിൽ നിന്ന് പൂക്കൾ പറിച്ചു; ശിക്ഷയായി അങ്കണവാടി വർക്കറുടെ മൂക്ക് മുറിച്ച് വയോധികൻ

ലക്നൗ: പുലര്‍ച്ചെ നാല് മണിക്ക് കാമുകനെ കാണാന്‍ വീട്ടില്‍ നിന്ന് പുറത്തിറങ്ങിയ യുവതിയെയും കാമുകനെയും യുവതിയുടെ അച്ഛന്‍ തൂമ്പ കൊണ്ട് വെട്ടിക്കൊന്നു. ഉത്തര്‍പ്രദേശിലെ ബറേലിയിലാണ് സംഭവം. കൊലപാതകത്തിന് ശേഷം രക്തം പുരണ്ട തൂമ്പയുമായി പോലീസ് സ്റ്റേഷനിലെത്തിയ ഇയാള്‍ ഉദ്യോഗസ്ഥര്‍ക്ക് മുന്നില്‍ കീഴടങ്ങി. ചൊവ്വാഴ്ച പുലര്‍ച്ചെയായിലായിരുന്നു സംഭവം. മഹേഷ് എന്നയാളാണ് അറസ്റ്റിലായത്. ഇയാളുടെ 19 വയസുകാരിയായ മകളെയും മകളുടെ സുഹൃത്തായ 20 വയസുകാരനെയുമാണ് കൊന്നത്. യുവാവിന്റെ ബന്ധുക്കളുടെ പരാതി പ്രകാരം മഹേഷിനെയും ബന്ധുക്കളായ ഏതാനും പേരെയും അറസ്റ്റ് ചെയ്തതായി പോലീസ് അറിയിച്ചു. ഇവരെ പിന്നീട് കോടതിയില്‍ ഹാജരാക്കി റിമാന്റ് ചെയ്തു. ഇന്ത്യന്‍ ശിക്ഷാ നിയമത്തിലെ കൊലപാതകം ഉള്‍പ്പെടെയുള്ള വിവിധ വകുപ്പുകള്‍ ചേര്‍ത്താണ് ഇവര്‍ക്കെതിരെ കേസ് രജിസ്റ്റര്‍ ചെയ്തിരിക്കുന്നത്.&nbsp;
കൊല്ലപ്പെട്ട യുവതിയും യുവാവും ഒരേ സമുദായക്കാരാണ്. ഇരുവരും രണ്ട് വര്‍ഷമായി പരിചയത്തിലായിരുന്നു. മകള്‍ അയല്‍വാസിയുടെ മകന്റെ കൂടി ഒളിച്ചോടുമെന്ന് താന്‍ ഭയപ്പെട്ടിരുന്നതായും അതുകൊണ്ടുതന്നെ അവളുടെ നീക്കങ്ങള്‍ നിരീക്ഷിച്ചു വരികയായിരുന്നുവെന്നും അച്ഛന്‍ പോലീസിനോട് പറഞ്ഞു. ചൊവ്വാഴ്ച പുലര്‍ച്ചെ നാല് മണിയോടെ യുവതി വീട്ടില്‍ നിന്ന് പുറത്തിറങ്ങി സുഹൃത്തിന്റെ അടുത്തേക്ക് പോയി. എന്നാല്‍ വഴിയില്‍ വെച്ച് ഇരുവരെയും കണ്ട അച്ഛന്‍ വെട്ടിക്കൊല്ലുകയായിരുന്നു. തൂമ്പ കൊണ്ടുള്ള ആക്രമണത്തില്‍ യുവതിയുടെ തല ശരീരത്തില്‍ നിന്ന് വേര്‍പ്പെട്ടു. കൊലപാതകത്തിന് ശേഷം നേരെ പോലീസ് സ്റ്റേഷനിലെത്തി കാര്യം പറഞ്ഞ് കീഴടങ്ങുകയായിരുന്നു. കൊല്ലപ്പെട്ട യുവാവ് ഹിമാചല്‍ പ്രദേശിലാണ് ജോലി ചെയ്യുന്നത്. ഏതാനും ദിവസം മുമ്പാണ് ഇയാള്‍ നാട്ടിലെത്തിയതെന്നും പോലീസ് പറഞ്ഞു. മൃതദേഹങ്ങള്‍ പോസ്റ്റ് മോർട്ടത്തിന് അയച്ചു.&nbsp;

ഇരുവരും രണ്ട് വര്‍ഷമായി പരിചയത്തിലായിരുന്നു

പുലർച്ചെ വീടിന് പുറത്ത് നിൽക്കുകയായിരുന്ന മകളെയും കാമുകനെയും അച്ഛൻ വെട്ടിക്കൊന്നു

തിരുവനന്തപുരം: ഭാര്യക്കുനേരെ ക്രൂര ആക്രമണം നടത്തിയ സംഭവത്തിൽ തിരുവനന്തപുരത്ത് ഭർത്താവ് അറസ്റ്റിലായി. ഭാര്യയുടെ മുഖത്ത് ആസിഡ് ഒഴിച്ച ശേഷം കുത്തിക്കൊല്ലാനായിരുന്നു ഭർത്താവിന്‍റെ ശ്രമം. സംഭവത്തിൽ പാലോട് തെന്നൂർ സൂര്യകാന്തി നാലു സെന്‍റ് കോളനിയിലെ രാധാകൃഷ്ണൻ എന്നയാളാണ് അറസ്റ്റിലായത്. ഭാര്യ ഉഷക്കെതിരെയാണ് ആക്രമണം നടത്തിയത്. ഇന്നലെ രാത്രി 7.30ഓടെയായിരുന്നു സംഭവം. ആസിഡൊഴിച്ച ശേഷം കത്തികൊണ്ട് കുത്തി വീഴ്ത്തി ബൈക്കിൽ കയറി രക്ഷപ്പെടാനായിരുന്നു ശ്രമം.&nbsp;
എന്നാൽ, നാട്ടുകാർ തടഞ്ഞ് പിടികൂടി ഇയാളെ പോലീസിന് കൈമാറുകയായിരുന്നു. ഭാര്യയെക്കുറിച്ചുള്ള സംശയവും ആക്സിഡന്‍റ് ക്ലെയിം തുക ലഭിക്കാൻ ഒപ്പ് ഇട്ട് നൽകാത്തതിലുള്ള ദേഷ്യവുമാണ് ക്രൂരതക്ക് കാരണം. പരിക്കേറ്റ ഉഷ മെഡിക്കൽ കോളജ് ആശുപത്രിയിൽ ചികിത്സയിൽ കഴിയുകയാണ്. നെടുമങ്ങാട് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

ആസിഡൊഴിച്ച ശേഷം കത്തികൊണ്ട് കുത്തി വീഴ്ത്തി ബൈക്കിൽ കയറി രക്ഷപ്പെടാനായിരുന്നു ശ്രമം

ഭാര്യയുടെ മുഖത്ത് ആസിഡൊഴിച്ച് കുത്തിക്കൊല്ലാൻ ശ്രമം; ഭർത്താവ് അറസ്റ്റിൽ

ബിലാസ്പൂർ: ഭാര്യയെയും അഞ്ചും നാലും രണ്ടും വയസ്സും മാത്രം പ്രായമുള്ള പെൺമക്കളെയും ക്രൂരമായി കൊലപ്പെടുത്തി 34കാരൻ. ഭാര്യക്ക് വിവാഹേതര ബന്ധമുണ്ടെന്ന സംശയത്തെ തുടർന്നാണ് ഭർത്താവിന്‍റെ ക്രൂരത. ഛത്തീസ്ഗഢിലെ ബിലാസ്പൂർ ജില്ലയിലെ ഹിർറി ഗ്രാമത്തിലാണ് ഞെട്ടിക്കുന്ന സംഭവം. സംഭവത്തിൽ ഭർത്താവ് ഉമേന്ദ്ര കെവാത്ത് എന്നയാൾ പിടിയിലായെന്ന് ബിലാസ്പൂർ പോലീസ് സൂപ്രണ്ട് സന്തോഷ് സിങ് പറഞ്ഞു. ഭാര്യയെയും മക്കളെയും കഴുത്ത് ഞെരിച്ച് കൊലപ്പെടുത്തിയെന്നാണ് പ്രാഥമിക വിവരം. പോലീസ് സംഭവത്തിൽ കൂടുതൽ അന്വേഷണം നടത്തുകയാണ്.

ഭാര്യയെയും മക്കളെയും കഴുത്ത് ഞെരിച്ച് കൊലപ്പെടുത്തിയെന്നാണ് പ്രാഥമിക വിവരം

വിവാഹേതര ബന്ധമെന്ന് സംശയം; ഭാര്യയെയും മൂന്ന് മക്കളെയും യുവാവ് കൊലപ്പെടുത്തി

ആലപ്പുഴ: ആലപ്പുഴയിൽ ഒന്നരവയസ്സുകാരനെ മർദിച്ച സംഭവത്തിൽ അമ്മയും ആൺസുഹൃത്തും കസ്റ്റഡിയിൽ. ആലപ്പുഴ അർത്തുങ്കലിൽ നിന്നാണ് പ്രതികളെ കസ്റ്റഡിയിൽ എടുത്തത്. കുത്തിയതോട് പോലീസ് സ്റ്റേഷനിൽ എത്തിച്ച ശേഷം പ്രതികളുടെ അറസ്റ്റ് രേഖപ്പെടുത്തും.&nbsp;

ആലപ്പുഴ അർത്തുങ്കലിൽ നിന്നാണ് പ്രതികളെ കസ്റ്റഡിയിൽ എടുത്തത്

ഒന്നരവയസ്സുകാരനെ മർദിച്ച സംഭവം; അമ്മയും ആൺസുഹൃത്തും കസ്റ്റഡിയിൽ

നാഗ്പൂർ: മഹാരാഷ്ട്രയിലെ നാഗ്പൂർ ജില്ലയിൽ ഭർത്താവിനെ കൊലപ്പെടുത്തി ഭാര്യ പോലീസിൽ കീഴടങ്ങി. അവാന്ധി സ്വദേശിയായ ആനന്ദ് ഭാഡുജി പാട്ടീൽ എന്നയാളാണ് കൊല്ലപ്പെട്ടത്. ഭർത്താവിന്റെ മദ്യപാന ശീലം മൂലം സഹികെട്ടാണ് കൊലപാതകം നടത്തിയതെന്നും പ്രതിയായ അരുണ പാട്ടീൽ പോലീസിനോട് പറഞ്ഞു. ആനന്ദ് ഭാഡുജി പാട്ടീൽ മദ്യത്തിന് അടിമയായിരുന്നെന്നും മദ്യപിക്കാനായി തന്നോട് പലപ്പോഴും പണം ആവശ്യപ്പെടുകയും ചെയ്തതായി ഭാര്യ പറയുന്നു. ശനിയാഴ്ച രാത്രിയും മദ്യപിക്കാൻ പണം ചോദിച്ചതിനെച്ചൊല്ലി ഇരുവരും തമ്മിൽ തർക്കമുണ്ടായി. തുടർന്ന് ഉറങ്ങാൻ കിടന്ന ആനന്ദിന്റെ തലയിൽ കല്ലുകൊണ്ടടിച്ച് കൊലപ്പെടുത്തുകയായിരുന്നു. തുടര്‍ന്ന് ഞായറാഴ്ച രാവിലെ ന്യൂ കാംപ്റ്റി പോലീസ് സ്റ്റേഷനിലെത്തി കീഴടങ്ങുകയായിരുന്നു.

അവാന്ധി സ്വദേശിയായ ആനന്ദ് ഭാഡുജി പാട്ടീൽ എന്നയാളാണ് കൊല്ലപ്പെട്ടത്

ഭർത്താവിനെ കല്ലുകൊണ്ട് അടിച്ച് കൊലപ്പെടുത്തി ഭാര്യ പോലീസിൽ കീഴടങ്ങി

തിരുവനന്തപുരം: ചാക്കയില്‍ വയോധികയായ അമ്മയ്ക്ക് മകളുടെ ക്രൂരപീഡനം. ചാക്കയില്‍ താമസിക്കുന്ന അധ്യാപികയായ സ്ത്രീയാണ് 80 വയസ്സിലേറെ പ്രായമുള്ള അമ്മയെ ക്രൂരമായി ഉപദ്രവിച്ചത്. അധ്യാപിക അമ്മയുടെ ശരീരത്തില്‍ ചൂടുവെള്ളം ഒഴിച്ചെന്നും നിലത്തിട്ട് വലിച്ചിഴച്ചെന്നുമാണ് പരാതി. അധ്യാപികയുടെ മകള്‍ തന്നെയാണ് മുത്തശ്ശിയെ ഉപദ്രവിക്കുന്ന വിവരം പോലീസിനെ അറിയിച്ചത്. ഇതിന്റെ ദൃശ്യങ്ങളും പെണ്‍കുട്ടി പോലീസിന് കൈമാറിയിട്ടുണ്ട്. ചാക്കയില്‍ അധ്യാപികയായ മകളോടൊപ്പം താമസിക്കുന്ന വയോധിക വര്‍ഷങ്ങളായി ഇവരുടെ ഉപദ്രവം നേരിടുകയാണെന്നാണ് പെണ്‍കുട്ടിയുടെ പരാതിയില്‍ പറയുന്നത്. അമ്മ മുത്തശ്ശിയെ നിരന്തരം ഉപദ്രവിക്കാറുണ്ടെന്നും സ്‌ട്രോക്ക് വന്നിട്ടും അതിനുള്ള ചികിത്സയോ മരുന്നോ നല്‍കാറില്ലെന്നും പെണ്‍കുട്ടി പറയുന്നു.
വിദേശത്തായിരുന്ന പെണ്‍കുട്ടി കഴിഞ്ഞ സെപ്റ്റംബറിലാണ് നാട്ടില്‍ തിരിച്ചെത്തിയത്. ഈ സമയത്തും അമ്മ മുത്തശ്ശിയെ ഉപദ്രവിക്കുന്നതിന് പെണ്‍കുട്ടി സാക്ഷിയായി. മുത്തശ്ശിയെ ഉപദ്രവിക്കരുതെന്ന് വിലക്കിയിട്ടും അധ്യാപിക ഇത് വകവെച്ചില്ല. മുത്തശ്ശിക്കായി വാദിച്ച മകളോട് വീട്ടില്‍ നിന്ന് ഇറങ്ങിപ്പോകാനാണ് ഇവര്‍ ആവശ്യപ്പെട്ടത്. കഴിഞ്ഞ ഒക്ടോബറില്‍ പെണ്‍കുട്ടി അമ്മയ്‌ക്കെതിരെ പേട്ട പോലീസില്‍ പരാതി നല്‍കി. എന്നാല്‍, മകള്‍ക്ക് മാനസികപ്രശ്‌നമുണ്ടെന്നും മകള്‍ പറയുന്നത് കാര്യമാക്കേണ്ടെന്നും പറഞ്ഞ് അധ്യാപിക പോലീസിനെ തെറ്റിദ്ധരിപ്പിച്ചു. ഇതോടെ പോലീസും പിന്നീട് അന്വേഷണം നടത്തിയില്ലെന്നും പെണ്‍കുട്ടി പറയുന്നു. അധ്യാപികയായ അമ്മയുടെ ഉപദ്രവം കാരണം പെണ്‍കുട്ടിയും നിലവില്‍ മറ്റൊരിടത്താണ് താമസം. ബന്ധുക്കളാരും ഈ വീട്ടിലേക്ക് വരാറില്ല. കഴിഞ്ഞ ദിവസമാണ് അമ്മ മുത്തശ്ശിയെ ഉപദ്രവിക്കുന്ന ദൃശ്യങ്ങള്‍ സഹിതം പെണ്‍കുട്ടി വീണ്ടും പോലീസിന് പരാതി നല്‍കിയത്. മുത്തശ്ശിയെ കുളിമുറിയില്‍ ഇരുത്തി അമ്മ അവര്‍ക്ക് നേരേ വെള്ളം ഒഴിക്കുന്നതിന്റെയും തറയിലൂടെ വലിച്ചിഴക്കുന്നതിന്റെയും ദൃശ്യങ്ങളാണ് പെണ്‍കുട്ടി പുറത്തുവിട്ടിരിക്കുന്നത്. മുത്തശ്ശിയെ എത്രയും വേഗം ഈ വീട്ടില്‍ നിന്ന് സുരക്ഷിതമായ മറ്റൊരിടത്തേക്ക് മാറ്റണമെന്നാണ് പരാതിക്കാരിയായ ചെറുമകളുടെ ആവശ്യം. ഇക്കാര്യം ചൂണ്ടിക്കാട്ടി വനിതാ കമ്മീഷനും മനുഷ്യാവകാശ കമ്മീഷനും പെണ്‍കുട്ടി പരാതി നല്‍കിയിട്ടുണ്ട്.

ചാക്കയില്‍ താമസിക്കുന്ന അധ്യാപികയായ സ്ത്രീയാണ് 80 വയസ്സിലേറെ പ്രായമുള്ള അമ്മയെ ക്രൂരമായി ഉപദ്രവിച്ചത്

ചൂടുവെള്ളം ദേഹത്ത് ഒഴിച്ച് നിലത്തിട്ട് വലിച്ചിഴച്ചു; വയോധികയെ ക്രൂരമായി മർദ്ദിച്ച് മകൾ

ഗിരിധി: മൊബൈല്‍ ഫോണില്‍ സംസാരിച്ചുകൊണ്ടിരിക്കുമ്പോള്‍ കരഞ്ഞതിനെ തുടര്‍ന്ന് അമ്മ രണ്ടുവയസുകാരനെ കഴുത്ത് ഞെരിച്ചു കൊലപ്പെടുത്തി. ജാര്‍ഖണ്ഡിലെ ഗിരിധി ജില്ലയിലാണ് സംഭവം. ഒരാളുമായി ഫോണിൽ സംസാരിക്കുന്നതിനിടെ മകൻ കരഞ്ഞതാണ് യുവതിയെ പ്രകോപിപ്പിച്ചത്. അഫ്‌സാന ഖാത്തൂന്‍ എന്ന യുവതിയാണ് ഈ ക്രൂരകൃത്യം ചെയ്തത്. ആറു വര്‍ഷം മുന്‍പായിരുന്നു നിസാമുദ്ദീന്‍ എന്ന യുവാവുമായി യുവതിയുടെ വിവാഹം. ദമ്പതികൾക്ക് നാലും രണ്ടും വയസ്സുള്ള രണ്ട് ആൺമക്കളുണ്ട്.ഭർത്താവുമായി വഴക്കിട്ടതിനെത്തുടർന്ന് വ്യാഴാഴ്ച അഫ്സാന ഇളയ മകനെയും കൂട്ടി മുറിയില്‍ കയറി വാതിലടച്ചതായി ഭര്‍തൃപിതാവും പരാതിക്കാരനുമായ റോജൻ അൻസാരി പറഞ്ഞു.
കുഞ്ഞ് കരയുമ്പോള്‍ അഫ്സാന ഫോണിലായിരുന്നുവെന്നും ആശ്വസിപ്പിക്കുന്നതിനു പകരം കഴുത്ത് ഞെരിച്ച് കൊല്ലുകയായിരുന്നുവെന്ന് വീട്ടുകാർ ആരോപിച്ചു.സംഭവത്തിനു ശേഷം അഫ്സാന വാതില്‍ തുറന്നില്ല. ഭര്‍ത്താവ് ഉറങ്ങാനായി മുറിയിലെത്തിയപ്പോഴാണ് അബോധാവസ്ഥയിലായ കുഞ്ഞിനെ കണ്ടത്. ഉടന്‍ തന്നെ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. അഫ്സാനയെ പോലീസ് അറസ്റ്റ് ചെയ്തിട്ടുണ്ട്. മകനെ കൊല്ലാന്‍ ഉദ്ദേശിച്ചിരുന്നില്ലെന്നും ദേഷ്യം കൊണ്ട് തള്ളിയപ്പോള്‍ കട്ടിലില്‍ നിന്നും വീണു മരിച്ചതാണെന്നും യുവതി പറഞ്ഞു. കുഞ്ഞിന്‍റെ മൃതദേഹം പോസ്റ്റ് മോർട്ടത്തിന് അയച്ചിട്ടുണ്ട്. സംഭവത്തില്‍ കൂടുതൽ അന്വേഷണം നടത്തിവരികയാണ്.

കുഞ്ഞ് കരയുമ്പോള്‍ അഫ്സാന ഫോണിലായിരുന്നുവെന്നും ആശ്വസിപ്പിക്കുന്നതിനു പകരം കഴുത്ത് ഞെരിച്ച് കൊല്ലുകയായിരുന്നുവെന്ന് വീട്ടുകാർ ആരോപിച്ചു

ഫോണിൽ സംസാരിക്കുന്നതിനിടെ കരഞ്ഞു; രണ്ടുവയസുകാരനെ അമ്മ കഴുത്ത് ഞെരിച്ച് കൊന്നതായി പരാതി

ചെന്നൈ: പോലീസ് സംരക്ഷണം നേടാൻ സ്വന്തം വീടിന് നേരെ ബോംബെറിഞ്ഞ ഹിന്ദുമഹാസഭ നേതാവും മകനുമടക്കം മൂന്ന് പേർ അറസ്റ്റിൽ. അഖിലേന്ത്യാ ഹിന്ദുമഹാസഭയുടെ തമിഴ്നാട് ഘടകം ജനറൽ സെക്രട്ടറി പെരി സെന്തിൽ, മകൻ ചന്ദ്രു, ബോംബെറിഞ്ഞ ചെന്നൈ സ്വദേശി മാധവൻ എന്നിവരെയാണ് കള്ളക്കുറിച്ചി പോലീസ് അറസ്റ്റ് ചെയ്‌തത്.
കഴിഞ്ഞ 23നാണ് ഉളുന്തൂർപെട്ട് കേശവൻ നഗറിലെ സെന്തിലിന്റെ വീടിനു നേരെ പെട്രോൾ ബോംബ് ആക്രമണമുണ്ടായത്. സെന്തിലും ചന്ദ്രുവും സെന്തിലിന്റെ സഹോദരൻ രാജീവ് ഗാന്ധിയും ചേർന്നാണ് ബോംബെറിയാൻ പദ്ധതിയിട്ടത്. അറസ്റ്റിലായ പ്രതികളെ കോടതി റിമാൻഡ് ചെയ്തു. ഒളിവിൽപോയ രാജീവ് ഗാന്ധിക്കായി പോലീസ് അന്വേഷണം ശക്തമാക്കി.

കഴിഞ്ഞ 23നാണ് ഉളുന്തൂർപെട്ട് കേശവൻ നഗറിലെ സെന്തിലിന്റെ വീടിനു നേരെ പെട്രോൾ ബോംബ് ആക്രമണമുണ്ടായത്

പോലീസ് സംരക്ഷണം ലഭിക്കാൻ സ്വന്തം വീടിന് ബോംബെറിഞ്ഞു; അച്ഛനും മകനും ഉൾപ്പെടെ മൂന്നുപേർ അറസ്റ്റിൽ

&nbsp;കൊല്ലം: 10 വയസ്സുകാരിയെ പീഡിപ്പിച്ച്​ ഗർഭിണിയാക്കിയ കേസിൽ പിതാവിന് ജീവപര്യന്തവും ലക്ഷം രൂപ പിഴയും. കൂടാതെ, ജുവനൈൽ ജസ്റ്റിസ്‌ ആക്ട് പ്രകാരം മൂന്നുവർഷം തടവും ഇന്ത്യൻ ശിക്ഷാനിയമം 354ബി പ്രകാരം ഏഴുവർഷം തടവും അനുഭവിക്കണം. കൊല്ലം ഫസ്റ്റ് അഡീഷനൽ ഡിസ്ട്രിക്​​റ്റ്​ ആൻഡ് സെഷൻസ് (പോക്സോ) കോടതി ജഡ്ജി പി.എൻ. വിനോദാണ് ശിക്ഷിച്ചത്‌. 2021ൽ കുട്ടി അഞ്ചാം ക്ലാസിൽ പഠിക്കവേ പ്രതിയുടെ വീട്ടിലാണ് കേസിനാസ്പദമായ സംഭവം നടന്നത്.
ഏഴുമാസത്തിനു ശേഷം മാതാവ്​ തൊട്ടടുത്ത സ്വകാര്യ ആശുപത്രിയിൽ കൊണ്ടുപോയി പരിശോധിച്ചപ്പോഴാണ് പെൺകുട്ടി ഗർഭിണിയാണെന്ന് വീട്ടുകാർ അറിഞ്ഞത്. സർക്കിൾ ഇൻസ്‌പെക്ടർ വിപിൻ കുമാറിന്റെ നേതൃത്വത്തിൽ കണ്ണനല്ലൂർ പോലീസ് അന്വേഷിച്ച കേസിൽ സ്പെഷൽ പബ്ലിക് പ്രോസിക്യൂട്ടർ സോജ തുളസീധരൻ, അഡ്വ. അഞ്ജിത രാജ്, അഡ്വ. റെജി സി. രാജ്, എ.എസ്‌.ഐ മഞ്ജുഷ എന്നിവർ ഹാജരായി.

ഏഴുമാസത്തിനു ശേഷം മാതാവ്​ തൊട്ടടുത്ത സ്വകാര്യ ആശുപത്രിയിൽ കൊണ്ടുപോയി പരിശോധിച്ചപ്പോഴാണ് പെൺകുട്ടി ഗർഭിണിയാണെന്ന് വീട്ടുകാർ അറിഞ്ഞത്

10 വയസ്സുകാരിയെ പീഡിപ്പിച്ച്​ ഗർഭിണിയാക്കി; പിതാവിന് ജീവപര്യന്തവും പിഴയും

പട്ന: ബിഹാറിലെ മുസാഫര്‍പുരില്‍ രണ്ടുമാസം പ്രായമുള്ള പെണ്‍കുഞ്ഞിനെ മുത്തച്ഛനും മുത്തശ്ശിയും ചേര്‍ന്ന് കഴുത്തുഞെരിച്ച് കൊലപ്പെടുത്തി. ആണ്‍കുഞ്ഞിന് പകരം മകനും മരുമകള്‍ക്കും ജനിച്ചത് പെണ്‍കുഞ്ഞായതിലുള്ള വിരോധമാണ്‌ അരുംകൊലയ്ക്ക് ഇവരെ പ്രേരിപ്പിച്ചതെന്നാണ് പോലീസ് പറയുന്നത്. ഇരുവരെയും അറസ്റ്റു ചെയ്തു.കത്ര സ്വദേശികളായ ധീരജ് ഓഹ- കോമള്‍ കുമാരി ദമ്പതിമാരുടെ മകളാണ് കൊല്ലപ്പെട്ടത്. ആണ്‍കുഞ്ഞിനെ വേണമെന്നായിരുന്നു കുടുംബത്തിന്റെ ആഗ്രഹം. എന്നാല്‍ കോമള്‍ പെണ്‍കുഞ്ഞിന് ജന്മം നല്‍കിയതാണ് ധീരജിന്റെ മാതാപിതാക്കളായ അശോക് ഓഹയേയും സരോജ് ദേവിയേയും ചൊടിപ്പിച്ചത്.
കുഞ്ഞിനെ വീട്ടില്‍ നിന്നും കാണാതായതായും ഏറെ നേരം തിരഞ്ഞിട്ടും കണ്ടെത്താനാകാതെ വന്നതോടെ തന്റെ വീട്ടുകാരെ വിവരമറിയിക്കുകയായിരുന്നു എന്നും കോമള്‍ പറയുന്നു. പിന്നാലെ പോലീസിനും പരാതി നല്‍കി. തുടര്‍ന്ന് നടത്തിയ അന്വേഷണത്തിലാണ് അശോകും സരോജും ചേര്‍ന്ന് കുഞ്ഞിനെ കൊലപ്പെടുത്തിയതായി കണ്ടെത്തുന്നത്. കഴുത്തുഞെരിച്ച് കൊന്ന ശേഷം ഇരുവരും ചേര്‍ന്ന് കുഞ്ഞിനെ വീട്ടില്‍ നിന്നകലെയുള്ള ആളൊഴിഞ്ഞ പറമ്പില്‍ കുഴിച്ചുമൂടുകയും ചെയ്തു. വിവാഹശേഷം കോമളിനെ സരോജ് ദേവിയും അശോകും ചേര്‍ന്ന് സ്ത്രീധനത്തിന്റെ പേരില്‍ നിരന്തരം പീഡിപ്പിച്ചിരുന്നതായും പരാതിയില്‍ പറയുന്നു.

ജനിച്ചത് പെണ്‍കുഞ്ഞായതിലുള്ള വിരോധമാണ്‌ അരുംകൊലയ്ക്ക് ഇവരെ പ്രേരിപ്പിച്ചതെന്നാണ് പോലീസ് പറയുന്നത്

രണ്ടുമാസം പ്രായമുള്ള പെണ്‍കുഞ്ഞിനെ മുത്തച്ഛനും മുത്തശ്ശിയും ചേര്‍ന്ന് കൊലപ്പെടുത്തി

ബാഗ്പത്: ചായയിട്ട് നല്‍കാന്‍ ആവശ്യപ്പെട്ടതിനെ തുടര്‍ന്ന് യുവതി ഭര്‍ത്താവിന്‍റെ കണ്ണില്‍ കത്രിക കൊണ്ട് കുത്തിയതിനു ശേഷം ഓടിപ്പോയി. ഉത്തര്‍പ്രദേശിലെ ബാഗ്പത് ജില്ലയിലാണ് സംഭവം. കണ്ണിന് ഗുരുതരമായി മുറിവേറ്റ അങ്കിത് എന്ന യുവാവ് ഇപ്പോള്‍ ചികിത്സയിലാണ്. മൂന്നുവര്‍ഷം മുന്‍പായിരുന്നു അങ്കിതിന്‍റെ വിവാഹം. വിവാഹം കഴിഞ്ഞ് കുറച്ചു ദിവസങ്ങള്‍ക്കു പിന്നാലെ ദമ്പതികള്‍ തമ്മില്‍ വഴക്ക് തുടങ്ങിയിരുന്നു. സംഭവത്തിന് മൂന്ന് ദിവസം മുമ്പ് അങ്കിതിന്റെ ഭാര്യ അദ്ദേഹത്തിനും കുടുംബത്തിനുമെതിരെ ഗാര്‍ഹിക പീഡനത്തിന് പരാതി നല്‍കിയിരുന്നുവെന്ന് പോലീസ് പറഞ്ഞു. 
സംഭവദിവസം അങ്കിത് ചായ ചോദിച്ചാണ് യുവതിയെ പ്രകോപിപ്പിച്ചത്. കത്രിക കൊണ്ട് കണ്ണില്‍ കുത്തിയ ശേഷം അവിടെ നിന്നും ഓടിപ്പോവുകയായിരുന്നു. ബഹളം കേട്ട് അങ്കിതിന്‍റെ ഭാര്യാസഹോദരിയും മക്കളുമെത്തി പോലീസില്‍ വിവരം അറിയിക്കുകയായിരുന്നു. അങ്കിതിനെ ഉടന്‍ തന്നെ അടുത്തുള്ള പ്രാഥമിക ആരോഗ്യകേന്ദ്രത്തില്‍ എത്തിച്ചെങ്കിലും വിദഗ്ധ ചികിത്സക്കായി മീററ്റിലെ ആശുപത്രിയിലേക്ക് മാറ്റി. യുവതിയെ പിടികൂടാൻ പ്രത്യേക സംഘം രൂപീകരിച്ച് കൂടുതൽ അന്വേഷണം നടത്തിവരികയാണ്.&nbsp;

ഉത്തര്‍പ്രദേശിലെ ബാഗ്പത് ജില്ലയിലാണ് സംഭവം

ചായ ചോദിച്ച ഭർത്താവിന്റെ കണ്ണിൽ കത്രിക കൊണ്ട് കുത്തി പരിക്കേൽപ്പിച്ച്  യുവതി

സാവോ പോളോ: ഭർത്താവിന്റെ ജനനേന്ദ്രിയം മുറിച്ച് ശുചിമുറിയിലെ ക്ലോസറ്റിലിട്ട്‌ ഫ്ലഷ് ചെയ്തു കളഞ്ഞ് യുവതി. ബ്രസീലിലെ സാവോ പോളോയിലെ അതിബായിയിലാണ് സംഭവം. സംഭവത്തിനു പിന്നാലെ 39കാരിയായ യുവതി പോലീസിൽ കീഴടങ്ങി. പതിനഞ്ചു വയസ്സുള്ള തന്റെ സഹോദരപുത്രിക്കൊപ്പം ഭർത്താവ് കിടക്ക പങ്കിടുന്നതു കണ്ടതാണ് ഇത്തരത്തിൽ ഒരു കൃത്യം ചെയ്യാൻ പ്രകോപിപ്പിച്ചതെന്ന് 39കാരിയായ യുവതി പോലീസിനോടു പറഞ്ഞു.&nbsp;
ഭർത്താവിനെ കട്ടിലിൽ കൈകാലുകൾ കെട്ടിയിട്ട ശേഷമാണ് ജനനേന്ദ്രിയം മുറിച്ചു മാറ്റിയതെന്നാണ് റിപ്പോർട്ട്. തുടർന്ന് അതിന്റെ ചിത്രം പകർത്തുകയും ശുചിമുറിയിൽ കൊണ്ടുപോയി ഫ്ലഷ് ചെയ്ത് കളയുകയും ചെയ്തു. ഇതിനു പിന്നാലെയാണ് പോലീസ് സ്റ്റേഷനിലെത്തി യുവതി ചെയ്ത കാര്യങ്ങൾ വിശദീകരിച്ചത്. മുറിച്ചു മാറ്റിയാലും ജനനേന്ദ്രിയം തുന്നി ചേർക്കാൻ കഴിയുമെന്ന് താൻ കേട്ടിട്ടുണ്ടെന്നും അതിനാലാണ് ഒഴുക്കി കള‍ഞ്ഞതെന്നും അവർ പോലീസിനോടു പറഞ്ഞു. ജനനേന്ദ്രിയം നഷ്ടപ്പെട്ട യുവാവ് ആശുപത്രിയിൽ ചികിത്സയിലാണ്. ഇയാളുടെ ആരോഗ്യസ്ഥിതിയെ കുറിച്ച് വിവരങ്ങൾ ലഭ്യമായിട്ടില്ല.&nbsp;

സംഭവത്തിനു പിന്നാലെ 39കാരിയായ യുവതി പോലീസിൽ കീഴടങ്ങി

ഭർത്താവിന്റെ ജനനേന്ദ്രിയം മുറിച്ച് ക്ലോസറ്റിലിട്ട്‌ ഫ്ലഷ് ചെയ്ത് യുവതി

കോഴിക്കോട്: കാക്കൂരിൽ എസ്.ഐക്കും പോലീസുകാർക്കും നേരെ ആക്രമണം. നിർബന്ധിത പണപ്പിരിവ് നടത്തിയവരെ തടയുന്നതിനിടെയാണ് പോലീസുകാരെ മർദിച്ചത്. പരിക്കേറ്റ എസ്.ഐ ഉള്‍പ്പെടെ മൂന്ന് പോലീസുകാരെ ആശുപത്രിയിൽ പ്രവേശിപ്പിച്ചു. എസ്.ഐ അബ്ദുൽസലാം, പോലീസുകാരായ രജീഷ്, ബിജു എന്നിവരാണ് ചികിത്സയിലുള്ളത്. ആക്രമണം നടത്തിയ നാലു പേരെ കസ്റ്റഡിയിലെടുത്തു. ചേളന്നൂർ കാക്കൂർ വെസ്റ്റ്ഹിൽ സ്വദേശികളായ സുബിൻ, കെ.എം. ബിജീഷ്, അജേയ്, അതുൽ എന്നിവരാണ് കസ്റ്റിഡിയിലുള്ളത്.
യാത്രക്കാരെ തടഞ്ഞുനിർത്തി പ്രതികൾ പണം പിരിക്കുകയായിരുന്നു. ഇക്കാര്യം നാട്ടുകാര്‍ പോലീസ് കണ്‍ട്രോള്‍ റൂമില്‍ അറിയിച്ചു. തുടർന്ന് സ്ഥലത്തെത്തിയ പോലീസുകാരുടെ നേരെ പ്രതികൾ തട്ടിക്കയറുകയും ആക്രമിക്കുകയുമായിരുന്നു. പോലീസ് ജീപ്പും അടിച്ചു തകർത്തു.

യാത്രക്കാരെ തടഞ്ഞുനിർത്തി പ്രതികൾ പണം പിരിക്കുകയായിരുന്നു പ്രതികൾ

Kozhikode

എസ്.ഐ ഉൾപ്പെടെയുള്ള പോലീസുകാരെ ആക്രമിച്ചു; നാലുപേർ അറസ്റ്റിൽ

പാലക്കാട്: കണ്ണന്നൂരിൽ കോൺഗ്രസ് പ്രവർത്തകരെ വെട്ടിപരിക്കേൽപ്പിച്ച കേസിൽ നാല് പേർ അറസ്റ്റിൽ. മാത്തൂർ സ്വദേശികളായ ദിനേശ്, ഗണേഷ്, സുനിൽ, കൊടുന്തിരപ്പുള്ളി സ്വദേശി സിജിൽ എന്നിവരെയാണ് പാലക്കാട് സൗത്ത് പോലീസ് അറസ്റ്റ് ചെയ്തത്. സാമ്പത്തിക ഇടപാടിലെ പ്രശ്നങ്ങൾ ചോദ്യം ചെയ്തതിന് കോൺഗ്രസ് പ്രവർത്തകർ മർദിച്ചെന്നും ഇതിന്റെ പ്രതികാരമായാണ് ആക്രമണം നടത്തിയതെന്നും പ്രതികൾ പോലീസിന് മൊഴി നൽകിയിട്ടുണ്ട്.
ഇന്നലെ വൈകീട്ട് പോലീസിന്റെ പിടിയിലായ യുവാക്കൾ ചോദ്യം ചെയ്യലിൽ കുറ്റം സമ്മതിച്ചു. ആക്രമണത്തിനായി യുവാക്കൾ എത്തിയ കാറും പോലീസ് കസ്റ്റഡിയിലെടുത്തു. ഇന്നലെ രാവിലെയാണ് കണ്ണനൂർ ജംഗ്ഷനിൽ വെച്ച് കോൺഗ്രസ് പ്രവർത്തകരായ വിനീഷ് , റെനിൽ, അമൽ, സുജിത്ത് എന്നിവർക്ക് നേരെ ആക്രമണമുണ്ടായത്.

പോലീസിന്റെ പിടിയിലായ യുവാക്കൾ ചോദ്യം ചെയ്യലിൽ കുറ്റം സമ്മതിച്ചു

കോൺഗ്രസ് പ്രവർത്തകരെ വെട്ടിപരിക്കേൽപ്പിച്ച കേസിൽ നാല് പേർ അറസ്റ്റിൽ

പാലക്കാട്: പാലക്കാട് കണ്ണനൂരിൽ നാല് കോൺഗ്രസ് പ്രവർത്തകർക്ക് വെട്ടേറ്റു. റെനിൽ (40), വിനീഷ് (43), അമൽ (25), സുജിത്ത് (33) എന്നിവർക്കാണ് വെട്ടേറ്റത്. ഇന്ന് രാവിലെ 10.30ഓടെ കാറിലെത്തിയ അഞ്ചംഗ സംഘമാണ് ആക്രമണം നടത്തിയത്. പരിക്കേറ്റ വിനീഷും റെനിലും കോൺഗ്രസ് മുൻ പഞ്ചയത്തംഗങ്ങളാണ്.
സാമ്പത്തിക ഇടപാടുമായി ബന്ധപ്പെട്ട തർക്കമാണ് ആക്രമണത്തിലേക്ക് നയിച്ചതെന്നാണ് പോലീസ് പറയുന്നത്. പരിക്കേറ്റ നാലുപേരെയും പാലക്കാട്ടെ സ്വകാര്യ ആശുപത്രിയിൽ പ്രവേശിപ്പിച്ചു. ആക്രമണം നടത്തിയവരെ തിരിച്ചറിഞ്ഞതായും ഇവർ ഓടി രക്ഷപ്പെട്ടതായും പോലീസ് അറിയിച്ചു.

സാമ്പത്തിക ഇടപാടുമായി ബന്ധപ്പെട്ട തർക്കമാണ് ആക്രമണത്തിലേക്ക് നയിച്ചതെന്നാണ് പോലീസ് പറയുന്നത്

പാലക്കാട് നാല് കോൺഗ്രസ് പ്രവർത്തകർക്ക് വെട്ടേറ്റു

താനെ: ഭാര്യയെയും മക്കളെയും ക്രിക്കറ്റ് ബാറ്റ് കൊണ്ട് തലക്കടിച്ച് കൊലപ്പെടുത്തിയ സംഭവത്തില്‍ പിതാവ് ഒളിവില്‍. അമിത് ധരംവീര്‍ ബാഗ്ദി എന്ന യുവാവാണ് ഭാര്യയെയും മക്കളെയും കൊലപ്പെടുത്തി ഒളിവില്‍ പോയത്. അമിതിന്റെ ഭാര്യ ഭാവന (24), മക്കളായ അങ്കുഷ് (8), ഖുഷി (6) എന്നിവരാണ് കൊല്ലപ്പെട്ടത്. സംഭവത്തില്‍ പ്രതിക്കെതിരെ പോലീസ് തെരച്ചില്‍ ഊര്‍ജിതമാക്കിയിട്ടുണ്ട്. മുബൈ താനെയിലെ കാസര്‍വാഡവലി പോലീസ് സ്റ്റേഷന്‍ പരിധിയില്‍ വ്യാഴാഴ്ചയായിരുന്നു സംഭവം. ഡിസംബര്‍ 13 നാണ് പ്രതി മകന്‍ അങ്കുഷിന്റെ ജന്മദിനം ആഘോഷിക്കാന്‍ കാസര്‍വാഡവലിയിലെത്തിയത്. മകന്റെ ജന്മദിനത്തിനായി അമിത് കേക്ക് വാങ്ങിയിരുന്നുവെന്നും മൂന്ന് ദിവസത്തോളം തങ്ങള്‍ക്കൊപ്പം തങ്ങിയ ശേഷമാണ് മടങ്ങിയതെന്നും സഹോദരന്‍ വികാസ് പോലീസിനോട് പറഞ്ഞു.&nbsp;
വ്യാഴാഴ്ച വികാസ് ജോലിക്ക് പോയ സമയത്ത് അമിത് ഭാര്യയെയും മക്കളെയും തലക്കടിച്ച് കൊലപ്പെടുത്തുകയായിരുന്നു. 11.30യോടെ വീട്ടിലെത്തിയ വികാസാണ് ഇവരുടെ മൃതദേഹം രക്തത്തില്‍ കുളിച്ച നിലയില്‍ കണ്ടെത്തിയത്. അമിതിനെ കാണാതായതോടെ വികാസ് പോലീസില്‍ വിവരമറിയിക്കുകയായിരുന്നു. ഇരുവരും തമ്മില്‍ വഴക്ക് പതിവായിരുന്നുവെങ്കിലും ഒരുമിച്ച് താമസിച്ച് മൂന്ന് ദിവസത്തില്‍ വഴക്കുകളൊന്നും ശ്രദ്ധയില്‍പ്പെട്ടിരുന്നില്ലൈന്നും വികാസ് കൂട്ടിച്ചേര്‍ത്തു. അതേസമയം പ്രതി നിരന്തരം ഭാര്യയുമായി മദ്യപിച്ച് വഴക്കുണ്ടാക്കുമായിരുന്നുവെന്ന് പോലീസ് അറിയിച്ചു. ഏഴ് മാസങ്ങള്‍ക്ക് മുന്‍പാണ് അമിത് കുടുംബത്തെ സന്ദര്‍ശിച്ചത്. അമിതിന്റെ മദ്യപാനം മൂലം ഭാവനയും കുട്ടികളും ഏറെക്കാലമായി സഹോദരന്‍ വികാസിനൊപ്പമായിരുന്നു താമസം.

മുബൈ താനെയിലെ കാസര്‍വാഡവലി പോലീസ് സ്റ്റേഷന്‍ പരിധിയില്‍ വ്യാഴാഴ്ചയായിരുന്നു സംഭവം

ഭാര്യയെയും മക്കളെയും യുവാവ്  ക്രിക്കറ്റ് ബാറ്റ് കൊണ്ട് തലക്കടിച്ച് കൊലപ്പെടുത്തി

ബെംഗളൂരു: ആണ്‍സുഹൃത്തുമായുള്ള ബന്ധത്തിന് തടസ്സമായതിനാല്‍ ഒന്നരവയസ്സുള്ള മകനെ യുവതി പുഴയിലെറിഞ്ഞുകൊന്നു. രാമനഗര ജില്ലയിലെ ചന്നപട്ടണയില്‍ ചൊവ്വാഴ്ച രാത്രിയാണ് സംഭവം. തുണിയലക്കാനെന്ന വ്യാജേന പുഴക്കരയിലെത്തിയ യുവതി മകനെ വെള്ളത്തിലെറിയുകയായിരുന്നു. പിന്നീട് കുട്ടി പുഴയില്‍ വീണെന്നുപറഞ്ഞ് ആളുകളെ വിളിച്ചുകൂട്ടി. പ്രദേശവാസികള്‍ നടത്തിയ തിരച്ചിലിനൊടുവില്‍ ബുധനാഴ്ച രാവിലെയാണ് കുട്ടിയുടെ മൃതദേഹം കണ്ടെത്തിയത്.
ഒന്നരവയസ്സുകാരനായ ദേവരാജാണ് മരിച്ചതെന്ന് ചന്നപട്ടണ പോലീസ് അറിയിച്ചു. കുട്ടിയുടെ അമ്മ ഭാഗ്യമ്മ(21)യെ അറസ്റ്റുചെയ്തു. ഇവരുടെ പെരുമാറ്റത്തില്‍ സംശയം തോന്നിയതോടെ നടത്തിയ ചോദ്യം ചെയ്യലില്‍ യുവതി കുറ്റം സമ്മതിക്കുകയായിരുന്നു. ആണ്‍സുഹൃത്തുമായി പുറത്തുപോകുന്നതിന് കുട്ടി തടസ്സമായതോടെയാണ് കൊല്ലാന്‍ തീരുമാനിച്ചതെന്നാണ് ഇവര്‍ പോലീസിന് നല്‍കിയ മൊഴി. ഏതാനും മാസം മുമ്പാണ് യുവതി ഭര്‍ത്താവിന്റെ വീട്ടില്‍ നിന്ന് സ്വന്തം വീടായ ചന്നപട്ടണയിലെത്തിയത്. പിന്നീട് സമീപവാസിയായ യുവാവുമായി അടുപ്പത്തിലായി. കുട്ടിയെ വീട്ടിലാക്കി യുവതി യുവാവിനൊപ്പം പുറത്തുപോകുന്നത് പതിവായതോടെ വീട്ടുകാര്‍ ഇവരുടെ ബന്ധം വിലക്കിയിരുന്നു. ഇതോടെയാണ് കുട്ടിയെ ഒഴിവാക്കാനുള്ള പദ്ധതി യുവതി ആസൂത്രണം ചെയ്തതെന്ന് പോലീസ് പറഞ്ഞു. യുവതിയുടെ ആണ്‍സുഹൃത്തിനും കൊലപാതകവുമായി ബന്ധമുണ്ടോയെന്ന് പോലീസ് പരിശോധിച്ചുവരുകയാണ്.

ഒന്നരവയസ്സുകാരനായ ദേവരാജാണ് മരിച്ചതെന്ന് ചന്നപട്ടണ പോലീസ് അറിയിച്ചു

ആണ്‍സുഹൃത്തുമായുള്ള ബന്ധത്തിന് തടസം; ഒന്നരവയസ്സുള്ള മകനെ യുവതി പുഴയിൽ എറിഞ്ഞു കൊന്നു

ചെന്നൈ: തമിഴ്‌നാട്ടില്‍ ഭാര്യയുമായുള്ള വഴക്കിനെ തുടര്‍ന്ന് യുവാവിന്റെ പരാക്രമം. സെക്കന്‍ഡ് ഹാന്‍ഡ് ഷോറൂമിലെ ഗ്യാരേജില്‍ നിര്‍ത്തിയിട്ടിരുന്ന 20 കാറുകള്‍ യുവാവ് അടിച്ചുതകര്‍ത്തു. സംഭവത്തില്‍ 35കാരനായ ഭൂബാലനെ പോലീസ് അറസ്റ്റ് ചെയ്തു.ഭാര്യയുമായുള്ള കുടുംബപ്രശ്‌നമാണ് യുവാവിന്റെ പരാക്രമത്തിന് കാരണമെന്ന് പോലീസ് പറയുന്നു. കൊളത്തൂരിലാണ് സംഭവം.ഷോറൂം ഉടമ നല്‍കിയ പരാതിയെ തുടര്‍ന്ന് നടത്തിയ അന്വേഷണത്തിലാണ് സംഭവം പുറത്തുവന്നത്. തിങ്കളാഴ്ച രാവിലെ ഷോറൂമില്‍ എത്തിയപ്പോള്‍ കാറുകള്‍ ആരോ അടിച്ചുതകര്‍ത്ത നിലയില്‍ കണ്ടെത്തിയതായി കാണിച്ചാണ് ഷോറൂം ഉടമ പരാതി നല്‍കിയത്. തുടര്‍ന്ന് സിസിടിവി ദൃശ്യങ്ങളുടെ സഹായത്തോടെ നടത്തിയ അന്വേഷണം പ്രതിയിലേക്ക് എത്തുകയായിരുന്നു. ലഹരി വിമുക്ത കേന്ദ്രത്തില്‍ നിന്ന് രണ്ടു ദിവസം മുന്‍പ് പുറത്തിറങ്ങിയ ഭൂബാലന്‍ നേരെ ഗ്യാരേജിലേക്കാണ് പോയത്. തുടര്‍ന്ന് വാഹനങ്ങള്‍ അടിച്ചുതകര്‍ക്കുകയായിരുന്നുവെന്ന് പോലീസ് പറയുന്നു. ഭാര്യയെ സംശയിച്ചാണ് യുവാവിന്റെ പരാക്രമമെന്നും പോലീസ് പറയുന്നു.

സെക്കന്‍ഡ് ഹാന്‍ഡ് ഷോറൂമിലെ ഗ്യാരേജില്‍ നിര്‍ത്തിയിട്ടിരുന്ന  20 കാറുകള്‍ യുവാവ് അടിച്ചുതകര്‍ത്തു

ഭാര്യയുമായി വഴക്കിട്ട യുവാവ് 20 കാറുകള്‍ അടിച്ചുതകര്‍ത്തു

തിരുവനന്തപുരം: വര്‍ക്കലയില്‍ ഹോട്ടല്‍ ഉടമയെ വെട്ടിപ്പരിക്കേല്‍പ്പിച്ചു. പുലര്‍ച്ചെ ഒന്നരയോടെയായിരുന്നു അക്രമം. ചിക്കന്‍ കറി നല്‍കിയത് കുറഞ്ഞുപോയി എന്നാരോപിച്ച് രണ്ടുപേര്‍ ഹോട്ടലില്‍ ബഹളമുണ്ടാക്കുകയായിരുന്നു. തുടര്‍ന്നുണ്ടായ സംഘര്‍ഷത്തിനിടെ ഹോട്ടലുടമയെ വെട്ടിപ്പരിക്കേല്‍പ്പിക്കുകയായിരുന്നു. വര്‍ക്കല രഘുനാഥപുരം സ്വദേശി നൗഷാദിനാണ് പരിക്കേറ്റത്. 46 കാരനായ നൗഷാദിന്റെ തലയ്ക്കാണ് വെട്ടു കൊണ്ടത്.&nbsp;
നൗഷാദിന്റെ തലയുടെ പിന്‍ഭാഗത്താണ് പരിക്കേറ്റത്. ഇയാള്‍ വര്‍ക്കല സ്വകാര്യ ആശുപത്രിയില്‍ ചികിത്സയിലാണ്. വര്‍ക്കല താന്നിമൂട് സ്വദേശികളായ യുവാക്കളാണ് അക്രമത്തിന് പിന്നിലെന്നാണ് പോലീസിന് സൂചന ലഭിച്ചിട്ടുള്ളത്. പ്രതികള്‍ക്കായി അന്വേഷണം ഊര്‍ജ്ജിതമാക്കിയതായി വര്‍ക്കല പോലീസ് അറിയിച്ചു. യുവാക്കളുടെ ഇരുചക്രവാഹനം പോലീസ് കസ്റ്റഡിയിലെടുത്തിട്ടുണ്ട്.

പുലര്‍ച്ചെ ഒന്നരയോടെയായിരുന്നു അക്രമം

ചിക്കൻ കറി കുറഞ്ഞു പോയതിൽ തർക്കം; ഹോട്ടൽ ഉടമയെ വെട്ടിപ്പരിക്കേല്‍പ്പിച്ചു

കൊല്ലം: വയോജനങ്ങൾക്കെതിരായ അതിക്രമങ്ങൾ വെച്ചുപൊറുപ്പിക്കില്ലെന്ന് മന്ത്രി ആർ.ബിന്ദു. കൊല്ലം തേവലക്കരയിൽ വയോധികയെ ദേഹോപദ്രവമേൽപ്പിക്കുകയും അവരോട് മനുഷ്യത്വഹീനമായി പെരുമാറുകയും ചെയ്തത സംഭവം അന്വേഷിച്ച് അടിയന്തിരമായി റിപ്പോർട്ട് നൽകാൻ മന്ത്രി നിർദേശം നൽകി. ഏലിയാമ്മ എന്ന വയോധികക്ക് സ്വന്തം വീട്ടിൽ വെച്ച് മകന്റെ ഭാര്യയും അധ്യാപികയുമായ മഞ്ജു മോളിൽ നിന്നാണ് അതിക്രമം നേരിടേണ്ടി വന്നത്. ഈ സംഭവത്തിലാണ് മന്ത്രിയുടെ ഇടപെടൽ.&nbsp;
കൊല്ലം ജില്ലാ സാമൂഹ്യനീതി ഓഫീസർ ഇന്നുതന്നെ സംഭവസ്ഥലം നേരിട്ട് സന്ദർശിച്ച് അന്വേഷണം നടത്തി റിപ്പോർട്ട് സമർപ്പിക്കും. ഏലിയാമ്മക്ക് മതിയായ സംരക്ഷണവും നിയമസഹായവും ഉറപ്പുവരുത്താൻ വേണ്ട നടപടികൾ സ്വീകരിക്കാനും നിർദേശിച്ചുവെന്നും മന്ത്രി അറിയിച്ചു. ആവശ്യമായ മറ്റു തുടർനടപടികൾക്കായി റിപ്പോർട്ടിന്റെ പകർപ്പ് ബന്ധപ്പെട്ട മെയിന്റനൻസ് ട്രിബ്യൂണലിന് കൈമാറണമെന്നും മന്ത്രി നിർദേശം നൽകി.

കൊല്ലം തേവലക്കരയിൽ വയോധികയെ ദേഹോപദ്രവമേൽപ്പിക്കുകയും അവരോട് മനുഷ്യത്വഹീനമായി പെരുമാറുകയും ചെയ്തത സംഭവം അന്വേഷിച്ച് അടിയന്തിരമായി റിപ്പോർട്ട് നൽകാൻ മന്ത്രി നിർദേശം നൽകി

വയോജനങ്ങൾക്കെതിരായ അതിക്രമങ്ങൾ വെച്ചുപൊറുപ്പിക്കില്ലെന്ന് മന്ത്രി ആർ.ബിന്ദു

ബെംഗളൂരു: ഉപയോഗിച്ച കിടക്ക (യൂസ്ഡ് ബെഡ്) വില്‍ക്കാനായി ഒഎല്‍എക്‌സില്‍ പരസ്യം നല്‍കിയ 39കാരനായ എന്‍ജിനീയര്‍ക്ക് 68 ലക്ഷം രൂപ നഷ്ടപ്പെട്ടതായി പരാതി. അടുത്തകാലത്തായി നടന്ന ഏറ്റവും വലിയ സൈബര്‍ തട്ടിപ്പാണിതെന്ന് പോലീസ് പറയുന്നു. സംഭവത്തില്‍ കേസെടുത്ത് പോലീസ് അന്വേഷണം ആരംഭിച്ചു. അടുത്തിടെയാണ് ഓണ്‍ലൈന്‍ മാര്‍ക്കറ്റിങ് പ്ലാറ്റ്‌ഫോമായ ഒഎല്‍എക്‌സില്‍ യുവാവ് പരസ്യം നല്‍കിയത്. ഉപയോഗിച്ച കിടക്ക വില്‍ക്കുന്നതിനായാണ് പരസ്യം നല്‍കിയത്. കിടക്കയുടെ ഫോട്ടോ സഹിതമാണ് പോസ്റ്റ് ചെയ്തത്. 15000 രൂപയാണ് വിലയായി ക്വാട്ട് ചെയ്തിരുന്നത്. രോഹിത് മിശ്ര എന്നയാള്‍ വിളിച്ച് കിടക്ക വാങ്ങാന്‍ താത്പര്യം ഉണ്ടെന്ന് അറിയിച്ചു. ഇന്ദിരാനഗറില്‍ ഫര്‍ണീച്ചര്‍ കട നടത്തുകയാണെന്ന് പറഞ്ഞാണ് രോഹിത് മിശ്ര സ്വയം പരിചയപ്പെടുത്തിയത്.&nbsp;
ഡിജിറ്റല്‍ പേയ്‌മെന്റ് ആപ്പ് വഴി പണം കൈമാറാമെന്ന് രോഹിത് മിശ്ര പറഞ്ഞു. കുറച്ചു മിനിറ്റുകള്‍ക്ക് ശേഷം വീണ്ടും വിളിച്ച് എന്‍ജിനീയറുടെ യുപിഐ ഐഡിയിലേക്ക് പണം അയക്കാന്‍ കഴിയുന്നില്ലെന്ന് പറഞ്ഞു. യുപിഐ ഐഡി തിരിച്ചറിയാന്‍ അഞ്ചു രൂപ തന്റെ അക്കൗണ്ടിലേക്ക് അയക്കാമോ എന്ന് രോഹിത് ചോദിച്ചു. പകരം പത്തുരൂപ തിരികെ നല്‍കി വിശ്വാസം നേടിയെടുത്താണ് തട്ടിപ്പ് ആരംഭിച്ചതെന്നും പരാതിയില്‍ പറയുന്നു. തുടര്‍ന്ന് വീണ്ടും വിളിച്ച് പണം കൈമാറാന്‍ കഴിയുന്നില്ലെന്ന് രോഹിത് മിശ്ര പറഞ്ഞു. ഇത്തവണ അയ്യായിരം രൂപ തന്റെ അക്കൗണ്ടിലേക്ക് അയക്കാമോ എന്നാണ് രോഹിത് ചോദിച്ചത്. പറഞ്ഞത് അനുസരിച്ച് തുക കൈമാറി. തിരിച്ച് ഇരട്ടി തുകയായ 10000 രൂപ കൈമാറി വിശ്വാസം ഉറപ്പിച്ചു. സമാനമായ രീതിയില്‍ 7500 രൂപ കൈമാറാമോ എന്ന് രോഹിത് ചോദിച്ചു. ഇതിന്റെ ഇരട്ടിയായി തിരികെ നല്‍കാമെന്ന് വാഗ്ദാനം നല്‍കി. പറഞ്ഞത് അനുസരിച്ച് എന്‍ജിനീയര്‍ 7500 കൈമാറി. ഇരട്ടിത്തുകയായ 15000 രൂപ ലഭിക്കേണ്ടതിന് പകരം 30000 രൂപയാണ് രോഹിത് കൈമാറിയത്. അബദ്ധത്തില്‍ തുക കൂടിപ്പോയതാണെന്നും ശേഷിക്കുന്ന 15000 രൂപ തിരികെ ലഭിക്കുന്നതിന് അയക്കുന്ന ലിങ്കില്‍ ക്ലിക്ക് ചെയ്ത് ഒടിപി ഷെയര്‍ ചെയ്യാനും രോഹിത് മിശ്ര ആവശ്യപ്പെട്ടു. പിന്നാലെ അക്കൗണ്ടില്‍ നിന്ന് പണം നഷ്ടപ്പെടാന്‍ തുടങ്ങിയതായാണ് എന്‍ജിനീയറുടെ പരാതിയില്‍ പറയുന്നത്.പണം മടക്കിനല്‍കാന്‍ ആവശ്യപ്പെട്ടപ്പോള്‍ പണം തിരികെ നല്‍കാന്‍ ശ്രമിക്കുകയാണെന്നാണ് രോഹിത് ആദ്യം പറഞ്ഞത്. തുടക്കത്തില്‍ വ്യാപാരി ആയത് കൊണ്ട് ഓണ്‍ലൈന്‍ ഇടപാടുകളെ കുറിച്ച് അറിവ് കുറവായിരിക്കുമെന്നാണ് കരുതിയത്. എന്നാല്‍ അക്കൗണ്ടില്‍ നിന്ന് ലക്ഷങ്ങള്‍ പോകാന്‍ തുടങ്ങിയതോടെയാണ് തട്ടിപ്പില്‍ വീണ കാര്യം തിരിച്ചറിഞ്ഞതെന്നും പരാതിയില്‍ പറയുന്നു.&nbsp;

അടുത്തകാലത്തായി നടന്ന ഏറ്റവും വലിയ സൈബര്‍ തട്ടിപ്പാണിതെന്ന് പോലീസ് പറയുന്നു

ഉപയോഗിച്ച കിടക്ക വിൽക്കാനായി ഒഎല്‍എക്‌സില്‍ പരസ്യം നല്‍കി; യുവാവിന് നഷ്ടമായത് 68 ലക്ഷം

ഭോപ്പാല്‍: മധ്യപ്രദേശില്‍ ലൈംഗിക ബന്ധത്തിന് വിസമ്മതിച്ചതിന്റെ ദേഷ്യത്തില്‍ 20കാരിയെ ലിവ് ഇന്‍ പാര്‍ട്ണര്‍ കുത്തിക്കൊന്നു. ഇന്‍സ്റ്റഗ്രാമിലൂടെ പരിചയപ്പെട്ട ഇരുവരും കഴിഞ്ഞ ഏതാനും ദിവസങ്ങളായി വാടക വീട്ടില്‍ ഒരുമിച്ച് താമസിച്ച് വരികയായിരുന്നുവെന്ന് പോലീസ് പറയുന്നു.സംഭവത്തില്‍ പ്രതിയെ പോലീസ് അറസ്റ്റ് ചെയ്തു. ഇന്‍ഡോറില്‍ ദിവസങ്ങള്‍ക്ക് മുന്‍പാണ് സംഭവം. രണ്ടുദിവസത്തിന് ശേഷമാണ് യുവതിയുടെ മൃതദേഹം കണ്ടെത്തിയത്. 24കാരനായ പ്രവീണ്‍ സിങ് ആണ് അറസ്റ്റിലായത്. പ്രതി കത്രിക എടുത്ത് യുവതിയുടെ കഴുത്തില്‍ കുത്തുകയായിരുന്നുവെന്ന് പോലീസ് പറയുന്നു.
ഇന്‍സ്റ്റഗ്രാമിലൂടെയാണ് ഇരുവരും പരിചയപ്പെട്ടത്. തുടര്‍ന്ന് ഒരുമിച്ച് ജീവിക്കാന്‍ തീരുമാനിക്കുകയായിരുന്നു. കഴിഞ്ഞ ഏതാനും ദിവസങ്ങളായി വാടക വീട്ടിലാണ് ഇരുവരും താമസിച്ചിരുന്നത്. ലൈംഗിക ബന്ധത്തിന് യുവതി വിസമ്മതിച്ചതാണ് പ്രകോപനത്തിന് കാരണമെന്നും പോലീസ് പറയുന്നു. കുത്തേറ്റതിന് പിന്നാലെ ചോര വാര്‍ന്ന യുവതി തത്ക്ഷണം മരിച്ചതായും പോലീസ് പറയുന്നു. സംഭവത്തിന് പിന്നാലെ വീട് പൂട്ടി യുവാവ് കടന്നുകളഞ്ഞു. യുവതിയുടെ മൊബൈല്‍ ഫോണും എടുത്തുകൊണ്ടാണ് പ്രവീണ്‍ സ്ഥലത്ത് നിന്ന് രക്ഷപ്പെട്ടത്. തുടര്‍ന്ന് നടത്തിയ വിശദമായ അന്വേഷണത്തില്‍ പ്രതിയെ പിടികൂടിയതോടെയാണ് സംഭവം പുറത്തു വന്നതെന്നും പോലീസ് പറയുന്നു.

ഇന്‍സ്റ്റഗ്രാമിലൂടെ പരിചയപ്പെട്ട ഇരുവരും കഴിഞ്ഞ ഏതാനും ദിവസങ്ങളായി വാടക വീട്ടില്‍ ഒരുമിച്ച് താമസിച്ച് വരികയായിരുന്നു

ലൈംഗിക ബന്ധത്തിന് വിസമ്മതിച്ചു; 20കാരിയെ ലിവ് ഇന്‍ പാര്‍ട്ണര്‍ കുത്തിക്കൊന്നു

ചെന്നൈ: കിൽപ്പോക്ക് മെഡിക്കൽ കോളജിൽ നവജാത ശിശുവിന്റെ മൃതദേഹം കാർഡ്ബോർഡ് പെട്ടിക്കുള്ളിൽ കൊടുത്തയച്ച മോർച്ചറി ജീവനക്കാരനെ സസ്പെൻഡ് ചെയ്തു. സംഭവം വിവാദമായതോടെ നടത്തിയ പ്രാഥമിക അന്വേഷണത്തിനു പിന്നാലെയാണ് മോർച്ചറി അസിസ്റ്റന്റ് പനീർസെൽവത്തെ സസ്പെൻഡ് ചെയ്തത്. മൃതദേഹം വിട്ടുനൽകുന്നതിൽ വീഴ്ച വരുത്തിയെന്ന പരാതി അന്വേഷിക്കാൻ 3 പ്രഫസർമാരുടെ സമിതി രൂപീകരിച്ചു. ഇനിയൊരു ഉത്തരവ് ഉണ്ടാകുന്നത് വരെ പനീർസെൽവത്തെ ജോലിയിൽ പ്രവേശിപ്പിക്കില്ലെന്ന് ആശുപത്രി അധികൃതർ അറിയിച്ചു.
പുളിയന്തോപ്പ് സ്വദേശികളായ മസൂദ്-സൗമ്യ ദമ്പതികളുടെ കുഞ്ഞാണ് മരിച്ചത്. പ്രളയം രൂക്ഷമായ 5നു സൗമ്യയ്ക്കു പ്രസവവേദനയുണ്ടായി. എന്നാൽ, സൗമ്യയെ കൃത്യസമയത്ത് ആശുപത്രിയിൽ എത്തിക്കാൻ കഴിഞ്ഞില്ല. സൈക്കിൾറിക്ഷയിൽ അടുത്തുള്ള ആശുപത്രിയിലെത്തിച്ചെങ്കിലും വെള്ളം കയറിയതിനാൽ ആശുപത്രി അടച്ചിരുന്നു. ഒടുവി‍ൽ ആംബുലൻസിൽ കിൽപ്പോക്ക് ആശുപത്രിയിലെത്തിച്ചെങ്കിലും കുഞ്ഞിനെ രക്ഷിക്കാനായില്ല. ആശുപത്രിയിലെ മോർച്ചറി ജീവനക്കാർ കുട്ടിയെ സംസ്കരിക്കാൻ 2500 രൂപ നൽകണമെന്ന് ആവശ്യപ്പെട്ടു. പണമില്ലെന്ന് അറിയിച്ചതോടെ മൃതദേഹം കൊണ്ടുപോകാൻ ജീവനക്കാർ കുട്ടിയുടെ പിതാവിനോട് പറഞ്ഞു. 4 ദിവസത്തോളം മൃതദേഹം കിൽപ്പോക്കിലെ മോർച്ചറിയിൽ സൂക്ഷിച്ചു. തുടർന്ന് തമിഴ്‌നാട് മുസ്‌ലിം മുന്നേറ്റ കഴകം (ടിഎംഎംകെ) കുട്ടിയുടെ മൃതദേഹം സംസ്കരിക്കാൻ മുന്നോട്ടു വന്നു. എന്നാൽ, 10ന് ആശുപത്രിയിലെത്തിയപ്പോൾ മൃതദേഹം കാർഡ് ബോർഡ് പെട്ടിയിലിട്ട് കൊടുത്തയയ്ക്കുകയായിരുന്നു.

പുളിയന്തോപ്പ് സ്വദേശികളായ മസൂദ്-സൗമ്യ ദമ്പതികളുടെ കുഞ്ഞാണ് മരിച്ചത്

നവജാത ശിശുവിന്റെ മൃതദേഹം കാർഡ്ബോർഡ് ബോക്സിൽ കൊടുത്തയച്ച മോർച്ചറി ജീവനക്കാരന് സസ്‌പെൻഷൻ

ചടയമംഗലം: സിഗരറ്റ് കാറിൽ കൊണ്ടുക്കൊടുക്കാത്തതിന് അംഗപരിമിതന്റെ കട കാറുകൊണ്ട് ഇടിച്ചുതകർത്ത യുവാവിനെ അറസ്റ്റു ചെയ്തു. കാലിനു ഗുരുതരമായി പരിക്കേറ്റ കടയുടമ മോഹനനെ പാരിപ്പള്ളി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. എം.സി.റോഡിൽ ആയൂർ ശില്പ ഹോട്ടലിനു സമീപം ഞായറാഴ്ച രാത്രി എട്ടോടെയാണ് സംഭവം. കാറിലെത്തിയ ആയൂർ സ്വദേശി സദ്ദാം കടയുടമ മോഹനനോട് സിഗരറ്റ് കാറിനടുത്തു കൊണ്ടുവരാൻ ആവശ്യപ്പെട്ടു. താൻ അംഗപരിമിതനാണെന്നും ‌ഇറങ്ങിവരാൻ പറ്റില്ലെന്നും മോഹനൻ പറഞ്ഞു. എന്നാൽ സിഗരറ്റുകൊണ്ടുവരാൻ സദ്ദാം വീണ്ടും ആവശ്യപ്പെട്ടു.&nbsp;
തുടർന്ന് കാർ പിന്നിലേക്ക് എടുത്ത്‌ മൂന്നുതവണ കടയിലേക്ക് ഇടിച്ചുകയറ്റി കട തകർക്കുകയായിരുന്നു. സമീപത്തുള്ള വ്യാപാരസ്ഥാപനങ്ങളിലെ ആൾക്കാരാണ് തകർന്ന കടയ്ക്കുള്ളിൽ നിന്ന്‌ മോഹനനെ പുറത്തെടുത്തത്. മോഹനന്റെ ഇടതുകാലിനു ഗുരുതരമായി പരിക്കേറ്റു. ചടയമംഗലം എസ്.എച്ച്.ഒ. സുനീഷ്, എസ്.ഐ.മാരായ മോനിഷ്, ദിലീപ് എന്നിവരടങ്ങുന്ന സംഘം തിങ്കളാഴ്ച പുലർച്ചെ ആയൂരിൽ നിന്ന്‌ പ്രതിയെ അറസ്റ്റു ചെയ്തു. കട ഇടിച്ചുതകർക്കാൻ ഉപയോഗിച്ച കാറും കസ്റ്റഡിയിലെടുത്തു. ഇയാൾക്കെതിരേ വധശ്രമം ഉൾപ്പെടെയുള്ള വകുപ്പുകൾ ചുമത്തി കേസെടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

കാലിനു ഗുരുതരമായി പരിക്കേറ്റ കടയുടമ മോഹനനെ പാരിപ്പള്ളി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു

അംഗപരിമിതന്റെ കട കാറുകൊണ്ട് ഇടിച്ചുതകർത്ത യുവാവ് അറസ്റ്റിൽ

ബെംഗളൂരു: മകന്‍ ഒളിച്ചോടിയതിന് പിന്നാലെ അമ്മയെ നഗ്നയാക്കി തൂണിൽ കെട്ടിയിട്ട് മർദ്ദനം. കർണാടകയിലെ ബെലഗാവിയിലാണ് സംഭവം. മകനോടൊപ്പം ഒളിച്ചോടിയ പെണ്‍കുട്ടിയുടെ വീട്ടുകാരാണ് സ്ത്രീയെ ക്രൂരമായി മർദ്ദിച്ചത്. ഞായറാഴ്ച രാത്രിയായിരുന്നു മകന്‍ ഒളിച്ചോടിയതിന് അമ്മയെ വീടിന് പുറത്തേക്ക് വലിച്ചിഴച്ച് നഗ്നയാക്കി മർദ്ദിച്ചത്. അക്രമത്തിനിരയായ സ്ത്രീയുടെ മകൻ ഒരു പെണ്‍കുട്ടിയുമായി കുറച്ച് നാളായി അടുപ്പത്തിലായിരുന്നു.
കഴിഞ്ഞ ദിവസമാണ് യുവാവ് കാമുകിക്കൊപ്പം ഒളിച്ചോടിയത്. വിവരം അറിഞ്ഞ പെണ്‍കുട്ടിയുടെ വീട്ടുകാർ യുവാവിന്റെ വീട്ടിലേക്കെത്തുകയായിരുന്നു. സംഭവത്തിൽ പെണ്‍കുട്ടിയുടെ ബന്ധുക്കളായ ഏഴ് പേരെ പോലീസ് ഇതിനോടകം അറസ്റ്റ് ചെയ്തിട്ടുണ്ട്. ബെലഗാവിയിൽ മാത്രമല്ല സംസ്ഥാനത്ത് ഒരിടത്തും സമാന രീതിയിലുള്ള അക്രമ സംഭവങ്ങളോടും സഹിഷ്ണുത പുലർത്തില്ലെന്ന് കർണാടക മുഖ്യമന്ത്രി വിശദമാക്കി. സംഭവത്തിൽ കുറ്റക്കാർക്കെതിരെ ശക്തമായ നടപടിയുണ്ടാകുമെന്നും സിദ്ദരാമയ്യ വിശദമാക്കി. അറസ്റ്റിലായവരെ ഉടന്‍ തന്നെ കോടതിയിലെത്തിക്കുമെന്ന് കർണാടക ആഭ്യന്തര മന്ത്രി ജി പരമേശ്വര വിശദമാക്കി. ആക്രമണത്തിൽ പരിക്കേറ്റ സ്ത്രീ നിലവിൽ ചികിത്സയിലാണുള്ളത്.

ഞായറാഴ്ച രാത്രിയായിരുന്നു മകന്‍ ഒളിച്ചോടിയതിന് അമ്മയെ വീടിന് പുറത്തേക്ക് വലിച്ചിഴച്ച് നഗ്നയാക്കി മർദ്ദിച്ചത്

മകൻ ഒളിച്ചോടി; അമ്മയെ നഗ്നയാക്കി തൂണിൽ കെട്ടിയിട്ട് മർദ്ദിച്ച് പെൺകുട്ടിയുടെ വീട്ടുകാർ

ലക്നൗ∙ 75-കാരന്റെ മുഖത്ത് മഷിതേച്ച് ചെരിപ്പുമാല ധരിപ്പിക്കുകയും സ്വന്തം തുപ്പല്‍ നക്കാൻ നിർബന്ധിക്കുകയും ചെയ്ത സംഭവത്തില്‍ നാലുപേര്‍ അറസ്റ്റിൽ. ഉത്തര്‍പ്രദേശിലെ ടിക്ഹാര ഗ്രാമത്തിലാണു സംഭവം. സംഭവത്തിന്റെ വിഡിയോ സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു. ഇതോടെയാണ് പോലീസ് കേസെടുത്തത്. വ്യാഴാഴ്ചയാണ് സംഭവം. മൊഹബത്ത് അലി എന്നയാളാണ് ആക്രമണത്തിന് ഇരയായത്.&nbsp;
അദ്ദേഹത്തിന്റെ മുഖം മഷിപുരട്ടി കറുപ്പിച്ച നിലയിലായിരുന്നു എന്ന് പോലീസ് അറിയിച്ചു. കൂടാതെ സ്വന്തം തുപ്പൽ നിർബന്ധിച്ച് നക്കിപ്പിക്കുകയും ചെയ്തു. സംഭവവുമായി ബന്ധപ്പെട്ട് സഫര്‍, അമന്‍ പാണ്ഡെ, അഖിലേഷ് സഹ്നി, ഘന്‍ശ്യാം തിവാരി എന്നിവരെ അറസ്റ്റുചെയ്തതായി പോലീസ് അറിയിച്ചു. അന്യായമായി തടഞ്ഞുവയ്ക്കല്‍, ഭീഷണിപ്പെടുത്തല്‍, മനപ്പൂര്‍വം അപമാനിക്കല്‍, വീടുതകര്‍ക്കല്‍, മര്‍ദ്ദനം എന്നീ കുറ്റങ്ങള്‍ ചുമത്തി പ്രതികള്‍ക്കെതിരെ കേസെടുത്തു. മൊഹബത്ത് അലി തന്റെ മകളുടെ ശരീരത്തില്‍ മോശമായി സ്പര്‍ശിച്ചെന്നാരോപിച്ച് ഒരാള്‍ പരാതി നല്‍കിയിരുന്നതായും അതിനു ശേഷമാണ് ആക്രമണം നടന്നതെന്നും പോലീസ് പറഞ്ഞു.

സംഭവത്തിന്റെ വിഡിയോ സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു. ഇതോടെയാണ് പോലീസ് കേസെടുത്തത്

75-കാരന്റെ മുഖത്ത് മഷിതേച്ച് ചെരിപ്പുമാല ധരിപ്പിച്ച് തുപ്പൽ നക്കാൻ നിർബന്ധിച്ചു; നാലുപേര്‍ അറസ്റ്റിൽ

തിരുവനന്തപുരം: മധ്യവയസ്കന് മദ്യം നൽകി അബോധാവസ്ഥയിലാക്കിയ ശേഷം ലൈംഗിക പീഡനത്തിന് ഇരയാക്കിയ കേസിൽ യുവാവിനെ നെടുമങ്ങാട് പോലീസ് അറസ്റ്റ് ചെയ്തു. ആനാട് വില്ലേജിൽ കൊല്ലങ്കാവ് പന്നിയോട്ടുകോണം തടത്തരികത്ത് വീട്ടിൽ എസ് ദീപു (30) ആണ് അറസ്റ്റിലായത്.
പീഡനത്തെ തുടർന്ന് 52കാരൻ ആശുപത്രിയിൽ ചികിത്സ തേടിയിരുന്നു. ആരോഗ്യ പ്രവർത്തകരാണ് പോലീസിൽ വിവരം നൽകിയത്. സ്റ്റേഷൻ ഓഫീസർ ശ്രീകുമാരൻ നായരുടെ നേതൃത്വത്തിൽ എസ് ഐമാരായ ശ്രീലാൽ ചന്ദ്രശേഖരൻ, മുഹ്സിൻ മുഹമ്മദ്, ഷാജി, സി പി ഒമാരായ അഖിൽകുമാർ, ശ്രീജിത്, ബിജു, രാജേഷ് കുമാർ എന്നിവരടങ്ങിയ സംഘമാണ് കേസ് അന്വേഷിച്ചത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു

പീഡനത്തെ തുടർന്ന് 52കാരൻ ആശുപത്രിയിൽ ചികിത്സ തേടിയിരുന്നു

52 കാരനെ മദ്യം നൽകിയ ശേഷം ലൈംഗിക പീഡനത്തിന് ഇരയാക്കി; 30 കാരൻ അറസ്റ്റിൽ

കൊച്ചി: ഒരു മാസം പ്രായമുള്ള കുഞ്ഞിനെ കൊലപ്പെടുത്തിയ കേസിൽ അറസ്റ്റിലായ ആലപ്പുഴ എഴുപുന്ന സ്വദേശിനി അശ്വതി ഓമനക്കുട്ടൻ (25), സുഹൃത്ത്‌ കണ്ണൂർ ചക്കരക്കൽ സ്വദേശി വി.പി.ഷാനിഫ്‌ (25) എന്നിവരെ ആലുവ മജിസ്ട്രേട്ട് കോടതി 20 വരെ റിമാൻഡ്‌ ചെയ്തു. പ്രതികളെ കസ്റ്റഡിയിൽ വിട്ടുകിട്ടാനുള്ള അപേക്ഷ നൽകുമെന്നു പോലീസ്‌ പറഞ്ഞു. കഴിഞ്ഞ ദിവസമാണു രണ്ടു പേരെയും എളമക്കര പോലീസ് അറസ്റ്റ്‌ ചെയ്തത്.&nbsp;
മരിച്ചുവെന്ന്‌ ഉറപ്പിക്കാൻ കുഞ്ഞിന്റെ ശരീരത്തിൽ കടിച്ചതായി ഷാനിഫ് പോലീസിനോടു പറഞ്ഞിരുന്നു. ഇക്കാര്യം സ്ഥിരീകരിക്കാൻ പ്രതികളുടെ ദന്ത സാംപിളുകൾ പരിശോധനയ്‌ക്കു വിടും. യുവതിക്കു മറ്റൊരു ബന്ധത്തിലുള്ളതാണു കുഞ്ഞെന്നും ഒരുമിച്ചുള്ള ജീവിതത്തിനു തടസ്സമാകുമെന്നു കണ്ടാണു കുഞ്ഞിനെ ഒഴിവാക്കാൻ തീരുമാനിച്ചതെന്നുമാണ് പോലീസിനു ലഭിച്ച മൊഴി. ഷാനിഫിനെ ആലുവ സബ്‌ ജയിലിലേക്കും അശ്വതിയെ കാക്കനാട് വനിത ജയിലിലേക്കുമാണു മാറ്റിയത്‌.

കഴിഞ്ഞ ദിവസമാണു രണ്ടു പേരെയും എളമക്കര പോലീസ് അറസ്റ്റ്‌ ചെയ്തത്

ഒരു മാസം പ്രായമുള്ള കുഞ്ഞിന്റെ കൊലപാതകം; കോടതി മുറ്റത്ത് പ്രതികൾ തമ്മിൽ തർക്കം

പത്തനംതിട്ട: തിരുവല്ലയിലെ നവജാതശിശുവിന്റെ മരണം കൊലപാതകമെന്ന് പോലീസ് അന്വേഷണത്തിൽ കണ്ടെത്തി. സംഭവത്തില്‍ കുഞ്ഞിന്റെ അമ്മ മല്ലപ്പളളി സ്വദേശിനി നീതുവിനെ പോലീസ് അറസ്റ്റ് ചെയ്തു.പ്രസവിച്ചതിന് പിന്നാലെ കുഞ്ഞിന്റെ മുഖത്ത് തുടര്‍ച്ചയായി വെള്ളം ഒഴിച്ചാണ് പ്രതി കൃത്യം നടത്തിയതെന്നാണ് പോലീസ് പറയുന്നത്.
കഴിഞ്ഞ വെളളിയാഴ്ചയാണ് യുവതി ഹോസ്റ്റല്‍ മുറിയില്‍ വച്ച്‌ കുഞ്ഞിന് ജൻമം നല്‍കിയത്. കുഞ്ഞിനെ മടിയില്‍ കിടത്തി നീതു തുടര്‍ച്ചയായി മുഖത്തേക്ക് വെളളം ഒഴിക്കുകയായിരുന്നു. ശ്വാസകോശത്തില്‍ വെളളം എത്തിയതാണ് കുഞ്ഞിന്റെ മരണത്തിന് കാരണമെന്നാണ് പോസ്റ്റ് മോർട്ടം റിപ്പോർട്ടിൽ പറയുന്നത്. നീതു ഗര്‍ഭിണിയായിരുന്ന വിവരം ഹോസ്റ്റലിലുളളവരോ ബന്ധുക്കളോ അറിഞ്ഞിരുന്നില്ലെന്നാണ് ലഭിക്കുന്ന വിവരം. തൃശൂര്‍ സ്വദേശിയായ കാമുകനില്‍ നിന്നാണ് ഗര്‍ഭം ധരിച്ചതെന്ന് നീതു പോലീസിന് മൊഴി നല്‍കിയിട്ടുണ്ട്. കൊലപാതകത്തില്‍ കാമുകന് പങ്കുണ്ടോയെന്നും അന്വേഷിച്ച്‌ വരികയാണെന്നും പോലീസ് അറിയിച്ചു.

പ്രസവിച്ചതിന് പിന്നാലെ കുഞ്ഞിന്റെ മുഖത്ത് തുടര്‍ച്ചയായി വെള്ളം ഒഴിച്ചാണ് പ്രതി കൃത്യം നടത്തിയതെന്നാണ് പോലീസ് പറയുന്നത്

നവജാതശിശുവിന്റെ മുഖത്ത് തുടര്‍ച്ചയായി വെളളം ഒഴിച്ച്‌ കൊലപ്പെടുത്തി; ഇരുപതുകാരിയായ അമ്മ അറസ്റ്റില്‍

പേരാമ്പ്ര: മേപ്പയ്യൂർ എടത്തിൽമുക്കിൽ ഡി.വൈ.എഫ്.ഐ പ്രവർത്തകന് വെട്ടേറ്റു. നെല്ലിക്കാത്താഴ സുനിൽ കുമാറിനാണ് (38) വെട്ടേറ്റത്. ഇന്നലെ വൈകീട്ട് അഞ്ചരയോടെയാണ് സംഭവം. ഗുരുതര പരിക്കേറ്റ സുനിൽ കുമാർ കോഴിക്കോട്‌ മെഡിക്കൽ കോളജ് ആശുപത്രിയിൽ ചികിത്സയിലാണ്. എടത്തിൽമുക്ക് ടൗണിൽ വെച്ച് സുനിൽകുമാറിനെ കാറിലെത്തിയ അഞ്ചംഗ സംഘം ആക്രമിക്കുകയായിരുന്നു.&nbsp;
തൊട്ടടുത്ത കടയിലേക്ക് ഓടിക്കയറിയ സുനിൽകുമാറിനെ ഇവിടെ നിന്നും വലിച്ചിറക്കി ആക്രമിച്ചു. സംഭവത്തിന്‍റെ സി.സി.ടി.വി ദൃശ്യങ്ങൾ പുറത്തുവന്നിരുന്നു. ആക്രമണത്തിന് പിന്നിൽ മുസ്ലിം ലീഗാണെന്ന് ഡി.വൈ.എഫ്.ഐ ആരോപിച്ചു. ആക്രമണത്തിൽ പ്രതിഷേധിച്ച് ഡി.വൈ.എഫ്.ഐ പ്രവർത്തകർ മേപ്പയൂർ ടൗണിൽ പ്രകടനം നടത്തി.

നെല്ലിക്കാത്താഴ സുനിൽ കുമാറിനാണ് (38) വെട്ടേറ്റത്

Perambra

പേരാമ്പ്രയിൽ ഡി.വൈ.എഫ്.ഐ പ്രവർത്തകന് വെട്ടേറ്റു

കൊച്ചി: എളമക്കരയിൽ ഒന്നരമാസം പ്രായമായ കുഞ്ഞിനെ അസ്വാഭാവിക സാഹചര്യത്തിൽ മരിച്ച നിലയിൽ കണ്ടെത്തിയ സംഭവത്തിൽ ഞെട്ടിക്കുന്ന വിവരങ്ങൾ പുറത്ത്. കുഞ്ഞിനെ അമ്മയുടെ ആൺസുഹൃത്ത് ക്രൂരമായി കൊലപ്പെടുത്തിയതയാണെന്നും ഇയാൾ കുറ്റം സമ്മതിച്ചെന്നുമാണ് വിവരം. കാൽമുട്ടുകൊണ്ട് തലയ്ക്കടിച്ചാണ് കൊലപ്പെടുത്തിയതെന്നാണ് വിവരം. കൊലപാതകത്തിൽ കുഞ്ഞിന്റെ അമ്മയായ അശ്വതിക്കും പങ്കുണ്ടെന്നാണ് പോലീസ് പറയുന്നത്. കൊലപാതകത്തില്‍ അശ്വതിയും സുഹൃത്ത് കണ്ണൂര്‍ ചക്കരക്കല്‍ സ്വദേശി ഷാനിഫും പോലീസ് കസ്റ്റഡിയിലാണ്. ഇരുവരെയും ചോദ്യം ചെയ്യുന്നത് തുടരുകയാണ്.&nbsp;
കുഞ്ഞിന്റെ വാരിയെല്ലിന് പരുക്കുപറ്റിയതായാണ് പോസ്റ്റ്മോർട്ടം റിപ്പോർട്ട്. കുഞ്ഞിനെ കൊലപ്പെടുത്താൻ മുൻപും ഇയാൾ ശ്രമിച്ചിട്ടുണ്ടെന്നും കുഞ്ഞിനെ കൊലപ്പെടുത്താൻ സാധ്യതയുണ്ടെന്ന് അറിഞ്ഞിട്ടും അത് തടയാൻ അമ്മ ശ്രമിച്ചില്ലെന്നും പോലീസ് പറയുന്നു. മാത്രമല്ല കൊലപാതകം മറച്ചുവയ്ക്കാനും ശ്രമങ്ങളുണ്ടായി. മുലപ്പാൽ തൊണ്ടയിൽ കുടുങ്ങിയെന്ന് പറഞ്ഞാണ് കുഞ്ഞിനെ ഇവർ ആശുപത്രിയിൽ എത്തിച്ചത്. കുഞ്ഞ് ജനിച്ച് അന്നുമുതൽ കൊല്ലാൻ തീരുമാനിച്ചിരുന്നെന്നും ഒരു അവസരത്തിനായി കാത്തിരിക്കുകയായിരുന്നെന്നും അതിനാണ് ലോഡ്ജിൽ മുറിയെടുത്തതെന്നും ഷാനിഫ് പോലീസിന് മൊഴി നൽകി. സ്വാഭാവിക മരണത്തിലേക്ക് കുഞ്ഞിനെ തള്ളിവിടാനുള്ള ശ്രമങ്ങൾ നേരത്തെ തന്നെ ഉണ്ടായിട്ടുണ്ട്. കുഞ്ഞ് ജനിച്ച ശേഷം പലപ്പോഴായി ക്രൂരമായി ഉപദ്രവിച്ചു, വാരിയെല്ലിനുൾപ്പെടെ ക്ഷതമുണ്ടാക്കി. കട്ടിലിൽ നിന്നു വീണ് പരുക്കുപറ്റി എന്ന തരത്തിൽ ആശുപത്രിയിൽ എത്തിച്ച് പിന്നീട് ന്യൂമോണിയ ഉൾപ്പെടെ ബാധിച്ച് മരിച്ചു എന്ന തരത്തിൽ ചിത്രീകരിക്കാനായിരുന്നു ശ്രമം.

അമ്മയുടെ ആൺസുഹൃത്ത് ക്രൂരമായി കൊലപ്പെടുത്തിയതയാണെന്നും ഇയാൾ കുറ്റം സമ്മതിച്ചെന്നുമാണ് വിവരം

എളമക്കരയിലേത് ക്രൂര കൊലപാതകം; കുഞ്ഞിനെ കാൽമുട്ടുകൊണ്ട് തലയ്ക്കടിച്ചാണ് കൊലപ്പെടുത്തിയതെന്ന് പ്രതി

അ​ഴീ​ക്കോ​ട്: കാ​മു​ക​ന്റെ കൂ​ടെ താ​മ​സ​മാ​ക്കി​യ ഭാ​ര്യ​യെ ഭ​ർ​ത്താ​വ് അ​വ​ർ ജോ​ലി ചെ​യ്യു​ന്ന ചാ​യ, പ​ല​ഹാ​ര നി​ർ​മാ​ണ​ക്ക​ട​യി​ൽ ക​യ​റി വെ​ട്ടി​പ്പ​രി​ക്കേ​ൽ​പിച്ചു. വ​ൻ​കു​ള​ത്തു​വ​യ​ൽ ഹോ​മി​യോ ഡി​സ്പെ​ൻ​സ​റി​ക്ക് മു​മ്പി​ലെ ചാ​യ​ക്ക​ട​യി​ൽ ഞാ​യ​റാ​ഴ്ച രാ​വി​ലെ​യാ​ണ് സം​ഭ​വം. ഭ​ർ​ത്താ​വ് എം.​പി. പ്ര​സൂ​ൺ (42) ആ​ണ് ഭാ​ര്യ സ​ജി​ത​യെ (33) ത​ല​ക്ക് കൊ​ടു​വാ​ൾ കൊ​ണ്ട് വെ​ട്ടി​യ​ത്. പ​യ്യ​ന്നൂ​ർ സ്വ​ദേ​ശി​യാ​യ സ​ജി​ത അ​ഴീ​ക്ക​ൽ തീ​പെ​ട്ടി​ക്ക​മ്പ​നി​ക്ക് സ​മീ​പ​മാ​ണ് താ​മ​സം. ഭി​ന്ന​ശേ​ഷി​ക്കാ​രി​യാ​യ മ​ക​ളും അ​ഴീ​ക്ക​ൽ യു.​പി സ്കൂ​ളി​ൽ പ​ഠി​ക്കു​ന്ന മ​ക​നുമുണ്ട്. ഭാ​ര്യ​യും ഭ​ർ​ത്താ​വും ത​മ്മി​ൽ മി​ക്ക​പ്പോ​ഴും വ​ഴ​ക്കാ​ണെ​ന്ന് പ​രി​സ​ര​വാ​സി​ക​ൾ പ​റ​ഞ്ഞു.
ഒ​ന്ന​ര മാ​സ​മാ​യി കാ​മു​ക​നോ​ടൊ​പ്പം താ​മ​സ​മാ​ക്കി​യി​ട്ട്. ഞാ​യ​റാ​ഴ്ച രാ​വി​ലെ സ​ജി​ത ക​ട തു​റ​ന്ന ത​ക്കം നോ​ക്കി വെ​ട്ടു​ക​യാ​യി​രു​ന്നു​വെ​ന്നാ​ണ് പോ​ലീ​സി​ൽ പ​രാ​തി ന​ൽ​കി​യ​ത്. ര​ക്തം വാ​ർ​ന്ന നി​ല​യി​ൽ പു​റ​ത്തി​റ​ങ്ങി​യ സ​ജി​ത​യു​ടെ കൂ​ടെ വെ​ട്ടു​ക​ത്തി​യു​മാ​യി ഭ​ർ​ത്താ​വും റോ​ഡി​ലി​റ​ങ്ങി. ഉ​ട​ൻ നാ​ട്ടു​കാ​ർ സ​ജി​തയെ അ​ഴീ​ക്കോ​ട് സാ​മൂ​ഹി​കാ​രോ​ഗ്യ​ത്തി​ലും പി​ന്നീ​ട് ക​ണ്ണൂ​രി​ൽ സ്വ​കാ​ര്യ ആ​ശു​പ​ത്രി​യി​ലു​മാ​ക്കി. വ​ള​പ​ട്ട​ണം പോ​ലീ​സ് പ്ര​സൂ​ണി​നെ​തി​രെ വ​ധ​ശ്ര​മ​ത്തി​ന് കേ​സെ​ടു​ത്തു.

വ​ൻ​കു​ള​ത്തു​വ​യ​ൽ ഹോ​മി​യോ ഡി​സ്പെ​ൻ​സ​റി​ക്ക് മു​മ്പി​ലെ ചാ​യ​ക്ക​ട​യി​ൽ ഞാ​യ​റാ​ഴ്ച രാ​വി​ലെ​യാ​ണ് സം​ഭ​വം

ഭാര്യയെ ഭർത്താവ് വെട്ടി പരിക്കേൽപ്പിച്ചു

വ​ട​ക​ര: മ​യ​ക്കു​മ​രു​ന്ന് കേ​സി​ൽ കോ​ട​തി​യി​ൽ ഹാ​ജ​രാ​ക്കാ​ൻ കൊ​ണ്ടു​വ​ന്ന പ്ര​തി പോ​ലീ​സു​കാ​ര​ന്റെ വി​ര​ൽ ക​ടി​ച്ചു​പ​രി​ക്കേ​ൽ​പി​ച്ചു. സി​വി​ൽ പോ​ലീ​സ് ഓ​ഫി​സ​റാ​യ ലി​നീ​ഷി​ന്റെ പെ​രു​വി​ര​ലാ​ണ് പ്ര​തി ക​ടി​ച്ചു​പ​രി​ക്കേ​ൽ​പി​ച്ച​ത്. വ​ട​ക​ര എ​ൻ.​ഡി.​പി.​എ​സ് കോ​ട​തി​യി​ൽ തി​ങ്ക​ളാ​ഴ്ച ഉ​ച്ച​ക്ക് 12.10ഓ​ടെ​യാ​ണ് സം​ഭ​വം. പ്ര​തി ഫാ​യി​സ് മു​ഹ​മ്മ​ദാ​ണ് പോ​ലീ​സു​കാ​ര​നെ ക​ടി​ച്ചു​പ​രി​ക്കേ​ൽ​പി​ച്ച​ത്. ന​ട​ക്കാ​വ് പോ​ലീ​സ് സ്റ്റേ​ഷ​നി​ലെ എ​ൻ.​ഡി.​പി.​എ​സ് കേ​സി​ലു​ൾ​പ്പെ​ട്ട പ്ര​തി​ക​ളാ​യ ജാ​ഫ​ർ സി​ദ്ദീ​ഖ്, ഫാ​യി​സ് മു​ഹ​മ്മ​ദ് എ​ന്നി​വ​രെ കോ​ട​തി​യി​ൽ ഹാ​ജ​രാ​ക്കു​ന്ന​തി​നാ​യി കോ​ഴി​ക്കോ​ട് സ​ബ്ജ​യി​ലി​ൽ ​നി​ന്ന് മൂ​ന്നു സി​വി​ൽ പോ​ലീ​സ് ഉ​ദ്യോ​ഗ​സ്ഥ​രാ​ണ് കോ​ട​തി​യി​ലെ​ത്തി​ച്ച​ത്. കോ​ട​തി​യി​ലെ​ത്തി​യ ഫാ​യി​സ് തു​ട​ർ​ച്ച​യാ​യി ശു​ചി​മു​റി​യി​ലേ​ക്കു പോ​യ​ത് പോ​ലീ​സ് വി​ല​ക്കി​യ​തോ​ടെ പ്ര​തി ക​ടി​ച്ചു​പ​രി​ക്കേ​ൽ​പി​ക്കു​ക​യാ​യി​രു​ന്നു. കൈ​വി​ര​ലി​നു പ​രി​ക്കേ​റ്റ പോലീ​സു​കാ​ര​ൻ വ​ട​ക​ര ജി​ല്ല ആ​ശു​പ​ത്രി​യി​ൽ ചി​കി​ത്സ തേ​ടി. സം​ഭ​വ​ത്തി​ൽ പോ​ലീ​സി​ന്റെ കൃ​ത്യ നി​ർ​വ​ഹ​ണം ത​ട​സ്സ​പ്പെ​ടു​ത്തി​യ​തി​ന് വ​ട​ക​ര പോ​ലീ​സ് കേ​സെ​ടു​ത്തു.

സി​വി​ൽ പോ​ലീ​സ് ഓ​ഫി​സ​റാ​യ ലി​നീ​ഷി​ന്റെ പെ​രു​വി​ര​ലാ​ണ് പ്ര​തി ക​ടി​ച്ചു​പ​രി​ക്കേ​ൽ​പി​ച്ച​ത്

വടകരയിൽ മയക്കുമരുന്ന് കേസ് പ്രതി പോലീസിന്റെ വിരൽ ക​ടി​ച്ചു​പ​രി​ക്കേ​ൽ​പി​ച്ചു

കൊച്ചി: ​ദമ്പതികളെ ആക്രമിച്ച് വാഹനവും പണവും കവർന്ന സംഭവത്തിൽ പ്രതി പിടിയിൽ. ആലുവയിൽ കഴിഞ്ഞ ദിവസമാണ് സംഭവം. കൊടികുത്തിമല സ്വദേശി ഷഫീഖ് ആണ് പിടിയിലായത്. രാത്രി ഒൻപത് മണിയോടെയാണ് ഷഫീഖ് കാറിൽ സഞ്ചരിച്ച ദമ്പതികളെ ബൈക്കിൽ പിന്തുടർന്ന് ആക്രമിച്ചത്. കാറിനു കുറുകെ ബൈക്ക് നിർത്തി പിന്നീട് ഇടിവള ഉപയോ​ഗിച്ച് മർദ്ദിക്കുകയായിരുന്നു.&nbsp;
മൊബൈൽ ഫോണും ദമ്പതികളുടെ കൈയിലുണ്ടായിരുന്ന 60,000 രൂപയും ഒപ്പം കാറുമായി ഇയാൾ കടന്നു കളയുകയായിരുന്നു. പോലീസെത്തിയാണ് ദമ്പതികളെ ആശുപത്രിയിലേക്ക് മാറ്റിയത്. പിന്നാലെ പോലീസ് വ്യാപകമായ തിരച്ചിൽ നടത്തി. കളമശ്ശേരിയിലെ രഹസ്യ സങ്കേതത്തിൽ വച്ച് ഇയാളെ പിടികൂടി. മുൻപ് കഞ്ചാവ് വിൽപ്പനയടക്കം പല കേസുകളിൽ ഇയാൾ പ്രതിയാണെന്നും പോലീസ് വ്യക്തമാക്കി.

കൊടികുത്തിമല സ്വദേശി ഷഫീഖ് ആണ് പിടിയിലായത്

ദമ്പതികളെ ആക്രമിച്ച് വാഹനവും പണവും കവർന്ന പ്രതി പിടിയിൽ

ചെന്നൈ: സൗഹൃദം ഉപേക്ഷിച്ചെന്ന പേരിൽ കോളജ് ബസിനുള്ളിൽ വിദ്യാർഥി സഹപാഠിയുടെ കഴുത്തു മുറിച്ചു. കരൂരിലെ സ്വകാര്യ കോളജിൽ 3–ാം വർഷ ബിരുദ വിദ്യാർഥിയായ കുഴിത്തല മുസിരി സ്വദേശി നിതീഷ് കുമാറിനെയാണ് സഹപാഠി ആക്രമിച്ചത്. നിതീഷിനെ തിരുച്ചിറപ്പള്ളി ഗവ. ആശുപത്രിയിലെ തീവ്ര പരിചരണ വിഭാഗത്തിൽ പ്രവേശിപ്പിച്ചു. സംഭവത്തിൽ പ്രതിയായ എംബിഎ വിദ്യാർഥി അണ്ണാമലൈയെ കുഴിത്തല പോലീസ് അറസ്റ്റ് ചെയ്തു.&nbsp;&nbsp;
സുഹൃത്തുക്കളായ നിതീഷ് കുമാറും അണ്ണാമലൈയും ഒരേ ബസിൽ അടുത്തടുത്ത സീറ്റിലിരുന്നാണ് കോളജിൽ പോയിരുന്നതെന്ന് പോലീസ് പറഞ്ഞു. ഏതാനും ദിവസം മുൻപ് നിതീഷ് അണ്ണാമലൈയോടു സംസാരിക്കുന്നത് നിർത്തുകയും ബസിൽ അടുത്തുള്ള സീറ്റിൽ ഇരിക്കുന്നത് അവസാനിപ്പിക്കുകയും ചെയ്തിരുന്നു. ഇതേത്തുടർന്നുള്ള വൈരാഗ്യമാണ് ആക്രമണത്തിലേക്കു നയിച്ചതെന്നാണ് അണ്ണാമലൈയുടെ കുറ്റസമ്മതം. തിങ്കളാഴ്ച രാവിലെ കോളജിലേക്കു യാത്ര ചെയ്യുന്നതിനിടെ നിതീഷിന്റെ അടുത്തെത്തിയ അണ്ണാമലൈ, കയ്യിൽ കരുതിയ കത്തിയുപയോഗിച്ച്, സുഹൃത്തിന്റെ കഴുത്തിൽ മുറിവേൽപ്പിക്കുകയായിരുന്നു. സംഭവം ശ്രദ്ധയിൽപ്പെട്ട ഡ്രൈവർ, ബസ് കുഴിത്തല ഗവ. ആശുപത്രിയിലേക്കു വിടുകയും നിതീഷിനെ അവിടെ പ്രവേശിപ്പിക്കുകയും ചെയ്തു. വിദ്യാർഥിയെ പിന്നീട് വിദഗ്ധ ചികിത്സയ്ക്കായി തിരുച്ചിറപ്പള്ളി ഗവ. ആശുപത്രിയിലേക്കു മാറ്റി.

കോളജ് ബസിനുള്ളിൽ വിദ്യാർഥി സഹപാഠിയുടെ കഴുത്തു മുറിച്ചു

സൗഹൃദം ഉപേക്ഷിച്ചു; സഹപാഠിയുടെ കഴുത്ത് മുറിച്ച് വിദ്യാർത്ഥി

ചെന്നൈ: തഞ്ചാവൂരിൽ വ്യാജ മരുന്നു കഴിച്ചു മരിച്ച യുവാവിന്റെ മൃതദേഹം സിദ്ധവൈദ്യൻ കഷ്ണങ്ങളാക്കി വെട്ടിമുറിച്ച് കുഴിച്ചു മൂടി. പോലീസ് നടത്തിയ പരിശോധനയിൽ ഇയാളുടെ വീടിന്റെ പരിസരത്തു നിന്ന് ഇരുപതോളം അസ്ഥികൾ കണ്ടെത്തി. കുംഭകോണത്തിനടുത്തുള്ള ചോളപുരം സ്വദേശി അശോക്‌രാജ് (27) ആണു കൊല്ലപ്പെട്ടത്. വ്യാജ സിദ്ധ വൈദ്യൻ കേശവമൂർത്തി (47) പിടിയിലായി.&nbsp;
ചെന്നൈയിൽ ഡ്രൈവറായി ജോലി ചെയ്തു വരികയായിരുന്നു അശോക്‌രാജ്. ദീപാവലിക്കു ശേഷം ചെന്നൈയിലേക്കു മടങ്ങുകയാണെന്നു പറഞ്ഞ അശോക്‌രാജിനെക്കുറിച്ചു വിവരങ്ങളില്ലാതായതിനെ തുടർന്ന് മുത്തശ്ശി പത്മിനി ചോളപുരം പോലീസിൽ പരാതി നൽകി. നിരീക്ഷണ ക്യാമറ പരിശോധിച്ചപ്പോൾ അശോക്, കേശവമൂർത്തിയുടെ വീട്ടിലെത്തിയതായി കണ്ടെത്തി. കേശവമൂർത്തിയെ പോലീസ് ചോദ്യം ചെയ്തതോടെയാണു വിവരങ്ങൾ പുറത്തായത്.&nbsp;

പരിശോധനയിൽ ഇയാളുടെ വീടിന്റെ പരിസരത്തു നിന്ന് ഇരുപതോളം അസ്ഥികൾ കണ്ടെത്തി

വ്യാജ മരുന്നു കഴിച്ചു മരിച്ച യുവാവിന്റെ മൃതദേഹം സിദ്ധവൈദ്യൻ വെട്ടിമുറിച്ച് കുഴിച്ചു മൂടി

ബാങ്കോക്ക്: വിവാഹദിനത്തിൽ വധുവിനെ അടക്കം നാലുപേരെ വെടിവച്ചുകൊലപ്പെടുത്തി വരനും ആത്മഹത്യ ചെയ്തു. തായ്‍ലന്റിൽ ഇക്കഴിഞ്ഞ ശനിയാഴ്ചയായിരുന്നു സംഭവം. പാരാലിംപിക് അത്‍ലറ്റും മുൻ സൈനികനുമായ ചാറ്റുരോങ് സുക്സുകാണ് വെടിയുതിർത്തത്. വിവാഹത്തിനു മുൻപ് 29 കാരനായ സുക്സുകും 44 കാരിയായ കാൻചനയും ഒരുമിച്ചായിരുന്നു താമസിച്ചിരുന്നത്. തുടർന്നാണ് ഇരുവരും വിവാഹിതരാവാൻ തീരുമാനിച്ചത്.&nbsp;
വെടിവയ്പ്പിൽ ഒരാൾക്കു പരുക്കും പറ്റിയിട്ടുണ്ട്. വിവാഹദിനത്തിൽ വരൻ സന്തോഷവാനായിരുന്നില്ലെന്നു ചടങ്ങുകളിൽ ഉണ്ടായിരുന്നവരെ ഉദ്ധരിച്ചു ചില റിപ്പോർട്ടുകളുണ്ട്. വീട്ടിൽ വിവാഹാഘോഷങ്ങൾ നടന്നുകൊണ്ടിരിക്കെ കാറിൽ സ്ഥലംവിട്ട സുക്സുക് തോക്കുമായി തിരിച്ചെത്തുകയായിരുന്നു. പിന്നാലെ തോക്കെടുത്തു വെടിവ‌ച്ചു. വധുവിനെയും വധുവിന്റെ 62 കാരിയായ മാതാവിനെയും 38 കാരിയായ സഹോദരിയെയും ഒരു അതിഥിയെയുമാണ് സുക്സുക് കൊലപ്പെടുത്തിയത്. തൊട്ടുപിന്നാലെ സ്വയം വെടിയുതിർത്തു സുക്സുകും മരിച്ചു. വെടിവയ്പ്പു നടന്ന സ്ഥലത്തുനിന്നും 11 വെടിയുണ്ടകൾ കണ്ടെടുത്തു. തായ് പാരാലിംപിക് അത്‍ലറ്റ് ടീം അംഗമായ സുക്സുക് കഴഞ്ഞ വർഷം ഇന്തൊനീഷ്യയിൽ നടന്ന 11 ആമത് ആസിയാൻ പാരാ ഗെയിംസിൽ പങ്കെടുത്തിരുന്നു. സ്വിമ്മിങിൽ വെള്ളിയും നേടിയിരുന്നു. മറൈൻ സൈനികനായിരുന്ന യുവാവിന്റെ ഒരു കാല് അപകടത്തിൽ നഷ്ടമായിരുന്നു.&nbsp;

വിവാഹത്തിനു മുൻപ് 29 കാരനായ സുക്സുകും 44 കാരിയായ കാൻചനയും  ഒരുമിച്ചായിരുന്നു താമസിച്ചിരുന്നത്. തുടർന്നാണ് ഇരുവരും വിവാഹിതരാവാൻ തീരുമാനിച്ചത്

വിവാഹദിനത്തിൽ വധു ഉൾപ്പെടെ നാലുപേരെ കൊലപ്പെടുത്തി വരൻ ആത്മഹത്യ ചെയ്തു

ബെംഗളൂരു: കുടുംബ വഴക്കിനെ തുടര്‍ന്ന് ഭാര്യയുടെ മേല്‍ തിളച്ച സാമ്പാര്‍ ഒഴിച്ച് ഭര്‍ത്താവ്. കൈയിലും വയറ്റിലും തുടയിലും പൊള്ളലേറ്റ 40കാരി ആശുപത്രിയില്‍ ചികിത്സ തേടി. സംഭവത്തിന് പിന്നാലെ ഒളിവില്‍ പോയ 48കാരന് വേണ്ടി പൊലീസ് തിരച്ചില്‍ ആരംഭിച്ചു.യശ്വന്ത്പൂര്‍ പോലീസ് സ്റ്റേഷന്‍ പരിധിയില്‍ കഴിഞ്ഞ ദിവസം രാത്രിയിലായിരുന്നു സംഭവം. ഇലക്ട്രിക്കല്‍ ഷോപ്പ് നടത്തുന്ന സയീദ് മൗലയാണ് ഭാര്യയ്ക്ക് നേരെ ആക്രമണം നടത്തിയത്.തൊട്ടടുത്ത് താമസിക്കുന്ന വീട്ടില്‍ ഇലക്ട്രിക്കല്‍ ജോലികള്‍ ചെയ്യാന്‍ പോയാല്‍ വാടക അടയ്ക്കാനുള്ള പണം കിട്ടുമെന്ന് ഭാര്യ പറഞ്ഞു. എന്നാല്‍ പോകാന്‍ മൗല തയ്യാറായില്ല. ഇതിനെ ചൊല്ലിയുള്ള തര്‍ക്കത്തിന് ഒടുവില്‍ കുപിതനായ മൗല, കുക്കര്‍ എടുത്ത് തിളച്ച സാമ്പാര്‍ ഭാര്യയുടെ ദേഹത്തേയ്ക്ക് ഒഴിക്കുകയായിരുന്നുവെന്നാണ് പരാതിയില്‍ പറയുന്നത്.
ദമ്പതികള്‍ക്ക് നാലു കുട്ടികളാണ് ഉള്ളത്. മൗല കടയില്‍ നിന്ന് വീട്ടിലേക്ക് വന്ന സമയത്താണ് സംഭവം നടന്നത്. ദിവസങ്ങള്‍ക്ക് മുന്‍പ് തൊട്ടടുത്തെ വീട്ടുകാര്‍ ഇലക്ട്രിക്കല്‍ ജോലികള്‍ ചെയ്ത് തരണമെന്ന് പറഞ്ഞ് മൗലയുടെ ഭാര്യയെ സമീപിച്ചിരുന്നു. ഇത് ചെയ്ത് കൊടുക്കുകയാണെങ്കില്‍ കുറച്ചു പണം ലഭിക്കും. ഇത് ഉപയോഗിച്ച് വീടിന്റെ വാടക കൊടുക്കാന്‍ കഴിയുമെന്ന് ഭാര്യ മൗലയോട് പറഞ്ഞു. കഴിഞ്ഞ രണ്ടുമാസമായി വീടിന്റെ വാടക നല്‍കിയിരുന്നില്ല. കഴിഞ്ഞ ദിവസം വീടിന്റെ ഉടമ വാടക ചോദിച്ചിരുന്നു. എന്നാല്‍ ഇലക്ട്രിക്കല്‍ ജോലി ചെയ്യാന്‍ മൗല തയ്യാറായില്ല. ഇതിനെ ചൊല്ലിയുള്ള തര്‍ക്കത്തെ തുടര്‍ന്ന് കുപിതനായ മൗല ഭാര്യയെ ആക്രമിക്കുകയായിരുന്നുവെന്ന് പൊലീസ് പറയുന്നു.
സംഭവ സമയത്ത് വീട്ടില്‍ മറ്റു ചില ബന്ധുക്കളും ഉണ്ടായിരുന്നു. ദേഹത്ത് സാമ്പാര്‍ ഒഴിച്ച ശേഷവും ദേഷ്യം അടങ്ങാതെ, അടുക്കളയില്‍ നിന്ന് കത്തിയെടുത്ത് കൊണ്ടുവന്ന് ഭാര്യയെ കുത്തിക്കൊല്ലാനും 48കാരന്‍ ശ്രമിച്ചതായും പരാതിയില്‍ പറയുന്നു. എന്നാല്‍ ഇത് കണ്ട് ആളുകള്‍ ഓടിക്കൂടിയപ്പോള്‍ മൗല സ്ഥലത്ത് നിന്ന് കടന്നുകളയുകയായിരുന്നു.

കൈയിലും വയറ്റിലും തുടയിലും പൊള്ളലേറ്റ 40കാരി ആശുപത്രിയില്‍ ചികിത്സ തേടി

കുടുംബ വഴക്കിനെ തുടർന്ന് ഭാര്യയുടെ ദേഹത്ത് തിളച്ച സാമ്പാർ ഒഴിച്ച് ഭർത്താവ്

ന്യൂഡല്‍ഹി: വഴക്കിനെ തുടര്‍ന്ന് ഭര്‍ത്താവിന്റെ വലതു ചെവി ഭാര്യ കടിച്ചെടുത്തതായി പരാതി. വിട്ടുപോയ ചെവി തുന്നിച്ചേര്‍ക്കുന്നതിന് 45കാരന്‍ അടിയന്തര ശസ്ത്രക്രിയയ്ക്ക് വിധേയനായി. മകനാണ് 45കാരനെ ആശുപത്രിയില്‍ എത്തിച്ചത്. ഭാര്യയ്‌ക്കെതിരെ നല്‍കിയ പരാതിയില്‍ പോലീസ് കേസെടുത്ത് അന്വേഷണം ആരംഭിച്ചു.ഡല്‍ഹി സുല്‍ത്താന്‍പുരി മേഖലയിലാണ് സംഭവം. കഴിഞ്ഞദിവസം രാവിലെ വീട്ടിലെ മാലിന്യം കളയാന്‍ താന്‍ പുറത്ത് പോയി തിരിച്ചുവന്ന ശേഷമായിരുന്നു ആക്രമണമെന്ന് ഭര്‍ത്താവിന്റെ പരാതിയില്‍ പറയുന്നു.&nbsp;
ഭാര്യയോട് വീട് വൃത്തിയാക്കാന്‍ പറഞ്ഞ ശേഷമാണ് മാലിന്യം പുറത്ത് കൊണ്ടുപോയി കളയാന്‍ പോയത്. തിരിച്ചുവന്നപ്പോള്‍ പ്രത്യേകിച്ച് ഒരു കാരണവുമില്ലാതെ ഭാര്യ തന്നോട് വഴക്കിന് വന്നതായും 45കാരന്റെ പരാതിയില്‍ പറയുന്നു. വീട് വിറ്റ് അതിന്റെ ഒരു ഭാഗം തനിക്ക് നല്‍കണമെന്നും കുട്ടികള്‍ക്കൊപ്പം മാറി താമസിക്കാന്‍ ആഗ്രഹിക്കുന്നുവെന്നും ഭാര്യ പറഞ്ഞു. ഭാര്യയെ പറഞ്ഞു മനസിലാക്കാന്‍ ശ്രമിച്ചെങ്കിലും സാധിച്ചില്ല. കുപിതയായ ഭാര്യ തന്നെ അടിക്കാന്‍ ശ്രമിച്ചു. എന്നാല്‍ താന്‍ തള്ളിമാറ്റി. വീട്ടില്‍ നിന്ന് പുറത്തേയ്ക്ക് പോകാന്‍ ശ്രമിക്കുന്നതിനിടെ പിന്നില്‍ നിന്ന് വട്ടംപിടിച്ച ശേഷം വലതു ചെവി കടിച്ചെടുത്തു എന്നാണ് പരാതിയില്‍ പറയുന്നത്. മകനാണ് ആശുപത്രിയില്‍ കൊണ്ടുപോയത്.

വിട്ടുപോയ ചെവി തുന്നിച്ചേര്‍ക്കുന്നതിന് 45കാരന്‍ അടിയന്തര ശസ്ത്രക്രിയയ്ക്ക് വിധേയനായി

കുടുംബവഴക്ക്; ഭർത്താവിന്റെ ചെവി ഭാര്യ കടിച്ചെടുത്തതായി പരാതി

മുംബൈ: ജന്മദിനാഘോഷത്തിനായി ദുബായിയില്‍ കൊണ്ടുപോകാത്തതിനെ തുടര്‍ന്ന് മുഖത്ത് ഭാര്യയുടെ ഇടിയേറ്റ യുവാവ് മരിച്ചു. പൂനെ സ്വദേശിയായ 36കാരന്‍ നിഖില്‍ ഖന്നയാണ് മരിച്ചത്. വെള്ളിയാഴ്ചായിരുന്നു സംഭവം. ആറ് വര്‍ഷം മുന്‍പായിരുന്നു ബിസിനസുകാരനായ നിഖില്‍ ഖന്നയും രേണുകയും തമ്മിലുള്ള വിവാഹം. ഇരുവരുടേതും പ്രണയവിവാഹമായിരുന്നു.
പിറന്നാള്‍ ആഘോഷത്തിന്റെ ഭാഗമായി രേണുകയെ ദുബായില്‍ കൊണ്ടുപോകാത്തതിനെ തുടര്‍ന്ന് വെള്ളിയാഴ്ച ഇരുവരും തമ്മില്‍ വഴക്കിട്ടു. രേണുകയുടെ ജന്മദിനത്തില്‍ വിലയേറിയ സമ്മാനങ്ങള്‍ വാങ്ങി നല്‍കാത്തതും ദുബായിൽ പോകാമെന്ന ആവശ്യത്തോടും നിഖില്‍ പ്രതികരിക്കാത്തതും യുവതിയെ അസ്വസ്ഥയാക്കിയിരുന്നു. ഇതേതുടര്‍ന്ന് ഇരുവരും തമ്മില്‍ തര്‍ക്കമായി. അതിനിടെ രേണുക നിഖിലിന്റെ മുഖത്ത് ഇടിച്ചു. ഇടിയുടെ ആഘാതത്തില്‍ നിഖിലിന്റെ മൂക്കും പല്ലുകളും ഒടിഞ്ഞു. രക്തസ്രാവത്തെ തുടര്‍ന്ന് നിഖില്‍ ബോധം കെട്ട് നിലത്തുവീഴുകയായിരുന്നു. സംഭവത്തില്‍ കൊലപാതകക്കുറ്റം ചുമത്തി യുവതിക്കെതിരെ കേസ് എടുത്തതായി പോലീസ് അറിയിച്ചു.&nbsp;

പൂനെ സ്വദേശിയായ 36കാരന്‍ നിഖില്‍ ഖന്നയാണ് മരിച്ചത്

ജന്മദിനാഘോഷത്തിന് ദുബായിൽ കൊണ്ടുപോയില്ല; ഭാര്യയുടെ ഇടിയേറ്റ യുവാവ് മരിച്ചു

തൊടുപുഴ: ഇടുക്കി നെടുങ്കണ്ടത്ത് കോണ്‍ഗ്രസ് പ്രവര്‍ത്തകന് കുത്തേറ്റു. കേരള കോണ്‍ഗ്രസ് എം സംസ്ഥാനസമിതി അംഗം ജിന്‍സണ്‍ പവത്ത് പിടിയില്‍. കോണ്‍ഗ്രസ് പ്രവര്‍ത്തകനായ ഫ്രിജോ ഫ്രാന്‍സിസിനാണ് കുത്തേറ്റത്. മലനാട് കാര്‍ഷിക ബാങ്ക് തെരഞ്ഞെടുപ്പിനെ ചൊല്ലിയുള്ള തര്‍ക്കമാണ് കത്തിക്കുത്തില്‍ കലാശിച്ചത്.&nbsp;
കഴിഞ്ഞ ദിവസം രാത്രി പന്ത്രണ്ടുമണിയോടെയാണ് സംഭവം. പ്രദേശത്തെ ഒരു മരണവീട്ടില്‍ വച്ച് തെരഞ്ഞടുപ്പിനെ ചൊല്ലിയുള്ള വാക്ക് തര്‍ക്കം സംഘര്‍ഷമാവുകയായിരുന്നു. അതിനിടെ കൈയില്‍ കരുതിയ കത്തി ഉപയോഗിച്ച് ജിന്‍സന്‍ ഫ്രിജോയെ കുത്തുകയായിരുന്നു. അതിനിടെ പിടിച്ചുമാറ്റാന്‍ വന്ന മറ്റൊരാള്‍ക്ക് കൂടി പരിക്കേറ്റിട്ടുണ്ട്. ഗുരുതരമായി പരിക്കേറ്റ ഫ്രിജോ നെടുങ്കണ്ടത്തെ സ്വകാര്യ ആശുപത്രിയില്‍ ചികിത്സയിലാണ്. ജിന്‍സനെ പോലീസ് കസ്റ്റഡിയിലെടുത്തിട്ടുണ്ട്.

കേരള കോണ്‍ഗ്രസ് എം സംസ്ഥാനസമിതി അംഗം ജിന്‍സണ്‍ പവത്ത് പിടിയില്‍

തെരഞ്ഞെടുപ്പിനെ ചൊല്ലി തർക്കം; കോൺഗ്രസ് പ്രവർത്തകന് കുത്തേറ്റു

ഭുവനേശ്വര്‍: മുറിയില്‍ വിഷപാമ്പിനെ തുറന്ന് വിട്ട് ഭാര്യയെയും മകളെയും കൊലപ്പെടുത്തിയ സംഭവത്തില്‍ യുവാവ് അറസ്റ്റില്‍. ഒഡീഷയിലെ ഗഞ്ചം ജില്ലയിലാണ് സംഭവം. ഗണേഷ് പത്ര എന്നയാളാണ് അറസ്റ്റിലായതെന്ന് പോലീസ് പറഞ്ഞു. കുടുംബപ്രശ്‌നമാണ് കൊലപാതകത്തിലേക്ക് നയിച്ചത്. 2020ല്‍ വിവാഹിതരായ ദമ്പതികള്‍ക്ക് ബേസ്മിതയെന്ന രണ്ടുവയസുകാരിയായ മകളുമുണ്ട്. ഒക്ടോബര്‍ ഏഴിനാണ് കേസിനാസ്പദമായ സംഭവം.&nbsp;
പാമ്പാട്ടിയില്‍യില്‍ നിന്ന് വാങ്ങിയ ഉഗ്രവിഷമുള്ള മൂര്‍ഖനെ ഗണേഷ് പത്ര ഇരുവരും ഉറങ്ങിക്കിടക്കുന്ന മുറിയിലേക്ക് തുറന്നുവിടുകയായിരുന്നു. തുറന്നുവിട്ട പാമ്പ് ഇരുവരെയും കൊത്തുകയായിരുന്നു. പാമ്പുകടിയേറ്റ ഇരുവരെയും ഉടന്‍ തന്നെ സമീപത്തെ ആശുപത്രിയിലെത്തിച്ചെങ്കിലും അപ്പോഴെക്കും മരിച്ചിരുന്നു. സംഭവദിവസം പ്രതി മറ്റൊരു മുറിയിലാണ് കിടന്നിരുന്നത്. പിന്നീട് യുവാവിന്റെ പെരുമാറ്റത്തില്‍ സംശയം തോന്നിയ യുവതിയുടെ പിതാവ് പോലീസില്‍ പരാതി നല്‍കുകയായിരുന്നു. തുടര്‍ന്ന് യുവാവിനെ ചോദ്യം ചെയ്തതോടെയാണ് വിവരം പുറത്തറിഞ്ഞത്. ചോദ്യം ചെയ്യലില്‍ ആദ്യം നിഷേധിച്ചെങ്കിലും പിന്നീട് കുറ്റം സമ്മതിക്കുകയായിരുന്നു.

ഒഡീഷയിലെ ഗഞ്ചം ജില്ലയിലാണ് സംഭവം. ഗണേഷ് പത്ര എന്നയാളാണ് അറസ്റ്റിലായതെന്ന് പോലീസ് പറഞ്ഞു

മുറിയിലേക്ക് വിഷപാമ്പിനെ തുറന്ന് വിട്ട് ഭാര്യയെയും മകളെയും കൊലപ്പെടുത്തിയ യുവാവ് അറസ്റ്റിൽ

ഭോപാൽ: മധ്യപ്രദേശിൽ ന്യൂമോണിയ മാറാൻ ഒന്നരമാസം പ്രായമുള്ള കുഞ്ഞിന്‍റെ ദേഹത്ത് ഇരുമ്പ് ദണ്ഡ് ചൂടാക്കി വെച്ച സംഭവത്തിൽ പ്രസവ ശുശ്രൂഷക്കെത്തിയ ആയക്കെതിരെ കേസ്. മധ്യപ്രദേശിലെ ഷാഹ്ദോൾ ജില്ലയിലാണ് സംഭവം. ന്യൂമോണിയ മാറ്റാനെന്ന പേരിൽ നാൽപതിലധികം തവണയാണ് കുഞ്ഞിന്‍റെ ദേഹത്ത് ഇവർ ചൂടാക്കിയ ഇരുമ്പ് ദണ്ഡ് വെച്ചത്. കുഞ്ഞിന്‍റെ ആരോഗ്യ സ്ഥിതി മോശമായതിന് പിന്നാലെ ആശുപത്രിയിലെത്തിച്ചതോടെയാണ് സംഭവം പുറത്തറിയുന്നത്. കുട്ടിയുടെ കഴുത്തിലും വയറിലും മറ്റ് ശരീരഭാഗങ്ങളിലും 40-ലധികം പാടുകൾ കണ്ടെത്തിയതായി ഡോക്ടർമാർ അറിയിച്ചു.
സംഭവത്തിൽ പ്രസവ ശുശ്രൂഷക്കെത്തിയ ആയ ബൂട്ടി ബായ് ബൈഗ, കുട്ടിയുടെ മാതാവ് ബെൽവതി ബൈഗ, മുത്തച്ഛൻ രജനി ബൈഗ എന്നിവർക്കെതിരെ ഇന്ത്യൻ ശിക്ഷാ നിയമത്തിലെ വിവിധ വകുപ്പുകൾ പ്രകാരം കേസെടുത്തിട്ടുണ്ട്. സംഭവത്തിൽ വിശദ അന്വേഷണം നടത്താൻ ആരോഗ്യവകുപ്പ് ഉദ്യോഗസ്ഥരുടെ ഒരു സംഘം രൂപീകരിച്ചിട്ടുണ്ടെന്നും കുട്ടിയുടെ ആരോഗ്യ നില തൃപ്തികരമാണെന്നും പോലീസ് അറിയിച്ചു.

ന്യൂമോണിയ മാറ്റാനെന്ന പേരിൽ നാൽപതിലധികം തവണയാണ് കുഞ്ഞിന്‍റെ ദേഹത്ത് ഇവർ ചൂടാക്കിയ ഇരുമ്പ് ദണ്ഡ് വെച്ചത്

ന്യൂമോണിയ മാറാൻ ഒന്നരമാസം പ്രായമുള്ള കുഞ്ഞിന്‍റെ ദേഹത്ത് ഇരുമ്പ് ദണ്ഡ് ചൂടാക്കി വച്ചു; കേസെടുത്ത് പോലീസ്

പാലക്കാട്: മണ്ണാര്‍ക്കാട് കരിമ്പുഴയില്‍ ഭാര്യയെ ഭര്‍ത്താവ് വെട്ടിപ്പരിക്കേല്‍പ്പിച്ചു. കരിമ്പുഴ ചീരകുഴി സ്വദേശിനി ഹന്നത്തിനാണ് പരിക്കേറ്റത്. സംഭവത്തില്‍ ഹന്നത്തിന്റെ ഭര്‍ത്താവായ ഷബീറലിയെ ശ്രീകൃഷ്ണപുരം പോലീസ് കസ്റ്റഡിയിലെടുത്തു. ഇന്നു രാവിലെ 7.20 ഓടെയായിരുന്നു സംഭവം. കുടുംബപ്രശ്‌നത്തെ തുടര്‍ന്ന് ഇരുവരും വേര്‍പിരിഞ്ഞ് കഴിയുകയായിരുന്നു.&nbsp;
മക്കളെ കാണുന്നതിനെ ചൊല്ലിയുണ്ടായ തര്‍ക്കമാണ് ആക്രമണത്തിന് ഇടയാക്കിയതെന്നും പോലീസ് അറിയിച്ചു. ഗുരുതരമായി പരിക്കേറ്റ ഹന്നത്ത് പെരിന്തല്‍മണ്ണയിലെ സ്വകാര്യ ആശുപത്രിയില്‍ ചികിത്സയിലാണ്.

കുടുംബപ്രശ്‌നത്തെ തുടര്‍ന്ന് ഇരുവരും വേര്‍പിരിഞ്ഞ് കഴിയുകയായിരുന്നു

മക്കളെ കാണുന്നതിൽ തർക്കം; ഭാര്യയെ ഭര്‍ത്താവ് വെട്ടിപ്പരിക്കേല്‍പ്പിച്ചു

പട്ന∙ ബിഹാറിൽ ഛഠ് പൂജ കഴിഞ്ഞ് മടങ്ങുന്നതിനിടെ ഒരു കുടുംബത്തിലെ രണ്ടുപേർ വെടിയേറ്റു മരിച്ചു. രണ്ടുസ്ത്രീകളടക്കം നാലുപേർക്കു ആക്രമണത്തിൽ പരുക്കേറ്റു. ബിഹാറിലെ ലാഖിസാരായ് ജില്ലയിൽ ഇന്ന് രാവിലെയാണു സംഭവം. പരുക്കേറ്റവരെ പട്നയിലെ സർക്കാർ ആശുപത്രിയിൽ പ്രവേശിപ്പിച്ചു. പരുക്കേറ്റവരിൽ രണ്ടുപേരുടെ നില ഗുരുതരമാണെന്നാണ് റിപ്പോർട്ട്.&nbsp;
ആളൊഴിഞ്ഞ പ്രദേശത്തു വച്ച് ആഷിഷ് ചൗധരി എന്നയാളാണ് കുടുംബത്തെ ആക്രമിച്ചത്. പ്രണയപ്പകയാണ് ആക്രമണ കാരണമെന്ന് ലഖിസരായ് എസ്പി പങ്കജ് കുമാർ പറഞ്ഞു. രാവിലെ ഏഴ് മണിക്കും എട്ടുമണിക്കും ഇടയിലാണ് വെടിവയ്പ്പ് നടന്നത്. സംഭവത്തിലെ പ്രതിയായ ആഷിഷ് ചൗധരി അഞ്ചു വർഷം മുൻപാണ് പരുക്കേറ്റ സ്ത്രീകളിൽ ഒരാളെ വിവാഹം കഴി‍ച്ചത്. മറ്റൊരു പുരുഷനെ വിവാഹം കഴിക്കുന്നതിനായി താനുമായുള്ള ബന്ധം സ്ത്രീ ഉപേക്ഷിച്ചതാണ് ആഷിഷ് ചൗധരിയെ പ്രകോപിപ്പിച്ചതെന്നും പൊലീസ് പറഞ്ഞു. ഛഠ് പൂജയിൽ പങ്കെടുക്കുന്നതിനായി പട്നയിൽ നിന്നാണ് സ്ത്രീകളടക്കമുള്ളവരുടെ സംഘം എത്തിയത്. കബയ്യ സ്റ്റേഷൻ പരിധിയിലായിരുന്നു അക്രമം. സംഭവത്തിൽ അന്വേഷണം പുരോഗമിക്കുകയാണെന്നും പോലീസ് അറിയിച്ചു.&nbsp;

ബിഹാറിൽ ഛഠ് പൂജ കഴിഞ്ഞ് മടങ്ങുന്നതിനിടെ ഒരു കുടുംബത്തിലെ രണ്ടുപേർ വെടിയേറ്റു മരിച്ചു

പ്രണയപ്പക; ഒരു കുടുംബത്തിലെ രണ്ടുപേർ വെടിയേറ്റു മരിച്ചു

കോഴിക്കോട്: ബാലുശേരിയില്‍ രാത്രി സ്റ്റേഷനില്‍ കയറി മദ്യപസംഘം പോലീസുകാരെ മര്‍ദിച്ചു. ഇന്നലെ രാത്രിയില്‍ മൂന്ന് പേര്‍ മതില്‍ ചാടികടന്നാണ് ആക്രമിച്ചത്. ബാലുശേരി സ്വദേശികളായ റിബിന്‍ ബേബി, ബവിലേഷ്, നിതിന്‍ എന്നിവരെ അറസ്റ്റ് ചെയ്തു. മൂന്നുപേരും സ്ഥിരം കുറ്റവാളികളാണെന്നാണ് പോലീസ് പറയുന്നത്. ഇന്നലെ ബാലുശേരി ബസ് സ്റ്റാന്‍ഡില്‍ സ്‌കൂള്‍ വിദ്യാര്‍ഥിനികളെ ശല്യം ചെയ്തതുമായി ബന്ധപ്പെട്ട് മൂവരെയും പോലീസ് സ്റ്റേഷനിലേക്ക് കൊണ്ടുവരികയും സ്വമേധയാ കേസ് എടുക്കുകയും ചെയ്ത ശേഷം താക്കീത് ചെയ്ത് വിട്ടയക്കുകയായിരുന്നു. അതിന് പിന്നാലെ ഇവര്‍ സ്‌റ്റേഷനിലേക്ക് അതിക്രമിച്ച് കടക്കുകയും പോലീസുകാരെ അസഭ്യം പറയുകയും ചെയ്‌തെങ്കിലും പോ ലീസ് ഇവരെ പിന്തിരിപ്പിച്ച് പറഞ്ഞയച്ചു. രാത്രി കുറച്ച് കഴിഞ്ഞ് ഇവര്‍ വീണ്ടും സ്റ്റേഷനിലെത്തി ബഹളം തുടര്‍ന്നു. അപ്പോഴും പോലീസ് ഇവരെ അനുനയിപ്പിച്ച് പറഞ്ഞയക്കുകയായിരുന്നു. മൂന്നാം തവണ കുറെക്കൂടി രൂക്ഷമായി രീതിയിലാണ് മൂന്നംഗസംഘം സ്റ്റേഷനിലേക്ക് അതിക്രമിച്ച് കയറിയത്. മതില്‍ ചാടി അകത്ത് കടന്ന സംഘം എസ്‌ഐഐയെ ആക്രമിക്കുകയും യൂണിഫോം വലിച്ചുകീറുകയും ചെയ്തു. തുടര്‍ന്ന് പോലീസ് ഇവരെ പിടിച്ച് ലോക്കപ്പില്‍ ഇടുകയും ജാമ്യമില്ലാ വകുപ്പുകള്‍ പ്രകാരം കേസ് എടുക്കുകയുമായിരുന്നു. പിന്നീട് രാത്രി തന്നെ ഇവരെ മജിസ്‌ട്രേറ്റിന് മുന്നില്‍ ഹാജരാക്കി റിമാന്‍ഡ് ചെയ്തു.

ബാലുശേരിയില്‍ രാത്രി സ്റ്റേഷനില്‍ കയറി മദ്യപസംഘം പോലീസുകാരെ മര്‍ദിച്ചു

ബാലുശേരിയില്‍ സ്റ്റേഷനിൽ കയറി പോലീസുകാരെ മർദ്ദിച്ച സംഘം അറസ്റ്റിൽ

തിരുവനന്തപുരം: നടനും ബിജെപി നേതാവുമായ കൃഷ്ണകുമാറിനും മകൾ ദിയ കൃഷ്ണയ്ക്കുമെതിരെ കേസെടുത്ത് പൊലീസ്. ദിയയുടെ സ്ഥാപനത്തിലെ വനിതാ ജീവനക്കാരുടെ പരാതിയിലാണ് കേസ്. സാമ്പത്തിക തട്ടിപ്പ് പ്രശ്നം പരിഹരിക്കാമെന്ന് പറഞ്ഞ് ജീവനക്കാരെ തട്ടിക്കൊണ്ടുപോയി ഭീഷണിപ്പെടുത്തി പണം കവർന്നെന്നാണ് പരാതി.&nbsp;
ഇവർക്കെതിരെ മ്യൂസിയം പൊലീസ് രണ്ട് കേസുകളാണ് എടുത്തിരിക്കുന്നത്.സ്ഥാപനത്തിലെ ജീവനക്കാർ 69 ലക്ഷം രൂപ തട്ടിയെടുത്തെന്ന് ചൂണ്ടിക്കാട്ടി മുൻപ് കൃഷ്ണകുമാർ പരാതി നൽകിയിരുന്നു. ഈ പരാതിയിൽ പൊലീസ് ജീവനക്കാർക്കെതിരെ കേസെടുത്തിരുന്നു. ഇതിന് പിന്നാലെയാണ് കൃഷ്ണകുമാറിനും ദിയയ്ക്കുമെതിരെ ജീവനക്കാർ പരാതി നൽകിയത്. എന്നാൽ പരാതി വ്യാജമാണെന്നാണ് കൃഷ്ണകുമാർ പറയുന്നത്. 69 ലക്ഷം രൂപ ജീവനക്കാർ തട്ടിയെടുത്തെന്നും കൃഷ്ണകുമാർ പറഞ്ഞു.

തട്ടിക്കൊണ്ടുപോയി ഭീഷണിപ്പെടുത്തി പണം കവർന്നു; കൃഷ്ണമാറിനും മകൾ ദിയയ്‌ക്കുമെതിരെ കേസ്

കോഴിക്കോട്: ഇബ്രാഹിം നബിയുടെയും മകന്‍ ഇസ്മായില്‍ നബിയുടെയും ത്യാഗസ്മരണയുടെ മഹത്തായ സന്ദേശവുമായി കേരളത്തിലെ വിശ്വാസികള്‍ ശനിയാഴ്ച ബലിപെരുന്നാള്‍ ആഘോഷിക്കും.ബലിപെരുന്നാള്‍ നമസ്‌കാരത്തിനായി ഈദ്ഗാഹുകളും പള്ളികളും ഒരുങ്ങി. ലോകമെമ്പാടുനിന്നുമുള്ള ലക്ഷക്കണക്കിന് വിശ്വാസികള്‍ പുണ്യഭൂമിയില്‍ സംഗമിക്കുന്ന ഹജ്ജ് കര്‍മം അവസാനഘട്ടത്തിലേക്ക് കടക്കുകയാണ്. അറഫാസംഗമവും ജംറത്തുല്‍ അഖബയിലെ കല്ലേറുമുള്‍പ്പെടെയുള്ള കര്‍മം പൂര്‍ത്തിയാക്കി ഹാജിമാര്‍ വെള്ളിയാഴ്ച പെരുന്നാള്‍ ആഘോഷിച്ചു. ഗള്‍ഫ് രാജ്യങ്ങളില്‍ വെള്ളിയാഴ്ചയായിരുന്നു പെരുന്നാള്‍.
തലസ്ഥാനത്ത് വിവിധ ജമാ അത്തുകളുടെ നേതൃത്വത്തില്‍ ഈദ്ഗാഹുകളും പള്ളികളില്‍ പെരുന്നാള്‍ നമസ്‌കാരത്തിനും സൗകര്യം ഏര്‍പ്പെടുത്തിയിട്ടുണ്ട്. സ്ത്രീകള്‍ക്ക് പ്രത്യേക സൗകര്യം ഏര്‍പ്പെടുത്തിയിട്ടുണ്ട്. രാവിലെ ഏഴുമുതല്‍ ഈദ്ഗാഹുകള്‍ ആരംഭിക്കും. ചന്ദ്രശേഖരന്‍നായര്‍ സ്റ്റേഡിയത്തില്‍ പാളയം മുസ്ലിം ജമാ അത്ത് ഈദ്ഗാഹ് പാളയം ഇമാം ഡോ. വി.പി. സുഹൈബ് മൗലവിയും സെന്‍ട്രല്‍ സ്റ്റേഡിയത്തില്‍ നബീല്‍ സ്വലാഹിയും മണക്കാട് ഗവ. ഗേള്‍സ് ഹയര്‍ സെക്കന്‍ഡറി സ്‌കൂളില്‍ മൗലവി ഇ.കെ. സുജാദും നമസ്‌കാരത്തിനു നേതൃത്വം നല്‍കും.കേശവദാസപുരം ജുമാ മസ്ജിദില്‍ പാനിപ്ര ഇബ്രാഹിം മൗലവി, കുമാരപുരം മുസ്ലിം ജമാ അത്തില്‍ ഇമാം മുഹമ്മദ് സയ്യിദ് അല്‍ അസ്ഹരി, മെഡിക്കല്‍ കോളജ് ജുമാ മസ്ജിദില്‍ അലി അക്ബര്‍ മൗലവി, പേയാട് മുസ്ലിം ജമാ അത്തില്‍ സലിം മൗലവി അല്‍ഖാസിമി തുടങ്ങിയവര്‍ പെരുന്നാള്‍ നമസ്‌കാരത്തിനു നേതൃത്വം നല്‍കും.
എല്ലാ വായനക്കാർക്കും നാട്ടുവാർത്താ ടീമിന്റെ ഹൃദയം നിറഞ്ഞ ബലി പെരുന്നാൾ ആശംസകൾ.....
 &nbsp;

ത്യാഗസ്മരണയുടെ സന്ദേശവുമായി ഇന്ന് ബലിപെരുന്നാള്‍

തിരുവനന്തപുരം: ഉന്നതവിദ്യാഭാസ വകുപ്പ്, സാങ്കേതിക വിദ്യാഭ്യാസ വകുപ്പ് എന്നിവയ്ക്ക് കീഴിലെ അതിഥി അധ്യാപകരുടെ വേതനം വർദ്ധിപ്പിച്ച് ഉത്തരവായി.കോളേജ് വിദ്യാഭ്യാസ വകുപ്പ് / സാങ്കേതിക വിദ്യാഭ്യാസ വകുപ്പ് എന്നിവയ്ക്ക് കീഴിലെ യു.ജി.സി യോഗ്യത ഉള്ള അതിഥി അധ്യാപകർക്ക് പ്രതിദിനം 2200/- രൂപ നിരക്കിൽ ഒരു മാസം പരമാവധി 50,000/-രൂപയും, യു.ജി.സി യോഗ്യത ഇല്ലാത്ത അതിഥി അധ്യാപകർക്ക് പ്രതിദിനം 1800/-രൂപ നിരക്കിൽ ഒരു മാസം പരമാവധി 45,000/- രൂപയും പുതുക്കി നിർണ്ണയിച്ച് ഉത്തരവ് പുറപ്പെടുവിച്ചു.
നേരത്തേ യു.ജി.സി യോഗ്യത ഉളളവർക്ക് ദിവസ വേതനാടിസ്ഥാനത്തിൽ 1750/- രൂപ നിരക്കിൽ പ്രതിമാസം പരമാവധി 43,750/-രൂപയും, യു.ജി.സി യോഗ്യത ഇല്ലാത്തവർക്ക് ദിവസ വേതനാടിസ്ഥാനത്തിൽ 1600/- രൂപ നിരക്കിൽ പ്രതിമാസം പരമാവധി 40,000/- രൂപയും ആയിരുന്നു. 2018 ലെ യു.ജി.സി ശമ്പള പരിഷ്കരണത്തെ തുടർന്ന് അതിഥി അദ്ധ്യാപകരുടെ വേതനം കാലോചിതമായി പരിഷ്കരിക്കണമെന്ന് ആവശ്യപ്പെട്ടുകൊണ്ട് നിരവധി അതിഥി അധ്യാപകർ സർക്കാരിൽ നേരിട്ടും, നവ കേരളസദസ്സ് മുഖേനയും അപേക്ഷകൾ സമർപ്പിച്ചിരുന്നു. കൂടാതെ കോളേജ് വിദ്യാഭ്യാസ വകുപ്പിന് കീഴിലെ അതിഥി അധ്യാപകരുടെ വേതനം പരിഷ്കരിക്കുന്ന വിഷയത്തിൽ കോളേജ് വിദ്യാഭ്യാസ ഡയറക്ടർ ശിപാർശ ലഭ്യമാക്കിയിരുന്നു.ഇവയുടെ അടിസ്ഥാനത്തിലാണ് അതിഥി അധ്യാപകരുടെ വേതനം വർദ്ധിപ്പിച്ച് ഉത്തരവായത്‌.

അതിഥി അധ്യാപകരുടെ വേതനം വർദ്ധിപ്പിച്ച് ഉത്തരവായി,പരമാവധി 50,000 രൂപ

തിരുവനന്തപുരം: അര്‍ജന്റീന ഫുട്‌ബോള്‍ ടീം കേരളത്തിലേക്ക് വരുമെന്ന് പ്രഖ്യാപിച്ച് മന്ത്രി വി. അബ്ദുറഹ്‌മാന്‍. ഫേസ്ബുക്കിലൂടെയാണ് മന്ത്രിയുടെ പ്രഖ്യാപനം. മന്ത്രിയുടെ ഔദ്യോഗിക പ്രഖ്യാപനമെത്തിയതോടെ ഏറെനാളത്തെ ആശങ്കകള്‍ക്കുകൂടി വിരാമമായി.
ലോക ചാമ്പ്യന്മാരായ അർജന്റീന ഫുട്ബോൾ ടീം കേരളത്തിലേക്ക് - കായികമന്ത്രി ഫേസ്ബുക്കിൽ കുറിച്ചു. മെസ്സി വരും ട്ടാ എന്നെഴുതിയ പോസ്റ്ററും മന്ത്രി പങ്കുവെച്ചിട്ടുണ്ട്. അതേസമയം മെസ്സിയും സംഘവും എപ്പോഴാണ് കേരളത്തിലെത്തുക എന്നതിനെ സംബന്ധിച്ച് വ്യക്തത വരാനുണ്ട്.

ഒടുവില്‍ ഔദ്യോഗിക പ്രഖ്യാപനം, അര്‍ജന്റീന ടീം കേരളത്തിലെത്തുമെന്ന് കായികമന്ത്രി

കോഴിക്കോട്: മലാപ്പറമ്പിൽ പെൺവാണിഭ കേന്ദ്രത്തിൽ പൊലീസ് നടത്തിയ റെയ്ഡിൽ ഒമ്പതുപേർ പിടിയിലായി. ഇതിൽ ആറുപേർ സ്ത്രീകളാണ്. പിടിയിലായതിൽ രണ്ടുപേർ ഇടപാടുകാരാണെന്നും പൊലീസ് പറഞ്ഞു. ഇവരെ നടക്കാവ് സ്റ്റേഷനിലേക്ക് കൊണ്ടുപോയി.
മലാപ്പറമ്പിലെ ഇയ്യപ്പാടി റോഡിലെ ഒരു അപ്പാർട്ടുമെന്റ് വാടകയ്‌ക്കെടുത്താണ് പെൺവാണിഭകേന്ദ്രം നടത്തിയിരുന്നത്. ഏറെനാളായി ഇവിടെ പെൺവാണിഭം നടന്നുവരികയായിരുന്നു എന്നാണ് പൊലീസ് പറഞ്ഞിരുന്നത്. അപ്പാർട്ടുമെന്റിന് തൊട്ടടുത്ത് താമസക്കാർ ഉണ്ടെങ്കിലും പെട്ടെന്ന് ആരുടെയും ശ്രദ്ധ എത്തിച്ചേരുന്ന സ്ഥമല്ല ഇതെന്നാണ് പൊലീസ് പറയുന്നത്. അതാണ് കേന്ദ്രം നടത്തിപ്പുകാർക്ക് അനുഗ്രഹമായതും. അപ്പാർട്ടുമെന്റിൽ അസമയത്ത് ആൾക്കാർ വന്നുപോകുന്നത് ശ്രദ്ധയിൽപ്പെട്ട ചിലരാണ് വിവരം പൊലീസിനെ അറിയിച്ചത്. തുടർന്നാണ് റെയ്ഡ് നടന്നത്.ബെഹ്റിൻ ഫുട്ബാൾ ക്ലബിന്റെ ഫിസിയോ തെറാപ്പിസ്റ്റായ ആൾക്കാണ് കെട്ടിടം വാടകയ്ക്ക് കൊടുത്തിരുന്നതെന്നും ഇവിടെ പെൺവാണിഭ കേന്ദ്രം പ്രവർത്തിക്കുന്നത് അറിഞ്ഞിരുന്നില്ലെന്നുമാണ് അപ്പാർട്ടുമെന്റിന്റെ ഉടമ പറയുന്നത്.&nbsp;

കോഴിക്കാേട് പെൺവാണിഭ കേന്ദ്രത്തിൽ റെയ്‌ഡ്, സ്ത്രീകൾ ഉൾപ്പെടെ പിടിയിൽ

Search Results for: shiyas kareem