ആലപ്പുഴ: പാലക്കാട് ഉപതിരഞ്ഞെടുപ്പിലെ നീല ട്രോളി വിവാദത്തില്‍ മുന്‍ എം.എല്‍.എ. ഷാനിമോള്‍ ഉസ്മാന്റെ മൊഴിയെടുത്ത് പോലീസ്. പാലക്കാടുനിന്നുള്ള പോലീസ് സംഘം ആലപ്പുഴയില്‍ എത്തിയാണ് മൊഴിയെടുത്തത്. ട്രോളി ബാഗ് സംബന്ധിച്ച വിവരങ്ങളാണ് പോലീസ് ഷാനിമോള്‍ ഉസ്മാനില്‍നിന്ന് തേടിയത്.
സംഭവവുമായി ബന്ധപ്പെട്ട് തെളിവൊന്നും കണ്ടെത്താനായില്ലെന്ന് കാണിച്ച് സ്‌പെഷ്യല്‍ ബ്രാഞ്ച് പാലക്കാട് എസ്.പിക്ക് റിപ്പോര്‍ട്ട് കൈമാറിയിരുന്നു. തെളിവ് കണ്ടെത്താനാകാത്ത സാഹചര്യത്തില്‍ തുടര്‍നടപടി ആവശ്യമില്ലെന്നും പ്രാഥമിക അന്വേഷണ റിപ്പോര്‍ട്ടിലുണ്ടായിരുന്നു.രാഹുല്‍ മാങ്കൂട്ടത്തിലിന്റെ നേതൃത്വത്തില്‍ ഹോട്ടലില്‍ നീല ബാഗില്‍ കള്ളപ്പണം കൊണ്ടുവന്നുവെന്നായിരുന്നു ആരോപണം. ട്രോളി ബാഗില്‍ കള്ളപ്പണം എത്തിച്ചുവെന്ന സി.പി.എം. നേതാക്കളുടെ പരാതിയില്‍ പോലീസ് ഹോട്ടലില്‍ പരിശോധന നടത്തിയിരുന്നു

നീല ട്രോളി വിവാദം: ഷാനിമോള്‍ ഉസ്മാന്റെ മൊഴിയെടുത്തു

Kerala

പാലക്കാട്: സ്ത്രീ എന്ന നിലയില്‍ അഭിമാനത്തെ ചോദ്യംചെയ്യുന്ന നടപടിയാണ് പോലീസിന്റെ ഭാഗത്ത് നിന്ന് ഉണ്ടായതെന്ന് കോണ്‍ഗ്രസ് നേതാവ് ഷാനിമോള്‍ ഉസ്മാന്‍. പൊതുപ്രവര്‍ത്തക എന്ന നിലയില്‍ അന്തസ്സിന് ഉണ്ടായിരിക്കുന്ന ബുദ്ധിമുട്ടിന് രാഷ്ട്രീയ നേതൃത്വത്തേക്കൊണ്ട് മറുപടി പറയിക്കുമെന്നും അവര്‍ പറഞ്ഞു. പാലക്കാട് കോണ്‍ഗ്രസ് നേതാക്കളുടെ മുറിയില്‍ പോലീസ് നടത്തിയ പരിശോധന സംബന്ധിച്ച് പ്രതികരിക്കുകയായിരുന്നു അവര്‍.
രാത്രി 12 മണിക്ക് ശേഷം വാതിലില്‍ മുട്ടിയ നടപടി കേരളാ പോലീസിന്റെ ഭാഗത്തുനിന്നുണ്ടായിട്ടുള്ളത് അത്യന്തം ഗുരുതരമായ തെറ്റാണ്. അസമയത്ത് വന്ന് മുറിയുടെ കോളിങ് ബെല്ലടിച്ചാല്‍ തുറക്കേണ്ട കാര്യമില്ല. അത്യാവശ്യമുണ്ടെങ്കില്‍ റിസപ്ഷനില്‍ നിന്ന് ഫോണില്‍ വിളിക്കാം. അതല്ല പോലീസ് ചെയ്തത്, ഷാനിമോള്‍ ഉസ്മാന്‍ പറഞ്ഞു.പുരുഷ പോലീസുകാരെ പറഞ്ഞുവിടുകയാണ് ചെയ്തതെന്നും പിന്നീട് വനിതാ പോലീസ് എത്തി മുറി പരിശോധിച്ചെന്നും അവര്‍ പറഞ്ഞു. മുറി പരിശോധിച്ചെങ്കില്‍ എന്ത് ലഭിച്ചു എന്ന് രേഖാമൂലം അറിയിക്കണം. തോന്നുമ്പോള്‍ കയറിവന്ന് പരിശോധിക്കാനും ഇറങ്ങിപ്പോകാനും മാര്‍ക്കറ്റൊന്നുമല്ല ഇതെന്നും ഷാനിമോള്‍ ഉസ്മാന്‍ പറഞ്ഞു.

സ്ത്രീ എന്ന നിലയില്‍ അഭിമാനത്തെ ചോദ്യംചെയ്യുന്ന നിലപാടാണ് പോലീസിന്റെ ഭാഗത്ത് നിന്ന് ഉണ്ടായത്;ഷാനിമോൾ ഉസ്മാൻ

കൊച്ചി: തിരഞ്ഞെടുപ്പില്‍ പരമാവധി വനിതാ സ്ഥാനാര്‍ഥികളെ പരിഗണിക്കാനായി പരിശ്രമിക്കുന്നുണ്ടെന്നും ഇതിനായി സമ്മര്‍ദം ചെലുത്തുമെന്നും കെ.പി.സി.സി. രാഷ്ട്രീയകാര്യ സമിതി അംഗം ഷാനിമോള്‍ ഉസ്മാന്‍.ചില പരിമിതികളുണ്ടെങ്കിലും പരിഗണിക്കുമെന്ന പ്രതീക്ഷയുണ്ട്. പാര്‍ട്ടികളിലെ ഭാരവാഹിത്വത്തിന്റെ കാര്യത്തില്‍ സ്ത്രീകള്‍ക്ക് ഏറ്റവുമധികം പ്രാധാന്യം നല്‍കുന്ന പാര്‍ട്ടിയാണ് കോണ്‍ഗ്രസ്. പദവികളില്‍ സംവരണം 33 ശതമാനമല്ല 50 ശതമാനം നല്‍കാന്‍ രാഷ്ട്രീയപ്പാര്‍ട്ടികള്‍ തയ്യാറാകണമെന്നും ഇക്കാര്യത്തില്‍ കോണ്‍ഗ്രസ് മാതൃകയാവണമെന്നും ഷാനിമോള്‍ ഉസ്മാന്‍ പറഞ്ഞു.&nbsp;
രാഷ്ട്രീയപ്പാര്‍ട്ടികളുടെ വരാനിരിക്കുന്ന പുനഃസംഘടനകളില്‍ അഖിലേന്ത്യാതലം മുതല്‍ ബൂത്തുതലംവരെ മതിയായ പ്രാതിനിധ്യം സ്ത്രീകള്‍ക്ക് നല്‍കണം. അതിന് ആവശ്യമായ രാഷ്ട്രീയബോധവും സംഘടനാ സാമര്‍ഥ്യവുമുള്ള സ്ത്രീകളുണ്ടെന്നും ഷാനിമോള്‍ അഭിപ്രായപ്പെട്ടു.

രാഷ്ട്രീയബോധവും സംഘടനാ സാമര്‍ഥ്യവുമുള്ളവരുണ്ട്; പരമാവധി സ്ത്രീകളെ സ്ഥാനാര്‍ഥികളായി പരിഗണിക്കാന്‍ പരിശ്രമിക്കുമെന്ന് ഷാനിമോള്‍ ഉസ്മാന്‍

Search Results for: shanimol usman