കോഴിക്കോട്: സംസ്ഥാനത്തെ റേഷൻ വിതരണം പ്രതിസന്ധിയിലേക്ക്. ജൂൺ മാസം വിതരണം ചെയ്യാനുള്ള സാധനങ്ങൾ റേഷൻ കടകളിൽ ഇല്ല. റേഷൻ കടകളിലേക്ക് സാധനങ്ങൾ എത്തിക്കുന്ന വാതിൽപ്പടി കരാറുകാർക്ക് പണം നൽകാത്തതോടെ അവർ സമരത്തിലാണ്. ഇതാണ് റേഷൻ കടകളുടെ ഇപ്പോഴത്തെ പ്രതിസന്ധിക്ക് കാരണം.സമരം അവസാനിപ്പിച്ച് റേഷൻ കടകളിലേക്ക് സാധനങ്ങൾ എത്തിക്കാൻ സർക്കാർ ഇടപെടണമെന്ന് എഐടിയുസി ആവശ്യപ്പെട്ടു.
70 കോടിയോളം രൂപ വാതിൽപ്പടി വിതരണക്കാർക്ക് നൽകാനുണ്ട്. വാതിൽപ്പടി വിതരണക്കാരുടെ സമരം അവസാനിപ്പിച്ചില്ലെങ്കിൽ റേഷൻ കടകൾ അടച്ച് പൂട്ടേണ്ട സ്ഥിതിയിലേക്ക് എത്തും. മാസം പകുതിയാകുന്നതിന് മുമ്പേ ഒട്ടുമിക്ക റേഷൻ കടകളിലും അരി അടക്കമുള്ള സാധനങ്ങൾ തീർന്നു.

റേഷൻ വിതരണം പ്രതിസന്ധിയിലേക്ക്;ജൂൺ മാസം വിതരണം ചെയ്യാനുള്ള സാധനങ്ങൾ കടകളിൽ  എത്തിയില്ല

Kerala

ന്യൂഡൽഹി: ആരോഗ്യമന്ത്രി വീണാ ജോര്‍ജിന് കുവൈത്തിലേക്കുള്ള യാത്രാനുമതി നിഷേധിച്ച് കേന്ദ്രം. ഡൽഹിയിലെ റെസിഡന്റ് കമ്മിഷണർ മുഖാന്തരം നടത്തിയ ശ്രമമാണ് പരാജയപ്പെട്ടിരിക്കുന്നത്. എന്തുകൊണ്ട് അനുമതി നിഷേധിച്ചു എന്നകാര്യം വ്യക്തമാക്കാൻ കേന്ദ്രം തയ്യാറായിട്ടില്ല.
വ്യാഴാഴ്ച രാത്രി 9.40-ന് നെടുമ്പാശ്ശേരിയില്‍നിന്ന് പുറപ്പെടുന്ന വിമാനത്തിലാണ് മന്ത്രി പോകാന്‍ നിശ്ചയിച്ചിരുന്നത്. എന്നാൽ, അനുമതി ലഭിക്കാത്തതോടെ മന്ത്രി വിമാനത്താവളത്തിൽ തന്നെ തുടരുകയാണ്.&nbsp;

മന്ത്രി വീണാ ജോര്‍ജിന് കുവൈത്തിലേക്കുള്ള യാത്രാനുമതി നിഷേധിച്ച് കേന്ദ്രം

കുവൈത്ത് സിറ്റി: കുവൈത്തിൽ തീപ്പിടിത്തത്തിൽ മരിച്ച ഇന്ത്യക്കാരുടെ മൃതദേഹം നാട്ടിലെത്തിക്കാൻ വ്യോമസേനയുടെ വിമാനം പുറപ്പെട്ടു. ഡൽഹിയിലെ ഹിന്‍ഡന്‍ വ്യോമതാവളത്തില്‍നിന്ന് പുറപ്പെട്ട സി. 130ജെ ഹെർക്കുലീസ് വിമാനത്തിലായിരിക്കും മൃതദേഹങ്ങൾ കൊണ്ടുവരിക.
എല്ലാവരുടേയും മൃതദേഹം ഒന്നിച്ചു കൊണ്ടുവരുമോ എന്ന കാര്യത്തിൽ വ്യക്തതയില്ല. ചിലരുടെ ഡി.എൻ.എ. പരിശോധന കഴിഞ്ഞെങ്കിലും ഫലം ലഭിച്ചിട്ടില്ല. എത്രപേരുടെ മൃതദേഹം കൊണ്ടുവരാൻ സാധിക്കും എന്ന കാര്യത്തിൽ വ്യക്തമല്ല. മലയാളികളുടെ മൃതദേഹം വെള്ളിയാഴ്ച രാവിലെ 8.30 -ഓടെ കൊച്ചിയിലേക്ക് എത്തിക്കാൻ സാധിച്ചേക്കും എന്നാണ് വിവരം.
മുഖ്യമന്ത്രി പിണറായി വിജയൻ അടക്കമുള്ള മന്ത്രിമാർ വിമാനത്താവളത്തിൽ എത്തുമെന്നാണ് ലഭിക്കുന്ന സൂചനകൾ.

മരിച്ച മലയാളികളുടെ മൃതദേഹങ്ങൾ നാളെ നാട്ടിൽ എത്തിച്ചേക്കും

Gulf

പാലക്കാട് : മയിലിനെ വെടിവെച്ചുകൊന്ന് പാചകംചെയ്ത് ഭക്ഷിക്കുകയും ഇറച്ചി സൂക്ഷിക്കുകയും ചെയ്ത കേസില്‍ സഹോദരങ്ങളെ വനംവകുപ്പ് അറസ്റ്റ് ചെയ്തു. കാഞ്ഞിരപ്പുഴ പാലക്കയം കുണ്ടംപൊട്ടി പടിഞ്ഞാറെവീട്ടില്‍ രാജേഷ് (41), രമേഷ് (41) എന്നിവരാണ് അറസ്റ്റിലായത്.
രഹസ്യവിവരത്തിന്റെ അടിസ്ഥാനത്തില്‍ കഴിഞ്ഞദിവസം ഇവരുടെ വീടുകളില്‍ പരിശോധന നടത്തുകയായിരുന്നു.പാചകംചെയ്ത നിലയിലുള്ള മയിലിറച്ചി കണ്ടെത്തിയതായി അധികൃതര്‍ അറിയിച്ചു. ഒളിവിലായിരുന്ന പ്രതികള്‍ ചൊവ്വാഴ്ച മണ്ണാര്‍ക്കാട് ഡി.എഫ്.ഒ.യ്ക്ക് മുന്നിലെത്തി കുറ്റസമ്മതം നടത്തുകയായിരുന്നു. തുടര്‍ന്ന്, മണ്ണാര്‍ക്കാട് റേഞ്ച് ഓഫീസര്‍ എന്‍. സുബൈറിന്റെ നേതൃത്വത്തില്‍ പ്രതികളുമായി കുണ്ടംപൊട്ടി ഭാഗത്ത് തെളിവെടുപ്പ് നടത്തി. തോക്കും മറ്റ് ആയുധങ്ങളും കണ്ടെടുത്തു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.&nbsp;

മയിലിനെ വെടിവെച്ച് കൊന്ന് പാചകംചെയ്ത് ഭക്ഷിച്ച സഹോദരങ്ങള്‍ അറസ്റ്റില്‍

തിരുവനന്തപുരം: സംസ്ഥാനത്ത് ജൂൺ 15 വരെ ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇടിമിന്നൽ അപകടകാരികളായതിനാൽ കാർമേഘം കണ്ട് തുടങ്ങുന്ന സമയം മുതൽ തന്നെ മുൻകരുതൽ സ്വീകരിക്കണം. കേരള തീരത്തും തമിഴ്‌നാട് തീരത്തും നാളെ) രാത്രി 11.30 വരെ കള്ളക്കടൽ പ്രതിഭാസത്തിനും, ഉയർന്ന തിരമാലയ്ക്കും സാധ്യതയുണ്ടെന്നും ഈ പ്രദേശങ്ങളിലെ മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിയ്ക്കണമെന്നും മുന്നറിയിപ്പുണ്ട്.
കടൽക്ഷോഭം രൂക്ഷമാകാൻ സാധ്യതയുള്ളതിനാൽ അപകട മേഖലകളിൽ നിന്ന് അധികൃതരുടെ നിർദേശാനുസരണം മാറി താമസിക്കണം. മൽസ്യബന്ധന യാനങ്ങൾ (ബോട്ട്, വള്ളം, മുതലായവ) ഹാർബറിൽ സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങൾ തമ്മിൽ സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മൽസ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. ബീച്ചിലേക്കുള്ള യാത്രകളും കടലിൽ ഇറങ്ങിയുള്ള വിനോദങ്ങളും പൂർണമായും ഒഴിവാക്കണമെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രവും അറിയിച്ചു.
കേരള - കർണാടക-ലക്ഷദ്വീപ് തീരങ്ങളിൽ ഇന്ന് മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥക്കും സാധ്യതയുണ്ട്. അതിനാൽ കേരള - കർണാടക - ലക്ഷദ്വീപ് തീരങ്ങളിൽ മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി.&nbsp;&nbsp;

ജൂൺ 15 വരെ ഇടിമിന്നലോടു കൂടിയ മഴയ്ക്ക് സാധ്യത ;മത്സ്യബന്ധനത്തിന് വിലക്ക്

ചെന്നൈ: തമിഴ് ചലച്ചിത്രതാരം പ്രദീപ് വിജയനെ വീട്ടിൽ മരിച്ചനിലയിൽ കണ്ടെത്തി. മൃതദേഹം റോയാപേട്ട് സർക്കാർ ആശുപത്രിയിലെത്തിച്ചു. മരണകാരണം അന്വേഷിച്ചുവരികയാണ്.
തലചുറ്റലുണ്ടാകുന്നതിനേക്കുറിച്ചും ശ്വസിക്കുമ്പോഴുണ്ടാകുന്ന ബുദ്ധിമുട്ടിനേക്കുറിച്ചും ഈയിടെ പ്രദീപ് വിജയൻ അടുപ്പമുള്ളവരോട് പറഞ്ഞിരുന്നെന്നാണ് റിപ്പോർട്ട്. രണ്ടുദിവസമായി പ്രദീപ് ഫോണെടുക്കാതിരുന്നതിനേത്തുടർന്ന് ഒരു സുഹൃത്ത് അദ്ദേഹത്തെ അന്വേഷിച്ച് വീട്ടിലെത്തിയിരുന്നു. പലതവണ മുട്ടിയിട്ടും വാതിൽ തുറക്കാതിരുന്നതോടെ ഇയാൾ വിവരം പോലീസിനെ അറിയിക്കുകയായിരുന്നു.
തുടർന്ന് പോലീസും ഫയർ ഫോഴ്സും സ്ഥലത്തെത്തി വാതിൽ തകർത്ത് അകത്തുകയറിയപ്പോഴാണ് പ്രദീപ് മരിച്ചുകിടക്കുന്നത് കണ്ടത്. പ്രദീപിന്റെ തലയിൽ മുറിവേറ്റിരുന്നു. രണ്ടുദിവസം മുൻപേ പ്രദീപ് മരിച്ചിരിക്കാമെന്നാണ് പോലീസ് പറയുന്നത്.
. 2013-ൽ സൊന്നാ പുരിയാത് എന്ന ചിത്രത്തിലൂടെയായിരുന്നു അരങ്ങേറ്റം. തെ​ഗിഡി, ഒരുനാൾ കൂത്ത്, മീസയേ മുറുക്ക്, മേയാത മാൻ, ഇരുമ്പ് തിരൈ, ആടൈ, ഹീറോ. ചക്ര, ടെഡി, ലിഫ്റ്റ്, ഹേയ് സിനാമിക തുടങ്ങിയവയാണ് അഭിനയിച്ച പ്രധാനചിത്രങ്ങൾ.&nbsp;

തമിഴ് നടൻ പ്രദീപ് വിജയൻ മരിച്ചനിലയിൽ; തലയിൽ മുറിവ്

ബെംഗളൂരു: കര്‍ണാടക മുന്‍ മുഖ്യമന്ത്രിയും ബി.ജെ.പി. നേതാവുമായ ബി.എസ്. യെദ്യൂരപ്പയ്‌ക്കെതിരെ ജാമ്യമില്ലാ അറസ്റ്റ് വാറണ്ട് പുറപ്പെടുവിച്ച് ബെംഗളൂരു കോടതി. പോക്‌സോ കേസിലാണ് യെദ്യൂരപ്പയ്‌ക്കെതിരെ അറസ്റ്റ് വാറണ്ട് പുറപ്പെടുവിച്ചത്. 17-കാരിയായ പെണ്‍കുട്ടിയുടെ അമ്മ നല്‍കിയ പരാതിയിലാണ് നടപടി.
ഈ വര്‍ഷം ഫെബ്രുവരിയിലാണ് കേസിന് ആസ്പദമായ സംഭവം നടന്നത്. ഒരു യോഗത്തിനിടെ പെണ്‍കുട്ടിയെ യെദ്യൂരപ്പ സ്വന്തം വീട്ടില്‍വെച്ച് ലൈംഗികമായി ഉപദ്രവിച്ചുവെന്നാണ് അമ്മയുടെ പരാതി. അമ്മ ശ്വാസകോശത്തിലെ അര്‍ബുദബാധയെ തുടര്‍ന്ന് കഴിഞ്ഞ മാസം മരിച്ചിരുന്നു.
തനിക്കെതിരായ പരാതി ബി.എസ്. യെദ്യൂരപ്പ നേരത്തേ നിഷേധിച്ചിരുന്നു. പരാതി താന്‍ നിയമപരമായി നേരിടുമെന്നും യെദ്യൂരപ്പ പറഞ്ഞിരുന്നു.കര്‍ണാടകയിലെ ക്രിമിനല്‍ ഇന്‍വെസ്റ്റിഗേഷന്‍ ഡിപ്പാര്‍ട്ട്‌മെന്റ് (സി.ഐ.ഡി) ആണ് കേസ് അന്വേഷിക്കുന്നത്.

പോക്‌സോ കേസ്: കർണാടക മുന്‍ മുഖ്യമന്ത്രി യെദ്യൂരപ്പയ്‌ക്കെതിരെ ജാമ്യമില്ലാ അറസ്റ്റ് വാറണ്ട്

National

അഴിയൂർ: ദേശീയപാതയിൽ കശുവണ്ടി വികസന കോർപ്പറേഷന്റെ പഴയ യാർഡിൻ്റെ ചുറ്റുമതിൽ പൊടുന്നനെ പൊളിഞ്ഞുവീണു. കഴിഞ്ഞ ദിവസം വൈകുന്നേരമാണ് വിദ്യാർത്ഥികളും പരിസരവാസികളും നടന്നുപോകുന്ന വഴിയുടെ സമീപത്തെ കൂറ്റൻ മതിൽ പൊടുന്നനെ തകർന്നു വീണത്. ആ സമയം ആരും വഴിയിലൂടെ സഞ്ചരിക്കാതിരുന്നത് കാരണം വൻ അപകടമാണ് ഒഴിവായത്.&nbsp;
പതിറ്റാണ്ടുകൾ പഴക്കമുള്ള ചുറ്റുമതിലിൻ്റെ ശോചനീയാവസ്ഥ സംബന്ധിച്ച് രണ്ടുവർഷം മുമ്പ് പ്രദേശവാസികൾ വാർഡ് മെമ്പർ സാലിം പുനത്തിൽ വഴി കശുവണ്ടി വികസന കോർപ്പറേഷന് നിവേദനം നൽകിയിരുന്നു. എന്നാൽ യാതൊരു നടപടിയും എടുത്തിരുന്നില്ല. മതിലിന്റെ അടിത്തറ പലഭാഗങ്ങളിലായി തകർന്നിട്ടുണ്ട്. ഇതിനിടെയാണ് ഏകദേശം എട്ടു മീറ്ററോളം നീളത്തിൽ ചുറ്റുമതിൽ മുഴുവനായും തകർന്നു വീണത്. പഞ്ചായത്ത് പ്രസിഡണ്ട് ആയിഷ ഉമ്മർ, വാർഡ് മെമ്പർ സാലിം പുനത്തിൽ, സെക്രട്ടറി ഷാജി എന്നവർ സ്ഥലം സന്ദർശിച്ചു. കശുവണ്ടി വികസന കോർപ്പറേഷൻ അധികൃതരെ വിവരം അറിയിച്ചിട്ടുണ്ട്.

അഴിയൂർ അണ്ടികമ്പനി ചുറ്റുമതിൽ പൊളിഞ്ഞ് വീണു; ഒഴിവായത് വൻ അപകടം

Vadakara

കണ്ണൂർ: പോരാളി ഷാജി അടക്കമുള്ള സൈബർ ഗ്രൂപ്പുകൾക്കെതിരെ രൂക്ഷ വിമർശനവുമായി സി.പി.എം കണ്ണൂർ ജില്ല സെക്രട്ടറി എം.വി. ജയരാജൻ. ഇടതുപക്ഷമെന്ന് കരുതുന്ന പല ഗ്രൂപ്പുകളിലും ഇടത് വിരുദ്ധ പ്രചാരണമാണ് നടന്നത്. തെരഞ്ഞെടുപ്പ് കാലത്ത് വ്യാജവാർത്ത പ്രചരിപ്പിച്ചു. വടകരയിലെ സംഭവങ്ങളുടെ പശ്ചാത്തലത്തിലാണ് സമൂഹമാധ്യമ പരാമർശം നടത്തിയതെന്നും ജയരാജൻ പറഞ്ഞു. തെരഞ്ഞെടുപ്പ് കാലത്ത് ഇടത് ഗ്രൂപ്പുകളിൽ വന്ന പോസ്റ്റുകളുടെ പകർപ്പുകൾ സഹിതമായിരുന്നു ജയരാജന്‍റെ വാർത്തസമ്മേളനം.
സൈബർ പോരാളികൾക്കെതിരായ വിമർശനം ചർച്ചയായതിന് പിന്നാലെയാണ് വിശദീകരണവുമായി എം.വി ജയരാജൻ രംഗത്തെത്തിയത്. ഇടത് വിരുദ്ധ നവമാധ്യമ പ്രചാരണത്തിനെതിരെ ജാഗ്രത വേണമെന്നാണ് ആവശ്യപ്പെട്ടത്. പ്രതികരണത്തെ മാധ്യമങ്ങൾ വളച്ചൊടിക്കുകയാണ് ചെയ്തതെന്ന് ജയരാജൻ ആരോപിച്ചു. പാർട്ടിക്കാർ പാർട്ടിയെ വിമർശിക്കുന്നുവെന്ന വ്യാജേന യു.ഡി.എഫ് പ്രചാരണം നടത്തി. സർക്കാറിനെതിരെ കോൺഗ്രസ് സി.പി.എമ്മിന്‍റെ പേരിൽ ഐ.ഡി നിർമിച്ചു.
'വടകരയിൽ ഷാഫിക്ക് ഇത്രയും ഭൂരിപക്ഷം ഉണ്ടാക്കിക്കൊടുത്തത് ഈ എരണംകെട്ടവനാണ്' എന്നാണ് ഇടതു പ്രൊഫൈലിലെന്ന വ്യാജേന വന്ന ഒരു പോസ്റ്റെന്ന് ജയരാജൻ ചൂണ്ടിക്കാട്ടി. മുഖ്യമന്ത്രിയെയും മറ്റ് മന്ത്രിമാരെയും നേതാക്കളെയും വടകരയിലെ സ്ഥാനാർഥി കെ.കെ. ശൈലജയെയും അപഹസിച്ചുള്ള പോസ്റ്റുകളും ഇത്തരത്തിൽ വന്നിട്ടുണ്ടെന്ന് അദ്ദേഹം വ്യക്തമാക്കി.
പോരാളി ഷാജിയുടെ പേരിൽ പല പ്രൊഫൈലുകളുണ്ട്. ഇടത് ഗ്രൂപ്പുകളിൽ കോൺഗ്രസുകാർ നുഴഞ്ഞുകയറി. വ്യാജ പ്രൊഫൈലും നുഴഞ്ഞുകയറ്റവും കരുതിയിരിക്കാനാണ് നിർദേശിച്ചത്. പോരാളി ഷാജിയുടെ അഡ്മിൻ ഐഡന്‍റിറ്റി വെളിപ്പെടുത്തണം. പോരാളി ഷാജി ആരാണെന്നറിയില്ല. യഥാർഥ ഇടത് അനുകൂല ഗ്രൂപ്പ് അഡ്മിൻ ധൈര്യപൂർവം ഐഡന്റിറ്റി വെളിപ്പെടുത്താൻ തയാറാവണം.
ഇടതുപക്ഷത്തിന്റെ പരാജയത്തിന് കാരണമായത് സോഷ്യൽ മീഡിയ പേജുകളുടെ തെറ്റായ രീതിയാണെന്ന് ജയരാജൻ കഴിഞ്ഞ ദിവസം വിമർശിച്ചിരുന്നു. ഇതിനെതിരെ ഇടത് സൈബർ പോരാളികൾ മറുപടിയുമായി രംഗത്തെത്തുകയും ചെയ്തു. തുടർന്നാണ് വിശദീകരണത്തിനായി ജയരാജൻ ഇന്ന് വാർത്താസമ്മേളനം നടത്തിയത്.

'പോരാളി ഷാജിയുടെ അഡ്മിൻ ഐഡന്‍റിറ്റി വെളിപ്പെടുത്തണം'; ഇടത് ഗ്രൂപ്പുകളിൽ കോൺഗ്രസുകാർ നുഴഞ്ഞുകയറിയെന്ന് ജയരാജൻ

ന്യൂഡൽഹി: കേരളത്തിൽ നിയമസഭാ തിരഞ്ഞെടുപ്പിനു 2 വർഷം മാത്രമുള്ളപ്പോള്‍ എല്ലായിടത്തും പോയി മത്സരിക്കേണ്ട കാര്യമില്ലെന്നു കോൺഗ്രസ് നേതാവ് കെ.മുരളീധരൻ. തൃശൂരിൽ ജയിക്കാൻ ബുദ്ധിമുട്ടുണ്ടെന്ന് ടി.എൻ.പ്രതാപനും പറഞ്ഞിരുന്നില്ല. പത്മജ വേണുഗോപാൽ ബിജെപിയിൽ ചേർന്നത് ഒരു ശതമാനം പോലും തോൽവിക്ക് കാരണമായിട്ടില്ല. രാഹുൽ ഗാന്ധി വയനാട് ഒഴിയുകയാണെങ്കിൽ പ്രിയങ്കാ ഗാന്ധി മത്സരിക്കണമെന്നാണ് തന്റെ അഭിപ്രായമെന്നും മുരളീധരൻ ഡൽഹിയിൽ പറഞ്ഞു.
എക്സ് എംപി പാസ് വാങ്ങാനും ഔദ്യോഗിക വസതി ഒഴിയാനുമായി ഡൽഹിയിലെത്തിയതായിരുന്നു അദ്ദേഹം. തൃശൂരില്‍ സുരേഷ് ഗോപി നടത്തിയ പ്രവ‍ർത്തനങ്ങള്‍ വിലയിരുത്തുന്നതില്‍ പാര്‍ട്ടി സംവിധാനത്തിനും തനിക്കും വീഴ്ച പറ്റിയെന്നു മുരളീധരൻ പറഞ്ഞു. തോല്‍വിയെ കുറിച്ച് ചോദിക്കാനാണ് രാഹുല്‍ ഫോണിൽ വിളിച്ച് സംസാരിച്ചത്. എന്നോട് അഭിപ്രായം ചോദിച്ചത് ബഹുമതിയായി കാണുന്നു. തൃശൂരില്‍ ക്രൈസ്തവ വോട്ടുകളില്‍ വിള്ളല്‍ വീണെങ്കിലും മറ്റ് മണ്ഡലങ്ങളില്‍ ചോർച്ച ഉണ്ടായിട്ടില്ല. അതിനാലാണ് കോട്ടയത്തും ഇടുക്കിയിലും യു‍ഡിഎഫ് വലിയ ഭൂരിപക്ഷത്തിൽ വിജയിച്ചത്.
ജയിക്കുമായിരുന്ന സിറ്റിങ് സീറ്റ് വിട്ട് മറ്റൊരു സീറ്റില്‍ മത്സരിക്കാന്‍ പോയത് എന്‍റെ തെറ്റാണ്. അടുത്ത ഒരു വര്‍ഷത്തേക്ക് പ്രവര്‍ത്തനത്തില്‍ സജീവമായുണ്ടാകില്ല. പ്രവര്‍ത്തന കേന്ദ്രം ഇനി കേരളമാണ്. എംപി അല്ലാത്തതിനാല്‍ ഇനി ഡല്‍ഹിക്ക് വരേണ്ടല്ലോ– മുരളീധരൻ പറഞ്ഞു.

'ജയിക്കുമായിരുന്ന സിറ്റിങ് സീറ്റ് വിട്ട് പോയത് എന്റെ തെറ്റ്'; ഡൽഹിയിലെത്തി എക്സ് എംപി പാസ് വാങ്ങി മുരളീധരൻ

വടകര: വെളികുളങ്ങര നോർത്ത് റെസിഡൻസ് അസോസിയേഷൻ സംഘടിപ്പിച്ച അനുമോദന സദസ്സ് മടപ്പള്ളി ഗവ. കോളേജ് മുൻ പ്രിൻസിപ്പാൾ ഡോ. പി. രാമകൃഷ്ണൻ ഉത്ഘാടനം ചെയ്തു. ചടങ്ങിൽ അസോസിയേഷൻ പ്രസിഡന്റ്‌ വി. പി. സുരേന്ദ്രൻ അദ്ധ്യക്ഷം വഹിച്ചു. പി. പി. രാജൻ ആമുഖ പ്രസംഗം നടത്തി. എസ്‌. എസ്‌. എൽ. സി, പ്ലസ് ടു, സ്കോളർഷിപ്പ് പരീക്ഷകളിൽ ഉന്നത വിജയം കരസ്തമാക്കിയ പ്രതിഭകൾക്ക് പുരസ്‌കാരങ്ങൾ ഡോ. പി. രാമകൃഷ്ണൻ വിതരണം ചെയ്തു. അസോസിയേഷൻ സെക്രട്ടറി പി. പി. രാജു, കെ.പി. കുഞ്ഞികണ്ണൻ, കെ. എം. സെബാസ്റ്റ്യൻ, കെ. ജയപ്രകാശ്, സൂരിത ബാബു, പി. വി. ബാബു എന്നിവർ പ്രസംഗിച്ചു.

അനുമോദന സദസ്സ് സംഘടിപ്പിച്ചു

തലശ്ശേരി: കുവൈത്തിൽ ലേബർ ക്യാമ്പിലുണ്ടായ തീപിടിത്തത്തിൽ മരിച്ചവരിൽ ധർമടം സ്വദേശിയും. ധർമടം കോർണേഷൻ സ്കൂളിന് സമീപം വാഴയിൽ വീട്ടിലെ വിശ്വാസ് കൃഷ്ണ (34) മരിച്ചതായി ബന്ധുക്കൾക്ക് വിവരം ലഭിച്ചു.
ഡ്രാഫ്റ്റ്സ്മാനായ വിശ്വാസ് ഒമ്പത് മാസം മുമ്പാണ് കുവൈത്തിലെ സ്വകാര്യ കമ്പനിയിൽ ജോലിയിൽ പ്രവേശിച്ചത്. അതിന് മുമ്പ് ബംഗളൂരുവിലായിരുന്നു ജോലി. ധർമടത്തെ പരേതനായ കൃഷ്ണന്റെയും ഹേമലതയുടെയും മകനാണ്. പൂജ രമേശാണ് ഭാര്യ. മകൻ ദൈവിക് (മൂന്ന്). സഹോദരൻ: ജിതിൻ കൃഷ്ണ.

കുവൈത്ത് ദുരന്തം; മരിച്ചവരിൽ ധർമടം സ്വദേശിയും

Kannur

ന്യൂയോര്‍ക്ക്: ഇന്റര്‍ മയാമിയിലാണ് ക്ലബ്ബ് കരിയര്‍ അവസാനിപ്പിക്കാന്‍ ഉദ്ദേശിക്കുന്നതെന്ന് അര്‍ജന്റൈന്‍ സൂപ്പര്‍താരം ലയണല്‍ മെസ്സി. ഇഎസ്പിഎന്നിന് നല്‍കിയ അഭിമുഖത്തിലാണ് താരം ഇക്കാര്യം വെളിപ്പെടുത്തിയത്. എന്നാല്‍ പ്രൊഫഷണല്‍ ഫുട്‌ബോളില്‍ നിന്ന് വിരമിക്കാനായിട്ടില്ലെന്ന സൂചനയും മെസ്സി നല്‍കി. താരത്തിന് 2025-വരെ മയാമിയുമായി കരാറുണ്ട്.
'ഇന്റര്‍ മയാമിയായിരിക്കും എന്റെ അവസാന ക്ലബ്ബെന്നാണ് എനിക്ക് തോന്നുന്നത്. എന്നാല്‍ ഫുട്‌ബോള്‍ വിടാന്‍ ഞാന്‍ തയ്യാറായിട്ടില്ല. ഞാന്‍ ഫുട്‌ബോള്‍ കളിക്കുന്നത് ഇഷ്ടപ്പെടുന്നു. പരിശീലനവും മത്സരമുള്ള ഓരോ ദിവസവും ഞാന്‍ ആസ്വദിക്കുന്നു.എന്നാല്‍ എല്ലാത്തിനും അവസാനമുണ്ടല്ലോയെന്നതില്‍ നേരിയ ഭയമുണ്ട്'. - മെസ്സി പറഞ്ഞു.
അര്‍ജന്റീനയ്ക്കായി കോപ്പ അമേരിക്കയും ലോകകപ്പും നേടിയ മെസ്സി മറ്റൊരു കോപ്പ അമേരിക്ക ടൂര്‍ണമെന്റിന്റെ തയ്യാറെടുപ്പിലാണ് ഇപ്പോൾ.

ഇന്റര്‍ മയാമി എന്റെ അവസാന ക്ലബ്ബ് ആയിരിക്കുമെന്ന് സൂപ്പര്‍താരം ലയണല്‍ മെസ്സി

ഇന്റര്‍ മയാമി തന്റെ അവസാന ക്ലബ്ബ് ആയിരിക്കുമെന്ന് സൂപ്പര്‍താരം ലയണല്‍ മെസ്സി

ന്യൂഡൽഹി: ഉള്ളിവില ഇനിയും ഉയരുമെന്ന് ആശങ്കയുമായി വ്യാപാരികൾ. സർക്കാർ ഇടപെടലുണ്ടായില്ലെങ്കിൽ സ്ഥിതി ഗുരുതരമാകുമെന്ന് മേഖലയിലെ വ്യാപാരി അസോസിയേഷനുകളും വിദഗഗ്ധരും ചൂണ്ടിക്കാട്ടുന്നു.
വരൾച്ച സമാനമായ സാഹചര്യത്തെ തുടർന്ന് മഹാരാഷ്ട്ര ഉൾപ്പടെയുള്ള സംസ്ഥാനങ്ങളിൽ ഉള്ളിയുടെ ഉൽപാദനം കുറഞ്ഞതാണ് വില വർധനക്കുള്ള കാരണം.ഉള്ളിയുടെ റീടെയിൽ വിലയിൽ 20 ശതമാനം വർധനവാണ് ഉണ്ടായത്. മൊത്തവ്യാപാരശാലകളിലെ വില 15 ശതമാനവും ഉയർന്നു.കഴിഞ്ഞ വർഷം ഇതേസമയത്ത് കിലോഗ്രാമിന് 21 രൂപയായിരുന്നു റീടെയിൽ വിപണിയിലെ ഉള്ളിവില. മൊത്തവ്യാപാര കേന്ദ്രങ്ങളിൽ ക്വിന്റലിന് 1,581.97 രൂപയും വിലയുണ്ടായിരുന്നു. കഴിഞ്ഞ മാസം 20 മുതൽ 25 രൂപ വരെയായിരുന്നു വില. ഈ രീതിയിൽ പോവുകയാണെങ്കിൽ ഉള്ളിവില 60 രൂപയായി ഉയരുമെന്നും വ്യാപാരികൾ പറയുന്നു.21 രൂപക്കാണ് സർക്കാർ ഉള്ളിസംഭരണം നടത്തുന്നത്.&nbsp;

ഉള്ളിവില ഇനിയും ഉയരുമെന്ന് വ്യാപാരികൾ ;സർക്കാർ ഇടപെടലുണ്ടാവണം

തിരുവനന്തപുരം: മലബാറിൽ തുടരുന്ന പ്ലസ് വൺ സീറ്റ് പ്രതിസന്ധിക്കിടെ മലപ്പുറം പരപ്പനങ്ങാടിയിൽ സീറ്റ് ലഭിക്കാത്തതിനെ തുടർന്ന് വിദ്യാർഥിനി ഹാദി റുഷ്ദ ആത്മഹത്യ ചെയ്ത സംഭവത്തിൽ പ്രതിഷേധിച്ചും ആവശ്യമായ പുതിയ ബാച്ചുകൾ അടിയന്തരമായി അനുവദിക്കണമെന്നാവശ്യപ്പെട്ടും സംസ്ഥാനത്ത് വെള്ളിയാഴ്ച വിദ്യാഭ്യാസ ബന്ദ് ആചരിക്കുമെന്ന് ഫ്രറ്റേണിറ്റി മൂവ്മെന്‍റ് സംസ്ഥാന പ്രസിഡന്‍റ് കെ.എം. ഷെഫ്റിൻ വാർത്തസമ്മേളനത്തിൽ പറഞ്ഞു. വിദ്യാർഥിനിയുടെ മരണത്തിന് ഉത്തരവാദി മുഖ്യമന്ത്രിയും വിദ്യാഭ്യാസ മന്ത്രിയുമാണ്. ഇനിയൊരു ഹാദി റുഷ്ദ കേരളത്തിൽ ഉണ്ടാകരുത്. അതിന് പുതിയ ബാച്ചുകൾ അനുവദിച്ച് ഉത്തരവിറക്കണമെന്ന് അദ്ദേഹം ആവശ്യപ്പെട്ടു.
പ്ലസ് വൺ അലോട്ട്മെന്‍റ് പ്രക്രിയ ആരംഭിച്ച ശേഷവും മലബാർ ജില്ലകളിൽ ഹയർ സെക്കൻഡറി സീറ്റ് പ്രതിസന്ധി രൂക്ഷമായി തുടരുകയാണെന്ന് ഫ്രറ്റേണിറ്റി ചൂണ്ടിക്കാട്ടി. ഹാദി റുഷ്ദയുടെ രക്തസാക്ഷിത്വം മലബാർ വിദ്യാഭ്യാസ അവകാശ പോരാട്ടങ്ങളെ കൂടുതൽ ജനകീയവും കരുത്തുറ്റതുമാക്കുമെന്ന് നേതാക്കൾ വാർത്തസമ്മേളനത്തിൽ പറഞ്ഞു.

പ്ലസ് വൺ സീറ്റ് പ്രതിസന്ധി; സംസ്ഥാനത്ത് നാളെ വിദ്യാഭ്യാസ ബന്ദിന് ആഹ്വാനവുമായി ഫ്രറ്റേണിറ്റി മൂവ്മെന്‍റ്

തിരുവള്ളൂർ: സിപിഐ എം വടകര ഏരിയ കമ്മിറ്റി അംഗവും തിരുവള്ളൂർ ലോക്കൽ സെക്രട്ടറിയുമായ എം സി പ്രേമചന്ദ്രന് നാട് വിട നൽകി. വിദ്യാർഥി പ്രസ്ഥാനത്തിലൂടെയാണ് എം സി പ്രേമചന്ദ്രൻ രാഷ്ട്രീയ രംഗത്ത് എത്തിയത്. പഞ്ചായത്ത് വൈസ് പ്രസിഡൻ്റ് എന്ന നിലയിൽ വികസന പ്രവർത്തനങ്ങളിലും തൻ്റെ കഴിവ് തെളിയിച്ചു. സിപിഐ എം ഏരിയ കമ്മിറ്റി ഓഫീസിലും തിരുവള്ളൂർ ലോക്കൽ കമ്മിറ്റി ഓഫീസിലും വീട്ടിലും നൂറു കണക്കിന് പേർ അന്ത്യാജ്ഞലി അർപ്പിക്കാനെത്തി. ബുധൻ രാവിലെ ഒമ്പതരയോടെ വീട്ടുവളപ്പിൽ സംസ്ക്കരിച്ചു. തുടർന്ന് വീട്ടു മുറ്റത്ത് നടന്ന അനുശോചന യോഗത്തിൽ പഞ്ചായത്ത് പ്രസിഡന്റ് സബിത മണക്കുനി അധ്യക്ഷയായി.&nbsp;
സിപിഐ എം ജില്ലാ സെക്രട്ടറി പി മോഹനൻ, ജില്ലാ സെക്രട്ടറിയേറ്റംഗങ്ങളായ സി ഭാസ്ക്കരൻ, കെ കെ ദിനേശൻ, ജില്ലാ കമ്മിറ്റി അംഗങ്ങളായ ടി പി ഗോപാലൻ, പി കെ ദിവാകരൻ, കെ പുഷ്പജ, കെ പി കുഞ്ഞമ്മദ് കുട്ടി എംഎൽഎ, പി സുരേഷ് ബാബു, തോടന്നൂർ ബ്ലോക്ക് പഞ്ചായത്ത് പ്രസിഡൻ്റ് പി എം ലീന, തിരുവള്ളൂർ പഞ്ചായത്ത് വൈസ് പ്രസിഡൻ്റ് എഫ് എം മുനീർ, ചാലിൽ രാമകൃഷ്ണൻ, കിണറുള്ളതിൽ കുഞ്ഞമ്മത്, കെ കെ മോഹനൻ, എൻ കെ അഖിലേഷ്, ഇ കെ പവിത്രൻ, എം ചന്ദ്രശേഖരൻ, ആർ കെ മുഹമ്മത്, സി എച്ച് ഹമീദ്, സി കെ സുരേന്ദ്രൻ, ടി കെ വേണു, സി കെ രജിലേഷ്, ഗോപിനാരായണൻ എന്നിവർ സംസാരിച്ചു. കെ കെ ശങ്കരൻ സ്വാഗതം പറഞ്ഞു.

എം സി പ്രേമചന്ദ്രന്റെ നിര്യാണത്തിൽ അനുശോചനം

കോഴിക്കോട്: കേരളത്തിൽ ബിജെപിയുടേത് ആശയപരമായ വിജയമാണെന്നും അതിന് കാരണം പിന്നാക്ക ദളിത് വിഭാഗങ്ങൾ പിന്തുണച്ചതു കൊണ്ടാണെന്നും ബിജെപി സംസ്ഥാന അധ്യക്ഷൻ കെ. സുരേന്ദ്രൻ പറഞ്ഞു. ആറ്റിങ്ങലും ആലപ്പുഴയിലും മാത്രമല്ല, കോഴിക്കോട് ഉൾപ്പെടെയുള്ള വടക്കൻ മേഖലയിലും മാറ്റം വ്യക്തമാണെന്നും അദ്ദേഹം പറഞ്ഞു. തെരഞ്ഞെടുപ്പിന് മുമ്പ് ബിജെപി ജയിക്കുക പോയിട്ട് ഒരിടത്തും രണ്ടാം സ്ഥാനത്ത് പോലും വരില്ലെന്ന് പറഞ്ഞത് മുഖ്യമന്ത്രി പിണറായി വിജയനാണ്. എന്നാൽ ഒരു സീറ്റ് ജയിക്കുകയും രണ്ടിടത്ത് ഒന്നര ശതമാനം വോട്ടിന് മാത്രം പിറകിലാവുകയും നാല് മണ്ഡലങ്ങളിൽ വൻ മത്സരം നടത്തുകയും ചെയ്യാൻ ബിജെപിക്ക് സാധിച്ചു.
എൻഡിഎയുടെ വോട്ട് 20 ശതമാനത്തിലെത്തിയത് കേരള രാഷ്ട്രീയത്തിന്‍റെ മാറ്റം പ്രകടമാക്കുന്നതാണ്. 20 ശതമാനം വോട്ട് വിഹിതം നേടിയ സംസ്ഥാനങ്ങളിലെല്ലാം വലിയ മുന്നേറ്റം നടത്താൻ ബിജെപിക്ക് സാധിച്ചിട്ടുണ്ട്. മതന്യൂനപക്ഷങ്ങൾക്ക് പഴയത് പോലെ ബിജെപിയോട് തൊട്ടുകൂടായ്മയില്ലെന്ന് വ്യക്തമായിരിക്കുന്നു. ഓർത്തഡോക്സ്- യാക്കോബായ സഭകൾ മണിപ്പൂർ വിഷയത്തിലെ യാഥാർത്ഥ്യം തുറന്നു പറഞ്ഞത് സ്വാഗതാർഹമാണ്. ഇത് തെരഞ്ഞെടുപ്പിന് മുമ്പ് പറഞ്ഞിരുന്നെങ്കിൽ കേരളത്തിന്‍റെ വികസനത്തിന് അത് ഏറെ ഗുണകരമായേനെയെന്നും കെ. സുരേന്ദ്രൻ പറഞ്ഞു.

കേരളത്തിൽ ബിജെപിയുടേത് ആശയപരമായ വിജയമാണെന്ന് കെ. സുരേന്ദ്രൻ

വടകര: വടകര ഫയർ &amp; റെസ്ക്യൂ സ്റ്റേഷന് പുതുതായി ഡി സി പി ( ഡ്രൈ കെമിക്കൽ പൌഡർ) ടെൻഡർ ലഭിച്ചു. സംസ്ഥാനത്ത് ആകെ പർച്ചേസ് ചെയ്ത 5 എണ്ണത്തിൽ ഒരെണ്ണമാണ് വടകരയ്ക്ക് ലഭിച്ചത്. പെട്രോളിയം ഉൽപന്നങ്ങളുടെ തീപ്പിടുത്തവും ഇലക്ട്രിക് തീപിടിത്തങ്ങളും വളരെ വേഗത്തിൽ അണയ്ക്കാൻ ഉതകുന്ന രീതിയിലാണ് ഈ വാഹനം രൂപകല്പനചെയ്തിരിക്കുന്നത്.&nbsp;
2000 കിലോഗ്രാം വരുന്ന ഡ്രൈ കെമിക്കൽ പൗഡർ നൈട്രജൻ വാതകത്തിൻ്റെ സഹായത്തോടെ തള്ളിവിട്ടാണ് ഈ സംവിധാനത്തിൽ തീ കെടുത്തുന്നത്. ഏകദേശം 1 കോടിയോളം വിലവരുന്ന ഈ വാഹനം വഡോദരയിലുള്ള വിമൽസ് ഫയർ കണ്ട്രോൾ പ്രൈവറ്റ് ലിമിറ്റഡ് ടാറ്റായുടെ വാഹനത്തിലാണ് നിർമ്മിച്ചിരിക്കുന്നത്. ഈ വാഹനത്തിൽ 45 കിലോ വീതം വരുന്ന 2 കാർബൺ ഡൈഓക്‌സൈഡ് എക്സ്റ്റിൻഗ്യുഷർ ട്രോളി സഹിതം ഉൾകൊള്ളുന്നുണ്ട്.

വടകര സേനയ്ക്ക് ഇനി ഡി സി പി ടെൻഡറും

വടകര: മേഖലയിൽ പ്രത്യേകിച്ചും കോഴിക്കോട് ജില്ലയിൽ പൊതുവിലും വോട്ട് എണ്ണലിനെ തുടർന്ന് സംഘർഷാവസ്ഥക്ക് സാധ്യത ഉള്ളതിനാൽ മെയ്‌ 27ന് ഡി ഐ ജി നേതൃത്ത്വത്തിൽ വടകര റൂറൽ എസ് പി ഓഫീസിലും തുടർന്ന് മെയ്‌ 30ന് ജില്ലാ കലക്ടറുടെ നേതൃത്വത്തിൽ കോഴിക്കോട് കലക്ട്രേറ്റിലും സർവകക്ഷികളുടെ യോഗം ചേർന്ന് സമാധാനന്തരീക്ഷം സംരക്ഷിക്കുന്നതിന് വേണ്ടി എടുത്ത തീരുമാനങ്ങൾ സർക്കാറും, പോലീസും, സി പി എമ്മും പരസ്യമായി ലംഘിക്കുകയും കാറ്റിൽ പരത്തുകയും ചെയ്യുന്ന നടപടി ഉത്തരവാദിത്ത ലാംഘനവും പ്രതിഷേധാർഹവുമാണെന്ന് യു ഡി എഫ്. സംഘർഷത്തിന് സാഹചര്യം ഒരുക്കരുതെന്നും എന്തെങ്കിലും അക്രമ സംഭവമുണ്ടായാൽ മുഖം നോക്കാതെ നടപടി എടുക്കുമെന്നും കാഫിർ പ്രയോഗം നടത്തി വർഗീയ വിദ്വേഷം പരത്താൻ ശ്രമിച്ചവരെ ഉടൻ പിടികൂടുമെന്നൊക്കെയാണ് സർവകക്ഷി യോഗത്തിലെ പ്രധാന തീരുമാനങ്ങൾ.
എന്നാൽ വോട്ട് എണ്ണലിനെ തുടർന്ന് പാതിരപ്പറ്റയിൽ ആർ എം പി നേതാവിന്റെ വീടിനു നേരെയും മണിയൂരിൽ കോൺഗ്രസ്‌ നേതാവിന്റെ വീടിനു നേരെയും ബോംബ് എറിഞ്ഞ് സർവകക്ഷി യോഗ തീരുമാനം നഗ്നമായി ലംഘിക്കുകയുണ്ടായി. ബോംബ് എറിഞ്ഞ കേസിലെ പ്രതികളെ അറസ്റ്റ് ചെയ്യാൻ ഇതുവരെ പോലീസ് തയ്യാറായിട്ടില്ല. കാഫിർ പ്രയോഗം നടത്തിയവരെ ഒന്നരമാസമായിട്ടും കണ്ട് പിടിക്കാനോ അറസ്റ്റ് ചെയ്യാനൊ പോലീസ് തയ്യാറായിട്ടില്ല. സംഘർഷത്തെ പ്രോത്സാഹിപ്പിക്കാൻ സർക്കാറും പോലീസും സി പി എമ്മും നടത്തുന്ന നീക്കങ്ങളെ ഉൽകണ്ഠയോടെയാണ് സമാധാന കാംഷികളായ പൊതു ജനങ്ങൾ വീക്ഷിക്കുന്നതെന്നും കോഴിക്കോട് ജില്ലാ യു ഡി എഫ് ചെയർമാൻ കെ ബാലനാരായണൻ കൺവീനർ അഹമ്മദ് പുന്നക്കൽ എന്നിവർ പ്രസ്താവനയിൽ വ്യക്തമാക്കി.

വടകരയിൽ സർവകക്ഷി യോഗങ്ങളുടെ തീരുമാനങ്ങൾ ലംഘിക്കുന്നു; യു ഡി എഫ്

അഴിയൂർ: കോറോത്ത് റോഡ് അത്താണിക്കൽ സ്കൂളിന് സമീപം കൂടാളി ഉസ്മാൻ (72) നിര്യാതനായി. ഭാര്യ; ജമീല. മക്കൾ; റുബീന, റഹ്മത്ത്. മരുമക്കൾ; സിറാജ്, നിസാർ നാദാപുരം റോഡ്. സഹോദരങ്ങൾ; റാബി, പരേതരായ, കൂടാളി അബൂബക്കർ, അബ്ദുള്ള, സുബൈർ, കൂടാളി ഇബ്രാഹിം.

കോറോത്ത് റോഡ് കൂടാളി ഉസ്മാൻ നിര്യാതനായി

Obituary

നിരവധി ആളുകള്‍ തങ്ങളുടെ ജോലി സ്ഥലങ്ങളില്‍ നേരിടേണ്ടിവരുന്ന വെല്ലുവിളികള്‍ അവരുടെ സോഷ്യല്‍ മീഡിയ അക്കൌണ്ടിലൂടെ പങ്കുവയ്ക്കാറുണ്ട്. അത്തരത്തില്‍ ഒരു സ്ത്രീ തനിക്ക് ജോലി സ്ഥലത്തുണ്ടായ ഒരു അനുഭവം സമൂഹ മാധ്യമങ്ങള്‍ വഴി പങ്കുവച്ചിരിക്കുകയാണ്.
രക്തത്തിലെ പഞ്ചസാര അപകടകരമാംവിധം ഉയര്‍ന്നതിനാല്‍ അവധിയെടുക്കേണ്ടി വന്നപ്പോള്‍ യുവതിക്ക് ജോലി നഷ്ടമായി. ഇത് ഒരു നല്ല രീതിയല്ലെന്ന് പറഞ്ഞ് ബോസ് തന്നെ ജോലിയില്‍ നിന്ന് പിരിച്ചുവിടുകയായിരുന്നുവെന്നാണ് യുവതി സോഷ്യല്‍ മീഡിയയില്‍ പങ്കുവച്ച സ്‌ക്രീന്‍ഷോട്ടുകളില്‍ നിന്നും വ്യക്തമാകുന്നത്.&nbsp;
ആവശ്യമെങ്കില്‍ മെഡിക്കല്‍ സര്‍ട്ടിഫിക്കറ്റ് സമര്‍പ്പിച്ചിരുന്നേനെയെന്നും ആ സ്ത്രീ ബോസിനയച്ച സന്ദേശത്തില്‍ പറഞ്ഞിട്ടുണ്ട്. ഇതിന്‍റെ സ്ക്രീന്‍ഷോട്ട് അടക്കമാണ് പോസ്റ്റ്. 'എന്റെ ആരോഗ്യവിവരം നിങ്ങള്‍ക്ക് അവിശ്വസനീയമാണെങ്കില്‍, നിങ്ങള്‍ ആവശ്യപ്പെട്ടിരുന്നെങ്കില്‍ ഞാന്‍ ഡോക്ടറുടെ കുറിപ്പ് നല്‍കിയേനെ, അല്ലെങ്കില്‍ എന്റെ ഗ്ലൂക്കോസ് റീഡിംഗുകളുടെ ചിത്രങ്ങള്‍ പോലും നല്‍കുമായിരുന്നു' എന്നും യുവതി അയച്ച സന്ദേശത്തില്‍ കാണാം.&nbsp;
നിരവധി പേർ സ്ത്രീയെ അനുകൂലിച്ച് കൊണ്ട് രംഗത്തെത്തി.

അസുഖമായപ്പോൾ  ലീവ് എടുത്തു; യുവതിയെ ജോലിയില്‍ നിന്ന് പിരിച്ചുവിട്ട് കമ്പനി

താൻ ഡേറ്റിംഗിലാണെന്ന് വെളിപ്പെടുത്തി നടി മംമ്‌ത മോഹൻദാസ്. ''ലോസ് ഏഞ്ചൽസിലുള്ള വ്യക്തിയുമായി ഒരു പ്രണയം ഉണ്ടായിരുന്നു. പക്ഷേ ആ പ്രണയം നീണ്ടുനിന്നില്ല. എനിക്ക് പ്രണയത്തിൽ കരുതൽ ഉണ്ടെങ്കിലും അത് വളരെ മനസിലാക്കി പോകേണ്ട ഒന്നായിരിക്കണം. ഒരു ബുദ്ധിമുട്ട് ഉണ്ടാകരുത്. ഒരാൾക്കും ഒന്നും രണ്ടും മൂന്നും തവണ അവസരം നൽകും. അതിൽ കൂടുതൽ എനിക്ക് സഹിക്കാനാവില്ല. ഇപ്പോൾ ഞാൻ ഒരാളുമായി ഡേറ്റിംഗ് ആണ്.ഇതിൽ ഞാൻ സന്തോഷവതിയാണ്. ഭാവിയിൽ എന്താകുമെന്ന് അറിയില്ല. ഇപ്പോൾ സന്തോഷമാണ്.എന്നാണ് മംമ‌്‌തയുടെ വാക്കുകൾ.&nbsp;
തെലുങ്ക്, തമിഴ് ഭാഷകളിലും സജീവമായ മംമ്‌ത മോഹൻദാസ് പിന്നണി ഗായിക കൂടിയാണ്. വിജയ് സേതുപതി നായകനായ മഹാരാജ ആണ് മംമ്‌തയുടെ പുതിയ ചിത്രം.ദിലീപിനെ നായകനാക്കി അരുൺ ഗോപി സംവിധാനം ചെയ്ത ബാന്ദ്ര ആണ് മംമ്‌തയുടേതായി അവസാനം റിലീസ് ചെയ്ത മലയാള ചിത്രം.

താൻ ഡേറ്റിംഗിലാണെന്ന് വെളിപ്പെടുത്തി മംമ്‌ത മോഹൻദാസ്

വടകര: ഇന്ത്യൻ നാഷണൽ കോൺഗ്രസ്സ് ചോറോട് മണ്ഡലം കമ്മിറ്റിയുടെ നേതൃത്വത്തിൽ മുൻ വടകര ബ്ലോക്ക് സിക്രട്ടറി ചക്കര ബാലകൃഷ്ണന്റെ എട്ടാം ചരമവാർഷിക ദിനത്തിൽ അനുസ്മരണ ചടങ്ങ് സംഘടിപ്പിച്ചു. സ്‌മൃതി മണ്ഡപത്തിൽ പുഷ്പാർച്ചന നടത്തി. അനുസ്മരണ ചടങ്ങ് മണ്ഡലം പ്രസിഡന്റ് അഡ്വ: പി. ടി. കെ നജ്മലിന്റെ അദ്ധ്യക്ഷതയിൽ മുൻ കെ.പി.സി സി. പ്രസിഡന്റ് മുല്ലപ്പള്ളി രാമചന്ദ്രൻ ഉദ്ഘാടനം ചെയ്തു. ബ്ലോക്ക് പ്രസിഡന്റ് സതീശൻ കുരിയാടി, ബ്ലോക്ക് സിക്രട്ടറി ടി ലക്ഷ്മണൻ , സീനിയർ അംഗം കൂടാളി അശോകൻ, മണ്ഡലം വൈസ് പ്രസിഡന്റ് ചെനേങ്കി ബാലകൃഷ്ണൻ, ഭാസ്‌ക്കരൻ എന്നിവർ സംസാരിച്ചു. കെ.പി. ഗോകുൽദാസ് സ്വാഗതവും ഐ. ഷാജി നന്ദിയും പറഞ്ഞു.

ചക്കര ബാലകൃഷ്ണൻ അനുസ്മരണം നടത്തി

തിരുവനന്തപുരം: തിരഞ്ഞെടുപ്പ് തോല്‍വിയില്‍ കമ്മ്യൂണിസ്റ്റുകാര്‍ സ്വയം വിമര്‍ശനം നടത്തുമെന്ന് സിപിഐ സംസ്ഥാന സെക്രട്ടറി ബിനോയ് വിശ്വം.തിരഞ്ഞെടുപ്പ് തോല്‍വിയെക്കുറിച്ച് പഠിക്കാന്‍ സി പിഐക്കും സിപിഐഎമ്മിനും സംയുക്ത സമിതി ഉണ്ടാകില്ല. തിരഞ്ഞെടുപ്പില്‍ തൃശൂര്‍ നല്‍കിയത് വലിയ പാഠമാണ്. ഭരണ വിരുദ്ധ വികാരം ഉണ്ടായിട്ടുണ്ട്. പെന്‍ഷന്‍ വിതരണം മുടങ്ങിയതും സപ്ലൈക്കോ വിഷയങ്ങളും ബാധിച്ചു എന്നാണ് വിലയിരുത്തല്‍.
ഇടതു മുന്നണിക്ക് ലോക്സഭ തിരഞ്ഞെടുപ്പില്‍ കനത്ത തിരിച്ചടിയാണ് നേരിട്ടത്. മുന്നണിയുടെ പരാജയത്തില്‍ സമൂഹ മാധ്യമങ്ങളില്‍ സര്‍ക്കാരിനെതിരെ വ്യാപക വിമര്‍ശനമാണ് ഉയരുന്നത്.

ഭരണ വിരുദ്ധ വികാരം ഉണ്ടായി, തിരഞ്ഞെടുപ്പ് തോല്‍വിയില്‍ സ്വയം വിമര്‍ശനം നടത്തുമെന്ന് ബിനോയ് വിശ്വം

തിരുവനന്തപുരം: കുവൈത്ത് തീപ്പിടിത്തത്തില്‍ മരിച്ചത് 24 മലയാളികളെന്ന് നോര്‍ക്ക. മരിച്ചവരില്‍ ഏഴുപേരെ ഇനിയും തിരിച്ചറിയാനുണ്ടെന്നും മൃതദേഹങ്ങള്‍ എത്രയുംപെട്ടെന്ന് നാട്ടിലെത്തിക്കാനാണ് ശ്രമിക്കുന്നതെന്നും നോര്‍ക്ക റൂട്ട്‌സ് സി.ഇ.ഒ അജിത് പറഞ്ഞു. മരിച്ചവരുടെ പേരു വിവരങ്ങള്‍ക്ക് ഔദ്യോഗിക സ്ഥിരീകരണങ്ങള്‍ക്കായി കാത്തിരിക്കുകയാണെന്നും അദ്ദേഹം അറിയിച്ചു.
അപകടത്തില്‍ ഗുരുതരാവസ്ഥയിലായ ഏഴുപേര്‍ വിവിധ ആശുപത്രികളിലായി ചികിത്സയിലാണ്. കുറച്ചുപേര്‍ ആശുപത്രികളില്‍നിന്ന് ഡിസ്ചാര്‍ജ് ആയിട്ടുണ്ട്. ഏറ്റവുംകുറഞ്ഞ സമയത്തിനുള്ളില്‍ മൃതദേഹങ്ങള്‍ നാട്ടിലെത്തിക്കാനാണ് ശ്രമിക്കുന്നത്. വിദേശകാര്യമന്ത്രാലയവും കുവൈത്ത് എംബസിയുമാണ് ഇക്കാര്യം ഏകോപിപ്പിക്കുന്നത്.നോര്‍ക്കയുടെ രണ്ട് ഹെല്‍പ്പ് ഡെസ്‌കുകളാണ് പ്രവര്‍ത്തിക്കുന്നത്. കേരളത്തില്‍ നോര്‍ക്കയുടെ ഗ്ലോബല്‍ കോണ്‍ടാക്റ്റ് സെന്ററിലെ ഹെല്‍പ്പ് ഡെസ്‌ക് 24 മണിക്കൂറും പ്രവര്‍ത്തിക്കുന്നു.&nbsp;

മരണസംഖ്യ ഉയരുന്നു ;24 മലയാളികൾക്ക് ജീവഹാനി ഉണ്ടായതായി നോർക്ക

കോഴിക്കോട്: വയോജനങ്ങളുടെ ആരോഗ്യ പ്രശ്നങ്ങളും, അവകാശങ്ങളും നിയമ പരിരക്ഷയും ലക്ഷ്യമാക്കി സീനിയർ സിറ്റിസൺ ഫോറം ജില്ലാ കമ്മിറ്റി ഏകദിന നേതൃശില്പശാല സംഘടിപ്പിച്ചു. കോഴിക്കോട് നളന്ദ ഓഡിറ്റോറിയത്തിൽ നടന്ന പരിപാടി സംസ്ഥാന സെക്രട്ടറി വി.പി.ചാത്തു ഉദ്ഘാടനം ചെയ്തു. ഉള്ള്യേരി പങ്കജത്തിന്റെ സ്നേഹ ഗാനത്തോടെ ആരംഭിച്ച ശില്പശാലയിൽ ജില്ലാ പ്രസിഡന്റ് അബൂബക്കർ അധ്യക്ഷത വഹിച്ചു. ജില്ലാ സെക്രട്ടറി സോമൻ ചാലിൽ സ്വാഗതം പറഞ്ഞു. മുൻ സിവിൽ സർജൻ ഡോ.മഹറൂഫ് രാജ്, മുൻ ആർ.ഡി.ഒ.ശിവദാസൻ, മുൻ സംസ്ഥാന സെക്രട്ടറി പൂതേരി ദാമോദരൻ നായർ, ട്രെയ്ൻ ഹേമപാലൻ, സാമൂഹ്യ ക്ഷേമ വകുപ്പ് ഉദ്യോഗസ്ഥ ഇ.ഇന്ദു, അഡ്വ.വി.പി.രാധാകൃഷ്ണൻ എന്നിവർ വിവിധ വിഷയങ്ങളെ അധികരിച്ച് ക്ലാസെടുത്തു. കോഓഡിനേറ്റർ ആർ.പി.രവീന്ദ്രൻ, ജില്ലാ വൈസ്.പ്രസി കെ.ഗോവിന്ദൻ കുട്ടി, ജില്ലാ കമ്മിറ്റി മുൻ പ്രസിഡന്റ് കെ.രാജീവൻ, ജില്ലാ കമ്മിറ്റി അംഗങ്ങളായ രാജപ്പൻ നായർ, ഇബ്രാഹിം തിക്കോടി, ലക്ഷ്മി എന്നിവർ സംസാരിച്ചു.&nbsp;&nbsp;

സീനിയർ സിറ്റിസൺ ഫോറം ഏക ദിന നേതൃശില്പശാല സംഘടിപ്പിച്ചു

Kozhikode

മുംബൈ: മഹാരാഷ്ട്രയിലെ മലാഡിൽ ഐസ്ക്രീമിൽ മനുഷ്യ വിരലിന്‍റെ ഭാഗം കണ്ടെത്തി. മലാഡ് സ്വദേശിയായ ഡോകടർ ഓണ്‍ലൈനായി ഓർഡർ ചെയ്ത കോണ്‍ ഐസ്ക്രീമിലാണ് വിരൽ കണ്ടെത്തിയത്. പരാതിയുടെ അടിസ്ഥാനത്തിൽ പൊലീസ് കേസെടുത്തു. യമ്മോ എന്ന ഐസ്ക്രീം നിർമാണ കമ്പനിയിൽ പൊലീസ് പരിശോധന നടത്തും. വിരലിന്‍റെ ഭാഗം ഫോറൻസിക് പരിശോധനയ്ക്ക് അയക്കും.
രാവിലെ സഹോദരി സെപ്‌റ്റോ വഴി ഓർഡർ ചെയ്ത ഭക്ഷണ സാധനങ്ങളുടെ ലിസ്റ്റിനൊപ്പം താൻ ആവശ്യപ്പെട്ടതനുസരിച്ച് മൂന്ന് ബട്ടർസ്‌കോച്ച് കോൺ ഐസ്‌ക്രീമുകൾകൂടി ഉൾപ്പെടുത്തുകയായിരുന്നുവെന്ന് എം.ബി.ബി.എസ് ഡോക്ടറായ സെറാവോ പറഞ്ഞു. വിരൽ കണ്ടെത്തിയതിനെ തുടർന്ന് ഇദ്ദേഹം പോലീസിൽ വിവരം അറിയിച്ചു.വിരൽ ഫോറൻസിക് ലബോറട്ടറിയിലേക്ക് അയക്കുമെന്ന് മുതിർന്ന പോലീസ് ഉദ്യോഗസ്ഥൻ പറഞ്ഞു

ഓണ്‍ലൈനായി ഓർഡർ ചെയ്ത ഐസ്ക്രീമിൽ മനുഷ്യ വിരൽ; കേസെടുത്ത് പോലീസ്

കൈനാട്ടി: ചോറോട് ഗ്രാമ പഞ്ചായത്തിലെ ശാരിരിക വെല്ലുവിളികൾ നേരിടുന്ന നിർധനർക്ക് ആവശ്യമായ ഉപകരണങ്ങൾ നൽകി. ഗ്രാമ പഞ്ചായത്ത് 2023-24 പദ്ധതി പ്രകാരം പ്രയാസമനുഭവിക്കുന്നവരെ വിദഗ്ദ പരിശോധന നടത്തി ഡോക്ടറുടെ നിർദ്ദേശപ്രകാരമാണ് ഉപകരണങ്ങൾ നൽകുന്നത്. പഞ്ചായത്ത് പ്രസിഡണ്ട് പി.പി. ചന്ദ്രശേഖരൻ ഉദ്ഘാടനം ചെയ്തു. വൈസ് പ്രസിഡണ്ട് രേവതി പെരുവാണ്ടിയിൽ അദ്ധ്യക്ഷത വഹിച്ചു. സ്റ്റാന്റിങ്ങ് കമ്മിറ്റി ചെയർമാൻമാരായ കെ. മധുസൂദനൻ., സി. നാരായണൻ, ശ്യാമള പൂവ്വേരി, അംഗങ്ങളായ മഠത്തിൽ പുഷ്പ, വി.പി. അബൂബക്കർ, മനീഷ് കുമാർ ടി.പി. എന്നിവർ പ്രസംഗിച്ചു. സെക്രട്ടറി നിഷ എൻ തയ്യിൽ സ്വാഗതവും ഐ സി ഡി എസ് സൂപ്പർ വൈസർ സീന നന്ദിയും പറഞ്ഞു.

ഭിന്നശേഷിക്കാർക്ക് ഉപകരണങ്ങൾ നൽകി

തിരുവനന്തപുരം: കുവൈത്തിലെ തീപ്പിടിത്തത്തില്‍ മരണമടഞ്ഞ മലയാളികളുടെ കുടുംബാംഗങ്ങള്‍ക്ക് സര്‍ക്കാര്‍ അഞ്ച് ലക്ഷം രൂപ വീതം ധനസഹായം നല്‍കും. പരിക്കേറ്റ മലയാളികള്‍ക്ക് ഒരു ലക്ഷം രൂപ വീതം നല്‍കാനും പ്രത്യേക മന്ത്രിസഭായോഗം തീരുമാനിച്ചു.
ആരോഗ്യ വകുപ്പ് മന്ത്രി വീണാ ജോര്‍ജ്‌ അടിയന്തരമായി കുവൈത്തിലേക്ക് യാത്ര തിരിക്കും. സ്റ്റേറ്റ് മിഷന്‍ ഡയറക്ടര്‍ (എന്‍.എച്ച്.എം.) ജീവന്‍ ബാബു അനുഗമിക്കും. പരിക്കേറ്റ മലയാളികളുടെ ചികിത്സ, മരണമടഞ്ഞവരുടെ മൃതദേഹങ്ങള്‍ നാട്ടിലെത്തിക്കല്‍ തുടങ്ങിയ പ്രവര്‍ത്തനങ്ങളുടെ ഏകോപനത്തിനായാണ് ഇവര്‍ കുവൈത്തില്‍ എത്തുന്നത്.മരണമടഞ്ഞവരുടെ കുടുംബങ്ങള്‍ക്ക് അഞ്ച് ലക്ഷം രൂപ വീതം സഹായം നല്‍കാം എന്ന് പ്രമുഖ വ്യവസായി യൂസഫലിയും രണ്ട് ലക്ഷം രൂപ വീതം സഹായം നല്‍കാം എന്ന് പ്രമുഖ പ്രവാസി വ്യവസായി രവിപിള്ളയും മുഖ്യമന്ത്രിയെ ബന്ധപ്പെട്ട് അറിയിച്ചിട്ടുണ്ട്.

മരണമടഞ്ഞ മലയാളികളുടെ കുടുംബാംഗങ്ങള്‍ക്ക് ധനസഹായം; മന്ത്രി വീണാ ജോര്‍ജ്‌ കുവൈത്തിലേക്ക്

നാഗ്‌പൂർ: 300കോടി രൂപയുടെ സ്വത്തിന് വേണ്ടി ഭർതൃപിതാവിനെ കൊന്ന യുവതി അറസ്റ്റിൽ. അർച്ചന പുത്തേവാറിനെയാണ് പൊലീസ് അറസ്റ്റ് ചെയ്തത്. മേയ് 22നാണ് നാ‌ഗ്‌പൂരിലെ ബാലാജി നഗരിയിൽ വച്ച് വ്യവസായി പുരുഷോത്തം പുത്തേവാർ (82) കൊല്ലപ്പെടുന്നത്.&nbsp;
അമിത വേഗതയിൽ വന്ന കാർ ഇടിക്കുകയായിരുന്നു.വാഹനാപകടമാണെന്ന് കരുതിയ പൊലീസ് കേസ് ഫയൽ ചെയ്ത ശേഷം ഡ്രെെവറെ വിട്ടയച്ചു. എന്നാൽ ഒരു ഉന്നത ഉദ്യോഗസ്ഥന്റെ ഇടപെടലിൽ വീണ്ടും കേസ് പുനരാന്വേഷിക്കുകയായിരുന്നു. പിന്നാലെയാണ് ഇത് കൊലപാതകമാണെന്ന് തെളിഞ്ഞത്.ഒരു കോടി രൂപ ക്വട്ടേഷൻ നൽകിയാണ് യുവതി ഭർതൃപിതാവിനെ കൊന്നത്.&nbsp;
അർച്ചനയ്‌ക്കൊപ്പം കൂട്ടാളികളായ മെെക്രോസ്മോൾ മീഡിയ എന്റർപ്രെെസസ് ഡയറക്ടർ പ്രശാന്ത് പാർലേവാറെയും അറസ്റ്റ് ചെയ്തു.നീരജ് ഈശ്വരൻ നിംജെ (30), സച്ചിൻ മോഹൻ ധാർമിക് (29), ഫാമിലി ഡ്രെെവർ സാർത്തക് ബാഗ്ഡെ (29),​ അർച്ചനയുടെ പേഴ്സണൽ അസിസ്റ്റന്റായ പായൽ നാഗേശ്വറും (28) എന്നിവരും കേസിൽ അറസ്റ്റിലായിട്ടുണ്ട്.പ്രതികളിൽ നിന്ന് രണ്ട് കാറുകൾ, 149 ഗ്രാം സ്വർണം, മൂന്ന് ലക്ഷം രൂപ, ഏഴ് മൊബെെൽ ഫോണുകൾ എന്നിവ പിടിച്ചെടുത്തു.

300 കോടി രൂപയുടെ സ്വത്തിന് വേണ്ടി ഭർതൃപിതാവിനെ കൊന്ന യുവതി അറസ്റ്റിൽ

വടകര : കൊട്ടിയൂര്‍ സന്ദര്‍ശനം കഴിഞ്ഞ് ലോകനാര്‍ കാവിലെത്തി ചിറയില്‍ കുളിക്കുന്നതിനിടയിലാണ് ആലുവ എടത്തല സ്വദേശി ശശികുമാറിന്റെ സ്വര്‍ണമാല നഷ്ടപ്പെട്ടത്.എട്ട് പവന്‍ തൂക്കമുള്ള മാലയാണ് നഷ്ടപ്പെട്ടത്.
വാര്‍ത്ത പരന്നതോടെ മാല എങ്ങനെയും കണ്ടെത്തണമെന്ന തീരുമാനത്തിലായിരുന്നു നാട്ടുകാർ.മുങ്ങല്‍ വിദഗ്ധരും അഗ്നിരക്ഷാസേനയും ഏറെ ശ്രമിച്ചിട്ടും മാല കണ്ടെത്താനായില്ല. പിന്നീട് ചിറയിലെ വെള്ളം വറ്റിക്കാമെന്ന് തീരുമാനിച്ചിരിക്കുകയായിരുന്നു.പൂത്തൂരില്‍ നിന്ന് വലിയ മൂന്ന് മോട്ടോറുകള്‍ എത്തിച്ച് പിന്നീട് വെള്ളം വറ്റിച്ചു. വെള്ളവും പായലും ചളിയുമെല്ലാം സമീപത്തെ തോട്ടിലേക്ക് ഒഴുക്കിവിട്ടു. ഒടുവില്‍ 30 മണിക്കൂറിലേറെ നീണ്ട തിരച്ചിലിനൊടുവിൽ ലോകനാര്‍കാവ് സ്വദേശി അനീഷിന് മാല ലഭിക്കുകയായിരുന്നു. അനീഷ് തന്നെ സ്വര്‍ണമാല ശശികുമാറിന് അണിയിച്ചു നല്‍കി.

ലോകനാർകാവിലെ ചിറയിൽ പോയത് 8 പവന്റെ മാല; 30 മണിക്കൂ‍ർ തിരച്ചിലിനൊടുവിൽ കണ്ടെത്തി

കൊച്ചി: മദ്യലഹരിയിൽ യുവാവ് ഓടിച്ച കാർ ബൈക്കിലിടിച്ച് അച്ഛനും മകനും ദാരുണാന്ത്യം. ഇളംകുളം സ്വദേശി ഡെന്നി റാഫേൽ (46), മകൻ ഡെന്നിസൺ (11) എന്നിവരാണ് മരിച്ചത്. മദ്യലഹരിയിൽ അമിത വേ​ഗതയിൽ ഓടിച്ച സ്കോർപ്പിയോ ഇരുവരും സഞ്ചരിച്ച ഡിയോ സ്കൂട്ടറിന്റെ പിന്നിൽ ഇടിക്കുകയായിരുന്നു. കാറോടിച്ച സുജിത്തിനെ പോലീസ് അറസ്റ്റ് ചെയ്തിട്ടുണ്ട്.
ബുധനാഴ്ച രാത്രി വൈറ്റില പൊന്നുരുന്നി മേൽപ്പാലത്തിന് താഴെയാണ് അപകടം ഉണ്ടായത്.ഒരേ ദിശയില്‍ സഞ്ചരിക്കുകയായിരുന്ന സ്‌കൂട്ടറിനു പിന്നില്‍ സുജിത്ത് ഓടിച്ചിരുന്ന സ്‌കോര്‍പിയോ ഇടിക്കുകയായിരുന്നു. ഇടിയേറ്റ് തെറിച്ചുവീണ ഡെന്നിസണെയും മകനെയും ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല

മദ്യലഹരിയിൽ യുവാവ് ഓടിച്ച കാർ ബൈക്കിലിടിച്ച് അപകടം ;അച്ഛനും മകനും ദാരുണാന്ത്യം

കണ്ണൂർ: കോടിയേരി പാറാലില്‍ രണ്ട് സിപിഎം പ്രവര്‍ത്തകര്‍ക്ക് വെട്ടേറ്റു. തൊട്ടോളില്‍ സുജനേഷ് (35), ചിരണങ്കണ്ടി ഹൗസില്‍ സുബിന്‍ (30) എന്നിവര്‍ക്ക് നേരെയാണ് ആക്രമണമുണ്ടായത്. സാരമായി പരിക്കേറ്റ ഇവരെ തലശേരി സഹകരണ ആശുപത്രിയില്‍ പ്രവേശിപ്പിച്ചു.&nbsp;
അക്രമത്തിന് പിന്നില്‍ ആര്‍എസ്എസ് ആണെന്ന് സിപിഎം ആരോപിച്ചു. മാഹി ചെമ്പ്രയില്‍നിന്ന് ആയുധവുമായെത്തിയ സംഘമാണ് ആക്രമണം നടത്തിയത്. സുബിന്റെ തലക്കും കഴുത്തിനുമാണ് വെട്ടേറ്റത്. സുജനേഷിന്റെ കൈയെല്ല് പൊട്ടി. തലക്കും വെട്ടേറ്റു. പാറാല്‍ ടൗണില്‍ നില്‍ക്കുമ്പോഴാണ് ഇരുവരെയും ആക്രമിച്ചത്. തെരഞ്ഞെടുപ്പ് ഫലം പുറത്ത് വന്നതിന് പിന്നാലെ പ്രദേശത്ത് സംഘർഷ സാധ്യത നില നിന്നിരുന്നു.

കോടിയേരി പാറാലില്‍ രണ്ട് സിപിഎം പ്രവര്‍ത്തകര്‍ക്ക് വെട്ടേറ്റു ;പിന്നിൽ ബിജെപിയെന്ന് ആരോപണം

ആർത്തവ ദിനങ്ങൾ ഓരോ സ്ത്രീയുടെയും ജീവിതത്തിൻറെ ഭാഗമാണ്. ശരീരത്തിനും മനസിനും ഏറ്റവും കൂടുതൽ പരിചരണം ലഭിക്കേണ്ട സമയവും ഇത് തന്നെ.ആർത്തവ ശുചിത്വത്തെക്കുറിച്ച് ആരോഗ്യ വിദഗ്ദർ നിർദേശിയ്ക്കുന്ന കാര്യങ്ങൾ ഗൗരവകരമായി തന്നെ സ്വീകരിക്കണം. പിരീഡ് സമയം നല്ല രീതിയിൽ ശ്രദ്ധിച്ചില്ലെങ്കിൽ ഭാവിയിൽ ഉണ്ടായേക്കാവുന്ന ആരോഗ്യ പ്രശ്നങ്ങളെക്കുറിച്ച് അറിഞ്ഞിരിക്കണം.
എപ്പോഴും വൃത്തിയായിരിക്കുക:
മിക്ക സ്ത്രീകളും പിരീഡ് സമയത്ത് അസഹനീയമായ വേദനയും അസ്വസ്ഥതകളും അനുഭവിക്കുന്നവരാണ്. എന്നാൽ ഇത്തരം അസ്വസ്ഥതകൾ ഉണ്ടെങ്കിലും എല്ലായ്പ്പോഴും ശുചിത്വ കാര്യങ്ങളിൽ ശ്രദ്ധ നൽകേണ്ടത് പ്രധാനമാണ്. അതുകൊണ്ട് തന്നെ ദിവസവും രണ്ടു നേരവും കുളിയ്ക്കാനും ഉപയോഗിച്ച നാപ്കിൻ മാറ്റി പുതിയ നാപ്കിൻ ഉപയോഗിക്കുമ്പോഴെല്ലാം സ്വകാര്യ ഭാഗങ്ങൾ വൃത്തിയായി കഴുകാൻ ശ്രദ്ധിക്കണം. ശരീരം വൃത്തിയാക്കി വെയ്ക്കുക വഴി ചർമ പ്രശ്നങ്ങൾ, അണുബാധ, ചൊറിച്ചിൽ പോലുള്ള പ്രശ്നങ്ങൾ ഒഴിവാക്കാൻ സാധിക്കും. വജൈനൽ ഭാഗങ്ങൾ വൃത്തിയാക്കുന്നതിനായി ഇന്റിമേറ്റ് വാഷുകൾ ഉപയോഗിക്കുന്നത് നല്ലതാണ്.
നാപ്കിൻ ഇടയ്ക്കിടെ മാറ്റാം:
മെൻസ്ട്രൽ കപ്പുകൾ വിപണിയിൽ എത്തിയിട്ട് നാളുകൾ ഏറെയായെങ്കിലും കൂടുതൽ സ്ത്രീകളും നാപ്കിൻ തന്നെയാണ് ഇപ്പോഴും ഉപയോഗിക്കുന്നത്. എന്നാൽ പതിവായി ഇത് ഉപയോഗിക്കുന്നവർ പോലും കൃത്യമായ ശുചിത്വ രീതികൾ ചെയ്യുന്നില്ല എന്നതാണ് വാസ്തവം. പരമാവധി 4 മുതൽ 6 മണിക്കൂർ വരെ മാത്രമാണ് ഒരു നാപ്കിൻ ഉപയോഗിക്കാൻ കഴിയുക. കൂടുതൽ മണിക്കൂറുകൾ ഒരേ നാപ്കിൻ ഉപയോഗിക്കുന്നത് ഗർഭാശയ സംബന്ധമായ പല പ്രശ്നങ്ങൾക്കും വഴിവെക്കും. അണുബാധ പോലുള്ള പ്രശ്നങ്ങളോടെ തുടങ്ങുകയും പിന്നീട് ഗുരുതരമായ അവസ്ഥയിലേക്ക് മാറാനും കാരണമാകും.
അടിവസ്ത്രം വൃത്തിയുള്ളതാകണം
നാപ്കിനുകൾ കൃത്യമായ ഇടവേളകളിൽ വൃത്തിയാക്കുന്നത് പോലെ തന്നെ വൃത്തിയുള്ള അടിവസ്ത്രങ്ങളും ധരിയ്ക്കാനായി ശ്രദ്ധിക്കണം.രക്തം നപ്കിനിൽ മാത്രമേ പടരുന്നുള്ളൂ എന്ന ധാരണയിൽ അടിവസ്ത്രങ്ങൾ മാറ്റാൻ മടിയ്ക്കുന്ന പലരും ഉണ്ട്. അതിനാൽ കൃത്യമായ ഇടവേളകളിൽ അടി വസ്ത്രങ്ങളും മാറ്റാനായി ശ്രദ്ധിയ്ക്കുക.

ആർത്തവ ശുചിത്വം അനിവാര്യം; ഇക്കാര്യങ്ങൾ ശ്രദ്ധിക്കുക

Health

കൊച്ചി: എയർ ഇന്ത്യ എക്സ്പ്രസ് വിമാനത്തിനുള്ളിൽ പുക വലിച്ചയാളെ അറസ്റ്റ് ചെയ്ത് പൊലീസ്. അബുദബിയിൽ നിന്നുള്ള എയർ ഇന്ത്യ എക്സ്പ്രസ് വിമാനത്തിൽ യാത്രക്കാരനായിരുന്ന കടമക്കുടി സ്വദേശി ജോബ് ജെറിനെയാണ് അറസ്റ്റ് ചെയ്തത്.
പുകവലിക്കരുതെന്ന് എയർഹോസ്റ്റ്സ് നിർദ്ദേശിച്ചിട്ടും ഇയാൾ അനുസരിച്ചില്ല. തുടർന്ന് പൈലറ്റ് വിമാനത്താവളത്തിലെ സുരക്ഷാവിഭാഗത്തിന് രേഖാമൂലം പരാതി നൽകിയതിനെത്തുടർന്നാണ് പൊലീസ് എത്തി അറസ്റ്റ് ചെയ്തത്.

എയർ ഇന്ത്യ എക്‌സ്പ്രസ് വിമാനത്തിനുള്ളിൽ പുകവലിച്ചയാൾ അറസ്റ്റിൽ

ബീഫ് വിഭവങ്ങളില്‍ പൊതുവേ എല്ലാവര്‍ക്കും ഇഷ്ടമുള്ളതാണ് നാടന്‍ ബീഫ് ഫ്രൈ. ഉച്ചയൂണിനൊപ്പം കഴിക്കാനും ചപ്പാത്തിയ്‌ക്കൊപ്പവും പത്തിരിയ്‌ക്കൊപ്പവും കഴിക്കാനുമെല്ലാം കിടിലന്‍ കോമ്പിനേഷനാണ്.രുചികരമായ കിടിലന്‍ ബീഫ് ഫ്രൈ ഉണ്ടാക്കാം.
ചേരുവകള്‍
ബീഫ് - 600 ഗ്രാം
ഇഞ്ചി - 2 സ്പൂണ്‍
വെളുത്തുള്ളി - 2 സ്പൂണ്‍
ചെറിയ ഉള്ളി- 250 ഗ്രാം
കറിവേപ്പില- 3 തണ്ട്
പെരുംജീരകം പൊടി- 1 സ്പൂണ്‍
അരിപ്പൊടി - 3 സ്പൂണ്‍
മഞ്ഞള്‍ പൊടി- 1 സ്പൂണ്‍
വെളിച്ചെണ്ണ- ആവശ്യത്തിന്
വെള്ളം- 1 ഗ്ലാസ്സ്
മുളക് പൊടി - 3 സ്പൂണ്‍
ഗരംമസാല- 2 സ്പൂണ്‍
മല്ലിപൊടി- 1 സ്പൂണ്‍
ചുവന്ന മുളക് - 5 എണ്ണം
നാരങ്ങാ നീര്- 2 സ്പൂണ്‍
കോണ്‍ ഫ്‌ളോര്‍- 2 സ്പൂണ്‍
തേങ്ങാക്കൊത്ത് -ആവശ്യത്തിന്
തയ്യാറാക്കുന്ന വിധം 
ആദ്യം ബീഫ് കഴുകി വൃത്തിയാക്കി കഷ്ണങ്ങളാക്കുക.അതിലേക്ക് മഞ്ഞള്‍പ്പൊടി, മുളകുപൊടി, ഗരം മസാല, നാരങ്ങാ നീര് ,ആവശ്യത്തിന് ഉപ്പ് എന്നിവയിട്ട് വെളിച്ചെണ്ണ ഒഴിച്ച് നന്നായി മിക്‌സ് ചെയ്യുക. ഇത് കുക്കറിലാക്കി കുറച്ചു വെള്ളവും ചേര്‍ത്ത് നന്നായിട്ട് വേവിച്ച് എടുക്കണം.
ശേഷം ഇഞ്ചി, വെളുത്തുള്ളി, ചുവന്ന മുളക്, കറിവേപ്പില, പച്ചമുളക് എന്നിവ നന്നായിട്ട് ചതച്ചെടുക്കണം. വേവിച്ച് വെച്ചിട്ടുള്ള ബീഫിലേക്ക് ഇത് ചേര്‍ത്ത് നന്നായി യോജിപ്പിച്ചെടുക്കുക.പെരുംജീരകപ്പൊടിയും, അരിപ്പൊടിയും, കോണ്‍ഫ്‌ളവറും ചേര്‍ത്ത് നന്നായിട്ട് മിക്‌സ് ചെയ്‌തെടുക്കുക. അതിനുശേഷം ഒരു പാത്രം വെച്ച് ചൂടാകുമ്പോള്‍ അതിലേക്ക് ആവശ്യത്തിന് എണ്ണ ഒഴിച്ച് തേങ്ങാക്കൊത്ത് മൂപ്പിച്ചെടുക്കാം. ശേഷം ചെറിയ ഉള്ളി ചെറുതായി അരിഞ്ഞതും ചുവന്ന മുളകും വെളുത്തുള്ളി ചെറുതായിട്ട് അരിഞ്ഞത് കറിവേപ്പിലയും ചേര്‍ത്ത് നന്നായിട്ട് വഴറ്റിയെടുത്ത് അതിലേക്ക് ബീഫ് കൂടി ചേര്‍ത്ത് കൊടുക്കാം.നന്നായി ഇളക്കി ഡ്രൈ ആക്കിയെടുക്കാം.

കിടിലന്‍ രുചിയിൽ  ബീഫ്  ഉണ്ടാക്കിയാലോ

ന്യൂഡൽഹി: കുവൈത്തിൽ ലേബർ ക്യാമ്പിലുണ്ടായ തീപിടിത്തതിൽ മരിച്ച ഇന്ത്യക്കാരുടെ കുടുംബങ്ങൾക്ക് പ്രധാനമന്ത്രി നരേന്ദ്ര മോദി ധനസഹായം പ്രഖ്യാപിച്ചു. പ്രധാനമന്ത്രിയുടെ ദുരിതാശ്വാസ നിധിയിൽനിന്ന് രണ്ടു ലക്ഷം രൂപ വീതം അനുവദിക്കും. ദുരന്തത്തിൽ ദു:ഖം രേഖപ്പെടുത്തിയ പ്രധാനമന്ത്രി പരേതരുടെ കുടുംബങ്ങളെ അനുശോചനമറിയിക്കുകയും ചെയ്തു.
പരിക്കേറ്റ ഇന്ത്യക്കാർക്ക് മികച്ച ചികിൽസ ഉറപ്പാക്കുമെന്ന് ഇന്ത്യൻ സ്ഥാനപതി അറിയിച്ചു. തീപിടുത്തത്തിൽ മരിച്ചവരുടെ ആശ്രിതർക്കും പരിക്കേറ്റവർക്കും സഹായം ഉറപ്പാക്കുമെന്ന് മലയാളി വ്യവസായിയുടെ ഉടമസ്ഥതയിലുള്ള എൻ.ബി.ടി.സി കമ്പനിയും അറിയിച്ചു.

കുവൈത്തിൽ മരിച്ച ഇന്ത്യക്കാരുടെ കുടുംബങ്ങൾക്ക് രണ്ടു ലക്ഷം ധനസഹായം പ്രഖ്യാപിച്ച് പ്രധാനമന്ത്രി

തിരൂര്‍: ട്രെയിനില്‍ നിന്നും വീണു യുവാവ് മരിച്ചു. ആലത്തിയൂര്‍ പരപ്പേരി സ്വദേശി പുതുപ്പറമ്പില്‍ മുഹമ്മദ് - റഹീമ ദമ്പതികളുടെ മകന്‍ അഫ്‌സല്‍ സാദിഖ് (23) ആണ് മരിച്ചത്. പട്ടാമ്പി കൊടുമുണ്ടയില്‍ വെച്ചാണ് അപകട മുണ്ടായത്.
എറണാകുളത്തെ ജോലി ആവശ്യാര്‍ഥം സുഹൃത്തിനോടൊപ്പം പോകുന്നതിനിടെയാണ് കണ്ണൂര്‍ എറണാകുളം ഇന്റര്‍ സിറ്റി ട്രെയിനില്‍ നിന്ന് വീണത്. ബുധനാഴ്ച വൈകീട്ട് കൊടുമുണ്ട പുതിയ ഗേറ്റിനടുത്താണ് സംഭവം. ഉടനെ പട്ടാമ്പി താലൂക്ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ഒപ്പം യാത്ര ചെയ്തിരുന്നവര്‍ അറിയിച്ചതിനെ തുടര്‍ന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്. മൃതദേഹം പട്ടാമ്പി താലൂക്ക് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.

പട്ടാമ്പിയില്‍ ട്രെയിനില്‍ നിന്ന് വീണ് യുവാവ് മരിച്ചു

പട്ടാമ്പിയില്‍ യുവാവ് ട്രെയിനില്‍ നിന്ന് വീണ്  മരിച്ചു

കൊച്ചി: വൈപ്പിനിൽ വനിതാ ഓട്ടോ ഡ്രൈവര്‍ക്ക് ക്രൂരമര്‍ദനമേറ്റ സംഭവത്തില്‍ സ്വമേധയാ കേസെടുത്ത് വനിതാകമ്മിഷന്‍. സംഭവത്തില്‍ റൂറല്‍ എസ്പിയോട് അടിയന്തരമായി റിപ്പോര്‍ട്ട് നല്‍കാനും ആവശ്യപ്പെട്ടിട്ടുണ്ട്. യുവതി ചികിത്സയില്‍ കഴിയുന്ന ആശുപത്രിയിലെത്തി സഹോദരിയോടും ആശുപത്രി അധികൃതരോടും വിശദാംശങ്ങള്‍ അറിഞ്ഞ ശേഷം മാധ്യമങ്ങളോട് സംസാരിക്കുകയായിരുന്നു വനിതാ കമ്മീഷന്‍ അധ്യക്ഷ പി.സതീദേവി.
രാത്രി സമയത്തും സ്ത്രീകള്‍ക്ക് ജോലിയെടുക്കാന്‍ കഴിയേണ്ടുന്ന സാഹചര്യം ഉണ്ടാകണമെന്നും ഇത്തരം സ്ഥലങ്ങളില്‍ പോലീസ് സജീവമായി നിരീക്ഷണം ഏര്‍പ്പെടുത്തണമെന്നും സതീദേവി പറഞ്ഞു. യുവതിക്ക് നിലവില്‍ മികച്ച ചികിത്സയാണ് ലഭിക്കുന്നത്. നട്ടെല്ലിനും വാരിയെല്ലിനും ഗുരുതരമായി പരുക്കേറ്റതായാണ് ഡോക്ടര്‍ പറഞ്ഞത്. യുവതിക്ക് ആവശ്യമായ ചികിത്സ ഉറപ്പാക്കുന്നതിന് നടപടി സ്വീകരിക്കണമെന്ന് ആരോഗ്യ മന്ത്രിയോട് കമ്മീഷന്‍ ആവശ്യപ്പെട്ടതായും പി.സതീദേവി പറഞ്ഞു.

വനിതാ ഓട്ടോ ഡ്രൈവര്‍ക്ക് മര്‍ദനമേറ്റ സംഭവത്തില്‍ സ്വമേധയാ കേസെടുത്ത് വനിതാകമ്മിഷന്‍

ചെന്നെെ: ഷൂട്ടിംഗിനിടെ നടൻ ജോജു ജോർജിന് പരിക്ക്. താരത്തിന്റെ കാൽപാദത്തിന്റെ എല്ലിന് പൊട്ടലേറ്റു. 'തഗ് ലെെഫ്' എന്ന മണിരത്നം ചിത്രത്തിന്റെ ഷൂട്ടിംഗിനിടെയാണ് പരിക്കേറ്റത്. ഹെലികോപ്റ്ററിൽ നിന്ന് ചാടുന്ന രംഗം ചിത്രീകരിച്ചപ്പോഴായിരുന്നു അപകടം.
കമൽഹാസനും മണിരത്നവും മൂന്നരപതിറ്റാണ്ടിന് ശേഷം ഒരുമിക്കുന്ന ചിത്രമാണ് തഗ് ലെെഫ്. ജോജു ജോർജ് ഇതിന്റെ ഭാഗമാകുന്നതായി നേരത്തെ അണിയറപ്രവർത്തകർ അറിയിച്ചിരുന്നു. ജനുവരി 18ന് തഗ്‌ ലൈഫിന്റെ ചിത്രീകരണം ചെന്നൈയിൽ ആരംഭിച്ചിരുന്നു. ചിത്രത്തിൽ പ്രധാന വേഷത്തിലാണ് ജോജു ജോർജ് എത്തുന്നതെന്നാണ് വിവരം. തൃഷയാണ് ചിത്രത്തിൽ നായിക.&nbsp;

ഷൂട്ടിംഗിനിടെ ജോജു ജോർജിന് പരിക്ക്; അപകടം ഹെലികോപ്റ്ററിൽ നിന്ന് ചാടുന്ന രംഗം  ചിത്രീകരിക്കുന്നതിനിടെ

വിഴിഞ്ഞം: ഒരേ വീട്ടില്‍ താമസിക്കുന്നവരും ബന്ധുക്കളുമായ രണ്ടുപേര്‍ ഒരുമണിക്കൂര്‍ വ്യത്യാസത്തിനിടെ കുഴഞ്ഞുവീണ് മരിച്ചു. വിഴിഞ്ഞം തെരുവ് നെല്ലിവിള വീട്ടില്‍ അനില്‍കുമാറും(53) ഇദ്ദേഹത്തിന്റെ അച്ഛന്റെ സഹോദരിയുടെ മകനുമായ രാമാനുജനും(53) ആണ് മരിച്ചത്.
ചൊവ്വാഴ്ച രാത്രി വീട്ടില്‍ വച്ച് അനില്‍കുമാറിന് ശാരീരിക അസ്വസ്ഥയുണ്ടായി കുഴഞ്ഞുവീണു. ഇതേ തുടര്‍ന്ന് രാമാനുജന്‍ ഉള്‍പ്പെട്ടവര്‍ അനില്‍കുമാറിനെ വിഴിഞ്ഞം ആശുപത്രിയിലെത്തിച്ചു. എന്നാല്‍, അനില്‍കുമാര്‍ മരിച്ചുവെന്ന് ഡോക്ടര്‍ അറിയിച്ചു. ഇതറിഞ്ഞതോടെ അവിടെയുണ്ടായിരുന്ന രാമാനുജന് പെട്ടെന്ന് ശാരീരീക അസ്വസ്ഥയുണ്ടായി ആശുപത്രിയില്‍ കുഴഞ്ഞുവീണു. അടിയന്തര ചികിത്സ നല്‍കി രാമാനുജനെ മെഡിക്കല്‍ കോളേജില്‍ എത്തിച്ചുവെങ്കിലും മരിച്ചു.രണ്ടുപേരുടെയും മൃതദേഹങ്ങള്‍ പോസ്റ്റുമാര്‍ട്ടം നടത്തിയശേഷം മുട്ടത്തറ മോക്ഷ കവാടത്തില്‍ സംസ്‌ക്കരിച്ചു. ഇരുവരും ബാര്‍ബര്‍ഷോപ്പ് നടത്തുന്നവരാണ്. വിഴിഞ്ഞം പോലീസ് കേസെടുത്തു. ബിന്ദുവാണ് അനില്‍ കുമാറിന്റെ ഭാര്യ. മക്കള്‍; അപര്‍ണ്ണ, ആതിര, അഖില. രാമാനുജന്റെ ഭാര്യ സന്ധ്യയും മക്കള്‍ വിഷ്ണു ,കാവ്യ എന്നിവരുമാണ്

ഒരേ വീട്ടില്‍ താമസിക്കുന്ന ബന്ധുക്കളായ രണ്ടുപേര്‍ ഒരുമണിക്കൂര്‍ വ്യത്യാസത്തിനിടെ മരിച്ചു

തിരുവനന്തപുരം: ലോക കേരള സഭയുടെ ഉദ്ഘാടന സമ്മേളനവും സെമിനാറും അനുബന്ധ പരിപാടികളും ഒഴിവാക്കിയതായി സര്‍ക്കാര്‍ അറിയിച്ചു. കുവൈത്തില്‍ തീപിടിത്ത ദുരന്തത്തിന്റെ പശ്ചാത്തലത്തിലാണ് ലോക കേരള സഭയുടെ ഉദ്ഘാടന സമ്മേളനവും സെമിനാറും അനുബന്ധ പരിപാടികളും ഒഴിവാക്കിയത്.&nbsp;
14 , 15 തീയ്യതികളില്‍ ലോക കേരളസഭാ സമ്മേളനം നിശ്ചയിച്ച പ്രകാരം നടക്കും. ആഘോഷ പരിപാടികള്‍ ഉണ്ടാവില്ലെന്നും അധികൃതര്‍ അറിയിച്ചു. നിയമസഭാ മന്ദിരത്തിലെ ആര്‍.ശങ്കരനാരാണയന്‍ തമ്പി ഹാളിലാണ് സമ്മേളനത്തിന്റെ ഉദ്ഘാടനം നിശ്ചയിച്ചിരുന്നത്.

ലോക കേരള സഭയുടെ ഉദ്ഘാടന സമ്മേളനവും സെമിനാറും ഒഴിവാക്കി

കുവൈത്ത് സിറ്റി: കുവൈത്തിലെ തൊഴിലാളി ക്യാമ്പിലുണ്ടായ തീപിടിത്തത്തില്‍ മരിച്ച 14 മലയാളികളെ തിരിച്ചറിഞ്ഞു.അപകടത്തില്‍ മൊത്തം 49 പേര്‍ മരിച്ചതായാണ് വിവരം. ഇതില്‍ 41 പേരുടെ മരണം സര്‍ക്കാര്‍ ഔദ്യോഗികമായി സ്ഥിരീകരിച്ചു. ഇതില്‍ 26 പേരെ തിരിച്ചറിഞ്ഞു. പരിക്കേറ്റവരിൽ മൂപ്പതോളം പേര്‍ മലയാളികളാണ്.
കൊല്ലം സ്വദേശികളായ ശൂരനാട് വടക്ക് വയ്യാങ്കര തുണ്ടുവിള വീട്ടില്‍ ഷമീര്‍ ഉമറുദ്ദീന്‍ (30), പുനലൂര്‍ നരിക്കല്‍ വാഴവിള അടിവള്ളൂര്‍ സാജന്‍ ജോര്‍ജ് (29), വെളിച്ചിക്കാല വടകോട്ട് വിളയില്‍ ലൂക്കോസ് (സാബു-48), പത്തനംതിട്ട സ്വദേശികളായ പന്തളം മുടിയൂര്‍ക്കോണം ശോഭനാലയത്തില്‍ പരേതനായ ശശിധരന്‍ നായരുടെയും ശോഭനകുമാരിയുടെയും മകന്‍ ആകാശ് ശശിധരന്‍ നായര്‍ (31), കോന്നി അട്ടച്ചാക്കല്‍ ചെന്നശ്ശേരില്‍ സജു വര്‍ഗീസ് (56), വള്ളിക്കോട് വാഴമുട്ടം പുളിനില്‍ക്കുന്നതില്‍ വടക്കേതില്‍ പി.വി. മുരളീധരന്‍ (68), തിരുവല്ല മേപ്രാല്‍ ചിറയില്‍ കുടുംബാംഗം തോമസ് ഉമ്മന്‍(37), കോട്ടയം സ്വദേശികളായ പാമ്പാടി വിശ്വഭാരതി കോളേജിനു സമീപം ഇടിമണ്ണില്‍ സാബു ഫിലിപ്പിന്റെ മകന്‍ സ്റ്റെഫിന്‍ ഏബ്രഹാം സാബു (29), ചങ്ങനാശ്ശേരി ഇത്തിത്താനം ഇളങ്കാവ് ഭാഗത്ത് കിഴക്കേടത്ത് വീട്ടില്‍ പ്രദീപ് -ദീപ ദമ്പതികളുടെ മകന്‍ ശ്രീഹരി പ്രദീപ് (27), മലപ്പുറം സ്വദേശികളായ തിരൂര്‍ കൂട്ടായി കോതപറമ്പ് കുപ്പന്റെപുരക്കല്‍ നൂഹ് (40), പുലാമന്തോള്‍ തിരുത്ത് സ്വദേശി എം.പി. ബാഹുലേയന്‍ (36), കണ്ണൂര്‍ ധര്‍മടം സ്വദേശി വിശ്വാസ് കൃഷ്ണന്‍, കാസര്‍കോട് സ്വദേശികളായ ചെങ്കള കുണ്ടടുക്ക ഹൗസിലെ കെ. രഞ്ജിത്ത് (34), പിലിക്കോട് എരവില്‍ സ്വദേശി കേളു പൊന്മലേരി (58) എന്നിവരെയാണ് തിരിച്ചറിഞ്ഞത്.&nbsp;

കുവൈത്ത് ദുരന്തം;മരിച്ച 14 മലയാളികളെ തിരിച്ചറിഞ്ഞു

റായ്പുർ: ഭീഷണിപ്പെടുത്തി മതപരിവർത്തനം നടത്തിയെന്നാരോപിച്ച് ഛത്തീസ്ഗഡിൽ മലയാളി കന്യാസ്ത്രീക്കെതിരേ കേസെടുത്തു. ജാസ്പ ജില്ലയിലെ കുങ്കുരി പട്ടണത്തിലെ ഹോളി ക്രോസ് നഴ്സിങ് കോളേജ് പ്രിൻസിപ്പൽ സിസ്റ്റർ ബിൻസി ജോസഫിനെതിരേ ജാമ്യമില്ലാ വകുപ്പ് പ്രകാരമാണ് കേസെടുത്തിരിക്കുന്നത്.അവസാനവർഷ വിദ്യാർഥിനി നൽകിയ പരാതിയിലാണ് സിസ്റ്റർക്കെതിരേ കേസെടുത്തിരിക്കുന്നത്. തന്നെ മതംമാറ്റാൻ ശ്രമിച്ചുവെന്ന് ചൂണ്ടിക്കാട്ടിയാണ് പെൺകുട്ടി അധ്യാപികയായ കന്യാസ്ത്രീയ്ക്കെതിരേ പരാതി നൽകിയത്. തുടർന്ന് സിസ്റ്റർ ബിൻസി ജോസഫിനെതിരേ ജാമ്യമില്ലാ വകുപ്പ് ചുമത്തി കേസെടുക്കുകയായിരുന്നു.
ആരോപണം അടിസ്ഥാനരഹിതമെന്ന് കത്തോലിക്കാ സഭ അറിയിച്ചു. പ്രാക്ടിക്കൽ-തിയറി ക്ലാസുകൾക്ക് വിദ്യാർഥിനി കോളേജിൽ എത്തിയിരുന്നില്ല. ഇക്കാര്യം ശ്രദ്ധയിൽപെട്ട സിസ്റ്റർ വിദ്യാർഥിനിയേയും വീട്ടുകാരേയും ബന്ധപ്പെട്ടിരുന്നു. 80 ശതമാനം ഹാജരുണ്ടെങ്കിൽ മാത്രമേ പരീക്ഷ എഴുതാൻ കഴിയൂ എന്നും വീട്ടുകാരെ അറിയിച്ചിരുന്നു. 32 ശതമാനം ഹാജർ മാത്രമായിരുന്നു പെൺകുട്ടിക്ക് ഉണ്ടായിരുന്നത്.പെൺകുട്ടിയെ തിയറി പരീക്ഷ എഴുതാൻ അനുവദിച്ചിരുന്നുവെങ്കിലും ഹാജർ ഇല്ലാതെ പ്രാക്ടിക്കൽ പരീക്ഷയ്ക്ക് സർട്ടിഫിക്കൻ തരാൻ സാധിക്കില്ലെന്ന് കോളേജ് അറിയിച്ചു. ഇതിന് പിന്നാലെയാണ് പെൺകുട്ടി ജില്ലാ കളക്ടർക്ക് പരാതി നൽകിയതെന്നാണ് കോളേജിന്‍റെ വിശദീകരണം.

ഭീഷണിപ്പെടുത്തി മതപരിവർത്തനം നടത്തിയെന്നാരോപണം;ഛത്തീസ്ഗഡിൽ മലയാളി കന്യാസ്ത്രീക്കെതിരേ കേസ്

മെഗാസ്റ്റാർ മമ്മൂട്ടിയെ നായകനാക്കി നവാഗത സംവിധായകൻ ഡീനോ ഡെന്നിസ് രചനയും സംവിധാനവും നി‌ർവഹിക്കുന്ന ചിത്രമാണ് ബസൂക്ക. ഏപ്രിൽ പത്തിനാണ് ചിത്രത്തിന്റെ ആഗോള റിലീസ്. സരിഗമ ഇന്ത്യ ലിമിറ്റഡും, തീയേറ്റർ ഓഫ് ഡ്രീംസിന്റെ ബാനറിൽ ജിനു വി അബ്രഹാമും, ഡോൾവിൻ കുര്യാക്കോസുമാണ് ചിത്രം നിർമ്മിച്ചിരിക്കുന്നത്. ഇപ്പോഴിതാ ചിത്രത്തിന്റെ സെൻസറിംഗ് വിവരങ്ങളാണ് പുറത്തുവരുന്നത്.
സെൻസറിംഗിൽ ചിത്രത്തിന് യുഎ സർട്ടിഫിക്കറ്റാണ് ലഭിച്ചിരിക്കുന്നത്. ചിത്രത്തിലെ ആറുഭാഗങ്ങളിൽ മാറ്റം വരുത്താൻ സെൻസർ ബോർഡ് നിർദേശിച്ചിരുന്നുവെന്നാണ് റിപ്പോർട്ട്. അതിൽ എൽഎസ്ഡി എന്ന വാക്ക് റീപ്ലേസ് ചെയ്യണമെന്നും ഒപ്പം ചില ചീത്ത വാക്കുകൾ മ്യൂട്ട് ചെയ്യാനും പറയുന്നുണ്ട്. ചിത്രത്തിന്റെ മൊത്തം ദെെർഷ്യം 154.27 മിനിട്ടാണ്.ബിഗ് ബഡ്ജറ്റ് ഗെയിം ത്രില്ലർ ആയി കഥ പറയുന്ന ചിത്രത്തിൽ, അൾട്രാ സ്റ്റൈലിഷ് ലുക്കിൽ മമ്മൂട്ടിയെ അവതരിപ്പിച്ച പോസ്റ്ററുകൾ നേരത്തെ വലിയ ശ്രദ്ധ നേടിയിരുന്നു. മമ്മൂട്ടിക്കൊപ്പം തമിഴ് നടനും സംവിധായകനുമായ ഗൗതം വാസുദേവ് മേനോനും നിർണായകമായ ഒരു വേഷത്തിൽ എത്തുന്നുണ്ട്.കൂടാതെ സിദ്ധാർത്ഥ് ഭരതൻ, ബാബു ആന്റണി, ഹക്കീം ഷാജഹാൻ, ഭാമ അരുൺ, ഡീൻ ഡെന്നിസ്, സുമിത് നേവൽ, ദിവ്യാ പിള്ള, സ്ഫടികം ജോർജ് എന്നിവരാണ് ചിത്രത്തിലെ മറ്റു താരങ്ങൾ.

മമ്മൂട്ടി ചിത്രം ബസൂക്കയ്ക്ക് ആറ് 'വെട്ട്', ചില വാക്കുകൾ മ്യൂട്ട് ചെയ്യും

മലപ്പുറം: വീ​ട്ടി​ലെ​ ​പ്ര​സ​വ​ത്തെ​ ​തു​ട​ർ​ന്ന് ​പെ​രു​മ്പാ​വൂ​ർ​ ​അ​റ​യ്‌​ക്ക​പ്പ​ടി​ ​പെ​രു​മാ​നി​ ​കൊ​പ്പ​റ​മ്പി​ൽ​ ​വീ​ട്ടി​ൽ​ ​അ​സ്മ​ ​(35​)​ ​മ​രി​ച്ച​ സംഭവത്തിൽ ഭർത്താവ് സി​റാ​ജു​ദ്ദീ​ന്റെ (38) അറസ്റ്റ് രേഖപ്പെടുത്തി. പ്രതിക്കെതിരെ മനഃപ്പൂർവ്വമല്ലാത്ത നരഹത്യ, തെളിവ് നശിപ്പിക്കൽ എന്നീ വകുപ്പുകൾ ചുമത്തി.
സിറാജുദ്ദീനെ കോടതിയിൽ ഹാജരാക്കാനുള്ള നടപടികൾ ആരംഭിച്ചതായി മലപ്പുറം എസ് പി പറ‌ഞ്ഞു. ഇന്നലെ വൈകിട്ടാണ് അറസ്റ്റ് രേഖപ്പെടുത്തിയത്. പ്രതിയെ ചോദ്യം ചെയ്യേണ്ടതുണ്ട്. കൃത്യത്തിൽ മറ്റാരുടെയെങ്കിലും സഹായം ലഭിച്ചിട്ടുണ്ടോയെന്ന് അന്വേഷിക്കും. ആത്മീയ കാര്യങ്ങളിൽ വലിയ താത്പര്യമുള്ളയാളാണ് പ്രതി. അസ്‌മയുടെ ബന്ധുക്കളുടെ മൊഴി രേഖപ്പെടുത്തും. യുട്യൂബ് ചാനലിൽ നിന്നും മതപ്രഭാഷണത്തിൽ നിന്നുമൊക്കെയാണ് പ്രതി വരുമാനം കണ്ടെത്തിയിരുന്നത്. ഇക്കാരണങ്ങളാലാണ് ആലപ്പുഴ സ്വദേശിയായ സിറാജുദ്ദീൻ കുടുംബത്തോടൊപ്പം മലപ്പുറത്തേയ്ക്ക് വന്നത്. പ്രസവസമയത്ത് പ്രതിക്ക് സഹായം നൽകിയതായി ചിലരെ സംശയിക്കുന്നുണ്ട്. ഇക്കാര്യത്തിൽ അന്വേഷണം പുരോഗമിക്കുകയാണെന്നും എസ് പി അറിയിച്ചു

വീ​ട്ടി​ലെ​ ​പ്ര​സ​വ​ത്തെ​ ​തു​ട​ർ​ന്ന് യുവതി മരിച്ച സംഭവം;ഭർത്താവ് സി​റാ​ജു​ദ്ദീ​ന്റെ അറസ്റ്റ് രേഖപ്പെടുത്തി

കൊച്ചി: ഗോകുലം ഗോപാലനു വീണ്ടും എൻഫോഴ്‌സ്മെന്റ് ഡയറക്ടറേറ്റ് നോട്ടിസ്. ഈ മാസം 22 ന് ചോദ്യം ചെയ്യലിന് ഹാജരാകാനാണ് നോട്ടിസ് നൽകിയത്. ഗോകുലം ഗ്രൂപ്പിന്റെ കോഴിക്കോട്, ചെന്നൈ ഓഫിസുകളിൽ നടന്ന റെയ്ഡിനു പിന്നാലെ ഗോകുലം ഗോപാലനെ 6 മണിക്കൂറോളമാണ് ഇന്നലെ ചോദ്യം ചെയ്തത്. ഇതിനു പിന്നാലെയാണ് വീണ്ടും ചോദ്യം ചെയ്യലിന് നോട്ടിസ് നൽകിയത്. നേരത്തെ രണ്ടു തവണ ഗോകുലം ഗോപാലനെ ഇ.ഡി ചോദ്യം ചെയ്തിരുന്നു.&nbsp;
സംശയം തോന്നിയ കാര്യങ്ങളാണ് ഇ.ഡി ചോദിച്ചതെന്ന് ഗോകുലം ഗോപാലൻ ഇന്നലെ പറഞ്ഞിരുന്നു. അതിനുള്ള ഉത്തരം കൃത്യമായി നൽകിയിട്ടുണ്ട്. മറ്റു കാര്യങ്ങളെ കുറിച്ച് ഇപ്പോൾ പറയാനാവില്ലെന്നും ഗോകുലം ഗോപാലൻ പറഞ്ഞു. കൊച്ചിയിൽ സോണൽ ഓഫിസിൽ വിളിച്ചു വരുത്തിയാണ് ഉച്ചയ്ക്ക് ഒരു മണിയോടെ ചോദ്യം ചെയ്യൽ ആരംഭിച്ചത്.&nbsp;

ഗോകുലം ഗോപാലനു വീണ്ടും എൻഫോഴ്‌സ്മെന്റ് ഡയറക്ടറേറ്റ് നോട്ടിസ് ;ഈ മാസം 22 ന് ഹാജരാകാൻ നിർദ്ദേശം

ഗോകുലം ഗോപാലനു വീണ്ടും എൻഫോഴ്‌സ്മെന്റ് ഡയറക്ടറേറ്റ് നോട്ടീസ് ;ഈ മാസം 22 ന് ഹാജരാകാൻ നിർദ്ദേശം

കൊച്ചി : കരുവന്നൂർ സഹകരണ ബാങ്ക് തട്ടിപ്പ് കേസിൽ ചേലക്കര എംപി കെ. രാധാകൃഷ്ണൻ ഇന്ന് കൊച്ചിയിലെ എൻഫോഴ്‌സ്‌മെന്റ് ഡയറക്ടറേറ്റ് ഓഫിസിൽ ഹാജരാകും. നേരത്തെ രണ്ടു തവണ നോട്ടിസ് നൽകിയിരുന്നെങ്കിലും പാർലമെന്റ് സമ്മേളനവും പാർട്ടി കോൺഗ്രസും കാരണം രാധാകൃഷ്ണൻ ഹാജരായിരുന്നില്ല. തുടർന്നാണ് ഇന്ന് ഹാജരാകണമെന്ന് ഇ.ഡി നോട്ടിസ് നൽകിയത്.&nbsp;
ഇ.ഡി ആവശ്യപ്പെട്ട രേഖകൾ കഴിഞ്ഞ മാസം 17 ന് രാധാകൃഷ്ണൻ കൈമാറിയിരുന്നു. സിപിഎം തൃശൂർ ജില്ലാ സെക്രട്ടറിയായിരുന്ന കാലത്തെ പാർട്ടിയുടെ സാമ്പത്തിക ഇടപാടിനെ കുറിച്ച് മൊഴിയെടുക്കാനാണ് കെ.രാധാകൃഷ്ണന് ഇ.ഡി നോട്ടിസ് നൽകിയിരിക്കുന്നത്. കരുവന്നൂരിൽ രണ്ടാംഘട്ട കുറ്റപത്രം സമർപ്പിക്കാനുള്ള ഒരുക്കത്തിനിടെയാണ് ഇ.ഡിയുടെ ചോദ്യം ചെയ്യൽ.&nbsp;

കരുവന്നൂർ ബാങ്ക് തട്ടിപ്പ് കേസ്; കെ രാധാകൃഷ്ണൻ ഇന്ന് ഇ.ഡിക്കു മുന്നിൽ ഹാജരാകും

Search Results for: sajana