ചെന്നൈ: ചോദ്യംചെയ്യലിനായി നിര്‍മാതാവും ശ്രീഗോകുലം ചിറ്റ്‌സ് ഉടമയുമായ ഗോകുലം ഗോപാലനെ ചെന്നൈ കോടമ്പാക്കത്തെ ഓഫീസില്‍ എത്തിച്ചു. ഗോകുലത്തിന്റെ കോര്‍പ്പറേറ്റ് ഓഫീസില്‍വെച്ച് ഗോകുലം ഗോപാലനെ ചോദ്യംചെയ്യുകയാണ്. ചെന്നൈ ഓഫീസിലെ എന്‍ഫോഴ്‌സ്‌മെന്റ് ഡയറക്ടറേറ്റ് പരിശോധന പത്തുമണിക്കൂര്‍ പിന്നിട്ടു.
വിശദമായി ചോദ്യംചെയ്യാന്‍ ഗോകുലം ഗോപാലനെ ചെന്നൈയിലേക്ക് വിളിച്ചുവരുത്തുകയായിരുന്നു. ചെന്നൈയിലേയും കോഴിക്കോട്ടേയും ഓഫീസുകളില്‍ രാവിലെ ഇഡി പരിശോധനയ്ക്കായി എത്തിയിരുന്നു. രാവിലെ പത്തുമണിക്കാണ് ഇഡി ചെന്നൈയിലെ ഓഫീസില്‍ എത്തിയത്. 11 മണിയോടെ കോഴിക്കോടും ഇഡി സംഘം എത്തി. ഇവിടെവെച്ച് പ്രാഥമികമായി ഗോപാലനെ ഇഡി ഉദ്യോഗസ്ഥര്‍ ചോദ്യംചെയ്തുവെന്നാണ് വിവരം. തുടര്‍ന്ന് വിശദമായി ചോദ്യംചെയ്യാന്‍ നോട്ടീസ് നല്‍കി ഗോപാലനെ ചെന്നൈയില്‍ എത്തിക്കുകയായിരുന്നു. വിദേശനാണ്യവിനിമയച്ചട്ടലംഘനവുമായി ബന്ധപ്പെട്ടാണ് പരിശോധന എന്നായിരുന്നു വിവരം.&nbsp;

ഗോകുലം ഗോപാലന്‍ ചെന്നൈയില്‍; ഇ.ഡി ചോദ്യംചെയ്യുന്നു

National

ചെന്നൈ: ചൈനയില്‍ കണ്ടെത്തിയ ഹ്യൂമന്‍മെറ്റാന്യൂമോവൈറസ് (എച്ച്.എം.പി.വി) ബാധ ചെന്നൈയിലും രണ്ടുപേർക്ക് കണ്ടെത്തിയതായി സ്ഥിരീകരണം. രണ്ട് കുട്ടികൾക്കാണ് രോ​ഗം കണ്ടെത്തിയത്. തേനംപെട്ട്, ​ഗിണ്ടി എന്നിവിടങ്ങളിലാണ് രോ​ഗം സ്ഥിരീകരിച്ചത്.പനി ബാധിച്ച് ആശുപത്രിയിലെത്തിയ കുട്ടികളിലാണ് ഇപ്പോൾ എച്ച്.എം.പി.വി സ്ഥിരീകരിച്ചിരിക്കുന്നത് എന്നാണ് ലഭ്യമാകുന്ന വിവരം. ശ്വാസകോശസംബന്ധമായ പ്രശ്നങ്ങളും കുട്ടികൾക്കുണ്ടായിരുന്നു.
കര്‍ണാടകയില്‍ രണ്ടുപേരില്‍ എച്ച്.എം.പി.വി ബാധ സ്ഥിരീകരിച്ചതായി തിങ്കളാഴ്ച രാവിലെ റിപ്പോർട്ടുകളുണ്ടായിരുന്നു.&nbsp;

ചെന്നൈയിലും എച്ച്.എം.പി.വി വൈറസ്; രണ്ട് കുട്ടികളിൽ രോ​ഗബാധ സ്ഥിരീകരിച്ചു

ചെന്നൈയിലും എച്ച്.എം.പി.വി വൈറസ് ; രണ്ട് കുട്ടികളിൽ രോ​ഗബാധ സ്ഥിരീകരിച്ചു

ചെന്നൈ: ബംഗാള്‍ ഉള്‍ക്കടലില്‍ രൂപംകൊണ്ട ന്യൂനമര്‍ദം ഫെഞ്ചല്‍ ചുഴലിക്കാറ്റായി മാറി കരതൊട്ടതോടെ തമിഴ്നാട്ടിലെ വിവിധ ജില്ലകളില്‍ അതിശക്തമായ മഴ. ശനിയാഴ്ച വൈകുന്നേരത്തോടെ പുതുച്ചേരിക്കടുത്ത് കരതൊട്ട ഫെഞ്ചലിന് മണിക്കൂറില്‍ 90 കി.മി വേഗതയുണ്ടാവുമെന്നാണ് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കുന്നത്. സംസ്ഥാനത്ത് അതീവ ജാഗ്രതാ നിർദേശം നൽകിയിട്ടുണ്ട്.
കാറ്റിന്റെ വേഗത വരുന്ന മൂന്ന് മണിക്കൂറിനുള്ളില്‍ വര്‍ധിക്കുമെന്നും ബന്ധപ്പെട്ടവര്‍ അറിയിച്ചു. ഇതോടെ ചെന്നൈ വിമാനത്താവളം ഞായറാഴ്ച രാവിലെ നാല് മണിവരെ അടച്ചിടാന്‍ അധികൃതര്‍ തീരുമാനിച്ചു. നിരവധി ട്രെയിന്‍ സര്‍വീസുകളെയും ചുഴലിക്കാറ്റ് ബാധിച്ചിട്ടുണ്ട്.ചുഴലിക്കാറ്റിന്റെ മുന്നോടിയായി ചെന്നൈ, തിരുവള്ളൂര്‍, കാഞ്ചീപുരം, കള്ളക്കുറിച്ചി, കൂടലൂര്‍ ജില്ലകളില്‍ ശക്തമായ മഴയാണ്. ചെന്നൈയില്‍ പല റോഡുകളും വെള്ളത്തില്‍ മുങ്ങി. ഇതില്‍ത്തന്നെ റാണിപേട്ട്, തിരുവണ്ണാമലൈ, വെല്ലൂര്‍, പെരമ്പലൂര്‍, അരിയല്ലൂര്‍, തഞ്ചാവൂര്‍, തിരുവാരൂര്‍, മയിലാടുതുറെ, നാഗപട്ടണം എന്നിവിടങ്ങളില്‍ ഒറ്റപ്പെട്ട അതിശക്തമായ മഴ മുന്നറിയിപ്പുമുണ്ട്. മണ്ണിടിച്ചലിനടക്കമുള്ള സാധ്യതയും കാലാവസ്ഥാ നിരീക്ഷണ കേന്ദ്രം വ്യക്തമാക്കുന്നുണ്ട്.

ഫെഞ്ചല്‍ ചുഴലിക്കാറ്റ് കരതൊട്ടു ;തമിഴ്‌നാട്ടിൽ ശക്തമായ മഴ, അതീവ ജാഗ്രതാനിർദ്ദേശം

ചെന്നൈ: കനത്ത മഴയ്ക്ക് സാദ്ധ്യധ്യയുളളതിനാൽ തമിഴ്നാട്ടിലെ വിവിധ ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി പ്രഖ്യാപിച്ച് തമിഴ്നാട് സർക്കാർ. ചെന്നൈ, തിരുവളളൂർ, കാഞ്ചീപുരം, ചെങ്കൽപ്പേട്ട് എന്നീ ജില്ലകളിലെ സ്‌കൂളുകൾക്കും കോളേജുകൾക്കുമാണ് അവധി പ്രഖ്യാപിച്ചിരിക്കുന്നത്. ഈ ജില്ലകളിലെ ഐടി സ്ഥാപനങ്ങളിൽ ജോലി ചെയ്യുന്ന ഉദ്യോഗസ്ഥരോട് ഒക്ടോബർ 18 വരെ വീട്ടിലിരുന്ന് ജോലി ചെയ്യാനും തമിഴ്നാട് മുഖ്യമന്ത്രി എം കെ സ്​റ്റാലിൻ നിർദ്ദേശം നൽകി.&nbsp;
മിന്നൽപ്രളയത്തെ നേരിടാൻ നാല് ജില്ലകളും സജ്ജമാണെന്ന് അതാത് ജില്ലകളിലെ മജിസ്‌ട്രേറ്റ് ഉദ്യോഗസ്ഥർ വ്യക്തമാക്കിയിട്ടുണ്ട്.അടുത്ത മൂന്ന് ദിവസങ്ങളിൽ തമിഴ്നാട്ടിൽ കനത്ത മഴയ്ക്ക് സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഒക്ടോബർ 16 വരെ തമിഴ്നാട്, പുതുച്ചേരി, കാരയ്ക്കൽ എന്നിവിടങ്ങളിൽ ഒ​റ്റപ്പെട്ടതും ശക്തവുമായി മഴയ്ക്ക് സാദ്ധ്യതയുണ്ട്.&nbsp;
ഇന്ന് തമിഴ്നാട്ടിൽ അതിശക്തമായ മഴയ്ക്ക് സാദ്ധ്യതയുണ്ടെന്നും നാളെ വരെ സംസ്ഥാനത്ത് ഓറഞ്ച് അലർട്ടാണെന്നും കാലാവസ്ഥ വകുപ്പ് അറിയിച്ചു.കഴിഞ്ഞ ദിവസം പുലർച്ചെ അഞ്ചരയോടെ തെക്ക് കിഴക്കൻ ബംഗാൾ ഉൾക്കടലിൽ ന്യൂനമർദ്ദം രൂപപ്പെട്ടതിനെ തുടർന്നാണിത്. അടുത്ത രണ്ട് ദിവസത്തിനുളളിൽ ന്യൂനമർദ്ദം ശക്തിപ്രാപിച്ച് വടക്ക് പടിഞ്ഞാറൻ തമിഴ്നാട്, പുതുച്ചേരി, തെക്കൻ ആന്ധ്രാപ്രദേശ് എന്നീ തീരങ്ങളിലേക്ക് നീങ്ങുമെന്നാണ് പ്രവചനം.

തമിഴ്നാട്ടിൽ കനത്ത മഴയ്ക്ക് സാധ്യത;നാല് ജില്ലകളിലെ സ്കൂളുകൾക്ക് ഇന്ന് അവധി

ചെന്നൈ: പഠനത്തിൽ മോശമായതിന് ശകാരിച്ചതിന്റെ പേരിൽ കോളേജ് വിദ്യാർത്ഥി അമ്മയെയും സഹോദരനെയും കൊലപ്പെടുത്തി. ചെന്നൈയിൽ മൂന്നാം വർഷ ബിഎസ്‌സി വിദ്യാർത്ഥിയായ നിതേഷാണ് (20) അമ്മ പത്മ (45), പത്താം ക്ലാസ് വിദ്യാർത്ഥിയായ സഹോജരൻ സഞ്ജയ് (15) എന്നിവരെ കഴുത്തറുത്ത് കൊന്നത്. സംഭവം നടന്ന് രണ്ട് ദിവസം കഴിഞ്ഞാണ് വിവരം പുറത്തറിഞ്ഞത്.
മൃതദേഹങ്ങൾ പ്ലാസ്റ്റിക്കിൽ പൊതിഞ്ഞ നിലയിലായിരുന്നു. അമ്മയോടായിരുന്നു പകയെങ്കിലും, അമ്മ മരിക്കുന്നതോടെ സഹോദരൻ ഒറ്റപ്പെട്ടുപോകും എന്ന ആശങ്കയുള്ളതിനാലാണ് രണ്ടുപേരെയും കൊലപ്പെടുത്തിയതെന്നാണ് നിതേഷ് പൊലീസിന് നൽകിയ മൊഴി. പിതാവ് മുരുകൻ വിദേശത്താണ്. വ്യാഴാഴ്‌ചയാണ് നിതേഷ് കൊലപാതകം നടത്തിയത്. ശേഷം വീടുവിട്ടുപോയി. അടുത്ത ദിവസം ബന്ധുവായ മഹാലക്ഷ്‌മിയുടെ മൊബൈലിലേക്ക് സംഭവത്തെക്കുറിച്ച് സന്ദേശം അയക്കുകയായിരുന്നു. വീടിന് സമീപം താക്കോൽ ഉണ്ടെന്നും വേഗം അവിടെപ്പോയി നോക്കണമെന്നുമായിരുന്നു സന്ദേശം.
ഒരു ദിവസം വൈകിയാണ് മഹാലക്ഷ്‌മി ഈ മെസേജ് കണ്ടത്. തുടർന്ന് ശനിയാഴ്‌ച വീട്ടിൽ പോയി നോക്കിയപ്പോൾ ദുർഗന്ധം വമിക്കുന്ന നിലയിലായിരുന്നു മൃതദേഹങ്ങൾ. ഇവർ ഉടൻ തന്നെ പൊലീസിൽ വിവരമറിയിച്ചു. മൃതദേഹങ്ങൾക്കരികിൽ നിന്നും കൃത്യത്തിനായി ഉപയോഗിച്ച കത്തി പോലീസ് കണ്ടെടുത്തു. മുറിയിൽ മുഴുവൻ രക്തക്കറയായിരുന്നു. പൊലീസ് നടത്തിയ അന്വേഷണത്തിൽ നിതേഷിനെ കണ്ടെത്തി അറസ്റ്റ് ചെയ്‌തു.

പഠിക്കാത്തതിന് വഴക്കുപറഞ്ഞു; ഉറങ്ങിക്കിടന്ന അമ്മയെയും അനുജനെയും കൊലപ്പെടുത്തി വിദ്യാർത്ഥി

ചെന്നൈ: തമിഴ്നാട്ടിൽ ഒരിടവേളയ്ക്ക് ശേഷം പെയ്ത കനത്തമഴയിൽ ഒരു മരണം. തിരുവാരൂരിൽ വീടിൻ്റെ ചുമരിടിഞ്ഞ് വീണ് 9 വയസ്സുകാരിയാണ് മരിച്ചത്. അതേസമയം, വടക്കൻ തമിഴ്നാട്ടിലും തീരദേശ ജില്ലകളിലും മഴ തുടരുകയാണ്. 32 ജില്ലകളിൽ മഴ മുന്നറിയിപ്പ് നൽകിയിട്ടുണ്ട്. ചെന്നൈയിൽ അടക്കം പല ജില്ലകളിലും താഴ്ന്ന പ്രദേശങ്ങളിൽ വെളളം കയറിയിരിക്കുകയാണ്. അതിനിടെ, 10 ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി നൽകിയിരുന്നു. മത്സ്യത്തൊഴിലാളികൾ കടലിൽ പോകരുതെന്നും മുന്നറിയിപ്പുണ്ട്.&nbsp;
വില്ലുപുരം, കുടലൂർ, മയിലാടുതുറൈ, നാഗപട്ടണം, വെല്ലൂർ, റാണിപ്പേട്ട്, തിരുവണ്ണാമലൈ, തിരുവാരൂർ, കള്ളക്കുറിച്ചി, ചെങ്കൽപട്ട് എന്നീ ജില്ലകളിലെ സ്‌കൂളുകൾക്കും കോളേജുകൾക്കുമാണ് ഇന്ന് (തിങ്കളാഴ്ച) അവധി പ്രഖ്യാപിച്ചിട്ടുള്ളത്. പുതുച്ചേരിയിലെ സ്കൂളുകള്‍ക്കും അവധിയാണ്. കനത്ത മഴയെ തുടർന്ന് അണ്ണാമലൈ സർവകലാശാലയ്ക്കും ഇന്ന് അവധി പ്രഖ്യാപിച്ചു. സർവ്വകലാശാലയിലും സർവ്വകലാശാലയ്ക്ക് കീഴിലെ കോളേജുകളിലും ജനുവരി എട്ടിന് നടത്താനിരുന്ന എല്ലാ പരീക്ഷകളും മാറ്റിവെച്ചതായി രജിസ്ട്രാർ അറിയിച്ചു. പുതുക്കിയ പരീക്ഷാ തിയ്യതി പിന്നീട് അറിയിക്കും.

10 ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി നൽകിയിരുന്നു

കനത്ത മഴ; വീടിന്റെ ചുമരിടിഞ്ഞ് വീണ് 9 വയസ്സുകാരി മരിച്ചു

ചെന്നൈ: ഒരു കോടി രൂപയുടെ ഇൻഷുറൻസ് തട്ടാൻ സ്വന്തം മരണം വ്യാജമായി സൃഷ്ടിച്ച സംഭവത്തിൽ ഒരാൾ അറസ്റ്റിൽ. ചെന്നൈയിൽ നടന്ന സംഭവത്തിലാണ് ഒരാൾ അറസ്റ്റിലായത്. അയനവാരം സ്വദേശിയായ സുരേഷ് ഹരികൃഷ്ണയാണ് പിടിയിലായത്. ഇയാളുടെ രണ്ട് സുഹൃത്തുകളും പിടിയിലായി. മരിച്ചെന്ന് വരുത്തി ഒരു കോടിയുടെ ഇൻഷൂറൻസ് തുക തട്ടിക്കാനായിരുന്നു സുരേഷ് ഹരികൃഷ്ണന്റെ പദ്ധതി. ഇതിനായി സുരേഷ് കൃഷ്ണനോട് സാമ്യമുള്ള ഒരാളെ കണ്ടെത്താനായിരുന്നു ഇയാളുടേയും സുഹൃത്തുകളുടേയും ശ്രമം. ഒടുവിൽ 10 വർഷം മുമ്പ് സുരേഷ് കൃഷ്ണന് പരിചയമുള്ള ദില്ലി ബാബുവിനെ കണ്ടെത്തി.
ദില്ലി ബാബുവിന്റെ വീട്ടിൽ നിരന്തരം സന്ദർശനം നടത്തി അയാളുമായി സുരേഷ് സൗഹൃദം സ്ഥാപിച്ചു. തുടർന്ന് സെപ്റ്റംബർ 13ന് ഇയാളെ പുതുച്ചേരിയിലേക്ക് കൂട്ടികൊണ്ട് പോയി. പിന്നീട് ദക്ഷിണ ചെന്നൈയിലെ ചെങ്കൽ​പേട്ടിലെ ആളൊഴിഞ്ഞ പ്രദേശത്ത് ഇവർ തന്നെ നിർമിച്ച കുടിലിലെത്തിച്ചു. ഇയാൾക്ക് ഉയർന്ന അളവിൽ മദ്യവും നൽകി. മദ്യലഹരിയിൽ ദില്ലിബാബു ഉറങ്ങുമ്പോൾ സുരേഷ് കുടിലിന് തീകൊടുക്കുകയായിരുന്നു. ​ഇതിനിടെ ദില്ലിബാബുവിനെ കാണാനില്ലെന്ന് കാണിച്ച് മാതാവ് ലീലാവതി പോലീസ് പരാതി നൽകിയെങ്കിലും അന്വേഷണം എങ്ങുമെത്തിയില്ല. കുടിലിൽ നിന്നും കണ്ടെത്തിയ മൃതദേഹം സുരേഷ് ബാബുവിന്റേതാണെന്ന നിഗമനത്തിൽ പോലീസ് അത് ബന്ധുക്കൾക്ക് വിട്ടുനൽകുകയും അവർ സംസ്കാരം നടത്തുകയും ചെയ്തു. ഇതിനിടെ ദില്ലിബാബു സുരേഷിനൊപ്പം ഇറങ്ങി പോവുന്നത് കണ്ടുവെന്ന് അമ്മ ലീലാവതിയോട് ചിലർ പറഞ്ഞതോടെയാണ് കേസിലെ സത്യം ചുരുളഴിഞ്ഞത്. ലീലാവതി ഇക്കാര്യം പോലീസിനെ അറിയിച്ചു. പോലീസ് നടത്തിയ പരിശോധനയിൽ സുരേഷും ദില്ലിബാബുവും ഒരേസമയം ചെങ്കൽപേട്ടിലെ കുടിലിലെത്തിയതായി മനസിലായി. സെൽഫോൺ സിഗ്നൽ കേന്ദ്രീകരിച്ച് നടത്തിയ അന്വേഷണത്തിലാണ് ഇക്കാര്യം വ്യക്തമായത്. പിന്നീട് പോലീസ് സുരേഷ് കൃഷ്ണയുടെ ഗ്രാമത്തിൽ നടത്തിയ അന്വേഷണത്തിൽ ഇയാൾ മരിച്ചുപോയെന്ന വിവരമാണ് ബന്ധുക്കൾ നൽകിയത്. എന്നാൽ, ഇയാളുടെ സുഹൃത്തുക്കളെ കേന്ദ്രീകരിച്ച് നടത്തിയ അന്വേഷണത്തിനൊടുവിൽ ജീവനോടെയുണ്ടെന്ന് കണ്ടെത്തുകയായിരുന്നു.

അയനവാരം സ്വദേശിയായ സുരേഷ് ഹരികൃഷ്ണയാണ് പിടിയിലായത്

ഇൻഷുറൻസ് തുക ലഭിക്കാൻ മരണം വ്യാജമായി സൃഷ്ടിച്ചു; ചെന്നൈയിൽ ഒരാൾ അറസ്റ്റിൽ

ചെന്നൈ: ചെന്നൈയില്‍ 75 കോടി രൂപ വിലവരുന്ന ലഹരി വസ്തുക്കള്‍ പിടികൂടി. 15.8 കിലോ മെത്താഫെറ്റാമൈന്‍ ആണ് പിടിച്ചെടുത്തത്. മ്യാന്‍മറിലെ തമുവില്‍ നിന്ന് ശ്രീലങ്കയിലേക്ക് കടല്‍മാര്‍ഗം കടത്താനുള്ള ശ്രമത്തിനിടെയാണ് നാര്‍കോട്ടിക്‌സ് കണ്‍ട്രോള്‍ ബ്യൂറോ ലഹരിമരുന്ന് പിടികൂടിയത്. അന്താരാഷ്ട്ര ലഹരിക്കടത്ത് സംഘത്തിലെ 8 പേരെ എന്‍സിബി അറസ്റ്റ് ചെയ്തു. ചായ പാക്കറ്റുകളില്‍ ഒളിപ്പിച്ച നിലയിലാണ് മയക്കുമരുന്ന് ചെന്നൈയില്‍ എത്തിച്ചത്.&nbsp;
മ്യാന്‍മറിലെ തമുവില്‍ നിന്ന് മണിപ്പൂര്‍, ഗുവാഹത്തി, ചെന്നൈ വഴി ശ്രീലങ്കയിലേക്ക് മയക്കുമരുന്ന് കടത്താനായിരുന്നു നീക്കം. കഴിഞ്ഞ മാസം ആദ്യം 4 കിലോ മെത്താഫെറ്റാമൈനുമായി ഒരു വനിത ഉള്‍പ്പെടെ നാല് പേര്‍ പിടിയിലായിരുന്നു. ഇവരില്‍ നിന്നും കിട്ടിയ വിവരത്തിന്റെ അടിസ്ഥാനത്തില്‍ എന്‍സിബി ചെന്നൈ, ബെംഗളൂരു, ഇംഫാല്‍ യൂണിറ്റുകള്‍ സംയുക്തമായി നടത്തിയ ഓപ്പറേഷനിലാണ് ലഹരിസംഘം വലയിലായത്.

അന്താരാഷ്ട്ര ലഹരിക്കടത്ത് സംഘത്തിലെ 8 പേരെ എന്‍സിബി അറസ്റ്റ് ചെയ്തു

ചായപൊടി പാക്കറ്റുകളില്‍ ഒളിപ്പിച്ച 75 കോടി രൂപയുടെ ലഹരി വസ്തുക്കള്‍ പിടികൂടി

തിരുപ്പൂര്‍: തുണിവ്യാപാരത്തില്‍ നിക്ഷേപത്തിനു മികച്ച ലാഭവിഹിതം വാഗ്ദാനം ചെയ്ത് 40 ലക്ഷം രൂപയും 25 പവന്‍ ആഭരണങ്ങളും തട്ടിയെടുത്ത ദമ്പതിമാര്‍ അറസ്റ്റില്‍. ചെന്നൈ ടി. നഗര്‍ സ്വദേശികളായ സുരേഷ് (46), സെന്‍ബ്യൂല (38) എന്നിവരെയാണു തിരുപ്പൂര്‍ നോര്‍ത്ത് പോലീസ് അറസ്റ്റുചെയ്തത്. തിരുപ്പൂര്‍ മുരുകംപാളയത്തെ പഴനിയമ്മാള്‍, മകള്‍ തേന്‍മൊഴി, മകളുടെ ഭര്‍ത്താവ് നാരായണമൂര്‍ത്തി എന്നിവരില്‍ നിന്നാണു പണവും സ്വര്‍ണവും തട്ടിയെടുത്തതെന്നാണു പരാതി.
കഴിഞ്ഞ ഒരു വര്‍ഷത്തോളം പഴനിയമ്മാളുടെ അയല്‍വക്കത്തായിരുന്നു സുരേഷും കുടുംബവും താമസിച്ചിരുന്നതെന്നു പോലീസ് പറയുന്നു. തങ്ങള്‍ ചെയ്തുകൊണ്ടിരിക്കുന്ന തുണിവ്യാപാരം വിപുലീകരിക്കാന്‍ മൂലധനം വേണമെന്നു പറഞ്ഞ സുരേഷ് അതില്‍ നിക്ഷേപം നടത്താന്‍ പഴനിയമ്മാളിനെയും കുടുംബത്തെയും പ്രേരിപ്പിക്കുകയായിരുന്നെന്നും പറയുന്നു. മികച്ച ലാഭവിഹിതം നല്‍കാമെന്നും വാഗ്ദാനംചെയ്തു. ഇതില്‍ വിശ്വസിച്ചാണു പഴനിയമ്മാളുടെ കുടുംബം പണവും ആഭരണങ്ങളും നിക്ഷേപമായി കൊടുത്തത്. എന്നാല്‍ ലാഭവിഹിതം കൊടുക്കാതെ സുരേഷും ഭാര്യയും മുങ്ങുകയായിരുന്നെന്നു പരാതിയില്‍ പറയുന്നു. കൂടുതല്‍പേർ തട്ടിപ്പിനിരയായിട്ടുണ്ടോ എന്നും പോലീസ് അന്വേഷിക്കുന്നുണ്ട്.

മികച്ച ലാഭവിഹിതം നല്‍കാമെന്നു വാഗ്ദാനം ചെയ്തായിരുന്നു തട്ടിപ്പ്

തുണി വ്യാപാരത്തിന്റെ പേരിൽ തട്ടിപ്പ്; ലക്ഷങ്ങളും സ്വർണവും തട്ടിയെടുത്ത ദമ്പതികൾ അറസ്റ്റിൽ

ചെന്നൈ: പോലീസ് സംരക്ഷണം നേടാൻ സ്വന്തം വീടിന് നേരെ ബോംബെറിഞ്ഞ ഹിന്ദുമഹാസഭ നേതാവും മകനുമടക്കം മൂന്ന് പേർ അറസ്റ്റിൽ. അഖിലേന്ത്യാ ഹിന്ദുമഹാസഭയുടെ തമിഴ്നാട് ഘടകം ജനറൽ സെക്രട്ടറി പെരി സെന്തിൽ, മകൻ ചന്ദ്രു, ബോംബെറിഞ്ഞ ചെന്നൈ സ്വദേശി മാധവൻ എന്നിവരെയാണ് കള്ളക്കുറിച്ചി പോലീസ് അറസ്റ്റ് ചെയ്‌തത്.
കഴിഞ്ഞ 23നാണ് ഉളുന്തൂർപെട്ട് കേശവൻ നഗറിലെ സെന്തിലിന്റെ വീടിനു നേരെ പെട്രോൾ ബോംബ് ആക്രമണമുണ്ടായത്. സെന്തിലും ചന്ദ്രുവും സെന്തിലിന്റെ സഹോദരൻ രാജീവ് ഗാന്ധിയും ചേർന്നാണ് ബോംബെറിയാൻ പദ്ധതിയിട്ടത്. അറസ്റ്റിലായ പ്രതികളെ കോടതി റിമാൻഡ് ചെയ്തു. ഒളിവിൽപോയ രാജീവ് ഗാന്ധിക്കായി പോലീസ് അന്വേഷണം ശക്തമാക്കി.

കഴിഞ്ഞ 23നാണ് ഉളുന്തൂർപെട്ട് കേശവൻ നഗറിലെ സെന്തിലിന്റെ വീടിനു നേരെ പെട്രോൾ ബോംബ് ആക്രമണമുണ്ടായത്

പോലീസ് സംരക്ഷണം ലഭിക്കാൻ സ്വന്തം വീടിന് ബോംബെറിഞ്ഞു; അച്ഛനും മകനും ഉൾപ്പെടെ മൂന്നുപേർ അറസ്റ്റിൽ

ഉള്ളിയേരി: ചെന്നൈയിൽ ജോലി ചെയ്യുന്ന മലയാളി യുവതി ഐടി സ്ഥാപനത്തിന്റെ ആറാം നിലയിൽ നിന്ന് വീണു മരിച്ചു. കോയമ്പത്തൂരിൽ താമസിക്കുന്ന ഉള്ളിയേരി നാറാത്ത് പുതുശ്ശേരി പ്രസീതയുടെയും കുന്നംകുളം മുളക്കൽ നാഗേന്ദ്രന്റെയും ( റിയൽ എസ്റ്റേറ്റ് ബിസിനസ്) മകൾ നിവേദ (21) ആണ് മരിച്ചത്. സഹോദരി: ശ്രുതിലയ. സംസ്കാരം കോയമ്പത്തൂരിൽ നടത്തി.

മലയാളി യുവതി ഐടി സ്ഥാപനത്തിന്റെ ആറാം നിലയിൽ നിന്നാണ് വീണത്

Koyilandy

ഉള്ളിയേരി സ്വദേശി ചെന്നൈയിൽ കെട്ടിടത്തിന് മുകളിൽനിന്ന് വീണു മരിച്ചു

ചെന്നൈ : ഭാര്യയും കാമുകനും ചേര്‍ന്ന് മകനെ വിറ്റുവെന്ന പരാതിയുമായി ഭര്‍ത്താവ്. പെരമ്പല്ലൂര്‍ ജില്ലയിലെ അതിയൂരിലുള്ള ആര്‍. ശരവണനാണ് ഭാര്യ ദിവ്യയ്ക്കും കാമുകന്‍ ദിനേശിനും എതിരെ പരാതിയുമായി ജില്ലാ കളക്ടറെ സമീപിച്ചത്. ശരവണനും ദിവ്യയ്ക്കും നാല് കുട്ടികളാണുള്ളത്. ഇതില്‍ ഒരുമാസം പ്രായമുള്ള ആണ്‍കുട്ടിയെ 10,000 രൂപയ്ക്ക് വിറ്റുവെന്നാണ് ശരവണന്‍ ആരോപിക്കുന്നത്. കുട്ടിയുമായി കാമുകനൊപ്പം പോയ ദിവ്യ വി. കാളത്തൂര്‍ എന്ന സ്ഥലത്തുള്ള കുടുംബത്തിന് കുട്ടിയെ വിറ്റുവെന്നാണ് പരാതിയില്‍ പറയുന്നത്.
ദിനേശിനൊപ്പം കുട്ടിയുമായി ദിവ്യ പോയതിന് ശേഷം മറ്റ് മൂന്ന് കുട്ടികള്‍ ശരവണന്റെ അമ്മയ്ക്ക് ഒപ്പമായിരുന്നു കഴിഞ്ഞത്. കഴിഞ്ഞദിവസം ദിനേശ് ഇവിടെയെത്തി രണ്ട് കുട്ടികളെ പിടിച്ചുകൊണ്ടു പോയി. ഇവരെയും വില്‍ക്കാനാണ് പദ്ധതിയെന്നും ശരവണന്‍ ആരോപിച്ചു. ഇയാളുടെ പരാതി കളക്ടര്‍ പോലീസിന് കൈമാറിയിട്ടുണ്ട്.

ഒരുമാസം പ്രായമുള്ള ആണ്‍കുട്ടിയെ 10,000 രൂപയ്ക്ക് വിറ്റുവെന്നാണ് പരാതി

ഭാര്യയും കാമുകനും ചേർന്ന് മകനെ വിറ്റുവെന്ന് ഭർത്താവിന്റെ പരാതി

ചെന്നൈ: തമിഴ്‌നാട്ടില്‍ ഭാര്യയുമായുള്ള വഴക്കിനെ തുടര്‍ന്ന് യുവാവിന്റെ പരാക്രമം. സെക്കന്‍ഡ് ഹാന്‍ഡ് ഷോറൂമിലെ ഗ്യാരേജില്‍ നിര്‍ത്തിയിട്ടിരുന്ന 20 കാറുകള്‍ യുവാവ് അടിച്ചുതകര്‍ത്തു. സംഭവത്തില്‍ 35കാരനായ ഭൂബാലനെ പോലീസ് അറസ്റ്റ് ചെയ്തു.ഭാര്യയുമായുള്ള കുടുംബപ്രശ്‌നമാണ് യുവാവിന്റെ പരാക്രമത്തിന് കാരണമെന്ന് പോലീസ് പറയുന്നു. കൊളത്തൂരിലാണ് സംഭവം.ഷോറൂം ഉടമ നല്‍കിയ പരാതിയെ തുടര്‍ന്ന് നടത്തിയ അന്വേഷണത്തിലാണ് സംഭവം പുറത്തുവന്നത്. തിങ്കളാഴ്ച രാവിലെ ഷോറൂമില്‍ എത്തിയപ്പോള്‍ കാറുകള്‍ ആരോ അടിച്ചുതകര്‍ത്ത നിലയില്‍ കണ്ടെത്തിയതായി കാണിച്ചാണ് ഷോറൂം ഉടമ പരാതി നല്‍കിയത്. തുടര്‍ന്ന് സിസിടിവി ദൃശ്യങ്ങളുടെ സഹായത്തോടെ നടത്തിയ അന്വേഷണം പ്രതിയിലേക്ക് എത്തുകയായിരുന്നു. ലഹരി വിമുക്ത കേന്ദ്രത്തില്‍ നിന്ന് രണ്ടു ദിവസം മുന്‍പ് പുറത്തിറങ്ങിയ ഭൂബാലന്‍ നേരെ ഗ്യാരേജിലേക്കാണ് പോയത്. തുടര്‍ന്ന് വാഹനങ്ങള്‍ അടിച്ചുതകര്‍ക്കുകയായിരുന്നുവെന്ന് പോലീസ് പറയുന്നു. ഭാര്യയെ സംശയിച്ചാണ് യുവാവിന്റെ പരാക്രമമെന്നും പോലീസ് പറയുന്നു.

സെക്കന്‍ഡ് ഹാന്‍ഡ് ഷോറൂമിലെ ഗ്യാരേജില്‍ നിര്‍ത്തിയിട്ടിരുന്ന  20 കാറുകള്‍ യുവാവ് അടിച്ചുതകര്‍ത്തു

ഭാര്യയുമായി വഴക്കിട്ട യുവാവ് 20 കാറുകള്‍ അടിച്ചുതകര്‍ത്തു

ചെന്നൈ: ശബരിമല തീർത്ഥാടകർ സഞ്ചരിച്ച കാർ ഡിവൈഡറിൽ ഇടിച്ച് മറിഞ്ഞു മൂന്ന് പേർ മരിച്ചു. തെലങ്കാന സ്വദേശികളാണ് മരിച്ചത്. ശബരിമല ദർശത്തിന് ശേഷം നാട്ടിലേക്ക് മടങ്ങിപ്പോകുന്നതിനിടെയാണ് അപകടം. അപകടത്തിൽ രണ്ട് പേർ പരിക്കുകളോടെ രക്ഷപ്പെട്ടു.തമിഴ്‌നാട് തേനിയിലെ ദേവദാനപ്പെട്ടിയിൽ വെച്ചാണ് അപകടം. ഇവർ സഞ്ചരിച്ച കാർ ഡിവൈഡറിൽ തട്ടി മറിയുകയായിരുന്നു എന്ന് പോലീസ് അറിയിച്ചു.&nbsp;

തെലങ്കാന സ്വദേശികളാണ് മരിച്ചത്

തേനിയില്‍ വാഹനാപകടം: മൂന്ന് തീര്‍ഥാടകര്‍ മരിച്ചു

ചെന്നൈ: കിൽപ്പോക്ക് മെഡിക്കൽ കോളജിൽ നവജാത ശിശുവിന്റെ മൃതദേഹം കാർഡ്ബോർഡ് പെട്ടിക്കുള്ളിൽ കൊടുത്തയച്ച മോർച്ചറി ജീവനക്കാരനെ സസ്പെൻഡ് ചെയ്തു. സംഭവം വിവാദമായതോടെ നടത്തിയ പ്രാഥമിക അന്വേഷണത്തിനു പിന്നാലെയാണ് മോർച്ചറി അസിസ്റ്റന്റ് പനീർസെൽവത്തെ സസ്പെൻഡ് ചെയ്തത്. മൃതദേഹം വിട്ടുനൽകുന്നതിൽ വീഴ്ച വരുത്തിയെന്ന പരാതി അന്വേഷിക്കാൻ 3 പ്രഫസർമാരുടെ സമിതി രൂപീകരിച്ചു. ഇനിയൊരു ഉത്തരവ് ഉണ്ടാകുന്നത് വരെ പനീർസെൽവത്തെ ജോലിയിൽ പ്രവേശിപ്പിക്കില്ലെന്ന് ആശുപത്രി അധികൃതർ അറിയിച്ചു.
പുളിയന്തോപ്പ് സ്വദേശികളായ മസൂദ്-സൗമ്യ ദമ്പതികളുടെ കുഞ്ഞാണ് മരിച്ചത്. പ്രളയം രൂക്ഷമായ 5നു സൗമ്യയ്ക്കു പ്രസവവേദനയുണ്ടായി. എന്നാൽ, സൗമ്യയെ കൃത്യസമയത്ത് ആശുപത്രിയിൽ എത്തിക്കാൻ കഴിഞ്ഞില്ല. സൈക്കിൾറിക്ഷയിൽ അടുത്തുള്ള ആശുപത്രിയിലെത്തിച്ചെങ്കിലും വെള്ളം കയറിയതിനാൽ ആശുപത്രി അടച്ചിരുന്നു. ഒടുവി‍ൽ ആംബുലൻസിൽ കിൽപ്പോക്ക് ആശുപത്രിയിലെത്തിച്ചെങ്കിലും കുഞ്ഞിനെ രക്ഷിക്കാനായില്ല. ആശുപത്രിയിലെ മോർച്ചറി ജീവനക്കാർ കുട്ടിയെ സംസ്കരിക്കാൻ 2500 രൂപ നൽകണമെന്ന് ആവശ്യപ്പെട്ടു. പണമില്ലെന്ന് അറിയിച്ചതോടെ മൃതദേഹം കൊണ്ടുപോകാൻ ജീവനക്കാർ കുട്ടിയുടെ പിതാവിനോട് പറഞ്ഞു. 4 ദിവസത്തോളം മൃതദേഹം കിൽപ്പോക്കിലെ മോർച്ചറിയിൽ സൂക്ഷിച്ചു. തുടർന്ന് തമിഴ്‌നാട് മുസ്‌ലിം മുന്നേറ്റ കഴകം (ടിഎംഎംകെ) കുട്ടിയുടെ മൃതദേഹം സംസ്കരിക്കാൻ മുന്നോട്ടു വന്നു. എന്നാൽ, 10ന് ആശുപത്രിയിലെത്തിയപ്പോൾ മൃതദേഹം കാർഡ് ബോർഡ് പെട്ടിയിലിട്ട് കൊടുത്തയയ്ക്കുകയായിരുന്നു.

പുളിയന്തോപ്പ് സ്വദേശികളായ മസൂദ്-സൗമ്യ ദമ്പതികളുടെ കുഞ്ഞാണ് മരിച്ചത്

നവജാത ശിശുവിന്റെ മൃതദേഹം കാർഡ്ബോർഡ് ബോക്സിൽ കൊടുത്തയച്ച മോർച്ചറി ജീവനക്കാരന് സസ്‌പെൻഷൻ

ചെന്നൈ മിഗ്ജോം ചുഴലിക്കാറ്റിനെ തുടർന്നുണ്ടായ വെള്ളപ്പൊക്കത്തിൽ നടൻ രജനികാന്തിന്റെ വസതിയായ പോയസ് ഗാർഡന്റെ പരിസരത്തും വെള്ളം കയറിയതായി റിപ്പോർട്ട്. വെള്ളപ്പൊക്കത്തിൽ രജനികാന്തിന്റെ വീടിന് നാശനഷ്ടമുണ്ടായെന്നാണ് വിവരം. നടന്റെ വീടിന് മുന്നിലെ വെള്ളക്കെട്ടിന്റെ വിഡിയോ സോഷ്യൽ മീഡിയയിൽ വൈറലാണ്. വെള്ളം കെട്ടിക്കിടക്കുന്നതിനാൽ പ്രദേശത്തെ ഗതാഗതം ദുഷ്‌കരണെന്നും റിപ്പോർട്ടുണ്ട്. 'തലൈവർ 170'ന്റെ ചിത്രീകരണവുമായി ബന്ധപ്പെട്ട് തിരുനെൽവേലിയിലാണ് നിലവിൽ രജനിയുള്ളത്. ചെന്നൈയിലെ പ്രളയബാധിതർക്ക് രജനികാന്ത് 10 കോടി രൂപ സംഭാവന ചെയ്തിരുന്നു. മുഖ്യമന്ത്രിയുടെ ദുരിതാശ്വാസ നിധിയിലേക്കാണ് അദ്ദേഹം സംഭാവന നൽകിയത്. ഷാറൂഖ് ഖാൻ ഒരു കോടി രൂപ സംഭാവന ചെയ്തിരുന്നു. നടൻ സൂര്യയും സഹോദരൻ കാർത്തിയും ആദ്യഗഡുവായി 10 ലക്ഷം രൂപ നൽകിയിരുന്നു.
ചെന്നൈയിലെ പ്രളയത്തിൽ ബോളിവുഡ് താരം ആമിർ ഖാനും നടൻ വിഷ്ണു വിശാലും കുടുങ്ങിയിരുന്നു. ഫയർ ആൻഡ് റസ്ക്യൂ വിഭാഗമെത്തിയാണ് താരങ്ങളെ സുരക്ഷിത സ്ഥലങ്ങളിലേക്ക് മാറ്റിയത്. തമിഴ് നടൻ അജിത് കുമാറിൽ നിന്നും ആമിറിന് സഹായം ലഭിച്ചതായാണ് റിപ്പോർട്ട്. മാതാവിന്റെ ചികിത്സക്കായാണ് ആമിർ ചെന്നൈയിലെത്തിയത്. പിന്നീട് തങ്ങളെ സഹായിച്ച ഫയർ ആൻഡ് റെസ്ക്യൂ ഡിപ്പാർട്ട്മെന്റിന് നന്ദി അറിയിച്ച് വിഷ്ണു വിശാൽ രംഗത്തെത്തിയിരുന്നു.&nbsp;

നടന്റെ വീടിന് മുന്നിലെ വെള്ളക്കെട്ടിന്റെ വിഡിയോ സോഷ്യൽ മീഡിയയിൽ വൈറലാണ്

ചെന്നൈ മഴ; നടൻ രജനികാന്തിന്റെ വീടും വെള്ളത്തിൽ

ചെന്നൈയിൽ മിഗ്ജോം ചുഴലിക്കാറ്റിനെ തുടർന്നുണ്ടായ വെള്ളപ്പൊക്കത്തിൽ വീട്ടിനുള്ളിൽ കുടുങ്ങിയതായി നടി കനിഹ. പുറത്തിറങ്ങാൻ കഴിയില്ലെന്നും ഇവിടെ നിന്ന് രക്ഷപ്പെടുത്തുക മാത്രമേ വഴിയുളളൂവെന്നും നടി വീടിന് പരിസരത്തുളള ദൃശ്യങ്ങൾക്കൊപ്പം ഇൻസ്റ്റഗ്രാം സ്റ്റോറിയായി കുറിച്ചു. കഴിഞ്ഞ ദിവസം അതിശക്തമായ കാറ്റിന്‍റേയും മഴയുടെയും ദൃശ്യങ്ങൾ നടി പങ്കുവെച്ചിരുന്നു. മിഗ്ജോം ചുഴലിക്കാറ്റിനെ തുടർന്ന് ചെന്നൈയിലുണ്ടായ വെള്ളപ്പൊക്കത്തിന്റെ ദൃശ്യങ്ങൾ നടൻ റഹ്മാനും സോഷ്യൽ മീഡിയയിൽ പോസ്റ്റ് ചെയ്തിരുന്നു. പാർക്ക് ചെയ്തിരുന്ന കാറുകൾ ഒഴുകിപോകുന്നതിന്റെ വിഡിയോയാണ് നടൻ ഇൻസ്റ്റഗ്രാമിൽ പങ്കുവെച്ചത്.

പുറത്തിറങ്ങാൻ കഴിയില്ലെന്നും ഇവിടെ നിന്ന് രക്ഷപ്പെടുത്തുക മാത്രമേ വഴിയുളളൂവെന്നും നടി വീടിന് പരിസരത്തുളള ദൃശ്യങ്ങൾക്കൊപ്പം ഇൻസ്റ്റഗ്രാം സ്റ്റോറിയായി കുറിച്ചു

വെള്ളപ്പൊക്കത്തിൽ വീട്ടിനുള്ളിൽ കുടുങ്ങിയതായി നടി കനിഹ

ചെന്നൈ: മിഗ്ജൗം തീവ്രചുഴലിക്കാറ്റായി ആന്ധ്രാപ്രദേശിലേക്ക് അടുക്കുന്നു. മച്ചിലിപട്ടണത്തും ബാപ്ടയിലും കാറ്റും മഴയും.110 കിലോമീറ്റർ വേഗതയിൽ കര തൊടാൻ സാധ്യത. അതേസമയം കനത്ത മഴയ്ക്ക് കുറവുണ്ടെങ്കിലും ചെന്നൈ നഗരം വെള്ളക്കെട്ടിലാണ്. നാല് ജില്ലകളിൽ ഇന്നും പൊതു അവധി പ്രഖ്യാപിച്ചിട്ടുണ്ട്.വിമാന,മെട്രോ സര്‍വീസുകള്‍ പുനസ്ഥാപിച്ചു. ചെന്നൈ വിമാനത്താവളത്തിലെ റണ്‍വെ വെള്ളത്തിനടിയിലായത് മൂലം യാത്രക്കാരും ബുദ്ധിമുട്ടി. ചൊവ്വാഴ്ച രാവിലെ 9 മണിവരെ ഫ്ലൈറ്റുകളൊന്നും ലഭ്യമായിരുന്നില്ല. ഇന്നലെ രാത്രിയോടെ മഴയുടെ തീവ്രത നേരിയ തോതിൽ കുറഞ്ഞെങ്കിലും ചെന്നൈ, കാഞ്ചീപുരം, തിരുവള്ളൂർ, ചെങ്കൽപട്ട് ജില്ലകളിൽ തിങ്കൾ, ചൊവ്വ ദിവസങ്ങളിൽ തമിഴ്‌നാട് സർക്കാർ പൊതു അവധി പ്രഖ്യാപിച്ചിട്ടുണ്ട്കഴിഞ്ഞ 24 മണിക്കൂറിനുള്ളിൽ ചെന്നൈയിലെ പെരുങ്കുടിയിൽ 29 സെന്‍റിമീറ്ററും തിരുവള്ളൂർ ജില്ലയിലെ ആവഡിയിൽ 28 സെന്‍റിമീറ്ററും ചെങ്കൽപേട്ടിലെ മാമല്ലപുരത്ത് 22 സെന്‍റിമീറ്ററും മഴ പെയ്തു.അടുത്ത മൂന്ന് മണിക്കൂറിനുള്ളില്‍ തമിഴ്‌നാട്ടിലെ ചെന്നൈ, തിരുവള്ളൂർ, ചെങ്കൽപട്ട്, കാഞ്ചീപുരം, റാണിപ്പേട്ട്, വെല്ലൂർ, തിരുപ്പത്തൂർ, തിരുവണ്ണാമലൈ, വില്ലുപുരം, കന്യാകുമാരി ജില്ലകളിൽ നേരിയ ഇടിമിന്നലോട് കൂടിയ മഴയ്‌ക്ക് സാധ്യതയുണ്ടെന്ന് ഐഎംഡി മുന്നറിയിപ്പ് നൽകി.

നാല് ജില്ലകളിൽ ഇന്നും പൊതു അവധി പ്രഖ്യാപിച്ചിട്ടുണ്ട്

ചെന്നൈയിൽ കനത്ത മഴയ്ക്ക് ശമനം; വിമാന,മെട്രോ സര്‍വീസുകള്‍ പുനസ്ഥാപിച്ചു

ചെന്നൈ: കനത്തമഴയെ തുടര്‍ന്ന് ചെന്നൈ ബേസിന്‍ ബ്രിഡ്ജിനും വ്യാസര്‍പടിക്കും ഇടയിലെ പാലത്തില്‍ വെള്ളം ഉയര്‍ന്നതിനാല്‍ കേരളത്തിലേക്ക് ഉള്‍പ്പെടെയുള്ള പല ട്രെയിനുകളും റദ്ദാക്കി. തിങ്കളാഴ്ച ചെന്നൈ സെന്‍ട്രല്‍ സ്‌റ്റേഷനില്‍നിന്ന് പുറപ്പെടേണ്ടിയിരുന്ന വെസ്റ്റ്‌കോസ്റ്റ് എക്‌സ്പ്രസ്, ചെന്നൈ തിരുവനന്തപുരം എക്‌സ്പ്രസ്, തിരുവനന്തപുരം മെയില്‍ സൂപ്പര്‍ഫാസ്റ്റ് എക്‌സ്പ്രസ് എന്നിവയടക്കമുള്ള ട്രെയിനുകളാണ് പൂര്‍ണമായും റദ്ദാക്കിയത്. തിങ്കളാഴ്ച രാത്രി കൊല്ലത്തുനിന്ന് പുറപ്പെടേണ്ടിയിരുന്ന ചെന്നൈ എഗ്മോര്‍ എക്‌സ്പ്രസും റദ്ദാക്കിയിട്ടുണ്ട്.
ചെന്നൈയില്‍നിന്ന് പുറപ്പെടേണ്ടതും ചെന്നൈയിലേക്ക് വരുന്നതുമായ മറ്റുചില ട്രെയിനുകള്‍ ഭാഗികമായും റദ്ദാക്കിയിട്ടുണ്ട്. ചില സര്‍വീസുകള്‍ മറ്റുട്രെയിനുകളുടെ റേക്ക് ഉപയോഗിച്ച് കാട്പാഡി, ആരക്കോണം, ചെങ്കല്‍പേട്ട് എന്നിവിടങ്ങളില്‍നിന്നും സര്‍വീസ് നടത്തും.

കനത്തമഴ: ചെന്നൈയിൽനിന്നുള്ള കൂടുതല്‍ ട്രെയിനുകൾ റദ്ദാക്കി

ചെന്നൈ: രാഷ്ട്രീയ നേതാവും നടനുമായ വിജയകാന്തിന്റെ ആരോഗ്യനില തൃപ്തികരം അല്ലെന്ന് മെഡിക്കൽ ബുള്ളറ്റിൻ. ചെന്നൈയിലെ സ്വകാര്യ ആശുപത്രിയിൽ ആണ് അദ്ദേഹം ഇപ്പോഴുള്ളത്. വിജയകാന്തിന് ശ്വാസകോശ ബുദ്ധിമുട്ടികൾ തുടരുകയാണെന്നും രണ്ടഴ്ച കൂടി എങ്കിലും ആശുപത്രിയിൽ തുടരേണ്ടി വരുമെന്നും മെഡിക്കൽ ബുള്ളറ്റിനിൽ വ്യക്തമാക്കുന്നു.&nbsp;
നവംബർ ഇരുപതിനാണ് വിജയകാന്ത് ആശുപത്രിയിൽ ചികിത്സയിൽ ആണെന്ന വിവരം പുറത്തുവരുന്നത്. അന്ന് വിജയകാന്ത് വെന്റിലേറ്ററിന്റെ സഹായത്തോടെയാണ് നിലവില്‍ ആശുപത്രിയില്‍ കഴിയുന്നത് എന്ന റിപ്പോര്‍ട്ട് അദ്ദേഹത്തിന്റെ പാര്‍ട്ടിയായ ഡിഎംഡികെ തള്ളിയിരുന്നു. വൈകാതെ ഡിസ്‍ചാര്‍ജ് ചെയ്യുമെന്നും അറിയിച്ചിരുന്നതാണ്.&nbsp;
ഇനിക്കും ഇളമൈ എന്ന സിനിമയിലൂടെ ആണ് വിജയകാന്ത് വെള്ളിത്തിരയില്‍ എത്തുന്നത്. വില്ലനായി വേഷമിട്ട അദ്ദേഹം സട്ടം ഒരു ഇരുട്ടറൈ എന്ന സിനിമയിലൂടെ നടനായി. ഒടുവില്‍ ക്യാപ്റ്റന്‍ എന്ന പേരിലും വിജയകാന്ത് സിനിമാ ലോകത്ത് അറിയപ്പട്ടു. ഹിന്ദിയിലും മലയാളത്തിലുമടക്കം വിജയകാന്ത് നായകനായ സിനിമകള്‍ റീമേക്ക് ചെയ്യപ്പെട്ടിരുന്നു. ഹോണസ്റ്റ് രാജ്, തമിഴ്‍ സെല്‍വൻ, വല്ലരശ്, ത്യാഗം, പേരരശ്, വിശ്വനാഥൻ രാമമൂര്‍ത്തി, സിമ്മസനം, രാജ്യം, ദേവൻ, രാമണ, തെന്നവൻ, സുദേശി,ധര്‍മപുരി, ശബരി, അരശങ്കം, എങ്കള്‍ അണ്ണ തുടങ്ങി നിരവധി സിനിമകളില്‍ അദ്ദേഹം ശ്രദ്ധേയ വേഷങ്ങള്‍ ചെയ്തു.&nbsp;

ചെന്നൈയിലെ സ്വകാര്യ ആശുപത്രിയിൽ ആണ് അദ്ദേഹം ഇപ്പോഴുള്ളത്

നടൻ വിജയകാന്തിന്റെ ആരോഗ്യനില തൃപ്തികരമല്ലെന്ന് മെഡിക്കൽ ബുള്ളറ്റിൻ

ചെന്നൈ: സൗഹൃദം ഉപേക്ഷിച്ചെന്ന പേരിൽ കോളജ് ബസിനുള്ളിൽ വിദ്യാർഥി സഹപാഠിയുടെ കഴുത്തു മുറിച്ചു. കരൂരിലെ സ്വകാര്യ കോളജിൽ 3–ാം വർഷ ബിരുദ വിദ്യാർഥിയായ കുഴിത്തല മുസിരി സ്വദേശി നിതീഷ് കുമാറിനെയാണ് സഹപാഠി ആക്രമിച്ചത്. നിതീഷിനെ തിരുച്ചിറപ്പള്ളി ഗവ. ആശുപത്രിയിലെ തീവ്ര പരിചരണ വിഭാഗത്തിൽ പ്രവേശിപ്പിച്ചു. സംഭവത്തിൽ പ്രതിയായ എംബിഎ വിദ്യാർഥി അണ്ണാമലൈയെ കുഴിത്തല പോലീസ് അറസ്റ്റ് ചെയ്തു.&nbsp;&nbsp;
സുഹൃത്തുക്കളായ നിതീഷ് കുമാറും അണ്ണാമലൈയും ഒരേ ബസിൽ അടുത്തടുത്ത സീറ്റിലിരുന്നാണ് കോളജിൽ പോയിരുന്നതെന്ന് പോലീസ് പറഞ്ഞു. ഏതാനും ദിവസം മുൻപ് നിതീഷ് അണ്ണാമലൈയോടു സംസാരിക്കുന്നത് നിർത്തുകയും ബസിൽ അടുത്തുള്ള സീറ്റിൽ ഇരിക്കുന്നത് അവസാനിപ്പിക്കുകയും ചെയ്തിരുന്നു. ഇതേത്തുടർന്നുള്ള വൈരാഗ്യമാണ് ആക്രമണത്തിലേക്കു നയിച്ചതെന്നാണ് അണ്ണാമലൈയുടെ കുറ്റസമ്മതം. തിങ്കളാഴ്ച രാവിലെ കോളജിലേക്കു യാത്ര ചെയ്യുന്നതിനിടെ നിതീഷിന്റെ അടുത്തെത്തിയ അണ്ണാമലൈ, കയ്യിൽ കരുതിയ കത്തിയുപയോഗിച്ച്, സുഹൃത്തിന്റെ കഴുത്തിൽ മുറിവേൽപ്പിക്കുകയായിരുന്നു. സംഭവം ശ്രദ്ധയിൽപ്പെട്ട ഡ്രൈവർ, ബസ് കുഴിത്തല ഗവ. ആശുപത്രിയിലേക്കു വിടുകയും നിതീഷിനെ അവിടെ പ്രവേശിപ്പിക്കുകയും ചെയ്തു. വിദ്യാർഥിയെ പിന്നീട് വിദഗ്ധ ചികിത്സയ്ക്കായി തിരുച്ചിറപ്പള്ളി ഗവ. ആശുപത്രിയിലേക്കു മാറ്റി.

കോളജ് ബസിനുള്ളിൽ വിദ്യാർഥി സഹപാഠിയുടെ കഴുത്തു മുറിച്ചു

സൗഹൃദം ഉപേക്ഷിച്ചു; സഹപാഠിയുടെ കഴുത്ത് മുറിച്ച് വിദ്യാർത്ഥി

ചെന്നൈ: തഞ്ചാവൂരിൽ വ്യാജ മരുന്നു കഴിച്ചു മരിച്ച യുവാവിന്റെ മൃതദേഹം സിദ്ധവൈദ്യൻ കഷ്ണങ്ങളാക്കി വെട്ടിമുറിച്ച് കുഴിച്ചു മൂടി. പോലീസ് നടത്തിയ പരിശോധനയിൽ ഇയാളുടെ വീടിന്റെ പരിസരത്തു നിന്ന് ഇരുപതോളം അസ്ഥികൾ കണ്ടെത്തി. കുംഭകോണത്തിനടുത്തുള്ള ചോളപുരം സ്വദേശി അശോക്‌രാജ് (27) ആണു കൊല്ലപ്പെട്ടത്. വ്യാജ സിദ്ധ വൈദ്യൻ കേശവമൂർത്തി (47) പിടിയിലായി.&nbsp;
ചെന്നൈയിൽ ഡ്രൈവറായി ജോലി ചെയ്തു വരികയായിരുന്നു അശോക്‌രാജ്. ദീപാവലിക്കു ശേഷം ചെന്നൈയിലേക്കു മടങ്ങുകയാണെന്നു പറഞ്ഞ അശോക്‌രാജിനെക്കുറിച്ചു വിവരങ്ങളില്ലാതായതിനെ തുടർന്ന് മുത്തശ്ശി പത്മിനി ചോളപുരം പോലീസിൽ പരാതി നൽകി. നിരീക്ഷണ ക്യാമറ പരിശോധിച്ചപ്പോൾ അശോക്, കേശവമൂർത്തിയുടെ വീട്ടിലെത്തിയതായി കണ്ടെത്തി. കേശവമൂർത്തിയെ പോലീസ് ചോദ്യം ചെയ്തതോടെയാണു വിവരങ്ങൾ പുറത്തായത്.&nbsp;

പരിശോധനയിൽ ഇയാളുടെ വീടിന്റെ പരിസരത്തു നിന്ന് ഇരുപതോളം അസ്ഥികൾ കണ്ടെത്തി

വ്യാജ മരുന്നു കഴിച്ചു മരിച്ച യുവാവിന്റെ മൃതദേഹം സിദ്ധവൈദ്യൻ വെട്ടിമുറിച്ച് കുഴിച്ചു മൂടി

ചെന്നൈ: സ്ത്രീവിരുദ്ധ പരാമര്‍ശത്തില്‍ നടന്‍ മന്‍സൂര്‍ അലി ഖാൻറെ മാപ്പിനോട് പ്രതികരിച്ച് തൃഷ. തെറ്റ് മനുഷ്യ സഹജമെന്നും മാപ്പ് നൽകുന്നത് ദൈവീകമാണെന്നും അവർ ട്വിറ്ററിൽ കുറിച്ചു. എന്നാൽ ട്വീറ്റിൽ മൻസൂർ അലിഖാൻറെ പേര് താരം പരാമർശിച്ചിട്ടില്ല. മാപ്പ് പറയില്ലെന്ന് നിലപാടിലായിരുന്നു മൻസൂർ അലിഖാൻ. അതിനിടയിൽ വെള്ളിയാഴ്ച ചെന്നൈ പ്രിൻസിപ്പൽ സെഷൻസ് കോടതി താരം സമർപ്പിച്ച മുൻകൂർ ജാമ്യാപേക്ഷ തള്ളിയിരുന്നു. ഇതിന് പിന്നാലെയാണ് മാപ്പപേക്ഷയുമായി മൻസൂർ അലിഖാൻ എത്തിയത്. താരത്തിൻറെ പ്രസ്താവനക്കെതിരെ വലിയ രീതിയിലുള്ള പ്രതികരണമാണ് സിനിമ ലോകത്ത് നിന്നും ഉയർന്നത്. നേരത്തെ ഖുശ്ബു, റോജ, എന്നിവരെ കുറിച്ചും താരം ചില പരാമർശങ്ങൾ നടത്തിയിരുന്നു.

തെറ്റ് മനുഷ്യ സഹജമെന്നും മാപ്പ് നൽകുന്നത് ദൈവീകമാണെന്നും അവർ ട്വിറ്ററിൽ കുറിച്ചു

സ്ത്രീവിരുദ്ധ പരാമര്‍ശത്തില്‍ നടന്‍ മന്‍സൂര്‍ അലി ഖാൻ മാപ്പ് പറഞ്ഞതിൽ പ്രതികരിച്ച് തൃഷ

ചെന്നൈ: കള്ളപ്പണം വെളുപ്പിച്ചതിന് തിരുച്ചിറപ്പള്ളി ആസ്ഥാനമായുള്ള പ്രണവ് ജ്വല്ലറിക്കെതിരായ കേസിൽ നടൻ പ്രകാശ് രാജിന് ഇ.ഡി നോട്ടീസ്. ജ്വല്ലറിയുടെ ബ്രാൻഡ് അംബാസഡറായ നടനോട് അടുത്തയാഴ്ച ചെന്നൈയിലെ ഓഫിസിൽ ചോദ്യം ചെയ്യലിന് ഹാജരാകാനാണ് ആവശ്യപ്പെട്ടിരിക്കുന്നത്. ജ്വല്ലറിയിൽ നിന്നു കണക്കിൽപെടാത്ത 23.7 ലക്ഷം രൂപയും 11.6 കിലോ സ്വർണവും ഇ.ഡി പിടിച്ചെടുത്തിരുന്നു.&nbsp;
സ്വർണ നിക്ഷേപ പദ്ധതിയിലൂ‍ടെ 100 കോടിയോളം രൂപയുടെ തട്ടിപ്പു നടത്തിയതിന് ജ്വല്ലറിക്കെതിരെ തമിഴ്നാട് പോലീസിന്റെ സാമ്പത്തിക കുറ്റകൃത്യ വിഭാഗം നേരത്തേ കേസെടുത്തിരുന്നു. കഴിഞ്ഞ ഒക്ടോബറിൽ മുഴുവൻ ശാഖകളും പൂട്ടി ഉടമകൾ മുങ്ങിയതോടെയാണ് തട്ടിപ്പ് പുറത്തായത്. ഉടമകൾക്കെതിരെ സാമ്പത്തിക കുറ്റകൃത്യ വിഭാഗം തിരച്ചിൽ നോട്ടിസ് പുറപ്പെടുവിച്ചിട്ടുണ്ട്.

കള്ളപ്പണം വെളുപ്പിച്ചതിന് തിരുച്ചിറപ്പള്ളി ആസ്ഥാനമായുള്ള പ്രണവ് ജ്വല്ലറിക്കെതിരായ കേസിൽ നടൻ പ്രകാശ് രാജിന് ഇ.ഡി നോട്ടീസ്

നടൻ പ്രകാശ് രാജിന് ഇ.ഡി നോട്ടീസ്

ചെന്നൈ: തിരുവള്ളൂരിനു സമീപം വേപ്പംപെട്ടിൽ പാളം മുറിച്ചുകടക്കുന്നതിനിടെ ട്രെയിനിടിച്ച് പിതാവും രണ്ടും പെൺമക്കളും മരിച്ചു. ‍ഞായറാഴ്ച രാവിലെയുണ്ടായ അപകടത്തിൽ, പെരുമാൾപെട്ട് സ്വദേശി മനോഹരൻ (51), മക്കളായ ധരണി (18), ദേവദർശിനി (17) എന്നിവരാണ് മരിച്ചത്. ആശുപത്രിയിലുള്ള ബന്ധുവിനെ സന്ദർശിക്കാൻ പോകുന്നതിനായി പാളം മുറിച്ചുകടക്കുമ്പോൾ എക്സ്പ്രസ് ട്രെയിൻ ഇവരെ ഇടിച്ചു തെറിപ്പിക്കുകയായിരുന്നു. മൂന്നുപേരും സംഭവസ്ഥലത്തു തന്നെ മരിച്ചു.
സംഭവത്തിൽ പ്രതിഷേധിച്ചും പാതിയിൽ നിർത്തിവച്ചിരിക്കുന്ന മേൽപാലത്തിന്റെ നിർമാണം പൂർത്തിയാക്കണമെന്ന് ആവശ്യപ്പെട്ടും പ്രദേശവാസികളുടെ നേതൃത്വത്തിൽ ചെന്നൈ – തിരുപ്പതി ഹൈറോഡിൽ (സിടിഎച്ച് റോഡ്) ഉപരോധ സമരം നടത്തി. പോലീസും ജില്ലാ ഭരണാധികാരികളും നടത്തിയ ചർച്ചയിൽ, പാളത്തിനു കുറുകെ കടക്കുന്നതിനു ബദൽ മാർഗങ്ങൾ ഏർപ്പെടുത്താമെന്ന ഉറപ്പുനൽകിയതിനെ തുടർന്നാണ് ഉപരോധം അവസാനിപ്പിച്ചത്. ഉപരോധ സമരത്തെ തുടർന്ന് സിടിഎച്ച് റോഡിൽ 2 മണിക്കൂറോളം ഗതാഗതം മുടങ്ങി.
പെരുമാൾപെട്ട് ഭാഗത്തു നിന്ന് വരുന്നവർ വേപ്പംപെട്ട് റെയിൽവേ സ്റ്റേഷനോടു ചേർന്ന് പാളത്തിനു കുറുകെ കടന്നാണ് സിടിഎച്ച് റോഡിലേക്ക് എത്തുന്നത്. ഇരുഭാഗത്തുമുള്ള ജനങ്ങളുടെ ആവശ്യം പരിഗണിച്ച് മേൽപാലം നിർമിക്കാൻ ആരംഭിച്ചെങ്കിലും നിയമപ്രശ്നങ്ങളെ തുടർന്ന് നിർത്തിവയ്ക്കുകയായിരുന്നു. സമീപത്തു തന്നെ രണ്ടാമതൊരു മേൽപാലത്തിന്റെ നിർമാണം ആരംഭിച്ചതും പാതിവഴിയിൽ മുടങ്ങി. പതിറ്റാണ്ടിലേറെയായി മുടങ്ങിക്കിടക്കുന്ന മേൽപാലനിർമാണം പൂർത്തിയാക്കാൻ അടിയന്തര നടപടികൾ സ്വീകരിക്കണമെന്നാണ് പ്രദേശവാസികളുടെ ആവശ്യം.

തിരുവള്ളൂരിനു സമീപം വേപ്പംപെട്ടിൽ പാളം മുറിച്ചുകടക്കുന്നതിനിടെ ട്രെയിനിടിച്ച് പിതാവും രണ്ടും പെൺമക്കളും മരിച്ചു

റെയിൽവേ പാളം മുറിച്ചുകടക്കുന്നതിനിടെ ട്രെയിനിടിച്ച് പിതാവും രണ്ട് പെൺമക്കളും മരിച്ചു

ചെന്നൈ: ആരോഗ്യപ്രശ്നങ്ങളെത്തുടർന്ന് ഏറെനാളുകളായി വീട്ടിൽ വിശ്രമിക്കുന്ന നടനും ഡി.എം.ഡി.കെ. നേതാവുമായ വിജയകാന്ത് ആശുപത്രിയിൽ ചികിത്സ തേടി. തൊണ്ടയിലെ അണുബാധയെത്തുടർന്നാണ് ശനിയാഴ്ച വൈകീട്ട് ചെന്നൈ പോരൂരിലുള്ള സ്വകാര്യ ആശുപത്രിയിൽ പ്രവേശിപ്പിച്ചതെന്നാണ് വിവരം.
എന്നാൽ പതിവ് പരിശോധനകൾക്കാണ് ആശുപത്രിയിൽ പ്രവേശിപ്പിച്ചതെന്നും ഏതാനും ദിവസങ്ങൾക്കകം വീട്ടിൽ തിരിച്ചെത്തുമെന്നും ഡി.എം.ഡി.കെ. പുറത്തിറക്കിയ പത്രക്കുറിപ്പിൽ വിശദീകരിച്ചു.
കുറച്ചുവർഷമായി പാർട്ടിപ്രവർത്തനത്തിൽ സജീവമല്ലാത്ത വിജയകാന്ത് കഴിഞ്ഞ നിയമസഭാ തിരഞ്ഞെടുപ്പിലും പ്രചാരണത്തിന് ഇറങ്ങിയിരുന്നില്ല. വിജയകാന്തിന്റെ അഭാവത്തിൽ ഭാര്യ പ്രേമലതയാണ് പാർട്ടിയെ നയിക്കുന്നത്. ലോക്‌സഭാ തിരഞ്ഞെടുപ്പിലെ സഖ്യം സംബന്ധിച്ച് ചർച്ചകൾ നടക്കുന്നതിനിടെയാണ് വിജയകാന്തിനെ ആശുപത്രിയിൽ പ്രവേശിപ്പിച്ചിരിക്കുന്നത്.

ആരോഗ്യപ്രശ്നങ്ങളെത്തുടർന്ന് ഏറെനാളുകളായി വീട്ടിൽ വിശ്രമിക്കുന്ന നടനും ഡി.എം.ഡി.കെ. നേതാവുമായ വിജയകാന്ത് ആശുപത്രിയിൽ ചികിത്സ തേടി

നടൻ വിജയകാന്ത് ആശുപത്രിയിൽ

ഉ​മ്മു​ൽ ഖു​വൈ​ൻ: പേ​രാ​മ്പ്ര കൈ​ത​ക്ക​ൽ സ്വ​ദേ​ശി അ​ർ​ജു​ൻ ഉ​മ്മു​ൽ ഖു​വൈ​ൻ ബീ​ച്ചി​ൽ മ​ര​ണ​പ്പെ​ട്ടു. ഇ​ക്ക​ഴി​ഞ്ഞ വെ​ള്ളി​യാ​ഴ്ച വൈ​കീ​ട്ട് ഏ​ഴോ​ടെ​യാ​യി​രു​ന്നു സം​ഭ​വം. 32 വ​യ​സ്സാ​യി​രു​ന്നു. ഭാ​ര്യ​യും കൂ​ട്ടു​കാ​രു​മൊ​ന്നി​ച്ച് ബീ​ച്ചി​ൽ കു​ളി​ക്കാ​നി​റ​ങ്ങി​യ​പ്പോ​ൾ വെ​ള്ള​ത്തി​ൽ വീ​ഴു​ക​യാ​യി​രു​ന്നു.
ഭാ​ര്യ: ദ​ർ​ശ​ന. പേ​രാ​മ്പ്ര കൈ​ത​ക്ക​ൽ ക​ണി​യാ​ൻ​ക​ണ്ടി പ്രേ​മ​ൻ-​ഗീ​ത ദ​മ്പ​തി​ക​ളു​ടെ മ​ക​നാ​ണ്. ഏ​ക​സ​ഹോ​ദ​രി അ​ഞ്ജ​ന അ​യ​ർ​ല​ൻ​ഡി​ലാ​ണ്. ഉ​മ്മു​ൽ ഖു​വൈ​ൻ ഹോ​സ്പി​റ്റ​ൽ മോ​ർ​ച്ച​റി​യി​ലു​ള്ള മൃ​ത​ദേ​ഹം നാ​ട്ടി​ൽ കൊ​ണ്ടു​പോ​കാ​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ന്ന​താ​യി ബ​ന്ധു​ക്ക​ൾ അ​റി​യി​ച്ചു.

ഉ​മ്മു​ൽ ഖു​വൈ​ൻ ബീ​ച്ചി​ൽ പേരാമ്പ്ര സ്വദേശിയായ യുവാവ് മുങ്ങിമരിച്ചു

Gulf

യു.എ.ഇ : മലയാളി യുവതിയെ ദുബൈയിൽ താമസ സ്ഥലത്ത് തൂങ്ങി മരിച്ച നിലയിൽ കണ്ടെത്തി. വളയം സ്വദേശി ടി കെ ധന്യയാണ് മരിച്ചത്. അജ്മാനിലെ താമസ സ്ഥലത്താണ് ധന്യയെ മരിച്ച നിലയിൽ കണ്ടെത്തിയത്. ചൊവ്വാഴ്ചയായിരുന്നു സംഭവം.
ഭർത്താവ് വാണിമേൽ സ്വദേശി ഷാജിക്കും മകൾക്കും ഒപ്പമായിരുന്നു ദുബൈയിൽ താമസം. പിതാവ്: അശോകന്‍. മാതാവ്: രാധ. സഹോദരി: സൗമ്യ.

വളയം സ്വദേശിയായ യുവതിയെ അജ്മാനില്‍ തൂങ്ങി മരിച്ച നിലയിൽ കണ്ടെത്തി

സന: മലയാളി നഴ്‌സ് നിമിഷപ്രിയയുടെ വധശിക്ഷ നടപ്പാക്കാന്‍ യെമന്‍ പ്രസിഡന്റ് റഷാദ് അല്‍ അലീമിയുടെ അനുമതി. നിലവില്‍ യെമന്റെ തലസ്ഥാനമായ സനയിലെ ജയിലിലുള്ള നിമിഷപ്രിയയുടെ വധശിക്ഷ ഒരു മാസത്തിനകം നടപ്പാക്കിയേക്കും. കൊല്ലപ്പെട്ട യെമന്‍ പൗരന്‍ തലാല്‍ അബ്ദു മെഹ്ദിയുടെ കുടുംബമായും അദ്ദേഹമുള്‍പ്പെടുന്ന ഗോത്രത്തിന്റെ തലവന്‍മാരുമായും മാപ്പപേക്ഷയ്ക്കുള്ള ചര്‍ച്ചകള്‍ ഫലം കാണാതെ വന്നതോടെയാണ് ശിക്ഷ നടപ്പാക്കുന്നത്. ഒരു മാസത്തിനകം വധശിക്ഷ നടപ്പാക്കിയേക്കും. 2017 ജൂലൈയിലാണ് സംഭവം നടന്നത്. ഓഗസ്റ്റില്‍ നിമിഷ പ്രിയയെ പോലീസ് അറസ്റ്റും ചെയ്തു.
വധശിക്ഷ കാത്ത് കഴിയുന്ന നിമിഷ പ്രിയയെ കാണാന്‍ അമ്മ പ്രേമകുമാരി യെമനില്‍ പോയിരുന്നു. ഡല്‍ഹി ഹൈക്കോടതി അനുമതി നല്‍കിയതോടെയാണ് പ്രേമകുമാരി യെമനിലെത്തി മകളെ കണ്ടത്.വധശിക്ഷയ്‌ക്കെതിരാ നിമിഷ പ്രിയയുടെ അപ്പീല്‍ യെമന്‍ സുപ്രീം കോടതി തള്ളിയതിനെ തുടര്‍ന്ന് യമന്‍ പ്രസിഡന്റിന് ദയാഹര്‍ജി നല്‍കിയിരുന്നു. എന്നാല്‍ അതും തള്ളുകയായിരുന്നു. ദിയാധനം നല്‍കിയുള്ള ഒത്തുതീര്‍പ്പിന് നീക്കം നടത്തിയെങ്കിലും ഫലം കണ്ടില്ല.

നിമിഷപ്രിയയുടെ വധശിക്ഷ നടപ്പാക്കാന്‍ യെമന്‍ പ്രസിഡന്റ് അനുമതി നൽകി

വടകര: ജില്ലാ ആശുപത്രിക്ക് സമീപം ആച്ചംമണ്ടിയില്‍ വൈശാഖ് എ. എം (32), മിലിറ്ററി 49ാം ബറ്റാലിയന്‍) പഞ്ചാബില്‍ നിര്യാതനായി . അച്ഛന്‍; രാജു (ഓട്ടോ ഡ്രൈവര്‍). അമ്മ; അനിത. ഭാര്യ; ലിബിന. സഹോദരി; രിധു. സംസ്‌കാരം ഞായറാഴ്ച രാവിലെ 11 ന്.

വടകര ആച്ചംമണ്ടിയില്‍ വൈശാഖ് പഞ്ചാബില്‍ നിര്യാതനായി

Obituary

ഇന്ത്യയിലെ നല്ലൊരു ശതമാനം ആളുകളും ചായ പ്രേമികളാണ്. ചൂട് ചായ ജീവിതത്തിൽ വില്ലനായി മാറും എന്നു എത്ര പേർ വിശ്വസിക്കും? പുതിയ പഠനം പറയുന്നതനുസരിച്ച് ചൂട് ചായ കുടിക്കുന്നത് കാൻസറിന് വരെ കാരണമായേക്കാം.ചൂടുള്ള ചായ കുടിക്കുന്നത് അന്നനാളത്തെ ബാധിക്കുന്ന അപൂർവമായ ഒസോഫൊജിയൽ കാൻസർ വരാനുള്ള സാധ്യത വര്‍ധിപ്പിക്കുമെന്നാണ് പഠനങ്ങൾ പറയുന്നത്. ചായയിലെയോ കാപ്പിയിലേയൊ രാസ വസ്തുക്കളാണ് കാൻസർ ഉണ്ടാക്കുന്നത് എന്ന് വിചാരിച്ചാൽ തെറ്റി. അങ്ങനെയല്ല കാര്യം.ചൂടാണ് കാൻസർ ഉണ്ടാക്കുന്നത്.
ഗവേഷണ പഠനങ്ങളുടെ സമന്വയമായ മെറ്റ-അനാലിസിസുകളുടെ ഗവേഷണമാണ് ഓസോഫോഗൽ സ്‌ക്വമാസ് സെൽ കാർസിനോമ എന്ന കാൻസർ വരാൻ ചൂട് പാനീയങ്ങൾ കുടിക്കുന്നവർക്കുള്ള സാധ്യത കൂടുതലാണെന്ന് കണ്ടെത്തിയത്. ചൂട് ചായ കുടിക്കുന്നത് നാക്കിനെ പൊള്ളിക്കാറുണ്ട്. അതുപോലെ തന്നെ നമ്മുടെ അന്നനാളത്തെയും പൊള്ളിക്കും. അങ്ങനെ സ്ഥിരമായി അന്നനാളത്തിൽ പൊള്ളലേൽക്കുന്നത് കാൻസറിന് കാരണമാവുന്നു.
നമ്മൾ അമിത ചൂടുള്ള ഭക്ഷണം കഴിക്കുകയും കുടിക്കുകയും ചെയ്യുമ്പോൾ അന്നനാളത്തിലെ ആവരണം ചൂടു ആഗിരണം ചെയ്യുന്നു.അമിതമായ ചൂട് അന്നനാളത്തില്‍ പോറലേല്‍പ്പിക്കുന്നു. വീണ്ടും വീണ്ടും ചൂട് പാനീയങ്ങള്‍ കുടിക്കുന്നത് തുടരുമ്പോൾ ഈ പോറല്‍ ഉണങ്ങാതിരിക്കുകയും വീക്കമുണ്ടാക്കാനും അതിലൂടെ കോശങ്ങൾ നശിക്കുന്നതിനും ഒടുവിൽ കാൻസർ ആയി മാറുന്നതിനും കാരണമാകുന്നു.
ലോകാരോഗ്യ സംഘടനയുടെ കാൻസർ ഗവേണഷണ വിഭാഗം 65ഡിഗ്രി സെൽഷ്യസിന് മുകളിലുള്ള പാനീയങ്ങൾ കാൻസറിന് കാരണമായേക്കാം എന്ന് കണ്ടെത്തിയിട്ടുണ്ട്. ചൂടുള്ള പാനീയങ്ങള്‍ക്ക് പുറമെ പുകവലിക്കുകയും കൊഴുപ്പ് കൂടുതലുള്ള മാംസാഹാരം കഴിക്കുന്നതും അന്നനാള കാന്‍സര്‍ വരാനുള്ള സാധ്യത പത്തു മടങ്ങ് വര്‍ധിപ്പിക്കുമെന്നാണ് ഗവേഷകരുടെ കണ്ടെത്തല്‍.&nbsp;

തിളച്ച ചായ ഊതി ഊതി കുടിക്കാൻ ആണോ നിങ്ങൾക്ക് ഇഷ്ടം ;എങ്കിൽ ശ്രദ്ധിക്കണം

Health

ഒരുപാട് നേരം ടോയ്‌ലറ്റ് സീറ്റിൽ ഇരിക്കുന്നവരെ കാത്തിരിക്കുന്നത് ഗുരുതരമായ ആരോഗ്യ പ്രശ്നങ്ങളെന്ന് വിദഗ്ധർ. അർശ്ശസ്, പെൽവിക് മസിലുകളുടെ ദുർബലമാകുക തുടങ്ങിയ പ്രശ്നങ്ങളാണ് ഇത്തരക്കാരെ കാത്തിരിക്കുന്നതെന്നാണ് ആരോഗ്യ വിദഗ്ധർ മുന്നറിയിപ്പ് നൽകുന്നത്. പലരും മൊബൈൽ ഫോണും കൊണ്ടാണ് ടോയ്‌ലറ്റിലേക്ക് പോകുന്നത് തന്നെ. ഇരിക്കുന്ന സമയമത്രയും ഫോണിൽ സ്​​ക്രോൾ ചെയ്തുകൊണ്ടിരിക്കും. അത്രയും രോഗാണുക്കളെയാണ് നാം മൊബൈലിലേക്ക് ആവാഹിക്കുന്നത്.10 മിനിറ്റിലേറെ ടോയ്‍ലറ്റിൽ ചെലവഴിക്കരുതെന്നാണ് ആരോഗ്യ വിദഗ്ധരുടെ മുന്നറിയിപ്പ്.
ടോയ്‌ലറ്റ് സംബന്ധമായ പ്രശ്നങ്ങളുമായി എത്തുന്നവരിൽ കൂടുതലും ബാത്റൂമിൽ ഏറ്റവും കൂടുതൽ സമയം ചെലവഴിക്കുന്നവരാണെന്ന് ടെക്സാസിലെ ഡോ. ലായ് ക്സു പറയുന്നു. ഒരു കസേരയിൽ ഇരിക്കുന്നത് പോലെയല്ല, ടോയ്‌ലറ്റിൽ ഇരിക്കുന്നത്. ശരീരത്തിന്റെ ചില ഭാഗങ്ങൾക്ക് മാത്രമാണ് ഓവൽ ഷേപ്പിലുള്ള ടോയ്‌ലറ്റ് സീറ്റിൽ സപ്പോർട്ട് ലഭിക്കുന്നത്. മറ്റ് ഭാഗം താണുമാണ് ഇരിക്കുക. ഒരു പാട് നേരം ഇങ്ങനെ ഇരിക്കുന്നത് ശരീരത്തിന്റെ ബാലൻസ് നഷ്ടപ്പെടുത്തും. മലാശയത്തിന് സമ്മർദവുമുണ്ടാക്കും.
ടോയ്‌ലറ്റിലിരുന്ന് മൊബൈൽ ഫോൺ സ്ക്രോൾ ചെയ്യുന്നത് സമയത്തെ കുറിച്ച് പോലും ബോധമില്ലാതാക്കുമെന്ന് ന്യൂയോർക്കിലെ സ്റ്റോണി ബ്രൂക്ക് മെഡിസിനിലെ ഡയറക്ടറും അസിസ്റ്റന്റ് പ്രഫസറുമായ ഡോ. ഫറ മൻസൂർ ചൂണ്ടിക്കാട്ടി. പെൽവിക് മസിലുകളിൽ വലിയ സമ്മർദമാണ് ഒരുപാട് നേരം ടോയ്‌ലറ്റിൽ ഇരുന്നാൽ സംഭവിക്കുന്നത്. ബാത്റൂമി​ൽ പോകുന്ന സമയം കുറയ്ക്കുക, ശ്രദ്ധ തിരിക്കുന്ന കാര്യങ്ങൾ ഒഴിവാക്കുക എന്നതാണ് ഇത് തടയാനുള്ള ഒരേയൊരു കാര്യമെന്നും അവർ ചൂണ്ടിക്കാട്ടുന്നു.
ഒരിക്കലും മൊബൈലും പുസ്തകങ്ങളും മാഗസിനുകളുമായി ബാത്റൂമിൽ പോകരുത്. ഒരുപാട് നേരം ടോയ്‌ലറ്റിലിരിക്കാൻ അത് കാരണമാകും. നന്നായി വെള്ളം കുടിക്കുക, നാരുകളടങ്ങിയ ഭക്ഷണം കഴിക്കുക, എന്നിവ മലബന്ധം അകറ്റുമെന്നും ടോയ്‌ലറ്റിൽകൂടുതൽ സമയം ചെലവഴിക്കുന്നത് തടയാമെന്നും അന്താരാഷ്ട്ര ഗ്യാസ്ട്രോ എൻട്രോളജി വിദഗ്ധൻ ഡോ. ലാൻസ് ഉറദോമോ പറയുന്നു. അതുപോലെ ടോയ്‌ലറ്റിൽ കൂടുതൽ നേരം ഇരിക്കാനുള്ള പ്രവണത ആരോഗ്യ പ്രശ്നങ്ങളുടെ സൂചനയാണെന്നും ഡോക്ടർമാർ പറയുന്നു. മലബന്ധം കുടലിന് ബാധിക്കുന്ന അർബുദത്തിന്റെ സൂചനയാണെന്നും മുന്നറിയിപ്പുണ്ട്.

ഏറെ നേരം ടോയ്‌ലറ്റ് സീറ്റിൽ ഇരിക്കാറുണ്ടോ? ശീലം മാറ്റിക്കോ, കാത്തിരിക്കുന്നത് ഗുരുതരമായ ആരോഗ്യ പ്രശ്നങ്ങൾ

മണിയൂർ : എറണാകുളം ഏലൂര്‍ കുറ്റിക്കാട്ടുകരയില്‍ ബൈക്കില്‍ മിനിലോറിയിടിച്ച് മണിയൂർ സ്വദേശി ഉൾപ്പെടെ രണ്ട് പേർ മരിച്ചു. മണിയൂർ തൈവെച്ച പറമ്പത്ത് രമേശന്റെ മകൻ ആദിഷ് (21), ഇടുക്കി സ്വദേശിയായ രാഹുല്‍ രാജ്(22), എന്നിവരാണ് മരിച്ചത്. കളമശ്ശേരിയിലെ സ്വകാര്യ സ്ഥാപനത്തിലെ ജീവനക്കാരാണ് ഇരുവരും.
ഞായറാഴ്ച രാത്രി പതിനൊന്ന് മണിയോടെയാണ് അപകടമുണ്ടായത്. ജോലി കഴിഞ്ഞ് കളമശ്ശേരിയിലെ താമസസ്ഥലത്തേക്ക് പോവുകയായിരുന്ന ഇവര്‍ സഞ്ചരിച്ച ബൈക്കില്‍ മിനി ലോറിയിടിക്കുകയായിരുന്നു. ലോറിയുടെ അമിതവേഗതയാണ് അപകടത്തിനിടയാക്കിയതെന്നാണ് വിവരം. ഇരുവരും സംഭവസ്ഥലത്തുവെച്ചുതന്നെ മരണപ്പെട്ടു. ബീനയാണ് ആദിഷിന്റെ മാതാവ്. സഹോദരൻ :അനന്തു. സംസ്കാരം രാത്രി 9 മണിക്ക് വീട്ടുവളപ്പിൽ.

എറണാകുളത്ത് ബൈക്കിൽ ലോറിയിടിച്ച് മണിയൂർ സ്വദേശി ഉൾപ്പടെ രണ്ട് മരണം

മലയാളികള്‍ക്ക് ഊണിനൊപ്പം ഏറ്റവും പ്രിയപ്പെട്ട വിഭവമേതെന്ന് ചോദിച്ചാല്‍ അതിന് ഒരേയൊരു ഉത്തരമേ ഉള്ളൂ, അത് മത്സ്യമാണ്. ആരോഗ്യത്തിന് വളരെയധികം ഗുണകരമായ ഭക്ഷണമെന്നതാണ് മത്സ്യത്തിന്റെ സവിശേഷത. കൊഴുപ്പ് കുറവാണെങ്കിലും പോഷകങ്ങളും വൈറ്റമിനുകളും ധാതുക്കളും ഉള്‍പ്പെടുന്ന ഒരു കലവറയാണ് മത്സ്യം. ശരീരത്തിന് ആവശ്യമായ പ്രോട്ടീന്‍, സിങ്ക്, കാല്‍ഷ്യം എന്നിവ മത്സ്യങ്ങളില്‍ ധാരാളം അടങ്ങിയിട്ടുണ്ട്.ഭക്ഷണത്തില്‍ പതിവായി മീന്‍ ഉള്‍പ്പെടുത്തുന്നത് നിരവധി ആരോഗ്യ പ്രശ്‌നങ്ങള്‍ക്കുള്ള പരിഹാരം കൂടിയാണ്.&nbsp;
മീനില്‍ അടങ്ങിയിരിക്കുന്ന പോഷകങ്ങള്‍ ക്യാന്‍സറുമായി ബന്ധപ്പെട്ട ഹൈപ്പര്‍ലിപ്പിഡാമിയ എന്ന രോഗലക്ഷണത്തോട് പോരുതുന്നു. അതോടൊപ്പം തന്നെ ഒമേഗ 3യും വൈറ്റമിന്‍ ഡിയും ഉയര്‍ന്ന അളവില്‍ അടങ്ങിയിട്ടുള്ളതിനാല്‍ ശരീരത്തിന്റെ രോഗപ്രതിരോധ ശേഷിയേയും വര്‍ദ്ധിപ്പിക്കാന്‍ മീൻ കഴിക്കുന്നത് സഹായിക്കും.മീന്‍ വിഭവങ്ങള്‍ പതിവായി കഴിക്കുന്നതിലൂടെ അസ്ഥി രോഗങ്ങള്‍ വരാനുള്ള സാധ്യത കുറയുകയും എല്ലുകളുടെ ബലം വര്‍ദ്ധിക്കുക്കയും ചെയ്യും. മീന്‍ പതിവാക്കുന്നതിലൂടെ ജീവിതശൈലി രോഗമായ പ്രമേഹത്തില്‍ നിന്ന് രക്ഷനേടാന്‍ കഴിയും. അതോടൊപ്പം കരളിന്റെ ആരോഗ്യത്തിനും വളരെ നല്ലതാണ്. ആസ്തമ പോലെയുള്ള അസുഖങ്ങള്‍ക്കും വളരെ ഫലപ്രദമാണ്.അല്‍ഷിമേഴ്‌സ് രോഗത്തേയും വിഷാദ രോഗത്തേയും പ്രതിരോധിക്കാനും മത്സ്യം ഭക്ഷണത്തില്‍ പതിവാക്കുന്നത് സഹായിക്കും. എന്നാല്‍ ഏറ്റവും പ്രധാനമായി ശ്രദ്ധിക്കേണ്ട കാര്യം രാസ പദാര്‍ത്ഥങ്ങള്‍ ചേര്‍ക്കാത്ത മത്സ്യമാണ് കഴിക്കുന്നുവെന്ന് ഉറപ്പുവരുത്താനാണ്.&nbsp;

മീന്‍ വിഭവങ്ങള്‍ പതിവായി കഴിച്ചാൽ ഗുണങ്ങൾ ഏറെയാണ്

മസ്‌കറ്റ്: ഹൃദയാഘാതത്തെ തുടർന്ന് മലയാളി യുവാവ് ഒമാനിലെ സലാലയിൽ മരിച്ചു. തലശേരി ചിരക്കര സ്വദേശി കാടൻ കണ്ടി മുഹമ്മദ് അജ്‌മൽ ആണ് മരിച്ചത്. 26 വയസായിരുന്നു. ഹസൻ ബിൻ താബിത് റസ്റ്ററന്റിലെ ജീവനക്കാരനായിരുന്നു അജ്‌മൽ.ചൊവ്വാഴ്‌ച ഉറങ്ങാൻ കിടന്ന അജ്‌മൽ ബുധനാഴ്‌ച ഉച്ചയായിട്ടും ജോലിക്കെത്താത്തതിനെ തുടർന്ന് നടത്തിയ അന്വേഷണത്തിലാണ് മരണവിവരം അറിയുന്നത്.
&nbsp;സുഹൃത്തുക്കൾ വന്ന് നോക്കിയപ്പോൾ ബെഡിൽ മരിച്ച നിലയിൽ കണ്ടെത്തുകയായിരുന്നു. ഉടൻതന്നെ ഇവർ റോയൽ ഒമാൻ പൊലീസിനെ വിവരമറിയിച്ചു. തുടർന്ന് പൊലീസെത്തി മൃതദേഹം ആശുപത്രിയിലേക്ക് മാറ്റി. മരണം സ്ഥിരീകരിച്ചതോടെ മറ്റ് നടപടികൾ സ്വീകരിച്ചു.പിതാവ് - പരേതനായ ഉമ്മർ പുത്തൻ പുരയ്‌ക്കൽ, മാതാവ് - ഷമീറ കാടൻ കണ്ടി. അവിവാഹിതനാണ്.

ഹൃദയാഘാതം ;തലശേരി സ്വദേശിയായ യുവാവ് ഒമാനിൽ മരിച്ചു

Search Results for: pinarayivijayan