മുംബൈ: കുര്‍ളയിലെ ലോക്മാന്യ തിലക് ടെര്‍മിനസ് റെയില്‍വെ സ്‌റ്റേഷനില്‍ വന്‍തീപിടിത്തം. ഒന്നാം നമ്പര്‍ പ്ലാറ്റ്‌ഫോമിലെ ജന്‍ ആധാര്‍ കാന്റീന് സമീപം ഉച്ചയ്ക്ക് മൂന്നുമണിയോടെ ആണ് തീപിടിത്തമുണ്ടായത്. അപകടത്തിൽ ആർക്കും പരിക്കില്ല എന്നാണ് റിപ്പോർട്ട്. അ​ഗ്നിരക്ഷാ സേനയെത്തി തീ നിയന്ത്രണ വിധേയമാക്കി.24 മണിക്കൂറിനിടെ ഇത് രണ്ടാം തവണയാണ് മുംബൈയിൽ തീപിടിത്തമുണ്ടാകുന്നത്. അന്ധേരിയിൽ രാവിലെ കാറുകൾക്ക് തീപിടിച്ച് ഒരാൾക്ക് പൊള്ളലേറ്റിരുന്നു. ഫാറൂഖ് സിദ്ദീഖി എന്ന യുവാവിനാണ് പൊള്ളലേറ്റത്.

അപകടത്തിൽ ആർക്കും പരിക്കില്ല എന്നാണ് റിപ്പോർട്ട്.

National

ലോക്മാന്യ തിലക് ടെര്‍മിനസ് റെയില്‍വേ സ്‌റ്റേഷനില്‍ വന്‍തീപിടിത്തം

പത്തനംതിട്ട: ശബരിമലയിലെ തിരക്കൊഴിവാക്കാൻ സ്പോട്ട് ബുക്കിം​ഗ് 5000 ആയി നിജപ്പെടുത്തണമെന്ന് ഹൈക്കോടതിയുടെ ഉത്തരവ്. ഭക്തര്‍ക്ക് സുഗമമായ ദര്‍ശന സൗകര്യമൊരുക്കണം. ക്യൂ കോംപ്ലക്‌സില്‍ അധികം ആളുകളെ പ്രവേശിപ്പിക്കരുത്. കുട്ടികളും സ്ത്രീകളും ഉള്‍പ്പടെയുള്ളവരുടെ സുരക്ഷ പ്രധാനമാണ്. സന്നിധാനത്തെ ആള്‍ക്കൂട്ടം നിയന്ത്രിക്കണം. കെഎസ്ആർടിസി അധികം ബസുകള്‍ നല്‍കണം. ബസുകളില്‍ അധികം ആളുകളെ പ്രവേശിപ്പിക്കരുതെന്നും കോടതി നിർദേശിച്ചു.
സ്‌പോട്ട് ബുക്കിംഗില്‍ പ്രതിദിനം റിവ്യൂ നടത്തണം. സംസ്ഥാന പോലീസ് മേധാവി നേരിട്ട് ഇക്കാര്യങ്ങൾ നിരീക്ഷിക്കണമെന്നും കോടതി പറഞ്ഞു. ശബരിമലയിൽ സ്‌പോട്ട് ബുക്കിംഗ് 5,000 ആക്കണം, കൂടുതൽ ബസുകൾ നൽകണമെന്നും ഹൈക്കോടതി അറിയിച്ചു. ശബരിമലയിലെ തിരക്ക് നിയന്ത്രിക്കാൻ ഒരു ഷിഫ്റ്റില്‍ 700 പോലീസുകാരെ അധികമായി വിന്യസിച്ചിട്ടുണ്ടെന്നും മൂന്ന് ഡിവൈഎസ്പിമാര്‍ക്ക് മേല്‍നോട്ട ചുമതല നൽകിയിട്ടുണ്ടെന്നും സർക്കാർ കോടതിയെ അറിയിച്ചു.

ഭക്തര്‍ക്ക് സുഗമമായ ദര്‍ശന സൗകര്യമൊരുക്കണം

Kerala

ശബരിമലയിൽ സ്പോട്ട് ബുക്കിം​ഗ് 5000 ആയി നിജപ്പെടുത്തണമെന്ന് ഹൈക്കോടതി

ലക്‌നൗ: ഉത്തര്‍പ്രദേശില്‍ കല്യാണത്തിന് തൊട്ടുമുന്‍പ് വരന്‍ പോലീസ് കസ്റ്റഡിയില്‍. തന്നെ കല്യാണം കഴിച്ച ശേഷം വഞ്ചിച്ചതായി കാണിച്ച് കാമുകി നല്‍കിയ പരാതിയിലാണ് നടപടി. തുടര്‍ന്ന് കുടുംബങ്ങള്‍ തമ്മില്‍ നടത്തിയ ഒത്തുതീര്‍പ്പ് ചര്‍ച്ചയെ തുടര്‍ന്ന് വരന്റെ സഹോദരന്‍ വധുവിനെ കല്യാണം കഴിച്ചു. കാന്‍പൂര്‍ കന്‍ഹ ഖേദ ഗ്രാമത്തിലാണ് വേറിട്ട സംഭവം ഉണ്ടായത്. 25കാരനായ സുരേന്ദ്രയുടെ വിവാഹമാണ് നിശ്ചയിച്ചിരുന്നത്. നേവാദ ഗ്രാമത്തില്‍ നിന്നുള്ള യുവതിയുമായുള്ള വിവാഹമാണ് തീരുമാനിച്ചിരുന്നത്. വിവാഹത്തിനായി കുടുംബത്തോടൊപ്പം സുരേന്ദ്ര വധുവിന്റെ വീട്ടിലേക്ക് പോകാന്‍ ഒരുങ്ങുമ്പോഴാണ് യുവാവിനെ പോലീസ് കസ്റ്റഡിയിലെടുത്തത്. ഡിജെ ഡാന്‍സും മറ്റുമായി ഘോഷയാത്രയായി പോകാന്‍ ഒരുങ്ങുമ്പോഴാണ് നിമിഷനേരം കൊണ്ട് സന്തോഷം സങ്കടത്തിലേക്ക് വഴിമാറിയത്. തന്നെ രഹസ്യമായി വിവാഹം കഴിച്ച ശേഷം സുരേന്ദ്ര ചതിച്ചു എന്ന കാമുകിയുടെ പരാതിയിലാണ് നടപടി.
തുടര്‍ന്ന് സുരേന്ദ്രയെയും കാമുകിയെയും സ്റ്റേഷനിലെത്തിച്ചു. ഇരുവരുടെയും കുടുംബവും സ്റ്റേഷനില്‍ എത്തി. തുടര്‍ന്ന് നടത്തിയ ഒത്തുതീര്‍പ്പ് ചര്‍ച്ചയില്‍ കാമുകിയെ സുരേന്ദ്ര വിവാഹം കഴിക്കണമെന്ന തീരുമാനത്തില്‍ എത്തിച്ചേര്‍ന്നു. പഞ്ചായത്തിലെ ചില മുതിര്‍ന്ന അംഗങ്ങളുടെ സാന്നിധ്യത്തില്‍ നടന്ന ചര്‍ച്ചയില്‍ കല്യാണം മുടങ്ങിയ വധുവിനെ വരന്റെ സഹോദരന്‍ കല്യാണം കഴിക്കണമെന്ന തീരുമാനവുമെടുത്തു. തുടര്‍ന്ന് വധു വരന്റെ സഹോദരനെ വിവാഹം കഴിച്ചു. വൈകാതെ തന്നെ കാമുകിയെ വിവാഹം കഴിക്കാമെന്ന സുരേന്ദ്രയുടെ ഉറപ്പിന്മേലാണ് കുടുംബങ്ങള്‍ സ്‌റ്റേഷനില്‍ നിന്ന് വീട്ടിലേക്ക് മടങ്ങിയത്.

തന്നെ കല്യാണം കഴിച്ച ശേഷം വഞ്ചിച്ചതായി കാണിച്ച് കാമുകി നല്‍കിയ പരാതിയിലാണ് നടപടി

വിവാഹത്തിന് തൊട്ടു മുൻപ് വരൻ പോലീസ് കസ്റ്റഡിയിൽ!!! സഹോദരനെ വിവാഹം ചെയ്ത് വധു

മൈതാനത്ത് റെക്കോർഡുകൾ തിരുത്തി മുന്നോട്ടു പോകുന്ന വിരാട് കോലി ഇപ്പോൾ മറ്റൊരു റെക്കോർഡ് കൂടി സ്വന്തമാക്കിയിരിക്കുകയാണ്. കഴിഞ്ഞ 25 വർഷത്തിനിടെ ​ഗൂ​ഗിളിൽ ഏറ്റവും കൂടുതൽ ആളുകൾ തിരഞ്ഞ ക്രിക്കറ്റർ വിരാട് കോലിയാണെന്നാണ് പുതിയ വിവരം. ഗൂഗിൾ ചൊവ്വാഴ്ചയാണ് അവരുടെ 25 വർഷത്തെ ചരിത്രത്തിൽ ഏറ്റവുമധികം തിരഞ്ഞ വിഷയങ്ങളുടെ പട്ടിക പുറത്തുവിട്ടത്. സച്ചിനും ധോണിയും പട്ടികയിലുൾപ്പെട്ടിട്ടുണ്ട്. പോർച്ചുഗീസ് സൂപ്പർ താരം ക്രിസ്റ്റ്യാനോ റൊണാൾഡോയാണ് കഴിഞ്ഞ 25 വർഷത്തിനിടെ ആളുകൾ ഗൂ​ഗിളിൽ തിരഞ്ഞ കായികതാരം.

സച്ചിനും ധോണിയും പട്ടികയിലുൾപ്പെട്ടിട്ടുണ്ട്

25 വർഷത്തിനിടെ ​ഗൂ​ഗിളിൽ ഏറ്റവും കൂടുതൽ ആളുകൾ തിരഞ്ഞ ക്രിക്കറ്റർ വിരാട് കോലി

പല രോഗങ്ങള്‍ക്കുമുള്ള നല്ലൊരു പ്രതിവിധി കൂടിയാണ് ഉറക്കം. ഉറക്കം ശരിയായില്ലെങ്കില്‍ അത് ഹൃദയത്തിന്റെയും തലച്ചോറിന്റെയും ആരോഗ്യത്തെ ബാധിക്കും. ഉറങ്ങാന്‍ കിടന്നാലും ഉറക്കം വരാത്തതാണ് പലരുടെയും പ്രശ്‌നം. സുഖകരമായ ഉറക്കം മനസിനും ശരീരത്തിനും ഏറെ ആവശ്യമുള്ള ഒന്നാണ്. നല്ല ഉറക്കം ലഭിക്കാന്‍ സഹായിക്കുന്ന ഭക്ഷണങ്ങള്‍ എന്തൊക്കെയാണെന്ന് നോക്കാം.
ബദാം
രുചി വർദ്ധന വരുത്തിയ ബദാമുകൾ എല്ലാർക്കും ഇഷ്ടമാണ്. ഉറക്കത്തിന് ആവശ്യമായ ഹോര്‍മോണുകള്‍ ഉണ്ടാകാനായി സഹായിക്കുന്ന ഒന്നാണ് ബദാം. അതിനാല്‍ ബദാം കഴിക്കുന്നത് നിങ്ങളുടെ സുഖനിദ്രയ്ക്ക് വളരെ നല്ലതാണ്.
പഴം
പഴത്തില്‍ അടങ്ങിയിരിക്കുന്ന മഗ്‍നീഷ്യം ഉറക്കത്തിനാവശ്യമായ ഹോര്‍‌മോണുകളെ ഉണ്ടാക്കുന്നു. കാര്‍ബോഹൈഡ്രെറ്റില്‍ നിന്നുമാണ് 90 ശതമാനം കലോറിയും ഇവയ്ക്ക് ലഭിക്കുന്നത്. അതിനാല്‍ രാത്രി ഇവ കഴിച്ചിട്ട് കിടക്കുന്നത് ഉറക്കത്തിന് സഹായിക്കും.
തേന്‍
ഉറങ്ങുന്നതിന് മുമ്പ് ഒരു സ്പൂണ്‍ തേന്‍ കുടിക്കുന്നത് വളരെ നല്ലതാണ്. തേനില്‍ അടങ്ങിയിരിക്കുന്ന അമിനോ ആസിഡ് ട്രൈംപ്റ്റോഫാന്‍ ഉറക്കത്തിന് സഹായിക്കും.
ചെറിപ്പഴം
ഉറക്കം വരുത്താന്‍ മാത്രമല്ല ഏറെ നേരം ഉറങ്ങാനും ചെറിപ്പഴം സഹായിക്കും. അതിനാല്‍ ഉറക്കത്തിന് മുമ്പ് ചെറിപ്പഴം ധാരാളം കഴിക്കുന്നത് നല്ലതാണ്.

സുഖകരമായ ഉറക്കം മനസിനും ശരീരത്തിനും ഏറെ ആവശ്യമുള്ള ഒന്നാണ്

Health

ഉറക്ക കുറവാണോ പ്രശ്നം? ഈ ഭക്ഷണങ്ങൾ കഴിച്ചു നോക്കൂ..സുഖമായി ഉറങ്ങാം

നമ്മുടെ ശരീരത്തിന് ആവശ്യമായ പല വിറ്റാമിനുകളുമുണ്ട്. ഇത്തരത്തിൽ അത്യാവശ്യമായ ഒന്നാണ് വിറ്റാമിൻ ബി12. തലച്ചോറിന്റെ പ്രവർത്തനം ആരോഗ്യകരമായി നിലനിർത്താനും ചുവന്ന രക്താണുക്കളുടെ ഉത്പാദനം മെച്ചപ്പെടുത്താനും സഹായിക്കുന്നത് വിറ്റാമിൻ ബി12 ആണ്.
ക്ഷീണം, പേശികളുടെ ബലഹീനത, ദഹന പ്രശ്നങ്ങൾ, വിളർച്ച, ചർമ്മത്തിന് ഇളം മഞ്ഞ നിറം, വായിൽ പുണ്ണ്, വിഷാദം, കാഴ്ചകുറയുക എന്നിവ വിറ്റാമിൻ ബി 12 ശരീരത്തിൽ കുറയുന്നതിന്റെ ലക്ഷണങ്ങളാണ്. അതുകൊണ്ട് തന്നെ ആവശ്യമായ അളവിൽ വിറ്റാമിൻ ബി 12 ശരീരത്തിൽ എത്തുന്നുണ്ട് എന്ന് ഉറപ്പാക്കേണ്ടതുണ്ട്.
വിറ്റാമിൻ ബി 12 അടങ്ങിയിരിക്കുന്ന ഭക്ഷണങ്ങൾ
മത്സ്യം
ഒമേഗ 3 ഫാറ്റി ആസിഡുകൾ, വിറ്റാമിൻ ബി 12 എന്നിവ ഏറ്റവും കൂടുതൽ അടങ്ങിയിരിക്കുന്ന ഒരു ഭക്ഷണമാണ് മത്സ്യം. വിറ്റാമിൻ ബി 12 നല്ല അളവിൽ നിങ്ങൾക്ക് നൽകുന്ന മറ്റൊരു മത്സ്യമാണ് ട്യൂണ. വിറ്റാമിൻ ബി 12 ന്റെ സമ്പന്നമായ ഉറവിടമാണ്.
ചിക്കൻ
വിറ്റാമിൻ ബി 12, പ്രോട്ടീൻ, എന്നിവയുടെ മറ്റൊരു നല്ല ഉറവിടമാണ് ചിക്കൻ. ഒരു കപ്പ് ചിക്കൻ നിങ്ങൾക്ക് ഏകദേശം 12 മൈക്രോഗ്രാം നൽകുന്നു. നിങ്ങളുടെ ദൈനംദിന ഭക്ഷണത്തിൽ ഏതെങ്കിലും രൂപത്തിൽ ചിക്കൻ ഉൾപ്പെടുന്നുവെങ്കിൽ, നിങ്ങളുടെ ശരീരത്തിന് പോഷകക്കുറവുണ്ടാകില്ലെന്ന് ഉറപ്പാക്കുക.
തെെര്
സോയ, ബദാം പാൽ തുടങ്ങിയവ ഈ വിറ്റാമിന്റെ നല്ല ഉറവിടങ്ങളാണ്. ചീസ് തരങ്ങളായ മൊസറെല്ല, കോട്ടേജ്, സ്വിസ് ചീസ് എന്നിവയാണ് വിറ്റാമിൻ ബി 12 ന്റെ പ്രധാന ഉറവിടങ്ങൾ.
മുട്ട
ശരീരത്തിന് ആവശ്യമായ പല പോഷകങ്ങളുടേയും കലവറയാണ് മുട്ട. പ്രോട്ടീൻ സമ്പുഷ്ടമാണ് ഇത്. കാൽസ്യം, വൈറ്റമിൻ ഡി, വിറ്റാമിൻ സി, വിറ്റാമിൻ ബി6 , കാൽസ്യം, പ്രോട്ടീൻ തുടങ്ങിയ നിരവധി ഘടകങ്ങളാണ് ഇതിലുള്ളത്.

ആവശ്യമായ അളവിൽ വിറ്റാമിൻ ബി 12 ശരീരത്തിൽ എത്തുന്നുണ്ട് എന്ന് ഉറപ്പാക്കേണ്ടതുണ്ട്

ഈ ലക്ഷണങ്ങൾ നിങ്ങളിൽ ഉണ്ടോ? വിറ്റാമിൻ ബി12 ന്റെ കുറവുമൂലം ആകാം

ന്യൂഡല്‍ഹി: അപ്രതീക്ഷിത പ്രതിഷേധത്തിലും സുരക്ഷാ വീഴ്ചയിലും ലോക്‌സഭ നടുങ്ങി. ഏകാധിപത്യം അനുവദിക്കില്ല, ഭരണഘടനയോട് ഉത്തരവാദിത്തം നിറവേറ്റുക, ഭാരത് മാതാ കീ ജയ് തുടങ്ങിയ മുദ്രാവാക്യങ്ങള്‍ മുഴക്കിയാണ് രണ്ടു യുവാക്കള്‍ സന്ദര്‍ശക ഗാലറിയില്‍ നിന്നും താഴെ എംപിമാര്‍ക്കിടയിലേക്ക് ചാടിയത്. അസ്വാഭാവിക സംഭവത്തില്‍ ഭയന്ന ചില എംപിമാര്‍ പുറത്തേക്കോടി. ലോക്‌സഭയുടെ അകത്തളത്തില്‍ മഞ്ഞ നിറത്തിലുള്ള കളര്‍ സ്‌മോക് ഫോഗ് പ്രയോഗിച്ചായിരുന്നു പ്രതിഷേധം. ലോക്‌സഭയില്‍ ശൂന്യവേളയുടെ സമയത്തായിരുന്നു പ്രതിഷേധം. ബിജെപിയുടെ രാജേന്ദ്ര അഗര്‍വാളായിരുന്നു ആ സമയത്ത് സഭ നിയന്ത്രിച്ചിരുന്നത്. പരിഭ്രാന്തിക്കിടെ സഭാ നടപടികള്‍ നിര്‍ത്തിവെച്ചു.&nbsp;
കളര്‍ സ്‌പ്രേയുമായി ഒരു യുവതി അടക്കം രണ്ടുപേര്‍ പാര്‍ലമെന്റിനു പുറത്തും പ്രതിഷേധിച്ചു. സംഭവത്തില്‍ നാലുപേരെ കസ്റ്റഡിയിലെടുത്തിട്ടുണ്ട്. നീലം (42), അമോല്‍ ഷിന്‍ഡെ (25) എന്നിവരാണ് പാര്‍ലമെന്റിന് പുറത്ത് പ്രതിഷേധിച്ചതിന് പിടിയിലായത്. ഇവരെ ഭീകര വിരുദ്ധസേന അടക്കം ചോദ്യം ചെയ്തു വരികയാണ്. സംഭവത്തിന്റെ പശ്ചാത്തലത്തില്‍ പാര്‍ലമെന്റ് മന്ദിരത്തിന്റെ സുരക്ഷ വര്‍ധിപ്പിച്ചു. പാര്‍ലമെന്റിലെ സുരക്ഷാ വീഴ്ചയില്‍ വിശദമായ അന്വേഷണം നടത്തുമെന്ന് പിന്നീട് ലോക്‌സഭ സ്പീക്കര്‍ ഓം ബിര്‍ല ലോക്‌സഭയെ അറിയിച്ചു.&nbsp;

കളര്‍ സ്‌പ്രേയുമായി ഒരു യുവതി അടക്കം രണ്ടുപേര്‍ പാര്‍ലമെന്റിനു പുറത്തും പ്രതിഷേധിച്ചു

അപ്രതീക്ഷിത പ്രതിഷേധത്തിലും സുരക്ഷാ വീഴ്ചയിലും നടുങ്ങി ലോക് സഭ

തിരുവനന്തപുരം: നടൻ ദേവൻ ശ്രീനിവാസനെ ബി.ജെ.പി സംസ്ഥാന ഉപാധ്യക്ഷനായി നാമനിർദേശം ചെയ്തു. സംസ്ഥാന അധ്യക്ഷൻ കെ. സുരേന്ദ്രനാണ് ദേവനെ നാമനിർദേശം ചെയ്തത്. സുരേന്ദ്രൻ തന്നെയാണ് ഫേസ്ബുക്കിലൂടെ ഇക്കാര്യം അറിയിച്ചത്. ബി.ജെ.പി സംസ്ഥാന ഉപാധ്യക്ഷനായി നിയമിതനായ ​നടൻ ദേവന് ഭാവുകങ്ങൾ നേരുന്നു എന്നാണ് സുരേന്ദ്രൻ ഫേസ്ബുക്കിൽ എഴുതിയത്. ബി.ജെ.പിയിൽ തനിക്ക് ശക്തമായ സ്ഥാനം വേണമെന്ന് നടൻ ദേവൻ ആവശ്യപ്പെട്ടിരുന്നു.

ബി.ജെ.പിയിൽ തനിക്ക് ശക്തമായ സ്ഥാനം വേണമെന്ന് നടൻ ദേവൻ  ആവശ്യപ്പെട്ടിരുന്നു

നടൻ ദേവൻ ബിജെപി സംസ്ഥാന ഉപാധ്യക്ഷൻ

കണ്ണൂര്‍: തലശേരിയില്‍ 15,300 പാക്കറ്റുകളിലായി 400 കിലോ ഹാന്‍സ് പിടികൂടിയതായി എക്സൈസ്. ഫരീദാബാദില്‍ നിന്നും കൊറിയര്‍ സര്‍വീസ് വഴി അയച്ച ഹാന്‍സാണ് എക്സൈസ് പിടികൂടിയത്. സംഭവത്തില്‍ ഇല്ലിക്കുന്ന് സ്വദേശികളായ റഷ്ബാന്‍, മുഹമ്മദ് സഫ്വാന്‍, സമീര്‍ എന്നിവരെ കസ്റ്റഡിയിലെടുത്തു. ഇല്ലിക്കുന്ന് ബദരിയ മസ്ജിദിന് സമീപം വാടക വീട്ടില്‍ നിന്നാണ് ഹാന്‍സ് പിടികൂടിയത്. കണ്ണൂര്‍ എക്സൈസ് ഇന്റലിജന്‍സ് ബ്യൂറോയിലെ പ്രിവന്റീവ് ഓഫീസര്‍ സുകേഷ് കുമാറിന് ലഭിച്ച വിവരത്തിന്റെ അടിസ്ഥാനത്തിലായിരുന്നു പരിശോധന. വിപണിയില്‍ ഏഴ് ലക്ഷം രൂപയോളം വില വരുന്ന ഹാന്‍സാണ് പിടികൂടിയതെന്ന് എക്സൈസ് അറിയിച്ചു.

400 കിലോ ഹാന്‍സ് പിടികൂടിയതായി എക്സൈസ്

Kannur

കൊറിയര്‍ സര്‍വീസ് വഴി ലഹരി കടത്ത്; മൂന്ന് പേർ അറസ്റ്റിൽ

കോട്ടയം: ഗവര്‍ണര്‍ ഗവര്‍ണറായി നില്‍ക്കണമെന്നും വിരട്ടിക്കളയാമെന്ന് കരുതേണ്ടെന്നും മുഖ്യമന്ത്രി പിണറായി വിജയന്‍. എന്തോ വലിയ അധികാരം കൈയിലുണ്ടെന്ന് കരുതി എന്തോ അങ്ങ് ചെയ്തുകളയുമെന്ന മട്ടിലാണ് ഭാവങ്ങള്‍. അത് എന്തോ ചില വൈകൃതങ്ങള്‍ മാത്രമാണ്. വിവേകം വേണമെന്നും എന്തിനെയും വെല്ലുവിളിച്ച് കളയാമെന്നും ധരിക്കരുതെന്നും മുഖ്യമന്ത്രി പറഞ്ഞു. ഗവര്‍ണര്‍ പദവിയുടെ മഹത്വം ആരിഫ് മുഹമ്മദ് ഖാന്‍ കളഞ്ഞുകുളിക്കരുതെന്നും മുഖ്യമന്ത്രി കോട്ടയത്ത് പറഞ്ഞു. 'ഗവര്‍ണര്‍ എന്ന നിലയില്‍ കേരളത്തിന്റെ പ്രശ്‌നങ്ങള്‍ക്കൊപ്പം നില്‍ക്കേണ്ട ആളാണ് ആരിഫ് മുഹമ്മദ് ഖാന്‍. എന്നാല്‍ മറ്റൊരു നിലപാടാണ് അദ്ദേഹം സ്വീകരിക്കുന്നത്. സംസ്ഥാനത്തിന്റെ താത്പര്യത്തിന് വേണ്ടിയാണ് നിലക്കൊള്ളേണ്ടത്. ഇപ്പോള്‍ വിവാദമായ അദ്ദേഹത്തിന്റെ ഡല്‍ഹി യാത്ര എന്തിനായിരുന്നു. കേന്ദ്ര സര്‍ക്കാരുമായി ബന്ധപ്പെട്ട എന്തെങ്കിലും ചര്‍ച്ചയ്ക്ക് ആയിരുന്നോ?. എതെങ്കിലും ഔദ്യോഗിക കാര്യങ്ങള്‍ക്കായിരുന്നോ?. അതുമായി ബന്ധപ്പെട്ട് ഇപ്പോള്‍ കേള്‍ക്കുന്നത് ആര്‍എസ്എസ് സംഘടിപ്പിച്ച പരിപാടിയില്‍ പങ്കെടുക്കാനാണ്. അത് ഔദ്യോഗിക പരിപാടിയാണോ?. ആര്‍എസ്എസ് എന്നത് അദ്ദേഹത്തിന് നല്ല അംഗീകാരമുള്ള സംഘടനയായിരിക്കും. പക്ഷെ ഗവര്‍ണര്‍ സ്ഥാനത്ത് ഇരുന്നുകൊണ്ട് ആ പരിപാടിക്കാണോ അദ്ദേഹം പോകേണ്ടത്?. അവിടെ ചെന്ന് അവരെ പ്രീണിപ്പിക്കുന്ന വര്‍ത്തമാനങ്ങളാണ് പറഞ്ഞത്' - മുഖ്യമന്ത്രി പറഞ്ഞു.
എന്തുവിളിച്ചുപറയാവുന്ന സ്ഥാനത്താണോ അദ്ദേഹം ഇരിക്കുന്നത്. ഏതെങ്കിലും ഗവര്‍ണര്‍ക്ക് അനുകരിക്കാവാന്നതാണോ ഇത്. വി മുരളീധരനുമായി ആലോചിച്ച് അദ്ദേഹത്തിന്റെ സര്‍ട്ടിഫിക്കറ്റിന് അനുസരിച്ച് കാര്യങ്ങള്‍ നടത്താന്‍ തയ്യാറായാല്‍ ഇതിനപ്പുറവും സംഭവിക്കും. അത് മനസിലാക്കി പ്രവര്‍ത്തിക്കാന്‍ ആരിഫ് മുഹമ്മദ് ഖാന്‍ കഴിഞ്ഞാല്‍ നല്ലത്. നിങ്ങളുടെ രാഷ്ട്രീയ ചരിത്രം അവസരവാദത്തിന്റെതാണ്. അതൊന്നും കേരളത്തോട് വേണ്ടെന്നും മുഖ്യമന്ത്രി പറഞ്ഞു. നവകേരള സദസ് ധൂര്‍ത്തല്ലെന്ന് രാവിലെ വാര്‍ത്താ സമ്മേളനത്തില്‍ പിണറായി പറഞ്ഞു. ധൂര്‍ത്ത് നടത്തുന്നത് ആരാണെന്ന് ഗവര്‍ണര്‍ ആരിഫ് മുഹമ്മദ് ഖാന്‍ സ്വയം ആലോചിച്ചാല്‍ മതി. പരാതി സ്വീകരിക്കാനല്ല നവകേരള സദസ് പുറപ്പെട്ടതെന്നും ഇതിന്റെ പ്രതിഫലനം ജനങ്ങളിലുണ്ടാകുമെന്നും പിണറായി വിജയന്‍ കോട്ടയത്ത് വാര്‍ത്താ സമ്മേളനത്തില്‍ പറഞ്ഞു. സംസ്ഥാനത്തിന്റെ ഭരണഘടനാതലവന്‍ എന്ന നിലയില്‍ ഗവര്‍ണര്‍ അതിന്റെ പ്രാധാന്യത്തോടെയാണ് നിലപാട് എടുക്കേണ്ടത്. ആ നിലപാടല്ല അദ്ദേഹം എടുത്തുകാണുന്നത്. നല്ല രീതിയില്‍ മറ്റ് ചില കേന്ദ്രങ്ങളുടെ സമ്മര്‍ദങ്ങള്‍ക്ക് വഴങ്ങി ഇടപെടുന്നതാണ് അനുഭവത്തില്‍ കാണുന്നതെന്ന് പിണറായി പറഞ്ഞു.
'നവകേരള സദസ് ധൂര്‍ത്തല്ല. സദസിന്റെ ഭാഗമായി ആരെയെങ്കിലും പ്രത്യേകം വിളിച്ച് ധൂര്‍ത്ത് നടത്തുന്നുണ്ടെങ്കില്‍ അങ്ങനെ പറയാം. ധൂര്‍ത്ത് ആരാണ് നടത്തുന്നതെന്ന് ഗവര്‍ണര്‍ ആലോചിച്ചാല്‍ മതി. താന്‍ നടത്തുന്നതൊക്കെ ശരിയായ രീതിയിലാണോയെന്ന് അദ്ദേഹം ആലോചിച്ചാല്‍ മതി. അതുമായി ബന്ധപ്പെട്ട് ഞങ്ങള്‍ ഇതുവരെ ഒന്നും പറഞ്ഞിട്ടില്ല. ഗവര്‍ണര്‍ ഗവര്‍ണറാണ്. ആ നിലക്ക് കാര്യങ്ങള്‍ നടക്കട്ടയെന്ന നിലയാണ് സ്വീകരിച്ചത്. പക്ഷെ വ്യക്തിപരമായി കാര്യങ്ങളെല്ലാം ശരിയായ നിലയിലാണോ നടത്തുന്നതെന്ന് ആരിഫ് മുഹമ്മദ് ഖാനെന്ന വ്യക്തി പരിശോധിക്കുന്നത് നല്ലതാണ്'. പരാതി സ്വീകരിക്കാനല്ല നവകേരള സദസ് പുറപ്പെട്ടതെന്ന് ആദ്യമേ പറഞ്ഞിട്ടുണ്ട്. പ്രശ്‌നങ്ങള്‍ ജനങ്ങളുടെ മുന്നില്‍ അവതരിപ്പിക്കാനാണ് എത്തുന്നത്. മന്ത്രി സഭ ആകെ വരുമ്പോള്‍ ഒരുപാട് നിവേദനങ്ങള്‍ ലഭിക്കും. അതിന് പ്രത്യേക സംവിധാനം ഒരുക്കിയിട്ടുണ്ട്. നവകേരള സദസിന് അതിന്റെതായ ഫലം ഉണ്ടാകും. കേരളത്തിന് രാഷ്ട്രീയമായി ഒന്നിച്ചുനില്‍ക്കാന്‍ കഴിയുന്നില്ലെന്ന പ്രശ്‌നമുണ്ട്. യുഡിഎഫ് ബിജെപിയുടെ മനസിനൊപ്പം നില്‍ക്കുകയാണ്. ആ ദൗര്‍ബല്യം ഇവിടെ നിലനില്‍ക്കുന്നുണ്ട്. അതൊന്നും ജനങ്ങളെ ബാധിച്ചിട്ടില്ല. ജനങ്ങളാകെ ഒറ്റക്കെട്ടാണ്. അത് തന്നെയാണ് ഇതെല്ലാം പരിഹരിക്കാനാകുമെന്നതിന്റെ കരുത്ത്. സ്വാഭാവികമായും ഇതിന്റെ പ്രതിഫലനം ജനങ്ങളിലുണ്ടാകും. ജനങ്ങളുടെ അഭിപ്രായം തീരെ അവഗണിച്ചുകൊണ്ട് ആര്‍ക്കും മുന്നോട്ടുപോകാനാവില്ലെന്നും പിണറായി പറഞ്ഞു.

എന്തോ വലിയ അധികാരം കൈയിലുണ്ടെന്ന് കരുതി എന്തോ അങ്ങ് ചെയ്തുകളയുമെന്ന മട്ടിലാണ് ഭാവങ്ങള്‍

ഗവര്‍ണര്‍ ഗവര്‍ണറായി നില്‍ക്കണം,വിരട്ടിക്കളയാമെന്ന് കരുതരുത്; മുഖ്യമന്ത്രി പിണറായി വിജയൻ

ചാ​രും​മൂ​ട്: സ്കൂ​ൾ കു​ട്ടി​ക​ൾ​ക്കു മു​ന്നി​ൽ ന​ഗ്​​ന​ത പ്ര​ദ​ർ​ശ​നം ന​ട​ത്തി​യ മ​ധ്യ​വ​യ​സ്ക​നെ അ​റ​സ്റ്റ് ചെ​യ്തു. പാ​ല​മേ​ൽ ആ​ദി​ക്കാ​ട്ടു​കു​ള​ങ്ങ​ര എ​ള്ളും​വി​ള കി​ഴ​ക്കേ​തി​ൽ താ​മ​സി​ക്കു​ന്ന ച​ങ്ങ​നാ​ശ്ശേ​രി ഫാ​ത്തി​മ​പു​ര​ത്ത് പു​തു​പ​റ​മ്പി​ൽ ന​വാ​സി​നെ​യാ​ണ്​ (54) നൂ​റ​നാ​ട് പോ​ലീ​സ് അ​റ​സ്റ്റ് ചെ​യ്ത​ത്. ഇ​യാ​ളു​ടെ വാ​ഹ​ന​വും ക​സ്റ്റ​ഡി​യി​ലെ​ടു​ത്തു. ഒ​രു മാ​സ​മാ​യി കു​ട്ടി​ക​ൾ വ​രു​ന്ന വ​ഴി​ക​ളി​ൽ കാ​ത്തു​നി​ന്ന് ന​ഗ്​​ന​ത പ്ര​ദ​ർ​ശ​നം ന​ട​ത്തു​ക​യാ​യി​രു​ന്നു ഇ​യാ​ൾ.
പെ​ൺ​കു​ട്ടി​ക​ൾ പ​രാ​തി ന​ൽ​കി​യ​തി​നെ തു​ട​ർ​ന്ന് നൂ​റ​നാ​ട് പോ​ലീ​സ് പോ​ക്സോ പ്ര​കാ​രം കേ​സ് എ​ടു​ത്തു. എ​ന്നാ​ൽ, ഹെ​ൽ​മ​റ്റ് ധ​രി​ച്ചി​രു​ന്ന​തി​നാ​ൽ ഇ​യാ​ളെ തി​രി​ച്ച​റി​യാ​ൻ ക​ഴി​ഞ്ഞി​ല്ല. തു​ട​ർ​ന്ന് വാ​ഹ​ന ന​മ്പ​ർ ക​ണ്ടെ​ത്തി ന​ട​ത്തി​യ അ​ന്വേ​ഷ​ണ​ത്തി​ലാ​ണ് ക​ഴി​ഞ്ഞ ദി​വ​സം ഇ​യാ​ളെ ചാ​രും​മൂ​ട്ടി​ൽ​ നി​ന്ന്​ അ​റ​സ്റ്റ് ചെ​യ്ത​ത്. സി.​ഐ പി. ​ശ്രീ​ജി​ത്, എ​സ്.​ഐ​മാ​രാ​യ എ​സ്. നി​തീ​ഷ്, സു​ഭാ​ഷ് ബാ​ബു, സി.​പി.​ഒ​മാ​രാ​യ സി​നു വ​ർ​ഗീ​സ്, മ​നു പ്ര​സ​ന്ന​ൻ, ജ​യേ​ഷ്, അ​നി, വി​ഷ്ണു, പ്ര​വീ​ൺ എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു അ​റ​സ്റ്റ് ചെ​യ്ത​ത്. ഇ​യാ​ളെ മാ​വേ​ലി​ക്ക​ര കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.

പു​തു​പ​റ​മ്പി​ൽ ന​വാ​സി​നെ​യാ​ണ്​ (54) നൂ​റ​നാ​ട് പോ​ലീ​സ് അ​റ​സ്റ്റ് ചെ​യ്ത​ത്

സ്കൂ​ൾ കു​ട്ടി​ക​ൾ​ക്കു മു​ന്നി​ൽ ന​ഗ്​​ന​ത പ്ര​ദ​ർ​ശ​നം; മ​ധ്യ​വ​യ​സ്കൻ അറസ്റ്റിൽ

തിരുവനന്തപുരം: സംസ്ഥാനത്തെ തദ്ദേശ സ്ഥാപനങ്ങളിലേക്ക് നടന്ന ഉപതെരഞ്ഞെടുപ്പില്‍ യുഡിഎഫിന് നേട്ടം. യുഡിഎഫ് 17 സീറ്റില്‍ വിജയിച്ചപ്പോള്‍ ഇടതുമുന്നണി 10 സീറ്റ് നേടി. ബിജെപി നാലു സീറ്റുകളിലും വിജയിച്ചു. എസ്ഡിപിഐ, ആം ആദ്മി പാര്‍ട്ടി എന്നിവ ഓരോ സീറ്റുകളും വിജയിച്ചു. സംസ്ഥാനത്തെ ഒരു ജില്ലാപഞ്ചായത്ത്, അഞ്ച് ബ്ലോക്ക് പഞ്ചായത്ത്, മൂന്ന് മുനിസിപ്പാലിറ്റി, 24 ഗ്രാമപഞ്ചായത്ത് വാര്‍ഡുകളിലേക്കാണ് ഉപതെരഞ്ഞെടുപ്പ് നടന്നത്.&nbsp;
എല്‍ഡിഎഫിന്റെ 12 ഉം യുഡിഎഫിന്റെ 11 ഉം ബിജെപിയുടെ എട്ടും എസ്ഡിപിഐയുടെ രണ്ടും സിറ്റിങ് സീറ്റുകള്‍ ഉള്‍പ്പടെ തെരഞ്ഞെടുപ്പ് നടന്നതില്‍പ്പെടുന്നു. എൽഡിഎഫ് 12 ൽ നിന്ന് പത്തിലേക്ക് ചുരുങ്ങി. ബിജെപി ആറിടത്തുനിന്ന് നാലിലേക്കൊതുങ്ങി. ആം ആദ്മി പാർട്ടി ഇടുക്കി ജില്ലയിലെ കരിങ്കുന്നം പഞ്ചായത്ത് നെടിയകാട് വാർഡിൽ വിജയിച്ചു. യുഡിഎഫ് സീറ്റാണ് എഎപി പിടിച്ചെടുത്തത്. ജില്ലാ പഞ്ചായത്തിൽ മത്സരം നടന്ന പാലക്കാട് വാണിയംകുളം വൻ ഭൂരിപക്ഷത്തിൽ എൽഡിഎഫ് നിലനിർത്തി.

യുഡിഎഫ് 17 സീറ്റില്‍ വിജയിച്ചപ്പോള്‍ ഇടതുമുന്നണി 10 സീറ്റ് നേടി. ബിജെപി നാലു സീറ്റുകളിലും വിജയിച്ചു

തദ്ദേശ ഉപതെരഞ്ഞെടുപ്പില്‍ യുഡിഎഫിന് നേട്ടം; 17 സീറ്റിൽ വിജയം

ന്യൂഡല്‍ഹി: തട്ടിപ്പ് എസ്എംഎസ് സന്ദേശങ്ങളില്‍ നിന്ന് സംരക്ഷണം നല്‍കുന്ന ഫീച്ചറുമായി ഗൂഗിള്‍ മെസേജസ്. ഉപയോക്താക്കളുടെ സ്വകാര്യതയ്ക്ക് പ്രാധാന്യം നല്‍കി കൊണ്ടുള്ളതാണ് ഈ ഫീച്ചര്‍ എന്ന് ഗൂഗിള്‍ അറിയിച്ചു. ഉപയോക്താക്കള്‍ക്ക് പൂര്‍ണ നിയന്ത്രണം നല്‍കുന്ന തരത്തിലാണ് ഈ ഫീച്ചര്‍ ക്രമീകരിച്ചിരിക്കുന്നത്. സ്പാം പ്രൊട്ടക്ഷന്‍ എന്ന പേരിലുള്ളതാണ് ഫീച്ചര്‍. സ്‌കാനിങ് ടൂളാണ് ഇതിന്റെ പ്രത്യേകത. സ്‌കാന്‍ ചെയ്ത് സ്പാം മെസേജുകള്‍ കണ്ടെത്താന്‍ സഹായിക്കുന്നവിധമാണ് ഫീച്ചര്‍ ക്രമീകരിച്ചിരിക്കുന്നത്. എസ്എംഎസ് വഴിയാണ് സാധാരണനിലയില്‍ തട്ടിപ്പ് മെസേജുകള്‍ വരുന്നത്. ഇതില്‍ നിന്ന് ഉപയോക്താവിന് സംരക്ഷണം നല്‍കുന്ന തരത്തിലാണ് ഈ ഫീച്ചര്‍. സ്പാം പ്രൊട്ടക്ഷന്‍ ഫീച്ചര്‍ എനേബിള്‍ ചെയ്യുന്ന വിധം ചുവടെ:
1. സ്മാര്‍ട്ട്‌ഫോണില്‍ ഗൂഗിള്‍ മെസേജസ് ആപ്പ് തുറക്കുക
2. മുകളില്‍ വലത് വശത്തെ പ്രൊഫൈല്‍ ഐക്കണ്‍ ടാപ്പ് ചെയ്യുക
3. സെറ്റിങ്‌സില്‍ സ്പാം പ്രൊട്ടക്ഷന്‍ ഓപ്ഷന്‍ തെരഞ്ഞെടുക്കുക
4. ടോഗിള്‍ ഓണ്‍ ചെയ്യുന്നതോടെ ഫീച്ചര്‍ എനേബിള്‍ ആകും
ഫീച്ചര്‍ എനേബിള്‍ ചെയ്യുന്നതോടെ, ഓട്ടോമാറ്റിക്കായി സന്ദേശങ്ങള്‍ ഫില്‍റ്റര്‍ ചെയ്യുന്നത് ആരംഭിക്കും. സ്പാം സന്ദേശങ്ങളില്‍ നിന്ന് അധിക സംരക്ഷണം നല്‍കുന്ന വിധത്തിലാണ് ഇത് ക്രമീകരിച്ചിരിക്കുന്നത്. റിപ്പോര്‍ട്ട് സ്പാം, റിപ്പോര്‍ട്ട് നോട്ട് സ്പാം എന്നിവയില്‍ ഉപയോക്താവിന് ഉചിതമെന്ന് തോന്നുന്നത് തെരഞ്ഞെടുത്ത് സ്പാം മെസേജ് തിരിച്ചറിയാനുള്ള പ്രക്രിയയില്‍ ഉപയോക്താവിനും സജീവമായി പങ്കെടുക്കാവുന്നതാണ്.

ഉപയോക്താക്കളുടെ സ്വകാര്യതയ്ക്ക് പ്രാധാന്യം നല്‍കി കൊണ്ടുള്ളതാണ് ഈ ഫീച്ചര്‍ എന്ന് ഗൂഗിള്‍ അറിയിച്ചു

Tech

തട്ടിപ്പ് എസ്എംഎസുകൾ  ഇനി ഗൂഗിൾ കണ്ടെത്തി തരും

കൊച്ചി: സംസ്ഥാനത്ത് സ്വര്‍ണവില വീണ്ടും കുറഞ്ഞു. 80 രൂപ കുറഞ്ഞ് ഒരു പവന്‍ സ്വര്‍ണത്തിന്റെ വില 45,320 രൂപയായി. ഗ്രാമിന് 10 രൂപയാണ് കുറഞ്ഞത്. 5665 രൂപയാണ് ഒരു ഗ്രാം സ്വര്‍ണത്തിന്റെ വില. ഡിസംബർ നാലിന് 47,000 കടന്ന് സ്വര്‍ണവില സര്‍വകാല റെക്കോര്‍ഡ് ഇട്ടിരുന്നു. പിന്നീടുള്ള ദിവസങ്ങളില്‍ വില താഴുന്നതാണ് ദൃശ്യമായത്. ഓഹരിവിപണിയിലെ മുന്നേറ്റം അടക്കമുള്ള ഘടകങ്ങളാണ് സ്വര്‍ണവിലയില്‍ പ്രതിഫലിക്കുന്നത്. ഒരാഴ്ചയ്ക്കിടെ, ഏകദേശം 1800 രൂപയാണ് കുറഞ്ഞത്.

80 രൂപ കുറഞ്ഞ് ഒരു പവന്‍ സ്വര്‍ണത്തിന്റെ വില 45,320 രൂപയായി

സ്വര്‍ണവില വീണ്ടും കുറഞ്ഞു

കണ്ണൂര്‍: പലതരം ഓണ്‍ലൈന്‍ തട്ടിപ്പുകളുടെ വാര്‍ത്തകള്‍ ദിവസേന പുറത്തുവരാറുണ്ട്. ആരെങ്കിലും ഒടിപി ചോദിച്ച് വിളിച്ചാല്‍ പറഞ്ഞുകൊടുക്കുകയോ ലിങ്കുകളില്‍ ക്ലിക്ക് ചെയ്യുകയോ ചെയ്യരുതെന്ന് അധികൃതര്‍ നിരന്തരം മുന്നറിയിപ്പ് നല്‍കാറുണ്ട്. എന്നാല്‍ ഒറിജിനലിനെ വെല്ലുന്ന ഡ്യൂപ്ലിക്കേറ്റുകള്‍ കാരണം പലരും അറിയാതെ തട്ടിപ്പുകളില്‍ വീഴുന്ന സ്ഥിതിയുണ്ട്. കണ്ണൂരിൽ ഓൺലൈൻ തട്ടിപ്പ് നടന്നത് എസ്ബിഐ യോനോ ആപ്പിന്റെ പേരിലാണ്. തലശ്ശേരി സ്വദേശിയായ 79കാരന് നഷ്ടമായത് ഇരുപത്തിഅയ്യായിരം രൂപയാണ്.&nbsp;
യോനോ ആപ്പ് ബ്ലോക്ക് ആയതുകൊണ്ട് പാൻ കാർഡ് അപ്ഡേറ്റ് ചെയ്യണമെന്ന് ആവശ്യപ്പെട്ട് ഫോണിലേക്ക് ടെക്സ്റ്റ് മെസ്സേജ് എത്തി. ഇതിനായി നൽകിയ ലിങ്കിൽ ക്ലിക്ക് ചെയ്തപ്പോൾ വന്നത് എസ്ബിഐയുടേതെന്ന് ഒറ്റ നോട്ടത്തില്‍ തോന്നുന്ന സൈറ്റ്. ലോഗിൻ ചെയ്യുമ്പോൾ വന്ന ഒടിപി നൽകിയതോടെയാണ്‌ പണം നഷ്ടമായതെന്ന് 79കാരന്‍ നല്‍കിയ പരാതിയില്‍ പറയുന്നു. തലശ്ശേരി പോലീസ് കേസെടുത്ത് അന്വേഷണം തുടങ്ങി.

തലശ്ശേരി സ്വദേശിയായ 79കാരന് നഷ്ടമായത് ഇരുപത്തിഅയ്യായിരം രൂപയാണ്

യോനോ ആപ്പ് ബ്ലോക്കായെന്ന് മെസ്സേജ്; 79കാരന് നഷ്ടമായത് ഇരുപത്തിഅയ്യായിരം

ടെലിവിഷൻ താരം രാഹുല്‍ രവിയെ കാണാനില്ലെന്ന് പരാതി. ഭാര്യ ലക്ഷ്മി നല്‍കിയ പരാതിയെ തുടര്‍ന്ന് രാഹുല്‍ രവിയ്‌ക്കെതിരെ പോലീസ് ലുക്കൗട്ട് നോട്ടീസ് പ്രഖ്യാപിച്ചിരിക്കുകയാണെന്നാണ് റിപ്പോര്‍ട്ട്. ലക്ഷ്മിയുടെ പരാതിയെ തുടര്‍ന്ന് ചെന്നൈ പോലീസാണ് രാഹുലിനെതിരെ ലുക്കൗട്ട് നോട്ടീസ് പുറത്ത് വിട്ടിരിക്കുന്നത്. എഫ്‌ഐആറിലെ കൂടുതല്‍ വിവരങ്ങളും പുറത്ത് വന്നിട്ടുണ്ട്. റിപ്പോര്‍ട്ട് പ്രകാരം 2023 ഏപ്രില്‍ 26ന് അര്‍ദ്ധ രാത്രിയാണ് ലക്ഷ്മി രാഹുലിനെ മറ്റൊരു സ്ത്രീയോടൊപ്പം പിടികൂടുന്നത്. തനിക്ക് ലഭിച്ചൊരു വിവരത്തിന്റെ അടിസ്ഥാനത്തില്‍ ലക്ഷ്മി പോലീസിനേയും അസോസിയേഷന്‍ അംഗങ്ങളേയും കൂട്ടി രാഹുലിന്റെ അപ്പാര്‍ട്ട്‌മെന്റിലെത്തുകയായിരുന്നു. രാഹുലിനൊപ്പം ഈ സമയം മറ്റൊരു പെണ്‍കുട്ടിയുമുണ്ടായിരുന്നുവെന്ന് കണ്ടെത്തി. സ്ഥിരമായി ലക്ഷ്മിയെ രാഹുല്‍ മര്‍ദ്ദിക്കാറുണ്ട് എന്നും റിപ്പോര്‍ട്ടുണ്ടെന്നാണ് പറയപ്പെടുന്നത്. മദ്രാസ് ഹൈക്കോടതിയുടെ ഉത്തരവിനെ തുടര്‍ന്ന് നവംബര്‍ 3ന് രാഹുലിന്റെ ജാമ്യം റദ്ദാക്കിയിരുന്നു. പിന്നാലെയാണ് അറസ്റ്റ് വാറണ്ട് പുറപ്പെടുവിക്കുന്നത്. അതേസമയം ലക്ഷ്മിയ്ക്ക് മാനസിക പ്രശ്‌നമാണെന്നാണ് രാഹുലിന്റെ വാദം. പക്ഷെ ഈ വാദം ഒരു കോടതിയ്ക്കും അംഗീകരിക്കാന്‍ സാധിക്കില്ലെന്നാണ് ഹൈക്കോടതി പറഞ്ഞത്. രാഹുലിന്റെ വാദം അപലപനീയമാണെന്നും കോടതി പറഞ്ഞിരുന്നു. ടെലിവിഷന്‍ പ്രേക്ഷകര്‍ക്ക് സുപരിചിതനാണ് രാഹുല്‍ രവി. പൊന്നമ്പിളി എന്ന പരമ്പരയിലെ ഹരിയായിട്ടാണ് രാഹുല്‍ രവിയെ മലയാളികള്‍ അടുത്തറിയുന്നത്. കന്നഡയിലും തമിഴിലുമായി സംപ്രേക്ഷണം ചെയ്ത നന്ദിനി എന്ന പരമ്പരയിലൂടെയാണ് രാഹുല്‍ രവി താരമാകുന്നത്. തമിഴ് സീരിയല്‍ ലോകത്തും രാഹുല്‍ രവി സാന്നിധ്യം അറിയിച്ചിട്ടുണ്ട്.
ഈയ്യടുത്തായിരുന്നു രാഹുല്‍ രവിയുടെ വിവാഹം നടന്നത്. മോഡലും പ്രൊഫെഷണലുമായ ലക്ഷ്മി എസ് നായരെയാണ് താരം ജീവിതസഖിയാക്കിയത്. 2020 ലായിരുന്നു രാഹുലും ലക്ഷ്മിയും വിവാഹിതരായത്. പെരുമ്പാവൂരില്‍ വച്ചായിരുന്നു വിവാഹം. വിവാഹത്തിന്റെ ചിത്രങ്ങളും വീഡിയോയും സോഷ്യല്‍ മീഡിയയില്‍ ഏറെ വൈറലുമായിരുന്നു. എന്നാല്‍ ഈയ്യടുത്ത് ഇരുവരും പിരിയുകയായിരുന്നു. രാഹുലിന്റേയും ലക്ഷ്മിയുടേയും വിവാഹത്തിന്റെ ചിത്രങ്ങളും വീഡിയോകളുമൊക്കെ നേരത്തെ സോഷ്യല്‍ മീഡിയയില്‍ വൈറലായിരുന്നു. പിരിഞ്ഞതോടെ തങ്ങളുടെ സോഷ്യല്‍ മീഡിയ അക്കൗണ്ടുകളില്‍ നിന്നും ഒരുമിച്ചുള്ള പോസ്റ്റുകളെല്ലാം നീക്കം ചെയ്തിരിക്കുകയാണ് രാഹുലും ലക്ഷ്മിയും. വിവാഹത്തിന്റെ ചിത്രം പോലുമില്ല. ഇതോടെയായിരുന്നു ഇരുവരും പിരിഞ്ഞുവോ എന്ന സംശയം ആരാധകര്‍ക്കിടയില്‍ ഉയരുന്നത്. അധികം വൈകാതെ നാടകീയ രംഗങ്ങള്‍ക്ക് പ്രേക്ഷകര്‍ സാക്ഷ്യം വഹിക്കുകയും ചെയ്തു. അഭിനയത്തിന് പുറമെ അവതാരകന്‍ എന്ന നിലയിലും രാഹുല്‍ കയ്യടി നേടിയിട്ടുണ്ട്. മറ്റ് ഭാഷകളിലും സ്വന്തമായൊരു ഇടം കണ്ടെത്തിയ നടനാണ് രാഹുല്‍. മോഡലിംഗിലൂടെയാണ് അഭിനയത്തിലേക്ക് കടക്കുന്നത്. സീരിയലിന് പുറമെ സിനിമയിലും അഭിനയിച്ചിട്ടുണ്ട്. ഇന്ത്യന്‍ പ്രണയകഥ, കാട്ടുമാക്കാന്‍ തുടങ്ങിയ സിനിമകളിലാണ് രാഹുല്‍ അഭിനയിച്ചത്.&nbsp;

ഭാര്യ ലക്ഷ്മി നല്‍കിയ പരാതിയെ തുടര്‍ന്ന് രാഹുല്‍ രവിയ്‌ക്കെതിരെ പോലീസ് ലുക്കൗട്ട് നോട്ടീസ് പ്രഖ്യാപിച്ചിരിക്കുകയാണെന്നാണ് റിപ്പോര്‍ട്ട്

മറ്റൊരു സ്ത്രീയുമായി അടുപ്പം; ടെലിവിഷൻ താരം രാഹുല്‍ രവിക്കെതിരെ ഗുരുതര ആരോപണവുമായി ഭാര്യ

മലപ്പുറം: മലപ്പുറം കൊണ്ടോട്ടിയിൽ ബൈക്കിടിച്ച് മൂന്നു വയസ്സുകാരി മരിച്ചു. ‌അമ്പലപുറവൻ അബദുൽ നാസറിൻ്റെ മകൾ ഇസാ എസ് വിൻ ആണ് മരിച്ചത്. കഴിഞ്ഞ ദിവസം ഉച്ചയ്ക്ക് എടവണ്ണപാറ റോഡിൽ പരതക്കാട് വെച്ചാണ് അപകടമുണ്ടായത്.&nbsp;
ഗുരുതരമായി പരിക്കേറ്റ കുഞ്ഞിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കോഴിക്കോട് മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും.&nbsp;

അമ്പലപുറവൻ അബദുൽ നാസറിൻ്റെ മകൾ ഇസാ എസ് വിൻ ആണ് മരിച്ചത്

ബൈക്കിടിച്ച് മൂന്നു വയസ്സുകാരി മരിച്ചു

കോഴിക്കോട്: ജില്ലയിലെ നാലു തദ്ദേശ വാർഡുകളിലേക്ക് നടന്ന ഉപതിരഞ്ഞെടുപ്പിൽ നാലിടത്തും യുഡിഎഫിന് ജയം. വടകര വില്യാപ്പള്ളി 16–ാം വാർഡിൽ എൻ.ബി.പ്രകാശ് 311 വോട്ടുകൾക്കും മടവൂർ അഞ്ചാം വാർഡ് പുല്ലാളൂരിൽ സിറാജ് ചെറുവല്ലത്ത് 234 വോട്ടുകൾക്കും മാവൂർ 13–ാം വാർഡ് പാറമ്മലിൽ വളപ്പിൽ റസാഖ് 171 വോട്ടുകൾക്കും വാണിമേൽ കോടിയൂറ വാർഡിൽ അനസ് നങ്ങാടി 444 വോട്ടുകൾക്കും ജയിച്ചു. ഈ വിജയങ്ങളൊന്നും നിലവിലെ ഭരണത്തെ ബാധിക്കുന്നതല്ല.

ജില്ലയിലെ നാലു തദ്ദേശ വാർഡുകളിലേക്ക് നടന്ന ഉപതിരഞ്ഞെടുപ്പിൽ നാലിടത്തും യുഡിഎഫിന് ജയം

ഉപതിരഞ്ഞെടുപ്പ് ; ജില്ലയിൽ നാലിടത്തും യുഡിഎഫിന് ജയം

ന്യൂഡല്‍ഹി: സംസ്ഥാനത്തിന്റെ സാമ്പത്തിക പ്രതിസന്ധിക്ക് കാരണം സര്‍ക്കാരിന്റെ നയമാണെന്ന് ഗവര്‍ണര്‍ ആരിഫ് മുഹമ്മദ് ഖാന്‍. മുഖ്യമന്ത്രി നയിക്കുന്ന നവകേരള യാത്ര കൊണ്ട് എന്തുപ്രയോജനമെന്നും പരാതി സ്വീകരിക്കുന്നതല്ലാതെ ഒരു പരിഹാരവും ഉണ്ടാകുന്നില്ലെന്നും ആരിഫ് മുഹമ്മദ്ഖാന്‍ ഡല്‍ഹിയില്‍ മാധ്യമങ്ങളോട് പറഞ്ഞു. സംസ്ഥാനത്തിന്റെ സാമ്പത്തിക ഞെരുക്കത്തിന് കാരണം സര്‍ക്കാരിന്റെ നയങ്ങളാണ്. ഒരു ഭാഗത്ത് അനാവശ്യധൂര്‍ത്ത് നടക്കുകയാണ്. ക്ലിഫ് ഹൗസിലെ സിമ്മിങ് പൂള്‍ നവീകരണത്തിനായി ചെലവിട്ടത് പത്ത് ലക്ഷമാണ്. അതേസമയം, സംസ്ഥാനത്ത് 35 വര്‍ഷം ജോലി ചെയ്തവര്‍ക്ക് പെന്‍ഷന്‍ നല്‍കാന്‍ സര്‍ക്കാരിന്റെ കൈവശം പണമില്ല. മന്ത്രിമാരുടെ സ്റ്റാഫായി രണ്ടുവര്‍ഷം ജോലി ചെയ്തവര്‍ക്ക് പെന്‍ഷന്‍ നല്‍കുന്നുവെന്നും ഗവര്‍ണര്‍ പറഞ്ഞു.
മുഖ്യമന്ത്രിയും മന്ത്രിമാരും നടത്തുന്ന നവകേരളസദസിനെതിരെയും രൂക്ഷമായ വിമര്‍ശനമാണ് ഗവര്‍ണര്‍ ഉയര്‍ത്തിയത്. കേരളത്തില്‍ എന്തിന്റെ പശ്ചാത്തലത്തിലാണ് യാത്ര നടത്തുന്നതെന്നും അദ്ദേഹം ചോദിച്ചു. മൂന്ന് ലക്ഷം പരാതി കിട്ടിയെന്നാണ് പറയുന്നത്. ഇത് കലക്ടറേറ്റിലോ മറ്റിടങ്ങളിലോ സ്വീകരിക്കാവുന്നതാണ്. അല്ലെങ്കില്‍ സെക്രട്ടേറിയറ്റില്‍ തന്നെ നേരിട്ടെത്തി നല്‍കാവുന്നതാണ്. പരാതി സ്വീകരിക്കുന്നതല്ലാതെ, പ്രശ്‌നങ്ങള്‍ക്ക് ഒരുപരിഹാരവുമാകുന്നില്ലെന്നും ഗവര്‍ണര്‍ പറഞ്ഞു. സെനറ്റിലേക്ക് താന്‍ നാമനിര്‍ദേശം ചെയ്തവരുടെ ലിസ്റ്റ് മുഴുവന്‍ ഹൈക്കോടതി സ്‌റ്റേ ചെയ്തിട്ടില്ലെന്നും ഗവര്‍ണര്‍ പറഞ്ഞു. തന്റെ വിവേചനാധികാരം എങ്ങനെ പ്രയോഗിക്കണമെന്ന് സ്വയം തീരുമാനിക്കും. താന്‍ ആളുകളെ തെരഞ്ഞെടുക്കുന്നതിന്റെ കാരണം ആരെയും ബോധ്യപ്പെടുത്തേണ്ട ചുമതല തനിക്കില്ലെന്നും ഗവര്‍ണര്‍ പറഞ്ഞു.

സംസ്ഥാനത്ത് 35 വര്‍ഷം ജോലി ചെയ്തവര്‍ക്ക് പെന്‍ഷന്‍ നല്‍കാന്‍ സര്‍ക്കാരിന്റെ കൈവശം പണമില്ല. മന്ത്രിമാരുടെ സ്റ്റാഫായി രണ്ടുവര്‍ഷം ജോലി ചെയ്തവര്‍ക്ക് പെന്‍ഷന്‍ നല്‍കുന്നുവെന്നും ഗവര്‍ണര്‍ പറഞ്ഞു

നവകേരള യാത്ര കൊണ്ട് എന്തുപ്രയോജനം? പരാതികൾക്കൊന്നും  ഒരു പരിഹാരവും ഉണ്ടാകുന്നില്ലെന്ന് ഗവർണർ

ത​ല​ശ്ശേ​രി: ന​ഗ​ര​ത്തി​ൽ പൂ​ട്ടി​യി​ട്ട വീ​ട്ടി​ൽ പ​ട്ടാ​പ്പക​ൽ മോഷണം. ചി​റ​ക്ക​ര മോ​റ​ക്കു​ന്ന് റോ​ഡി​ലെ എം.​കെ. മു​ഹ​മ്മ​ദ് ന​വാ​സി​ന്റെ ഷു​ക്ര​ഫ് വീ​ട്ടി​ലാ​ണ് തി​ങ്ക​ളാ​ഴ്ച ഉ​ച്ച​ക്ക് മോ​ഷ​ണം ന​ട​ന്ന​ത്. വീ​ട്ടി​ലെ ബെ​ഡ് റൂ​മി​ലെ ഷെ​ൽ​ഫി​ൽ സൂ​ക്ഷി​ച്ച നാ​ല​ര​ല​ക്ഷം രൂ​പ​യാ​ണ് മോഷ്ടിച്ചത്. വീ​ട്ടി​ൽ ആ​രു​മി​ല്ലാ​ത്ത ത​ക്കം നോ​ക്കി​യാ​ണ് മോഷണം. ര​ണ്ടു​നി​ല വീ​ട്ടി​ന്റെ പി​ൻ​ഭാ​ഗ​ത്തെ കി​ണ​റി​ന്റെ ആ​ൾ​മ​റ​യി​ലൂ​ടെ​യാ​ണ് മോ​ഷ്ടാ​വ് അ​ക​ത്തു ക​യ​റി​യ​ത്. മാ​ഹി പൂ​ഴി​ത്ത​ല​യി​ൽ പെ​യി​ന്റ് ആ​ൻ​ഡ് പെ​യി​ന്റ്സ് സ്ഥാ​പ​ന​ത്തി​ന്റെ പാ​ർ​ട്ണ​റാ​ണ് ന​വാ​സ്.വ്യാ​പാ​രി​യാ​യ ന​വാ​സ് ക​ട​യി​ലേ​ക്കും ത​ല​ശ്ശേ​രി എം.​ഇ.​എ​സ് സ്കൂ​ൾ ജീ​വ​ന​ക്കാ​രി​യാ​യ മ​സ്ന​യും ഇ​വ​രു​ടെ മൂ​ന്ന് കു​ട്ടി​ക​ളും സ്കൂ​ളി​ലേ​ക്കും വീ​ട് പൂ​ട്ടി പോ​യ സ​മ​യ​ത്താ​ണ് മോഷണം ന​ട​ന്ന​ത്.&nbsp;
വൈ​കീ​ട്ട് കു​ട്ടി​ക​ൾ വീ​ട്ടി​ൽ തി​രി​ച്ചെ​ത്തി​യ​പ്പോ​ൾ വാ​തി​ൽ തു​റ​ക്കാ​നാ​യി​ല്ല. തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ലാ​ണ് മോ​ഷ​ണം ന​ട​ന്ന​ത് ശ്ര​ദ്ധ​യി​ൽ​പെ​ട്ട​ത്. മു​റി​യു​ടെ​യും മ​റ്റും ഭാ​ഗ​ങ്ങ​ളി​ൽ മ​ണ്ണെ​ണ ഒ​ഴി​ച്ച നി​ല​യി​ലാ​ണ്. ബെ​ഡ് റൂ​മി​ന്റെ വാ​തി​ൽ ലോ​ക്കും പ​ണം സൂ​ക്ഷി​ച് ഷെ​ൽ​ഫ് ലോ​ക്കും ത​ക​ർ​ത്ത നി​ല​യി​ലാ​ണ്. ഷെ​ൽ​ഫി​ൽ സൂ​ക്ഷി​ച്ചി​രു​ന്ന ആ​ഭ​ര​ണ​ങ്ങ​ൾ ഒ​ന്നും ന​ഷ്ട​മാ​യി​ല്ല. പ​ണം മാ​ത്ര​മാ​ണ് മോ​ഷ്ടാ​ക്ക​ൾ അ​പ​ഹ​രി​ച്ച​തെ​ന്ന് ന​വാ​സ് പ​റ​ഞ്ഞു. ന​വാ​സി​ന്റെ പ​രാ​തി​യി​ൽ ത​ല​ശ്ശേ​രി എ​സ്.​ഐ വി.​വി. ദീ​പ്തി​യു​ടെ നേ​തൃ​ത്വ​ത്തി​ൽ പോലീ​സ് അ​ന്വേ​ഷ​ണം ആ​രം​ഭി​ച്ചു. ക​ണ്ണൂ​രി​ൽ നി​ന്നു​ള്ള ഡോ​ഗ് സ്ക്വാ​ഡും വി​ര​ല​ട​യാ​ള വി​ദ​ഗ്ധ​രും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. സ​മീ​പ​ത്തെ സി.​സി.​ടി.​വി പ്ര​വ​ർ​ത്തി​ക്കാ​ത്ത​തി​നാ​ൽ പോ​ലീ​സി​ന് മോ​ഷ​ണം സം​ബ​ന്ധി​ച്ച് വ​ലി​യ തു​മ്പൊ​ന്നും ല​ഭി​ച്ചി​ല്ല. പോ​ലീ​സ് നായ് മ​ണം പി​ടി​ച്ച് ഏ​താ​നും വാ​ര അ​ക​ലെ ഓ​ടി നി​ന്നു. സ​മീ​പ​ത്ത് ജോ​ലി ചെ​യ്തി​രു​ന്ന തൊ​ഴി​ലാ​ളി​ക​ളെ പോ​ലീ​സ് ചോ​ദ്യം ചെ​യ്തു. ഇ​ത​ര സം​സ്ഥാ​ന​ക്കാ​രാ​വാം ക​വ​ർ​ച്ച​ക്ക് പി​ന്നി​ലെ​ന്ന് സം​ശ​യി​ക്കു​ന്നു.

ചി​റ​ക്ക​ര മോ​റ​ക്കു​ന്ന് റോ​ഡി​ലെ എം.​കെ. മു​ഹ​മ്മ​ദ് ന​വാ​സി​ന്റെ ഷു​ക്ര​ഫ് വീ​ട്ടി​ലാ​ണ് തി​ങ്ക​ളാ​ഴ്ച ഉ​ച്ച​ക്ക് മോ​ഷ​ണം ന​ട​ന്ന​ത്

തലശ്ശേരിയിൽ പൂട്ടിയിട്ട വീട്ടിൽ മോഷണം; നാ​ല​ര​ല​ക്ഷം രൂപ നഷ്ടമായതായി ഉടമ

ക​ണ്ണൂ​ർ: ജോ​ലി​യും നി​ക്ഷേ​പ​ത്തി​ന് ലാ​ഭ​വി​ഹി​ത​വും വാ​ഗ്ദാ​നം ന​ൽ​കി ഓ​ൺ​ലൈ​ൻ ആ​പ് അ​യ​ച്ചു​കൊ​ടു​ത്ത് സൈ​ബ​ർ ത​ട്ടി​പ്പ് സം​ഘം യു​വ​തി​യു​ടെ അ​ക്കൗ​ണ്ടി​ൽ നി​ന്ന് ല​ക്ഷ​ങ്ങ​ൾ ത​ട്ടി​യെ​ടു​ത്തു. മു​ണ്ട​യാ​ട് എ​ള​യാ​വൂ​ർ സ്വ​ദേ​ശി​നി സ​ക്കീ​ന​യു​ടെ (27) പ​ണ​മാ​ണ് ത​ട്ടി​യെ​ടു​ത്ത​ത്. ജോ​ലി​യും ക​മീ​ഷ​നും വാ​ഗ്‌​ദാ​നം ന​ൽ​കി വാട്സ് ആപ് ​വഴി വ​ന്ന സ​ന്ദേ​ശ​മാ​ണ് ഇ​വ​രെ കു​രു​ക്കി​യ​ത്.
ഡി​സം​ബ​ർ മൂ​ന്നി​ന് യു​വ​തി​യി​ൽ നി​ന്ന് 10,500 രൂ​പ നി​ക്ഷേ​പ​മാ​യി സ്വീ​ക​രി​ച്ച സം​ഘം, പി​ന്നീ​ട് യു​വ​തി​യു​ടെ വി​വി​ധ ബാ​ങ്ക് അ​ക്കൗ​ണ്ടു​ക​ളി​ൽ നി​ന്ന് ത​ട്ടി​പ്പ് സം​ഘം 6,33,000 രൂ​പ ത​ട്ടി​യെ​ടു​ക്കു​ക​യാ​യി​രു​ന്നു. മൊ​ബൈ​ൽ ഫോ​ണി​ൽ ഇ​ൻ​സ്റ്റാ​ൾ ചെ​യ്ത ആ​പ് വ​ഴി അ​ക്കൗ​ണ്ട് വി​വ​ര​ങ്ങ​ൾ ചോ​ർ​ത്തി​യാ​ണ് പ​ണം ത​ട്ടി​യ​ത്. തു​ട​ർ​ന്ന് ത​ട്ടി​പ്പു സം​ഘം ഉ​പ​യോ​ഗി​ച്ച മൊ​ബൈ​ൽ ന​മ്പ​ർ സ​ഹി​തം യു​വ​തി പോലീ​സി​ൽ പ​രാ​തി ന​ൽ​കി. കേ​സെ​ടു​ത്ത പോ​ലീ​സ് അ​ന്വേ​ഷ​ണം തു​ട​ങ്ങി.

മു​ണ്ട​യാ​ട് എ​ള​യാ​വൂ​ർ സ്വ​ദേ​ശി​നി സ​ക്കീ​ന​യു​ടെ (27) പ​ണ​മാ​ണ് ത​ട്ടി​യെ​ടു​ത്ത​ത്

സൈ​ബ​ർ ത​ട്ടി​പ്പ്; കണ്ണൂരിൽ യുവതിക്ക് നഷ്ടമായത് ലക്ഷങ്ങൾ

തൃശൂർ: ഫേസ്ബുക്കിൽ അപകീർത്തികരമായ പോസ്റ്റിട്ട സംഭവത്തിൽ പരാതിക്കാരന് 10 ലക്ഷം രൂപ നഷ്ടപരിഹാരം നൽകാൻ വിധി. തൃശൂർ സ്വദേശിയും സൈക്കോളജിസ്റ്റുമായ പ്രസാദ് എം.കെ നൽകിയ പരാതിയിൽ തൃശൂർ അഡീഷണൽ സബ് കോടതിയുടേതാണ് വിധി.
പ്രസാദിനെ ഫേസ്ബുക്കിലൂടെ അപകീർത്തിപ്പെടുത്തിയ കോട്ടയം സ്വദേശി ഷെറിൻ വി ജോർജിനോടാണ് നഷ്ടപരിഹാരം നൽകാൻ കോടതി ഉത്തരവിട്ടത്. 2017 ഏപ്രിൽ 26നാണ് ഷെറിൻ പരാതിക്കാരനായ പ്രസാദിന്റെ സർട്ടിഫിക്കറ്റുകൾ വ്യാജമാണെന്ന് പോസ്റ്റിട്ടത്. ഇത് തനിക്ക് സമൂഹത്തിൽ അവമതിപ്പുണ്ടാക്കിയെന്നും, നിരവധി കക്ഷികളെ നഷ്ടപ്പെട്ടതിലൂടെ സാമ്പത്തിക നഷ്ടം ഉണ്ടായെന്നും കാട്ടിയാണ് പരാതി നൽകിയത്. 10 ലക്ഷം രൂപയും, 2017 മുതൽ ആറു ശതമാനം പലിശയും, കോടതി ചെലവും നൽകാനാണ് ഉത്തരവ്.

തൃശൂർ സ്വദേശിയും സൈക്കോളജിസ്റ്റുമായ പ്രസാദ് എം.കെ നൽകിയ പരാതിയിൽ തൃശൂർ അഡീഷണൽ സബ് കോടതിയുടേതാണ് വിധി

ഫേസ്ബുക്കിൽ അപകീർത്തികരമായ പോസ്റ്റ്; പരാതിക്കാരന് 10 ലക്ഷം രൂപ നഷ്ടപരിഹാരം നൽകാൻ വിധി

പേരാമ്പ്ര : കടിയങ്ങാട് പെരുവണ്ണാമൂഴി റോഡിൽ പന്തിരിക്കര പള്ളിക്കുന്നിൽ കാർ റോഡരികിലെ മരത്തിലിടിച്ച് യാത്രക്കാരായ മൂന്നുപേർക്ക് പരിക്കേറ്റു. എല്ലാവരെയും പേരാമ്പ്ര താലൂക്ക് ആശുപത്രിയിൽ പ്രവേശിപ്പിച്ചു. ചൊവ്വാഴ്ച ഉച്ചയ്ക്ക് 2.45-ഓടെയാണ് അപകടം. കടിയങ്ങാട്ടുനിന്നും പെരുവണ്ണാമൂഴി ഭാഗത്തേക്ക് വന്നതായിരുന്നു കാർ. ചങ്ങരോത്ത് സ്കൂളിലേക്ക് തിരിയുന്ന റോഡിനടുത്തുള്ള മരത്തിലാണ് ഇടിച്ചത്.
നേരത്തേ ഇവിടെ ഹമ്പുണ്ടായിരുന്നു. അടുത്തിടെ റോഡ് നവീകരണം നടന്നപ്പോൾ ഹമ്പ് എടുത്തുമാറ്റിയതാണ്. റോഡ് വീതികൂട്ടിയപ്പോൾ റോഡിനോടുചേർന്നുള്ള മരങ്ങൾ മുറിച്ചുമാറ്റുന്നത് നടന്നിരുന്നില്ല. ഇത്തരത്തിൽ മുറിച്ചുനീക്കേണ്ട മരത്തിലാണ് വാഹനമിടിച്ചത്. നവീകരണം നടന്നതോടെ വാഹനങ്ങൾ നല്ലവേഗത്തിലാണ് പോകുന്നത്. ആഴ്ചകൾക്കുമുമ്പ് പന്തിരിക്കരയിൽ അതിവേഗത്തിൽ വന്ന കാർ ഒരു ഓട്ടോയിൽ ഇടിച്ച് ഓട്ടോയിലുണ്ടായിരുന്ന യാത്രക്കാരന് പരിക്കേറ്റിരുന്നു. റോഡിൽ ആവശ്യമുള്ള ട്രാഫിക് സൂചനാബോർഡുകളും സ്ഥാപിച്ചിട്ടില്ല.

പരിക്കേറ്റവരെ പേരാമ്പ്ര താലൂക്ക് ആശുപത്രിയിൽ പ്രവേശിപ്പിച്ചു

Perambra

പേരാമ്പ്രയിൽ കാർ മരത്തിലിടിച്ച് യാത്രക്കാർക്ക് പരിക്ക്

കോ​ഴി​ക്കോ​ട്: 15 വ​യ​സ്സു​ള്ള പെ​ൺ​കു​ട്ടി​യെ ബ​സി​ൽ യാ​ത്ര ചെ​യ്യ​വെ ലൈം​ഗി​ക​മാ​യി ആ​ക്ര​മി​ക്കു​ക​യും നി​ര​ന്ത​ര​മാ​യി ലൈം​ഗി​ക ഉ​ദ്ദേ​ശ്യ​ത്തോ​ടു​കൂ​ടി പി​ൻ​തു​ട​രു​ക​യും പെ​ൺ​കു​ട്ടി​യു​ടെ വീ​ട്ടു​പ​റ​മ്പി​ൽ ആ​ക്ര​മി​ച്ചു ക​യ​റു​ക​യും ചെ​യ്‌​തു​വെ​ന്ന കേ​സി​ൽ ബ​സ് ജീ​വ​ന​ക്കാ​ര​ന് അ​ഞ്ചു വ​ർ​ഷം ക​ഠി​ന ത​ട​വും 1,25000 രൂ​പ പി​ഴ​യും. പാ​ലാ​ഴി ക​യ​ലും പാ​റ​ക്ക​ൽ​താ​ഴ​ത്ത് ടി.​പി. അ​മ​ലി​നെ​യാ​ണ് (25) കോ​ഴി​ക്കോ​ട് പോ​ക്സോ ഫാ​സ്റ്റ് ട്രാ​ക് കോ​ട​തി രാ​ജീ​വ് ജ​യ​രാ​ജ് ശി​ക്ഷി​ച്ച​ത്.
വി​വി​ധ വ​കു​പ്പു​ക​ളി​ൽ മൊ​ത്തം 11 വ​ർ​ഷ​വും മൂ​ന്നു​മാ​സ​വും ത​ട​വ് വി​ധി​ച്ചെ​ങ്കി​ലും ശി​ക്ഷ അ​ഞ്ചു വ​ർ​ഷം ഒ​ന്നി​ച്ച് അ​നു​ഭ​വി​ച്ചാ​ൽ മ​തി. പി​ഴ​യ​ട​ച്ചി​ല്ലെ​ങ്കി​ൽ ഒ​രു കൊ​ല്ല​വും മൂ​ന്ന് മാ​സ​വും കൂ​ടി അ​ധി​ക ത​ട​വ​നു​ഭ​വി​ക്ക​ണം. പി​ഴ​യ​ട​ച്ചാ​ൽ 50,000 രൂ​പ പെ​ൺ​കു​ട്ടി​ക്ക് ന​ഷ്ട​മാ​യി ന​ൽ​ക​ണം. മെ​ഡി​ക്ക​ൽ കോ​ള​ജ് സ​ബ് ഇ​ൻ​സ്​​പെ​ക്ട​ർ പി.​കെ. ജ്യോ​തി അ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ർ​പ്പി​ച്ച കേ​സി​ൽ പ്രോ​സി​ക്യൂ​ഷ​നു വേ​ണ്ടി അ​ഡ്വ. ആ​ർ.​എ​ൻ. ര​ഞ്ജി​ത് ഹാ​ജ​രാ​യി. സി​വി​ൽ പോ​ലീ​സ് ഓ​ഫീ​സ​ർ​മാ​രാ​യ സി​ന​ഖു വി.​സി, ബി​ജു എം.​സി എ​ന്നി​വ​ർ പ്രോ​സി​ക്യൂ​ഷ​ൻ ന​ട​പ​ടി​ക​ൾ ഏ​കോ​പി​പ്പി​ച്ചു.

പാ​ലാ​ഴി ക​യ​ലും പാ​റ​ക്ക​ൽ​താ​ഴ​ത്ത് ടി.​പി. അ​മ​ലി​നെ​യാ​ണ് (25) കോ​ഴി​ക്കോ​ട് പോ​ക്സോ ഫാ​സ്റ്റ് ട്രാ​ക് കോ​ട​തി രാ​ജീ​വ് ജ​യ​രാ​ജ് ശി​ക്ഷി​ച്ച​ത്

Kozhikode

പെ​ൺ​കു​ട്ടി​യെ ശല്യം ചെയ്ത ബസ് ജീവനക്കാരന് അഞ്ച് വ​ർ​ഷം ക​ഠി​ന ത​ട​വും 1,25000 രൂ​പ പി​ഴ​യും

ആലപ്പുഴ: അശ്ലീല ദൃശ്യങ്ങൾ അയച്ചെന്ന പരാതിയുമായി യൂത്ത് കോൺഗ്രസ് സംസ്ഥാന വൈസ് പ്രസിഡൻറ് അരിത ബാബു. വിദേശ നമ്പറിൽ നിന്നാണ് അശ്ലീല ദൃശ്യങ്ങൾ വന്നത്. സംഭവത്തിൽ കായംകുളം ഡിവൈഎസ്പി ഓഫീസിൽ നേരിട്ട് എത്തി പരാതി നൽകുകയായിരുന്നു. പ്രവാസിയായ മലപ്പുറം അമരമ്പലം സ്വദേശി ഷമീറാണ് അശ്ലീല ദൃശ്യങ്ങൾ അയച്ചത്. വിദേശ നമ്പരിൽ നിന്നും ആദ്യം വാട്സാപ്പിൽ തുടർച്ചയായി വീഡിയോ കോൾ വരുകയായിരുന്നു. പിന്നീട് അശ്ലീല ദൃശ്യങ്ങൾ അയച്ചു.സോഷ്യൽ മീഡിയയിലൂടെ കഴിഞ്ഞ ദിവസം അരിത തനിക്കുണ്ടായ മോശം അനുഭവം പങ്കുവച്ചിരുന്നു. വിഡിയോ സ്ക്രീൻഷോട്ട് ഉൾപ്പടെയാണ് പങ്കുവച്ചത്.&nbsp;
വിദേശത്തുള്ള സുഹൃത്തുക്കൾക്ക് നമ്പർ ഷെയർ ചെയ്തതിനെ തുടർന്ന് ഇയാള്‍ ഖത്തറിൽ ആണെന്ന് കണ്ടെത്തി. സുഹൃത്തുക്കൾ ഇയാളുമായി നേരിട്ട് ബന്ധപ്പെടുകയും ചെയ്തു. സംഭവം പ്രശ്നമായതോടെ മാപ്പ് പറഞ്ഞ് തലയൂരാൻ ഇയാൾ ശ്രമിച്ചെങ്കിലും പരാതിയുമായി മുന്നോട്ടുപോകാൻ അരിത ബാബു തീരുമാനിക്കുകയായിരുന്നു.&nbsp;

സോഷ്യൽ മീഡിയയിലൂടെ കഴിഞ്ഞ ദിവസം അരിത തനിക്കുണ്ടായ മോശം അനുഭവം പങ്കുവച്ചിരുന്നു. വിഡിയോ സ്ക്രീൻഷോട്ട് ഉൾപ്പടെയാണ് പങ്കുവച്ചത്

അശ്ലീല ദൃശ്യങ്ങൾ അയക്കലും വീഡിയോ കോളും; പ്രവാസിക്കെതിരെ പരാതി നൽകി യൂത്ത് കോൺഗ്രസ് നേതാവ്

മാ​ന​ന്ത​വാ​ടി: ബാ​വ​ലി എ​ക്സൈ​സ് ചെ​ക്ക്പോ​സ്റ്റി​ൽ ന​ട​ത്തി​യ വാ​ഹ​ന​പ​രി​ശോ​ധ​ന​യി​ൽ കാ​റി​ൽ ക​ട​ത്തി കൊ​ണ്ടു​വ​ന്ന ​മ​യ​ക്കു​മ​രു​ന്നാ​യ മെ​ത്താം​ഫെ​റ്റാ​മൈ​നും ക​ഞ്ചാ​വു​മാ​യി യു​വാ​ക്ക​ൾ പി​ടി​യി​ൽ. എ​ട​വ​ക പ​ള്ളി​ക്ക​ൽ ക​ല്ലാ​യി വീ​ട്ടി​ൽ മു​ഹ​മ്മ​ദ്‌ സാ​ജി​ദ് (28), എ​ട​വ​ക പാ​ല​മു​ക്ക് മ​ണ്ണാ​ർ വീ​ട്ടി​ൽ എം. ​മാ​ലി​ക് എ​ന്നി​വ​രാ​ണ് പി​ടി​യി​ലാ​യ​ത്. 0.57 ഗ്രാം ​മെ​ത്താം​ഫെ​റ്റാ​മൈ​നും 240 ഗ്രാം ​ക​ഞ്ചാ​വും പ്ര​തി​ക​ളി​ൽ നി​ന്ന് ക​ണ്ടെടു​ത്തു. കാ​റും ക​സ്റ്റ​ഡി​യി​ലെ​ടു​ത്തു. പ​രി​ശോ​ധ​ന​യി​ൽ എ​ക്സൈ​സ് ഇ​ൻ​സ്‌​പെ​ക്ട​ർ ജി​ജി​ൽ​കു​മാ​ർ, പ്ര​വ​ന്റീ​വ് ഓ​ഫി​സ​ർ വി. ​ആ​ർ. ബാ​ബു​രാ​ജ്‌, സി​വി​ൽ എ​ക്സൈ​സ് ഓ​ഫി​സ​ർ​മാ​രാ​യ സ​ജി മാ​ത്യു, ഷി​നോ​ജ്, നി​ക്കോ​ളാ​സ് എ​ന്നി​വ​ർ പ​ങ്കെ​ടു​ത്തു.

എ​ട​വ​ക പ​ള്ളി​ക്ക​ൽ ക​ല്ലാ​യി വീ​ട്ടി​ൽ മു​ഹ​മ്മ​ദ്‌ സാ​ജി​ദ് (28), എ​ട​വ​ക പാ​ല​മു​ക്ക് മ​ണ്ണാ​ർ വീ​ട്ടി​ൽ എം. ​മാ​ലി​ക് എ​ന്നി​വ​രാ​ണ് പി​ടി​യി​ലാ​യ​ത്

മെ​ത്താം​ഫെ​റ്റാ​മൈ​നും ക​ഞ്ചാ​വു​മാ​യി യു​വാ​ക്ക​ൾ പി​ടി​യി​ൽ

ന്യൂഡൽഹി: ആധാര്‍ കാര്‍ഡിലെ വിവരങ്ങള്‍ സൗജന്യമായി പുതുക്കുന്നതിനുള്ള തിയതി നീട്ടി. മാര്‍ച്ച് 14 വരെ നീട്ടിയതായി യുണീക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ അറിയിച്ചു. ആധാര്‍ കാര്‍ഡിലെ തിരിച്ചറിയല്‍, വിലാസം ഉള്‍പ്പെടെയുള്ള വിവരങ്ങളാണ് സൗജന്യമായി പുതുക്കുക. ഡിസംബർ 14ന് സൗജന്യ സേവനം അവസാനിക്കാനിരിക്കെയാണ് തിയതി നീട്ടിയത്. ആധാർ പുതുക്കാനായി അക്ഷയ കേന്ദ്രങ്ങളിലും ആധാര്‍ സേവന കേന്ദ്രങ്ങളിലും വലിയ തോതില്‍ തിരക്കനുഭവപ്പെട്ടിരുന്നു. തിയതി നീട്ടിയതോടെ ഇതില്‍ കുറവുണ്ടാകുമെന്നാണ് പ്രതീക്ഷിക്കുന്നത്. എന്‍​റോള്‍മെന്റ് തിയതി മുതല്‍ 10 വര്‍ഷത്തിലൊരിക്കലെങ്കിലും ആധാര്‍ വിവരങ്ങള്‍ അപ്ഡേറ്റ് ചെയ്യണം എന്നാണ് യുണീക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യയുടെ നിര്‍ദേശം. ആധാര്‍ വിവരങ്ങള്‍ പുതുക്കുന്നതിനുള്ള ആദ്യ സമയപരിധി നേരത്തെ ജൂണ്‍ 14 വരെ ആയിരുന്നു. ഇതാണ് പിന്നീട് ഡിസംബര്‍ 14 വരെ ആക്കിയത്.&nbsp;
ആധാർ പുതുക്കേണ്ടത് ഇങ്ങനെ
യുഐഡിഎഐ പോര്‍ട്ടല്‍ വഴി ആധാര്‍ രേഖകള്‍ സൗജന്യമായി പുതുക്കുന്നതിനുള്ള സൗകര്യമാണ് ഒരുക്കിയിരിക്കുന്നത്. myaadhaar.uidai.gov.in എന്ന വെബ്‌സൈറ്റില്‍ Document Update ഓപ്ഷന്‍ വഴി രേഖകള്‍ പുതുക്കാം. അക്ഷയ സെന്ററുകള്‍ അടക്കമുള്ള ആധാര്‍ കേന്ദ്രങ്ങളില്‍ പോയി ചെയ്യുന്നതിന് 50 രൂപ നല്‍കണം. 10 വര്‍ഷത്തിലൊരിക്കല്‍ ആധാറിലെ വിവരങ്ങള്‍ പുതുക്കാനാണ് യുഐഡിഎഐ പ്രേരിപ്പിക്കുന്നത്. തിരിച്ചറിയല്‍, മേല്‍വിലാസ രേഖകളുടെ സഹായത്തോടെയാണ് ഓണ്‍ലൈനായി സൗജന്യമായി വിവരങ്ങള്‍ പുതുക്കേണ്ടത്.&nbsp;
ഓണ്‍ലൈനായി വിവരങ്ങള്‍ പുതുക്കുമ്പോള്‍ മൊബൈല്‍ നമ്പര്‍ ആധാറുമായി ബന്ധിപ്പിച്ചിട്ടുണ്ടോ എന്ന് ഉറപ്പാക്കേണ്ടതാണ്. തുടര്‍ന്ന് ലഭിക്കുന്ന ഒടിപി അനുസരിച്ചാണ് തുടര്‍നടപടികള്‍ സ്വീകരിക്കേണ്ടത്. തിരിച്ചറിയല്‍, മേല്‍വിലാസം, ജനനത്തീയതി തുടങ്ങിയവ തെളിയിക്കുന്നതിന് ആവശ്യമായ രേഖകളുടെ സ്‌കാന്‍ ചെയ്ത കോപ്പികള്‍ വേണം. സൈറ്റില്‍ കയറി Document Update ല്‍ ക്ലിക്ക് ചെയ്ത് വേണം മുന്നോട്ടുപോകാന്‍. തുടര്‍ന്ന് ആധാര്‍ നമ്പര്‍ നല്‍കണം. അപ്‌ഡേറ്റ് ചെയ്യേണ്ട വിശദാംശങ്ങള്‍ തെരഞ്ഞെടുത്ത് മുന്നോട്ടുപോകുക. ഈ സമയത്താണ് സ്‌കാന്‍ ചെയ്ത കോപ്പികള്‍ അപ്ലോഡ് ചെയ്യേണ്ടത്. സബ്മിറ്റ് ചെയ്ത് കഴിഞ്ഞാല്‍ അപ്‌ഡേറ്റ് റിക്വസ്റ്റ് നമ്പര്‍ ലഭിക്കും. സ്റ്റാറ്റസ് ട്രാക്ക് ചെയ്യാന്‍ ഈ നമ്പര്‍ ഉപകരിക്കും.

സൗജന്യമായി പുതുക്കുന്നതിനുള്ള തിയതി നീട്ടി. മാര്‍ച്ച് 14 വരെ നീട്ടിയതായി യുണീക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ അറിയിച്ചു

ആധാര്‍ സൗജന്യമായി പുതുക്കുന്നതിനുള്ള തിയതി നീട്ടി

വയനാട്: ഡിസിസി ട്രഷറർ എൻ എം വിജയന്റെയും മകന്റെയും ആത്മഹത്യ കേസുമായി ബന്ധപ്പെട്ട് കോൺഗ്രസ് നേതാക്കൾക്ക് മുൻകൂർജാമ്യം ലഭിച്ചു. ഐ.സി.ബാലകൃഷ്ണൻ എംഎൽഎ, ഡിസിസി പ്രസിഡന്റ് എൻ.ഡി.അപ്പച്ചൻ, കെ.കെ ഗോപിനാഥ് എന്നിവർക്കാണ് മുൻകൂർ ജാമ്യം ലഭിച്ചത്. ഇവർക്കെതിരെ ആത്മഹത്യ പ്രേരണാക്കുറ്റമാണ് ചുമത്തിയിരുന്നത്. അന്വേഷണ ഉദ്യോഗസ്ഥർ ആവശ്യപ്പെടുമ്പോൾ ഹാജരാകണം, സാക്ഷികളെ സ്വാധീനിക്കരുത്, തെളിവുകൾ നശിപ്പിക്കരുത് എന്നീ ഉപാധികളോടെയാണ് ജാമ്യം അനുവദിച്ചിരിക്കുന്നത്.
വിഷം ഉള്ളിൽചെന്ന നിലയിൽ കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലായിരിക്കെയാണ് വയനാട് ഡിസിസി ട്രഷററും മകനും മരിച്ചത്. ബത്തേരിയിലെ സഹകരണ ബാങ്കുകളിലെ നിയമനവുമായി ബന്ധപ്പെട്ട് കോൺഗ്രസ് നേതാക്കളുടെ അറിവോടെ പാർട്ടിക്കായി പണം വാങ്ങിയെന്നും, എന്നാൽ നിയമനം നടക്കാതെ വന്നപ്പോൾ, ബാധ്യത മുഴുവൻ തന്റെ തലയിലായി എന്നുമാണ് എൻ എം വിജയൻ ആത്മഹത്യാക്കുറിപ്പിൽ വ്യക്തമാക്കിയിരുന്നത്.&nbsp;

എൻ എം വിജയന്റെയും മകന്റെയും ആത്മഹത്യ ; കോൺഗ്രസ് നേതാക്കൾക്ക് മുൻകൂർജാമ്യം

ന്യൂഡല്‍ഹി: അടുത്തമാസം നടക്കുന്ന ചാമ്പ്യന്‍സ് ട്രോഫി ഏകദിന ക്രിക്കറ്റ് ടൂര്‍ണമെന്റിനുള്ള ഇന്ത്യന്‍ ടീമിനെ പ്രഖ്യാപിച്ചു. രോഹിത് ശര്‍മ നയിക്കുന്ന ടീമില്‍ മലയാളി താരം സഞ്ജു സാംസണ്‍ ഇടംനേടിയിട്ടില്ല. ഏറ്റവും പ്രധാന മാറ്റം ശുഭ്മാന്‍ ഗില്ലിന്റെ ഉപനായകനായുള്ള പ്രമോഷനാണ്. നേരത്തെ രോഹിത്തിന്റെ അഭാവത്തില്‍ ടീമിനെ നയിച്ച ഹര്‍ദിക് പാണ്ഡ്യ ടീമിലുണ്ടായിട്ടും ഗില്ലിനാണ് ചുമതല നല്‍കിയത്‌. ശ്രീലങ്കന്‍ പര്യടനത്തില്‍ ടീമിനെ നയിച്ചത് ഗില്ലായിരുന്നു. ആ പരമ്പരയിലെ ക്യാപ്റ്റന്‍സി കൂടി വിലയിരുത്തിയാണ് തീരുമാനമെന്ന് അഗാര്‍ക്കര്‍ വ്യക്തമാക്കി. സഞ്ജുവിന് പകരം രണ്ടാം വിക്കറ്റ് കീപ്പര്‍ എന്ന
പരിഗണനയില്‍ കൂടിയാണ് ലോകേഷ് രാഹുല്‍ ഇലവനില്‍ ഇടംപിടിച്ചത്. പരിക്കിനെ തുടര്‍ന്ന് ഏറെക്കാലമായി ടീമിന് പുറത്തായിരുന്ന ഷമി തിരിച്ചെത്തി. ബുംറ പരിക്കില്‍ നിന്ന് പൂര്‍ണമായി ഭേദമാകാത്തതിനാല്‍ ഹര്‍ഷിത് റാണെയെ പകരക്കാരനായി ഉള്‍പ്പെടുത്തിയിട്ടുണ്ട്‌
ടീം ഇങ്ങനെ,
രോഹിത് ശര്‍മ (ക്യാപ്റ്റന്‍)
ശുഭ്മാന്‍ ഗില്‍ (വൈസ്. ക്യാപ്റ്റന്‍)
യശസ്വി ജയ്‌സ്വാള്‍
വിരാട് കോലി
ശ്രേയസ് അയ്യര്‍
കെ.എല്‍.രാഹുല്‍
ഋഷഭ് പന്ത്
ഹര്‍ദിക് പാണ്ഡ്യ
രവീന്ദ്ര ജഡേജ
അക്‌സര്‍ പട്ടേല്‍
വാഷിങ്ടണ്‍ സുന്ദര്‍
കുല്‍ദീപ് യാദവ്
ജസ്പ്രിത് ബുംറ
മുഹമ്മദ് ഷമി
അര്‍ഷദീപ് സിങ്

ഫെബ്രുവരി 19-നാണ് പാകിസ്താനില്‍ ചാമ്പ്യന്‍സ് ട്രോഫി തുടങ്ങുന്നത്. പാകിസ്താനില്‍ കളിക്കാനാകില്ലെന്ന് നിലപാടെടുത്തതിനാല്‍ ഇന്ത്യയുടെ മത്സരങ്ങള്‍ ദുബായിലാണ്.

ചാമ്പ്യന്‍സ് ട്രോഫി: ഇന്ത്യന്‍ ടീമിനെ രോഹിത് നയിക്കും

കോഴിക്കോട്: കോഴിക്കോട് മെഡിക്കൽ കോളേജിലെ മരുന്ന് പ്രതിസന്ധി പത്താം ദിവസത്തിലേക്ക് കടന്നതോടെ സമരം ഏറ്റെടുത്ത് കോൺ​ഗ്രസ്. ഞായറാഴ്ച രാവിലെ എട്ട് മുതൽ 24 മണിക്കൂർ കോഴിക്കോട് എം.പി എം.കെ രാഘവൻ മെഡിക്കൽ കോളേജ് ആശിപത്രിക്ക് മുമ്പിൽ ഉപവാസ സമരം നടത്തും. സർക്കാരിന്റെ കണ്ണ് തുറപ്പിക്കാനുള്ള പ്രതിഷേധമാണ് നടത്തുന്നതെന്ന് അദ്ദേഹം കോഴിക്കോട്ട് പറഞ്ഞു.
സംസ്ഥാനത്ത് ആരോഗ്യവകുപ്പ് ഇല്ലാത്ത അവസ്ഥയാണുള്ളതെന്ന് അദ്ദേഹം ആരോപിച്ചു. ജില്ലയിലെ രണ്ട് മന്ത്രിമാരും വിഷയത്തിൽ ഇടപെടുന്നില്ല, ഇരുവരും മരുന്ന് പ്രതിസന്ധി അറിഞ്ഞ ഭാവം നടിക്കുന്നില്ലെന്നും എം.കെ രാ​ഘവൻ പറഞ്ഞു. ആശുപത്രി വികസന സമിതി ചെയർമാനായ ജില്ലാ കളക്ടർ ആശുപത്രി സന്ദർശിക്കാൻ പോലും തയ്യാറാകുന്നില്ലെന്നും സ്വകാര്യ ആശുപത്രിയികളെ സഹായിക്കാനാണ് മെഡിക്കൽ കോളേജിനെ പ്രതിസന്ധിയിലാക്കുന്നതെന്നും കോൺ​ഗ്രസ് ആരോപിച്ചു.സെപ്തംബർ വരെയുള്ള കുടിശ്ശിക ലഭിക്കണം എന്ന് ആവശ്യപ്പെട്ടാണ് മരുന്ന് കമ്പനികൾ മരുന്ന് വിതരണം നിർത്തിയത്. പ്രശ്നം പരിഹരിക്കാൻ മരുന്ന് കമ്പനികളുമായി ആരോ​ഗ്യവകുപ്പ് ഇതുവരെ ചർച്ച നടത്താൻ പോലും തയ്യാറായില്ലെന്ന് ആക്ഷേപം ഉയരുന്നതിനിടെയാണ് കോൺ​ഗ്രസ് സമരത്തിലേക്ക് കടക്കുന്നത്.

കോഴിക്കോട് മെഡിക്കൽ കോളേജിലെ മരുന്ന് പ്രതിസന്ധി  ;എം.കെ രാഘവന്‍ എം.പി ഉപവാസ സമരത്തിന്‌

കൊല്‍ക്കത്ത: ആര്‍.ജി. കര്‍ മെഡിക്കല്‍ കോളേജ് ആശുപത്രിയില്‍ വനിതാ ഡോക്ടറെ ബലാത്സംഗം ചെയ്ത് കൊലപ്പെടുത്തിയ കേസില്‍ പ്രതി കുറ്റക്കാരനെന്ന് കോടതി. പ്രതി സഞ്ജയ് റോയിയെ ആണ് കൊല്‍ക്കത്ത സീല്‍ദായിലെ അഡീഷണല്‍ ജില്ലാ സെഷന്‍സ് കോടതി കുറ്റക്കാരനെന്ന് കണ്ടെത്തിയത്. പ്രതിയുടെ ശിക്ഷ തിങ്കളാഴ്ച വിധിക്കും.
രാജ്യത്തെ ഞെട്ടിച്ച സംഭവമായിരുന്നു കൊല്‍ക്കത്തയിലെ വനിതാ ഡോക്ടറുടെ കൊലപാതകം. ഈ സംഭവത്തിന് പിന്നാലെ ഡോക്ടര്‍മാരുടെ വ്യാപക പ്രതിഷേധം ഉള്‍പ്പെടെ രാജ്യത്ത് അരങ്ങേറി.
2024 ഓഗസ്റ്റ് ഒന്‍പതാം തീയതിയാണ് ട്രെയിനി ഡോക്ടറെ ആശുപത്രിയിലെ സെമിനാര്‍ ഹാളില്‍ കൊല്ലപ്പെട്ടനിലയില്‍ കണ്ടെത്തിയത്. വനിതാ ഡോക്ടര്‍ ബലാത്സംഗത്തിന് ശേഷമാണ് കൊല്ലപ്പെട്ടതെന്ന് കണ്ടെത്തിയതോടെ പ്രതിഷേധം ഇരമ്പി. ഓഗസ്റ്റ് പത്താം തീയതി കേസിലെ പ്രതിയും കൊല്‍ക്കത്ത പോലീസിന്റെ സിവിക് വൊളണ്ടിയറുമായ സഞ്ജയ് റോയിയെ പോലീസ് അറസ്റ്റ് ചെയ്തു.

വനിതാ ഡോക്ടറെ ബലാത്സംഗം ചെയ്ത് കൊലപ്പെടുത്തിയ കേസില്‍ പ്രതി കുറ്റക്കാരനെന്ന് കോടതി

തിരുവനന്തപുരം: പാറശ്ശാല ഷാരോണ്‍ വധക്കേസില്‍ ജനുവരി 20-ന് ശിക്ഷ വിധിക്കും. ശനിയാഴ്ച ശിക്ഷാവിധിക്ക് മുന്നോടിയായുള്ള അന്തിമവാദം കോടതിയിൽ പൂർത്തിയായി. പ്രതിക്ക് വധശിക്ഷ നൽകണമെന്നായിരുന്നു പ്രോസിക്യൂഷൻ്റെ ആവശ്യം. പ്രതിഭാഗം ഇതിനെ എതിർത്തു. പരമാവധി നൽകാനാവുന്ന ശിക്ഷ ജീവപര്യന്തമാണെന്നും പ്രതിയുടെ പ്രായം അടക്കം പരിഗണിച്ച് ശിക്ഷയിൽ പരമാവധി ഇളവ് വേണമെന്നും പ്രതിഭാഗം വാദിച്ചു.
നെയ്യാറ്റിന്‍കര അഡീഷണല്‍ സെഷന്‍സ് കോടതിയിൽ ശനിയാഴ്ച രാവിലെ 11 മണിയോടെയാണ് ശിക്ഷാവിധിയിലുള്ള വാദം ആരംഭിച്ചത്. കേസില്‍ ഒന്നാംപ്രതി ഗ്രീഷ്മ, മൂന്നാംപ്രതി ഗ്രീഷ്മയുടെ അമ്മാവന്‍ നിര്‍മലകുമാരന്‍ നായര്‍ എന്നിവര്‍ കുറ്റക്കാരാണെന്ന് കോടതി കഴിഞ്ഞദിവസം കണ്ടെത്തിയിരുന്നു.
ശനിയാഴ്ച രാവിലെ 11 മണിയോടെയാണ് ഗ്രീഷ്മയെ കോടതിയിലെത്തിച്ചത്. ശിക്ഷാവിധിക്ക് മുമ്പായി എന്തെങ്കിലും പറയാനുണ്ടോയെന്ന് അഡീഷണല്‍ സെഷന്‍സ് കോടതി ജഡ്ജി എ.എം. ബഷീര്‍ ഗ്രീഷ്മയോട് ചോദിച്ചു. ഇതോടെ പറയാനുള്ള കാര്യങ്ങള്‍ ഗ്രീഷ്മ എഴുതിനല്‍കി. ജഡ്ജി പ്രതിയെ ചേംബറിലേക്ക് വിളിപ്പിച്ച് കാര്യങ്ങള്‍ നേരിട്ട് ചോദിച്ചറിയുകയുംചെയ്തു.പ്രായം പരിഗണിച്ച് ശിക്ഷയില്‍ പരമാവധി ഇളവ് അനുവദിക്കണമെന്നായിരുന്നു ഗ്രീഷ്മയുടെ ആവശ്യം. ഇനിയും പഠിക്കണം. 24 വയസ്സേ പ്രായമുള്ളൂ. മറ്റുക്രിമിനല്‍ പശ്ചാത്തലമില്ലെന്നും ഗ്രീഷ്മ കോടതിയില്‍ പറഞ്ഞു. വിദ്യാഭ്യാസരേഖകളും കോടതിക്ക് കൈമാറി

&nbsp;ഷാരോണ്‍ വധക്കേസ് അപൂര്‍വങ്ങളില്‍ അപൂര്‍വമാണെന്നായിരുന്നു പ്രോസിക്യൂഷന്റെ വാദം. പ്രതിക്ക് പരമാവധി ശിക്ഷ നല്‍കണം. ഒരു ചെറുപ്പക്കാരനെ അല്ല, സ്‌നേഹമെന്ന വികാരത്തെ കൂടിയാണ് പ്രതി കൊലപ്പെടുത്തിയത്. പ്രതിക്ക് ചെകുത്താന്റെ ചിന്തയാണ്. സ്‌നേഹം നടിച്ച് വീട്ടിലേക്ക് വിളിച്ചുവരുത്തിയാണ് കൊലപാതകം. ആദ്യ കൊലപാതകശ്രമം പരാജയപ്പെട്ടപ്പോള്‍ വീണ്ടും അതിന് ശ്രമിച്ചു. കൃത്യമായ ആസൂത്രണത്തോടെയായിരുന്നു കൃത്യം നടത്തിയത്.11 ദിവസത്തോളം ഷാരോണ്‍ അനുഭവിച്ച വേദന ഡോക്ടര്‍മാരുടെ മൊഴിയിലുണ്ട്. കൊലപാതകം അവിചാരിതമല്ലെന്നും മുന്‍കൂട്ടി ആസൂത്രണം ചെയ്തതാണെന്നും പ്രോസിക്യൂഷന്‍ പറഞ്ഞു. ഷാരോണിനും സ്വപ്നങ്ങള്‍ ഉണ്ടായിരുന്നു. ആ സ്വപ്നങ്ങളാണ് ഗ്രീഷ്മ തകര്‍ത്തത്. പ്രതിക്ക് ഒരു ഘട്ടത്തിലും മനസ്താപം ഉണ്ടായില്ല. അതിനാല്‍ ഒരു ദയയും അര്‍ഹിക്കുന്നില്ലെന്നും പ്രതിക്ക് വധശിക്ഷ നല്‍കണമെന്നും പ്രോസിക്യൂഷന്‍ വാദിച്ചു.

ഷാരോൺ വധക്കേസില്‍  വിധി മറ്റന്നാൾ;പ്രതിക്ക് ചെകുത്താന്റെ ചിന്ത, വധശിക്ഷ നൽകണമെന്ന് പ്രോസിക്യൂഷൻ

Search Results for: needles