ന്യൂഡല്‍ഹി: ഒരു കലണ്ടര്‍ വര്‍ഷത്തില്‍ 2.5 ലക്ഷം സ്‌കൂട്ടറുകള്‍ വിറ്റഴിച്ച ഇന്ത്യയിലെ ആദ്യത്തെ ഇലക്ട്രിക് ഇരുചക്രവാഹന നിര്‍മ്മാതാക്കളായി ഒല ഇലക്ട്രിക്. 2023 ജനുവരി ഒന്ന് മുതല്‍ ഡിസംബര്‍ 21 വരെയുള്ള കണക്കുപ്രകാരം 2,52,647 സ്‌കൂട്ടറാണ് കമ്പനി വിറ്റത്.1,62,399 സ്‌കൂട്ടറുകള്‍ വിറ്റ ടി.വി.എസാണ് രണ്ടാം സ്ഥാനത്ത്. മൂന്നാം സ്ഥാനത്തുള്ള എഥര്‍ എനര്‍ജിക്ക് 1,01,940 യൂണിറ്റ് വില്‍ക്കാനായി. ഇന്ത്യയില്‍ വിറ്റഴിച്ച മൊത്തം 8,28,537 ഇലക്ട്രിക് ഇരുചക്രവാഹനങ്ങളുടെ 31 ശതമാനം ഒല ഇലക്ട്രിക്കിന്റെ അക്കൗണ്ടിലാണ്.&nbsp;
വാഹന്‍ ഡാറ്റ പ്രകാരം ഡിസംബര്‍ 21 വരെയുള്ള കണക്കനുസരിച്ച്, 2023-ല്‍ റീട്ടെയില്‍ ഇലക്ട്രിക് ഇരുചക്രവാഹന വില്‍പ്പനയില്‍ ഒല 131 ശതമാനം വാര്‍ഷിക വളര്‍ച്ച കൈവരിച്ചു. 2022 ലെ 1,09,395 വാഹനങ്ങളെന്ന നേട്ടത്തില്‍ നിന്ന് 2023-ല്‍ ഒല 2,52,702 ഇ-സ്‌കൂട്ടര്‍ വില്‍പ്പന നടത്തി. 2023ല്‍ ഓരോ മാസവും ഏകദേശം 20,000 വാഹനങ്ങള്‍ കമ്പനിക്ക് വില്‍ക്കാന്‍ സാധിക്കുന്നുണ്ട്. നവംബറില്‍ 29,898 യൂണിറ്റുകള്‍ വില്‍ക്കാനായതാണ് റെക്കോര്‍ഡ്. 'ഒല എസ്1'ന്റെ അഞ്ച് വകഭേദങ്ങളാണ് കമ്പനി നിലവില്‍ വില്‍പ്പന നടത്തുന്നത്. രാജ്യത്ത് നിലവില്‍ 935 എക്സ്പീരിയന്‍സ് സെന്ററുകളും 392 സര്‍വിസ് സെന്ററുകളും കമ്പനിക്കുണ്ട്.

2.5 ലക്ഷം സ്‌കൂട്ടറുകള്‍ വിറ്റഴിച്ച ഇന്ത്യയിലെ ആദ്യത്തെ ഇലക്ട്രിക് ഇരുചക്രവാഹന നിര്‍മ്മാതാക്കളായി ഒല ഇലക്ട്രിക്

ഒരു കലണ്ടര്‍ വര്‍ഷത്തിലെ ഏറ്റവും വലിയ വില്പന; നേട്ടം സ്വന്തമാക്കി ഒല

ജയ്പുര്‍: രാജസ്ഥാനില്‍ മുറിയിലെ ഹീറ്ററില്‍ നിന്നു തീപടര്‍ന്ന് യുവാവും മൂന്നു മാസം പ്രായമുള്ള മകളും വെന്തു മരിച്ചു. ഭാര്യയ്ക്കു സാരമായ പൊള്ളലേറ്റു. ഖൈര്‍താല്‍ തിരാജ ജില്ലയില്‍ ഇന്നലെ രാത്രിയാണ് സംഭവം. ദീപക് യാദവും മകള്‍ നിശികയുമാണ് അപകടത്തിനിരയായത്. ഭാര്യ സഞ്ജുവിന് പൊള്ളലേറ്റു. ഇവര്‍ ചികിത്സയിലാണ്. ഹീറ്ററില്‍ നിന്ന് മെത്തയില്‍ തീപിടിക്കുകയായിരുന്നെന്ന് പോലീസ് പറഞ്ഞു.&nbsp;

ഭാര്യയ്ക്കു സാരമായ പൊള്ളലേറ്റു

National

ഹീറ്ററില്‍ നിന്നു തീപടര്‍ന്ന് യുവാവും മൂന്നു മാസം പ്രായമുള്ള കുഞ്ഞും മരിച്ചു

ബെംഗളൂരു: കാൻസർ രോഗിയായ യുവതിക്ക് ജോത്സ്യന്റെ ഉപദേശത്തെത്തുടര്‍ന്ന് കുടുംബം ചികിത്സ നിഷേധിച്ചതായി പരാതി.ബെംഗളൂരു ലഗ്ഗേരെ സ്വദേശിനിയായ 26-കാരി മമതശ്രീക്കാണ് വീട്ടുകാര്‍ ചികിത്സ നിഷേധിച്ചത്. ഇക്കാര്യം വിശദീകരിച്ച് സുഹൃത്തുക്കള്‍ക്ക് ഇവര്‍ വാട്‌സാപ്പ് സന്ദേശമയച്ചതോടെയാണ് സംഭവം പുറത്തറിഞ്ഞത്.സുഹൃത്തുക്കളുടെ ഇടപെടലിനെത്തുടര്‍ന്ന് വനിതാ- ശിശുക്ഷേമവകുപ്പിലെയും ആരോഗ്യവകുപ്പിലെയും ജീവനക്കാരെത്തി യുവതിയെ ആശുപത്രിയില്‍ പ്രവേശിപ്പിച്ച് ചികിത്സ ഉറപ്പാക്കി.നാലുമാസം മുമ്പ് യുവതിക്ക് ശരീരവേദന വന്നതോടെയാണ് സംഭവങ്ങളുടെ തുടക്കം. വേദന കലശലായതോടെ യുവതിയുടെ സഹോദരന്‍ വീടിന് സമീപത്തെ ജോത്സ്യനെ സന്ദര്‍ശിച്ചു.&nbsp;
സമയദോഷംകൊണ്ടാണ് രോഗമെന്നും ഭക്ഷണം കുറച്ച് മഞ്ഞള്‍വെള്ളം കുടിച്ചാല്‍ മതിയെന്നുമായിരുന്നു ജോത്സ്യന്റെ ഉപദേശം. തുടര്‍ന്ന് യുവതിക്ക് നല്‍കുന്ന ഭക്ഷണത്തിന്റെ അളവ് വീട്ടുകാര്‍ കുറച്ചു. ആരോഗ്യസ്ഥിതി മോശമായതോടെ കഴിഞ്ഞദിവസമാണ് യുവതി വിവരം സുഹൃത്തുക്കളുമായി പങ്കുവെച്ചത്. ഇതോടെ സുഹൃത്തുക്കള്‍ ആരോഗ്യവകുപ്പ് അധികൃതരെ വിവരമറിയിക്കുകയായിരുന്നു. ആശുപത്രിയില്‍ നടത്തിയ പരിശോധനയിലാണ് അര്‍ബുദമാണെന്ന് സ്ഥിരീകരിച്ചത്. തുടര്‍ന്ന് പ്രദേശവാസികള്‍ ജോത്സ്യന്റെ വീടിന് മുന്നില്‍ പ്രതിഷേധിച്ചു. ലഗ്ഗേരെ പോലീസ് ഇയാൾക്കെതിരെ കേസ് രജിസ്റ്റർ ചെയ്‌ത്‌ അന്വേഷണം ആരംഭിച്ചു.

സമയദോഷംകൊണ്ടാണ് രോഗമെന്നും ഭക്ഷണം കുറച്ച് മഞ്ഞള്‍വെള്ളം കുടിച്ചാല്‍ മതിയെന്നുമായിരുന്നു ജോത്സ്യന്റെ ഉപദേശം

ജോത്സ്യന്റെ ഉപദേശത്തെ തുടർന്ന് കാൻസർ രോഗിയായ യുവതിക്ക് ചികിത്സ നിഷേധിച്ച് കുടുംബം

തിരുവനന്തപുരം: കോണ്‍ഗ്രസിന്റെ ഡി.ജി.പി. ഓഫീസ് മാര്‍ച്ചില്‍ പോലീസ് പ്രകോപനമില്ലാതെ കണ്ണീര്‍വാതകവും ജലപീരങ്കിയും പ്രയോഗിച്ചെന്ന് ശശി തരൂര്‍ എം.പി. എല്ലാ ചട്ടങ്ങളും പാലിച്ചാണ് പരിപാടി നടത്തിയതെന്നും ആരുടെ ഉത്തരവാണ് പോലീസ് നടപ്പിലാക്കിയതെന്ന് വ്യക്തമാക്കണമെന്നും തരൂർ പറഞ്ഞു. ഞാന്‍ വേദിയില്‍ ഇരിക്കുകയായിരുന്നു. ആ വേദിയില്‍ കെ.പി.സി.സി. അധ്യക്ഷന്‍ സംസാരിച്ചു കഴിഞ്ഞതിന് പിന്നാലെ പ്രതിപക്ഷ നേതാവ് സംസാരിക്കാന്‍ ആരംഭിച്ചു. അദ്ദേഹം സംസാരിക്കാന്‍ തുടങ്ങിയിട്ടേ ഉണ്ടായിരുന്നുള്ളൂ. എല്ലാവരും ഒരു ശബ്ദവും ഉണ്ടാക്കാതെ കേട്ടുകൊണ്ട് ഇരിക്കുകയായിരുന്നു. പെട്ടെന്ന് ഒരു ഒരു ടിയര്‍ഗ്യാസ് ഷെല്‍ ഞങ്ങളുടെ വേദിക്ക് തൊട്ടുപിന്നില്‍ പൊട്ടിത്തെറിച്ചു, തരൂര്‍ പറഞ്ഞു. ജലപീരങ്കി പ്രയോഗിക്കുന്നു. അത് ഏല്‍ക്കുന്നവര്‍ പിന്നാക്കം പോകുന്നു. ഞങ്ങളുടെ എല്ലാവരുടെയും കണ്ണിലും മൂക്കിലും ശ്വാസകോശത്തിലുമൊക്കെ ഭയങ്കര എരിയല്‍ തുടങ്ങുന്നു. അതോടെ വേദിയില്‍ നടക്കുന്നതൊക്കെ നിര്‍ത്തി ഞങ്ങള്‍ക്ക് ഇറങ്ങിവരേണ്ടി വന്നു. 18 ടിയര്‍ ഗ്യാസ് ഷെല്‍ പ്രയോഗിച്ചുവെന്നാണ് ഞാന്‍ കേട്ടത്, തരൂര്‍ കൂട്ടിച്ചേര്‍ത്തു.
എന്തിന്റെ അടിസ്ഥാനത്തിലാണ് ഇത് ചെയ്തതെന്ന് താന്‍ ഡി.ജി.പിയെ വിളിച്ച് ചോദിച്ചു. ഒരു പ്രകോപനവും ഉണ്ടായില്ല. പോലീസ് നിയമപ്രകാരം മെഗാഫോണ്‍ വഴി മുന്നറിയിപ്പ് നല്‍കേണ്ടിയിരുന്നു. അതും ഉണ്ടായില്ല. പ്രകോപനം ഉണ്ടായിരുന്നില്ല, പിന്നെങ്ങനെ മുന്നറിയിപ്പ് കൊടുക്കും?, തരൂര്‍ ചോദിച്ചു. സഹിക്കാന്‍ വയ്യാത്ത പെരുമാറ്റമാണ് പോലീസിന്റെ ഭാഗത്തുനിന്നുണ്ടായതെന്നും തരൂര്‍ പറഞ്ഞു. ഡി.ജി.പിയോട് പറഞ്ഞപ്പോള്‍ അന്വേഷിക്കാമെന്ന് മറുപടി കിട്ടി. എന്നാല്‍, ആ അന്വേഷണം എപ്പോള്‍ നടക്കുമെന്ന് മാധ്യമങ്ങള്‍ കണ്ടെത്തിക്കോളൂവെന്നും തരൂര്‍ പറഞ്ഞു. എല്ലാ ചട്ടങ്ങളും പാലിച്ചാണ് വേദി നിര്‍മിച്ചതും പരിപാടി നടത്തിയതും. ആരുടെ ഉത്തരവാണ് നടപ്പാക്കിയിരിക്കുന്നതെന്ന് ഞാന്‍ മുഖ്യമന്ത്രിയോടു ചോദിക്കുകയാണ്. ഏറ്റവും കടുപ്പമേറിയ ടിയര്‍ ഗ്യാസാണ് പ്രയോഗിച്ചത്. ഇപ്പോള്‍ പോലും മുഖവും ത്വക്കും തൊണ്ടയും ഉള്ളും എരിയുകയാണ്, തരൂര്‍ പറഞ്ഞു. ജനാധിപത്യത്തില്‍ എല്ലാവര്‍ക്കും പ്രതിഷേധിക്കാന്‍ അവകാശമുണ്ട്. നമ്മള്‍ ഭരിക്കുമ്പോള്‍ എപ്പോഴും അവര്‍ക്ക് അതിനുള്ള അവകാശം കൊടുത്തിട്ടുണ്ട്. എന്താണ് ഇപ്പോള്‍ ഇവരുടെ പ്രശ്‌നം? അവരെ എതിര്‍ക്കാന്‍ പാടില്ലേ? അവര്‍ക്കെതിരെ സംസാരിക്കാന്‍ പാടില്ലേ? കരിങ്കൊടി കാണിക്കാന്‍ പാടില്ലേ? ജനാധിപത്യത്തെ മാറ്റാനാണോ അവര്‍ ശ്രമിക്കുന്നത്? ഈ കാര്യത്തില്‍ ഗൗരവമുള്ള നടപടി എടുക്കണം. അത് മാത്രമല്ല, പരിപാടിയില്‍ പങ്കെടുത്ത എല്ലാ എം.പിമാരും എല്ലാ എം.എല്‍.എമാരും പാര്‍ലമെന്റിലും നിയമസഭയിലും പ്രിവിലേജ് കമ്മിറ്റിക്ക് പരാതി നല്‍കണമെന്നും തരൂര്‍ പറഞ്ഞു. താന്‍ സ്പീക്കര്‍ക്ക് കത്ത് നല്‍കും. ഇത് പോലീസ് ക്രൂരതയാണ്. ഒരിക്കലും അംഗീകരിക്കാനാവുന്നതല്ല സംഭവിച്ചത്. ക്ഷമിക്കാനാവാത്ത പെരുമാറ്റമാണിതെന്നും അദ്ദേഹം പറഞ്ഞു.

ഇത് പോലീസ് ക്രൂരതയാണ്. ഒരിക്കലും അംഗീകരിക്കാനാവുന്നതല്ല സംഭവിച്ചത്

Kerala

കണ്ണീര്‍വാതകവും ജലപീരങ്കിയും പ്രയോഗിച്ചു; ആരുടെ ഉത്തരവാണ് പോലീസ് നടപ്പിലാക്കിയതെന്ന് മുഖ്യമന്ത്രി വ്യക്തമാക്കണം; ശശി തരൂർ

ഭക്ഷണം എത്രമാത്രം പ്രധാനമാണോ അത്ര തന്നെ പ്രധാനമാണ് ഉറക്കവും. എന്നാല്‍ മിക്കവരും ഈ പ്രാധാന്യം ഉറക്കത്തിന് കല്‍പിച്ച് നല്‍കാറില്ല എന്നതാണ് സത്യം. മുതിര്‍ന്ന ഒരാള്‍ 7-8 മണിക്കൂറെങ്കിലും ഓരോ രാത്രിയിലും ഉറങ്ങേണ്ടത് കുറഞ്ഞ ശാരീരികാവശ്യമാണ്. പക്ഷേ തിരക്കുപിടിച്ച ഇന്നത്തെ ജീവിതസാഹചര്യങ്ങള്‍ക്കിടയില്‍ ഇതൊരു വിലപിടിപ്പുള്ള കാര്യമായാണ് അധികപേരും കണക്കാക്കുന്നത്. ഇതിന് പുറമെ ഗാഡ്ഗെറ്റുകളുടെ അമിതോപയോഗവും ആളുകളുടെ ഉറക്കശീലത്തെ കാര്യമായി ബാധിച്ചിട്ടുണ്ട്.&nbsp;
കൊവിഡ് 19 മഹാമാരിക്ക് ശേഷം ആളുകളുടെ ഉറക്കശീലങ്ങളില്‍ വലിയ മാറ്റങ്ങള്‍ വന്നിട്ടുള്ളതായി റിപ്പോര്‍ട്ടുകള്‍ ചൂണ്ടിക്കാട്ടിയിട്ടുണ്ട്. ഇങ്ങനെ ഉറക്കത്തില്‍ ഒരുപാട് 'കോംപ്രമൈസ്' ചെയ്യുന്നത് നിത്യജീവിതത്തില്‍ പലവിധത്തിലുള്ള പ്രശ്നങ്ങള്‍ സൃഷ്ടിക്കും. പ്രത്യേകിച്ച് ആരോഗ്യപ്രശ്നങ്ങള്‍. അതെല്ലാം തന്നെ മറ്റ് തലങ്ങളില്‍ ബാധിക്കുകയും ചെയ്യാം. എന്തായാലും പതിവായി രാത്രിയില്‍ ഉറക്കം നഷ്ടപ്പെടുത്തുന്നത് മൂലമുണ്ടാകുന്ന ആരോഗ്യപ്രശ്നങ്ങളെ കുറിച്ചാണിനി പങ്കുവയ്ക്കുന്നത്.&nbsp;
ബുദ്ധിയെ ബാധിക്കുന്നത്..
രാത്രിയില്‍ 7-8 മണിക്കൂര്‍ ഉറക്കം പതിവായി കിട്ടുന്നില്ല എങ്കില്‍ അത് കാര്യമായി ബാധിക്കുക തലച്ചോറിനെയാണ്. ഓര്‍മ്മശക്തി കുറയുക, ചിന്താശേഷിയില്‍ മങ്ങല്‍, ശ്രദ്ധക്കുറവ് എന്നിങ്ങനെ പല പ്രശ്നങ്ങളും നേരിടാം. പിന്നീട് ഉറക്കത്തിലേക്ക് പോകാനും ഉണരാനുമെല്ലാം പ്രയാസം തോന്നുന്ന അവസ്ഥയും ഇതുമൂലം ഉണ്ടാകാം.&nbsp;
മാനസികാരോഗ്യപ്രശ്നങ്ങള്‍...
തലച്ചോറിനെ ബാധിക്കുന്നുവെന്ന് പറയുമ്പോള്‍ തന്നെ അത് മാനസികാരോഗ്യത്തെയും ബാധിക്കുമെന്നത് വ്യക്തമാവുമല്ലോ. മൂഡ് പ്രശ്നങ്ങള്‍, മുൻകോപം, വിഷാദം, ഉത്കണ്ഠ എന്നിങ്ങനെയുള്ള മാനസികാരോഗ്യപ്രശ്നങ്ങളെല്ലാം ഉറക്കക്കുറവ് കൊണ്ട് നേരിടുന്നുവര്‍ നിരവധിയാണ്.
പ്രതിരോധശേഷി...
ഉറക്കം കുറയുന്നത് നമ്മുടെ രോഗപ്രതിരോധശേഷിയേയും കാര്യമായി ബാധിക്കാം. പ്രതിരോധശേഷിയില്‍ ദുര്‍ബലത കയറുന്നതോടെ പലവിധ രോഗങ്ങളും അണുബാധകളുമെല്ലാം നമ്മെ പതിവായി ബാധിക്കാം.&nbsp;
ശരീരഭാരം...
ശരിയാം വിധം രാത്രിയില്‍ ഉറങ്ങിയില്ലെങ്കില്‍ പലരിലും അത് ശരീരഭാരം വര്‍ധിപ്പിക്കാനിടയാക്കാറുണ്ട്. ശരീരത്തിന്‍റെ പ്രവര്‍ത്തനങ്ങളില്‍ പലവിധത്തിലുള്ള മാറ്റങ്ങളും സംഭവിക്കുന്നതിന്‍റെ തുടര്‍ച്ചയായാണ് ഇതും സംഭവിക്കുന്നത്.&nbsp;
ഹോര്‍മോണ്‍ വ്യതിയാനങ്ങള്‍...
ഉറക്കം പ്രശ്നത്തിലാകുന്നതോടെ നമ്മുടെ ശരീരത്തിലെ ഹോര്‍മോണുകളുടെ ബാലൻസും തെറ്റുന്നു. ഹോര്‍മോണ്‍ വ്യതിയാനം പല രീതിയിലാണ് ശരീരത്തെയും മനസിനെയും ബാധിക്കുക. വിശപ്പ്, സ്ട്രെസ്, സന്തോഷം, നിരാശ, ദേഷ്യം എന്നിങ്ങനെ ഏതൊരു വിഷയത്തിലും ശരീരത്തിന് ആശയക്കുഴപ്പമുണ്ടാകുന്ന അവസ്ഥ ഇതോടെയുണ്ടാകാം.&nbsp;
ചര്‍മ്മപ്രശ്നങ്ങള്‍...
പതിവായി ഉറക്കം ശരിയാകാത്തവരില്‍ സ്കിൻ പ്രശ്നങ്ങളും കാണാൻ സാധിക്കും. മുഖത്ത് ഡാര്‍ക്ക് സര്‍ക്കിള്‍സ്, സ്കിൻ മങ്ങിയതായി കാണുക, മുഖക്കുരു, ഉള്ളതിനെക്കാള്‍ പ്രായം തോന്നിക്കുക- എന്നിങ്ങനെയുള്ള സ്കിൻ പ്രശ്നങ്ങളാണ് ഉറക്കക്കുറവ് മൂലമുണ്ടാവുക.

മുതിര്‍ന്ന ഒരാള്‍ 7-8 മണിക്കൂറെങ്കിലും ഓരോ രാത്രിയിലും ഉറങ്ങേണ്ടത് കുറഞ്ഞ ശാരീരികാവശ്യമാണ്

Health

രാത്രി കൃത്യമായി ഉറങ്ങാറില്ല? എങ്കിൽ ഈ ആരോഗ്യപ്രശ്നങ്ങൾ ഉറപ്പ്

കണ്ണൂർ: തിരുവനന്തപുരത്ത് ഡി.ജി.പി ഓഫിസ് മാർച്ചിനിടെ കെ.പി.സി.സി പ്രസിഡന്റ് കെ.സുധാകരൻ എം.പി, പ്രതിപക്ഷ നേതാവ് വി.ഡി. സതീശൻ ഉൾപ്പടെയുള്ള നേതാക്കൾക്ക് നേരയുണ്ടായ പോലീസ് നടപടിയിൽ പ്രതിഷേധിച്ച് കണ്ണൂരിൽ ദേശീയപാത ഉപരോധിച്ചു.
ഡി.സി.സി പ്രസിഡന്റ് മാർട്ടിൻ ജോർജ്, കണ്ണൂർ മേയർ ടി.ഒ. മോഹനൻ, സുരേഷ് ബാബു എളയാവൂർ തുടങ്ങിയവരുടെ നേതൃത്വത്തിലായിരുന്നു പ്രതിഷേധം. കാൾടെക്സിൽ ദേശീയപാതയിൽ ഏറെ നേരം പ്രവർത്തകർ കുത്തിയിരുന്നു. കണ്ണൂർ ഡി.സി.സി ഓഫിസിൽ നിന്ന് പ്രതിഷേധ പ്രകടനമായാണ് നേതാക്കളും പ്രവർത്തകരും റോഡ് ഉപരോധത്തിനെത്തിയത്.

കണ്ണൂർ ഡി.സി.സി ഓഫിസിൽ നിന്ന് പ്രതിഷേധ പ്രകടനമായാണ് നേതാക്കളും പ്രവർത്തകരും റോഡ് ഉപരോധത്തിനെത്തിയത്

Kannur

കണ്ണൂരിൽ ദേശീയപാത ഉപരോധിച്ച് പ്രതിഷേധം

കൊച്ചി: ട്വന്റിഫോർ റിപ്പോർട്ടർ വിനീതക്കെതിരായ കേസ് മുഖ്യമന്ത്രിയുടെ ഓഫീസിന്റെ ഗൂഢാലോചനയെന്ന് പ്രതിപക്ഷ നേതാവ് വി ഡി സതീശൻ. മരുമകനും ഒരുപറ്റം ഉദ്യോഗസ്ഥരും ചേർന്ന് പോലീസിനെ ഹൈജാക്ക് ചെയ്തിരിക്കുന്നു. പ്രതിപക്ഷ പ്രതിഷേധങ്ങൾ മാധ്യമങ്ങൾ റിപ്പോർട്ട് ചെയ്യരുത് എന്നാണ് സർക്കാർ നിലപാട്. വിനീതക്ക് എതിരായ കേസ് വിറളി സർക്കാരിന്റെ വിറളി മൂലമാണ്. മാധ്യമങ്ങൾ ഓരോ ദിവസവും എന്ത് റിപ്പോർട്ട് ചെയ്യണമെന്ന് എകെ ജി സെന്ററിൽ നിന്ന് തിട്ടൂരം വാങ്ങേണ്ട അവസ്ഥയാണെന്ന് അദ്ദേഹം പറഞ്ഞു. നവകേരള സദസ്സ് കൊണ്ട് ഒരു പാവപ്പെട്ടവന് എന്തെങ്കിലും സഹായം ചെയ്യാൻ പറ്റിയോയെന്ന് ചോദിച്ച അദ്ദേഹം ഉദ്യോഗസ്ഥരെ ഉപയോഗിച്ച് കോടികളുടെ കള്ളപ്പിരിവ് നടത്തിയാണ് നവകേരള സദസ്സ് നടത്തിയതെന്നും ആരോപിച്ചു. നവകേരള സദസ്സ് സമാപിക്കുമ്പോൾ നാട് കുരുതിക്കളം ആയി.
കേരളം ഗാങ്സ്റ്റർ സ്റ്റേറ്റിലേക്ക് മാറി. കേരളത്തെ സിപിഐഎം ഗുണ്ടകളുടെ നാടാക്കി മാറ്റുന്നു.ഗതികേട് കൊണ്ടും നിവർത്തികെട്ടുമാണ് കോൺഗ്രസ് തിരിച്ചടിച്ചത്. തിരിച്ചടിച്ചപ്പോൾ എന്തായിയെന്നും കുട്ടികളെ തൊട്ടാൽ ഇനിയും തിരിച്ചടിക്കുമെന്നും വി.ഡി സതീശൻ പ്രതികരിച്ചു. അതേസമയം വിവാദങ്ങളും വാക്ക് പോരും കൊണ്ട് സമ്പന്നമായ നവ കേരള സദസ്സ് ഇന്ന് സമാപിക്കുമ്പോൾ സർക്കാരിൻ്റെ പ്രഖ്യാപിത ലക്ഷ്യങ്ങൾ എത്രകണ്ട് നടപ്പായി എന്നതാണ് പ്രധാന ചോദ്യം. ലഭിച്ച പരാതികളിൽ എത്രയെണ്ണത്തിന് എന്ത് പരിഹാരം ഉണ്ടാക്കിയെന്നത് മറ്റൊരു ചോദ്യം. സദസ്സിലെ ജനസാന്നിദ്ധ്യം ചൂണ്ടിക്കാട്ടിയാകും പ്രതിപക്ഷ ആരോപണങ്ങളെ ഭരണപക്ഷം നേരിടുക. നവകേരള സദസ്സ് സമാപിച്ചാലും വിവാദങ്ങൾ ഉടൻ കെട്ടിടനില്ലെന്ന് ചുരുക്കം.&nbsp;

മാധ്യമങ്ങൾ ഓരോ ദിവസവും എന്ത് റിപ്പോർട്ട് ചെയ്യണമെന്ന് എകെ ജി സെന്ററിൽ നിന്ന് തിട്ടൂരം വാങ്ങേണ്ട അവസ്ഥയാണെന്ന് അദ്ദേഹം പറഞ്ഞു

റിപ്പോർട്ടർ വിനീതക്കെതിരായ കേസ് മുഖ്യമന്ത്രിയുടെ ഓഫിസിന്റെ ഗൂഢാലോചന; വിഡി സതീശൻ

ബെംഗളൂരു: സ്‌കൂളിൽ കുട്ടികളെ കൊണ്ട് കക്കൂസ് വൃത്തിയാക്കാൻ പ്രേരിപ്പിച്ചതിന് ബെംഗളൂരുവിലെ പ്രധാനാധ്യാപികയെ കർണാടക പോലീസ് അറസ്റ്റ് ചെയ്തു. ബെംഗളൂരു ആന്ദ്രഹള്ളി സർക്കാർ മോഡൽ പ്രൈമറി സ്‌കൂളിലെ പ്രധാനാധ്യാപികയാണ് ലക്ഷ്മിദേവമ്മയാണ് അറസ്റ്റിലായത്. ഇത് സംബന്ധിച്ച് ബ്ലോക്ക് വിദ്യാഭ്യാസ ഓഫീസർ അഞ്ജിനപ്പ ബ്യാദരഹള്ളി പോലീസ് സ്റ്റേഷനിൽ നൽകിയ പരാതിയെ തുടർന്നാണ് അറസ്റ്റ്. പ്രതിയായ പ്രിൻസിപ്പലിനെ ശനിയാഴ്ച കോടതിയിൽ ഹാജരാക്കും.&nbsp;
ആറാം ക്ലാസ് വിദ്യാർത്ഥികളോട് സ്‌കൂൾ ടോയ്‌ലറ്റുകൾ ആസിഡ് ഉപയോഗിച്ച് വൃത്തിയാക്കാൻ ആവശ്യപ്പെടുകയായിരുന്നു. സംഭവമറിഞ്ഞ് രക്ഷിതാക്കൾ സ്‌കൂളിന് മുന്നിൽ പ്രതിഷേധ പ്രകടനം നടത്തിയിരുന്നു. സർക്കാർ സ്‌കൂൾ വിദ്യാർത്ഥികളെ ടോയ്‌ലറ്റ് വൃത്തിയാക്കാൻ നിർബന്ധിക്കുന്ന വീഡിയോ സമൂഹമാധ്യമങ്ങളിൽ വൈറലായിരുന്നു. വെള്ളിയാഴ്ച സംഭവം പുറത്തറിഞ്ഞതോടെ ലക്ഷ്മിദേവമ്മയെ വിദ്യാഭ്യാസ വകുപ്പ് സസ്‌പെൻഡ് ചെയ്തു.&nbsp;

ആറാം ക്ലാസ് വിദ്യാർത്ഥികളോട് സ്‌കൂൾ ടോയ്‌ലറ്റുകൾ ആസിഡ് ഉപയോഗിച്ച് വൃത്തിയാക്കാൻ ആവശ്യപ്പെടുകയായിരുന്നു

വിദ്യാർത്ഥികളോട് കക്കൂസ് വൃത്തിയാക്കാൻ നിർദേശിച്ചു; പ്രധാനാധ്യാപിക അറസ്റ്റിൽ

ബെംഗളൂരു: ഒരാള്‍ക്ക് ഒന്നിലധികം ഭാര്യമാരുണ്ടെങ്കില്‍ ലഭിക്കുന്ന കുടുംബ പെന്‍ഷന്‍ തുല്യമായ ഓഹരികളായി വിഭജിക്കണമെന്ന് കര്‍ണാടക ഹൈക്കോടതി. ഒന്നോ അതിലധികമോ വിധവകള്‍ക്ക് ഫാമിലി പെന്‍ഷന്‍ ക്ലെയിം ചെയ്യാന്‍ റെയില്‍വേ സര്‍വീസസ് ഭേദഗതി ചട്ടങ്ങള്‍, 2016 പ്രകാരം അവകാശം ഉണ്ടെന്നും കോടതി പറഞ്ഞു. റെയില്‍വെ ജീവനക്കാരനായിരുന്ന, മരിച്ചയാളുടെ 40 വയസുള്ള രണ്ടാം ഭാര്യ സമര്‍പ്പിച്ച ഹര്‍ജിയിലാണ് കോടതി ഉത്തരവ്. കുടുംബ പെന്‍ഷന്റെ 50 ശതമാനം വിതരണം ചെയ്യാന്‍ റെയില്‍വേയോട് നിര്‍ദേശിച്ചു കൊണ്ട് ജസ്റ്റിസ് എം നാഗപ്രസന്ന ഉത്തരവിടുകയായിരുന്നു.&nbsp;
2022 ജൂലൈയില്‍ ആദ്യ ഭാര്യയ്ക്കും അവരുടെ രണ്ട് കുട്ടികള്‍ക്കും മാത്രം കുടുംബ പെന്‍ഷന്റെ 50 ശതമാനം നല്‍കാനുള്ള ഉത്തരവ് കുടുംബ കോടതി പുറപ്പെടുവിച്ചിരുന്നു. ഈ സാഹചര്യത്തിലാണ് രണ്ടാം ഭാര്യ പെന്‍ഷന്‍ ആനുകൂല്യത്തിനായി കോടതിയെ സമീപിച്ചത്. മറ്റ് ക്ലെയിമുകള്‍ കുടുംബക്കോടതിയില്‍ പരിഹരിക്കേണ്ടതാണെന്നും ഹൈക്കോടതി ഉത്തരവിട്ടു. രണ്ടാം ഭാര്യ ഹിന്ദു വിവാഹ നിയമപ്രകാരം നിയമപരമായി വിവാഹിതതല്ലെന്നായിരുന്നു ആദ്യ ഭാര്യയുടെ വാദം. സൗത്ത് വെസ്റ്റേണ്‍ റെയില്‍വേയിലെ ഒരു ജീവനക്കാരനാണ് മരിച്ചത്. ഇയാള്‍ മൂന്ന് കുട്ടികളുള്ള ഒരു സ്ത്രീയെ ആദ്യം വിവാഹം കഴിച്ചു. രണ്ടാമത് വിവാഹം കഴിച്ച ഇയാള്‍ക്ക് ആ ബന്ധത്തില്‍ ഒരു കുട്ടി ജനിച്ചു. 2021 മെയിലാണ് ഇയാള്‍ മരിക്കുന്നത്.&nbsp;

ഒന്നോ അതിലധികമോ വിധവകള്‍ക്ക് ഫാമിലി പെന്‍ഷന്‍ ക്ലെയിം ചെയ്യാന്‍ റെയില്‍വേ സര്‍വീസസ്  ഭേദഗതി ചട്ടങ്ങള്‍, 2016 പ്രകാരം അവകാശം ഉണ്ടെന്നും കോടതി പറഞ്ഞു

ഒന്നിലധികം ഭാര്യമാരുണ്ടെങ്കില്‍ കുടുംബ പെന്‍ഷന്‍ തുല്യമായി വീതിക്കണം; കർണാടക ഹൈക്കോടതി

ബെംഗളൂരു: മംഗളൂരുവിൽ മയക്കുമരുന്ന് കച്ചവടം നടത്തിയിരുന്ന മൂന്ന് യുവാക്കൾ ബജ്‌പെ പോലീസിന്റെ പിടിയിൽ. മംഗളൂരു സൂറത്ത്കലിൽ അന്നപ്പസ്വാമി (23), കാസർകോട് ജില്ലയിലെ മഞ്ചേശ്വരത്ത് മുഹമ്മദ് ജുനൈദ് (29), മംഗലാപുരം കുലായിയിലെ എം.കെ. ആകാശ (24) എന്നിവരാണ് അറസ്റ്റിലായത്. ഡിസംബർ 21 ന് ബജ്‌പെ പോലീസ് സ്റ്റേഷനിലെ പിഎസ്‌ഐ ഗുരപ്പ കാന്തിയും അദ്ദേഹത്തിന്റെ ജീവനക്കാരും ബജ്‌പെ ഗ്രാമത്തിലെ ശാന്തിഗുഡ്ഡെ ചെക്ക് പോയിന്റിന് സമീപം ബജ്‌പെയിൽ നിന്ന് കലവാരുവിലേക്ക് പോകുന്ന റോഡിൽ വാഹനങ്ങൾ പരിശോധിക്കുന്നതിനിടെയാണ് ഈ മൂന്ന് പ്രതികളും മയക്കുമരുന്ന് കടത്തുന്നതായി കണ്ടെത്തിയത്.കൽവാരു ഭാഗത്തുനിന്ന് മൂന്നുപേർ ബൈക്കിൽ വരുന്നത് കണ്ട പ്രതികളോട് ബൈക്ക് നിർത്താൻ നിർദേശിച്ചപ്പോൾ ഓടി രക്ഷപ്പെടാൻ ശ്രമിക്കുകയായിരുന്നു. പിഎസ്‌ഐയും ഉദ്യോഗസ്ഥരും ചേർന്നാണ് പ്രതികളെ പിടികൂടിയത്.

ബൈക്ക് നിർത്താൻ നിർദേശിച്ചപ്പോൾ ഓടി രക്ഷപ്പെടാൻ ശ്രമിക്കുകയായിരുന്നു പ്രതികൾ

മയക്കുമരുന്ന് കച്ചവടം; മലയാളി ഉൾപ്പെടെ മൂന്നുപേർ പിടിയിൽ

നീലേശ്വരം: ആത്മഹത്യയിൽ നിന്ന് അമ്മയെയും കൈകുഞ്ഞുങ്ങളെയും അത്ഭുതകരമായി രക്ഷിച്ച് നീലേശ്വരം പോലീസ്. നീലേശ്വരം റെയിൽവേ സ്റ്റേഷനിൽ നിന്ന് അൽപം മാറി റെയിൽവേ ട്രാക്കിൽ കുഞ്ഞുങ്ങളുമായി ആത്മഹത്യക്കായി ഒരുങ്ങിയ കുടുംബത്തിനാണ് പോലീസിന്റെ ജാഗ്രത തുണയായത്. കുടുംബ പ്രശ്നത്തെ തുടർന്ന് വീടു വിട്ടിറങ്ങിയ അമ്മയും കുഞ്ഞുങ്ങളും രാത്രി ഒട്ടോറിക്ഷയിൽ പേരോവിൽ ഇറങ്ങിയെന്ന വിവരത്തെ തുടർന്നാണ് നീലേശ്വരം പോലീസ് തിരിച്ചിൽ ആരംഭിക്കുന്നത്. നീലേശ്വരം റെയിൽവേ സ്റ്റേഷൻ പരിസരങ്ങളിലും റെയിൽവേ ട്രാക്കുകളിലും തിരച്ചിൽ നടത്തിയെങ്കിലും ആദ്യം കണ്ടെത്താനായില്ല.
തുടർന്നാണ് റെയിൽവേ സ്റ്റേഷനിൽ നിന്നും അൽപം മാറി റെയിൽവേ ട്രാക്കിൽ ആത്മഹത്യക്കായി കൈക്കുഞ്ഞിനെ മാറിൽ ചേർത്തു പിടിച്ചും മറ്റേ കുഞ്ഞിനെ ചേർത്തിരുത്തി കരയുന്ന യുവതിയെ കണ്ടെത്തുന്നത്. അവരെ ട്രാക്കിൽ നിന്ന് പിടിച്ച് മാറ്റി പോലീസ് സ്റ്റേഷനിലെത്തിക്കുകയായിരുന്നു. സ്റ്റേഷൻ ഡ്യൂട്ടിയിലുണ്ടായിരുന്ന സബ് ഇൻസ്പെക്ടർ വിശാഖും വിനോദ് കുമാറും പോലീസ് ഉദ്യോഗസ്ഥരായ ആനന്ദ കൃഷ്ണൻ, അജിത്ത് കുമാർ ജയേഷ്, ഹോംഗാർഡ് പ്രവീൺ എന്നിവരുടെ അടിയന്തിര ഇടപെടലാണ് ഒരു കുടുംബത്തിന് രക്ഷയായത്. കുടുംബ പ്രശ്നത്തെ തുടർന്ന് ആത്മഹത്യ ശ്രമത്തിൽ നിന്ന് ഒരു കുടുംബത്തെ പിന്തിരിപ്പിച്ച് ജീവിതത്തിലേക്ക് തിരിച്ച് കൊണ്ടുവന്നതിന്റെ ചാരിതാർത്ഥ്യമാണ് നീലേശ്വരം ജനമൈത്രി ശിശു സൗഹൃദ പോലീസ് സ്റ്റേഷനിലെ ഉദ്യോഗസ്ഥർ പങ്കുവെക്കുന്നത്.

ആത്മഹത്യക്കായി ഒരുങ്ങിയ കുടുംബത്തിനാണ് പോലീസിന്റെ ജാഗ്രത തുണയായത്

അമ്മയെയും കൈകുഞ്ഞുങ്ങളെയും റെയിൽവേ ട്രാക്കിൽ നിന്നും രക്ഷപ്പെടുത്തി പോലീസ്

തിരുവനന്തപുരം: കോണ്‍ഗ്രസ് പ്രവര്‍ത്തകരുടെ ഡി.ജി.പി ഓഫീസ് മാര്‍ച്ച് അക്രമാസക്തം. പ്രതിപക്ഷ നേതാവ് വി.ഡി. സതീശൻ പ്രസംഗിക്കുന്നതിനിടെ ഉണ്ടായ സംഘര്‍ഷത്തിന് പിന്നാലെ പോലീസ് ടിയര്‍ ഗ്യാസും ജലപീരങ്കിയും ഉപയോഗിച്ചതിനെ തുടർന്ന് മുതിർന്ന നേതാക്കളിൽ പലർക്കും ദേഹാസ്വാസ്ഥ്യം അനുഭവപ്പെട്ടു. ഇതേത്തുടർന്ന്, കെ.പി.സി.സി അധ്യക്ഷൻ കെ. സുധാകരനടക്കമുള്ള നേതാക്കളെ ആശുപത്രിയിൽ പ്രവേശിപ്പിച്ചു.

കെ. സുധാകരനടക്കമുള്ള നേതാക്കളെ ആശുപത്രിയിൽ പ്രവേശിപ്പിച്ചു

കോണ്‍ഗ്രസ് പ്രവര്‍ത്തകരുടെ മാർച്ചിൽ സംഘർഷം; മുതിർന്ന നേതാക്കൾക്ക് ദേഹാസ്വാസ്ഥ്യം

ന്യൂഡൽഹി: അയോധ്യ ക്ഷേത്ര പ്രതിഷ്ഠാ ചടങ്ങിൽ സിപിഎം ജനറൽ സെക്രട്ടറി സീതാറാം യെച്ചൂരിക്കും ക്ഷണം. രാമക്ഷേത്ര നിർമാണ കമ്മിറ്റി ചെയർമാൻ നൃപേന്ദ്ര മിശ്രയാണ് ക്ഷണിച്ചത്. കഴിഞ്ഞ ദിവസം സോണിയ ഗാന്ധി കോൺഗ്രസ് അധ്യക്ഷൻ മല്ലികാർജുൻ ഖാർഗെ, ലോക്‌സഭാ കക്ഷി നേതാവ് അധീർ രഞ്ജൻ ചൗധരി, എന്നിവർക്കും ക്ഷണക്കത്ത് അയച്ചിരുന്നു. എന്നാൽ ചടങ്ങിൽ സി.പി.എം നേതാക്കൾ പ​ങ്കെടുക്കുമോ ഇല്ലയോ എന്ന കാര്യത്തിൽ പാർട്ടി പ്രതികരിച്ചിട്ടില്ല.
അതെസമയം ചടങ്ങിൽ സോണിയ ഗാന്ധിയോ, അദ്ദേഹത്തിന്റെ പ്രതിനിധിയോ പ​ങ്കെടുക്കുമെന്ന് മുതിർന്ന കോൺഗ്രസ് നേതാവ് ദിഗ്‌വിജയ് സിങ് അറിയിച്ചിരുന്നു.രാമക്ഷേത്രം പൊതുസ്വത്താണെന്നും പ്രതിഷ്ഠ ചടങ്ങ് ഒരു പാർട്ടിയുടെ പരിപാടിയായി കാണേണ്ടതില്ലെന്നും ദിഗ്‌വിജയ് സിങ് പറഞ്ഞു. ജനുവരി 22നാണ് പ്രതിഷ്ഠാ ചടങ്ങ്. എച്ച്.ഡി ദേവഗൗഡ, മുൻ രാഷ്ട്പതി രാംനാഥ് കോവിന്ദ്, മുൻ രാഷ്ട്രപതി പ്രതിഭാ പാട്ടീൽ തുടങ്ങിയവർക്കും ക്ഷണക്കത്ത് അയച്ചിട്ടുണ്ട്. ആരോഗ്യപരമായ കാരണങ്ങളാൽ മുൻ പ്രധാനമന്ത്രി മൻമോഹൻ സിങ് ചടങ്ങിൽ പങ്കെടുക്കില്ലെന്ന് അറിയിച്ചിട്ടുണ്ട്.

ചടങ്ങിൽ സി.പി.എം നേതാക്കൾ പ​ങ്കെടുക്കുമോ ഇല്ലയോ എന്ന കാര്യത്തിൽ പാർട്ടി പ്രതികരിച്ചിട്ടില്ല

അയോധ്യ ക്ഷേത്ര പ്രതിഷ്ഠാ ചടങ്ങിലേക്ക് സീതാറാം യെച്ചൂരിക്കും ക്ഷണം

തിരുവനന്തപുരം:മുഖ്യമന്ത്രിക്കെതിരെ കടുത്ത വിമര്‍ശനവുമായി കെപിസിസി പ്രസിഡണ്ട് കെ.സുധാകരന്‍. പിണറായി വിജയന് ജനാധിപത്യത്തോട് ബാധ്യതയില്ല. ധിക്കാരിയും മുൻവിധിയോടെ കാര്യങ്ങൾ കാണുന്നയാളുമാണ് മുഖ്യമന്ത്രി. കറുത്ത കൊടി കാണിച്ചവരെ വാഹനം കയറ്റി കൊല്ലാൻ നോക്കുന്നു. ജനങ്ങൾക്ക് സമാധാനമില്ല.പി ശശിയാണ് പോലീസിനെ നിയന്ത്രിക്കുന്നത്. ക്രമസമാധാനം തകര്‍ന്നുപോയി. ഞങ്ങൾ കലാപാഹ്വാനത്തിന് ഇല്ല. കോണ്‍ഗ്രസുകാര്‍ ജനാധിപത്യ വിശ്വാസികളെന്ന് അദ്ദേഹം പറഞ്ഞു.&nbsp;
ഞങ്ങളുടെ കുട്ടികൾ എന്ത് ചെയ്തു?.കറുത്ത വസ്ത്രം ധരിച്ചതോ, കൊടി കാണിച്ചതോ ?അതിനുള്ള സ്വാതന്ത്ര്യം ജനാധിപത്യ സംവിധാനത്തിൽ ഇല്ലേയെന്നും അദ്ദേഹം ചോദിച്ചു. ഇടതുപക്ഷ മുഖ്യമന്ത്രി ആയത് പിണറായി വിജയൻ മാത്രം അല്ലല്ലോ. ഇതുവരെ ഇല്ലാത്ത രീതി അല്ലേ കാണുന്നത്. വളരെ സമാധാനപരമായ സമരമാണ് ഇന്ന് നടത്തുന്നത്. ഡി.ജി.പിയുമായി സംസാരിക്കാൻ ശ്രമിക്കും. മുൻ ഹിറ്റ്ലറുടെ പുനർജന്മമാണ് പിണറായി വിജയൻ. മാധ്യമങ്ങൾക്ക് പിണറായി വിജയൻ ആരെന്ന് തുറന്ന് കാണിക്കാൻ കഴിയുന്നില്ലെന്നും അദ്ദേഹം പറഞ്ഞു

കോണ്‍ഗ്രസുകാര്‍ ജനാധിപത്യ വിശ്വാസികളെന്ന് അദ്ദേഹം പറഞ്ഞു

ഹിറ്റ്ലറുടെ പുനർജന്മമാണ് പിണറായി വിജയൻ; കെ.സുധാകരന്‍

കൊച്ചി: വാഗ്ദാനം ചെയ്ത പോലെ വിവാഹ ചടങ്ങിന്‍റെ ഫോട്ടോയും വീഡിയോയും നൽകാതെ ദമ്പതികളെ കബളിപ്പിച്ച ഫോട്ടോഗ്രാഫി കമ്പനി 1,18,500 രൂപ നഷ്ടപരിഹാരം നൽകണമെന്ന് എറണാകുളം ജില്ലാ ഉപഭോക്‌തൃ തർക്ക പരിഹാര കോടതി. എറണാകുളം ആലങ്കോട് സ്വദേശികളായ അരുൺ ജി നായർ , ഭാര്യ ശ്രുതി സതീഷ് എന്നിവർ നൽകിയ പരാതിയിലാണ് ഉത്തരവ്. 2017 ഏപ്രിൽ 16നാണ് ഇവരുടെ വിവാഹം നടന്നത്. വിവാഹത്തിന്‍റെ തല ദിവസവും വിവാഹ ദിവസവും ഫോട്ടോയും അന്നത്തെ സൽക്കാരവും ഫോട്ടോയും വീഡിയോയും എടുക്കുന്നതിനായി എറണാകുളത്തെ മാട്രിമോണി ഡോട്ട് കോം എന്ന സ്ഥാപനത്തെ സമീപിച്ചത്. 58, 1500 രൂപ അഡ്വാൻസ് ആയി നൽകുകയും ചെയ്തു. എന്നാൽ നാളുകൾ കഴിഞ്ഞിട്ടും ആൽബവും വീഡിയോയും എതിർകക്ഷികൾ തയ്യാറാക്കി നൽകിയില്ല. ഈ സാഹചര്യത്തിലാണ് ദമ്പതികൾ ജില്ലാ ഉപഭോക്തൃ തർക്ക പരിഹാര കോടതിയെ സമീപിച്ചത്.
ജീവിതത്തിലെ ഏറ്റവും പവിത്രവും പ്രാധാന്യമുള്ളതുമായ വിവാഹ ചടങ്ങ് പകർത്തുന്നതിന് വേണ്ടിയാണ് ഫോട്ടോഗ്രാഫി കമ്പനിയെ പരാതിക്കാർ സമീപിച്ചത് .എന്നാൽ വാഗ്ദാന ലംഘനമുണ്ടായപ്പോൾ സ്വാഭാവികമായ പരാതിക്കാർക്ക് കടുത്ത മാനസിക വിഷമവും ഉണ്ടായി. പരാതിക്കാർ അനുഭവിച്ച വൈകാരികവും സാമ്പത്തികവുമായ ബുദ്ധിമുട്ടുകൾക്ക് നഷ്ടപരിഹാരം നൽകാൻ വീഴ്ച വരുത്തിയവർക്ക് ബാധ്യതയുണ്ടെന്ന് കോടതി നിരീക്ഷിച്ചു. പ്രസിഡന്‍റ് ഡി.ബി. ബിനു മെമ്പർമാരായ വി.രാമചന്ദ്രൻ, ടി.എൻ ശ്രീവിദ്യ എന്നിവർ അംഗങ്ങളായുള്ള കമീഷനാണ് ഉത്തരവിട്ടത്. ഫോട്ടോഗ്രാഫി സേവനങ്ങൾക്കായി പരാതിക്കാരൻ നൽകിയ 58,500/-രൂപയും നഷ്ടപരിഹാരമായി 60,000 രൂപയും 30 ദിവസത്തിനകം എതിർകക്ഷി പരാതികാരന് നൽകണമെന്നാണ് ഉത്തരവ്. പരാതിക്കാർക്കു വേണ്ടി അഡ്വ. അശ്വതി ചന്ദ്രൻ ഹാജരായി.

എറണാകുളം ആലങ്കോട് സ്വദേശികളായ അരുൺ ജി നായർ , ഭാര്യ ശ്രുതി സതീഷ് എന്നിവർ നൽകിയ പരാതിയിലാണ് ഉത്തരവ്

വിവാഹ ചടങ്ങിന്‍റെ ഫോട്ടോയും വീഡിയോയും നൽകിയില്ല; ദമ്പതികൾക്ക് ഫോട്ടോഗ്രാഫി കമ്പനി 1,18,500 രൂപ നഷ്ടപരിഹാരം നൽകണമെന്ന് കോടതി

കൊച്ചി: കെ.എസ്.യു പ്രവർത്തകരുടെ പ്രതിഷേധവുമായി ബന്ധപ്പെട്ട് മാധ്യമപ്രവർത്തകക്കെതിരെ കേസെടുത്തത് തെളിവുകളുടെ അടിസ്ഥാനത്തിലാണെന്ന് മുഖ്യമന്ത്രി പിണറായി വിജയൻ. ആ നടപടി ശരിയല്ലെങ്കിൽ മാധ്യമങ്ങൾക്ക് ചോദ്യം ചെയ്യാം. എന്നാൽ മാധ്യമപ്രവർത്തനം മാധ്യമപ്രവർത്തനമായി കാണണം. ഊഹം വെച്ച് മാധ്യമപ്രവർത്തകക്കെതിരായ കേസ് സംബന്ധിച്ച ചോദ്യങ്ങൾക്ക് മറുപടി പറയാൻ സാധിക്കില്ല. പോലീസിന്റെ നടപടിയിൽ തനിക്ക് വിശ്വാസക്കുറവില്ലെന്നും മുഖ്യമന്ത്രി വ്യക്തമാക്കി.
മുഖ്യമന്ത്രിക്കെതിരെ കെ.എസ്.യു പ്രവർത്തകർ ഷൂ എറിഞ്ഞതുമായി ബന്ധപ്പെട്ട കേസിലാണ് 24 ന്യൂസിലെ കൊച്ചി റിപ്പോർട്ടർ വി.ജി. വിനീതയെ അഞ്ചാം പ്രതിയാക്കി കുറുപ്പംപടി പോലീസ് കേസെടുത്തത്. ഗൂഢാലോചനക്കുറ്റം ചുമത്തിയാണ് കേസ്. ചോദ്യം ചെയ്യലിന് ഹാജരാകണമെന്ന് കാണിച്ച് നേരത്തേ പോലീസ് മാധ്യമപ്രവർത്തകക്ക് നോട്ടീസ് നൽകിയിരുന്നു. ഐപിസി 120(ബി), 283, 308, 353, 34 എന്നീ വകുപ്പുകൾ പ്രകാരമാണ് വിനീതയ്ക്കെതിരെ കേസെടുത്തിരിക്കുന്നത്. പ്രതികൾക്കെതിരെ നിലനിൽക്കില്ലെന്ന് കോടതി വിലയിരുത്തിയ അതേ വകുപ്പുകളാണ് നിലവിൽ മാധ്യമപ്രവർത്തകയ്ക്കെതിരെ കുറുപ്പംപടി സി.ഐയും ചുമത്തിയിരിക്കുന്നത്. ഇതു സംബന്ധിച്ച ചോദ്യങ്ങൾക്ക് പ്രതികരിക്കവെയാണ് കേസെടുത്തത് തെളിവുകളുടെ അടിസ്ഥാനത്തിലാണെന്ന് മുഖ്യമന്ത്രി പറഞ്ഞത്.

ഗൂഢാലോചനക്കുറ്റം ചുമത്തിയാണ് കേസ്

മാധ്യമപ്രവർത്തകക്കെതിരെ കേസെടുത്തത് തെളിവുകളുടെ അടിസ്ഥാനത്തിലാണെന്ന് മുഖ്യമന്ത്രി

ആലുവ: പെരുമ്പാവൂർ ദേശസാത്കൃത റോഡിലുണ്ടായ വാഹനാപകടത്തിൽ ഒരാൾ മരിച്ചു. ആനിക്കാട് കവലക്ക് സമീപം വെള്ളിയാഴ്ച രാത്രി 11.15 ടെയാണ് അപകടം. ആലുവയിൽ നിന്ന് പെരുമ്പാവൂർ ഭാഗത്തേക്ക് പോവുകയായിരുന്ന കാറും പെരുമ്പാവൂർ ഭാഗത്തുനിന്ന് ആലുവയ്ക്ക് വന്ന ബൈക്കും തമ്മിൽ കൂട്ടിയിടിക്കുകയായിരുന്നു.&nbsp;
ബൈക്ക് യാത്രക്കാരനായിരുന്ന ആലുവ നസ്റത്ത് റോഡ് കളത്തിങ്കൽ വീട്ടിൽ ജിബിൻ മുരുകേശാണ് (25) മരിച്ചത്. കൂടെയുണ്ടായിരുന്ന നോർത്ത് പറവൂർ വടപ്പള്ളി കൃഷ്ണരാജിന് (24) ഗുരുതര പരിക്കേറ്റു. ഇയാളെ ചുണങ്ങംവേലി രാജഗിരി ആശുപത്രിയിൽ പ്രവേശിപ്പിച്ചു. സർജിക്കൽ ഐ.സി.യുവിൽ കഴിയുന്ന കൃഷ്ണ രാജിന്റെ നില അതീവ ഗുരുതരമാണെന്ന് ആശുപത്രി അധികൃതർ അറിയിച്ചു. ഇടിയുടെ ആഘാതത്തിൽ ബൈക്കും കാറും തകർന്നിട്ടുണ്ട്.

വെള്ളിയാഴ്ച രാത്രി 11.15 ടെയാണ് അപകടം

കാറും ബൈക്കും കൂട്ടിയിടിച്ച് യുവാവ് മരിച്ചു

കണ്ണൂര്‍: സംസ്ഥാനത്ത് കോവിഡ് കേസുകൾ വർദ്ധിക്കുന്ന സാഹചര്യത്തിൽ നിയന്ത്രണം ശക്തമാക്കി കർണാടക. അതിർത്തികളിൽ പരിശോധന കർശനമാക്കി. രോഗലക്ഷണം ഉള്ളവർക്ക് പ്രവേശനം നിഷേധിച്ചു. 24 മണിക്കൂറും പരിശോധനയ്ക്കായി ഉദ്യോഗസ്ഥരെ നിയോഗിച്ചു. കേരളത്തിൽ കോവിഡ് കേസുകൾ നിയന്ത്രണവിധേയമാകും വരെ പരിശോധന തുടരുമെന്ന് കർണാടക അറിയിച്ചു.

24 മണിക്കൂറും പരിശോധനയ്ക്കായി ഉദ്യോഗസ്ഥരെ നിയോഗിച്ചു

കോവിഡ് വ്യാപനം; അതിർത്തികളിൽ പരിശോധന ശക്തമാക്കി കർണാടക

കൊച്ചി: തുടര്‍ച്ചയായ രണ്ടാം ദിവസവും സ്വര്‍ണ വിലയില്‍ വര്‍ധന. പവന് 160 രൂപയാണ് ഇന്നു കൂടിയത്. ഒരു പവന്‍ സ്വര്‍ണത്തിന്റെ വില 46,560 രൂപ. ഗ്രാമിന് 20 രൂപ ഉയര്‍ന്ന് 5820 ആയി. കഴിഞ്ഞ പത്തു ദിവസത്തിനിടെ 1240 രൂപയാണ് പവന്‍ വിലയിലുണ്ടായ വര്‍ധന.

പവന് 160 രൂപയാണ് ഇന്നു കൂടിയത്

സ്വർണ വില വീണ്ടും കൂടി

ബന്ധുവായ അനിയത്തിയുടെയും ഭർത്താവിന്റെയും പീഡനം സഹിക്കാൻ കഴിയാതെ വീടു വിട്ടിറങ്ങി നടി ബീന കുമ്പളങ്ങി. പത്മരാജന്റെ കള്ളിച്ചെല്ലമ്മയിലൂടെ വെള്ളിത്തിരയിലെത്തി കല്യാണ രാമൻ, പുലിവാൽ കല്യാണം, ചതിക്കാത്ത ചന്തു തുടങ്ങി നിരവധി സിനിമകളിൽ ചെറുതും വലുതുമായി വേഷങ്ങൾ ചെയ്‌ത താരമാണ് ബീന കുമ്പളങ്ങി. മൂന്ന് സെന്റിൽ അമ്മ സംഘടന വെച്ച് നൽകിയ വീട് ബന്ധുവിന് എഴുതി നൽകണമെന്ന് ആവശ്യപ്പെട്ട് തന്നെ മാനസികമായി പീഡിപ്പിച്ചുവെന്ന് നടി ആരോപിച്ചു. ഇപ്പോൾ അടൂർ മഹാത്മ ജനസേവ കേന്ദ്രം താരത്തെ ഏറ്റെടുത്തു. സ്ഥലമുണ്ടെങ്കിൽ വീടു വെച്ചു തരുമെന്ന് അമ്മ സംഘടന അറിയിച്ചതോടെ ഇളയ സഹോദരൻ 2019ൽ തനിക്ക് മൂന്ന് സെന്റ് സ്ഥലം നൽകി. അതിൽ സംഘടന വീടു വെച്ചു നൽകിയിരുന്നു. അനിയത്തിയും ഭർത്താവും വാടക വീട്ടിലായിരുന്നു ആ സമയം കഴിഞ്ഞിരുന്നത്.
തനിക്ക് ഒരു സഹായമാകുമെന്ന് കരുതിയാണ് തനിക്കൊപ്പം താമസിക്കാൻ അനുവദിച്ചത്. എന്നാൽ വീട് അവരുടെ പേരിൽ എഴുതിവെക്കണമെന്ന ആവശ്യം നിരസിച്ചതോടെ മനസികമായി കടുത്ത പീഡനമാണ് നേരിട്ടതെന്നും ആത്മഹത്യയുടെ വക്കിലായിരുന്നു എന്നും താരം പറഞ്ഞു. നടി സീമ ജി നായരെ ഫോണിൽ വിളിച്ച് സഹായം അഭ്യർത്ഥിക്കുകയായിരുന്നു. സീമ ഫോൺ എടുത്തില്ലായിരുന്നെങ്കിൽ കഴിഞ്ഞ ആഴ്‌ച താൻ ആത്മഹത്യ ചെയ്‌തു പോയേനെയെന്നും ബീന പറഞ്ഞു. നടി സീമ ജീ നായരുടെ സഹായത്തോടെയാണ് ഇപ്പോൾ ജനസേവ കേന്ദ്രത്തിലേക്ക് പോകുന്നത്. ബന്ധുവിന്റെ പക്കൽ നിന്നും വീടു തിരികെ കിട്ടാനുള്ള നടപടികൾ ആരംഭിച്ചതായും താരം പറഞ്ഞു. അഞ്ച് വർഷം മുൻപാണ് കുമ്പളങ്ങി ബീനയുടെ ഭർത്താവ് മരിച്ചത്.

കടുത്ത പീഡനമാണ് നേരിട്ടതെന്നും ആത്മഹത്യയുടെ വക്കിലായിരുന്നു എന്നും താരം പറഞ്ഞു

സഹിക്കാൻ കഴിയാത്ത പീഡനം, ആത്മഹത്യയുടെ വക്കിലെത്തി; ഒടുവിൽ വീട് വിട്ടിറങ്ങി നടി ബീന കുമ്പളങ്ങി

ന്യൂഡല്‍ഹി: രാജ്യത്ത് പ്രതിദിന കോവിഡ് കേസുകള്‍ വര്‍ധിക്കുന്നു. ഇന്നലെ 752 പേര്‍ക്കാണ് വൈറസ് ബാധ സ്ഥിരീകരിച്ചത്. നാലു പേര്‍ മരിച്ചതായും കേന്ദ്ര ആരോഗ്യമന്ത്രാലയം അറിയിച്ചു. ഈ വര്‍ഷം മെയ് 21ന് ശേഷമുള്ള ഏറ്റവും ഉയര്‍ന്ന കേസുകളാണിത്. ഇതോടെ രാജ്യത്ത് കോവിഡ് ബാധിച്ച് ചികിത്സയിലുളളവരുടെ എണ്ണം 3420 ആയി. 325 പേര്‍ രോഗമുക്തി നേടി. റിപ്പോര്‍ട്ട് ചെയ്യപ്പെട്ട നാല് മരണങ്ങളില്‍ രണ്ടെണ്ണം കേരളത്തിലും മറ്റുള്ളവര്‍ കര്‍ണാടകയിലും രാജസ്ഥാനിലുമാണ്.
രാജ്യത്തെ ഭൂരിഭാഗം കേസുകളും കേരളത്തിലാണ്. ഇന്നലെ 266 പേര്‍ക്കാണ് രോഗം സ്ഥിരീകരിച്ചത്. ഇതോടെ സംസ്ഥാനത്ത് ചികിത്സയിലുള്ളവരുടെ എണ്ണം 2782 ആയി. കര്‍ണാടക 175, തമിഴ്‌നാട് 117, മഹാരാഷ്ട്ര 68, ഗുജറാത്ത് 44, ഗോവ 24 എന്നിങ്ങനെയാണ് രോഗികളുടെ എണ്ണം. ഇന്നലെ സംസ്ഥാനത്ത് 265 പേര്‍ക്കായിരുന്നു കോവിഡ് സ്ഥീരീകരിച്ചത്. ജെഎന്‍ 1 കോവിഡ് ഉപവകഭേദം സ്ഥിരീകരിച്ചതോടെ സംസ്ഥാനങ്ങള്‍ക്ക് കഴിഞ്ഞ ദിവസം കേന്ദ്ര ജാഗ്രതാ നിര്‍ദേശം നല്‍കിയിരുന്നു.

ഇന്നലെ 752 പേര്‍ക്കാണ് വൈറസ് ബാധ സ്ഥിരീകരിച്ചത്

രാജ്യത്ത് പ്രതിദിന കോവിഡ് കേസുകള്‍ വര്‍ധിക്കുന്നു

തിരുവനന്തപുരം: തമിഴ്‌നാട്ടിലെ പ്രളയ ബാധിതര്‍ക്ക് വേണ്ടി കേരളത്തില്‍ നിന്നുള്ള ആദ്യ ലോഡ് ദുരിതാശ്വാസ സാമഗ്രികള്‍ അയച്ചതായി ചീഫ് സെക്രട്ടറി ഡോ.വി. വേണു. വെള്ളിയാഴ്ച രാത്രി പോയ ആദ്യലോഡില്‍ 250 കിറ്റുകളാണ് അയച്ചത്. വരും ദിവസങ്ങളില്‍ അഞ്ചിരട്ടി കിറ്റുകളാണ് അയക്കാന്‍ ലക്ഷ്യമിടുന്നതെന്ന് ചീഫ് സെക്രട്ടറി അറിയിച്ചു. ദുരിതാശ്വാസ സഹായങ്ങള്‍ എത്തിക്കാന്‍ കൂടുതല്‍ പേര്‍ തയ്യാറാകണമെന്നും അദ്ദേഹം ആവശ്യപ്പെട്ടു. മുഖ്യമന്ത്രി പിണറായി വിജയന്റെ നിര്‍ദ്ദേശപ്രകാരമാണ് തമിഴ്നാട്ടിലെ പ്രളയ ബാധിതര്‍ക്കായി ദുരിതാശ്വാസ സഹായം എത്തിച്ചു നല്‍കാന്‍ തീരുമാനിച്ചത്. തിരുവനന്തപുരത്ത് കനകക്കുന്ന് കൊട്ടാരത്തിന് എതിര്‍വശത്തുള്ള സംസ്ഥാന ദുരന്ത നിവാരണ അതോറിറ്റി കാര്യാലയം, തിരുവനന്തപുരം കോര്‍പ്പറേഷന്‍ ഓഫീസ് എന്നിവ കളക്ഷന്‍ സെന്ററുകളായി പ്രവര്‍ത്തിക്കുന്നുണ്ട്.&nbsp;
തദ്ദേശ സ്വയംഭരണ വകുപ്പ് പ്രിന്‍സിപ്പല്‍ ഡയറക്ടര്‍ എം.ജി രാജമാണിക്യത്തെ ദുരിതാശ്വാസ പ്രവര്‍ത്തനങ്ങള്‍ ഏകോപിപ്പിക്കുന്നതിനായി നിയോഗിച്ചു. വിദ്യാര്‍ഥികളും യുവാക്കളും അടക്കമുള്ളവരാണ് അവശ്യസാധനങ്ങള്‍ പാക്ക് ചെയ്യുന്നതിന്റെ ഭാഗമായി സ്ഥലത്തെത്തുന്നത്. ഒരു കുടുംബത്തിന് ഒരു കിറ്റ് എന്ന നിലയില്‍ സഹായം നല്‍കാനാണ് ഉദേശിക്കുന്നത്. അവശ്യ സാധനങ്ങള്‍ ഒരു കിറ്റായും അല്ലാതെയും കളക്ഷന്‍ സെന്ററുകളില്‍ എത്തിക്കാം. സഹായം നല്‍കാന്‍ താല്‍പര്യമുള്ളവര്‍ ഒന്നോ രണ്ടോ സാധനങ്ങള്‍ മാത്രമായി കളക്ഷന്‍ സെന്ററുകളില്‍ എത്തിച്ചാലും സ്വീകരിക്കുന്നതാണെന്ന് അധികൃതര്‍ അറിയിച്ചു. കൂടുതല്‍ വിവരങ്ങള്‍ക്ക് ബന്ധപ്പെടേണ്ട നമ്പര്‍: 89439 09038, 97468 01846.
ആവശ്യമായ സാധനങ്ങള്‍: വെള്ള അരി, തുവര പരിപ്പ്, ഉപ്പ്, പഞ്ചസാര, ഗോതമ്പു പൊടി, റവ, മുളക്‌പൊടി, സാമ്പാര്‍ പൊടി, മഞ്ഞള്‍ പൊടി, രസം പൊടി, ചായപ്പൊടി, ബക്കറ്റ്, കപ്പ്, സോപ്പ്, ടൂത്ത് പേസ്റ്റ്, ടൂത്ത് ബ്രഷ്, ചീപ്പ്, ലുങ്കി, നൈറ്റി, തോര്‍ത്ത്, സൂര്യകാന്തി എണ്ണ, സാനിറ്ററി പാഡ്, ഒരു ലിറ്റര്‍ കുടിവെള്ളം, ഒരു ബെഡ് ഷീറ്റ്.

ഒന്നോ രണ്ടോ സാധനങ്ങള്‍ മാത്രമായി കളക്ഷന്‍ സെന്ററുകളില്‍ എത്തിച്ചാലും സ്വീകരിക്കുന്നതാണെന്ന് അധികൃതര്‍ അറിയിച്ചു

തമിഴ്‌നാട്ടിലെ പ്രളയ ബാധിതര്‍ക്ക് 24 ഇന കിറ്റുകൾ; ആദ്യ ലോഡ് അയച്ച് കേരളം

പെരുമ്പാവൂർ: നവകേരള ബസിനു നേരെ കറുത്ത ഷൂ എറിഞ്ഞ കേസിൽ മാധ്യമപ്രവർത്തകയെയും പ്രതി ചേർത്തു പോലീസ്. 24 ന്യൂസിലെ റിപ്പോർട്ടർ വി.ജി.വിനീതയ്ക്ക് എതിരെ ഗൂഢാലോചന കുറ്റം ചുമത്തി കുറുപ്പംപടി പോലീസ് പെരുമ്പാവൂർ മജിസ്ട്രേട്ട് കോടതിയിൽ റിപ്പോർട്ട് നൽകി. കഴിഞ്ഞ 10ന് പെരുമ്പാവൂരിലെ നവകേരള സദസ്സിൽ പങ്കെടുത്ത ശേഷം മുഖ്യമന്ത്രിയും മന്ത്രിമാരും കോതമംഗലത്തേക്കു പോകുമ്പോൾ വൈകിട്ട് 4.15ന് എഎം റോഡിൽ ഓടക്കാലിയിൽ വച്ചാണു കെഎസ്‌യു പ്രവർത്തകർ ഷൂ എറിഞ്ഞത്. മാധ്യമപ്രവർത്തക എന്ന നിലയിൽ വിനീത മാത്രമാണ് സംഭവസ്ഥലത്ത് ഉണ്ടായിരുന്നത്. ഇവർ ദൃശ്യം പകർത്തുകയും റിപ്പോർട്ട് ചെയ്യുകയും ചെയ്തു.
ഇവരുടെ സാന്നിധ്യം ചൂണ്ടിക്കാട്ടിയാണ് കേസ്. കെഎസ്‌യു സംസ്ഥാന സെക്രട്ടറി കോതമംഗലം പാറേക്കുടി ബേസിൽ പാറേക്കുടി അടക്കം 4 പേർക്കെതിരെ പോലീസ് അന്നുതന്നെ വധശ്രമത്തിനുള്ള 308–ാം വകുപ്പ് ചുമത്തി കേസെടുത്തിരുന്നു. കേസിൽ അഞ്ചാം പ്രതിയാണ് വിനീത. കൂടുതൽ അന്വേഷണത്തിനു ശേഷമാകാം അറസ്റ്റ് വേണമോ എന്നു തീരുമാനിക്കുക എന്നു പോലീസ് അറിയിച്ചു.

24 ന്യൂസിലെ റിപ്പോർട്ടർ വി.ജി.വിനീതയ്ക്ക് എതിരെ ഗൂഢാലോചന കുറ്റം ചുമത്തി കുറുപ്പംപടി പോലീസ് പെരുമ്പാവൂർ മജിസ്ട്രേട്ട് കോടതിയിൽ റിപ്പോർട്ട് നൽകി

നവകേരള ബസിനു നേരെ ഷൂ എറിഞ്ഞ കേസിൽ മാധ്യമപ്രവർത്തകയെയും പ്രതി ചേർത്ത് പോലീസ്

തിരുവനന്തപുരം: സംസ്ഥാനത്തെ പതിനാലായിരത്തോളം റേഷൻ കടകളിലൂടെ 10 രൂപയ്ക്ക് കുപ്പിവെള്ളം വിൽക്കുന്ന ‘സുജലം’ പദ്ധതിക്ക് ഇന്നു തുടക്കമാകും. ഭക്ഷ്യ പൊതുവിതരണ വകുപ്പിന്റെ നേതൃത്വത്തിൽ ജലവിഭവ വകുപ്പുമായി സഹകരിച്ചുള്ള പദ്ധതിയുടെ സംസ്ഥാനതല ഉദ്ഘാടനം ഇന്നുച്ചയ്ക്ക് 2 മണിക്ക് തിരുവനന്തപുരം തൈക്കാട് ഗവ. റെസ്റ്റ് ഹൗസ് ഹാളിൽ മന്ത്രി ജി.ആർ.അനിൽ നിർവഹിക്കും.&nbsp;
ജലവിഭവ വകുപ്പിനു കീഴിലുള്ള കേരള ഇറിഗേഷൻ ഇൻഫ്രാസ്ട്രക്ചർ ഡവലപ്മെന്റ് കോർപറേഷൻ ലിമിറ്റഡിന്റെ അധീനതയിൽ ഉൽപാദിപ്പിക്കുന്ന ‘ഹില്ലി അക്വാ’ ബ്രാൻഡിലെ കുടിവെള്ളമാണ് ഈ പദ്ധതിയിലൂടെ റേഷൻകടകൾ വഴി വിൽപന നടത്തുന്നത്.&nbsp;

സംസ്ഥാനതല ഉദ്ഘാടനം ഇന്നുച്ചയ്ക്ക് 2 മണിക്ക് തിരുവനന്തപുരം തൈക്കാട് ഗവ. റെസ്റ്റ് ഹൗസ് ഹാളിൽ മന്ത്രി ജി.ആർ.അനിൽ നിർവഹിക്കും

റേഷൻ കടകളിലൂടെ ഇന്ന് മുതൽ 10 രൂപയ്ക്ക് കുപ്പിവെള്ളം

മൈസൂരു: കർണാടകയിലെ വിദ്യാഭ്യാസ സ്ഥാപനങ്ങളിൽ ഹിജാബ് (ശിരോവസ്ത്രം) ധരിക്കുന്നതിനുള്ള നിയന്ത്രണങ്ങൾ ശനിയാഴ്ച മുതൽ പിൻവലിക്കുമെന്ന് കർണാടക മുഖ്യമന്ത്രി സിദ്ധരാമയ്യ. നിരോധന ഉത്തരവ് പിൻവലിക്കാൻ ഉദ്യോഗസ്ഥർക്ക് നിർദേശം നൽകിയിട്ടുണ്ട്. ഇതുസംബന്ധിച്ച ഔദ്യോഗിക അറിയിപ്പ് ഉടൻ ഉണ്ടാകുമെന്നും മൈസൂരുവിൽ സമ്മേളനത്തിൽ സംസാരിക്കവെ അദ്ദേഹം പറഞ്ഞു. വസ്ത്രവും ഭക്ഷണവും വ്യക്തിഗതമാണെന്നും താൻ എന്തിന് അത് തടസ്സപ്പെടുത്തണമെന്നും അദ്ദേഹം ചോദിച്ചു. വോട്ടിന് വേണ്ടി രാഷ്ട്രീയം കളിക്കരുത്. വസ്ത്രവും ഭക്ഷണവും വ്യക്തിഗതമായ തിരഞ്ഞെടുപ്പാണ്. ബി.ജെ.പി ‘സബ്‌കാ സാത്, സബ്‌കാ വികാസ്’എന്ന് പറയുകയും തൊപ്പിയും ബുർഖയും താടിയും ധരിച്ചവരെ മാറ്റിനിർത്തുകയുമാണെന്നും സിദ്ധരാമയ്യ പറഞ്ഞു.
കോൺഗ്രസ് വോട്ടിന് വേണ്ടി രാഷ്ട്രീയം കളിക്കുന്നില്ലെന്ന് പറഞ്ഞ മുഖ്യമന്ത്രി, ദരിദ്രരുടെയും പിന്നോക്ക വിഭാഗങ്ങളുടെയും ദലിതുകളുടെയും ന്യൂനപക്ഷങ്ങളുടെയും അവകാശങ്ങൾ സംരക്ഷിക്കാനാണ് തന്റെ സർക്കാർ അധികാരത്തിൽ വന്നതെന്നും ഇക്കാര്യത്തിൽ വിട്ടുവീഴ്ച ചെയ്യുന്ന പ്രശ്നമില്ലെന്നും പറഞ്ഞു. 2022ൽ ബി.ജെ.പി ഭരണകാലത്താണ് കർണാടകയിലെ വിദ്യാഭ്യാസ സ്ഥാപനങ്ങളിൽ ഹിജാബ് നിരോധനം ഏർപ്പെടുത്തിയത്. മുസ്‍ലിം വിദ്യാർഥികളെ ശിരോവസ്ത്രം ധരിക്കാൻ അനുവദിക്കില്ലെന്ന് പ്രഖ്യാപിച്ച് തീവ്ര ഹിന്ദു വിദ്യാർഥി സംഘടന പ്രവർത്തകർ കാവി സ്കാർഫ് ധരിച്ച് കോളജുകളിലേക്ക് മാർച്ച് നടത്തിയതോടെ സംസ്ഥാനത്ത് ക്രമസമാധാനപ്രശ്നം പൊട്ടിപ്പുറപ്പെുകയും വിദ്യാഭ്യാസ സ്ഥാപനങ്ങൾ അടച്ചിടുകയും ചെയ്തിരുന്നു.

നിരോധന ഉത്തരവ് പിൻവലിക്കാൻ ഉദ്യോഗസ്ഥർക്ക് നിർദേശം നൽകിയിട്ടുണ്ട്

കർണാടകയിലെ ഹിജാബ് വിലക്ക് ഇന്ന് പിൻവലിക്കും; മുഖ്യമന്ത്രി സിദ്ധരാമയ്യ

ദില്ലി: ദേശീയ ഗുസ്തി തെരഞ്ഞെടുപ്പിൽ പിന്നാലെ പ്രതിഷേധം കടുപ്പിച്ച് ഗുസ്തി താരങ്ങൾ. സാക്ഷി മാലിക്ക് വിരമിക്കൽ പ്രഖ്യാപിച്ചതിന് പിന്നാലെ പത്മശ്രീ തിരിച്ചു നൽകുമെന്ന് ഒളിംപിക് മെഡൽ ജേതാവ് ബജരംഗ് പൂനിയ പ്രഖ്യാപിച്ചു. പ്രധാനമന്ത്രിക്ക് അയച്ച കത്തിലാണ് ബജരംഗ് പത്മശ്രീ തിരിച്ച് നൽകുമെന്ന് അറിയിച്ചത്. തങ്ങൾ നേരിടുന്നത് കടുത്ത അനീതിയാണെന്ന് പരാതിപ്പെട്ട താരങ്ങളെ ബ്രിജ് ഭൂഷൻ രാഷ്ട്രീയ പിൻബലത്തോടെ പിന്തിരിപ്പിക്കുന്നുവെന്നും ബജരംഗ് പൂനിയ പ്രധാനമന്ത്രിക്ക് അയച്ച കത്തിൽ ആരോപിച്ചു. അതേസമയം ഗുസ്തി താരങ്ങള്‍ക്ക് പിന്തുണയുമായി പ്രതിപക്ഷ നേതാക്കള്‍ രംഗത്തെത്തി. ലൈംഗികാതിക്രമ കേസിൽ പുറത്തായ ബ്രിജ് ഭൂഷന്റെ വിശ്വസ്തനെ ഫെഡറേഷൻ അധ്യക്ഷനാക്കിയത് അനീതിയെന്നാണ് വിമർശനം.&nbsp;
വനിതാ ഗുസ്തി താരങ്ങളുടെ കണ്ണീരിൽ സർക്കാർ മൗനം വെടിയണമെന്ന് എഐസിസി ജനറൽ സെക്രട്ടറി രൺദീപ് സുർജെവാല ആവശ്യപ്പെട്ടു. വരാണസിയിൽ നരേന്ദ്ര മോദിക്കെതിരെ സാക്ഷി മാലിക്കിനെ മത്സരിപ്പിക്കണമെന്ന് മമത ബാനർജി ഇന്ത്യ സഖ്യ നേതാക്കളോട് ആവശ്യപ്പെട്ടു. വാരാണസിയിൽ മോദി ക്കെതിരെ ഇന്ത്യ മുന്നണി സ്ഥാനാർത്ഥിയാക്കണമെന്ന് മമത ബാനര്‍ജി പ്രഖ്യാപിച്ചു. വാരണാസിയിൽ യോജിച്ച സ്ഥാനാർത്ഥി വേണമെന്ന ഇന്ത്യ മുന്നണി തീരുമാനം നിലനിൽക്കെയാണ് മമത സാക്ഷി മാലിക്കിന്റെ പേര് നിർദേശിച്ചത്. ഇക്കാര്യ ഇന്ത്യ സഖ്യത്തിൽ ചർച്ച ചെയ്തേക്കും. എന്നാൽ സാക്ഷി മാലിക്കിന്റെ വിരമിക്കൽ ദൗർഭാഗ്യകരമെന്നും ഒരു താരത്തെ നഷ്ടമായതിൻ്റെ ഉത്തരവാദി കേന്ദ്ര സർക്കാരെന്നും സിപിഎമ്മും കുറ്റപ്പെടുത്തി. അതേസമയം, ബ്രിജ് ഭൂഷനെ തള്ളിപ്പറയാന്‍ ഇതുവരെ കേന്ദ്ര സർക്കാർ തയ്യാറായിട്ടില്ല.

സാക്ഷി മാലിക്ക് വിരമിക്കൽ പ്രഖ്യാപിച്ചതിന് പിന്നാലെ പത്മശ്രീ തിരിച്ചു നൽകുമെന്ന് ഒളിംപിക് മെഡൽ ജേതാവ് ബജരംഗ് പൂനിയ പ്രഖ്യാപിച്ചു

പ്രതിഷേധം കടുപ്പിച്ച് ഗുസ്തി താരങ്ങൾ; പത്മശ്രീ തിരിച്ചു നൽകുമെന്ന് ഒളിംപിക് മെഡൽ ജേതാവ് ബജരംഗ് പൂനിയ

താമരശ്ശേരി: ചുരം ആറം വളവിൽ ലോറി കേടായി കുടുങ്ങിയതിനെ തുടർന്ന് ഗതാഗത തടസ്സം നേരിടുന്നു.വാഹനങ്ങളുടെ നീണ്ടനിര രണ്ടാം വളവ് വരെ എത്തിയിട്ടുണ്ട്. ഇന്ന് പുലർച്ചെ ഒരു മണിയോടെയാണ് 14 വീൽ ലോറി ആക്സിൽ പൊട്ടിയതിനെ തുടർന്ന് തകരാറിലായത്‌. തുടർന്ന് ചുരത്തിൽ ഗതാഗതതടസ്സം അനുഭവപ്പെടുകയായിരുന്നു.
സംഭവ സ്ഥലത്ത്‌ ഹൈവേ പോലീസും, എൻ.ആർ.ഡി.എഫ്‌, സംരക്ഷണ സമിതി പ്രവർത്തകരും ഗതാഗതം നിയന്ത്രിക്കുന്നുണ്ട്‌. വാഹനങ്ങൾ വൺ-വേ ആയി കടന്ന് പോവുന്നുണ്ട്‌.അവധി ദിവസങ്ങൾ ആയത് കൊണ്ട്‌ വയനാട്‌ ഭാഗത്തേക്ക്‌ വാഹനങ്ങളുടെ ഒഴുക്ക്‌ കൂടിയതിനാൽ ഗതാഗത തടസ്സം സാധ്യതയുണ്ട്‌.

ഇന്ന് പുലർച്ചെ ഒരു മണിയോടെയാണ് സംഭവം

Kozhikode

താമരശ്ശേരി ചുരത്തിൽ ലോറി കുടുങ്ങി ഗതാഗത തടസ്സം

തിരുവനന്തപുരം: പ്രസവ ശസ്ത്രക്രിയയ്ക്കിടെ പന്തീരാങ്കാവ് സ്വദേശി കെ.കെ.ഹർഷിനയുടെ വയറ്റിൽ ശസ്ത്രക്രിയ ഉപകരണം മറന്നുവച്ച കേസില്‍ ഡോക്ടർമാരെയും നഴ്സുമാരെയും പ്രോസിക്യൂട്ട് ചെയ്യാൻ അനുമതി. കുറ്റപത്രം ചൊവ്വാഴ്ച കുന്ദമംഗലം കോടതിയിൽ സമർപ്പിക്കും.മഞ്ചേരി ഗവ. മെഡിക്കൽ കോളജ് ഗൈനക്കോളജി വിഭാഗം അസി. പ്രഫസർ ഡോ. സി.കെ.രമേശൻ, സ്വകാര്യ ആശുപത്രിയിലെ ഗൈനക്കോളജിസ്റ്റും മലപ്പുറം സ്വദേശിനിയുമായ ഡോ. എം.ഷഹന, മെഡിക്കൽ കോളജിലെ സ്റ്റാഫ് നഴ്സുമാരായ പെരുമണ്ണ പാലത്തുംകുഴി എം.രഹന, ദേവഗിരി കളപ്പുരയിൽ കെ.ജി.മഞ്ജു എന്നിവരാണ് യഥാക്രമം കേസിലെ ഒന്നു മുതൽ 4 വരെയുള്ള പ്രതികൾ. ഇവർക്കെതിരെ കുറ്റപത്രം നൽകാൻ ആരോഗ്യ വകുപ്പ് പ്രിൻസിപ്പൽ സെക്രട്ടറിയാണ് അനുമതി നൽകിയത്.
2017 നവംബർ 30ന് മെഡിക്കൽ കോളജിൽ നടന്ന ശസ്ത്രക്രിയയ്ക്കിടെ വയറ്റിൽ ശസ്ത്രക്രിയ ഉപകരണം മറന്നുവച്ച സംഭവത്തിൽ കുറ്റക്കാർക്കെതിരെ നടപടി സ്വീകരിക്കണമെന്നാവശ്യപ്പെട്ട് കഴിഞ്ഞ മാർച്ച് 1ന് ആണ് ഹർഷിന സിറ്റി പോലീസ് കമ്മിഷണർക്ക് പരാതി നൽകിയത്. മെഡിക്കൽ നെഗ്ലിജൻസ് ആക്ട് പ്രകാരം മെഡിക്കൽ കോളജ് പോലീസ് റജിസ്റ്റർ ചെയ്ത കേസിൽ എസിപി കെ.സുദർശന്റെ നേതൃത്വത്തിൽ അന്വേഷണം നടത്തി. അന്നു ഹർഷിനയ്ക്ക് ശസ്ത്രക്രിയ നടത്തിയ സംഘത്തിലുണ്ടായിരുന്ന 4 പേരെയാണ് കേസിൽ പ്രതി ചേർത്തത്. ഇവരുടെ അറസ്റ്റ് നേരത്തേ രേഖപ്പെടുത്തിയിരുന്നു. ഐപിസി 338 പ്രകാരം നാല് പേരെയും പ്രതിചേർത്താണ് റിപ്പോർട്ട് നൽകിയത്. 2 വർഷം വരെ തടവു ലഭിക്കാവുന്ന കുറ്റമാണ് ചുമത്തിയത്.

കുറ്റപത്രം ചൊവ്വാഴ്ച കുന്ദമംഗലം കോടതിയിൽ സമർപ്പിക്കും

ഹർഷിന കേസ്; ഡോക്ടർമാരെയും നഴ്‌സുമാരെയും പ്രോസിക്യൂട്ട് ചെയ്യാൻ അനുമതി

കൽപ്പറ്റ: സുത്താൽ ബത്തേരിയിൽ സ്ത്രീധന പീഡന പരാതിയുമായി അമ്മയും മകളും. വിവാഹ മോചനം നേടാതെ ഭർത്താവ് രണ്ടാം വിവാഹം കഴിച്ചെന്ന് ആരോപിച്ച് ഇരുവരും ഭർതൃവീട്ടിൽ പ്രതിഷേധിച്ചു. പോലീസ് എത്തിയാണ് ഇരുവരെയും സമാധാനിപ്പിച്ചു മടക്കി അയച്ചത്. നായ്ക്കട്ടി സ്വദേശി അബൂബക്കർ സിദ്ദീഖിനെതിരെയാണ് പതിനൊന്ന് കാരിയായ മകളെയും കൂട്ടി ഷഹാന ബാനു ഭർതൃവീട്ടിൽ പ്രതിഷേധത്തിനെത്തിയത്. ഒന്നര വർഷമായി ഭർത്താവിൽ നിന്നും മാറി താമസിക്കുകയായിരുന്നു ഷഹാനയും മകളും. എന്നാൽ ഇതിനിടെ ഭർത്താവ് ഏകപക്ഷീയമായി വിവാഹമോചന നടപടികൾ ആരംഭിക്കുകയായിരുന്നെന്ന് ഷഹാന ആരോപിച്ചു. നടപടികൾ അവസാനിക്കുന്നതിന് മുൻപ് യുവാവ് മറ്റൊരാളെ വിവാഹം കഴിച്ച് വീട്ടിൽ കൊണ്ടുവരികയും ചെയ്‌തു. ഇതിന് പിന്നാലെയാണ് ഷഹാനയും മകളും ഭർത്താവിന്റെ വീടിന്റെ മുന്നിലെത്തി ബഹളം വെച്ചത്.&nbsp;
സ്ത്രീധനത്തിന്റെ പേരിൽ കൊടിയ പീഡനം സഹിക്കേണ്ടി വന്നിരുന്നു എന്നും ഭർത്താവും കുടുംബവും തന്നെ നിരന്തരം പീഡിപ്പിച്ചിരുന്നെന്നും ഷഹാന ആരോപിച്ചു. അതേസമയം കുടുംബത്തിന് ചേരത്ത രീതിയിലുള്ള ഷഹാനയുടെ ജീവിതമാണ് പ്രശ്‌നങ്ങൾക്ക് കാരണമെന്നാണ് ഭർതൃ വീട്ടുകാരുടെ വാദം. ഭർത്താവിനെ അനുസരിക്കില്ല, പറന്നു നടക്കണം, പുതിയ ഫാഷനിലുള്ള വസ്ത്രം ധരിക്കണം അതൊന്നും ഈ കുടുംബത്ത് നടക്കില്ല. ജിമ്മും മറ്റുമായി ആടിപ്പാടി നടക്കുകയാണ് ചെയ്തിട്ടുള്ളത്. അതൊന്നും ഞങ്ങളുടെ കുടുംബത്തെ സംബന്ധിച്ചിടത്തോളം വെച്ചു പൊറുപ്പിക്കാൻ പറ്റില്ല- ഭർത്താവിന്റെ ബന്ധു പറഞ്ഞു. പോലീസ് ഭർത്താവിന്റെ കുടുംബത്തിന്റെ ഭാഗത്തു നിന്നാണ് ഇടപെട്ടതെന്ന് ഷഹാന ആരോപിച്ചു. ഭർത്താവ് മർദ്ദിച്ചെന്ന് കാട്ടി യുവതിയും മകളും ബത്തേരി ആശുപത്രിയിൽ ചികിത്സ തേടി.

സ്ത്രീധനത്തിന്റെ പേരിൽ കൊടിയ പീഡനം സഹിക്കേണ്ടി വന്നിരുന്നു എന്നും ഭർത്താവും കുടുംബവും തന്നെ നിരന്തരം പീഡിപ്പിച്ചിരുന്നെന്നും ഷഹാന ആരോപിച്ചു

ഭർത്താവ് വീണ്ടും വിവാഹം കഴിച്ചു; ഭർതൃവീട്ടിൽ പ്രതിഷേധിച്ച് യുവതിയും മകളും

തിരുവനന്തപുരം: മുഖ്യമന്ത്രിയും മന്ത്രിമാരും നടത്തിയ നവകേരള സദസ്സിന് ഇന്ന് സമാപനം. കാസര്‍ഗോഡ് മഞ്ചേശ്വരം മണ്ഡലത്തില്‍ നിന്ന് കഴിഞ്ഞ മാസം 18 ന് ആരംഭിച്ച യാത്ര 35 ദിവസം പിന്നിട്ടാണ് ഇന്ന് സമാപിക്കുന്നത്. ഔദ്യോഗിക സമാപന ദിവസമായ ഇന്ന് 5 മണ്ഡലങ്ങളില്‍ നവകേരള സദസ്സ് നടക്കും. കോവളം,നേമം,കഴക്കൂട്ടം,വട്ടിയൂര്‍ക്കാവ്, തിരുവനന്തപുരം എന്നീ മണ്ഡലങ്ങളിലാണ് നവകേരള സദസ്സ് നടക്കുക. വട്ടിയൂര്‍ക്കാവ് പോളിടെക്‌നിക്ക് ഗ്രൗണ്ടിലാണ് സമാപന സമ്മേളനം. ഇന്നും തലസ്ഥാനത്ത് പ്രതിപക്ഷ പ്രതിഷേധനങ്ങള്‍ ഉണ്ടായേക്കും. യുവമോര്‍ച്ച പ്രവര്‍ത്തകര്‍ സെക്രട്ടറിയേറ്റിലേക്ക് മാര്‍ച്ചിന് ആഹ്വാനം ചെയ്തിട്ടുണ്ട്. പ്രതിഷേധങ്ങള്‍ കണക്കിലെടുത്ത് കനത്ത സുരക്ഷയാണ് നഗരത്തിലുള്ളത്. കാനം രാജേന്ദ്രന്റെ മരണത്തെ തുടര്‍ന്നാണ് എറണാകുളം ജില്ലയിലെ നാല് മണ്ഡലങ്ങളിലെ പര്യടനം മാറ്റിവച്ചിരുന്നു. അടുത്ത മാസം 1, 2 തീയതികളില്‍ മാറ്റിവച്ച പര്യടനം പൂര്‍ത്തിയാക്കും.
അതേസമയം, മുഖ്യമന്ത്രിക്കെതിരെയുള്ള പ്രതിഷേധങ്ങള്‍ക്ക് നേരെയുള്ള പോലീസ് അതിക്രമത്തിനെതിരെ കോണ്‍ഗ്രസിന്റെ ഡിജിപി ഓഫീസ് മാര്‍ച്ച് ഇന്ന് നടക്കും. പത്തരയ്ക്ക് കെപിസിസി ആസ്ഥാനത്ത് നിന്നാണ് മാര്‍ച്ച് തുടങ്ങുക. കെ.സുധാകരന്‍, വിഡി സതീശന്‍, രമേശ് ചെന്നിത്തല, കെ മുരളീധരന്‍, തുടങ്ങിയവര്‍ മാര്‍ച്ചിന് നേതൃത്വം നല്‍കും. എംപിമാര്‍, എംഎല്‍എമാര്‍, കെപിസിസി ഭാരവാഹികള്‍ തുടങ്ങിയവര്‍ പ്രതിഷേധമാര്‍ച്ചില്‍ പങ്കെടുക്കും. ഇതേവിഷയത്തില്‍ കെഎസ്‌യുവും യൂത്ത് കോണ്‍ഗ്രസും നടത്തിയ മാര്‍ച്ച് അക്രമാസക്തമായതിന്റെ പശ്ചാത്തലത്തില്‍ കനത്ത പോലീസ് വലയമാവും നഗരത്തിലുണ്ടാവുക.

ഔദ്യോഗിക സമാപന ദിവസമായ ഇന്ന് 5 മണ്ഡലങ്ങളില്‍ നവകേരള സദസ്സ് നടക്കും

നവകേരള സദസ്സിന് ഇന്ന് സമാപനം

പാക് ഭീകരകേന്ദ്രങ്ങളെ ലക്ഷ്യമിട്ട് ഇന്ത്യ നടത്തിയ 'ഓപ്പറേഷന്‍ സിന്ദൂറി'ല്‍ കൊല്ലപ്പെട്ടവരില്‍ കൊടുംഭീകരന്‍ അബ്ദുള്‍ റൗഫ് അസറും. പാക് ഭീകരസംഘടനയായ ജെയ്‌ഷെ മുഹമ്മദിന്റെ പ്രധാന നേതാക്കളില്‍ ഒരാളാണ് റൗഫ് അസര്‍. ജെയ്‌ഷെ തലവന്‍ മൗലാന മസൂദ് അസറിന്റെ സഹോദരനായ റൗഫ്, 1999-ലെ കാണ്ഡഹാര്‍ വിമാന റാഞ്ചലിന്റെ മുഖ്യസൂത്രധാരന്‍ കൂടിയാണ്.
ഇന്ത്യന്‍ സേനകള്‍ സംയുക്തമായി നടത്തിയ ഓപ്പറേഷന്‍ സിന്ദൂറിന്റെ പ്രധാനലക്ഷ്യങ്ങളിലൊന്ന് പാകിസ്താനിലെ ബഹാവല്‍പുരിലെ ജെയ്‌ഷെ മുഹമ്മദ് ആസ്ഥാനമായിരുന്നു. ബഹാവല്‍പുരിലെ ജെയ്‌ഷെ ആസ്ഥാനത്തിന് നേരേ ഇന്ത്യ നടത്തിയ തിരച്ചടിയിലാണ് റൗഫ് അസര്‍ കൊല്ലപ്പെട്ടതെന്നാണ് റിപ്പോര്‍ട്ട്.&nbsp;

'ഓപ്പറേഷന്‍ സിന്ദൂറി'ല്‍ കൊല്ലപ്പെട്ടവരിൽ മസൂദ് അസറിൻ്റെ സഹോദരൻ റൗഫ് അസറും

മലപ്പുറം: കേരളത്തിൽ വീണ്ടും നിപ. മലപ്പുറം വളഞ്ചേരി സ്വദേശിയായ 42കാരിക്കാണ് രോഗം സ്ഥിരീകരിച്ചത്. ഇവർ ഇപ്പോൾ പെരിന്തൽമണ്ണയിലെ ആശുപത്രിയിൽ ചികിത്സയിലാണ്. പുനെ വെെറോളജി ലാബിൽ നിന്നുള്ള ഫലം പോസിറ്റീവായി.&nbsp;
കഴിഞ്ഞ കുറച്ച് ദിവസങ്ങളായി പനി, ചുമ, ശ്വാസതടസം തുടങ്ങിയ രോഗ ലക്ഷണങ്ങൾ ഉണ്ടായിരുന്നതിനെ തുടർന്നാണ് സാമ്പിൾ പരിശോധനയ്ക്ക് അയച്ചത്. എവിടെ നിന്നാണ് രോഗം ലഭിച്ചതെന്ന് വ്യക്തമല്ല. ഇവരുടെ വീട്ടിൽ രണ്ട് പേർക്ക് പനിയുണ്ടായിരുന്നുവെന്നാണ് വിവരം.

സംസ്ഥാനത്ത് വീണ്ടും നിപ; രോഗം സ്ഥിരീകരിച്ചത് വളാഞ്ചേരി സ്വദേശിക്ക്

ന്യൂഡൽഹി: ഓപ്പറേഷൻ സിന്ദൂറിൽ നൂറ് ഭീകരരെ വധിച്ചതായി പ്രതിരോധമന്ത്രി രാജ്നാഥ് സിങ്. വ്യാഴാഴ്ച നടന്ന സർവകക്ഷി യോഗത്തിലാണ് പ്രതിരോധമന്ത്രാലയം ഇക്കാര്യം അറിയിച്ചത്. സ്ഥിതിഗതികൾ വഷളാക്കാൻ ഇന്ത്യ ആഗ്രഹിക്കുന്നില്ല. എന്നാൽ, പാകിസ്താൻ പ്രകോപിപ്പിച്ചാൽ തിരിച്ചടിക്കുമെന്നും സർവകക്ഷിയോഗത്തിൽ രാജ്നാഥ് സിങ് പറഞ്ഞു.
പഹൽഗാമിൽ 26 പേർ കൊല്ലപ്പെട്ട ഭീകരാക്രമണത്തിന് പിന്നാലെയാണ് ഇന്ത്യ തിരിച്ചടിച്ചത്. പാകിസ്താനിലെ ഭീകരരുടെ കേന്ദ്രം ലക്ഷ്യം വെച്ചായിരുന്നു ഇന്ത്യ ആക്രമണം നടത്തിയത്.

ഓപ്പറേഷൻ സിന്ദൂറിൽ നൂറ് ഭീകരരെ വധിച്ചതായി പ്രതിരോധമന്ത്രി രാജ്നാഥ് സിങ്

തിരുവനന്തപുരം: നന്തൻകോട് കൂട്ടക്കൊലക്കേസിൽ വിധി പറയുന്നത് വീണ്ടും മാറ്റി. തിങ്കളാഴ്ചത്തേക്കാണ് മാറ്റിയത്. തിരുവനന്തപുരം അഡീഷണൽ സെഷൻസ് കോടതിയാണ് വിധി പറയുക. മാതാപിതാക്കൾ ഉൾപ്പെടെ നാലുപേരെ കൊന്ന കേസിൽ കേഡൽ ജിൻസൺ രാജയാണ് ഏകപ്രതി.
ഏപ്രിൽ 28-ന് കേസിന്റെ അന്തിമവാദം പൂർത്തിയായിരുന്നു. തുടർന്ന് മേയ് ആറിന് വിധി പ്രസ്താവിക്കുമെന്ന് അറിയിച്ചെങ്കിലും വ്യാഴാഴ്ചത്തേക്ക് മാറ്റിയിരുന്നു. ഇന്ന് കേസ് വീണ്ടും വിധിപറയാൻ മാറ്റുകയായിരുന്നു.

നന്തൻകോട് കൂട്ടക്കൊലക്കേസ് വിധി തിങ്കളാഴ്ച

ഉത്തർകാശി: ഉത്തരാഖണ്ഡിൽ ഹെലികോപ്റ്റർ തകർന്ന് നാല് മരണം. ഉത്തർകാശിയിൽ വ്യാഴാഴ്ച രാവിലെയോടെയായിരുന്നു സംഭവം. ഹെലികോപ്റ്ററിലുണ്ടായിരുന്ന വിനോദസഞ്ചാരികളാണ് കൊല്ലപ്പെട്ടതെന്ന് എൻഡിടിവി റിപ്പോർട്ട് ചെയ്യുന്നു.&nbsp;
ആറുപേരായിരുന്നു ഹെലികോപ്റ്ററിൽ ഉണ്ടായിരുന്നത്. രണ്ടുപേർക്ക് അപകടത്തിൽ പരിക്കേറ്റതായാണ് റിപ്പോർട്ട്.

ഉത്തരാഖണ്ഡിൽ ഹെലികോപ്റ്റർ തകർന്ന് നാല് മരണം

Search Results for: nandancode murder