വടകര: കാലങ്ങളായി വടകരയിലെ ജനങ്ങൾ ഉപയോഗിച്ചു വരുന്ന ഒന്തം റോഡ് റെയിൽവെ ക്രോസ് പൊതു വഴി പൂർണമായും അടക്കുന്നതിൻ്റെ മുൻപ് ബദൽ ഫൂട് ഓവർ അനുവദിക്കണമെന്ന് കെ.മുരളീധരൻ എം.പി.യും കെ കെ രമ എം എൽ എയും ആവശ്യപ്പെട്ടു. ഈ കാര്യം ഡി.ആർ. എമ്മിനെ അറിയിച്ചിട്ടുണ്ട്. ഫൂട് ഓവർ അംഗീകരിക്കുവാൻ റെയിൽവെ വകുപ്പിന് ഉടനെ കത്തെഴുതുമെന്നും എം.പി. അറിയിച്ചു. വടകരയിൽനിന്ന്‌ താഴെയങ്ങാടിയിലേക്കും നഗരസഭാ ഓഫീസിലേക്കുമെല്ലാം എളുപ്പത്തിൽ എത്താവുന്ന വഴിയാണിത്. പടികളിറങ്ങി റെയിൽവേ ട്രാക്ക് മുറിച്ചുകടന്നാണ് അപ്പുറത്തേക്ക് പോകേണ്ടത്. ഇത് അപകടകരമാണെന്ന വിലയിരുത്തലിലാണ് വഴിയടയ്ക്കാൻ റെയിൽവേ തീരുമാനിച്ചത്.
കെ.മുരളീധരൻ എം.പി, കെ.കെ. രമ എം.എൽ.എ എന്നിവർ സ്ഥലം സന്ദർശിച്ചു. മുനിസിപ്പൽ വൈസ് ചെയർമാൻ സജീവ് കുമാർ , വിവിധ രാഷ്ട്രീയ പാർട്ടി നേതാക്കളായ എ പി. മഹ്മൂദ് ഹാജി ,എൻ.പി. അബ്ദുള്ള ഹാജി, വി.കെ. പ്രേമൻ ,സുനിൽ കുമാർ, പി.കെ.സി. റഷീദ്, കരകെട്ടി ഇബ്രാഹീം ഹാജി , സി.വി. മമ്മു, എം.ഫൈസൽ ,വി.ഫൈസൽ , രതീശൻ ,കൗൺസിലർമാരായ പ്രേമകുമാരി ,റൈഹാനത്ത് , ഹാഷിം പി.വി ,കെ.പി.നജീബ്, അനസ്.കെ. ,നൗഷർ കാളിയത്ത് ,പി.സി. ഹസ്സൻകുട്ടി ഹാജി ,പി വി സി മമ്മു ,ഏ പി. മുസ്തഫ തുടങ്ങിയവർ സന്നിഹിതരായി.

ഒന്തം റോഡ് റെയിൽവെ ക്രോസ് വഴി അടയക്കൽ; ബദൽ ഫൂട് ഓവർ അനുവദിക്കണമെന്ന് എം പിയും എം എൽ എയും

Vadakara

മലപ്പുറം: ലോകമെങ്ങു​മുള്ള ഫുട്ബാൾ ആരാധകരുടെ ഇഷ്ടതാരമാണ് അർജന്റീനക്കാരൻ ലയണൽ മെസ്സി. ലോകകപ്പടക്കം പ്രധാന കിരീടങ്ങളും എട്ടുതവണ ലോകത്തെ മികച്ച ഫുട്ബാളർക്കുള്ള ബാലൻ ഡി ഓറുമെല്ലാം കരിയറിന് അലങ്കാരമാരമാക്കിയ ഇതിഹാസ താരത്തോടുള്ള ആരാധകരുടെ സ്നേഹപ്രകടനം പലരീതിയിൽ നമ്മൾ കണ്ടിട്ടുമുണ്ട്. കാൽപന്ത് കളിയെ എക്കാലവും നെഞ്ചേറ്റുന്ന മലപ്പുറത്തുകാരുടെ മെസ്സി സ്നേഹത്തിന് മറ്റൊരു സാക്ഷ്യമാവുകയാണ് തിരൂരിനടുത്തുള്ള കൂട്ടായിയിലെ ഐതുന്റെ പുരക്കൽ മൻസൂർ. മൻസൂർ-സഫീല നസ്റിൻ ദമ്പതികൾ തങ്ങളുടെ കുഞ്ഞുമകന് നൽകിയ പേര് ‘ലയണൽ​ മെസ്സി’ എന്നാണ്.
തിരൂർ ശിഹാബ് തങ്ങൾ സഹകരണ ആശുപത്രിയിലായിരുന്നു ‘ലയണൽ മെസ്സി’യുടെ ജനനം. ‘എ.പി ലയണൽ മെസ്സി’ എന്നെഴുതിയ ജനന സർട്ടിഫിക്കറ്റും അർജന്റീനയുടെ കുഞ്ഞു ജഴ്സിയണിഞ്ഞ ‘ലയണൽ മെസ്സി’യുടെ ചിത്രവുമെല്ലാം ഇപ്പോൾ സമൂഹ മാധ്യമങ്ങളിൽ വൈറലാണ്.
മെസ്സിയുടെ കടുത്ത ആരാധകനാണ് എ.പി മൻസൂർ. ഖത്തർ ലോകകപ്പിൽ മെസ്സിയും സംഘവും ലോക കിരീടമുയർത്തുമ്പോൾ സാക്ഷിയാകാൻ അദ്ദേഹം ഉണ്ടായിരുന്നു. ആഗസ്റ്റ് നാലിന് ആൺകുഞ്ഞ് പിറന്നപ്പോൾ മൻസൂറിന് മെസ്സിയെന്നല്ലാതെ മറ്റൊരു പേരും മനസ്സിൽ വന്നില്ല. പിന്തുണയുമായി സഫീല നസ്റിനും ഒപ്പം നിന്നു. പലരും കടുത്ത വിമർശനങ്ങളുമായി എത്തിയപ്പോൾ പിന്തുണക്കാൻ കൂട്ടുകാരുണ്ടായിരുന്നു. മകൻ വളർന്നു വലുതായ ശേഷം അവന് വേണമെങ്കിൽ പേര് മാറ്റാമെന്നാണ് മൻസൂറിന്റെ പക്ഷം. മികച്ച ഫുട്ബാൾ താരമായി മലപ്പുറത്തിന്റെ ‘ലയണൽ മെസ്സി’യെ വളർത്തിയെടുക്കണമെന്നും മൻസൂറിന് ആഗ്രഹമുണ്ട്. സൗദിയിലെ സ്വകാര്യ കമ്പനിയിൽ ലിഫ്റ്റിങ് സൂപ്പർവൈസറാണ് മൻസൂർ. താനൂരിലെ മാതാവിന്റെ വീട്ടിലാണ് ‘ലയണൽ മെസ്സി’ ഇപ്പോൾ കഴിയുന്നത്.

ഇത് മലപ്പുറത്തിന്റെ സ്വന്തം ‘ലയണൽ മെസ്സി’

Search Results for: muhammad riyas