വടകര : ദേശീയപാതയില്‍ കരിമ്പനപ്പാലത്ത് വാഹനത്തില്‍ രണ്ടു പേര്‍ മരിച്ച നിലയില്‍. കാരവനിലാണ് രണ്ടു പുരുഷന്‍മാരെ മരിച്ച നിലയില്‍ കണ്ടെത്തിയത്. മരിച്ചത് മലപ്പുറം സ്വദേശികള്‍ ആണെന്നാണ് സൂചന. സംഭവസ്ഥലത്ത് പൊലീസ് പരിശോധന നടത്തുകയാണ്.
ഒരാള്‍ കാരവന്റെ സ്റ്റെപ്പിലും മറ്റൊരാള്‍ ഉള്ളിലും മരിച്ചുകിടക്കുന്ന നിലയിലാണ് കണ്ടെത്തിയത്.രണ്ടു പേരേയും തിരിച്ചറിഞ്ഞിട്ടില്ല. വാഹനം ഏറെ നേരമായി റോഡില്‍ നിര്‍ത്തിയിട്ടിരിക്കുന്നത് ശ്രദ്ധയില്‍പെട്ട നാട്ടുകാരാണ് വിവരം പോലീസിനെ അറിയിച്ചത്.
updating...

കരിമ്പനപ്പാലത്ത് വാഹനത്തില്‍ രണ്ടു പേര്‍ മരിച്ച നിലയില്‍

Vadakara

പ്രശസ്ത ചലച്ചിത്രകാരൻ ശ്യാം ബെനഗൽ (90) അന്തരിച്ചു. തിങ്കളാഴ്ച 6.30-ഓടെ മുംബൈയിലെ വോക്കാർഡ് ആശുപത്രിയിലായിരുന്നു അന്ത്യം. വൃക്ക സംബന്ധമായ പ്രശ്‌നങ്ങൾക്ക് ചികിത്സയിലായിരുന്നു അദ്ദേഹം. അദ്ദേഹത്തിൻ്റെ മരണവിവരം മകൾ പിയ ബെനഗൽ മാധ്യമങ്ങളോട് സ്ഥിരീകരിച്ചു.&nbsp;
അങ്കുർ (1973), നിശാന്ത് (1975), മന്ഥൻ (1976), ഭൂമിക (1977), മമ്മോ (1994), സർദാരി ബീഗം (1996), സുബൈദ (2001) തുടങ്ങിയ ഐതിഹാസിക ചിത്രങ്ങൾ സംവിധാനം ചെയ്തതിലൂടെ ശ്യാം ബെനഗൽ പ്രശസ്തനായിരുന്നു. ഇന്ത്യൻ സിനിമയ്ക്ക് നൽകിയ സംഭാവനകൾക്ക് 1976-ൽ പത്മശ്രീയും 1991-ൽ പത്മഭൂഷണും നൽകി രാജ്യം ബെനഗലിനെ ആദരിച്ചിരുന്നു.
1934 ഡിസംബർ 14-ന് ഹൈദരാബാദിൽ, ഒരു കൊങ്കണി സംസാരിക്കുന്ന കുടുംബത്തിലാണ് ശ്യാം ബെനഗൽ ജനിച്ചത്. കർണാടക സ്വദേശിയായ അദ്ദേഹത്തിൻ്റെ പിതാവ് ശ്രീധർ ബി. ബെനഗൽ ഒരു ഫോട്ടോഗ്രാഫറായിരുന്നു. വെറും 12 വയസ്സുള്ളപ്പോൾ, അച്ഛൻ സമ്മാനിച്ച ക്യാമറ ഉപയോഗിച്ചാണ് ശ്യാം തൻ്റെ ആദ്യ സിനിമ ചിത്രീകരിക്കുന്നത്. ഹൈദരാബാദിലെ ഒസ്മാനിയ സർവകലാശാലയിൽ നിന്ന് സാമ്പത്തിക ശാസ്ത്രത്തിൽ ബിരുദാനന്തര ബിരുദം നേടിയ അദ്ദേഹം അവിടെ ഹൈദരാബാദ് ഫിലിം സൊസൈറ്റി സ്ഥാപിച്ചാണ് സിനിമയിലെ തൻ്റെ മഹത്തായ യാത്രയുടെ തുടക്കം കുറിക്കുന്നത്.
1959-ൽ ബോംബെ ആസ്ഥാനമായുള്ള ഒരു പരസ്യ ഏജൻസിയിൽ കോപ്പിറൈറ്റർ ആയിട്ടാണ്‌ ബെനഗലിന്റെ ജോലിയുടെ തുടക്കം. ക്രമേണ അദ്ദേഹം ഈ സ്ഥാപനത്തിന്റെ ക്രിയേറ്റീവ് തലവനായി ഉയർന്നു. 1962-ൽ ആദ്യ ഡോക്യുമെന്ററി ചിത്രം നിർമിച്ചു. അദ്ദേഹത്തിന്റെ ഫീച്ചർ ചിത്രമിറങ്ങാൻ പിന്നെയും ഒരു ദശാബ്ദമെടുത്തു. 1963-ൽ കുറച്ചു കാലം മറ്റൊരു പരസ്യകമ്പനിയുമായി ജോലിചെയ്തു. ഈ കലയളവിൽ ഡൊക്യുമെന്ററികളും പരസ്യ ചിത്രങ്ങളുമടക്കം 900 ചിത്രങ്ങൾ ചെയ്തു.
1966 മുതൽ 1973 വരെയുള്ള കാലത്ത് ബെനഗൽ പൂനെ ഫിലിം ഇൻസ്റ്റിറ്റ്യൂട്ടിൽ അധ്യപകനായി സേവനമനുഷ്ടിച്ചു. പൂനെ ഫിലിം ഇൻസ്റ്റിറ്റ്യൂട്ടിന്റെ അധ്യക്ഷനായി രണ്ട് പ്രാവശ്യം തിരഞ്ഞെടുക്കപ്പെട്ടു. 1974-ലാണ് ആദ്യത്തെ ഫീച്ചർ ഫിലിം അങ്കുർ പുറത്തിറങ്ങുന്നത്. തുടർന്ന് നിഷാന്ത്, ഭൂമിക, മന്ഥൻ, മേക്കിങ് ഓഫ് ദി മഹാത്മ, നേതാജി സുഭാഷ് ചന്ദ്രബോസ്- ദി ഫോര്‍ഗോട്ടണ്‍ ഹീറോ, സമര്‍ തുടങ്ങി ചരിത്രത്തില്‍ ഇടംനേടിയ ഒരുപിടി ചിത്രങ്ങള്‍. മിക്ക ചിത്രങ്ങൾക്കും ദേശീയ- അന്താരാഷ്ട്ര പുരസ്കാരങ്ങൾ ലഭിച്ചു.

പ്രശസ്ത ചലച്ചിത്രകാരൻ ശ്യാം ബെനഗൽ അന്തരിച്ചു

National

ചോറോട് : ലീഡർ കെ കരുണാകരന്റെ പതിനാലാം ചരമ വാർഷിക ദിനത്തിൽ ചോറോട് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ചോറോട് ഗേറ്റിൽ വച്ച് അനുസ്മരണവും പുഷ്പാർച്ചനയും സംഘടിപ്പിച്ചു. അനുസ്മരണ സമ്മേളനം ബ്ലോക്ക് കോൺഗ്രസ് കമ്മിറ്റി പ്രസിഡണ്ട് സതീശൻ കുരിയാടി ഉദ്ഘാടനം ചെയ്തു. മണ്ഡലം കോൺഗ്രസ് കമ്മിറ്റി പ്രസിഡണ്ട് അഡ്വ നജ്മൽ. പി. ടി. കെ അധ്യക്ഷത വഹിച്ചു. എ. ഭാസ്കരൻ, കെ. ജി രാഗേഷ്, കെ. കെ മോഹൻദാസ്, മഠത്തിൽ പുഷ്പ, കെ കെ റിനീഷ്, ടി.ലക്ഷ്മണൻ, ഐ ഷാജി, പ്രഭാകരൻ ഇ. കെ തുടങ്ങിയവർ സംസാരിച്ചു.

കെ കരുണാകരൻ അനുസ്മരണവും പുഷ്പാർച്ചനയും

ഷാര്‍ജ: ഷാര്‍ജയില്‍ സര്‍ക്കാര്‍ ജീവനക്കാര്‍ക്ക് പുതുവത്സര അവധി പ്രഖ്യാപിച്ചു. എമിറേറ്റിലെ സര്‍ക്കാര്‍ മേഖലയിലെ ജീവനക്കാര്‍ക്ക് 2025 ജനുവരി ഒന്നിന് അവധി ആയിരിക്കും.&nbsp;
മാനവവിഭവശേഷി വകുപ്പാണ് പൊതു അവധി പ്രഖ്യാപിച്ചത്. എല്ലാ സര്‍ക്കാര്‍ വകുപ്പുകള്‍ക്കും ഏജന്‍സികള്‍ക്കും സ്ഥാപനങ്ങള്‍ക്കും ജനുവരി ഒന്നിന് അവധിയായിരിക്കും. അവധിക്ക് ശേഷം ജനുവരി രണ്ട് വ്യാഴാഴ്ച പ്രവൃത്തി ദിവസം പുനരാരംഭിക്കുമെന്ന് അധികൃതര്‍ അറിയിച്ചു.അതേസമയം യുഎഇയില്‍ സ്വകാര്യ മേഖലയ്ക്ക് പുതുവത്സര അവധി പ്രഖ്യാപിച്ചിരുന്നു. മാവനവവിഭവ ശേഷി സ്വദേശിവത്കരണ മന്ത്രാലയമാണ് അവധി പ്രഖ്യാപിച്ചത്. ജനുവരി 1 ബുധനാഴ്ചയാണ് അവധി പ്രഖ്യാപിച്ചിരിക്കുന്നത്. സ്വകാര്യ മേഖലയിലെ ജീവനക്കാര്‍ക്ക് ശമ്പളത്തോട് കൂടിയ അവധിയാണ് ലഭിക്കുക. യുഎഇയിലെ സര്‍ക്കാര്‍ ജീവനക്കാര്‍ക്കും ജനുവരി ഒന്നിന് അവധി ആയിരിക്കുമെന്ന് ഫെഡറല്‍ അതോറിറ്റി ഫോര്‍ ഗവണ്‍മെന്‍റ് ഹ്യൂമന്‍ റിസോഴ്സസ് പ്രഖ്യാപിച്ചിരുന്നു.&nbsp;

പുതുവത്സരം; പൊതു അവധി പ്രഖ്യാപിച്ച് ഷാർജ

Gulf

നയാഗ്ര ഫോൾസ്: മലയാളി യുവാവിനെ കാനഡയില്‍ മരിച്ച നിലയില്‍ കണ്ടെത്തി. കോട്ടയം മുട്ടുചിറ സ്വദേശി അരുൺ ഡാനിയേലിനെ(29)യാണ് മരിച്ച നിലയില്‍ കണ്ടെത്തിയത്.&nbsp;
നയാഗ്രയ്ക്ക് അടുത്തുള്ള സെന്‍റ് കാതറൈൻസിലെ താമസസ്ഥലത്ത് മൃതദേഹം കണ്ടെത്തുകയായിരുന്നു. മരണ കാരണം വ്യക്തമല്ല.മുൻ സിഐബിസി ബാങ്ക് ഉദ്യോഗസ്ഥനാണ്. രാജ്യാന്തര വിദ്യാർഥിയായി 2017ലാണ് അരുൺ കാനഡയിലെത്തിയത്. പൊലീസ് അന്വേഷണം ആരംഭിച്ചു.&nbsp;

കാനഡയില്‍ മലയാളി യുവാവിനെ കാനഡയില്‍ മരിച്ച നിലയില്‍ കണ്ടെത്തി

കാനഡയില്‍ മലയാളി യുവാവിനെ മരിച്ച നിലയില്‍ കണ്ടെത്തി

ബാഡ്മിന്റണ്‍ സൂപ്പര്‍താരം പി.വി. സിന്ധു വിവാഹിതയായി. സോഫ്റ്റ്‌വെയര്‍ കമ്പനിയായ പൊസിഡെക്‌സ് ടെക്‌നോളജീസിന്റെ എക്‌സിക്യുട്ടീവ് ഡയറക്ടര്‍ വെങ്കടദത്ത സായിയാണ് വരന്‍. ഹൈദരാബാദില്‍ നിന്നുള്ള ഐ.ടി പ്രൊഫഷണലായ വെങ്കടദത്ത സായി നിലവില്‍ പോസിഡെക്‌സ് ടെക്‌നോളജീസ് എന്ന സ്ഥാപനത്തിന്റെ എക്‌സിക്യൂട്ടീവ് ഡയറക്ടറാണ്. ഞായറാഴ്ച രാവിലെ രാജസ്ഥാനിലെ ഉദയ്പുരിലായിരുന്നു വിവാഹം.
ഉദയ്പുരിലെ പഞ്ചനക്ഷത്ര ഹോട്ടലായ റാഫിള്‍സ് റിസോര്‍ട്ടില്‍വെച്ചായിരുന്നു വിവാഹം. ചൊവ്വാഴ്ച ഹൈദരാബാദില്‍ ഇരുകുടുംബങ്ങളും ചേര്‍ന്ന് വിവാഹസത്കാരം നടത്തും.

ബാഡ്മിന്റണ്‍ പി.വി. സിന്ധു വിവാഹിതയായി

Kerala

ബാഡ്മിന്റണ്‍ താരം പി.വി. സിന്ധു വിവാഹിതയായി

കൊച്ചി: മുകേഷിനെതിരായ ലൈംഗിക പീഡന കേസിൽ വടക്കാഞ്ചേരി കോടതിയിൽ കുറ്റപത്രം സമർപ്പിച്ചു. ആലുവ സ്വദേശിനിയായ നടിയുടെ പരാതിയിലെടുത്ത കേസിലാണ് പൊലീസ് നടപടി. ഇതിനൊപ്പം ഹെയർ സ്റ്റൈലിസ്റ്റിന്റെ പരാതിയിൽ പൊൻകുന്നത്തും കൊച്ചി ഇൻഫോ പാർക്കിലും രജിസ്റ്റർ ചെയ്‌ത കേസിലും പൊലീസ് കുറ്റപത്രം നൽകി. ഹേമ കമ്മിറ്റി റിപ്പോർട്ടിന്റെ അടിസ്ഥാനത്തിൽ രൂപീകരിച്ച സ്‌പെഷ്യൽ ഇൻവസ്റ്റിഗേഷൻ ടീം (എസ്‌ഐടി) ഇതുവരെ ഏഴ് കേസുകളിലാണ് കുറ്റപത്രം സമർപ്പിച്ചത്.
മുകേഷിനെ കൂടാതെ മണിയൻപിള്ള രാജു, അഡ്വ. ചന്ദ്രശേഖർ ഉൾപ്പെടെയുള്ള ഏഴുപേർക്കെതിരെയാണ് ആലുവ സ്വദേശിനി പീഡന പരാതി നൽകിയത്. 2009ലാണ് സംഭവം നടന്നതെന്നാണ് നടിയുടെ ആരോപണം.&nbsp;

മുകേഷിനെതിരായ ലൈംഗിക പീഡന പരാതി; കേസിൽ കുറ്റപത്രം സമർപ്പിച്ച് പൊലീസ്

വടകര: സർവീസിൽ നിന്നും വിരമിച്ചവർക്ക് തന്നെ സർക്കാറിൻ്റെ വിവിധ വകുപ്പുകളിലെ ഒഴിവുകളിൽ നിയമനം നൽകി അഭ്യസ്തവിദ്യരായ യുവജനങ്ങളുടെ തൊഴിലവസരം നഷ്ടപ്പെടുത്തുന്ന രീതി സർക്കാർ നിർത്തണമെന്ന് ആർ.വൈ.ജെ.ഡി കുറ്റ്യാടി നിയോജകമണ്ഡലം യൂത്ത് മീറ്റ് ആവശ്യപ്പെട്ടു. "സോഷ്യലിസ്റ്റ് മുന്നേറ്റത്തിന് ഉറച്ച കാൽവെപ്പ് " എന്ന സന്ദേശവുമായി ചെമ്മരത്തൂരിൽ നടത്തിയ യൂത്ത് മീറ്റ് ആർ. വൈ.ജെ.ഡി സംസ്ഥാന സെക്രട്ടറി കെ.പി. രജിൽ ഉദ്ഘാടനം ചെയ്തു.&nbsp;
നിയോജക മണ്ഡലം പ്രസിഡണ്ട് എം.ടി.കെ. സുധീഷ് അധ്യക്ഷതവഹിച്ചു. ജില്ല പ്രസിഡണ് പി. കിരൺജിത്ത് , എസ്.വി. ജെ. ജില്ല പ്രസിഡണ്ട് വിസ്മയ മുരളീധരൻ , ആർ. ജെ. ഡി. ജില്ല കമ്മിറ്റി അംഗങ്ങളായ ആയാടത്തിൽ രവീന്ദ്രൻ , വിനോദ് ചെറിയത്ത് , ടി.എൻ. മനോജ് , സച്ചിൻ വില്ല്യാപ്പള്ളി , ജിതിൻ എന്നിവർ സംസാരിച്ചു.

യുവജനങ്ങളുടെ തൊഴിലവസരം നഷ്ടപ്പെടുത്തുന്ന രീതി സർക്കാർ നിർത്തണം; ആർ.വൈ.ജെ.ഡി

ആയഞ്ചേരി: ആ൪.എ.സി കടമേരി ഹയർ സെക്കന്ററി സ്കൂളിലെ എ൯.എസ്.എസ് വളണ്ടിയർമാരുടെ സപ്തദിന സഹവാസ ക്യാമ്പിന് ( 'യുവ 24') ചീക്കിലോട് യു. പി സ്കൂളിൽ തുടക്കമായി. ജനപ്രതിനിധികളും അധ്യാപകരും വളണ്ടിയർമാരു൦ അണി നിരന്ന വിളംബര ജാഥയുണ്ടായി. ആയഞ്ചേരി പഞ്ചായത്ത് പ്രസിഡന്റ് നെല്യാട്ടുമ്മൽ അബ്ദുൾ ഹമീദ് ക്യാമ്പ് ഉദ്ഘാടനം ചെയ്തു. വൈസ് പ്രസിഡന്റ് പി. കെ ആയിഷ അധ്യക്ഷയായി. പ്രോഗ്രാം ഓഫീസ൪ കെ.പി കുഞ്ഞമ്മദ് പദ്ധതി വിശദീകരിച്ചു. പ്രിൻസിപ്പൽ കെ മുസ്തഫ, വിവിധ ജനപ്രതിനിധികൾ, പിടിഎ ഭാരവാഹികൾ, അധ്യാപക൪ എന്നിവ൪ സംബന്ധിച്ചു.

എ൯.എസ്.എസ് സഹവാസ ക്യാമ്പ് തുടങ്ങി

തിരുവനന്തപുരം: സി.പി.എം തിരുവനന്തപുരം ജില്ലാ സെക്രട്ടറിയായി വി. ജോയി എം.എൽ.എയെ വീണ്ടും തെരഞ്ഞെടുത്തു. കോവളത്തു നടന്ന ജില്ലാ സമ്മേളനത്തില്‍ ഐകകണ്‌ഠ്യേനയായാണ് ജോയിയെ സെക്രട്ടറിയായി തെരഞ്ഞെടുത്തത്. 46 അംഗ ജില്ലാകമ്മിറ്റിയേയും ഐകകണ്‌ഠ്യേന തെരഞ്ഞെടുത്തു. എട്ട് പേരെ പുതുതായി ജില്ലാ കമ്മിറ്റിയിൽ ഉൾപ്പെടുത്തി.
32 അംഗ സംസ്ഥാന സമ്മേളന പ്രതിനിധികളേയും സമ്മേളനം തെരഞ്ഞെടുത്തു. എസ്.എഫ്‌.ഐയിലൂടെ പൊതുപ്രവര്‍ത്തനരംഗത്ത് എത്തിയ ജോയ് രണ്ടുതവണ തുടര്‍ച്ചയായി വര്‍ക്കല മണ്ഡലത്തെ പ്രതിനിധീകരിക്കുന്ന എം.എൽ.എ ആണ്. എസ്.എഫ്.ഐ ജില്ലാ പ്രസിഡന്റ്, സെക്രട്ടറി, ഡി.വൈ.എഫ്.ഐ ജില്ലാ വൈസ് പ്രസിഡൻറ്,തിരുവനന്തപുരം ജില്ലാ പഞ്ചായത്ത് അംഗം, അഴൂർ പഞ്ചായത്ത്‌ പ്രസിഡന്റ്, രണ്ടുതവണ ചിറയൻകീഴ് ബ്ലോക്ക്‌ പഞ്ചായത്ത്‌ പ്രസിഡന്റ്, കേരള സർവകലാശാല സെനറ്റംഗം തുടങ്ങിയ നിലകളിൽ പ്രവർത്തിച്ചു.

വി. ജോയി സി.പി.എം തിരുവനന്തപുരം ജില്ലാ സെക്രട്ടറി

കാഞ്ഞങ്ങാട്: യൂത്ത് കോണ്‍ഗ്രസ് പ്രവര്‍ത്തകരായ പെരിയ കല്ല്യോട്ടെ ശരത്ലാലിനെയും കൃപേഷിനേയും കൊലപ്പെടുത്തിയ കേസില്‍ എറണാകുളം സി.ബി.ഐ. കോടതി ഈ മാസം 28-ന് വിധി പറയും. മുന്‍ എം.എല്‍.എയും സി.പി.എം. കാസര്‍കോട് ജില്ലാ സെക്രട്ടറിയേറ്റംഗവുമായി കെ.വി.കുഞ്ഞിരാമന്‍, കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡന്റും സി.പി.എം. മുന്‍ ഉദുമ ഏരിയാ സെക്രട്ടറിയുമായ കെ.മണികണ്ഠന്‍. മുന്‍ പെരിയ ലോക്കല്‍ സെക്രട്ടറി എന്‍.ബാലകൃഷ്ണന്‍, മുന്‍ പാക്കം ലോക്കല്‍ സെക്രട്ടറി രാഘവന്‍ വെളുത്തോളി തുടങ്ങി 24 പേരാണ് പ്രതിപ്പട്ടികയിലുള്ളത്.
മുന്‍ ലോക്കല്‍ക്കമ്മിറ്റിയംഗം എ.പീതാംബരനാണ് ഒന്നാം പ്രതി. ഇയാള്‍ ഉള്‍പ്പെടെ 14 പേരെ ക്രൈംബ്രാഞ്ചും കെ.വി.കുഞ്ഞിരാമന്‍ ഉള്‍പ്പെടെ പത്തുപേരെ സി.ബി.ഐയുമാണ് അറസ്റ്റു ചെയ്തത്. 2019 ഫെബ്രുവരി 17-നാണ് കൊല നടന്നത്. ആദ്യം ലോക്കല്‍ പോലീസിലെ പ്രത്യേക സംഘവും പിന്നീട് ക്രൈംബ്രാഞ്ചും അന്വേഷിച്ച കേസാണിത്.
സി.ബി.ഐ. അന്വേഷണം ആവശ്യപ്പെട്ട് ശരത്ലാലിന്റെയും കൃപേഷിന്റെയും മാതാപിതാക്കള്‍ ഹൈക്കോടതിയെ സമീപിക്കുകയായിരുന്നു. ഇതോടെ ഹൈക്കോടതി ക്രൈംബ്രാഞ്ചിന്റെ കുറ്റപത്രം റദ്ദ് ചെയ്ത് സി.ബി.ഐ. അന്വേഷണം പ്രഖ്യാപിക്കുകയായിരുന്നു. എന്നാല്‍ സി.ബി.ഐ.അന്വേഷണമെന്ന ഹൈക്കോടതി സിങ്കിള്‍ ബെഞ്ചിന്റെ വിധി ശരിവെച്ച ഡിവിഷന്‍ ബെഞ്ച് ക്രൈംബ്രാഞ്ചിന്റെ കുറ്റ പത്രം നില നിര്‍ത്തുകയും ചെയ്തിരുന്നു.ഇതിനെതിരെ സംസ്ഥാന സര്‍ക്കാര്‍ സുപ്രീകോടതിയെ സമീപിച്ചു. അവിടെയും ഇരകള്‍ക്ക് അനുകൂല വിധിയുണ്ടായതോടെ അന്വേഷണത്തിന് സി.ബി.ഐ. എത്തുകയായിരുന്നു. ഡിവൈ.എസ്.പി. അനന്തകൃഷ്ണന്റെ നേതൃത്വത്തിലുള്ള സി.ബി.ഐ. സംഘമാണ് അന്വേഷണം നടത്തിയത്. ആദ്യം അറസ്റ്റിലായ 14 പേരില്‍ കെ.മണികണ്ഠന്‍, എന്‍.ബാലകൃഷ്ണന്‍, ആലക്കോട് മണി എന്നിവര്‍ക്ക് ജാമ്യം ലഭിച്ചിരുന്നു. ബാക്കി 11 പേര്‍ക്ക് വിയ്യൂര്‍ സെന്‍ട്രല്‍ ജയിലിലാണ്.
സി.ബി.ഐ. അറസ്റ്റുചെയ്ത പത്തുപേരില്‍ കെ.വി.കുഞ്ഞിരാമനും രാഘവന്‍ വെളുത്തോളിക്കുമുള്‍പ്പെടെ അഞ്ചു പേര്‍ക്ക് ജാമ്യം ലഭിച്ചിരുന്നു. സി.പി.എം. ഏച്ചിലടുക്കം ബ്രാഞ്ച് സെക്രട്ടറിയായിരുന്ന പി.രാജേഷ് ഉള്‍പ്പെടെ ബാക്കിയുള്ള അഞ്ചുപേര്‍ കാക്കനാട് ജയിലിലാണുള്ളത്.&nbsp;

പെരിയ ഇരട്ടക്കൊലപാതക കേസ്: വിചാരണ പൂര്‍ത്തിയായി, ഡിസംബര്‍ 28-ന് വിധി പറയും

ചോമ്പാല : മാഹി റെയിൽവേ സ്റ്റേഷന് വടക്കുഭാഗത്ത് ഞായറാഴ്ച 6.35-ന് യശ്വന്ത്പുർ ട്രെയിൻതട്ടി മരിച്ച 35 വയസ്സ് തോന്നിക്കുന്ന യുവാവിനെ തിരിച്ചറിഞ്ഞില്ല. കീഴ്ത്താടിയിൽ മുറിവിന്റെ കലയും ഇടതുനെഞ്ചിൽ കാക്കപ്പുള്ളിയും നീലയും കറുപ്പും വരയുള്ള ഷർട്ടുമാണ് അടയാളം. ഇതര സംസ്ഥാനക്കാരനാണെന്ന് പോലീസ് നിഗമനം. ചോമ്പാല എസ്.ഐ. മനോജ് എം.വി.യുടെ നേതൃത്വത്തിൽ ഇൻക്വസ്റ്റ് നടത്തി. മൃതദേഹം കോഴിക്കോട് മെഡിക്കൽ കോളേജ് മോർച്ചറിയിൽ.

മാഹിയിൽ ട്രെയിൻതട്ടി മരിച്ച യുവാവിനെ തിരിച്ചറിഞ്ഞില്ല

Mahe

നാദാപുരം: വിസ്ഡം ഇസ്‌ലാമിക് ഓർഗനൈസേഷൻ ധർമ സമരത്തിൻ്റെ വിദ്യാർത്ഥി കാലം എന്ന പ്രമേയത്തിൽ 2025 മെയ് 11നു പെരിന്തൽമണ്ണയിൽ വെച്ച് നടത്തുന്ന കേരള സ്റ്റുഡൻസ് കോൺഫറൻസിൻ്റെ ഭാഗമായി കോഴിക്കോട് നോർത്ത് ജില്ല കമ്മിറ്റി സംഘടിപ്പിക്കുന്ന മുജാഹിദ് വിദ്യാർത്ഥി സമ്മേളനം ഡിസംബർ 25 ന് നാദാപുരത്ത് നടക്കും. കാലത്ത് 9.30 ന് വിസ്ഡം ഇസ്‌ലാമിക് ഓർഗനൈസേഷൻ ജില്ലാ പ്രസിഡണ്ട് ടി.പി അബ്ദുൽ അസീസ് സമ്മേളനം ഉദ്ഘാടനം ചെയ്യും. വിസ്ഡം യൂത്ത് സംസ്ഥാന ജനറൽ സെക്രട്ടറി ടി.കെ നിഷാദ് സലഫി മുഖ്യപ്രഭാഷണം നടത്തും.&nbsp;
വിസ്ഡം സ്റ്റുഡൻ്റ്സ് സംസ്ഥാന വൈസ് പ്രസിഡണ്ട് മുജാഹിദ് അൽ ഹികമി, ഹാരിസ് ആറ്റൂർ, സഫീർ അൽ ഹികമി എന്നിവർ വിവിധ വിഷയങ്ങളിൽ പ്രബന്ധങ്ങൾ അവതരിപ്പിക്കും. വിസ്ഡം സ്റ്റുഡൻ്റ്സ് ജില്ലാ പ്രസിഡണ്ട് മുനിസ് അൻസാരി അധ്യക്ഷത വഹിക്കും. ജില്ലാ സെക്രട്ടറി സ്വാലിഹ് അൽ ഹികമി, ട്രഷറർ ഹാഫിദ് വി.കെ ബാസിം മുഹമ്മദ്, സൈഫുല്ല അൽ ഹികമി , ഫാഇസ് പേരാമ്പ്ര,സയ്യിദ് വിജ്ദാൻ അൽഹികമി , കെ ആദിൽ അമീൻ സെഷനുകൾ നിയന്ത്രിക്കും. സമ്മേളനത്തിന് കാസിം പാട്ടത്തിൽ, ടി. പി നസീർ, ഡോ: അബ്ദുൽ റസാഖ് ആലക്കൽ ആശംസകൾ നേർന്ന് സംസാരിക്കും.

ജില്ലാ മുജാഹിദ് വിദ്യാർത്ഥി സമ്മേളനം 25 ന് നാദാപുരത്ത്

Nadapuram

വൈക്കിലശ്ശേരി: ലീഡർ കെ.കരുണാകരൻ്റെ 14-ാം വാർഷിക അനുസ്മരണവും പുഷ്പാർച്ചനയും അഞ്ചാം വാർഡും ആറാംവാർഡും കോൺഗ്രസ് കമ്മിറ്റി സംയുക്തമായി വൈക്കിലശ്ശേരി പ്രിയദർശിനി ഭവനിൽ നടത്തി. കെ.കെ.പവിത്രരാജൻ അദ്ധ്യക്ഷത വഹിച്ച യോഗത്തിൽ ഗോപാലകൃഷ്ണൻ, മഠത്തിൽ പുഷ്പ, മരത്തപ്പള്ളി രവി, കെ.കെ.മോഹൻദാസ്, ബാലകൃഷ്ണൻ, വിനോദ് ,കെ.സുരേന്ദ്രനാഥ്, വി.കെ.രവീന്ദ്രൻ, സുകുമാരൻ, ഗിരി, ബിജു മാവിലാട്ട് എന്നിവർ സംസാരിച്ചു.

കെ.കരുണാകരൻ അനുസ്മരണം നടത്തി

തൊട്ടിൽപ്പാലം: കെ കരുണാകരന്റെ 14-ാം ചരമദിനത്തോടനുബന്ധിച്ച് കാവിലുംപാറ ഗാർമെന്റ് ഹൈസ്കൂളിനടുത്ത് വെച്ച് ഛായാ ചിത്രത്തിൽ പുഷ്പാർച്ചനയും അനുസ്മരണ യോഗവും നടന്നു. അനുസ്മരണ സമ്മേളനം കാവിലുംപാറ ബ്ലോക്ക് കോൺഗ്രസ് പ്രസിഡണ്ട് ജമാൽ കോരംങ്കോട്ട് ഉദ്ഘാടനം ചെയ്തു. കെ.സി ബാലകൃഷ്ണൻ അധ്യക്ഷത വഹിച്ച യോഗത്തിൽ മുൻ കെപിസിസി മെമ്പർ കെ പി രാജൻ മുഖ്യ പ്രഭാഷണം നടത്തി. മണ്ഡലം പ്രസിഡന്റ് പി ജി സത്യനാഥ്, വി പി സുരേഷ്, സി.പി ജിനചന്ദ്രൻ, കെ സി കൃഷ്ണൻ, ഒ രവീന്ദ്രൻ മാസ്റ്റർ, പി കെ ബാബു, എം.ടി നാരായണൻ, കെ.ടി വിജയലക്ഷ്മി, കെ.ടി രാജൻ മാസ്റ്റർ, പി.കെ രാധ എന്നിവർ സംസാരിച്ചു.

ഛായാ ചിത്രത്തിൽ പുഷ്പാർച്ചനയും അനുസ്മരണ യോഗവും

Kuttiadi

വടകര: അടക്കാത്തെരു കീഴനശ്ശേരി വേണു(78) അന്തരിച്ചു. ദീർഘകാലം അറക്കിലാട് ഈസ്റ്റ് എൽ പി സ്കൂൾ പ്രധാനാധ്യാപകനായിരുന്നു. ഭാര്യ : രാധ (റിട്ട; കടമേരി എം യു പി സ്കൂൾ). മക്കൾ : ദിവ്യ സുരേഷ് (പയ്യന്നൂർ), അശ്വിൻ (എസ് ബി ഐ വടകര). മരുമക്കൾ (സുരേഷ് കെ എസ് ആർ ടി സി പയ്യന്നൂർ, ജിഷ (യൂണിയൻ ബാങ്ക്, വടകര). സഹോദരങ്ങൾ : ദാമു (റിട്ട.റയിൽവെ) , പരേതരായ ജാനകി , ലീല, ബാലൻ.

അടക്കാത്തെരു കീഴനശ്ശേരി വേണു അന്തരിച്ചു

Obituary

അരൂർ: നവധാരകലാകായിക വേദി &amp; ഗ്രന്ഥാലയത്തിൻ്റെ 40-ാം വാർഷികാഘോഷത്തിൻ്റെ ഭാഗമായി കൂട്ട ഓട്ടം സംഘടിപ്പിച്ചു. തീക്കുനി ബൈപാസ് റോഡിൽ ക്രിക്കറ്റ് താരം വൈഗ ഗണേഷ് ഫ്ലാഗ് ഓഫ് ചെയ്തു. സജീഷ് മുണ്ടക്കൽ അധ്യക്ഷത വഹിച്ചു. വാർഡ് അംഗം പി ശ്രീലത, എം വിജയൻ , വി.പി റഫീക്ക്, സി.കെ ബിജു കെ വിനോദൻ, വി.വി ഹമീദ് എന്നിവർ പ്രസംഗിച്ചു.

ഗ്രന്ഥാലയത്തിൻ്റെ വാർഷികം; കൂട്ട ഓട്ടം സംഘടിപ്പിച്ചു

ആയഞ്ചേരി : പുറക്കോട്ടയിൽ ബാബു ( 51) അന്തരിച്ചു. ഭാര്യ :ഷീബ. അച്ഛൻ : പരേതനായ കുഞ്ഞിരാമൻ. അമ്മ : മാണി. സഹോദരങ്ങൾ: ജാനു (കതിരൂർ), രാജീവൻ , റീന.

ആയഞ്ചേരി പുറക്കോട്ടയിൽ ബാബു അന്തരിച്ചു

വണ്ടൂർ (മലപ്പുറം) :റോഡിനു കുറുകെ പാഞ്ഞ പന്നി ഇടിച്ചു സ്കൂട്ടർ മറിഞ്ഞു ഗുരുതരമായി പരുക്കേറ്റ് ചികിത്സയിലായിരുന്ന യുവാവ് മരിച്ചു. വണ്ടൂർ ചെട്ടിയാറമ്മൽ പൊത്തൻകോടൻ നൗഷാദലി (47) ആണു കോഴിക്കോട് സ്വകാര്യ ആശുപത്രിയിൽ മരിച്ചത്. കഴിഞ്ഞ 20ന് രാത്രി എട്ടരയോടെ എളങ്കൂറിനു സമീപമായിരുന്നു അപകടം.
വെറ്ററൻസ് സെവൻസ് ഫുട്ബോൾ അസോസിയേഷൻ ജില്ലാ ജനറൽ സെക്രട്ടറിയായ നൗഷാദലി കിഴിശ്ശേരിയിൽ നടക്കുന്ന ടൂർണമെന്റിന്റെ ഉദ്ഘാടന ചടങ്ങിൽ പങ്കെടുത്തു മടങ്ങുമ്പോഴായിരുന്നു സംഭവം. കൂടെയുണ്ടായിരുന്ന ഇളയ മകൻ ഫൈസാനും പരുക്കേറ്റിരുന്നു. നൗഷാദലി മികച്ച അനൗൺസറാണ്. തിങ്കളാഴ്ച പോസ്റ്റ്‌മോർട്ടത്തിനു ശേഷം പള്ളിക്കുന്ന ജുമാ മസ്ജിദിൽ കബറടക്കും.&nbsp;

പന്നി ഇടിച്ചു സ്കൂട്ടർ മറിഞ്ഞ് അപകടം; ചികിത്സയിലായിരുന്ന യുവാവ് മരിച്ചു

കട്ടപ്പന: വണ്ടിപ്പെരിയാറിൽ ആറുവയസുകാരിയെ പീഡിപ്പിച്ച് കൊലപ്പെടുത്തിയശേഷം കെട്ടിത്തൂക്കിയ കേസിൽ കുറ്റവിമുക്തനാക്കിയ ചുരക്കുളം എസ്റ്റേറ്റിലെ അർജുൻ(25) കട്ടപ്പന കോടതിയിൽ കീഴടങ്ങി. ഇയാളെ ജാമ്യത്തിൽ വിട്ടു. ഹൈക്കോടതി നിർദേശപ്രകാരമാണ് കീഴടങ്ങൽ. പ്രതിയെ വെറുതെവിട്ട കട്ടപ്പന അതിവേഗ സ്പെഷ്യൽ കോടതി ഉത്തരവിനെതിരെ സർക്കാർ ഹൈക്കോടതിയിൽ നൽകിയ അപ്പീലിലാണ് നിർദേശം. പ്രതി വിദേശത്തേയ്ക്ക് കടക്കാൻ ശ്രമിക്കുന്നതായും പ്രോസിക്യൂഷൻ കോടതിയെ അറിയിച്ചിരുന്നു. ഇയാളുടെ പാസ്പോർട്ടും ഹാജരാക്കാൻ നിർദേശിച്ചിട്ടുണ്ട്.
പൊലീസിന്റെ ഭാഗത്ത് നിന്നുണ്ടായ അലംഭാവമാണ് പ്രതി രക്ഷപ്പെടാൻ കാരണമെന്ന് കുടുംബം നേരത്തെ ആരോപിച്ചിരുന്നു. അന്ന് പ്രതി ചേർത്ത അർജുനെ തെളിവുകളുടെ അഭാവത്തിൽ കട്ടപ്പന അതിവേഗ പോക്‌സോകോടതി കഴിഞ്ഞ വർഷം ഡിസംബർ 14നാണ് വെറുതെ വിട്ടത്. 2021 ജൂൺ 30ന് വണ്ടിപ്പെരിയാറിലെ എസ്റ്റേറ്റ് ലയത്തിലെ മുറിയിൽ കെട്ടിത്തൂക്കിയ നിലയിലാണ് പെൺകുട്ടിയുടെ മൃതദേഹം കണ്ടെത്തിയത്. കുഞ്ഞിന് മൂന്ന് വയസുള്ളപ്പോൾ മുതൽ മിഠായിയും ഭക്ഷണസാധനങ്ങളും നൽകി പ്രതി ലൈംഗികമായി ചൂഷണം ചെയ്തിരുന്നതായി പൊലീസ് അന്വേഷണത്തിൽ കണ്ടെത്തിയിരുന്നു.&nbsp;
കുറ്റപത്രം സമർപ്പിച്ച് രണ്ട് വർഷത്തിന് ശേഷമാണ് വിധി വന്നത്. വണ്ടിപ്പെരിയാർ കേസിൽ അന്വേഷണ ഉദ്യോഗസ്ഥന് വീഴ്ച പറ്റിയെന്നായിരുന്നു കോടതി അന്ന് പറഞ്ഞത്. കേസിൽ പ്രതി അർജുനെ വെറുതെ വിട്ടുകൊണ്ടുള്ള വിധിയുടെ പകർപ്പിലാണ് ഇക്കാര്യം പറഞ്ഞത്.&nbsp;

വണ്ടിപ്പെരിയാർ പീഡനക്കേസ്; പ്രതി അർജുൻ കട്ടപ്പന കോടതിയിൽ കീഴടങ്ങി

പാലക്കാട്: ബി.ജെ.പിക്കുപോലും പറയാന്‍ പറ്റാത്ത വര്‍ഗീയ നിലപാടുകള്‍ സി.പി.എം പറയുന്നുവെന്ന് കോണ്‍ഗ്രസ് നേതാവ് സന്ദീപ് വാര്യര്‍. ഇത്തരം നിലപാടുകള്‍ കൊണ്ട് ബി.ജെ.പിക്ക് അനുകൂലമായ ഒരു രാഷ്ട്രീയ സാഹചര്യം ഉണ്ടാക്കുകയാണ് സിപി.എം ചെയ്യുന്നതെന്നും ഇതാണ് സിപിഎം- ബി.ജെ.പി ബാന്ധവത്തിന്റെ അടിസ്ഥാനമെന്നും സന്ദീപ് ആരോപിച്ചു. മുതിര്‍ന്ന സിപിഎം നേതാവ് എ വിജയരാഘവന്‍ സി.പി.എം വയനാട് ജില്ലാ സമ്മേളനത്തില്‍ നടത്തിയ വര്‍ഗീയ പരാമര്‍ശങ്ങളോട് പ്രതികരിക്കുകയായിരുന്നു സന്ദീപ്.
'തൃശൂര്‍പൂരം കലക്കലുമായി ബന്ധപ്പെട്ട് അജിത് കുമാറിന്റെ റിപ്പോര്‍ട്ട് പുറത്തുവന്നല്ലോ. ബി.ജെ.പിക്ക് അനുകൂലമായ രാഷ്ട്രീയസാഹചര്യം ഉണ്ടാക്കുന്നതെങ്ങനെയാണ്? വര്‍ഗീയ പരാമര്‍ശങ്ങള്‍ സിപിഎം നേതാക്കള്‍ പറയുന്നു, ഇടതുപക്ഷം അതിനെ പ്രോത്സാഹിപ്പിക്കുന്നു, അത് ബി.ജെ.പിക്ക് അനുകൂലമായ രാഷ്ട്രീയസാഹചര്യം കേരളത്തില്‍ ഉണ്ടാക്കുന്നു. പാലക്കാട്ടെ പത്രപ്പരസ്യവിവാദത്തിലും വഖഫ് നിയമഭേദഗതിയിലും സിപിഎം സ്വീകരിക്കുന്ന നിലപാട് പലപ്പോഴും കേരളത്തില്‍ ബി.ജെ.പിക്ക് അനുകൂലമായ സാഹചര്യമുണ്ടാക്കാന്‍ സഹായകമായിട്ടുള്ളതാണ്.' - സന്ദീപ് വാര്യര്‍ പറഞ്ഞു.

ബി.ജെ.പിക്കുപോലും പറയാന്‍ പറ്റാത്ത വര്‍ഗീയ നിലപാടുകള്‍ സി.പി.എം പറയുന്നു ;രൂക്ഷ വിമർശനവുമായി സന്ദീപ് വാര്യര്‍

കല്‍പ്പറ്റ: സിപിഎം വയനാട് ജില്ലാ സെക്രട്ടറിയായി ഡിവൈഎഫ്‌ഐ നേതാവ് കെ. റഫീഖിനെ ജില്ലാ സമ്മേളനം തിരഞ്ഞെടുത്തു. പി. ഗഗാറിന്‍ സെക്രട്ടറിയായി ഒരുടേം കൂടി തുടരും എന്ന് ഏവരും പ്രതീക്ഷിച്ചിരിക്കെയാണ് തീര്‍ത്തും അപ്രതീക്ഷിതമായി റഫീഖ് ആ സ്ഥാനത്തേത്ത് എത്തിയത്. ഡി.വൈ.എഫ്.ഐ ജില്ലാ സെക്രട്ടറിയായിരുന്നു കെ. റഫീഖ്.
ഗഗാറിനെ സ്ഥാനത്ത് നിന്ന് മാറ്റണമെന്ന ആവശ്യം പാര്‍ട്ടിയില്‍ ഉയര്‍ന്നിരുന്നു. എന്നാല്‍ സമ്മേളനകാലയളവിലേക്ക് വന്നപ്പോള്‍ ആ സാധ്യത അടയുകയും ഗഗാറിന്‍ തന്നെ തുടര്‍ന്നേക്കാമെന്നും സൂചനയുണ്ടായിരുന്നു.ഡി.വൈ.എഫ്.ഐ ജില്ലാ സെക്രട്ടറി സ്ഥാനത്ത് നിന്ന് ജില്ലയില്‍ പാര്‍ട്ടിയുടെ അമരത്തേക്ക് റഫീഖ് എത്തുന്നതോടെ വന്‍ മാറ്റമാണ് സിപിഎം നേതൃനിരയില്‍ സംഭവിച്ചത്‌.

പി.ഗഗാറിനെ മാറ്റി; കെ.റഫീഖ് സിപിഎം വയനാട് ജില്ലാ സെക്രട്ടറി

ചോറോട് : ജില്ലാ കോൺഗ്രസ്‌ കമ്മിറ്റി പ്രസിഡന്റ്‌ അഡ്വ കെ പ്രവീൺ കുമാർ ഡിസംബർ മാസം 26,27 തിയ്യതികളിൽ നടത്തുന്ന ഗാന്ധി യാത്ര വിജയിപ്പിക്കുന്നതുമായി ബന്ധപ്പെട്ട് മണ്ഡലം കോൺഗ്രസ്‌ കമ്മിറ്റി വിളിച്ചു ചേർത്ത പ്രവർത്തക കൺവെൻഷൻ കെ പി സി സി മെമ്പർ പ്രമോദ് കക്കട്ടിൽ ഉദ്ഘാടനം ചെയ്തു. വടകര ബ്ലോക്ക്‌ കോൺഗ്രസ്‌ കമ്മിറ്റി പ്രസിഡന്റ്‌ സതീശൻ കുരിയാടി മുഖ്യ പ്രഭാഷണം നടത്തി. മണ്ഡലം കോൺഗ്രസ്‌ കമ്മിറ്റി പ്രസിഡന്റ്‌ പി ടി കെ നജ്മൽ അധ്യക്ഷത വഹിച്ചു.
ഗാന്ധി യാത്രയിൽ മണ്ഡലത്തിൽ നിന്ന് 200 ൽ കുറയാത്ത പ്രവർത്തകരെ പങ്കെടുപ്പിക്കാൻ യോഗം തീരുമാനിച്ചു. രാജേഷ് ചോറോട്, കെ ജി രാഗേഷ്, രമേശൻ കിഴക്കയിൽ, ഭാസ്കരൻ കെ, മോഹനൻ പുത്തുർ, ബിന്ദു വാഴയിൽ, ആർ കെ പ്രവീൺ കുമാർ, രവി മരത്തപ്പള്ളി, സോമൻ മാതിയത്ത്, ശിവകുമാർ ടി കെ, ബാലഗോപാലൻ, കെ എം ദാസ് തുടങ്ങിയവർ സംസാരിച്ചു.

'ഗാന്ധി യാത്രയിൽ 200 പ്രവർത്തകരെ പങ്കെടുപ്പിക്കും'

വടകര : കഞ്ചാവ് കൈവശംവെച്ച കേസിൽ യുവാവിന് അഞ്ചുവർഷം കഠിനതടവും 25,000 രൂപ പിഴയും ശിക്ഷ. കോഴിക്കോട് നരിക്കുനി പാറന്നൂർ കൊള്ളരിക്കൽ മീത്തൽ വിഷ്ണു (24)നെയാണ് വടകര എൻ.ഡി.പി.എസ്. കോടതി ജഡ്ജി വി.ജി. ബിജു ശിക്ഷിച്ചത്. പിഴയടച്ചില്ലെങ്കിൽ ഒരുമാസംകൂടി കഠിനതടവ് അനുഭവിക്കണം. 2018 ഒക്ടോബർ ഒൻപതിനാണ് കേസിനാസ്പദമായ സംഭവം. വെള്ളയിൽ റെയിൽവേ സ്റ്റേഷൻ ഫ്ലാറ്റ്ഫോമിൽവെച്ച് 10 കിലോ 750 ഗ്രാം കഞ്ചാവുമായി നടക്കാവ് പോലീസാണ് വിഷ്ണുവിനെ പിടികൂടിയത്. പ്രോസിക്യൂഷനുവേണ്ടി സ്പെഷ്യൽ പബ്ലിക് പ്രോസിക്യൂട്ടർ ഇ.വി. ലിജീഷ് ഹാജരായി.

കഞ്ചാവുകേസിൽ അഞ്ചുവർഷം കഠിനതടവും 25,000 രൂപ പിഴയും

ചോറോട് : ഗാന്ധിയെ മറക്കുന്ന കാലത്ത് ഗാന്ധി സ്മരണകൾ ഉയർത്തി ചോറോട് വേറിട്ട ഒരു കല്യാണം. ചോറോട് മണ്ഡലം കോൺഗ്രസ് കമ്മിറ്റി സെക്രട്ടറി മുസ്തഫ പുതുക്കുടിയിലിന്റെ മകൻ മുഹമ്മദ്‌ മുഷ്താഖിന്റെ വിവാഹ വേദിയിലാണ് ഈ വേറിട്ട അനുഭവം. ഗാന്ധിജിയുടെ ആത്മ കഥയായ 'എന്റെ സത്യാന്വേഷണ പരീക്ഷണങ്ങൾ' ഉൾപ്പെടെയുള്ള ഗാന്ധി കൃതികളും, ഗാന്ധിജിയെക്കുറിച്ച് എഴുതപ്പെട്ട പുസ്തകങ്ങളും അടക്കം ഗാന്ധിജിയുടെ ജീവിതത്തിലെ വ്യത്യസ്ത ഘട്ടങ്ങളുടെയും സമരങ്ങളുടെയും വിപുലമായ ഫോട്ടോകളുടെ പ്രദർശനവും ഗാന്ധിജിയെക്കുറിച്ചുള്ള ഡോക്യുമെന്ററി പ്രദർശനവും ഉൾപ്പെടെ വിവാഹ പന്തലിൽ ഒരുക്കിയത് നാടിന് വേറിട്ട അനുഭവമായി.
കോഴിക്കോട് ഗാന്ധി ഗ്രാമത്തിന്റെ സഹായത്തോട് കൂടിയാണ് വിവാഹപന്തലിൽ ഗാന്ധി സ്മൃതി സംഘടിപ്പിച്ചത്. പലപ്പോഴും കല്യാണങ്ങൾക്കുള്ള പല പരിപാടികളും പ്രഹസനങ്ങൾ ആയി മാറുമ്പോൾ മുസ്തഫയുടെ ഈ വ്യത്യസ്തമായ കാഴ്ചപ്പാട് നാട്ടുകാരിൽ കൗതുകം ഉണർത്തുകയാണ് ചെയ്തത്. റൗലറ്റ് ആക്ടും, ജാലിയൻവാലാബാഗ് കൂട്ടക്കൊലയും ഡോക്യുമെന്ററി പ്രദർശനത്തിലൂടെ നാട്ടുകാരെ ആകർഷിച്ചു.

ഗാന്ധി സ്മരണകൾ നിറഞ്ഞു നിന്ന വേദി; ചോറോട് ഒരു വേറിട്ട കല്ല്യാണം

ഗുരുവായൂർ: ക്രിസ്മസ് അവധിക്കാലമായതോടെ ഗുരുവായൂരിൽ ദർശനത്തിന് തിരക്കു തുടങ്ങി. കഴിഞ്ഞ രണ്ടുദിവസങ്ങളിൽ നിയന്ത്രണാതീതമായ തിരക്കാണുണ്ടായത്. പുറത്തെ വരിയിൽനിന്നുള്ള ഭക്തരെ നേരെ കൊടിമരം വഴിയാണ് നാലമ്പലത്തിലേക്ക്‌ പ്രവേശിപ്പിച്ചത്. തിരക്കു കൂടിയതിനാൽ വഴിപാടുകളുടെ എണ്ണവുമേറി. ഞായറാഴ്‌ച മാത്രം ഒരുകോടിയോളം രൂപയാണ് വഴിപാടിനത്തിൽ വരുമാനമുണ്ടായത്.
വരിനിൽക്കാതെ പ്രത്യേക ദർശനത്തിന് നെയ്‌വിളക്ക് ശീട്ടാക്കിയ വരുമാനം 29 ലക്ഷം കടന്നു. വലിയ തിരക്കുള്ള ദിവസങ്ങളിൽവരെ ഇതിന് ശരാശരി 25 ലക്ഷം രൂപവരെയേ ലഭിക്കാറുള്ളൂ. തുലാഭാരം വഴിപാടിൽ 20 ലക്ഷത്തോളം രൂപ. അഞ്ചുലക്ഷത്തോളം രൂപയുടെ പാൽപ്പായസവും ശീട്ടാക്കി.469 കുട്ടികൾക്ക് ചോറൂൺ വഴിപാടുമുണ്ടായി.

അവധിക്കാലമായതോടെ ഗുരുവായൂരിൽ വൻ തിരക്ക്; ഒറ്റദിനം വരുമാനം ഒരുകോടിയോളം

കൊച്ചി: ഉശിരൻ തിരിച്ചുവരവോടെ ആരാധകരെ ഞെട്ടിച്ച് കേരള ബ്ലാസ്‌റ്റേഴ്‌സ്. മുഹമ്മദൻസ് എസ്.സിക്ക് എതിരെ സ്വന്തം തട്ടകത്തിൽ മൂന്ന് ഗോളിന്റെ ഗംഭീരവിജയമാണ് നേടിയത്. ബ്ലാസ്‌റ്റേഴ്‌സിനായി നോഹ് സദൗയ് (80), അലക്‌സാഡ്രേ കൊയഫ് (90) എന്നിവർ ലക്ഷ്യം കണ്ടു. ഒരെണ്ണം മുഹമ്മദൻസിന്റെ വക ഓൺഗോൾ. ഇടക്കാല പരിശീലകൻ പി.ജി. പുരുഷോത്തമന്റെ തന്ത്രങ്ങളും വിജയത്തിന് മാറ്റുകൂട്ടി.എന്നാൽ ബ്ലാസ്റ്റേഴ്‌സ് ആദ്യ പകുതി നിരാശപ്പെടുത്തി. നാലാം മിനിട്ടിൽ പന്തുമായി നോഹ് സദൗയ് കുതിപ്പ് പ്രതീക്ഷ നൽകിയെങ്കിലും ലക്ഷ്യത്തിലേക്ക് എത്തിക്കാനായില്ല.&nbsp;
രണ്ടാം പകുതി ഇരുടീമുകളും ആക്രമണം പുറത്തെടുത്തെങ്കിലും ഗോൾ മാത്രം ഒഴിഞ്ഞുനിന്നു. ഡ്രിൻസിച്ചിന്റെ രണ്ട് ഗോൾ ശ്രമങ്ങൾ ലക്ഷ്യം തെറ്റിപ്പറന്നു. 60ാം മിനിട്ടിൽ ബോക്‌സിനോട് ചേർന്നുലഭിച്ച കൊൽക്കത്തക്കാരുടെ ഫ്രീകിക്ക് സച്ചിൻ സുരേഷ് കൈയിൽ ഭദ്രമാക്കി. 62ാം മിനിട്ടിൽ മഞ്ഞപ്പട കാത്തിരുന്ന നിമിഷമെത്തി. ലൂണയുടെ തകർപ്പൻ കിക്ക് തട്ടിയകറ്റാനുള്ള ഗോളി ഭാസ്‌കർ റോയിയുടെ ശ്രമം. പക്ഷേ ലക്ഷ്യംതെറ്റിയുള്ള തട്ടേറ്റ് പന്ത് പോസ്റ്റിലേക്ക്. ഓൺ ഗോളിലും ഗ്യാലറി ഇളകിമറിഞ്ഞു. 74ാം മിനിട്ടിൽ നോഹയുടെ കിക്ക് ഭാസ്‌കർ തട്ടിയകറ്റി. വീണ്ടും ബ്ലാസ്‌റ്റേഴ്‌സ് കൊൽക്കത്തക്കാരുടെ ഗോൾമുഖത്ത് ഇരച്ചെത്തി. ലൂണയുടെ മിന്നലാക്രമണം ഭാസ്‌കർ ഒറ്റകൈകൊണ്ട് ചെറുത്തു.
പക്ഷേ പന്തെത്തിയത് പെപ്രയുടെ കാലിൽ. ലക്ഷ്യത്തിലേക്ക് പെപ്ര പന്തടിച്ചുകയറ്റിയെങ്കിലും ഓഫ് സൈഡ് വിസിൽ മുഴങ്ങി. 80ാം മിനിട്ടിൽ നോഹ് തീയായി. അനുകൂലമായി ലഭിച്ച ഫ്രീകിക്കെടുത്ത കോറു സിംഗിന് തെറ്റിയില്ല. ബോക്‌സിൽ നിലയറുപ്പിച്ച നോഹ് ഉയർന്നെത്തിയ പന്ത് അനായാസം ഹെഡ്‌ചെയ്ത് വലയിലെത്തിച്ചു. ആവേശം ആഘോഷമായി. ബ്ലാസ്‌റ്റേഴ്‌സ് വിളികൾ മുഴങ്ങി. 10 മിനിറ്റ് തികയും മുമ്പേ വീണ്ടും ഗോൾ നേടി.നായകൻ അഡ്രിയാൻ ലൂണ നൽകിയ പന്ത് അലക്‌സാണ്ട്രേ കൊയെഫ് ലക്ഷ്യത്തിലേക്ക് തൊടുത്തു. പിന്നാലെ കേരള ബ്ലാസ്റ്റേഴ്‌സിെന്റ മൂന്നാം ഗോൾ. തിരിച്ചടിക്ക് മൂർച്ചകൂട്ടിയെങ്കിലും മുഹമ്മദൻസ് മുന്നേറ്റങ്ങളെല്ലാം ബ്ലാസ്‌റ്റേഴ്‌സ് പ്രതിരോധത്തിൽ തട്ടിത്തെറിച്ചു.&nbsp;

ബ്ലാസ്റ്റേഴ്സിന്റെ വൻ തിരിച്ചുവരവ് ; മഞ്ഞപ്പടയുടെ വിജയം എതിരില്ലാത്ത മൂന്ന് ഗോളുകൾക്ക്

മൂന്നാര്‍: ക്യാരക്ടര്‍ റോളുകളിലൂടെ ശ്രദ്ധേയനായ നടന്‍ എസ്. ശിവന്‍ അന്തരിച്ചു. 45 വയസായിരുന്നു. മൂന്നാര്‍ ഇക്കാനഗര്‍ സ്വദേശിയായിരുന്നു. സംസ്‌കാരം പൂര്‍ത്തിയായി.
അത്ഭുതദ്വീപ് എന്ന ചിത്രത്തില്‍ പ്രധാന കഥാപാത്രങ്ങളിലൊരാളെ അവതരിപ്പിച്ച ശിവന്‍ തമിഴിലും മലയാളത്തിലും വിവിധ സിനിമകളില്‍ അഭിനയിച്ചിട്ടുണ്ട്. പൊതുപരിപാടികളില്‍ അനൗണ്‍സര്‍ കൂടിയായിരുന്നു. സംവിധായകന്‍ വിനയനും ഗിന്നസ് പക്രുവും ശിവന് ആദരാഞ്ജലികള്‍ അര്‍പ്പിച്ച് സമൂഹമാധ്യങ്ങളില്‍ കുറിപ്പ് പങ്കുവെച്ചു.

'അത്ഭുതദ്വീപി'ലൂടെ ശ്രദ്ധേയനായ നടന്‍ ശിവന്‍ അന്തരിച്ചു

നെടുമങ്ങാട്: പുതുക്കുളങ്ങരയിൽ നിയന്ത്രണംവിട്ട കാർ മറിഞ്ഞ് ഒന്നര വയസുകാരൻ മരിച്ചു. ആറ് പേർക്ക് പരിക്കേറ്റു. ആര്യനാട് പറണ്ടോട് മലരുവീണ കരിയ്ക്കകം വിഷ്ണു ഭവനിൽ വി. വിഷ്ണുവിന്റെയും കരിഷ്മയുടെയും മകൻ റിത്വിക് ആണ് മരിച്ചത്.
നെടുമങ്ങാട്–ആര്യനാട് റോഡിൽ ശനിയാഴ്ച അർധരാത്രി 12ഓടെയായിരുന്നു അപകടം. വിഷ്ണു (27), ഭാര്യ കരിഷ്മ (26), ബന്ധുക്കളായ ജിഷ്ണു (16), അജിത് (25), ശ്രീനന്ദ (16), നീരദ് (മൂന്നര) എന്നിവർക്കാണ് പരിക്കേറ്റത്.
കാട്ടാക്കടയിൽ നിന്ന് സിനിമ കണ്ട ശേഷം നെടുമങ്ങാട് എത്തി തിരികെ വീട്ടിലേക്ക് മടങ്ങുകയായിരുന്നു ഇവർ. വിഷ്ണു ആണ് കാർ ഓടിച്ചത്. റോഡിന്റെ സംരക്ഷണ ഭിത്തിയിൽ ഇടിച്ച ശേഷം കാർ മറിയുകയായിരുന്നു. ശബ്ദം കേട്ട് എത്തിവരാണ് രക്ഷാപ്രവർത്തനം നടത്തിയത്. റിത്വിക് സംഭവ സ്ഥലത്ത് തന്നെ മരിച്ചു. പരിക്കേറ്റവർ മെഡിക്കൽ കോളജ് ആശുപത്രിയിൽ ചികിത്സ തേടി. അപകടത്തിൽ കാറും തകർന്നു.&nbsp;

നിയന്ത്രണംവിട്ട കാർ മറിഞ്ഞ് അപകടം;ഒന്നര വയസുകാരൻ മരിച്ചു,ആറുപേർക്ക് പരിക്ക്

മൂ​ല​മ​റ്റം: മു​ട്ടം എ​ൻ​ജി​നീ​യ​റി​ങ് കോ​ള​ജി​ലെ വി​ദ്യാ​ർ​ഥി​ക​ളെ അ​രു​വി​ക്കു​ത്ത് വെ​ള്ള​ച്ചാ​ട്ട​ത്തി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ​തി​ൽ അ​സ്വാ​ഭാ​വി​ക​ത ഇ​ല്ലെ​ന്ന് പോ​സ്റ്റ്മോ​ർ​ട്ടം റി​പ്പോ​ർ​ട്ട്. മു​ങ്ങി മ​ര​ണ​മെ​ന്നാ​ണ് റി​പ്പോ​ർ​ട്ടി​ലു​ള്ള​ത്. ഡോ​ണ​ൽ ഷാ​ജി​യു​ടെ ചു​ണ്ടി​ലും ഇ​രു ചെ​വി​യി​ലും ക​ണ്ണി​ലും ഉ​ണ്ടാ​യ മു​റി​വ് മീ​ൻ കൊ​ത്തി​യ​ത് മൂ​ല​മാ​ണെ​ന്ന്​ പോ​സ്റ്റ്​േ​മാ​ർ​ട്ട​ത്തി​ലൂ​ടെ വ്യ​ക്ത​മാ​യെ​ന്ന് പൊ​ലീ​സ് പ​റ​ഞ്ഞു.
മൂ​ന്നാം​വ​ർ​ഷ ക​മ്പ്യൂ​ട്ട​ർ സ​യ​ൻ​സ് വി​ദ്യാ​ർ​ഥി ഇ​ടു​ക്കി മു​രി​ക്കാ​ശ്ശേ​രി കൊ​ച്ചു​ക​രോ​ട്ട് ഡോ​ണ​ൽ ഷാ​ജി (22), സൈ​ബ​ർ സെ​ക്യൂ​രി​റ്റി ഒ​ന്നാം വ​ർ​ഷ വി​ദ്യാ​ർ​ഥി​നി കൊ​ല്ലം ത​ല​വൂ​ർ മ​ഞ്ഞ​ക്കാ​ല പ​ള്ളി​ക്കി​ഴ​ക്കേ​തി​ൽ അ​ക്‌​സാ റെ​ജി (18) എ​ന്നി​വ​രെ​യാ​ണ് ശ​നി​യാ​ഴ്ച മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. ശ​നി​യാ​ഴ്ച രാ​വി​ലെ മു​ത​ൽ വി​ദ്യാ​ർ​ഥി​ക​ളെ കാ​ണാ​നി​ല്ലെ​ന്ന സ​ഹ​പാ​ഠി​ക​ളു​ടെ പ​രാ​തി​യി​ൽ ന​ട​ത്തി​യ അ​ന്വേ​ഷ​ണ​ത്തി​ലാ​ണ് അ​രു​വി​ക്കു​ത്ത് വെ​ള്ള​ച്ചാ​ട്ട​ത്തി​ൽ ഇ​രു​വ​രു​ടെ​യും മൃ​ത​ദേ​ഹം ക​ണ്ടെ​ടു​ക്കു​ന്ന​ത്.

എൻജിനീയറിങ് വിദ്യാർഥികളുടേത്​ മുങ്ങിമരണമെന്ന് പോസ്റ്റ്മോർട്ടം റിപ്പോർട്ട്

ന്യൂഡല്‍ഹി: മുന്‍പ്രധാനമന്ത്രി മന്‍മോഹന്‍ സിങ്(92) അന്തരിച്ചു. ആരോഗ്യനില വഷളായതിനെ തുടര്‍ന്ന് മന്‍മോഹന്‍ സിങ്ങിനെ ഇന്ന് ഡല്‍ഹി എയിംസില്‍ പ്രവേശിപ്പിച്ചിരുന്നു. 2004 മെയ് 22നാണ് ഇന്ത്യയുടെ പതിനാലാമത് പ്രധാനമന്ത്രിയായി മന്‍മോഹന്‍ സിങ് അധികാരമേറ്റത്. രണ്ടാമത് അധികാരമേറ്റത് 2009 മെയ് 22നും.
അവിഭക്ത ഇന്ത്യയിലെ പഞ്ചാബ് പ്രവിശ്യയില്‍ പെട്ട ഒരു ഗ്രാമത്തില്‍ 1932 സെപ്റ്റംബര്‍ 26നാണ് ഡോ. മന്‍മോഹന്‍ സിംങ്ങിന്റെ ജനനം. 1948ല്‍ പഞ്ചാബ് സര്‍വകലാശാലയില്‍നിന്ന് മെട്രിക്കുലേഷന്‍ പരീക്ഷ പാസ്സായി. തുടര്‍ന്ന് 1957ല്‍ ബ്രിട്ടനിലെ കേംബ്രിജ് സര്‍വകലാശാലയില്‍ പഠിച്ച് സാമ്പത്തികശാസ്ത്രത്തില്‍ ഒന്നാം ക്ലാസ് ഓണേഴ്സ് ബിരുദം നേടി. ഓക്സ്ഫഡ് സര്‍വകലാശാലയിലെ നഫില്‍ഡ് കോളജില്‍ ചേര്‍ന്ന് 1962ല്‍ സാമ്പത്തിക ശാസ്ത്രത്തില്‍ ഡി.ഫില്‍ പൂര്‍ത്തിയാക്കി.
മികച്ച സാമ്പത്തിക വിദഗ്ദ്ധനായി അറിയപ്പെടുന്ന മന്‍മോഹന്‍ സിംഗ് നടപ്പിലാക്കിയ ഉദാരവത്കരണ സാമ്പത്തിക നയങ്ങള്‍ ശ്രദ്ധപിടിച്ചുപറ്റിയിരുന്നു. അദ്ധ്യാപകനായിട്ടാണ് അദ്ദേഹം ഔദ്യോഗിക ജീവിതം ആരംഭിച്ചത്. ഇന്ത്യന്‍ സാമ്പത്തിക രംഗത്തെ ഉടച്ചുവാര്‍ത്ത ധനമന്ത്രിയെന്നാണ് മന്‍മോഹന്‍ സിംഗിനെ വിശേഷിപ്പിക്കുന്നത്. റിസര്‍വ് ബാങ്ക് ഗവര്‍ണര്‍, നരസിംഹറാവു മന്ത്രിസഭയിലെ ധനമന്ത്രി തുടങ്ങിയ പദവികളും ഡോ. മന്‍മോഹന്‍ സിംഗ് വഹിച്ചിരുന്നു.
1932ല്‍ പടിഞ്ഞാറന്‍ പഞ്ചാബിലെ ഗാഹ് (ഇപ്പോള്‍ പാകിസ്ഥാനില്‍) എന്ന സ്ഥലത്താണ് മന്‍മോഹന്‍ സിംഗ് ജനിച്ചത്. വിഭജനത്തിന് ശേഷം മന്‍മോഹന്‍ സിംഗിന്റെ കുടുംബം ഇന്ത്യയിലേക്ക് വരികയായിരുന്നു. ലോകപ്രശസ്തമായ ഒക്‌സ്‌ഫോര്‍ഡ് സര്‍വകലാശാലയില്‍ നിന്ന് സാമ്പത്തികശാസ്ത്രത്തില്‍ ഡോക്ടറേറ്റ് നേടിയ വ്യക്തിയാണ് സിംഗ്. 1972 മുതല്‍ 1976 വരെ കേന്ദ്ര സര്‍ക്കാരിന്റെ മുഖ്യ ധനകാര്യ ഉപദേഷ്ടാവായിരുന്നു അദ്ദേഹം. 1982-85 കാലയളവില്‍ റിസര്‍വ് ബാങ്ക് ഗവര്‍ണറായി പ്രവര്‍ത്തിച്ചു.

മുൻ പ്രധാനമന്ത്രിക്ക് വിട ;ഡോ  മന്‍മോഹന്‍ സിംഗ് അന്തരിച്ചു

കോഴിക്കോട്: മലയാളത്തിന്റെ സ്വന്തം എംടി വാസുദേവൻ നായർക്ക് വിട. സ്മൃതിപഥം ശ്‌മശാനത്തിൽ സംസ്ഥാന സർക്കാരിന്റെ ഔദ്യോഗിക ബഹുമതികൾ നൽകിയ ശേഷമായിരുന്നു സംസ്‌കാരം. എംടിയുടെ സഹോദരന്റെ മകൻ ടി സതീശനാണ് ചടങ്ങുകൾ നിർവ്വഹിച്ചത്.&nbsp;
വ്യാഴാഴ്ച വൈകീട്ട് 4.15-ഓടെ എം.ടി. അവസാനമായി 'സിതാര'യുടെ പടിയിറങ്ങി. കൊട്ടാരം റോഡ്, നടക്കാവ്, ബാങ്ക് റോഡ്, കെ.എസ്.ആർ.ടി.സി. ബസ് സ്റ്റാൻഡ് വഴി മാവൂർ റോഡിലെ പൊതുശ്മശാനത്തിലേക്ക്. ഭൗതികശരീരം വഹിച്ച് വീട്ടിൽനിന്ന് ആംബുലൻസ് പുറപ്പെടുന്നതുവരേയും 'സിതാര'യിലേക്ക് ജനം ഒഴുകിയെത്തി. മലയാളത്തിന്റെ പ്രിയസാഹിത്യകാരനെ ഒരു നോക്ക് കാണാനും അന്ത്യാഞ്ജലി അർപ്പിക്കാനും വഴിനീളെ ആളുകൾ കാത്തുനിന്നു. പത്രാധിപർ, ചലച്ചിത്രകാരൻ, നാടകകൃത്ത്, സാഹിത്യസംഘാടകൻ എന്നിങ്ങനെ കൈവെച്ച മേഖലകളിലെല്ലാം സുവർണമുദ്ര പതിപ്പിച്ച ആ യു​ഗം ഇനി ഓർമ മാത്രമായി.

സാഹിത്യ കുലപതിക്ക് കണ്ണീർ പ്രണാമം; എം.ടിക്ക് സ്മൃതിപഥത്തിൽ അന്ത്യ നിദ്ര

കോഴിക്കോട്: അന്തരിച്ച മലയാളത്തിന്റെ മഹാ സാഹിത്യകാരൻ എംടി വാസുദേവൻ നായരുടെ സംസ്‌കാര ചടങ്ങുകൾ ഇന്ന് വൈകിട്ട് അഞ്ച് മണിക്ക് നടത്തും. മാവൂർ റോഡിലെ 'സ്‌മൃതിപഥം' എന്ന് പേരിട്ട് പുതുക്കിപ്പണിത പൊതുശ്‌മശാനത്തിലാണ് സംസ്‌കാരം. 'സ്‌മൃതിപഥം' പുതുക്കിപ്പണിതിട്ട് ദിവസങ്ങളേ ആയിട്ടുള്ളു. അവിടേക്കുള്ള ആദ്യ വിലാപയാത്ര എംടിയുടേതാണ്. എംടിയുടെ ആവശ്യപ്രകാരം പൊതുദർശനം ഒഴിവാക്കിയിരുന്നു.
വാതകം ഉപയോഗിച്ച് ദഹിപ്പിക്കുന്ന മൂന്ന് ചൂളകളും പരമ്പരാഗത രീതിയിൽ ദഹിപ്പിക്കാനുള്ള രണ്ട് ചൂളകളുമാണ് മാവൂർ റോഡ് ശ്‌മശാനത്തിൽ പുതുതായി നിർമിച്ചത്. കർമങ്ങൾ ചെയ്യാനും ദേഹശുദ്ധി വരുത്താനും പ്രത്യേകം സൗകര്യങ്ങളും ഒരുക്കിയിട്ടുണ്ട്. ഇതിന് സമീപം മനുഷ്യന്റെ ജനനം, ജീവിതം, മരണം എന്നിവ ചിത്രീകരിച്ച ചുമർചിത്രങ്ങളുമുണ്ട്. ഊരാളുങ്കൽ ലേബർ കോൺട്രാക്‌ട് സൊസൈറ്റിയുടെ നേതൃത്വത്തിലാണ് പ്രവൃത്തി നടന്നത്.

യുഗാന്ത്യം;എംടിയുടെ സംസ്‌കാര ചടങ്ങുകൾ വൈകീട്ട് അഞ്ച് മണിക്ക്

Kozhikode

ന്യൂഡല്‍ഹി: എം.ടി വാസുദേവന്‍ നായരുടെ നിര്യാണത്തില്‍ അനുശോചനം രേഖപ്പെടുത്തി പ്രധാനമന്ത്രി നരേന്ദ്ര മോദി. മലയാള സിനിമ-സാഹിത്യമേഖലയിലെ ബഹുമാന്യ പ്രതിഭയായ എം.ടി വാസുദേവന്‍ നായരുടെ വിയോഗത്തില്‍ അതീവ ദുഃഖമുണ്ടെന്ന് അദ്ദേഹം സാമൂഹിക മാധ്യമമായ എക്‌സില്‍ കുറിച്ചു.
മനുഷ്യവികാരങ്ങളെ ആഴത്തില്‍ പര്യവേക്ഷണം ചെയ്തുകൊണ്ട് രചിക്കപ്പെട്ട അദ്ദേഹത്തിന്റെ കൃതികള്‍ തലമുറകളെ രൂപപ്പെടുത്തുന്നതില്‍ പങ്കുവഹിച്ചുവെന്നും ഇനിയും ഒരുപാടുപേരെ പ്രചോദിപ്പിക്കുമെന്നും പ്രധാനമന്ത്രി കുറിച്ചു. പാര്‍ശ്വവത്ക്കരിക്കപ്പെട്ടവര്‍ക്കും നിശ്ബദരാക്കപ്പെട്ടവര്‍ക്കും അദ്ദേഹം ശബ്ദം നല്‍കി. കുടുംബത്തിന്റെയും നാടിന്റെയും ദുഃഖത്തില്‍ പങ്കുചേരുന്നുവെന്നും അദ്ദേഹം കുറിച്ചു.

പാര്‍ശ്വവത്ക്കരിക്കപ്പെട്ടവര്‍ക്കും നിശ്ബദരാക്കപ്പെട്ടവര്‍ക്കും അദ്ദേഹം ശബ്ദം നല്‍കി ;അനുശോചിച്ച് പ്രധാനമന്ത്രി

തിരുവനന്തപുരം: എം ടി വാസുദേവൻ നായരുടെ വിയോഗത്തിൽ അനുശോചനം രേഖപ്പെടുത്തി പ്രതിപക്ഷ നേതാവ് വി ഡി സതീശൻ. ഒരു ജനതയാകെ മാതൃഭാഷ എങ്ങനെ എഴുതണം, എങ്ങനെ പറയണം എന്ന് ഒരു പേനയുടെ ബലം കൊണ്ട് നിർണയിക്കാൻ കഴിഞ്ഞ മനുഷ്യനാണ് എംടിയെന്ന് വി ഡി സതീശൻ അനുശോചനക്കുറിപ്പിൽ പറഞ്ഞു.&nbsp;
അനുശോചനക്കുറിപ്പിന്‍റെ പൂർണരൂപം
ഒരു ജനതയാകെ മാതൃഭാഷ എങ്ങനെ എഴുതണം, എങ്ങനെ പറയണം എന്ന് ഒരു പേനയുടെ ബലം കൊണ്ട് നിർണയിക്കാൻ കഴിഞ്ഞ മനുഷ്യൻ. ചവിട്ടി നിൽക്കുന്ന മണ്ണിനേയും ചുറ്റുമുള്ള മനുഷ്യരെയും പ്രകൃതിയെയും ആദരവോടെയും ആഹ്‌ളാദത്തോടെയും നോക്കി കാണാൻ അദ്ദേഹം മലയാളിയെ പഠിപ്പിച്ചു. മലയാളത്തിന്റെ പുണ്യവും നിറവിളക്കുമായി നിറഞ്ഞു നിന്ന എം.ടി രാജ്യത്തിന്റെ ഔന്നത്യമായിരുന്നു. മലയാള ഭാഷയുടെ ഇതിഹാസം. സ്വന്തം ജീവിതം കൊണ്ട് അദ്ദേഹം തീർത്തത് കേരളത്തിന്റെ തന്നെ സംസ്‌കാരിക ചരിത്രമാണ്. വാക്കുകൾ തീവ്രമായിരുന്നു. പറയാനുള്ളത് നേരെ പറഞ്ഞു. ആശയങ്ങൾ സ്പഷ്ടമായിരുന്നു. ഭയം അദ്ദേഹത്തിന്റെ ഒരു വാക്കിനെ പോലും പിറകോട്ട് വലിച്ചില്ല. അങ്ങനെയുള്ളവരാണ് കാലത്തെ അതിജീവിക്കുന്നത്.
ആ പേനയിൽ നിന്ന് 'ഇത്തിരിത്തേൻ തൊട്ടരച്ച പൊന്നു പോലാമക്ഷരങ്ങൾ' ഉതിർന്ന് ഭാഷ ധന്യമായി. നിങ്ങൾക്ക് എന്ത് പറയാനുണ്ടെന്ന് ലോകം നിശബ്ദമായി ചോദിച്ചു കൊണ്ടേയിരിക്കും. അത് തിരിച്ചറിയുന്നതാണ് എഴുത്തുകാരന്റെ ഉത്തരവാദിത്തം. എം.ടി ആ ഉത്തരവാദിത്തം അത്രമേൽ അവധാനതയോടും സൗന്ദര്യാത്മകമായും നിറവേറ്റി. കാലം ആവശ്യപ്പെട്ടത് കാലാതിവർത്തിയായി നിറവേറ്റിയ ഇതിഹാസമാകുന്നു എം.ടി.
'നിങ്ങൾ എന്തിന് എഴുത്തുകാരനായി എന്ന് ഒരാൾ ചോദിച്ചാൽ എനിക്ക് പറയാനറിയാം. ആദ്യം മുതൽക്കെ ഞാൻ മറ്റൊന്നുമായിരുന്നില്ല' - എന്ന് എം.ടി പറഞ്ഞത് ഒരു പരസ്യ പ്രസ്താവനയാണ്. അതിലെ ഓരോ വാക്കുകളും അർത്ഥവത്താണ്. അത് ജീവിതം കൊണ്ട് തെളിഞ്ഞതുമാണ്. മനുഷ്യനേയും മനുഷ്യനേയും ചേർത്ത് നിർത്തിയ സ്‌നേഹ സ്പർശമായിരുന്നു എം.ടി .

അറിയാത്ത അത്ഭുതങ്ങളെ ഗർഭത്തിൽ വഹിക്കുന്ന മഹാസമുദ്രങ്ങളേക്കാൾ കൺമുന്നിൽ കാണുന്ന നിളാ നദിയെ ഇഷ്ടപ്പെട്ട, മനുഷ്യാവസ്ഥയെ ലളിതമായും കഠിനമായും ആവിഷ്‌ക്കരിച്ച, ആത്മസംഘർഷങ്ങളും സങ്കടചുഴികളും നഷ്ട്ടപ്പെടലിന്റെ വേദനയും ആഹ്ളാദത്തിന്റെ കൊടുമുടികളും കടന്ന് മൗനത്തിന്റെ തീവ്രതയെ അളവു കോലില്ലാതെ അടയാളപ്പെടുത്തിയ എം.ടി എന്നെ സംബന്ധിച്ച് ഒരു മഹാമനുഷ്യനായിരുന്നു.

'വടക്കൻ വീരഗാഥ'യിലെ ചന്തുവിനെ കണ്ട ശേഷമാണ് വില്ലൻമാരെന്ന് സമൂഹം മുദ്രകുത്തിയവരെ കുറിച്ച് ഞാൻ മാറി ചിന്തിച്ച് തുടങ്ങിയത്. 'നിർമ്മാല്യ'ത്തിലെ വെളിച്ചപ്പാട് ഭയപ്പെടുത്തി. 'സദയ'ത്തിലെ സത്യനാഥൻ എന്നെ അസ്വസ്ഥനാക്കി. 'സുകൃത'ത്തിലെ രവിശങ്കർ നോവായി മനസിൽ നിന്നു. 'പരിണയ'ത്തിലെ ഉണ്ണിമായ അന്തർജനത്തിന്റെ നിസഹായാവസ്ഥ പിടിച്ചുലച്ചു.

സ്വന്തം ജീവിതം കൊണ്ട് അദ്ദേഹം തീർത്തത് കേരളത്തിന്റെ തന്നെ സംസ്‌കാരിക ചരിത്രമാണ് - പ്രതിപക്ഷ നേതാവ്

Search Results for: lk advani