പാലക്കാട്: പെയിന്റിൽ ചേർക്കുന്ന തിന്നര്‍ അബദ്ധത്തില്‍ കുടിച്ച് അഞ്ചുവയസ്സുകാരന്‍ ഗുരുതരാവസ്ഥയില്‍. പാലക്കാട് കല്ലടിക്കോട് സ്വദേശി ജംഷാദിന്റെ മകന്‍ ഫൈസാനാണ് ചികിത്സയിലുള്ളത്.
തുടര്‍ച്ചയായി ഛര്‍ദി വന്നതിനെത്തുടര്‍ന്നാണ് വീട്ടുകാര്‍ കാര്യം തിരക്കിയത്. അപ്പോഴാണ് കുട്ടി തിന്നർ കുടിച്ച വിവരം അറിയിച്ചത്. ഉടന്‍തന്നെ പാലക്കാട് ജില്ലാ ആശുപത്രിയിലെത്തിക്കുകയായിരുന്നു.കുട്ടി നിരന്തരം ഛര്‍ദിക്കുന്നുണ്ട്. ഉള്ളില്‍ പൊള്ളലുണ്ടെന്നാണ് ആശുപത്രി അധികൃതര്‍ അറിയിച്ചത്. ഇതോടെ കുട്ടിയെ ഉടന്‍തന്നെ തൃശ്ശൂര്‍ മെഡിക്കല്‍ കോളേജിലേക്കെത്തിക്കാന്‍ ആശുപത്രി അധികൃതര്‍ നിര്‍ദേശിച്ചിട്ടുണ്ട്.

അബദ്ധത്തിൽ തിന്നർ കുടിച്ച അഞ്ചുവയസ്സുകാരന്‍ ഗുരുതരാവസ്ഥയില്‍

Kerala

തിരുവനന്തപുരം: കേരളത്തിന്റെ സ്വപ്‌നപദ്ധതിയായ വിഴിഞ്ഞം അന്താരാഷ്ട്ര തുറമുഖം രാജ്യത്തിന് സമര്‍പ്പിക്കുന്നതിനായി പ്രധാനമന്ത്രി നരേന്ദ്ര മോദി തിരുവനന്തപുരത്തെത്തി. വൈകീട്ട് ഏഴേമുക്കാലോടെയാണ് എയര്‍ ഇന്ത്യ വിമാനത്തില്‍ മോദി തിരുവനന്തപുരം വിമാനത്താവളത്തിലെത്തിയത്.
മുഖ്യമന്ത്രി പിണറായി വിജയന്‍, ചീഫ് സെക്രട്ടറി, ബിജെപിയുടെ സംസ്ഥാന നേതാക്കള്‍ ഉള്‍പ്പെടെയുള്ളവര്‍ അദ്ദേഹത്തെ സ്വീകരിച്ചു. വിമാനത്താവളത്തിലും രാജ്ഭവനിലേക്ക് പോകുന്ന വഴിയിലും വന്‍ സുരക്ഷയാണ് ഒരുക്കിയത്. പ്രധാനമന്ത്രിയെ വരവേല്‍ക്കാനായി നിരവധിപേരാണ് പാതയോരങ്ങളിൽ തടിച്ചുകൂടിയത്.
രാത്രി രാജ്ഭവനില്‍ തങ്ങിയശേഷം വെള്ളിയാഴ്ച രാവിലെ 10.30-ന് മോദി വിഴിഞ്ഞത്തെത്തും. എംഎസ്‌സി സെലസ്റ്റിനോ മരസ്‌കാ എന്ന മദര്‍ഷിപ്പിനെ സ്വീകരിക്കും. തുടര്‍ന്ന് തുറമുഖം സന്ദര്‍ശിച്ചശേഷമായിരിക്കും പൊതുസമ്മേളനത്തില്‍ പങ്കെടുക്കുക. പ്രധാനമന്ത്രിയുടെ സന്ദര്‍ശനം കണക്കിലെടുത്ത് വ്യാഴം, വെള്ളി ദിവസങ്ങളിൽ തിരുവനന്തപുരം നഗരത്തില്‍ ഗതാഗത നിയന്ത്രണങ്ങൾ ഏര്‍പ്പെടുത്തിയിട്ടുണ്ട്.പ്രധാനമന്ത്രിയുടെ സന്ദർശനത്തിന്‍റെ ഭാഗമായി തിരുവനന്തപുരം നഗരത്തിൽ കനത്ത സുരക്ഷയാണ് ഒരുക്കിയിരിക്കുന്നത്. വ്യാഴം, വെള്ളി ദിവസങ്ങളിൽ ഗതാഗത നിയന്ത്രണവും ഏർപ്പെടുത്തിയിട്ടുണ്ട്.

പ്രധാനമന്ത്രി തിരുവനന്തപുരത്തെത്തി ;മുഖ്യമന്ത്രിയും ചീഫ് സെക്രട്ടറിയും ചേർന്ന് സ്വീകരിച്ചു

തനതുരീതിയിലുളള പാചകരീതികൾ കൊണ്ട് വലിയ രീതിയിൽ ആരാധകരെ സ്വന്തമാക്കിയ ഫുഡ് വ്ലോഗറാണ് ഉഷാ മാത്യു. ഒട്ടകപ്പക്ഷി ഗ്രിൽ, വറുത്തരച്ച മയിൽ കറി, പാമ്പ് ഗ്രീൽ,100 കിലോഗ്രാം ഭാരമുളള മീൻ അച്ചാർ തുടങ്ങി നിരവധി പരീക്ഷണങ്ങളാണ് ഇവർ ചെയ്തത്. അതിനാൽ തന്നെ ഉഷയുടെ എല്ലാ വീഡിയോകൾക്കും വലിയ സ്വീകാര്യതയാണ് ലഭിക്കാറുളളത്.ഇപ്പോഴിതാ പുതിയ വീഡിയോ പങ്കുവച്ചതിലൂടെ സോഷ്യൽ മീഡിയയിൽ വ്യാപക വിമർശനങ്ങൾക്ക് ഇരയായിരിക്കുകയാണ് താരം.&nbsp;
മാനിറച്ചി വരട്ടിയത് കഴിക്കുന്ന വീഡിയോയ്ക്കാണ് വിമർശനം. വിഭവം കഴിക്കുന്നതിന് മുൻപ് തന്നെ വിമർശനം ഉണ്ടാകുമെന്ന് താരം വീഡിയോയിൽ പറയുന്നുണ്ട്. നിങ്ങൾക്കും കഴിക്കണമെങ്കിൽ കൂടെ പോരൂവെന്നും ഉഷ പറയുന്നുണ്ട്. മറ്റൊരു രാജ്യത്ത് നിന്നാണ് മാൻ ഇറച്ചി കഴിക്കുന്നതെന്നും അവർ പറയുന്നു. ഇൻസ്റ്റഗ്രാമിലാണ് വീഡിയോ പങ്കുവച്ചിരിക്കുന്നത്.വീഡിയോയുമായി ബന്ധപ്പെട്ട് കൂടുതൽ വിവരങ്ങൾ അറിയുന്നതിന് വാട്സാപ്പ് നമ്പറും താരം നൽകിയിട്ടുണ്ട്.
&nbsp;ഉഷയുടെ വീഡിയോയ്ക്ക് കടുത്ത വിമർശനമാണ് ലഭിച്ചിരിക്കുന്നത്.കാട്ടിൽ ഓടിനടക്കേണ്ട ജീവനുകളെയാണോ ഭക്ഷണമാക്കുന്നത്? എന്തൊരു സ്ത്രീയാണ് ആ മാനുകളെ എങ്ങനെ തിന്നാൻ തോന്നുന്നു? തുടങ്ങി നിരവധി കമന്റുകൾ വീഡിയോയ്ക്ക് ലഭിക്കുന്നുണ്ട്.

മാനിറച്ചി വരട്ടിയത് ആസ്വദിച്ച് കഴിച്ച് ഫുഡ് വ്ലോഗർ ഉഷാ മാത്യു ;സോഷ്യൽ മീഡിയയിൽ വ്യാപക വിമർശനം

തിരുവനന്തപുരം: അന്താരാഷ്ട്ര തുറമുഖം നാളെ പ്രധാനമന്ത്രി നരേന്ദ്രമോദി രാജ്യത്തിന് സമർപ്പിക്കാനിരിക്കെ വിഴിഞ്ഞത്ത് ബോംബ് ഭീഷണി. പൊലീസ് അന്വേഷണം ആരംഭിച്ചിട്ടുണ്ട്. ബോംബ് ഭീഷണി വ്യാജമാകാമെന്ന നിഗമനത്തിലാണ് പൊലീസ്. മലപ്പുറത്തെ ഒരു കേന്ദ്രത്തിലാണ് ഭീഷണി സന്ദേശം എത്തിയത്. എന്നാലിത് എവിടെയാണെന്നതിൽ വ്യക്തതയില്ല. വിഴിഞ്ഞത്ത് സുരക്ഷ കൂടുതൽ ശക്തമാക്കി. ബോംബ് സ്‌ക്വാഡ് എത്തി പരിശോധന നടത്തുകയാണ്.
നാളെ രാവിലെ 11നാണ് ഉദ്ഘാടന ചടങ്ങ് നടക്കുന്നത്. ആന്ധ്രപ്രദേശിലെ സന്ദർശനം പൂർത്തിയാക്കി ഇന്നു വൈകിട്ട് ഏഴിനുശേഷം തലസ്ഥാനത്തെത്തുന്ന പ്രധാനമന്ത്രി രാജ്‌ഭവനിൽ തങ്ങും. നാളെ രാവിലെ പത്ത് മണിയോടെ ഹെലികോപ്റ്ററിൽ വിഴിഞ്ഞത്തെത്തും. തുറമുഖത്തിന്റെ പ്രവർത്തനസൗകര്യങ്ങൾ നോക്കിക്കാണും. തുടർന്ന് നടക്കുന്ന ചടങ്ങിൽ ഏഴു പേരാണ് പ്രധാനമന്ത്രിക്കൊപ്പം വേദിയിലുണ്ടാവുക. അത് ആരൊക്കെയെന്ന് പ്രധാനമന്ത്രിയുടെ സുരക്ഷാവിഭാഗം തീരുമാനിക്കും. ഒന്നരമണിക്കൂറാണ് കമ്മിഷനിംഗ് ചടങ്ങ്. 12.30ന് ചടങ്ങ് പൂർത്തിയാക്കി പ്രധാനമന്ത്രി മടങ്ങും.

പ്രധാനമന്ത്രി എത്താൻ മണിക്കൂറുകൾ മാത്രം ബാക്കി നിൽക്കേ വിഴിഞ്ഞത്ത് ബോംബ് ഭീഷണി

വളരെ അപ്രതീക്ഷിതമായൊരു അപകടത്തിലാണ് നടനും മിമിക്രി കലാകാരനുമായ കൊല്ലം സുധിയുടെ ജീവന്‍ നഷ്ടമായത്. അതിനുശേഷം കൊല്ലം സുധിയുടെ കുടുംബത്തെ സഹായിക്കാന്‍ സന്നദ്ധ സംഘടനകള്‍ മുന്നോട്ടുവന്നിരുന്നു. സുധിയുടെ ഭാര്യ രേണുവിനും മക്കളായ രാഹുല്‍ ദാസിനും റിതുല്‍ ദാസിനും താമസിക്കാന്‍ കോട്ടയത്ത് പുതിയ വീടൊരുക്കുകയും ചെയ്തു.
സുധിയുടെ ആദ്യവിവാഹത്തിലുള്ള മകനാണ് കിച്ചു എന്ന പേരില്‍ അറിയപ്പെടുന്ന രാഹുല്‍. കൊല്ലത്തുള്ള ഇന്‍സ്റ്റിറ്റ്യൂട്ടില്‍ പഠിക്കുന്നതിനാല്‍ അവിടെയുള്ള അച്ഛന്റെ വീട്ടിലാണ് രാഹുല്‍ താമസിക്കുന്നത്. കോട്ടയത്തുള്ള വീട്ടില്‍ രേണുവും മകന്‍ റിതുലുമാണ് താമസിക്കുന്നത്.
കഴിഞ്ഞ ദിവസം ഇന്‍സ്റ്റഗ്രാമില്‍ രാഹുല്‍ പങ്കുവെച്ച പോസ്റ്റ് ശ്രദ്ധേയമായി. പുതിയ യുട്യൂബ് ചാനല്‍ തുടങ്ങുന്നതുമായി ബന്ധപ്പെട്ടായിരുന്നു രാഹുലിന്റെ പോസ്റ്റ്. ഇതിനൊപ്പം അച്ഛനൊപ്പമുള്ള ചിത്രവും രാഹുല്‍ പോസ്റ്റ് ചെയ്തിട്ടുണ്ട്.
'പ്രിയപ്പെട്ടവരെ, ഞാന്‍ രാഹുല്‍ ദാസ്, ഒരുപാട് പേര്‍ക്ക് എന്നെ അറിയാമെന്ന് വിശ്വസിക്കുന്നു. ഒരു പക്ഷെ അറിയില്ലെങ്കില്‍ ഞാന്‍ എന്നെ ഒന്നു പരിചയപ്പെടുത്തട്ടേ. മരണപെട്ടു പോയ കൊല്ലം സുധിയുടെ മകന്‍....എന്റെ പ്രിയ അച്ഛന്റെ മരണത്തിന് ശേഷം എന്റെ ജീവിതത്തില്‍ ഉണ്ടായ ഉയര്‍ച്ചയും താഴ്ച്ചയും ഏറെ പ്രിയപെട്ടവരായ നിങ്ങളിലേക്ക് എത്തിക്കാന്‍ ഞാന്‍ ആഗ്രഹിക്കുന്നു. എന്റെ ഇപ്പോഴത്തെ മാനസികാവസ്ഥയും കൊല്ലത്തുള്ള ജീവിതവും എനിക്ക് നേരിടേണ്ടിവന്ന പ്രതിസന്ധി ഘട്ടങ്ങളും നിങ്ങള്‍ അറിയണമെന്ന് എനിക്ക് തോന്നുന്നു. അതിനായി ഒരു വിഡിയോയിലൂടെ നിങ്ങളുടെ മുന്നിലേക്ക് ഞാന്‍ വരട്ടെ....???'-രാഹുല്‍ ഇന്‍സ്റ്റഗ്രാമില്‍ കുറിച്ചു.

അച്ഛന്റെ മരണശേഷം ജീവിതത്തിലുണ്ടായ ഉയര്‍ച്ച താഴ്ച്ചകള്‍ നിങ്ങളറിയണം;കുറിപ്പ് പങ്കുവെച്ച് കൊല്ലം സുധിയുടെ മകൻ

കുവൈത്ത് സിറ്റി: കുവൈത്തില്‍ നഴ്‌സുമാരായ മലയാളി ദമ്പതിമാരെ കുത്തേറ്റ് മരിച്ചനിലയില്‍ കണ്ടെത്തി. അബ്ബാസിയയില്‍ താമസിക്കുന്ന എറണാകുളം സ്വദേശികളായ സൂരജ്, ഭാര്യ ബിന്‍സി എന്നിവരാണ് മരിച്ചത്. വ്യാഴാഴ്ച രാവിലെ അബ്ബാസിയയിലെ താമസസ്ഥലത്താണ് ഇരുവരെയും കുത്തേറ്റ് മരിച്ചനിലയില്‍ കണ്ടെത്തിയത്.
സൂരജ് കുവൈത്തിലെ ആരോഗ്യമന്ത്രാലയത്തിലാണ് നഴ്‌സായി ജോലിചെയ്തിരുന്നത്. ബിന്‍സി കുവൈത്തിലെ പ്രതിരോധ മന്ത്രാലയത്തിലെയും സ്റ്റാഫ് നഴ്‌സാണ്. വിവരമറിഞ്ഞ് പോലീസ് സ്ഥലത്തെത്തി തുടര്‍നടപടികള്‍ സ്വീകരിച്ചുവരികയാണ്. സംഭവത്തില്‍ കൂടുതല്‍വിവരങ്ങള്‍ ലഭ്യമായിട്ടില്ല.

കുവൈത്തില്‍ നഴ്‌സുമാരായ മലയാളി ദമ്പതിമാര്‍ കുത്തേറ്റ് മരിച്ചനിലയില്‍

Gulf

ചോറോട്: മുൻ കോൺഗ്രസ്‌ നേതാവും അധ്യാപകനുമായിരുന്ന എം. എസ്. കരുണാകരന്റെ മുപ്പത്തിയൊന്നാം ചരമ വാർഷികദിനത്തിൽ അനുസ്മരണ സമ്മേളനം സംഘടിപ്പിച്ചു. വടകര ബ്ലോക്ക്‌ കോൺഗ്രസ്‌ പ്രസിഡന്റ്‌ സതീശൻ കുരിയാടി ഉദ്ഘാടനം നിർവഹിച്ചു. ഡി. സി. സി. ജനറൽ സെക്രട്ടറി കെ. പി. കരുണാകരൻ അധ്യക്ഷം വഹിച്ചു. ചോറോട് മണ്ഡലം കോൺഗ്രസ്‌ പ്രസിഡന്റ്‌ അഡ്വക്കേറ്റ് നജ്മൽ പി. ടി. കെ. അനുസ്മരണ പ്രഭാഷണം നടത്തി.
ചോറോട് പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാനും വാർഡ് മെമ്പറുമായ സി. നാരായണൻ, യു.ഡി. എഫ്. നിയോജക മണ്ഡലം ചെയർമാൻ കോട്ടയിൽ രാധാകൃഷ്ണൻ, അഴിയൂർ ബ്ലോക്ക്‌ കോൺഗ്രസ്‌ പ്രസിഡന്റ്‌ പറമ്പത്ത് പ്രഭാകരൻ, യൂത്ത് കോൺഗ്രസ്‌ നിയോജക മണ്ഡലം പ്രസിഡന്റ്‌ നിജിൻ, ഐ. എൻ. ടി. യു. സി. നിയോജക മണ്ഡലം പ്രസിഡന്റ്‌ ഫസലു, പുള്ളോട്ട് അനന്തൻ, മഹിളാ കോൺഗ്രസ്‌ ബ്ലോക്ക്‌ പ്രസിഡന്റ്‌, മഠത്തിൽ പുഷ്പ, കെ. പി. ശ്രീനിവാസൻ, ശ്രീജേഷ് നാഗപ്പള്ളി,എൻ കെ. രവീന്ദ്രൻ, കൂമുള്ളി വേണു,വാർഡ് കോൺഗ്രസ്‌ പ്രസിഡന്റ്‌ കൂമുള്ളി ശ്രീധരൻ, സത്യനാഥൻ എന്നിവർ സംസാരിച്ചു. പുത്തൻതെരു രാധാകൃഷ്ണൻ സ്വാഗതവും അജിത്കുമാർ എം കെ നന്ദിയും പറഞ്ഞു.&nbsp;

എം എസ് കരുണാകരൻ അനുസ്മരണം

Vadakara

നരിപ്പറ്റ: ഡി.കെ. ടി. എഫ് ജില്ലാ കമ്മറ്റിയുടെ ആഭിമുഖ്യത്തിൽ നടന്നുവരുന്ന വാഹന പ്രചരണ ജാഥയക്ക് നരിപ്പറ്റയിൽ സ്വീകരണം നൽകി. പ്രചരണ ജാഥാ ലീഡർ മനോജ് കുമാർ പാലങ്ങാടിൻ്റെ നേതൃത്വത്തിലാണ് ജാഥ. മണ്ഡലം പ്രസിഡണ്ട് കെ സി അദ്ധ്യക്ഷത വഹിച്ചു. കോൺഗ്രസ് മണ്ഡലം പ്രസിഡണ്ട് സി.കെ നാണു , ഡി.കെ. ടി.എഫ് ബ്ലോക്ക് പ്രസിഡണ്ട് വി.കെ വാസു , പി അരവിന്ദൻ , പി.പി.രാജൻ, ടി ദിനേശൻ, കെ.സി സുരേഷ്, ഒ ശശി എന്നിവർ പ്രസംഗിച്ചു.

വാഹന പ്രചാരണ ജാഥയ്ക്ക് സ്വീകരണം

Nadapuram

കുറ്റ്യാടി: 'ശരികളുടെ ആഘോഷം' എന്ന പ്രമേയത്തെ അടിസ്ഥാനമാക്കി നടന്ന എസ്. എസ്. എഫ് കുറ്റ്യാടി ഡിവിഷൻ നടത്തിയ ഡിവിഷൻ സമ്മേളനം സയ്യിദ് താഹാ സഖാഫി കുറ്റ്യാടി ഉദ്ഘാടനം ചെയ്തു. സെലിബ്രേറ്റിങ്ങ് ഹ്യുമാനിറ്റി പ്രമേയവതരണം നിസാമുദ്ധീൻ ബുഖാരി, ആദർശാവതരണം സുഹാജ് സഖാഫി എന്നിവർ നിർവ്വഹിച്ചു.&nbsp;
ലഹരി വിരുദ്ധ പ്രമേയം ഉയർത്തിപ്പിടിച്ച് വിദ്യാർത്ഥി റാലി നടന്നു. എസ്. എസ്. എഫ് കോഴിക്കോട് നോർത്ത് ജില്ലാ ഭാരവാഹികൾ ഫായിസ് നരിക്കൂട്ടുംച്ചാൽ, നിഹാൽ കായക്കൊടി, മിസ്ഹബ് മദനി വാളൂർ, കേരള മുസ്ലിം ജമാഅത്ത് കുറ്റ്യാടി സോൺ സെക്രട്ടറി ലത്തീഫ് മുസ്‌ലിയാർ സംബന്ധിച്ചു. ഇർഷാദ് അഹ്‌സനി പുളിക്കൽ പ്രാർത്ഥന നിർവ്വഹിച്ചു. അനസ് ശാന്തിനഗറിന്റെ അധ്യക്ഷതയിൽ അബ്ദുൽ ഹസീബ് പാലേരി സ്വാഗതവും അസ്ഹദ് തീക്കുനി നന്ദിയും പറഞ്ഞു.

'ശരികളുടെ ആഘോഷം' എസ്. എസ്. എഫ് ഡിവിഷൻ സമ്മേളനം

Kuttiadi

തിക്കോടി: കേരള സീനിയർ സിറ്റിസൺസ് ഫോറം തിക്കോടി യൂണിറ്റ് ലഹരിക്കെതിരെ പഞ്ചായത്ത് മുക്കിൽ നിന്നും സഞ്ചാരികളുടെ കേന്ദ്രമായ കല്ലകത്ത് ഡ്രൈവ് ഇൻ ബീച്ചിലേക്ക് ഒന്നര കിലോമീറ്റർ പദയാത്ര നടത്തി. സമാപന സമ്മേളനം എഴുത്തുകാരനും ജില്ലാ കമ്മിറ്റി മെമ്പറുമായ ഇബ്രാഹിം തിക്കോടി ഉദ്ഘാടനം ചെയ്തു പ്രസിഡണ്ട് ശാന്ത കുറ്റിയിൽ അധ്യക്ഷത വഹിച്ചു.&nbsp;
പൊതുപ്രവർത്തകനായ ഹാഷിം കോയ തങ്ങൾ, സ്റ്റേറ്റ് കൗൺസിലർ ബാലൻ കേളോത്ത് ,ജില്ലാ കൗൺസിലർ കാട്ടിൽ മുഹമ്മദലി ,വിമല, കെ .എം.അബൂബക്കർ ,ബാലകൃഷ്ണൻ മണിയോത്ത് എന്നിവർ സംസാരിച്ചു. സെക്രട്ടറി പി. രാമചന്ദ്രൻ നായർ സ്വാഗതവും സുമതി വായാടി നന്ദിയും രേഖപ്പെടുത്തി. വിദ്യാലയങ്ങൾ കേന്ദ്രീകരിച്ച് ലഹരിക്കെതിരെ പ്രചരണം നടത്താനും തയ്യാറെടുപ്പുകൾ നടത്തി വരികയാണ്.

ലഹരിക്കെതിരെ മുതിർന്ന പൗരന്മാരും രംഗത്ത്

Inshort

തിക്കോടി: ലഹരി വ്യാപനത്തിന് എതിരെ ശക്തമായ പ്രചരണവുമായി പുരോഗമന കലാസാഹിത്യ സംഘം പെരുമാൾപുരം യൂണിറ്റ്. വീട്ടമ്മമാരെയും കൗമാരക്കാരെയും അണിനിരത്തി, ദീപം തെളിയിച്ച്, ലഹരി വിരുദ്ധ പ്രതിജ്ഞയും നടത്തി. സാഹിത്യകാരൻ ഇബ്രാഹിം തിക്കോടി പരിപാടി ഉദ്ഘാടനം ചെയ്തു. പി കെ രാജീവൻ അധ്യക്ഷത വഹിച്ചു. പു.ക.സ മേലടിബ്ലോക്ക് സെക്രട്ടറി രാമചന്ദ്രൻ തിക്കോടി സംസാരിച്ചു. ബാബു പടിക്കൽ സ്വാഗതവും, ലഹരി വിരുദ്ധ പ്രതിജ്ഞയും ചൊല്ലി.&nbsp;

ലഹരി വിരുദ്ധ പ്രതിജ്ഞ യുമായി പു.ക.സ

മേമുണ്ട: കുടുംബത്തിനും നാട്ടിനും സമൂഹത്തിനും നന്മയുടെ വഴിവിളക്കായ ഒരു തലമുറയുടെ നിർമിതിക്കായി മദ്രസയുടെ പഠന രീതിയിൽ മാറ്റം വരുത്തണമെന്ന് സ്വാദിഖലി തങ്ങൾ പറഞ്ഞു. മേമുണ്ട ബി.എം.എസ് മദ്രസ്സയിൽ 43 വർഷമായി സേവനം ചെയ്തു വരുന്ന സദർ മുഅല്ലിം യൂസുഫ് തങ്ങൾക്ക് മാനേജ്മെൻ്റ് കമ്മിറ്റിയും ശിഷ്യഗണങ്ങളും ഒരുക്കിയ സ്നേഹാദരം പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ദീർഘകാലം മഹല്ല് , മദ്രസ്സാ രംഗത്ത് നേതൃത്വം നൽകിയ പൊയിൽ മഹ്മൂദ് ഹാജി, എംകെ ഇബ്രാഹിം ഹാജി, മാണിക്കോത്ത് മൂസ ഹാജി എന്നിവരെയും സാദിഖലിതങ്ങൾ ആദരിച്ചു.&nbsp;
റഫീഖ് സഖരിയ്യ ഫൈസി, ശുഐബ് ഹൈത്തമി, അബ്ദുൽ അസീസ്ദാരിമി , അബ്ദുൽ ലത്തീഫ് നദ്‌വി, നവാസ് പാലേരി ,ഇസ്മായിൽ മാസ്റ്റർ, ബഷീർ അഹ്മദ്, കെ. അബൂബക്കർ , ഭാനു പ്രകാശ് മേമുണ്ട തുടങ്ങിയവർ പ്രസംഗിച്ചു. റഖീബ് (അസിസ്റ്റന്റ് സബ് ഇൻസ്‌പെക്ടർ) ,വനിതാസംഗമത്തിൽ നബീല വഫിയ്യ എളയടം എന്നിവർ ക്ലാസ്സെടുത്തു. സി വി കുഞ്ഞമ്മദ് ,അബ്ദുള്ള മാണിക്കോത്ത് , റഹീം ,പക്രൂന്റവിട മൂസ്സ ഒ.കുഞ്ഞബ്ദുള്ള, മച്ചിൽ മജീദ്, മഹറൂഫ് എം , ജാസിം ഇ കെ എന്നിവർ പരിപാടികൾക്ക് നേതൃത്വം നൽകി. പ്രസിഡണ്ട് ചാലിൽ അബ്ദുൽ നാസർ അധ്യക്ഷത വഹിച്ച ചടങ്ങിൽ സെക്രട്ടറി ഒഎം ശാഫി സ്വാഗതവും സലാഹുദ്ധീൻ പി കെ നന്ദിയും പറഞ്ഞു.

മദ്രസ വിദ്യാഭ്യാസം കാലത്തിനനുസരിച്ച് പരിഷ്‌ക്കരിക്കണം; സാദിഖലി തങ്ങൾ

വടകര: ചോറോട് ഈസ്റ്റിലെ മഠത്തിൽ മുക്ക് മുതൽ രാമത്ത് മുക്ക് വരെയുള്ള പ്രദേശത്ത് കാലാകാലമായി മഴക്കാലത്ത് ഉണ്ടാവുന്ന വെള്ളപ്പൊക്കത്തിന് പരിഹാരം കാണുന്നതിനായി നിർമ്മിക്കാൻ ഉദ്ദേശിക്കുന്ന തോടിൻ്റെ പ്രവർത്തി ഉടൻ ആരംഭിക്കണമെന്ന് മണ്ഡലം കോൺഗ്രസ്സ് കമ്മിറ്റി ആവശ്യപ്പെട്ടു. ചോറോട് ഈസ്റ്റിലെ വെള്ളക്കെട്ടിന് ഈ വർഷവും പരിഹാരമില്ലാത്ത സാഹചര്യമാണ് ഉള്ളത്. ഇതിനായി പഞ്ചായത്ത് 36 ലക്ഷം രൂപ പാസാക്കിയിട്ടുണ്ട് എന്നുള്ള ഫ്ലക്സ് ബോർഡ് വെച്ചിട്ട് മാസങ്ങളോളമായിട്ടും ഇതുവരെ പ്രാരംഭപ്രവർത്തനം പോലും ആരംഭിച്ചിട്ടില്ല.&nbsp;
വെള്ളപ്പൊക്ക ദുരിതമനുഭവിക്കുന്നവരുടെയും തോട് നിർമ്മിക്കുന്നതിനായി സ്ഥലം വിട്ടു നൽകേണ്ടവരുടെയും ഒരു യോഗം പോലും വിളിച്ചിട്ടില്ല. ഫ്ലക്സ് ബോർഡ് വെച്ച് പ്രദേശവാസികളെ കബളിപ്പിക്കുന്ന നടപടിയാണ് പഞ്ചായത്ത് ഭരണസമിതിയുടെ ഭാഗത്തുനിന്നുണ്ടായത്. ഇവിടെ മഴക്കാലത്ത് വീടിനുള്ളിലേക്ക് വരെ വെള്ളം കയറുന്ന അവസ്ഥയാണ്. മഴക്കാലത്തിന് മുൻപ് തോട് നിർമ്മാണം ആരംഭിച്ച് ജനങ്ങളുടെ ദുരിതത്തിന് ഉടൻ പരിഹാരം കാണണമെന്നും അല്ലാത്ത പക്ഷം ശക്തമായ സമര പരിപാടികൾക്ക് നേതൃത്വം നൽകുമെന്നും കോൺഗ്രസ് ചോറോട് മണ്ഡലം കമ്മിറ്റി അറിയിച്ചു. പ്രസിഡന്റ്‌ അഡ്വ : പി.ടി. കെ നജ്മൽ അധ്യക്ഷത വഹിച്ചു.

ചോറോട് ഈസ്റ്റിലെ തോട് നിർമ്മാണം ഉടൻ ആരംഭിക്കുക; കോൺഗ്രസ്‌

നാദാപുരം: പുറമേരി ഗ്രന്ഥാലയം &amp; കലാവേദി പുതുതായി നിർമ്മിച്ച കെട്ടിടത്തിൻ്റെ ഉദ്ഘാടനവും പതിമൂന്നാം വാർഷികവും ശനിയാഴ്ച വൈകീട്ട് 4 മണിക്ക് എഴുത്തുകാരൻ ബെന്യാമൻ ഉദ്ഘാടനം ചെയ്യും. ബ്ലോക്ക് പ്രസിഡൻ്റ് കെ പി വനജ അധ്യക്ഷയാവും. നാടക പ്രവർത്തകൻ വി പി രാമചന്ദ്രനെ കൂടത്താംകണ്ടി സുരേഷ് ആദരിക്കും.&nbsp;
പഞ്ചായത്ത് പ്രസിഡൻ്റ് വി കെ ജ്യോതി ലക്ഷ്മി സമ്മാനദാനം നിർവ്വഹിക്കും. എഴുത്തുകാരൻ ശിവദാസ് പുറമേരി പ്രഭാഷണം നടത്തും.സാംസ്കാരിക ഘോഷയാത്ര, വിവിധ കലാപരിപാടികൾ അരങ്ങേറും. വാർത്ത സമ്മേളനത്തിൽ ഗ്രന്ഥാലയം സെക്രട്ടറി എം ബി ഗോപാലൻ , കെ സഞ്ജിവൻ, പി പി രാജൻ എന്നിവർ പങ്കെടുത്തു.

പുറമേരി ഗ്രന്ഥാലയം കെട്ടിടം ഉദ്ഘാടനം ശനിയാഴ്ച

എച്ചേടരി: ഭീകരവാദത്തിനെതിരെ സിപിഐ എം നാദാപുരം ഏരിയ കമ്മിറ്റി നേതൃത്വത്തിൽ എടച്ചേരിയിൽ മാനവികത സദസ് സംഘടിപ്പിച്ചു. സിപിഐ എം സംസ്ഥാന കമ്മിറ്റി അംഗം കെ കെ ലതിക ഉദ്ഘാടനം ചെയ്തു. ഏരിയ സെക്രട്ടറി എ മോഹൻ ദാസ് അധ്യക്ഷനായി. കൂടത്താം കണ്ടി സുരേഷ്, വി പി കുഞ്ഞികൃഷ്ണൻ, കെ കെ ദിനേശൻ പുറമേരി, കെ പി വനജ, ടി അനിൽകുമാർ എന്നിവർ സംസാരിച്ചു. ടി വി ഗോപാലൻ സ്വാഗതം പറഞ്ഞു.

ഭീകരവാദത്തിനെതിരെ മാനവികത സദസ് സംഘടിപ്പിച്ചു

നാദാപുരം: ആവോലത്തെ കോടച്ചം വീട്ടിൽ ഹൈമാവതി (82) നിര്യാതയായി. ഭർത്താവ്; പരേതനായ കൃഷ്ണൻ (റിട്ട ടെലഫോൺസ്). മക്കൾ; ദിലീപ് കുമാർ (റിട്ട ടെലഫോൺസ് - നാദാപുരം) ,ജോഷി (റിട്ട എസ് ഐ വളയം ). മരുമക്കൾ പുഷ്പ (ഓർക്കാട്ടേരി ) ,പ്രീത ( എടച്ചേരി). സഹോദരങ്ങൾ സുജാത (വടകര) , പരേതരായ വിശ്വനാഥൻ , ഗിരിജ , രമണി.

ആവോലം കോടച്ചം വീട്ടിൽ ഹൈമാവതി നിര്യാതയായി

Obituary

മണിയൂർ: മുടപ്പിലാവിൽ മസ്ജിദുന്നൂറിന്റെ സമർപ്പണ സമ്മേളനം പാണക്കാട് സയ്യിദ് സാദിഖലി ശിഹാബ് തങ്ങൾ ഉദ്ഘാടനം ചെയ്തു. ടി പി അബ്ദു റഹ്മാൻ മുസ്ലിയാർ അധ്യക്ഷത വഹിച്ചു. പാറക്കൽ അബ്ദുള്ള മുഖ്യാതിഥി ആയിരുന്നു. മൂന്ന് ദിവസങ്ങളിലായി വിവിധ സെഷനുകളിലായി നടന്ന സമ്മേളനത്തിൽ ഡോ: ബഷീർ ഫൈസി ദേശമംഗലം, സയ്യിദ് സനാഉള്ള തങ്ങൾ ബാ അലവി, സാജിഹ് ഷമീർ അൽ അസ്ഹരി, സന്തോഷ് ചെറുവോട്ട്, അലി യമാനി പന്തിപ്പൊയിൽ, യൂസുഫ് ഫൈസി കോടിക്കൽ, അബ്ദുൽ ഖാദിർ മദനി, പി.കെ. അബ്ദു റഹ്മാൻ മുസ്ലിയാർ, അസ്സയിനാർ നിസാമി, ഹാരിസ് തങ്ങൾ, ഹാരിസ് സഖാഫി, ടി കെ അഷ്റഫ്, കളത്തിൽ അമ്മത് ഹാജി, മൂസ ചെറുവലത്ത്, സി കെ മൊയ്തു, ലത്തീഫ് കോമത്ത്, പി എ റഹ്മാൻ, അസ്ഹർ സികെ, അമീർ ടി എം, നൗഷാദ് പി പി, ഫൈസൽ സഫ മൻസിൽ, ശശിധരൻ പി, പ്രമോദ് എം കെ, കെ റസാഖ്, അഷ്റഫ് ചാലിൽ, ഹരീന്ദ്രൻ പി, കുഞ്ഞബ്ദുള്ള എടവന്റവിട തുടങ്ങിയവർ സംസാരിച്ചു. കാരാളത്ത് പോക്കർ ഹാജി, പി എം അബൂബക്കർ, സി കെ അഹ്മദ്, മൊയ്തു ഹാജി ഷാഹിന നിവാസ്, മൊയ്തു കളരിക്കണ്ടി, കുഞ്ഞബ്ദുള്ള എം കെ തുടങ്ങിയവർ പങ്കെടുത്തു. കെ പി അബ്ദുസ്സലാം ഖാസിമി സ്വാഗതവും ബഷീർ നടക്കൽ നന്ദിയും പറഞ്ഞു.

സമർപ്പണ സമ്മേളനം നടത്തി

തിരുവള്ളൂർ: 'നാടിന്റെ നന്മയ്ക്ക് നമ്മളൊന്നാകണം' എന്ന തലക്കെട്ടിൽ വെൽഫെയർ പാർട്ടി തിരുവള്ളൂർ പഞ്ചായത്ത് പ്രസിഡണ്ട് റിയാസ് നയിച്ച സാഹോദര്യ പദയാത്ര സമാപിച്ചു. വള്ള്യാട് നിന്നും ആരംഭിച്ച യാത്ര വെൽഫെയർ പാർട്ടി കുറ്റ്യാടി മണ്ഡലം പ്രസിഡണ്ട് ബഷീർ കൂറ്റേരി ഫ്ലാഗ് ഓഫ് ചെയ്തു.
കോട്ടപ്പള്ളി, ചുണ്ടക്കൈ , പൈങ്ങോട്ടായി, അഞ്ചുമുറി എന്നീ സ്ഥലങ്ങളിലെ സ്വീകരണത്തിന് ശേഷം തിരുവള്ളൂരിൽ സമാപിച്ചു. വിവിധ സ്വീകരണ കേന്ദ്രങ്ങളിൽ റിയാസ് , പഞ്ചായത്ത് സെക്രട്ടറി അൻസബ്.എം, വൈസ് പ്രസിഡണ്ട് അബ്ദുൽ സത്താർ കെ.കെ , കുറ്റ്യാടി മണ്ഡലം കമ്മിറ്റി അംഗം എഫ്.എം അബ്ദുള്ള, പഞ്ചായത്ത് ട്രഷറർ ബി.വി റസാഖ്, സാദിഖ്.കെ.എം എന്നിവർ സംസാരിച്ചു. സിയാദ്.വി, അലി.ടി.കെ, അസ്ലം.കെ.പി, ഇഖ്ബാൽ.ടി.കെ എന്നിവർ നേതൃത്വം നൽകി.

'നാടിന്റെ നന്മയ്ക്ക് നമ്മളൊന്നാകണം' വെൽഫെയർ പാർട്ടി പദയാത്ര സമാപിച്ചു

അഴിയൂർ: കേരള- കേന്ദ്ര സർക്കാറുകളുടെ കർഷക, തൊഴിലാളിവിരുദ്ധ നയത്തിനെതിരേ ദേശീയ കർഷകത്തൊഴിലാളി ഫെഡറേഷൻ ജില്ലാ പ്രസിഡണ്ട് മനോജ് കുമാർ പാലങ്ങാട് നയിക്കുന്ന പ്രചാരണ വാഹന ജാഥയ്ക് അഴിയൂർ കുഞ്ഞിപ്പള്ളിയിൽ ഉജ്ജ്വല സ്വീകരണം നൽകി. ജനകീയ മുന്നണി കൺവീനർ ടി.സി രാമചന്ദ്രൻ അധ്യക്ഷത വഹിച്ചു.&nbsp;
സംസ്ഥാന ജനറൽ സിക്രട്ടറി വി.ടി സുരേന്ദ്രൻ , വി.കെ അനിൽകുമാർ, പി കെ കോയ, വാർഡ് മെമ്പർ കവിത അനിൽകുമാർ, കെ.പി വിജയൻ, കളത്തിൽ അശോകൻ, ഇസ്മയിൽ, ബബിത്ത് തയ്യിൽ, കമല ഇ ടി ,അഹമ്മദ് കൽപക, സുരേന്ദ്രൻ പറമ്പത്ത്, പുരുഷോത്തമൻ പറമ്പത്ത് , ധനേഷ്, ചന്ദ്രൻ കുഞ്ഞിപ്പള്ളി, പുരുഷുരാമത്ത്, രാജീവൻ തുടങ്ങിയവർ സംസാരിച്ചു.

ഡി കെ ടി എഫ് ജില്ലാ വാഹന ജാഥയ്ക്ക് അഴിയൂരിൽ സ്വീകരണം നൽകി

തിരുവനന്തപുരം: സെക്രട്ടറിയേറ്റ് പടിക്കൽ ദിവസങ്ങളായി തുടരുന്ന നിരാഹാര സമരം അവസാനിപ്പിച്ച് ആശാ വർക്കർമാ‌ർ. പ്രവർത്തകർക്ക് ഇളനീർ നൽകി കൊണ്ടാണ് നിരാഹാര സമരം അവസാനിപ്പിച്ചത്. രാപകൽ സമരത്തിന്റെ 81 -ാം ദിവസമായ ഇന്ന് വിവിധ തൊഴിലാളി സംഘടനകളും പിന്തുണയുമായി സമരവേദിയിൽ എത്തിയിട്ടുണ്ട്.&nbsp;
കാസർകോട് മുതൽ തിരുവനന്തപുരം വരെ മേയ് 5ന് തുടങ്ങി ജൂൺ 17ന് അവസാനിക്കുന്ന രാപകൽ സമരയാത്രയുടെ ഫ്ലാഗ് ഓഫ് ഉച്ചയ്ക്ക് 12 മണിക്ക് സമരപന്തലിൽ നടന്നു. പ്രമുഖ ഗാന്ധിയൻ ഡോ. എം പി മത്തായിയാണ് ഫ്ലാഗ് ഓഫ് കർമ്മം നിർവഹിച്ചത്.

നിരാഹാര സമരം അവസാനിപ്പിച്ച് ആശാ വർക്കർമാ‌ർ ;രാപകൽ സമരം തുടരും

തിരുവനന്തപുരം: ഔദ്യോഗിക ജീവിതത്തില്‍നിന്ന് പടിയിറങ്ങിയ ശാരദാ മുരളീധരനെ പ്രകീര്‍ത്തിച്ച് മുഖ്യമന്ത്രി പിണറായി വിജയന്‍. ഉദ്യോഗസ്ഥ എന്നതിനപ്പുറം പുരോഗമന നിലപാടുകള്‍ ഉറക്കെപ്പറയാന്‍ ധീരത കാണിച്ച ശാരദ മുരളീധരന്റെ നിലപാട് മാതൃകാപരമാണെന്ന് മുഖ്യമന്ത്രി ഫെയ്‌സ്ബുക്ക് കുറിപ്പില്‍ പറഞ്ഞു. ശാരദ മുരളീധരനോടൊപ്പമുള്ള ചിത്രവും അദ്ദേഹം പോസ്റ്റില്‍ പങ്കുവെച്ചിട്ടുണ്ട്.
'സ്തുത്യര്‍ഹവും സുദീര്‍ഘവുമായ ഔദ്യോഗിക ജീവിതത്തിന് വിരാമം കുറിച്ച് ചീഫ് സെക്രട്ടറി സ്ഥാനത്തുനിന്നും ഡോക്ടര്‍ ശാരദാ മുരളീധരന്‍ ഇന്നലെ വിരമിച്ചു. ചീഫ് സെക്രട്ടറി പദവിയില്‍ അധികകാലം ഉണ്ടായിരുന്നില്ലെങ്കിലും കുറഞ്ഞ സമയത്തിനുള്ളില്‍ തന്നെ തന്റെ ഭരണമികവ് ഈ നാടിനെ ബോധ്യപ്പെടുത്താന്‍ ഡോ. ശാരദാ മുരളീധരനു സാധിച്ചു.
വയനാട് പുനരധിവാസം മുതല്‍ ലഹരി വിരുദ്ധ ക്യാമ്പയ്‌നുകള്‍ വരെ, ഓരോ പദ്ധതികളിലും പരിപാടികളിലും സര്‍ക്കാരിന്റെ നയങ്ങള്‍ സൂക്ഷ്മതയോടെ നടപ്പാക്കാന്‍ അവര്‍ ശ്രദ്ധിച്ചു. മികച്ച ഏകോപനവും മികച്ച നിര്‍വഹണവും അവരുടെ പ്രവര്‍ത്തന മുദ്രയായിരുന്നു.
ഉദ്യോഗസ്ഥ എന്ന നിലയ്ക്കപ്പുറം സാമൂഹികനീതികള്‍ക്കെതിരെ തന്റെ പുരോഗമന നിലപാടുകള്‍ ഉറക്കെപ്പറയാന്‍ ഡോ.ശാരദ കാണിച്ച സന്നദ്ധതയും ധീരതയും മാതൃകാപരമാണ്. സര്‍ക്കാര്‍ നയങ്ങള്‍ നടപ്പാക്കുന്നതിലെ ആത്മാര്‍ത്ഥത, കാര്യക്ഷമതയോടെയുള്ള കൃത്യനിര്‍വഹണം, ഭാവനാപൂര്‍ണമായ ആസൂത്രണം, സംസ്ഥാനത്തോടും ഇവിടുത്തെ ജനതയോടുമുള്ള അചഞ്ചലമായ കൂറ് എന്നിവയുടെ സമന്വയമാണ് ശാരദാ മുരളീധരന്റെ ഔദ്യോഗിക ജീവിതം. ഡോ. ശാരദ മുരളീധരന് കര്‍മ്മോത്സുകതയുടെയും സേവനത്തിന്റെയും ഒരു സജീവകാലം തുടര്‍ന്നും ഉണ്ടാവട്ടെ എന്ന് ഹൃദയപൂര്‍വ്വം ആശംസിക്കുന്നു' മുഖ്യമന്ത്രി കുറിച്ചു.

പുരോഗമന നിലപാടുകള്‍ ഉറക്കെപ്പറയാന്‍ കാണിച്ച ധീരത മാതൃകാപരം ;ശാരദാ മുരളീധരനെ പ്രകീര്‍ത്തിച്ച് മുഖ്യമന്ത്രി

കൊച്ചി: പുലിപ്പല്ല് കൈവശം വച്ച കേസിൽ ജാമ്യം ലഭിച്ചതിന് പിന്നാലെ പ്രതികരണവുമായി റാപ്പർ വേടൻ. തനിക്ക് വേണ്ടി പ്രാർത്ഥിച്ച എല്ലാവരോടും നന്ദിയുണ്ടെന്ന് ഹിരൺ ദാസ് മുരളി എന്ന വേടൻ പറഞ്ഞു. 'എന്നെ കേൾക്കുകയും കാണുകയും ചെയ്യുന്ന സഹോദരന്മാരോടാണ് പറയാനുള്ളത് പുകവലിയും മദ്യപാനവും വലിയ പ്രശ്‌നമാണ്. ചേട്ടനോട് ദയവായി ക്ഷമിക്കണം. നല്ലൊരു മനുഷ്യനാകാൻ പറ്റുമോ എന്ന് ഞാൻ നോക്കട്ടെ. പോയിവരാം മക്കളെ' വേടൻ പ്രതികരിച്ചു.
കേസ് കോടതിയുടെ കൈയിലിരിക്കുന്ന കാര്യമാണെന്നും ഇതെക്കുറിച്ച് ചോദ്യങ്ങൾക്ക് വേടൻ മറുപടി നൽകി.കേസുമായി വേടൻ സഹകരിക്കുന്നുണ്ട് എന്ന് വനംവകുപ്പ് കോടതിയെ അറിയിച്ചത് മുഖവിലയ്‌ക്കെടുത്താണ് നേരത്തെ വേടന്‌ ജാമ്യം അനുവദിച്ചത്.

'നല്ലൊരു മനുഷ്യനാകാൻ പറ്റുമോ എന്ന് ഞാൻ നോക്കട്ടെ';ജാമ്യം ലഭിച്ചതിന് പിന്നാലെ പ്രതികരണവുമായി വേടൻ

പത്തനംതിട്ട: ഭർതൃവീട്ടിൽ യുവതിയെ മരിച്ച നിലയിൽ കണ്ടെത്തി. പത്തനംതിട്ട ഏനാത്ത് ആണ് സംഭവം. ഏനാത്ത് സ്വദേശി വിജീഷിന്റെ ഭാര്യ ലിനുവാണ് (33) മരിച്ചത്. ഇന്നലെ രാത്രി ഉറങ്ങാൻ കിടന്ന യുവതിയെ രാവിലെ മരിച്ച നിലയിൽ കണ്ടെത്തുകയായിരുന്നു.&nbsp;
രാവിലെ അനക്കമില്ലെന്ന് കണ്ടപ്പോൾ വീട്ടുകാർ ലിനുവിനെ ആശുപത്രിയിലേയ്ക്ക് കൊണ്ടുപോവുകയായിരുന്നു. മരണം സ്ഥിരീകരിച്ചതിനെ തുടർന്ന് പൊലീസിൽ വിവരമറിയിച്ചു. ഹൃദയാഘാതമാകാം മരണകാരണമെന്നാണ് സംശയിക്കുന്നത്. മൃതദേഹം പോസ്റ്റുമോർട്ടത്തിനായി പത്തനംതിട്ട ജനറൽ ആശുപത്രിയിലേയ്ക്ക് മാറ്റി. അസ്വാഭാവിക മരണത്തിന് കേസെടുത്തു.

യുവതിയെ ഭർതൃവീട്ടിൽ മരിച്ച നിലയിൽ കണ്ടെത്തി; അസ്വാഭാവിക മരണത്തിന് കേസ്

ന്യൂഡൽഹി: വാണിജ്യാവശ്യങ്ങൾക്കുള്ള പാചകവാതക സിലിണ്ടറിന്റെ വില കുറച്ചു. 15.50 രൂപയാണ് കുറച്ചത്. 19 കിലോയുടെ സിലിണ്ടറിന്റെ വിലയാണ് കുറഞ്ഞത്. അതേസമയം, ഗാർഹിക ആവശ്യത്തിനുള്ള പാചക വാതക സിലിണ്ടർ വിലയിൽ മാറ്റമുണ്ടായില്ല. പുതുക്കിയ വില ഇന്നുമുതൽ പ്രാബല്യത്തിൽ വരും.
ഏപ്രിലിൽ വാണിജ്യാവശ്യത്തിനുള്ള സിലിണ്ടറിന് 41 രൂപ കുറച്ചിരുന്നു. ഇതിന് പിന്നാലെയാണ് വിലയിൽ വീണ്ടും കുറവുണ്ടായത്. എന്നാൽ ഏപ്രിലിൽ ഗാർഹിക ആവശ്യത്തിനുള്ള സിലിണ്ടർ വില കൂട്ടിയിരുന്നു. ഏപ്രിൽ ഏഴിന് 14.2 കിലോ ഗ്യാസ് സിലിണ്ടർ വില 50 രൂപയാണ് കൂട്ടിയത്.പാചക വാതക വിലകള്‍ എല്ലാ മാസവും ഒന്നാം തീയതിയും 15-ാം തീയതിയുമാണ് പരിഷ്‌കരിക്കാറുള്ളത്.&nbsp;

പാചകവാതക സിലിണ്ടറിന്റെ വില 15 രൂപ കുറച്ചു

ന്യൂഡൽഹി: നിരവധി പാകിസ്ഥാൻ അഭിനേതാക്കളുടെ ഇൻസ്റ്റാഗ്രാം അക്കൗണ്ടുകൾ ഇന്ത്യയിൽ പ്രവർത്തനരഹിതമാക്കി. ഹാനിയ ആമിർ, മാഹിറ ഖാൻ എന്നിവരുൾപ്പെടെയുള്ളവരുടെ അക്കൗണ്ടുകളാണ് ഇന്ത്യയിൽ വിലക്കിയത്. ഹാനിയ ആമിറിൻ്റെ അക്കൗണ്ടാണ് ആദ്യമായി പ്രവർത്തനരഹിതമാക്കിയതിൽ ഒന്ന് എന്നാണ് റിപ്പോർട്ട്.
പഹൽഗാം ഭീകരാക്രമണത്തെ തുടർന്ന് ഇന്ത്യയും പാകിസ്ഥാനും തമ്മിൽ വർദ്ധിച്ചുവരുന്ന സംഘർഷങ്ങൾക്കിടയിലാണ് ഈ നടപടി. നിരോധിത പാകിസ്ഥാൻ ഭീകര സംഘടനയായ ലഷ്കർ-ഇ-തൊയ്ബയുടെ (LeT) ഉപവിഭാഗമായ ദി റെസിസ്റ്റൻസ് ഫോഴ്സിലെ (TRF) ഭീകരർ നടത്തിയ വെടിവെപ്പിൽ 26 പേരാണ് അന്ന് കൊല്ലപ്പെട്ടത്.
അലി സഫർ, സനം സയീദ്, ബിലാൽ അബ്ബാസ്, ഇഖ്‌റ അസീസ്, ഇമ്രാൻ അബ്ബാസ്, സജൽ അലി എന്നിവരാണ് ഇന്ത്യയിൽ ഇൻസ്റ്റാഗ്രാം അക്കൗണ്ടുകൾ പ്രവർത്തനരഹിതമാക്കപ്പെട്ട മറ്റ് പാകിസ്ഥാൻ താരങ്ങൾ. 'ഈ അക്കൗണ്ട് ഇന്ത്യയിൽ ലഭ്യമല്ല. ഉള്ളടക്കം നിയന്ത്രിക്കാനുള്ള നിയമപരമായ അഭ്യർത്ഥന ഞങ്ങൾ പാലിച്ചതിനാലാണ് ഇത്' എന്ന സന്ദേശമാണ് ഇന്ത്യയിൽനിന്ന് ഇവരുടെ പ്രൊഫൈൽ സന്ദർശിച്ചവർക്കെല്ലാം ലഭിച്ചത്. അതേസമയം ഫവാദ് ഖാൻ, വഹാജ് അലി തുടങ്ങിയ മറ്റ് ചില പാകിസ്ഥാൻ അഭിനേതാക്കളുടെ ഇൻസ്റ്റാഗ്രാം അക്കൗണ്ടുകൾ ഇന്ത്യയിൽ ഇപ്പോഴും ലഭ്യമാണ്.

പാക് നടീനടന്മാരുടെ ഇൻസ്റ്റ​ഗ്രാം അക്കൗണ്ടുകൾക്ക് ഇന്ത്യയിൽ വിലക്ക്

കാസര്‍കോട്: വിദ്യാനഗറില്‍ മാതാവ് ചക്ക മുറിക്കുന്നതിനിടെ കത്തിയുടെ മുകളിലേക്ക് വീണ് എട്ടുവയസുകാരന് ദാരുണാന്ത്യം. പാടി ബെള്ളൂറടുക്ക സ്വദേശിയായ സുലേഖയുടെ മകന്‍ ഹുസൈന്‍ ഷഹബാസ് ആണ് മരിച്ചത്. ബുധനാഴ്ച രാത്രിയോടെയാണ് സംഭവം നടന്നത്.
കളിക്കുന്നതിനിടെ കുട്ടി കാല്‍വഴുതി കത്തിക്ക് മുകളില്‍ വീഴുകയായിരുന്നു എന്നാണ് വിവരം. പലകയില്‍ ഘടിപ്പിക്കുന്ന പ്രത്യേകതരം കത്തി ഉപായോഗിച്ചാണ് കാസര്‍കോട് ഭാഗത്ത് ചക്ക മുറിക്കാറുള്ളത്. ഈ കത്തിയിലേക്കാണ് കുട്ടി വീണത്. വീഴ്ചയില്‍ കുട്ടിയുടെ നെഞ്ചിന്റെ ഇടതുഭാഗത്ത് ആഴത്തിലുള്ള മുറിവേറ്റു.
ഉടന്‍തന്നെ നഗരത്തിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. മരിച്ച ഹുസൈന് ഒരു ഇരട്ടസഹോദരന്‍ കൂടിയുണ്ട്. സംഭവത്തില്‍ ദുരൂഹതയില്ലെന്ന് പോലീസ് വ്യക്തമാക്കി. .

അമ്മ ചക്ക മുറിക്കുന്നതിനിടെ കത്തിക്ക് മുകളിലേക്ക് വീണു; എട്ടുവയസുകാരന് ദാരുണാന്ത്യം

മോഹന്‍ലാല്‍ - മഞ്ജു വാര്യര്‍ ജോഡി തകര്‍ത്തഭിനയിച്ച എക്കാലത്തേയും മികച്ച ഹിറ്റ് സിനിമകളില്‍ ഒന്നാണ് ആറാം തമ്പുരാന്‍. ഷാജി കൈലാസ് സംവിധാനം ചെയ്ത ചിത്രം 1997ലാണ് പുറത്തിറങ്ങിയത്. റിലീസ് ചെയ്ത് 28 വര്‍ഷങ്ങള്‍ പിന്നിടുമ്പോളും ഇന്നും മലയാളികളുടെ ഇഷ്ട മോഹന്‍ലാല്‍ ചിത്രങ്ങളില്‍ ഒന്നാണ് ആറാം തമ്പുരാന്‍ എന്നതില്‍ തര്‍ക്കമില്ല.&nbsp;
രവീന്ദ്രന്‍ സംഗീതം നല്‍കിയ ചിത്രത്തിലെ ഗാനങ്ങളും വന്‍ ഹിറ്റായിരുന്നു. മോഹന്‍ലാല്‍, മഞ്ജു വാര്യര്‍ എന്നിവര്‍ക്ക് പുറമേ ഒരു വലിയ താരനിര തന്നെ ചിത്രത്തില്‍ അണിനിരന്നിരുന്നു. ഒടുവില്‍ ഉണ്ണികൃഷ്ണന്‍, കുതിരവട്ടം പപ്പു, മണിയന്‍പിള്ള രാജു, കലാഭവന്‍ മണി, ഭീമന്‍ രഘു, കീരിക്കാടന്‍ ജോസ്, സായ് കുമാര്‍, കൊച്ചിന്‍ ഹനീഫ, ജഗന്നാഥ വര്‍മ്മ, ഗണേഷ് കുമാര്‍, കുണ്ടറ ജോണി, ഇന്നസെന്റ്, അഗസ്റ്റിന്‍, ടി.പി മാധവന്‍ തുടങ്ങിയ വന്‍ താരനിര തന്നെ ചിത്രത്തില്‍ അഭിനയിച്ചിരുന്നു.
ഈ ചിത്രത്തില്‍ മലയാളികളുടെ പ്രിയപ്പെട്ട നടി ഉര്‍വശിയും അഭിനയിച്ചിരുന്നുവെന്നതാണ് ഈ അടുത്തിടെ പുറത്തറിഞ്ഞ മറ്റൊരു കാര്യം. തിയറ്ററിലും പിന്നീട് ടെലിവിഷനില്‍ ഈ ചിത്രം പ്രദര്‍ശിപ്പിച്ചപ്പോഴുമെല്ലാം ഉര്‍വശി അഭിനയിച്ച ഷോട്ട് ചിത്രത്തില്‍ ഉണ്ട്. എന്നാല്‍ ചിത്രത്തിന്റെ അണിയറപ്രവര്‍ത്തകര്‍ക്ക് മാത്രമേ ഇക്കാര്യം അറിവുണ്ടായിരുന്നുള്ളു.അടുത്തിടെ നല്‍കിയ ഒരു അഭിമുഖത്തില്‍ അവതാരകന്‍ ഇക്കാര്യം ചോദിച്ചപ്പോള്‍ ഉര്‍വശി തന്നെയാണ് താന്‍ ആ ചിത്രത്തിന്റെ ഭാഗമായിരുന്നുവെന്ന് തുറന്ന് പറഞ്ഞത്. ഹരിമുരളീരവം... എന്ന് തുടങ്ങുന്ന ഗാനത്തിന്റെ ഒരു സ്വീക്വന്‍സിലാണ് ഉര്‍വശി പ്രത്യക്ഷപ്പെടുന്നത്. എന്നാല്‍ മുഖം മറച്ച് കണ്ണുകള്‍ മാത്രം കാണുന്ന രീതിയില്‍ ആയിരുന്നതിനാല്‍ ആരും അത് തിരിച്ചറിഞ്ഞിരുന്നില്ല. എന്നാല്‍ ഈ സീന്‍ ആറാം തമ്പുരാന് വേണ്ടി ഷൂട്ട് ചെയ്തതായിരുന്നില്ലെന്നും മറ്റൊരു ചിത്രത്തില്‍ നിന്നുള്ള തന്റെ ഭാഗം ഗാനരംഗത്തില്‍ ഉപയോഗിക്കുകയായിരുന്നുവെന്നും ഉര്‍വശി പറയുന്നു

ആറാം തമ്പുരാനില്‍ മോഹന്‍ലാലിനൊപ്പം ഉര്‍വശിയും ഉണ്ട് ;വർഷങ്ങൾക്ക് ശേഷം പുതിയ കണ്ടു പിടുത്തം

തിരുവനന്തപുരം: വാഹനം ഓടിച്ചുകൊണ്ടിരിക്കെ ഡ്രൈവറുടെ കഴുത്തിൽ പാമ്പ് പിടിമുറുക്കി. തിരുവനന്തപുരം മാറനല്ലൂരിലാണ് സംഭവം. ഓട്ടോറിക്ഷ ഡ്രൈവർ വിഷ്‌ണുവിന്റെ കഴുത്തിലാണ് പാമ്പ് ചുറ്റിയത്. ഹരിത കർമ്മസേന ശേഖരിച്ച മാലിന്യങ്ങളായിരുന്നു വാഹനത്തിൽ ഉണ്ടായിരുന്നത്. ഈ മാലിന്യത്തിൽ നിന്നാണ് പാമ്പ് വിഷ്‌ണുവിന്റെ കഴുത്തിൽ ചുറ്റിയതെന്നാണ് നിഗമനം.
കഴുത്തിൽ ചുറ്റിയ പാമ്പിനെ തട്ടി മാറ്റാനുള്ള ശ്രമത്തിനിടെ വാഹനം അപകടത്തിൽപ്പെടുകയും ചെയ്‌തു. ഇലക്ട്രിക് പോസ്റ്റിൽ ഇടിച്ചാണ് അപകടമുണ്ടായത്. അപകടത്തിൽ ഓട്ടോ ഡ്രൈവർക്ക് സാരമായി പരിക്കേറ്റു. ഇയാളെ ആശുപത്രിയിൽ പ്രവേശിപ്പിച്ചു.

ഓട്ടോ ഓടിച്ചുകൊണ്ടിരിക്കെ ഡ്രൈവറുടെ കഴുത്തിൽ പാമ്പ് പിടിമുറുക്കി;പിന്നാലെ അപകടവും

അന്തര്‍ദേശീയ തൊഴിലാളി ദിനം അഥവ മെയ്‌ ദിനം ലോകവ്യാപകമായി എല്ലാ കൊല്ലവും മെയ് ഒന്നിന് ആചരിക്കുന്നു. ലോകമെമ്പാടുമുള്ള സമ്പദ്ഘടന പരുവപ്പെടുത്തുന്നതില്‍ വലിയ പങ്ക് വഹിച്ച തൊഴിലാളികള്‍ക്കുള്ള ആദരമായാണ് ഈ ദിനാചരണം. അവരുടെ പ്രയ്‌ത്നങ്ങളെ ആദരിക്കുക മാത്രമല്ല മറിച്ച് തൊഴിലാളികളെ അവരുടെ അവകാശങ്ങളെ കുറിച്ച് ബോധ്യപ്പെടുത്തുക കൂടിയാണ് ഈ ദിനാചരണത്തിലൂടെ ലക്ഷ്യമിടുന്നത്.
എട്ട് മണിക്കൂര്‍ ജോലി, എട്ട് മണിക്കൂര്‍ വിശ്രമം, എട്ട് മണിക്കൂര്‍ വിനോദം എന്ന ആവശ്യത്തിലൂന്നി നമുക്ക് മുന്‍പേ കടന്ന്പോയവര്‍ നടത്തിയ ഐതിഹാസിക സമരപോരാട്ടങ്ങളുടെ ഓര്‍മ്മപ്പെടുത്തല്‍ കൂടിയാണ് ഈ ദിനാചരണം.മെയ് ദിനം രാജ്യാന്തര തൊഴിലാളി ദിനമെന്നും അറിയപ്പെടുന്നു. സാമൂഹ്യനീതി, ഐക്യദാര്‍ഢ്യം തൊഴിലാളികളുടെ അവകാശങ്ങള്‍ നേടിയെടുക്കാനുള്ള പോരാട്ങ്ങള്‍ തുടങ്ങിയവ ഈ ദിനാചരണം നമ്മെ ഓര്‍മ്മിപ്പിക്കുന്നു.തൊഴിലിൻ്റെ മഹത്വവും തൊഴിലാളികളുടെ അവകാശവും ഓർമപ്പെടുത്തുന്ന മെയ് ദിനം. തൊഴിലാളി പ്രസ്ഥാനങ്ങളുടെ പോരാട്ട ചരിത്രത്തെയും, നേട്ടങ്ങളെയും അനുസ്മരിക്കുന്നതാണ് ഓരോ തൊഴിലാളി ദിനവും.

നാട്ടുവർത്തയുടെ എല്ലാ വായനക്കാർക്കും മെയ് ദിനാശംസകൾ.

ഇന്ന് മെയ് ഒന്ന് ; അന്തര്‍ദേശീയ തൊഴിലാളി ദിനം

തിരുവനന്തപുരം: വിഴിഞ്ഞത്തേക്ക് മകളേയും പേരക്കുട്ടിയേയും കൂട്ടിയതിൽ പ്രതികരിച്ച് മുഖ്യമന്ത്രി പിണറായി വിജയൻ. കുടുംബമായതിനാലാണ് അവരെ കൂടെക്കൂട്ടിയതെന്നും ഇതിന് മുമ്പും കൂടെക്കൂട്ടിയിട്ടുണ്ടെന്നും അദ്ദേഹം വാർത്താ സമ്മേളനത്തിൽ പറഞ്ഞു.
വിഴിഞ്ഞം സന്ദർശന സമയത്ത് മകളേയും പേരക്കുട്ടിയേയും ഒപ്പം കൂട്ടിയത് വിവാദങ്ങൾക്ക് വഴിവെച്ചിരുന്നു. സാമൂഹിക മാധ്യമങ്ങളിൽ അടക്കം വൻതോതിൽ വിമർശനം ഉയർന്നിരുന്നു. മുഖ്യമന്ത്രിയുടെ ഔദ്യോഗിക വാഹനത്തിലുള്ളയാത്രയിലും വിമർശനം ഉയർന്നിരുന്നു. തുടർന്ന് വാർത്താ സമ്മേളനത്തിൽ വെച്ച് മാധ്യമങ്ങളുടെ ചോദ്യത്തിന് മറുപടിയായാണ് അദ്ദേഹം ഇക്കാര്യം വ്യക്തമാക്കിയത്.
'എന്റെ മകളും മകളുടെ കുട്ടിയും ആയതുകൊണ്ടാണ് എന്റെ കൂടെ ഉണ്ടായത്. അത് സ്വാഭാവികമാണ്. ആ കുട്ടി ചെറുതായിരിക്കുമ്പോൾ തന്നെ ചില എക്സിബിഷനുകളിൽ പോകുമ്പോൾ ഞാൻ എടുത്തുനടന്നത് നിങ്ങൾ കണ്ടതല്ലേ. വിഴിഞ്ഞത്തേക്ക് പോയത് അവിടത്തെ കാര്യങ്ങൾ കാണാനാണ്. ചിലർ ഉന്നയിച്ചത് ഈ കാറിൽ വരണമായിരുന്നോ എന്നാണ്? ഞാൻ ആ കാറിൽ തന്നെ അവരെ കൂട്ടി എന്ന് മാത്രേയുള്ളൂ. വിഴിഞ്ഞത്ത് പ്രധാനമന്ത്രിയുടെ സുരക്ഷയല്ല വിലയിരുത്തിയത്. ശശി തരൂർ അവിടെ പോയില്ലേ. ശശി തരൂർ പോയിട്ട് പ്രധാനമന്ത്രിയുടെ സുരക്ഷയാണോ വിലയിരുത്തിയത്. അത് വിലയിരുത്താൻ പ്രത്യേക സംവിധാനങ്ങളില്ലേ?', മുഖ്യമന്ത്രി ചോദിച്ചു.

'കൂടെക്കൂട്ടിയത് എന്റെ മകളും മകളുടെ കുട്ടിയുമായതിനാൽ'; വിവാദത്തിൽ പ്രതികരിച്ച് മുഖ്യമന്ത്രി

കോഴിക്കോട്: ട്യൂഷന്‍ കഴിഞ്ഞ് വീട്ടിലേക്ക് മടങ്ങുകയായിരുന്ന 15 വയസ്സുകാരിക്കെതിരെ അതിക്രമം നടത്തിയ രണ്ട് ഇതര സംസ്ഥാന തൊഴിലാളികളെ കസബ പോലീസും ടൗണ്‍ അസി. കമ്മിഷണര്‍ അഷ്‌റഫ് ടി.കെ.യുടെ നേതൃത്വത്തിലുള്ള സിറ്റി ക്രൈം സക്വാഡും ചേര്‍ന്ന് പിടികൂടി. ബിഹാര്‍ കിഷന്‍ഗഞ്ച് സ്വദേശികളായ ഫൈസാന്‍ അന്‍വര്‍ 36, ഹിമാന്‍ അലി 18 എന്നിവരെയാണ് അറസ്റ്റ് ചെയ്തത്.
ഈ മാസം 28-ാം തീയതിയാണ് സംഭവം. നഗരത്തില്‍നിന്ന് ട്യൂഷന്‍ കഴിഞ്ഞ് ബസ്സിറങ്ങി വീട്ടിലേക്ക് മടങ്ങുകയായിരുന്ന പതിനഞ്ചുവയസ്സുകാരിയെ പിന്തുടര്‍ന്ന് പ്രതികള്‍ അതിക്രമം നടത്തുകയായിരുന്നു. ചെറുത്തുനിന്ന പെണ്‍കുട്ടി നിലവിളിച്ച് ഓടിരക്ഷപ്പെടുകയായിരുന്നു. സംഭവത്തിനുശേഷം പ്രതികള്‍ രക്ഷപ്പെട്ടു.തുടര്‍ന്ന് കസബ പോലീസ് കേസെടുത്ത് അന്വേഷണം നടത്തി വരുകയായിരുന്നു.സംഭവ സ്ഥലത്തിനടുത്തുള്ള നിരവധി സിസിടിവി ദൃശ്യങ്ങളും ഇതര സംസ്ഥാന തൊഴിലാളികള്‍ പ്രദേശത്ത് കൂട്ടമായി താമസിച്ചുവരുന്ന സ്ഥലത്തും പരിശോധന നടത്തിയാണ് പോലീസ് പ്രതികളിലേക്കെത്തിയത്. സംഭവസ്ഥലത്തുനിന്ന് കിട്ടിയ സിമന്റ് പുരണ്ട ഒരു ചെരുപ്പാണ് കേസില്‍ വഴിത്തിരിവാകുന്നത്. കെട്ടിട നിര്‍മാണ തൊഴില്‍ ഏര്‍പ്പെട്ട ഇതരസംസ്ഥാന തൊഴിലാളികളാണ് പ്രതികളാണെന്ന് ഇതില്‍നിന്ന് പോലീസിന് മനസ്സിലായി. തുടര്‍ന്ന് ഇന്ന് ചാലപ്പുറം ഭജനകോവില്‍ റോഡിലെ ഇതരസംസ്ഥാന തൊഴിലാളികള്‍ കൂട്ടമായി താമസിക്കുന്ന സ്ഥലത്തുനിന്ന് പ്രതികളെ കണ്ടെത്തി അറസ്റ്റ് ചെയ്യുകയായിരുന്നു.

കോഴിക്കോട് ട്യൂഷന്‍ കഴിഞ്ഞ് മടങ്ങുകയായിരുന്ന 15 വയസ്സുകാരിക്കെതിരെ അതിക്രമം; പ്രതികള്‍ പിടിയില്‍

Kozhikode

തിരുവനന്തപുരം: കേരളത്തിന്റെ സ്വപ്നപദ്ധതിയായ വിഴിഞ്ഞം അന്താരാഷ്ട്ര തുറമുഖം രാജ്യത്തിന് സമർപ്പിക്കുന്നതിനായി വ്യാഴാഴ്ച പ്രധാനമന്ത്രി നരേന്ദ്രമോദി തിരുവനന്തപുരത്തെത്തും. വെള്ളിയാഴ്ച രാവിലെ 11-ന് തുറമുഖത്ത് തയ്യാറാക്കിയ പ്രത്യേകവേദിയിൽ പൂർണതോതിൽ പ്രവർത്തനമാരംഭിച്ച തുറമുഖത്തിന്റെ ഔദ്യോഗിക ഉദ്ഘാടനം പ്രധാനമന്ത്രി നിർവഹിക്കും.
മുഖ്യമന്ത്രി പിണറായി വിജയൻ, ഗവർണർ രാജേന്ദ്ര ആർലേക്കർ, കേന്ദ്ര തുറമുഖവകുപ്പ് മന്ത്രി സർബാനന്ദ സോനോവാൾ, കേന്ദ്രമന്ത്രിമാരായ സുരേഷ് ഗോപി, ജോർജ് കുര്യൻ, മന്ത്രി വി.എൻ. വാസവൻ, ശശി തരൂർ എംപി, അദാനി ഗ്രൂപ്പ് ചെയർമാൻ ഗൗതം അദാനി തുടങ്ങിയവർ പങ്കെടുക്കും.വ്യാഴാഴ്ച വൈകീട്ട് 7.50-ന് തിരുവനന്തപുരം വിമാനത്താവളത്തിലെത്തുന്ന പ്രധാനമന്ത്രി നേരേ രാജ്ഭവനിലേക്ക് പോകും. വെള്ളിയാഴ്ച രാവിലെ 9.30-ന് രാജ്ഭവനിൽനിന്ന് പാങ്ങോട് സൈനികകേന്ദ്രത്തിലേക്കും അവിടെനിന്ന് ഹെലികോപ്റ്ററിൽ വിഴിഞ്ഞം തുറമുഖത്തുമെത്തും.10.30-ന് വിഴിഞ്ഞത്തെത്തുന്ന പ്രധാനമന്ത്രി എംഎസ്‌സി സെലസ്റ്റിനോ മരസ്കാ എന്ന മദർഷിപ്പിനെ സ്വീകരിക്കും. തുടർന്ന് തുറമുഖം സന്ദർശിച്ചശേഷമായിരിക്കും പൊതുസമ്മേളനത്തിൽ പങ്കെടുക്കുക.&nbsp;

പ്രധാനമന്ത്രി ഇന്നെത്തും; വിഴിഞ്ഞം തുറമുഖം നാളെ രാജ്യത്തിന് സമർപ്പിക്കും

ചെന്നൈ : തമിഴ് സൂപ്പർ താരം അജിത്തിന് പരിക്കേറ്റതിനെ തുടർന്ന് ആശുപത്രിയിൽ പ്രവേശിപ്പിച്ചു. ഡൽഹിയിൽ രാഷ്ട്രപതി ദ്രൗപദി മുർമുവിൽ നിന്ന് പദ്മ പുരസ്കാരം ഏറ്റുവാങ്ങിയ ശേഷം ചെന്നൈയിൽ എത്തിയ അജിത്തിനെ സ്വീകരിക്കാൻ വൻ ജനക്കൂട്ടം ആണ് എത്തിയത്. ആരാധകരുടെ തിക്കിലും തിരക്കിലും പെട്ടാണ് അജിത്തിന് കാലിൽ പരിക്കേറ്റത്.
പരിക്കേറ്റ അജിത്തിനെ ചെന്നൈ അപ്പോളോ ആശുപത്രിയിൽ പ്രവേശിപ്പിക്കുകയുംഫിസിയോ തെറാപ്പിക്ക് വിധേയനാക്കുകയും ചെയ്തു. പേടിക്കേണ്ട് സാഹചര്യമില്ലെന്നും ചെറിയ പരിക്കാണ് നടന് ഉള്ളതെന്നും അജിത്തുമായി ബന്ധപ്പെട്ട വൃത്തങ്ങൾ അറിയിച്ചു.&nbsp;

നടൻ അജിത്തിന് പരിക്ക്,​ ആശുപത്രിയിൽ പ്രവേശിപ്പിച്ചു

വടകര: പി.കെ.ദിവാകരനെ സിപിഎം ജില്ലാ കമ്മിറ്റിയില്‍ നിന്ന് ഒഴിവാക്കിയ നടപടി വടകര ഏരിയാ കമ്മിറ്റി യോഗത്തില്‍ കടുത്ത വിമര്‍ശനത്തിന് ഇടയാക്കി. 21 അംഗ ഏരിയാ കമ്മിറ്റി യോഗത്തില്‍ മൂന്നോ നാലോ പേരൊഴികെ മറ്റുള്ളവരെല്ലാം നടപടിയെ കടുത്ത ഭാഷയില്‍ വിമര്‍ശിച്ചതായാണ് വിവരം. ന്യായീകരണമില്ലാത്ത നടപടിയായിപ്പോയെന്ന് ഇവരെല്ലാം പറഞ്ഞു.
സംസ്ഥാന കമ്മിറ്റി അംഗം കെ.കെ.ലതിക, ജില്ലാ സെക്രട്ടറി എം.മഹബൂബ്, ജില്ലാ കമ്മിറ്റി അംഗങ്ങളായ സി.ഭാസ്‌കരന്‍, കെ.ടി.കുഞ്ഞിക്കണ്ണന്‍ എന്നിവര്‍ പങ്കെടുത്ത ഏരിയാ കമ്മിറ്റി യോഗമാണ് ഇന്നലെ വടകരയില്‍ നടന്നത്.&nbsp;
യോഗത്തില്‍ പങ്കെടുത്തവരൊക്കെ പി.കെ.ദിവാകരനെതിരായ നടപടിയെ വിമര്‍ശിച്ചു. അണികളുടെ വികാരം പങ്കുവെക്കും മട്ടിലാണ് ഇവരുടെ പ്രതികരണം. ഇപ്പോള്‍ നാട്ടില്‍ ഇറങ്ങി നടക്കാന്‍ പറ്റാത്ത സ്ഥിതിയായെന്ന് ഇവര്‍ പറഞ്ഞു. ചിട്ടയായി നടന്ന ജില്ലാ സമ്മേളനത്തിന്റെ ശോഭ കെടുത്തും മട്ടിലായി നടപടി. പലരും അംഗത്വം പുതുക്കാന്‍ പോലും തയ്യാറാകാത്ത സാഹചര്യമാണ്.തദ്ദേശ തെരഞ്ഞെടുപ്പ് നടക്കാന്‍ പോകുകയാണെന്ന കാര്യവും അംഗങ്ങള്‍ ഓര്‍മിപ്പിച്ചു. ജില്ലാ സമ്മേളനം കൈക്കൊണ്ട തീരുമാനം തിരുത്താതെ മുന്നോട്ടുപോകാനാവില്ലെന്ന നിലപാടാണ് യോഗത്തിലുയര്‍ന്നത്.യോഗത്തിലെ പൊതുവികാരം നേതാക്കള്‍ മേല്‍കമ്മിറ്റിക്ക് റിപ്പോര്‍ട്ട് ചെയ്യും.&nbsp;

പി.കെ.ദിവാകരനെ സിപിഎം ജില്ലാ കമ്മിറ്റിയില്‍ നിന്ന് ഒഴിവാക്കിയ നടപടി ;ഏരിയാ കമ്മിറ്റി യോഗത്തില്‍ രൂക്ഷ വിമര്‍ശനം

വടകര : സി.പി.എം. ജില്ലാകമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കിയതിനെതിരെ പ്രതിഷേധം തുടരുന്നു. ബുധനാഴ്ച മണിയൂര്‍ പഞ്ചായത്തിലെ മുടപ്പിലാവിലാണ് പ്രതിഷേധമുണ്ടായത്. മുടപ്പിലാവില്‍ സെന്റററില്‍ 25 പേരിലധികം വരുന്ന ചെറുപ്പക്കാര്‍ ദിവാകരനെ ഒഴിവാക്കിയതില്‍ പ്രതിഷേധിച്ച് പ്രകടനം നടത്തി. തിരുവള്ളൂരും സി.പി.എം. പ്രവര്‍ത്തകര്‍ പ്രതിഷേധ പ്രകടനം നടത്തിയിരുന്നു.
'തെറ്റില്ലാത്ത മനുഷ്യരില്ല. തെറ്റാണെന്ന് ബോധ്യപ്പെട്ടാല്‍, തെറ്റുതിരുത്തുക കൂടെച്ചേരുക. പ്രൈവറ്റ് ലിമിറ്റഡ് കമ്പനിയല്ല. കുടിപ്പക വെച്ചുപുലര്‍ത്താതെ ഒന്നിച്ചൊന്നായ് മുന്നോട്ട്', എന്നീ മുദ്രാവാക്യങ്ങളാണ് പ്രതിഷേധിച്ചവര്‍ മുഴക്കിയത്.
പാലയാട് കഴിഞ്ഞദിവസം അണികള്‍ പരസ്യപ്രതിഷേധം നടത്തിയിരുന്നു. തിങ്കളാഴ്ച രാത്രി അന്‍പതോളം പ്രവര്‍ത്തകരാണ് പ്രകടനം നടത്തിയത്. തുറശ്ശേരി മുക്കില്‍നിന്നായിരുന്നു പ്രകടനം ആരംഭിച്ചത്. പ്രതിഷേധം ശക്തമാകുന്നതിനിടെ പാര്‍ട്ടി അംഗത്വം പുതുക്കലിനോടും പ്രവര്‍ത്തകര്‍ നിസ്സഹകരിക്കാന്‍ നീക്കമുണ്ടെന്ന് വിവരമുണ്ടായിരുന്നു.ദിവാകരനെ ഒഴിവാക്കിയതിനെതിരേ സംസ്ഥാനനേതൃത്വത്തിന് വടകര മേഖലയില്‍നിന്നും ജില്ലയുടെ മറ്റുഭാഗങ്ങളില്‍നിന്നും പരാതികള്‍ വരുന്നുണ്ട്. കത്തായും ഇ- മെയിലായും വാട്‌സാപ്പ് സന്ദേശമായും ഒട്ടേറപ്പേര്‍ പരാതി അയച്ചിരുന്നു. സംസ്ഥാനനേതാക്കളെ വിളിച്ചും ചിലര്‍ പ്രതിഷേധം അറിയിച്ചു.

പി.കെ ദിവാകരനെ ഒഴിവാക്കിയതിൽ സിപിഎമ്മിൽ പ്രതിഷേധമൊഴിയുന്നില്ല ;വീണ്ടും പ്രകടനം

കോഴിക്കോട്: സി.പി.എമ്മിന്റെ കോഴിക്കോട് ജില്ലാ സമ്മേളനവുമായി ബന്ധപ്പെട്ട് മാധ്യമങ്ങളിലും സാമൂഹികമാധ്യമങ്ങളിലും നടക്കുന്ന പ്രചാരണങ്ങള്‍ക്ക് അടിസ്ഥാനമില്ലെന്നും അവ തള്ളിക്കളയണമെന്നും ജില്ലാ കമ്മിറ്റി പ്രസ്താവനയില്‍ ആവശ്യപ്പെട്ടു. പാര്‍ട്ടിയില്‍ വിഭാഗീയതയും നേതാക്കളുടെ പക്ഷം പിടിച്ചുള്ള മത്സരവുമാണെന്നൊക്കെയാണ് ചില മാധ്യമങ്ങള്‍ വാര്‍ത്ത കൊടുക്കുന്നതെന്നും പ്രസ്താവനയില്‍ വിമര്‍ശനമുണ്ട്.
പി.കെ. ദിവാകരന്‍ ജില്ലാ കമ്മിറ്റിയില്‍നിന്ന് ഒഴിവാക്കപ്പെട്ടതിനേക്കുറിച്ചും പ്രസ്താവനയില്‍ വിശദീകരിക്കുന്നുണ്ട്. സമ്മേളന പ്രതിനിധികളാണ് കമ്മിറ്റി അംഗങ്ങളെ തെരഞ്ഞെടുക്കുന്നത്. വടകരയില്‍ നടന്ന സമ്മേളനം അംഗീകരിച്ച 47 പേരുടെ പാനല്‍ പി.കെ. ദിവാകരന്‍ ഉള്‍പ്പെടെയുള്ള പ്രതിനിധികള്‍ അംഗീകരിച്ചതാണ്. തന്നെ പാനലില്‍ ഉള്‍പ്പെടുത്തിയില്ല എന്ന നിലയിലുള്ള വിവാദങ്ങളെ ഉയര്‍ന്ന കമ്യൂണിസ്റ്റ് സംഘടനാബോധത്തോടെ പി.കെ. ദിവാകരന്‍ തന്നെ തള്ളിക്കളഞ്ഞിട്ടുണ്ടെന്നും പ്രസ്താവനയില്‍ പറയുന്നു.
നിയമനകോഴയില്‍ പങ്കുള്ളതുകൊണ്ടാണ് മുന്‍ എന്‍.ജി.ഒ. യൂണിയന്‍ നേതാവിനെ ജില്ലാകമ്മറ്റിയില്‍നിന്ന് ഒഴിവാക്കിയതെന്നത് അടിസ്ഥാനമില്ലാത്ത ആരോപണമാണെന്നും പ്രസ്താവനയിലുണ്ട്. മറ്റ് ബൂര്‍ഷ്വാ പാര്‍ട്ടികള്‍ക്കൊന്നും ചിന്തിക്കാന്‍പോലും കഴിയാത്ത ആശയരൂപീകരണത്തിന്റെയും സംഘടനാക്രമീകരണത്തിന്റെയും ജനാധിപത്യപ്രക്രിയയാണ് സി.പി.എം. പോലുള്ള പാര്‍ട്ടികള്‍ സമ്മേളനങ്ങളിലൂടെ കൃത്യമായി നടത്തിവരുന്നത്. ഇതില്‍ അസ്വസ്ഥരായ മാധ്യമങ്ങളും പാര്‍ട്ടിശത്രുക്കളുമാണ് അടിസ്ഥാനമില്ലാത്ത ആരോപണങ്ങള്‍ ഉന്നയിച്ച് വിവാദങ്ങള്‍ സൃഷ്ടിച്ച് പാര്‍ട്ടിയെ താറടിച്ചുകാണിക്കാന്‍ തുടര്‍ച്ചയായി ശ്രമിച്ചുകൊണ്ടിരിക്കുന്നതെന്നും പ്രസ്താവന പറയുന്നു.

നടക്കുന്നത് പാർട്ടിവിരുദ്ധ പ്രചാരണം ; ജാഗ്രത പുലര്‍ത്തണമെന്ന് സിപിഎം ജില്ലാ കമ്മിറ്റി

മണിയൂർ: സി.പി.എം ജില്ലാ കമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കിയതിനെതിരെ പ്രവര്‍ത്തകരുടെ പ്രതിഷേധം. മണിയൂര്‍ തുറശ്ശേരി മുക്കില്‍ നാല്‍പതോളം പേര്‍ പ്രതിഷേധ പ്രകടനം നടത്തി.
പാര്‍ട്ടിയില്‍ തോന്നിയപോലെ തീരുമാനമെടുക്കാമെന്ന് ആരും കരുതേണ്ടെന്ന് പ്രവര്‍ത്തകര്‍ മുദ്രാവാക്യം വിളിച്ചു. ഡി.വൈ.എഫ്.ഐ മുന്‍ ജില്ലാ പ്രസിഡന്റും വടകര ഏരിയ സെക്രട്ടറിയും ആയിരുന്നു പി.കെ ദിവാകരന്‍.
വടകരയില്‍ നടന്ന സി.പി.എം ജില്ലാ സമ്മേളനത്തിലാണ് പി.കെ ദിവാകരന്‍ ഉള്‍പ്പെടെ 11 പേരെ ഒഴിവാക്കുകയും 13 പേരെ പുതുതായി ഉള്‍പ്പെടുത്തുകയും ചെയ്തത്. ഇതിന് പിന്നാലെ സോഷ്യല്‍ മീഡിയയില്‍ ദിവാകരനെ അനുകൂലിച്ചും നേതൃത്വത്തെ വിമര്‍ശിച്ചും പോസ്റ്റുകള്‍ പ്രത്യക്ഷപ്പെട്ടിരുന്നു.
ദിവാകരനെ ജില്ലാ കമ്മിറ്റിയില്‍നിന്ന് ഒഴിവാക്കിയതിനൊപ്പം വടകര നഗരസഭാ അധ്യക്ഷ കെ.പി ബിന്ദുവിനെ ഉള്‍പ്പെടുത്തിയതും പ്രതിഷേധത്തിന് കാരണമായി.

ജില്ലാ കമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കി; തുറശ്ശേരി മുക്കില്‍സിപിഎം പ്രവര്‍ത്തകരുടെ പ്രതിഷേധം

ജില്ലാ കമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കി; തുറശ്ശേരി മുക്കില്‍ സിപിഎം പ്രവര്‍ത്തകരുടെ പ്രതിഷേധം

വടകര: സി.പി.എം കോഴിക്കോട് ജില്ലാ സെക്രട്ടറിയായി എം. മെഹബൂബ് തിരഞ്ഞെടുക്കപ്പെട്ടു. വടകരയില്‍ നടന്ന സി.പി.എം ജില്ലാ സമ്മേളനത്തിലാണ് പുതിയ സെക്രട്ടറിയെ തിരഞ്ഞെടുത്തത്.
കണ്‍സ്യൂമര്‍ ഫെഡ് ചെയര്‍മാനും പാര്‍ട്ടി ജില്ലാ സെക്രട്ടറിയേറ്റ് അംഗവുമാണ് മെഹബൂബ്. ദീര്‍ഘകാലം കോഴിക്കോട് ജില്ലാ സഹകരണ ബാങ്ക് പ്രസിഡന്റായും സംസ്ഥാന സഹകരണ ബാങ്ക് പ്രസിഡന്റായും കേരഫെഡ് വൈസ് ചെയര്‍മാനായും വിവിധ അപെക്‌സ് സഹകരണ സ്ഥാപനങ്ങളുടെ ഭരണസമിതി അംഗമായും പ്രവര്‍ത്തിച്ചിട്ടുണ്ട്.ജില്ലാ സെക്രട്ടറിയേറ്റ് നിര്‍ദ്ദേശിച്ച പേര് ജില്ലാ കമ്മറ്റി അംഗീകരിക്കുകയായിരുന്നു. നിലവിലെ ജില്ല സെക്രട്ടറിയായ പി. മോഹനന്‍ മൂന്ന് ടേം പൂര്‍ത്തിയാക്കിയതിനെ തുടര്‍ന്ന് സെക്രട്ടറി സ്ഥാനത്ത് നിന്ന് മാറുകയായിരുന്നു.

എം മെഹബൂബ് സി.പി.എം കോഴിക്കോട് ജില്ലാ സെക്രട്ടറി

കോഴിക്കോട്: നാദാപുരം ഷിബിൻ വധക്കേസിൽ ജയിലിൽ കഴിയുന്ന യൂത്ത് ലീ​ഗ് പ്രവ‍‍ർത്തകരെ ജയിലിലെത്തി സന്ദർശിച്ച് യൂത്ത് ലീ​ഗ് ദേശീയ വൈസ് പ്രസിഡന്റ് മുഈനലി ഷിഹാബ് തങ്ങൾ. യൂത്ത് ലീ​ഗ് നാ​ദാപുരം നിയോജകമണ്ഡലം ജനറൽ സെക്രട്ടറി ഇ. ഹാരിസിനൊപ്പമാണ് മുഈനലി തങ്ങൾ തവനൂർ സെൻട്രൽ ജയിലിൽ എത്തിയത്.പ്രതികളുടെ നിരപരാധിത്വം തെളിയിക്കാന്‍ മുസ്ലീം ലീ​ഗ് രാജ്യസഭാം​ഗം അഡ്വ ഹാരിസ് ബീരാന്റെ നേതൃത്വത്തിൽ സുപ്രീം കോടതിയിൽ നിയമനടപടികൾ ആരംഭിച്ചിട്ടുണ്ടെന്ന് ജയിലിന് മുമ്പിലുള്ള ഫോട്ടോയ്ക്കൊപ്പം മുഈനലി ഷിഹാബ് തങ്ങൾ ഫേസ്ബുക്കിൽ കുറിച്ചു.
2015 ജനുവരി 22-നാണ് കോഴിക്കോട് തൂണേരി സ്വദേശിയും ഡിവൈഎഫ്ഐ പ്രവർത്തനുമായിരുന്ന ഷിബിൻ കൊല്ലപ്പെട്ടത്. കേസിലെ മുഴുവൻ പ്രതികളേയും വിചാരണ കോടതി വെറുതെ വിട്ടിരുന്നെങ്കിലും 2024 ഒക്ടോബർ 15-ന് ഹൈക്കോടതി ജീവപര്യന്തം തടവിന് ശിക്ഷിക്കുകയായിരുന്നു.&nbsp;

തൂണേരി ഷിബിൻ വധക്കേസ് ; പ്രതികളായ യൂത്ത് ലീ​ഗ് പ്രവർത്തകരെ ജയിലിൽ സന്ദർശിച്ച് മുഈനലി ഷിഹാബ് തങ്ങൾ

കോഴിക്കോട്: കോഴിക്കോട് ഡിസിസി പ്രസിഡന്റിനെതിരെ ഉള്ളിയേരിയിൽ പോസ്റ്ററുകൾ പ്രത്യക്ഷപ്പെട്ടു. അഡ്വക്കേറ്റ് കെ പ്രവീൺകുമാറിനെതിരെയാണ് ഉള്ളിയേരിയിൽ പോസ്റ്ററുകൾ പ്രത്യക്ഷപ്പെട്ടത്. പ്രവർത്തകരെ പുറത്താക്കി ഗിന്നസ് റെക്കോർഡ് നേടാൻ ശ്രമിക്കുന്നുവെന്നാണ് വിമർശനം.
പാർട്ടിയിലെ അഭിപ്രായവ്യത്യാസങ്ങൾ പരിഹരിക്കാതെ പക്ഷപാതപരമായി പെരുമാറുന്നുവെന്നും പോസ്റ്ററിൽ ആരോപണമുണ്ട്. അധികാര ദുർവിനിയോഗം നടത്തി പാർട്ടിയെ നശിപ്പിച്ചു, ഐസിയുവിൽ ആയ പാർട്ടിയെ വെന്റിലേറ്ററിലാക്കി, കൗരവസേനയെ വളർത്തി ജയിക്കാമെന്ന് വ്യാമോഹിക്കേണ്ട എന്നിങ്ങനെ രൂക്ഷമായ പരാമർശങ്ങൾ പേസ്റ്ററിലുണ്ട്. പ്രവീൺ കുമാർ എവിടെ മത്സരിച്ചാലും തോൽപ്പിക്കുമെന്നും പോസ്റ്ററിൽ വെല്ലുവിളിച്ചിട്ടുണ്ട്. ഉള്ളിയേരി പഞ്ചായത്ത് പ്രസിഡന്റിൻ്റെ അഴിമതിക്കും ധിക്കാരത്തിനും കുടപിടിക്കുന്നുവെന്നും പോസ്റ്ററുകളിലെ വിമശനങ്ങളിൽ ചൂണ്ടിക്കാണിച്ചിട്ടുണ്ട്. കഴിഞ്ഞദിവസം ബ്ലോക്ക് പഞ്ചായത്ത് വൈസ് പ്രസിഡണ്ട് ടി ഹരിദാസിനെ പാർട്ടിയിൽ നിന്നും പുറത്താക്കിയിരുന്നു. ഇതിന് പിന്നാലെയാണ് പോസ്റ്റർ പ്രത്യക്ഷപ്പെട്ടിരിക്കുന്നത്.

'എവിടെ മത്സരിച്ചാലും തോൽപ്പിക്കും' ; കോഴിക്കോട് ഡിസിസി പ്രസിഡന്റ് അഡ്വ കെ പ്രവീൺകുമാറിനെതിരെ പോസ്റ്ററുകൾ

വടകര: സി.പി.എം. ഏരിയാസമ്മേളനങ്ങൾക്ക് തുടക്കംകുറിച്ച് നടന്ന ആദ്യ ഏരിയാസമ്മേളനത്തിൽത്തന്നെ ഔദ്യോഗിക പാനലിനെതിരേ മത്സരം. ഞായറാഴ്ച നടന്ന വടകര ഏരിയാസമ്മേളനത്തിലാണ് നാലുപേർ ഔദ്യോഗിക പാനലിനെതിരേ മത്സരിച്ചത്. ആദ്യ ഏരിയാസമ്മേളനമായതിനാൽ മത്സരം പാടില്ലെന്ന് നേതൃത്വത്തിന്റെ മുന്നറിയിപ്പുണ്ടായിരുന്നു. ഇത് അവഗണിച്ചായിരുന്നു മത്സരം. മത്സരിച്ചവർ പരാജയപ്പെട്ടെങ്കിലും ഇവർ മത്സരിക്കാനിടയായ സാഹചര്യം പാർട്ടിക്കുള്ളിൽ ചർച്ചയായിട്ടുണ്ട്.
വടകര ഏരിയാ കമ്മിറ്റിയിലേക്ക് സമീപകാലത്തൊന്നും മത്സരം നടന്നിട്ടില്ല. മുൻ ഏരിയാ കമ്മിറ്റി അംഗവും മണിയൂർ പഞ്ചായത്ത് പ്രസിഡന്റുമായ ടി.കെ. അഷ്‌റഫ്, സി.ഐ.ടി.യു. നേതാവ് വേണു കക്കട്ടിൽ, സി.പി.എം. നടക്കുതാഴ നോർത്ത് ലോക്കൽ സെക്രട്ടറി വത്സൻ കുനിയിൽ, പൊന്മേരി ലോക്കലിലെ ടി.പി. ദാമോദരൻ എന്നിവരാണ് മത്സരിച്ചത്. ഏരിയാകമ്മിറ്റിയിലേക്ക് 21 പേരുടെ ഔദ്യോഗികപാനൽ അവതരിപ്പിച്ചതിന് പിന്നാലെയാണ് ഇവരുടെ പേരുകൾകൂടി നിർദേശിക്കപ്പെട്ടത്.
ഇതോടെ വോട്ടെടുപ്പ് നടന്നു. ആകെ 168 പ്രതിനിധികളാണ് സമ്മേളനത്തിൽ ഉണ്ടായിരുന്നത്. ഇതിൽ ഒരുവോട്ട് അസാധുവായി. ബാക്കിയുള്ള 167 വോട്ടുകളിൽ എല്ലാവോട്ടും കിട്ടിയത് ഔദ്യോഗിക പാനലിലെ ഒരാൾക്ക് മാത്രമാണ്.പാനലിനെതിരേ മത്സരിച്ചവരിൽ ഒരാൾക്ക് 77 വോട്ടുവരെ കിട്ടി. നിലവിലുള്ള സെക്രട്ടറി ഉൾപ്പെടെയുള്ള പ്രമുഖനേതാക്കൾക്ക് ഔദ്യോഗിക പാനലിലെ മറ്റുള്ളവരെക്കാൾ വോട്ടുകുറഞ്ഞതും നേതൃത്വത്തെ ഞെട്ടിച്ചിട്ടുണ്ട്.സംസ്ഥാനത്തെ ആദ്യ ഏരിയാസമ്മേളനമാണ് വടകരയിൽ നടന്നത്. ജില്ലാ സെക്രട്ടറി പി. മോഹനന്റെ സജീവസാന്നിധ്യം സമ്മേളനത്തിലുണ്ടായിരുന്നു.21 അംഗ ഏരിയാ കമ്മിറ്റിയിൽ മൂന്നുപേർ പുതുമുഖങ്ങളാണ്. വടകര നഗരസഭാ ചെയർപേഴ്‌സൺ കെ.പി. ബിന്ദു, ആയഞ്ചേരിയിൽനിന്നുള്ള മീത്തലെ കാട്ടിൽ നാണു, ചെമ്മരത്തൂർ ലോക്കൽ സെക്രട്ടറി പി.കെ. ശ്രീധരൻ എന്നിവരാണ് പുതുമുഖങ്ങൾ.

‌സി.പി.എം വടകര ഏരിയാസമ്മേളനം; മുന്നറിയിപ്പ് അവ​ഗണിച്ച് ഔദ്യോഗികപാനലിനെതിരെ മത്സരം

കണ്ണൂര്‍: എഡിഎം നവീന്‍ ബാബുവിന്റെ മരണം കൊലപാതകമാണെന്നു സംശയിക്കുന്നതായി ആര്‍.എം.പി നേതാവ് കെ.കെ.രമ എം.എല്‍.എ. നവീന്‍ ബാബുവിന്റെ ആത്മഹത്യത്തെയെത്തുടര്‍ന്ന് ഒളിവില്‍ പോയ മുന്‍ കണ്ണൂര്‍ ജില്ലാ പഞ്ചായത്ത് പ്രസിഡന്റ് പി.പി ദിവ്യയുടെ മുൻകൂർ ജാമ്യാപേക്ഷ കോടതി പരഗണിക്കുന്ന പശ്ചാത്തലത്തിലാണ്‌ കെ.കെ രമയുടെ ആരോപണം. വലിയ ഗൂഢാലോചന ഇതിനകത്ത് നടന്നിട്ടുണ്ടെന്നും കണ്ണൂരില്‍ നടക്കുന്ന ഒട്ടേറെ മരണങ്ങളുടെ തുടര്‍ച്ചയാണ് നവീന്‍ ബാബുവിന്റെ മരണത്തില്‍ എത്തി നില്‍ക്കുന്നതെന്നും കെ.കെ.രമ ആരോപിച്ചു.
'ഏറ്റവും നല്ല ഉദ്യോഗസ്ഥനാണെന്ന് ജില്ലാ സെക്രട്ടറി സാക്ഷ്യപ്പെടുത്തിയ ഒരാള്‍ക്കെതിരെയാണ് ഒരു ജില്ലാ പഞ്ചായത്ത് പ്രസിഡന്റ് അഴിമതി ആരോപണം ഉന്നയിക്കുന്നത്. അതു തന്നെ ദുരൂഹമാണ്. വളരെ കൃത്യമായ പ്ലാനിങ്ങാണ് ഇതിനുപിന്നിലുള്ളത്. വലിയ ആലോചന ഇതിനകത്ത് നടന്നിട്ടുണ്ട്. കണ്ണൂരില്‍ നടക്കുന്ന ഒട്ടേറെ മരണങ്ങളുടെ ഒരു തുടര്‍ച്ചയാണിത്. ദുരൂഹമാണ്. കൊലപാതകമാണ് എന്നു സംശയിക്കുന്ന എല്ലാ തെളിവുകളിലേക്കും നയിക്കുന്നുണ്ട്. നവീന്‍ ബാബുവിന്റെ മരണം അന്വേഷിച്ചു കണ്ടെത്തണം. അതിന് കേരളത്തിന് പുറത്തുള്ള ഒരു ഏജന്‍സിക്ക് മാത്രമേ ഇതു സാധിക്കുകയുള്ളൂ. ആ ഏജന്‍സിക്ക് അന്വേഷണം കൈമാറണം'-കെ.കെ രമ പറഞ്ഞു.

പുറത്തുള്ള ഏജന്‍സി അന്വേഷിക്കണം; നവീന്‍ ബാബുവിന്റെ മരണം കൊലപാതകമെന്ന് സംശയിക്കുന്നതായി കെ.കെ.രമ

Search Results for: listin stephen